4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
دفن الاجساد محاورة بين الامام السجاد والسيدة زينب عليهما السلام
،،،،،،،،،،،،،،،،،،،،،،
يا زينب بلا راس رحت ودفنتـه
ذاك العزيز حسين بچفوفي شلته
::::::::::::::::::::::::::::::::::::::::::::::
يا عمه جسم حسين شيلمه اليـــه
ما ظل كتر ينشال لبن الزچيـــــــه
رضت ضلوع الدين خيل اعوجيـه
هو الجرح شيطيب لو فوگه ميــــه
سهم الگلب اذاه لمن سحبتــــــــه
ذاك العزيز حسين بچفوفي شلتـه
،،،،،،،،،،
حاچيني يلسجاد يا عمه وينــــــه
ظنيته رد وياك واگبل علينـــــــه
لتگلي جوه تراب نايم ولينـــــــه
ما آيست مذبوح وتصدلي عينه
يكعدلي عمه ادريه لو يسمع اخته
ذاك العزيز حسين بچفوفي شلتــه
،،،،،،،،،،،،،،،
شحچي السبط مذبوح واوصاله طشار
والخنصر المكطوع دورته محتـــــــار
يا عمه ضلع حسين هم صابه بسمــار
دفعو عليه الجيش واتخيلي الصــــــــار
ذكرني بالزهراء بعيوني شفتـــــه
ذاك العزيز حسين بچفوفي شلتـه
،،،،،،،،،،،،،،
لتگلي ما حاچاك ما گلك اختـــــــي ؟
ذاك البعد عمريــن يسمع حسرتــــي
راسه برمح مرفوع ويحسهه ونتي
ما وده صوغة شوگ تمسح دمعتـي
چا گتله زينب ذيچ تنطر گعدتــــه
ذاك العزيز حسين بچفوفي شلته
،،،،،،،،،،،،،،،،
يا زينب الطعنات والــدم والتـــــــراب
خلن حبيبي حسين فوگ الرمــل ذاب
لو حاضره الزهراء وتشوف المصاب
چا ماتت من النوح ما حاجه للبـــــاب
رغم الضلع مكسور والدمعه سكته
ذاك العزيز حسين بچفوفي شلتـــه
،،،،،،،،،،،،،،
مو گتلك اخذ وياك دمعي وعبــــــاتي
لم بيها اخوي حسين روحي وحياتي
لو يسألك چا وين اختي وبناتـــــــــي
گله بخرابه يصير نومي وصلاتـــــي
ماتت حزن علراس بالغربه بنتـه
ذاك العزيز حسين بچفوفي شلته
،،،،،،،،،،،،،،،،،
يم النهر مطروح زينب كفيــــــلچ
بالچربه مامش ماي خاطر يجيلچ
حيله انتي زينب راح شيرده حيلچ
چنتي بحمى العباس بارد دليلــــچ
هسه الگمر عالگاع فرغت جربته
ذاك العزيز حسين بچفوفي شلتــه
،،،،،،،،،،،،،،،،،،،،،،،،
لا عمه اخوي يموت خافنه غافي
ما گتله اخته تگول نوم العوافــي
لو حتى مات الحيد يگعد يوافــي
چا هو بس الزين دلاله دافـــــــي
ناطرته اظل للموت يرجع عرفته
ذاك العزيز حسين بچفوفي شلته
كلمات الخادم / رعـــد الفريـــجي
قصيدة في دفن الأجساد الطاهرة ، لسان حال الإمام السجاد عليه السلام .
ــــــــــــــــــــــــــــــــــــــــــــــــــــــــــ
يا شيعة أنا السجاد
جيت أدفن الأجساد
بالدمعة واسوني
بالونّــة عِيـنوني
ـــــــــــــــــــــــــــــــــــــــــــــــــــــ
گاعد بنص الخرابة
آنه والــعَمّة السبيّة
تِهمِل دموع الوسافة
عالبُقَوا بالغـــاضريّة
تِنظُر اعليّه بحِزنهه
وگالت بوَنّة شِجيّة
مَرّن اثـــلاثة وأهـلنه
بلا دَفِن فوگ الوطيّة
ظَلّوا على التِربان
لا دَفنة لا أكـــفان
بالغُربة عافـوني
بالوَنّة عينـوني
ــــــــــــــــــــــــــــــــــــــــــــــــــــــــ
جاوَبِتهه ودَمعي هالي
مِنتِـــظِر للــباري أمرَه
هُوّ عــالِم بالخَفايا
بالمَصالِح هُوّ أدرَى
لحِكمِتَه لابُد نِـسَلّم
والگلب لازم نِصَبرَه
وإنتي يا عَمّة صَبورَة
ومَوقِــــفِچ آنه أقَدرَه
مِن يأمُر المَعبود
لِلطَف أرِد اردود
كِلهُم يِنِــطروني
بالوَنّة عينـوني
ـــــــــــــــــــــــــــــــــــــــــــــــــــــ
الأمُر مِن الله إجاني
أنتِـقِل بِذنَه وقُدُرتَه
وِنطُـــــوَت أرضَه إلِيّه
وسَبّحِت رَبّي وشِكرتَه
مِن وصَلت الغاضرية
دَمعي لَمّن هَل عِذَرتَه
والله لو شِفتوا يَشيعَة
شِنهو مِن مَنظَر نِظَرتَه
مَنـــظَر يِهِـــد الحَــيل
وصَبّ الدمِع چن سَيل
هذا آنه ٱسمعوني
بالوَنّة عــــينوني
ــــــــــــــــــــــــــــــــــــــــــــــــــــ
والدي لَمّن وُصَلته
لَنّي ما أگـــدر ألِمّه
بالسيــــوف امگــــطعِينه
بكِل شِبِر مِن جسمه ثَلمَة
حايِر آنه شلون أشبگه
والنّــــحَر ظَلّيت أكلمَه
وچَن سَوادة ويَمّي تِنحَب
تنـــــادي يا ويـــــلي يَيُمّه
تِذرِف دموع العَين
يَوليدي آ يَحــسين
رَيت آنه ذبحوني
بالوَنّة عيــــنوني
ــــــــــــــــــــــــــــــــــــــــــــــــــــــــــ
والدي شِلتَه بحَصيرة
وبالمَرار عيوني تِجري
وِسمَعِت صوتَه يِـــگلّي
الطفل وَسدَه علَصَدري
شِلتَه عبدالله وحَسِرتِي
مِستِعِر وَيّاهَه جَـــــمري
وعالگبُر هِلت التّرابَه
وسَلّمِت للباري أمري
وَدّعتَه بالآهـــات
ومحادَر الدمعات
وِمجَرّحة اجفوني
بالوَنّـــة عيـــنوني
ــــــــــــــــــــــــــــــــــــــــــــــــــــ
شايِل احزاني علَمَتني
ومِن وصَلت الأكبر آنه
نِسخة مِن طه محمد
مگطّع بسيف الخيانة
يَم ابوي ادفَنتَه الأكبر
ويلي يا عَمــــلَة زمانه
وگتلَه يالأكبر يخويه
وَصّــــل لجَـدّي أمانة
سولِفله عــالمَذبوح
وزينب سبيّة تروح
وانه اللي چتفوني
بالـوَنّـة عـيـــنوني
ـــــــــــــــــــــــــــــــــــــــــــــــــــــــ
وگصَدِت جاسم لگيته
ٱعلـــلأرض جثة رِمِيّة
گتله يا جاسم وسافة
حِنّـــــتَك دَم المِــنيّة
شِلت ابن عَمي ودِفَنتَه
وبرَغُــــم هَمّــي العَليّة
بالگبر وارَيتَه جاسم
والحِـزِن ما خَلّه بِيّة
يا وَسفَة يا جَسّـام
بلا مَنحَر إنتَه تنام
رِحتوا وتِرَكتوني
بالوَنّة عــــينوني
ـــــــــــــــــــــــــــــــــــــــــــــــــــــ
جَمّعِت أنـصار ابويه
ذوله الأخيار القلائل
بَيّضوا وَجهِ الرجولَة
وما تِصِح إلهُم بدائل
بالبطولة وبالشــجاعة
ضربوا امثال البواسِل
كِلهُم بحُفرة ادفَـــنِتهُم
والدّمع عالوَجنة سايِل
أجذب على الأنصـار
حَسرة وهضُم وَعبار
ومهَدّلة امتوني
بالوَنّــة عينوني
ــــــــــــــــــــــــــــــــــــــــــــــــــــ
جِدمِي وَحّدهَه خَذَتني
ولَنّي واگف بالشريعـة
هذا أبو فاضل أشوفه
دامي وچفوفه گطيعة
گتله يابو الغيرة جِيتَك
وبالحِزن روحي صَريعَة
أحــمِل اويَــــايَه رسالة
امنِختَك الحُرّة الوِديعَة
تِرضاهه يا عباس
تِنظُر عليّه الناس
وِعدانَه يِسبوني
بالوَنّــة عينوني
ــــــــــــــــــــــــــــــــــــــــــــــــــــــ
عَمّي أبو فاضل دِفَنتَه
عالفرات وگلبي ذايب
أكمَــلت هـــــــاي المَهَمّة
مِن عگب كِل هالمصايب
وِرجَعِت لِعيالي وانَه
صاير بآلامي شـايب
هذا يا شيعة الجِـــرالي
بدِنيِتي شِفتِ العجايب
هذا الحِصَل والصار
وَي عِــــترَة المُختار
بالحَسرة انِدبوني
بالوَنّة عيــــنوني
ـــــــــــــــــــــــــــــــــــــــــــــــــــــــــــــ
بقلم الأستاذ ستار عذاب الحچامي
آ يدفان العشيره
محنتك محنه چببره
يلي دافن والدك
عمه الله ايساعدك
ـــــــــــــــــــــــــــــــ
يلي دافن كل هلك.. فد سؤال ارد اسألك
ليش راجع وحّدك من الدفــــن
انت ابن شيخ السلف.. بعد ابوك انت الخلف
وين وادمنه شعجب محد يحن
شفنه الي يرد من دفنت احبابه
تفزعله العرب بدموع سچـــابه
ومشابك تشبكه اتهوّن مصابــه
اشـو مــحد تلگاك وفتح بابــــه
وسفه اهلنه والگرايب
نايمه حــــدر الترايــب
دافن اهلك وحدك
عمه الله ايساعدك
ـــــــــــــــــــــــــــــــ
ذكرتني بالغريب.. من رجع شابع نحيب
من رجع محني على افراگ الگمر
اليوم تشبه مشيته.. وذكرتني امصيبته
من رجع للخيمه مكسور الظهر
ويصبرني ويدري مختنگ صــدري
