4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
خدام الحسين الشعراء جميعآ
ربي يحفظكم ويوفقكم لخدمة الحسين عليه السلام وأهل بيته أجمعين
يا حبذا يكون النشر خاص بالمناسبه حتى يكون عدنه نظام نسير عليه من خلال النشر وهذه الايام الفاطميه لازم نشرنه خاص للأيام الفاطميه حتى لا نخرج عن صلب موضوع المصيبه جزاكم الله الف خير
شور
مولاتي فاطمة الزهراء ع
اول جرح اذى النبي
من جرو اثياب وعبي
والغربه جن عتهم سبي
..فاطمه..
ذبلت لجن زاد الهضم
والزهره ماعتها خصم
واسع گدرها على النعم
بجروحها ضلت تضم
انتي حنينه بجرحج جرحين
عفتي ومشيتي وليدج حسين
يـمـه الزجـيـه بـلايـه وداع
رحتي وجزيتي بدارج ونين
يمه الزجيه وحشه وخليه
!!!!!!!!!!!!!!!!!!!!!!!!!!
لاذت وره الباب بدمع
وامنا انكسر بيها ضلع
وجرحج جبير من الدفع
..فاطمه..
نتآلم بكسرج جبير
والعاشگ ابفگدج يحير
كلبي بمصابج ينفجع
والحيره تكتل واحير
يمه وداعج فاجع زلمنه
رحتي ومشيتي ومحد يلمنه
جروحج جبيره بلايه ضماد
مايشفي بينه وباقي اثرنه
يمه الزجيه وحشه وخليه
!!!!!!!!!!!!!!!!!!!!!!!!!!
سر الوجود بدنيتي
بكيِ اكتفي فاطمتي
لجلج انزل دمعتي
.. فاطمه..
ام الزلم ماتحتار
حير ذهنا البسمار
اذو صدرها وبلباب
وعتاب حگنا النجار
امنا الزجيه سلو صدرها
بحرگه العدو ويلي سطرها
هضمو عمرها وحسره جبيره
ماضل نفس بيها بعصرها
يمه الزجيه وحشه وخليه
!!!!!!!!!!!!!!!!!!!!!!!!!!
فگدج جبير امئلمه
كلمن يحبج فاطمه
اصلآ برئيه وسالمه
.. فاطمه..
كوار الحطب بس تنجمع
ومغرگه الجفون بدمع
ارخص دمع باآمنا البتول
وانهضمت بكثر الدفع
سوط العده اذى اديها
ضلمه الدنيه صارت عليها
وشهود الاثر من السياط
وبحرگه ضربو ماكف بجيها
يمه الزجيه وحشه وخليه
!!!!!!!!!!!!!!!!!!!!!!!!!!
علي حيدر الحسيني
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
انا ابنج
أنا الحُسين المنذبح انا ابنج
يايمه هذا اول جرح انا ابنج
دمعي نفتح من صبح انا ابنج
ابنج ييمه بعازتج ،،،،حاجيني عوافي نوم
من هسه عفتيني بغرب ..وبزغري ضل مهموم
موكدري لا موكدري
يمه اليتم مو عمري
عطشان كومي رويني
وبوسيني يمه ابنحري
يمه انا حسينج ..يمه انا حسينج
انا ابنج
حاجيني عوافي نومتج أنا ابنج
بأجـر اضـل ابعـازتج انا ابنج
اضلوعي فدوه الكسرتج انا ابنج
ترضين ابجي ومنفجع ...والدمع بلل خدي
عمري بغيابج فاطمه ...يضيع واضل الوحدي
يبجي ويون احسينج
فتـحيله ييمـه عيـنج
يـايمـه اذاج الضـلع
ضلوعي فده لونينج
يمه انا حسينج... يمه انا حسينج
انا ابنج
مسيحي علراسي وشعري أنا ابنج
وبوسيني يمه ابنحري أنا ابنج
بأجر اتضيعنه عطري انا ابنج
هاي الترافه تستحق ...بوست شفافج بيها
بأجر سيف ابركبتي .. بوستج ميخليها
والباب بأجر حافر
مو ضلع منچ كاسر
ينطبگ صدري ويلارض
يضيع جماله العاشر
يمه انا حسينج...يمه انا حسينج
انا ابنج
انا الغريب ابلا دفن انا ابنج
وترابي يصبحلي جفن انا ابنج
ويخيم عليه الحزن انا ابنج
جا ليش مندون الهل ...يايمه ماعندي جفن
جا يمه بأجر لومتت...اتغطه بيمن بدفن
بأجر تجين الكربله
ويضيع عطر بلفله
تنادين يا يمه الولد
راحت اساره العايله
يمه انا حسينج...يمه انا حسينج
ختام
ابو معصومه اللامي
كانَ علي (ع)جالساً على المنبر حين أتاه خبر وفاة السيدة الزهراء ع فكأني بلسان الحال:
صحت عالمنبر ابدمعاتي الاتفور
منو عنده دوه للضــلعه مكسور
هذا الماحــسبته
اجي والـگاچ ميته
//////////////////////////
صاحو الحسنيــن وإهنا گلــبي حس
بــويه لحگ أُمــنه مــابـيهه نِفَــس
وطحت مثل الطاح من ضهر الفرس
حزني ودمعي ورجفت ايدي
وميلة ضهري وراسي الشاب
عثرت نبضي وريجي الناشف
كلهـــن ذن ابـــدفعـة بـاب
شوفي الحسن وإيبوّس بالإيدين
واكو واحد عزيزچ هذا الحسين
مـــوقف ماعرفته
اجي والـگاچ ميته
//////////////////////////
خل نِسجّل مِنَ الآن وصاعِداً
انتي ام اجروحي مو بس ام حسن
التايهات اعليه كلهن غبّشن
من غسلتچ يلا اعرفتچ
وجهج تخفي بالايدين
قنفذ ما وخر من عندج
حد ما طلّع دم العين
وحقّچ ماچنت حاسب هالحساب
جمال الله يروح ابدفعة الباب
گلبي اعليچ عفته
اجي والـگاچ ميته
//////////////////////////
البگه ابراسك گالو وگلت إشبگه
هيه ام بيتي وإيديهه امحرگه
ابسوطهم فاطمتي حيل امطوّگه
ياتچاية روحي وحيلي
حيدر بعدچ صار اهلال
يام حسين وضهري امحدب
اكثر من ضهر الشلال
چنه اثنينه وكلشي حلو چان
اشلون الجامع الكاشخ بالآذان
لچن عمري وقسمته
اجي والـگاچ ميته
//////////////////////////
چــان حايط دارنــه كله حجر
يعني ضهرچ لَمَن دفعوچ انكسر
ومادري المسمار للمحسن عبر
وفضه اتگول الحرگت گلبي
ويابو حسين اتصير شلون
صارت هوسه ولهناك انضر
وادم بالزهره ايضربون
شفت الزهره وادم حولهه اتدير
مــــثل الورده بحلوگ المناشير
وأنه ونيت سكته
اجي والـگاچ ميته
//////////////////////////
راسي من الشيب حتماً ينترس
فاطمه ردي اعله رداد الشمس
گمت حته ابنبض گلبي ما احس
يمته ارتاح والگه اعيونچ
واغلق نافذة الهجران
لمطلع يونس من حوته
مديله اچفوفچ غرگان
الناس اتگول شوفو چنه تابوت
اضن حيدر علي ميطوّل إيموت
تجين اعليه يمته
اجي والـگاچ ميته
//////////////////////////
حسين حيدر اللامي
اليوم خلهه أدگ صدرها أجموعها
الزهرة من الهظم تجري أدموعها
رفسو الباب علأمنه الطاهرة
ونثنه البسمار من اضلوعها
واويلي فاطمة واويلي
...................................
اليوم أبو الحسنين مكسور الضهر
اويَ عصرت فاطمة گلبه أنعصر
يعاين اعللحسن وحسين ابهظم
وعلحال ايتامهه چبده أنفطر
واويلي فاطمة واويلي
...................................
والله هاي أتعور وتهظم تره
ناس هداده اعلبيت وبيه مره
فتحو الباب اعلأمنه بالرفس
وطاحت الزهرة بضلوع مكسره
واويلي فاطمة واويلي
...................................
ضلت الزهرة تون وتنفجع
وگرب الثار وگرب يوم الضلع
أحنه وادم ثار نطلب والدموع
للضهور أعليهه أبد ماتنگطع
واويلي فاطمة واويلي
...................................
