4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
محرم الحرام
أستجير من البرود
انته ماي ونيتي عود
لاتخليني اعود
الزم ضياعي
بخير هسه وضعي زين
ناعي لخيام الحسين
هسه اليه تشوف عين
للباري داعي
شارد بلايه شعور
واستمع بس لينه توب
احنه احله من الذنوب
ونحبك هواي
من عمق ذنبي اجيت
حسين بس گالو بجيت
ماشارب للماي
الله راد الخير ليه ماتهت من الله ليك
ومن اجيتك شفت عالم وصار حچي كله بيك
حسين موبس أُنس عشكه بالعشك كتبتها اديك
هيه حكه اسيوف خصمك سيدي صلت عليك
مولانا حسين. مولانا حسين
بخيمتك وضعي نعدل
وراحت ايام الكسل
كاسب وطالب عمل
اخدم خدمكم
تغيرت مو من معاجز
الچان غافل هسه جاهز
ديني من دين العجائز
يحسين احبكم
انته هاك و وضعي جيب
الهوى يخنكني عجيب
الريه ترتاح بنحيب
ودخان خيمه
بده مشروع الهيام
حسين واضح وسلام
نجوم هيمه
هاي اول مره صارت بس طرف واحد يضحي
ليش دوم وياي تبدي مره خليني انه ابدي
وياك بس لساني يحجي فعل لا ماعندي يحجي
كون ما ابجي على احد كون بس عليك ابجي
مولانا حسين. مولانا حسين.
ياغريب الطلع اسمي
اطاني خيمه اطيته دمعي
يلحنانك عابر امي
يمخجل النوگ
بلقصايد من قريتك
دنكت راسي وبجيتك
كلبي ضابع بس لكيتك
قرأن مسحوگ
انته دنيه من المشاعر
وانته خير. بعين باجر
ليل اقلام وي شاعر
بالصفنه ابيات
جروح موزونه القصيده
امسحلي راسي جن حميده
وارزقني اهات
انتبهلي كلمه كلمه استنكي الحچايه التفيد
مو خساره والله حبه حبه الي يگرب البعيد
ماكو اي ريبه بكلامي وهوه هيج الحب يريد
هذا حب حسين هذا استوطن بحبه الشريد
مولانا حسين. مولانا حسين.
بين اهلها والكرابه
بخير من اصيح بابه
بالحضن مو بلخرابه
وماتعرف الشام
مدلله هسه الحبيبه
وجايه ايام المصيبه
هسه زينب مو غريبه
وبخير الخيام
والكمر يحدي ضعنها
لچن بس يفتر زمنها
تعوفه علغبره وطنها
مسحوك بخيول
صورت الطف بلعقيله
الفركه سوتها عليله
مسبيه بالچول
محد يكومك وانته طايح لكيتك سيدي سيد مشاعر
لذالك اقسمتلك وانته قدوس اريد وياك خلكي خلك شاعر
نهرك مانشف يمخجل النيل شفته وياك وكتي كله عاشر
عله الوقت المناسب غلطه ابجيك اريد دمع يمك علمباشر
نجاح عدنان
العشك بقيس وليله جميل تحجي القصص
ومن عيون الناس ضمها الحبيب وكلش حرص
وععشكي انه بماي واجهي شتريه ويمه رخص
عشكي يا ناس
عطره من ياس
هايم بيه
حته عباس
الخوف يمك هم شابع خوف
بصورت ياسين انشوف احروف
ماتحب العلوه غير انته الماي
جا غير كافل كطعله جفوف
مولانا سيد الشهداء. مولانا سيد الشهداء
__.
بس وهب ياناس من يعشك صحيح دوله وعلم
مو وهب مجنون لا حته المسيح بهل الخيم
وياك. كلشي يختلف اه ياحسين حته الألم
يوزع الحيل
من تحت خيل
ساتر الناس
وضلمت اليل
عطشان بس انته رب الماي
وحسين رازقني هواي هواي
يحسين وزهره عليك تكول
مولاي حكي من صرخ مولاي
مولانا سيد الشهداء مولانا سيد الشهداء
__
عليك عابس من يشكك بلثياب قمة العقل
يلي كلشي بسمك تعدل يماي حته العدل
انت ياحل المسائل وسوال يمك سهل
بنضرته حيه
الحر لمن جه
كلشي بحسين
يصرخ الله
مولاي متواضع مو مغرور
وعيونك للحب صارن دستور
وبشخصك خل تغزل يحسين
مو لؤلؤ بس نور حسين النور
مولانا سيد الشهداء. مولانا سيد الشهداء
____
يلي خير الدنيه من جف الرضيع يابو الصبح
كلشي بحسين نجمع ارض وسماء فوك الرمح
بيك نرفع روسنه بيوم الصعاب يلمنذبح
موضح الكون
نقطه علنون
حاء وسين
بكى مجنون
وحزام ظهرك لحسين نشد
ونيشان عشكك بين علخد
مولاي ماسمع لا والله
وياك عشره ومندور حد
مولانا سيد الشهداء. مولانا سيد الشهداء
نجاح عدنان
( الصوره الجميله)
عشگ الغياره،،،، نگصدها داره
كل صعبه يمه يشوفلها چاره
زاهد وعالم،،،،، لحسينه خادم
تچوي شمسنه لو شبها ناره
عباس،،،،،، اسمك حرزنه
عباس،،،،،،، غيرت گصصنه
عباس،،،،،، تسوه العوالم
عباس،،،،، ريشت گمرنه
ابو فاضل مدد مدد بمعينٍ نستعين
ابو فاضل مدد مدد ياجنون العاشقين
ابو فاضل مدد مدد بكَ قد هامَ الحسين
ياقمر الله. ياقمر الله
بحقه قليله،،،، الصوره الجميله
وكل شعري قاصر ماكو مثيله
باطن وظاهر،،،،،، للسبعه عابر
وصفه يحيّر،،،،،، يهوه الثجيله
عباس،،،،،، گاع الله بيده
عباس،،،، الحومه عيده
عباس،،،،، يندلها كلها
عباس،،،،،، يكفلني اريده
ابو فاضل مدد مدد فعلهُ لا يُعيد
ابو فاضل مدد مدد يفعلُ مايريد
ابو فاضل مدد مدد يالمگرب البعيد
ياقمر الله،. ياقمر الله
سر العوالم،،،،،،، قمر الفواطم
بدويه امه واهله الهواشم
سر السعاده،،،، مدحه عباده
عابرها كلها ياعينُ فاطم
عباس،،،،،كاسر خشمها
عباس،،،،،، طيح صنمها
عباس،،،،، ذكر اسمه جنة
عباس،،،،، تركع أُمرها
ابو فاضل مدد مدد أكرم الأكرمين
ابو فاضل مدد مدد حصن الله الحصين
ابو فاضل مدد مدد قسورٌ لا يلين
ياقمر الله. ياقمر الله
تنگب تحزّم،،،،،،،، عَذِبٌ كَـ زمزم
من بيتِ حيدر قمراً تزمهر
