قناه الشاعرة أم حسين الهلالي للخدمه الحسينيه

02 Sep 2021 08:34

قصيده للامام زين العابدين

آ يزين العابدين
صابر وكلبه حزين

يذكر اهله يذكر اهله
.............
آ يمصابه ومحنته
الماجرى منها مصاب
شاف ابوه كبال عينه
جثه مرمي اعلى التراب
اكبال ينظر اهله كلها
مذبحه وشاف الشباب
مخضبه بدمها نضرها
كلبه شتعمل عذاب

كباله اهله مذبحين
صابر وكلبه حزين
يذكر اهله يذكر اهله
.............
يذكر اهله الذبحوهم
تسعر بكلبه الجروح
ظل عليهم تهل عينه
بليله ونهاره ينوح
يكول ابويه انذبح ضامي
ودمه من نحره يفوح
واحنه من بعده خذونه
يساره للطاغي نروح

اخذونه كلنه مجتفين
صابر وكلبه حزين
يذكر اهله يذكر اهله
..............
ابد ماينسه الجراله
يبجي واحزانه تزيد
يذكر حسين ومصابه
يظل ينوح مايهيد
اشلون ابطل من ونيني
وشفت محزوز الوريد
كضّه عمره بنوح كله
ويبجي لمصاب الشهيد

بالالم كضّه السنين
صابر وكلبه حزين
يذكر اهله يذكر اهله
.............
اه ياحزنه وعذابه
و ا يالوعه كربله
الماي لو شافه يشيعه
تظل دمعته هامله
شلون اهيد وعفت ابويه
عاري محد غسله
وانه للكوفه خذوني
و قيدوني بسلسله

عفت مكطوع الوتين
صابر وكلبه حزين
يذكر اهله يذكر اهله
...............
رحت للكوفه يشيعه
وكلبي تسعر ونته
لكربله رديت ثاني
جيت ادفن جثته
اه لمن ردت اشيله
شلون انزله بحفرته
اظلوع كلها امهشميها
الخيل لمن داسته

شلون لم جسم الحسين
صابر وكلبه حزين
يذكر اهله يذكر اهله
..............
بالحزن كضّه الليالي
وبالالم كضّه العمر
من بعد ذيج المصايب
تالي جبده ينفطر
لوعوه بالسم يويلي
ذوله اصحاب الغدر
وفجعوا اخواته بمصابه
اه يا نسل الطهر

اه يبن الطاهرين
صابر وكلبه حزين
يذكر اهله يذكر اهله
،...................................،
🏴خادمه اهل البيت
ام حسين الهلالي
اسالكم الدعاء لي ولوالدي
لا اجيز حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

02 Sep 2021 08:17

✍️نعي للامام زين العابدين
.............
بذيج السلاسل كيدوني
والجامعه حفرت امتوني
وابجي على اهلي الفاركوني
...............
فوك المرض شدوا اديه
وكل ساعه ويضربون بيه
عدوان ما عدهم حميه
...............
عدوان مابيهم محنه
خذونه سيبي وذبحوا زلمنه
سبايا ولا نندل دربنه
..............
من الجامعه الله يعينه
يون عالهزل و مكيدينه
يفت الصخر ويلي بونينه
...............
يفت الصخر ياناس حزنه
وكلبه المصايب خلصنه
وعلى اهله يجر ونه اعلى ونه
.............
شاف الاهل كلهم ضحايا
ومن جروحهم تجري الدمايا
اويلاه يعمله كربلايا
.................
يون عالهزل واشلون حاله
ومذبحه اهله اكباله
ظاك الهظم والحمل شاله
.................
على حسين بس يجرن عيونه
ومن المرض مخطوف لونه
والجامعه حفرت امتونه
...............
🏴خادمه اهل البيت
ام حسين الهلالي
اسالكم الدعاء لي ولوالدي
لا اجيز شرعا حذف الاسم او تغييره
...............
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:50

قصيده للسيده شريفه بنت الحسن
الوزن الميمر

بنت الحسن انخاها
متخيبك حاشاها
اهنا يالتريد الحاجات
بنت الحسن انخاها
--------
اهنا يالتريد الحاجه اكصد ليها
واطلبها وادموع الحزن اجريها
واقسم عليها بالحسن واليها
كلها اريد امرادي
منج يبنت الهادي
لاماتردك هيهات
بنت الحسن انخاها
--------
اهنا يالذي محتار بامرك مهموم
اكصد شريفه واطلب الحاجه
كوم
اقسم عليها بجاه ابوها المسموم
انخاها بنت الاطهار
لا ماتردك محتار
هيه التحل الشدات
بنت الحسن انخاها
-------
هاي العفيفه الطاهره المظلومه
اقسم عليها بالحسن وبيومه
وبحق مصابه وجبدته المسمومه
نوح ودمعتك صبها
والحاجه منها اطلبها
بالحسره لو بالدمعات
بنت الحسن انخاها
--------
انخه الجليله بحاجتك واطلبها
بنت الحسن وماتعتذر جربها
الها وجاها اومنزله عد ربها
بحركه كلب نخيها
وبدمعتك حاجيها
وخليها تجري العبرات
بنت الحسن انخاها
--------
انخه العفيفه الطاهره ام الاحزان
العاشت غريبه بعيده عن الاوطان
واطلب الحاجه وخلي دمعك غدران
انخه العفيفه الحره
وحلفها بمها الزهره
وجربها وكت العازات
بنت الحسن انخاها
-----------

خادمه اهل البيت
ام حسين الهلالي
اسالكم الدعاء لي ولوالدي
لا اجيز حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:47

هاي القصيده على وزن بحر طويل

عندي اهموم اجيت اليوم
يمج انه احجيها
..................
شريفه جيت انخيها
واطلب حاجتي عدها
ماخاب التعناها
وماخاب الدخل حدها
اريد اقسم عليها اليوم
بجاه المصطفى جدها
لذت يمها احشمها
شريفه اليوم انخيها
.................

اجيت اليوم وتعنيت
واطلب حاجتي منها
محتاره وتهل عيني
بهمومي اكلفنها
جليله وتجبر الخاطر
كريمه والنعم منها
اجيت الها اكللها
همي وحالتي اشجيها
.....................
شريفه تقضي الحاجات
عند الناس معروفه
ماخاب التعناها
وللشدات موصوفه
جليله ومثل والدها
الدومه يكرم ضيوفه
طلبناها ونخيناها
ماخاب الكصد ليها
......................
يابنت الحسن انخاج
بجاة الطاهره الزهره
اجيتج والكلب مكسور
منج رايده جبره
محتاره وتعنيتج
لتخليني متحيره
تجبريني وتفرحيني
ويمج حاجتي اكضيها
..................
تعنيت بكلب مكسور
منها اطلب امرادي
بجاه الحسن انخاها
وجدها المصطفى الهادي
اريد الحاجه من عدها
واريد اتفرح افادي
نريد امراد للويلاد
لطريق الخير تهديها
................
خادمه اهل البيت
ام حسين الهلالي
اسالكم الدعاء لي ولوالدي
لا اجيز شرعا حذف الاسم

▪️▪️▪️▪️▪️▪️
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:36

مربعه
.........
يامحنه شريفه ويامصيبتها
بديار الغريبه تصير موتتها
.............
اويلاه عاليتيمه الكضت بالغربه
تبجي اعلى الاهل والمدمع تصبه
طفله وتمشي بدروب اليسر صعبه
مريضه وتكسر الخاطر بونتها
................
طول الدرب بس تبجي اعلى اهاليها
يتيمه وتكسر الخاطر بواجيها
شافت كل اهلها اجساد راميها
ولا والي بقه عدها من اخوتها
............

شافت كل اهلها الكوم ذبحوها
اجساد مكطعه وبالخيل داسوها
هالطفله باهلها اشلون فجعوها
مصايب كربله للطفله هدتها
............
طفله وباليسر شبعت مهظميه
كلبها خلص ابعمله بني ميه
شافت كل اهلها اجساد مرميه
مروهن على الميدان شافتها
.............
حاربها الزمان اشسوى وياها
شافت كل اهلها مخضبه بدماها
شاغت ووحها من عمله اعداها
توفت بالدرب والروح سلمتها
......................
توفت بالغرب خوله ودفنوها
وزينب عاليتيمه تنوح خلوها
الله يعينها جم شوغه جرعوها
عليها بس تنوح وتجري دمعتها
....................
✍️✍️
خادمه اهل البيت
ام حسين الهلالي
اسالكم الدعاء لي ولوالدي
لا اجيز حذف الاسم او تغييره
............
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:27

بسم الله الرحمن الرحيم

نبذة عن حياة العلوية الطاهرة شريفة بنت الامام الحسن(عليهما السلام).