ع زچية اگلوبنه تنزف هظم
وكون فوگ اضلوعنه ايصير اللطم
هاي أمنه فاطمة أم الخدم
اصوابهه مو هين ايدگ بالعظم
واويلي فاطمة واويلي
رسول رياض
چاا وينكم يرواگ بيتي
يالچنتو فانوس بثنيتي
فروني ع سوگ أبمضلعه
وعثرت الناگه ياحميتي
بتنه ابخرايب چنهن أگبور
وعد روسنه أمخلين ناطور
أحنه أبخيمنه ابمستحه أنام
وين الخرابه اوين الخدور؟
لبصايتك چانن ينامن
وبفي عباتك يستراحن
بحبال خشنه جرجروهن
يحسين يمدلل بناتك
بالسوگ ساموهه عباتك
وينباع خافن راس أبوهن
احسين يبن امي يبن امي
امدنگات والشامي يعتنه
احسين يبن امي يبن امي
طول ابعرض بالشام فرنه
احسين يبن امي يبن امي
أگبال الغرب خوية عثرنه
...................................
يالروسكم كلهن مهابة
ملگاهم أيتعب عذابة
ثاري اليطب لشام يحسين
ينيمونه بالليل ابخرابة
أبيناتنه الخوه ودلالي
احواشهم تبچي اعلحالي
أم فاتحة وياريت واحد
ألضيعتهم غالي غالي
اتلگوهه زينب بالشتايم
وگالو أخوها احسين نايم
چاا ماگعد ويفل حبلهه
أنه العليّ معتمده أخوتي
والهظمه كلها أتريد موتي
وهاي اليتامه ياهو ألهه
احسين يبن امي يبن أمي
عكازة چانت أمنياتي
احسين يبن امي يبن أمي
حته أگوم أفگد خواتي
احسين يبن امي يبن أمي
ولو ماتن أدفنهن بناتي
...................................
چا ويني اوين المضايف؟
ونه ام نضر بس أخوه شايف
ماطالعه أله اوي اخوتي
چا حگه گلبي يصير خايف
ماصيحو يالهاشمية
لاصيحو زينب سبية
عمه علي ودي العمامك
طارش يگول الصار بية
العمك امحمد طارش أيروح
ويگله زينب من السطوح
نار وحجر شمرو عليهه
أشوايت الله ابطگ حجرهم
أنه الهظمني أدخل قصرهم
وعمتك حبلهه أمعور أديهه
احسين يبن امي يبن أمي
زحمه مره وعباس أخوهه
احسين يبن امي يبن أمي
بديوان أميه يطببوهه
احسين يبن امي يبن أمي
وكلهه زلم ويعثروهه
...................................
بيبانهم كلهه أفتحوهه
وحچايت الخشنه حچوهه
أنه ابرقية گوه أصبر
وچا وينه صاحو راس أبوهه
بعد الهظم والماحچوهن
للقصر صاحو طببوهن
وين الحداهن گله أريدك
وياهن أيطب راس أبوهن
خل يسمع شنحجي ونلچمه
ونحچي بسم سكنه ونهظمه
المارضت من النار تتطلع
نسوانه كلهن طلعاهن
وبسم العلاوي علماهن
الماسمع خل هسه يسمع
احسين يبن امي يبن أمي
المايسوه ذني ينشد منين؟
احسين يبن امي يبن أمي
ذني الربن بفياي الحسين
احسين يبن امي يبن أمي
وعلينه تتضاحك نساوين
رسول رياض
گعديةة
بعيوني نار وزلم
محتاره واقع ؟ حلم ؟
لحرگتنه تريد
بالبيت أهل الهُدىْ
وعالباب شتم العده
واصوات الوعيد
آنه وخِوّاني وامي لوحّدنه
وما يم اعياله حيدر والدنه
ايچفن ويجهز الهادي جدنه
وشتريد الهجمت چامن عدنه
ليش ابو الزچيه البعده ماتواره
صحبته عجيبه هجمت اعله داره
وفاطمه بعزاءه بنص گلبها ناره
دمعي ليها يغتلي
گلبي صوته يعتلي
الـحـگنه يـا علي
ياحامي الجار
وينك اميّ بخطر
زينبك گضت قهر
بويه بابك استعر
بـنار الأشرار
________________________
من صاح الظالم وإن
طاح امن العصره إبن
امن وديعة رسول
بالعصره ضلع انكسر
ولأمي گـلبي انفطر
ياهضم البتول
بنيران الوادم طبت عالزهره
هتكت سترالله بشتمه وعصره
ومحسن عالعتبه دمه بنحره
وبسمار الجاني بصدر الحره
من ركضنه ليها أشرت علينه
نبتعد عليها خايفه الحنينه
لا جمر حرگهم يحرگ بأدينه
الّـضلعها منهشم
اعلينه خايفه وتِهم
وگـامتـنّه والرسم
متروس جروح
وطمنتنه بالحضن
وامسحت عله الجفن
ومن مخاوفنه نحن
لا منّه اتروح
________________________
معدوده ايام ام حسن
ومتنطره لفةّ الچفن
ولفيض الروح
عاشت مهمومه وتون
ومعصوبه راس بحزن
مكسوره وتنوح
ابيت الأحزان تـلوج وتنعه
وتذبل بت طه دمعه دمعه
الوادم مانصفت حگ البضعه
كسروها وخدها ينوح الصفعه
اوصلو بظلمهم امن البچي امنعوها
وعاشت الوديعه مـن بعد أبوها
تشتكيله فگده وصحبه مارعوها
فاطمةّ عقد الوله
چن خيال وناحله
متمرّمره ومتعلعله
كل لحظة تموت
راحت أخذاها الأجل
والضوه وياها رحل
وانكسر خير العمل
بشيل التابوت
________________________
طب گلبي لأمي الضمه
وبس أنعه بيا فاطمه
وحضن امي بعيد
مصيوبه روحي بهجر
وادموعي تنزل جمر
وجرحي ولا يهيد
راحت والدار بروحتها بمأتم
والّـبيها ابّـسمةّ فاطمته يحلم
وبس الله اليدري بفرگاها ويعلم
اشّصار بگلب المن عدها ايتيتم
اغفه من هضمتي ودمعتي الجريه
واركض امن افزن لحجرةّ الزچيه
ظني ألگه أمي وألگه بس أذيه
روحي تندب نايحه
عالّراحت ومتجرحه
أشم عطر بالمسبحه
بشهگة حسرات
بظهر النعش گمت وطحت
واشگد عليها لـوّحت
وأم المصايب اصبحت
ميراثي آهـات
________________________
سجاد الگريزي
الحگ ياگلب دينك ... اعله جرف الدنيه لتخليه
اذا يهوه بعد شيفيد ... بحسافه وياوسف ترثيه
الحگ ياگلب دينك
وامشنه لبيت ابو الحسنين
اليريده الباري من عدنه
هناك بعتبته نلگيه
بيت امن الأزل ربنه ... أسراره خزنهن بيه
الملائك تنزل لبابه
رِتِب تستجدي من خيره
وتصعد ماخذه النزلت اتحوم اعليه
ومن عنده انبياء الله
اعله تبليغ الرسالات السماويه
اخذت من عزم راعيه
اعله هذا البيت كل الكون
يدور بطاعته اشمابيه
بيت لكل فكر مشدوه ... حَلّ وراي
بيت لكل گلب متعوب ... بس ايچهبه يتلكاه
عطف أهله ( هله وافياي )
بيت المايطخله الراس ... لكلام الله ولا شراي
امشنه لبيت ابو الحسنين
خل يكفلنه ياگلبي
ثق بِالله ... دين ابلا كفاله اتـيـاه
( وعلي ) لوما كفلنه انتـيّـه
واذا دورة وجه نلگه ... بسبب زلةّ فعايلنه
برحمة فاطمه انحلفه
يسترنه ويسامحنه ... وخدم حيطانه يقبلنه
وبنحر العمر نفديه
وبـ آثار الحرگ خدنه ... نمسحه وننحب ونبچيه
صدى صوت الـ ( وإن ) بعده
يسمعه الشيعي بجروحه
ويسمعه بفرحه اليّعاديه
وسِف بيت القلع خيبر
ما مسلم فزع يحميه
وبابه امن اندفع كسّر
اضلوع الشرع والبسمار
اصوابه وطيحت المحسن
ظهر المرتضى حانيه
وتكليفه السكوت هنا
قبل موته النبي اموصيه
وآه ياهضمة الفقار ... من شاهد ابو الحمله
اشباه الزلم توليه
انحب ياگلب انحب
والعن كل مسه ومصباح
الصفعو للنبوه العين
وماتت من وره العصره
وماوصلت عمر عشرين
وگبرها اترابه مستهضم
لدموع الحسن وحسين
انحب ياگلب انحب
وقيم العزه وگطع ابتوت
وبيت احزان صير الها
واخدم كل وكت وامچان
لرضاها كل عمل إنويه
وخلها اگبال عينك هاي
( البيت اليخدم الزهراء
الملائك تنزل تحنيه )
#يامولاتنا_يازهراء
ابعالم التكوين سر كل هالوجود
حب فاطمة والخدمة للوادم خلود
أبكي علىٰ الزهراء وذرفها الدموع
تحضىٰ ابشفاعتها أذا حان الورود
سر خدمتج مولاتي
قد حير العقول
من كوثرج رويني
ياكوثر الرسول
رويني دمعه ولوعة
مولاتي يالبتول
يافاطمة يم الحسن
يافاطمة يم الحسن
منذورلچ أنه وهلي
والي ألي والمو ألي
كلشي ألچ يافاطمة
يامن الچ يخدم وحي
................................................