عين البصيره،،،،،، ندّه ونضيره
لچبيره يمه مولانا اكبر
عباس،،،،،، كلهن صفاته
عباس،،،،،،، دين الخواته
عباس،،،،،، جبر الخواطر
عباس،،،،،،، زينب صلاته
ابو فاضل مدد مدد هوه سر الحياة
ابو فاضل مدد مدد يملك كل الصفات
ابو فاضل مدد مدد لحسين أعظم فرات
المتعبك
نجاح عدنان
شبه ميقات النبي
من محرم للسبي
موعد اتلاثين ليلة وعشرة ايام
ــــــــــــــــــ
*من رب الجلالة بسورة الاعراف
اوعد موسى للميقات بالالطاف
ميقات الحسين يشبه بالاوصاف
لكن عالحسين من الصعوبة اضعاف
موسى من المدينة طلع لكن خاف
ومن التقى بجمعين الحسين الالف
موسى من طر البحر
وطرت الجربة النهر
لجن مو قطرات تنزل تنزل سهام
ــــــــــــــــــ
*اية ١٩ من طه بالقران
من موسى يأمره رافع الكوان
القي هالعصى وتحولت ثعبان
معجزته العصى والجف الأبيض جان
ومعجزت الحسين بكربلة وعنوان
عباس ابو فاضل راعب العدوان
جفة الأبيض من طلع
وجف ابو فاضل وگع
والعصى راية كتيبة وجيش الاسلام
ــــــــــــــــــ
ايام أربعين وتمم الميقات
وميقات الحسين بعاشر الكلفات
هو يوم واحد لجن هلگد مات
وموسى ما مشى للجبل بس خطوات
وضلت بت شعيب اتاني بالايات
وضعون الحسين اطلعن مسبيات
بت شعيب الما مشت
من بلد لا واجهت
ولا على الناكة الهزيلة صعدت ارغام
ــــــــــــــــــ
هاي الأربعين انذكرت بتفصيل
من واحد محرم للسبي بترتيل
قبل موسى وذكر توراته والانجيل
حسين بدمه وقع قبل دم هابيل
قربان الاله برمح دمه يسيل
هوه الذبح الاعظم والفده سماعيل
دمه سال اعله الارض
حتى بي تم الفرض
الف واربعمية صارت من الاعوام
ــــــــــــــــــ
*بذكر المائدة الآية أربعة وعشرين
قالوا قوم موسى احنه منتظرين
اذهب قاتل انته وربكَّ في الحين
لا ندخلُ الأرض وفيها جبارين
وقوم حسين جانو بالحرب سبعين
لو ننتصر لو ميتين منتصرين
قاتلو وستشهدو
وي الحسين ونجو
ربحو الدارين والله وي الايمام
ــــــــــــــــــ
*اوجس خيفة موسى من دخل فرعون
جان وياه عضيدة والسند هارون
يم الحاشية وكل الذي يسحرون
ولقى بالعصى وينظرهم يسجدون
زينب بالقصر جن حيدرة ينظرون
خطبت زلزلت من عدها ويخافون
زلزلت عرش الظلم
خوفت كل الخصم
والله ما تحمي ذكرنا لو بالاحلام
ــــــــــــــــــ
*تسعة ايات موسى وانتهى الموضوع
وقران الحسين اعله الرمح مرفوع
ومطشرة اياتة حسين ما مجموع
الآية الوحدة عنده كسر عشر اضلوع
سورة هل أتى العباس بيها دموع
وكل جف بكتر فوك النهر مقطوع
هذا ميقات الشجن
هذا قران الوطن
صحف كلها نرفعت وجفت الاقلام
ــــــــــــــــــ
الشاعر زين العابدين الشمري
*١. سورة الأعراف، آية ١٤٢
*٢. طه الآية ١٩
*٣. سورة المائدة الآية ٢٤
*٤. سورة طه الآية ٤٥
*٥. سورة الإسراء الآية ١٠١
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
هاي الخدامه كلها خير ونعمـه
والما نظر هالنعمه يحشر اعمه
ـــــــــــــــــــــــــــــــــــــــــــــــ
بارينـــــا بالطـــافه ينزّل رزقه
وكل واحد بهالدنيا ياخذ حقه
واليخدم بأخلاص يعله ويرقه
صافي الگلب والخدمه تمشي بدمه
ـــــــــــــــــــــــــــــــــــــــــــــــ
راحتنـا بالخدمه فقط شفنـاها
هنياله كــــلمن نيّتـــــه صفّاها
والنفسُ قد افلحَ من زكـاهــــا
أتزكي النفس شفناها هاي الخدمه
ـــــــــــــــــــــــــــــــــــــــــــــــ
وجهه ابيض اليخدم عزيز الزهره
بالخير هالوادم تذكـره ابگبره
بالآخره والدنـــيا طيب ذكـره
واللزم درب حسين هو يلزمه
ـــــــــــــــــــــــــــــــــــــــــــــــ
يوفقنا ريت اويه الخدم بارينا
ونخاف من هالدنيا لا تغريــــنا
الباري برحمته هوه لينــجــينا
وينظر يريت بعطفه نظرة رحمه
ـــــــــــــــــــــــــــــــــــــــــــــــ
بهل الخدمه غايتنه فقط حب حسين
ونتشكر بفــضله علينه بكل حين
بهـاي العقيده كمّل الباري الديــن
هالخدمه صارت چن هوه ونشمه
ـــــــــــــــــــــــــــــــــــــــــــــــ
لو أهلي عيني ابموتـتي سدوها
وجنازتي فوگ الچـتف شالوها
اسألكم الخدمه فقـــط اهدوها
الخادمكم الجوه الترايب جسمه
ـــــــــــــــــــــــــــــــــــــــــــــــ
حيدر بشار الدراجي
دربك مدرسه اواحدنه طالب
مدير انته والصفوف المواكب
كل موكب درس بيه
صعب بالدنيا تلكيه
-*
اول درس بيه العالم تكوم تخدم بالشوارع
تكبر خاف عدها بدربك انشوف يعلمها التواضع
بيه الشاب يعرف معنى الاخلاق مو بس عنها سامع
اذا صد بعبايه يعلمه اشلون تذبحه ومايباوع
يعلم الشاب بيه وبيه يشيخه
شلون يصير يوسف يم زليخه
مامش حرمه تغويه
كل موكب درس بيه
-**
الدرس الثاني بيه تتعاشر الناس مو عشرت مصالح
كلبهم بيه يصير بلون الحرام مو بس الملامح
مو عل حقد بيه تتعلم الناس يعلمها التسامح
بحيث الكاتل ابنه من تمر بيه يكلك دمه طايح
بيه الناس تكره فكرة الدم
بس للرحمه وعلى الخوه تلتم
اخيك لاتعاديه
كل موكب درس بيه