ولدت العلوية شريفة بنت الامام الحسن المجتبى(ع) في سنة 50 للهجرة.
وهي السنة التي استشهد فيها والدها الامام الحسن (ع)
كان عمر العلوية حينها لايتجاوز الشهر فقد ولدت اواخر حياته المباركة وكانت حين ولادتها تعاني من المرض والضعف.
بعدها انتقلت للعيش مع عمها الامام الحسين(ع).
اسماها حين ولادتها (رقية بنت الامام الحسن)
وكناها باسم شريفة لكثرة الاسماء وتكرارها فقد كانوا عليهم السلام يتبركون باسماء فاطمة ورقية ومحمد وعلي والحسن وغيرها من الاسماء لاهل البيت (ع).

تزوج والدتها الامام الحسين (ع) بعد وفاة اخيه الامام الحسن (ع) بعد وصية منه وذلك لجمع ذرية الامام الحسن مع اولاد عمهم.
فولدت للامام الحسين (ع) بنت هي فاطمة وهي اخت فاطمة بنت الحسن لامها.

خرجت العلوية الطاهرة شريفة بنت الامام الحسن (ع) مع عمها الامام الحسين (ع) من المدينة الى ارض العراق ضمن موكب الامام.
وعند وصولها الى كربلاء حدثت معركة الطف الخالدة سنة 61 للهجرة.
فيكون عمرها حينئذ (احدى عشرة سنة)بعد انتهاء المعركة اخذت مع السبايا الى الشام.
ونتيجة لمرضها ونحول جسمها وما عانته من جوع وعطش وارهاق استشهدت عند رجوع موكب السبايا الى العراق ودفنت في المكان المعروفة حاليا.
حيث قام بدفنها الامام زين العابدين (ع) وعمته زينب(ع).

حينما عرف الناس بمكان المرقد الشريف قاموا ببناء هذا المرقد وقد كناها هولاء الناس (ام محمد وام هادي).

هذا النسب الطاهر للعلوية شريفة بنت الامام الحسن(ع) لم يكن معروفا ذلك انها كانت تكنى بالعلوية شريفة وليس باسمها الذي سميت به حين ولادتها.

المصادر
1-انساب العترة الطاهرة
2-عمدة الطالب في انساب ال ابي طالب

قناه الشاعرة أم حسين الهلالي للخدمه الحسينيه

27 Aug 2021 10:58

شده لسابع الامام الحسين

هاليوم سابع يالولي والدمعه بالعبن
مااكدر انصب ماتمك ياخويه يحسين
..........
هاليوم سابع يالولي واحنه يساره
جاوين ننصب مجلسك خويه حياره
بالدرب نمشي والدمع منه يتجاره
مابين عدوان وغرب واحنه نساوين
.........
تحيرت وين انصب عزه لابن الزجيه
وانه يخويه ميسره وبيد ال اميه
مايخلوني يالولي انصب عزيه
وكلبي على مصابك يخويه صار نصين
..............
تحيرت خويه انه وين انصب عزاكم
وانه يسيره يخوتي بوليه اعداكم
لا اكدر انصب فاتحه
ولا كدر انعاكم
كلساعه يضربني الشمر واهلي بعيدين
................
ماعندي والي والاهل عني بعيده
وماكو حنين بهل الدرب ناخذ بايده
محتاره وابن امي صحت هاليوم اريده
تهمل عيوني لفركته وانده يالحنين
............
تهمل عيوني الفركة ابن امي وذكرته
لا اكدر انصب فاتحه وانعه لغربته
واني يسيره والحنين اليوم ردته
تتفرج اعلينه العده يبن امي صوبين
.................
مايخلوني باليسر ننصب عزاكم
لابيت عدني يالولي واكعد انعاكم
بس عندي اطفال وحرم تصرخ وراكم
وانه يخويه محيره واصفج بالايدين
................
خادمه اهل البيت
ام حسين الهلالي
اسالكم الدعاء لي ولوالدي
لا اجيز حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

25 Aug 2021 10:18

بحر طويل (للسبي)

🏴🏴🏴🏴🏴
مشيت او تهمل عيوني
يولياني اعذروني اعله متني السوط يتلوه
عنكم رايحه گوه
****************
رحت يبن امي ويه اعداك
يسيره ودمعتي تجري
صحت ريت اندفن وياك
خويه ويا أمل عمري
مغصوبه رحت عنك
مشيت وحسرتي بصدري

يسيره واجذب الونه
خليته ورحت عنه

نخيت وما سمعتوني
يولياني اعذروني
عنكم رايحه گوه
*************
غصب عنكم يولياني
رحت واتهل دموع العين
يخويه تحيرت حيره
اروحن لو أضل يحسين
اذا خويه اضل يمك
راسك چا اعوفه وين

ما اكدر على فرگاك
اروحن لو اضل وياك

وإذا گوه يودوني
يولياني إعذروني
عنكم رايحه كوه
**************
اضل يم الجسد يحسين
راسك من يروح وياه
اروح ويه الضعن عنك
جسمك من يدفنه هناه
يهالوادم حرت حيره
بعد ابن امي وين الگاه

لو عفته ورحت عنه
اخيي وين اشوفنه

ولو عدواني أخذوني
يولياني اعذروني
عنكم ماشيه كوه
**************
يوم الرحنه يا مظلوم
وعالغبره تركناكم
لو ما وليت العدوان
ابد ما چان عفناكم
لو يحصل بدينا الراي
يخوتي چا دفناكم

لو ما وليت العدوان
ما ضليتوا عالتربان

ولا عنكم يبعدوني
يولياني اعذروني
عنكم رايحه گوه
***************
من سار الضعن يحسين
على الأجساد مرينه
صحت ياگوم ارحمونه
خل نودع اهالينه
على الأجساد مرونه
نريد نشوف والينه

ما قبلوا يخلونه
وعنكم گوه مشونه

رحت تجري دمه عيوني
يولياني اعذروني
عنكم ماشيه گوه
***************
بينه ساروا العدوان
خذونه لديرة الكوفه
ياريتك عدل يحسين
يخويه وحالي تشوفه
تتفرج عليه الناس
بحبل يبن امي مچتوفه

ريتك تنظر لحالي
غريبة بعازة الوالي
عنكم رايحه گوه
***************
✍🏻✍🏻خادمه أهل البيت
أم حسين الهلالي
من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

23 Aug 2021 16:08

على طور على الآه يهاجر ماصبرتي


يزهراء لينه ماحضرتي
ييمه ويوم عاشر مااجيتي

اخوتي اتذبحوا واحد ورى الثاني
وانه اتحيرت وحترك صيواني

يزهراء لينه ماحضرتي
▪️▪️▪️▪️▪️▪️▪️▪️▪️▪️▪️
ييمه مااجيتي لرض الاطفوف

اهلنه اتذبحوا وابحد. السيوف
لو موجوده يمه وعينج اتشوف
هاي الحرم خذها الخطر والخوف

مذابيح عفتهم عالوطيه
وصحت صوت يبمه تعاي ليه

يبمه أبهل المصيبه طارت اذهاني
انه اتحيرت واحترك صيواني
يزهراء لينه ماحضرتي
▪️▪️▪️▪️▪️▪️▪️▪️▪️▪️▪️

زينب تبجي والدمعات تهمه
وتصيح بصوت يازهره ييمه
وليدج خضبوه بفيض دمه
يبمه بكربله وحركوا اخيمه

ورى حسين يزهره اشصار بينه
ييمه حركوا اخيمنه علينه

دَهري ابكربله شوغات راواني
انه اتحيرت وحترك صيواني

يزهراء لينه ماحضرتي
▪️▪️▪️▪️▪️▪️▪️▪️▪️▪️▪️

لبنج ليش ماجيتي يزهره
يريتج حاضره وعينج تنظره
من كام الشمر يكطع ابنحره
ومن داست ييمه الخيل صدره

يزهراء تعالي اليوم يمي للطفوف ييمه وشيلي همي


شوفي شصاربيه عكب ولياني
انه اتحيرت واحترك صيواني

يزهراء لينه ماحضرتي
▪️▪️▪️▪️▪️▪️▪️▪️▪️▪️▪️

صحت يايمه زينب كومي ليها
تعالي للطفوف اوساعديها
وشوفي الخيم حركوها عليها
واهلها اعلى التراب امذبحيها

