-
Shaxsiy fikrlar, maslahatlar, muammolar, tanqid, mulohaza va h.k. Hamkor kanal @teleskoplar
Susambilda yechilmagan 2 ta global muammo qoldi va buni yechish uchun katta resurs jalb qilingan, muammo juda-juda dolzarb bilsangiz, biri mening yuzimdan qayta-qayta olsam ham, o'sib chiqaveradigan tuklar bo'lsa, boshqasi esa, singlimning har xil nazardan saqlaydigan yopinchig'i...
@FoydaBerar
Муаммо жасадимда эмас, қалбимдадир.
1-Бир неча соатлаб ишлашни жасадим кўтаради. Намозда туришга келганда энг кичик сураларни танлаб ўқийман. Муаммо жасадимда эмас, қалбимдадир.
2-Неча бора арзимаган нарсалар билан тунни тонга улаганман. Ўшанда таҳажжудга туришим, икки ракаът бўлса-да намоз ўқишим мумкин эди. Ҳа.. Муаммо, юракда.. Жасадда эмас..
3-Фарзандларни ўқишга ўз вақтида боришларига шунчалар ҳарисман-ки, улар 9 йил мобайнида ҳеч қачон мактабга ухлаб қолмадилар. Лекин уларни Бомдод намозига уйғотишда муваффақиятсизман. Ҳатто, гоҳо ўзим ҳам тура олмайман. Дунё ишларига барвақт туриб, ибодатим учун туролмаслигимни кўриб билдимки - Муаммо жасдда эмас, қалбда экан.
4-Дунё хабарларини, турли миш-мишларни билиш учун соатлаб ўтираман. Ярим соат ўтириб Қуръон ўқишга, зикр айтишга тоқатим бўлмайди. Муаммо асло жасадда эмас, юракда..
5- Ўқишдалик кезларим имтиҳонга таёргарлик қилиб, муваффақият билан ўтиш учун йўлда кетаётганини ҳам унутиб қўйгудек дарс таёрлардим. Аммо ҳақиқий имтиҳон учун бутун умрим ҳам қисқалик қилиб қолди. Муаммо қалбда азизлар, жасадда эмас..
6- Кекса оқсоқоллар таровеҳ тугагунга қадар 20 ракаът оёқларида тик туришади. Ёш бўлсамда 10 ракаътга ҳам чидамай чиқиб кетар эдим. Демак муаммо жасадда эмас, қалбда экан.
Аллоҳ тоқатдан ошиғига юкламас экан. Муаммоимиз қалбимизда экан.
Гуноҳлар, ҳаёт лаззатларига берилиш, ўлимни унутиш кабилар қалбимизни заиф қилиб, ўзимизни ҳалокатга етакламоқда.
@din_nasixatdur
Bir necha kun oldin tarmoqdagi uzilish ortidan yuzaga kelgan "imkoniyatlar"dan "unumli" foydalangan yurtdoshlarimiz, alohida "hurmat" b-n tarixda qolishlariga, ishonchingiz komil bo'lgandir endi?🤔
P.S. Bizni yengish u-n kuchli armiya shartmas emas, ayrim yurtdoshlarimiz yetarli, afsuski...
@FoydaBerar
ХАЗИНА
Араблар ичида энг кўп китобга эга бўлган киши Мисрлик Ҳасан Каамий деган кишидир. У 2018 йил 14 декабрда вафот этган. Унинг шахсий кутубхонасида 120.000 дан ортиқ китоб бор эди. Улар ичида жуда ҳам ноёб китоблар ҳам бор эди. У вафот қилишидан аввал китоблари учун 18.000000(Ўн саккиз миллион) доллар таклиф қилишган. Аммо у сотмаган. Миср маданият вазирлигининг ҳисоб-китобига кўра кутубхонада мавжуд бўлган китобларнинг асосий қисми ўта ноёб бўлиб, уларни ҳатто пулга ҳисоблаб бўлмайди. Улар ичида "Васфу Миср" номли китобдан беш нусха бўлган. Шулардан бир нусхаси Америка университетларидан бирига 100.000 долларга сотилган. Бу китобнинг тарихи Мисрни Франция истило қилган даврларга бориб тақалади.
Ҳасан Каамий кутубхонада ҳар куни ўтирар ва: "Хотиним Нажво бу кутубхонада ҳар куни ўтирар эди. Бу ерда унинг гўё руҳи бордек туюлади менга. Шунинг учун бу кутубхонани сотмайман!", деган эди.
Бугун бу кутубхона учун кураш кетаяпти. Курашаётганлар ичида халқаро ташкилотлар, музейлар, даврий нашриётлар ва ҳатто тадбиркорлар бор. Кутубхона масъули Фараҳ Юноннинг айтишича, ундаги кўп китобларга 500 йилдан ошган!
Манба "Жаридатул ватан".
/channel/Abdulqodir_Polvonov
Aytgancha bugun yakshanba, navbatdagi "kassa"da choyxona-palov kutyapti.
Palovni "uringlar", qolgani bir gap bo'lar, Mask aka o'rnimizga ishlab turibdilar-ku yuqori-texnologiyalar ustida, biz hali to'ymadik palovga.
Anaqa, mashina va uy-joy, to'y-po'y, choyxonaga butun umrni sarflash, mana bizdagi "yuqori-texnologiyalar".
Bunga yetadigani yo'q, shu sabab ham bir joyda bo'kib yeb e yo'g'e "rivojlanib" yotibmiz semirib...
P.S. Ukam, "zato" biz Ginnesga o'sha palov bo'yicha kirganmiz, bilmaysan shekil?!
@FoydaBerar
Подшоҳ фуқароларига ҳамма кечаси бир пақирдан сут олиб келиб ҳовузга қуйишини айтиб буйруқ чиқарибди. Одамлар ўзларича “мен бир пақир сув олиб бориб ҳовузга қуйсам кечаси ким билиб ўтирибди”, деб ҳовузга тун қоронғусида бир пақирдан сув қуйишибди. Эртаси куни эрталаб подшоҳ қараса ҳовуз тўла сут эмас, сув турган эмиш.
Ҳеч ким ўз чегарасида турмади. Ҳамма бошқаларнинг ҳовузни тўлдиришини кутди. Қисқасини айтганда бизнинг бугунги аҳволимиз ана шундай!