-***
ثالث درس بيه تتعلم الناس باليجبل تجلب
الموش معزب بدربك تخليه يبيع ابنه ويعزب
الطاست ماي ينطي لجلك حسين ترد الطاسه اله بحب
المو طيب ابدربك يعرف شلون يصير انسان طيب
بيه الكرم ما ينحطله مقياس
عل زوار بيه تتسابك الناس
ركض تتسابك أعليه
كل موكب درس بيه
-***
رابع درس بيه للعفه عنوان وحكمه وكله غايه
يريد بدربه كون الحرمه ياناس من العفه ايه
السمع ماسمعه الجانت بالحجاب تتحول عبايه
المامستوره تمشي باجر تصير سوط أعلى السبايه
جمال الحرمه ينشاف بسترها
كون المشط ماشايف شعرها
عمرها بعفه تكضيه
كل موكب درس بيه
-****
الدرس الخامس وي الله البشر كون تخلص كل حياته
الدنيا ايعوفها ويتركها للغير وما يترك صلاته
ليتعب اجدامه ويمشي لحسين الخله بواجباته
حسين ايريد كون اليعتني أعليه يتحله بصفاته
المات وعمره خلص بس عباده
حسين بنفسه يختمله الشهاده
ختم للجنه ينطيه
كل موكب درس بيه
-*
الشاعر مهند جبار الشغانبي
صلى ياعباس گلبي عليك صلى
وداعت الله ياكفيلي وداعت الله
الموت هلفرگنه خويه شلونه بالله
حيلي ياگمر حيلي راح وتفرهد دلالي گبال عيني
وينك هل صحت وينك. هاي اول مره اصيح وماتجيني
رايه ياهوه الرايه والله مخنوگه وگطع گلبي ونيني
ها عباس وشلون
تعوف حسين وام عون
بس حاچيني يابعد اهلي
ترا حتاجينه هواي
بقينه بلايه حماي
رد وعوف الماي يولي
وينك هل محتاجك حسينك. وينك
———-
حسين تدري من غيابك طوله حدب
وعثر چم مره ويصييح خويه زينب
يضحكون واخوج حسين ينحب
يمشي گوه من يمشي يعثر وماكو زلم ينخه بخواته
صعبه ياگمر صعبه حسين يبچي وتضحك عيون الشماته
خوفي ياكبر خوفي خاف يموت حسين ويركضن بناته
يطيح وساعه يگعد
عثرته بگلبي تمرد
هسه شلون بهاي الحيره
اروحن الك لحسين
خيمنه بس نساوين
شيب گلبي يابو الغيره
وينك هل محتاجك حسين وينك
———-
من وصلك چان ميت من وصلك
گتله خويه من سمعه شنهي گلك
راد يكلك لا تموت وكال احبك
خويه من گلت خويه راد يشبگك بس سهامك ضايقنه
عيني فدولك عيني حسين من حچايتك حس بالمحنه
راحت عشرتك راحت ليش ماگلتنه خويه من زغرنه
رد احچيها عباس
خلها تسمع الناس
انا اشريها الخوه بعمري
چا هسه العمر راح
خويه بوكت ذباح
تدري بعوزك كاسر ظهري
وينك هل محتاجك حسينك وينك
———-
حتار لو رد لخيمنه شلون رده
حسين ضل بطرگ روحه هاي شده
وحده ودموع على خده حسين وحده
خيمه رجع للخيمه من دخل طيح عمدها يا ضوانه
يبچي يلطم ويبچي يكول لو عباس عاش وميت انه
ويلي خويه ياويلي منهظم خويه وسمع ضحكة عدانه
گال ام ضعنه
راح الگمر منه
وهسه حسين مفارگ روحه
گتله شلون يحسين
گال بلايه چفين
فايض دمه بكثر جروحه
وينك هل محتاجك حسينك وينك
——-
محمد عيسى المنصوري
#السيده_زينب_ع/السبي
هِزلـه اعجاف هاي النوگ مـمـشـاهـا يعـذبنـي
من انزل يخوي حـسين چــا ياهــو اليـرچـبني
...................................................
حيره وفــرفــح الدلال واشـتـاگـيت لـخـواني
من بعد الخدر يحسين حــبل اعـــداك گاداني
لو شايفني من الظيم كون تشوف موش اني
الماطالع خيالي بيــوم هـس الـجيش شافاني
انه الي اجيت اويـاك
بعدك حــبـل گـايدني
...................................................
لوصار الغروب وجـن لـيــلــي وآه يالـيــلــــي
يحسين العفو انه بهاي هجـــرك يهدم بحيلي
لا انته البقيت الــوياي لا عــــــبـاس باقـيـلـي
احچي بدمعي من فرگاك والدمعات تحچيلي
صاباني الحزن والهـم
فــرگــاكـم يمرمــرني
...................................................
من بلد البلد ماشٓين وتباوع علــيّــه الـنــاس
جبناها بحبال الگيد گالو هاي اخت عـــباس
هاي بيوم لو طلعت اوياها تطلع الحــــراس
هس الحال موش الچان بلگوه اجــر انفاس
من ظيم الي شفته هنا
يـخـــــوانــــــي يغيرني
...................................................
متعمد يجيب الروس يم عيوني خــلاهـن
يعذبني يـــريد بهاي كـــــل شويه هــزاهـن
انه انظر الراسك فوگ يقره ايات يــقراهن
ويوصيني البنيات امانه حــسين عـافاهـن
چدامي الرمح يحرس
حـتى هنانه تحـرسني
...................................................
آه ابطـبـة الـديـــوان هــاي شلـــون احـچـيهـا
آه حـسيـن آه و آه مايـنـجــــــــاب طـــاريـهــا
شِفتك بالصعا ابن زياد جـــاساها ويطگ بيها
وگال حسين هذا حسين واخته اليوم
سابيها
بأيده ايأشـر اعـلـيــه
بالديوان جاب اسمي
...................................................
ناس بلا ضمير اهنا لاشــــيمـه ولا نـخـــوه
وحدي وبس عليل وياي لا خوان لا تچــوه
وين اسياد هاي الگوم هاشم اهــل المـروّه
تاخذ ثارها مــربـــع مــن هـاي الزلــم گـوه
تاخذ ثار اخوي حسين
وطـفّـي جـمـر حــزني
===========================
✍️عباس مالك آل عفريت
نسألكم الدعاء
ياهله بأصحاب حسين. وحسين كاشخ بيهم.
