4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
عـمـه يزيـنب شــوفي .. اشسوه الحبل بچفوفي
الحادي ليعت حيل بيه
ازغــيره گليــله رقـــيه
عمه يزينب
-------------------
خاف اطيح .. والعــيون اهــواي ياعـــمه عـليه
خاف اطيح .. وبالحبال امگيدات اچفوف اديه
زغيره وبالسبي شفت المعانات
چــبير الحبل وايــديه زغيرات
الشــمر گلــيله ليــجر بالـسبيات
مـو كافـي تره شـبعني طيحات
الحادي وحق دمعاتي .. متـونــس ابطيـحاتي
انــه صــح عمــه سبيه
ازغــيره گليــله رقـــيه
عمه يزينب
-------------------
راح اموت .. عمه من گد السياط العلى امتوني
راح اموت .. وين اهلي امــتانيتــهم مايجوني
اتمــنيته ابــويه احـــســــين مـــوجود
ويشوف امتون بنته امن الظرب سود
الـحــادي مــن سمعــني يگـــلي ميعود
ضــحك وعلــيه راد ايضــحك الجنود
ابهـالعمر عمه شلي .. مذبــوح ابوچ ايگلي
الحادي راوانــي المنيه
ازغــيره گليــله رقـــيه
عمه يزينب
-------------------
چنه نار .. الحبل فوگ اچفوفي احسه گام يلهب
چنه نار .. اتلاحگيــني الخــاطر الله عــمــه زينب
شوكت نوصل تره اطويله المسافه
وطــريق الــشام اظــلم انــه اخافه
يــهالوادم مــنو الـــعــباس شـــافه
يجي ايخــلصني مــن هاي الكلافه
عمي اذا أجاني .. احچيله عن اذاني
ولو اجــه اشــري عليه
ازغــيره گليــله رقـــيه
عمه يزينب
-------------------
مثل ابوي .. من اطيح النوگ تسحگ على صدري
مثل ابوي .. عمــه كــلش زيــن انــه بروحي ادري
شوكت بحــسين احــلم ها يعمه
اريده ايشوف گلبي اشكبره همه
اريد اوياه اسولـــف واغــفه يمه
ابويه الرحمه وانه احتاج رحمه
مشتاگه اشم انفاسه .. مشتاگه ابوسه ابراسه
ويدري ماتحمل اذيه
ازغــيره گليــله رقـــيه
عمه يزينب
-------------------
ياحرام .. الحادي ماخلاله ديره مادخلها
ياحرام .. المثل حالي ها يعمه ياهو الها
هــذا الحــادي قــاسي وچـنه ذباح
گلــيلــــه نــريـــد اشــويــه نــرتـاح
مايــســمع بــواچــينــه والـصـــياح
ماضل حيل عدنه امن المشي طاح
عالروس خل انادي .. اذانه حيل الحادي
احچي ودموعي جريه
ازغــيره گليــله رقـــيه
عمه يزينب
-------------------
حيدر تركي الكربلائي
للاربعين
.
.
.
هاج الحنين بروحي .. سولفلي يامذبوحي
احچيلي عن جرح الرمح
وانه احچي عن اجروحي
----------------------------
يالنابت ابـراسك رمـح .. شلونك يبعـد اعيوني
لونك احسه امن التعب .. يشبه امن الحر لوني
متاذي گلي امن الرمح .. لومن حچي الگادوني
بعيونك الذبلانه احس .. نظـرة الـــم لمتـــوني
كل هذا وتحس بيه .. يالمــنترس حــنيه
گلــبك اليه منفتح
وانه احچي عن اجروحي
-----------------
البيه وحقك مو جرح .. واحــد ولاهـــن مـيه
الف وتسع ميــه الذي .. يحــسين صـارن بـيه
بالرايه مأساتي بـدت .. مــن طاحــت الحـنيه
ونختمت ابشام الحزن .. من غفت عين ارقيه
ابنــادم المايحــملـــهن .. طاحن على اختك كلهن
وحدتهن اتگول الملح
وانه احچي عن اجروحي
-----------------
خويه الشفتهن بالدرب .. ماينحچن يالغالي
ياهي الاسولـفها الك .. وياهي التضل ابالي
زينب يبو اليمه تطب .. ديــــوان اول تـالي
وتصور ابنــص الزلم .. حرمـه بلايـــه والي
ثق مقتلك حسيته .. الديون من طبيته
واستوعبتها منذبح
وانه احچي عن اجروحي
-------------------
رمحــك يـخويه بالارض .. لو گعـــدو اينبتــونه
ايذبحوني كل ما ريضو .. راسك امن ايحركونه
چم مره من عدهم وگع .. ياخــويه ويــشـيلونه
يتعـــمدون ابهالـــفعل .. گلب اختك ايحرگونه
شحچيلك وشحچيلك .. ومن ياهي خويه اشكيلك
والصار لاماينصلح
وانه احچي عن اجروحي
-----------------
كلما اســولف عالسبي .. ابصدري الحچي يتكسر
وليش الملامــح يالاخــو .. ابوجهك احس تتغير
بس وحده اسولفها وبعد .. ما احچي يابو الاكبر
خــويه خــذوني للســـبي .. بنــاگه تــگوم وتعـثر
كل ماتهل اعيوني .. ايضربوها ويضربوني
لاليلي ليل اولا صبح
وانه احچي عن اجروحي
_
حيدر تركي الكربلائي
للسبي
.
.
.
حـرامـات .. الامــيرات .. ســبيات
يابو فاضل
______
الچانن ابنورك يكشخن چيه ضواك ايحيط بيهن
والنــجم ياخـويه اذكــر يخــجل ايــباوع عـليهن
عــگب كــل ذاك الـدلال وعگـب عــزهن ياولـيهن
هــسه عــلويـات الله بسنــسله امگيــدين اديـهن
الكريمات .. الامــيرات .. ســبيات
يابو فاضل
______
البالظعن كل ساع اعدهن تعرف ابأختك وفيه
امن احسبتهن لـنه ظعـني يالاخو ناقص سبيه
النــوگ كلــهن شايـلات وخــاليـه نــاگــة رقيه
صحت يالحادي انتـظرها يســمع ومـارد عليه
معـانــات .. الامــيرات .. ســبيات
يابو فاضل
______
شامت امن ابعــيد صاح ايگــلي وينـه ابو فاضل
ها يزينب شـو خواته عـلى الــنوگ ابـــلا محامل
آشـــر النــسوانه گــال اســتقبــلنــهن بالــهــلاهل
الضحكه ترست وجها كوداً شافنه من غير كافل
وگلب مات .. الامــيرات .. ســبيات
يابو فاضل
______
يالاخــو المــاشـايفتــهن اعــتقد حتــى المرايه
هسـه صارن خــويه فرجه وطبــبوهن بالولايه
الشمر ترس اذني حچاها وموتـتني هالحچايه
گال ذنــي امـخدرات وهــسه جبـناهن سبـايه
حـكايـات .. الامــيرات .. ســبيات
يابو فاضل
______
على ياشده اسولف خويه وبگلبي الـف شده
الشامت اعليه يخويه السانه كل ساعه يمده
على اسـكينه النـوب أشر رادها خدامه عنده
صحت وينـك ياكفيلي يابو فاضــل گوم رده
بالآهــات .. الامــيرات .. ســبيات
يابو فاضل
______
النايــبات اخـلاف عينــاك بالفـــواط ظــيــم ســــون
ونــوگــهن ونـــت عليـــهن مــن كـــثر مــاهـــنه وَنن
ماحچــن كــلشي خــواتك غير بــس ياخـويه يـبچن
امتونهن عالگاع طاحت من ظرب سوط ابن جوشن
وجراحات .. الامــيرات .. ســبيات
يابو فاضل
______
تمت والحمد لله
حيدر تركي الكربلائي
كاتب بدم منحري إنتمـائي الحيدري
بنتظارك للمنيه والله يبن العسكـري
آنــه أول مـــا أقــــدملك عزائي
سيدي يبن الحسن وأعـــلن ولائي