أنه لو ماخدمتج واللّه أضيع
انه عبدچ والعبد لمرج يطيع
مقصر ومذنب وجه يدور رضاج
يامن الهه يسمع الرب السميع
ماريد هاي أسنيني
لو ما عزه ودموع
اسنين العدم مولاتي
لو ماألچ ألوع
ماريد راحه ابهالعمر
بس شوغه ع ضلوع
يافاطمة يم الحسن
يافاطمة يم الحسن
أبنچ سليب ابكربله
وزينب أسيرة وبالفله
لو باب يكتلچ طفل
لو موته نبلت حرمله
................................................
أنتشلتيني عدم من الضلام
وخادمچ صرت او ألي سمعه ومقام
شلون أجازي فضلچ ابشكري القليل
المفترض موتي عله اجروح الخيام
أمنيتي اموتن خادم
گضه العمر ثغيب
مولاتي سائل رحمتچ
أنحب على الغريب
اسنيني من دونچ عدم
ابلا عزه ونحيب
يافاطمة يم الحسن
يافاطمة يم الحسن
چا شلي بيام العمر
لو ما عله أبنچ أنكسر
ياكون أموت أبمجلسچ
وخادمهه أسمي أعللگبر
................................................
عيوني مولاتي نذر هذا العزاء
عيوني مخلوقات بس لجل البكاء
وحنه منطينچ وعد ماننسي يوم
لابنيتج زينب ولا كربلاء
دين وعد الحر الچ
كل الزمن ينوح
أنتي أمنه الفاگده
والمجلسك نروح
وياچ يمه ابكل وكت
ماتنشفي الجروح
يافاطمة يم الحسن
يافاطمة يم الحسن
أنتي أم ولد راح أبذبح
أنتي أم گلب طره الرمح
أنتي أمهن وبيچ أصبحن
الألف وتسمعية جرح
رسول رياض
بالزهره هم تدرون يا شيعة علي
الجان يستأذن امس منهه النبي
باب الله الزهره بس تالي احترگ
گام وبحيله عصرهه ابن الدعي
والزهره ماضل بيهه ... والباب طاح اعليهه
الجذوع اثگال من طاحت امس
الزهره بالگوه صبح بيهه النفس
و من لهيب النار بيمن تحتمي
الزهره ما سلمت يوادم تختلس
مخلوسه من اعداهه .... لمّن اجه وطگاهه
گام والظالم رفسهه اعله البطن
وقنفذ بسوطه ضربهه اعله المتن
وبالضلع مسمار من طگهه الزنيم
يعني تشهگ بالضرب ام الحسن
كسر الضلع ياذيهه .... والحيل ماضل بيهه
طاح يا وادم ابنهه اعله التراب
اشكبره جرح الزهره من هذا المصاب
يمه محسن صاحت أوليدي تروح
حضني فارغ جا بقه بهذا العذاب
يمه محسن يمه ... وراح رسمه بدمه
صبرت اعله الصار يا وادم تره
بس علي يروح بحبل من تنضره
گامت اعليه و الدمه منهه تسيل
فضه سنديني اروح لحيدره
الحامي جاره يجتفه .. صعبه هاي وكلفه
#محمد فرج الحريشاوي
انتي أمنه فاطمة ونفتخر
انتي أمنه من المهد للكبر
احنه جندج جاهزين بدمه
كلنا بأمرج فاطمه فاطمه
ــــــــــــــــــ
احنه عد عينج جنودج يمة يالزهرة
للبقيع الخدم كلها والله متحضرة
من يجي الموعود باجر تنبني الحضرة
وتعتلي كبة ومنارة ورايتج حمرة
يالضريحج تعلى فوگه الكبب
يالضريحج ذهب مطلي بذهب
نبني صحنج حد غيوم السمه
كلنا بأمرج فاطمه فاطمه
ــــــــــــــــــ
سيدتنا انتي العظيمة وانتي خيمتنه
الج انفاس المناحر ترخص ودمنة
فاطمية جذورنا احنه والأصل حبنة
وخدمتج يالزهره صارت كل هويتنه
انتي حجة خيمة فوگ الخدم
انتي حجة اسم نار بعلم
يالعظيمة وطاهره وعالمة
كلنا بأمرج فاطمه فاطمه
ــــــــــــــــــ
امبراطورية الحب يم حسن أية
نعشك أجواء المجالس نهوه الاقراية
اليخدمج قلبه اصفى من الامراية
انتي قديسة وسيلة وغاية الغاية
يا دعانه همنه من ينجلي
يا دعانه يا نفس عد علي
الما يعرفج من يموت بضمه
كلنا بأمرج فاطمه فاطمه
ــــــــــــــــــ
بالمجالس احنه نشعر انتي مجوده
والوحي وياج نازل دمعة بخدودة
المأتم على اجروحج تبقى معقودة
يالقضيتج للقيامة تبقى مشدودة
بالمجالس إيدج أعلى الضلع
بالمجالس حرگتج والدمع
دمعه دمعه تنزل ومؤلمة
كلنا بأمرج فاطمه فاطمه
ــــــــــــــــــ
چن محرم هل علينا والحزن عاشر
جنة بسمار الاذية على الضلع حافر
نار خيمة الباب يمة بالجمر باجر
ما نسينة هل المصيبة وكسرة الخاطر
مانسينا والله كلمة وأن
مانسينا قلبج شبي حزن
والليالي بالألم مظلمة
كلنا بأمرج فاطمه فاطمه
ــــــــــــــــــ
انتي امنة واحنة ولدج واحنة خدامج
ارواحنا فدوه يزهرة لسحگت اجدامج
وبغيابج والله يمه صرنة ايتامج
ما نعيش بغير خدمة والله وايامج
فاطمية كل دقيقة بزمن
فاطمية خدمة يم الحسن
هذا حزنج ماكو بي خاتمة
كلنا بأمرج فاطمه فاطمه
ــــــــــــــــــ
الشاعر زين العابدين الشمري
اعظم الله لك الأجر علي
ــــــــــــــــــ
البگة براسك يحيدر من فگدت أم بيتك
دافن وي الزهرة بيدك بالقبر عافيتك
سيدي وكل نسمة تذبح من تطب لريتك
بالمكابر فاض دمعك يا علي وحنيتك
اعظم الله لك الأجر علي
ــــــــــــــــــ
بيـن الشيب بلحيتك والكبُر بعيونك
من صدمتك بالمصيبة الغيرت كل لونك
ظلك محدب يحيدر من ثگلها متونك
روحك وي الزهرة راحت الله جان بعونك
اعظم الله لك الأجر علي
ــــــــــــــــــ
هيجي اليودعله غالي اسنينه تذبل تالي
مو سهل عاليفگد احد عنده كلش غالي
يبقى كل ساعة بغيابه ينتظر للتالي
نهر فوگ خدوه يصبح من دموعه تلالي
اعظم الله لك الأجر علي
ــــــــــــــــــ
يعينك الله اعله المصيبة وشوف عينك شابح
قالع البيبان جفك هسه حيلك رايح
ياعلي وحشة وخلية ومن ديارك بارح
فاتحة وبالسر يغالي بلا بجي ولا صايح
اعظم الله لك الأجر علي
ــــــــــــــــــ
سكتة بليل ادفنتها وقلبك شگد حاير
حيرة العباس بالمي وبعطاشى العاشر
يعتبر يعگوب يمك ع الغياب شصابر
تسأل الجدران همك بالأمير شصاير
اعظم الله لك الأجر علي
ــــــــــــــــــ
منكسر خاطر حياتك والحزن موضوعك
مثل كسر ضلوع فاطم كسرة هم بضلوعك
ياعلي لفگد الزجية دم نزل بدموعك
بلحضة يالغالي بديلك طفت نار شموعك
اعظم الله لك الأجر علي
ــــــــــــــــــ
ربك يصبرك يحيدر يا علي شگد هايم
هالمصيبة تكول طبرت راسك انته وصايم
أشد من سيف الخيانة وكل حقد عد ناقم
مقتل الزهرة الزجية وقتل محسن فاطم
اعظم الله لك الأجر علي
ــــــــــــــــــ
اعظم الله اجرك يحيدر والفگد هد حيلك
مبين بوجهك مصيبة والألم ترتيلك
وحشة غياب الحنينة والحزن يبجيلك
الليل عندك عمر نوح وما يخلص ليلك
اعظم الله لك الأجر علي
ــــــــــــــــــ
الشاعر زين العابدين الشمري
اليوم خلهه أدگ صدرها أجموعها
الزهرة من الهظم تجري أدموعها
رفسو الباب علأمنه الطاهرة
ونثنه البسمار من اضلوعها
واويلي فاطمة واويلي
...................................
