4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
مقطع صوتي من مصطفى الغريباوي
Читать полностью…
الساتر الله عباس طباهه..
والزلم راس ايطك راس خلاهه
.................
1_غيره ويدخن معروف.. والزلمه اليخوف الخوف..حي الله عم الساده..
لاقاده ضلت لجنود.. ويطاير اليوم الزود..
طبهه ويرجف قاده..
طباهم النشمي وثار.. ومدخل الطف انذار..
ويصيد بلصياده..
حيدر الثاني الحراب..ضل بلسره ايطيح اركاب..
ويسوي اكيد الراده.
والكبل ماصارت دوم سواهه..
والزلم راس ايطك راس خلاهه
..............
2_غيم وطبهم عباس.. والسيف بي لمعة ماس..من علي شايل هيبه..
مايصعب وشنهي الماي.. النهر بيده الوفاي..لخيامه هد ويجيبه..
اربات بدويه وحيد.. واحد وره الثاني ايصيد.. مابيهه شك اوريبه..
خيال ويدور ازماط.. اوعمكم اجه وذب رباط..يلساده شيخ النيبه..
الكاع بدموم الجيش حناهه..
والزلم راس ايطك راس خلاهه
................
3_جانو زلم بلميدان.. اومن هجم صار نسوان..
عباس حلوه اعلومه..
واحد ويسواله اهواي.. وللخيم عباس افياي..
ازماط الهواشم دومه..
ضلو اكباله يشردون.. وبلكاع روس ايضمون..
لمن دخل للحومه..
هيبة علي وكله افعال.. للحومه من طب خيال.. الزلمه ذب اهدومه..
بكلوبهه خوفه اليوم حطاهه..
والزلم راس ايطك راس خلاهه
..................
4_من هجم وحده اعله الجيش.. طيرهم اشلون الريش.. اويسطر زلم بجفوفه..
الخوف خلا ينجاس.. طباهم امدخن الراس.. اوبلجيش زارع خوفه..
سكاي اخوته الوفاي.. واحد يعادله اهواي..
غيرته اتضل معروفه..
عباس بسمه يحلفون.. والزلم منه يشردون..
من كربله للكوفه..
وبزوده عباس النار جواهه..
والزلم راس ايطك راس خلاهه
..................
5_دك صدره من طب لحسين.. عباس اليكحل العين..
وترف بديه الرايه..
شيخ الزلم ويعرفوه..عباس لا ميكدروه..
وحده اويساوي اهوايه..
من حيدره شايل حيل.. الطف يخليهه اتميل..
اودك ابو فاضل ثايه..
علنهر من طب عباس.. خلاهه راس ايطك راس.. ومتعب الرمايه..
ريشاته يضون علراس محلاهه..
والزلم راس ايطك راس خلاهه
كلمات خادم اهل البيت
مصطفى الغريباوي
بسم الله الرحمن الرحيم
سلامٌ على آل ياسين
الإمام الحسين(ع) ، يخاطب ابن أخيه الإمام القاسم (ع)، بعد أستشهاده يگله :
رحـت والفاگدك ذبــلان
موتك والعطاشه اخوان
يــهظمني شـــبابك راح
حـــتى بـكربلة تـــوافي
نظر بعيوني مـــا خليت
هـــم مثل الشـمع طافي
وكت ظل بالي متخردل
ومـــاي النهر ظل صافي
جـــرح شابگ جرح لمـــن توادعـــنة
ويبس ريجك گـــبل لا تيبس الحــنة
تمشي وگلبي يوگف وارد اموت وياك
كـــل مـــا تبـــتعد وجـــدامي تدنـــه
لو تدري گد ما احبك انه
شلت الگلب وانت بمكانه
يـــا روح عمك يــا حنانه
نســـمة ونـــدك الدخان
موتك والعطاشه اخوان
***
تتمنى الشباب تـــعيش
وانــت الراكض الموتك
لـــو غرد البــلبل يـــوم
ياخذ لحنه مــن صوتك
قريت عيونك الحلوات
شـــفت اثـــار تــابوتك
بـــذرة آل هـــاشم خضرت تـوه
ســنبل والمناجل كلـــهه تتـــلوه
وبنص حرب وأنت بحلاتك ذيج
بـــهدوم العرس ومعطره وحلوه
بالحومة من بعيد شفتك
وتراب بس تلمع كشختك
بسيوفهم وأنت بـــرگبتك
فازع والگـــلب ولهـــان
موتك والعطاشه اخوان
**
موتك يالمبچي الياس
يالتنگط تــرافه وهيل
مـــن فرغت صــوانيك
اعــاين والدموع تسيل
ما بيه وطحت عالگاع
والمنظر يـــهد الحــيل
آنـــه الضگت المصايب والعمر وشــل
وكلـــشي تـــحمــلت ويـــاك شتــحمل
أنا أكثر بــشر بالدنـــيا ظــل عطــشان
بـــس لـــو راد ســـالم روحي تـــتبلل
مــو بيدي خاطر من اهله
دمعي النزل خضرله شتله
ذباحك اسود گلبه كـــحله
جرحـك بالـــورد نيشان
موتك والعطاشه اخوان
*
طحت لمن ركضت اعليك
حتــى اسرع مـــن الشارد
شمــيتك واحس الـــروح
ردت والنـــفس صـــاعــد
وبـــدمك حضنتك حيــل
مــا هـــدك جنـــت رايـــد
كلهه تشمتت شافوني مـــاهـــدك
وها يحسين صاحوا منفطر چبدك
مـــن مديت چــفي اتلمسك بهداي
وامسحت التراب الصــاير بـــخدك
غــمضت وعيـــونك ابـالي
جـــرحك غميج وماله تالي
والغيمة طاحت وأنت عالي
شيــجر النفس ثگـــلان
موتك والعطاشه اخوان
***
گـــوه وشايلك رديـت
شايل روحي واتــعـثر
حيلي يريد چـم عباس
اوگف وعله طولي اگدر
يلچــمني جــمالك حيل
اذكـــر عـــلي الاكـــبــر
شفت الدنيا تضحك والگلب جــمرة
واقرب شي نهر يمي وعشت صحرة
طحت يـم الخيم والصوت من بعيد
مـــو بس الضلع هـــم گـلبك نكسرة
مكسور گلبي هواي مكسور
هذا العمـــر بعدك يمـــنحور
اتمنى يگصـــر ليـل نـــاطور
تـــوجع ثلــمة الشبـــان
موتك والعطاشه اخوان
احمد السعيدي
عطش كل گاع صبخة بنحرك تبده
هـد العطش كلـــه ونحرك لوحــده
احب يا كبريائك ذاك وأنت تمـوت
مـــا تــــلتفت لو چـــم نهر يتعـده
گالوا تموت من العطش ما تگدر
يالعطشوك ولسه بــــعدك اخضر
يا خنگتك والعطش مو يم بالك
بـــــس چان بالك كله يم الاكبر
من شفت الاكبر شيبت
والوجع شفته يــلوحك
گـــــدام عيــنك ينذبح
وي روحه طلعت روحك
لـــــمن رحتله تـــعذبت
للخيمة واصل نـــوحك
……………………………………….......