حسين طف حسين مدرسة الرجال
زلام بيها على الموقف ثابته
الصحبه عدهم كون اوافي لو اموت
الميت على الحگ تعيش حچايته
وشيخ بلطف شال خاچته حبيب
وركض يم حسين ذب عمامته
الجيش كثره وهمه ابد هامهم
گله بالخاچي اسوگ رجالهم
چبير عمري وحيلي شاب
اترس الطف بس رگاب
اخنث من الحرمه اخلي زلامهم
ياهله بأصحاب حسين. وحسين كاشخ بيهم
………….
صاح حيهم والزلم گلوله صار
ياحبيب ابشر وگول السالفه
ياليوث الوغى حدوها السيوف
نروح يم ام عون گالة خايفه
خاف باچر بالطف يصير القتال
وخاف وحده يضل چبير الطايفه
حسين اكثر من اخونه گبالنه
وحنه لجل حسين عفنه عيالنه
فدوه اله الأم والولد
احنه مانخلف وعد
ترخص الروح وجسد لصاحبنه
ياهله باصحاب حسين وحسين كاشخ بيهم
……
صار مگبل والزلم متنومسين
والحرب ماچن حرب عدهم عرس
مسابگ على الموت ياهو اول شهيد
ويا هو قبل حسين تاكل بي شمس
حسين عدهم چان اغلى من حياة
حسين بس حسين ترخصله النفس
تبسمو بالحرب طيحتهم سوى
جون اكثر واحد يشع بضوى
چان اسود لون جون
صار احلى من العيون
عمبر من دمومهم طش بالهوى
ياهله باصحاب حسين. وحسين كاشخ بيهم
……
الف مره انذبح وارجع اعيش
يازهير شلون گالنه فده
حسين عندي القائد وثورة حياء
ميت ومستحي عفته لوحده
سولفو بالجنه والله احلى الحسين
والله لوبيدي كسرت القاعده
ارجع اعدل ووگف باب الخيم
كون اردن آل اميه للعدم
واگضي عمري ابابهم
حارس بقى گبالهم
والف مره حسين اضل افديله دم
ياهله باصحاب حسين. وحسين كاشخ بيهم
……
محمد عيسى المنصوري
يالرايح وعفت الفواطم
بلاية الولي بنت الهواشم
المن اصد يا صوب احتار
وانت برمل يحسين نايم
بس حسين عندي وعني رايح
ومدري بيا كتر عباس طايح
بدخان الخيم معمية العيون
ودمعي امن الضهر يحسين سايح
ويلاه يزينب احاه يزينب
___
اختك ترة حارت على التل
ماضل صبر يحسين وشل
كونك عدل افزع يخوية
منين اعتني ياخوية شندل
وين انطي الوجه يا خوية واندار
ارد اوصل لچن ضل گلبي محتار
اجيلك لو ارد لو ابقة يحسين
اصد الخيل عنك والخيم نار
ويلاه يزينب احاه يزينب
__
ضلعك شفت بحوافر الخيل
شفته وبدة يتمايل الحيل
وآنه صرت مابين الجيوش
بيك التهي و هاي المداليل
عل الهيمة ركض يلحگهن الجيش
طفلة وبالصحاري اتيتمت ليش
وگلب اختك وگف متگلي شيصير
اسهامك بالضلع ما طاحن بريش
ويلاه يزينب احاه يزينب
__
ضهري انحنة يحسين عدلة
اعليه السحگ ياخوية خلة
بس اگعد واجمع بناتك
گلبي ترة وصلة اعله وصلة
لو بيك النفس بس اگعد وشوف
زينب يالولي مو مالت طفوف
اميرة اعله الخلگ تاليهه احتار
ملحوگة اركضت يحسين والخوف
ويلاه يزينب احاه يزينب
_
لمن طحت صدرك سمعته
فوگ السهم والخيل اجته
واعليك الخلگ تفتر بالسيوف
وطولك نحر لمن وصلته
ردت اعليك الحگ والوگت فات
جروح اهواي بيه وموش هينات
وجابوهه الهزل يحسين للشام
تالي نروح وانت بالفلا تبات
ويلا يزينب احاه يزينب
#محمد فرج الحريشاوي
يبو السجاد بس وياك خليني
من حبك يبعد الروح غذيني
~
الگلب ياريت حبك سيدي ايشغله
وعن كل مغــــــريات الدنيا يتخله
مايـحـله العمر لـــــــولاك مايـحـله
وياك العمر محــلاته يحـــــسيني
~
غـذيـنـي ابـحـنانـك وانـت ربـيني
ومن اعطش ابچفك ريت ترويني
ولا فــرق البـاري بــــيـــنك وبيني
وخــــــــادمكم يبو اليمه تسميني
~
لون تــــدري يماي العين شتمنّه
علگ گلبي على الشبـــاك اشدنّه
جنّه حـــــظرتك يامحله هالجنّه
ونسيم ازيارتك مولاي يحييني
~
همت باسمك وحگ الطاهره البضعه
وعشت بِيّه جرح واجريلك الدمعه
اخــــذني العالمك خليني بس انعه
يـمن جـمرة مصابك دوم تچويني
~
دعيت الله تـــــدوم ابحبك العِشره
اولا يجعل وصالي اوياك بس فتره
الما عايش حنانك عايش ابحسره
حلم عمري ابخدمتك تخلص اسنيني
~
وفقني الخـــــدمتك بيه مابيه
خليني أهيم ابكل حـــــــسينيه
واحلفك بالمشت للشام مسبيه
على دربك يبو السجاد مشيني
~
حيدر بشار الدراجي
الحمد ل الله انعه وبجيلك
ومن تضيج اشكيلك
وانادي بشدتي دخيلك حبيبي
الحمد ل الله بخدمتك يااخو عباسي
بفضلك سيدي ضل مرتفع راسي
والي محفوض هيبه وقدري يم ناسي
وصبح اسمي حسيني وعالي نوماسي
بخدمتك ماادور اشكال
وماهمني الحجه والكال
تبين اليخدم الافعال حبيبي
................
الحمد ل الله لمصابك دمعتي مدرار
وجم صوره الك وسط العزه تذكار
من اشوفك عيني تهمل والعقل يحتار
جبينك للعباده وموش مال احجار
واذبن ثوبي واتهدل
وخدي بدمعي يتبلل
حلوه من ابجي واتعلعل حبيبي
..................
حنانك دايم شيحصيه افضالك
انه الماواصل اسمك موش افعالك
بله شيسوه عمري بلا بجي اعيالك
يصبح عمره نزوه المابجه اطفالك
الحمد ل الله عبد صاير
وكل مجلس الك حاضر
واعيش بغربه بلعاشر حبيبي
...............
جرحك بيه عاش وسحكت متونك
وين الكه اليشبهك والمثل لونك
من اشوفن صورتك اصفن ع عيونك
موقف زينب اذكر لمت اسنونك
من طك النذل راسك
دخن راسه عباسك
ولمت زينب اضراسك حبيبي
...........
