4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
#مسلم_ابن_عقيل_ع
يابويه عن عيني تغيب - عايف حميده بغربه
لمن اجه منك خبر - عيني لـ مشيتك تربّه
كمت وطحت
كمت وطحت - يابويه من گالو رحت
المن عفتني اليا وكت - كمت وطحت
راح الدلال
راح الدلال - ضهري نحنه وهستوه مال
عمي اجه وصاني كال - راح الدلال
راح يمشي الظعن باجر - نطر دواوين وجمر
تـنـطـرق كـلمـة سبيه - عله بنـيتـك باليـسـر
____
صرت السبيه خلاف ابوي - مشوني درب يتعب
أتـعـثـر بثـوب الـبـنـات - بـالـي بعـيد يـحسب
دار الزمن
دار الزمن - بالغربه رجليه ورمن
عماتي بالهيمه نولن - دار الزمن
وينك يبوي
وينك يبوي - صوت الصريخ بأذني يدوي
عطشانه اشوفك ضليت الوي - وينك يبوي
راح ندخل سوگ بويه - لا ابـو لا عـم اليه
وراح يوكع شكو عالي -مثل ما وكعت رقيه
____
يابويه اباوع ع الرماح - ماشفتك انته وياهن
كونك تشاهدهه البنات - تشوف النذل طكاهن
ماكو امان
ماكو امان - بويه النذل بيه ستهان
زغيرونه گدري كل ضنه جان - ماكو امان
طبينه قصور
طبينه قصور - زينب بجيهه يهد كبور
لمن نعت بچاني الطور - طبينه قصور
زينباكم ياغريبه - نعت وبطور الحزن
ياهلي ضليت وحدي - مالكم رده اضن
___
يابويه طگوني وبجيت - ردتك تشوف الطگني
سوط العدو اذآني حيل -واصل زراگه لمتني
نهيل التراب
نهيل التراب - طين بدمع صك الحجاب
الشام بعطركم يابويه هاب - نهيل التراب
بويه الحسين
بويه الحسين - يطگونه ماعنده ادين
من الضرب ماضلتله عين - بويه الحسين
بويه كعدونه بخرابه - والمدامع بس تهل
وينه ذاك حسين وينه - خلي يجمعنه بشمل
__
#تمت
#عباس_القلعاوي
#اللحن👇🏻
مسلم عباره تضحيه ... وسفره عشگ صار
مسلم عشگ گلبه وصدق ... وبس سيده اختار
ضحه الأجل دين الضعن ... وصار من الأسرار
دينه حب أمامه شما حصل بحساسه دين
وناموس الشهامه تعلمه من الحسين
للحب صدق گلبه ...
وغرب وأخذ دربه ..
ماهمه كل تعبه ،،،، آيه وفه
بچفه أخذ دينه ..
وعاين عله حسينه ..
وراح الميادينه ،،،، چف عاطفه
أتخيل وهب الفحل .. يبلغ رسالات الأهل
مثل الأسد عمه نزل ... وبحب علي سار
تلثم جساره عللدرب .. وماشاف بعيونه صعب
ابن الهواشم للحرب .. گلبه شتعل نار
صار .. مسلم للعشگ آيه
صار .. الدين أهل الخيم ثايه .
..........
كل ليله بحساسه تمر ... نسمه من الضعون
ويرف گلب الأهل الخيم ... ويسبل العيون
وخوف عله ابن عمه يطب ... من اليخونون
حسره بكلبه ضلت ما بقه ويه الضعن
بس حق السفاره لازم يحل المحن
صلت سيوف أعداه ..
وتبختر الوازاه ،
من كل كتر دماه .. شيخ الحرب
بسيفه يكرر انحور
وضرباته دم اتفور
للمعركه منذور ... لمن يطب
الوحده لكن لايعد ... مايرجه من واحد سند
بيهم هتف حيدر مدد .. هذا ابن الخيار
ليث وابد ماله مثل .. بلمعركه كول وفعل ..
خشوم إلزلم يمه تجل ... وكسرها الكبار
صار ..مسلم للعشك آيه
صار .. الدين أهل الخيم ثايه
.......
من حاطته أشباه إلزلم ... تذكر علي هناك
والغربه قانون انكتب ... ميحيطه الإدراك
صوب الغري دار النضر ... وگل للولي هاك
ناده وشد حسامه وبالعده طاحن طحن
ما همه كثرهم خورس أصحاب السن
لطوعه وصل بيهم
كال اله افنيهم
بحيله نوه عليهم .. حر إلزلم
سيفه گصه بحربه
والخايف يطلبه
يرحم نبض گلبه ... ابن الشهم
عالي ولا واحد گرب ... حارگهم بنار وحطب
سموهه معركه الرگب... زلمه علي هاذ
ابن الفحول الهاشمي ... ماخله بيهم آدمي
كال أنه اصلي فاطمي .. ولي نكر شاذ
صار ...مسلم العشك ايه
صار ... الدين أهل الخيم ثايه
......
خانوا مواثيق الشرف ... وكلبه انترس منهم هم
وصه برساله للعضن ... قايضهه مسلم بالدم
خانوا رسائلهم الك ... بين النبي رد بالخيم
نار بكلبه شبت والعطش بي ما رحم
مسلم ياغربته وحيرته كلشي انختم
من فوگ الستاره
ومن قصر الائماره
مسلم دمه وذاره ... تشهد حزن
الدينه فده روحه
والمهجه مذبوحه
بي واعتله نوحه ... وگلبه يحن
سلم عله حسين وگع ... من القصر ضلعه نشلع
والدم عله خده نطبع ... ومجتوف جفين
سفرت منيته وحيرته ... وعدوانه بغضا حاطته
تشمت بحز رگبته ... ودزه لحسين
صار .. مسلم للعشگ ايه
صار .. الدين أهل الخيم ثايه
......
رد السلام ودمعته ... طاحت عله الكاع
وحس بسفيره ومحنته ... بين العده نباع
ضمه عن أطفاله بصبر ... بس الخبر شاع
شاف حسرت حميده واليتم بيهه سكن
ومطهر وطاهر بجيهم أعلن ايام المحن
حزنه عله ابن عمه
وطفاله وخيمه
عضيد وكفو منه ... مسلم گضه
نار الفگد شبت
وكل راحه ماخلت
وأخباره من وصلت ... بدمعه حضه
أطفاله تتراجف حزن .. والدمعه طاحت ياجفن
وطفله بقت الاسمه تحن ... وتگله مكتوب
نتفارك بهذا العمر ... وصبح يتيمه من الزغر
وراح امشي بدروب اليسر .. وگليبي متعوب
صار ... مسلم العشگ ايه
صار ... الدين أهل الخيم ثايه
الخادم علي كريم
#محرم_الحرام_1445
ليلة قمر ليلى (الأكبــــر) ص(تاسوعاء)
عندما برز علي الاكبر عين الحسين تراقبه لحضه بلحضه... المصيبه من وگع علي الاكبر ص شلون راحله الحسين وبياحال لگى. لسان حال مولاي ص😔👇🌹
((وليدي راااح))((شور))
شكثر صاااح..
ألحگني ابويه ومالحكته...شكثر صااح
شفته طاااح..
گـــوه اتعثر وصلـــــــته.. شفته طااح
وليدي راااح...
سيوفهم خـربت كشخته... وليدي رااح
ركضت اعليه كل همي ألحگنه
اعيد اوداعي طول ابطول اشبگنه
لگيت اوليدي مطشر علوجه الگاع
أجذب عيني اگول الـشر غده عنه
راح تطلع روحي مني. بويه گوم
حيل ما ضلالي ارجعك. بويه گوم
طاحت امك ألحگـــــلها. بويه گوم
علي بويه.. علي بويه.. علي بويه
ــــــــــــــــــــــــــــــــــــــــ
بعالي صوت..
حسين يمك چاي يبچي.... بعالي صوت..
راح اموت...
فكلي عينك بويه وحچي... راح امــوت..
عم سكوت...
أمّدد يشــــوفوني واشچي... عم سكوت..
حرت اشلون اشيلك والضهر نصين
وهاي الناس كلها اندارت ع احسين
شي تضحك عليه وشـــــي تعـيرني
هاشم وين عافـــــوك ومشو لاوين
وحده ضل؟ اسمع حچيهم. فرصه هاي
مدد وي ابنه اعله طـــــوله. فرصه هاي
بخيــــــــلنه كلنه وندوسه. فرصه هاي
علي بويه. علي بويه. علي بويه
ــــــــــــــــــــــــــــــــــــــــ
لل خيـــــام...
حيرتني شلون اوصـلك... لل خيام
يا حراام...
حاولت چم مره اشيلك.... يا حراام
بويه نااام...
أيست بس چلمه اگلك... بويه نااام
اشيله مــــــــن كتر يرجع كتر يوگع
عليّ مو هينه اشوف أوليدي متگطع
عجيبه وروحي عال شفته بقت بيه
اقنـــــع عقلي مات اوروحي ما تقنع
كلها صـــاحتلي بشماته...علي مات
ياهو الي قنعها روحي... علي مات
شابگـه وما اريد اهـده... علي مات
علي بويه.. علي بويه... علي بويه
ــــــــــــــــــــــــــــــــــــــــ
حيلي رااااح...
شما أگـــــــــومن أرد أعثر.... حيلي رااااح
عل جرااااح....
يعين گــــــلب امك يالاكبر... عـــل جراااح
بل ارمااااح...