اليوم أبو الحسنين مكسور الضهر
اويَ عصرت فاطمة گلبه أنعصر
يعاين اعللحسن وحسين ابهظم
وعلحال ايتامهه چبده أنفطر
واويلي فاطمة واويلي
...................................
والله هاي أتعور وتهظم تره
ناس هداده اعلبيت وبيه مره
فتحو الباب اعلأمنه بالرفس
وطاحت الزهرة بضلوع مكسره
واويلي فاطمة واويلي
...................................
ضلت الزهرة تون وتنفجع
وگرب الثار وگرب يوم الضلع
أحنه وادم ثار نطلب والدموع
للضهور أعليهه أبد ماتنگطع
واويلي فاطمة واويلي
...................................
ع زچية اگلوبنه تنزف هظم
وكون فوگ اضلوعنه ايصير اللطم
هاي أمنه فاطمة أم الخدم
اصوابهه مو هين ايدگ بالعظم
واويلي فاطمة واويلي
رسول رياض
خادم أظل طول العمر بأحزاني
وأني اعتقادي بدفترج عنواني
ــــــــــــــــــ
أني النِذر كل عُمره بس قراية
من زغري ويرف القلب عالراية
وي أمي أبجي لو قرت ملاية
من المهد عاش الدمع وياية
وأني أبوي اعله الحزن رباني
وأني اعتقادي بدفترج عنواني
ــــــــــــــــــ
قبلة دموعي منبرج واحساسي
واني بخدمتج ابقى رافع راسي
لـوما وجـودج ما اشم أنـفآسي
وي النفس كسر الضلع ما ناسي
شلون انسى يوم الفاجعة البَچّاني
وأني اعتقادي بدفترج عنواني
ــــــــــــــــــ
بالحزن عـايش والمجالس بيتـي
وبالدمع صحتي وباللطم عافيتي
سـجني الحياة ومأتمـج حريتي
وللموت أدافع عن قضيتج نيتي
هاي القضية هية عمق إيماني
وأني اعتقادي بدفترج عنواني
ــــــــــــــــــ
أسمج حرز خليتة جوة عيوني
وتكفيني خادم لابنج يسموني
بـاجر لمـن هـالـوادم يشيعـونـي
وتحت التراب بحفرتي يواروني
يا فاطمة أندب لو عقد بلساني
وأني اعتقادي بدفترج عنواني
ــــــــــــــــــ
يافاطمة بكل محنة وتحضريلي
ويوم القيامة فاطمة تشفعيلي
واسمي الحقيقي خادم تصحيلي
وصك الأمان بجفج توقعيلي
للجنة أوصـل واسمج الوداني
وأني اعتقادي بدفترج عنواني
ــــــــــــــــــ
محنة القيامة وخوفي لازم أيدي
وأصغر ذنب يوم الحشر تهديدي
رفـقـاً تنـادين الـملائك هيـدي
هذا اليبجـيني اعله فـگد وليدي
يم الحسن صوت الدمع وأشجاني
وأني اعتقادي بدفترج عنواني
ــــــــــــــــــ
والله التـعب مـيروح يـم اعتابـج
من فدوة اروحاً يم حسن لترابج
بالدنيا وليوم القيامة مصابج
ما تنسي لا والله حرگت بابج
بابج يزهرة بحزني بـس خلاني
وأني اعتقادي بدفترج عنواني
ــــــــــــــــــ
الشاعر زين العابدين الشمري
#مولاتي_زينب_عندما_تتكلم_بهجاء
اليِكم اِخِوتي عَتبي - اريدُ الدمِعُ يَطِفيني
اشتياقي لَم يَعُد يَروى - ونَصُِفِي الثَانِي يُجفيْني
شتاگيت الگعدتك ذيچ وگلت روحي هونيهه
يوصي ادموعي گام الليل زينب هاي موتيهه
شريد احچيلك بيا ضيم ولام الموت وي زينب
التفارگ زلمه مثل حسين ماتخلص بواچيهه
انه ذيج الطاحت بس ركضتلك گوه
انه ذيچ الماتت بس ماشافت تچوه
انه چا بس انه ادور شروة خووه
........................................
وَدادِ النَهرُ للمّاءِ - أيُحكَ الانُسِ عن ذاته
كَمّا فيِّ الذَاتِ منزلةٌ - لهُ ضعفَ جُراحاته
عمت عيني شكثر ملچوم يا من لا تعيش اخته
عرفت اجروحه حيل اوساع من عرگت خجل گصته
يبو فاضل تعب مابيك ذب تعبك عله متوني
ولا تعتب تره اعله الماي گبلك انه عاتبته
الماي مايتعاتب خله بزينب عله
الماي مايتعاتب خلاني اعله الهزله
الماي مايتعاتب من عدنه ولا خله
........................................
ايَحّملُ قَلبيِ نيرانٌ - وإلا لَم يَعُد يطفى
اكَادَ الهَمُ يَأكُلني - لأهلي الحُزنُ لا يخفى
علي يمشيب الميتين وشيبت العلاوي اعليك
عمت عمتك تراهي هواي ماعدهه نظر تنطيك
امسحلي ادموعك من الگاع اثر ماريد الك يبقه
تره الخياله حته ادموع تسحك ماتخلي البيك
يبن اخوي الموت ولا لايگ لرسومك
موت بس مو هيچي ولا وصله من هدومك
چنت احسب الكلشي بس مامحسبه اليومك
........................................
سَلاسُلَ انهَكّت يَدهُ - عليلٌ مَرضهُ اعِياءُ
ايُعقلَ راجُلاٌ يمشي - واهَلهُ ليّسَ احياءُ
عمه شلون تعب النوگ احير بصعدت الهزله
تعبان واريد الماي المشي مابيه واگدرله
انه لو منكتل وياه ابوي حسين اريدنه
المريض ومايموت بساع هم ميت تراه كله
عمه بس دمعاتي تشبه ماي الغربه
عمه ماي الوادم ماريده ولا شربه
عمه هم تعبانه من الشام ودربه
........................................