ودعالي الله يطول عالمحن صبري
اسمعه يگول الآن انكسر ظــــهري
عگب عبــاس ماريدن بعد عمـري
ابهل مصيبه ذكرتني
وانهدل ياعمه متني
الوكت عالهم واعدك
عمه الله ايـــساعدك
ـــــــــــــــــــــــــــــــ
ابثوبك تراب الگبر.. خل اشمه بي عطر
الريحة حسين شكثر مشتاگه
ماخذتني ياعلي.. عمه ياباقي هلي
الوالي تدري مگدر اعله افراگه
يالدفـــان انشدك بالله يالدفـــــان
سگيت حسين گلي لو بقه عطشان
هلبت ماي رشيتــه على التـــربان
هالميــــت ذبيح وماله كل خوان
عالترب ظل ما تــچفن
هدومه بالدم عمه ضلن
بالدفن من ساندك
علي الله ايساعدك
ـــــــــــــــــــــــــــــــ
لاگرايب لاعرف.. ولابقه واحد كلف
تفرك چفوفك اجيت ومنكسر
عمه حگك منهظم.. منحني وشابع لطم
هواي باچي وصايره عيونك حمر
ياعمه على مصابه عمت عيــني
ولا مليت ساعه وبطل ونيـــــني
يريت اوياه دافن ياعلي سنيني
يانــــار الأخـو ليــليــــه تچويني
والدمع سولف مصابي
وعالوكت دايم عتابـي
اشماله دهرك زاهدك
عمه الله ايساعدك
ـــــــــــــــــــــــــــــــ
مصيبتك تحني الظهر.. ظهرك وظهري انكسر
حسين محد شيعه من العرب
جنازه ما الها اهل.. الساده ما واحد وصل
للغريب التالي هندامه انسلب
ولاحرمه اعتنت ليه وتواسيني
لمُيت الضعن بالنوح لحـــسيني
لاصوت البقه يساعدني بونيني
ودمع العين لمصابـــه يــچّويني
وزينب آنه الهاشميه
امشي تـاليها سبــيه
وحالي ادري ماردك
عمه الله ايـــساعدك
ـــــــــــــــــــــــــــــــ
حيدر بشار الدراجي
عندما رجع الامام السجاد عليه السلام من الدفن وتلكته مولاتي زينب عليها السلام
ايعينك الله سيدي
ايعينك الله سيدي
من رجع من الدفن ويلي العليل. نظر عمته الحره ودموعه تسيل
₩₩₩₩₩₩₩₩
اتكله سولفلي بعد ماظل صبر
اشلون نزلته اخيي بالكبر
ايكلهه عمه ريت لاطال العمر
اباريه لميته ماظل بيه حيل
₩₩₩₩₩₩₩₩
عمه شحجيلج عله الغالي شكول
اتساوى ويه الكاع من دوس الخيول
لاصبع لاراس ابن فحل الفحول
امكطعين اوصاله حيره اشلون اشيل
₩₩₩₩₩₩₩₩
تكله عبدالله يعمه شلونه
دنك وكامت تسيل عيونه
ماعرفت الجثه يامصيونه
شاب من الهظم ياعمه الدليل
₩₩₩₩₩₩₩₩
والشباب شلونهم ظلت تعد
انداس مو ذبلان ياعمه الورد
هواي بيهه جروح حيروني شيشد
متوني من عظم المصايب ظل تميل
₩₩₩₩₩₩₩₩
العبره خنكتهه قسه وياها الدهر
يوم سألته عله حال الكمر
عمه فوك المشرعه امكطع وذر
لاجفوف ولا علم باقي الكفيل
₩₩₩₩₩₩₩₩
بجت وتكله الهجر ماينحمل
وجرحه ياكل بالكلب محد يشل
الشماته تضحك ودمعي يهل
مستحيل ارتاح بعده مستحيل
₩₩₩₩₩₩₩₩
الخادم عبدالمعين الشمري
آه زين العابدين آه زين العابدين
&&&&&&&&&&&&&
كربله من أوصلته. عالترب گومك شفتهه
مصايب شلون حملتهه. الصخر منهه يلين
&&&&&&&&&&&&&&
صعبه شيلت ابواليمه اباريه جمعت جسمه
اختلط دمه ويه لحمه حگك تنوح بونين
&&&&&&&&&&&&&&
من الالم تذبح العبره. يوم نزلته بگبره
وصار عبدالله عله صدره. گلبك ايون وحزين
&&&&&&&&&&&&&&
يا امامي شكثر صبرك. حاير ومكسور ظهرك
علي الاكبر شدهه فكرك. بگيت امامي بلامعين
&&&&&&&&&&&&&&
وجاسم بدمه تحنه. سيوفهم من وذرنه
ابشبابه ماتهنه. وذرته الظالمين
&&&&&&&&&&&&
والأنصار من ادفنتهم. يابني اسد حشمتهم
گرب ابيك وسدتهم. الهم اشتد الحنين
&&&&&&&&&&&&
ومن رحت صوب الشريعه. عمك باعظم فجيعه
مطشر چفوفه گطيعه. ناس لا ذمه ولادين
&&&&&&&&&&&&&
وأعظم واكبر مصيبه. أرجعت يم الغريبه
حالتك كلش عصيبه. ماترد ذيچ السنين
&&&&&&&&&&&&
الخادم عبدالمعين الشمري
الدفن
دفنوا العباس يا سكنه تعاي
هذا اخوچ امن الشريعه هسه جاي
دافن الجود
يم ابو الجود
++++++++++
دفني كل آمالچ ابگلبچ سكينه
چلمه وانسيها الگمر يرجع علينه
اتأكدي ابنفسچ تعالي يالحنينه
سلمي عالسجاد وإشتميها ادينه
باقي بيها امن الدفن عطر الكفيل
مايرد عباس هذا اكبر دليل
عطره موجود
وي ابو الجود
+++++++++
خل نسئله ونسمع اخبار الاكيده
من دفن عباس هم بايس وريده
ماسمع كلمة بقت زينب وحيده
من دفنها سادها لو فاتح ايده
چان مفتوحه الي امودي سلام
ومعتذر ياسكنه مارد للخيام
انسي الاوعود
يم ابو الجود
+++++++++
رمله سمعتنه واجت كل خطوه وگعه
ها يزيب مندفن جاسم اسمعه
هذا ثوبه اوياي جبته شلون ارجعه
گلت ادفنه ابگبره واعلگ يمه شمعه
عالاقل يصبح چفن ثوب الزفاف
خاف باچر يرجع ايعاتبني خاف
بمكن ايعود
يم ابو الجود
+++++++++
والرباب البالشمس خلصتها گعده
عالتراب اصبعها يرسم خالي مهده
يالدفنت اوليدي صاحت ضامي بعده
ودي ساعه اينام بحضيني وارده
هوّه اخييك وإعذر ادموع الرباب
وين يتحملها نومه اعله التراب
والضمه ايزود
يم ابو الجود
++++++++++
وين صاحت ليله وين ادفنت الاكبر
اشلون جمعته وسمعت ابني توذر
وانحنه ظهرك لخوك ادفنته تگدر
هوه لو لحسين ياهو اجروحه لكثر
بس گبر واحد كفاهم من اجوه
اتخالطت اوصال الاكبر وي ابوه
وگلبي ممرود
يم ابو الجود
+++++++++
حسين توگع منه وصله اشما رفعته
بالحصيره منجبر جسمه جمعته
وجهت للقبله نحره ومن وضعته
الصدري وسدلي الطفل بويه سمعته
وگال بلغ شيعتي خل يامنون
لا يقصرون بزيارة گبري كون
والعزه ايزود
يم ابو الجود
+++++++++
ثائر الربيعي
((قصيدة دفن الأجساد ع))
_____
شفت المنيه
ثالث مسيه .........وبكلبي حيره
يا عمه وضعه
سهمه اشيطلعه......شلته بحصيره
*******
ياعمه تدرين العطش يبس لهاته
ذبلان جسمه وماشرب لحظه وفاته
معقوله من حر الشمس غير صفاته
ونطبك جسمه وي الارض قصة مماته
يا عمه شفته
بس ماعرفته.......متغير اهواي
لميته جسمه
وشلون اضمه........متحير بهاي
*********
كلبي أنمرد ياعمه من عاينت الاهداب
من جفه اصبع منشلع... والطبره الصواب
اكثر اسولفلج بعد .. لو كلبج انصاب
طحت عله وجهي اتمددت وياه بالتراب
حيره اردا شبكه
بس بيه خنكه.....من نار الخيام
وشلون اوسده
محتار اكعده.....ومترس اسهام
*********
حيره من اسولفلج يعمه......حاير الراي
يمه اكعدت انه وصرت..بالدمعه سلواي
اسمع ونينه ايكلي بويه..... ماجبت ماي
نيران كلبي من العطش.. ماتنطفي بهاي
يابويه اجيتك
مجفي لكيتك...... فوك الوطيه
مابيه اعوفك
مشتاك اشوفك......يبن الزجيه
*******
وسد رضيعي ياعلي جنبي واشمه
والصوت جاوبني النحر وشلون اكلمه
خلي رضيعي عالصدر وبروحي اضمه
ينلجم يا بويه النحر من طول سهمه
رش عله كبره
اشويه كطره...........بالنبله ذبحوك
كلش ترف جان
يابويه عطشان ...يوليدي حرموك
*******
احزام ظهري ياعلي.......بالشده مقياس
من شفته متكطع وذر..كمت الطم الراس
وبدفنك اني اتحيرت....مخنوك الأنفاس
جان اشحلاته من يجي بالدرع والطاس
ليلى بدمعهه
تشعل شمعهه...........وحشه الليالي
مثل البدر جان
ودموعي عنوان....ظل بيتي خالي
*******
درعك يجاسم والعرس..بالدفنه موجود
وياي حضرت الشمع........جايبلك اورود
ايعينهه الله الفاكده......مثلك يمفكود
ياحيف فاركنه الدهر.......مايرجع اردود
بالكلفه ردتك
جاسم فكدتك.........يااحلى خوه
شاهد خصاله
نور وجماله .........للدنيا ضوه
*******
اصعب محطات الدفن ...خلتني حيره
اتوجهت محني الظهر........وجهي اديره
صديت درب العلكمي.... البدر العشيرة
حشمته عمي ومانهض.....اختك اسيره
ياعمي وينك
اسمع ونينك..........يم زينب تنوح
اسم الله عالطولك
يصعب نزولك....تدريني مجروح
*******
تمت بعون الله
