fff45 | Unsorted

Telegram-канал fff45 - الشاعر ابو قسور العويدي

772

Subscribe to a channel

الشاعر ابو قسور العويدي

راس الحسين.(ص)وراس الرضيع(ص) يتكلمان معا


دوهنتني بهذا ذبحك 😭😭
صاير بطولي اعله رمحك 😭😭
@@@@@@@@@@
يا بعد راسي يبوية ... .... انه فدواتك اصير
الرمح ست مرات اطول....منك وراسك زغير😭😭
قوة ماعندك يروحي........ والرمح كلش چبير😭😭
انه اكدر راسي اديرة..........وانت ماتگدر تدير😭😭😭

غمض وفر. روحك اقوة.... غير رمحك ماكو تچوة😭😭😭😭😭😭

@@@@@@@@
حاولت يابوية لاچن............ماكدرت وماتصح ((ليش))
تدري ليش اعجز احركة..راسي مشدود برمح😭😭😭😭
معتنين هواي بية........... كعدوني من الصبح
بفلوس واعدهم يزيد......وراسي صارلهم ربح 😭😭

احنا مو كومت جنايز.....احنا حسبونا جوائز😭😭😭

@@@@@@@@@
احساسي مايخطيك مرة..وانه هذا احساسي
تعبك رمحك يروحي.......خشن رمحك قاسي😭
دني راسك حيل يمي........ أنتچي انت براسي😭😭
انه اشمك انفاس خدك.........وانت شم انفاسي😭😭

لاتباوع عل جسم😭😭
اعتبرني بنص حلم😭😭
@@@@@@@@@@@
تبچي ودنگ لجوة.............منتبه بويه لبچيك😭😭😭😭
تبچي ادريبك عليمن...تبچي چي ماهنه اديك😭😭😭😭
احمدالله عيون عندي.......انضر وافهم حچيك😭😭😭
ضالة بگلب ابو فاضل......حسرة ويباوع عليك😭😭😭😭😭

كام ينفض راسه گام😭😭
بلكي تطلع هل سهام😭😭😭😭
@@@@@@@@@@@
تدري شتمنة يبوية...بكلبي ياكل هل كلام
(رمح ومثلث) يلمنا ...مو حلو فال السهام😭😭😭😭
راسك بصفي انصبة...مثل نصبات الخيام
😭😭😭
تميل يمي واني اسندك..تنعس وتغفة وتنام
😭😭😭
راسك وراسي غفن😭😭😭
اعذني ماعندي حضن😭😭😭
@@@@@@@@
ابو قسور العويدي @fff45

Читать полностью…

الشاعر ابو قسور العويدي

الاخت الحنينة ( زينب صلوات الله عليها)
تنتضر اخيها قمر بني هاشم (ص)

من يومين راح ... وطالت المدة
يودام فدوة گلولي
رجع عباس لو بعدة😭😭😭

ابو قسور العويدي @fff45

Читать полностью…

الشاعر ابو قسور العويدي

نزال....علي الاكبر ( ص)

حيد حاد وحدد اعله حدودها
هانها وهانت و كف جنودها
@@@@@@@@@
لكد مهرة وصال والصولة انچوت
فرزن سنون الصفوف الشرعبت
يمين ويسار اعله عينه تكورت
وخطط التخطيط چيف يسودها
@@@@@@@
شبه عمه وصور الماصايرة
بالتراب ودورلها الدايرة
وعرف وين التوجع اعله النايرة
وندس مهرة اعله الجموع يحودها
@@@@@@@@
فات والتربان تتنفس هوة
نوة الاكبر ونعم لمن نوة
صاحت الغوث بكبرها نينوة
علي الاكبر ياثچيل حيودها
@@@@@@@@
اليسرة من چفة تدورلها اعله حل
طوة الحومه شلون طويات الحبل
وثلث تنعام منك يا شبل
شردو وباقين بس جرودها
@@@@@@@@@
اليمنه مالت والعساچر بيها لف
تركض وتهتز مثل ريح بسعف
وعفية رعدت رعد من صوب النجف
حيدر ووقع ل اكبر زودها
@@@@@@@@@
فلق گلب الجيش وتهشم هشيم
بدة ابسم الله الرحمن الرحيم
عدل حسبالك صراط المستقيم
الگاع شربت من دموم چبودها
@@@@@@@@
مسح سيف وصاب حومتهم خطر
والگمر اشرلة بزنودة السمر
رد الاكبر بالعلوم وبل خبر
راس ابن غانم الگايد گودها
@@@@@@@@@@
صال بيهم والسيوف تكسرت
البعيد يلوحة وال يمة هفت
هجت وعجت ورجت ونچفت
تبرد ويشعلها من برودها
@@@@@@@@@@
غار سجار الكلافة الازلي
ودار بيهم دورانة الاولي
تگول حباية وگسمها الله علي
سولفوها الصولة كل شهودها
@@@@@@@@@

ابو قسور العويدي @fff45

Читать полностью…

الشاعر ابو قسور العويدي

فيزياء الحسين (ص) تختلف عن فيزياء 
العالم كولوم حيث يقول كولوم في اطروحته ان الشحنات المتشابهة تتنافر فيما بينها ... بينما هناك رأى اخر للحسين (ص)حيث توجد قوة غريبة جذبت اصحاب الحسين الى الحسين (ص)



حسين مغناطيس اللهي .گلب قانون العناصر
جاذبتهم قوة وحدة ..قوة  الهل من مناصر
حسين يجذب شكو مؤمن..حتلو مكسور خاطر
بالتشابه جذب ربعه ..واني دارسها تنافر!!!

