362
قناة خاصة بتبليغات مُمثلين قسم التمريض للدراسة الصباحية في القادسية . للأستفسار حسابات المُمثلين : علي هاشم لفتة : @d433t جعفر علي عبد : @jlvlf مصطفى حسين بريزل : @MT_s21
السلام عليكم طلبتنا الاعزاء الفورما مال معلومات راح تنعاد من جديد رجاءً املوها انسخو رقمكم واسمكم من الملف لاتكتبو انتم ولحد يكول نسيت او هويتي مو عندي اهتمو لاتهملون هاي الفورما ✨
Читать полностью…
السلام عليكم
ادناه قائمة بأسماء الطلبة والرقم الموحد لكل طالب
السلام عليكم طلبتنا الأعزاء اليريد ستيكرات مال تخرج حجز يم ايات عقيل ب ٣ القطعة
@Ayota2266
السلام عليكم طلبتنا الأعزاء
تم العثور على ساعة رولكس اليوم لكيناه بالقاعه المدرجة الثانية بمتحان نفسية عملي لأحد الطلبة ناسيه اليعرفه المن يراسلني
السلام عليكم طلبتنا الاعزاء اكو بنيه مضيعه جنطتها وبيها غراض محتاجتهن البنيه كلش الي لاكيها يراسلني
@MT_s21
طلابنا الغايب يبلغ الحاضر حرامات تروح على جماعتكم درجة المد اي واحد تعرفو ماداخل بالقناة بلغو وهذا الشي صار من جانبكم لان محاضره اولى شرحها كلش طويل وهسه خلينا سادسه علمودكم لان قليله وعندكم دوام مستشفى
Читать полностью…
السلام عليكم طلبتنا الاعزاء بما انه المحاضره الاولى طويله وصعبه شويه حاجيت ست رشا خليت بدالها المحاضره السادسه لان كلش بسيطه بالنسبه لمادة النفسيه العملي
يعني الامتحان راح يكون ثانيه وثالثه ورابعه وسادسه
واتمنالكم التوفيق🤍
مقتطفات من سفرتنا الجميلة شكرا للجميع على وجودهم وأيضاً جهودهم ويانا
Читать полностью…
ملاحظة اكو بعض الطلبة يكولون تبقى الصورة لاطشه متتحمل .
هنا افتح الفارما بمتصفح واملي معلوماتك طبيعي يطلب منك حساب ايميل عادي سجل ايميلك وباسورد طبيعي تنفتح الاستمارة املي .
ما صارت بدل الجهاز يعني قدم بجهاز ثاني .
طلاب منا تاخذ رقم الطالب الموحد مو من الجنسية من هذا الملف .
Читать полностью…
على جميع الطلبة الدخول للرابط ادناه وإدخال معلوماتهم على ان يقوم الطالب بنسخ اسمه والرقم الموحد من القائمه اعلاه وادراجها في المكان المطلوب
Читать полностью…
ملاحظة
تم تعديل الرقم الموحد
لتغيير رمز القسم
السلام عليكم طلبتنا الأعزاء
عدنا سفرة سياحية ان شاء الله ل"ديوانية بارك " بعد أمتحانات المد اليريد يروح النفر 3 آلاف دينار والروحه تصادف
يوم السبت 2024/11/30
تاخذكم المنشأة من باب المعهد الساعة ب 8:30 تتحرك المنشأة والساعة ب 3:00 نرجع...
اليريدون يشاركون يراسلوني أسجل اسمائهم.
@jlvlf
في ولادِتها امتلأ الكون بالحب
نالت علمها وأدبها عن امٍ وأب
عليٌ وفاطمةً انجباكِ عيناً من الخير لاينضب
وجاءَ بها جدها المصطفى ليختار لإسمها مايعجب
وقال بها اللهُ عز وجل تقبلتها وأسمها زينب
ليلة مقمره بولادةِ نورٍ من نور♥
السلام عليكم طلبتنا الاعزاء شلونكم ان شاء الله بخير
1-طلاب اكو مواضيع من تنشر بقناة القسم سواء فورما سواء اي شي ثاني لاتتعاملون ببرود وإهمال مثل اخر فورما نزلت مايصير هيج موضوع حساس يخص تعيينك يخص تخرجك لاتتعامل بتهاون وي هذا الموضوع لاتهمل اذا ماعرفت راسلنا احنه الممثلين وبيكم خير وتدللون
2-بالنسبه لامتحانات العملي سواء نفسيه او غيرها اقرو صعدو درجتكم بالعملي علود ترتاحون هسه من عسه ماتجيب 60 او 50 بس اقراها ليش ترجع دور ثاني والدوله يوميا قرار يجوز ترجع ومايتصدر امرك الاداري بسرعه وجماعتك يتعينون وانت بعدك تنتظر ف اقرو وخصوصاً مادة النفسيه والله اسئلة اليوم اجت مساعده اسهل اسئله جايبيهن واكو بعض الطلاب ماجاوبو ف اقرو بالفاينل العملي ركزو على كلشي لاتكول هاي تجي وهاي لا هواي اسئله كلشي يجي بيها ومواد العملي السنه كلش سهله
3-مواد النظري المد او الفاينل مابيهن تأجيل اله حسب تقدير القسم لحالة الطالب يعني الي يغيب صفر والغيابات حاجيت القسم عليهن وكلتلهم بعض الطلبه حاضرين كل المحاضرات وعندهم تنبيه او انذار كال عادي ينلغن والي عندهم تفريغ او ايفاد راح يلغولهم الانذارات والتنبيهات
وارجع واكول طلابنا القسم من ينشر شي لاتهملو وهم لاتهملون دراستكم نتمنالكم التوفيق♥
السلام عليكم طلبتنا الأعزاء.