/channel/Abdulqodir_Polvonov
ҚИССАДАГИ ИБРАТ - 2
Европа халқларининг ҳикояси бор. Бир ғоз отни кўриб қолиб унга беписанд назар билан дейди:
- Мен сендан афзалман. Сенинг барча иқтидоринг бир маконда чекланган. Менинг эса турли истеъдодим бор. Сенга ўхшаб ерда юра оламан, қанотларим билан самода ҳам учаман, шунингдек сувда ҳам сузаман. Кўрдингми, мен қанчалар ноёбман, сен эса заиф ва қудратинг қанчалар чекланган?!
От деди:
- Тўғри, сен уч хил шароитда ҳам яшай оласан. Аммо уларнинг ҳеч бирида моҳир эмассан. Сен учишни биласан. Аммо тез уча олмайсан. Учишинг оғир. Ўзингни лочинлар қаторига қўя олмайсан. Сен сув сатҳида суза оласан. Аммо балиқлардек суза олмайсан, сув остидан овқат топа олмайсан. Ҳатто япалоқ оёқларинг билан ер юзида юрганингда ҳам юришинг кулгуни келтиради. Мен қуруқликда яшасам ҳам шаклим чиройли, танам кучли, ҳаракатим мафтункор, тезлигим ҳушни олади. Мен бир жойда чекланган ҳолда қолишни афзал биламан. Шу билан бошқаларни ажаблантираман. Ҳар жойда бўлиб бошқаларга кулгу бўлгандан кўра бир жойда турганим афзал!
Инсон ҳаётдаги ўз ўрнини, ўз майдонини топиши лозим. Ана шу майдонда тенгсиз бўлиши керак. Зеро ўнта соҳага кўз тикиб чала бўлгандан кўра битта соҳада етук мутахассис бўлиш хайрлироқдир.
Ўзимиздаги қудрат ва истеъдодни парчалаб тарқатиб юбориш орқали билимдон бўлишимиз мумкин, аммо қудратимизни битта нарса томон йўналтириб ўша нарсада моҳир ва даҳо бўлишимиз ҳам мумкин.
Бугун биз шунақанги замонда яшаяпмизки, бунда маҳорат ва даҳолик олтинга тенг.
Менинг фикримча, бир неча йўналишда бакалаврликдан кўра битта соҳада магистрлик афзал. Битта фанда докторликни олиш турли фанларда магистрликни олишдан афзалдир. Мен инсонни тармоқланиб кетишини эмас, битта ўқ сингари битта мақсад сари олдинга ҳаракат қилишини истар эдим. Чунки у ана шунда масофани йўқотсада ўз майдонига эга бўлади.
Холид ибн Валид розиёллоҳу анҳуда ноёб ҳарбий истеъдод бор эди. Ҳассон ибн Собит розиёллоҳу анҳу даҳо шоирлардан эди. Убай ибн Каъб розиёллоҳу анҳу қуръонни барчадан яхши ўқир эди. Муоз ибн Жабал розиёллоҳу анҳу ҳалол-ҳаромда тенгсиз эди.
Буларни тарих зарварақларида муҳрлаган нарса, Аллоҳга содиқликлари ёнида ўз майдонларида ягона бўлганликларидир!
/channel/Abdulqodir_Polvonov
Omicron shtammi Susambilimizda ham aniqlanibdi.
Vaksina olmaganlar (menga ham tegishli) olishni kechiktirmang⚠️
Vaksina olishdan qo'rqib yurganlar, ehtiyot bo'larsiz biror chora qilib.
Vaksinada hech qanday chip yo'q, chip qo'shishdan maqsad ko'rmayapman, faqat fitna xolos.
Asossiz, har qanday "xalq tabobati"dan tavsiya qilinadigan dori, uslublardan foydalanmang⚠️
Masalan, kir sovun bilan og'iz/tomoq chayish😂 sarimsoqdan ko'p-ko'p yeyish🤭 xullasi, shu kabi mantiqsiz, aqlga sig'maydigan ishlarni qilib yurmang...
P.S. Bilaman, gapimni olishga majbur emassiz, balkim foydasi tegib qolar...
@FoydaBerar
ИШОРА.
Англия Ҳиндистонни мустамлака қилишдан олдин Ҳинд ҳукуматидан Ҳиндистонда савдо ширкатлари очишга рухсат сўраган. Рухсат теккач қисқа муддатда бу ширкатлар Ҳиндистонни иҳота қилган. Натижада Ҳинд халқи инглизларга қарам бўлиб қолган.
Инглизлар мустамлакасига қарши курашда биринчи бўлиб мусулмонлар ташаббус қилишган. Ҳинду динидагилар эса Англияга ёрдам беришган.
Ҳинд диёрида бизнинг наздимизда энг тараққийлашган, маданиятли халқ бўлмиш инглизлар мусулмонлар бошига Андалус мусулмонларининг бошига келган даҳшатли мусибатларни солишган. Қўлга тушганларни ҳеч қандай судсиз ушлаган жойидаги дарахтга осишган.
Шунинг учун бизнес ҳамкорларга ҳам жаа унчалик ишониш ҳам тўғри эмас!
Ҳеч бир давлат бошқа давлатга кирар экан ўша кираётган давлат манфаатларини ўйлаб кирмайди. Аксинча ўз манфаатларини кўзлайди.
/channel/Abdulqodir_Polvonov
Минтақадаги ҳар бир сиёсий овқатни:
1) Америка пиширади.
2) Россия ўт қўяди.
3) Европа совитади.
4) Исроил ейди.
5) Араблар идиш ювади.
Муҳаммад Моғут
/channel/Abdulqodir_Polvonov
ТАКАЛЛУФДАН ҚАЙТАРИЛГАНМИЗ!
Расулуллоҳ саллоллоҳу алайҳи ва саллам саҳобалар билан бир сафарга чиқдилар. Кечаси бир кишининг маконига етиб бордилар. У ўзининг ҳовузининг олдида ўтирган эди. Умар ибн Хаттоб розиёллоҳу анҳу унга дедилар:
- Ҳой ҳовузнинг эгаси! Кечаси ҳовузингдан йиртқичлар ичганми?
Шунда Расулуллоҳ саллоллоҳу алайҳи ва саллам ҳовузнинг эгасига дедилар:
- Эй ҳовузнинг эгаси! Бунга ҳеч нарса айтма. Бу зўраки инсон. Қорнида олиб кетгани ҳайвонникидир, қолгани бизга ичимлик ва тозаловчидир!