خادمكم....... يوسف الفتلاوي
#شلون_أدفنك
حال مولانا زين العابدين مع والده (ع) عند الدفن
شلون أدفنك .. حيّرتني بحـــــالك
شلون أدفنك .. شلون أَلِمْ أوصالك
شلون أدفنك يالموذّر عالتــــراب
سالت دموعي يبويه وگلبي ذاب
--------------------------------------
يا إبن مثلي الــــ يلم بأوصــــال أبـــوه
آنه إبن المــــــات ضـــــامي وگطّعـــوه
اليــــــــــموت إيغسلــــوه ويـــــدفنـوه
حسين بس ! من مات بخيول إسحگوه
مات ضامي .. وگطّعوا أوصاله
مات ضامي .. وداسته الخيّاله
إنذبح ضامي وإنحرم من الشراب
سالت دموعي يبويه وگلبــي ذاب
--------------------------------------
بويه يوم إهدعش شدّونه بحبــــال
ما لحگت أدفنك بويه الضعن شــال
ويلي جسمك ظل ثلاثه إعله الرمال
هسه جيت أدفن وألمَّن بالأوصــــال
آيحالك .. لا ضره ولا خيمه
آيحالك .. حار رمـــل الهيمه
أوصالك إعليها يِبس دم المصاب
سالت دموعي يبويه وگلبي ذاب
--------------------------------------
گمت أَلِم بأوصالك وأبچـــي عليــك
إبكل جزء منك سهـــم ومـــگطّعيك
الحوافر لسه أثرهــــا بويــــه بيـــك
ومثل عمي بويه هم مگطوعه إديك
والمثلّث .. الأخذ حيل العندك
والمثلّث .. بي قِطَع من چبدك
عاتبيتـــه لاچن إشينفع عتــــاب
سالت دموعي يبويه وگلبي ذاب
--------------------------------------
هاي تاليها يبويه وســـفه هـــاي
إبــَّاريه إنلملم أوصال ياضــواي
نـــزّلتهن للگـــبر بويـــه بهـــداي
أدري ميّت بس أرش عليك ماي
بلكي تِرْوَه .. يابسات أوصالك
بلكي تِرْوَه .. ويرتــوي دلّلالك
بلكي جرح الماي ينسـد منّه باب
سالت دموعي يبويه وگلبي ذاب
--------------------------------------
بويه عبدالله إعله صدرك راح ينام
بلايه روس إتوادعوا وناموا بسلام
بهيده أهيل إترابـــكم وألْــطُم الهام
حته ما تلچمكــــم جــــروح السهام
إدفنتكم .. دامي وبصـــف دامي
إدفنتكم .. ضامي يشكي لضامي
بلكي من تدري إندفن تِهْدَه الرباب
سالت دموعي يبويه وگلبــي ذاب
--------------------------------------
اْليـدفنونه غير من دنيتـــه إرتــــــاح
شلون راحه وراس أبوي إعله الرماح
يبقى درب اليسر يلچمله الجــــــراح
چي يشوف الضعـــن وي الغُربه راح
راس أبونه .. يمشي وي ذبّاحه
راس أبونه .. ما يشوف الراحه
لياوكت يتحمّل حسين العـــذاب
سالت دموعي يبويه وگلبي ذاب
--------------------------------------
[الميرزا علي حسن المنصوري]
فرغت من دفن والدي وعمومتي والاصحاب ..فلما سمعت زينب ع بكت ونشجت نشيجاً عاليا حتى ان بعض من كان في الخربه معها بكى .فقالت عمه علي و اسفاه وآحسرتاه الى الآن لم يُدفن والدك الحسين ع .قال نعم ياعمه فصاحت وأخاه وأحسيناه وضيعتاه ..فقالت عمه علي صفي كيف كان دفن جسد والدك الحسين ع بعد سحق الخيول على جسده كيف جمعت اوصاله ..فقال الها بلسان الحال
نعي
يعمه اشلون اوصفلج الـحـاله
وكلام اللي سمعت ابوي گــاله
وهو مذبوح ينشد علئ اعياله
گاللها يــعـــمــه ودمـعـتـه اتســــيل
دفنته ابلا چفن وابغــــير تغــــســـيل
ولهسه امن السحگ دم منحره ايسيل
ثم استقبلته جملة. من النساء الفاقدات بعدما سمعناه يتحدث مع عمته زينب ع في مضمون مراسيم الدفن.. وكأني ارى أول من حضي بسؤاله أمه ليلى أم علي الأكبر شبيه المصطفى ..
نعي
ماتكدر تجد بالســير چـنـك والــضـهـر مـحـني
يمكن تدفن بعودك ابالــي وهيـچ كـــــل ظني
ريضلي ارد انشدنك هم زحت الثره اعلى ابني
وهم تعتب كلتله اعليك ليش اويالـغـرب ذبني
لميته عدل يبنـي أخـــيك جــسـمـه الــــمــوذر
لو ظل عاري فوگ الگاع بالذاري اوسموم الحر
صحيح ابكل كتر گــالـوا أوليد بكربله أمطشر
هم رشيتله أمـيــه گــــــبره أوهــم روى الأكبر
وبعدما خلصت ليلى بواچي النوب اجت رمله
يم زين العباد أوســـــيل مــدمــع عينها اتهمله
تسولف عالعرس واتگــول ســــولفلي عالمچنه
هم صديت لإچفوفه يعمه أوهــم شـفـت حنه
ترى القاسم شــباب ازغــــير بــعــد مابلغ سنه
وبعدما كف عتب رمله اومن خلصت اعتاب اوياه
أجت يمها الرباب اتـصــيـح آ يالبلمهد ذبحوك
الله لاجزاهم خير مــن شـــم الهوى الحرموك
تلوع ابحظن ابوك حسين عدهم ماي مارووك
تاليها بسهم مسـمـوم يزغير النــحــر صـابـوك
وزينب واگفه اوتســـمــع .لـچـن مــا اجــت يمه
تنشده اشلون شاله اوبيش. لف حسين ابو اليمه
صدگ طاش اعلى كبر الـگاع. وحطه اباريه اولمه
وشال اشلون عــن الــگـاع. عــبــاس ودفـن عمه
وهم حط منحره اعلى الگاع واعليه الدفن تمه
نسألكم الدعاء
ماتكدر تجد بالســير چـنـك والــضـهـر مـحـني
يمكن تدفن بعودك ابالــي وهيـچ كـــــل ظني
ريضلي ارد انشدنك هم زحت الثره اعلى ابني
وهم تعتب كلتله اعليك ليش اويالـغـرب ذبني
لميته عدل يبنـي أخـــيك جــسـمـه الــــمــوذر
لو ظل عاري فوگ الگاع بالذاري اوسموم الحر
صحيح ابكل كتر گــالـوا أوليد بكربله أمطشر
هم رشيتله أمـيــه گــــــبره أوهــم روى الأكبر
وبعدما خلصت ليلى بواچي النوب اجت رمله
يم زين العباد أوســـــيل مــدمــع عينها اتهمله
تسولف عالعرس واتگــول ســــولفلي عالمچنه
هم صديت لإچفوفه يعمه أوهــم شـفـت حنه
ترى القاسم شــباب ازغــــير بــعــد مابلغ سنه
وبعدما كف عتب رمله اومن خلصت اعتاب اوياه
أجت يمها الرباب اتـصــيـح آ يالبلمهد ذبحوك
الله لاجزاهم خير مــن شـــم الهوى الحرموك
تلوع ابحظن ابوك حسين عدهم ماي مارووك
تاليها بسهم مسـمـوم يزغير النــحــر صـابـوك
وزينب واگفه اوتســـمــع .لـچـن مــا اجــت يمه
تنشده اشلون شاله اوبيش. لف حسين ابو اليمه
صدگ طاش اعلى كبر الـگاع. وحطه اباريه اولمه
وشال اشلون عــن الــگـاع. عــبــاس ودفـن عمه
وهم حط منحره اعلى الگاع واعليه الدفن تمه
نسألكم الدعاء
بسم رب الحسين .. بسم رب المذبوح بالعراء
"قصيدة دفن الاجساد الطاهرة "
"موشح نجفـي"
جيتك يبوية اشيعك يابن الزچية
جيتك اواري جثتك بالغاضـريـة
*********************************************
جيـــتْ اريد اشيعك وانصب مآتــــم
ما ظنّي اشوفك عالثرى بهالوضع نايـم
موذّر و كِــلْ الاعضاء ما منها سالــــــمْ
وعلى الصــــدر شفت الأثر للأعـوجيـــة
*********************************************
انظر يبويه على النحر شفت المصايب
شفت الاثر من الگفة و الراس غايـــبْ
هالنظرة اذّّتْ هالگلب زيدت نوايـــبْ
وعلى الجسم شفت العجب من ال امية
*********************************************
حفرت اللحد بان اللحد محفور لاجلك
شلتــكْ يبوية من الظــهر رايد ادفنـكْ
من شلتك و طاحت تره الاعضاء منّــك
ظليت الملم بالجسم واذكــر رقيـــة
*********************************************
لميته انه بالحَصَــرْ لميته بأوجــــاع
حطيته انه باللحد حطيته باوضــــاع
بچت ملايك هالسـمة وفطّرت الگــاعٌ
من بعده وسدت الطفل وبحضن ابيـّه
*********************************************
من بعده ذبيت التُرُب و كتبت عطشـانْ
شابع ظُلُمْ من الخلگ مذبوح باحـــزان
هذا سليل المصطفى بچاها الاجــــفــانْ
هذا شبيـــــه المرتضى حامي الحميــــة
*********************************************
شفت الگمر و على النهر و چفوف يمــه
صحتلهـــا انه بالالم وينــچ يا عمـــــه
هذا چــفيلچ عالنــهر ظل جاري دمـــه