تنادي ليش ماجيتي ييمه
عزيزج غسلوه ابفيض دمه

اون وبهالمصيبه زادت احزاني
انه اتحيرت واحترك صيواني

يزهراء لينه ماحضرتي

▪️▪️▪️▪️▪️▪️▪️▪️▪️▪️▪️
ييمه اشراح أسوي لو اجه الليل
محتاره ييمه ودمعتي اتسيل
على الأيتام يمه داست الخيل
وإخوتي بالارض من غير تغسيل

يزهراء تعالي وشوفي حالي
غريبه وبكيت ابغير والي

وكلها اعلى الترب متذبحه اخواني
وانه تحيرت واحترك صيواني

يزهراء لينه ماحضرتي

▪️▪️▪️▪️▪️▪️▪️▪️▪️▪️▪️
صحت يمه تعالي وساعديني
وشوفي هالمصيبه وكابليني
وندير اللطم بينج او بيني
على المذبوح ماابطل ونيني

على حسين ابد مايفل نوحي
تظل دوم ولا يشفن اجروحي

تسعر بالكلب يايمه نيراني
وانه تحيرت واحترك صيواني

يزهراء لينه ماحضرتي
▪️▪️▪️▪️▪️▪️▪️▪️▪️▪️▪️

الشاعره
ام حسين الهلالي
اسالكم الدعاء لي ولوالدّي بالرحمه
لا اجيز حذف شرعاًالاسم
/channel/gjjyfko

قناه الشاعرة أم حسين الهلالي للخدمه الحسينيه

23 Aug 2021 15:59

نعي (للمسير)

..........
جابوا النوگ وركبونه
وعنكم يولياني خذونه
وبحبال خشنه جتفونه
...........
عنكم خذونه الگوم گوه
وسياطهم اعلينه اتلوه
واحنه نصيح احو يالأخوه
...........
رحنه غصب عنكم يالحنان
مشينه وعفناكم بتربان
رحنه حرم من غير وليان
...........
رحنه غصب يحنان عنكم
وما صح بدينه ونغسلكم
وگبور يهلي نحفرلكم
............
مشينه ولا نندل دربنه
وكثر الهظم خلص گلبنه
وصحنه يخونه وما سمعنه
...........
اويلاه يايوم المشينه
بحاله غصب ومسلبينه
وفوگ الترب طايح ولينه
............
عگب الخدر زبنب سبوها
واعله الهوازل ركبوها
وراح الخدر من راح اخوهه
...........
بالحزن زينب من مثلها
فوگ الترب عافت اهلها
برض كربله مذابيح كلها
..........
على ونين زينب يون گلبي

✍️✍️شاعرة اهل البيت
ام حسين الهلالي

من ديوان عبرات الموالين الجزء الثاني
اسالكم الدعاء لي ولوالدي
لا اجيز شرعا حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 17:40

تجليبه(مربعه )للدفنه

بهيده اويه الولي يالي حفرت كبره
هذا عزيز كلبي ومهجه الزهره
♾♾♾♾♾♾♾♾♾♾♾
بهيده ويه الولي يالي تدفنونه
من التربان لو ردتوا تشيلونه
جرح كلبه براضه لا تلجمونه
مدري اشكال اخيي بساعه الطبره
♾♾♾♾♾♾♾♾♾♾♾
ارد اوصيكم على ابن امي يدفانه
من كلبه بهيده شلعوا الزانه
وياحفار كبره وسع مجانه
بدال الراس حط اعلى الترب نحره
♾♾♾♾♾♾♾♾♾♾♾
يحفار الكبر زين الكبر وسعه
بهيده اوياه سهم البلصدر طلعه
بس بالك اولا تلجم كسر ضلعه
عليه داست الخيل او هشمت صدره
♾♾♾♾♾♾♾♾♾♾♾
بهيده ويه الولي يالشايله بهيده
دور خنصره المكطوع من ايده
وبراضه اعلى صدره وسد اوليده
عبد الله الصغير وسده بكتره
♾♾♾♾♾♾♾♾♾♾
آ يحسين يالماينسه يومه
بلا تغسيل ظل مطروح بالحومه
على التربان عاري امسلبه اهدومه
وبخيول الاعادي كسروا ظهره
♾♾♾♾♾♾♾♾♾♾♾♾

خادمه اهل البيت
ام حسين الهلالي

من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 15:06

🏴فزاعيه نصف بحر الطويل
للدفن

اريد اوصيك يادفان
بهيده نزله بكبره

〰️〰️〰️〰️〰️〰️〰️〰️〰️〰️〰️
يادفان ابو اليمه
براضه اوياه لتلجمه
ترى مجروح كل جسمه

حط ايدك تحت ظهره

〰️〰️〰️〰️〰️〰️〰️〰️〰️〰️〰️
بهيده بالكبر خليه
يادفان لا تاذيه
جسمه مكطعيه تدريه

لاتلجم جرح صدره
〰️〰️〰️〰️〰️〰️〰️〰️〰️〰️〰️
بهيده وسد المذبوح
ولا تلجم عزيز الروح
دمه من وريده ايفوح
هذا مهجه الزهره
〰️〰️〰️〰️〰️〰️〰️〰️〰️〰️〰️
سهم الباكلب طلعه
بهيده وياه لتروعه
ولا تلجم كسر ظلعه
كل ظلوعه متكسره
〰️〰️〰️〰️〰️〰️〰️〰️〰️〰️〰️
بهيده وياه امن تشيله
لا تلجم مفاصيله
سحك الخيل هد حيله
وسهم البالصدر وخره
〰️〰️〰️〰️〰️〰️〰️〰️〰️
〰️〰️
يدفان الولي بهيده
ورجع خنصره ليده
اعلى صدره وسد اوليده
حط اابنه على صدره
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
خادمه اهل البيت
ام حسين الهلالي
من ديوان عبرات الموالين الجزء الثاني
لتنسوني ووالدّي من الدعاء
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 15:06

🏴🏴فزاعيه للدفن

من غسل المظلوم
وياهو الشاله
وباليسر راحت ويل كلبي اعياله

➿➿➿➿➿➿➿➿➿➿➿➿

زينب تنادي اليوم
من غسل المظلوم
داسته خيول الكوم
ومكطعه اوصاله
➿➿➿➿➿➿➿➿➿➿➿
ياهو الوصل يمه
و يغسله بهمه
عالكاع ظل جسمه
اوداسته الخياله
➿➿➿➿➿➿➿➿➿➿➿
مطروح دمه يسيل
داست عليه الخيل
وزينب تصيح ادخيل
ياهو التدناله
➿➿➿➿➿➿➿➿➿➿➿
فوك الترب مطروح
ومن الكفه مذبوح
مصابه يفت الروح
ومن سلت انباله
➿➿➿➿➿➿➿➿➿➿➿
مطروح ظل حسين
طايح بالميادين
وانه ادير العين
وادموعي هماله
➿➿➿➿➿➿➿➿➿➿➿➿
ابجي واجر حسره
خليته عالغبره
وظلوعه متكسره
ومتغيره احواله

➿➿➿➿➿➿➿➿➿➿➿➿➿➿➿➿➿➿➿
خادمه اهل البيت
ام حسين الهلالي
من ديوان عبرات الموالين الجزء الثاني
اسالكم الدعاء لي ولوالدّي بالرحمه
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 15:04

ساعد الله قلبك يا مولاي ثم وضع كفه على القبر وجعل يخط القبر بأنامله
قيل انه كتب: هذا قبر الحسين بن علي بن أبي طالب الذي قتلوه عطشانا غريبا.
وقيل وضع الطفل الرضيع إلى جنب والده في قبره بناء على وصية سابقة من الحسين (ع) لولده زين العابدين (ع) قال
له: بني إذا جئت لمواراة الأجساد وسد رضيعي إلى جنبي.

قال بنو أسد: ثم التفت إلينا وقال: انظروا هل بقي أحد؟ فقالوا نعم يا أخا العرب بقي بطل مطروح حول المسناة، كلما حملنا جانبا منه سقط الآخر لكثرة ضرب السيوف والسهام.