أحـــبك وأنـــت ذاك الما خلص وده
چه شلـــت النده مــــن الــگاع للورده
آنه من اشتاگ اجيك وشوگي يكتل حار
لـــــو چـــلبت بالشباج مـــــا هـــده
وين الگه مثلك بشر گد ما حبني
ادخــل ضريحك منكسر وتلمـني
يلچمني يومية الـــــذبح وآهاتــه
والچــم لو مر يــــوم ما يلچمني
مــن رحت يتمت الخيم
واشتلت كــــل نظــراتك
من صعدوك اعله الرمح
تــتــراكـــض بـــنيـاتـــك
عثرت رقيـة اعله الوجـه
وطشــــــرت بــوساتــك
……………………………………….....
يالبيك العشگ كـــل ما كـــبر يحـله
وانـــــت أول كنز والدنــــيا تنـــدله
اي شي ينكسر صح ماله قيمة يصير
بــــــس اعليك شفت الينكسر يغـله
جرحك هضمنه وبيك تغله الوادم
والمو چريم بدمعه الك مو حاتـم
هالكثر ما شايل محـــنه بگـــلبـك
مــــن تفگد الخدام خادم خـــادم
يحسين يا لـــــب العشگ
يـــــالعايــــش بــحنـيتك
گـــــلولي بالدنـيا شتحب
گـــلــتـلهم حسينـــــيتك
بالصورة اشوفك وانهظم
عطشان شــــو حســيتك
…………………………………….. .....
شلت آخر نحـر نايم بحضن امــه
مو من طبعك وموش أنت التضمه
لـو مـا دمك مسولف ضوة وياليـل
چا مثل الجذر عشت العمر ظلمه
كلمن تعب بالسبي وخلص حيلة
يــل عالرمح بـــس تركض تچيلة
تسمعني لو كثرت عليه همومي
وأنت القريب المن بعيد اشكيلة
فكيــت شبــاچ السهر
مريــــت بــارد نسمـه
وبصدري خليت الهوه
وصدرك الخيل تلجمه
معقولة ما رحموك ابد
واكثــر بشر بي رحمه
...…………………………………….
سبعينك صدك بالطف زلم ترهـب
ريجك من نشف فزعوا گبالك حب
الله يعينك تــــرد للخـــيم ذبــــلان
كــــل ما راح واحـــد ترجع محدب
لـــوحدك ظليت وأنــــــت القائد
يـــا كسرتك وبنصهم آخر واحـد
لا ظل معين ويـــاك لا ظل ناصر
لموا عليك الجيش حتى الشــارد
خضر المو يم الــزرع
والذابلات عيــــــونك
سبحان ربك مبـــتشر
مــــن رادوا يذبحونك
مديت نحرك مبتسم
بـــــس ما تغير لونك
احمد السعيدي
مولاتنا حميدة صلوات الله عليها
فزيت .. والايد .. على گلبي
مكتول .. بالطيف .. شفت حبي
عجيبة العايش ابلوني .. مشه او ما ماخذ اعيوني
ابو حميده .. ابو حميده
:
ابخبر موتك يبو گلبي.. طفه دربي .. او صبح أظلم
تره فكدك. هدم حيلي.. او كضه ليلي.. وانه اتألّم
مذبوحه جلمة بويه بلساني
مشتاكه الك يالغالي ذرعاني
معقوله قلبك وحدي خلاني
والروح ..اتريد .. هلا او ملگه
جتال .. لعضاي .. تره الفركه
يتيمه الكل يسموني
مشه او ما ماخذ عيوني
ابو حميده .. ابو حميده
:
:
خبر فكدك. صبح نعشي .. او ذبل كلشي ..على ارسومي
ملاذي انت. التدللني.. رحت مني.. او بهت يومي
غفله اختفت من جفي عافيتي
من دون عطرك جاا شلي بريتي
وبلا ضوه وجهك منهجم بيتي
بفركاك.. هالعين .. دمه تجري
وياك .. يا ريت .. صبح كبري
باجر غربه يحدوني
مشه او ما ماخذ اعيوني
ابو حميده.. ابو حميده
:
:
افز وركض وون انحب ..وارد وتعب.. واضلّ ابچي
منو ليه. يمد جفه.. ابدفو او لهفه ..والي ايتچّي
شكبر المصيبة النزلت عليه
مامش نبض لا من نفس بيه
فكد الابو خلاني محنيه
معقول .. يالروح.. تجافيني
بالنوح .. والآه .. تخليني
تنطك خايفه امتوني
مشه او ما ماخذ اعيوني
ابو حميده .. ابو حميده
:
:
فكد وجهك طحن جبدي وانه شعندي تره بدونك
يمن طيفك الي نسمه او تره النعمة الي اعيونك
تذبح دليلي چلمة الوينك
عميه عيوني ابلا ضوه عينك
وعليك شفته ينحب احسينك
شلون .. نرتاح .. بلا ضيّك
ايغيب .. ويروح .. صدك فيّك؟
اخلافك بويه يسبوني
مشه او ماماخذ اعيوني
ابو حميده.. ابو حميده
:
:
بعد طولك شلي بعمري كسر ظهري فكد رسمك
صدك كالوا جسد مدمي او بقه مرمي منو لمّك ؟
كل نبضه بيّه تلفظ احروفك
معقوله اظلن بس على اطيوفك
واشلون اقنّع عيني متشوفك ؟
الالام … حسرات .. غزت دمعي
النجمات .. والكون .. بجه الوضعي
اقصور الغم يدخلوني
مشه او ما ماخذ عيوني
ابو حميده.. ابو حميده
:
:
غصن يابس صرت بَعدك تره بُعدك اخذ روحي
بچه امصابك ابو الاكبر دمع أحمر يبو اجروحي
يا مغزى عشكي او بسمة ايامي
ماتت تره بغيابك احلامي
يا غربتك يلي متت ضامي
عطشان .. او مشتاك .. لابو اليمه
وتريد .. تفديه .. بشكو نسمه
وعداكم يشتموني
مشه او ماماخذ عيوني
ابو حميده .. ابو حميده
:
:
فاضل عباس الخزاعي
/channel/fadlkuzay
#ام_البنين صلوات الله عليها
درّةُ الكرارِ والحبُّ الصفي
إنها سرٌ عظيمٌ و خفي
لا ينالُ المدحُ فيها ذرّةً
قلبُها قلبٌ رحيمٌ نَجفي
معجونة بولاية .. حيدر الدر
تتنزّل ملائك .. بيها تخدم
من ضيها الكواكب .. أخذت الضي
جفها للبرية.. هو مُنعِم
فَخْرُها من تخدم .. بالزهراء
هي ربت زلمة .. عاشوراء
والجلال البيها .. ايخجل الكون
شاركت بالدمعة .. للحوراء
لاجل احسين.. عمود الدين
نذرت ولدها المهجته .. نور العين
.
.
سورةُ العشقِ بها قد أُنزِلت
من عيوب الخلق نورًا أُكمِلت
في مسارِ الخُلدِ كانت صورةً
أمُّ عباسٍ على الأنسِ عَلت
قد ربت كوافل .. للفواطم
مبرورة الكريمة .. يا حِسِنها
لا تُدرك عظيمة .. جفها نعمة
جللها الخلقها .. بنور ابنها
كلشي يمها ايدنك .. او يطلب عون
من ضياها الكافل .. ياخذ لون
نعمة الحب هي .. والاسرار
والمدد بالخدمة .. منها ايكون
منها الخير .. واسمها اجبير
الرايد معونه الخدمته .. يمها ايصير
.
.