عيـــــونها تشوفك امــــوذر... بل ارمااااح
تلگتني الغريبه البيها ديــره اجروح
تخاف عليه خافن روحي مني تروح
تواسيني الحنينه ومنها شاب الراس
كونك سالم انته فدوه كـــلنه انروح
شافت الدمعه ع خدي....چبيره هاااي
تشوفني ضليت وحدي... چبيره هاااي
وحيرتي مفصله ابگدي... چبيره هاااي
علي بويه.. علي بويه.. علي بويه
ــــــــــــــــــــــــــــــــــــــــ
هذا من فضلهم وعطائهم. ص.
✍ياسر الزيادي
يمرني اسمك وتنزل دمعة العين
يموت بحسرته الماعنده الحسين
حبيبي شمحلا طاريك
يعيش الميت اعليك
باهت كل حجي العشاگ الملوحه نصبت بلونك
طبع العاشگك يحسين يبين بأول شلونك
طير ومنكسر جنحه يبقى العايش عيونك
الما يتوضه بدموعه زحمه يحجي بضعونك
فدوه أحلامي كلها لوني الأسود
لو بيك الضهر لو لا مينشد
ويوميه احاجيك
يعيش الميت عليك
.
.
.
.
وِنِس لدموعي اسمك صار موبس لحكاياتي
هضيمه وفشله يا مولاي اعله غيرك تجري دمعاتي
حزني حسين روحي حسين وصار حسين ضحكاتي
كل مغرب الروح تشوط واحس محترگه خيماتي
يسألوني شتحب يمضيع الرأي
واكلهم بس حبيبي الما شرب ماي
بعيد والتفت ليك
يعيش الميت عليك
.
.
.
.
طبع باليحب من يشتاگ تتغير تعابيره
بوده يمشي مدري لوين بوده يهجر الديره
ما لمني وطن يحسين لچمتي كلش جبيره
بس اني احب انسان الخيل امدمره تصويره
منو مثلي حبيبه مگطع اوصال
التَمن فوگ صدره وين الاثگال
بدمع لو دم اواسيك
يعيش الميت عليك
.
.
.
.
اسمك ما يمر عالبال صار البال بس لسمك
بحذافيره الگلب يحسين شال عيونك رسمك
الما شالك جرح منحور فشله يسولف بدمك
يصير انسان، حر، بي خير الواحد لَمَن ايخدمك
يالمبچيني حتى بنشوة العيد
اليخدمك تكثر بروحه التجاعيد
هذا اني المتت بيك
ويعيش الميت عليك
.
.
.
.
يشالع گلب اليحبوك يا معنى العذوبيه
اصيح الله من اشتاگ لجوائك الروحيه
احبك واليحب متعوب وتبقى أحلامه محنيه
خصه الحب إذا بي جان خيل وشَلِع ترجيه
ترس وجهي الحزن يا لجمة الروح
يعيش الدنيا غربه العاش مجروح
شرف محبوبي اسميك
يعيش الميت عليك
#الشاعر عبدالله الشويلي
عاش بغربته سيدي وعشت انه بالسلامة
اذنـب واتـوب وهـم ارد ما تنفع النـدامة
مـا حـارگ بـصـدري گلب للحرّگوا خيامه
والذنب…يمـنع بگـلبي واعيـش آهـاتـك
والذنب..يحدي بعيوني ويضم دمعاتك
يا گلب..بـعـد مـا ضـلّـك وكـت للـتـوبة
والذنب..خـلّـه مـاضـي ولا تهم بالفاتك
فكّر ب امامك عاش الغربة
دوم اعله زينب دمعه يصّبه
ظل ما يشوف بدربه عـيونـه
ونـار الـخـيـم مشتعلة بگلبه
البدار البدار يا صاحب الزمان
___________________________
يبچي بصباحه وكل مسة للصعدت الهزيلـة
مـن تـنـذكر نـار الـخيم تلـهب وسـط دليـله
وانهاره من كثر الدمع اظـلـم يـواسـي ليـلـه
لكربلة..كل مصيبة اتگوده صوب العاشر
لكربلة..بـحزنه و بـهـمّه وحسـرته يسافـر
ينـذبـح..لـو يـگـولـون انـســبـت عـمّـاتـه
لكربلة..ينـمرد گلـبه اوي طـاري الـحـافـر
يعـطش بواچي لجدّه الضامي
وجفـنه بمنـامه يصـبّـح دامـي
عايش حيـاته بحـسـره ولـوعـة
حـزنـه وعـذابه جازي اوهـامـي
البدار البدار يا صاحب الزمان
____________________________
شاف المصيبة وما سمع طگ وسبي الفواطم
حبل الله مچتوف بحبل شابع بـچي وشـتـايـم
الـمـحــد لـمـحـهـا بـكـربلة شافت اثرها وادم
سيدي..وسفة والدنيا اوي زينب مايلة
سيدي..تـركـض بـنـار وتـلـم بـالـعـايلة
حشّمت..عدها كافل جان حامي ضعونها
سيدي..ضال مرمي العلم محد شايله
لـمّـن هـوت مـن ايـده الـرايــة
عـرفـن ضـعـنـهن بـعده سـبايا
الـيـعـطـش يـريد الماي ويروه
وضعن الحسين لحامي ضمايا
البدار البدار يا صاحب الزمان
___________________________________
بسوگ وشماته امن ادخلن يافشلة يا هضيمة
ابلا هـودج الـنـوگ اتـهـزل قـصـة سـبـي اليمة
وحرب العيون اتـحـضـرت نــاس وبلاية شيمة
والـحــرب..من طرف واحد صعب تتجاره
والـحــرب..بـيـن نـســوان وزلــم غـــدّاره
اتحضرت..عيونهم صوب العلاوي اندارت
والحرب..هــدّت ونـســوانــك ابــلا چــارة
وزينب تنـادي لهاشم حيهم
وهاشم طريحة بغبره زلمهم
اخــت الـنـشـامة تـدوّر خـوّة
وچـف الـيـتامة يومي لعمهم
البدار البدار يا صاحب الزمان
_________________________________
الما مر على بـال الـحـرم بالـشـام مـر عذابه
المسكنهن بفوگ العرش تالي اسكنن خرابة
باب الله وگفوه بـالـقـصـر ينـتظرن اعله بابه
اشتنتضر..بـالـقـصـر ديـوان ناطر زينب
اشتنتضر..بمستحاهه النار گامت تلهب
ياهلي …اتـلـفـتت هـلبت اخو بـمكفاها
اشتنتضر..والچبير اعله التـرابة مـسلّب
وصـارت تـفـزّع بـهل الـغـيرة
حـيـهـم ولـتـنـا ازلام الـديــرة
كــل الـعـشـايـر اخذت بـتهم
وبس آنة وحدي ابلاية عشيرة
البدار البدار يا صاحب الزمان
___________________________
كرار رحمن
ندم لمولاي ابا عبد الله عليه السلام
اعذرني عن وكتي چي مابجيت..ومالطمت بعزائك صدر
عمري گضّيته بس بالضياع ..بلا مجالس يضيع العمر
هسة اجيت وجبت گلبي ليك.. وآنة بذنوبي اجيت اعتذر
راح اهاجر ذنوبي واصيح ..يلة ياگلبي خل ننكسر
گلبي ..يحبي..هذا..نادم..جــبــته لـعـتابـك
وانت..ردته..عَلمه..بيدك..سيدي امصابك
بعشگه..حرگه..لو.. يحصّل..جمرة يم بابك
آنة الغلطان ..خادم ندمان..
