4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
يَا صَاحِبَ الثَأْرِ العَجَل
قَدْ عَادَتْ أَيَّامُ البَتُول
كُفَّكِفْ دُمُوعَ الجَارِيَة
وَالْعَدْلُ بِالسَّيْفِ يَطُول
أَطلُبْ جَنِينَ المُرتَضَى
نَاسٌ عَلَى الحَقِّ عُدُول
ليش جروح گلبك لسه تنزف
وهاي ايامهه الزهرة الحزينة
كف دموع عينك فك الالثام
واصرخ يا علي ثارك علينة
وللمحسن ترده الثار مرتين
وعشر مرات يرجع للحنينة
يرد العدل وهذا الحمل ما يبقة عل الگاع بجرح
لتأخرة ثارك ترة ضل لچمة كل ليل وصبح
دم وحرگ صدر وسحگ كل حسرتك تشرح ذبح
اللهم عجل لوليك الفرج
_
سَوْفَ يُقِيمُ الْمُحْكَمَة
وَالْعَيْنُ بِالْعَيْنِ الْقَضَاء
سَيَخُرُجُ الْجَانِي غَداً
صَلْبٌ عَلَى الْجَذْعِ جَزَاء
انْطِقْ عَلَى مَا سَوَّلَتْ
أَنْفُسُكُمْ هَذَا الْعَدَاء
باجر لو طلع ينصب محاكم
ويا ويل العبر حدة وحدودة
ويعلگ عل الشجر كلمن تعّدة
كلهم بالصلب بوجوه سودة
سولف يا عمر شمسوي انته
دم و باب كل ذني شهودة
و بصارمة يرد الدمة اگبال المله و ثارة يرد
الجاني امس يذبحلة حس من جفة لجدامة يشد
ليش القتل ماخذ طفل لبيت النبي شايل حقد
اللهم عجل لوليك الفرج
___
مَغصُوبَةُ الحَقِّ مَضَتْ
وَالْبَابُ مَحْرُوقٌ تُرَىٰ
فِيكَ تَطِيبُ الأَضْلُعُ
وَالنَّارُ تُبَرِّدُ فِي الْجَوْىٰ
يَا صَاحِبَ الأَمْرِ الْعَجَل
الضِّلْعُ مِنْ دَمٍ جَرَىٰ
لا عدهه گبر معروف عل الگاع
ولا نعرف قدرهه الضاع بالباب
اعله الباب جان يصلي طه
وصار الباب جمرة بجف الاجناب
اذا بعده الضهور دموم تبجيه
وما تبرد جمرتك لا كسر طاب
لابد يجي اليوم وبچي تگطعه ويطيب الكسر
بگد الدمع الزهرة وضلع باجر تطيبهه بجبر
باجر وأن يردهه الزمن لليحجي بيهه بلا عذر
اللهم عجل لوليك الفرج
___
السَّوْطُ يُؤْلِمُ ضِلْعَهَا
مَكْسُورةُ الْقَلْبُ الْحَزِين
وَالضَّرْبُ مَا أَبْقَى لَهَا
قَدْ أَسْقَطُوا حَتَّى الْجَنِين
خَلُّوا عَلِيّاً لَا أَكْشِفُ
وَادْعُوا إِلَهَ الْعَالَمِينَ.
يوجعهه الضرب يا مهدي امك
مكسور الگلب والحيل مهدود
ما حارت مرة ولا صار بالكون
ولا حرمة انولت مسطورة الخدود
و القالع باب خيبر حاير اشلون
امير الكون من البيت مگيود
يضهر نعم لاهل الشيم يجري القصاص اعله العدة
فوگ الشجر يحرگ بشر ويكسر ضلع بمهندة
ضلع بضلع وهم ينسمع واعله الجذوع يوسدة
#محمد فرج الحريشاوي
انـه الدفـنـت احـبـاب گلبي بـديــه
ومحني الظهر ظليت عگب الزچيه
ــــــــــــــــــــــــــــ
اشحال البديه ياناس دافن خليله
ابعينه الحزن ينشاف دمعه يسيله
ايعيش العمر مكسور كسره ثگيله
الماظل بـــعد بالبيت من يشتكيله
وحـشه العمر والدار ظلمه وخـليــه
ومحني الظهر ظليت عگب الزچيه
ــــــــــــــــــــــــــــ
وجـه الصبـح ياحيف بيدي دفنته
واظـلم عليه الكون يـوم الفگدتـــه
اينوح الحسن وحسين سالت دمعته
وزيـنـب گلبها انـصاب بـانت كسرته
وَنَّـتـنـه عالزهراء ونّه شــــجـيــــه
ومحني الظهر ظليت عگب الزچيه
ــــــــــــــــــــــــــــ
شـفـت الضلع مكسور من غسلتها
وبضلوعي شبت نار حين الشفتها
وبيد الزچيه ادموع عيني امسحتها
وما ظل دمع بـــالعين من چـفنتها
وحـدر الترب يــاريت غبنه سويه
ومحني الظهر ظليت عگب الزچيه
ــــــــــــــــــــــــــــ
لمن شلت تـابوت زهرة حيـاتي
صم الصخر ينهال من نــايباتي
ابساعتها چن حسیت حانت وفاتي
وتطشرت ياناس كل امنـــيـاتي
من الله والمـخـتار چـانت هـديــه
ومحني الظهر ظليت عگب الزچيه
ــــــــــــــــــــــــــــ
وصتني كون ابـليل ادفن جـسدها
وما يحـــــضر التشيع كلمن ضهدها
واحفر ابصفها اگبور واخفي لِحدها
واقره عليها آيـــــــات سورة فقدها
واتـعـهـــــد القران هـــــــذه وصيـه
ومحني الظهر ظليت عگب الزچيه
ــــــــــــــــــــــــــــ
طافي ضواها اليوم وحشه المدينه
حـتى الهوه مخنوگ لجل الحــنينه
هاي ام ابـــوها وهاي بضعة نـبيـنه
گلبي عليها اشلون يـگطـع ونـيـنـــه
ما ابـطّل الونّات حـد المنـيـــــــــــه
ومحني الظهر ظليت عگب الزچيه
ــــــــــــــــــــــــــــ
حيدر بشار الدراجي
٣ ربيع الآخر ١٤٤٧ هـ
مُولاتُنا يافاطمهَ المظلومه
مُولاتُنا يافاطمهَ المظلومه
كفوء لعلــــي يــاعروة الوثيقه
والمـــاتمسك بيهــا ظل طريقه
لــراد الحقيقه فـاطمه الحقيقه
لـديــن اصله وزهــرته ورحيقه
روح الرسول وبضعته المعصومه
مُولاتُنـــا يـافاطمــهَ المظلومه
ــــــــــــــــ
نحچيها ونتــي شــاهده وشهيده
لمــــاعنده منج اجـوف العقيده
وخــالتسمع القـريبه ولـ بعيده
بِجْهَنم الـي اعليج طالــــت ايده
نلعنه ونِچَمِل حفرته المظرومه
مُولاتُنــا يـــــافاطمهَ المظلومه
ــــــــــــــــ
يزاحمنه واجب بس نصرتچ اوجب
وبغير ثـارچ زحمه نحچي ابمطلب
ياباب حطه ليــدخِله يرضي الرب
تفـرحين نفرح عاليغضبج نغضب
ولمـــادره خــالتوصله المعلومه
مُولاتُنــا يـــــافاطمهَ المظلومه
ــــــــــــــــ
عنج لــون صـوبين مـــا نتزحزح
يــــاهو ليــــرده لبـزجيه اتسلح
ليعتــذر عنچ بالـــوهم يتمرجح
باچر يشـوف اليخســر من اليربح
والزهـد بالحگ ياخسارت سومه
مُولاتُنـــا يـافاطمــهَ المظلومه
ــــــــــــــــ
بهالحــال نبقه ولا ابــــد نتبــدل
إنْتيّه الــــدنيه وعـــزائچ ننــدل
قبلتنه يــالعنهـا كُفـُــر نتحــول
يـــــافاطمه كلمتنـه مــــن الاول
ونتي القضيه الواضحه المحسومه
مُولاتُنـــــا يـافاطمــهَ المظلومه
ــــــــــــــــ
لصدور حـرى اعله الجره ماتطفه
وعيـون عبــره من الهضم ماتغفه
وذني ليميــــزن ياهو طاهر نطفه
وياهو لبسيف المهدي باچر يصفه
بحــــق فاطمه ياربي عجل يومه
مُولاتُنـــــا يـافاطمــهَ المظلومه
ــــــــــــــــ
ميثاق المالكي
يا زَهرتي قدّ فاضَ قلبي وانحنّى
ليْسَ مِن المُعتاد تجري دمَعتي
قدَ كسرو قلبً يُنادي فاطمه
زادو بكسِر الضلعِ لوعةغربتي
يا زهره الكسر بيه .. ضل يتماشه وي دمي
مو تدرين الف موته ..اموت وانتي مو يمي
بنص لحدج عفت روحي .. بس عايش بقه جسمي
من بيتي الج هالدرب صار شطوله
يعني تصير ونفترك معقوله !