مركبُ الحبِّ وبابُ الاوليا
إنها والله أم الاتقيا
قد تجلت في بيوت المرتضى
تخدم الاطهار ولد الأنبيا
باب الدمعة جفها .. او جف ابنها
بالخدمة الجليلة .. هي الاعلم
مركز للتفاني .. والتصاغر
السلّم أمره يمها .. والله يسلم
مُحْورٌ للرايد .. حبّ اخيام
للنذر كل عمره .. يبجي الشام
اتحبها حيل الزهره .. ام عباس
كلشي عدها نذرت .. للاسلام
نور النور .. وهي دستور
للقلبه عشاك الخيم .. او والها ايفور
.
.
مسلكُ العشاقِ في أعتابِها
حبّ ولد المصطفى في حبِّها
من أراد الله والعشق فإنْ
نفحات الحب والدمع بها
بجفوف السخية .. تنطي رحمة
كل نعمة بفضلها .. والمدامع
نسمة حب اسمها ..عالمجالس
راية ايرف ذكرها .. بالمسامع
حيدر ايعظمها .. برفعة شان
جانت بنص بيته .. جن قران
تعشك اسم احسينه.. وام احسين
تبچي كل اسنينها.. عالعطشان
واللي ايريد .. دمعته اتزيد
إلها يصد يطلب مدد .. أم الحيد
:
لوحة المجدِ الحسينيّ الجلي
ذاب قلب الأمِّ في قلب علي
ثمّ للسبطِ غدت خادمةً
إذ تجلّت في الجلال الأكملِ
محفوفة بمفاخر .. ما نحدها
والراية الجبيرة .. بزود كافل
ام اشجع مقاتل .. بالبوادي
صارت ولد عدها .. بس مراجل
دوحة العز والحب.. والاحساس
ما تصوفها الكل.. ام عباس
وبفضلها يشهد .. نجم الكون
ما يحد هيبتها .. كل مقياس
والمحروگ .. يجيها بشوگ
نسمة شرف والمفخره .. إلها اتلوگ
:
:
فاضل عباس الخزاعي
/channel/fadlkuzay
بعد مصرع الإمام الحسين (ع)
وحرق المخيم خرجت مولاتي زينب (ع)
قاصدةٍ ذلك التل مخاطبةٍ الحسين (ع)
قصيدة : من الخيمه للتل. ﷽ּ
من الخيمه للتل. شويه شويه اذبل
كل كلمه غريبه. تصير براسي شيبه
شويه شويه أذبل.
...................................................
ميمونك رجع لينه. بلا طولك يوالينه
تهت يحسين بظنوني. وانطرك
وكع سدي واجيت اسعه. بين الجويه واللسعه
دُخان الخيم بعيوني. وادورك
ما صارت قبل يحسين أبد هاي.
أطلع وحدي ومامش أخو وياي.
ردت أسمعها منك كلمه الجاي.
يا شيخ الهواشم. بس كون انته سالم
بعد جرح الشريعة. خوفي من الفجيعة
شويه شويه أذبل.
.....................................................
عجاج وما أشوفنك. صعدت التل ادرونك
أحشمك كون تسمعني. وتجيني
خيالي الما اعرفنه. عيون الغربه شافنه
هالنظرات ذبحتني. يعيني
لون سالم تعال وطفي الخيام.
وإذا مذبوح زينبكم تطب شام.
من ابعيد وأسمع طكه عظام.
بعيد وما أسمعك. جاوب صوت ضلعك
طحنت خيل صدرك. حافر كسر ضهرك
شويه شويه أذبل
....................................................
وما أكدر أظل أكثر. عالتل يا أبو الأكبر
بيه الشامت يراقب. مصيبه
المو زلمه طلع صوته. يكلي كل هلج موته
فزعي وياهو اليجاوب. غربيه
أنه أختك حسين وأخت عباس.
تبقلها الغريبه تصيحلي الناس.
يخويه من حجيهم شاب الإحساس.
وبهاي المسيه. جفك عاف اديه
وعيون العليلة. فركتك مو قليلة
شويه شويه أذبل
..................................................
أرد للخيمه والخيمه. رماد انطشت ابهيمه
و الأيتام تتراكض. حياره
وعن لا تنجوي ايتامي. اطفي الجمر بجدامي
بسوط امتونهم تنرض. اساره
شأجاوبها التريدك كلبي محتار.
ألمنهم واشاكف سوط وحجار.
وامشي الأولى خاطر اسحك النار.
ايتامك أمانه. حد ما أموتن أنه
يخويه وبالمنيه. كبري يم رقيه
شويه شويه أذبل
..................................................
ليل اهدعش حيل أظلم. يم رمحك نجي ونلتم
ما تغفه اله يم عينك. بناتك
رقيه النوم ما مرها. وبقت مكسور خاطرها
التغطيها اعله جفينك. عباتك
خويه وداعتك ما مر علي نوم.
ادورنك أجيت وحيلي مهدوم.
شو صاير جرح ومسلب اهدوم.
خويه ومن أجيتك. عرفتك ما جزيتك
رغم متغير أنته. بس عطرك عرفته
شويه شويه أذبل
..................................................
عبدالإله الذهبي
علي الأكبر (ع)
لسان حال مولاي الحسين (ع)
عند مصرع علي الأكبر (ع)
قصيدة : كسره ضنه. ּ﷽ּ
كسره ضنه. وكل نفس أكبر بي سنه.
كسره ضنه. مو ضهري أحس كلبي انحنه.
بموت الأهل عشت اليتم
موت الإبن موت الحلم. كسره ضنه
...............................................
كل شهكه من بعدك علي أكبر سنه بيها.
من خيمتي لحد طيحتك عافيتي كاضيها.
الإبن وصله من الجبد يوليدي تدريها.
روحي بقت يمك تون جا ما تحاجيها.
يا جبدتي. الأكبر صحت يا جبدتي.
يا جبدتي. وبعيوني بانت كسرتي.
أنظرله طولك وانلجم
موت الإبن موت الحلم. كسره ضنه
..............................................
بعمري عشت كلشي جرح ومعاشر الحسره
من ماتت أمي فاطمة من شده العصره
ولمن وكع حامي الحمه وبهامته الطبره
بس ما عشت فكد الولد مختلفة هالكسره
شي مختلف. مجروح بس ما مش نزف.
شي مختلف. امجان الوجع ما ينعرف.
كدامي كلبي منجسم.
موت الإبن موت الحلم. كسره ضنه
.............................................
يمصور بوجه النبي شمغير الوانك.
وعيوني شايلتك نظر مو عالثره امجانك.
ماي اطلبتني يا علي وظل يابس السانك.
أحضني خل تطلع صحت روحي اعله ذرعانك.
نرحل سوه. شيفيد شوف ابلا ضوه.
نرحل سوه. والرية تحتاجك هوه.
يا نسمتي وبيك أنه أشم.
موت الإبن موت الحلم. كسره ضنه
....................................................
من تعثر بأزغر حجر ارويحتي اتسمي
لوني انخطف من شوفتك يمكن نشف دمي
وظليت أصيحن يا علي وبالك ولا يمي
يوليدي من كد النزف دمك ترس هدمي
بويه شعجب. ساكت تظل شنهي السبب
بويه شعجب. جاوبني مو نبضي تعب
وما بيه احركها الجدم
موت الإبن موت الحلم. كسره ضنه
....................................................