بعدك يا ابو الفضل مشت زينب سبيــه
*********************************************
جوه الشمس شلت الگمر رايد ادفنـه
من شلته مذبوح النحر و بلايه يمنــه
واليسرة صارت للنهــر تشكي حزنـّـــه
وسط الگَبُــرْ صار الگُمـر ضواها ضيّـــة
********************************************
صُبَــٌح يمكم گبر الأبو هذا الامانــــة
وهذا الگبر گبر الاخــو عرفوا مكانـة
طول الدهر باقي الگبر عالي المكـانـة
عفت الكم ياهل الارض هاي الوصيـة
*********************************************
يوسف رعد العبودي✍️
همّ إبهَمّ ،، رمال ودم
ظلام وخوف ،، بلا امخيم
-------------------------------------------
ضياع بليله وحشه
ظلام وماكو غبشه
انذبح عبد الله ضامي
المهد المن نفرشه ؟
نريد حسين ،، يجينه بساع
نريد اخوان ،، غريبه الگاع
نريد الرايه يا عباس رد النه
نريد نشوفكم تربات والدنه
انولينه الله اكبر وانسطر خدنه
الشامت يضحك وعلماي ينشدنه
يتامى وبر ،، الحقيقه اكبر
الكلام هناك ،، دمى المنحر
-----------------------------------------
المصيبه بلا اهلنه
على الرمله گعدنه
الشتم اذانه خويه
وعلى الغبره زلمنه
نصيح بصوت ،، كفيل نريد
ترى العباس ،، چفوفه بعيد
اذونه الشماته وردنه نمشيله
على الصار بخيمهم كون نحچيله
يا ليلة الوحشه العذبت ليلى
الباگت من حظنهه اليعدل الميله
تهل مدمع ،، على المصرع
ابنهه المات ،، ولا يرجع
---------------------------------------
سكوت وطف مصيبه
الحبيب بلا حبيبه
الوداع الليله رايد
يسير عل الغريبه
بقى الدخان ،، وبقايا خيام
نحر مذبوح ،، وتراب عظام
اريد اوصل لاخوي بليلة الشده
اريد احظن الباقي وظال من عنده
اريد امشيله هسه واگعد بسده
سوالف عندي ويه الذبّحو ولده
سوالف حگ ،، خجل تعرگ
لدمى الاطهار ،، ارض تغرگ
-----------------------------------------
بقينه ابلايه والي
الدمع يشبگ خيالي
اليتم واضح علينه
السحگ طشر دلالي
يبو الكلفات ،، اجانه الليل
غريبه الناس ،، تراب الحيل
سكت كلشي واحس بانفاسي شابگتك
اجيتك يا بعد كل سوط لاح اختك
هذا انته الگبل چم ساعه ودعتك ؟
شفتك بس عميت عيوني من شفتك
الحبيب انرض ،، صعب ينهض
يريت الشوف ،، يموت افرض
-------------------------------------
بچينه وكلهه نومه
بگلب كثرت همومه
الضعن من يمشي بينه
السبي اعلن قدومه
يخويه الشام ،، چتف وحبال
منايا هناك ،، بلا يه رجال
يموتني الكلام اليحچي عل خوه
واضم دمعاتي خويه حسين بلگوه
يلتسوى مشينه الناس ما تسوى
زينب وانسبت واتخيل البلوى
عجيبه انسب ،، هزيله اركب
شتم وحجار ،، مرار اشرب
رعد الفريجي - محرم 1447
ثوابها لروح والدتي
نعي مفجع
العلويات
يـحـســيـن رد الـضـعـن بـيـنـه
ومـن الـسبـي هاليـوم اجـيـنـه
بأرض الغرب عفـنـه الـحـنيـنـه
مــاتـت رقـــيـــه يــا ولــيـنـــه
خـويـه الـعـتـب والـوم عـفـنـه
رغـم اشـكثـر لـو عـات شـفـنـه
انـزيـد الألـم يحـسـيـن خـفـنـه
الـگـبـرك اجـيـنـه بنوح طـفـنـه
الفرگـه الطويلـه ضگـنـه مـرهـه
وفوگ الـهـزل يـكـتـل سـهـرهـه
اسـيـوف الـدهـر لـمـن شـهـرهـه
خـلـه الـحــرم حـارت بـأمـرهـه
ألـمــن نـرد ونـعــوف اهـلـنــه
بـيـثـرب بـعـد يـانـاس شـلـنـه
ريـت الـدفـنـهــم هــم دفـنــه
جـوه الـتـرب يــم الـكـفــلـنــه
*---------------------*---------------------*
✍خادم الحسين ع
الشاعر رعد الجريخي
ضَاعَ ذِكْرُ الطّف لولا زَيْنَبُوا
وَقَبُولُ السَّبْيِ كَانَ الْفَيْصَلُّوا
هِيْهِ كَانَتْ قَادِمَه
كَيْ تَكُونَ الْخَاتَمَه
ضَاعَ ذِكْرُ الطَّفِّ لَوْلَا زَيْنَبُوا
.… .
كُل. جهْداٍ كُل جُرْحاٍ وَاللِّوَاءُ وَالْكُفُوفِ
وَالْخِيَامُ وَالرضِيعُ وَالرِّمَاحُ وَالسُّيُوفِ
تَدْخُلُ النِّسْيَانَ حَتمًا دُونَ زَيْنَب فِي الطفوفِ
فَهِيْه امْراٌ مُتمم كَالنقاطِ لِلحروفِ
عُلقتْ فِيهَا مَضَامِينُ السَّمَاء
بِسَبْيِهَا قَبْلَ اللَّه كَرْبَلَاء
لِلْجُرُوحِ. حَاسِمُه
كَيْ تَكُونَ الْخَاتَمَه
… ..
مَشْيَهُا كَانَ صَلَاتًا قَبَضَتُ الطفلِ رُكُوعا
وعَليُ الحربِ كانتْ لَمْ يَرَوْا فِيهَا الخضوعَا
او هَلْ تُعقلُ شَمْساً انْ تُرى مِنها الدُّمُوعَا
فَمِنَّ اللَّهِ اتَّتَنَا وَالَى اللَّه الرُّجُوعَا
للشموخِ هِيه عُنْوَانُ الْكَلَام
مالكُ الْكَوْنِ ابْيهَا وَالسَّلَام
يَالُهَا مِنْ فَاهِمِه
كي تكونَ الخاتمه
… .
عَالمه فِي الصَّبْرِ زينبَ فتسمَّتْ بالعقيله
ولانَ الزهد فِيهَا صَعدت فَوْقَ الهزيله
فَهِيه النَّاطِقُ الرسمي بِخطاباتاٍ جَمِيله
ناطقه لِلَّهِ كانت عَنْ شَبِيرَا وعليله
رُغم حَبْل الْاسِرِ فِي كِلْتَا الْيَدَيْن
زينباٌ كَانَتْ تَرُى جَيْشَ الْحُسَيْن
ضَهْرَ قَصْرًا قاسمه
كَيْ تَكُونَ الخاتمه
… ..
صَاغَهَا اللَّهُ بقلْباٍ عَالمًا دَوْمًا وصابر
يَبْقَى هذ الْفِعْلُ فِيهَا لَو رَآت الْفَيْنِ عَاشِر
بَصَراٌ لَوْ رَدَّ عِيسَى زَيْنَباٌ ردت ضَمَائِر
هوه لو احيى انَاسا صَوُْتها احْيِى البصائر
حبها احْدى مَفَاتِيحُ الجنان
كربلا فِي متنها لَا ملكان
هِيْه دوما عازمه
كي. تكون الْخاتمه
… ..
يَتَجَلَّى فِيهَا طَه عندما تَرْوِي الرَّزِيه
فِيهَا اصِّرَارُ الْالْهِ وَهِيه كَفِئَ الْغَاضِرِيه
هِيْهْ لَيْسَتْ كَلِنْسَائِي انْ زَيْنَب عَلَوَيْه
طَاعَتْ الْحَوْرَاء صَارَت مثْل تَوحِيدِ الزَّكِيه
زينباٌ عالمتاٌ فصل الخطاب
فَهِيه لِلَّه وَالطف حجاب
فيها عزم فَاطِمَه
كيْ. تكون الْخَاتَمُه
… ..
مجتبى الدفاعي
((الله يساعدك))
الله يـــــساعدك من كثر الاصياح
روس اهلك شفتهن فوگ الارماح
ارگـضي النار تلهب
صحت ياعمه زينب ...
"""""""""""""""""""""""""""""""""""''''''''''
عشت عمرك مــــتدامع تارسه العين
شما شفت النهر تبچي اعله الحسين
محدب ضهرك ومــــــــاتدري لا وين
حزنك والجرح ظـــــل عايش سنين
عاشت نار بيك من المخيم
ايامـــــــك يبو الباقر محرم
تگضي الليل تنحب
صحت ياعمه زينب ...
"""""""""""""""""""""""""""""""""""''''''''''
عمرك والســـياط تعيش وياك
لدروب السبي التفــــكير وداك
من تسمع خــــواتك يوم تنخاك
عگب عباس صارن هنه بحماك
وانت اعله الهزل مچــتوف مولاي
ضعنكم صار حسره الشربت الماي
گلب گلــبك تعذب
صحت ياعمه زينب ...
"""""""""""""""""""""""""""""""""""''''''''''
عثره بعثره يخلص سيدي الليل
عيونك لو غفن تتحـــــلم بخيل
يعني العمر خلص ويل ياويـــــل
على ضهور الهزل يادمعتك سَيل
وبراسك سوالف سيــــدي ادور
كل لحضه التمرك چنها عاشور
حتى الرمش شـيب
صحت ياعمه زينب ...
"""""""""""""""""""""""""""""""""""''''''''''
علي السجاد دمعك ينزل جروح
كل مره تصـــــيح حسين مذبوح
روحك من عذابك صـارت تروح
روحك خلصت ومـاخلص النوح
كل ذكره التمر صـــارت تأذيك
ونار الخيمه هم صارت تچويك
ضهر العــين حدب
صحت ياعمه زينب ...
"""""""""""""""""""""""""""""""""""''''''''''
ضگت الـگيد وسنينك مسافات
تمشـــي وتوگف سنين السبيات
شما تنضر سكينه تصيح خيمات
وي عبدالله عمرك بالسهم مات
مشتاگ ودمعتك مال محتام
الاكبر صار بيك وبيك جسام
العمر بالطف تترب
صحت ياعمه زينب ...
عبد زينب
محمد الابراهيمي
قصيدة في ليلة دفن الأجساد الطاهرة في كربلاء ، محاورة بين الامام السجاد عليه السلام وعمّته زينب العقيلة ع ......