عسى ان تشفع لي في قبري
عباس القلعاوي
لسان حال مولاي الحسين ص في شهادة الزهراء ص
كسّر الضلع أذاني أنعه وأونّ خلاني
ها يابين ــــــــــــــ صّد لحسين
دهري غصب يتماني
* * *
يا خلگ أكبر فاجعه بيها العده فجعـوني
بعمر الورد وتيتمت شفت الحزن بعيوني
للگبـر وياها صحت بنفس الگبــر خلوني
أمي وبلياها العـمر ما ينـحمل صدگوني
شحّت عليه العافيه عيوني
ابد ماغافيه
أنه احسين ـــــــــ ها يا بين
دهري غصب يتماني
* * *
باين أثرها طيحتچ بالعتبه راسم تــذكـار
گبالي أشوفنه الجذع باقي لدمه بالبسمار
گلبي جمر لمصيبتچ يشبه جمر باب الدار
يـتردد اباذني صده ألحگلي ياحامي الجار
اليفزع بقى بمچانه إلمن تصـد حيرانه
شاب الديـــن ـــــــــــــــ ها يا بين
انعه وأون خلاني
* * *
كلما اشاهدها انقهـر تلوّعني يمّه عيناچ
تنمدّ عليچ ايد لرجس ياذنب وتماده وياچ
كلما اطب دارچ غفل تبچين يايمّه الگاچ
لمن أسئلچ عالسبب تغطيها عني بيمناچ
حيل العده مأذينچ ما گطع صوت اونينچ
وتلوجيــــن ـــــــ ها يا بين
انعه وأون خلاني
* * *
شحال الحسين ابفرگتچ حسبتي يايمّه لهاي
عطشان يمّه لشوفتچ ياريحة الله وسلواي
الحيطان تبچي لمحنتي ابچي وتشاركني ابچاي
اغفى وتفززني الصور ولگه دموعي بعيناي
تبقى الصور گدامي تعاشرني ويه احلامي
وسط العين ــــــــــ ها يا بين
انعه وأون خلاني
* * *
اهل السقيفه الظالمة بلا رحمه وبلا ذمّه
بس ما غفى سيد الرسل عالدار هدّو لمّـه
ليش الزچيه الطاهره نكرت خبرها الامّه
موگال جدي المصطفى دمّ فاطمه من دمّه
ورده وعصر عصروها وفوگ الجره سطروها
متوحشيــــن ــــــــــ ها يا بين
انعه وأون خلاني
ـــــــــــــــــــــــــــــــــــــــــــ
ياسر الزيادي
قضيتي حُب وانتمائي
هويتي فاطمي زهرائي
بدايه دمعه وي حزني
رضاها غايتي ورجائي
عـالم رضـاهـه
ومجلس عزائهه
موطـن حيـاتي
روحي هـواهـه
بعيوني شفت النعمه والعطاء
مـن جب الايمان وأميرة الكساء
ويروحي ما يحلالها بس العزاء
فاطمي زهرائي
وصالي ومنبع رتباطي
بحزنها مرفق انهباطي
نعيمي وغايتي وجودي
يكوثر حبها مو شاطي
ليالي الفاطميه
مـصنع للحميه
بوفـاء اللـيالـي
بـحنـان الـزجيه
بين الاحب ولما احب هويت
بعالمها خير الفاطمي لكيت
منها وبعد بوجداني انتميت
فاطمي زهرائي
كبرنه وعشنه بالخيمه
بفضلها صار الي قيمه
ستـرنه عـالـم الزهره
اميره بت نبي العضيمه
أميرة الكساء
سيدة النساء
عليها عتمادي
بـلشـده وفـاء
لو دمعك يجف بلعزاء ونشف
ذب عينك باب الزجيه اغترف
من كوثر ام حسين لا ما وكف
فاطمي زهرائي
نعمتي واجب اشكرها
عطائي ونعمت قدرها
الشكرماينوصف بنعمه
تبث النعمه من كسرها
الشكر يافاطمه
الحنانج دايمه
بحجة ولدها
دخيل العالمه
الحمـد لله والشـكر يـارب ادمـها
فضل وجيه فاطمه ومصنع زلمها
محسوب انا من لبجه ومن الخدمها
فاطمي زهرائي
ابو معصومه اللامي
هُزّي لَنا ضِلعَيكِ يا مَرَضــيّا
وَســاقِطي رُطَباً يَكونُ جَنيّا
مِن جِسمِكِ النَّحيلْ..تَعَلَّمَ النَّخيلْ
/\/\/\/\/\/\/\/\/\/\/\/\/\/\/\/\/\/\/\/\/\/\/\/
فيكِ يا سَيّدتي جائَت صِفاتُ
لا فَتى حَــيدَرْ وَأَنتي لا فَتـــاةُ
رِئَتاكِ لِلـــوَرى عَطــفٌ حَياةُ
لَو رُفِعتي ساعَةً عَنهُم لَـماتوا
إِيلافُهُم مِن خُبزِكِ المَرفوعِ
أَنتي التي أَطعَمتِهِم مِن جوعِ
مُذ صِرتي سَلسَبيل.. ..تَعَلَّمَ النَّخيلْ
/\/\/\/\/\/\/\/\/\/\/\/\/\/\/\/\/\/\/\/\/\/\/\/
قَبلَ أن يَخلُقَكِ كُنتِ رضيةْ
لو لا أمرُ اللهِ أَصبَحتِ نَبيّةْ
وَزَعَمنا حُبَكِ دونَ البَـريّة
فَرَكَضنا لِلّيالي الفاطميّـةْ
عَنِ الرَّحى كانَ السؤالُ الدّائم
مـــا تِلـكَ في يَمينِــكِ يا فاطمِ
إِحسانُها جَزيل..تَعلَّمَ النَّخيلْ
/\/\/\/\/\/\/\/\/\/\/\/\/\/\/\/\/\/\/\/\/\/\/\/
بَينَ كَفَّيكِ تُديرينَ الكَواكِب
مِثلَ ما في الساعَةِ تَمشي العَقارِب
يا أَمينةْ مِنكِ إكليلُ العَجائب
مَرأةٌ مَكسورَةُ الضِلعِ تُحارِب
خَلّو ابنَ عَمّي أو كَشَفتُ رآسي
لَمـــاجَتِ الأرضُ بِكُلِ الـناسِ
مِن مَجدِكِ الأَثيل..تَعَلَّمَ النَّخيلْ
/\/\/\/\/\/\/\/\/\/\/\/\/\/\/\/\/\/\/\/\/\/\/\/
مارَعَوا حُرمَةَ تُفاحِ الجِنانِ
رَكضوا بِالنّارِ أبناءُ الزَواني
أَبرأُ مِنهُم على جيدِ الزَمانِ
لَعنَةُ اللهِ عـــلى روحِ فُـلانِ
هذي الوِلايَةُ قَد بَنَت لي حِصناً
مـــاكانَ لِلزهــراءِ يَنمــوا فعلاً
فَــ حَيثُكُم نَميل..تَعَلَّمَ النَّخيلْ
/\/\/\/\/\/\/\/\/\/\/\/\/\/\/\/\/\/\/\/\/\/\/\/
أَوفي في الكَيلِ لَنا فَالكُلُّ حاسِر
وَعُجــافُ القَحطِ فينا كَالمقابِر
نَحنُ لَم نَسرِق صواعاً لِلضَمائر
أنتي أَدخَـــلتيهِ عَوداً لِلمـــنابِر
بِبِضاعَةٍ مُزجاةَ جِئنا حَقّاْ
أَيَّتُها العَزيزةْ نَرجـوا رِزقاْ
وَحُبّكِ السَبيل..تَعَلَّمَ النَّخيل
/\/\/\/\/\/\/\/\/\/\/\/\/\/\/\/\/\/\/\/\/\/\/\/
حسين حيدر اللامي
ابعالم التكوين سر كل هالوجود
حب فاطمة والخدمة للوادم خلود
أبكي علىٰ الزهراء وذرفها الدموع
تحضىٰ ابشفاعتها أذا حان الورود
سر خدمتج مولاتي
قد حير العقول
من كوثرج رويني
ياكوثر الرسول
رويني دمعه ولوعة
مولاتي يالبتول
يافاطمة يم الحسن
يافاطمة يم الحسن
منذورلچ أنه وهلي
والي ألي والمو ألي
كلشي ألچ يافاطمة
يامن الچ يخدم وحي
................................................
أنه لو ماخدمتج واللّه أضيع
انه عبدچ والعبد لمرج يطيع
مقصر ومذنب وجه يدور رضاج
يامن الهه يسمع الرب السميع
ماريد هاي أسنيني
لو ما عزه ودموع
اسنين العدم مولاتي
لو ماألچ ألوع
ماريد راحه ابهالعمر
بس شوغه ع ضلوع
يافاطمة يم الحسن
يافاطمة يم الحسن
أبنچ سليب ابكربله
وزينب أسيرة وبالفله
لو باب يكتلچ طفل
لو موته نبلت حرمله
................................................
أنتشلتيني عدم من الضلام
وخادمچ صرت او ألي سمعه ومقام
شلون أجازي فضلچ ابشكري القليل
المفترض موتي عله اجروح الخيام
أمنيتي اموتن خادم
گضه العمر ثغيب
مولاتي سائل رحمتچ
أنحب على الغريب
اسنيني من دونچ عدم
ابلا عزه ونحيب
يافاطمة يم الحسن
يافاطمة يم الحسن
چا شلي بيام العمر
لو ما عله أبنچ أنكسر
ياكون أموت أبمجلسچ
وخادمهه أسمي أعللگبر
................................................