خايف انسه اجروحي يابو جروحي
ريت اعله اذنوب..اسمك مكتوب
حتى مـن تغـلط تذكـرك روحي
العذر ياحسين ..العفو يا حسين
______________________________
آنة تقصيري مابي حدود..عايــش امصابك بلا تعب
خادم احسين أنة ياحرام..والله ما استحق هـالـلقب
ها يساترني يالسلبوك..وثوبك انت اعلمودي انسلب
أنت منطيني خير وخيام..وآنــة ما امــتـلـك أيّ أدب
بروحي…نوحي..كلّة..جذبة..حتى اراويهم
الدمعة..بُدعة..لو أهِلها.. وانشغل بـيـهم
براسي..ناسي..هذا..همّي..لازم ارضــيهم
الطم للناس..مو للعباس
وحاسب المجلس وسيلة وغاية
كل همّي الشوف..مو لطم اجفوف
وناسي عطشان الحسين اهواية
العذر يا حسين..العفو يا حسين
____________________________
الــبــعـد مـو مسافة وطريق..الگلب سيدي بي بعد
وآنه من دون رحمتك اضيع..بلا خدمتك حرام انوجد
جيتك ووشلت مايي ليك..راح اطشه اعله بابك وارد
اعذرني اگـلــك شــله بـمسـتـحاه..لو يزّعـل امامه العبد
كلشي ..يمشي ..عن.. حياتي..لو تجافيني
حـيلي ..واهلي..حـتى..گلـبي..ما يوافـيـني
الخدمة..نعمة…عن خدمتك..لا تنّـحيـني
كلشي ولا هاي..تزعل مولاي
ياهو الي يلفيني لو ادگ بابه
من دون حسين.. بعثرات ال وين
امشي واتلفّت ودوّر امصابه
العذر يا حسين..العفو يا حسين
___________________________
وي شيل الجدم بيك اصيح..والندم يعـتـلـي بخطـوتــي
ابسط اذراعي الك بالوصيد..وعيني تبسطها الك دمعتـي
السمعة بس خدمتك ياحسين..بلا خدمتك شنو سمعتي
بـيـة علّـة جـفـاء المــصـاب..وانـت قابـلنــي وبـعـلّـتــي
أحلم..أندم..آنة ..أخدمك..من صدق نيّة
بگـلبي..ذنــبي..وانـت..راضـي..تـقبل البيّة
حلوة.. تسوة..أگضي ..عمري…بالعـبودية
ها يالعطشان..جيتك ندمان
وجايب اذنوبي واطشها ابابك
ترياگ الروح..بس ون ونوح
لو اخلص عمري بس بمصابك
العذر يا حسين..العفو ياحسين
_____________________
اتمنى اندل جرح گلبي وين ..حتى يندل وجوده الگلب
الله خصّ البشر بالعقول..يعني اعرف اعيش امن احب
عقلي گال الصدگ بس حُسين..وغيره عندي احسبه جذب
حسين آيــة جــمـال الالـٰـه ..وغيره يا گلبي آية ذنب
أحجي ..وابچي..كل ..دموعچ ..فهمي ياعيني
هـــوَّ..يسوة..لجله..اضحّي..كلشي لحــسيني
نعمة ..رحمة..مــن..عشگته..غرّگ اســنيــني
كون البلعين..بس نور حسين
حتى اعوفن كلشي واعشگ ضامي
عمري الي فات..يرجع هيهات
راح اخلص ابخدمتك ايامي
العذر يا حسين..العفو يا حسين
____________________________
كرار رحمن
گعدنه بالخرابه انطشر الاحزان
تراب الگاع صبخه وماكو حيطان
العبي افراش وغطه وماعدنا وليان
الهظم ماينوصف لوچلچل الليل
گعدنه بالخرابه ارواح مطويه
وعلويه. تلوذ بكتر علويه
ألم بجدامنه البالجمر مچوبه
ومن كثر الركض مابينه كل حيل
گعدنا بالخرابه وطيف الجروح
يسير عالجفن ويغازل الروح
يراويني جسد والراس مذبوح
ماضل بيه كتر ماسحگته الخيل
گعدنه بالخرابه نمسي ونبات
الهوه المر بالخرابه انفاس شمات
چبيرة عمر وجروحي چبيرات
ودمعي من المحاجر يشبه السيل
گعدنه بالخرابه. اشلون. گعده
وحده اتسولف اجروح اعله وحده
ذاك. العز مثل. ماي. وتبده
ووي كاس الصبر گمت اجرع الويل
گعدنه بالخرابه وبس الصياح
يمر اليل چن ابغابة اشباح
لچن راس ابرمح صارلنه مصباح
وفاحت من وريده ريحت الهيل
گعدنه بالخرابه وشفنه المصاب
نحس شمات حتى الجوه التراب
جرح الشام مالحظه هده وطاب
يطگ طوفان صبري ويطفح الكيل
عبدالامير السعيدي
عطشت گلبك رساله.. ورقه بيضه وكلها دم
اتجسدت بيك الرزايه .. بكل صفات وكل الم
اتلاكت الغربه وخيامك .. مثل عبدالله وسهم
اتلاكت الغربه وخيام ام العفاف
ايام خيرك لاكت ايام العچاف
الماي جاري وينبع بصف الغرب
كلها تشرب اله ضعنك ماشرب
كلها وكفت غربه وشماتك مولاي اهواي
الماي جان اهوايه وهواي الغربه اعله الماي
الخيمه سر افيايك ولهايه حركو الفياي
انكطع خيط الحياة .. وي خيط الخيم
من حركوها مات .. فيك والحلم
*******
استوطنت روحك الفركه .. وانته للملكه حضن
فاركك وين اغله ناسك .. وين البعينك وطن
جانو اعززاك يجونك .. قبل ماگلبك يحن
الوحده نيشانك قبل ذيج الجموع
اوحشه صارت ماتضويهه الشموع
الوحدك والغربه ماترحم وحيد
السهم قرب روحه والناصر بعيد
ناس ماتشبه ناسك صدولك كلهم شر
اتنادي هل من ناصر بس محد بيهم ينصر
الماتو إخوانه اكباله شلون يحامي الخدَر
ألا من ناصرً .. ينوح وينفجع
لحزنك مبصرً .. ويبجيلك دمع
******
رايد لجرحي استغاثه .. وانته ماعندك معين
كون ازاود كل حراره .. بكل گلب يعشك حسين
بچفن عيني دمعي اذبحه .. واكطع الفرحه بونين
الكون ما احجيهاا افعل مبتغاك
أوين ماخلوني اتبع بس ضواك
ياگلب ياخذني من اول عشك
وانته اول حب هوه لكل مختنك
بكل معاني الحب اسمك أحله احروف
گلبي يمك يبصر واعميهه اعيوني اعله الشوف
هيج اصادف طيفك والكا ضعنك مامجتوف
كون بطيفي اشوف .. ضعن مو عل هزل
وكون اطهر جفوف .. ينساهه الحبل
****
من أساليب المحبه .. بسمك يرتل الگلب
رغبه ماعندي اعيش .. من اسمع بضعنك غرب
انكسار الحب مدينه .. والدمع بيهه مصب
ملجه ادموعي بشواطي امحبتك
من ضفاف احلامي اخذني لغربتك
اهتمامه بجرحه الك أكبر دليل
الخادم اليخدم صدك يصبح خليل
انته أول مالك خيرك تنطي للمملوك
ومن طريق اوهامي چفك بيده يشيل الشوكَ
تحركه نار الفركه الوي اخيامك مامحروك
نار الحب مصير .. بس للطاوعك
مايعرف يحير .. گلب اليتبعك
محمد باقر الكعبي
قصيدة مولاتي رقية " عليها السلام "
يا أبـتـاهّ سَــالّ الـدِماء
عُـمريّ صِغير جرحي سَـماءّ
قَـتلـوا أخي مـنّ إجِــل مَــاءّ
سَـقـطـت كُـفـوف و زَادَ ألبـلاءّ
1_
بـالي بـقه يـم صـلاتـك
يـاهـو الـسلبها عـباتـك
مـنـو الـي نـزل دمـعـتك
يـاهـو الـي نـشف لهـاتـك
والعدها أبو حنين
خل تناديه حسين
والشافت الخيول
ماتبرد الها عين
2_
يا أبتاهّ الحبلُ شديد
أرى في عيون الكلُ يُريد
ينضم بنا شـعـرُ لــيزيد
قـال بـه ها هـّم عبيـد
اسمي تغير سبيه
ماكو هناك رقيه
الما ضربني زمخ بيه
يعيروني وين الترجيه
الكبر عمري الحجي
افطر سب وبجي
والصوم بس دعاء
وأنتظر موتي يجي
3_
يا أبتاه المحملّ غـّريـب
نادوا انظروا هذا التريب
أبكي لـكّ كـونـك خضيب
ناده اضربوا بـنت السليب
بويه التراجي ماردتهن
بس ضل بالي يم ضعهن
نومه تراب الي خذتهن
و الحادي مايرضه يهدهن
والشافت العذاب
نامت على التراب
من كثر سوط ورماد
ضليت اعيش بسراب
4_
يا أبتاهّ الويل لشام
ألقوّ الحجار بدلَ السلام
دقوّ الطبول وكثر الكلام
جروا الخيول من الجام
يا بويه عرس ودخلهم
فرحوا اذا واحد ذكرهم
نادوا على الضعن بكفرهم
ذوله خوارج خل نسبهم
شوكي الك مايروح
اصرخت صرخة جروح
جابو رأسك الي
حضتنك وراحت الروح
5_
يا أبتاهّ ظهرت جروح
في مغتسل عمتي تنوح
قالت لها أثر الجروح
عُودي بها أو أن أروح
ميته تمنيت ويه الأصغر
ريت حالي مثل الأكبر
ولا شفت حالتي انجر
عن الغسل بويه اتأخر
لو ميته بكربله ولا امشي بالـقافله
شفت ضعـنه غريب هواي شفت حرملـه
تم بعون ﷲ تعالى
وبركة القرآن الكريم
21_ ذي الحجة
منصور عباس الأسدي
مولاي ابا عبد الله يخاطب ابا الفضل عليهما السلام
يا عباس
يا حـيلـي ويا كل عمري
يا عباس
من تبعد يخلص صبري
يا عباس
افـراگـك يكـسر ظهـري
يخوي ……….يخوي
_________
ودعـتـك وكلشـي عدل بـعـيـونـي مات
وسولفلي گلبي بهالسفر تگضي الـحيـاة
امن اتخيل المهره انعصر گلبي ويصيح
راحت الفرات بجـربـته يـسـگي الفـرات
من يعطش گلبي
چا بيمن يروى..بس عينك تسوة..وتسگي الروح
بيش انظر دربي
وتسافر عينـي..فـراگك يـاذيـنـي…يـهيـج اجروح
يا عباس
عيني لآثـارك تـربـي
يا عباس
تتأخر تشلع گلبــي
يا عباس
بعيونك انظر دربي
يخوي ..يخوي
_______
من اسمعت( خوية) همت ما ادري وين
اتـمنـيتـه گايلـهـا الــي بـذيـچ الــسنـيــن
گـلـبـي گـبل جـدمـي ركـض واعثر واگوم
والـوادم تـصـيّـح عـلـيّ طـاح الـحـسـيـن
يالماخذ حيلي
ويا كسرة ظهري..چا شلّي بعمري…و انت تموت
يا شمعة ليلي
لا لـتـخـلـيـنــي ..مـروتك تـانينـي..صحت بصوت
يا عباس
من تهوى حسينك يهوى
يا عباس
ما ضل شي بعدك يسوة
يا عباس
گـمـت اتـنـفّـس بـالگوّة
يخوي..يخوي
______
لــمّن وصلتك مـا بـقـى بحدامـي حيل
مو دمعي روحي بطيحتك گامت تسيل
موش آنة ابو الظهر القوي الماهزّه ريح
بس هسة وي هب الهوة حسينك يميل
ماينشد ظهري
حلّيته بفگدك..طايح وي زندك..حيلي وراي
جا شلّي بعمري
وياهو اليبقالي..واعطش للغالي..ومو للماي
يا عباس
گـوم لخـاطـر خـوّتـنـا
يا عباس
لخاطر زينبـنا وسـكنة
يا عباس
بعدك ياهو الضل النا
يخوي …يخوي
_______
يا خـويـة چـا مـا حـسّـبـت لمّـن تروح
تاخذ ضواي وكلشي الي وتاخذلي روح
لـمّـن رحـت حـتـى الـنَـفس منغر عليّ
وي النبض يابو الفضل تمـشي الجروح
من شفتك طايح
ذبلت چلماتي..وگامت دمعاتي..تحچي الصار
ما صـدّگ رايـح..