فقال (ع) امضوا بنا إليه فمضينا فلما رآه انكب عليه يقبله وهو يقول: على الدنيا بعدك العفى ياعماه يا قمر بني هاشم.
ثم أمرهم أن يشقوا له ضريحا ثم أنزله وحده ولم يشرك معه أحدا منا، ثم أشرج عليه اللبن وأهال عليه التراب.
ثم مضى إلى جواده فتبعناه ودرنا عليه نسأله عن نفسه فعرفهم أولا بالقبور قبرا قبرا وأمرهم أن يعلموا الناس ويعرفوهم قبر الحسين وأصحابه ثم قال: وأما أنا فإمامكم علي بن الحسين (ع) فقلنا له: أأنت علي؟
فقال: نعم فأقبلوا عليه يقبلونه ويقولون عظم الله لك الأجر بأبيك الحسين قالوا: ثم غاب عن أبصارنا ...
اي واماماه وامظلوماه

رجع منحني ومكسور ظهره
دفن والده مهجه الزهره
والماضاق من الماي قطره
---------
رجع منحني يهمل الدمعه
دفن والده المكسور ضلعه
الله يعينه اشلون وضعه
----------
قال الراوي: ورجع إلى الكوفة وإذا بعمته زينب (ع)
قالت : يا ابن أخي أين كنت هذا اليوم ؟ قال: عمه الان فرغت من دفن والدي الحسين
فبكت وقالت يا ابن أخي إلى الآن لم يدفن أبوك الحسين؟
وكأني بلسان حالها تنادي

كلي يعمه اشلون شلته
واشلون نزلته بحفرته
امكسره اظلوعه حسين عفته
-----------
عالغبره عفته امطبرينه
وبالخيل جسمه امرضرضينه
عطشان أخيي ذابحينه
---------
عفته على الغبره امدد
كلبي اعلى خال ابني تمرد
وشهالمصيبه الله ولحد
--------
عفته على الغبره امطبر
بالشمس مرمي والوكت حار
وشهل المصيبه الله وكبر
--------
تمنيت اظلن كون يمه
واشيلن من التربان جسمه
واحطه وسط كلبي واظمه
--------
زينب تريد الوالده صاحت
يمه يايمه
يم حسن ييمه مادريتي
وبيوم عاشر ما اجيتي
اخويه انذبح واحترك بيتي
---------
يم حسن يمه تعاي وياي
نغسل اخييّ الماشرب ماي
ترى مشيت ابيسر وبوليت اعداي
--------
صاحت ييمه اتعاي ليه
وانه وياج نكابل سويه
عليج النوح والونه عليه
---------
تخلص
افاطم لو خلتي الحسين مجدلا
وقد مات عطشاناً بشط فراتِ


التنضيم والنعي
شاعره اهل البيت
ام حسين الهلالي
اسالكم الدعاء اي ولوالدي

قناه الشاعرة أم حسين الهلالي للخدمه الحسينيه

21 Aug 2021 15:01

.... ديوان عبرات الموالين
دفن الأجساد
فائزي

زینب تنادي اليوم وين اليدفن أحسین
فوگ الترب مطروح ابن خير النبين
▪️▪️▪️▪️▪️▪️▪️▪️▪️
زینب تنادي وين الي بگلبه حمیه
يحضر بسرعه ويدفن اعزيز الزچيه
هالیوم ثالث جثته فوگ الوطيه
مرمي على التربان اخي يا مسلمين
▪️▪️▪️▪️▪️▪️▪️▪️▪️
زینب تنادي وينهم اهل المحنه
هالیوم ثالث عالترب ظلوا اهلنه
واحنه يساره اويه العده حمل ضعنه
عنهم مشینه والدمع يجري امن العين
▪️▪️▪️▪️▪️▪️▪️▪️▪️
عنهم مشینه والدمع يجري اعلى الخدود
حسین ظل فوگ الترب عالگاع ممدود
جاوين غيرتكم يهالي الكرم والجود
الگاع ظل ابن النبي من غير تجفين
▪️▪️▪️▪️▪️▪️▪️▪️▪️
غصبا علينه ويه الغرب يوم المشينه
وفوگ الترب مطروح عالغبره ولينه
بالخيل صدر ابن الزچيه امهشمينه
ماکوا مثل يومك يبن خير الوصيين
▪️▪️▪️▪️▪️▪️▪️▪️▪️
ماکوا مثل يومك يبو اليمه يمظلوم
مذبوح ظل اعلى الثرى مسلوب الاهدوم
ويلاه يخويه بالذي امن الماي محروم
تبقى ثلث تیام مرمي بالميادين
▪️▪️▪️▪️▪️▪️▪️▪️▪️
ماکوا مثل يومه ولا صاير مصابه
يبقه ثلث تیام وبحر الترابه
ومذبحه بكتره ومطروحه اصحابه
وكل اخوته نومه على الغبره مطاعين

▪️▪️▪️▪️▪️▪️▪️▪️▪️
الشاعرة خادمة اهل البيت
ام حسين الهلالي

قناه الشاعرة أم حسين الهلالي للخدمه الحسينيه

02 Sep 2021 08:34

🏴🏴عظم الله لكم الاجر
في مصاب الامام السجاد

خطبة
الامام علي زين العابدين بن الحسين بن علي بن أبي طالب في مجلس يزيد بعد مقتل الحسين بن علي


قال الإمام عليّ بن الحسين: يا يزيد، إئْذَنْ لي أن أصعد هذه الأعواد (أي المنبر) فأتكلّم بكلماتٍ للهِ فيهنّ رضىً ولهؤلاء الجلساء فيهن أجرٌ وثواب. فأبى يزيد عليه ذلك، فقال الناس: يا.. إئذَنْ له فَلْيصعد المنبر؛ فلعلّنا نسمع منه شيئاً! فقال يزيد: إن صَعِد لم ينزل إلاّ بفضيحتي وبفضيحة آل أبي سفيان! فقيل له: يا.. وما قَدْرُ ما يُحسِن هذا ؟! فقال يزيد: إنّه مِن أهل بيتٍ قد زُقُّوا العلمَ زقّاً. قال الراوي: فما يَزالون به حتّى أذِن له، فصعد المنبر، فحَمِد الله وأثنى عليه، ثمّ خطب خطبةً أبكى منها العيون، وأوجل منها القلوب.. ثمّ قال:

   

أيُّها الناس، أُعطينا ستّاً وفُضِّلْنا بسبع، أُعطينا: العلمَ والحلم والسماحة والفصاحة والشجاعة والمحبّة في قلوب المؤمنين. وفُضِّلْنا: بأنّ منّا النبيَّ المختار محمّداً، ومنّا الصدِّيق، ومنّا الطيّار، ومنّا أسد الله وأسد رسوله، ومنّا سبطا هذه الأمّة (الحسن والحسين)، ومنا مهدي هذه الامة. مَن عرفني فقد عرفني، ومَن لم يعرفني أنبأتُه بحسبي ونسبي.

أيًّها الناس، أنا ابنُ مكّةَ ومِنى، أنا ابنُ زمزمَ والصَّفا، أنا ابنُ مَن حَملَ الركن بأطراف الرِّدا، أنا ابن خير مَن ائتزر وارتدى، أنا ابن خير مَن انتعل واحتفى، أنا ابن خيرِ مَن طاف وسعى، أنا ابنُ خير مَن حجّ ولبّى، أنا ابنُ مَن حُمِل على البُراق في الهواء، أنا ابن مَن أُسرِيَ به من المسجد الحرام إلى المسجد الأقصى، أنا ابنُ مَن بلَغَ به جبرئيلُ إلى سِدرة المنتهى، أنا ابنُ مَن دَنا فتدلّى، فكان قابَ قوسَينِ أو أدنى، أنا ابنُ مَن صلّى بملائكة السماء، أنا ابن مَن أوحى إليه الجليلُ ما أوحى، أنا ابن محمّدٍ المصطفى. أنا ابنُ عليٍّ المرتضى، أنا ابن مَن ضرَبَ خَراطيمَ الخَلْق حتّى قالوا: لا إله إلاّ الله، أنا ابن مَن ضرب بين يدَي رسول اللهِ بسيفَين، وطعن برمحَين، وهاجَرَ الهجرتين، وبايع البيعتين، وقاتَلَ ببدرٍ وحُنَين، ولم يكفر بالله طَرْفةَ عين، أنا ابنُ صالحِ المؤمنين، ووارثِ النبيّين، وقامعِ الملحدين، ويعسوب المسلمين، ونور المجاهدين، وزينِ العابدين، وتاجِ البكّائين، وأصبرِ الصابرين، وأفضل القائمين مِن آل ياسينَ رسول ربِّ العالمين. أنا ابن المؤيَّد بجبرئيل، المنصور بميكائيل، أنا ابن المحامي عن حرم المسلمين، وقاتلِ المارقين والناكثين والقاسطين، والمجاهدِ أعداءه الناصبين، وأفخرِ مَن مشى مِن قريشٍ أجمعين، وأوّلِ مَن أجاب واستجاب لله ولرسوله من المؤمنين، وأوّلِ السابقين، وقاصمِ المعتدين، ومُبيدِ المشركين، وسهمٍ مِن مَرامي الله على المنافقين، ولسانِ حكمةِ العابدين، وناصرِ دِين الله، ووليِّ أمر الله، وبستانِ حكمة الله، وعيبة علمه. سَمحٌ سخيٌّ بهيّ، بُهلولٌ زكيّ أبطحيّ، رضيٌّ مِقدامٌ همام، صابرٌ صوّام، مهذَّبٌ قَوّام، قاطعُ الأصلاب، ومُفرِّق الأحزاب، أربطُهم عِناناً، وأثبتُهم جَناناً، وأمضاهم عزيمة، وأشدّهم شكيمة، أسدٌ باسل، يَطحنُهم في الحروب إذا ازدلفت الأسنّة، وقَرُبت الأعنّة، طَحْنَ الرَّحى، ويذروهم فيها ذَرْوَ الريح الهشيم، ليثُ الحجاز، مكّيّ مدنيّ، خَيفيٌّ عَقَبيّ، بَدريٌّ أُحُديّ، شَجَريٌّ مُهاجريّ، مِن العرب سيّدُها، ومِن الوغى ليثُها، وارثُ المشعرَين، وأبو السبطَين، الحسن والحسين، ذاك جَدّي عليُّ بن أبي طالب. ثمّ قال: أنا ابن فاطمةَ الزهراء، أنا ابن سيّدة النساء..