الكاسر ضلوعج يمه ملتمه الناس
وحيدر غريب الوحده يكلوله
___
مالي وقفت على القبور مسلما
فيْ عيني قَد بانَّ الحنينُ ومحنتّي
أحبيب مالك لا ترد جوابنا
أتهونَ عندكِ حينَ تنزلُ دَمعتي؟!
مو هين دمع عيني .. نزل والروح مشتعله
اليفكد ينكسر كلبه؟ .. وانه المنكسر كله
الكلبه اندفن جوه اتراب .. اشينفعه بهالبشر شله
ذاك انه اليهد الجبل من صبره
تالي بمشيته جفوفه تلزم ضهره
يالجنتي سيف بأيدي دومج وياي
حيدر بعد محد اله وينصره
____
ما طابَ عيشٌ بعدَ فاطمِ في الحياة
ياليتني صرتُ رمادٍ ونتثَر
لازلتُ اذَكرُ كُلَ شيئٍ بينّنا
والذكرياتِ في جروحي مستقَر
ما طابت جروحي وساع .. شيطيبها من دونج
شينفعني البجي بلا .. ميرجع الي عيونج
انحطف لوني انخطف كلبي .. من شفته انخطف لونج
ذبلانه يا وردة علي ذبلانه
وعفتي العقيله بالدهر حيرانه
عفتي الحسن يتلوه بالحجره يموت
وحسين بعيونه صبح نيشانه
___
هاجَرتُ بيتّي والحنينُ يقودني
واَصبحَ البِئرَ يضّمُ جروْحنا
مثلَ المطّر لكمّا يطِيحُ على الثرى
قدّ طحتُ أدَعو ربيِ فيكِ هاهنا
طحت بشده ياربي .. والحل ترجع الزهره
كلبي انكسر خلف الباب..مو بس بالضلع كسره
فتره وكالو تعدي .. متت ما تخلص الفتره
صوبني دهري بأعز حاجه العندي
كالولي فتره وهاي كلها تعدي
ومرت الفتره وبعده جرحج ما مر
وياج مدفون واجيلج ودي
علي رضا المحمداوي
نعي لاستشهاد فاطمة الزهراء عليها السلام
غير الصبر ماعنده وسيله
على امصاب ام حسن ذايب دليله
التداوي أجروح البگلبه. عليله
من ظيم الخلگ ضلت نحيله
بضلع مكسور حيدر تعتنيله
عن ياحال تحچي وتشتكيله
علي يمهدم اجيوش الثگيله
بفراگ الزچيه انهدم حيله
مصاب الماكو بالدنيا مثيله
بسنه دافن اخو ودافن خليله
ليله من القهر صارت طويله
تراب الگاع علجنه يهيله
عثر مخنوگ والمدمع يسيله
على الكرار ليله اشلون ليله
الشاعر حسن لعيبي الحريشاوي
لاستشهاد الزهراء عليها السلام
يادهر ارحم فاطمه والظلع. التَّكَسُّر
موهاذي رحمه من السمه بالدنيا والمحشر
آه يادهر يفتر مايرحم الكوثر
★★★★★
يادهر غلطاتك لفن مااگدر احسبها
تعرفها مصدر للصبر كافي تعذبها
هاي الحبيبه الطاهره المعصومه من ربها
كافي الدعي وبن الدعي يشتمها ويسبها
ماعنده غير الشر مايرحم الكوثر
★★★★★
لمن رحل خير البشر محد نشدعنها
باطنهم الوادم ظهر صاروا سبب ونها
من عينها طاح الأمل من طاح محسنها
محد ندم بعد الجره ويطلب عذر منها
والما اجه اتعذر مايرحم الكوثر
★★★★★
ويل اللئيم المارحم وبلاورث ردها
مهظومه ظلت فاطمة الدمعه بوسط خدها
نزلت بخطبه صاعقه نالت مقاصدها
بالخطبة تتوزن ذهب كل چلمه من عدها
رفض ومنع قرر مايرحم الكوثر
★★★★★
الاول اهدافه توضحت من راد يمنعها
لامال خله ولاورث مهظومه رجعَّها
تفرغ اديها من الكرم قصده يلوعَّها
محبوسه بحبال الهظم زَيَّد مواجعها
شهود الغدر حَضَّر مايرحم الكوثر
★★★★★
الاول حديث بلاسند حط وسلب حگها
والثاني متعمد اجه علدار يحرگها
وظلوع بالحايط بده بالباب يطبگها
اذياب ليش اتحولوا من طه فارگها
چم واحد اتجبر مايرحم الكوثر
★★★★★
سيده الزهره للنسا معروفه سيرتها
تبني اصول المعرفه بالدنيا غايتها
غربان وگفت بالدرب تمنع رسالتها
انطت عصور من العلم بسنين عاشتها
قصد العده اتفسَّر مايرحم الكوثر
الشاعر حسن لعيبي الحريشاوي
هوسات تأبينية لاستشهاد
فاطمة الزهراء عليها السلام
يرب الغانمه والخير والمَن
عذبَّها الزچيه النوح والوَوَن
يربي جازي كلمن جار والعَن
كلمن حرگ منزلها وكلمن
(كاسر بيده ظلوع الزهره )
★★★★★
هاي ام الحسن وحسبن وام زينب
املاك السمه تنوح النوحها وتنحب
شذنبها بلوعة البسمار تتعذب
يامهجة الهادي ويانعيم الرب
(ظلموها وبالشر جازوها )
★★★★★
على فراش المنيه دنت ساعتها
يتعذرون اجوها اسباب لوعتها
محو ريع الشباب وزمن راحتها
اسگطوا الها جنين وخذوا نحلتها
(ماتت مظلومه ومهمومه )
الشاعر حسن لعيبي الحريشاوي
يالعايش قليل وميت هواي
يموت النهر من يودع الماي
والحيل والليل يخلص وي الادموع
وميت هواي
ــــــــــــــــــ
تضيگ الوسعه بيك وللگبر تمشي
وكم عثره بدرب واعليك من يغشي
يالرايح وراد وحاير بأمرك
يالدمعك متاع شباقي من عمرك
الشيب وياگ رفگه وصاير شبكرك
الله ياعلي يعضملك بأجرك
يم سابع سمه ومسموع الاونين
ينفت الحجر اهاتك اسنين
والحيل والليل يخلص وي الادموع
وميت هواي
ــــــــــــــــــ
تتلفت صرت لا زينب تشوفك
النزف من كل مجان وحته بحروفك
متلثم ولكن موش للفقره
متلثم ورايح كاصد الزهره
الروحه تنكسر ماينجبر كسره
المفارك الشوف الظلمه متعذره
حدب حته ضلك من يماشيك
متألم علي ومبين اعليك
والحيل والليل يخلص وي الادموع
وميت هواي
ــــــــــــــــــ
متعود تشوف الزهره يوميه
تذكرك بالنبي شوفت العلويه
تصبح بالزجيه ولصلا رايح
الله بفاطمه للعالم يصابح
يسامح والضلمها ابد ميسامح
ودمعك ياعلي من الجفن طايح
اذوك بفكدها بحزن والالم
واذيت هالمصيبه بقلبك اسهام
والحيل والليل يخلص وي الادموع
وميت هواي
ــــــــــــــــــ
خلص شوف عينك غيم وتلاشى
وحزنك وي عمرك كام يتماشى
قريبا ياعلي هم شفت المرايه
شفت وجهك بحزنه تارس ولايه
لعزائك ولمصابك ترتفع رايه
وصوت الكون كله لفاطمه اقرايه