يا خوية امن ايدي..يابعد اوليدي ..وابقى احتار
يا عباس
اخـتـك بـالخـيـمـة اتّـانـي
يا عباس
مـا عــدهـا كـافـل ثــانـي
يا عباس
ماتت (خوية)اعل الساني
يخوي…يخوي
_________
راح ارجـع لزيـنـب لـچـن ما عـنـدي راي
لا حـيـلي ضـل اولا ضـوة اولا ضل هواي
اصعب سؤال امن انسئل جا وين اخوي؟
حيرة اسكت ويحچي الدمع بعيوني هاي
والاصعب سكنة
لو گالت وينه..ما هلّت عينه..ما شوفه
رايح من عدنا
احزامي وعوچيتي..يا شمعة بيتي.. من تطفه
يا عباس
زينب مشتاگه تشوفك
يا عباس
گوملها ابلاية اجفوفك
يا عباس
يا ماي ودم اجـروفــك
يخوي ..يخوي
_______
كرار رحمن
عن مولاتي رقية عزيزة قلب أبيها وهيه تره رأس الاب معلق على الرمح
من شفت طول الرمح كدامي
جيب اليمشيهه خطوه جدامي
انه وانته شكد حجينه
وكتلي يبنيتي شبدينه
جا بعد شنهي اليمشي جدامي
_____
كلشي يخنك والحنان البيك اشمه
وانه اصيحن فدوه صبريني يعمه
بلك امل كالت احسن يخط جدمه
ودنكت لمن درت بالخيل يمه
بويه شفت الخيل فوكك صاعده
سحكتك جا ليش صوبك راده
كلشي متخوصر علينه
وكتلي يبنيتي شبدينه
جا بعد شنهي اليمشي جدامي
____
خل تطول كتلك او مو اله باجر
بلايه رجعه ريجك اينشفه اليسافر
وانه عيني نشفت بكد ما اناطر
تسع اصابع ليش تبقه بيوم عاشر
انه ويه الدمع مو عشرت ردن
ترضه ابويه بنيتك بهيمه وتون
بجي وعتاب متلينه
وكتلي يبنيتي شبدينه
جا بعد شنهي اليمشي جدامي
______
بويه ليش مترب وانته المرتب
وليش وجهي اديره منك عمتي زينب
كوم لاعبني تره لبكدي تلعب
انه صوتي انويعم او مو مالت انحب
انوخذ من خيمتك للهيمه
وطاح حيلي وي عمود الخيمة
هسه شوف شصار بينه
وكتلي يبنيتي شبدينه
جا بعد شنهي اليمشي جدامي
___
خاتمه عمري اعله صندوك المنيه
شني راسك ينعطه مثل العطيه
انته مال ارويحتي وكلك ليه
الحزن عاف الدنيه وستوطن رقيه
هيج خليني اعله راسك هايمه
ماي شفتك وانه كلش صايمه
ثنينه ملاكه ارتوينه
وكتلي يبنيتي شبدينه
جا بعد شنهي اليمشي جدامي
#محمدتقي_البهادلي
#اللهم_عجل_لوليك_الفرج
ياگلبي انكسر نوح المامك
مولاك برحمته يلم حطامك
واسكت دمعك ابلغ من كلامك … ياگلبي انكسر
ابدمعك غطي شوفك بين العيون
لجرح موسى أبن جعفر هد المتون
بحياتك عيش حر بگلب مسجون … الجرح مابي صبر
ياگلبي افهم اجروحك
يابس لاتضل خضر
لسجن حزنك اخذ عمرك
وابچي لموسى ابن جعفر
انحنه ضهره بوسط حفره
انحنه وعل كومه مايكدر
انحنه وبل كومه يتجه اعله كيد ايده
ضعف جسمه وكل ناسه وهله بعيده
وجرحه بگلبه ماهداء مثل كيده
جروح … خلص كل حياته
جروح … بسجنه يحل مماته
جروح … صارن من صفاته
____
غريب ومحد يجبره انكساره
لا شاف اهله لاعاش ابدياره
ياگلبي اسطع بجرحك مناره … للعمره بسجن
واضح خلي حزنك لبن الاطيباب
جرحك (لايطيب )للجرحه ماطاب
ابمشيبك ون مثل ما من جنت شاب … اوافي وي الحزن
ون ياگلبي وي ونه
وعيش الدنيه وي دمعك
وره التابوت صيح بصوت
وخل مولاك اليسمعك
وكله بجرحك الينزف
اجينه لبابك نشيعك
محد شيعك مايرضه سجانك
آسد بغداد غريب يصير عنوانك
اجيت بگلبي انوحن سيدي احزانك
جروح … نعشك باقي صعبه
جروح … اهل ماكو التقربه
جروح … تشيله متون غربه
____
بكل يوم اليمره صبحه مذبوح
روحه وي والحزن عاشن فرد روح
عشت ميت عدل من كثر الجروح … مولاي العمر
امير وكيدك بجف ايدك يبات
بصده حيطان سجنك تهمس ايات
بهمس بس عالي صوتك كل الصوات … بكل مسمع يمر
صوتك بل هوه اتلامس
وضل الهوه يشم صوتك
انكطع خيط الضوه بسجنك
من حل بي خبر موتك
غريبه اجنازتك تكسر
خشب بس يبجي تابوتك
لا من أهلك ولا ناسك تشيعك
غريبه اجنازتك لا ولدك اتبعك
انطفه لون الضوه لمن طفه شمعك
جروح … تلجمني لمصابك
جروح … افرشها اعله بابك
جروح … ينزفن من عذابك
____
يجود ابنفسه من حرورت السم
الجرح بعيونه من الأمه ملتم
نشف گلبه (عطش ) والعطش يلجم … وفتت مهجته
اخر دمعه بين عيونه لم عون
غريب وينعه غربت ذيج الضعون
بسجن بس دمعه حر ماصار مسجون … تجرح دمعته
غريب وكل هله بغربه
من ضعونه لضعونه
من الخيمه لعيائلة
جرح مافارك اعيونه
راهب كل بني هاشم
مو هاشم يشيعونه
امبين جرحك اعله عيونك ورسمك
تجود بنفسك من الوعه البنسفك
السم اضلم ضوه ورايد ضوه شمسك
جروح … تنعى الأمي جرحك
جروح … سجنك هوه رمحك
جروح … وبل سم صار ذبحك
محمد باقر الكعبي
المن جاي عليك يضيع حتى الماي
المن جاي حجيك مااله شراي
المن جاي
.............................................................
عوف الناس ماتقبل كلامك بيك مايدرون
ارجع للمدينه اهناك بلجن ناسك يطيعون
انسى اهل العراق وياك ماضن سيدي يطلعون
عوف اعيالك وزينب بيهم ابد ميرحمون
ضل اهناك ابيتك كاعد ومحفوض
ضل اهناك موصدرك اهنا مرضوض
المن جاي
.............................................................
عيالك ياهو اليردها والاطفال وين تروح
وانته عالترب طايح يشوفونك الم مطروح
زينب بالغروب شلون توصلك اخو مذبوح
رقيه كلي وين تنام صحره وبابها مفتوح
رد مولاي اشوفن حرمله تحضر
رد مولاي عبد عالسهم مايكدر
المن جاي
.............................................................
رد يحسين لاتكرب بناتك عدنه مسبيات
رقيه وسكنا خليهن اذا مايجن مرتاحات
يشوفن ناس تكرهكم جسمك بيه بس طعنات
عالهزل تشوف الناس بنات حسين مجتوفات
خلهن غاد عدهن ماي ويشربن
خلهن غاد ولا بالسوط ينضربن
المن جاي
.............................................................
الناس الغدرت بحيدر هم تغدر الوادم بيك
تريد تكتلك العدوان محد بيهم متانيك
اليكتبلك رسائل شوك اولهم تره يأذيك
تضل بكربلا مطروح ولا واحد يمر عليك
بس عدوان تعلم بالكلوب السود
بس عدوان وانته إبلا هله مطرود
المن جاي
.............................................................
مضيفك لاتسده اهناك يشيخ الطايفه كله
الطلابه الماتخلص دوم تجيك وانته التحله
الكوفه الخانت بمسلم تخونك لون توصله
يطلبونك يبو السجاد ابوك الجان حاكمها
مامش عون دينك ماتريده الناس
مامش عون ينتقمون من عباس
المن جاي
.............................................................