شلتك عله صدري واحس شايل بأدي كلبي
وعيوني غاشيها الدمع ما وجدت دربي
وأمك تنطرك بالخيم ودوعتها ياربي
سالم ترجعلي علي ابني وثمر تعبي
أمك تون. يوليدي ولوجهك تحن
أمك تون. سالم ترد مو منطعن
بعدك تظل جلد وعظم
موت الإبن موت الحلم. كسره ضنه
...............................................
عبدالإله الذهبي
ما أجملها عندما تبدأ صباحك
و أول كلمة تسمعها من الناس خادم الحسين(ع)
قصيدة : فال الصبح. ﷽ּ
فال الصبح. بي ينشرح
صَدْرُ الحَزِينْ
أسمك عَطِر. من تِنذِكر
عبدُ الحُسَينْ
...............
محلاها من تصحه الصبح خادم يسمونك
تتبسم ويبجي الجرح والدمعه بعيونك
اشكر حبيبك بو علي يحسين ممنونك
لو ما خدمته والدمع لا ما يعرفونك
شكراً سيدي العطشان. شكراً من كلب ولسان
بمصابك تبين الناس. ويظهر جوهر الإنسان
صحوه وحلم. بيه انلجم
فِيْ الحالَتَينْ.
أسمك عَطِر. من تِنذِكر
عبدُ الحُسَينْ.
................
ثوب الحزن ما ينحمل لليلبسه اعله أهله
بس بالمجالس تختلف ثوب الحزن يحله
ولمن اطب بي حضرته من ترابه ما اغسله
دمعي لأجل غيره ضعف لكن عليه كحله
لأجله زاعلت كل لون. لأجله كون اطيح عيون
الصبح يبدي بصباح حسين.الخير الواضح ومضمون
بأسمه اكبرت. بأسمه أصبحت
عالي الجَبِينْ
أسمك عَطِر. من تِنذِكر
عبدُ الحُسَينْ
............................................
من أفتح عيوني الصبح كدامي اله صوره
بيها افك ريج الجرح و تزيدني احروره
احسين ذبحوله طفل واحلامه منحوره
رافع اجفوفه وسلمه لزينب المقهوره
صوره بيه تركت نار. أصابع عشره حيل زغار
صابغهن نزيف الدم. جا بحسين شنهي الصار
يمليني هم. ذاك السهم
في كلِ حِينْ
أسمك عَطِر. من تِنذِكر
عبدُ الحُسَينْ
.................................................
كلشي سراب بهالزمن بس مجلسه خيمه
وبصايته أنه لذت من عالمي وظيمه
تايه جنت حفنه رمل وانطشت ابهيمه
لماني جفه برحمته ربي الي ايديمه
ميت لجلي دومه وياي. أمشي واسمه فوكي فياي
كل هذا وتجي لحظات. ما ذكره بشراب الماي
كلي ذنب. ريت انكتب
في التائِبِينْ
أسمك عَطِر. من تِنذِكر
عبدُ الحُسَينْ
...................................................
كبته شمس تضوي عشك كشفتلي اوهامي
بيها أقسمت عن دربه ابد ما تزل اقدامي
دمعة وشعر ممشه ولطم وحروف اقلامي
ناذرها بقاي سنيني عمري ابخدمه الضامي
كل أعمالي ذره تراب. ما توصل أقل صواب
ولا تشفي فطر بشفاه. كلبه بكل وكت لهاب
شما قدمت. ما قدمت
تَبقى مَدِينْ
أسمك عَطِر. من تِنذِكر
عبدُ الحُسَينْ
.......................................................
عبدالإله الذهبي
لسان حال مولاتي العليلة عليها السلام
قصيدة : أسألمن اعليك. ﷽ּ
أسألمن اعليك. محد عرف عنك خبر
دورها العيون. بس الك تلكاها الصور
مشتاقه لك حيل والشوك ما منه مفر
أسألمن اعليك
................................................
وحدة جانت لجن هسه صارن أثنين
علتي وفوكها بعدك بويا يحسين
الهوه صار بغيباك جن سجاجين
والضوه أسود أشوفه بناظر العين
كلشي تغيير. لمن رحت يابو علي
عافتني روحي ظلت جروح بداخلي
بغياب وجهك صاير خرابه منزلي
أسألمن اعليك
..............................................
حلفت بويا بغيباك حتى التراب
وكتله دليني بأثرهم وين الأحباب
لو ردت تسأل عليه أسئل الباب
عله بابك كاتبه ألون العتاب
بعتابي ألوان. لون الهجر لون الحزن
والبين حيطان. محد يصبره من يون
منتظره أخبار. منك أريدن أطمئن
أسألمن اعليك
.............................................
ليش أحس بهالصمت جايب مصيبة
ليش أحس اسيوف من نحرك قريبة
وليش أحس بمعتي زينب غربية
وسولفالي الماي سالوفة عجيبة
بيها قمر طاح. عطشان مات وما شرب
معقوله عباس عافاك يحسين شعجب
آسف يخويا. يم النهر جفه كتب
أسألمن اعليك
..................................................
بويا روح الينتظر جن تشتعل نار
شكثر عنك دورت بس ماكو أخبار
أنه مكسورة ضلع والصار بسمار
فراك وجهك والبعد وي وحشة الدار
هم ضلعي مكسور. مثل الزجية فاطمة
عالدمعة والنوح. يابويا صرت امعلمة
لو طول جفاك. ما تلكه بنتك سالمة
أسألمن اعليك
.....................................................
بالحلم أنظر صدر وأستغربت حيل
أضلوعه كلها موزعة بحوافر الخيل
شافت عيوني مره بلا خيمة بالليل
هاي زينب صاح كلبي ودمعته تسيل
ل جانت أميرة راحت أسيرة وي الشمر
فقدك يبويا. كبرها عمتي جم عمر
من هذا حلمي. فزيت ودموعي حمر
أسألمن اعليك
.....................................................
عبدالإله الذهبي
لسان حال مولاتي أم البنين عليها السلام
وهي تطلب من الحسين عليه السلام أن يأخذها مع إلى كربلاء
قصيدة : أخذني وياكּ. ﷽ּ
يا يمه اخذني وياك للغاضرية
هجرك ييمه حسين مثل المنية
خايف ضلعج هم ينكسر يا يمه وعيونج
................................................
حيل أعز من الروح تدري معزتك
بس انته بالدلال يبني رسمتك
خليني أروح وياك بهاذي سفرتك
عوف الشمع يحسين أمك شمعتك
خايف ضلعج. هم ينكسر يا يمه وعيونج
.................................................
مو تدري يبني العين وجهك حلمها
ومن تغفه تتمناك يالغالي يمها
لو رحت عميه تصير بعدك سهمها
وتتطشر بلياك روحي شيلمها
خايف ضلعج. هم ينكسر يا يمه وعيونج
.....................................................
شنهي ضلع يحسين فدوة لترابك
كون بحوافر خيل يبني انتشارك
أهوان علي بهواي من انتظارك
يمه بجفاك اتصير مو حلوه دارك
خايف ضلعج. هم ينكسر يا يمه وعيونج
...................................................
وي زينب اتراجاك أمشي سويه
خاطر أعيش هناك حال السبيه
أمسح دمع وجنات بنتك رقيه
أدري أذا ترحون ما ألك جيه
خايف ضلعج هم ينكسر يا يمه وعيونج
..................................................