ـــــــــــــــــــــــــــــــــــــــــــــــــــــــــــــــ
رَايــح آنه يَعَمّة لكــربلَه
حَتّى أدفِن جَميع العايِلَة
ـــــــــــــــــــــــــــــــــــــــــــــــــــــــــــــــ
گاعِـد بنِـصّ الخرابَة وگـال يا عَـمّة السّماح
راح اروحَن للطفوف وگبُل ما يِلفِي الصباح
عالتّـراب بلا دَفِن أحبابي
ما يِطَوّل يالعقيلة ٱغيابي
بالصّــلاةِ ٱدعِـيلي
كون أشِدّن حَيلي
بدَعوِتِچ رَبّي أمري ٱيسَهّلَه
حَتّــى أدفِـن جَميع العايِلَة
ـــــــــــــــــــــــــــــــــــــــــــــــــــــــــــــــ
روح يا زين العباد وبالسلامة ٱترِدّ إلِي
أردَ أوَصّيك بوِصِيّة مِن تِشـاهِد كافِلي
گِلّه زينب بالهَضُم عِفتوهَا
وبالخَرايب يا نَفِل بَيتوهَا
وبدَمِـعها الهامِل
تِندِبك يا الكافِل
تصيح وَينَه اليِحِلّ المُعضِلَة
حَتّى أدفِـــن جَـميع العـايِلَة
ـــــــــــــــــــــــــــــــــــــــــــــــــــــــــــــــ
گــال يا رَبّـي وتُوَكّل لَنّه بطــفوف الحِزِن
يِنظُر لأحبابَه صَرعَى والدمِع فوگِ الوَجِن
صَاح يا ضَنوَة أسَد سِمعوني
حَتّى أدفِن هالجِثَث عِينوني
آنه رَاعِي الآنَة
وِإنتُـم الدّفّانَة
ذوله أهلي وجِثَثهُم بالفَلَه
حَتّى أدفِن جَمــيع العايِلَة
ـــــــــــــــــــــــــــــــــــــــــــــــــــــــــــــــ
وُصَل يَم جِثّة أبوه وگال جيبولي الحَصير
بالسـيوف ٱمگطّعينه ومَنظَرَه ٱيهِزّ الضّمِير
ونَزّلاه بحُفرِتَه بدَمعاتَه
وَنّت الأملاك وَي وَنّاتَه
وحَســرِتَه اللّهّابَة
ودَمعِتَه السّچّابَة
مِنهو بالناس مُصابَه يِحمِلَه
حَتّــى أدفِــن جَميع العايِلَة
ـــــــــــــــــــــــــــــــــــــــــــــــــــــــــــــــ
لَن إجاه الصوت يَبني مِن نَحَر بالدّم نِجيع
يا علي يَم نَحري بويه وَسّد الطّفلِ الرّضيع
دِفَن عبدالله الطفل يَم منحَرَه
والسّــهَم ذابِح وِريدَه ٱتصَوّرَه
شلون چانت حَالَه
وعَينَه دَم سَيّالة
وبدموعَه التّراب ٱيبـلّـلَه
حَتّى أدفِن جَميع العايِلَة
ـــــــــــــــــــــــــــــــــــــــــــــــــــــــــــــــ
وگــعَد يَـم جِثّة أخَيّه علي الٱكبر بالنّحيب
چان كِل واحد عَليل ويِنظُر لوَجهَك يِطِيب
ها يالٱكبر خويه نَحرَك وَيـنَه
بالصّوارِم جِسمَك ٱمگطعِينه
اليوم أدِفنَك بِيدي
يا وِسَف يَعضِيدي
ٱترابَك بإيدي يَكبَر هَايِلَه
حَتّى أدفِن جَميع العايِلَة
ـــــــــــــــــــــــــــــــــــــــــــــــــــــــــــــــ
دَنّـگ ٱيقَـــبّل شـباب وغَيّرَت شِـكلَه الشمس
صاح وَين الحِنّة خويه ووَينها ثياب العِرِس
تالي صارت زَفّتك بالحومة
ورَملة بفراگك تظَل مهضومة
وَسفة يا بِن عَمّي
عالتّراب ومَدمي
أمّك ٱعليك حزينة ومُعوِلَة
حَتّى أدفِن جَميع العايِلَة
ـــــــــــــــــــــــــــــــــــــــــــــــــــــــــــــــ
جَمّع أصحاب الحُسين الوَي أبوه ما قَصّرَوا
وبگبُر واحـد دِفَـــنهُم ذولَه أنـصـارَه الوِفَوا
الفاتحة وقُل هُو قَراهَه ٱعليهُم
ويِدري جَـنّات العَـدَن تالِــــيهُم
ذولَه أهل الغِيرة
وأنقياء السِيرَة
لكِل الٱجيال قِصَصهُم وَاصِلَة
حَتّى أدفِن جَميع العايِلَة
ـــــــــــــــــــــــــــــــــــــــــــــــــــــــــــــــ
ظَل يِسير وگلبَه دامي ويِرجِف ومَحني الظهر
مِن وُصَـل يَمّ الشـريعَة صــاح يا عَمّــي الگُمَر
ويَمّه شَاف مگطّعات ٱچفوفَه
والدموع ٱعللــوَجِن مَذروفَـة
عَمّي يا بــو الغِيرة
عگبك إحنه بحِيرَة
عگبك إختَك سِبيّة ٱمعَلعِلَة
حَتّـى أدفِـن جَميــع العايِلَة
ـــــــــــــــــــــــــــــــــــــــــــــــــــــــــــــــ
مِن دِفَن عَمّه الكفيل ورِجَــع يِخبِر عَمّتَه
تلَگّتَه الحُرّة العقيلة برِدنه يِمسَح دَمعِتَه
بيـــدي رَدّيت التـــراب ٱعليهُم
شحال گلبِچ لو صِدِگ شِفتيهُم
إشيصير بحالِچ
وبالگـبُر كَفّـالِچ
عَمّي عَباس زَعيم المَرجلة
حَتّى أدفِـن جَمــيع العايِلَة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في دفن الأجساد الطاهرة ، في اليوم الثالث عشر من المحرم ،،،،، محاورة بين الإمام السجاد والعقيلة زينب عليها السلام .
ــــــــــــــــــــــــــــــــــــــــــــــــــــــــ
يَعّمّة يا علي السجّاد
أريدك تِدفِن الأجساد
يبو محمد أريد انخاك
لخوي حسين إخذني وياك
أريدك تِدفِن الأجساد .
ــــــــــــــــــــــــــــــــــــــــــــــــــــــــ
بَعَدهُم باليِــسُر بالشام
بونين ودمعة مسفوحة
تِگِلّه يا عـــلي ٱعللگاع
جثث لخواني مطروحة
جِثَث مِتوَسّدة التربان
بهجير الصحرا ملفوحة
تُوَكّل حتى تِدفِنـهُم
يَعَمّة ميَسّرة الروحة
تِگلّه والدمع جاري
ابوك عللرمل عاري
يَعّــــــمّة بهالأمــر أرجــاك
لِخوي حسين إخذني وياك
أريدك تِدفِن الأجساد .
ـــــــــــــــــــــــــــــــــــــــــــــــــــــــــــ
يگلهه عَمّة ٱعذريني
الأمر مِتكلّفه وَحدي
دليلي ٱمنِ الحزن لهّاب
وحگ المصطفى جَدّي
أريد هنانه تنتظرين
يَعّمّة وغَيرچ شعندي
أروح لنَينوى وأرجع
بدَفِنهُم آنه راح أبدي
أروح لكـــربلا بروحي
عِليل أتوچه بجروحي
وأريد الله اليِعـــــين هـناك
لِخوي حسين إخذني اوياك
أريدك تِدفِن الأجساد .
ــــــــــــــــــــــــــــــــــــــــــــــــــــــــــ
يبو الباقر أريد اوصيك
إذا توصل لِبو ٱســكينة
أريد ٱتــــقَبله مِن نَـحرَه
وتسولِفله السده اعلينه
بحَصيرة اتلِمّه يالسجّاد
وِذَر مِتــگطّـع اولــــينَه
تِشيلَه بهَيدَة وبگبره
تِخَلّي الباگوا ٱسنينَه
الطفل وِتوَسدَه يَم صَدرَه
الرضـــيع المِـــنذِبح غَدرَه
وتِــخِبره زيــــنبك تِنــــعاك
لِخوي حسين إخذني اوياك
أريدك تِدفِن الأجساد .
ــــــــــــــــــــــــــــــــــــــــــــــــــــــــ
يَبو محمد إذا توصــل
لَشاطي العلگمي ومايَه
وتشاهد كافلي العبّاس
وتشوف الجِربة والرايَة
أريــدنّك تِدَوّرهِـــــن
چفوفه الطّاحَن لغَايَة
وتِگلّه يا گمر أحـــمِل
إلَك مِن زينب احچايه
تِگلّك يا ضُــــوة عيوني
صِدِگ تِرضاهه يسبوني
يچتفـــوني بحـــبال اعداك
لِخوي حسين إخذني اوياك
أريدك تِدفِن الأجساد .
ـــــــــــــــــــــــــــــــــــــــــــــــــــــــــ
وصَل للطّف أبو الباقر
وبِدَه اينَفّذ وصيّـــتهَه
وإجه يَم جِثّة الأكبر
وعيونه ٱتهِل جِرِيّتهَه
ويِدِفنهَ يَم أبو ٱسكينة
وتِوِن روحه بشَـجِيّتهَه
على روحك أوِن وَنّي
يَمَن عُـــظمَت رِزِيّتهَه
وَأصيح بآه يالأكبر
أشوفنّك بلا مَنـحَر
يخــويه ولا تِـــظِن أنــساك
لِخوي حسين إخذني اوياك
أريدك تِدفِن الأجساد .
ــــــــــــــــــــــــــــــــــــــــــــــــــــــــ
إنحِنى وصَبّت دَمِع عَينه
يَــــبن عَمّـــي أيا جاسم
يَمَن عِرسَك سيوف اعداك
وعَليك اتهَـــوّس الــــوادِم
بلِحِد مِن خَلّه جِثمانه
نِدَب يا ويلي يالقاسم
شباب وتِنذِبح ظامي
بدِماك املَطّخ الصارم
ويِــــنَزّل جاســــــم بگبره
وعليه ظل يجذب الحسرة
ويگِـــــــلّه يا تَرِف أنــــعاك
لِخوي حسين إخذني اوياك
أريدك تِدفِن الأجساد .
ـــــــــــــــــــــــــــــــــــــــــــــــــــــــــ
جِمَع أنصار أبو اليِمّة
ودِفَنهُم وبلِحِد واحِد
زُهير ومُسلِم وعابِس
وحبيب الزاهد العابِد
وَهَب وبن الرياحي وجون
عليــــهم دمَـــــــعه مِتزايِد
يحاچيم يَهَالأنـــصار
يِظَل مَوقفكُم الخالِد
وقراهه الفاتحة اعليهُم
بجِـــــنَان الباري تاليهُم
ورِجَع يَمّ العقــــــيلة اهناك
لِخوي حسين إخذني اوياك
أريدك تِدفِن الأجساد .
ـــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
مصيبة دفن الاجساد
عن مولانا السجاد روحي فداه
شيگضّي حزني..اگبال عيني اذبحو اكبار العشيره
شيگضي حزني..وانه دافن من هلي خيرة الخيره
ذبيت گلبي اويه الترب...غاليّن لدفن بيهم
وما منچوين امن الشمس..والمستحه چاويهم
عاريّن سادات العرب...اولا خير ايغطيهم
يعگوب فاگدله ولد وما كف بواچي لفگده
ماذبحوا ابنه امن الگفه ويمه ١١ من ولده
وشلون المضيع هله بعصرية وحده الوحده
شلون اكف دموعي وامشي
وانه شفت بعيني كلشي
ذبحّولي طيور عشّي
يا مصيبه
_
شيگضّي حزني..اليطلع امن الخيمه ما يرجعلي سالم
شيگضّي حزني..وانه بجفوفي شلت روس الهواشم
ومن المرض چفي نحل..وعصاّتي لتچيني
والروس ترجف بين ادي..وترجف دمعتي بعيني
شايلهن وامشي بحذر..يا كاع لتعثريني
وجنّاز مرتين اصبحت عكس البشر ونفوسهم
بالروحه اجساد ادفنت وبالرجعه دافن روسهم
جوه الترايب غمضوا وفوگ الهزل ناموسهم
هالمصايب سايرني
شلون اكف دموعي ذني
هذا انه وهذا حزني
يا مصيبة
__
شيگضّي حزني..احترگت الخيمه وركض خدري بصحاري
شيگضّي حزني...وانه صحت لعمتي فرّن بالبراري
بالگوه ينطيني الگلب..وفرّن صحت يا عمه
صح زحمه من تركض مره..بس الحرگ هم زحمه
وما ضل نفل وكت الحرگ..حته يطفي نحشمه
عالساده من يمته الوكت يتكبر و يتغير
شو شي اشد من شي اجن شرد اخذ وشتخير
بين الحرگ بين الركض گلبي العليل امحير
وفوگ ما ركضوا ايتامي
حرگوا اعليه خيّامي
وفوگ علتي گلبي ضامي
يا مصيبه
___
شيكضّي حزني..والسبي لنسوتنه مو عاده عليهن
شيكضّي حزني..وانه بجفوفي اشد حبال اديهن
اصعب مواقف عالرجل..من بيده يجتّف اهله
ومدن اديهن بالسره..و ثكله تواسي بثكله
بجفوفي اشد حبل السبي..ولا اجنبي يشد حبله
لا يكضي حزنك لا يخف ولاتنسي آهاتك
وزادك اذا صبوا الك ينخلط من دمعاتك
من راس ابوك يصد الك وجفك يشد عماتك
راس ابوي يصد علينه
ايشوف الاحبال بأدينه
اتدمع امن الرمح عينه
يا مصيبة
مصطفى صادق اللامي
ليلة الدفنه
جيت ادفن اهل الشيم
دلالي يكطر ألم
دمع النواظر وشل
كل نظره احسن سهم
₩₩₩₩₩₩₩₩
ياعظمهه مصيبة الطف ياعظمهه
السبعه شيبت دمه تبجي من هظمهه
الحسره نار بصدري تذبح من اظمهه
روحي سلت وكتي مايرحم لظمهه
محني الظهر شيبت
كل لحظه اكوم وطحت
متوذره اهل القيم
وكل نظره احسن سهم
₩₩₩₩₩₩₩₩
من شفت شيخ العشيره حسين مذبوح
عالتراب اكعدت يمه ودمعي مسفوح
اسمع بعالم العلوي اللطم والنوح
انكسر ساك العرش من كثر الجروح
هز العرش منظره
يبجي دمه المنحره
وكل جسمه أبد ماسلم
وكل نظره احسن سهم
₩₩₩₩₩₩₩₩
جمعيت اوصاله دلالي تعذب
ونزليته بلحده والنيران تلهب
منظر الشيب ظنوني وضهري حدب
من شفت عبدالله وبلاراس الاعجب
مايطفه بيه الجمر
خليته فوك الصدر
مايملكون الذمم
كل نظره احسن سهم
₩₩₩₩₩₩₩₩
والشباب امذبحه لمن شفتهم
شكد صبر يرادلي من نزلتهم
الاكبر وجسام ويلي وسدتهم
بلا شعور ودمعي يجري امنشبكتهم
يطحن دليلي القهر
والفركه تعمي النظر
راح الاعز والاهم
كل نظره احسن سهم
₩₩₩₩₩₩₩₩
كلبي من الظيم مابطل ونينه
شلون اوصل عمي ابو روح الحنينه
امشي وتعثر وصيح الغالي وينه
عالنهر عاينت جسمه اموذرينه
الساقي عالمشرعه
وجفوفه متكطعه
مطروح راعي العلم
كل نظره احسن سهم
₩₩₩₩₩₩₩₩
جروح كلفه شلون اصبر عالجرالي
اشيظل بيه بعد اخوتي والغوالي
صعب وضعي شلون اكظيهه الليالي
بعد مايرتاح ابد لايهده بالي
كل عمري اتمرمرت
بس المأسي شفت
بالفركه كلشي انهدم
كل نظره احسن سهم
₩₩₩₩₩₩₩₩
الخادم عبدالمعين الشمري
زين العباد الحيل مهدوم
ينظر أجساد مطشره ودموم
گعد عالگاع ويون
حاير شلون الدفن
ينظر اجساد مطشره ودموم
&&&&&&&&&&&&
هنا حجر دامي وسهم. هنا وصل من اللحم
يعمي ارماد الخيم. ياكل بحيله
والاجساد مطشره. بالدموم معفره
حگهه روحه محيره. دمعه يسيله
جمر الفرگه ياكل روحه مايهده
هو الي خذاه الموت شيرده
خصمنه لو علينه ايگوم يتعده
بلياهم نحير بساعة الشده
حيرني دهري مهبط الراس
من بعد اهلي بولت الناس
بعد مايطبگ جفن
حاير شلون الدفن
ينظر أجساد مطشره ودموم
,&&&&&&&&&&&&&
لمن نظر فوگ الثرى. نعمة الباري مطشره
يا ويلي ناره موجره. كربله تارس
لاصدر عنده ولاظهر. متغطي بسهام بحجر
ومسلوب ثوبه بس قهر والنحر يابس
چم حسرة وجرح چم غصه چم لوعه
اعاين كربله مهظومه مفجوعه
حوافر خيلهم ياويلي مطبوعه
طحننهن طحن ماخلن ظلوعه
الكبره گد الكون واكبر
اباريه شلته الموذر
طحنن ظلوعه طحن
حاير شلون الدفن
ينظر أجساد مطشره ودموم
&&&&&&&&&&&&&
تراب الچفن ومتغسل بدم منحره
لا راس باقي وخنصره. ياويلي مگطوع
وشلون اشيله بياصبر. كل لحظه گلبي ينعصر
من ردت أنزله بالگبر. ظهره ويه الظلوع
تعالو يابني اسد بالله شيلو وياي
هذا حسينكم ماخله فكر وراي
هذا گبال عيني منذبح عطشان
ابن بنت الرسول گبالو يچفو الماي
نزلته بدموع الفجيعه
وبصفه وسدته رضيعه
وگلبي مايهده يحن
حاير شلون الدفن
ينظر أجساد مطشره ودموم
&&&&&&&&&&&&&&
تراب الچفن دمعي جره ومتغسل بدم منحره
لا راس باقي وخنصره. ياويلي مگطوع
وشلون اشيله بياصبر. كل لحظه گلبي ينعصر
من ردت أنزله بالگبر. ظهره ويه الظلوع
تعالو يابني اسد بالله شيلو وياي
هذا حسينكم ماخله فكر وراي
هذا گبال عيني منذبح عطشان
ابن بنت الرسول گباله يچفو الماي
نزلته بدموع الفجيعه
وبصفه وسدته رضيعه
وگلبي مايهده يحن
حاير شلون الدفن
ينظر أجساد مطشره ودموم
&&&&&&&&&&&&&&
ظهري نكسر وضعي صعب. من شفت الأكبر عالترب
وشيحمل جروح الگلب طاح الحمل طاح
وللقاسم عيوني نعمن مذبوح وترابه الچفن
شموع العرس كلهه نطفن. زفته الرماح
چنت مرتاح بيهم علتي من تهده
الي تچوى وسند ماحسب بشده
راحو والعمر چن ماي وتبده
وعليه الظالم بلامستحه تعده
چنهم اورود وصارو اوذار
نامو وسف حار الرمل حار
يسحن بروحي سحن
حاير شلون الدفن
ينظر أجساد مطشره ودموم
&&&&&&&&&&&&&&
گالون خلصنه من الدفن. اتحسرت ظليت اون
گتلهم البي نستچن. ظل عالشريعه
عباس راعي المرجله. علومه ترسن كربله
ياوسفه جثه مفصله. چفوفه گطيعه
وصلته وچان هم البيه ماينقاس
خليت ايدي حدره تگول موعباس
مابي كتر صاحي فوك گطع الراس
الهظمتني خذو حته الدرع الطاس
حاچيته وبصوت المصيبه
گتله بهظم عمتي غريبه
صوت آلامك يرن
حاير شلون الدفن
ينظر أجساد مطشره ودموم
&&&&&&&&&&&
الخادم عبدالمعين الشمري
اادفن
ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها وحيل تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول ساگي اوليدي ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
الوحده دافن ابني لو وي الحسين
والگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صاير زغير
ما امـّيز بيـن الاول والاخـير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
ايرد اهلنه هناك سكنت بيدها
ثائر الربيعي
عكيليه دفن الأجساد
ه ه ه ه ه
يحسين وياك ادفن عمري
ه ه ه ه ه ه
ادفن كلبي وادفن روحي
وماادفن وياك جروحي
ماتسمع يابويه النوحي
وماينفع لمصابك صبري
ه ه ه ه ه ه
ياجمر مصابك ما يطفه
وياجفن المن بعدك يغفه
جروحي عليكم لا ماتشفه
وتتوجر حسراتي ابصدري
ه ه ه ه
انضرلك ودموعي ابعيني
والمنحر دامي يناديني
ابطفلك يابويه توصيني
خل يتوسط نحره النحري
ه ه ه ه ه ه
اشلون ادفن للآيه الكبره
اشلون ادفن محبوب الزهره
وادفن للكرار وعمره
وكبرك جنت اتمناه كبري
ه ه ه ه ه ه
عكب حسين ادفنت الأكبر
ابحسرات كليبي التتوجر
يالاكبر ماجنت أتصور
آنه الادفنكم ماادري
ه ه ه ه ه
ادفنت الأنصار ابآهاتي
وعليهم تنزل دمعاتي
وخذتني عله الشط خطواتي
وبعدك ياشط لسا تجري
ه ه ه
الصوب الماي امشيت بجدمي
واتمايل واصرخ ياعمي
جودك لسا عالشط مرمي
وجوه التربان ادفن بدري
ه ه ه ه
مصابك ياعمي ياذيني
وللكوفه هناك ايوديني
زينب لساعه اتناديني
وتنشد وين الكافل خدري
ابو احمد الهنداوي
دفن الاجساد الطاهرة
يالتسئلني عن حالي
شحاله اليدفن الغالي
للطف جيت بدمع مصابي
ادفن عَودي وكل احبابي
شحاله اليدفن الغالي
........