الشاعر كريم الجياشي
#محرم_الحرام_1445
ليله الثانيه
(غارق)(شور)
غارق... بذنباًٌ عضيم
غارق... ووجدتُك رحيم
مهما متلأ قلبي ســــــــواد
أرددتني طـــــــــــاهر سليم
عاصي اجيتك وتحن عليه
عطفك حبـــيبي اكبر هديه
ياسيد الحـب اقبلني خادم
طامع اجيتك مـــديت اديه
عيشني عيًشت هل خدم
ورزقني كل هـــــاي النعم
دمعي بــــخدودي يزدحم... حبيبي
نوح وبواجي وهـــم لطم
وبكل عــــــــزه گلبي يخم
وبمجلسك دخـــــــان اشم.... حبيبي
حبيبي. حبيبي.. حسين
ــــــــــــــــــــــــــــــــــــــــــ١
عُمري... وهَبتهُ وللفنـاء
عُمري...عزاءاًٌ وبُكــــــاء
ببخس ثمن سعر الدموع
بس يم حبيبي أكبر ثـراء
ألف انعم الله وفــضلك شملني
وبضـــــل حنانك عطفك غمرني
بشمس الله عاري وبيـــــه تــهم
بخيمه چــــــــبيره همــك تلمني
أول دموعي لجلك هوت
واخر وعودي ليك اگطعت
كون بعزائك روحي گضت... حبيبي
ندبت محب بيك اندبت
ريت ابونيــــني انا ذبت
غيرك حبيــب ما جربت... حبيبي
حبيبي. حبيبي.. حسين
ـــــــــــــــــــــــــــــــــــــــــــ٢
عاشق..وعشقي فيكَ ارتوێ
عاشق...وحُبكُ قلبي احتوێ
غانيني حُبك عن البـــــــشر
والقـــــــــــلب شاءَ وما هوێ
الماطب رحمتك شينفع كلامه
ما يشفي لو عض صبع الندامه
رئفه وحنان واوســـــــع سفينه
رحمت وجــــودك اوضح علامه
بفضلك حبيبي انه اهتديت
بــــــين الخلگ صيت وعِليت
ما منطي بس دمعـه بچيت... حبيبي
يا اول او اخــــــــر حبيب
من الله انــت احله نصيب
بكل أمـري انخاك وتجيب..... حبيبي
حبيبي. حبيبي... حسين
ــــــــــــــــــــــــــــــــــــــــــــــــــ٣
ضائع.... بين جنةًٌ وسـقر
ضائع.... وبكَ رأيي استقر
تائه اتيتُ مُـــــــدلي يديك
مُنذا غيرُك أهــــــــوى مُفر
لجلك حبيــــــــبي الله خلقنه
اوسع سفـــــــــينه كلبك عرفنه
ماكـــــــو اليشبهك ماكو مثيلك
مجلس عــــزائك يروي عطشنه
أنتـــــه يارب الكل عشگ
كــــــــون بعزائك احتـرگ
ألچمني لچمات الســـحگ.... حبيبي
كون بعزائك عمري انختم
وختم حياتي بـلوعه وألم
ماريد اعيش احساس الندم.... حبيبي
حبيبي. حبيبي... حسين
ــــــــــــــــــــــــــــــــــــــ٤
هذا من فضلهم وعطائهم ص
✍️ياسر الزيادي
أذنب والگه خيرك جاي للبيت
يالمــغرگني مــن كوثر حنانـك
وتسامحني إشكثر —— يقرآن الفــجر
——————————————————
انـــي ذرّه—وانته حضـره
وگبه مخطوطه إبقلم رب العـــباد
لا متطرد—يـمك اگـصد
مجلسك يشطب عله إذنوبي إبسواد
متحملني اهــواي —يل ما شارب مــاي
شابع جيش اسهام—شنــجازيك إبــهاي
اعوفن دربك وهــم امشي لبعيد
وارد والگه إبدفو إتحضّر مكانــي
بَحر من الصبر — يقرآن الفــجر
——————————————————
ياهو مثــلك—سال دمك
وزعت جسمك على احلوگ السيوف
تنطي الاكبر —تنطي اكثر
إمسلّبه اثيابك لچــــن ســـاتر الوف
گلي إنروح الوين — لو عفناك احسين
عميان وصحناك —وافتحتلنه العـين
الشمس منريدهه وانته الضوه الزين
خل الـشمس تنزل وانتـــه اصــعــد
يوالدنه الذخر—يقرآن الفجر
——————————————————
يا حنـــانك—يـا امـــانـك
شيخ ومغطي السلف كل الجهــات
على ايتامك—على اخيامك
لحد هاي الساعه دم يبجي الفرات
صبرك ماله احدود—من شفت العامـود
طر راس الوفّــاي — ومايه اتبده الجود
ذبح عبدالله نبلة عين عباس
كل هذا تقدمه ابلا مقــابل
وتقدملي العُمر — يقرآن الفجر
——————————————————
إنته عِبره—إنته عَبره
إنتــه منـــحر مـــحتــقر ذبّـاحه
حيره عاشر—طبع حافر
ليش مثــلك ينــزف إمن اصفاحه
صدرك نجمه وليل—ليش اتدوسه الخيل
كلهه اسيوف ارماح—گامـــت بيك اتعيل
يل إمبچيني زيد حرگتي إعليك
وبمـشّايــتك سـجّلنــي زايــر
وتخليني افتخر —يقرآن الفجر
——————————————————
إبموتي تحضر—يبو الاكبر
وحشه گبري وخايف إيطول الحساب
وتبقه يمــي —حسين امي
وانته بيدك خـــــتم توقيــع الكــتاب
ضلمه وشع النور— لو بيّن عاشـور
بالبرزخ انعــــاك— دمك بيه إيفور
احبك يا ابو الكل اليخدمون
واليخدم عزائـك عالي شانه
مثل نسمه وتمر—يقرآن الفجر
——————————————————
🖊️—حسين حيدر اللامي
حسين يابويه يا بويه يا بويه
******
بويه حرگو كل خيمنه وشارده الصوب النحر
محد يحامينه بويه وعمي مرمي اعله النهر
بنيتك ومرعوبه اجيتك خدي يا وسفه انسطر
گوم لا تتركني اريدك واستمع هذا الخــــــبر
جيتك بدمع اليتيـــــمه
طاحت الخيمه يخيمه
حسين يابويه يا بويه يا بويه
****
جيتك ونار بعباتي وگلبي مچوي من الشـــتم
ياهو يفزع حيره والله وهالبقينه بـــــــــلا زلم
بهيمه نركض مدري ألمن مدري ليوين العزم
المهم ما ظل مهم بويه منذبح وانتــــــه المهم
خلو بوجهي علامــــــه
يا سلامه انته السلامه
حسين يابويه يا بويه يا بويه
*****
وين اهلنه الناس اجونه وبس يتامى بكربله
بويه ريتك لا شفتني حـــــــال طفله امعلعله
هيمه تشمرني اعله هيمه وانه جنت امدلله
وين اروح الله واكبر رمح شايل حرمـــــله
والشمر وحباله بيده
وانه بالحومه وحيده
حسين يابويه يا بويه يا بويه
****
وين اجيك وانت ميت والحـــــــــــوافر داستك
وانه اشيل چفوفي وادعي ربي سحگو نعمتك
سهام ورماح وحجرهم والسيوف اتلگــــــتك
والله صلفه تحز وريدك ؟ ما تعرفك ذبحتك ؟
والنهر باقي ابمكانه ؟
عطّشاك وعطّشانه
حسين يابويه يا بويه يا بويه
*******
كلنه جينه وصرنه يمك وانته راسك علرمــح
شلون تحچي وي اليتامى ماله صوت المنذبح
خلنه يمك علترابه حسين يـــــــا وجه الصبح
ارد اغطيك بعباتي وبلكي اضمد چم جـــــرح
بلكي تگعدلي ثواني
والله انه بنيتك آني
حسين يابويه يا بويه يا بويه
*******
بويه راح نروح منك وانتـــــه جثه امدده
يلي فوگك خيل داست صدرك الله يساعده
انته تبقه اعله الوطيه وانه اروح أمگيده
وذاك عمي بلا چفوفه وعلشريعه الوحده
علهزل رحنه ومشينه
الله وياك انتهينه
حسين يابويه يا بويه يا بويه
#رعد الفريــــجي
1443 محرم الحرام
شرد احجي وشكول .. متشيلك عقول
تبدي منين انت؟ وتنتهي منين؟
شماطال العمر .. خلق تالي بكبر
شيموتك وجه الله انت يحسيـن
.. ـ
انت اُنسي لو جان
باقي بطول الازمان
تبقى والخلق فإن
تبقى سرمدي و ازلي
.. ـ
بكل سوالف ملح .. حاشه ذكرك يشح
مسيطر اعالوجود .. وانت فوك الرمح
واحسينااه و احسينااه
.........ـ
خلصت و انتهت .. هالدنيا انكضت
و ابو حظ الحلو الماذب الاسود
ماشارك ابد .. ولا واكف سند
فشله جبيره من يعتب محمد
.. ـ
يهضم حيل الاعتاب
شحجي مامش اجواب
فشلة من ابو تراب
فشلة فشله من فاطمة
..ـ
وشيساوي العمر .. بلايه دكة الصدر
بلا شعائر حُسين .. عمري كله هدر
واحسينااه و احسينااه
.........ـ
اشكد انه اجرف .. وارجع بالطُف
ابعد و بجفوفه يردني كوه
عجب يا للعجب .. مااعرف سبب
هالحنيه المن وانه شسوه
.. ـ
خادم خله صيتي
موكب سوه بيتي
خدمة خله نيتي
شسوه غركاني بكرم
.. ـ
بيا وجه اشكره .. بيش اجازي الجره
اوفي لا مستحيل .. و اكفر من اهجره
واحسينااه و احسينااه
.........ـ
امقصر اي نعم .. مو مثل الخدم
خدمتي اصغيره فشله حتى احجي
لو مية عُمر .. ميكفي شكُر
عله ياهي اشكره وياهي اجزي
.. ـ
ششكر وحده و اثنين
بدمه واصـــل الدين
ضحه بالنساووين
عاجز بيش اضحي و اسد
.. ـ
شلون اوافي و اسد .. بخيره لسه يمد
كلما اوفي جهة .. خيره فوكي يهد
واحسينااه و احسينااه
.........ـ
لو ضك الدهر .. بس يمه المفر
بكل احوالي يمه غير اسيره
لعيوني كحل .. لو بس انقبل
محلات العبد يخدم اميره
.. ـ
اغفل حيل ويااااا
وانسى بس انه اهواااا
هضمي واحسيناااااه
اسمه حُب و جرح العمر
.. ـ
حيل احبه الصدك .. بس قليل العشك
حُبي مو كد مقام .. وادعي لانفترك
واحسينااه و احسينااه
.........ـ
الميرزا علي مهدي البديري
لا نُبالي.... قدْ سُقِيْنا الحزنَ مِنْ عمقِ الخيامِ
لا نُبالي.... قدْ قرأْنا على دُنيتِنا السلامِ
لا نُبالي.... مذ عرفْنا الدمَ قتالَ السهامِ
شربنا الحزن ماي وگاع وعزبنه الجرح جمره
تركنه العشگ للعشاگ من غصينه بالزهره
بمجلس عزه للعباس بعنا الدنيا والبيها
حسبنه احساب للعطشان ما نحسب التاليها
ناس اندور الونه
ما دورنا عالجنه
اهل غربه ويغثنه الماي
انت شغاثك منا
.