@@@@@@@@@@
ابو قسور العويدي @fff45

Читать полностью…

الشاعر ابو قسور العويدي

الرمح يسأل عبد الله الرضيع عليه السلام
فيقول
@@@@@@@@@@@@@@@
اريد شوية احاچيك...اجة بالي اناغيك
الحمدلله عالسلامه ..
ساكت ليش گلي شبيك


عبد الله الرضيع. (ع) يرد

ياسلامه الضلت النه...😭😭
انت مو تدري انذبحنا و كلنا متنة😭😭
وهسة جاي تگلي كول شبيك مابيك
السهام النامن بصدر الحسين😭😭
تسوي تفصال اعله جسمي ست كواريك
😭😭😭😭😭😭
السهم وانت وهذاك القوس !!!
الله يعثرك اعله الفوس
بستني بنحري بوسة موت😭😭
ما والمني هذا البوس😭😭
يل مفرفح رباب امي
ويل مفرفح هواي نفوس
الله يعثرك اعله الفوس😭😭

ابو قسور العويدي @fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

حال الحسين (ص) عندما رجع بالرضيع الى الخيام. (( بوسة دم))
@@@@@@@@@@@@@@
حط السهم نيشان برگبته
عرفته يموت عبد الله عرفته
تعب ست اشهر وراح...عليه بالعافية ارتاح
يمته يموت ابوك حسين يمته😭
@@@@@@@@@@@@@
هو ماي وضال بالشط...ماردت بس شربة ماي
گول مانطيك تشرب.  ليش طفيتة ضوواي😭
سهم حطيت اعله نحرة...والسهم كتال جاي
رحمة ماعدكم يعالم طفل مات و ماله راي😭

لو زلمه اكولن هايهية...ماعابر سنه وشاف المنيه
صبحنا اعله مصباح...عليه بالعافيه ارتاح
يمته يموت ابوك حسين يمته
@@@@@@@@@
ردت ادفنك ياحبيبي لچهن هظمتني الرباب😭
اني احفر بالتراب. وامك ترد بالتراب😭
الشيلة لفتها برگبتك تگطع  الدم بالحچاب😭
تكلي نايم موش ميت واني اتنفس عذاب😭

بله شلون اقنعها اعله موتك😭😭
بالراس ويدگ بچيك وصوتك😭😭
يسهمك صاير وشاح....عليه بالعافيه ارتاح
يمته يموت ابوك حسين يمته
@@@@@@@@@@@

حيلي منهوب بمصابك عاف عيني وتوة نام😭
ضالة ابالي ضربتك من تلگيت السهام😭
اصفن وايدي اعله ريجي وبچي ويطيح اللثام😭😭😭😭😭😭😭😭
اعله الخيام افتر وناشغ بللت حتى  الخيام

گبل شوية چان ابحضن امه😭😭
صعبة نگول هسة الله يرحمه😭😭😭😭
طير برگبته انلاح.....عليه بالعافيه ارتاح
يمته يموت ابوك حسين يمته
@@@@@@@@@@@@
شالته الغيرة عليه بنحره گام يصد نبال😭
البابا. المتانيهة حصتي وصفت من حصت رمال😭😭😭😭😭
انه هاي الحارگتني وحتى سمعوها العياااال😭😭😭😭😭
حرمله كل حيله صاح مات مات ابن الدلال
(😭😭😭😭)
رگص چفية  رگصو ولد. هندة😭😭
من كل خاطري وبچوني عمدة😭😭😭
يكتل ذاك الصياح....عليه بالعافيه ارتاح

@@@@@@@@@@

گوة من صدر امه اخذته  گاعدة تلولي وتكول😭😭
يمه عبدالله اكعد اكعد راحت هناك الخيوول😭😭😭😭😭💔💔
احتفالات اعله كتلك دكت الوادم طبوووول😭😭😭
ارد اموت احسلي يمة  بعد ماعندي حلول

رباب وتدعي لله تگله ربي
رمح تاية اريد بهذا گلبي😭😭😭😭
سمعها حسينها وطاح..... عليه بالعافيه ارتاح
يمته يموت ابوك حسين يمته
@@@@@@@@@@@

العطش فطر شفافي وگمت الم الحيل لم😭
اليوم ماتخلص من ايدي بنحرك وكل حيلي اشم😭😭
بستك بخدك يروحي لچن خلت بيه هم
شفتي المفطورة طگت بخدك البوسات دم
😭😭😭😭😭😭
ودعتك وبستك على خديدك 😭😭
اهد ايدك وارجع الزم ايدك 😭😭😭😭
ابوك امنل هظم ناح.... عليه بالعافيه ارتاح
يمته يموت ابوك حسين يمته
@@@@@@@@@@
ابو قسورالعويدي @fff45

Читать полностью…

الشاعر ابو قسور العويدي

لسان المقال عن الحسين (ص). في لحظة استشهاد
القلب الاكبر للحسين (ص)

اخ بوية وليدي راح....اخ بوية وليدي راح
@@@@@@@@@@@

خانگتني العبرة كلش....گلبي ابد ما مستريح
وصارت التوجعني صارت... غير كون اگدر اصيح
تلاحگوني جدامي ماتن ... يبو فاضل راح اطيح😭😭

خوية اسمع صوت واحد من هلي
بسمي يصرخ ياحسين الحگ الي
سيوف وصياح وصهيل وصوته راح😭
خوية بسلا هذا صوت ابني علي😭

