78
بیزیمله علاقه باغلاماق یول‌لاری: 👇👇 @sonmaz_vojoudi t.me/sonmaz_vojoudi
بیر دم دایان ای غافیل آدام! گؤر نه گزیرسن؟
عؤمرون بویو قاچماقدان ازل، سور نه گزیرسن؟
منده سنه تای بیر کورام، ای کور نه گزیرسن؟
آچ گؤزلری، گؤر اؤزلری، انسان اول، ای انسان!
📖#کور_اوزان
✍️#فرامرز_وجودی_سؤنمز
@faramarzvojoudi
یول وئرین، گول‌لر سپین، درد اوسته درمانیم گلیر
ال چالین، آلقیش دئیین، جان ایچره جانانیم گلیر .
ای گونش! وئر خوش خبر کؤنلومده قوپسون ولوله
آسلانیب دیر آل شفق‌دن موشتولوق جانیم گلیر
سن خلیفمسن دئمیش تانریم ازل انسانه، دوز
یانه دورسونلار خلائف! شاه شاهانیم گلیر
جامه ال وورماق حرامِ شرعی‌دیر گلسه صیام
گؤرسه‌ننمز، گلمه‌سین، خورشید تابانیم گلیر
دولدوران جان جامینین پیمانه‌سین شعبان‌دن
اوّل شوّاله تک پیوسته مستانیم گلیر
شاه درده سؤیله‌یین، «سؤنمز» سنی ایستیر حریف
قورخو یوخ غم لشگریندن چونکو لقمانیم گلیر
📖 #کور_اوزان
✍️#فرامرز_وجودی_سؤنمز
@faramarzvojoudi
عالم معناده بیر، پیرِ مغـان‌دیر کندیمیز.
چون صدف‌دیر، عمق معناده، نهان‌دیر کندیمیز.
بیر عمارت‌دیر، داشی سؤزدن، حیادن پرده‌سی.
سؤز دیاریندا، ادب مولکونده خان‌دیر کندیمیز.
بوردا بیتمیش سرو بویلو، قاش قیلینج، آی اوزلو‌لر
پارلایان اولدوزلار ایچره، سانکی دان‌دیر کندیمیز.
چوخ مقدس‌دیر، بیزه، بیر جان‌دیر آذربایجانیم؛
جان ایچینده بسله‌نن، بیر باشقا جان‌دیر کندیمیز.
سئیر ائدر شاعیرلری سؤزدن، چیچک‌لر دسته‌لر؛
گول چیچک‌دن شهد آلان، قایماق‌لی شان‌دیر کندیمیز.
پای وئریب‌دیر قونچا گول‌لر، باخ وطن توپراقینه
لاله‌لر واردیر دؤشونده، باغری قان‌دیر کندیمیز.
باشدا اوچ قارداش تاجی واردیر، ایاقدا خان آراز؛
»تَحْتُ الاَنهٰار« و »تَجْري« دن نشان دیر کندیمیز.
بیر گونش‌دیر، ظلمتِ جهل اوسته گؤی‌لردن دوغان،
جَهْل طورین ، بَرقِ اَیْمَن‌له، ووران‌دیر کندیمیز.
گؤزلری اوسته قدم قویسون، قوناقلار «سؤنمز»ین.
باتسا بیردن کیپریگی، گؤزلر یومان‌دیر مولانیم.
باتسا بیردن کیپریگی، گؤزلر یومان‌دیر کندیمیز
@faramarzvojoudi
▫️فرامرز_وجودی_سؤنمز
▫️دانیش انسان، دانیش انسان
ای اوره‌گی گئنیش انسان!
______
بیز آیری‌جا انسان‌لاریق
گل بیر اولاق تانیش انسان
تانری بیزی سیر یاراتمیش
دانیش انسان، دانیش انسان
ای اوره‌گی گئنیش انسان!
یئر اوزونده گؤی سَسی‌سن
کائناتین نفسی‌سن
تمدن‌لر سیمگه‌سی‌سن
دانیش انسان، دانیش انسان
ای اوره‌گی گئنیش انسان!
هوری سن‌سن، قیلمان سن‌سن
تانری سن‌سن، انسان سن‌سن
سؤزه معنا یازان سن‌سن
دانیش انسان، دانیش انسان
ای اوره‌گی گئنیش انسان!
دانیشساق‌دا هر بیر دیلده
داغیلساقدا هر بیر ائلده
بیر اولموشوق بیز اصیلده
دانیش انسان، دانیش انسان
ای اوره‌گی گئنیش انسان!
بیر دونیا وار، بیرده بیزیک
محبت‌دن دوشن ایزیک
اونلا مخمر، اونسوز بئزیک
دانیش انسان، دانیش انسان
ای اوره‌گی گئنیش انسان!
«سؤنمز» گلدین، گئتمه‌لی‌سن
بیل بوردا نه ائتمه‌لی‌سن
یارالتماسان، ایتمه‌لی‌سن
دانیش انسان، دانیش انسان
ای اوره‌گی گئنیش انسان!