خادم اهل البيت إلكـــــــم انتمائي
بهالمجالس جيت اعبّر عن ولائي
بدمي كاتب هالعهد ابـــقه خادم للأبد
وافخر بهاي الهويه والله يبن العسكري
هالمآتم كل وكت تلگوني بيهـــا
سيدي هالنعمه أشكركم عليهـــا
دوم اذكر فاطمه وأبچي لبچيها
ودوم اگولن ربي إلعن ظالميها
بخدمة امكم فاطمه ماتمسني الحاطمه
آني لايذ بالزچيـــه والله يبن العسكري
بالكتب عنكم ينقلون الروايـــه
فاطمه حُجه على كل البرايــه
اعليه إشهد ماعفتكم للنهـــــايه
فاطمي وأتشرف بهاي الولايه
آنه شيعي وفاطمي وللــــولايه أنتمي
عالولايه الحيدريه والله يبن العسكري
بيش اجازي افضالكم وبياهي ابدي
انتم بكل حال مـــــا عفتوني وحدي
مُنكر ايحاسبني لو طبــــــيت لحدي
غير چلمه يا حُسين اشيلگه عنــدي
الكم اعرض خدمتي بس رضاكم غايتي
تكفي نظرتكم اليــــه والله يبن العسكري
مُستحبه الخـــدمه بس اعليه واجب
مايــــــهمني الرايد ايلــــوم ويعاتب
من عرفت بـخدمتي اتذل النواصب
واصلت مشــواري واتحده المتاعب
هذا صوتي يــــعتلي لا ولــــي الاعلي
تابعت حامي الحميه والله يبن العسكري
من جرح بُعدك اجينه نشتكيلك
يتمت شيعتك مولاي بــرحيلك
لا تخلينه بمدامعنه دخيلك
وتدري عندك شيعه تبچي وتندعيلك
نريد صوت المهدوي والــــلواء العلوي
صاحب الطلعه البهيه والله يبن العسكري
يمته من عندك تلوح النه اشاره
ويمته من جبريل نسمع هالبُشاره
المرقد الزهره انبنه گبه ومناره
وانت ويانه نروحلها بزياره
الحاربو بيت الوحي كل ذكرهم ينمحي
بهالليالي الفاطميه والله يبن العسكـري
خادم الحسين (عليه السلام)
كرار حسين الكربلائي
بدوي
"'''''''''''''''''''
مــن لا يحب الحرب هـــجولها عباس
وخــله العساچـر راسِ مرگوعِ بالراس
وتنضر ضجيج الگوم مامنهُ اي صوت
فوقَ خشـوم الگـوم عباسِ قـــد داس
عنوانهُ عـــباس
شــــــيخ الرجـاجيل
حش روسها
الگوم حـش المناجيل
ســــد حلگها
الحومه بدم ومجاتيل
ســروج الرچايب ردت فارغه
ولمــعة الســــيفِ تبين بازغه
عاملها فيــهم مـــــثل القارعه
الــــندُ بالـــــند و ايـدو دامغه
عباسِ عباس شيخ الرجاجيل
"'''''''''''''''''''''
قد لاحهــا الحــــر في سيفهُ من صال
ومال الفرس حـــــيلهُ من حملهُ اثقال
في الحرب خاطف على ضهر الكحيل
و زينب تـــحييلو ابــــو الــفضل ريال
ذل روســها
الگــــوم نص الميادين
للضيجِ والمعصيه
مـــــــذدخرُه الحسَين
الحومه جاسمها
فـــــي الحرب نصين
كل الــگبايل ردهــا ابمعضده
وشومخ هاشم هــوه العـوّده
مايجـــرو اي ريـــال وايقابله
في حضن امهُ خـوفو يگعده
عباسِ عباس شيخ الرجاجيل
"''''''''''''''''''''
صــــياد روس اكـبار تشبيهو شاهين
والجيش كـــلو كباله صارو مساچين
عـــبسو و لاچن هـوه متبسم يصيح
وينو الذي يبغى يدني اضـفر حسَين
كـ العرمِ من طگ
فيهم هجــــــــم سيل
عله كتفهِ
اليمنى طــيراً ابابـــيل
واليسره يرمي
فيها بحجارِ سجيل
الگمر ســــيل ولاطم خدٌهم
ونحر الذبايح كثرت عندهم
ساعة اللين امـــوگفها الگمر
وشد الرجال و ردهم حدهم
عباسِ عباس شيخ الرجاجيل
"''''''''''''''''''''
ابن الفــــحولِ هواي والمعرگه شواي
الارض چـــــــافيها قــدح داخلو ماي
وسطور كل الـــــــجند من حرتهُ ذاب
والجيش من الخوف متزعزع اهواي
مغضب عله
الــجند وعيونو بركان
والارض تارسها جثث
والــــروسِ نيــــــشان
گناصها العباس
فــــي گنــصو فرسان
الجيش كــلــو صفوفهم خربصا
ولو ماحــسين يصيح چا خلصه
دروب الـــهرب بيدو گفلها الگمر
في الحرب ذاك اليوم فيهم گصا
عباسِ عباس شيخ الرجاجيل
"'''''''''''''''''''
خادم العباس (ع)
عزيز المياحي
بلياك ضاع العمر تانيتك انه اشكثر بويه يمسلم
محد مسحها الدمعه البعيني مو عادتك تمشي وتخليني
****
ردلي روحي يالخذتها الديره بعيده
انه طفله وصعبه بويه اصبح وحيده
اشلون كلي انطاك كلبك تترك حميده
كمت انادي بعالي صوتي مسلم اريده
يالفاركت دنيتي ياهو اليرد وحشتي بويه يمسلم
افراك الحبايب تدري ماذيني مو عادتك تمشي وتخليني
*****
فاركتني وبيك افكر ليلي ونهاري
بويه كامت بيه تحرك شمس الضهاري
فوك حزني وضيم كلبي مشتعله ناري
راسي شيب كلي يمته اتمر اعله داري
عايفني وانته الامل وغصني بغيابك ذبل بويه يمسلم
ارحمني بويه ولا تجافيني مو عادتك تمشي وتخليني
******
وين جنه بس وكتنه الما انصفانه
والتفارك حضن ابوها اتروح المكانه
ابنيتي تذكر من يكلها حلوه بلسانه
والابو اشكد بويه غالي وماكو بحنانه
بيمن اصبر الكلب ودموعي عالخد تصب بويه يمسلم
شوغات اخلص الليل تدريني مو عادتك تمشي وتخليني
****
دللتني وطول عمرك تعطف عليه
وبويه مسلم كل وكتنه جنه سويه
احلامي ضاعت من عفتني وشفت المنيه
بويه وينك شوف هجرك شمسوي بيه
عكبك حياتي انتهت والدنيه ظلمه اصبحت بويه يمسلم
ارجع دخيلك لا تبجيني مو عادتك تمشي وتخليني
*****
لا رساله ولا قميصك ويوسف غيابك
بس ونيني واثر جفك ضل اعله بابك
روحي صارت بويه هاجر وتبعت سرابك
وين اشوفك يالعذابي زيد عذابك
بالكوفه من تنذبح بطولي يصير الجرح بويه يمسلم
اتيتم ومحد يباريني مو عادتك تمشي وتخليني
*****
انته عمري وكل حياتي ومحلي دنياي
جنت انسه بويه همي من تكعد وياي
بالنيابه الماي اشربه عنك يرجواي
لان باجر راح بويه ما تشرب الماي
باجر تكلك هله بس طوعه المدلله بويه يمسلم
وياك رايح تاخذ اسنيني مو عادتك تمشي وتخليني
*******
تمت
تحسين الخفاجي
بعدهم مامشو وانه الهم اشتاكيت
بعده الضعن واكف خنگه صار البيت
انه عليلتهم انه عليلتهم
اكبالي همه وشكلي متغير صار
زغرت بعيني الدنيه ودموعي كبار
انه طبت كلتلهم وهسه بخير
كدامهم العب جنت وسط الدار
مشيت جدم صياد من امشي بخوف
عل لا يعثرني المرض كلبي بنار
بيه شكد وجع بس ماردت احجيه
حته وياهم امشي تحملت اخفيه
عليلتهم انه عليلتهم
ابيناتنه صار الحجي دمع عيون
خطار جنهم ساعه كلهم يرحون
ساعتها جنت اتمنه مانملك باب
وكدام عيني اهلي كلهم يبقون
كلولي ليش دواج عايفته اليوم
كلت المرض سهله الصعب من تمشون