اخ بوية وليدي راح.... اخ بوية وليدي راح
###########
بوية اصرخ خاطر اسمع.... تـيـهـيـتـك بوية وين😭
الصوت من اليسره چان..وصار ساعه اركض يمين😭😭
تالي شفتك من بـعـيـد...ودايـرة اعلـيـك اربـعـيـن😭😭

يامن يوصلني يم صوتك وهيل
بالنهار. وتيهت مو دنيا ليل😭😭
اي لگيتك انت ذاك التوة طاح😭😭
وعلى الخيل وگمت اصيحن لايخيل😭😭

اخ بوية وليدي راح ...اخ بوية وليدي راح
###########
لمن شفته انمرد گلبي...تكول عاصرني اعله باب😭😭
مهرة مهرة اطرد ودور...غاطـاتـك بـالـتـراب😭😭😭
شلت راسي وصحت اللهي... طاعنينا اعله النگاب😭😭

بي نفس ويلوج ويون ويهم
شلون اندهنه اخافن ينلچم
شال صبعه وعلى صدري كتب ماي😭😭
طلب ماي و نحرة نايم بي سهم؟؟😭😭

اخ بوية وليدي راح...اخ بوية وليدي راح
############
انه اول مرة اشوفن...جرح حارگته الشمـوس😭😭
حيل متعلعل بجرحة...بحضني صاير چنه قوس😭
من ونينك لاتبطل ...دوس حيل بگلبي دوس😭😭😭

شلون اشبگه الة كون بصفة انام😭
عفت صدرة گلت اشبگه من الجدام😭😭😭
خاف اشبگة حيل بحرورة وحنان
وخاف يندفعن سهامك لل امام😭😭😭

اخ بوية وليدي راح.... اخ بوية وليدي راح
###########

دمة تارس هيمت الله...بيش اضمدك بوية بيش😭
يلوج من اليوحعنه ........ بوية موت ولا تـعـيـش😭
طاح مستور اعله طولة... سالبين هدومة لـيش😭😭

سالبين هدومه شمروهن لغاد😭😭
زاحف اعليهن علي بس حيلة باد😭😭😭😭
السلبك يحرگ بگلب حسين ابوك😭😭😭😭
شامر هدومك وابد ما مستفاد😭😭😭😭

اخ بوية وليدي راح .... اخ بوية وليدي راح
##########

يا حچي الشمات يكتل...بالحچي الوادم تـعيـل😭😭
حجاية گالوها الشماته....من وراها. وكمت اميل ؟؟
حيل ما عندك على ابنك..... جيب غيرك خل يشيل😭💔

حاير شلون انه اشيلك ياذبيح😭
والشماته تصيح ماتگدر تصيح😭😭😭😭
الميلة ال بضهري چبيرة ياعلي😭😭
خاف اشيلنك على متوني و تطيح😭😭😭😭

اخ بوية وليدي راح .... اخ بوية وليدي راح
@@@@@@@@

للخيم جبتك يبوية..ودمك بصدري اتحد😭
انت يا اول جنازة... تفوت ماتطلع ابد😭
دافنيك بخيمت امك...هي سوتلك لحد😭😭

چفنوك ابيش اگلك بوية هاااا 😭😭😭
اجت زينب خلت اعليك العبااا😭😭😭😭
تراب گبرك ترس ريت حسين ابوك 😭😭😭😭😭
يادواي وگلبي ضل بلا دوااا😭😭😭
@@@@@@@@@
ابو قسور العويدي @fff45

Читать полностью…

الشاعر ابو قسور العويدي

تربية ووفاء ام البنين (ص)

اذن اذان الوفة بالناس....اشهد بأنج كوكب احساس
من شفتي حيل توازة الحسين..جبتيلة جيش واسمه عباس
@@@@@@@@
بشهر شعبان هل هلال ابو رقية
وراها بيوم هل عباس بل جية
شجابت واجب ام عباس للزهرة ؟؟
اجتها وجايبة العباس عيديه

عباس يعاين بالوجه زين .....باوع لخو ضل يقرة بالعين
للماي زحف شافو العباس...يمكن عرف عطشان الحسين
@@@@@@@@@@@@
كبر عود ابو فاضل ونترس همه
ربة اعله چفوف زينب وبحنان امه
بحيث حسين من يتعب يجي بصفة
يلم بيدة الهوة ولحسين ويشمه

يا اوكسجينك يشرح الروح...يتفاعل اوية الرية ويفوح
بارد هواك افيش عباس...نعناع نزل ويطيب الجروح
@@@@@@@@@@@@

كلمن على چفوف اميمته تربة
وشلنه الجنطة ندرس كلمن ودربة
ترة ماچان جنطة بوكت ام عباس
لذلك من درس بمتونه بس جربة

مدرستك افضل حيل واشرف...تطلع چنت اول على الصف
حدما صرت قدوة الفرسان...هسة ويسمونه اول الطف
@@@@@@@@@@@
وصل وتخرج وحصل على الغاية
المدير اسمه علي ويمدحة بحچاية
وبيوم اصطفاف الجيش اجه وگله
تستاهل شهادت حامل الراية

مو سيف تطب بخيزرانه .....علمهم. شعلمتك. انه
والماي اذا عاند يعباس.....جيب النهر جرة من اذانه
@@@@@@@@@@@@
دراسات شكثر تثبت بأن انتي
ربيتي رعد بعيونچ. وشفتي
سرعته بهل زمن لوقايسيها الناس
چا صاحوله عباس الفرط صوتي

عباس سريع اعله الثنية....قانونه يسبق شكو نية
بالمعركه مكسر شكو سيوف..صولاته كلهن حيدرية
@@@@@@@@@@
ابو قسور العويدي @fff45

Читать полностью…

الشاعر ابو قسور العويدي

لسان المقال... لمولاي سيد الشهداء

@@@@@@@@@@@@@@

مثلج منو......ربيتي احسن خوة
والله كفو....مشكورة يام النخوة
يا ام البنين...يا ام البنين
@@@@@@@@@
انتبهو بالمجلس اذا شميتو عطر شوية
يعني استعدو للطم زارتكم البدوية
خل انه اوصف حالتي وحجيلكم عل بية

تدرون بيش ازامط بذاك الحين
كالتلي بالطف من تكابل سبعين
شالت اثمن جفوف كالتلي رباي
وبس انه املك ياخلگ عشر ايدين

هاي المرا.... كلولهة بعالي الصوت
وفت ترة..........ونحبج لحد الموت
يا ام البنين....يا ام البنين
@@@@@@@@@@@@@@
كدما يحبج خالقج خلاج بأول سورة
اسمج صبح اكبر ضمد للوادم المكسورة
بابج وبابي ابفد صحن انه الحسين ازورة

حتى الله بالقران حطهة بذكرة
بس اقرة الهة الفاتحة وبفطرة
الصعبه تسهل غير هي ام عباس
بس بشرط اعكد الراية الخضرة

العندة مرض.. تلگاهة كوكب من طب
الرايد رزق.......... تفتحلة باب الموكب
يا ام البنين...يا ام البنين
@@@@@@@@@@@@@
اسرار اسولف للخدم للحضرو طبخ جدور
مو نار ال تفور الجدر نضرت عيونج تنور
حتى الصخام منين اجه.؟؟چي طخ عباية عاشور

هم عدها سورة بهاي يل تنشدني
الله يحبها هواي چي حبتني
سفرة التسويهة ذكرهة القران
ياسورة (المائدة )لليخدمني

نضرة عشك...من تنضر اعله الزوار
عدهة خلگ........تخدم دهر للخطار
يا ام البنين...يا ام البنين
@@@@@@@@@@@@
لاما نستني ام الكمر كل لحظة تتذكرني
هي اعله طول الطف صفت تدعيلي وتصبرني
وانه اذكرتها اعلة العشك چي هي هم تحبني

هيج انه حالي بيوم عاشر وانعة
سويت اشارة بچفي لاهل السبعة
من گصو الخنصر شلت جفي هناك
واربع اصابع شلت للمتگبعة

من سلمت.......شافو اشارة مسنعه
وتنومست...قصدي اخوتي الاربعه
يا ام البنين..يا ام البنين
@@@@@@@@@@@
مادام حضرت باللطم نشكرها يا حياها
گلولها تعود العزة وكل احنه نلتلكاها
گلولها يكول ابو علي يفرح ترة بذكراها

انه الحسين الشيخ وأصل الشجرة
هاشم حنينة ومانستكم مرة
وام البنين تكول اسمعها تكول
وعيونك الحلوات ازور الفقرة

وي الحسين........أتحضرو  ودعوها
وفتحو الادين.. حاجاتكم  اخذوها
يا ام البنين   يا ام البنين
@@@@@@@@
ابو قسور العويدي @fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

بعد دخول. السيده زينب (ص) في قصر. الملعون .....فقال الملعون من انتم
بكل وقاحه...فاجابته السيده ص بقول
****
عليه يناشد  .........  يزيد وربعه
وگفت بحيلي .. وخلست الجَمعه
حيدر ابوي..خالس اجدادك تره
عباس اخوي..هو سبع الگنطره
@@@@@@@@@@
انه استحقر مكانك ياشبه رجال
لان تسأل عليه وانه بت ثگال
انه اخت الماطلع يشبه ولا اي خال
وامه اتنست بچفيه بيهه عگال
انه كفالي..... ابن بدويه
تكزبر شيلتي... بذكر طاريه
@@@@@@@@@@@@
طخ راسك  نذل  ياطينت  الخناس
اگص لسان عينك وانه اخت عباس
يبن  الرافگو  هند  ورنين  الكاس
تعرف ياهو ابوك ابين هاي الناس؟؟

اعله طاري اللمة ..ال اجت هنانه
دصيح بصوتك.... ابنمن انه؟؟
@@@@@@@@@@
بصلافت عين تنشد كومك اعليه
انه اخت الكشفو جدامه ستميه
اكو بيهم ركض ويصيح معليه
وكو بيهم لبس بالحومه بوشيه


وگف عباسي..ويصيح بحيله
اجينه نعارك.... دذبو الشيله
@@@@@@@@@
اخوه اهواي عندي وراح اگلك وين
بشارب ابو فاضل عندي اخوه الفين
كل شعرايه توگف من اصيح حسين
رفن  من  گبل  من  چان  ابيك  طين

اشوفك ساكت..اظن ما عاجبك
انصحك باچر ...تذب شواربك
@@@@@@@@@@
گالولك  بعد  عن  جاسم اشايل؟؟
فنجان  الحسن  والدله  ويقاتل
سوالف سيفه بالطف تعدل المايل
اظن مدفون سّره بجيب ابو فاضل

يعرس القاسم .... كشخنا بعرسة
اعلة ذيج زلامك... يدوس بفرسة

#@@@@@@@@@@
جيشك من علي الاكبر طلع فره؟
من گد الركض صعدتهم المهره
شاهد عندي بيهه وداعت الزهرة
ليش ضهورهم ووجوهم حمره ؟؟