Ҳазрати Умар розиёллоҳу анҳу ўзларига бу дарсни яхши сингдириб олдилар. Имом Молик роҳимаҳуллоҳннинг "Муватто"ларида келади:
"Умар ибн Хаттоб розиёллоҳу анҳу бир жамоа билан сафарга чиқдилар. Улар орасида Амр ибн Ос розиёллоҳу анҳу ҳам бор эди. Улар бир ҳовузнинг олдига келишди. Шунда Амр ибн Ос розиёллоҳу анҳу ҳовуз эгасига:
- Ҳой ҳовузнинг эгаси! Ҳовузингдан йиртқичлар ичадими?
Шунда Умар розиёллоҳу анҳу ҳовуз эгасига дедилар:
- Унга ҳеч нарса айтма. Йиртқичлар ичган жойдан биз ичамиз, биз ичган жойдан улар ичади!
Имом Бухорий роҳимаҳуллоҳнинг ҳадис тўпламларида келади:
"Умар розиёллоҳу анҳу айтдилар: " Биз такаллуфдан қайтарилганмиз!".
Имом Табароний, Ҳоким ва Байҳақийларнинг ҳадис тўпламларида Салмон Форсий розиёллоҳу анҳудан ривоят қилинади:
"Расулуллоҳ саллоллоҳу алайҳи ва саллам бизни меҳмонга такаллуф қилишдан қайтардилар".
Бу буюк дин бизни қийналмасдан оддий ҳаёт кечиришимизни истайди. Энг яхши нарсаларни қидириб ўзимизни қийнашимизни хоҳламайди. Бошқаларнинг вазифасини бажариш учун бир уюм қарзни гарданимизга юклаб олишимизни, одамларга ҳашаматли кўриниш учун зўрма-зўраки қиммат нарсаларни сотиб олишимизни истамайди.
Биз шариатда фойда бермайдиган илм изламаймиз. Зарар бермайдиган жоҳилликни қидирмаймиз. Бу ҳам такаллуфдир.
Имом Шаъбий роҳимаҳуллоҳдан бир киши сўради:
- Иблиснинг хотинини исми нима бўлган?
Шаъбий жавоб берди:
- Уларнинг никоҳида гувоҳ бўлмаган эдим!
Иброҳим алайҳис салом сўйган ва тўртта тоғнинг устига қўйган қушларнинг навини билишга интилиш, асҳоби каҳфнинг итининг рангини суриштириш, Қобил ва Ҳобилнинг қайси тилда гаплашганини суриштириш кабилар такаллуфдир!
Ақлий фаолиятимизни ўзгартиришимиз лозим. Такаллуфни тарк қилишимиз керак. Ана шунда ҳаёт енгиллашади!
/channel/Abdulqodir_Polvonov
Жоҳилият давридаги залолат бир қизиқ нарса бўлган. Инсоннинг пайғамбарлигига рози бўлмаган, тошнинг илоҳлигига рози бўлган!
/channel/Abdulqodir_Polvonov
Izmat Miriydanning keltirishicha: Iziddin ibn Oydemir ibn Ali al-Jaldagiy atom va raketalar bo'yicha nazariyalarni birinchi bo'lib kashf etgan olim hisoblanadi.
Biz 21-asrda yashab ham "qo'limizdan kelmaydi" iborasiga qattiq ishonib olganmiz, bu ishonch ba'zilar u-n inkor etilmaydigan fakt hisoblanadi.
Shunday olimlarimiz o'tganini bilgach, savol beraman o'zimga: "agar shularni zamonasida bugungi imkoniyatlar bo'lganida, biz bilmaydigan yana nimalarni kashf qilishgan bo'lardi?"
"Qani, oshga qaraymiz. Keyin qur'a tashlab bugungi kassa pulini kimga tegishini aniqlaymiz..."
@FoydaBerar
— Намоз ўқинг! - дедик.
— Қалбимиз тоза, дединглар.
— Судхўрликдан, рибодан тийилинг! - дедик.
— Бошқа йўл (чора) йўқ, дединглар.
— Бечора-камбағалларга ёрдам беринг! - дедик.
— Мажбурмизми? - дединглар.
— Ҳаворанглик қилиш, бир жинслиларнинг никоҳи ҳаром! - дедик.
— Бировнинг шахсий ҳаётига аралашишга ҳеч кимнинг ҳаққи йўқ, дединглар.
— Ичкилик ичманг, зинога яқинлашманг! - дедик.
— Қайси асрда яшаяпмиз? - дединглар.
— Аллоҳга дуо қилинг, Ўзидан сўранг! - дедик.
— Дуога эмас, билимга ишониш керак, дединглар.
— Аллоҳдан ўзгага қуллик қилманг, Ўзигагина суянинг, дедик.
— Орқангда танканг бўлмаса бўлмайди, дединглар.
— Бир-бирингизнинг гўштингизни еманг, ғийбат қилманг! - дедик.
— Биз суҳбатлашяпмиз, дединглар.
— Ризқни Аллоҳ беради! - дедик.
— Дипломи йўққа нон йўқ, дединглар.
— Ҳалолидан енг, ҳаром аралаштирманг! - дедик.
— Бойлар давридамиз. Бой бўлишга мажбурмиз, дединглар.
— Тўй-ҳашамларингизни Исломга мувофиқ қилинг, дедик.
— Эркак-аёл аралаш тўй бўлмаса, ҳеч ким келмайди, дединглар.
— Маҳрамларингизни (хотинингизни, қизингизни) интернетда реклама қилманг, дедик.
— Биз муҳаббатимизни, уларни қанчалар яхши кўришимизни изҳор қиляпмиз, кўрсатяпмиз, дединглар.
— Миллатчилик, маҳаллийчилик қилманглар, дедик.
— Биз фалон миллатдан, фалон шаҳардан устунмиз, дединглар.
Abdulloh Rahim
@din_nasixatdur
Дедим:
- Нега намоз ўқимайсан?
Масхараомуз деди:
- Бизга ҳам инсоф сўраб туринг!
Дедим:
- Ундай бўлса ишингга ҳам бормай қўявер.
Деди:
- Нега?
Дедим:
- Сенга ризқ ҳам сўраб дуо қилиб қўяман!
/channel/Abdulqodir_Polvonov
Kanal kuzatuvchilariga iltimos bor edi😊 men yashab turgan hududda (Namangan sh.) masjid qurilishi boshlangan, shu qurilishga imkon qadar yordam berishinglarni so'rab qolar edim...
Boshlanishiga sement va armatura, ustalar u-n oziq-ovqat, rozi bo'lib nima bersangiz ham savob amal qilgan bo'lasiz, qurilishga hissangiz tegib qoladi...