تعبانه وحزن بيه يشيب الراس
بعد شويه ابوي يروح والعباس
انه عليلتهم انه عليلتهم
ضليت اخرهم وسولف بهداي
بلكت ابوي يكلي تمشين وياي
ياناكه اصعد بيها من هاي النوگ
حته احط اغراضي فوكاها وماي
حاجيتهم بس صوتي كلش مخنوگ
ماياخذوني وياهم انه ادري بهاي
الضعن لو راح مايبقه نحر بي صوت
ومن ازغر طفل لاخر چبير ايموت
انه عليلتهم انه عليلتهم
طلعو الباب وطلع مني الدخان
ماادري شنهي المحترك بيه الجان
محترك كلبي وروحي بس ماحسيت
ضل بالي صافن عل ضعن كلها احنان
الفزز صفنتي وكلي محتركه شبيج
لمن اجو فزعلولي كل الجيران
مايدرون بيه مفارگتلي احباب
يجرحوني اذا ذكرولي طاري الباب
انه عليلتهم انه عليلتهم
التارسين البيت وين اهل البيت
كالولي راحو وين وانه احتاريت
مايفهم المحروك بس المحروك
بضهر الضعن مو ماي انه تبديت
جانو بصفي اشتاك جا هسه شلون
لو ساحكتني الخيل هيج اتمنيت
جنت شجره ويأمن فوك راسي الطير
يبس ذاك الخضار وهسه موش بخير
انه عليلتهم انه عليلتهم
الشاعر
ابو فتيان الذهبي
العمته مسبيه يبجي يوميه وليله مينام
بكربله الباقر شاهد الحافر وحرك الخيام
المهدي بلا حيل ودمعاته تسيل وليله مينام
*****
الباقر كام للمهدي يشكي اليوم لوعاته
ويشوفه اشلون ذاك الصوط لاح امتون عماته
اشلون جروح كلبه اطيب المحتركات خيماته
عشر مرات شاغ حسين وشيحملها شوغاته
يشكي للمهدي ايكله يا جدي ضهري مكسور
بكل سنه اتعذب وما نست زينب ضيم عاشور
شيكضي الليل ودمعاته اتسيل وليله مينام
*******
مصايب كربله كلها شاف الباقر بعينه
ومثل عمته رقيه اهناك محروكات جفينه
اشكد بالطف ركض عالشوك وجانن اربعه اسنينه
امن الدخان كام ايصيح يا عمه الهوه وينه
دمه يتجاره وعمته محتاره بجمع الزغار
عالجمر ركضت وبالرمل ضلت اطفي بالنار
ورعبتها الخيل ودمعاته اتسيل وليله مينام
******
الباقر من يمر عاشور صحت يالمهدي شيصبره
شاف اشلون جده حسين حز بيده الشمر نحره
شاف حسين جوه الخيل وراح امن السحك صدره
شاف اشلون المثلث طلع يالمهدي من ضهره
عالرمل نايم وسلبو الخاتم وجسمه عريان
ايعاين الجده ودمعته بخده وكلبه عطشان
راوه الويل ودمعاته اتسيل وليله مينام
********
بدمعه ايخاطب المهدي الفاكد عمه شيسوي
عفنه اعله النهر تدري كمر مثل البدر يضوي
تدري بفركة العباس مثل ذيج الخيم تجوي
جانت شوفة العباس رغم ذاك العطش تروي
كطعو اجفوفه وزينب اتشوفه صاحب الجود
طاحت الرايه وعيلته بهايه تنطر ايعود
اشكد صحنه ادخيل ودمعاته اتسيل وليله مينام
********
يوصي الباقر المهدي وعجل صاح بالطلعه
كله الثار لا تنساه وسالت عالخد الدمعه
كل جمعه نكول اتعود ومرت شوف جم جمعه
سهم الصاب صدر حسين اشوكت بجفوفك اتشلعه
كوم اخذ ثارك ضاعت اخبارك وطال الغياب
اهلك انذبحو سم ذبح خلصو كل الاحباب
يا نجم اسهيل ودمعاته اتسيل وليله مينام
*******
تهد الحيل طبت السوك وعماتك صدك تعبن
وحده لاذت بوحده بخرابه وعالترب كعدن
يراموهن شفت بحجار وبالصوط اشكد انطكن
خدامات يردوهن وعماتك تره انهظمن
للقصر جينه وكلها تدرينه بجفنه الحبال
اتشمتت كلها وانه اصد الها والدمع سال
والصوط ايعيل ودمعاته اتسيل وليله مينام
******
تمت
تحسين الخفاجي
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
شوفينه ثوبه البالدمه املطّخ
وي صرختچ عالضامي خل نصرخ
الما ماشي جدمه المجلس احسينچ
فوگ الصراط ابيا جدم يشبخ
ها قد أتى هلال عاشوراء
سيُنشر القميص يازهـراء
ــــــــــــــــــــــــــــــــــــــ
سايم اعليچ الـماشرب گطره
المذبوح بگماطه ونزف عمره
يافاطمه وطهري بصيرتنه
خنشوف خيل اللي ترض صدره
ها قد أتى هلال عاشوراء
سيُنشر القميص يازهـراء
ــــــــــــــــــــــــــــــــــــــ
شوفينه جسم الضامي الامحفر
اخذيني للطف ماي يالكوثر
الخيل تردم خيل شو صارت
عبّاس يمكن بالحصن شوّر
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
عالحادي خل تركض بواچينه
انوگف الضعن وانگله تانينه
وانلبس الناگه علگ أخضر
ونطلب حوائجنه من اسكينه
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
ابتوفيقچ احنه احسين نوصلّه
ومـاننسه خيره ورحمته وفضله
ابخيمة رقيّه انسوّي مجلسنه
ونتبرّك ابكاروك عبدالله
ها قد أتى هلال عاشوراء
سيُنشر القميص يازهراء
ــــــــــــــــــــــــــــــــــــــ
لو مانظرتچ كلشي مانسوه
مُرّه الليالي وخدمتچ حلوه
زحمه ابحضورچ عيني ماتدمع
انبچيهه والله الخاطرچ گوه
ها قد أتى هلال عاشوراء
سيُنشر القميص يازهراء
محمد الجماسي
#اللهم_عجل_لوليك_الفرج
وتوسلنا اليكَ
فتصدق علينا
وقلوبنا لديكَ
ياحسين انظر الينا
نضرةً رحيمه
تخلي الگلوب التحبك للصحاري خيمه
ياعشگ هضيمه
ابلا وجودك ياحسين الدنيه كلها هيمه
مولا حسين
ياهدوء اعله العواصف فات
انته التعدله الگلب لومات
يا تعال الدلت الضايع
بصوتك الماشبهته اي اصوات
$$$$$$$$$$$$$$
يا اماناً عندَ خوفي
ياحبيبي ونجاتي
لا حياة بغير دمعه
بالبكاء تبدي حياتي
دمعة المصايب
اتبرد الحر الخذه اخدودك على الترايب
تايب انه تايب
من الذنوب العنك اتبعدني انه تايب
مولا حسين
اشما ردت ابچيلك انه احتار
صرت اشوفك وين ما اندار
اقسم اعليك بعلي الاكبر
بگلبي خلها ومو بخيمه النار
$$$$$$$$$$$$$$
اليحترگ بالحب يعرفك
ويبقه بس يمك قراره
وياگلب تنفع محبته
الما ضهرلك انكساره
منتهى السعاده
ان النوحُ عليكَ افضل العباده
غايته ومراده
عبدك ايضل اعله حزنه ومايذب سواده
مولا حسين
بحضنك الدافي الغفه بي جون
لمني يا سلوة بچي اليبچون
ارد احبك بس احبك حيل
كون ما تبقالي حته اعيون
$$$$$$$$$$$$$$
الماعرف الله ورحمته
هوه هذا المايفهمك
حاء سينٌ ياء نونٌ
ياحلات احروف اسمك
نطقت الجوارح
وصار طاري امحبتك ظاهر على الملامح
واظح انته واظح
كاض بالحبك ولا مره گلتله رايح
مولا حسين
المايجيك ابجدمه ناقص شوگ
وما عرفها اسوالف المعشوگ
المايشم عطرك بكل مصباح
حاله حال اليشتم ومخنوگ
$$$$$$$$$$$$$$
كل سهم طاح اعله گلبك
شافك احسين واجالك