المادة الداخلة بأمتحان المد النظري
■الدوائيات:
محاضرة 2و3و4و6.
■الرعاية الصحية الأولية:
محاضرة 1و2و3و4.
■جرائم حزب البعث:
الفصل 1و2
■نمو وتطور الأطفال:
■النسائية والتوليد:
محاضرة 1و2و3و4 الى موضوع ال Eclampsia غير داخل.
■مبادئ التمريض النفسي:
محاضرة 1و2و3و4
■أخلاقيات المهنة:
محاضرة 1و2و3و4و5و6و7.
السلام عليكم طلبتنا الأعزاء .
تبليغ من دكتورة رشا
غدا امتحان نفسية عملي الما يجي باجر درجته صفر بعد ماكو اعادة لان مد هذا.
و قاعة 13و 14 باجر سوه يمتحنون بقاعة 13 . الساعة ب 10:30
وقاعة مدرجات وحد يمتحنون الساعة ب 11:00
ملاحظة //خاف يصير فرق نص ساعة بالوقت عادي يعني لان تعرفون هم علمود تكملون محاضراتكم . واحنه يمكم نبلغكم اي تغيير يصير هناك
وكل التوفيق ان شاء الله 🤲🏻🤍..
السلام عليكم .
محتاجين بعد طالبه تكملة خط حي العسكري العروبة هاي المناطق التريد تراسلنه
@jlvlf
السلام عليكم طلبتنا الأعزاء .
اي طالب عنده أعتراض يراجع مدرس المادة
السلام عليكم طلبتنا الاعزاء
1- يوم الاربعاء 6/11 امتحان مد عملي بمادة النفسيه اول 4 محاضرات وراح تكون اسئله منوعه يعني مو MCQ
2-بالنسبه لقاعة المدرجات استراحتكم قبل مادة النفسيه العملي يوم الاحد فقط ربع ساعه الي يجي وره الربع ساعه مايدخل للمحاضره رجاءً التزمو بالوقت
3-راح تنزل الانذارات هذا الاسبوع لان هواي غيابات جاي تصير وخصوصاً اليوم قاعه 85 طالب الي مداومين زين اذا وصلو 30 انتبهو مقبلين على امتحانات المد وتنفصلون وتنحرمون من الامتحان اذا بقت هاي غياباتكم
4-الفورما الي دازيها بالقناة تره ضروري تملوها وراح تنغلق هي متبقى والي ماماليها لهسه ميخلو يدخل امتحانات المد شدو حيلكم واقرو من هسه وعدو هاي السنه على خير حرامات تطلعون دور ثاني لاسامح الله
اتمنالكم الموفقيه والنجاح🤍
السلام عليكم طلبتنا الأعزاء .
أسماء المشاركين بالمناظرة العلمية ضد قسم صحة مجتمع.
1-أحمد علي حظي
2-حسن شامي عذاب
3-حسن باسم محمد
4-رعد عبد الله طريف
5-محمد سعد كامل
6-زينب خضير عراك
7-زينب احمد عطيوي
8-ا
9-ا
10-ا
نقصنا ٣ مشاركات التريد تشارك ادز اسمه الثلاثي المناضرة راح تصير اسئلة علمية طبية عامة ودينية . غدا بعد المحاضرات تبدأ المناضرة
نتمنى لكم كل التوفيق طلبتنا الأعزاء 🥀🖤 ..
https://play.google.com/store/apps/details?id=com.appsuite.photo.compressor.reduce.size
Читать полностью…
السلام عليكم
ادناه قائمة بأسماء الطلبة والرقم الموحد لكل طالب