أحساس اليتم والآه ما أريد اعيدة
لحد هسه من الباب جروحي جديدة
ضعلج تره ينصاب وهاذي أكيدة
يا يمه عد هالناس لا مو بعيده
خايف ضلعج. هم ينكسر يا يمه وعيونج
.................................................
عبدالإله الذهبي
لسان حال مولاتي الرباب (عليها السلام)
قصيدة : ما غافي بحضن. ﷽ּ
شيطبك جفن فوك الجفن
عبدالله ما غافي بحضن
.................................
ما نام متعودة أحط يوميه جفي بجفه
بعيونه يأخذني الوكت أصفن لحدما أغفه
وجناته خده ضحكته حته الأصابع ترفه
ردالي لونه منخطف لجدامه واصل نزفه
ناغيته باطور الحزن
عبدالله ما غافي بحضن
..................................
تضويلي جانت ضحكته ول ليل عمري شمعه
ردالي صوته منكطع حته النفس ما اسمعه
السهم مسرع من أجه ما كال أمه تودعه
ما كال أبنها لو مشه تأكل جفنها الدمعه
جاوبني يا سهم الضغن
عبدالله ما غافي بحضن
...................................
من ماي نهر العلكمي ما صحت وياه قسمه
عبدالله من كد العطش مد أيده يشرب دمه
منتظره يتحقق حلم وأسمعها كلمه يمه
كدامي حلمي ينذبح آه شكبرها اللجمه
شيصبر الروح التحن
عبدالله ما غافي بحضن
.................................
مهده كئيب ابلا ضوه لا عطر منه وينشم
من هسه بعده بالكلب جرح الفراك تحزم
المات أبنها تنذبح من الكسر ما تسلم
أيامي كلها أطشرت هيهات بعده تنلم
ورده أنكسر بيها الغصن
عبدالله ما غافي بحضن
.................................
جي سمورت وجهه الشمس من عدها زاعلت الفي
التفكد ولدها تنعمي وبعيونها ما مش ضي
اوليدي عطشان انذبح صرت انلجم من المي
والحي إذا ماتوا هله يتسمه ميت مو حي
أمنيتي أموت واندفن
عبدالله ما غافي بحضن
.....................................
عبدالإله الذهبي
مولاي القاسم (عليه السلام)
قصيدة : ذاخرني أبوي. ּ﷽ּ
ذاخرني أبوي العمي. بالشده أنطي دمي
ضموا الشمع والحنه. أجلوا العرس للجنه
ربتني للطف أمي.
.....................
هاليوم يوم الفزعه. بي والدي اموصيني
يوليدي قدم دمك. لو ظل وحيد احسيني
ما أحضر الطف باجر. يبني ويكره عيني
هيج الحسن وصاني. يبني تسد امجاني
بيك أرد أحقق حلمي.
.........................
بزفه دمه للحومه. بيها الشمع ما ينفع
اليوم أشوف أعدائي. الحيدري من يفزع
لمن أسلن سيفي. ما أرجع إلا مكطع
عمي الكمر الهمني. غيره وعزم علمني
شبل الحسن هذا أسمي.
..........................
احسين أمامي وعشكي. عنه ادافع وافدي
كل العمر لعيونه. خادم اله وهم جندي
محلاها لمن أوكع. وخده يحطه بخدي
فدوه العمر لحسيني. بدمي اشيّد ديني
خله يتوذر جسمي.
...........................
ضامي الكلب وأحساسي. راوي وفاء وغيره
بلايا الحسين الدنيا. كلش تصير ازغيره
خلافه العمر ما أريده. ولا أريد أشوفن خيره
محلاها يكرب موتي. وياعم أصيح بصوتي
وحسين يحضر يمي
............................
أمي وسنين ارباها. بهاي الشهادة ارضيها
من رحت من الخيمه. بالهكلمه أنه موصيها
نتلاكه يم الزهره. هدوم العرس ضميها
محله المنيه هايه. تفرحلي أمي هوايه
تجلي الشهادة همي.
.........................
عبدالإله الذهبي
الخدمة
قصيدة : روح الخدام. ﷽ּ
روح الخدام. بالمجلس تهوه اللمه
روح الخدام. بالردات وباللطمه
روح الخدام. ويه المهدي تعيش اللجمه
روح الخدام
.................
روح الخادم بالمأتم. تتعلك ابجفينه
بيهن يدك بصدره. ودمعه اعله طارف عينه
نسمع سمع بالمقتل. والمهدي الله يعينه
شاهد بعينه الحافر. من يسحك اعله حسينه
يتعاله النوح. من يمر طاري المنحر
يتعاله النوح. صدر الحب ليش مكسر
يتعاله النوح. والمهدي ويانه موزر
روح الخدام
................
الخادم يخلص عمره. روحه السبي ماذيها
ما تنحسب أيامه. المامش مجالس بيها
يبجي اعله غربه زينب. غربه تصد اعليها
دمعتها تنزل سكته. وتتباوع لغاليها
كَلبه المجروح. مايشفه ولا يتضمد
كَلبه المجروح. لحسينه لابس أسود
كَلبه المجروح. جمره خيمه وما تبرد
روح الخدام
...............
الدنيا أبد ما تسوه. والمأتم امحليها
يالخادم اوأيامك. يم النحر بديها
واعصر عيونك دمعه. شمعه توج خليها
بكبرك دمعتك تحضر. للمنذبح باجيها
كل دمعه اطيح. من تبجيها لمحبوبك
كل دمعه اطيح. تنزل وياها اذنوبك
كل دمعه اطيح. تبيض وجهك وي ثوبك
روح الخدام
...............
محله ضمير الخادم . بحب الحسين امكمل
كلشي ربح بالخدمه. وازغر عمل يتسجل
اسكَي بثواب الساقي. بجف الكفيل توسل
وكثر دعاء الندبه. عن لا ضميرك يذبل
بس درب حسين. حسسنه للحب معنى
بس درب حسين. خيمه ودمعه يجمعنه
بس درب حسين. غير ادروب اتضيعنه
روح الخدام
................
ساعات عمرك تمشي. أشبع لطم واقرايه
وكل ما يهل امحرم. علك ابيتك رايه
ومشي مشي لحسينك. واعبر ولايه ولايه
بالكبر تنزل باجر. وما تنفعك بس هايه
لا تبرد دوم. لحسينك شد احزامك
لا تبرد دوم. واستثمر كل أيامك
لا تبرد دوم. بالمحشر ارفع هامك
روح الخدام
...............