بقمة اجروحك حبيبي
وماكو اجمل من جمالك
شعت المعارف
من نزل دمك ومن عطشت الك شفايف
اتخلص السوالف
وتبقه سالفتك چبيره ابگعدت الطوايف
مولا حسين
شكراً بكل حرگه بيه اتصير
بفضل چفك انه شابع خير
وتبقه عايش بيه حد الموت
ويبقه حزنك ماله اي تفسير
$$$$$$$$$$$$$$
سجاد الدراجي
حسين يامولاي
* * * * * * * * * *
مولاي " نايم فوگ الغبره ومنطيني الحيل
مولاي " متعني بالرحمه ومتعنيه الخيل
مولاي" انت الشاهد ليه بيوم المشهود
مولاي " انه العاشگ عينك ودموعه تسيل
شكراً گد خطوات الضعن
شكراً گد ماراحن واجن
شكراً ياعشگ الماله حد
شكراً يالي بلايه چفن
بدموعي أرتلك آيه وبالفله
آيه وماقورها آية كربله
يالمنطيني نعمة خدام وأهل
وراحولك سبايه منك عايله
* * * * * * * * * *
مولاي " عفواً گد الماي الباچي لطاريك
مولاي " حاشاك تضيعني وانه اندب ليك
مولاي " وحاشاك اتضيع كل خادم واساك
مولاي " وانه مواسيك ابتقصيري وابچيك
عفواً من روحي القاصره
لجسمك لمطشر عالثره
يحسيني ياروح النبض
يمصاب الكون وأكبره
دونك ما أعيش بلايه رحمتك
يعلى شاني بيك اوخيل الداستك
يا أول كريم ينام اعله الترب
عريان واتغطي بناسك نعمتك
* * * * * * * * * *
مولاي "عطفك يابو الرحمه ومعشوگ الروح
مولاي " أنطيني امن اجروحك آلام اجروح
مولاي " بچيني لخيامك ليتامك دوم
مولاي " وحزنك باين خله بيه او موضوح
ياملجئ كل حب ماله حب
والحبك يندل الدرب
يانور الكل معمي البصر
ياثايه لكل حزن ابگلب
أدبني لحزنك وارزقني جرح
ونطيني دموع ابگد نزف الرمح
يامولاي اموتن رايد للضعن
لغيرك ما اموت ودمعي مايصح
* * * * * * * * * *
مولاي " ابگد الرحمه البيك امقصر وياك
مولاي " ضايع بين اذنوبي وتوميلي الگاك
مولاي " يالكلك حنيه ادخيلك مني
مولاي " وانته الأدره بگلبي الحزنه لطرواك
متندم وانه اتوسلك
گد ما ردت الناصر ألك
أرزقني الغربه ياحسين
غربة ايتامك من هلك
وبلوعت غربتك كون ابدي الصبح
يمطيب المريض ومعروف ابجرح
آيات السرور بوجهك تنعرف
وانت بلا سرور ابغربه منذبح
* * * * * * * * * *
مؤمل باسم السماوي
ياحامل اللواء يا سيد الولاء يا ابالفضل
* * * * * * * * * *
يرتجز بالحومه ابوفاضل
والطرق ملزومه ابوفاضل
راكب اعله المهره ابعزم حيله
وضاحكات اعلومه ابوفاضل
فارس حديد " وخصمه عبيد
ومسيّره " بكيفه اشيريد
عَبَسَ العَبّاسُ فيْ وَجهِ الغَضَبْ
بَضعَةُ الراهِبِ قَتّالَ العَرَبْ
يَمتَطي العَلياءَ والرُعبَ احتَوىٰ
أَقبَلَ الراعِبُ والجَيّشَ ارتَعَبْ
آمر بالأمر " ايده والگبر
حماي الضعن " وبحربه عسر
* * * * * * * * * *
ألحرب والغايه ابوفاضل
طبهه بيده الرايه ابوفاضل
بعده ماسل سيفه الخصم ميت
نزل نزلت آيه ابوفاضل
وبكل نزال " الملگله محال
من خزرتّه " تسطح جبال
إبتَغاهُ اللهُ نِعمَ الإبتِغا
يَحمِلُ السَيّفَ إذا حانَ الوَغى
تَغرَقُ الحَربَ بِأَصْنَافَ الرُؤوسْ
يَنظُرُ الهَيّجاءَ دَمّاً تُصبَغا
خيال وشهم " ومخوف الزلم
عباس الوغى " من حيله يهم
* * * * * * * * * *
بطل المعموره ابوفاضل
هوَ الطور وسوره ابوفاضل
ابگنطرتهه ابزغره ويذكرونه
امن الزلم مشموره ابوفاضل
سبع السباع " سيفه ضياع
ابسُفن النجاة " هوه الشراع
حَدَرَ الفُرسَانَ عُقبَاً تَنحَنيْ
هَتَفَ هَل مِنْ مُبَارِز يَّأتِنيْ
لا أَحَد يَّبْرِزُ مِن شُجعَانَهُم
وَغَدْىٰ الكُلُّ بِخَوْفٍ يَنفَنِيْ
قادر مقتدر " نضراته جمر
رحمان الخيم " غاضب بالأمر
* * * * * * * * * *
غضب ربه ونازل ابو فاضل
نازل اعله العايل ابوفاضل
شجرته معروفه ويعرفونه
يادخيل الكافل ابوفاضل
ادخيل القمر " غيضه ضهر
لخصمه قبور " بحافر حفر
حَائِّرَ الجَيّشَ وَمَن هذا وَلِيْ
أَمْ هوَ العَبَّاسُ أَمْ عَادَّ عَليْ
صَهَرَ الأَعدَاءَ مِن كُلِّ الجِهات
صَاحَ فيْهُم والصُراخَ يَعتَليْ
هذا انه الغضب " وبسيفه رعب
عدوان الخيم " والموت اقترب
* * * * * * * * * *
مؤمل باسم السماوي
لمولاتي ام البنين ع
نزال
يم عباس دخيلج
//////////
اصلج مأصل باسمج '' عالمه ومحد معلمج
هاي تربات البدو
محد الحيدر اختارج '' الله خله الصيت دارج
اوالدج قابل منو؟
مو مره لا الف زلمه '' لخاطر اعيون ابو اليمه
جبتي عباس وكفو
لخاطر عيون حسين جبتيله ازلام
حكها المله لو سمتج بنت احزام
لو ما حليبج طاهر و بنت افحول
جا ما بقه امن الوفه وشهدت الايام
///////////
للوفه عندج محامل '' غير ابنج ابو فاضل
نفل من صلب النفل
عالضعن بحماه كلفه '' لجن ماقصر اوفه
شال بمتونه الحمل
عالضعن شالته الغيره '' جفه بس بيرغ عشيره
ماي عالصحره يهل
يم الكلافه الحيد يمحيره الناس
شهالحيل عندج من طلكتي بعباس؟
توج طلكتي شلون وتنخيته
حكها الخلك لو سمته ب ( يا نوماس )
////////////
الشده والشده شيحلها؟ '' غير بس يمج أجلها
اسمج ايحل العكد
حته فطرس من اجالج '' الفاتحه باسمج قرالج
بدعوه من يمج صعد
شملة العالم رحمتج '' ادخيل يا مولاتي بختج
الله باخلاصج شهد
مثلج مره بهاذه الوفه ما تنعاد
عصابتج ذاك الوكت بيها امراد
يم الهلا و يم تكفه يالكلج زود
ميصير زلمه الما حضه امن ايدج زاد
/////////////
ألبدو ما يجن وضعه '' ايريد وين امجان سمعه
ايريد الامجان الخصب
انت بس واحد مجانج '' ما تغير ثبت شانج
و استقر يمه الكلب
وين ما راح ابو اسكينه '' ترافك بعيناج عينه
هيمه بس هوه الدرب
نفرض بكلبج بس تحبين اثنين
جاكلتي احب من الخلك بس حسين
اول مره تحب ابن زلمتها هواي
تعزه على اوليداتها صارت وين؟
/////////////
فهرس اجروحج جثيره '' الضامي ادره بماي بيره
حسرتج متروسه هم
حسين مارحتي ويه ضعنه '' وشوف ماشبعانه منه
وردتي بس رفة علم
شرطج العباس عنده '' لو يضل احسين وحده
ايخلي بعيونه سهم
هوه وعياله حسين بس سالم كون
لرمشة اعيونه كلتي ما تبقه اعيون
اربعه انطيته و كلتي هم ما وافيت
و لعيونه مو بس اربع اطلك كون
تمت بحمد الله
علي الحسن
الى من طال غيابهُ الحجه عج
من اذكر اسمك يحيىَ ضميري ويحيىَ ضمير العين
يا مصدر دمع اعيوني لمن اكلَك عايش وين ؟
١ .