.
.
.
قد بَكيْنا..... وشعورُ القلبِ قالَ ما بكيْنا
قد بكينا.... حتى صارَ الحزنُ مقياساً علَينا
قد بكينا..... وقضى ربُنا أنْ نبكي حسينا
ما ينشرب هذا الماي اذا ما ينحط بجربه
تعال وخل نگول حسين ونشوف المنكسر گلبه
چي داسنه خيل الهناك زاعلنه الرقم ١٠
احنه الما نعرف انام اذا مانذكر الزهره
وحگ الشايل الرايه
عدنا الدين مشايه
متلمنه السمه والگاع
اذا ما نحضر اقرايه
.
.
.
.
قد فهِمْنا.... عابسٌ جُنَّ وصارَ له عباس
قد فهِمنا.... مِنْ عزاءِ الربِ ما معنى المجالس
قد فهِمنا..... غيرَ خدامِ الحسينِ لا نجالس
صنف ننعد على الخرسان وعلمنه الحچي عابس
لغتنه الدمع والتطبير ومشينه اعله الجمر واهس
كشخنه بالثياب السود وعلامه من اللطم عالخد
يفز ابداخله العباس الخادم لمن يبرد
مَتِننه من اللطم هادل
فصيلة دمنا ابو فاضل
گلب واحدنه شمس وليل
وي الفرح متزاعل
.
.
.
.
ما جزِعْنا..... مِنْ الحبِ وجزِعْنا للحسينِ
ما جزعنا..... سافرَ الدمعُ ضماداً للحنينِ
ما جزعنا... قد صلَبْنا القلبَ في بابِ الأنينِ
بسم الماله بالطف دار فاتح مهجتي وداري
اذا ما جاي بسم حسين ما اهتم خطاري
خلق الله السمه والگاع من سوالف عيونه
كِلوا من طيبات حسين بس لا تچفي ماعونه
گدامه العگل توگع
ولطم صدورنا مربع
شلون اركد واكو زينب
من صوب الخيم تطلع
.
.
.
.
لنَّا دمعٌ.... مِنْ حسينٍ لحسينٍ ولزينب
لنا دمع..... غدا نلقاهُ على الحوضِ مذهب
لنا دمع....... والذي ابكاهُ قطعاً لا يعذب
احنه الما نعرف نعيش اذا ما نبچي عالمنحر
حِنانه الطف ولا يدرون الخير بحنيِّت العنبر
الجنون العابسي الچتال نزرع بعيونه الحمره
خلصانه ونريد انموت بمجلس فاطمه الزهره
بدرب الزهره والدمعه
مشينا وماكو اي رجعه
هذني شويه عدنا هواي
حچي ما نگدر انطلعه
عبدالله الشويلي
تاج..ع الزلم..اليرضه و المايرضه
ابن..الشهم..اليذكره يتوضه
راعي..العلم..الطافه يكبر حظه
فارس..تجدح عيونه
فارس..الكل يهابونه
فارس..ما رجف جلده
فارس..حيدر يشوفونه
سوه الماتصير بيوم صاح حسين كر بيهم
هد اعله المعسكر حيث نساهم اساميهم
________
راح..للنهر..بخزره سلّم مايه
جاب..للخيم..برجله المسنايه
لا..مو عجب..هذا راعي الرايه
بيهم..فات مستقتل
بيهم..الارض تهدل
بيهم..صال بسم الله
بيهم..الموگدها يختل
الموگدها فلا يدنه اليجي براسه يرد اچتاف
حتى الگدها من لاگا الخوف بگصته ينشاف
_________
ما..تنوصف..عينه كوكب كامل
مو..اي شخص..بكيفه يصبح كافل
معنى..الزلم..مختصرها ابو فاضل
بكيفه..يدير بالكوكب
بكيفه..لا فلا يتعب
بكيفه..بس مَره وحده
بكيفه..ينحني لزينب
عابر جيل بالصولات احترام يدنگ لزينب
لو ما تنعبد والله لجدمها يسجد الكوكب
_______
چان..بالحرب..المهره من يصعدها
ما..يستقر..رجله من يمدها
تلوح..الارض..والارض ساندها
طوله..اعلى من الهوى
طوله..مِية زلمه سوه
طوله..يا كبر طوله
طوله..على الغيم استوه
اخو حسين و اخو زينب ماعايز گمر ياناس
خير الناس صار حسين و خير الخوه بالعباس
______
غار..ع الكفر..عتها من ضروسها
گام..بالفله..يشيل و يطش روسها
بيوم..كربله..الدم صبح فانوسها
غاضب..هد على الحومه
غاضب..واضحه علومه
غاضب..كالأسد حيدر
غاضب..بس فرق يومه
من يزعل گمر هاشم الريشه تصير شمس الله
تطيح ارگاب موش ازلام محد گالها اسم الله
.
.
.
.
.
حسين الحمّامي
#ندامة_ونصيحة
ندم شايل اجيت وكلشي ماشايل
وشايلّك گلب عن الجـرح غـافـل
مو گد العشگ واتجازه بحسانـك
مـا قـابل بـگلبـي وانـت بـي قابل
بيش اچويـك يـا گـلبـي حـتـى لجرحه ما تبرد
حدر اضلوعي كل راحة ومحبوبي ب خله توّسد
بـنـاتـه امـگـيّـده ايـديـهن وانـت بذنبك امگيّد
ندم ندم
مـا يـنـفـع بـعـد لـيـنـا
ندم ندم
خل نخلص لبو سكينة
ندم ندم
خيره وكلشي منطـيـنا
همّْ روحك يگلبي وعيش الكسرة
من تبرد تخـلي ابـنبـضـك جمرة
منـطينـي اسـم مـا يـرهـم لـيـة
خل انطيها حگ (خادم)للـزهرة
بابي انت وامي يا حسين ..بابي انت وامي يا حسين
__________________________________
بنيت اوهامي بس احسـاسي متهدّم
بضياعـي وظلمتـي واذنوبـي متـحزّم
دخـيـلـك مـدلي ايـدك رايـد انـدلّـك
بديت بذنبي بس ما ادري وين اختم
اجيت امن الذنب شارد لفّينـي بكـهف حـبك
أنت اكرم ولا تطرد عبد يستعطي حـب گلبك
اجـيـت وادري كل تـايه ينـدل عتبتـه بـدربـك
گلب گلب
آخر مــرة بـي اذنـب
گلب گلب
بذيال الحب مچلّب
گلب گلب
من اوهامه متعذب
أنت اكرم ولا تـطـرد اي خـادم
وآنة المُستكين العاصي النادم
خليني اندل اجروحك وافهمها
الما مفتهمك بكلشي ما فاهم
بابي انت وامي يا حسين..بابي انت وامي يا حسين حسين ..بابي انت وامي يا حسين
________________________________أنة المذنب أنة الندمان آنة الفاني
كـلـما انـوي اضـيـع حسين يلگاني
حيرة وخوفي لا حبل الوصل يرخه
وجرحه امن العدم للخدمة سواني
اعترفلك بالذنب وادري فضيلة الينكث اذنوبه
وتـكـمـل كـل فـضـيلـة حب لمّن تـنتهي بتوبة
يـگـلبـي افـهـم ولا تـلـگـه امـيـر يـسـاوم بثوبه
جرح جرح
عيشه بكل معاناته
جرح جرح
الـحـد آخـر نهاياته
جرح جرح
لا تطفيها جمراتـه
اذبح كبريائـك يا گـلبـي اصـحـه
امن المگفه حبيبك صاير ذبحه
خل يعلى نحيـبك لـبـن الـزهـرة
بشمس الله تعلّى الراس برمـحه
بابي انت وامي يا حسين ..بابي انت وامي يا حسين ا حسيننسين
_____________________________يـمته الفـيلـك ابـآخـر نــدم واگـطع
يـمـتـه تخـلّص اعذاري ال ولا تنـفع
خلص عمري بذنب واندم وارد اذنب
ذنبــي بگـلبــي يلسع مو جمر يسلع
اعترفلك سيدي بذنبي ادب ماعندي وي عطفك