دم تبجي السمه لو مات مظلوم
والقلبه حجر هم يبجي هاليوم
والحيل والليل يخلص وي الادموع
وميت هواي
ــــــــــــــــــ
مايدري البشر والله بوجع غيره
الالم بس صاحبه يعرف تفاسيره
ماياذي الجرح بس صاحب اجروحه
ومايلام فاگد من يجر نوحه
المودع عزيزه شاضله بروحه
تلجمه ادموعه مثل الجرح وملوحه
تره التفكير ويا يكثر الشيب
لان حسبات تبقه تودي وتجيب
والحيل والليل يخلص وي الادموع
وميت هواي
ــــــــــــــــــ
زين العابدين الشمري
أخوو ردتك لخوانك
ويصير بنصهم أمچانك
مهظمومه ييمه عليك
وتهظمني أدري مو شانك
أخيتك زينب أتاني تريد أتسمعك امناغاه
وعزيز الأخو حيل يصير علخيته ومو سهل فرگاه
تنشدني عليك هواي شبعد ونهزه كاروكه
أجتني ويمه گالتلي مو ميت عدل نتناه
زينب رادت تشيلك
وتناغيك وتلوليك .. بس ماقاسم الله تصير
ماواصل لحضن أمك
وسبحت بدمهه وبدمك .. بمصابك حالي موش بخير
000000000000 000000 000
يمحسن يادوه جروحي
بيك أتعلعت روحي
ضلوعي مايلچمني
بكثر ماأنته مذبوحي
تمنيته عدل ياريت وما ينشال تابوته
مو سهله علبوك تصير موتتنه فرد موته
يمحسن يلولد يبني بيه ولا تصير وياك
يامحله الطفل بالبيت يمه لو طلع صوته
ميت كلشي ماشايف
غده الشر يالمتت خايف .. من باب الخشب والنار
طمني يبعد الشوف
عليك ومو عليه الخوف .. بس لاجاسك البسمار
000000000000 000000 000
صوابك مايشبهه صواب
يالبعدك طفل مو شاب
وياأم هاي أبنهه يموت
أبطنهه وموته عصرت باب
يالطايح گبل لاطيح محسن خلصت حيلي
ماضل حيل للگومه وصحت يافضه لحگيلي
مو ضلعي ألي لاچمني ولاعيني الجرح أكبر
مابيه أدور الطاح علمحسن گومي دوريلي
مو ضلعي ألي لاچمني
يرفسوني وأصيح أبني .. بهيده بهيده يالوادم
سطرو عيني وبچيلك
ينرض ضلعي ودعيلك .. أموت أنه وتضل سالم
000000000000 000000 000
يلب گلب أمك أسم الله
أسم الله يبني أسم الله
يالميت رفس مو ماي
الله يعين عبدالله؟
ميته وياك وبچيلك وكثر شي هضمني أنته
ماميت عطش لاخوف وأحسن گلبي گطعته
شحاله حسين أخوك يشوف يموت بچفه عبدالله
وخوك الحسن هاظمني يجي يشمني ويون سكته
خافو لايلچموني
گامو ما يشموني .. بهدوم أمهم يشمون
أونن من جرح عيني
أون ولو هده اونيني .. من أسكت يخافون
رسول رياض
مولاتي فاطمة الزهراء عليها السلام كأني بها لمولاي المحسن عليه السلام
اللحن:
قصيدة:"صَوْتٌ طَوَى الأرْجَاء"
أداء: المُلا يوسف الخفاجي
لسان حال الإمام علي بفقده الزهراء (عليهما السلام)
=========================
امودع روحي وسنيني
وين العاشت ابعيني
ليل الفرگة ياذيني
========================
كل مغربيّة أختنگ همّال أضل بدموعي
وبصدري تكبر حسرتي وأشعر ألم بضلوعي
يالوعة صارت بالزّمن وتقارنت وي لوعي
بيا فاطمة يا فاطمة وينچ صبح موضوعي
━━━❖✿❖━━━
وشلون أگدر أنساها
إحساس الغربة فرگاها
ممحسبها تجفيني
ليل الفرگة ياذيني
======================
وحشة عليه ومُظلِمة لمّن أطب البيتي
أتخيّل إبالي الصّور بيدي ادفنت عافيتي
يم الگبر أهمس صرت يا شمعة ليش اطفيتي
كل ساعة أشوفنچ أمل صحبتي لو مسيتي
━━━❖✿❖━━━
عيني اتعاين ارسومچ
هسّه اتعاين ادمومچ
واصرخ ما تحاچيني
ليل الفرگة ياذيني
======================
ابروحي سوالف للهجر ابعيني غفت حسافة
بالليل شيعته الگمر شايل نعش ترافة
گلبي الفرح ما جابله وگلبي الحزن ما عافه
من بالحد صار الضّوى ودمعي الجريته طافه
━━━❖✿❖━━━
لمّن وسدت عمري
حسيت انخصم ظهري
الطّير يعجبه اونيني
ليل الفرگة ياذيني
======================
للباب أصدن وانفجع وحساسي ردد حسرة
يا كسر الموادع صعب وين الدّوه اللي ايجبره
وانظر البسمار ودمه امن الدّنيا ماخذ زهرة
ما دره ابهاذي فعلته من علي چبده ايطره
━━━❖✿❖━━━
چا ما يدري أتألم
مثلها اضلوعي تتهشم
وأعيش ابحسرة يدريني
ليل الفرگة ياذيني
=======================
جرحي ابمحمد ما شفى لي هسّه جرحه ما طاب
والبين إجه ابثاني جرح طيحة المحسن والباب
البيّه ياذيني بقى سيفي امن أشوفه بگراب
لكن تحملت الحصل لجل الوصيّة وكتاب
━━━❖✿❖━━━
لولة المصطفى وأمره
منهو اليوصل الزّهرة
يشهد سيفي ويميني
ليل الفرگة ياذيني
-------------------&---------------------
بقلـم: أميـر الزبـيدي
على لحن (وين الزچية) لباسم الكربلائي
ـــــــــــــــــــــــــــــــــــــــــ
دمعة ضميـري
تشــرح مصيـري
بويــه ابرحيـلك
غدروا خليـلك
وآويلاه
----------------------------------------
عن يا جـرح راح أبــتدي عن يا جـرح يالچمـة
عن اللي خانوا عـشرتك نكـروها ذيـچ النّعمـة
چفـوف التصافحهم چنت جازوني بويه ابلطمة
حرموني من ثالث بدر يا محلة صوت "اليمّـه"
━━━❖✿❖━━━
آ يا ونيـني
طايـح جنـيني
ضل يشتكـيلك
غدروا خليـلك
وآويلاه
----------------------------------------
مسـدودة يا عيـن الفرح عيـن الحزن مفـتوحـة
يا بويـه شحچيـلك بعـد عـن الگلـب وجـروحـه
تقـبلها يا خـير الملا بنتـك صفـت مطـروحة
هواي ابحياتي اتعذبت دلالي زايـد نوحـه
━━━❖✿❖━━━
عذبـني وضـعي
يوجعنـي ضلـعي
ﷲ وكيـلك
غدروا خليـلك
وآويلاه
----------------------------------------
غـير أنتَ وصـيت الخـلگ هـاي الوديـعة البضعـة
من حولك ايدور الجمع كل التگولـه ايـسمعه