آنه السجاد المتصوّب بجروح هواي
جرح الوالد جرح اخواني وعمي الوفاي
ضلوا صرعى وجيت ادفنهم وجروحي وياي
يالتسأل عن وضعي وحالي اتصوّر هاي
جيت لدفنت الضامي
شفته موذّر ودامي
ردّيت اتعثّــر بثيابي
ادفن عَودي وكل احبابي
شحاله اليدفن الغالي
.....
جسم حسين مگطع شفته وينزف نحره
گمت اجمع بجفوفي اوصاله واسچب عبره
اصرخ يابويه واتحسّر وحفر گبره
نزّلته بلحده بدمعاتي واشتم عطره
يبني ويابقايه اهلي
خلّي عله الصدر طفلي
بدمعاتي التحرگ بهدابي
ادفن عَودي وكل احبابي
شحاله اليدفن الغالي
........
يم رجلين حسين الوالد جبت الأكبر
نزّلته بگبره اوّدعته وگلبي تفسّر
ردت انهض حسيت بكسري وناري التسعر
من طاح الأكبر هَد حيلي وشكلي اتغيّر
يالتسأل گمت بيدي
ادفن جثّة عضيدي
ابچي وماحاسب بحسابي
ادفن عَودي وكل احبابي
شحاله اليدفن الغالي
..........
مذبوح القاسم شاهدته وينزف آلام
متحنّي بدم مو بالحِنّه ومتروس سهام
عريس اتمنّينه انشوفه وننشرله اعلام
لكن ذبحوه واني ادفنته بدم جرح الهام
كل انصار ابوالعتره
ادفنهم سوه بحفره
محني ومتوشّح بترابي
ادفن عَودي وكل احبابي
شحاله اليدفن الغالي
.......
تعنّيت لكافل عمّتنه البي رفعة راس
مگطوعه چفوفه ومتوذر عمّي العباس
بچفوفي نزّلته بگبره راعي النوماس
يا عم زينب گتله انشافت بعيون الناس
كافل زينب الحره
يم جاري النهر گبره
مخنوگ ومنهَد بصوابي
ادفن عَودي وكل احبابي
شحاله اليدفن الغالي
.......
ردّيت لزينب بجروحي ودمع الاحزان
شافتني وصاحن وياها. كل النسوان
جاوب يالسجاد احچيلي دفنت العطشان؟
عفناه مذبوح ومتگطّع فوك التربان
اي يا عمّه واريته
بگبره وكل اهل بيته
بالطف عنج چان غيابي
ادفن عَودي وكل احبابي
شحاله اليدفن الغالي
سيد زيد الفحام
________
بچه اوجر حسره ودموعه حدرها
وبني اسد للجثث تحــفــــر أمرها
حط سبعين واعلمـهـا بـــخــبــرها
وگاللهم هذوله انـصـار الحســـين
فــرد بـــس ابن ظاهر قبره منهم
وأخبر بـــنــي اســد هــذا جدهم
وعن افعاله گــام يســـولفــلـهــم
اشسوه بساعــة اللاگــه الميادين
ولم أولاد عـمـه وكــــــل عمامه
بفرد ملحــوده وانــطاهـم علامه
وعلى كــل واحــد ابداله سلامه
وعليهم گـام يذرف دمعة العين
حتىى انه وصل الى جسد ابي عبد الله الحسين ع يقولون بني اسد فاراد ان ينقله وحده قلنا له يا اخا العرب اتريد ان تحملها لوحدك دعنا نساعدك في حملها قال لا بني اسد اليكم عني أنا اكفيكم أمره فقلنا كيف تكفينا امره وجميعنا اجتمعنا عليه فلم نقدر نحرك منه عضواً واحد من اعضائه ، فبكى بكائاً شديدا وقال: أن معي من يعينني على حملها يعني معه . رسول الله ص) ومعه أمير المؤمنين ع) ومعه فاطمة الزهراء ع ) ومعه الحسن ع) ومعه الملائكه .. واذا تناثرت اوصال ابي عبد الله بين يديه فقال يابني اسد عليه بحصيرة فقالوا ماذا تصنع بها قال : اجمع بها أوصال ابي الحسين .فجمع جسد والده عليها ثم حمل اباه على صدره وانزله الى قبره ثم وضع فمه على منحره الشريف واخذ يقبله ويقول : بسم الله وبالله وفي سبيل الله وعلى ملة رسول الله هذا ماوعد الله ورسله وصدق الله ورسوله .ماشاء الله لاحول ولا قوة الا بالله العلي العظيم )
نعي
يالمالك عشيره اوخالــي بيتك
ياهو يشيعك اوينصب عزيتك
اليموت بدار غربه اشلون موته
وبعيده احبابه عنه وكل اخوته
عليمن ينتــچــي الماهم تچوته
ياهو البيه محنه يشيلها اوياي
هاي جنازت الميت ابـــــلا ماي
ياهــــو البيه محنه اوينغر النه
ويشاركنه بــعــزانــه وبـحــزنه
ابنوال الغرب صرنه بـعـد اهلنه
راح الـچـان خيـمـتـنـه اويلمنه
ثم انزله وحده ولم يشاركه احد في ذلك وبعدها اخذ يخط بالأرض وكأنه شيء قد وقع منه فقلنا هل فقدت شيئاً وعلى ماذا تبحث ، فقال وهو باكياً حزينا .ابحث عن خنصر ابي المقطوع ظلماً ..ثم رئيناه قد رفع شيئاً من الأرض لم نعرفه ووضعه مع الجسد الشريف. وبعدها قالوا بنو اسد عاد الى الجسد الشريف ووضع خده على نحر الحسين ع وهو يبكي وسمعناه يقول : طوبئ لأرضٍ تضمنت جسدك الشريف يا ابي ..فأما الدنيا فبعدك مظلمة .وأما الآخرة فبنور وجهك مشرقة. وأما حزني عليك فسرمد .وليلي فمسهد حتى يختار الله لأهل بيتك دارك التي انت مقيم بها .وعليك مني سلام الله يابن رسول الله ورحمة الله وبركاته) واذا بصوت ضعيف قد صدر من جهة القبر بُني علي وسد رضيعي الى صدري
نعي
علي بويـه الرضــــيع اوياي خليه
اريدن من عزيزي اشبع شبگ بيه
يبويه وصدره خليه اعلى صدري
ودن نحر الطفل بويه اعلى نحري
سباح الـدلــيـل الــولـــد تـــــدري
بهيده اومن تهيل الثره بهيده
خاف الــثــره ايلچمـه بوريده
عبد الله زغير وتـــرف جـيده
وامأثره بوريـــده الحـــديــده
ثم وضع عبد الله الرضيع ع على صدر الحسين ع وأهال التراب عليهما ووضع كفه على القبر وجعل يخط القبر بأنامله وكتب ( هذا قبر الحسين بن علي بن ابي طالب ع الذي قتلوه عطشاناً غريبا) ثم قال عليه السَّلام أمضوا بنا فمضينا مع وهو يقول : على الدنيا بعدك العفى ياعم ياقمر بني هاشم )
أهنا گاللهم اوجــــر حســـرته أهناه
وعلى راعي المحنه لـــزم مــگــفـاه
وذب حسره اشكبرها اعلى المسناه
اوبچه اوهلن عيــونه اوسبگته الآه
هــــذا الـمــاتــنــام بغيضته اعـــداه
هــــذا المحد مـســـويــه الــســـواه
هــــذا الـــمــن اديــه المــاي بــــداه
وهذا الهون اعلى حســــــــين يمناه
ثم أمر ان يشقوا له قبراً .فقالوا بنو أسد ففعلنا ثم انزله وحده ولم يشترك معه أحداً منا في موارته .ثم اشرج عليه اللِبن وأهال عليه التراب. ثم جعل يخط بأنامله على القبر ..وقال هذا قبر عمي العباس بن علي بن ابي طالب ع ثم مضى الى ناقته فتبعناه ودرنا عليه نسأله عن نفسه .فعرفنا اولاً بالقبور وأمرنا أن نعلم الناس ونعرفهم قبر الحسين ع وأهل بيته وأصحابه .ثم قال : وأنا إمامكم زين العابدين بن الحسين ع فاقبلوا عليه يقبلونه ويقولون اعظم الله لك الأجر سيدي بأبيك الحسين ع
نعي
أبوي أبلا ذنـــب ذبــحــوه عــدوانه
وكتلوا كل هـلــه وذبحّـــوا خــوانه
وعلى إظهور المهازل خذوا نسوانه
بعد ما فرهدوه واحـتــرگ صيوانه
جبر كسر الخواطر صعب تضميده
وبعد چلمة أســــف للراح شتفيده
هو اللي ابوه يروح شنهي اللي بگـه بعمره
بعد والخاطر المكسور بيش الوادم اتجبره
ابوي بلا ذنب ذبحوا اوفجعوا أمه الزهــره
خل أهل القلم تنعاه أوخل الناعي اله ينعه
ثم عاد الامام السجاد ع الى الكوفه ودخل الى الخربه التي فيها عماته واخواته وعمته زينب ع لازالت واقفة لم تنم رغم كل ذلك التعب كانت تنتضره وهي تعلم الى اين ذهب وقلبها مملوئ بالحسرات والآهات .فلما رأته أقبلت اليه وقالت : له يأبن اخي اعظم الله لك الاجر يابقية الباقين .قال الامام ع عمه ولك من الله عظيم الاجر الآن
دافن هلي وتعبان راجع
الله اليعينك عمه سامع
لاگتني تبچي بحرگه زينب
وسكينه گامت يمي تنحب تعبان راجع
-----------------------------------------
بيه التعب مو مال چادود
خلصانه روحي وحيلي مهدود
يا عمه شفت حسين ممدود
صارت ضلوعه وجسمه فرهود
لميت الحسين وحظنته
ما ينشبگ گوه شبگته
بوكت الدفن لو تحضر أخته
وتساعد چفوفي بدفنته
نجمع اضلوعه من الوطيه
ونموت كل احنه سويه
عطشان بس شلون يشرب
وسكينه گامت يمي تنحب تعبان راجع
-------------------------------------
عمه الولي لا جسد معروف
شفته وگلت للعين لتشوف
عمه الحجر كسرله الچفوف
شمخليه من حسين السيوف
ضايع ولينه فوگ التراب
ذاب الحسين من السحگ ذاب
ونيت يمه بدمعه ونگاب
انعاب الگلب يم الولي انعاب
يا عمه مذبوح وألمه
محتار ابوي منين اشمه
صعبه ودفن والينه الاصعب
وسكينه گامت يمي تنحب تعبان راجع
-------------------------------------------
يا عمه أگلچ عل الچبيره
لميت الحسين بحصيره
حيره وعلي يا عمه حيره
لا يمي اهل لا من عشيره
دفن العزيز ايريد عوان
والگيد ما خلالي ذرعان
رايدلي يم الوالد امچان
يم الگبر مخنوگ تعبان
ماتن چفوفي وحيلي رايح
ما ادري واگف هسه طايح
يا ربي عِين اگليبي يا رب
وسكينه گامت يمي تنحب تعبان راجع
------------------------------------------
بسم الاله أدفن ضوانه
ميت وأحس عطفه وحنانه
عبد الله متوسد مكانه
صدر الحسين العذبانه
محفور صدر الغالي يا ناس
بالخيل ليش حسين ينداس
ما بيه مچان شلون ينباس
دفنيته بس چثه بلا راس
أبچي واهيل تراب أبونه
آه يا مصاب الفارگونه
نازل مطر يا دمعي من صب
وسكينه گامت يمي تنحب تعبان راجع
-------------------------------------
رديت بس بگلب مكسور
شفت العقيله ودمعتي تفور
يا عمه كلشي هناك منحور
دافن گمر وانجوم وطيور
دفنيت الحسين ورضيعه
والغيره والرحمه الوسيعه
دافن شريعه ابصف شريعه
دافن نبض گلب الوديعه
تدفن هلك وتون عليهم
وتتمنى ميت بين اديهم
يا بيت بعد الراح ينطب
وسكينه گامت يمي تنحب تعبان راجع
كلمات الخادم / رعد الفريجي
محرم الحرام 1446 للهجره
ثوابها الى روح والدتي
ما ينشال ابوي الغالي ما ينلم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
-------------------------------------------
وصلت الطف جنازه امشي
شفته وما شفت كلشي
لون الدم يگلي شگثر مسحوگ
اثر باقي من الاعمامه
رمل متحوله اعضامه
كلشي من الحسين هناك مبيوگ
حجر فوگ الحچر وتراب بتراب
اثر طبرة السيف وفوگهه صواب ؟
ضلوعه اتطشرت محراب محراب
عمت عيني الحسين من السحگ ذاب
اخ موزع اموذر
شيلمه وبعيد البر
من الزهره ابوي الچان شابع شم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
-------------------------------------------
عزيز الروح يا بويه
علي شو منذبح خويه
اريد احد يعين چفوفي ميتات
شلمن يا كتر بيكم ؟
بدمعتي اگعد واحاچيكم
يهلنه ابكربله هناكه الغريبات
وراي ام الخدر بس حالهه شلون
من عاشور ميته امغمضه العيون
بويه حسين من چانو يذبحون
فوگ التله صاحت ذبحو ام عون
وينك صاحت بحرگه
رد يحسين مختنگه
سكتت والدمع ظل وحده يتكلم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
--------------------------------------
هذا انت ؟ الحبيب انته ؟
الما سوينه فاتحته
من ذبح النحر رأسآ للحبال
ما ونينه يم صدرك
يمن ينزف دمى بنحرك
يا بويه الوجع يحسين چتال
اجيتك محني ظهري وميته الاجدام
شكثر فوگك حجر ورماح وسهام
ادورك ما لگيتك يا ثرى شضام
مثل نثر الشلب منثوره الاعظام
هاي الچلمه چتاله
من اتجمع اوصاله
الارض من الحسين هواي شبعت دم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
-------------------------------------
ياهو اليگعد گبالي
اريد انحب على الغالي
يا نومت حبيبي الفوگ تربان
بويه منين احظننك
شحظن وشبقى منك
يبو چلمة هلا شو ماكو ذرعان
هذا حسين ابوي شلون ؟ يا ناس؟
جسد مثل التراب وعلرمح راس
لو هسه عدل ويشوف عباس
چا مات اعله اخيه الكله نوماس
ما يحمل ابد هايه
اه يا صاحب الرايه
لو بعده الكفيل ولا يجينه الهم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
------------------------------------------
مثل ما المن السبحه
الم بحسين وبجرحه
تفرهد كلشي من حسين شبساع
حصيره وجمعت جسمه
ابوي ورايد اشتمه
آخ بدم وريده انترست الكاع
الچبير حسين تالي اتلمه يمناي
اشيلن يا كتر شو ما يجي وياي
الم طول الحنين بچفي بهداي
واصيح حسين بويه الما شرب ماي
هاك اتلگى عبد الله
هم فرض العطش صلى
فك صدرك يبويه بنصه خل ينظم
اريد ارفع كتر وبچفي يتثلم
خنصر چفه سالم
الباقي تراب ناعم يبويه يبويه
رعد الفريجي _ محرم 1447
ثوابها الى روح والدتي
#خرجت عقيلة الطالبين . فَ كيف خرجت
عليها سلام الله
========================
نشاده اجيت اعليك
يبن امي بطيت هواي
وعوز الخوه طلعني
ماطلعني عوز الماي
وحگ اخر نفس عتل
جيتي ركاض مو بهداي
بطيت وكلها كالت عمه روحيله
وعن حرگ المخيم عمه اشچيله
زتوني ابواجي الكترك واسمع
اثمانين نشغه وصوت الحگيله
عله التل وعاين
اخويه احسين مامنعده نيشان
اعله ياصوب اصوت
وصوبين العساكر عله لميدان
========================
جزيت الخيمگه وگلبي
يكلي اهناك تلگينه
غاد امن الخيم وتل
متوسد ابو سكينه
وخميت بجثث اهلي
اتعبت ياكلبي چا وينه
وگضيت الحومه اخمن اينشد عنك
يخوي احسين اول تالي اضيعنك
واجيت امضبضبه بدخان صيواني
بعمه اعيوني جهبتك خويه ادورنك
ونينك سمعته
خلفلله الونين الگادني وجيت
شغدالك حبيبي
تلوج اكبالي يحسين وبجيت
========================
اخيرن وچدت طولك
ورد بيه الامان اردود
الواليته الفزع ونار
يم اخوانه گلبه يهود
وگَعدت فاجده گعديت
يم راسك دمعتي تنود
امش ابلحيتك عن رملت لحومه
ويكسرت حاجبك بسيف مثلومه
وعله عيونك تخثر ارمل ودم
بعباتي امسح اصوابك وانه ملجومه
اندهك وخافن
يسير جفي بصوابك ولجمك
الصواب اعله طولك
وخاف يفز جرح بيك ويهضمك
========================
يبعد ام عون وخيمها
بسك لوج ونسه اضماك
تحلف ليش ودريبه
العطش هاگص جبد وياك
متت من العطش (وسيف)
ارتوه بدمك وما رواك
وازاك العطش وصفرت اعيونك
قبل ساعه اشحلاتك يمي وشلونك
بطل حيلي عليك اصاير ابحالك
غميجه جروح كلبك ونسحن لونك
غميجات الجروح
اطعن عابر خواصر بيك يحسين
حريمات يمزيون
جمالك ياحريمه ايضيع علعين
========================
يبن امي دليلي ايلوب
منسمع صوت هاي لكوم
كله اتكول ميتكم
ايسو منها ماليكوم
وعليه اطايفه التمت
اشماته اعلينه كله تحوم
توازيت وخذاني اليل عد راسك
وكل ساعه وكرب اذني لنفاسك
ردت هلبت نفس منك وجذبهم
الكالو مات كلبك واني بحساسك
وريدك المسه
نبض مابيك ميت يعني يحسين
يبونه يميت
نريد انموت المن نبقه عدلين
========================
الخادم مصطفى الجبوري
يا هاشم يا هاشم
زينب غريبه يا هاشم
********
طبيت وعساني ميته لا طبيت
خدري صار واهس ليد الطبول
نبجي ويم ضحكهم نبجي شيفيد
ضحكو جوه راس برمح مشيول
الشام يتعب الشايله حيلين
وانه العفت ضعني نصه بالچول
نص الضعن برماحه
واحنه التهينه بفاتحه
بيهه الهلاهل عاليه
موش النعاوي الجارحه
غطينه الوجه بالثام والثام
ومافاد كلشي بطبت الشام
ماي وحجي ونيران شمرو
متانــــينه جنهم گبل عام
*********
عيوني مغوشه بيهه الذبح عايل
ومتني موزع عل سياط غربه
وبضهري ضعن گايدته الاجناب
وكل ساعه بـ حبل تنذبح تربه
ادور بـ الوجوه بهلبت حســين
بهلبت واحد وينكــــــسر گلبه
كلهه التصيح بـ اسمي
جا وين اخوي النشمي
رادو الم بضلوعي
سوو نفس ما بـ امي
يهل الرحم يهل الحميه
من يمته جا زينب سبيه
ماترهم ولا بالعقل يوم
بت حيدر مجتفين اديه
*****
بكثر ما سبحت خلصت السبحان
شسوي وصار طولي كشخه للنوگ
وعگب شحة الخوه بركض الاجدام
صفه حالي نعش هدلان بالشوگ
راس حسين فوگي مشتهي الماي
وانه بعازة اشبگ جسم مسحوگ
انه الكفلهه كافل
طولي علناگه مايل
والشام عله بروحي
بصباحه صبح عايل
هذه الحمل يرادله معين
وماعنده زلمه يكول بالعين
ام الخدر مگيول بيه
وخدري تطشر چنه الحسين
*******
ديره وبيهه كفره صوت الدموع
اليبجي عليكم السوط اليسكته
صفنت عيني حدما خلص الشوف
ونفسه الشام باقي بطگ ضحكته
ياشام شتريد حسين مذبوح
واسمعه يكول ما كفت ذبحته
نريد بعذابج نفرح
نريد بسنينج نذبح
انحب الدموع عليكم
وودنه برقيه نجرح
وحدج يروحي تالي وحدج
سب وغلط والناس ضدج
جنج كتلتي شيوخ منهم
ومامش عزيز يحامي عنج
*****
الحمدالله
احمد نبيل العبودي
لحن(الله يساعدك)
بصوت
ملا سيف اللامي
بغداد
لحن(الدرب ماشوفه)
بصوت
ملا عمار الشغانبي
ناصريه