عبدالإله الذهبي
بِسْمِ اللهِ الرَّحْمَنِ الرَّحِيْمِ
[ فقَّار الحُسَيْن ]
مَا اِلنَه عِيْشَة وْمَنْزِلَة اِلّا نُمُوْت اِبْكرْبَلَة
بِالعَاشر اِنْصَارَك اِيْصِيْرُوْن فقَّارَك
___
شَيْخ الاَنْصَار اِبْكرْبَلَة اِبْدَمْعَه بِدَه اِيْخَاطِب
لُو أَتِّخِذ لَيْلِي جَمَل مَا أَنْحِسِب صَاحِب
لَمَّن تِصِيْر المَعْرَكة وِايْرِف الي الشَّارِب
اِبْحِل وَهَب أَتْحَوَّل غَدًا مَا أَنْحِسِب شَايِب
بَاجر اِبْسَاحَات الحَرُب شَاب لْعيُوْنَك أَنْكَُلُب
وْوَيَّاي أَحْرَارَك اِيْصِيْرُوْن فقَّارَك
___
صَاح آنِي مَارِيْد العُمُر وِابْمُوْتِي الي وَاهِس
عَالفُطْرَة حَبَّاك الكَلُب لا قَارِي لا دَارِس
عَاطِفْتِي وَافَقْهَا العَقِل وِابْحُبَّك اِنَّافِس
لُو مَا أَحِبَّك هَالكِثُر مَا أَنْحِسِب عَابِس
بِجْنُوْنِي صَارالَي عَقِل المَات اِبْسَبِيْلَك ظَل عَدِل
البِيْهُم تِشِب نَارَك اِيْصِيْرُوْن فقَّارَك
___
جُوْن اَسْوَد وْأَبْيَض كَلُب كَال الوَعَد بَاجر
اِبْغرْبِيْلَك اِمْجَلِّب أَظَل يِشْهَد الِي العَاشر
البَسْنِي لِظْلُوْعَك دِرِع يِسْحَكَنِي كل حَافر
طَيِّبْلِي رِيْحِي اِبْشَبْكَِتَك وِابْنِفْسَك الطَّاهر
يَا بَاجر وْحِلْمِ الأَمِس يَم شَامِتَك ظَلْمَة الشَّمِس
والتِطْلُب اِبْثَارَك اِيْصِيْرُوْن فقَّارَك
___
عَالمُوْت كلْهَا اِتْسَابُكَت ، نَادَه وَهَب آنِي
مَرْيَم العَذْرَاء تِفْتِخر لُو ضَحَّه نَصْرَانِي
شِيْعِي صِرِت يَا بُو عَلِي وْحُبَّك السَّوَّانِي
فِدْوَة الَك دِيْنِي وْهَلَي يَا ضِحْكة اَحْزَانِي
عِفْت الصَّلِيْب وْلِلْأَبَد سِبْحَة الزَّهْرَة اَحْمِل بَعَد
والتِبْعَوا آثَارَك اِيْصِيْرُوْن فقَّارَك
___
عَاف التِِجَارَة وْزَوْجِتَه ، مِثْلِ الشَّمِس وَاضِح
يِهْتِف زُهَيْر اليِنْصُرَك مَيِّت عَدِل رَابِح
شِنْهِي الدَّرَاهِم والذَّهَب هَذَا العُمُر رَايِح
وِالدِّنْيَة عَبْرَة كَنْطَرَة وْمَا يِعْثَر النَّاجِح
الرَّحْمَة اِبْعيُوْنَك وَاضِحَة إِنْتَ التِّجَارَة الرَّابِحَة
وَالعِدْهُم اَفْكارَك اِيْصِيْرُون فقَّارَك
___
وَاحِد بَعَد وَاحِد حِجَوا وَاشْتِعْلَت الغِيْرَة
كَبْل الهُوَاشِم نِنْذِبِح خَل تِشْهَد السِّيْرَة
إِحْنَه اِنْخِلَقْنَه لْنُصْرِتَك مَا نُعْرُف الحِيْرَة
وْبَاجر قُطُبْهَا المَعْرَكة يَا بُو عَلِي اِنْدِيْرَه
وْبِالآخِرَة اِنْظَل نِفْتِخُر لحسْيَن ضَحَّيْنَه العُمُر
اِيْمَثْلُوْنَه زُوَّارَك اِيْصِيْرُوْن فقَّارَك
الحمد لله والشّكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي
عايشين احنه برحمتك.. وخيمة الدمعه حضرتك..
الك مخلوقين يحسين.. الله سوانه الخدمتك
..................
1_يلمغطينه ابنعمتك مانسيناك..
الحمد لله والشكر لمن خدمناك..
تدري بينه امن الزغر احنه هويناك..
وكبل مانعطش يبو الاكبر ذكرناك..
شما نقدملك قليله.. يابو الجروح الثكليه..
يلسكنت الروح والعين.. انته يحسين الوسيله
..................
2_بينه يسري اويه الدمه تدري مصابك..
واحنه كبل ادموعنه انطيح اعله بابك..
حسين عطر الجنه بي ريحة ترابك..
بينه لهفه انزورك ونبجي ابعتابك..
شعدنه غيرك يابو سكنه.. وكربله صارت وطنه..
نفتخر صرنه مجانين.. وبس الك يرخص دمعنه
..................
3_يلحنين اشكبره كلبك ياهو يعلم..
واليحبك كون يبجي ادموع من دم..
كلشي بينه الخاطرك صاير محرم..
ومو مواكب كون ننصبلك مخيم..
كون كل الناس ميته.. اوحدك البلدنيه انته..
والله يخلقلك محبين.. مثل عابس من رحمته
..............
4_من وكعت ابشده وتنخيت بسمك..
بس ندبتك جن كلتلي انه يمك..
مانسيت ايامي ذيج البيهه اخدمك..
وكمت احس كبل الهوى يحسين اشمك..
ماعفتني بس نخيتك.. ابشدتي تحضر لكيتك..
وبكربتي يبقه هلدين.. وحكي من اصرخ هويتك
..................
5_انته يادين العشك وصل المحبه..
واليعشكك شي اكيد الصافي كلبه..
ابلا لطم ودموع تدري انعيش صعبه..
انته بس الصدك والباقين جذبه..
عله حبك علمتنه.. خدم عندك سجلتنه..
يمك اوصرنه مواليين..ياوطنه وسر عشكنه
كلمات خادم اهل البيت
مصطفى الغريباوي
#مسلم_ابن_عقيل_ع
يابويه عن عيني تغيب - عايف حميده بغربه
لمن اجه منك خبر - عيني لـ مشيتك تربّه
كمت وطحت
كمت وطحت - يابويه من گالو رحت
المن عفتني اليا وكت - كمت وطحت
راح الدلال
راح الدلال - ضهري نحنه وهستوه مال
عمي اجه وصاني كال - راح الدلال
راح يمشي الظعن باجر - نطر دواوين وجمر
تـنـطـرق كـلمـة سبيه - عله بنـيتـك باليـسـر
____
صرت السبيه خلاف ابوي - مشوني درب يتعب
أتـعـثـر بثـوب الـبـنـات - بـالـي بعـيد يـحسب
دار الزمن
دار الزمن - بالغربه رجليه ورمن
عماتي بالهيمه نولن - دار الزمن
وينك يبوي
وينك يبوي - صوت الصريخ بأذني يدوي
عطشانه اشوفك ضليت الوي - وينك يبوي
راح ندخل سوگ بويه - لا ابـو لا عـم اليه
وراح يوكع شكو عالي -مثل ما وكعت رقيه
____
يابويه اباوع ع الرماح - ماشفتك انته وياهن
كونك تشاهدهه البنات - تشوف النذل طكاهن
ماكو امان
ماكو امان - بويه النذل بيه ستهان
زغيرونه گدري كل ضنه جان - ماكو امان
طبينه قصور
طبينه قصور - زينب بجيهه يهد كبور
لمن نعت بچاني الطور - طبينه قصور
زينباكم ياغريبه - نعت وبطور الحزن
ياهلي ضليت وحدي - مالكم رده اضن
___
يابويه طگوني وبجيت - ردتك تشوف الطگني
سوط العدو اذآني حيل -واصل زراگه لمتني
نهيل التراب
نهيل التراب - طين بدمع صك الحجاب
الشام بعطركم يابويه هاب - نهيل التراب
بويه الحسين
بويه الحسين - يطگونه ماعنده ادين
من الضرب ماضلتله عين - بويه الحسين
بويه كعدونه بخرابه - والمدامع بس تهل
وينه ذاك حسين وينه - خلي يجمعنه بشمل
__
#تمت
#عباس_القلعاوي
#اللحن👇🏻
#نعي
لسان حال مولاتنا العليلة صلوات الله عليها
:
چوّر غراضه الليلة شايل
ونوخت بالباب المحامل
وليرچب النسوان كافل
جا كتله اخذني اويه النساوين
وفياي اصيرن عالصواوين
مو سهلة والله افراك الحسين
موش اله ناكه ممشه اماشيه
وليتعب اعله امتوني اخليه
وعبدالله بضلوعي احاميه
انه العليلة يبن الاجواد
اخلافكم لسچن بالوهاد
وما تغمض عيوني اعله الامخاد
امغبيشن چنكم للمنية
عاد اخذوا قلبي وي رقيه
شيصبر اعيوني المغربيه
بخلافكم ما ينطب الحوش
عفتوا خلي شنكل للطروش
مو عيني بيضه حتى الارموش
يركش بقلبي افراك الاسياد
سباح قلبي اتكطع او باد
ما بيه والله مر الابعاد
جا عاد عبدالله تخلّه
خاف الاخو ماشي لچتله
يوميه اشوفه اكبالي يحله
وبيش أَهوّد دمع الاعيون
وعزازها راحو يموتون
يمشون صوب الموت يمشون
:
:
فاضل عباس الخزاعي
/channel/fadlkuzay
#الانصار
جبال جبال .. صاروا درع للمخيّم
رجال رجال .. رسموا ملاحم محرم
.