الياذيها چن آذى النّبـي هذا الشّـعار اترفـعه
تاليـها لبـوه ابكسـر صـدر الرّسالـة وضـلعـه
━━━❖✿❖━━━
خانوا وصيـتك
دخلوا ثنـيتك
جرحوا دليلـك
غدروا خليـلك
وآويلاه
----------------------------------------
يلـچمني يا بويـه الـهـوى كلما أريــد أشـتمّه
ومصابي دوم أتذكره بعيوني ساكن هـمّـه
يا من تواريـت ابلحد جاوبني باللّٰه ابكلـمة
ترضاها يا بويـه الزّلـم تـتـسبع إعـله الحـرمـة
━━━❖✿❖━━━
حـرمة ويتـيمة
هاي الهضيـمة
جـاوب عـليـلك
غدروا خليـلك
وآويلاه
----------------------------------------
حيدر نصب بيت الحزن بعد الحصل للشجرة
بيـمينـي أسـايـر بالحـسن وحـسين من اليـسـرة
أعقـد مناحة لفرگتـك يا خـذني طيـف الذّكـرى
بالفـزة أصــيحن وأنتحب يا بويـه شوف السّطرة
━━━❖✿❖━━━
سطروها عيني
چا ما تجيـني
وآنــه أرتميلك
غدروا خليـلك
وآويلاه
-------------------&---------------------
بقلـم: أميـر الزبـيدي
#علي_ياقايدها_ياسردالها
علـــي ياقايــدها ياســـردالها
انگلبت الامّــــه وعلت نيرانها
=========================
انگلبت الامـــه عليـك وحمّـلـت
نارها ابابك يـبــو الـيـمـــه دوت
بعده ابو القاسم طريح وعسكرت
كل قبايلها اعـلـنـت عصـيـانـهـا
=========================
بعده ابو القاسم طريح ابلا دفن
وبعده دمع افراگه ماليه الجفن
منعو ام الحسن لفراگه تـــــون
والسقيفه أبشر تجـازي افعالها
=========================
بابك ايحرگوها يافـحـل الفحــول
ايعينك الله ياعلـــي وصعبه أگول
صگط محسن ونلطم خـد البتول
وايــده علـخـد ياعلي نيـشـانـهـا
=========================
ياكسر خـاطـــرك ياهــو أيجبّره
شلون من شفت الضلع ياحيدره
اعظام صدر ام الحسن متكسره
كـل نفس حيـدر تــزود ألامـهـا
=========================
أتجـرئو يم بابك وشعلو حطب
الوصيه الزمتك عــن الغضـب
انت يا قايـدها قـتـال العــرب
تمحي ارجـاس الكفر واجيالها
=========================
ياخزن فـگــد الزچــيــه يالمك
جــرح بالــدلال ياحــيـدر تـرك
اشلون يجرئ عليك ابن الشرك
وابن عُـبّـاد الوثـن واصـنـامـهـا
=========================
بيدك ام حــســين تدفنها وتهيل
اعليها التراب ودمـع عينك يسيل
لو تشوف حسين من طاح الكفيل
ضل وحــيـد وحاطـتـه فـرسانها
=========================
ياعلي مو ضـلــع واحـد منـكـسر
بصدر الحـسيـن الحـوافـر تنهطر
ياعلي لو شايـف اشسـوّه الشـمر
منـظـر ايـهــز الارض واركــانـهـا
=========================
#شهادة_فاطمة_الزهراء_ع
✍️عباس مالك آل عفريت
نسألكم الدعاء
ملاحظه/ السردال=القائد او الامير الذي يقود وياتي معنى لها بمعنى ربان السفينه
نزال ..
.
.
( بأبي انتي وأمي فاطمه )
****(١)***
خدمتج مولاتي .. عرفتّني بذاتي .. وكبرتني الخدمه
يطخ راسه الغيمه .. وما يمر بيه ضيمه .. القدراها النعمه
الصار خادمكم يهنياله بحياته
باجر تشفعوله لو صارت وفاته
الخادم المخلص تره يعيش بمماته
والشرب حبكم ولا مر بيه ضمه
(بأبي انتي وأمي فاطمه)
****(٢)***
بلا عزائج روحي .. تطلع وي جروحي .. مجلسج رباني
من الزغر سموني .. خادمج يعيوني .. واشكر السماني
جان عمري اجم سنه والحركَه بيه
واحسب احساب الليالي الفاطميه
طلب يالزهراء خل عينج عليه
حبج من الزغر يمشي ويالدمه
( بأبي انتي وأمي فاطمه )
****(٣)***
بمجلسج قبليني .. وين متخليني .. شرف ليه ورِفعه
اباب الحسينيه .. احضر اللطميه .. اطيح حمره الدمعه
شاعر تريدني لو رادود اواسي
خادم بكلهن وفوك الغيم راسي
وكون لطام افتخر ما بين ناسي
هاي خدامج لكلشي معلّمه
( بأبي انتي وأمي فاطمه )
****(٤)***
كل دعائي بليلي .. كون ينشد حيلي .. لخدمتج يالزهره
الما يخدمج خاسر .. شنو نفعه وباجر .. ظلمه حفرة كَبره
لو متت باجر بلا شك تحضريني
وانتي التغمضين بيدج جفن عيني
بالكَبر اقره الج لمن تجيني
يا مصابج بجه أملاك السمه
( بأبي انتي وأمي فاطمه )
****(٥)***
مو فقط بس ثوبنه .. لبّسينه كَلوبنه .. اسود اعله مصابج
البينه طالب حاجه .. ناس الج محتاجه .. بدمعه دكَو بابج
انتي ام ذاك الكريم الكله غِيره
وانتي ام حسينّه شيخ العشيره
حاشه اليدكَ بابج اتخليه بحيره
تنكضي لو كَلج بحامي الحمه
( بأبي انتي وأمي فاطمه )
*********
الخادم / ملا حازم البزوني
يزهراء خدمتي قبليها
يزهراء. بدفترج سجليها
كون اضلن بالخدامه للمات امنيتي
راسي رافعلي واشوفه عالي واصل صيتي
اسمج الطاهر تطرز بالجدار ابيتي
يزهراء بهيبتج عليها
يزهراء بدفترج سجليها
.........................
انه خادم للزجيه وكلشي بيه ينادي
فاطمه وبيت النبوه ذوله همه سيادي
شعندي غيرج يالزجيه حفضي كل اولادي
يزهراء. للخلگ راويها
يزهراء. بدفترج سجليها
............................
انه ممتن بخدمتج فاطمه قبليني
انتي يا ام المكارم خادج سمعيني
من اطب انه ابحفرتي وحدي لتعوفؤني
يزهراء. للابد احميها
يزهراء بدفترج سجليها
.............................
خادمج واعرف خدمتج هيه رفعت راسي
وبقه اشيل الهامه لجلج بين اهلي وناسي
اسمج ايدور اعله بالي ويرتبط بحساسي
يزهراء بالعمر افديها
يزهراء بدفترج سجليها
.....................