يكونك حاضر...وتطلع لسانك
وعلي يخلونك...تشيل حصانك
.....
ابو قسور العويدي @fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

عندما سمع الحسين ص.اول واخر كلمة اخي ادركني من اخية ابا الفضل ص ..قال



على اخر نفس عباس لاگيتة
يعصر بالتراب ويشهگ بريته
وصحت ياخوية عباااااس
شمسويتلك النااااااااس
يخووووووية.   يخووووووية

@@@@@@@@
الشمس من دگت بوجهي وطلع ضلي
عرفتك موش طيب يا فياي اهلي
😭
افز وبگلبي نغزات  ورجيف شفاف بية
انه اول زلمه بالكون يرف ضهرة اعله اخية😭
جدامي وماتن بساع وطحت فوگ الوطية
بقة بس حل يعباس  اجي  ازحفلك بدية😭😭😭😭

يعطلني الزحف والزحف چاويني
ثگلت من الرمل عباس  تچيني😭
يطايح بين الارجاس
شمسويتلك الناس
@@@@@@@@@
يل مدللني. وانت بروحي المدلل
ترة الماعندة اخو بالضيج يتفشل😭😭

اخوي الماشرب ماي استحة حتى بوداعة
طويل الدرب وزحوف الرمل دوهني ساعه
يفكر بية عباس. وعايف كل ضياعه😭😭
اعله دربي وحاطلي چفوف يتچيني بذراعه😭😭

حتى الچف لگيتة مبلل شوية😭
قصدة حسين هاك اشربلك اميه😭
عاش ومات  بحساس
شمسويتلك الناس
@@@@@@@@
يبو انفاس الگصار المالهن اي  حس
شو بطلت ترفس فدوة ضل ارفس😭

تدري شلون مكسور  الچمك بالخفيفة😭
عگالي وطاح ياخوي بوادم مو شريفة😭
الشيخ المالة خوان يكتلونة اعلكيفة😭
چا ترضاها الحسين يضحكون بمضيفة😭

گوم وشوف اخوك شلون يتهدد😭😭
كل هذا الصياح وبعدك امدد😭😭
مفرهد منك الطاس
شمسويتلك الناس
@@@@@@@@@
ميت وانه اقنع روحي بي همه
شكثر هفيتلك خوية الهوة شمه😭

اجاني شلون ذباح صعد فوگاي ضلة😭
انه مكتول مكتول وضلت عندي جملة
حطوني اعله عباس وذبحوني اعله كله😭
اموت بهاي السيوف ولاعيشن بذلة😭😭

ضليت التفت عباس يا خلي😭😭
اوادعمن حرت محد فزع بهلي😭😭

انذبح من عدنا نوماس
شمسويتلك الناس
@@@@@@
ماذبحوني رادو مني حيل اتعب
يريدون بدماك  احرگ گلب زينب😭

نگعت بدمة العباس واخر شبگة صعبة
شامت صاحلي حسين انه الطگيت گلبة😭
هواي تنومست بي  وهسة انگطع  دربة
منو اليفزعلك اليوم غريب بوسط غربة😭


هو المالة اخو ينذبح بالسكته
انه الكاتلني ياهو يشيل فاتحته😭😭

انه مضيعلي خلاس
شمسويتلك الناس
@@@@@@@@@
شعندي وضال عايش بعد ماتسوة
اذا ضليت اموت بحسرت الخوة😭😭

مسحت دموع خدي  ولم الحيل بالحيل
ونمت بالگاع عالضيم وگمت اتنخة بالخيل😭
اسحگن هسة الضلوع  ماريد ابقة لليل😭
وعلي بگد السحگ ذاك ماينگلني غربيل😭

تطشرت اعله طول الحومة خوية احا
بحيث منين ما تندهني اكلك  هااااا😭

صدري وصدرك انداس
شمسويتلك الناس
@@@@@@@
ابو قسور العويدي

Читать полностью…

الشاعر ابو قسور العويدي

وصية ام البنين



خلو الوصية ابالكم..
شيلو الحسين الشالكم
@@@@@@@@
كلكم زلم والحسچة تندلوها
هاي الحچاية ابالكم خلوها
اروحكم مثل المطر كون تصير
وفوگ الحسين ارواحكم زخوها

يولادي حسبو حسابكم
شيلو الحسين الشالكم

@@@@@@@@
اريع زلم ربيتكم يهل الكفو
الحومة مثل البير تكشخ بالدلو
عباس اريد بياض وجهي بصولتك
عباس بيدك صيتنا وصيت البدو

موتو اعله هاي احوالكم.
شيلو الحسين الشالكم

@@@@@@@
ياگمر هاشم ارد اشوف زماطك
حاشاك من الجيش لاون حاطك
تذكر گماط الشاگة وانت زغير
اي يبني شگ الجيش مثل گماطك

راي ابوفاضل رايكم
شيلو الحسين الشالكم

@@@@@@@@@
صولة اريدن حيدرية ولامعة
سبعين الف وأربع حيادر طالعه
وحسين راح يشوفكم من بعيد
خيشوف ولدي ام البنين شراضعه

ماعندة اخوة خلافكم
شيلو الحسين الشالكم
@@@@@@
يحيود انه الناذرتكم نذرة
امكم واعرف السالفه شمنتضرة
الگاع مو سفرة اكل بس تدرون
اني ارد اسهمكم بهاي السفرة

