1971
قناة للتوعيه والتثقيف الصحي والدوائي والمساعده https://tellonym.me/abbas.alazawi (من مجهول)
عدلو الساعه البيولوجيه بالنوم
يعني لاتنامون بالنهار وتسهرون بالليل
حاولو بالنهار تلهون نفسكم بأي شي مسلسل فلم قراءه طلعه اكل
اي شيييي يلهيكم
بالليل متشوفون نفسكم غير الا وانتو بسابع نومه 😎
والي كلش قافلين مدينامون ومافاد وياهم شي ؟
يستخدمون ميلاتونين كبسول
حبه عند الحاجه
وياخذوها بالليل قبل النوم بنص ساعه او ساعه
ويتمدد بفراشه ويطفي الضوه
الظلام كلش مهم للميلاتونين
وهذا امن وموجود بكل صيدليه
بس ما انصح باستخدامه من دون استشاره
الحامل والمرضع انتو ع صفحه عيني
😎
تره هسه ماطول شتا
الدبس والراشي وقته
لان بالصيف ماينراد 😂
ف دبس وراشي وصمون
اكله تموت وسهلة التحضير
لان كومه بيكم عجوزيه وميسوون اكل
واصلاً مياكلون لان يجوعون وميكومون يسوون اكل 🙂
https://www.calculator.net/bmi-calculator.html
هذا الموقع الانكليزي 👆
وهذا الموقع العربي مال مملكة البحرين الحلو بي ينطي نصائح ع كل وزن يطلع 👇
https://www.moh.gov.bh/HealthInfo/BMI
وحتى لا تدوخون كلش
اكو مواقع الكترونيه عربيه وانكليزيه
بيها
BMI calculator
حاسبة الBMI
ماتدوخون نفسكم
تدخلون بيها الطول والوزن وهو يحسبلكم
وينطيكم نصائح هم شتسوون حسب الوزن الي يطلعلكم
مثلا لنفرض
اني طولي 175 و وزنه 72
من نحسب بالمعادله الي نزلتها اقسم الوزن ع مربع الطول ( هسه يكولون احنا خلصنا من الرياضيات انوب هنا تلحكنا ) 🥲
فيطلع الناتج ونخلي ع قياس الbmi ونشوف احنا وين
، هذا يكون اضبط من المقياس اللي يكول اذا طولك 170 فكون وزنك 70 ، واذا 160 فكون وزنك 60 ، هالشي مو كلش مضبوط
كلش هواية تجيني استفسارات بهالصيغة :
اريد مشهي إليه لأن ضعيفة
…….
اكتساب الوزن صعب مثل صعوبة فقدان الوزن
اليوم راح اسولفلكم طرق نصائح وتجارب و تصرفات صح و غلط لأكتساب الوزن
جلال حسن
لا تصير لوتي وهاي حركاتك بطلهن من تعوف الكول وتطلع 😑😒
هو المينوكسيديل وقتي
يوقف التساقط خلال فترة استخدامة
بصراحة اني شخصياً ممقتنع بي كعلاج
لان ميحل المشكله
بس مقتنع بي كحاله اضطراريه او نسميها كأنو تدخل سريع للي عدهم تساقط كلش قوي يوقفه ( اني تشبيهاتي خاصه بيه ) 😂 كأنما نزف ودنوكفه
الف مره نبهت وحجيت ع كبسول المسمن والعسل المسمن والصخاااااااام المسمن
قبل لا اشتغل بشركة تبديل المفاصل جنت احجي بهالموضوع وانصح بس للاسف قناتنا ع كد حالنا صغيرونه وصوتنا مايوصل للشباب
والله الف مره انقهر ع الي دا اشوفه
شباب وبنات بعمر الورد يبدل مفصل
يعني جريييييييمه والله
وطبعاً اكو بنات او ولد اخذو المسمنات بسبب تعرضهم للتنمر
يا اخوان من تشوفون شخص ضعيف او سمين
لاتكولوله ( هاي ليش هيج ضعفان لو سمنان )
تره والله هو يدري بحاله ويشوف نفسه بس بسبب كلامكم ديحاولون مثل ميكول المثل ( الغركان يچلب بگشايه )
ويتجه لهذا المسار الغلط ويصدك بالاعلانات المزيفه للمشاهير الهابطين المليانات سليكون وعمليات نحت ويعلنون ع شي همه بنفسهم يخافون يجازفون يستخدموه
شويه خلو عدكم وعي وصحتكم اهم من كلشي
وللعلم ( عملية تبديل المفصل لاتقل عن 6-8 مليون فما فوق ) وبعد 20-25 سنه لازم يعيد العمليه ويركبون مفصل بعد اعقد واغلى
اللهم اني بلغت 💔
@abbas_alazawi
كروب ضد الخلفه وبي مليون و200 الف عضو
ع اساس امي الي دتجيب وتخلف وتشمر
😑
( احنا ليش ماعدنا بكلشي توازن ؟ )
لو مانخلف ابد لو نجيب درزن ؟
شهالمنطق !!