ترتبط كلها ابحواسي ابخدمتج للتالي
ياضوه اعيوني ودمعها راسي بيكم عالي
غايتي كلها رضاتج هذه هوه بالي
يزهراء من زغر هاويها
يزهراء بدفترج سجليها
الشاعر حسين عبد الحريشاوي
الله يلعن كُل من وآلا عمر
واليجامل والخفه جرم الشقي
باچر القائم يصلبه لو ظهر
كسرُ ضلعِ فاطمة لاينخفي
الثار ثار الله اليطلبه المنتظر
بعزيزاً مقتدر فقاره
باچر المهدي يجي يرد ثاره
ياخذ بثار البتول المابرد
الشبو الباب علفاطم ناره
000000000000 000000 000
الله يلعن كُل من عادا علي
وحاول يغطي على هذا الجرم
الزهره مكسورة ضلع بنت النبي
غدر ماتت فاطمة وماتت ظُلم
سوايت الشيطان أبد ماتنخفي
يفرع الصارم ويحكم بيهه
يضهر وخلفة عمر يمحيهه
كل ذنب لاچم ضلع لم الحسن
باچر المهدي يجي يراويهه
000000000000 000000 000
الله يلعن كُل من وآله الـ(وأْن)
وگال ماماتت غدر وخفه الخبر
الله يلعن كلمن أبهاي يعلن
القتلهه مو أبو بكر وعمر
ويلعن المايرضه من يسمع لعن
اليجامل علقضية الواضحة
وگال خلف الباب أبد ماطايحة
حاله حال الـ(وأن)گال عليهه
وخله ببيوت الهواشم نايحة
000000000000 000000 000
الزهرة خلف الباب لاذت وندفع
وضرمو النار علباب أم الحسن
لچمة البسمار منهه الدم طبع
شما خفه التاريخ ذن ماينخفن
فاطمة عصروهه والمحسن وگع
الخله حيدر حاير بتغسيلهه
وخاف لايلچمهه من يشيلهه
فوگ شجره يُصلب الگالو (وأن)
والمأيده عللـّ(وأن) ياويلهه
رسول رياض
عافيته علي بتابوت خلاها
عافيته علي بتابوت خلاها
-----💔-------
بضلع زهرت حياته حيل ماذينه
يعين بفاطمة وهو الله اليعينه
وتهل دمعات عينه ويوجع ونينه
من شاف اليحبهه النذل طگاها
عافيته علي بتابوت خلاها
-----💔-------
لمن شافها بعيونه موجوعه
على كسرت ضلعها ؤنت ضلوعه
وضل صافن عليها ويجرن دموعه
وبحسره التهد أجبال شماها
عافيته علي بتابوت خلاها
-----💔-------
علي مو ذاك هسه الراهي البحيله
من شاف الزجية ترحل الليلة
وعلي ضل لعلي بدمعات يشكيله
على اليوجع بعد للدوم طرواها
عافيته علي بتابوت خلاها
-----💔-------
اول مره حيدر يفرك اجفوفة
وجرحه من المدينة وياه للكوفة
وماراد الزجية حاير اتشوفة
ضل شابع هظم وجروحه بجاها
عافيته علي بتابوت خلاها
-----💔-------
من نعشج طلع طلعت علي روحه
وضل يبجي عليج ويبجن اجروحه
أول زلمه بجه الوادم بنوحه
شيب جفنه من مهظومة شافاها
عافيته علي بتابوت خلاها
-----💔-------
مات شگد علي من ماتت الزهرة
ومن يشوف بابه تطلع الحسرة
ضلعج شيباه وهم كسر ظهرة
وضل موجوع گلبه بفگد بت طه
عافيته علي بتابوت خلاها
-----💔-------
الشاعر محمد البنداوي
اعله باب البتـول
بچينه يطــــول
لجرحنه الچبير...ومصاب السمه
أعله باب الجذوع
ورثنه الدمـــوع
دمــــوع وعـويل ... لضلع فاطمه
ويــا بـاب الزجيه لچان
ملاذ ومهبـط ومأوى
اذا يضعف رســـول الله
يگصده وبيه يتگوه
معقــــوله بمسه ونهار
عليهم ينــدفع گوه
وراه مـــن لاذت الزهراء
فوگ العصــره تجوه
لاذت .. رعـايه للستر
لاذت .. من وجه الاشر
لاذت.. وكسر فوگ الكسر صار
فاطمه .. بابُها بابُ طه المصطفى
ـــــــــــــــــــــــــــــ
اعله بــاب الامير
وسليب الغــــدير
نواسي الجـــريح .. بجفـون اتهلي
مهو بعينه شــاف
الدمه مـن العفاف
عله العتبه ســال ..لحليلة علــي
الحيره حيــــرة الكرار
مصيبــه والله ليعينه
گـــدامه الزجيه اطّيح
وخطــوه لبينها وبينه
ومــن جفه خله الفقار
وحبــل اوّصيه بيمينه
وعدوه اتمرجل لماجان
يصد للمرتضى ابعينه
صارت ... وعلي گـوه احتمل
صارت ... وصُبـَر خير العمل
صارت .. ويــا نـار الصبــر نار
فاطمه .. وعليـــكِ اسفــاً وآسفــا
فاطمه .. بابُها بابُ طة المصطفى
ـــــــــــــــــــــــــــــ
اعله باب الشجـون
ويذيـــچ العيــون
لجـــرت بالدموع ..لحزن من حزن
الحسـن يُمه صاح
وحُسين الـي طاح
ويطيحة اخـــوه ..ذبيـــح الوإن
ويلــي والعــــذاب الصار
لمـــن مــا اجـــو ليها
الحسن يم راسها واحسين
شمر روحه اعله رجليها
وزينب تصــرخ البسمار
كـــاسر چـــم ضلع بيها
ميته الزهره بس ياموت
الهــــم افتحــت ايديها
ويلــي .. وداع امهـــم كسر
ويلــي.. ابــد مـــا ينجبر
ويلــي .. عليهم بالحزن دار
فاطمه .. ضُوءُ دارِ الوصـيِّ ونْطَفى
فاطمه .. بابُها بابُ طه المصطفى
ـــــــــــــــــــــــــــــ
اعله باب الجـروح
الاخذ اغلـه روح
وحرمهم حنان .. وحضن والده
اليتــامه بحنين
ذبحهــا الــونين
ومصــاب العظيم .. لعليهم سده
ومنـــاوب بچي الايتام
راح الحضن الي يلمهم
نشغو حد بياض العين
حگهــم والزجيه امهم
يتامه بدارها يعيشون
لماعاشــو يتم جنهم
بعدها صـارو ابياحال
وچلمة يُمه تلچمهم
ناحــو .. ولا گطعـو دمع
ناحــو .. مناحة منفجع
ناحــو .. ويادمع اليتم حار
فاطمه .. العفى بعدك عالدُنيا العفى
فاطمه .. بــــابُها بابُ طه المصطفى
ـــــــــــــــــــــــــــــ
ميثاق المالكي
لك العزاء ياصاحب الزمان
هاي الليالي مصيبة أمك
ثار الضلع صوته يندهك .. يبن الحسن
دم محسن بعتبه تبده
بنار وترب ياويلي خده .. يبن الحسن
أصل العذاب الشفتة بالغيبة .. هـاي المصيبة
بصوت الألم نادتك البضعة
منها اسمعت أدركني يامهدي .. والمدمع ينّدي
من الفاجعة منتظرة كل جمعة
من ساعة الهجمو عليها تعيش بألم الأنتظار
يامدرك الـثـار وتـنـادي يـامهـدي يبني البدار
ومن حمرت الباب ودخانه بعينك بده الأحمرار
يا مُنقِذَ العوالم .. إثأر لضلعِ فاطم
-----------------------------
امصاب البدت منه دموعك
من اغيّابك يتاني رجعوعك.. يبن الحسن
ونت يتامى الزهرة بأذنك
ونتهم المن عدها حـزنـك .. يبن الحسن
دموع الحسين لفاطمة الزهرة.. ومدمع الحرة
خلّف دموع الحمرة بعيونك
امصاب الي ضچلته السمه السبعة.. حق اله تنعه
ومنه تشّيب سيدي چفونك
صورة بجي ايتام الزچية بذهنك توّرث حزن
چتفو علي وقبضة فقاره بصابيعك اتظل سجن
ولليوم تلچمها جـروحـك يـاويـلـي چـلـمـة وإن
-----------------------------
مخفي قبرها أكبر ظلامة
هـاي لـحـزن ثآرك علامة .. يبن الحسن
بظلمة شعجب ليش ادفنوها
ومثل الخلگ ما شيعوها .. يبن الحسن
ما رآعو لبنت النبي حرمة .. وخاتم الأمة
چاا ليش ذيج الأمة ظلموها
حجاب أم حسن كللهم حجابي ..وبابها بابي
دفعو عليها وتالي حرگـوهـا
وثالث سبط سالت مهچته بفعلة نذل ياحرام
بچف الغدر بأبشع جريمة وهالدم يريد أنتقام
ولو ما دماه بالعتبة سالت عبدالله عاش بسلام