الكاك بعيني و أخجل
جي ادري بكلبي امبهذل
يمي انتَ وعنك اسئل " بعيني انتَ وما الكاك
مامن جاره اتسد عيني
أذبل وانتَ التحيني ؟
بينك دمعه وما بيني " تفسحلي مجال وياك
لا خير بدمعي _ الما طفه خيامك
شنو غاية حزني _ وماحسْ باللآمك
من اقره النُدبهَ احس امعَطلك عن الطلعه سنين
٢ .
احسن شي بيه الدمعه
تصنعلي أمل للرجعه
مولاي شمحله الشمعه " تبجي ومن حركه تموت
احجي وياك بلا فصحه
تعَرف العاشك من جرحه
المات بعينك ما يصحه " و يصبح جفك تابوت
يا آخر مَنفذ _ من جِحر الدنيا
أستشعر بل آه _ التطلع عالنيه
يا رب البيت اتدور بيت و كل اهلك ميتين
٣ .
كون الوادم ليِك اتهمْ
واسمك بالارجاء يعمْ
بنص كوفه اشوفك مُسلمْ " طلعه بعازة مرسال
المرسال اليوصل شكه
المُذنب طرواك ايخنكه
يالتعرف جذبه و صدكه " لو كلك لِيه تعال
امناطرها عيونك _ وامناطر ملكه
لو غايب مُسلم _ جا طوعه شتلكه
وبس عينك هيه اتسافر بيه الشوفة عين حسين
٤ .
برهان يوضح صدكي
و يميز مَنبع عشكي
ادري امن اعتب مو حكي " بس حركة كلبي دليل
كل ما أبعد أرجعلك
كُل طُرقيِ تؤديِ الوصلك
لو غيرك يصبر يهلك " بكد ما عن دربك أميل
خاطأ يا كَلبي _ لو عاشك تنعد
وادم وي الله _ و ما عدها محمد
اكو وادم تعرف الله و لاكنْ ما توصل للدين
٥ .
خايف من تطلع باجر
وتستنكي الرادك ناصر
وغربيلك يبدي ايكاسر " ويبقى وياك الوفاي
وكل خوفي وقلقي وهمي
من تأشر على اسمي
و تكلهم مو من يمي " و ماريده يصير وياي
اعرف بذنوبي _ المتعبه بكلبك
بس رغم ذنوبي _ وعيونك احبك
( مُؤْتَزِراً لابس كَفَنيِ شَاهِرَ سَيْفيِ )بوكت البين
--
اللهم عجل لوليك الفرج
علي الحسن
#قصيدة_رئيسيه
عندما أته خبر استشهاد مسلم ع
رأت مولاتي حميده ع ابنت مسلم ع
الامام الحسين ع يبكي
فقالت :
لازم صفاحه ويون وي روحه يحجي
هاي اول مره اشوفن عمي يبجي
آنه ابجي - - وهوه يبجي
و ما عرفت السالفه؟
____ ١
من رسم وجهّا تغير .... وغورك اعيونه الدمع
هاي اول مره صارت .... عمي ونته تنسمع
بسمي صاح''و كلبي ناح '' وعينه تنضر بس عليه
ما حجه '' بس بجه '' وايده ضلت بس باديه
و آنه ما ادري شجره ؟ بس تبجي عيني
شهالمصيبه ؟ الخَلته عمي يجيني
امن اليكوله - - كلبي فرفح
شبيه هيج و خايفه
____ ٢
خله جفينه اعله راسي .... و صار فد موقف صعب
تبرد بكلبي رقيه ..... وعينها اعليه تصب
دمعي هل '' ابالي ضل '' بيه شك شتتلي بالي
بكلبي نار '' شنهي صار '' يمكن و فاركنه غالي
البالخيم كلها تكلي البكه براسج
و كلبي بَس ايكلي ليش حسين باسج ؟
آنه اصبر - - وكلبي يصبر
و على اعصابي واكفه
_ ٣
بعينه حيره و بيه حيره .... و حيرة الما عنده راي
لا حجه و ريحلي بالي ... ولاهو ساكت حيره هاي؟
لنه كال '' بالاحبال '' و الدّج ... بس غَص كلامه
بيه خوف '' بعينه اشوف '' و الدي ماهو بسلامه
من حجه وي عمتي زينب جتني شاره
اسمعت بس شمروه من قصر الاماره
ياهوه هاذه ؟ - - انكطع راسه ؟
لهسه ابد ما عارفه
٤
قرر ايكلي المصيبه ...... وحضرت للملكه عين
و قبل لا يحجي سألته ..... والدي يا عمي وين؟
جلمه كال '' ودمعه سال '' كلي ابوج آنه بمجانه
شفته طاح " وحيله راح " مدري ياهو الشتتانه ؟
لملم ادموعه الحنينه وكلي جلمات
و قبل لا يحجي عرفته مسلم المات
ريت ميته - - و لا سمعته
الفركه من اشفافه
_ ٥
اه من كلي المصيبه ..... بيه خضر جم جرح
هنا صدك حسيت بيها .... شلون طير و ينذبح
بلايه روح '' وين اروح '' و اليتم مر بحميده
والدي '' مسندي '' بغربتي حكي امن اريده
صح فكد مسلم حبيبي ثكله ثكلين
لجن صعبه يطيح يمنه عمي الحسين
عمي بيتي - - و أهلي كلهم
وياه روحي موالفه
__ ٦
ننجمع كلنا سويه .... الملتقى بنفس القصر
الوالدي من فوكه يوكع .... انطبله تالي باليسر
ننسبي " و العبي " اتدور اعيون الكفلها
بيها اموت " بلايه صوت " طفله مذبوحين اهلها
احنه راح نشوف ناس بلايه غيره
نخلص امن الخيل تتلكانه ديره
و رمح يمي " راس عمي
راس شيخ الطايفه
......