وطبعاً اكثر شي ينرفزني
من انشر استفتاء
والي يشوفون الاستفتاء كومه
والي يصوتون عليه قليل
عبالك جايبهم لانتخابات مجلس النواب 😡😑
منو يريد حبوب مقوي مال شعر
مجربة وعليها ريفيوات
والي استخدموها
حتى شافو فرق طلعلهم بيبي هير بالاماكن الي مابيها
بس شنو
كلش غاليه 🥲 توصل لل100 الف العلبه الوحده
لان هي غاليه بالاصل من الشركة والشحن مالتها من امريكا للعراق
انطوني اراءكم خاص او تيلونيم
سوري لان صار الفويز 6 دقايق
بس حتى اوضح اغلب النقاط المهمه بهالسؤال
عليكم السلام
اذا لطمة حمى
استخدمي سايكلوفير كريم
مسح مرتين باليوم
وترطيب هم
هاي كم وصفة تسمن بالأستمرار
1 . عسل و ككو تموعوه من قوالب كاملة او نستلة ككو و تموعوها او مغلفات الهوت جوكليت تفرغون جيس وي العسل و تضيفون حليب كامل الدسم و موزة ، يومية ينشرب ع الريگ
2 . عشرين حبّة زبيب ، 3 موزات و 3 كوب حليب سائل، وملعقتين حليب بودرة، وملعقة من السكر، وعشرة تمرايات و 3 ملاعق عسل طبيعي، تنحط بالخلاط و تنشرب مرتين باليوم
الشوفان (كويكر) مثل مكلتلكم بيها نسبة كاربوهيدرات و بروتينات عالية و بيها أكثر من طريقة حتى تتجنبون الملل
3 . الشوفان بالمكسّرات .. 4 ملاعق كبيرة من الشوفان و كوب من الحليب كامل الدسم و معلقة كبيرة من اي نوع كرزات و هم ينشرب مرتين باليوم و اذا تحبون تحطوله عسل لنتائج احسن
4 . الشوفان بالحليب والفواكه .. 3 ملاعق كبار شوفان تحطوها على كوبين من الحليب كامل الدسم وفوگاها أي نوع من الفواكه مثل الموز أو التفاح ، عرموط ، كيوي ، فراولة تين بكيفكم ، وهمين ممكن تضيفون العسلً
5. الشوفان والعسل .. ملعقتين من الشوفان تحطوها على كوب مي مغلي وفوگاه ملعقتين كبيرتين من العسل .. ينوخذ ع الريگ
6 . كوب حليب و 7 تمرات بالخلاط و تنشرب 3 مرات باليوم
7 . لوز و جوز مدگوگ و تمر و عسل تنعجن و تسووها كرات صغيرة و تاكلون 3 باليوم
8 . راشي و دبس و سمسم
9 . خاشوگه راشي ع علبة لبن سفن
10 . اخذوا مكملات غذائية فيتاميات ، أوميغا 3
اذا احد مجرب بعد وصفات و أكلات تزيد الوزن يشاركنا بيها
@abbas_alazawi
المحافظه ع الـ BMI ( مقياس كتلة الجسم ) ضمن النسبة الطبيعية عدا انه شكلكم حيبقه حلو ومرتب بس تكونون أبعد من غيركم من الأمراض ومعرضين أقل الها ، اقصد امراض السكر و القلب والجلطات و السكتات و غيرها
Читать полностью…
اول شي نبدي ، الوزن مو شي عشوائي و ع الشكل يبين واحد مليان لو ضعيف .. زين شلون واحد يعرف هو ضعيف لو طبيعي لو عنده زيادة وزن لو سمين لو كلش سمين
اكو مصطلح اختصاره BMI
هذا يعتمد ع طولكم ، و وزنكم
حنزللكم صورة توصلون بين طولكم بالمتر ووزنكم وتعرفون بيا منطقة انتو و ع اساسها تعرفون
AB Slim
اوف وين رجعتينا 😂
لا مدا اجيبه رغم شكد مطلوب مني ويدخلولي يريدوه
وتتذكرون وقتها حتى اني استخدمت شريط ع نفسي حتى اشوف الاعراض