@faramarzvojoudi
#دنیز_وجودی
#جشنواره_آلر_کمانچه
#ترکیه #آذربایجان #ایران
#پدیده_جشنواره
لینک👇
https://www.instagram.com/p/CB0uxw4gi7R/?igshid=eedvi3okv2lo
@faramarzvojoudi
#حکیم_ملا_محمد_فضولی
#معلم_عشق_و_انسانیت
#روز_معلم
#دانشگاه_آذربایجان
#سال_۱۳۹۷
#فرامرز_وجودی_سؤنمز
#آراز_وجودی
@faramarzvojoudi
باخاندا گؤزونه، گؤزلریم دولور
آی یازیق یالانچی، یازیق یالانچی
باغریم پارچالانیر، اوره‌گیم سولور
انسان‌لیق یولوندان آزیق یالانچی
آی یازیق یالانچی، یازیق یالانچی
📖#کور_اوزان
✍️#فرامرز_وجودی_سؤنمز
@faramarzvojoudi
چاتماقا تلسمه یولچو قارداشیم
یولون لذتی‌نی آلاسان گه‌رک
جیغیرلار اوستونده یالقیز آغاجین
بوینونا قولونو، سالاسان گه‌رک
یولدا کی چیچک‌ده سنی گؤزله‌ییر
داش‌دا کی اورک‌ده سنی گؤزله‌ییر
سن‌ده کی دیلک‌ده سنی گؤزله‌ییر
یول‌لارین یادیندا قالاسان گه‌رک
گؤره‌سن قانادین، اسن یئل لرین
توتاسان اوزانمیش تانری ال لرین
سریب سینن اوسته یارین تئل‌لرین
خیال ال‌لری ایله چالاسان گه‌رک
«سؤنمز»! توستولردیر اوجاق قول‌لاری
اؤزونده گئدگینن اوزاق یول‌لاری
فیکیر قویوسونا آتیب دول‌لاری
داش اوسته اوتوروب دالاسان گه‌رک.
@faramarzvojoudi
▫️#آراز_وجودی🎤
▫️#دنیز_وجودی🎶
@araz.deniz.music
@faramarzvojoudi
📙 صلح آغاجی
✍️ #فرامرز_وجودی_سؤنمز
.
.
شاعیر بسدی یوخولاردا یاتدیقین
آچ گؤزونو بو حیاتا نغمه قوش
سنین‌کی‌دیر سس‌سیز آخان عؤمور-گون
اودوزارسان بو گون‌لرین گئتسه بوش
چمن گولدو، چیچک آچدی، دینمه‌دین
خزان اولدو یارپاق دوشدو دینمه‌دین
یولداش‌لارین، بیر-بیر کؤچدو دینمه‌دین
بیر سن قالدین، بیر ناله‌لی غملی قوش
حیات سنه بیر سؤز دئییر سن آلسان:
من سنین‌ام جسارت‌له اوجالسان
لیل سو اولسان، ساکیت دور دورالارسان
دورو اولسان داغ دؤشونده قاینا جوش
«سؤنمز» نه‌دیر؟! سؤنوب بوزا بوروننم
دیزین-دیزین دالیسینجا سوروننم
کرم کیمی، کول ایچینده گؤروننم
بیر گؤز اوجو باخیش منه گلسه خوش
.
🌻🌼🌸🍁🍀🍁
@faramarzvojoudi
▫️هر اینسان اوغلونون ایکی عؤمرو وار
▫️فرامرز_وجودی_سؤنمز
_____
هر اینسان اوغلونون، ایکی عؤمرو وار
بیری آییق کئچه‌ر، بیری یوخودا
یومجاق گؤزلرینی گئرچک عالمه
سئودیگین عالمه، یورو یوخودا
.
یوخولار عالمی سیرله دولوبدو
فیکیرلر آتینا، میدان اولوبدو
دیرینی گؤرورسن گاهدان اؤلوبدو
اؤلونو گؤرورسن، دیری یوخودا
.
هئچ کیمین قاپی‌سین باشقاسی آشماز
هئچ کیمین سؤزلری باشقاسین ساشماز
بیر-ایکی آددیم‌دان آرتیقین قاشماز
یوخو قانادلارین، قورو یوخودا
.
زمانین بؤلگوسون، تؤکر داغیدار
مکانین حاصارین سؤکر داغیدار
شاهلار تخت- تاجین نؤکر داغیدار
بئله بیر عالمه، یئری یوخودا
.
چوخلار اَل چاتمازین اوردا سه‌ریب‌دیر
چوخلار آرزی‌سیندان چیچک ده‌ریب‌دیر
حاققین پری‌سینی بوتا وئریب‌دیر
«سؤنمزه» اوجاقی پیری یوخودا
▪️قوشما
▫️یاز آلار منی
✍فرامرز_وجودی_«سؤنمز»
شله‌سی شَل‌له‌نن شاختالی قیشدان،
من یازی آلارام، یاز آلار منی.
گونئیین قوینونا، سوزولن قاردان،
من سؤزو آلارام، سؤز آلار منی.
چیچکلی چؤللرده، جیغیر سالماغا،
بولاقلا آخماغا، گؤزله دولماغا،
داغلارین اورگین، اله آلماغا،
من سازی آلارام، ساز آلار منی.
یاندیران شاهین دا، «سؤنمز» قوُلون دا،
ترپَنتی گؤرونمز، قاناد قوْلوندا،
بیر گون ائشیدرسیز، عؤمور یوْلوندا،
من توْزو آلارام ، توْز آلار منی.
@faramarzvojoudi
#روزنامه_ایران چاپ ۹۹/۰۴/۰۴
#آراز_وجودی
لینک: 👇
http://www.irannewspaper.ir/newspaper/item/546346
@faramarzvojoudi
#چیلله_بایرامی‌نیز_موبارک🍉
#کتاب_اوخویاق
#سؤنمز_اوجاق
@faramarzvojoudi