Bog'lanish u-n masjid hodimlarining raqamlari bor, quyidagi havola bo'yicha kanalga o'tib ko'rasiz!
Alloh qilgan savobli amallarimizni qabul aylasin, omin!
/channel/abdulqodirqorijomemasjidi
@FoydaBerar
Цивилизация - телевизор томоша қилиш эмас, балки уни ясашдир, инглиз матоси орқасидан чопиш эмас, балки уни тўқишни ўрганишдир. Цивилизация бугун илм, технология, иқтисодий қудрат ва ривожланишда бўлиб қолди.
Нонимизни, қуролимизни ва кийимимизни ажнабий қўл ясаб берар экан, озодлик ҳам, мустақиллик ҳам бекордир.
Доктор Мустафо Маҳмуднинг
"Ниқобингизни ечинг, жаноблар” китобидан.
@din_nasixatdur
Yaqin tarixda har qanday boyliklarimiz tashib ketildi, ya'ni "yeb" ketildi. Evaziga esa qo'polroq ma'noda ahlatidan ul-bul chiqarib berishdi. "Ochered" turib oldik, boyishga cheklov boridi xalq u-n, ammo faqat xalq u-n. Eplaganlar bo'ldi, sotganlar ham o'zimizdan bo'ldi.
Boyliklar tashilishida ham "jonbozlik" ko'rsatgan shu yurt farzandlari edi, ammo nafs quli, sotqinlar edi.
Ziyolilar qirildi, beminnat xizmat qilishdi o'zimizdan chiqib.
Xo'rlandi-zo'rlandi, yordam berishdi, yana o'zimizdan chiqqanlar.
Bugun tirik guvoh sifatida, insof b-n tan olib qaraylik, mustaqilmiz, ammo tarixdagi holat baribir davom etyapti.
Endi bosganlar emas, ozodlar davom ettirishyapti. Afsus, yana o'zimizdan chiqqanlar xizmatda doimgidek.
Bilmayman, bu holda yana nimalarni boshdan kechiramiz.
Bir hadis o'qigandim, ma'nosini yozishga harakat qilaman yoki fikr bildiray:
Nafsni 3000 yillik (aynan qanday ming yilliklar, Alloh biladi) azoblar "Alloh" dedirdi, ochlik azobi yillaridan so'ng tan olgandi, issiq-sovuqqa chidab, o'zicha bosh egmagan edi. Ochlik esa uddasidan chiqib, bosh egdirdi.
Demoqchiman-ki, nafs odamni boshqarishga o'tsa, undan hech-hech yaxshilik kutmaslik k-k.
Qanchalik buyuk imperiya qurmasin ajdodlarimiz, baribir parchalanib ketgan-da...
Chingizxon 120.000 qo'shin b-n yurtimizga kirgan bo'lsa, deyarli 80.000 ga yaqini o'zimizdagi turkiy xalqlardan tuzilgan edi. O'sha qonxo'r aytgan-ki: turkiyni faqat turkiy b-n yengasan.
Jaloliddinni ham bir kurd o'ldiradi, turkiy xalq.
Xullasi, qayerda "yeb" qo'ygan bo'lsak, bevosita ham bilvosita ham qo'limiz bo'lgan. Tortishishdan foyda yo'q, achchiq haqiqat.
Ishonmasangiz, umringizni tarixni o'rganishga sarflang, qarshi fakt topolmaysiz...
@FoydaBerar
Китоблар мени мутаассибликдан, ғазабдан, жинниликдан, ўзни барбод қилишдан қутқарди. Улар менга муҳаббатни, балки ундан ҳам кўпроқ нарсаларни ўргатди!
Элиф Шафақ
/channel/Abdulqodir_Polvonov
@FoydaBerar
ҚИССАДАГИ ИБРАТ - 3
Ўн иккинчи асрда мўғуллар Чингизхон бошчилигида Хитойга ҳужум қилишди. Кўп шаҳарларни эгаллашди. Улар қайси шаҳарни эгаллашса унинг аҳолисини қириб ташлашар эди. Чингизхон ёввойи одам эди. У маданиятнинг қийматини билмас эди. У Хитойни ўзининг чорваларини боқиш учун кенг яйлов шаклида кўрар эди. Шунинг учун ҳам ҳамма Хитойликларни ўлдиришга қасд қилган эди.
Аммо Шо Устой исмли киши Хитойни қутқаришга муваффақ бўлди. Шо аслида Хитойлик эмас эди. Аммо у шу ерда ўсиб катта бўлган, уни худди ўз мамлакати каби севар эди. У жуда зийрак ва ақлли инсон эди. Ўз ақли билан у Чингизхонга маслаҳатчи даражасигача кўтарилди.
У аввало Чингизхонга шаҳарларни вайрон қилмаслик ва аҳолини ўлдирмасликни маслаҳат берди. Бунинг ўрнига улардан жизя олиб молини кўпайтиришни таклиф қилди.
Чингизхон Кайфенг шаҳри томон йўл олди. Узоқ қамалдан сўнг Кайфенгни қўлга киритди. Чингизхон у шаҳар аҳолисини битта қолмай қатл қилишга қарор қилди. Шунда Шо Устой деди:
- Хитойнинг энг буюк муҳандислари, ҳунармандлари ва олимлари шаҳарга қочиб кирган. Уларни қатл қилиш ўрнига салтанатингизни мустаҳкамлаш учун ишлатсангиз бўлар эди!
Чингизхон бу сафар ҳам ишонди. Ҳеч кўрсатмаган раҳматини кўрсатиб шаҳар аҳолисини ўлдирмади.
Шо Устой ўзининг заковати билан Чингизхоннинг ўз маданиятини бино қилиш ғамида юрганини билган эди. Чингизхон ёввойи одам эди. Уни шаҳарларни вайрон қилиш ва шаҳар аҳлини қатл қилиш қониқтирар эди. Аммо унинг нозик жойи ТАМАЪ эди. Шо ана шуни билиб олган эди.
Ҳаммамизнинг нозик томонимиз бор. У худди инсон биноси ичига олиб кирадиган калитга ўхшайди. Ким ана шу калитни қўлга киритса бошқалар қалбига осонлик билан кира олади, уни бир ишни қилишга ёки тарк қилишга кўндира олади.
Мисол учун эридан ажралишни талаб қилиб турган аёлга фарзандлари эслатилса эҳтимол фикридан қайтади. Чунки оналар қалбининг калити фарзандларидир.
