5211
كيفَ أندس كزهرة رؤيا في شطحةَ وجد صوفية لـِ التواصل مَعي @Iraqi_098
أبچي گلبي الماعرف المن يحن والمن يريد ...
- غانم الفياض
..
مكان الفرح
ظل فارغ
مكان الگلب ظل شاهد عله المامش
- طارق ياسين
..
هاي الناس كلها أوهام
من يفرش ظلامه الليل كلها تنام
كلها أمواعدتها أحلام
بس احنه الجزانه الطيف
- حسن الترابي
..
طوّل مأتم البستان
والبلبل نسى التغريد
- عبدالكريم القصاب
..
ليلة بردّ والنجمات نوّمهن حچي عيوني
وغفه حتى الضوه السهران
واحنا اسرارنه مفرعات
لاشيلة ولاچلّاب
فشلة من الجرح ياروح
مابينه بعد وگفة اعلى عتبة باب
- ميثاق الهلالي
..
او مستحى اعيونج
فرح خدران بخيال الجفن يدبي
يشاورني
والبوسه التجي أويه الخوف
حسبالك شعر شعبي
- شاكر السماوي
..
وأطفح بروحك، وجد روحي خلص، نهر مايه سنين، وبچفي نِگَص
والگلب عصفور طاير، شايل بروحه قفص
ـ عامر عاصي
انت عمرك
نذر چلمه وشمعة مصلوبه اعله باچر
- غازي ثجيل
..
حزين وما گدرت الگه الفرح بين المواعيد
- عزيز السماوي
..
( سفر متعب ) طارق ياسين ١٩٦٨
ادور عالتعب بين الكراسي الخاليه من الناس
وابين الكراسي الغاصه بالناس
بين العرگ اليفصل جسدهم عن ملابسهم
بين احلامهم والواقع الفارغ امن البهجه
وبين الفناجين المنقشه بألم كل مهجه
ادور عالتعب عند الطفل
من يلعب ويتمرجح ويتهجه
ادور عالتعب بالشارع المملي بالناس العصر
ادور عالتعب بين النهد والنهد
بين الشفه والشفه
بين الطير وجناحه
بين الألم والراحه
بين الباب والمفتاح
ادور عالتعب باليل من يرتاچ عالذكرى
من اتنگط انجومه على فراشي
ابر تطريز وتخيطني بفراشي
واني والتعب والذكرى والأحلام
أندور عالتعب والذكره ولاحلام
ننلم ننجمع نلتهب نتذره
بين الصوره والايقاع
بين الحلم والرغبه
بين التربه والبذره
بين الجفن والدمعه
ومن ينكسر خاطر ننحني عالخاطر المكسور
على صبر الاحباب اعبر
يكبر بالوصف كلشي
وهذا انه اكتفي بدمعي
..
دگني يم خصرك وشم يا طين أهلنه
الصورة من تندگ تعيش
ـ كريم حاشوش
الدمعة ماءٌ مسجون
ينتظر الحريّةَ
مِن حُزنٍ.. قادم!
ـ كاظم الحجاج | تحرير
غيابك كلمة محزونه
بغيابك أجيس الرغبة مجنونه
وينبع ورد من بين الأصابع والموده تفيّض
بغيابك أجيس الرغبة مجنونة
( مثل كُل يوم )
أمدّ روحي بمسافاتك تصل تالي الحلم وترد
- علي الشباني
..
مثل دين الربه الشوگ عله اليغيبون
كلما طولو يكثر
ـ عمار سالم
..
تانيناك ما رافگ جدمنه ادروب المتيهين
فكينه العمر شباچ
بلكي الله وتمر نسمه
- حسن الترابي
..
انت عمرك
نذر چلمه وشمعة مصلوبه اعله باچر
- غازي ثجيل
..
گبل ما تنطفي النجمات
وتشب الشمس حمره
وگبل ما تعرگ الوجنات
وتصير الشمس جمره
گبل ما يحلم المسجون
بطيوف الصبح للصبح والگمره
لگيته يعامل الدفان
شايل بيده تابوته
ويدور عالينزل جثته من ظهره
ـ كاظم اسماعيل الگاطع | تعريف
شفت دجلة شمس لليل
بيها انجوم فوگ انجوم
فوگ انجوم غرگانه وتضوي الليل
وفراغ گلوبنا مابيه صدى ولاصوت
مد ايدك وحس الطين
وانطينه عله وجه الماي حلم وشراع
وادفع كل سفينه اللچت فوگ الگاع
- طارق ياسين
..
كنت اوزع الحب في القلوب
كما يوزعون الرصاص
كنت انثر الاغاني في الطرق الجبلية
كما ينثرون الالغام..
ـ رياض الصالح الحسين
بهيده گلبي لسه ما غنه بعد
بهيده يا اخر نشيد
بهيده مو طاح الفجر
من على اعيوني
وشمسهم ذبلت بليلي البعيد
- شاكر السماوي
..
هذا ترابك تارس روحي
وسنين بروحي المبيوكه
ولو تدري بروحي المحروكه
أشكد محروكه
ـ علي الشُباني
هذا هو الهواء الذي لا يُنسى
إنني من اللحظه أبدي، مضرجا بالوقت والصحه الرديئه
أيها الهواء
يا من وحده يحفظ لنا صداقة البلاد، نحن لك وحدك
كنا نقول :تعبنا ونحن نشاهد خاتمة الأعمى
كنّا نقول :
الان لا ينقصنا غير التاج،
بقليلٍ من السنين سنقتحم الفصول
ـ عقيل علي| مرثية الطفولة
ولو بارد ثلج،ماگتلك أشاه
ثلج دافي أگول وما أجرحك
عزيز وعوّدتني أستلذ بالآه
شما تعصر بگلبي بوجهك اضحك
- عبد الكريم القصاب
..
ذيچ الليلة ختلنه ضوة الگمرة
مثل كل ليلة يحبيب ولا ندريش..
ولن بالضلمة مامگصودة يبنادم
لگينه الدفو توه يريد يدفع...
والصدر توه فرش دوشگه للعريس..
ومن ليلتها يبنادم
من ليلتها مامش فَي يكفينا
وحچت بينه حچيها الناس...
سمعنه العسل بشفافه
لگينه بچفه طعم الخاصرة
وسرعة نفسها الحار..
شفناه اعلى شفتها...
- مظفر النواب
..
حــط الشمــس ثايــه الك
وانصــب مــراجــح عيـــد
وامشــي وي مجــرى النفـــس
دلالــي فــرحـه يريـــد
افــرش زوالي الفـــرح
بلچــت جـروحــي تهـــيد
واهنــاك ســرح الشـــعر
فـــوگ الوجـــن تســـريح
مامــون درب الشمـس
مامــش زلگ وتطــيح
مــر ياضــوه الڪـل ڪتر
لــ خيـــوطك انشــديــت
وامشــي اعلـه چــف الهــوه
مشيــه حمـــامــة بيـــت
تانيــني رڪني الســهر
يا ما ربــع تانــيت
طعــم الشفــايف عســل
ولشــوگهـن حنيــت
جــرحــني درب الهــجر
وما أحــمل التجــريح
- غازي ثجيل
..