اكبر سهم ارواحكم
شيلو الحسين الشالكم
@@@@@@@@
ماريد اشوف حسين طالع ضلة
انتم رزق لحسين جاي من الله
الماي شتسوون بي والعباس
من ماي گصته شكد شرب عبدالله

هو ابو فاضل مايكم
شيلو الحسين الشالكم

@@@@@@@@@@
كلها تريد حسين جيش الفانيه
حاولو مرة وعسرو بالثانيه
عباس گللهم اذا ردتو حسين
جيبو زلم تكتل جفوف ثمانيه

حيدر لهاي وضامكم
شيلو الحسين الشالكم
@@@@@@@@@@
ابو قسور العويدي

Читать полностью…

الشاعر ابو قسور العويدي

نزال علي الاكبر (ص) حوار المعركة مع الحسين ص
@@@@@@@@@@@@

دگت طول الحرب...ياهو اولكم يطب
باوع اعله اخوانه....وسمع چلمت انه
اندار شاف الاكبر وهز الگلب
@@@@@@@@
حسين كاعد وي الاكبر والهواشم فوگهم
خطط الكاع اعله سيفة قسماها حگوگهم
يحچي ويهز راسة الاكبر أشر اعله صفوفهم

وگام من سلم علَي..أجيش يبني أگصي بي
وعلي فوگ يشاهدك..علي ويشاهد علي
@@@@@@@@@
كوم يبراهيم ابوك فيل جابو وأبرهة
الكعبة زينب والهواشم بس عليها موجهة
اشتهو فاسك يل اكبر گوم سد المشتهة

ارتجز غاد اعله المله....والسيف فرة بيا هلة
گالوله ياهو انت وصرخ.. رداد كاعج كربله
@@@@@@@@@@
طب عليهم والجحافل واحد بواحد ردم
ناس شردت ناس ماتت ناس ماضل بيها دم
ناس من كدما شدهم شردو بصوب الخيم

وعجت وصار المفر... ولمن هدئت واستقر
شافو خيال اعله گدهم... وگعو بچف الگمر
@@@@@@@@@@
علي الاكبر مستمر وماوگف لمن فهو
البقو يم عباس جتهم سكته قلبية انتهو
ماتو مفتحين عين الخوف اخذهم وختفو

العباس صاحالة بعلو...وكفو يل الاكبر كفو
بكر ابن غانم شي قليل..جيب ولدة وجيب اخو
@@@@@@@@
رد الاكبر للخيام اطراف سيفة مثلمة
گبال ابو واگف وربك غٓيَم الجو غيمة
والرعد طبر الغيم ومطرت هناك السمه

ليلى دعتلة ونتعش..انساها سالفت العطش
الله حلفتة بحناني...وجابلي غيوم اثنعش
@@@@@@@@@@@
ابو قسور العويدي @fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

رياضيات الطف
لطالما كان عبد الله الرضيع (ص) منتبها جدا لجميع الاحداث...وشاهد عيان فقال


كلشي بالطف صار مو صدفة
ولكن قايسينا بمسطرة....
مثلا ...
اني هسة بطول سهمي😭😭
والرمح لمن تقيسة بطول سبع الگنطرة😭😭
بهاي عيني انه شفت....وتعلعلت...
راس الحسين بعظمتة وگاعد بنص الطشت
😭😭😭😭
ابو قسور العويدي @fff45

Читать полностью…

الشاعر ابو قسور العويدي

الألم الاكبر هو ما رآه. الحسين (ص)
في علي الاكبر (ص)
@@@@@@@@@@@@@##
حصيرة وصاية جايبلك يل اكبر
على ياهية احطك گلبي وجر
گعدت بسدة ماحس....اهفي وما تنفس
وغمض عينه مات الله واكبر
@@@@@@@@@@
يا دگات گلب حسين بس گوم😭😭
دمك هذا شمسوي بالهدوم😭😭
من ياصفحة الزمك حار الحسين😭😭
ابوك وضال يفتر يمك يحوم😭😭😭

اول تالي ابوك وما يشبگك😭
امد ايدي عليك وما الزمك😭😭
الچمك بس الزمك يبني الچمك😭😭

مو حلوة وتضل سكته.. اشيلك لو تگوم انته😭😭😭😭😭😭

افتر يمك وكلساع اعثر😭😭
على ياهية احطك گلبي وجر
@@@@@@@@@@@@

نومك عل تراب هواي غثني😭😭
چنت تمسح دمعتي اخ يبني😭😭
شگيت الردن ادريبك تغار😭😭
ماياخذ مكانك حتة ردني😭😭😭😭

صدرك بي تراب هواي واني
خليت الرمل يغفة بمچاني😭😭😭
صح يستر ولكن عذباني😭😭

منو اكثر يحن عل بيك.. رملك لو اليبچي عليك😭😭😭
عفتني بوحدي يبني الله اليستر
على ياهيه احطك گلبي وجر
@@@@@@@@@@@@
اكعد ليش نايم يمك انه😭
ابوك بصفك وضايع حنانه😭😭
كلشي بجسمك مبلل بل دموم
بس لسانه ضل يابس لسانه😭😭😭

اكعد بوية اگعد كوم لية😭😭
مو كتلي اريد اشرب اميه😭😭
هذا الماي جبته ابين اديه😭😭

اشرب بوية انت إبدي.... واذا ماتشرب نبدي ( الله واكبر😭😭😭)
اشرب انت اول انه ما أگدر
على ياهيه احطك گلبي وجر
@@@@@@@@@@@@
كل شي مات بية ومات كلشي😭
انه الكاتلني ساكت فدوة احچي😭
صعبة الطايح ابنه يباوع عليه😭😭
والاصعب ولا سوالة اي شي😭😭

انه مدنگ عليك اسمع ونينك😭
مفتوحة الجروح وساد عينك😭😭
ترست اذني يبوية الله يعينك😭😭

حتى هدومك تلچمك... شراح يوصلك اعله امك😭😭😭😭
دمة بطولة صاير ابني احمر
على ياهية احطك گلبي وجر
@@@@@@@@@
صحت اه اعله كبر الحيل والصوت😭
كسرت گلوب حتى الگامت تفوت😭
انه العايش قهر محد سمع بي😭😭
ابو يباوع على ابنه شلون ويموت(😭)

حاير يل مگطع كل دليلك😭😭
اذا عوفك الذباحة تجيلك😭😭
اشيلك قطعة قطعة احسن اشيلك😭😭

اشيلك احسن بوحدي... احبك يا اعز ولدي😭😭
علي كل الشماته هناك تفتر
على ياهيه احطك گلبي وجر
@@@@@@@@@

قريب الذابحك يفتر بجدمه😭😭
يدري بحيلي طشار شيلمة😭😭
بضحكهم بوية تسمع وشيكولون😭
شد حيلك دكوم اركض ولزمه😭😭😭

واحد منهم يأشرلي تهديد😭😭😭
حط ايده اعله ريجه ودري شيريد😭😭
قصدة يريد يذبحني امنل وريد😭😭😭

شافوك انت متمدد... وأجتني الوادم تهدد
😭😭😭😭😭😭
ينايم گوم ابوك بوحدة جمر
على ياهيه احطك گلبي وجر
@@@@@@@@@
ابو قسور العويدي @fff45

Читать полностью…

الشاعر ابو قسور العويدي

السيدة رملة.(ص) والامام الحسين (ص)
يتقاسمان اوجاع القاسم (ص)
@@@@@@@@@@@@@@@
جاسم اسويت بية بنينوة
انه اول ميتة بس أشتم هوة
شلع گلبي وداعة... رباي راح بساعة
الدوة انت وضاع من عندي الدوة
############
اجت ساعتها يگلبي تفك شليلك. لازم
انه محد شلع گلبي بس ملابس جاسم😭
هدوم ابو من طلعتهن بچت كل الوادم😭
البارحه انه مسرفنتهن و الگلب مانايم😭

علگتهن صارن بطول الحسن😭😭
دلَتّه وحطيتها بصف الردن😭😭
الحسن گلي شلونك...گلبي طگ لعيونك😭
الدوة انت وضاع من عندي الدوة
@@@@@@@@@@
حسين شماها الملابس عالصدر خلاها😭
يسلم اعلة ردان اخية بيمنته وهزاها😭
ومن طلع جسام كاشخ عمه ضل يتباها😭
گام الحسين اعله گصته بحرگته وحباها

حسين گلة اتمشة وحچيلي الحچي
شحافظ من الحسن ارد اشبع بچي((شگال القاسم))😭😭

هلا بيهم ياهلة....عدنا گهوة معدلة😭😭
الدوة انت وضاع من عندي الدوة
@@@@@@@@@@@
طلع جاسم بالوداع وعينه تربي لعمه
المرا الطاحت وعثرت ياخلگ هاي امه😭
رمله مشدوهة اعلة ماي اشمرة تبري😭😭 ذمه(وتالي)
تالي ماحصلت ماي ورمل شمرت. يمه😭

عٓلَي صوتك من تقاتل يانفل😭😭
حتة اسمعك غاد وتأكد عدل😭😭

الناس ينتضرونه... يطيح ويسلبونه😭
الدوة انت وضاع من عندي الدوة
@@@@@@@@@@@
ونگطع صوتك يجاسم بالعجاج وليدي شن
هسة يطلع هسة يرجع گلبي بوليدي امتحن😭😭
يا فجيعة الله واكبر عل خيالات الاجن😭
شفت واحد جاي لينا ولابس هدوم الحسن
😭😭😭
علگ حطيت اعله زندة من الخلگ😭😭
اجو لية وشمرو اعلية العلگ😭😭😭😭
عيون والدتك عمن....والنساوين انتهن😭
الدوة انت وضاع من عندي الدوة
@@@@@@@@@
فزع عمك ريجة يابس راحلك وبمهرته
بكثر ما عطشان شفنه فطور دم بشفته😭
جابك اعله الخيمه يبچي ودمك انت بلحيته😭😭
مدري نبچي عليك يمه مدري نبچي لغربته
😭😭😭😭
لو تصح نسوان تفزع هسة اطب😭😭
حسين كلسا دار وجهة اعله الدرب😭😭

بلچن يصح ناصر....ذبح گلبي العاشر😭
الدوة انت وضاع من عندي الدوة
@@@@@@@@@@
ابو قسور العويدي @fff45

Читать полностью…

الشاعر ابو قسور العويدي

رمح تايه اريد بهذا گلبي 💔

Читать полностью…

الشاعر ابو قسور العويدي

ييو چفوف الزغيرونه...ادية وحضني يردونك
نبلت حرمله اسوت...اجيت وغايرة عيونك
😭
@fff45

Читать полностью…

الشاعر ابو قسور العويدي

بيش المحبس السلبو
يمكن بأي سعر ينباع چي مبيوگ
چا هذا المسلبك مابراسة عيون !!!!
ما شاف الهزل والنوگ؟؟😭😭
@fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