Бир савдогар билан шерик бўлмоқчи бўлсангиз ва унга бу шерикликнинг жамиятга фойдаси кўплигини қанчалар таъкидласангиз ҳам токи бундан унинг ўзига қандай манфаат борлигини айтмасангиз таклифингиз фойда бермайди. Зеро савдогарнинг қалб калити фойдадир.
Бахил билан бирор-бир ишда шерик бўлмоқчи бўлсангиз унга аввало ундан ҳеч нарса кетмаслигини, ҳеч нарса йўқотмаслигини гапиринг. Ана шунда у ҳеч қандай тафсилотларсиз сиз билан ҳатто Эверестгача пиёда боришга рози бўлади.
Буларнинг баридан чиқадиган хулоса шуки, агар сиз эшикнинг калитини билсангиз уни бузиш машаққатидан қутиласиз!
/channel/Abdulqodir_Polvonov
МЕНИНГ ЎРНИМДАН ЖАВОБ ҚИЛ!
Бир куни Умар ибн Хаттоб розиёллоҳу анҳу масжидда Ҳассон ибн Собит розиёллоҳу анҳунинг шеър ўқиётганини эшитиб қолдилар. Умар розиёллоҳу анҳу Ҳассон розиёллоҳу анҳуга танбиҳ бердилар. Аслида Умар розиёллоҳу анҳу шеърни ҳаром демоқчи ёки шоирларнинг қадрини ерга урмоқчи эмас эдилар. Чунки у зотнинг ўзлари: “Тилингиз(қоидалари)ни Роббингизнинг китобидан ва қадимий шеърларингиздан олинглар!”, деган эдилар. Ҳассон розиёллоҳу анҳуни қайтарганларига сабаб фақатгина масжиднинг эъзози учун эди. Умар розиёллоҳу анҳу масжидда фақат қуръон ва ҳадис зикр қилинади деб эътиқод қилар эдилар. Шунда Ҳассон розиёллоҳу анҳу:
-Эй мўъминлар амири! Мен масжидда сиздан афзалроқ инсон бўлганида ҳам шеър ўқиганман!-деди.
Сўнгра Абу Ҳурайра розиёллоҳу анҳуга қараб:
-Эй Абу Ҳурайра! Расулуллоҳ саллоллоҳу алайҳи ва салламнинг менга: “Эй Ҳассон! Менинг ўрнимдан уларга(мушрикларга) жавоб қил! Эй Аллоҳим! Ҳассонни Руҳул Қудс билан қувватлагин!", деганларини эшитмаганмисан?!-деди.
Абу Ҳурайра розиёллоҳу анҳу деди:
-Ҳа, эшитганман!
Буни эшитган Умар розиёллоҳу анҳу индамасдан уларни ташлаб кетиб юбордилар.
Агар мен муҳаддис бўлганимда бу воқеани Умар розиёллоҳу анҳунинг фазилати ҳақида ворид бўлган ҳадислар ёнида зикр қилар эдим. Фазилат дегани кишининг фақатгина тўғри йўлда бўлиши эмас, балки хатоси ошкор бўлганида ҳақни тан олиши ҳамдир!
“Менинг ўрнимдан уларга жавоб қил!”. Мана шунга озроқ тўхталамиз. Ҳарбий ҳаракатларда Холид ибн Валид розиёллоҳу анҳунинг қиличига муҳтож бўлган бу дин, фикрий жангларда Ҳассон розиёллоҳу анҳунинг шеърларига ҳам муҳтож бўлган. Холид розиёллоҳу анҳу Ҳассон розиёллоҳу анҳунинг ўрнини боса олмас эди. Ҳассон розиёллоҳу анҳу ҳам Холид ибн Валид розиёллоҳу анҳунинг ўрнини боса олмас эди. Аллоҳ таоло бизнинг ҳар биримизни алоҳида бир чегарага қўйган. Биз ўзимизга берилган бор куч-қувват билан ўша чегарани қўриқлашимиз лозим. Ўзимизнинг чегарамизни арзимас деб ўйламаслигимиз керак. Қолаверса, ўз чегарамизни бошқаларнинг чегарасидан муҳим деб ўйламаслигимиз керак.
“Қийинчилик қўшини”да Усмон розиёллоҳу анҳунинг моллари Убай ибн Каъб розиёллоҳу анҳунинг қироатидан муҳимроқ эди. Қуръони карим жамланаётган пайтда Убай ибн Каъб розиёллоҳу анҳунинг қироати Усмон розиёллоҳу анҳунинг молларидан, Холид розиёллоҳу анҳунинг қиличидан, Ҳассон ибн Собит розиёллоҳу анҳунинг шеърларидан кўра аҳамиятли эди. Давримиз келганида арслон бўлишимиз керак!
Али ибн Аби Толиб розиёллоҳу анҳунинг Хайбар жангидаги ишлатган қиличлари Абу Бакр розиёллоҳу анҳунинг Билол розиёллоҳу анҳуни озод қилган моллари кабидир. Али ибн Аби Толиб розиёллоҳу анҳунинг қиличлари қул озод қила олмас эди. Абу Бакр розиёллоҳу анҳунинг моллари Хайбарда душманни қатл қила олмас эди. Бу динни тобелари тўлдиришади. Бунда рақобат ва “мен сендан устунман” дейиш йўқ.
Бугунги исломнинг ҳам ҳоли шунақа. Чегаралар хилма-хил, бизнинг ҳар биримиз алоҳида чегарадамиз. Она уйида чегара қўриқлайди. Чунки мардларни етиштириш энг буюк вазифадир. Муаллим синфида чегара қўриқлайди. Чунки жоҳил халқ инсониятни бошқара олмайди, бошқалар томонидан бошқарилади. Мужоҳид ўз чегарасида қилаётган ишни масжид имоми қила олмайди. Масжид имоми қўриқлаётган чегарани бой савдогар қўриқлай олмайди. Шуни билишимиз керакки, садақа-эҳсонлар қиладиган, инсонларга ёрдам берадиган бойнинг чегараси, халқ учун қонини берадиган мужоҳиднинг чегарасидан ёки халқни Аллоҳ томон етаклайдиган масжид имомининг чегарасидан аҳамиятсиз эмас.
Аллоҳ сизни қайси чегарада қўйганига қаранг. Сиз ана шу чегарани ҳимоя қилишингиз лозим. Унинг учун курашишингиз керак. Бизнинг ҳар-биримиз ўз чегарасида турсагина бу уммат ўз буюклигини қайтариб олади.