على جرحك انوحن وابجي لهمومك
مايبرد جمر وسط الكلب يومك
ليش موذر وفوك الترب نومك
يلساترني شو سلبوهن هدومك
سلبو جسمك وسحكوك
الماعدهم رحم ذبحوك
ومن ماي العذب منعوك حبيبي
محمد تقي الزاملي
(ملاذ التايه عيونك)
الرادود حيدر علي الكعبي
مولاتي الزهراء صلوات الله عليها و الخدام
اجيت ودمعتي بعيوني هماله
انعى وليدي والي صاير بحاله
الطم ع وليدي الكسرو اضلوعه
انوحن ع الداست جسمه خياله
واحسينا
وين الي يعزيني ويواسيني
إنه الزهره اجيت ودمعتي بعيني
وين الي يدك صدره ع وليدي
وين المنكسر كلبه ع حسيني
واحسينا
ها يااهل المجالس يهل المروه
وين الي يصير اليله الي تجوه
وين الي يواسيني ع مصابي
إنه مكسور ضلعي امشي وتلوه
واحسينا
ها يااهل الطم وين اليشد حيله
وينه الي يون أنهارها وي ليله
ابني حسين عاري باقي بلبيده
مكطع وصله وصله جفن ميشيله
واحسينا
وحيد هناك ضل وليدي بلحومه
متغير اهواي وذابله ارسومه
صريع ع الثره وينازع بروحه
ضامي بكربله ومسلبه اهدومه
واحسينا
فزعه اليله جايه وطالبه منكم
ياهو اليفرحني اليله من عدكم
ياهوه البلطم كل حيله يتهدم
واذا نشفت الدمعه بدمعي اچملكم
واحسينا
محمد تقي الزاملي
ليله مسلم من دخل كوفانه
بعزم حيدر من سحك ميدانه
، ____.
ياشجاع الكابلك بس الشجاع
ابو طاهر هوسته تشلع الكاع
الكوفه بيدك سيدي وانته الشراع
يلصيتك للكواب حيل شاع
ابو طاهر للزلم دفانه
ليله مسلم من دخل كوفانه
، ____.
باقي علحيطان المسلم إثر
بقوة العباس من داس النهر
سيف مسلم ابد مايحصل مفر
طوعه تصرخ بني هاشم وفخر
الكوفه مسلم هل شلع عمدانه
ليله مسلم من دخل كوفانه
، ____.
ابن هاشم يلي علعيله تهيم
شيخ انته وصارمك كلش كريم
الرحيم اليوم مايرحم رحيم
ثكل جفك يشرح نواع الجحيم
چنه حيدر من قلع بيبانه
ليلة مسلم من دخل كوفانه
، ____.
ابن هاشم يا اهل زين وكفو
يلمرمل كل نساوين العدو
ابد ماصحلك مثيل ولا اخو
ذكر اسمك چن مطيره عد بدو
يلقالع خيله وحطيانه
ليله مسلم من دخل كوفانه
نجاح عدنان
حلم العليله
مسية العافيه عليكم يهلنه
امس ع سفره من كلنه كعدنه
ما اكل كلت خل يوصل حسين
باهت كل حچي هوه ملحنه
اصيحن وضعي بويه حسين كامل
يامحمل اركبه من المحامل
علي الأكبر اشوفه غراضي شايل
صحت وين
مايقبل ابونه ضلي بلبيت
صدك حسيته ميحبني انه بجيت
وانه بدمعاتي اصيح حسين يحسين
چلمة اخذني من گلتها
مو حاجه لا بنتك عفتها
يحسين من تركض شفتها
موادع غرب من ودعتها
رايحين. رايحين
شحلاته القاسم عالمهر راكب
دمع العين فوك الرمل كاتب
مامقسوم اروح وياك يحسين
الله وياك بس حگي اعاتب
بس هذا طلبته بهيده امشي
هسه يصيح اركبي يشوفني ابجي
هيج اني وي روحي جنت احجي
او ويه زينب
ارجع يابو فاضل ردها للدار
بعد ايس يكلبي الأمر صار
تخيل رقيه تركض بنار
ليش تنحب
ذبيت روحي بنص ضعنهم
وخليتها بناگة خيمهم
ماغثوني حته نشيل منهم
وين اليجيب اخبار عنهم
رايحين. رايحين
يصيح حسين بويه رجعي كافي
ضلي وتبقه يمج بس چفافي
هسه بخير احنه وعدنا عباس
بعد عباس تتفطر شفافي
بعدكم كمت اشوفن دنيتي خوف
بعد حسين ماينفع تره الشوف
ليش اتخيلك رافعها الجفوف
منهو بيدك
تعبان ابني مامذبوح تعبان
هيه شمالها تنحب النسوان
عبد يبني خضارك ليش ذبلان
تشربه نيتك
وگضيت ليلي اجمع هدوم
مهموم اشوف حسين مهموم
عبدالله شنهي بسهم مفطوم
من هسه احسه يناشغ البوم
رايحين. رايحين
كل هاذه بحلم بلواقع شلون
صدك بين الزلم تتركض ام عون
اليسمح چان اثره تعذر الحيد
المحد شافهااا حفظتها العيون
مثل يومك يبويه ماكو كل يوم
يخويه للمخيم طبت الكوم
هسه يفز اعرفه خفيف بلنوم
ال هاشم
وشالت حيل خويه رفعلي ايدك
وعلي يحسين هسه حيل اريدك
نهض خويه فزعلي عضيدك
للفواطم
يخويه الخيل دفنتي بمكاني
فارس كرب بصفي واجاني
تركوها الحرم سبوني اني
هسه عرفته لمن ماخذاني
نجاح عدنان
ها يبعد العافيه شلونج يزينب
ها يبعد العافيه شلونج يزينب
علي وياچ والله اليگويچ خويه
ياأخت مثلچ لخوهه هيچ تتعب
ياخت لخاطر أخوها بعطش يلهب
صعدوچ عللهزيله .. ونتي زينب ذيچ اختنه
الحنينه والعقيله .. التتعب وماتعبتنه
ماخلنچ الهزل خويه شويه ترتاحين
گضيتيهه عله الخوان فوگ المحمل تونين
دموعچ غاليه عليه وخايف يختي لاتعمين
عطشانه علضهر النوگ عطشانه يبعد العين
بسچ ياچرح گلبي أرتاحي شويه لاتبچين
@@@@@@@@@@@@@@@@@@
هواي حيل أمتعبينچ يالحنينه
هواي حيل أمتعبينچ يالحنينه
مره چبيره وي الرگض ماراهمه
ولاتضل تشگف ضرب دون الضعينه
ونه أدري من مشيتچ موش زينه
أمبين أبممششاچ موت .. والكبر للتعب كله
وماسمعلچ يختي صوت .. مدري ميته مدري عدله
شصار وياچن أخلافي أدري الصار ماصاير
ياضيم السده عليچن بعد من خلص العاشر
زينب خويه گليلي بس لا لاحچن حافر
ياخاطر أخوچ حسين حالچ يكسر الخاطر
شلونه الحادي وياچن الرگضچن ماتنه الباچر؟
@@@@@@@@@@@@@@@@@@
ليش زينب خويه هيچ متونچ
ليش زينب خويه هيچ متونچ
وهذا أثرمن صاير علچفوف أديچ
ياسترنه حمره ليش عيونچ
شلونچ انتي وحته أگول شلونچ؟
رگضوچن حافيات .. وبالخرابه الليل نمتي
صايره دون البنات .. كافل وكلشي حملتي
النوگ الشالتچ يم عون تمشي بكيف راعيهه
كل ماسمعن تونين ورقيه تفز بواچيهه
تتعثر تضل وتميل بس يخزرهه حاديهه
أنه أدري هواي تعبانه دموعچ لاتضميهه
المثلچ يابعد كلشي خويه مانچازيهه
@@@@@@@@@@@@@@@@@@
الحيل تعبني وعلي ليل الخرابه
الحيل تعبني وعلي ليل الخرابه
مدلللات ومادرن شنهي الخرايب
الهاظمتني أسمع رقيه تصيح بابه
الطفله المدللهه نامت علترابه
نامن أبنيات أخوچ .. ونتي ضليتي بونينچ
يالعزازچ تعبوچ .. وماألچ واحد يعينچ
من كثر التعب والظيم نامن ونتي ضليتي
وصوتچ راح بس بحسين بكثر مابسمه ونيتي
ومن طر الفجر يم عون گعده يختي صليتي
وصاح الحادي لميهن وبيهن گمتي لميتي
گوه بروحچ تجرين لنفس الهزله رديتي
رسول رياض
ابوذيات لمولاتي زينب عليها السلام
اهمومي جمر بالدلال وجان
العاقل ما يحمله الضيام والجان
تدي الصار بيه الانس والجان
شفت اشكال من الغاضريه
زماني ويهل بيت الله متىٰ انعاد
علية ولحظة شوفتهم متنعاد
ردت واحد يركبني متن عاد
على الهزل وعوف الغاضرية
إذا أون الأرض ونت صخرها
الچفن من نزل الدمعه صخرها
شكثر ونت عليه خنسه صخرها
وأذا ونن أنا يضربون بيه
بدت بعيون زينب من حناها
مصيبة وبس فرضها من حناها
الدمع نازل بجفها من حناها
غريبة وبالحزن هاي المسية
الشاعر زين العابدين الشمري
عمتااه .. مَنَ الذي أيتَمَني؟
عمتااه .. مِن غَفوَتي أَيقَذَني
عمتااه ..عمتااه
----------------
عَمَتي ماذا صَنَعنا ؟هل خُلِقنا كَي نَضيع؟
هَل ذَنَبنا حتىٰ نُجزىٰ هكذا سبياً فَضيع؟
عَمَتي من ذا يقودُ ضَعنَنا عِنديْ سُؤال!
أيُ قــائِدْ. لا يُــبالي في مُراعات القَطيع؟
عمتااه ..فَـأيُ رأساً والدي
عمتااه .. وَلا يَصِلّهُ ساعِدي
عمتااه .. مَنَ الذي أيتَمَني؟
عمتااه .. عمتااه
000000000000000
دَمعَنا مِهراقُ يَنزِل في خُدوداً مُترَفات
وَأنجَمعنا تَحتَ ضِلاً بَعدَ أنْ كُنّا رُفات
كانَ ضِلْ رَأساً جَديراً انْ يَكونَ في السَماء
وَاعتَلى فوقَ القناةِ مِنْ هَوانْ السٰامِيات
رأسُ مَن؟ .. يُرَتِلُ في المُصحَفِ
رأسُ مَن؟ .. بهِ الجُيوشِ تَحتَفي
عمتااه .. مَنَ الذي أيتَمَني؟
عمتااه .. عمتااه
000000000000000
جَرحيْ نَجلاً مِنْ حِبالاّ تُعتَبر للِطفله داء
ضَيعَتيْ ياعَمه كانَتْ عِندٕما ضاعَ الدَواء
كَيفَ خاتَم كَفْ حَبيبي فِي يَداً لا تَستَحِق
وَالحُلي كانَت هَدية كَيفَ تَصُلحْ لِلشِراء؟
ضيعتااه .. مِن بَعدِكَ يا والِدي
ضيعتااه .. وَالحُزنُ قامَ يَعتَدي
عمتااه .. مَنَ الذي أيتَمَني؟
عمتااه .. عمتااه
000000000000000
عَمَتي لَو رِدنا نَغفوا كَيفَ نَغفوا وَالجياد
صَوتُها مُرعِب وَ عالٍ وَضَعوها فِي الحِياد
وَ النياقُ المُتعَباتِ جَنبَنا كيـــفَ نَـنــاامْ
رغُمَ هذا وَ الخَرابةْ لا نَـجِدْ فِيها وِسـاد
لا نَناام .. ليلا طويلا شائقاً
لا نَناام .. وَالكُلُ فِينّا مُرهَقاً
عمتااه .. مَنَ الذي أيتَمَني؟
عمتااه .. عمتااه
000000000000000
علي ميران
ود آبائنه اورثـــــــــنه ود امنه
الك وارواحنه ارخيصه ودمنه
خـــــدم يحسين خلينه ودمنه
عله هذا النهـــــــــج حد المنيه
حيدر بشار الدراجي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
دفن الاجساد الطاهره
مولاي علي ابن الحسين زين العابدين
يخاطب عمتهُ الحوراء زينب عليهم السلام
شلون اجساد راح ادفن
بيدي وحيلي مو اليه
ادفنمن وانه الميت
جروح حسين انه بيه
مو واحد وكول يهون
لا الف وتسعميه
،،،،،،،
عمه زينب
حيره ياهو الي ادفنه وگلهم حنان
عمه زينب
كلفه عمه لو صرت لخواني دفان
عمه زينب
ماشفت كل عمري هيج مذبحه اخوان
،،،،،،،
عندي مابقه من الحيل
وادفن بالنهار وليل
هوه الماتو عزازه
لو ميت و لا هلويل
،،،،،،،،
مصيبه ادفن بديه
>>>>>>>>>>>>>>
عمه شفت ابوي حسين
بس اشلون انه شفته
من كثر السهام البي
بلا غسل وچفن عفته
واگضي العمر بالونات
اليدفن بيده مو ميته
،،،،،،،،
عمه زينب
شفته بس من العطش موزين حاله
عمه زينب
والمصيبه ماكو شي باقي بجماله
عمه زينب
ياهو يكدر بيده يدفن عز دلاله
،،،،،،
حاير بيش اكملنه
وجسمه مابقى منه
جنازه وشالت اجانزه
حالي بحاله الدفنه
،،،،،،،
مصيبه ادفن بديه
>>>>>>>>>>>>>>>>
عبدالله الطفل موزين
نايم و الضمه ابعينه
الهضمه الموتت هلروح
گلبي ماكو اليعينه
ادفن عمره ست اشهور
الحاسب تكبر اسنينه
،،،،،،،،
عمه زينب
انه اصبر ورد اكلج صبري امه
عمه زينب
نحره من السهم حار ويجري دمه
عمه زينب
حيره من شفت الحسين بصدره ضمه
،،،،،،،،،،
بصدر الوالد من ينام
احسن ما يطب الشام
وين الله وينام الليل
صعبه جروحه مايلام
،،،،،،،
مصيبه ادفن بديه
>>>>>>>>>>>>>>
مريت ابجسد عباس
عمه جفوفه مگطوعه
عينه من السهم بس دم
بس ماتوگف دموعه
حتى يواسي اخوه حسين
قدم صدره وضلوعه
،،،،،،
عمه زينب
قبل لا ادفن اسمعه يوصي بيه
عمه زينب
گلي سلملي اعله اخيتي الهاشميه
عمه زينب
گال اموت ولا اشوف اختي سبيه
،،،،،،
عمي وبيده نزلته
الكافل صعبه ودعته
مايكدر عله اوداعي
ابلايه جفوفه من عفته
،،،،،،،،،
مصيبه ادفن بديه
>>>>>>>>>>>>>
# اللهم عجل لوليك الفرج
خرجت زينب (ع) وراحت تخطو وسط الجيش إلى حيث جسد الحسين (ع) ..! حتى الذي لم يعرفها رأى في مشيتها صفات علي (ع) فأخذته الرهبة وتراجع ..!!
أكملت زينب (ع) مشيها حتى وقفت على جسد أخيها فجلست ورفعت رأس الحسين بيدها ووضعته في حجرها وقالت:
--------------**
لو ماريحة امي البيك
چا ليهسه ادور اعليك
ماحاجه تکلي اشبيك
واضح جرحك شكبره
اجيتك دربي كله جروح
ما ضـل شي بعد بالروح
مـذبوحه اعتنت مذبوح
بالطف خلصت العشره
واحد يم واحد طايح
بس انته مبعد عنهم
يمكن هاي الخيل حسين
من الدوس اخذتك منهم
مو بس جسمك … حته اخيالك متوذر
كل جمالك … ع الگاع خويه امطشر
شـــلون المك … وانه حرمه وما اكدر
حسين اخي
---------------**
وينه الما تــــــرك اخته
مچاني الخيل ماخذته
ضــيم الـــدنيه شايلته
انكسر ظهري مثل ظهرك
كلســــــاع بــــكتر الكاك
ساعـه هنانه ساعه هناك
نايــــــــم والــــرمل اذاك
واختك حـــايره ابأمرك
مگلوب ورايح طولك
وما خلصان من الذباح
منضر قاسي اتحملته
براسك يفتر الرماح
راح أروحن … بــس بالـي يبقه يمـك
تبقه عــاري … وحــر الهجير ايلجمك
من الحوافر ... بكل كتـــر طابع دمك
حسين اخي
--------------**
حسين بيا كـــــــــتر اندار
من كل صفحه تدوي النار
التل مــــا صــــار اليه غار
ردت بي احمي اطفالك
مذعوره يبــــــــو السجاد
الطـــف ينكت علينه رماد
وصـلّك وانته طــايح غاد
يذري ضل عله اوصالك
لو تدري اششافت عيني
المـاي إيبــدي گدامك
چتالك ضل يحجي وياك
گوم الحگ طفي اخيامك
تدري گلبي … يروح ويرد بالحسره
والسمعته … تنفطر منــــه الصخره
ذاك يحرگ… وهـذا اليسب الزهره
حسين اخي
-------------**
جابو نــــــــوگ اه يالنــوگ
مــــابيهن هـــــــوادج فوگ
شلون اصعد بچف محروگ
طاح الــــــــي يصعدني
الــــروس تقدمــــن گدام
دربنه ما نعــــرفه شضام
اذا كل خطوه نمشي آلام
يريت الموت ياخذني
كل خطوه ابعدها عنك
خوف وحيره تحديني
اشتم غربه بكل مچان
وشما شم تگضي سنيني
يا غــــربتي … توجهنه صوب الكوفه
كلبي عندك ... هـــاي النه اخر شوفه
راح اروحن ... بـس ابقى الك ملهوفه
حسين اخي
--------------**
خادم القصيده
عزيز المياحي
#مشكاة_مولاتي_زينب_ع
#عما_جرى_من_مصائبها
زينب انه . بضلمه ماينشاف ضلي
شلون بيه وامشي وي جتالت اهلي
جلبت بالناگه حد ماطاحت ايدي
الهضمه يضحك فوك ماذابح عضيدي
مايراد طاري الشام ما ادري شوكت ارتااح
رافگني الحبل والسوط ونار الخيمه والذباح
مهضومه . زينب ومالومه
خذو حتى هدومه
حسين بين الحافر وينازع . جتيل
يايمه . شام الاسود ضلمه
خله زينب هضمه
وتنشد اعله اخوانها ومامن خبر . دخيل
…………………………………
الغربه هضمه . بيا وكت زينب غريبه
شرد اسولف ياعذاب ويا مصيبه
المصيبه من تلكونه الشماته
حسين ميت حيل طكوهن بناته
تحملت الحجي البشام بس اذاني ماي الحار
واليسأل عـذابج ويـن اگله النـار ااااخ النـار
مچويه . بيا وكت مچويه
تنسبي العلويه
رعب خوف ودمعه بنص ضلمه . وعويل
مابيه . للحزن مابيه
الشام كله اعليه
مشاكف اعل ايتامي وماضل بيه . حيل
…………………………………
اه يروحي . ستثگلوچ بوكت موتچ
كلها بالتشييع صاحت وين اخوتچ
الچلمه تهظم وانه مابياش هظمه
والحزن ملتم عليه بليله ضلمه
طلعت روحي بالتشييع واشوف الحدري موش اخوان
انه ادري اخواني مو قصرين بوكت الخوه حيل احنان
شتموني . شكد صحت شتموني
ضل اثر بمتوني
بموتي ماخلصانه وتعبانه . حسين
من الخيمه . وغربه وسط الهيمه
الشام يكتل ضيمه
ضل اثر سطراتي بوجناتي . اعله عين
…………………………………
زاد حملي . ميته وانه متوني زرگه
ياهو ميت گبلي بس بجدامه حرگه
ياهو ميت والحبال مگطعه ايده
يموت سكته المات گبله اوليده
انه اول مره من تموت تضل بلايه شيل اجتاف
الكبرهه ومايجوهه اخوان هيه وميته راح اتخاف
مضلومه . زينب ومشتومه
وركض وسط الحومه
زينب شكد عاشت بالعاشر . مصاب
تعبانه . ميته بس عطشانه
العطش عاف امجانه
ورسم فوك اجروحي اعله عيوني . عذاب
…………………………………
عباس القلعاوي
مشكور يارب الوفه
مشكور يارب الوفه
برز الموت المبين. وقبلتُ المحاربين
كربلا صارت بلا. يا أمير المؤمنين
بلرايه هد گمر بالريه
بعيونه چاتف مسنايه
والچانه عالنهر حراسه
لفاهم لفت مصلايه
گطعهم وذر وذر ذبهم عالنهر
مالحگو گمر گمر تارس عينه شر
سواها حمر حمر يخدود الزلم
طشرهم زلم زلم طر الحومه طر
——-
مشكور يارب الوفه
مشكور يارب الوفه
يا مغيث العاطشات. انت منبع للحياة
أذ بكة بنت الحسين. اجعل الطف فتات
بدويه وحشمت بدويه
دگ صدره گال وسفه عليه
اذبح شط ونطي هاي عيوني
لو اسمع عطشت العلوي
والله الشط اذل ذل يم باب الخيم
لو اروي شكو عطش لو ماكض علم
انه الواعد والكفل محروس تضل
سادات الخلق هذن والوادم خدم
——-
مشكور يارب الوفه
مشكور يارب الوفه
يا أبا الفضل العظيم. حان موعد الجحيم
أن كفيك عذاب. أجرع القوم سقيم
يا برزخ والعذاب بكيفه
يأول من قبل تصنيفه
راويهم چفك وسطراته
واليحلم سلم تذبح طيفه
يمرجف شبر شبر من طف كربله
راويهم سطر سطر رب الزلزله
عيال وهلس شكو شارب مرتفع
عباس وكفل ضعن ياهو يصد اله
——-
مشكور يارب الوفه
مشكور يارب الوفه
انت كشاف الكرب. نار والقوم خطب
مات حيدر هذا من. عاد قتال العرب
گباها وثعولت گباها
چن حيدر سرفن وطياها
ظهريه والشمس حراگه
تتراجف الزلم خلاها
بلخيمه ويهلهلن ربات الخدر
گباره بالطف بدت بصهيل المهر
عبس المخلفه علي شيفكهم بعد
خيبر خيبر. ياعلي وخلصهم شمر
مشكور يارب الوفه
مشكور يارب الوفه
——-
محمد عيسى المنصوري
دخذوني وياكم .......... مابي حيل فركاكم
صعبه عندي .......................... ابقى وحدي
دخذوني وياكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بديار الغرب معــــــــقول تمشون وتخــــــلوني
لوحدي أنه ودير الــــعين ما بين اليكـــــرهوني
أميره أنه وأخوي حسين أكيد الكل يعرفــــوني
غريبه شلون أظل شلون باجر يهلي حاجوني
تبجي العين لجفاكم ........ كلبي شلون ينساكم
بيمن أبدي ............................. أبقى وحدي
دخذوني وياكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يهد حيلي يهالي الزود خوفي من فجر باجر
ويخليني بطرك هالروح غريبه وكسر الخـاطر
أون مثل التهز كـــاروك ماعدها ولد عــــاجر
أخذ روحي يريت الموت كون بلــــــيلة العاشر
راحة بال طرواكم ........ نخوة موت أنخاكم
هذا حـــــــــدي ....................... أبقى وحـــــــدي
دخذوني وياكم
يحسين الــــــــحرم يحسين باجر وين منـــــــــواهن
عكب ذاك الــــــــدلال البين تالي بحيره خـــــــــلاهن
فكدكم والقــــــهر والظـــيم هاي عـــــيوني طفـــــاهن
صب دمعي وصحت ياحيف وكتي دمــــــوعي شافاهن
هيج البين خلاني ........... ردت الموت ما جاني
جرحــــــــي يدي .......................... أبقى وحـــــــدي
دخذوني وياكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شما أسمع بجي وصياح ذاكـــــــراكم يــفززني
وياخذني حنان الـــــروح الكم والـــــحيا يـردني
كل لحضه أشوف الموت بجفاكــــــم يـــراودني
حشمت وصــــحت ياموت أخذني ويخوتي خذني
كلبي الظيم خطاره .......... دمع العين يتجاره
أعله خـــــدي ............................. أبقــــى وحدي
دخذوني وياكم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أخر ساعه من وداع وجهك كـــــــصرت عمري
ما ترهم تعيـــش الروح بعــــدك يالخـــذت فكــــري
بجفاك أنه أعيش شلون وكضي سنيني مـــــا أدري
موهيـــــــن علي فركاك شيبني وكـــــــــسر ظهري
عيني جفاك طفاهه .......... وروحي الظيم غطاهه
هذا وعــــــــدي ............................. أبقـــــــى وحدي
دخذوني وياكم
الى شاعر أهل البيت
جبار لعيبي المجراوي
ليلة العاشر
(ملاذ التايه عيونك)
الرادود مصطفى منهل البديري
ملاذ التايه عيونك
يهنيال اليحبونك
احبك من قبل مااعرف اتكلم
اشوفك بلمنام وكمت احب احلم
مااعرفك ولاجن كلبي يتلعثم
لو كالو حسين دموعي تتحزم
مغرم انه بأحساسك
ليش ع الرمح راسك
يبعد عيوني اشلونك
يهنيال اليحبونك
من عدها وعرفتك انته هوه انته
التجيني بلمنام وادخل ابخته
ومن اسمك يمرني ابجي ابسكته
واصرخ مااعرف شنهو انه الشفته
شفتك بلفله امطشر
كلشي بجسمك اموذر
شماخبطو لصف لونك
يهنيال اليحبونك
ماشفتك ولاجن هيج اشمنك
كل يوم اليمرني اكثر احبنك
مايهده الكلب من استمع ونك
مااعرف شنو اليربطني وي حزنك
يهنيالي وصرت منهم
ع حبك هيج احبنهم
الخادم لونه من جونك
يهنيال اليحبونك
وبديت اتعلم وادرك عرفت اسمك
وشلته بكلي طلسم للحفظ رسمك
من ارسم اسمك انضر ع الورق دمك
واضل ابجي واصيحن ياعضم همك
همك ماتحمله اجبال
حالك مايوصفه الحال
عطرك بليزورونك
يهنيال اليحبونك
محمد تقي الزاملي
(كلب اليحب يثلم)
الرادود مجيد عقيل الزبيدي