.
بَدّوا عمرهم عالرمل .. خافن يچوّي الحره
جنهم مناير من ضوه .. لاهل السمه مزدهره
همه سمار الحنطه والتارسها عشك الزهره
جدام زينب اينعوا .. كلمن يقدّم نحره
فحول فحول .. جون او برير اويه أسلم
رجال رجال.. رسموا ملاحم محرم
.
.
طاحوا نده ابباب الخيم .. طگ الخضار البيهم
مدوا اديهم للشمس .. واخت الگمر تربيهم
انطوا لبت حيدر عهد .. واهل العهد تدريهم
انطش الركاب اعله النهر .. وال النبي نحميهم
عهود عهود .. بالعهد عابس تشيّم
رجال رجال.. رسموا ملاحم محرم
:
:
صاغت حجاياهم ضوه .. من الخيم للجنة
وبيا علي شدوا حزم .. واخذوا خصائل منه
والماي بالطف يرتوي .. من عدهم او يتحنه
جبريل ينخى ينحسب .. وياهم او يتمنه
زهير زهير .. بجفوف حيدر تحزم
رجال رجال .. رسموا ملاحم محرم
:
:
نهر الموّده بكربلا ..او جانوا فياي الخيمه
من شافوا احسين بعطش.. صاروا لشفته الغيمه
كادوا شكو نسمة هوى .. لخيام راعي الشيمه
او يدعون يا رب العرش.. فيّي الحسين اتديمه
حبيب حبيب .. للموت الاحمر تقدم
رجال رجال .. رسموا ملاحم محرم
:
:
رفت شواربهم مثل .. بيرغ كمر بت حيدر
اصحاب ابو الاكبر فدوا .. كلشي لعين الاكبر
من عدهم او مامش بعد .. خل الزلم تتكتر
نثروا عمرهم للخيم .. وعله الترايب خضّر
سلام سلام .. ربهم على الغيره سلّم
رجال رجال.. رسموا ملاحم محرم
:
:
جانوا قناديل العشك .. وسط الخيام اتلالي
عالموت والله اتسابگوا .. غالي يسابگ غالي
امتدوا مثل سرب الكطه .. نحوَ الكمال العالي
واحدهم ايكول الذبح .. لاجل الخيم يحلالي
فداء فداء .. دون المخيّم تحتم
رجال رجال.. رسموا ملاحم محرم
:
:
فاضل عباس الخزاعي
/channel/fadlkuzay
لحن قصيدة : اخذني وياك (لحن قصيدة دهري)
Читать полностью…
بِسْمِ الله الرَّحْمَنِ الرَّحِيْمِ
[ يُوْم العَاشر الأَنْصَار ]
يُوْم العَاشر الأَنْصَار صَاحَوا يَم اَبُو الأَكْبَر
سَاعَتْهَا إِجَت وِانْرِيْد قَبْلَك كِلْنَه نِتْوَذَّر
___
سَلَّم عَالحُسَيْن اِيْرِيْد يبْرِز لِلْحَرُب [أَسْلَم]
مَا يِتْطَهَّر اِبْعَاشُوْر المَا يِتْوَضَّه مِن الدَّم
[الا مِن نَاصِرٍ] تَحْذِيْر وِالمَا لَبَّه يِتْنَدَّم
[أَبْطَال الصَّفَا] اِبْعَاشُوْر لَبُّوْهَا اِبْدِمَه المَنْحَر
___
المَا يِنْدَل ال[لا] اِمْنِيْن بِالطَف كلْشِي مَا يِنْدَل
وْكلْشِي اِبْلا خَضَار حسَيْن مَا يثْمُر تَرَه وْيِذْبَل
وِ[الهَيْهَات] دَم اِتْرِيْد فِدَاهَا [عَامُر النَّهْشَل]
دَمَّه غُصِن لِلْأَحْرَار اِبْوَادِي كرْبَلَة خَضَّر
___
[جِبْلَة] اِيْحَاجِي ابُو السَّجَّاد عَيْنَك سَيِّدِي القِبْلَة
مَا يِصْعَد شبُر عَالكَاع المِن اِعْيُوْنَك اِتْنَزْلَه
وَرْدَة الخِدْمَة الك يَحسَيْن اِشْمَا تكْبَر تِصِيْر اَحْلَه
وْخِدِمْتِي اَسْكَِيْهَا مِن اِدْمَاي حَتَّه اِبْدَفْتَرَك تكْبَر
___
مَا يِنِّسِي وْمَا يِنْعَاف الكَِظَاهَا مُحْتَسِب صَابُر
[عَامُر] ضَحَّه لَجْل حسَيْن وْذِكْرَه لِلْحَشر عَامُر
نَاخِذ دَرِس مِن عَاشُوْر اِمْنَ اَمِس نِتْعَلَّم لْبَاجُر
المَا يِمْشِي اِبْدَرُبْهُم زَيْن بِالمُو زَيْن يِتْعَثَّر
___
تُطْفَه الشَّمِس بَس هَيْهَات تُطْفَه اِبْدَاخِلَه الجَمْرَة
[قُرَّة] ابْيُوْم عَاشُوْراء لِعْيُوْن الخِيَم قُرَّة
مُوعَشْرَة كَِظَه اَوْيَه حسَيْن كَِظَه وَي السِّبُط عِشْرَة
اِشْمَا طَال العُمًر لِحسَيْن يِتْمَنَّا يِطُوْل اَكْثَر
___
اِبْعَقِل ، وِابْعَاطِفَة ، وْأَخْلاق عَن دِيْنَه بُقَه اِيْدَافِع
مِتْطَابُق إِسِم وَافْعَال وَمَا أَدْرَاكَ مَا [نَافِع]
وِكَع بَس فُوْكَ وَجْه الغَيْم رَايَة لِلْنَّصُر رَافِع
اليِنْصر مَبْدَأ أَهْل البَيْت يِرْبَح عُمْرَه مَا يِخْسَر
___
إِسْتَغْفَر مِن كَلُب وِالسَان يعْرف بِالسِّبُط يِغْفُر
وْعُبُوْدِيْتَه لابُو الأَحْرَار هِيَّه المِنَّه صِنْعَت [حُر]
المَا جَلَّب اِبْجَف حسَيْن مِن الذَّنِب مَا يِعْبُر
يِخْسَر دِيْنَه وَي دُنْيَا وْطُوْل العُمُر يِتْحَسَّر
___
الحُب يِقْتِضِي الطَّاعَة اِهْنَاك وْبُرَز لارْض الحَرُب فَارِس
رَاد اِيْوَضِّح اِبْعَاشُوْر عَقِيْدَة الخِدْمَة مُو وَاهِس
أَعْظَم دَرِِس لِلْعُقَّال بِالطَف قَدِّمَا عَابِس
المَفْرُوْض البَيَاض اِيْصِيْر بِالنِّيَّات وِالجَوْهَر
___
أُبَاة الضَيْم وَاحِدْهُم مَا يِرْجِف أَبَد كَلْبَه
وِكَْفَوا لِلْحُسَيْن اِدْرُوْع شِرْحَوا مَبْدَأ الصُّحْبَة
خَدَم عَاشَوا لابُو السَّجَّاد وْكِلْهُم مَاتَوا اِبْحُبَّه
وِايْرِجْعُوْن إِيْد اِبْإِيد وَي المَهْدِي مِن يِظْهَر
الحمد لله والشّكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
أبو فاضل هوّه المفتاح
رزقهم صلوات الله عليهم أجمعين
حيدر الموسوي
بِسْمِ اللهِ الرَّحْمَنِ الرَّحِيْمِ
كأَنَّمَا عَن لِسَان حَال الإِمَام مُسْلِم بْنَ عَقِيْل سَلامُ اللهِ عَلَيْه ..