   

فلم يزل يقول: أنا أنا، حتّى ضجّ الناس بالبكاء والنحيب، وخشِيَ يزيدُ أن ينقلب الأمر عليه، فأمر المؤذّنَ فقطع عليه الكلام. فلمّا قال المؤذّن: اللهُ أكبر، الله أكبر.. قال عليّ: لا شيءَ أكبر من الله. فلمّا قال: أشهد أن لا إله إلاّ الله.. قال عليّ بن الحسين: شَهِد بها شَعري وبَشَري، ولحمي ودمي. فلمّا قال المؤذّن: أشهد أنّ محمّداً رسول الله.. التفتَ مِن فوق المنبر إلى يزيد فقال: محمّدٌ هذا جَدّي أم جَدُّك يا يزيد؟! فإن زعمتَ أنّه جَدُّك فقد كذبتَ وكفرت، وإن زعمتَ أنّه جَدّي فلِمَ قتلتَ عترته ؟![1][2][3][4]

مصادرعدل

↑ خطبة الإمام زين العابدين (عليه السلام) على منبر مسجد دمشق‌- موسوعة كربلاء- د. لبيب بيضون- المجلد:2- الصفحة:495.

↑ خطبة علي ابن الحسين في مجلس يزيد- مقتل الحسين للخوارزمي- المجلد 2- الصفحة 76

↑ الفتوح لابن اعثم- أحمد بن أعثم الكوفي- المجلد 5- الصفحة 132

↑ مقاتل الطالبين- مقتل الحسين- أبو الفرج الإصفهاني- المجلد 1- الصفحة 81
/channel/gjjyfko

قناه الشاعرة أم حسين الهلالي للخدمه الحسينيه

02 Sep 2021 08:17

قصيده للامام زين العابدين
الوزن فائزي(شده)

الباقر يغسل والده ودموعه تسيل
بمتونه شاف اماثره اهواي الزناجيل
♾♾♾♾♾♾♾♾♾♾
الباقر يغسل والده وادموعه تهمه
ياويلي شاف الجامعه بركبته موسمه
ظل ينتحب وينوح عالوالي ويشمه
ويصيح يابويه مصابك يهدم الحيل
...............
تهدم الحيل امصيبتك يبن الزجيه
الله يعينك شفت لوعات واذيه
وشفت الابو مذبوح ودمومه جريه
ظل عالترب مطروح صدره داسته الخيل
................
الله يعينك سيدي واشجان صبرك
شفت الابو مذبوح وتحيرت بامرك
وسيل الدموع اعليه ابد مايطفي جمرك
محتار ظليت بيتامى وبمداليل
..................
ظليت محتار بيتامى وبنساوين
كلها تصيح بصوت يامظلوم يحسين
وانته تنوح اعلى الاهل والدمعه بالعين
وتصيح بويه اشلون اسوي لو اجه الليل
.......................
هجمت علينه الخيل يابويه او ولونه
حركوا خيمنه وفرهدونه وسلبونه
تاليها بالبلدان ياويلي سبونه
بثكل السناسل ركبتي كل ساعه وتميل
................
ماانسه عمله كربله وعايش وياها
وعماتي مجتوفه بحبل وانه ورها
ومصاب ابويه حسين اذاها وعماها
وانه على الناكه اون وجعان ونحيل
................
🏴خادمه اهل البيت
ام حسين الهلالي
اسالكم الدعاء لي ولوالدّي وللمؤمنين والمؤمنات
لا اجيز حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:48

قصيده للسيده شزيفه
الوزن الميمر
بنت الحسن انخاها
متخيبك حاشاها
اهنا يالتريد الحاجات
بنت الحسن انخاها
--------
اهنا يالتريد الحاجه اكصد ليها
واطلبها وادموع الحزن اجريها
واقسم عليها بالحسن واليها
كلها اريد امرادي
منج يبنت الهادي
لاماتردك هيهات
بنت الحسن انخاها
--------
اهنا يالذي محتار بامرك مهموم
اكصد شريفه واطلب الحاجه
كوم
اقسم عليها بجاه ابوها المسموم
انخاها بنت الاطهار
لاماتردك محتار
هيه التحل الشدات
بنت الحسن انخاها
-------
هاي العفيفه الطاهره المظلومه
اقسم عليها بالحسن وبيومه
وبحق مصابه وجبدته المسمومه
نوح ودمعتك صبها
والحاجه منها اطلبها
بالحسره لو بالدمعات
بنت الحسن انخاها
--------
انخه الجليله بحاجتك واطلبها
بنت الحسن وماتعتذر جربها
الها وجاها اومنزله عد ربها
بحركه كلب نخيها
وبدمعتك حاجيها
وخليها تجري العبرات
بنت الحسن انخاها
--------
انخه العفيفه الطاهره ام الاحزان
العاشت غريبه بعيده عن الاوطان
واطلب الحاجه وخلي دمعك غدران
انخه العفيفه الحره
وحلفها بمها الزهره
وجربها وكت العازات
بنت الحسن انخاها
-----------

خادمه اهل البيت
ام حسين الهلالي
اسالكم الدعاء لي ولوالدي
لا اجيز حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:41

فزاعيه لشريفه بنت الحسن


شريفه اليوم ذكروها
ازغيره وكضت بالغربه
🖤🖤🖤
طفله مشت مسبيه
وهظموها بني اميه
وتدير اعيونها اعليه
ولهلها المدمع اتصبه
🖤🖤🖤🖤🖤🖤
بس تبجي وتهل العين
تصيح تريد مني حسين
وانه امنين اجيبه امنين
وعلينه بعد دربه
🖤🖤🖤🖤🖤
طفله او ويلي اعليها
كتلها افراك اهاليها
ماتت مادروا بيها
مصيبتها اشكثر صعبه

🖤🖤🖤🖤🖤
طفله اشعظم لوعتها
بديره غرب موتتها
وبين الغرب دفنتها
لبوها حسين تتربه

🖤🖤🖤🖤🖤
خوله بالدرب ماتت
اشكثر اعلى الابو ناحت
اريدن والدي صاحت
عليها من يحن كلبه
🖤🖤🖤🖤🖤
وافتها منيتها
محد حضر دفنتها
اهلها ابعاد واخوتها
واليها بعد دربه

🖤🖤🖤🖤🖤
الشاعره
ام حسين الهلالي
خادمه اهل البيت
اسالكم الدعاء لي ولوالدي
/channel/gjjyfko

قناه الشاعرة أم حسين الهلالي للخدمه الحسينيه

29 Aug 2021 12:35

نعي للسيده شريفه
..........
ننعى شريفه انوح ليها
شبعت قهر ويلي عليها
وبديار غربه دافنيها
...........
كضت صابره ويلي وحزينه
وابعاد اهلها بالمدينه
خلص كلبها من ونينه
...............
درب السبي انحلها وتعبها
والمرض وسط الدرب ذبها
يويلي بالغرب خلص كلبها
...............
دربي السبي اذاها ونحلها
بديره غرب وابعاد اهلها
ماكو احنان وتوكف الها
................
بالغرب من غمض جفنها
تحيرت عمتها بدفنها
والاهل ويلي بعاد عنها
................
مصيبه شريفه تمرد الروح
كضت صابره والكلب مجروح
ظلت لهلها تبجي وتنوح
..............
فكدت اهلها والعشيره
ويه الغرب راحت اسيره
من ديره اخذوهم لديره
.............