علي الحسن
تمت بحمد الله
من الابهر الى الابهر عشگ يتسمه ابو الاكبر
يجري اويه الدماء
طاري كربلاء
عشگ يتسمه ابو الاكبر
……………
ابنص الشريان اتحسس .. شـي من نفحات الحظره
حلـــلت الـــدم وگــــالو .. دمـــك بيــه ابـــن الزهره
عالفطره الله امـسويني .. ومـــا اعرف غــير الفطره
خـبره بالحــب ماعندي .. وبس بحسين املك خبره
العن هالحب يحاچيني اختصاراً خل يخـليني
ديـني حــب ابو اليــمه ومــا اتخــله عن ديني
هيامي ابكل سنه يجري .. من البــحرِ الى النــحرِ
دين الاوفياء
طاري كربلاء
عشگ يتسمه ابو الاكبر
---------
دورت العـــالم كلـــه .. حد ماوگعت رجليه
عالحــــنيه وتــاليـهــا .. ابابه الگيت الحنيه
گالولي اشبيك امسودن .. گلتــلهم غزر بيه
رد فضــله مــو سالوفه .. يرادلــها امكــانيه
اويه روحي دوم اتحاچه اشيجازي المثلي ملاچه
لــون شــباچ مــنه اطلب وعــلي ينطـيني شباچه
الشهيد المنگطع نحره .. يوزع لـــسه عالفقره
من فيض العطاء
طــــاري كــربلاء
عشگ يتسمه ابو الاكبر
___
حسين النور البعيوني .. شما ليل الوادم عسعس
كل ماتخنگني الدنيــه .. مـن گبر احـسن اتنفــس
الدمعات المومن اجله .. اصـــلا لامــــاتتـــقــدس
سبحان الله بس هوه .. اشما ابچي اعليه اتونس
مــصابه بيـــه مايــــبرد جـــمر بظـــلوعي يـتوگد
واذا منهن طفت جمـره ابمكان الجمره اوج هالگد
ومن ابچي اعله طاريه .. احس براحه نفسيه
والهذا العزاء
طاري كربلاء
عشگ يتسمه ابو الاكبر
___
قاموس الحب اتضحي .. للروحــــك دوم اتــريده
چا ليش انـــه الحبـــيته .. مضحـيلي ابدم اوريده
اسئلت الناس الاعرفهـم .. گالــولي الشـغله ابعيده
الرايد محبس قـدمله .. اويه المحبس خنصر ايده
ماشايف مثل عطــفه فاتح للخــــلگ چـفه
وزع كلشي الي ايملكه گبل اخيامه ماتطفه
مضيفه ابكربله عامر .. ذيح وضيف الحافر
يتبده سخاء
طاري كربلاء
عشگ يتسمه ابو الاكبر
-------------
اشتاگه وهوه ابروحي .. ويســـولف عــنه احساسي
گالـــو بســك گلتلــهم .. شلون اتخله امـــن انفاسي
باب القبله اشـتاگ الها .. اكـــثر مـــن امـــي وناسي
ماتترس راسي الجنه .. وبس صحنه اليترس راسي
الجنه ما اطـب ليها اذا لحســـين مابـــيها
طبيعه بيه من زغري حظرته الجنه اسميها
اليصير احسينه معشوگه .. طبيعي لوصعد سوگه
مثل الانبياء
طاري كربلاء
عشگ يتسمه ابو الاكبر
-----------
وي روحي احچي وياروحي .. الدنيا ابلا حب اشتسوه
حنــضـل چـــانـــت ايـــامي .. وهسه اوياه اشعر حلوه
الحــب گـــالو نــزوه وتعــبر .. وماخلصت عندي النزوه
قـــلدت ابـــهـــاي الشــــغله .. العــباس وهـــوه القدوه
حسين بروحي يتجذر حسينيه وبچي ومنبر
كـــل ما اكبر اشـــويه حـــبه بداخلي يكـــبر
محبتي كربلائيه .. ولائيه برائيه
موسر وخفاء
طاري كربلاء
عشگ يتسمه ابو الاكبر
…………… ..
حيدر تركي الكربلائي
ياتـرى هالـقـافـله .. شگد مأسي شايله
وكل فرد بيها يصيح
كربله ياكربله
_________
ابقافلة بيـت الرسالــه الوادم الغربه تجر
الچان عباس ايحديها گام يحديها الشمر
مچتــفات ايـــات الله وماخذيــهن لليسر
حسين من الغيره كلسا رمح راسه ينكسر
ومن يطيح اعله التراب .. زينب اتصيح الحجاب
التحچي لتبدي الدموع
الصار خل تتحمله
_________
راحن وراحــت وياهــن بالعــيون الذكريات
الحنه حلم اچفوف رمله البالحبال امگيدات
هــزت الكاروك نعمـه ونــقمه علّي فــاگدات
آي يدمعات الرباب العلى خدها مخضرات
يادللول الرباب .. چوت اخدود التراب
اتلولي عالناگه وتگول
آ ينبلة حرمله
_________
النوگ والحر والصحاري والتعب فوگ الحزن
تبتــلي العـــلويه بلــوه هـــيه لو رادت تـــون
التغفه عالناگه وتطيح ايعوفها عادي الهجن
وزينب الله يعين زينب ابد ماطبگت جفن
وينها اوين المنام .. من عگب عين الامام
تلتفت يسره ويمين
حايره بالعايله
_________
قافلة اهل الســكينه الــغرب تحــديها عجب
وزحمه راعي الحسب من ايأسره الماله نسب
النوگ الــبلايه محامل بالمــشي اتمــوت تعب
ابكربله ماضل محــامل كلشي بالطــف انهب
الماطلع الهن خيال .. راحن ابنص الرجال
هايه توجع كل غيور
سوطه عالنسوه اعتله
_________
فنها اذا عـــلويه صـــاحت خويه اذانه الصبح
اجروح احـــنه والشماته اعيــونهم مثل الملح
التحچي وي كافلها كلمه تنطگ ابچعب الرمح
من عمت عين الزمان شگد وكح وشگد صلف
ماتمر دوم اعله بال .. العفه تنگاد بحبال
والجره الاهل الحسين
ابد ما مانتخيله
_________
_________
حيدر تركي الكربلائي
نزلت غيمه تحاجي الكافل حاجاها بكلبه العطشان
كاللها امشي لصوب خيمنه عطشانه ايات القران
نزلة دمعتها .. وبانة عبرتها
وفاضت بس مافاضت ماي
كبال العباس الوفاي ..
نزلت دمعتها
<<<
مشت صوب الخيم ينكل جدمها الريح
وتباريها حسرتها
دمـــع متــروســـه جانـــت حــيل بـس
شيذبها دمعـتها
هيــه الغــيمــه بيــضــه الــنــار
اســود لون كلبــتهــا
حــجــت بعيــونــها وحــســـرات
يــم الخــيم ذبتها
انثنة وعيونها تناظر والحــسره سرت بيها
كالت روحي هسه شلون يم الخيمه ابديها
<<<
حاجتها الخيمه .. علطف وظيمه
كالت ترخص كل سماي
كبال العـــباس الوفــاي ..
نزلت دمعتها
اجت للكــافل اســـود لـــون مـــن دخــان خــيماته
تگله اعذرني يلعــطشان دمعــي تلاشــه مــن ذاتــه
انجوت من عطش كلبه الحار وسمعت صوت وناته
انحــنى وتراعد العبـاس وبانــت مـــنــه حسراته
مشا خطــواته تعبــانه وكل نگلــت جــدم دمــعه
وكلبه من الحزن تعبان وحيله الخلص جن شمعه
<<<
ياتعب الكافل ..وعيونه الفاصل
وصاحة كل غيمه انته وياي
گبال الــعباس الوفــاي ..
نزلت دمعتها
بان بلونــها وطاحـت يم كل خيمه لون ابيـض
وحجت وتناثرة دمعه وكلبها من الحزن ينرض
يم عيــن الكــفل زيــنــب بلدمعــات دم اعرض
نفسها الفاح ليل اسود الهوا من صوتها ينكـض
ياثكل الهوا والغيم ضل يمشي بجـدم مهـتم
ويم كل صوت من حسين گلب الغيمه يتثلم
<<<
صاحتله ارويني ..وخذ دمعة عيني
يارخص الدمعه وفحواي
كبال العباس الوفاي ..
نزلت دمعتها
ردت للخــيم والـشــوگ مــن عــبـاس وياها
وحسين ابحجي الوين ااخيي الكفل حاجاها
حملها بتعب عــمــرين وحــملن عتب عيناها
وگاللها احملي الصوت خويه ارجعلي معناها
جرح حسين ينزف شوگ وظهره محدب ومايل
والغيمه حجيها عيون ومطرها من الحزن حايل
<<<
للكافل راحت .. وصلتله وناحت
وكلت حجي حسين الجاي
گبال العباس الوفاي ..
نزلت دمعتها
رجعت والحزن مرسوم بعين الكافل وكالت
اعذرني الـخيم مـن النار ماضلة حزن مالت
سوده وتمشي بين الغيم خلصت روحها وراحت
كالتله اخوك حسين بس ماكملت طاحت
هنا ماتت الغيمه وطاح جف الكــافل وعــينه
وصاح ادركني خويه حسين بس العلم بيمـنه
هنا طاح الكافل ..بس طايح ماثل
وجف الغيمه ينگط ماي
كبال العباس الوفاي ..
نزلت دمعتها
ماجد بادي الحميدي
يا زينب سلامات سلامات مولاتي
••••••••••••••••••••
••••••••••
ها يبرغ هاشم طلع ظعنچ غانم
ان شاءالله يرد سالم للوطن من يرجع
يا امل كل الحرم خيمة وبنص الخيم
نظرة الشامت سهم من يشوف المدمع
يا زينب معانات معانات امن الآتي
••••••••••••••••••••
•••••••••••
زينب ابلايه اخو تالي واگبال العدو
بليل ما شفتي الهدو من مشوا خوانچ
اهنانه سيف اويه الرمح اهناك وحسين انذبح
اهناك جدمچ منجرح اهنانه كل احزانچ
بخيامچ حريجه حريجه اهاتي
••••••••••••••••••••
••••••••••
ها يزينب حيره وينها اهل الغيره
وكل شموس الديره شو ولا واحد
وين ابو السجاد وين وين عباس الحسين
وين احبابچ يوين والهجر ظل شاهد
بعيونچ مصيبه مصيبه ودمعاتي
••••••••••••••••••••••
••••••••••••
يالتناشد عالاهل ما تدري بالحصل
راح من عندي الكفل كل اهلنه راحت
من عگبهم حيرتي حسرتي وي ونتي
الشمر يحدي ناگتي روحي تبچي وناحت
عالهزل سبونه سبونه الشماتي
••••••••••••••••••••••
••••••••••••
#تمت_بعناية_الحجة ( عجل الله فرجه)
#يازينب
#علي_الركابي
/channel/outogf
يا عباس رد الخيل هاي الخيل هداده
_
رد الخيل ياعباس لف عظم بعظم وابرز
يسدره ويمك الزقوم لازم يطلع منشز
حط بروسهم جاثوم خل خيّرهم يعّجز
بزر الكابلك عباس من بطن امه راح يفز
يبّس بزريتـه بظـهـره
من عيونك هاي الحمره
يا عباس رد الخيل هاي الخيل هداده
____
سورة توبه يلخيال دون البسمله طبيت
يم رجلك تتوب الناس ناس اتوب من البيت
بيت كبورهم سرداب حدر الكاع صاير فيت
جان الصيت ياخذ دوّر بس يمك يضيع الصيت
جدامه تسابگ بجدامه
مـٓن الخـد نازل شامه
يا عباس رد الخيل هاي الخيل هداده
____
المهر الحدره كد ماغار ويه الكاع بطنه اطخ
خفقان الگلب بالخوف راح يأثر عل المخ
عميد الطف ابو القاسم شامخ ع الرتب شامخ
كلف نشمي وغيور وحيد زلمه وعل الجثث شابخ
بروده ونسمت ظهريه
مامرت عل علويه
يا عباس رد الخيل هاي الخيل هداده
__
شد الحيل هز السيف وشجم رگبه شبعت طگ
الجيش اجسادهه عل الخيل لاجن راسهه معلگ
راسم دائره عل الگوم الطف بس بهذوله انشگ
كل هذا الحجي العباس عنده طلابه رايد حگ
ماطول بالطف ساعه
كفهم كلهم بذراعه
يا عباس رد الخيل هاي الخيل هداده
__
#تمت
#عباس_القلعاوي
من المدينة طلع ضعن المهابة
وحشة وحزينة صفت تبجي لغيابه
من عنها سافر ابو الروح الحنينه
بالدمعه والنوح بقت ارض المدينة
يمسافر تنادي ريّض بالضعينه
هجرك صعب تنحمل لوعة عذابه
وحشه وحزينة صفت والهم خذاها
تمشي الضعينه وعيون تصد وراها
هالسفرة محد عرف سر محتواها
متوجه ليا كتر ضعن المهابة
لو ناوي الحسين على حرب ومعاناة
ألمن أخذ بالضعن هالفاطميات
شاء الله ناده تشوفوهن سبيات
واحنه ضحايا على الطف وترابه
كَالاها الحسين ولا رجعة بكلامه
ابيت النبوة ربينه و الامامة
خل ينسفك دمي والدين بسلامة
اهل الشرف والله ذاكرنه بكتابه
خليها البيوت تظل وحشه وغريبة
ولا دين الاسلام اشوفنه ابمصيبة
خل المدينة تظل وحشه وكئيبة
و لا تحكم المجتمع هاي العصابة
لو بايعتهم واظل عايش بالاوطان
معناها بعت الضمير بأبخس أثمان
لا ما أساوم وأبايع هاي الاوثان
لو سادت أذياب تصير الدنيه غابة
خلها العليلة تقاسي للنوايب
ولا جدها بالمحشر اعلينه يعاتب
راح اصبر وانتظر شنهي الله كاتب
كل باب ينسد لجن مفتوح بابه
=======================
حسن بشير السوداني
طَلعَ الحُزنُ عَلَيْنا
مِنْ ثَنيّاتِ الضَيّاع
وَجَبَ الصَّبرُ عَلَيْنا
مَادَعا لِلّٰهِ دَاع
عالتل گمت اصيح الغوث_يحسين العدوا جانه
والله وياك لو ميت_ لاچن ألله ويانه
لا كافل ولا والي _ آه يحسين وخوانه
يابعد اخيتك مالي رجعه
ومصايح العدوان اسمعه
گالوا هزيله انجيب لمعون
ياخويه اروح ابنوگ ضلعه
* * * * * * * * * * *
أَيّهَا المَذبُوحُ فِينَا
جِئْتَ بِالأَمْرِ المُطَاع
جِئْتَ خَيْراً لِلمَدِينَة
فَعَلّى الخَيْرِ الوَدَاع
چاغير اليجي بالخير _ بالخير ايتلگونه
اول مره اسمع هاي _ بالحافر يسحگونه
يبن امي الچبير العود _ عود اختك ذبل لونه
ياخويه بس باوع عليه
رايح تره كلشي امن اديه
يبن امي عگبك كون اموتن
ولا أسمع بكلمة سبيه
* * * * * * * * * * *
طَلَعَ النّورَ المُبِينِ
نورَ خَيّرِ المُرْسَلِينْ
حُسّنَ خَيّرٍ وَخُيُولٍ
أَطفَأَت عُمرَ الحُسَّينْ
ياخويه انطفيت انته_ بس شيطفي خيماتك
يحسين الركض والنار _ شافنه عزيزاتك
ومابين الخيم والخيل _ واضح صوت كسراتك
يبن امي هين كل ركضنه
وحرگ الخيم كلهه وصبرنه
بس دوست الحافر ألمهه
ياخويه يعبر كل كسرنه
* * * * * * * * * * *
سَاقَهُ الَلَّهُ تَعَالَىٰ
لِكَرَامَاتِ الفِدَاءْ
فَعَلَىٰ البِرِّ السَلَامُ
وَعَلَى النَحْرِ الدِمَاءْ
شيعوض حنانك ذاك _ يلي محلي دنيايه
مهمومه بكثل مابيك_ رحمه اعله الخلگ هايه
يابيرغ هلي وناسي _ زينبكم بلا رايه
دمعي ايتجاره وآنه اريدك
شو دمعتي التمسحهه أيدك
ياخويه مسحتهه الترابه
ودمعي لجرح حزت وريدك
* * * * * * * * * * *
مؤمل باسم السماوي
ياخوله يابنت الغريب
* * * * * * * * * * *
يمولاتي _ اعله دمعاتي
ارزقيني الهضم ياخولة حسين