نزال للعليلة (ص)

اجيتوني بخيالي
انترس حنية بالي
@@@@@@@@@

اكعد بوحدي بغرفتي وعلة بالي ارسم رسم
بالي اترسة بوجه ابوي وعيني تدمع  وبتسم
وجيش من شبگات احضر وانت واگفلي جسم
بقادة الحب ال بگلبي اغزيك يا اجمل اسم

اهجم على الحب الچبير
صدرك اشبگنا وتحير
اغزيك وتصير الاسير....
@@@@@@@@@@
ل ون بالي بلون ليلي. ما اخاف امنل خطر
بس احط ابالي عمي  بل سمة. يهل الگمر
عمي ياشلال بارد  عل گلب يمطر مطر
يبلل البال ابو فاضل .امبراطور النهر

صيتك بليل خمسطعش
گتلك لمن  گلبي انتعش
 الله يرحمك يا عطش...
@@@@@@@@@@@@
ارسم الهيبة الرهيبة الزينبية بكل طرف
واكتب بالي عبارة هنا يصنعون الشرف
هو بس عباس حارس يم عبايتها انعرف
ارسم بكفال زينب شو طلع سبع النجف

ارسمها رسمت مفخرة
ارسمها وبصف حيدرة.
 وگبال  سبع الگنطرة....

@@@@@@@@@@@
ارسم اكبر كاع خضرة وما احط بيها ورد
بس احطن علي الاكبر شايل بچفة عبد
ما احط كماط يمه وما احط كاروك ابد
ارسم بالي كفيل لفاطمة يروح ويرد

مو طفل صار من الزلم
عبد الله شيال العلم
كافل عليلتكم شهم....
@@@@@@@@@
ارسم بالي ازدحام منل  هواشم بالصحن
وارسم الدلة العظيمة الفايرة بچف الحسن
هناك جسام بكشخته وكاض مهرة من الرسن
مو عرس خطار اجاهم والفناجين انچون

جسام صاعد عل مهر
اولاد اعمامة شكثر
سادة وچفافيهم خضر
@@@@@@@@
ورسم بالي فراشة واكفة  ولا ما تطير
توكف اعله جتاف واحد اني اسرته اسير
وانه هم اصبح فراشة وهم احط اعله الامير
هيه يمنه واني يسرة وعشگ فوگ الخد ندير

نوگف على متون  الورد
نتحسس الحب عن بعد
نجمع عسل نجمع برد
@@@@@@@@@@@
ابو قسور العويدي @fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

السيدة الرباب (ع)بصوتها المبحوح
تگول يمه عبد الله وليدي عبدالله
@@@@@@@@@@@@@@@


تعبني ونينك...يمه الله يعينك
تعال انزل وخل نبچي سوية
تعال وكون  تترس هاي ادية
ييمه .....  ييمه
@@@@@@@@@
يبو نحر الزغير الفوگ صاعد 😭😭
على خديداته دم هواي جامد 😭😭
يچتال الرباب العمت بالنوح
شوف اچم حضن جواك زايد😭😭

اميل ويه الهزايل طول الايام😭😭
دللولك من الطف صار للشام😭😭😭

يمه الدرب كلة.....اناغيك اعله هزلة😭😭
قسمتك عل رمح وانه سبية😭😭
تعال وكون تترس هاي ادية
@@@@@@@@@
يل مدوهن بذبحك والله هظمه
عيونك سادهن ماحاچي كلمة
ابوك اعلة الرمح مو يقرة قران😭😭
اريدن مرة وحدة تگول يمه😭😭

ليمت تبچي يمه بصوت ولسان
حتى افزع وكولن ابني جوعان😭😭

اغذيك بدمعتي...يوليدي وزلمتي😭😭

طفل وي اخوته فازع لبية😭😭😭😭
تعال وكون تترس هاي ادية
@@@@@@@@
رباب شوية اصفني اعله الولد زين
ست اشهر بالمثلث تحسبين
المثلث ثلاث سهام وكبار
ييمة بكل سهم مكتول شهرين😭😭😭

بدليل حسين ابوك بعمر خمسين
بثلثمية سهم مصيوب الحسين😭😭😭
 
مو كلكم تروحون...ابقة بوحدي شلون😭
يمته يحين دوري اعله المنيه
تعال وكون تترس هاي ادية
@@@@@@@@
ي ليلى بداعت العشرة اندعيلي
ي ليلى ونايمة العلة بدليلي😭
مثل ما ردلج الاكبر للخيام
اريد ابني يجي ينام بشليلي😭

دعت كالت احلفك بالمناحة
اللهي الروس محتاجه استراحة😭😭

وعلي لمن دعتلي...عبدالله ابتسملي😭
وفتح عينة ويباوع بس علية😭
تعال وكون تترس هاي ادية
@@@@@@@@@@@
يروحي الوجع كاتلني اعله شانك
حنانك هذا دنزل يم حنانك😭😭
بذانك ليش دم  يابس ييمه
شني مرلك شمر شو دم بذانك😭😭😭

عفت جسمك على الطف گالبينا
بسلا خنصرك هم گاصينا 😭😭😭

ما دورت جسمك...تركض چانت امك
اركض چنت ادورلك امية😭😭😭
تعال وكون تترس هاي ادية
@@@@@@@@@@
ابو قسور العويدي @fff45

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…

الشاعر ابو قسور العويدي

دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0

Читать полностью…
Subscribe to a channel