طفله ومريضه وحيلها نحيل
تنوح اعلى اهلها تالي الليل
ومن المصايب مالها حيل
.............

طفله وشتحمل جم مصيبه
ذبحوا اهلها بالحريبه
تالي الوكت ماتت غريبه
.............
اويلاه على العافوا ابنيات
بيد الغرب راحن اسيرات
وطاح الكفلهن عالمسنات
...........
انه امنين اجيب البطل عباس
يجي بهمته صاحب النوماس
وعن اليتامى يبعد الناس
...........
✍️✍️✍️
خادمه اهل البيت
ام حسين الهلالي

اسالكم الدعاء لي ولوالدي

قناه الشاعرة أم حسين الهلالي للخدمه الحسينيه

27 Aug 2021 11:01

قصيده سابع الامام بالسبي


آيبن امي آيبن امي
ماتدري بحالي وبهمي
..........
ماتدري بهمي وبحوالي
مجتوفه اخذوني يالوالي
هاي ايتام تلوع اكبالي
والنوح انه صاير سهمي
.............
ويه اعداكم خويه مشينه
بحبال الخشنه مجتفينه
و تتفرج هالناس علينه
ماتدري بحالي وبهظمي
.................
جم يوم النه فاركناكم
ارد اكعدياخويه انعاكم
وانصب ماتم ليتامكم
مهظومه وتتصارخ يمي
....................
سابع يوم تهل عيوني
مااحمل خويه تخلوني
عدوان يبارون اضعوني
ريتك تنضر خويه لجسمي
.................
ريتك تنضر خويه عليه
امشي ويه اعداكم مسبيه
محد منكم ينهض ليه
فدوه لعمرك يابعد اسمي
..................
سابع يوم احنه ويه الغربه
والعين اعليكم تتربه
ومشونه بدروب الصعبه
وانه انحب والمدمع يهمي
..............
خادمه اهل البيت
ام حسين الهلالي
اسالكم الدعاء لي ولوالدي
لا اجيز حذف الاسم او تغييره
/channel/gjjyfko

قناه الشاعرة أم حسين الهلالي للخدمه الحسينيه

25 Aug 2021 12:24

دارمي (ثلاث دگات)
_____________

يبن أمي يامظلوم
عنك مشينه
فوگ الهزل يحسين
وامسلبينه
"" "" "" "" "" "" "" "" "" ""
عنك ينور العين
مشونه گوه
رحنه بيسر والسوط
بينه تلوه
واحنه نون ونصيح
چاوين الاخوه
ماكو حنين يگوم
ينغر علينه
"" "" "" "" "" "" "" "" "" ""
بين الغرب يحسين
ماعندي والي
ريتك عدل وتشوف
ياخويه حالي
لمن شفت منصوب
راسك گبالي
فوگ الرمح يحسين
يبره الضعينه
"" "" "" "" "" "" "" "" "" ""
صديت اله وناديت
وينك يمظلوم
يبن أمي تدري شصار
وشعملت الگوم
گلبي خلص يحسين
من كثر الهموم
رحنه بيسر عدوان
غصبن علينه
"" "" "" "" "" "" "" "" "" ""
جسمك على التربان
يبن أمي عفته
غصبن علي يحسين
يوم التركته
مروني العداون
بيه ونضرته
شفته بلايا راس
ومگطعينه
"" "" "" "" "" "" "" "" ""
عفت الجسد مطروح
بالغاضريه
وعنك رحت يحسين
غصبن عليه
راسك يخويه وياي
بيد ال اميه
ردنه نضل وياك
ماطح بدينه
"" "" "" "" "" "" "" ""
غصبن علي يحسين
من فارگيتك
يوم العلى التربان
طايح لگیتك
لا لا تگول أمشيت
خويه ونسيتك
اختك مشت يحسين عنك حزينه
"" "" "" "" "" "" "" "" "" ""
شاعرة أهل البيت الخطيبة ام حسين الهلالي
من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

25 Aug 2021 10:17

ايام السبي
_____
يجري دمعي
هذا وضعي
من مصاب الغاضريه
وباليسر شفت الاذيه
يجري دمعي
هذا وضعي
***************
احچیلچ بحالي اشجره
لمن طحت عالغبره
شفت المصايب والمحن
وگلبي اختنگ بالعبره
عنك رحت ويه العده
متغربه او متيسره
غصبن علي خويه رحت
عفتك يروح الزهره

دمعي جاري
بگلبي ناري
من عفت جسمك رميه
باليسر شفت الاذية
*************
يحسين رحت ميسره
وعفتك يراعي الغيره
بلايا غسل وبلا دفن
وانه يخويه ايسيره
مابين عدوان وغرب
حرمه اومحنتي اچبيره
مچتوفه ياخويه بحبل
من ديره رحت لديره

هذا حالي
و الجرالي
هيج احزاني عليه
باليسر شفت الاذيه
************
تحيرت بيتام وحرم
و بعايله مفجوعه
هذا اليلوع امن الضرب
ذاك اليهل دموعه
وانه شتحمل ياهظم
يانايبه و يالوعه
من بني اميه والدهر
چم فاجعه مفجوعه

ياهظمنه
عگب اهلنه
بس حرم بيد ال اميه
وباليسر شفت الاذيه
*************
امشي واهلن دمعتي
وين اخوتي راحوا وين
چاوين عباس البطل
چاوين اخوتي الطيبين
بس حرم نمشي ويه العده
ماتدري بينه يحسين
اشحال اللي راحت باليسر
والاهل عنها بعيدين

ضيعوني
وما اجوني
تمرمرت بيد ال اميه
وباليسر شفت الاذيه
*************
ياريت تنظر حالتي
وتنظر أشصاير وياي
حرمه وغريبه ويه العده
تجري مدامع عيناي
محد بگالي من اخوتي
لا والي عندي وحماي
بس العليل بلوعته
من ونته ذاب احشاي

لو نظرته
يصب دمعته
مچتف او وينظر إليه
باليسر شفت الاذيه
*************
محتاره مابين العده
ريتك تشاهد حالي
انه اويه الاطفال بحبل
مجتوفه ويه عيالي
ما ينحمل درب اليسر
خويه مرد دلالي
من جور اميه والهظم
صحت بحزن ياوالي

ما تجينه
ياولينه
تحيرت يبن الزچيه
باليسر شفت المنيه
*************
شاعرة أهل البيت الخطيبة ام حسين الهلالي
من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

23 Aug 2021 16:00

قصيده بحر طويل (للسبي)

🏴🏴🏴🏴🏴
مشيت او تهمل عيوني
يولياني اعذروني
اعله متني السوط يتلوه
عنكم رايحه گوه
****************
رحت يبن امي ويه اعداك
يسيره ودمعتي تجري
صحت ريت اندفن وياك
خويه ويا أمل عمري
مغصوبه رحت عنك
مشيت وحسرتي بصدري

يسيره واجذب الونه
خليته ورحت عنه

نخيت وما سمعتوني
يولياني اعذروني
عنكم رايحه گوه
*************
غصب عنكم يولياني
رحت واتهل دموع العين
يخويه تحيرت حيره
اروحن لو أضل يحسين
اذا خويه اضل يمك
راسك چا اعوفه وين

ما اكدر على فرگاك
اروحن لو اضل وياك
وإذا گوه يودوني
يولياني إعذروني
عنكم رايحه كوه
**************
اضل يم الجسد يحسين
راسك من يروح وياه
اروح ويه الضعن عنك
جسمك من يدفنه هناه
يهالوادم حرت حيره
بعد ابن امي وين الگاه

لو عفته ورحت عنه
اخيي وين اشوفنه
ولو عدواني أخذوني
يولياني اعذروني
عنكم ماشيه كوه
**************
يوم الرحنه يا مظلوم
وعالغبره تركناكم
لو ما وليت العدوان
ابد ما چان عفناكم
لو يحصل بدينا الراي
يخوتي چا دفناكم

لو ما وليت العدوان
ما ضليتوا عالتربان
ولا عنكم يبعدوني
يولياني اعذروني
عنكم رايحه گوه
***************
من سار الضعن يحسين
على الأجساد مرينه
صحت ياگوم ارحمونه
خل نودع اهالينه
على الأجساد مرونه
نريد نشوف والينه