جرح بيه _ يعلويه
واريد ابخدي تطبع دمعة العين
خوليني ياخوله لنوح الفجع
ابگد ما عندچ حسره لذاك الضلع
مولاتي ارزقيني اسوالف گلب
بيني وبين احسينچ حگ الدمع
ياخولة احسين الگلب
يجهل معانات الحرگ
ارزقيني من ايدچ وصل
خل ادخل بدرب العشگ
ماعايش لوعات النحيب
ياخوله يابنت الغريب
* * * * * * * * * * *
بحزن گلبي _ ضعت دربي
يمولاتي اليضيع ابذنبه يبرد
اريد ارجع _ گلب يدمع
مثل أيامي ذيچ وحيلي ينهد
چان ايجيس الحافر گلبي وأموت
هسه امن اسمع حافر شو ماكو صوت
وبغربة دمعاتچ ارجع وانوح
وماتعبرني ابمجلس كلمه و تفوت
ادخيلچ يبت خير الورى
من عندي ودروب الوهم
چا وين الوذن واحتمي
لونفسي طاعتهه عدم
دوم الطاعة همكم اغيب
ياخوله يابنت الغريب
* * * * * * * * * * *
أحلفنچ _ بجمر حزنچ
ترجعيلي الطموح الچنت اهمه
اموت الكم _ بحسن ضنكم
وهو المتطشر ابذنبه اشيلمه
لو ادري شلون امشي وموش ابرضاي
أَركض بين النار ابجمرة هواي
مولاتي وگليلي شلون الرضاء
عالگال مواسيكم وبريجه ماي
ارد ارتوي بحزن الجمر
ياسيدة جمر الخيم
مولاتي اريدن طيحتي
شما تنذكر طيحت علم
وتحرگني جمرات اللهيب
ياخوله يابنت الغريب
* * * * * * * * * * *
لَكم كلشي _ لَكم امشي
بطريق المايضيع ابكل رضاكم
أحب يمته _ الگلب فته
يخوله اذنوبي كثرن ضد هواكم
أَندم والبث بين ادموعي التهل
رجعيني لجروحي ودمعي الأصل
ياخوله وعلميني شلون العشگ
رايد خادم أصبح گول وفعل
ياخوله ضعت اوضيعت
من ايدي جمرة دمعتي
وعمري البنيته اعله الجرح
ضاع وگصدت بحاجتي
ودموع العيني منين اجيب
ياخولة يا بنت الغريب
* * * * * * * * * * *
مؤمل باسم السماوي
استشهاد مولاتي العقيله صلوات الله عليها
شيعوني وماكو اليشيل الجنازه
جنت اعرف عازة الخوان عازه
النعش يستاحش اذا مابي مناحه
طلعه من دون الاهل طلعة موازه
_1
مامش اصياح اعله نعشي' وموتت الحرمه ثكيله
و بس عليل الباقي باهلي' و نعشي مايكدر يشيله
امنين اجيب اجفوف إخوتي' وتفزع النعش العقيله
اتشيعت بالشام بس تشيع سكته
متت بالطف موش اول مره ميته
اجنازتي منتضره لجفوف الكفلها
ما اجاني وهاي وادم شرد اكلها
من يكولون النعش ماعنده راعي
ما درو هالحرمه مجتولين اهلها ؟
_ 2
الحرمه من ايحين اجلها ' ينفجع اكبر ولدها
و اكبر اخوتها ايتنًكب ' و الاهل تتلاكه عدها
لا حسن لا عون اجوني' وزينب اندفنت وحَدها
ميته شافونه لجن ايدي اعله خدي
وين اهلي اوين اخوتي اوين ولدي ؟
اندفن بتراب غربه شهالمصيبه
ليش حتى بموتتي ابقى غريبه
فاتحة نسوان ما صارت عليه
و آنه بس تابوتي ما بَطل نحيبه
_ 3
هوه تابوت المغَرب ' يندفن وي كَبره ضيمه
روحي أثكل منها ماكو ' بكثر ما شافت هضيمه
نعشي من حسراته يثكل ' حسرة الماعدها خيمه
ليش نعشي بي ثِكل تشيعهَ صعبه ؟
بكثر ما ركضت اجدامي ابين غربه
حتى التغلسلني هم تبجي عليه
شافت اثار الحجر بثنين اديه
مناوب اسياط العده نيشان باقي
ولكت لوعه بكلبي من ضاعت رقيه
_ 4
شيعوني بضيم كلبي ' استوطنت وي موتي حيره
شكد هضيمه اتموت وحدك ' وما يفزعولك عَشيره
اوين بالشام السبَتني ' وناسها الماعدها غيره
و ادري لَمن جِيتها ارجع عليها
كاع حته المات ما يرتاح بيها
صح صعَدت بناكه مابيها هوادج
لجن ماجرحتني كد جلمة خوارج
و الي تهضمني انحجت من النصارى
طَبت الديِوان خَلت كَلبيِ هايج
_ 5
مو جديد اعليه موتي ' الغربه عاده ومو جديده
متت من احسين اجاني ' اعله الترب عايف عضيده
ردت كون حسين يمي ' وخل يجي بلا خنصر ايده
ردت اموت ويمي كون حسين الكه
حتى لو ميته ترد روحي و اشبكه
ميته خجلانه لان ما ميته مثله
هوه جوه الخيل رايح جسمه كله
اليسئل بموتي ترى حسين الجتلني
فراك ابو السجاد يا روح اليحمله ؟
_
اللهم عَجل بِمَنْ يُشيعُ تِلكَ الجنازه
علي الحسن
يا ابا عبد الله ع
شور
( ١ )
تاهت سيدي
الدنيا هوسه دروبها و ماعدها راي
مناطر موعدي
يمتى هايه الدنيا اشمرها وراي
مليت اسمع هايه الوادم الما تفتهم جرحك
ماريدنَه اليبجي وينحب بس داخله يضحك
و اشلع كلبي من جذوره لو عمداً يجرحك
امنيتي اصيرن اشبه وهَب
من ردت روحه كلشي وِهب
أرزقني يا مولاي الادب
( ٢ )
رايد اغترب
هاي من كلبي الحجي وتدريِ صدك
معروفه اليحب
كلشي كون يسوي من أجل العشك
رايد من كل كلبي أتادب حتى بلفظ أسمك
أدبني لاكن مو بفراكك و ضلت بعد يمك
عبدك بس محسسني ابنك و ادري ابنَك يهمَك
يا مَفزعيِ في وقتَ المحَن
سامحني عن ايامي المضن
و لو تترك عبدك يالجأ لمَن
( ٣ )
شيوصلني الك
و آنه ادري الحُب الك لازم رتَبْ
رايد اوصَلك
نار اجت يمي و تره البيه خشَبْ
يمتى اطلع من مجلس حزنك وكون الكلب صافي
يمتى انزعها كيودي الدنيا و تدري الحزن غافي
و يصحه البيه واركض صوبك جني بشر حافي
واركضلك ركضة نايم فِزَع
و كل بنيانه بلحضه وكع
مدنك راسه يمك رجع
( ٤ )
مضمون الحجي
لو نسيتك لحضه معناها غدر
اعليك انتجي
وانت تدري العاشك يذبحه الهجَر
ما اتحمَل هجرك ساعه هجرَك مرار البين
وانتَ الحَبَك يسمَع اسمَك تفضحه أكيد العين
عيني وكلبي بكيف خيامك مُلكك هذن الثنين
هاك عيوني و امليها طف
من يبجي العاشك يعني نظَف
ومن نهر عيونك لازم غرف
( ٥ )
فاتحلي الدرب
بين اصير انسان لو ذاكه الضياع
شيصَفي للكلب
و شيلم الماي لو طاح اعله كاع
خلني بحجره و حبك بيه و اقفل عليه الباب
ولو اتعده اعتاب الحجره بهَم الدنيا انصاب
نورس آنه وياك اتوالم موش اولامي اغراب
يالعايف بيه امن الطف جرح
لو صدفه اذكرك هم انجرح
ليش الماي بوكتك يشح
___
اللهم عجل لوليك الفرج
عليِ الحَسَنْ