------------------------------
يمته تـنـادي يا شهيدة
وثآر الضلع بيدك تعيدة .. يبن الحسن
عالكعبة من ظهرك تسنده
تبيّن منو اعليها تعدّه .. يبن الحسن
وكلمن ظلمها تشيله من گبرة.. تصلبة بالشجرة
وللناس ايبين سيدي شصاير
الخله متون ام الحسن زرگه.. تطلّعه وتحرگه
تبرّد گلبها البل حزن فـايـر
لهسه گلب أمك يمهدي عايش بألم و أنكسار
مضيعة وتدور بالمآتـم ملچومة مدمعها حار
ياربـي بالمهدي أنتقملـي ندبـتـهـا ليل ونـهـار
------------------------------
حسين علي التقي
هوسات لاستشهاد فاطمة الزهراء عليها السلام
آخر يوم بيه الدهر يتبسم
واول يوم بايام الحزن والهم
بعد الزهره حيل المرتضى اتهدم
(الحدمن نار بگلبك. ضلت تسعر يلكرار)
★★★★★
روح المرتضى من القهر خلصانه
اغصان الخير يوم الصفت ذبلانه
وحشه الدين يبچي امهدمه اركانه
(اليوم اخلاف الزهره. مدري اصاير بالاسلام )
★★★★★
العدو مرتاح نال الچان يتمنه
لعذاب وفرگة النورين يتعنه
گلبه بنار حيدر فارگ الجنه
(بحال المايتوصف. حال الدافن روحه وجاي )
★★★★★
الحسن ملچوم گلبه من القهر ينحب
وحسين التلوع گلبه وتعذب
وبصعب حال ضلت تلتفت زينب
(والله أيساعد گلبه . الشايف امه اگباله تموت)
الشاعر حسن لعيبي الحريشاوي
لاستشهاد فاطمة الزهراء عليها السلام
فاطمي نهجي على طول الزمن
فاطمي من المهد حد الچفن
★★★★★
للمنيه هذا نهجي فاطمي
لأشرف اهل الارض روحي تنتمي
لبت نبي الرحمة الكريم الهاشمي
لأم ابيها فاطمة ام الحسن
★★★★★
بدمي يمشي الحزن واصبح مصدره
للوديعه الجره اعليها. ماجره
انصدعت اجبال الارض للطاهره
ومثل كسر اضلوعها من اتكسرن
★★★★★
هذا طبعي وهذاحالي للأبد
للكسيرة ضلع للفگدت ولد
كل فعلهم هذا ناتج عن حسد
عذبوها ومارعوها اهل الفتن
★★★★★
ياعليله المارحل عنها الجرح
وحال مالايگ عليها ولايصح
عذبوها المانفع بيهم نصح
بريح غربه اسنينها اشموع انطفن
★★★★★
محور التكوين هيه فاطمه
وحگ اسم العظمه رب. السمه
فاطمي نهجي وحگ حامي الحمه
فاطمي طبعي ولا اهاب المحن
الشاعر حسن لعيبي الحريشاوي
#مولاتي_زينب_لاناصر_ولا_معين
انه الراح اليه منين اجيبه
هنا يلنشامه شلون بأم عون
هنا يال هاشم يلتسمعون
كضيتها بشلون وشلون
ياحيد الفزعلي ورد العيون
الغريبه ماتلوگ اعليچ يم عون
جا مو هيج يخواني تعووفون
اخيتكم مصيبه تجر مصيبه
انه الراح اليه منين اجيبه
…………………………………….
ياخوية كافي وهذا حدي
انه العثرت بجثث ولدي
ماعندي غيرك وانت عندي
انه وعون اروحن فدوه يحسين
بس ماترهم اعله ارماح ماشين
انه المتعلمه من زغري اعله الونين
وفص عيني تعود عل نحيبه
انه الراح اليه منين اجيبه
…………………………………….
للمادره شنهي العلي صار
من النار اطلع واطب بالنار
تاليهه زينب هيچي تحتار
اخوي وعز دلالي والخدر راح
زينب بيها بيت احزان وصياح
الگمر وحسين خلوهم علرماح
ولچمت گلبي ياچلمة غريبه
انه الراح اليه منين اجيبه
…………………………………….
تنزل بواچيي اعله الخدود
وعيوني رمده من البچي وسود
ممرود گلبي اعليك ممرود
نبات بنص خرابه وبوسط ليل
حيطان الخرابه بالنعي تميل
تگابلنه وبچينه اعله المجاتيل
ونسوان الظعن صاحن نهيبه
انه الراح اليه منين اجيبه
…………………………………….
عباس القلعاوي
عسى أن تشفع لي في قبري
عافيته علي بتابوت خلاها
عافيته علي بتابوت خلاها
-----💔-------
بضلع زهرت حياته حيل ماذينه
يعين بفاطمة وهو الله اليعينه
وتهل دمعات عينه ويوجع ونينه
من شاف اليحبهه النذل طگاها
عافيته علي بتابوت خلاها
-----💔-------
لمن شافها بعيونه موجوعه
على كسرت ضلعها ؤنت ضلوعه
وضل صافن عليها ويجرن دموعه
وبحسره التهد أجبال شماها
عافيته علي بتابوت خلاها
-----💔-------
علي مو ذاك هسه الراهي البحيله
من شاف الزجية ترحل الليلة
وعلي ضل لعلي بدمعات يشكيله
على اليوجع بعد للدوم طرواها
عافيته علي بتابوت خلاها
-----💔-------
اول مره حيدر يفرك اجفوفة
وجرحه من المدينة وياه للكوفة
وماراد الزجية حاير اتشوفة
ضل شابع هظم وجروحه بجاها
عافيته علي بتابوت خلاها
-----💔-------
من نعشج طلع طلعت علي روحه
وضل يبجي عليج ويبجن اجروحه
أول زلمه بجه الوادم بنوحه
شيب جفنه من مهظومة شافاها
عافيته علي بتابوت خلاها
-----💔-------
مات شگد علي من ماتت الزهرة
ومن يشوف بابه تطلع الحسرة
ضلعج شيباه وهم كسر ظهرة
وضل موجوع گلبه بفگد بت طه
عافيته علي بتابوت خلاها
-----💔-------
الشاعر محمد البنداوي
يرب البريّة
المدامع جريّة
على ابن الأطايب
اشكثر يقبى غايب
يرب البريّة
----------------------------------------
يرب الكون دمعي ابطارف عيوني
أنامن والبواچي امبللة اجفوني
مو أنتَ الگلت يا مَن تعبدوني
أنا الأقرب عليكم مِن تريدوني
━━━❖✿❖━━━
اليودني ودعاني
يـنـول الأماني
ابصبركم أطالب
اشكثر يبقى غايب
يرب البريّة
----------------------------------------
غير ادموع عيني اشبيدي يالعالي
أنا ابدونك أضل لا أول وتالي
عليه اتحن أريد ويرجع الغالي
إذا يبقى ابغيابه الونة تبرالي
━━━❖✿❖━━━
يضل دمعي جاري
اويه ليلي ونهاري
أنوحن وعاتب
اشكثر يبقى غايب
يرب البريّة
----------------------------------------
نخيتك وأدري بيك اتلبي للحاير
مصيره المهدي يظهر هسّه لو باچر
ناذر وأنتَ تعلم مِن يجي اشناذر
مجلس وبحضور المُلا والشّاعر
━━━❖✿❖━━━
يمحلى القصيدة
لون تلطم إيده
تصيح الكواكب
اشكثر يبقى غايب
يرب البريّة
----------------------------------------
هذا غروب إجاني وبس شلت راسي
على وجه السّماء اختلت أنفاسي
وين ألگالي جملة التشرح إحساسي
ساعتها اندعيت لروحي وي ناسي
━━━❖✿❖━━━
أخاف ابذنبنا
نضيّع دربنا
نعرفك تحاسب
اشكثر يبقى غايب
يرب البريّة
----------------------------------------
بيدك كلشي بيدك تگدر إعليها
وبيدك من تصبحها وتمسيها
وبيدك هالحيارة اترجعه وآليها
يالمعلي السّمة ومامش عَمَد بيها
━━━❖✿❖━━━
يرب العوالم
متى المهدي قادم؟
حبيبك يراقب
اشكثر يبقى غايب
يرب البريّة
----------------------------------------
يمتى المهدي يطلع يگصد أحبابه
مو كلشي اختلف والدّنيا چن غابة
خل سيف الصّبر ما يسكن اگرابه
بعد ما بيها چارة الدّمعة سچابة
━━━❖✿❖━━━
عليك الزّچيّة
اويه حامي الحميّة
يجي المهدي واجب
اشكثر يبقى غايب
يرب البريّة
-------------------&---------------------
بقلـم: أميـر الزبـيدي
صَوْتٌ طَوَى الأرْجَاء
أمّاهُ يَا زَهْرَاء
وَيلاهُ وَآويلا