عيوني مولاتي نذر هذا العزاء
عيوني مخلوقات بس لجل البكاء
وحنه منطينچ وعد ماننسي يوم
لابنيتج زينب ولا كربلاء
دين وعد الحر الچ
كل الزمن ينوح
أنتي أمنه الفاگده
والمجلسك نروح
وياچ يمه ابكل وكت
ماتنشفي الجروح
يافاطمة يم الحسن
يافاطمة يم الحسن
أنتي أم ولد راح أبذبح
أنتي أم گلب طره الرمح
أنتي أمهن وبيچ أصبحن
الألف وتسمعية جرح
رسول رياض
بيه زهگ ذباح الحسين
اگبال شماته وملاعين
صاح بعلو صوته ورگضلي
أنتي الچبيرة لاتصعدين
ااااااآآآ
من دون ناگه يالأسيرة
يامن عله اضعونچ چبيرة
أمشي مشي خافن يزينب
اتحسين مازلتي أميرة
اااااآآآ
رگض متعوبه
ونه المسلوبه
عشيرة وتالي
صرت مطلوبه
ااااااااااااااااااااااااااااااااااااااا
للشام اروح وراعيت ثار
والشام من يتلكه خطار
ابنص الخرابه ايگعد الضيف
والـ لاهله ينگلهه الحجار
اااااآآآ
سادة أهلنه اوادم ابخات
بخدور چنه ومامبينات
أتعز علينه أنطب للقصور
وليل ابخرابه تكلف أنبات
اااااآآآ
علاوي السادة
أبد مو عادة
ابسبي وعليهن
زلم هداده
ااااااااااااااااااااااااااااااااااااااا
اتعز عليهه بنت الجواد
المن اهلهه ينعطي أمراد
مچتوفه والمايسوه ياحيف
كلسا عليهه رايح وراد
اااااآآآ
من الحچي لو زلمه ينصاب
وسوالف الشام الهن أصواب
اليطگ حرمة يصير هبريح
هذا أزلمه ومايوم ينعاب
اااااآآآ
هظم شبعانه
ونه التعبانه
أونن ونعه
صرت خلصانه
ااااااااااااااااااااااااااااااااااااااا
أجروح ظيمي كلهن اغماگ
والنوم من اعيوني أنباگ
من ترسو اعوينات الحسين
بتراب ظيمي صارلي أطواگ
اااااآآآ
الشام عينه ضاگت اشلون
والله تتطبه بنوگهه أم عون
مايهوه راحه الزينب أتصير
ايريد البگو لازم يموتون
اااااآآآ
نطبله موته
يريد وصوته
عليه يرفعه
النذل كل قوته
ااااااااااااااااااااااااااااااااااااااا
رسول رياض
ختام عزاء
أُمِّي نَامَتْ بِالِتْرَابْ
وِالْگَلُبْ بِالْأَلَمْ ذَابْ
نُوبَ اصِدْ وَحْشَةِ الدَّارْ
نُوبَ اصِدْ عَتْبَةِ الْبَابْ
----------------------------------
آنَه بِنْتِ الْمِنْكِسِرْ مِنْهَه ضِلِعْهَه
وِالصَّدُرْ دَمِّ الصَّدُرْ يِشْرَحْ وَضِعْهَه
آنَه بِنْتِ الْطَاحَتِ وْيِجْرِي دَمِعْهَه
وْعَالثَّرَه سَكْتَه تِوِنْ مَحَّدْ سِمَعْهَه
زِينَبَ آنَه اخْتِ الِحْسِينْ
كَعْبَه لِلْهَمْ وِالِوْنِينْ
مِنْ زُغُرْ سِنِّي وِالْعِينْ
سَافِحَه بْدَمْعِ الِمْصَابْ
----------------------------------
زْغِيرَه أُمِّي وْحَدِّبَتْ وِيلِي بْزُغُرْهَه
تِمْشِي مَحْنِيَّةْ ظَهَرْ يِلْچِمْ كَسُرْهَه
الْچَانَتِ النَّسْمَه تِحِنْ لَمَّنْ تِمُرْهَه
شُو عَجَبْ وَالله عَجَبْ ظَالِمْ عُصَرْهَه
خِيمِتِي وْشَمْعَةِ الدَّارْ
هِجْمَوِ عْلِيهَه بِالنَّارْ
عَالْوَجِهْ عِدْهَه آثَارْ
وَسْفَه سِطْرُوهَه الَاجْنَابْ
----------------------------------
نَاحِلَه الزَّهْرَه گِضَتْ وِانْسَدْ جِفِنْهَه
عَمْيَه عِينِي وْلَا شِفِتْ أُمِّي بْچِفَنْهَه
خَنْگَه صَارَتْ دِنْيِتِي وْرُوحِي عَسَنْهَه
فَاضَتِ وْحِيدَرْ لَوَنْ زِينَبْ دِفَنْهَه
گَشْرَه مَا تِسْوَه دِنْيَايْ
وُامِّي مَا شُوفَنِ وْيَايْ
وِالْعُطَشْ يِشْتِهِي الْمَايْ
وَآنَه عَطْشَانَةَ احْبَابْ
----------------------------------
بِيتِي مَا رِيدَه وْمِشَتْ عَنِّي الزِّچِيَّه
خَالِي مُوحِشْ بِيتِي يَا وَادِمْ عَلَيَّه
كُونَ اذَوِّبْ جِفْنِي وَانْحَبْ كِلْ مِسِيَّه
رَاحَتُ امِّي فَاطِمَه مِنْ بِينِ إِدَيَّه
كِلْشِي مَاتِ وْلَمَنْ مَاتْ
ظَلْ يِصُبْ جِفْنِي دَمْعَاتْ
أَنْسَه ذِكْرَاهَه هَيْهَاتْ
وِبْوَسَطْ صَدْرِي نِشَّابْ
----------------------------------
فَارِگَتْنِي وِالْوَعَدْ گَالَتْ تِجِينِي
لَمَّنِ بْحَبْلِ الشِّمِرْ يِنْشَدْ يِمِينِي
لَمَّنِ يْطِيحِ الْأُخُو وَابْگَه بْوِنِينِي
وْتِنْسِطِرْ بِيدِ الْعَدُو تَالِيهَه عِينِي
لَمَّنِ تْطِيحِ الِخْيَامْ
وِالْگُمَرْ عَالثَّرَى يْنَامْ
وَابْگَه مِحْتَارَه بَايْتَامْ
مِنْ عُگُبْ حَرْگِ الاَطْنَابْ
----------------------------------
هَاذَه حَالِي لِلْحَتِفْ لُوعَه وْنِوَايِبْ
حَگِّي سَمُّونِي تَرَه أُمِّ الْمُصَايِبْ
بَاچِرِ بْدَرْبِ السَّبِي أَلْگَه الْعَجَايِبْ
وَادْخِلِ الشَّامِ وْأَصِدْ دِيرَةْ مُصَايِبْ
بَاچِرَ اسْمَعْهِنِ النَّاسْ
بِيَّه تِتْشَمَّتَ ارْجَاسْ
تْگِلِّي چَا وِينَه عَبَّاسْ
مَا دِرَه بْهَتْكِ الِحْجَابْ
----------------------------------
#الليالي_الفاطميه
حسن خنافر العالمي
بين مولاتنا العقيلة ومولانا امير المؤمنين
صلوات الله عليهما
المستهل :-
هادت وخفتت حرگت الدار ... يبويه
وهـاجت بگلبي تلهب النار ... يبويه
ماطبگن جفوني ... عالشفته بعيوني
_______________________
دايرين آنه وأخوتي ... ويمها مأتم ناصبينه
تواسي دمعتنه حزنّها ... بفگد ابوها الغفت عينه
من مشه عنها محمد ... وياها كلنه اتيتمينه
بداره الحزينه من رحل ... مكسوره الگلوب
ونبچي اعله نعي ام الحسن ... ولفرگته انلوب
فـيّـنه الثخين بـ ( سم ) بغض ... من عدنه مسلوب
بنشغة حِـزنّـه ولـنّ عله الباب ... يبويه
ضجة شماته وضحك الاصحاب ... يبويه
بخوف انخطف لوني ... عالشفته بعيوني
_______________________
بابنه احجاب الشريعه ... وانهتك ياداحي خيبر
خلّفه امنه تحاچي بيهم ... ولا غيور الإلها ينغر
بكل حقد دفعوه عليها ... وبيها ماندري اشتكسر
گبل الكسر صوت الـ ( وإن ) ... خاطرنه كسراه
اولا بعده چـن عالـمغتسل ... والدها ويلاه
اعله ام النبي باب النبي ... الطاغي دفعاه
يلّي بجنازة جدنه مشغول ... يبويه
محسن وگع عالگاع مچتول ... يبويه
الذبحوه ذبحوني ... عالشفته بعيوني
_______________________
رحت اركض بويه ليها ... وبابنه ناره چوتني