ما قبلوا يخلونه
وعنكم گوه مشونه

رحت تجري دمه عيوني
يولياني اعذروني
عنكم ماشيه گوه
***************
بينه ساروا العدوان
خذونه لديرة الكوفه
ياريتك عدل يحسين
يخويه وحالي تشوفه
تتفرج عليه الناس
بحبل يبن امي مچتوفه

ريتك تنظر لحالي
غريبة بعازة الوالي
وعدواني اليباروني
يولياني اعذروني
عنكم رايحه گوه
***************
✍🏻✍🏻خادمه أهل البيت
أم حسين الهلالي
من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

23 Aug 2021 15:59

فائزي (شدة ) للمسير
🏴🏴🏴🏴🏴🏴
يحسين خويه تحيرت بالغاضريه
عنك خذوني ميسره يبن الزچيه
♾♾♾♾♾♾♾♾♾♾
عنك ينور العين مچتوفه خذوني
وانه أصيحن ياهلي وتهمل عيوني
نخيت بيكم ياهلي وما سمعتوني
يحسين ما احمل هظم تدرون بيه
♾♾♾♾♾♾♾♾♾♾
تدرون بيه مخدره وعالهظم مگدر
بت فاطمه الزهره وابويه الليث حيدر
ويلاه يانار اخوتي بالگلب تسعر
عالترب مطروحين كل أهل الحميه
♾♾♾♾♾♾♾♾♾♾
حشمت بيهم زينب وهلت دمعها
نايم ابو فاضل واخته ما سمعها
تنادي حرمكم ياهلي تغير وضعها
ويه الاعادي تروح مچتوفه وسبيه
♾♾♾♾♾♾♾♾♾♾
راحن يساره والدمع يجري اعلى الخدود
وعباس اخوهن نايم اعلى الترب ممدود
ويلاه على الوالي الحنين البعد ميعود
عالمشرعه مطروح ابو چفوف السخيه
♾♾♾♾♾♾♾♾♾♾
ياهو الذي لحيدر علي ياخذ عتبنه
يگله على التربان كل اهل المحنه
واعلى الغرب يالمرتضى ذبوا حملنه
وانه بگيت محيره واصفگ بديه
♾♾♾♾♾♾♾♾♾♾
وين الذي يوصل لأبو الحمله ويگله
بناتك يواليهن تره شبعن مذله
ترضه يبارهن بعد عزهن خولّه
واخوانهن فوگ الترب ظلوا رميه
♾♾♾♾♾♾♾♾♾♾
خادمه اهل البيت
ام حسين الهلالي
من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 17:38

🏴🏴موشح حماسي للدفن

ليش جسم حسين محد غسله
ظل ثلث تيام مرمي ابكربله
يامظلوم يامظلوم

〰️〰️〰️〰️〰️〰️〰️〰️〰️〰️〰️

ليش اخويه حسين محد شاله
فوك جسمه داست الخياله
ظل ثلث تيام فوك ارماله
امن الخيول اعظام جسمه امفصله

يامظلوم يامظلوم
〰️〰️〰️〰️〰️〰️〰️〰️〰️〰️〰️
ظل ثلث تيام مرمي بكونه
عاري فوك الكاع ميدفنونه
وين اهله خلهم يحضرونه
وين حيدر مايجي عقد الوله

يامظلوم يامظلوم
〰️〰️〰️〰️〰️〰️〰️〰️〰️
〰️〰️
وين حيدر مايجي ويشيله
يشوف ابنه ويهتم بتغسيله
مرمي عالتربان ثالث ليله
وباليسر راحت سبايه اعياله

يامظلوم يامظلوم

〰️〰️〰️〰️〰️〰️〰️〰️〰️〰️〰️〰️
وين عنه اتعطلت ياحيدره
ابنك العدوان حزوا منحره
وظل ثلث تيام نايم عالثرى
ويمه مطروحين انصاره وهله
يامظلوم يامظلوم
〰️〰️〰️〰️〰️〰️〰️〰️〰️〰️〰️〰️
ظل ثلث تيام نايم عالترب
واحنه رحنه بالبسر ويه الغرب
ننظر اعلى الاهل والمدمع يصب
غصب رحنه والمدامع هامله
يامظلوم يامظلوم
〰️〰️〰️〰️〰️〰️〰️〰️〰️〰️〰️〰️
باليسر رحنه اوعفنه الوالي
عالترب مذبوح شفته اكبالي
وراسه مرفوع اعلى رمح العالي
وبالشمس مطروح جسمه بكربله
يامظلوم يامظلوم
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
خادمه اهل البيت
ام حسين الهلالي
من ديوان عبرات الموالين الجزء الثالث
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 15:06

نعي مجرد


يحسين لو يحصل بديه
ادفنت جثتك يبن الزجيه
اشبيدي وانه حرمه سبيه
➗➗➗➗➗➗
لو بيدي جان الامر يحسين
ابد مااعوفك بالميادين
واغسلك يخويه بدمعه اعين
➗➗➗➗➗➗
صحت ياهلي من فاركتهم
محد اجه يدفن جثثهم
وللكوفه ودوا عايلتهم
➗➗➗➗➗➗
يادفان تنخاك العقيله
بهيده اوي اخي من تشيله
ترى امر ضرضه كل مفاصيله
➗➗➗➗➗➗
ابهيده اويه اخي من ترفعه
ولاتلجم اصواب البضلعه
ودور على المكطوع اصبعه
➗➗➗➗➗➗
بهداي جثته نزلوها
ترى اضلوع اخي كسروها
وحتى اهدومه سلبوها
➗➗➗➗➗➗
على المذبوح خل يعمن اعيوني
➗➗➗➗➗➗


الشاعره ام حسين الهلالي
من ديون عبرات الموالين الجزء الخامس

أسألكم الدعاء لي ولوالدّي

قناه الشاعرة أم حسين الهلالي للخدمه الحسينيه

21 Aug 2021 15:05

🏴تجليبه(مربعه )للدفنه

بهيده اويه الولي يالي حفرت كبره
عزيز كلبي ومهجه الزهره
♾♾♾♾♾♾♾♾♾♾♾
بهيده ويه الولي يالي تدفنونه
من التربان لو ردتوا تشيلونه
جرح كلبه براضه لا تلجمونه
مدري اشكال اخيي بساعه الطبره
♾♾♾♾♾♾♾♾♾♾♾
ارد اوصيكم على ابن امي يدفانه
من كلبه بهيده شلعوا الزانه
وياحفار كبره وسع مجانه
بدال الراس حط اعلى الترب نحره
♾♾♾♾♾♾♾♾♾♾♾
يحفار الكبر زين الكبر وسعه
بهيده اوياه سهم البلصدر طلعه
بس بالك اولا تلجم كسر ضلعه
عليه داست الخيل او هشمت صدره
♾♾♾♾♾♾♾♾♾♾♾
بهيده ويه الولي يالشايله بهيده
دور خنصره المكطوع من ايده
وبراضه اعلى صدره وسد اوليده
عبد الله الصغير وسده بكتره
♾♾♾♾♾♾♾♾♾♾
آ يحسين يالماينسه يومه
بلا تغسيل ظل مطروح بالحومه
على التربان عاري امسلبه اهدومه
وبخيول الاعادي كسروا ظهره
♾♾♾♾♾♾♾♾♾♾♾♾

خادمه اهل البيت
ام حسين الهلالي
من ديوان عبرات الموالين الجزء الثاني
لتنسوني ووالدّي من صالح دعائكم
/channel/gjjyfko

قناه الشاعرة أم حسين الهلالي للخدمه الحسينيه

21 Aug 2021 15:04

حديث الدفن
قريض
ماأن بقيتَ من الهوانِ على الثرى
ملقى ثلاث في ربىٍ ووهادِ

لكن لكي تقضي عليك صلاتها
زمر الملائك فوق سبع شدادِ


لهفي على الصدر ِالمعظم يشتكي
من بعض رشقِ النبل رضَ جيادِ

لهفي لراسك وهو يرفعُ مشرقاً
كالبدرِ فوقَ الذابلِ الميادِ

كاني بزينب تنادي
وين الذي بكلبه حميه
ويدفن غريب الغاضريه
ابن فاطمه الزهره الزجيه
---------
وين الذي بكلبه محنه
من التراب يشيل اهلنه
بعد عينهم ياناس ضعنه
----------
يهالناس وينه اليدفن حسين
هاليوم ثالث بالميادين
بالشمس محزوز الوريدين
---------
ياهو الذي بسرعه يجيله
وعن حره الغبره يشيله
ويلملم لخيي مفاصيله
--------
دفان اخيي ارد احاجيه
واكله المصوب عينك اعليه
الف وتسعميه جرح بيه
--------
بهداي جثته نزلوها
ترى اضلوع اخييّ كسروها
وحتى اهدومه سلبوها
---------
بهداي اخيي من ترفعه
ولاتلجم اصواب البضلعه
ودور على مكطوع اصبعه
على المذبوح خل يعمن عيوني
-----------
لله وانا اليه راجعون ولا حول ولا قوة إلا بالله العلي العظيم*