وَيلاهُ وَآويلا
-------------------------------------------
بعدها الهسّه بينا احرورة الچمة
قسم ما ننسى ذيچ العشـرة واللمّة
طفت هالدّنيا نور وخلّت الظلمة
وسف من عدنا تاخذ چلمة اليمّه
━━━❖✿❖━━━
يَا أرْوَعَ الأسْمَاء
أمّاهُ يَا زَهْرَاء
وَيلاهُ وَآويلا
وَيلاهُ وَآويلا
-------------------------------------------
اليتيم اخلاف أمّه الموته يرجاها
يشض عن عقله بس هيهات ينساها
لون عن عمره هذي الحالة يلگاها
يصح تبديله چـان ايبدله وياها
━━━❖✿❖━━━
بالرُّوحِ وَالأعْضَاء
أمّاهُ يَا زَهْرَاء
وَيلاهُ وَآويلا
وَيلاهُ وَآويلا
-------------------------------------------
علينا الفرحة تكثر من نباريها
علينا النّعمة تنقص من نجافيها
حلات إيدينا من تلزمهن إيديها
تساوي اللحظة هاي الدّنيا والبيها
━━━❖✿❖━━━
كانَت لَنَا كالمَاء
أمّاهُ يَا زَهْرَاء
وَيلاهُ وَآويلا
وَيلاهُ وَآويلا
-------------------------------------------
لون بيت وحزن يتجاوز الحده
تراه الموت شالع وردة من عنده
هاي الوردة ساس العائلة اتهده
مكان اللي تعوفه المحد ايسده
━━━❖✿❖━━━
يَبْقَى بِلا أضْوَاء
أمّاهُ يَا زَهْرَاء
وَيلاهُ وَآويلا
وَيلاهُ وَآويلا
-------------------------------------------
منو إحنا الحچينا ابحرگة وبحسرة
يسامع أمنا اسمها فاطمة الزّهرة
حسن وحسين ويّه الصّابرة الكُبرى
يتامة وهالزّمن وآلينه بالعبرة
━━━❖✿❖━━━
وَالظُّلْمُ وَالإيذَاء
أمّاهُ يَا زَهْرَاء
وَيلاهُ وَآويلا
وَيلاهُ وَآويلا
-------------------&---------------------
بقلـم: أميـر الزبـيدي
يمن تحضر عزه ابكل حين تجري عيونك العبرة
خل أحچيلك شويّه عن الشّافته الزّهرة
----------------------------------------
مظلومة الزّچيّة إهواي أبد ما عاشت الفرحة
گلبها اتحمل اللوعات حزين امكدر بجرحه
طحن بيها الزّمان ودار مثل ما تطحن الرّحة
━━━❖✿❖━━━
ولا راعه ابدمعها الطاح يهز إحساسه ويقهره
----------------------------------------
مهمومة وتعيش أحزان تفوق القدرة والمعقول
نبديها ابهجوم الدّار من عنده العقل مذهول
تره الزّهرة احتمت بالباب يجاوبهم و(إن) ويگول
━━━❖✿❖━━━
احرگوا الساكن ابهل دار ولا تاخذكم الحسرة
----------------------------------------
توارت فاطمة ابهل باب تعيش الخوفة واللوعة
عصرها الماله كل نوماس صدرها مهشمه ضلوعه
الحگيني يفضة اتصيح تعاي ضلوعي موجوعة
━━━❖✿❖━━━
تناديها ابخفيف الصوت وحقچ تكتل العصرة
----------------------------------------
يفضة وعيني شوفيها يفضة إعليها سطروني
وإجاني قنفذ الملعون سوطه اينزله بمتوني
يريت ويكتفون ابهاي بعد كل هذا شتموني
━━━❖✿❖━━━
تعاي ابعينچ اتشوفيني عيني امن اللطم حمرة
----------------------------------------
وأعاتب هالخلگ بدموع أبد ما ينفع إعتابي
تأذه المحسن ابهل صار ثجيلة وتندفع بابي
حرت بمره وحرت بمرين ستري وعفة إحجابي
━━━❖✿❖━━━
ييمّه ومنّك أتعذر إختياري لخدري بالفطرة
----------------------------------------
أنا كل الحچيته إعليك يالتخدم قليل اليوم
عليم ﷲ شبعد موجود عن الزّهرة والمضموم
خذوا منها فدك وتگول منو مثلي بشر مظلوم
━━━❖✿❖━━━
أخيرًا ماتت البضعة حزينة وراحت ابكسرة
----------------------------------------
ماتت من عگب آلام راوتها القهر والويل
طلبت من أبو الحسنين يدفنها ابظلام الليل
ضيّع گبري يالكرار جاوبها ودمعته اتسيل
━━━❖✿❖━━━
خليني أموت اوياچ جسمين ابفرد حفرة
----------------------------------------
منو اليقبل يصدگ هاي أبو الحملة السّماويّة
يون ونة حمام الدّوح يون ومتونه محنيّة
يشوف الزّهرة كل مصباح اشلون وهسّه ماهيّه
━━━❖✿❖━━━
يطب حجرتها بالدّمعات يعاين كلشي بي ذكرى
----------------------------------------
هنا چانت تناغي حسين هنا چان الحسن گاعد
كل عيد اليجي المختار يگصد لينه ويعايد
ما خلوا شملنا ايطول يجلس واحد لواحد
━━━❖✿❖━━━
گال المرتضى الكرار هذا وحسرته ابصدره
-------------------&--------------------
بقلـم: أميـر الزبـيدي
«خطاب السّيّدة الزّهراء للإمام الحسن العسكري»
دمعة ضامري
يالعسكري
تبچيلك سنين
يبني ودفنتك
ومصيبتك
مو مثل الحسين
----------------------------------------
عن مصابك من أسولف يبني يخنگني الدّمع
تجري عيني ومن أعاين يبني يلچمني الضّلع
وبدفنتك جيتك آني جيتك وبيدي الشّمع
يالمنيتك عن منيته يختلف بيها الوضع
━━━❖✿❖━━━
عن جرح الابن
ذاك الحزن
بي أكثر هموم
يبني العذبك
ما سلبك
موجودة الهدوم
----------------------------------------
يالمنيتك بيها سالم جسمك وما منكسر
تدري جدك من إجيته منّه ما سالم كتر
وشلكيته وخاف أسولف وأنتَ گلبك يحتسر
مرضرضينه وعيني شافت منّه خنصر منبتر
━━━❖✿❖━━━
شافت عالثّرى
دم منحره
من عنده نازل
صوت امن الخيّم
وين العلم
وينك يكافل
----------------------------------------
يبني جدك حتى صدره ما سلم من الحزن
عشرة راحت أعوجيّة طحنت اضلوعه طحن
والحوافر بيها طابع ويلي صدره المنسحن
حگها يبني عيوني تبچي وﷲ مالومه اليون
━━━❖✿❖━━━
يبني وقصته
وعن ذبحته
ما عاشت النّاس
ضامي بكربلة
صوته اعتله
يا خويه عبّاس
----------------------------------------
أنتَ وضعك تدري أهون حتى لحظة دفنتك
أنتَ راسك باقي سالم ما طلع عن رگبتك
ياللي ثوبك ما تسلب باقي حاضن جثتك
أنتَ چبدك صح تسمم يبني بس ما صابتك
━━━❖✿❖━━━
ما لاحك سهم
منه انثلم
چبد الإمامة
واصل للظهر
شايل أثر
دم وملامة
----------------------------------------
يبني تعرف ما خذوهم منّك اعيالك سبي
هذا جدك منّه أخذوا صفوة اعيال النّبي
يا دمعهم جمرة نازل عالوجن من يحتبي
وسفة راحوا عن أهلهم حادي بيهم أجنبي
━━━❖✿❖━━━
راحوا بالدّرب
كلش صعب
محد إجه ايعين
واليعثر ترى
ايصد ناظره
يم جثة حسين
----------------------------------------
وبسلامي يبني أعوفك راح أودعك للگبر
عنّك أرحل وأنتَ تدري هوايه أذاني الصّبر
باچر ابنك بيده شايل راية وعليها النّصر
بلكي جرحي يهده ونّه ويّه گلبي المنفطر
━━━❖✿❖━━━
گلبي المنفطر
رايد جبر
من راعي الإحساس
ابنك يالحسن
يبني الوطن
ويعيد الأنفاس
-------------------&---------------------
بقلـم: أميـر الزبـيدي
الامام الحسين مخاطبا امه فاطمة الزهراء عليهم السلام
..................................................