[ أَحْجِي اِبْدَمْع العَيْن ]
أَحْجِي اِبْدَمْع العَيْن إِرْجَع فِدْوَة لَتْوَاصِل
مِن تُوْصَل يَحسَيْن تِخْسَر عَيْن آبُو فَاضِل
يُبْقَه الجَرِح بِاحْسَاسَك يِنْكَطِع بِالطَف رَاسَك
___
إِرْجَع يَا أَبُو السَّجَّاد أَحْجِي اِبْدَمْعَة مَذْرُوْفَة
مِن طَبْرَة عَلِي الكرَّار لَهَسَّه تِغْدر الكُوْفَة
جَم مَنْظَر صَعُب يَحسَيْن بِالطَف بَاجر اِتْشُوْفَه
أَخِيْر اِخْوَانَك العَبَّاس تِشُوْفَه اِمْكَطّعَه اِجْفُوْفَه
يُوْكَع يَم المَاي وْجِفْنَك يِغْرَكَ اِبْدَمْعَه
وِانْتَ اِتْصِيْح الوَاي بَعْدَك يَاهُو اليِرُفْعَه
مِن يِنْصِرِع عَبَّاسَك يِنْكَطِع بِالطَف رَاسَك
___
وَآنَه اَعْلَه القَصر يَحسَيْن يِتْرَاوَالِي جَم مَنْظَر
جَنَّك مِن عَلَى المَيْمُوْن تُوْكَع يَم عَلِي الأَكْبَر
تِتْوَذَّر بَلايَه اِسْيُوْف مِن اِتْشَاهِدَه اِمْوَذَّر
[عَلَى الدُّنْيَا العَفَى] اِمْنِ اِتْصِيْح صُوْتَك يِفْجَع الخِدَّر
طُوْل اِبْطُوْل اِوْيَاه تِتْمَدَّد عَلَى الغَبْرَة
تِنْدِب بُوْيَه اَحَّاه وْتِهْدِم حَيْلَك الحَسْرَة
اِيْضِيْج الهَوَه اِبْأَنْفَاسَك يِنْكَطِع بِالطَف رَاسَك
___
خُوْف اِيْرَاوِد الإِحْسَاس مَا تُوْفِيْلَك الوَادِم
خَايِف عَالضَعَن وِالبِيْه لاهْلَه مَا يِرِد سَالِم
آه يَا حَسْرَة العِرِّيْس لَمَّن يِطْبُرَه الظَّالِم
رَمْلَة اِمْنِ الدَّمِع وِالنُّوْح تِعْجِن حِنَّة القَاسِم
عِرْسَه اِيْصِيْر اِدْمُوْع تِرْحَل بَسْمَة الشِّفَّة
وِاشْكَد تِطْفَه اِشْمُوْع تِخْرَب فَرْحَة الزَّفَّة
يِذْبَل بِادِيْنَك يَاسَك يِنْكَطِع بِالطَف رَاسَك
___
صُوْت اَبْعَثْلَك اِوْيَه الرِّيْح إِرْجَع مَحَّد اِيْفِيْدَك
جَاي اَشْعُر يَنُوْر العَيْن رَضِيْعَك يِنْذِبِح بِايْدَك
اِبْيَا حَالَة وْوَضِع وِاحْسَاس لَمَّن تِرِد بِوْلِيْدَك
وْدَمَّه اِمْنِ النَّحَر يَحسَيْن يِتْرِس وَجْهَك وْجِيْدَك
دَمَّه اِيْظَل مَسْفُوْح وِايْفَرْفِح مِثِل طَيْرَة
وْسَهْمَه اِيْذَوْب الرُّوْح جِبِيْر وْرِكَبِتَه اِزْغِيْرَة
يَالمَالَه حَد نُوْمَاسَك يِنْكَطِع بِالطَف رَاسَك
___
يَا آخر سبط بِالكُوْن سَافَر بَالِي لِمْصَابَك
جَاي اَتْخَيّلَك عَطْشَان وْخلْصَوا كِلْهُم اَصْحَابَك
وَاهَل بَيْتَك جِثَث عَالكَاع وْتِبْجِي لْفَرْكَة اَحْبَابَك
أَحِس اِثْيَابِي حَافر خَيْل لِأَن تِتْسَلَّث اِثْيَابَك
يَا سِر هَذَا الكُوْن كَلْبِي اِبْحِزْنَك اِمْعَذَّب
يَا سِتْر الله اِشْلُوْن جِسْمَك إِنْتَ يِتْسَلَّب
مِن تِكَظِي قِلَّة نَاسَك يِنْكَطِع بِالطَف رَاسَك
___
اِبْكَلْبِي اِشْكَد حِزِن وِاجْرُوْح شَحْجِيْلَك عَلَى البِيَّه
كل الكاتِبَوا يَحسَيْن مَا عِدْهُم صِدِق نِيَّة
أَخِيْر اِحْجَايَة تِهْضُم حَيْل مَا خَلِّيْهَا مَخْفِيَّة
رَاح اَحْجِيْهَا لِلْعَبَّاس زيْنَب تِمْشِي مَسْبِيَّة
آآآ يَا جَرْح الشَّام يُبْقَه اِبْكل كَلُب يِدِّي
مِن كل الظِّلّام يَاخِذ ثَارَك المَهْدِي
سَهْم المُصَايِب جَاسَك يِنْكَطِع بِالطَف رَاسَك
الحمد لله والشّكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي