583
شرف النه خدمتك يبن داحي الباب ويهنياله اليفوز ويكتبلكم بيت ❤ هالي نور
ياجمال ريض وارحم بحالي
دولبني الوكت ومفاركة الغالي
ياجمال اخبرك بالجره اعليه
عكب ذاك الدلال اليوم مسبيه
على درب اليسر كل حيل مابيه
لوميته ويه اخوتي والله اشوالي
جم غالي وعزيز اليوم فاركته
حسين اعله الترايب منذبح عفته
ياجمال ما ظل ضيم ما شفته
زينب والمصايب دوم تبرالي
حيرني الوكت بحسين وعياله
ضعن ايتام والعدوان تبراله
عطشانين وانته اتصور الحاله
ياجمال شاهد لوعه اطفالي
درب الشام تعبني وهدم حيلي
ليل انهار اون ومانمت ليلي
سهم فراك اخوتي صوب ادليلي
مهظومة اظل وبعازة الوالي
مهظومة اظلن واجهر الونه
أئيس ياكلب خل نكطع الظنه
مايرجع دلالي وأئيست منه
ياجمال سهم الفركة جتالي
خادمة الزهراء
الشاعره هالي نور
/channel/+6Gn16N-VhH04NmQy
زينب والأيتام واليحدي بالنوك الشمر
يالوعة الشام يرادله حيل وصبر
يالتنشد وياها شصار
لاخيمة ظلت لا دار
تظل رافعه الهااام وتظل عزيزة ام الخدر
........................................
بالطف رساله تسجلت... من زينب المظلومه
عفه وشجاعه وغانمه.... بدم الزلم مرسومه
لاخيمه ظلت لاولد.... وياهه وسط الحومه
وبس لعزيز بلا نحر..... متخضب من ادمومه
محتاره بأيتام ازغار
لاخيمه ظلت لا دار
ويانار الاخيام.... هم بالگلب شعلت جمر
..........................................
ظلت تناشد بالخيم..... عباس اخوهه االغالي
وتگله بعدك بالضعن.... ياخويه من يبرالي
ياغالي لكن لو رحت. فدوه لضواك الغالي
يتعلگ بطرف الرمح.... يابو الفضل دلالي
وكلشي بوداعك يحتار
لاخيمه ظلت لادار
وشتسوه الاحلام.... بجفوني لو رادت تمر
.........................................
خيمة أمان بكربله.... بيوم الحزن تلگاها
والرايه من جف الگمر.... صارت وسط يمناها
صح بالوداع محيره... ومحد رجع وياها
بس الله راية غانمه..... بوجه الزمن خلاها
ورغم لحزن والاخطار
لا خيمه ظلت لادار
وبجروح الايتام....كتبت عناوين النصر
...........................................
مسبيه راحت بس جسد والكلب يم اخوتهه
والروح بالونه كظت يم الجثث عافتهه
يالتمشي مشاية اتعظ من زينب وقصتهه
بالصبر قدوة بت علي صارت الكل شيعتهه
عزة وشهامه واصرار
لاخيمه ضلت لا دار
كل ما يمر عام ويانه لمحرم تنتظر
...................
خادمة الزهراء
الشاعرة هالي نور
/channel/+6Gn16N-VhH04NmQy
يوم اللي رحت عنكم ثگلت نگلت اجدامي
مسبيه اعله درب الشام وأصبر والكلب دامي
بعدكم روحي ممروده
وصبري خلصت حدوده
وجبير اخواني یا وسفه اشوفه منذبح ضامي
___
اسيرة من التعب مابيه حتى اعتب
نار الفركه بضلوعي يخوتي تشب
ودمعات الحزن تنزل بكل مغرب
وعدواني اویه كل عثرة بأبونه تسب
يخوتي ايامي معدوده
وصبري خلصت حدوده
وجبير اخواني يا وسفه اشوفه منذبح ضامي
_
اویه كل عثره احس سوط العدو يطبع
علی متوني واصيح ومحد اليسمع
واعله المات لو ادري العتب ينفع
جا كل لحضه اعاتبكم واهل مدمع
زماني الراح شيعودة
وصبري خلصت حدوده
جبير اخواني یاوسفه اشوفه منذبح ضامي
___
حزينه وبين بروحي الكسر والهم
شما اكابر حزن بعيوني ما ينضم
رحت عنكم جسد مابية روح ودم
كلساعه بجفاكم حيلي يتهدم
كفيلي مكطعه زنوده
وصبري خلصت حدوده
وجبير اخواني یا وسفه اشوفه منذبح ضامي
__
عفت زهره حياتي اعله الثره مدد
عكازة زماني وجان الي مسند
كافل محملي وبيه الظهر ينشد
غافي اعله النهر وضعونه تتفرهد
طاحت رايته وجوده
وصبري خلصت حدوده
وجبير اخواني یا وسفه اشوفه منذبح ضامي
___
عالهزل مشينه بالشمس والحر
ويانه عليل وبالحبال انجر
جرح مصابكم بالكلب ظل يكبر
يومية علييي يتجدد المنظر
صارت دنيتي سودة
وصبري خلصت حدوده
وجبير اخواني یا وسفه اشوفه منذبح ضامي
خادمة الزهراء
الشاعرة هالي نور
/channel/+6Gn16N-VhH04NmQy
رايحين عنكم لديرة غريبة
ياحسين عفنه جثتكم سليبة
عفت اخوتي عالثره
والاجساد موذره
رايحين رايحين
رايحين وبعد ما نلتم سوية
ضاعت احلام العمر بالغاضرية
ماترد كعداتنه ذيج الزهية
صعبة نومتهم سوة حدر الوطية
والعدو بينه سره
والاجساد موذره
كلبي عالخوان ما بطل نحيبة
رايحين. رايحين
كلبي عالخوان ما بطل ونينة
شالو وظلت تحن روحي الحزينة
مددين اعله الثرة وعنهم مشينة
والشمر يا وسفة يحدي بالضعينة
تمحنت وانه مره
والاجساد موذره
مشيت كوة ودمعتي عليكم سجيبة
رايحين. رايحين
مشيت كوة يخوتي وظني كطعته
من رحت للعلكمي وعباس شفته
موذر ولا يمنه ضلت لا يسرته
وعينه مصيوبه بسهم كوة عرفته
طاح سبع الكنطره
والاجساد موذره
جم عذاب الشفته بالطف جم مصيبه
جم عذاب الشفته جم أااه وقهر
ليل ضلمه وذبل عيوني السهر
اطفال عندي وماشية بدرب الخطر
بزينب وبعيالها شسوة الدهر
لاتنشدوني شجره
والاجساد موذره
كلبي مجروح ويدور عن طبيبه
كلبي مجروح ويون عالفاركونه
احنان اهلنه وعالهجر ما عودونه
شلون ننساهم يكلبي الدللونه
عطر بيهم باقي من امنه وابونه
بيه حيدر مادره
والاجساد موذره
يعينه الله كلب المفارك حبيبه
خادمة الزهراء
الشاعرة هالي نور
/channel/+6Gn16N-VhH04NmQy
قصيدة اجيتك خوية
على لحن قصيدة الملا حيدر البياتي
مايحاجيها حجت وي نحر ابنها...
.&&&&&&&&&&&&&
اجيتك خوية ادور جثتك وين
لكيتك بس جسد مطروح يحسين
اشم بريحتك والدمعه بالعين
باجر للسبي ياخوية ماشين
(وي روس اهاليها زينبكم مشت)
كلبي اعلى ابو فاضل حيل ملهوف
رحت واتعثرت خوية بالجفوف
حضنته وكتله بيمن باجر تشوف
اختك تنسبي وتعوف الطفوف
(جم سهم بيها عينك يبو فاضل )
كصدت التل وانه دموعي جرية
صحت وينك يبويه الحك علية
شوف حسين عالغبرة رمية
تعال وياي دور عن رقية
(جرو تراجيها رقيه ياعلي)
رديت بهظم بذيالي اعثر
شفت نيرانهم بخيامي تسعر
بس نارك جوتني يبو الاكبر
اشما طال الفراك بكلبي تكبر
(وشيطفيها نار فراك اخوتي)
راح امشي واعوفن روحي يمك
من تشتاكلك تهوه وتشمك
كون امي تجي وتشوف جسمك
وتفرشلك عبايتها وتضمك
( تنعه خليها يم نحرك يخوية)
خادمه الزهراء
الشاعرة هالي نور
/channel/+6Gn16N-VhH04NmQy
فقط المستهل منقوووووول...
باقي القصيدة بقلمي❤️
يامره المثلي يوادم يمها طاحو كل اهلها
ويامره تصيح احتركنه وماكو واحد يفزعلها
ـــــــــــــــــــــــــــــــــــــــــــ
منهو مثلي اطفال عدها وراحت بدرب السبي
عافت اخوتها ضحايه ومشت ويه الاجنبي
بس عليل وياها حاضر من المرض يحبي حبي
ذكرى ضلت من همومي على التل الزينبي
حرمه محتارة بيتامه عالنهر طاح الكفلها
يامره المثلي يوادم يمها طاحو كل اهلها
حرمه محتاره بيتامه وراس اخوي اعله الرمح
كون يا ليل الموادع ما يطر بيك الصبح
أاااه ياليله العاشر بيه خلت جم جرح
منهو مثلي تشوف اخوها عالوطيه منذبح
أااه يا طف المواجع بيك زادت كل عللها
يامره المثلي يوادم يمها طاحو كل اهلها
شافت انواع المصايب زينب بأرض البله
فكدت اخوتها و ولدها والمدامع هامله
شوغه منهن طفل عدها كضه بنبلة حرمله
وشوغه ابن الحسن جاسم مات عرسه بكربله
وطاح الاكبر عالوطيه وضاع من زينب املها
يامره المثلي يوادم يمها طاحو كل اهلها
موقف من الطف كسرها عثرت بعون ومشت
صاحت اعذرني ييمه ليل هندس ماشفت
رايحه لخالك اودعه وبيك يايمه اعثرت
كون كبل الشفته بالطف عون يايمه متت
مصايب المرت عليةمحد المثلي حملها
يامره المثلي يوادم يمها طاحو كل اهلها
جيت مهيوبه ويه اخوتي يبره عباس الضعن
تالي عافاني وحيده عشت بجروح الزمن
منهو مثلي يخو زينب بحرم وايتام امتحن
خويه نسوان الرسالة ويه جتالك مشن
وبت الحسين بخرابه حان ياخويه اجلها
يا مره المثلي يوادم يمها طاحو كل اهلها
خادمة الزهراء
الشاعره هالي نور
/channel/+6Gn16N-VhH04NmQy
فزاعية
حكها تون اعله الولد
رمله ورباب وليلى
يساعد الله ام الولد
لو راح عزها والسند
ياهو اليعوضها بعد
والحمل ياهو يشيله
ياعلي الاكبر ياهله
زلزل الحومه بكربله
طشر جثثهم بالفله
يستاهل تلطميله
جسام صعبه مصيبته
عريس وامه شافته
محنه من دم ركبته
ظلت تون و نحيله
عطشان عبد الله ويون
وامه كضت من الحزن
مات الولد واعلي تحن
وحسين منهد حيله
مهدود حيله ابو علي
ضيع اولاده بالخلي
وزينب تصيح كافلي
الحك ولم العيله
خادمة الزهراء
الشاعرة هالي نور
/channel/+6Gn16N-VhH04NmQy
قصيدة علي الأكبر عن لسان حال ابيه الأمام الحسين عليه السلام.....
يوليدي يالطولك نبع لمصابك يهل الدمع
بويه اكعد وحاجيني يوليدي ياضي عيني
&&&،،،،؛؛&&&&&&&
جيتك يبويه لمصرعك شفتك طريح الغبره
ودعتك وظهري انحنه وامك بقت منتظرة
يالاكبر بدونك صعب تنجبر هايه الكسرة
والوالد اليفكد ضنه تبات بدليله الحسرة
بخدودك الجنهن ورد ميت واخافن تنحسد
يمك دفنت سنيني يوليدي ياضي عيني
&&&&&&&&&&&&&&&&
حاير بقيت لوحدي للخيمه اروحن وارجع
لو ليلى نشدت يالولد شحجيلها اعله المصرع
بلساني لا ما جاوبت خليته يحجي المدمع
كبلك يريت توذرت ياعمر بعدك ينفع
يوليدي يالب الكلب يالاكبر وداعك صعب
يالشوفتك تحييني يوليدي ياضي عيني
&&&&&&&&&&&&&&&&&
ساعه وداعك فاجعه وباتت بنص دلالي
واصورك اشما غمضت عرضن يبويه اكبالي
جتالي مو سيف ورمح والهم صبح جتالي
حال امك يذوب الحجر يبني والاصعب حالي
كدامي صار المنظر من سال دم المنحر
بوية شيهود ونيني يوليدي ياضي عيني
&&&&&&&&&&&&&&&&
يالتشبه الجدي النبي بهيبته وكل ارسومه
وماخذ صفاته وغيرته....ومتوارث من علومه
زلزال صار بكربله لمن كصدت
الحومه
ماوگفت گبالك زلم ....والطف غرگ بدمومه
يل منك تغار الشمس.....من تطلع بثوب العرس
وبس فكدك يأذيني ... يوليدي ياضي عيني
&&&&&&&&&&&&&&&
مثل الورد غصنك ذبل....من العطش بالعاشر
ومارجعك عن همتك.....لمن طلعت تناصر
صدرك فتح باب الكرم.....للخايف وللحاير
وتلگه چم طعنت رمح....وتحمل شچم حافر
يامن كتبت الخاتمه....من كربله بفيض الدمه
ويامدمع ينسيني .....ياوليدي ياضي عيني
خادمة الزهراء
الشاعرة هالي نور
/channel/+6Gn16N-VhH04NmQy
فقط المستهل منقوووووول...
باقي القصيدة بقلمي❤️
يامره المثلي يوادم يمها طاحو كل اهلها
ويامره تصيح احتركنه وماكو واحد يفزعلها
ـــــــــــــــــــــــــــــــــــــــــــ
منهو مثلي اطفال عدها وراحت بدرب السبي
عافت اخوتها ضحايه ومشت ويه الاجنبي
بس عليل وياها حاضر من المرض يحبي حبي
ذكرى ضلت من همومي على التل الزينبي
حرمه محتارة بيتامه عالنهر طاح الكفلها
يامره المثلي يوادم يمها طاحو كل اهلها
حرمه محتاره بيتامه وراس اخوي اعله الرمح
كون يا ليل الموادع ما يطر بيك الصبح
أاااه ياليله العاشر بيه خلت جم جرح
منهو مثلي تشوف اخوها عالوطيه منذبح
أااه يا طف المواجع بيك زادت كل عللها
يامره المثلي يوادم يمها طاحو كل اهلها
شافت انواع المصايب زينب بأرض البله
فكدت اخوتها و ولدها والمدامع هامله
شوغه منهن طفل عدها كضه بنبلة حرمله
وشوغه ابن الحسن جاسم مات عرسه بكربله
وطاح الاكبر عالوطيه وضاع من زينب املها
يامره المثلي يوادم يمها طاحو كل اهلها
موقف من الطف كسرها عثرت بعون ومشت
صاحت اعذرني ييمه ليل هندس ماشفت
رايحه لخالك اودعه وبيك يايمه اعثرت
كون كبل الشفته بالطف عون يايمه متت
مصايب المرت عليةمحد المثلي حملها
يامره المثلي يوادم يمها طاحو كل اهلها
جيت مهيوبه ويه اخوتي يبره عباس الضعن
تالي عافاني وحيده عشت بجروح الزمن
منهو مثلي يخو زينب بحرم وايتام امتحن
خويه نسوان الرسالة ويه جتالك مشن
وبت الحسين بخرابه حان ياخويه اجلها
يا مره المثلي يوادم يمها طاحو كل اهلها
خادمة الزهراء
الشاعره هالي نور
/channel/+6Gn16N-VhH04NmQy
فزاعية جنوبية بقفلة الهوسة
عالخوان زينب.
شدت احزام
تلطم عالصدر.
تلطم على الهام
&&&&&&&&&
عالخوان نصبت فاتحة اليوم
تصيح بصوت يبن امي يمظلوم
وياعباس يالكافل يجيدوم
( اعله اخواني. وازاني البين)
&&&&&&&&&&&
اعزاز وعالكلب لا مايهونون
عدها اخوان عالعيلة ميرضون
للون واللطم والنوح يسووون
( محلاته. الون اعليهم)
&&&&&&&&&&&&&&
خمس اخوان رفعت بيهم الراس
بيكم زامطت زينب يعباس
شجاعه ومرجلة وللخوة مقياس
( يخلوها شلون بغربة)
&&&&&&&&&&&&&&&
زينب تنتحب وتريد الاحباب
متحزمه اعله اهلها وشدت انكاب
عافتهم ضحايا فوك التراب
( مهظومة وتون اعليهم)
&&&&&&&&&&&&&&
مهظومة العقيلة تريد اهاليها
على درب السبي كل حيل مابيها
عالناكة وتحن والدمعه تجريها
( مخليها للون والنوح)
خادمة الزهراء
الشاعرة هالي نور
/channel/+6Gn16N-VhH04NmQy
قصيده حال لسان مولانا الأمام الحسين عليه السلام مع اخيه ابا الفضل العباس ع
شلون ارد للحرم ياضي عيني
وبالمخيم زينب اتانيني
شلون اردن للخيم محني الظهر
كوم ياعباس ياراعي الفخر
صعبه اكللها كفيلج عالنهر
انكسر ظهري بطيحتك تدريني
شلون ارد للخيم ياضي عيني
شرد اجاوب شرد اكل لسكينه
لون نشدت عن كفيلي وينه
صعبه اكلها السهم طافي عينه
وجفه ماتلمس بعد جفيني
شلون ارد للخيم ياضي عيني
طاح راعي المرجله وراعي الشيم
وركن صبري وياه بالحومه انهدم
شلون ياعباس ياراعي العلم
تعوفني وبين العده مخليني
شلون ارد للخيم ياضي عيني
ياهضيمة فكدك تسر العدو
يعيش مكسور الفكد مثلك اخو
غيرك يباري الضعن خويه منو
يا حلم عمري وجمال سنيني
شلون ارد للخيم ياضي عيني
ياكفيل الحرم بعدك ينسبن
شلون لو باجر اسيرات ومشن
ترضه اختك وي بناتي ينولن
شنهي نومك يالبطل حاجيني
شلون ارد للخيم ياضي عيني
خادمة الزهراء
الشاعرة هالي نور
/channel/+6Gn16N-VhH04NmQy
رجف عسكر يزيد بطبت العباس
صال وجال بيهم هذا ابو النوماس
من شافوه ظلو راس يردم راس
هيبة و مرجلة وبيه العزم ينقاس
القصيدة....
برز عباس وسعولة الميادين
يهذا ابن الصميده كفو ونعمين
برز عباس والراية على متونه
بين اعداه فنهم لو يكحمونه
يخاف الكابله من خزرة عيونه
يا هيبة يمخوف العسكر)
&&&&&&&&&&&&&&&&
ياهيبة وشجاع وشاعت اعلومه
ما هاب المنايه وتشهد الحومه
ابو فاضل شجاع وسبع من يومه
( ويدنالة فنه اليوصلة)
&&&&&&&&&&&&&&
اخو زينب دخلها ورجف العسكر
خلة صفوف جيش اعداه تتطشر
رفرف رايته وعالنهر يتبختر
( بيمينه. محلاة الراية)
&&&&&&&&&&&&&&&
وكف يم النهر وتذكر اعضيده
غرف من الفرات وذبه من ايده
كال الجيش اله امحيه بالبيده
( بصولاته. رجاها الحومه)
&&&&&&&&&&&&&&
ضحه بيمنته وبيساره وبعينه
لجل الماي يوصل خيمة سكينه
صاحت زينب العباس جا وينه
( هظموها. اختك يالكافل)
خادمة الزهراء
الشاعرة هالي نور
/channel/+6Gn16N-VhH04NmQy
راح عباس كافل اضعون اليتامة
راح عباس بعد عالدنيا السلامة
فرد روح اثنينة
عشنه وتربينة
راح عباس.... راح عباس
&&&&&&&&&&&&&&&&&&
راح اخوي وصارت السفرة طويلة
واليفاركلة محب شينامة ليلة
يظل وي كل ذكرى يتهدم دليلة
تدري فركاك الهظمني ومالي حيلة
شوفة عيونك ضوة
يا أعز من الهوى
راح عباااس .... راح عباااس
&&&&&&&&&&&&&&&&&&
راحت الفرحة منهد جرح الطفوف
عيني انت ولو رحت بيمن اشوف
شلونه حالي من شفت ذيج السيوف
فوك جسمك ظلت تزور وتطوووف
ليلي بفراكك سجن
يكظي بدموع وحزن
راح عباااس... راح عباااس
&&&&&&&&&&&&&&&&&&
ذكرياتك ابد ما فاركت عيني
يالربيت بحضني شيهود ونيني
يااعز مخلوق ياشمعه سنيني
ياهو بعدك يفتهم شوكي وحنيني
يااعز من الولد
يالجنت عون وسند
راح عباااس ... راح عباااس
&&&&&&&&&&&&&&&&&&&
ياكمر ليلي الطفه بجرف النهر
مادريت بزينب شسوة الدهر
يكظي ليلي حسرة وأهات وسهر
روحي راحت وانحنيت من القهر
خويه دولبني الوكت
وسفه عن عيني غبت
راح عباااس... راح عباااس
خادمة الزهراء
الشاعرة هالي نور
/channel/+6Gn16N-VhH04NmQy
عالعباس خل نشيل رايات
وي اخته دهوسن يالنجيبات
عالعباس خل ندك على الهام
يستاهل لطمنه ابن الاكرام
بالسابع نون ونرفع اعلام
(ابن البدويه ترفرف راياته)
سبع عباس وسعيله الميادين
تربات النجيبة ام البنين
ضحه بيمنته ويساره لحسين
( الليله الكافل هوسيلة)
عالعباس هوسي ورفعي رايات
نام شلون وسفه اعله المسنات
ابو فاضل سبع يكظي الكلافات
( كظاي الكلفة يسموونه)
حسافه اعله النهر صارت وكعته
ياساقي العطاشى وكافل اخته
راسي يالولي بيكم رفعته
( وين الكاه المثلك هيبة)
وين العدها حاجة تلطم وياي
تدك اعله الوجه وتصيح مولاي
ثجيلة همومنه دخيلك يرواي
( الحاجه اليمك تكظيها)
خادمه الزهراء
الشاعرة هالي نور
/channel/+6Gn16N-VhH04NmQy
خال ابنج يزينب
هزهز الحومة
ابو فاضل شجاع
وسبع من يومة
محد كابله ومحد تدناله
حش اركابهم طشر الخياله
ابن حيدر كلف والهوسة تحلاله
( ترجف من اسمه العيالة)
خال ابنج شجاع وشاعت فنونه
محد كابله ومحد وكف دونه
يعرفه العاشره من خزرت عيونه
( لجلج كاع الطف. يفنيها)
لو بالشام حاضر جا برز سيفه
جان تراب سواها واخذ حيفه
شيال اللوة عباس وبكيفه
( الراية بجفة. شمحلاها)
سبع الكنطرة وبزود طباها
الراية بيمنته الكرار خلاها
من زغره برز والعركة فلاها
( ترجف عدوانه. مخليها)
من زغره شجاع الكل يشهدوله
قادة وجيش لو طب مايكدروله
خاط المعركة وبيهم لعب جوله
( تتجادح نار. من عيونه)
خادمة الزهراء
الشاعرة هالي نور
/channel/+6Gn16N-VhH04NmQy
خوال ابني عليهم لعمي العيون
اسباع شلون عالغبرة ينامون
خوال ابني وربيت سنين وياهم
صعبة شلون اصبر واكدر انساهم
إحنان ويرد الروووح ملكاهم
عافوني غريبة وراحو شلون
&&&&&&&&&&&&&&&&&
عافوني غريبة وما الي والي
لو ميته ويه اخوتي والله اشوالي
ارد شلون وحدي والنزل خالي
على اخواني النشامه الحيل مرهون
&&&&&&&&&&&&&&&&&&
عشرتنه انتهت والموت فلاها
ووجوه الزلم تربان ضماها
ما كلتو اختنه وين منواها
كون تموت روحي ويه اليموتون
&&&&&&&&&&&&&&&&&
من فركة الاهل مهدوم كل حيلي
ما هودت روحي ولا نمت ليلي
على افراك اخوتي يا دمعتي سيلي
للون واللطم والنوح يسوون
&&&&&&&&&&&&&&&&&
هيبة ولو مشو اشبع مهظمية
بين اخوانها تنهاب البنية
عيني اعله الدرب واتنطر الجية
بلكت لن خوال ابني يردون
( انهد حيلي من شال ابن امي)
خادمة الزهراء
الشاعرة هالي نور
/channel/+6Gn16N-VhH04NmQy
أويلاه يا زينب أويلاه أويلاه يا زينب أويلاه
من زغرج شبعتي ضيم يازينب المهظومه
خلصتي العمر شوغات مثل امج المظلومه
مصايب كربله يم عون بوجهج بقت مرسومه
عفتي حسين عالتربان تكتل ساعته ويومه
اويلاه يازينب أويلاه
اويلاه يازينب أويلاه
جان أول جرح بالروح فكد امج يعلويه
شالت والضلع مكسور والدار انطفه ضيه
من طبرو الهامه شلون حالج ذيج المسيه
يازينب صعب بلواج شال الكله حنيه
اويلاه يازينب أويلاه
اويلاه يازينب أويلاه
يوم الطشت هد الحيل وجروحج بدت تكثر
من شفتي الحسن مسموم لونج زينب تغير
أكبر جرح عاش وياج واجدامج بدت تعثر
من شفتي اخوج حسين طايح عالثره موذر
اويلاه يازينب أويلاه
اويلاه يازينب أويلاه
نكسر ظهرج بيوم الطاح كفال الضعن عباس
ذاك الجان الج تجوة راعي الغيره والنوماس
صبرح عجب الاملاك ماله حدود لا مقياس
يخت حسين يالحره صرتي للضعن نوماس
اويلاه يازينب أويلاه
اويلاه يازينب أويلاه
حرمه تكفلت بايتام ودروب السبي خطره
عافت زينب الخوان مطروحين عالغبره
فوك الرمح راس حسين جدام الضعن يبره
والجتال يحدي النوك شنهي كلبج وصبره
اويلاه يازينب أويلاه
اويلاه يازينب أويلاه
خادمة الزهراء
الشاعره هالي نور
/channel/+6Gn16N-VhH04NmQy
زينب انه الهاشميه
شلون ترضوهه سبيه
جنت هيبة مدلله وعذبتني كربله
انه زينب ......انه زينب
انه زينب... من الزغر دهري رماني
انه زينب ... اخذ اهلي ويتماني
انه زينب... والشمر ولية ولاني
انه زينب ... طك رقية وشتماني
من الزغر متعلله وعذبتني كربله
انه زينب ......انه زينب
تدري خوية ... شسوت بحالي رقيه
تدري خوية ... بفرگتك شفت المنيه
تدري خوية ... بكل صباح وكل مسيه
تدري خويه... عيونك يصدن عليه
والهجر ما احمله وعذبتني كربله
انه زينب ........ انه زينب
ياعذابي .... والشمر يبره لضعنه
ياعذابي .... بكربله اتطشر شملنه
ياعذابي .... ليش عفتونه يهلنه
ياعذابي..... عالشريعه طاح املنه
ضعني ياهو اليكفله وعذبتني كربله
انه زينب ........ انه زينب
وينه عباس ... ليش نايم عالشريعه
وينه عباس ... هوه وجفوفه الكطيعه
وينه.....صاحت دموع الفجيعه
وينه عباس...خل يصد لأخته الوديعه
دموعي بعدك هامله...وعذبتني كربله
انه زينب ........ انه زينب
والله حيره....من ارد بلا اخوتي
والله حيره...ولحظه لحظه اتمنه موتي
والله حيره... وعل الهواشم نادى صوتي
والله حيره....وبجت الشامت بلوتي
كل اخوتي مجتله....وعذبتني كربله
انه زينب انه زينب
خادمة الزهراء
الشاعرة هالي نور
/channel/+6Gn16N-VhH04NmQy
حده حادي الضعن ومشيت
خوية بلا فكر عنكم
خذوني ميسرة وظليت
محتارة ويه عيلتكم
مشيت ميسرة للشام وانه مغيرة احوالي
كل ما انضرب يحسين اشوفن راسك اكبالي
وياية حرم وايتام والجتال يبرالي
من بعد الخدر ذليت ترضه شلون شيمتكم
***
حرمة بولية العدوان واطفال وحرم عندي
جا وينه الكفيل الجان هيبة وللضعن يحدي
عافاني بدرب عثرات غريبة ودمعتي بخدي
عفتوني بدين اجناب ماجني اخيتكم
***
مرار وضيم وي حسبات والجتال رافكته
لو جلجل عليه الليل اون وونتي بسكته
بدرب الشام خوية حسين ماظل ضيم ماشفته
مشيت وبس جسد والروح ملهوفة اعله شوفتكم
**
رحت انه بكلب مجروح اصيح وماتسمعوني
خوية حسين يا عباس وحيدة لاتخلوني
مو مالت غرب واسياط بعد ماتحمل متوني
بحزن ظليت ليل نهار اون خوية اعله ونتكم
***
يوميه اعله ظهر النوك احن واذكر اللمه
ومن يمسه المسه اشتاك خوية لعطرك اشتمه
فاركتك يخوية شلون وفراكك صدك هظمه
شيعوده الزمان الفات وترد ذيج لمتكم
**
خادمة الزهراء
الشاعرة هالي نور
/channel/+6Gn16N-VhH04NmQy
لطمية للوداع بين مولاتنا زينب والحسين عليهم السلام
على لحن قصيدة مودع الله وراشده يابو المحنه الزايده....
ليلة وداع ونايحه
دمعاتي عالخد طايحه
باجر اعوفنكم غصب
ياخوتي عنكم رايحه
بوداعك يخوية حسين _ كون تطول هالليله
وباجر ما يجي باجر _وكلبي ينهدم حيله
شلون تنام عالتربان _ يالماتغفه عالعيله
يخوية الشال عن العين _ من البال شيشيله
كضيت وياك احلى سنين _ يبن امي يضي عيني
مدري منين اجاني الطف _ ضيع عمري وسنيني
ياخوية وصعب فركاك _ ارحم حالي وونيني
من صغري ربيت وياك _ شلون تريد تجفيني
باجر من يجي يحسين _ فركة تصير بالكوه
باجر ما تظل وياي _ باجر تنكضي الخوه
خل اشبع وداع وياك _ يالبيك العزم يكوه
باجر تهوه عالتربان _ يارايه الفلا تهوه
كون الليله خويه حسين _ما طر الفجر بيها
متعودة رقية اعليك _ باحضانك تخليها
باجر من يجي يحسين _ويعيل العدو اعليها
لو نشدت ابوية وين _ ما أدري شحاجيها
كون يطول خويه الليل _ وتطول محاجينه
باجر تنذبح عطشااان _ويعيل النذل بينه
وجتالك يرد فرحان _مايرحم بواجينه
راسك عالرمح ينشال _جدام ...ويبارينه
خادمة الزهراء
الشاعرة هالي نور
/channel/+6Gn16N-VhH04NmQy
اللهم يا مُيسِّر كل عسير، ويا جابر كل كسير، ويا مُفرِّج كل كرب، اجعل لي من كل همٍّ فرجًا، ومن كل ضيقٍ مخرجًا، ويسِّر لي أمري، واقضِ حاجتي، واهدني سواء السبيل، برحمتك يا أرحم الراحمين."
🍃🌻
الاكبر راح ياليلى الاكبر راح
عزيزج طاح ونيلة عزيزج طاح
بغيابه الروح
حزينه تنوح
الاكبر راح ياليلى الاكبر راح
.....................................
نار الولد ماتنطفي ...تظل كل وكت حراگه
وليل ونهار بهل گلب....يسعر حنين اشواكه
ياليلى والله يساعدج....لمن يحين فراگه
ياهو الينشف عل جفن....دمعاتج المشتاگه
يماي العين لوهاجر . يماي العين
شيصبر حسين بوداعه شيصبر حسين
بدمع مسفوح
حزينه الروح
الأكبر راح ياليلى الأكبر راح
......................
ياحيرة الفاگد ضنه يگظي العمر بالونّه
خل رمله ياليلى تجي تحضّر لبنها الحنه
كل وحده تلطم عل الولد...وحضنت هجر حضننه
وبليلة الحادي عشر....شبعن إموادع منه
وداع عزاز ....خل يكمل وداع عزاز
الدمع جناز .....بالفرگه...الدمع جناز
وعله المذبوح
حزينه الروح
........................
ابنج يليلى منذبح والعطش فت دلاله
وحسين للخيمة بحزن ظهره إنكسر من شاله
ياعلي يبني يالولد صاح وتعذب حاله
وأمه الحزينه بكل ألم گعدت تون تنعاله
بگلب مالوم تشكيله بگلب مالوم
رحت محروم اه يبني رحت محروم
كتلني النوح
حزينه الروح
...............................
انكسر ظهري بطيحتك يبني وتهدم حيلي
ماتطفه نارك للأبد لو ساهرت كل ليلي
ياعيني مو بس الدمع عالولد كلچ
سيلي
ليل الهجر ما ينجرع منه صحت ياويلي
حنين النوگ احن لبني حنين النوگ
ييمه الشوگ دوهنّي ييمه الشوگ
بدمع مجروح
حزينه الروح
........................
صورة مُحمّد صورتك
وجه النبي المُرسل
وكلما أحن الشوفته
الوجهك أظل أتأمّل
من طحت يبني بمصرعك
صبري بكيانه إتزلزل
الياجرح واليافاجعه
گلب الأبو يتحمّل
الصبر ذبّاح يوليدي الصبر ذبّاح
يغالي وراح من ايدي
يغالي وراح
النظر مشبوح
حزينه الروح
خادمة الزهراء
الشاعرة هالي نور
/channel/+6Gn16N-VhH04NmQy
قصيدة لسان حال مولاتي رمله مع ولدها القاسم عليه السلام
جاسم ييمه. جاسم ييمه
يوليدي يانجم السعد جاسم ييمه
دنياتي ضلمة دنياتي ضلمة
من عكب عينك يالولد. دنياتي ضلمه
جاسم ييمه فركتك نار وسريه
اذكر كعدتك يالولد واشبع اذيه
كل ما يمر شاب العصر اصفك بديه
ومنين اجالك يالولد سهم المنيه
يوليدي هضمه يوليدي هضمه
امك عفتهه للحزن بوليدي هضمه
رحت من اديه يالولد يالبعدك اشباب
وسفه ييمه من وكت غطاك التراب
ساعه وداعك يل رحت منها الكلب ذاب
اشتاك الك صبح ومسه يااغلى الاحباب
من فدوه لاسمه من فدوة لاسمه
يوليدي يا نبض الكلب من فدوه لاسمه
ربيتك وردتك ذخر لو دهري ذبني
تسندني بسنين الكبر يالولد يبني
تاليها عالغبره أسف وحدي اتركتني
للحزن والهم والقهر رحت وعفتني
كلساعه اشمه. كلساعه اشمه
عطر العلى هدومك بقه وكلساعه اشمه
كلساعه اشم عطرك وأرد يكثر ونيني
ربيتك وضاع الربه وضاعت سنيني
يوليدي من يوم الغبت ماتغفه عيني
كل ما اصد لصورتك يكبر حنيني
تشبع مغمه تشبع مغمه
الغاب منعدها ضنه تشبع مغمه
حسبالي ازفك يالولد ونلم شملنه
وعمتك تبارك بالعرس تعجن الحنه
تاليها عالرمله نمت يابعد اهلنه
عفت امك بليل الهجر تجهر الونه
ضيعت حلمه ضيعت حلمه
كلبي اليناطر زفتك ضيعت حلمه
خادمة الزهراء
الشاعرة هالي نور
/channel/+6Gn16N-VhH04NmQy
قصيدة للسيدة زينب عليها السلام
عالخوان زينب شدت انكاب
تريد اليوم عوانه اعله الاحباب
تون وتنوح عالضلو رمية
تصيح منين اجتني الغاضرية
عفت اجسادهم فوك الوطية
ومشيت ميسرة وبولية اجناب
مشيت ميسرة وبعازة الوالي
ماواحد فزعلي وعاين لحالي
دولاب المصايب دوم يبرالي
نسوني احباب كلبي وسدو الباب
حيرني الوكت ومعاشرة الونه
خمس خوان واحدهم بدر جنه
منهم ياكلب خل نكطع الظنة
شيردهم بعد نامو بالتراب
شيردهم بعد نامووو باللحود
ياريت الزمان وياهم يعود
كون حسين والعباس موجود
وترد كعداتنه بديار الاطياب
فركاهم كلف و يهدم الحيل
كون الشالو اهله وياهم يشيل
يخيعونه الينام سويعه بالليل
مجروح الكلب ومحمل اعتاب
خادمة الزهراء
الشاعرة هالي نور
/channel/+6Gn16N-VhH04NmQy
بطل عباس والهوسات تحلالة
كفو ونعمين يمخوف العيالة
بطل عباس تحله الراية بيمينه
فدة جفين للخوة وفده عينه
فدوة الروح ترخص بس لبو سكينه
واخته والعيال مدللة ابجالة
****
شجاع وبالمعارك شايعه فنونه
وتخاف العده من خزرت عيونه
سيفه بيمنته والجربة بمتونه
وينه الجابته امه وكدر يدناله
**
كفو ونعمين من ابنج يبدوية
ربيتي زلم للحومة حربية
ابو فاضل شجاع اصل العزوبية
طب للمعركة رجف الخيالة
***
ابو راية الخضرة الحيد المجنه
غرف من الفرات وماشرب منه
يستاهل لطمنه ويسوة الف ونه
فدة روحه البطل لحسين واعياله
****
ريت العلكمي جف ونشف ماية
نام الكفل زينب عالمسناية
انكسر ظهر الحسين بطيحت الراية
وظل اوحيد والعدوان تبراله
*
خادمة الزهراء
الشاعرة هالي نور
/channel/+6Gn16N-VhH04NmQy
قصيدة للأمام العباس عليه السلام
زينب عالكفيل تريد لطامة
تلطم عالصدر وتدك على الهامة
ابن ام البنين وراس حربيه
يسوة الكول هذا ابنج يبدوية
وبالميدان لطميله يشيعية
رجي الميدان بهوساته
زينب عالكفيل تريد عوانه
شيال اللوة مكطوعه ذرعانه
نايم عالنهر ماكام ويانه
بين العدوان مخلينه
زينب عالكفلها تجذب الونة
تدك وتصيح نايم ليش المجنة
جاساني هظم واليوم اريدنة
حركوها اخيمنه وهظمونه
حركوها الخيم عباس باصرني
انت الي جبتني كوم رجعني
ترضاها العده ياخوية تهظمني
ترضه العدوان يشتموني
نايم ليش واعيالك مخليها
شلون اعداك ياعباس توليها
واختك تنسبي ترضه يواليها
اكعد يالكافل حاميها
خادمة الزهراء
الشاعرة هالي نور
/channel/+6Gn16N-VhH04NmQy
لطمة معدلة العباس لطميلة
وبيرغ الزهرة كومي هوسيلة
وكفة لطمة العباس سويها
اللطمة اعلى ابوفاضل حيل شديها
تحضر للعزة زينب دعينيها
يستاهل لطم ميدان سويله
لطمه معدلة العباس لطميلة
يستاهل عراضه ولطمة حدية
هذا ابن الصميدة وامه بدوية
تلوك اعلى البطل لطمة حماسية
شجاع ابن الشجاع ويعدل الميلة
لطمة معدلة العباااااس لطميلة
جاب الماي بيده وضحه جفينة
كمر عالمشرعه طاح وطفت عينة
يستاهل لطم وسعن ميادينة
بطل عباس مايغفه على العيلة
لطمة معدلة العبااااس لطميلة
اسد عباس من يدخل الحربية
حلفي بالمشت للشام مسبية
وين العدها حاجة يمه مكضية
حلفي بالزجية وعكدي الشيلة
لطمة معدلة العبااااس لطميلة
وصل نهر الفرات وماشرب ماية
مطروح الكمر فوووك المسناية
كفو ونعمين منه صاحب الراية
قائد جيش اخووو وكافل العيلة
لطمة معدلة العباااااس لطميلة
( اعلى متونه يامحلة الراية)
خادمة الزهراء
الشاعرة هالي نور
نعي
حوار مولاتي زينب مع العباس عليهم السلام
تكله....
لكربله المن جبتني
عباس انته اتكفلتني
اكعد يخويه وشوف متني
اكعد يخويه وحن عليه
شوف شجره وشصار بيه
عكبك شفت ضيم واذيه
يكلها ....
خويه يزينب سامحيني
بسهم الغدر مصيوبه عيني
عتابج يخوية يأذيني
بسج يزينب لا تعتبين
شبيدي ياخويه على البين
لاني بقيت ولا بقه حسين
تكله .....
خليها روحي تزيد العتاب
ما ظل اهل لا ظلت احباب
شلكم يخوية بنوم التراب
عكبك يخوية بعمري شلي
بالغاضرية خلصو اهلي
ياعين عالوليان هلي
خادمة الزهراء
الشاعرة هالي نور
/channel/+6Gn16N-VhH04NmQy
ياعباس ياخوية. ياعباس ياخوية
عندي اعتاب خوية وياك اكعد واسمع البيه
ترضه شلون ياعباس اختك تمشي مسبيه
من كثر الهظم ياخوي كوة امشي اعله رجليه
يالدكيت صدرك كوم ورد العايل اعليه
ياعباس ياخوية. ياعباس ياخوية
&&&&&&&&&&&&&&&-
اكعد يا جبير الشان يالبيك العزم يكوة
اكعد شوف ياعباس زمان بزينب شسوة
انحنه ظهري وعلي ضليت اشيلن روحي بالكوة
على متوني يبو الكلفات سوط اعداك يتلوة
ياعباس ياخوية. ياعباس ياخوية
&&&&&&&&&&&&&&&&&
تنشدني رقية اعليك جا عمي البطل وينه
شو عافانه عطشانات واحتركت صواوينه
محتارة شجاوبها يتيمة وطفله مسكينه
اكلها عمج العباس طفو بالسهم عينه
ياعباس ياخوية ياعباس ياخوية
&&&&&&&&&&&&&&&&
تمنيتك عدل وتشوف دمعي وذلت احوالي
كل ما انهظم عباس تصد عيونك اكبالي
انه اختك جنت بحماك محد شايف اخيالي
هسه امشي اسيرة شلون ياعباس ترضالي
ياعباس ياخوية. ياعباس ياخوية
&&&&&&&&&&&&&&&&&
ادري انه العتب ياذيك بس مجبورة اعتبنك
ولو مسني الهظم ياخوي بالدمعات احشمنك
حركوها الخيم وبليل مجبورة رحت عنك
أسمع صوت بالميدان ونت حسين لو ونك
ياعباس ياخوية ياعباس ياخوية
خادمة الزهراء
الشاعرة هالي نور
/channel/+6Gn16N-VhH04NmQy
شلون ضامي وبيدك الماي
حاجيني يبعد اختك يرواي
يم النهر كالو طحت وتعاين الناس
ياذخر اختك يالجنت بالشدة نوماس
لو رحت وين الكه اخو مثلك يعباس
وبطيحتك خوية افكد الراي
رد ليه خويه امروتك لا تبطي اتانيك
عكبك اعيش شلون انه ومعلمه اعليك
ادري انه بالموقف صعب واعتابي ياذيك
عكبك بعد ماريد دنياي
يالجنت لجروحي دوة يابلسم الروح
فراكك يهد مني الكلب ويزيد الجروح
وسفه عكب هذا العمر من ايدي وتروح
ياهو اليصبرني اعله بلواي
يالواعدتني نضل سوه وين الوعد ذاك
تالي عفتني للهضم وبولية اعداك
روحي العليك معلمة ياذيها فركاك
حتى الصخر ذاب اعله مبجاي
عذبني دهري من الصغر شفت الاذية
نهد حيلي لمن عالنهر عفتك رمية
حسبالي لديار الاهل نرجع سوية
وين الوعد يالكلت بحماي
خادمة الزهراء
الشاعرة هالي نور
/channel/+6Gn16N-VhH04NmQy