أدّبنــي وبـقـت يـمـك اخـذ گـلبـي لـدرب طـفّك
شلّــي بدنـيتــي وناسـي وآنـة الـعـايـش بـعـرفك
الك الك
گـرّبـنـي اوي خـدامـك
الك الك
واحرگني بگفه اخيامك
الك الك
كــرّب گـلــبـي لآلامــك
بهيمة جرحك اركض ياگلبي افحط
ربّات الخدر ركضن صـوب الشــط
يا راعـي الـعلــم گـوم انـهـض ليـنا
الـصـيـوان وسـتـرنـا بـنـار مـگـمّـط
بابي انت وامي يا حسين..بابي انت وامي ياحسين________________
دخـيـلـك لا تـزغ گلبي وتبعـدّني
عـلّـمنـي احـبـك انـت عـلّـمنـي
سفينة دنيتي اوي ذنوبي ماتگـوة
بسفينة رحمتك مولاي صعدّني
اريد ابدي واسد كلشي وماضي الدنيا اخليها
كـافـي بـدنـيـتـي اتـعـثـر بـدنـيا وخير مابيها
دنيا وماتعرف حسين بفلس ما اعـترف بيها
بعد بعد
ما زعلك يبو النعمة
بعد بعد
راح اتـعـلّم الخدمة
بعد بعد
ال من عدها صرت زلمة
انـسـه الدنـيا يا گلبي انسه البـيها
وامــسـح ذكـريـاتـك لا تـخـلـيـهـا
بس بسم الحسين وخيره اتچـلّب
مـن حـلّ وجـديد الخـدمة ابـديها
بابي انت وامي ياحسين..بابي انت وامي ياحسيني يا حسين______________________________
كرار رحمن
نعي لسان حال السيدة زينب عليها السلام
دار الـوكت والـوكـت دولاب
لا خله بزلمنا اچبير لا شـاب
ولد ابو تراب اتوّسـد الاتراب
خـلّـصـووا كلـهم بالحرايب
حـرگـوهـن اعليـنا الصواوين
فـرّيـنـه بالـبـرّ مـا دري لوين
يحسين وين الگاك يـحسيـن
منـي الـنـظـر فـرگـاك سالب
نار اخيامنا حيل اشـوه مـن نار
گـلبـي الما تهـوّد والعـتب حار
جلمة خوية ضلّت عندي تذكار
والضيم من هالجلمة ناشب
يا حال خوية اشكيك يا حال
چلمة (بخير) احچاية تنگـال
تعبانة وچبيرة وبيدي الاحبال
والسوط فوك امتوني واچب
يـا حـيـد يا صـنـديد يا حـيد
فزعت علينا الموش اجاويد
من اجفوفكـم عباس للگـيد
چـتـفـوا حـرمـنا وانت غايب
فـزّاع بــس الـسـوط فـــزّاع
بــمـتـونّـه يتلـوّة كــل سـاع
يسباع ما ضل حيل يسـبـاع
فـزعـولـنـه يـهـل الـطـلايـب
ووداعـكم مـا اعرف اشـلون
يصـعـب علـية اوداع العيون
ياعون زينب گـوموا لام عون
ضلّيت عدلة اعله المصايب
ننتظر منكم واحـد يـگـوم؟
يخوان زينب لو حله النوم؟
يـحـدونّـه لـلـشـام هالـگوم
وانـتـم طـرايـح عـالتـرايـب
حيهم يهاشم يهل الحگوك
نسـوانـكـم فـروهـن بسوگ
مالاگت النا ومـاهـي اتلوگ
بــديــارهـم نـفـتـر غـرايـب
يـحـيـود اهـلنـا وعـز الاسلام
نسـوانـكـم مـو للـخـله اولام
والشام آخ اشمصعب الشام
نــوم الـثكـالى بنـص خـرايب
________________________
كرار رحمن
ا
ندم_خادم
حاجيت دمعي بكل حزن
يا دمعي لا تجفيني
انت الاساس بخدمتي
وانت العمود بديني
يا نيه تصحب كل عمل
يا علتي بتكويني
يا گلبي بسك من جفاك و صدك
جافيت خَيير بالعسر ما هدك
جان استحيت من الافضال العندك
يل عايش بخير حسين يل ما تذكره بساعه
بكل ساعة رايد ملگاك و انت تريد وداعه
༺༺༻༻༺༺༻༻
يا گلبي من هذا الهجر
ياهو الخسر حاجيني
عيون اليحبونه شكثر
حاشاه يعوز لعيني
لو ما شراني برحمته
ياهو الذي يشريني
يا هاجر اهلك يل مطاوع ندّك
يالمبتعد باجر يكتلك بعـُدك
الكلشي عند حسين انته شعدك؟
يل هادم اركانك وهن عاد ارجع من الحاجه
من طبع اليتعبه المرض بمي گصته يشري أعلاجه
༺༺༻༻༺༺༻༻
جم مجلس الفات و عبر
وانت بديارك كاعد
مشغول گتلهم لچن
مولاك مو اي واحد
يدري بحقيقة هل بعد
ويدري الذنوب اتباعد
چم مره گلك ارجع وانا اقبل
مولاك قابل و انت ما تتقبل
انحر ضياعك كافي لازم تندل
كثر العطف و الاحسان خله العبد يتماده
وبيا وكت هاي تصير يعصي الغلام اسياده
༺༺༻༻༺༺༻༻
يا دمعي اذا تگطع بعد
بالضيم يصبح حالي
مغليني مجراك وعلي
بلياك ابد مو غالي
مو حلوه ذاك المنتحب
يگطع ونينه التالي
اگطع جفاك و اترك دروب الصد
الدمعه موقف و المآتم تشهد
بس البچه اعله حسين عاشگ ينعد
ارجع يتانيك حسين فاتح الك ذراعنه
خلگ الابو لبنه يطول ما سدها ابد بيبانه
༺༺༻༻༺༺༻༻
مشتاگ ابچي وانتحب
بس ما مطاوع شوگي
مانعني من هذا الذنب
وذنوبي صارت فوگي
وانا الچنت مثلةً حزن
والحب يغذي عروگي
هلمره مو كل مره حتماً ارجع
وانثر طريقي لمجلسك بالمدمع
ياكون نوحي ما يهود و يهجع
ارد ارجع لباب حسين اركض واناشغ واعثر
جرةً اذن احسب هـــاي وصــدگني ما تتكرر
༺༺༻༻༺༺༻༻
ندم_خادم
ابو نوح الكناني
اللحن⬇️⬇️
#نعي_للسيدة_رقية
ولــطفلةٌ شَـــوّقٌ لِــكّفِ أبـــيِــها
عُـــمرهـا قُــرطٌ و جـرحٍ وخـيَمُ
فــي الــصـحاريِ جَــرحً لا يَنــزفُ
لِـجَـمــرةٍ فــيّ الأقَـــــدامِ تُــــــألــمُ
وجُــــــــرحٍ كَـــــان سّــرقَـــةِ قَــرطٍ
رُدَ إلــــــيـها لـولاَ فـي العِــيـنِ سَـَهـمُ
وجُـــــــــرحٍ كَــــان ضَـــربــةُ سِــياطٍ
ثَــــارَ رأسُ الـكـفـيـلُ لِـشدة الــــوَرمُ
وجُــــــــــــرحٍ تَــــقـرحَ الِــجـلـدُ لأِجّــلِـهـاَ
هَـــــــربـــتّ الـــمـغـسـلـة فّــعـلِ مُــجــرمُ
رقــــــية أولُ طـــفــلـة شَـــاب رأسُــهـا
حِـــينَ رأت الــشـمـرُ يَــبـتـــســــمُ
رقـــــية أولُ طـــفلـة تَـكـونُ كــزينبُ
النــارُ واحـدة مـنـها الـمسمار والخـيمُ
رقـــية أولُ طـفلـة تـردُ دِيـنُ أبـيهـا
عانـقـت الرأسُ وذهـبت إلى الـكَـرمُ
و لـزينبٌ دمـوعُ لإصـابعُ رقيــة
عـادت دونهـا والعـليلة فـي نـدمُ
تَـمنـت أن تُـذوق لـسعة الجـمرُ
قالت حتى وأن فـي السـياطُ نَـقتسمُ
يا أشرفُ نساءَ ﷲ شـاء الجليـل
أن يـقولوا فِـيكم سّـبايا عابـدين الدرهمُ
ولـكن سـيردَ لـكم ﷲ هـيبتكم
بـظهورِ إمـام لـلثأئـر لـكم قــائـمُ
......
202 0:8:13
.