وانطيته لولد عمي وبنات اقاربي واصدقاء مقربين ( حتى اذا بي اعراض او اثار جانبيه تبين )
وليومنا هذا مابي شي ( لان جان يجيني الاصلي من الشركة الام ) والي هو فعلاً يحتوي على نفس المواد المكتوبه ع العلبه
ومفحوص من وزارة الصحة اللبنانيه
المهم هو مابي شي اذا اصلي
بس نصيحتي الكم
جربو صيام متقطع
دايت ورياضه
والمنحفات كل الي بالسوك مو صحيح
بس الاي بي سلم اني شخصياً اثق بي بناءاً ع تجربة
والزنيكال هو كلش امن ( بس ميقطع شهيه ولا يحرق دهون )
اما البقيه كلاوات وتأذي وتسوي خفقان وتصعد الضغط
ايمن حسين
شويه شد حيلك وعوف النركيله
مابيك حيل تركض وضرباتك ممركز بيها
ايييييييي هيج اريدكم تنطون رأيكم الحقيقي بعيداً عن كلوبكم وحب الوطن 🤣
بحيث جانت نسبة التصويت للعراق فووووول
وهسه نزلت 😂
فديتكم شكد عاطفيين 🥹😂
اسباب تساقط الشعر هوايه :
الشسوار مدري سشوار والكوي 😑
الصبغ وقصر اللون
نقص الحديد
نقص الزنك
نقص الدي 3
مشاكل الغده الدرقيه
مشاكل هرمونيه
مشاكل نفسيه
هوايه مشاكل صارت 😑 واني ما احب المشاكل
سلام 🥹😂
اسف اذا جان الصوت مو واضح 🥲
واني اتفاعل من احجي فالهيدفون جان يتحرك 🙂
اجه ع بالي اكتبلكم هذا المنشور
اكو معلومة طبية لطيفه
اكو بالدماغ
الفص الخلفي للغده النخامية
يفرز هرمون اسمه ( الاوكسيتوسين )
ويسموه ايضاً ( هرمون الحب )
وافرازه هذا الهرمون مرتبط بالسلوكيات الايجابية ويأثر بشكل كبير على مشاعر الابوة والامومة وعلى الثقه وبناء العلاقات البشرية
وعادة نسبته بالاناث اعلى من الذكور
زين شنو الاشياء او الشغلات الي تحفز افراز هذا الهرمون :
1. العناق
2. الخروج مع الاصدقاء
3. التأمل
4. تناول الطعام مع من تحب
5. ممارسة العلاقات الحميمية
6. ممارسة الرياضة
7. الاستماع للموسيقى
8. تدليك الجسم
وطبعاً اكو منها ابر ( ينطوها للي عدها ولادة لان يساعد ع انقباض عضلات الرحم ) ويسموها ( طلگ صناعي)
ويزيد عند المرضع بافراز الحليب
وطبعاً اله علاقة مع هرمون الدوبامين والسيروتونين
والي يسموهن ذني ال3 هرمونات ب هرمونات السعادة
طبعاً هوايه بي حجي
بس نكتفي بهالمعلومات
@abbas_alazawi
هلو 😒
شلونكم 😏
ولو متسوون واهس واحد ينشر شي
بس يلا شنسوي 😑
ادري تريدون فويزات وفيديو للمعلومات الانشرها
عود ع الجايات 😏
المهم
الي يستخدمون الموبايل واللابتوب والي يقرون هوايه
يصير جفاف بعيونهم
ف حتى نحافظ عليها
اكو قطرات مرطبة للعين
هاي بين فتره وفتره واحد لازم يستخدمها ( بغض النظر عن الشركة ) المهم شركة زينه ومرطبه للعين
حتلاحظون شغله باستخدامها
والي مستخدميها اكيد منتبهين
يطلع من العيد مثل الرمل
يومياً
وشغله مهمه هم
لاتفركون عينكم اذا بيها حكه
تره فرك العين جداً خطر ⚠️
ممكن يوصل للعمى
هم صدك تره
تريدون اشرحلكم فويزات وفيديوات ؟
لو احذفها والعباس 😂