▪️ قال الراوي: لما ارتحل عسكر ابن سعد عن كربلاء وساروا بالسبايا والرؤوس مشت نساء من بني أسد إلى المعركة كانت في حي قريب من الواقعة فرأت جثث أولاد الرسول وأفلاذ حشاشة الزهراء البتول وجثث أنصارهم تشخب الدماء من جراحاتهم فتداخل النساء من ذلك تمام العجب فابتدرن إلى حيهن وقلن لأزواجهن ما شهدن ثم قلن لهم بماذا تعتذرون من رسول الله وأمير المؤمنين وفاطمة الزهراء إذا وردتم عليهم حيث إنكم لم تنصروا أولادهم ولا دفعتم عنهم بضربة سيف ولا بطعنة رمح وبقيت النسوة يجلن حولهم ويقلن لهم إن فاتتكم نصرة تلك العصابة النبوية فقوموا الآن إلى أجسادهم الزكية فواروها فبادروا إلى مواراة أجساد آل الرسول وادفعوا عنكم بذلك العار.
فقالوا: إنا نخاف من عبيد الله بن زياد وابن سعد تصبحنا خيولهم وينهبوننا او يقتلوننا.
وقال كبيرهم: الرأي أن نجعل عينا على طريق الكوفة ونحن نتولى دفنهم قالوا: هذه الرأي السديد.
ثم إنهم وضعوا لهم عينا وأقبلوا إلى جسد الحسين (ع) وصار لهم بكاء وعويل،
اي واحسيناه واماماه
ثم إنهم اجتهدوا على أن يحركوه من مكانه ليشقوا له ضريحا فلم يقدروا أن يحركوا عضوا من أعضائه فقال أحدهم: ما ترون؟ قالوا: نجتهد أول في دفن أهل بيته ونرى رأينا فيه (في جسد الحسين (ع)).
فقال كبيرهم: كيف يكون دفنكم لهم وما فيكم من يعرف هذا من هذا وهم كما ترون جثث بلا رؤوس قد غيرت محاسنهم الشمس والتراب.
وإذا بفارس طلع عليهم على متن جواده وقد ضيق لثامه فلما رأوه انكشفوا عن تلك الجثث الزواكي فأقبل ونزل عن جواده وصار منحنيا كهيئة الراكع حتى أتى ورمى بنفسه على جسد الحسين (ع) فجعل يشمه تارة ويقبله أخرى وقد بل لثامه من دموع عينيه ثم رفع راسه ونظر إلى بني أسد وقال: ما
وقوفكم حول هذ الجثث؟ قالوا: أتينا للتفرج عليها، قال: ما كان هذا قصدكم، اصدقوني القول فقالوا: نعم يا أخا العرب الآن نطلعك على ما في ضمائرنا أتينا لندفن جسد الحسين (ع) .
قال بنو أسد: فخط لنا خطا في الأرض وقال: احفروا هاهنا ففعلنا، ووضعنا فيها، سبعة عشرة جثة. ثم خط لنا خطا آخر وقال: احفروا هاهنا ففعلنا، ووضعنا فيها باقي الجثث واستثنى جثة واحدة فأمرنا أن نشق لها ضريحا مما يلي الرأس الشريف ففعلنا.
وقال لهم: أما الحفيرة الأولى ففيها أهل بيته، وأما الحفيرة الثانية ففيها أصحابه، وأما القبر المنفرد مما يلي الرأس الشريف، فهو لحامل راية الحسين (ع) حبيب ابن مظاهر.

ثم أقبلنا لنعينه على جسد الحسين (ع) وإذا هو يقال لنا: بخضوع وخشوع أنا أكفيكم أمره، فقلنا: يا أخا العرب كيف تكينا أمره وكلنا اجتهدنا على أن نحرك عضوا من أعضائه فلم نقدر عليه، فبكى بكاء شديدا وقال: إن معي من يعينني عليه، ثم جثى على الأرض وبسط كفيه تحت ظهره الشريف وهو يقول: بسم الله وبالله، وفي سبيل الله، وعلى ملة رسول الله، هذا ما وعد الله ورسوله، وصدق الله ورسوله، ما شاء الله، لا حول ولا قوة إلا بالله العلي العظيم.
وقيل أنه قال: يا بني أسد عليّ بحصيرة!! قالوا: ما تصنع بها؟ قال: لأضع عليها أوصال الحسين (ع) المقطعة. فناولوه حصيرة جمع عليها أوصال الحسين، وقيل أيضا: أنه (ع) أخذ يبحث قريبا من جسد الحسين عن شيء لم يكن يدري أحد ما هو، وإذا به ينحني إلى الأرض فيحمل إصبعا كان قد قطع من أصابع الحسين (ع) ثم وضعه في محله من يد أبيه الحسين وأنزل أباه في قبره وحده ولم يشرك معه أحد من بني أسد.
قال بنو أسد فرأيناه قد وضع خده على نحره الشريف وهو يبكي وسمعناه يقول: طوبى لأرض تضمنت جسدك الشريف، أما الدنيا فبعدك مظلمة، وأما الآخرة فبنورك مشرقة، أما الحزن فسرمد، وأما الليل فمسهد، حتى يختار الله لأهل بيتك دارك التي أنت مقيم بها ، وعليك مني سلام الله يابن رسول الله ورحمة الله وبركاته.
ثم اشرج عليه اللبن وأهال عليه التراب

قناه الشاعرة أم حسين الهلالي للخدمه الحسينيه

21 Aug 2021 09:32

🏴تجليبه (مربعه) للسبي

على الغبره ذبيح حسين خليته
مغصوبه رحت يبن امي ناديته
〰️〰️〰️〰️〰️🔘🔘🔘〰️〰️〰️〰️〰️
خليت الولي مطروح عالغبره
موبيدي رحت مغصوبه وميسره
من فوك الهزل ناديته بحسره
الله وياك يامظلوم حاجيته

〰️〰️〰️〰️〰️🔘🔘🔘〰️〰️〰️〰️〰️
ودعت الولي وانه على الناكه
بعد هيهات ويه حسين اتلاكه
خال ابني وعليه يصعب افراكه
كتله وداعت الله ودمعي هليته
〰️〰️〰️〰️〰️🔘🔘🔘〰️〰️〰️〰️〰️
من فوك الهزل ناديت يبن امي
اروح اويه الغرب وانته تظل مرمي
مهظومه ولا واحد بكه يمي
ياريت الزمان يعود تاليته

〰️〰️〰️〰️〰️🔘🔘🔘〰️〰️〰️〰️〰️

ياليت الزمان يعود تاليه
وترد اردود اخوتي تعَود عليه
لجن هيهات راحوا وانكطع بيه
وينك ياعلي الكرار ناديته
〰️〰️〰️〰️〰️🔘🔘🔘〰️〰️〰️〰️〰️
صحت وينك يبويه ماتجي لينه
بس نسوان يابالحسن ظلينه
وظل اعلى الترب مذبوح والينه
ومن ضيم الجرالي اعتبت ونخيته

〰️〰️〰️〰️〰️🔘🔘🔘〰️〰️〰️〰️〰️
ياريتك حضرت حسين واخوانه
ثلث تيام ظل مطروح بمجانه
وانه امشيت عنه غصب حيرانه
وتحيرت بيتامه واهل بيته
〰️〰️〰️〰️〰️🔘🔘🔘🔘〰️〰️〰️〰️〰️

يبويه احبابنه عالترب عفناهم
مغصوبين رحنه اوما دفناهم
بعد ذيج الحياده وين نلكاهم
ودرب اليسر ويه اعداي سجيته
〰️〰️〰️〰️〰️🔘🔘🔘〰️〰️〰️〰️〰️〰️

خادمه اهل البيت
ام حسين الهلالي
اسالكم الدعاء لي ولوالدّي
لا اجيز شرعا حذف الاسم
/channel/gjjyfko