Бир подшоҳнинг хотини бемор бўлибди. Шифокорлар уни ҳар куни сутда чўмилишини тайинлашибди. Подшоҳ ҳовузни ҳар куни сут билан қандай тўлдиришини билмасдан боши қотибди. Вазирларидан бири подшоҳга халққа бир пақирдан сут солиғи солишни амр қилишини айтибди. Ҳамма кечаси бир пақир сут олиб келиб ҳовузга қуяди, тамом.
ОНА
Онам менинг ўқишим учун узукларини сотдилар. Синглимни турмушга узатиш учун билакузукларини сотдилар. Укамнинг беморлиги сабабли мунчоқларини сотдилар. Бирорта тақинчоқлари қолмади.
Мен ўқишни битириб хорижга кетдим. Ҳафтада икки кун гаплашар эдим онам билан. Соғинчдан йиғлаганлари сабабли гапларини зўрға тушунар эдим. Синглим бадавлат кишига турмушга чиқди. Ҳозир бекаму-кўст яшаяпти. Барча орзуларига эришди. Укам эса машҳур футболчи. Биринчи шартномасидан бери уйга қайтмабди ҳали.
Бир неча йиллар ўтди. Шамол эшикни тақиллатса ёки қўшниларимиз эшигимизни тақиллатишса бизни келди деган хаёлда онам ялангоёқ эшик томон югурар эканлар. Аммо бизни эшикда кўрмагач кўз ёшлари билан қайтар эканлар.
Онам вафот этиб кетдилар. Эски рўмолчалари ичидан оёққа тақиладиган тақинчоқлари чиқди. Фарзандларимдан бирортаси бемор бўлиб қолса керак бўлар деган хавфда яшириб қўйган эканлар!
Абдулмунъим Омир.
Жазоир.
@din_nasixatdur
Мусулмонлар инсониятга нималарни тақдим этишган?
1. Телефон аккамулятори, батарейкалари мусулмонларни ихтиросидир. Профессор Рашид ал Язмий.
2. Wi-Fi (вай фай) тармоғи ишланмаси мусулмонлар ихтиросидир. Доктор Хотим Зағлул.
3. Дастурлаш, программалаштириш алгоритмлари мусулмонлар ихтиросидир. Олим Абу Жаъфар Муҳаммад ибн Мусо Хоразмий.
4. Жарроҳлик иплари мусулмонларнинг ихтиросидир. Олим Абу Бакр ибн Муҳаммад Закариё ар Розий.
5. Ring дастурлаш тили мусулмонларнинг ихтиросидир. Муҳандис Маҳмуд Самир Фоид.
6. Тарихдаги илк астрономик обсерватория (фалакни кузатиш расадхонаси) мусулмонлар ихтиросидир. Халифа Маъмун асос солган Маъмун расадхонаси.
7. Замонавий фотокамералар кашфиётига асос бўлган камера назарияси- “қуммора” мусулмонлар ихтиросидир. Олим Абу Али Ҳасан ибн Ҳасан ибн Ҳайсам.
8. Кимё (химия) илмининг асослари мусулмонлар ихтиросидир. Жобир ибн Ҳаййён ибн Абдуллоҳ Аздий.
9. Алгебра фани - алжабр илми мусулмонларнинг ихтиросидир. Абу Муҳаммад ибн Мусо Хоразмий.
10. Социология, жамиятшунослик илми мусулмонлар ихтиросидир. Абдураҳмон ибн Муҳаммад ибн Халдун.
11. 1, 2, 3 рақамлари мусулмонлар ихтиросидир. Абу Муҳаммад ибн Мусо Хоразмий.
12. Торпеда ракетаси мусулмонларнинг ихтиросидир. Инженер Нажмиддин Ҳасан Аҳдаб.
13. Жарроҳлик амалиёти асбоб-ускуналари мусулмонларнинг ихтиросидир. Абул Қосим Халаф ибн Аббос Заҳровий.
14. Пикнометрни –нарсаларнинг зичлигини газ ҳолида, суюқ ва қаттиқ ҳолда ўлчаш учун ишлатиладиган махсус шаклдаги физикохимиявий ўлчов идишини мусулмонлар ихтиро қилган. Абу Райҳон Муҳаммад ибн Аҳмад Беруний.
15. Кўзойнак мусулмонларнинг ихтиросидир. Олим Абу Али Ҳасан ибн Ҳасан ибн Ҳайсам.
16. Фалакшунослик, астрономик соат - устурлоб (астролябия) мусулмонлар ихтиросидир. Олим Иброҳим Фазорий.
17. Тарихдаги биринчи шифохона мусулмонлар ихтиросидир. Саййида Фотима бинти Муҳаммад Фиҳрий Қураший.
18. Тарихдаги биринчи жомеа - университет мусулмонлар ихтиросидир. Саййида Фотима бинти Муҳаммад Фиҳрий Қураший.
www.arabic.uz
@din_nasixatdur
Faqat bizda bo'lsa k-k korrupsiya, ilmsizlik, global muammolardan ko'ra soqol, ro'mol, hijob, "diniy libos"dan daxshatli darajada qo'rqish.
Aksar mamlakatlarda teskari bo'lgan bir paytda bizda...
Undaylar u-n sanab o'tilganlarning ichidan ilmgina eng daxshatlisi bo'lsa, ajablanmayman.
Ilmli kishi ko'pni biladi, uzoqni ko'ra oladi, ko'plab muammolarni yecha oladi, keng imkoniyatlar shakllantira oladi.
Bugun bizni ilmsiz qilishga intilishayotgan bir pallada, bo'sh kelmaylik⚠️ Aks holda holimizga maymunlar ham yig'lagisi kelmay qoladi...
@FoydaBerar
Араб диёрларида араб фуқаролари ҳоҳлаган масъул шахснинг ҳузурига кириб хоҳлаган гапини айтиши мумкин. Аммо унинг ҳузуридан чиқиш-чиқмаслиги энди бошқа масала.
Муҳаммад Моғут
/channel/Abdulqodir_Polvonov
Hozirda deyarli barcha masjidlarda kechki namozdan k-n ma'ruzalar bo'lyapti, Allohga shukr.
Azonni orzu qilgandik, nasib bo'ldi.
Ilmiy suhbatlarni xohlar edik, ozmi-ko'pmi bo'lib turibdi.
Ijtimioy tarmoqlarda rasmiy ahli ilmlarning ma'ruzalari ortib boryapti.
Tinglovchilar ham bir necha yilga nisbatan ancha ko'paydi.
Ammo aksar kishilar hali hanuz/navbati b-n saviyasiz/bemaza/mayda-chuyda ishlarga boy "trend" hayot ortidan quvib yuribdi.
Achinarli holat.
Sohalarga e'tibor bersak, imom domlalar o'zlaridagi vazifani qolgan sohalarga nisbatan yaxshiroq uddalab turishgan bir paytda, eng oxirgi "soha" (soha deyish xato aslida, boshqa nom toparsizlar) vakillari bo'lmish ateistlar (dahriy maymunlar, o'zlari tan olishadi buni) bo'm-bo'sh kalla b-n sakkillab, likkillab, unga-bunga sakrab, gapdan va har narsadan yeb yurishgani, umuman keraksiz-da rosti.
Hech vaqoni bilmaydi, "ziyoliman" deyishiga "o'lgani yaxshi" deydigan odam kam.
Bu maymunlarning gapi bo'yicha, "Islom ilmga qarshi" emish, ularning tushunchasida ota-bobosini maymun, deyish "ilm" bo'lsa, Islom bunday "ilmga" qarshi turganidan hursandman.
Zero ilmsizlik ayni johillik, johillarga Islom qarshi turmasa, boshqa kim yoki nima qarshi turadi?
Ilm odamni aziz qiladi, maymun qilmaydi⚠️
Real olib qarasak, saviyasiz faqat dahriylar emas, boshqa qatlam vakillari ham ancha-muncha.
TVda bo'layotgan jinniliklarga qaysi jinni buyruq bergan, jinnilar ham topolmay hayron bo'lsa ajab emas...
P.S. Hidoyat bizdan bo'lmagani kabi, johillikdan ham najotni qancha ter to'kmaylik, berolmas ekanmiz...
Barchada doim tanlov bo'ladi (juda ko'p holatlarda), ammo juda ozchilik ijobiy tanlovni amalga oshiradi.
@FoydaBerar
ҒАРИБЛАР
Бир куни Набий саллоллоҳу алайҳи ва саллам саҳобаларга дедилар:
" Ислом ғариблик билан бошланди. У яна бошидаги каби ғарибликка қайтади. Ғарибларга жаннат бўлсин!".
Ғариблар деганда даставвал кўз ўнгимизда жамиятдан бир чеккада яшайдиган, инсонлардан ажралган, эски кийимлар кийиб олган, сочлари тартибсиз, мансаби ва қиладиган иши йўқ, бирор жойда ўқимаган кишилар келиши мумкин. Бу сифатлар ўзи билан ўзи овора бўлиб қолган кишиларнинг сифати, ғарибларники эмас.
Ғарибларни жамиятнинг барча бўғимида учратишимиз мумкин. Улар шифокорлар ичида ҳам бор, муҳандислар ичида ҳам бор, темирчилар ичида ҳам бор, дурпдгорлар ичида ҳам бор, ҳайдовчилар ичида ҳам бор, кўча тозалайдиганлар ичида ҳам бор, номини ёзишни билмайдиган талабалар ичида ҳам бор, уй хизматкорлари ичида ҳам бор, муаллимлар ичида ҳам бор, ҳамширалар ичида ҳам бор...
Уларнинг биз каби оиласи, иши, орзулари, истаклари, оғриқлари, табассуми ва кулгуси бор. Улар биз яшаётган жамиятда яшашади. Уларнинг ғариблиги қалбида бўлади. Уларнинг қалбидан ислом ва мусулмонлар аҳволини ўйлаб қон томади. Уларнинг тунги барларда бирга аралашиб ўйин-кулги қилаётган фарзандларимизни кўриб, қўлларидан ҳеч бир иш келмаслигини ўйлаб қалблари оғрийди. Улар маҳаллаларда ароқ сотилаётганини кўриб, уни қайтаришга тоқатлари етмасдан алам чекишади. Улар ҳижобсиз, очиқ юрган хотин-қизларимизни кўришса, масжиддан, намоздан нафратланадиган ёшларни кўришса маҳзун бўлишади. Улар жамиятдаги порахўрликни кўриб, уни тузата олмай эзилишади. Миллатнинг бойлиги талон-тарож бўлаётганини кўриб улар адойи тамом бўлади. Улар Роббилари билан ёлғиз қолишса ғарибликларидан Унга шикоят қилишади. Оҳларини Унга изҳор қилишади. Улар бунақанги ишлардан рози эмасликларини Роббиларига айтишади.
Ғариблар оддий ва содда инсонлар эмас. Мўъминларнинг жамиятдаги муаммолардан қалблари оғрийди.
Ислом ғариблик билан бошланди. Ўша даврдаги ғариблар қанақа эди. Мана шу саволга жавоб топишимиз бугунги ғарибларни ҳам бизга аниқлаб беради.
Абу Бакр розиёллоҳу анҳу жуда катта савдогар эдилар. Олди-сотди қилар эдилар. Мусулмонлардан жуда кўп қул озод қилар эдилар. Жамиятда обрўлари баланд эди. Ҳамма у зотни танир эди. У зотнинг ғарибликлари қалбларида эди. Қавмларининг залолати ва куфрини кўриб эзилар эдилар.
Миқдод ибн Асвад розиёллоҳу анҳу жуда кучли жангчи, баҳодир чавандоз эди. Ҳеч нарсадан қўрқмас эди. У ҳаётини қаҳрамонлардек ўтказди. Аммо унинг ғариблиги қалбида эди. Қавмининг бут ва санамларга ибодат қилаётганини кўриб қалби пора бўлар эди.
Умар ибн Хаттоб розиёллоҳу анҳу "Дорун Надва"да Бани Адийнинг вакили эдилар. Сўзамол, кучли танага эга эдилар. Бутун Қурайш у зотни танир эди. Кўпчилик у кишидан ҳайиқар эди. Аммо у зотнинг ҳам ғарибликлари қалбларида эди.
Мусъаб ибн Умайр розиёллоҳу анҳу Макканинг энг гўзал йигитларидан эди. Энг яхши кийимларни кияр эди. Қизлар Мусъабни кўчада кўриб қолса дугонасига уни кўрганини айтиб узоқ вақт мақтаниб юрар эди. Аммо Мусъабнинг ғурбати қалбида эди. Қавмининг, оиласининг дўзахга киришини ўйлаб қалби қон йиғлар эди.