حبك عقيدت گلبي يا مولهمي
لموقف عبيدك سيدي أنتمي
بحبك لذت من مغريات العشك
گلبي بغرامك من هواه محتمي
قمر الخيام وشمسها
روح العقيلة ِوسرهُا
فارس علي شموخها
الدنيه لو مو نوره .. تحدي بيهه الضلمه
النهر لو مو جوده .. ياهو اليجيب أسمه
النعمه لفض احروفه .. هيه هاي النمعه
عباس .. لفضة الحب إسمه
عباس .. العليُ امحزمه
عباس .. الخيم تمشي بدمه
******
عباس بل طف ما هتزلك جدم
يل ثابت ابموسم خريف الزلم
من ناضرك ضي القمر ينَعكس
بورة ضوه بريشاتك وبل علم
من عينه ولعينه ويرد
مسره الضوه شما يبتعد
يمطر نده فوك الورد
عطر ينضح درعه .. وسيفه ينضح وآدم
كلشي صاح ادخيلك .. ياقمر بني هاشم
كُل حي يخضعلك .. والك يصبح خادم
عباس .. الغيره من اساببه
عباس .. كلهه حلو ألقابه
عباس .. كافل اعله اطنابه
****
ضاقت خطوط الحرب أوزارها
من غربها صال اوصل شرقَها
هواي قاده هواي جانت ركب
حتى انتهت عباس افنا بهَٰاِ
َ
فاني الجيوش المرعبه
من سيفهِي ِ تفر هاربه
راس الكتيبتِ مطلبه
الساقي شايل جوده.. او وكر بقادتهم
انجمع كله العسكر .. والكمر فرقهم
بعده يم اخيامه .. وغيضه وأصل حدهم
عباس .. رأجل وعل مهره
عباس .. ماكو جيش يكدره
عباس .. ياهو يعصي امره
*****
الكافل الحامي المحامي الابي
المايلمح اخيامك نسيم أجنبي
حيدر ثباته وغيرة أم البنين
وارث فخر من طالبي لطالبي
معبر حدودك أخره
فخر الضعون المفخره
الحب بحروفك اثمره
شما بحرت بعشكك .. اغرك من الطافك
من ضفاف اجروفك .. انسقه گلبي وطافك
لو حضيت بطيفك .. انذبح بوصافك
عباس .. من لثامك تجرح
عباس .. يل خزرتك تذبح
عباس .. يل جمالك ينضح
****
روح الخيام وگل نفس بل خدر
عطشان واسمك ساقي يم گل نهر
كسران ضهر احسينك ابغيبتك
يحزام ضهر الخوه واقوه ضهر
ساقي القلوب بعطفهِ
هوه القمر من غيرهِِ
حصن الخليقتِِ كهفهِ
من امان عيونه .. ينطي في خدامه
بأمر حب حسينه .. أتشرفت ايامه
ينحني لطاري اسمه .. مو فقط كدامه
عباس .. الخوه من نيشانه
عباس .. ياحنين إخوانه
عباس .. خادم لصيوانه
محمد باقر الكعبي
#شور
من وحي الشجاعه،،،للمولى أبي الفضل العباس{ع}
اعجوبه زلمه الماكو مثله
وما ينوصف عباس شكله
يتغير الينطعن بسيوف
بس الكفيل بجرحه يحله
من صباح العاشر…لزم رايه يناطر…منتظر بس رخصة عباس
زلمه فاير دمه…سكنه وكفت يمه….تكله جيب الماي عباس
صحره وماكو عثره ولزلم تعثر
وبس الموت مامش للزلم معبر
دخيل جفوفه لمن ينهظم تحتر
الشمس من لونه
____
ما يهده سيفه اليوم اله
بهاي الركاب يخلي عله
نيشانه من يغير عباس
يسويله من الروس تله
والقمر ما يدبر…عن ظلام العسكر…هو أيه موت عباس
موسى اذا عصاته…بينت قدراته…اسمه كافي اعجاز عباس
حيو الخله زينب شايله الهامه
بيده الماي حانت ساعة اعدامه
رجف والماي ظل يبوس بجدامه
ونطاله متونه
____
يعاين عليهم صدره مخنوك
بسيفه يريد يسكت حلوك
ثار الظلع والخيم كلهم
ترجع لهله اليوم الحكوك
هد اخو المهيوبه…والحرب مكتوبه…تبدي ابسم جفوف عباس
طوله فوك المهره…محد الي يعبره…اعله من الصوت عباس
كاشف كرب اخيه الحومه لازمهه
ومن طكت يمينه الكاع يثلمهه
بس هوه المراجل صدك خاتمهه
دخيل عيونه
______
صح انه ظامي ظل ينادي
بس شوفو سيفي من جوادي
يشربكم امن الموت شطين
من النحر يروي الاعادي
وحده ما هملهه…كربله يحتلهه…الجيش وحده وهوه عباس
كن فكان الكافل…على حيدر نازل… نبي عل مرجله عباس
هله بظهر الحسين ورايته الخضره
هله بتربات شالع خيبر شكبره
كلف خله الشوارب تترس الصحره
ولا يكدرونه
#محمدتقي_البهادلي
#اللهم_عجل_لوليك_الفرج
لطلب اللحن @mtn99
مولاي اعله اعتابك اسجد شكر
فضلك غامر روحي بطول العمر
ممنونك عل دمعه وعن خدمتك
لگلبي انطيته اجروحه ويبجي الخدر
يم گلبي الك ينبض جرح … راحه وألم
ممنونك اني اعله النعم ... يابو النعم
هاي السنه وي الخدم … ابجي الخيم … حسين
ميوافي حزنك هذا القليل
كون الينوحك يصبح عليل
مثل التنوحك فوك الهزيل .. واتغربت
الناحت عليك بكل درب
مكسوره والمدمع يصب
مثل التنوحك عل هزل
رايد انوحك من گلب
**
عمر اجروحي لحزنك ماينتهي
شما مر اسمك يمي اجروح ابتدي
بيني وبين جروحك عشرت دمع
شاعل موكد جرحي وماينطفي
دمعي اني اغله من الذهب ... چيفن الك
ادبني لو سئت الادب ... اتوسلك
موكد جراحي يصب لهب .. ليك وهلك... حسين
غاية دمعتي بجرحك اموت
بحروفك اذبح طاري السكوت
وبحب خيامك يعلالي صوت ... واتحسسك
إقراء لمصابك والعطش
يعرضلي يم بالي انفرش
نعش المدامع خدمتك
وجم ليله ماعندك نعش
*
ضلمه الدنيه بروحي ويسطع ضواك
حبُك عالم ثاني وگلبي اعتناك
شاف اجروحك تنزف وانتَ الطبيب
وشاف الغربه بضعنك (تحدي ) وبجاك
متغرب وجف رحمتك .. يئوي الغرب
النار الحرك في خيمتك .. جاس الگلب
ياغربه تشبه غربتك ... فوك الترب .. حسين
ابجي اعله ضعنك وابقه بعذاب
نوم الخرايب فوك التراب
بيه انكساري لهذا المصاب... مسبي الضعن
ضعنك غريب بلا وطن
بدرب الغرب عاش المحن
ماجارح بحجيك بشر
ليش انته يسبولك ضعن
***
العاشر جرح اخيامك بجه الحجر
جا شنو گلبه (الما يبجي) اعله الخدر
الطاحو كل اخونه اكبال الخيم
بيا جف يكض ضهره وضهره انكسر
شوفت مصايبكم رمح .. بيه تحد
الفارك اخوانه وينجرح ... بيمن يهد
ينذبح گلبه الينذبح … يمه الورد … حسين
ماخذ غلاتك ماي الفرات
طحت وتشاهد المدلاللت
يركضن عليك ومتغربات … وبلايه حل
اتهز بضميري وحسرتي
وتنزل غريبه دمعتي
من يمر طاري ام الخدر
معناها صاحت يَخؤتي
محمد باقر الكعبي
خيل شتدوسين
وشضال بحسين
وشضل بعد بيه
عليمن تسحكين
حسين يبن أمي
****
يبن أمي بس عندي طلب لوتقبل أبصفك نمت
يحله السحك مادام ألك نتقاسم الحافر ردت
شجايه أجيت لمصرعك والخيل شدهتني وطحت
شمسويه بضلوعك شفت ياريت عميه و ماشفت
ماضل كتر بيك
سالم وداويك
بس كلي وشلون
بحضني أخليك
لا ماسلم
منك عضم
ونك وصل
كلب الخيم
حسين يبن أمي
****
أعثر خفت منل الركض والكاع متروسه بعدو
زحمه المره تطيح أبزلم وياطيحت الماعدهه أخو
عود أنه جيت أرد أخبرك الوادم خيامك فرهدو
بس شفتك مسلب طحت وثوبك عليه أتعاركو
كلمن الي يكول
وحسيني مجتول
وبخيامنه الناس
كامت تجول
خدري نكشف
نشاف وأسف
الجان بحمه
حامي كلف
حسين يبن أمي
****
عريان والدنيه ضهر لا(ضَل) عليك ولا ذره
وجهك جمال الله أنجرح مترب عليمن عل ثره
ياماي كلبي دوهنت وتبريدت منل الجره
ذبحوك جاليش العطش يذبح شفاف مفطره
عطشان ذبحوك
منل ماي حرموك
ياخويه جاليش
بحافر يسحكوك
خيل وعطش
جسمه نفرش
بكاع الله
مالمك نعش
حسين يبن أمي
****
شميتك وكلبي أنعصر متعور أنته بكل كتر
مابيه أجر منك سهم ولابيه أصيحن للكمر
بصفاحك أتخوصر رمح ومتخوصر بطولي القهر
تهمس الي مدري شكلت بطرف العبه إيدك تجر
تهمس بالألم
وبعيونك أحتام
بس الفهمته
ردي للخيام
ياكل هلي
وشضل ألي
سكف الستر
أنهد علي
حسين يبن أمي
****
عشرتنه راحت ونتهت وراح أودعك والسلام
المايوم فاركنه الوكت من تالي نتفارك حرام
بيك أدري تسمعني لجن مذبوح بلساني الكلام
أشوالي ميته ولاأضل مندونك ودون الخيام
الماعدهه خوان
ويلمهه صيوان
تصبح غريبه
وتسبيهه عدوان
بلحضه أنسلب
ومشي بدرب
تماشي بي
بس الغرب
حسين يبن أمي
****
أنوي أرجع وتعرض الي أعيونك وتجبرني أضل
يمك وفكري بعيلتك ياحيرتي الماألهه حل
قررو يسبونه يبو سكينه عله النوك الهزل
من الفجر كالو سبي ومن هسه حضرولي الحبل
يذبحني فركاك
عل هزله ونعاك
أؤمن فوك الرماح
نتلاكه وياك
دمعي يهل
فوك الحبل
وين أخوتي
وين الكفل
حسين يبن أمي
****
جعفر عبد الحسين