ردت اسنّدها اوي فضه ... وبچت لمن شاهدتني
امن الحرگ خافت عليه ... واحضنتني وطلعتني
شالتني واتحسس ضلع ... يابويه مكسور
وگلبي عليها امن الهضم ... والعصره مفطور
بصدر امي واويلي نبت ... بسمار مجمور
يمّـ وصّه تسكت ويلي مجبور ... يبويه
زهرة اعيونك خدها مسطور ... يبويه
السطروها سطروني ... عالشفته بعيوني
_______________________
شنهي المسوّيته أمي ... وتهجم الوادم عليها
گبل لا يرحل ابوها ... بيهم اشگد وصّه بيها
وحرگو آيات الموده ... وخالفو چلمة نبيها
أمة محمد ما رعت ... بنت الوحي ليش
ايتيمه اوحيده لياسبب ... اعليها هجم جيش
خير النسه أرض وسمه ... مطلوبه چابيش
وهو السبب چي وگفت وياك ... يبويه
وطاحت شهيده لإجل عيناك ... يبويه
ومثل امي مكنوني ... عالشفته بعيوني
_______________________
غمضن اعيون الوديعه ... وبيت عشرتنه تهدم
الذبلت وضمّت ألمها ... وخافت اعلينه انتألم
ماتت ورحت بنعشها ... ياعلي وگلبك تيتم
اتيتمنه يلرحت بنعش ... أرواحنه بعيد
ورديت من بعد الدفن ... متحرك الأيد
شمسويه روحة فاطمه ... بحالك يصنديد
ماتت بعمر اثمنطعش عام ... يبويه
الله اليصبرك يابـو الايتام ... يبويه
وشيهوّد اظنوني ... عالشفته بعيوني
_______________________
سجاد الگريزي
قصيده بحق الزهراء (ع)
بت محمد --- الليله مكسورة ضلع
والسمه اعليها تون
١
الـزهـره نجمه وبالسمه عالي قدرها
اليوم مكسوره وتون ويون صبرها
اشسوت وضلموها والطاغي عصرها
كلشي ماشافت الزهره بكل عمرها
مارعوها تبچي وتهل الدمع
والسمه اعليها تون
٢
الزهره نادت ليش مو باب الله بابي
العرش ماخذ نوره من عفت حجابي
الكون ناح النوحي والشدة مصابي
ليش تتسلون بدموعي وعذابي
ياهو يرضه اعليه بابي يندفع
والسمه اعليها تون
٣
هجمو اعله الزهره هجمه ناصبيه
ولاذت اعله الحايط الزهره الزچيه
ونت وحنت اونتهـا خفيه
الاسد تدري امچتف بحبل بالوصيه
والوصيه جتفت نهج الشرع
والسمه اعليها تون
٤
اعليها دخلو والخجل خلاها تعثر
بثوب عفتها وتنادي الله واكبـر
اتمنته الحيدر يجيهـا ويمها يحضر
ينظر الصطره ويشاهد خدها الاحمر
ليش خدها بچف غدرهم ينصفع
والسمه اعليها تون
٥
عرفت الاول سبب واتضح جاني
صاحت الله يلعنه ويلعن الثاني
غـاضبه اعليهم واشهد يازماني
داري ليش احترگت وخلوني اعاني
انكسر ضلعي من اثر هجمت قمع
والسمه اعليها تون
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ظُلامات بقيت شگد اعاني
ظُلامات جِرح قلبي زماني
ــــــــــــــــــ
فلا صارت ولا دارت مثل داري مصيبة
بعد موت امي بدياري عشت حزني ونحيبه
وبعد موت النبي أشعر صرت اني غريبة
علي اهتم بيه واساني علي قلبه عجيبة
سلامات علي بروحه هداني
ظُلامات جِرح قلبي زماني
ــــــــــــــــــ
فدك من النبي وامي لجن حرموني منها
قبل من النبي عايش فلا طلعت لسنها
ابوي السمموا جبدة أبوفلان العلنها
النبي وتخلصوا منه بقه حيدر وطنها
عصابات الأول وي ثاني
ظُلامات جِرح قلبي زماني
ــــــــــــــــــ
اجو وتجمعوا برة حطب شالوا بديهم
علي الليلة الأمر يدري كعد يسمع حجيهم
وصية من النبي تبلغ قبل ما يدري بيهم
تره الإسلام يتخلخل علي اصبر عليهم
بدايات الشهيدة الأولى اني
ظُلامات جِرح قلبي زماني
ــــــــــــــــــ
اجة ناقم على ادياري حرك دار الكرامة
جحد حقي ونكر اصلي " وأن " نبرة كلامه
نسه هو القبل صرح " بخً " لجل الامامة
لجن طلعت تصاريحه كذب راد الزعامة
هتافات فقط لأجل الأماني
ظُلامات جِرح قلبي زماني
ــــــــــــــــــ
علي ما نادي ادركني وانا ادري بقضيتة
غيور وما ترك أمري علي وادري بحميتة
سحك راس الطرق بابي سحك صدره ولحيته
لجن أمر النبي لحيدر علي ونفذ وصيته
حرمات بعده موته ثواني
ظُلامات جِرح قلبي زماني
ــــــــــــــــــ
صفعني من اجة البابي غدت محمرة عيني
غضب من البجي وأرثي فلا يقبل ونيني
اجة محمل حقد ضدي رفس بابي الاميني
وسگط فوگ الجمر مني على العتبة جنيني
علامات وانا دمي خذاني
ظُلامات جِرح قلبي زماني
ــــــــــــــــــ
ركزني بالرمح لمن لذت اني لخماري
دفعت وما نفع دفعي ثقل بابي بدياري
مثل ضغطت كبر صارت دمه من عيني جاري
تهشم ضلعي بالعصرة طفى ليلي ونهاري
معاناة الدهر طگني وعماني
ظُلامات جِرح قلبي زماني
ــــــــــــــــــ
احس بروحي من طلعت گرب وقت المنية
اهم شي لازمة حجابي رغم حرگت ادية
انا البسمار عذبني كسرها ضلوعي بية
وعلى وجهي طحت طيحة أشد واعظم أذية
نهايات وگع قلبي بمكاني
ظُلامات جِرح قلبي زماني
ــــــــــــــــــ
الشاعر زين العابدين الشمري
يا فاطمة يم كلب الحنَين
زينب واريدج لا تروحين
ها يل حبيبه ها يل حبيبه
////////
رويني من شوفتج رويني
ناديني بنتي بعد ناديني
سمعيني زينب انه وسمعيني
هذا الوداع يهدم الحيل
شيخلصه بعدج يمه هليل
قران صوتج بأذني ترتيل
كلبي بوداعج يصرخ الويل
ضلي احلفج يمه بحسين
زينب واريدج لا تروحين
***
من عيني حلمي أنوخذ من عيني
تأذيني يا طلعتج تاذيني
وسنيني شمعه وطفت يسنيني
بعيوني منضر عصرت الباب
من هسه يبدي مفارگ احباب
بسمار ضلعج مو ضلع صاب
صوب دليلي والكلب ذاب
مو انتي وحدج كلنا ميتين
زينب و اريدج لا تروحين
***
أيتامج بعدج غريبه أيتامج
يثيابج عطر المحنه ثيابج
بمصابج نبجي العمر بمصابج
رجعي اعله بيتج لا تغمضين
فتحي عيونج يا ضوة العين
الدرب المگابر لا تروحين
لو غبتي يعني يموت الحسين
يمه يزهرة روحي والعين
زينب واريدج لا تروحين
**
هضموني بيج العدا هضموني
بعيوني شفت الهضم بعيوني
أذوني بكلمة و أن أذوني
كل عمري تبقى الچلمة وياي
كلمة وأن تمنع عليِ ماي
و فياي ميضل بعدج أفياي
بالهيمه باجر مالي كل رأي
هذا الهضم ينعاد مرتين
زينب واريدج لا تروحين
****
#اللهم_عجل_لوليك_الفرج
يازهراء مدد مولاتي...