ســـــود الليالي الســيّـرن .. ويبتدي امصــابك ياباب
كل دمعه طاحت علجفن .. من فعل ذولي الاصحاب
انفتحـت روازيــن الألـم .. وبخباره چــــذاب الهـاب
يمّـه..
احسينچ ودمعي ايسيل
ياحـــزني لو جـــن الليل
بفراگــــچ ايـبـيـد الحيل
يمّـه..
تبتدي امصــايبنه اهنـا
وكـــل ضيم مر وشفنا
كل ألم بعــــدچ عشنا
اهنانه يبدي امصاب هاشم هاي رازونت حزن
حــرگة الباب ودفعته سبب كــل دمعه بجفن
=========================
ضلعچ وضلعي اتكسرن .. بسمار وانــه بحافــر
والنار هــاي الّــي دوّت .. بخيامي تحــرگ باچر
يايمــه نفسيته الجـرح .. باچــر يصــير العاشــر
باچر..
من بابـــــــچ اتلــوح النار
جمره تچوي اطفال ازغار
يرجـــــع يصــير الي صار
باچر..
كسروا ضلـعــچ ويكسـرون
اضلوعي يايمه يسـحــگون
بحبل السبي تمشي ام عون
هي هي الزمّـــره يمّـه والوكــت بس يختلف
الدفعت الباب اعله ضلعچ باچر بسبعين الف
=========================
يمه اخيي ايطيح منـــچ .. محـســن الزاد الألم
باچر اوليدي اعله صدري.. يذبح اوليدي السهم
يمه هي الحسره وحــده.. بابچ وحــرگ الخيم
بابچ..
يفتح مصايبنه اهــواي
حرگ المخــيّـم والمـاي
يازهـــره ويتيه الــراي
بابچ..
چم طشت زينبنه تشوف
حسره ومدامع والخوف
من يومچ اليوم اطفوف
ابنچ وابـنـي يزهــــره يمّـه محــسـن ينعصر
وانه عبدالله اعله صـدري ينذبح يمّه العصر
=========================
كل نفس يشرح مصيبه .. هجـــرچ ايهد الحيل
الفاگد اتبين ابمـشـيـتـه .. محني بالممشه يميل
يمه ابوي ايساعده الله.. بموتچ يشوف الويل
حيدر..
ايامه بعـــدچ احـــزان
ابابچ وگلــبه النـيــران
روحتچ خلّــت نيشان
حيدر..
لو راحت احباب الروح
يبقه الگلب بس للنوح
شيطبه گلب المجروح
والعزيز الراح صعـــبـه يمــه ننطر جـيته
حيــدر ابفگدچ ييمه اهنانه شفنه دمعته
=========================
✍️عباس مالك العفريت
#شهادة_الزهراء_ع
نسألكم الدعاء
.
.
.اذا كـل مجلـس تحضـره
منو اليحضر عزه الزهره ؟
مـنــو يـدور عــزاهـا ويـن مـا جـان
ويجي لمجلسها يبجي بكَلب لهفان
***(١)***
منهو اليتعنه لمجلس فاطم
بعيونه التبجي وجفه اللاطم
يدخل مكسور الخاطر لازم!
بلا شك يحضر مجلسها القائم
رزق مــن رب الـسـمـه
الحضر مجلس فاطمه .. نرفع صيته عالي
اللـعـن قـاتـلـهـا شـهِـم
الخدم مو بس بالإسم .. ابـد مـا يـبالـي
بواجي الليله نكَضيها
على الكسروا ظلع بيها
لـزوم الـواسـه ام حسيـن حـزنـان
ويجي لمجلسها يبجي بكَلب لهفان
***(٢)***
اول دمعه الجانت عل الزهره
من حيدر غسلّها وكَض ظهره
وي فاطم ضيّع روحه وعمره
مـو كَـبر الزهـراء يـحفر كَبـره
عـشـكَ هــذا الاولــي
عشكَ فاطم وي علي .. ابد ماكو مثله
أميـر الحـب والـنعـم
عليـه تفصـال الاسـم .. هـواه ما امـلـه
الـبـجـفـوفـه قـلـع خـيـبـر
اعله حمل الزهره ما يكَدر
(اعـيـنـوني) يصيح الـقـلـع بـيـبـان
ويجي لمجلسها يبجي بكَلب لهفان
***(٣)***
اول مـن يحـضر ويشع نـوره
بلا منحر بضلوعه المكـسوره
يقره مـن القـرآن اجم سـوره
يوصـل للـكوثر بس منـحوره
للمصيبه ظل يون
بابـها اثكَيـلة وزن .. انطبكَ عل الزجيه
ورده مو مالت نعش
بعمر جان اثمنطعش .. ليها اجت منيه
الحسين ودمعته بطوله
يـتيـم النـاس صاحـوله
اجه من الطف عزيز الزهره عطشان
ويـجي لمجلسها يـبجي بكَلب لهفان
***(٤)***
ام الذبحوه بكَماطه وحـلمه
بحركَه اتعنت يا ناس وهمه
لأم الـسابح محسـنها بـدمه
ماي المحسن طايـح شيلمّه
اثنينهن فكَدن كَمر
كاسرين اجم ظهر .. الحضن باقي خالي
العاشوا بنـص الكَـلب
مو سهل كلش صعب .. تودع الغوالي
رباب تحاجي بالزهـره
انه ام المنـكَطع نـحره
احنـه اثـنـيـنه الــودعـنّـه رضـعــان
ويجي لمجلسها يبجي بكَلب لهفان
***(٥)***
اثنيـن يحـضرن مجلسها بدمـعه
زيـنــب وام الـمـا لابــس درعــه
وحـدتهن عـل الصار شـكَد تنـعه
حتى المحسن هم كسروا ضلعه
بلا سبب ليـش اندفن
المحسن بكلمة ( وأن) .. انذبح حلمه وسفه
فاطمه الشبعت بجي
منتظرته شكَد يجي .. على صوته تغفه
المشه ما يرجع بدمعه
دم لـو تبجـي ميرجعه
لـرب الـعـالـميـــن الــطـفـل قــربـان
ويجي لمجلسها يبجي بكَلب لهفان
********
الخادم | ملا حازم البزوني