Ҳамза розиёллоҳу анҳу кучли, қўрқмас бўлсаларда ғариб эдилар. Қурайш у зотни "шерлар овсиси" дер эди. Ҳамза розиёллоҳу анҳу Абу Жаҳлнинг юзига бир мушт уриб:"Қани қўлингдан келса қайтарчи!", деганларида Абу Жаҳл уришга журъат қила олмаган эди.
Ғариблик қалбда бўлади. Инсонлардан ажралиб олиш, бекорчилик ва дангасалик ғариблик эмас. Бу хорлик ва мағлубиятдир. Бунда ғарибликдан асар ҳам йўқ!
/channel/Abdulqodir_Polvonov
Пайғамбаримиз Муҳаммад (саллоллоҳу алайҳи васаллам) севган 10 та озиқ-овқат
1) Арпа
У организмни зарарли моддалардан тозалайди, овқат ҳазм қилишни йўлга қўяди ва ичакда фойдали бактериялар ўсишига имкон беради.
2) Хурмо (финик)
Пайғамбар ( ﷺ ) уйда хурмосиз озиқ-овқат бўлмайди, деганлар. У соч ва тери учун фойдали, шунингдек, кўриш қобилияти билан боғлиқ ва жигар касалликлари олдини олишда ёрдам беради. У юрак учун ҳам фойдали.
3) Анжир
Ҳазм қилишни яхшилайди ва ҳорғинликда ёрдам беради.
4) Узум
Пайғамбар ( ﷺ ) қонни тозаловчи, тетикликни оширувчи, буйракларни мустаҳкамлаб, ичакларни тозаловчи узумни яхши кўрганлар.
5) Асал
Овқат ҳазм қилишни яхшилайди, қувватни тиклайди, иммунитетни оширади.
6) Тарвуз
Пайғамбар ( ﷺ ) тарвуз айниқса ҳомиладор аёллар саломатлиги учун фойдали, деганлар. Унинг таркибидаги ферментлар ичакнинг нормал фаолият юритишини таъминлайди. «Тарвузни истеъмол қилган ҳар қандай ҳомиладор аёл ташқи кўриниши чиройли ва феъл-атвори ҳам гўзал бўлган болани дунёга келтиради», — деганлар пайғамбар ( ﷺ ).
7) Сут
Пайғамбар ( ﷺ ) тозалиги бўйича сутга тенглаша оладиган бошқа ҳеч қандай ичимлик йўқлигини айтганлар. Сут белни ва мияни бақувват қилади,у кўриш қобилиятини ва хотирани яхшилайди.
8) Қўзиқорин
Муҳаммад пайғамбар ( ﷺ ) у кўз учун яхши восита эканлигини айтганлар. Қўзиқорин организм учун тўйимли ва осон ҳазм бўладиган маҳсулотдир.
9) Зайтун ёғи
У тери, соч учун ажойиб восита, шунингдек, кексайиш жараёнини секинлаштиради ва овқат ҳазм қилишни яхшилайди.
10) Анор
Пайғамбар ( ﷺ ) анор 40 кун ичида шайтондан ва ёвуз ниятлардан тозалашини айтганлар.
@din_nasixatdur
Ҳасан Басрий айтади:
"Бечора одам боласи! Нақадар нотавон!
Қачон касал бўлиши ноаниқ. Ўлиши эса аниқ.
Унга бир бит ҳам озор бера олади. Бир ҳўплам сувга тиқилиб ўлиши ҳам ҳеч гап эмас.
Ҳар куни охиратга яқинлашиб, дунёдан узоқлашиб бораверади.
У эса мудом ғафлатда.
Ўзича катта кетади, керилади, зулму зўравонлик қилади".
Арабчадан Муқим Маҳмуд таржимаси
@din_nasixatdur
Mayli, kuling. Ammo yozgim keldi:
Umrini ilmga bag'ishlagan musulmon ajdodlarimizning qanchadan-qancha ilmiy kashfiyotlari tarix qorong'uligida qolib ketdi. Ayrimlari o'rganilmay yotibdi va qachongacha yotadi, Alloh biladi.
Ayni damda biz musulmonlar uhlashdan nariga o'tolmayapmiz, tan olaylik.
Bizga bu "ilm", bu "texnologiya" bu "madaniyat" deb har baloni tiqishyapti, ko'r-ko'rona qabul qilyapmiz.
Har tur tilni o'rganyapmiz, IT ga qiziqishimiz bor va h.k., l-n dunyoga qaytarib berilishi k-k bo'lgan, ajdodlardan qolgan ilmni nega o'rganmayapmiz?
O'qib-o'rganilmagan manbalarni tadqiq qilaylik, insha'Allah hozirgi dunyo ko'rmagan kashfiyotlar chiqishi turgan gap.
Nobel mukofotidan ham yuqori mukofotlarga bemalol erishsak bo'lardi shunda.
Ortimizda qolib ketayotgan ilmiy bazadan qanchadan-qancha ilm chiqarib olsak bo'ladi?
Bugungi kunda eng yuqori texnologiya hisoblanayotgan kashfiyotlardan ko'ra yaxshiroq kashfiyot qilsak bo'ladi.
L-n dangasamiz-da, uhlash yoqadi bizga.
Bugun sizni birgina fikr b-n yedirishyapti: sen ularga yetolmaysan, yo'l bo'lsin...
Kengroq fikrlasak, atrofdagi ilmiy yutuqlar biz musulmonlarning ulkan yutuqlarimizni amalga oshirish u-n vosita-ku. Qanday deysizmi? Bir misol:
Elektr energiyasi - usiz elektronika ishlamaydi, ammo Alloh bir g'ayridinga shuni kashf qilishni nasib etdi, oqibatda musulmonlarning og'irini yengil qilyapti (musulmonlar ularga o'tmishda yetarlicha yaxshilik qilib qo'ygandi).
Atrofga qarang, neki ilmiy yutuq bor ekan, ulkan yutuqlar u-n vosita sifatida tayyorlab qo'yildi/qo'yilmoqda.
Navbat bizga keldi endi⚠️
Oldinda katta fitnalar kutyapti, ularga ilm b-n qarshi turish m-n xolos.
U ilmni Alloh Odam Ato b-n yerga yuborgan edi, oxirgi payg'ambar orqali ham katta ilm berildi.
Endi shu ilmdan biz ham foydalanaylik⚠️
P.S. Bizdan nom emas, foydali ilm qolsin, ulkan kashfiyotlar qolsin insha'Allah
@teleskoplar
@FoydaBerar