فزاعيه... للزهراء ص... وترهم نعي💔
مو واحـد طلع عالباب/لا طلعـــو عشيره
ــــــــــــــــــــــــــــ
عمت عيني العزيزه حيل مابيها
من گد الطحن متعــــوبه ايديها
اندگ الباب گامت وعتـــنت ليها
مو واحد عشيره الفزعـو اعلــيها
وحدها وچثيره الناس/حارت ياخلگ حيره
ـــــــــــــــــــــــــــــــــــــــ
بس ما وصلت وحســتهم اغـراب
خافت حيل هــل لاذت وره الباب
شسوتلك يثـاني وشنهي الاسباب
ترفس بابهـــــــا رفست الطــلاب
ويتمرجل عليه الچان/ ناقص مرجله وغيره
ـــــــــــــــــــــــــــــــــــــــــــــــــــــ
ساعه برجله يرفس ساعه بــالأيد
يعصر حيل بيها وما رضه يهيــــد
كل همه الزچيه وهمه الــــــــوليد
يموتهم يـــريد وصـــــــــار اليريد
مو كاروك لا عالگاع/طاح وطيحته چبيره
ــــــــــــــــــــــــــــــــــــــــــــــــــــــ
دارك يا علي العدوان طبــــــــــوها
وحرگو بابـــــــــها وزهرتك طگوها
ما كــــفه الكسر عـــالعين سطروها
توّن من الوجع يـــــــا حيف خلوها
ثجيل الباب والزهراء/ما تتحمل ازغيره
ــــــــــــــــــــــــــــــــــــــــــــ
يا نجار بابك ونتـــــه بي ادره
هــل بسمار ما همك أبـــد امره
تدري اشصار لمن عصرو الزهره
خله انفــــاسها تشهگها بالحسره
عاونهم عليها الباب/بجذوعه ومساميره
ـــــــــــــــــــــــــــــــــــــــــــــــــــــ
تمت بفضل ساداتي ص
خادم كسيرة الاضلاع
✍️ياسر الزيادي
هدوا كلهم هاي الناس
والزهره متعصبه الراس
لا زالت دمعتهه اتطيح
ويابويه محتاره اتصيح
وگفوا كلهم ذاك الباب ... واعله الزهره جمعوا جيش
بنت الخاتم وام حسين .. مطلوبه زهرتنه أبيش
طاح اعليهه الباب وااه ... طاحن بيهه مو بالريش
صاحوله فاطم هاي گالوله مهظومه
وإن صاحلهم الجاني خلاهه ملجومه
_
حسين الينضر امه تصيح
يا محسن فوگاه اتطيح
صاحت ضلعي وهاي النار
شهگت من طگهه البسمار
ضربوهه گدامه بسوط ... والمحسن گدامه وطاح
من العصره كتلوله اخوان ... امه الشبعت منه انياح
ودمهه التارس طول الباب ... وفوگ المحسن لمن ساح
على الزهراء هد حيله والزهره تنضرله
يوجعني الضلع يحسين والضربه مو سهله
___
سطروا فاطم فوگ العين
وصارت حمره اگبال حسين
و رد بسوطه يضرب گام
وبيهه انرضت منه اعظام
وحيل الزهره انهد اهواي ... وصاحت ضلعي ضل ملجوم
وشبگت محسن صاحت ليش ... مغسل طولك من دموم
شمسويه وضربتني الناس ... ودخلت بيتي هايه الگوم
خله اگفاهه يوجعهه متأذيه ومكسوره
و الكوثر نزف دمهه مضروبه ومعصوره
____
ضل بحسره سيف الحيد
جي متوصي انمدت ايد
اركانه انهدت شاف الويل
واعله الزهره انهد الحيل
ضل يتلوه سيفه اهواي ..الشاف الزهره بذاك الباب
وابنه يشوفه ميت طاح .. طوله مغطه دم وتراب
هاي الغربه وكسره سنين ... الراحوا منه گلهه احباب
غسلهه ودفنهه بليل وايتامه التبجيله
يبجي وحيله مو هوه عالزهره ذب حيله
#محمد فرج الحريشاوي
الرَّاية حمرَة رِفْرتْ لَثارِي
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
إِنِّي أنَا اَلمهْدِي وَبقِى ثار الضِّلْع بِية
حزْنِي بِكثر مَشْي الخدم بِالْأرْبعينيَّة
يَتَصدَّع لِهَمي الجبل ويعْذره واديه
مرتَقَب ليَوْم الظُّلْم وَأمحِي الأنانيَّة
لِلظَّالم الجائر تره إِنْذاريّ
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
يَومِية ومتَاني الْفرج هَا هِسَّة هَا بِأَجر
وامْسح السَّيْف بِدمْعَتي مِن أَذكُر الصَّاير
جَمَرات مِن باب اَلنبِي وَمِن خَيمَة العاشر
مَا خِلُّه بِعيوني الدَّمْع رغُم الألم صَابر
لِنَار القلْب ولخيْمة ولداري
لِجلّ اَلزجِية بِيَدي فَقارِي
ــــــــــــــــــــــــــــــــــــــــــــــــ
مِن أَذكُر أُمِّي فَاطِمة تَصرخ شراييني
وانْهض وَأضِج أَعلَه الألم وَيردْنِي دم عَينِي
الضِّلْع كُلمَا غَمضَت ألگا على سِنيني
بِخاصرتي أحسَّ جَفِي إِنطبَع وأتذَكَّر حسيْنِي
دَمعِي المَزْج لَوْن النَّهْر جَارِي
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
بِعَون اَللَّه بَأَجر مِن أَجِي لَثارِي وَأخَذ حَيفِي
أَعَله السَّقيفة المجْرمة مِن اَللَّه تكْليفيّ
بِالثَّأْر أَهوَن عن عَلِي وَلقلْبِه تخْفيفيَّ
اَكطَع الچف إِلي سَطْر خدّ فَاطِمة بِسيْفي
إِلي سطْرهَا يَرقُب إِخْباري
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
نبضاتي مِن جِدِّيّ اَلنبِي والْحمْزة بِحروفي
رُوحيٍّ عَلِي وَقوَّة عَلِي وَجدِي الحسن شُوفي
بِصوْلَات أَبُو الأكْبرأجي وَمِن اَللَّه بس خَوفِي
بِنفاسيَّ أُمِّي فَاطِمة وعبَّاسيَّ بَجفُوفي
وبيه اَلمدد مِن قُوَّة الباري
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
لَو مَا وَصيَّة ولَا بشر بَابَج إِجة وُجَاسَة
كُلَّ الملائك بِالْأَرْض مَوجُودة حِراسة
ذاك اَلإجة وصيح وآن إِله اِقْبِض أنْفاسه
لِجلِّ الضِّلْع ذاك الصَّنم اَسحَك على رَأسِه
يَوْم الظُّهور ويسْمع الطَّاري
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
بِالْعَيْنِ والسِّنّ أنتقَم مِن اَلحِرگ بَابِي
كَاتِب اِسْم كُلّ مُعْتَدِي فِي أَوَّل كِتابي
الأخْذ نَحلَة فَاطِمة يَعرِف شِنُّو حِسابي
آلة أَنكِل بِي أَرْض گد شِدَّة غِيابي
لَثاراتي بِالدَّم والدَّمْع شَارِي
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
لََا هدَى بَالِي ولَا نمتْ لََا عَينِي مرتاحَة
ولهْسة أُمِّي مِن الضِّلْع ماشافتْ الرَّاحة
مِن الگبرُّ وَتُون بِقْتْ حسْرتهَا بنْياحة
قَلبِي يُفْطِر أيَّ صَخْر لَو يَسمَع صِياحه
بس اَللَّه يَعلَم حَسرَتِي وَنارِي
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
يَخنگ نَفْس رِيتي الوجع والْحسْرة تَابُوتي
گدمًا جَرعَت مِن الألم وِي كُلَّ نَفْس مَوتِي
رَاحُوا هِلي اَشمُوع وَطفَت وَبلَا ضَوَّة بُيوتي
مَرَّة المصيبة وغيَّرتْ كُلَّ نَبرَتِي وَصوتِي
دَمعَة ألم وِي لَونَي وأسْراري
لِجلِّ اَلزجِية بِيَدي فَقارِي
ــــــــــــــــــــــــــــــــــــــــــــــــ
زَيْن العابدين الشِّمَري
كل ملك صاح بسمه
راح تدعي فاطمة
ــــــــــــــــــ
صاحت الأملاك وتعالى النداء
خلي ننزل للارض من السماء
تنزل ويانه جميع الأنبياء
راح تدعي الزهرة ام الأوصياء
والضلع يگطر دمه
راح تدعي فاطمة
ــــــــــــــــــ
انتفض جبريل من رف الجناح
وكال هذا الليل ما يطلع صباح
ربـي أأذن خل أمطرها رماح
مو ثمود وعاد ذوله بلا سماح
هالاقوام معلمه
راح تدعي فاطمة
ــــــــــــــــــ
گال عزرائيل ياريت الجروح
بيه مو بالزهرة واستهضم وانوح
للقيامة هالجرم من زمن نوح
لمن اقبض مثله ما اقبضلي روح
ماتنفعه النادمة
راح تدعي فاطمة
ــــــــــــــــــ
صاح ميكائيل ما بين النجوم
خلي تمطر ربي سجيل وتدوم
وخل انزل عاصفة تمد بالغيوم
لو اسير الريح تحمل بس سموم
والغيوم مدلغمه
راح تدعي فاطمة
ــــــــــــــــــ
گال اسرافيل خل انفخلي صور
وتتجه هالناس ربي اعله القبور
لو دعت أم الحسن ننزل حضور
يصير هذا اليوم دعوة اعله الثبور
والملائك عازمه
راح تدعي فاطمة
ــــــــــــــــــ
حاملين العرش كل المسبحين
الحافظين وي الكرام الكاتبين
ومالك ورضوان وي الخازنين
وبالشداد الساجدين الراكعين
البتخوم القائمة
راح تدعي فاطمة
ــــــــــــــــــ
والزباني كلهم بجفهم عذاب
وغضب دردائيل من هذا المصاب
وصعد فطرس للعرش شايل كتاب
هالجريمة شبه من يوم الحساب
جنه يوم الخاتمه
راح تدعي فاطمة
ــــــــــــــــــ
الشاعر زين العابدين الشمري
نسألكم الدعاء لتعجيل الفرج
اللهم عجل لوليك الفرج