🌹أنثى القرنفل🌹
29 Mar 2024 01:02
(ونحن نحب الحياة ما استطعنا اليها سبيلا)
درويش❤
وانا المعلق بين كل شيئ وشيئ
التائه المستمتع بالتيه
احب الوطن ، والله ما استطعت اليه وصولا
احب الرجال المثقفين والثوار
النساء اللواتي يغنين ويرقصن ويحصرن الحياة في خصورهن
الهائم في الموسيقى والادب
احبني هكذا بكل تناقضات الموسيقى والرصاص في قلبي
بكل ادبي وعدمه
المنتمي الى كل شيء ولا ينتمي لي اي شيء
انا المنفي عن صدر الحبيبة ولا انفي التعلق
وانظر الى الانسان من حيث هو انسان متجاوزا ماهية الدين واللون والعرق
احمل حنيناً خاصا الى كل اولئك المنبوذين
العدميين ، الملحدين ، العاهرات ، وراقصات الملاهي ،
احمل حنقاً وشفقة الى اولئك المخدوعين بالديانات والفلسفة
وكل الحب الى الذين وجدو سلامهم الداخلي في الحب
واحب هذا التيه الذي انا فيه والتوهان
وتروقني معرفة الطرق بالبحث
انا الهائم بين وجودية زوربا وعبثية غريب ألبير كامو
المخفي في لغة الجبران وروحانية الحلاج
بسيط للغاية انا ولست سوى كما قال الطيب صالح (انا انسان بسيط المتدينون يعتبرونني ماجناً والمعربدون يعتبرونني متديناً)
وماذا لا احب؟
حسنا فقط لا احب الحكومة ومدعي المثالية كثيرا والهلال وبرشلونة قليلاً
والى الحبيبة من حيث انها كذلك اقول :-
كنتُ بذرة أُلقيت في قلبك على غفلة منك ، وانا اليوم شجرة عملاقة تمنحك الهوية والاسامي المغلفة
ابتسمي مرة اخيرا ليأتي الظل
اضحكي ايضا لنتذوق تلك الثمرة المحرمة وانا اغني لكِ الاغنيات الممنوعة سراً
- هل تحفظين السر والمجد الذي ما بين نهديكِ اختبا
اقول قولي هذا واختمه كما هتف الحلاج الى خشب المشنقة
مالي ومال الناس كم يلهونني سفهاً
ديني لنفسي ودين الناس للناس
2017
Читать полностью…
🌹أنثى القرنفل🌹
25 Mar 2024 12:14
البيحبك ما بحوجك تسأل نفسك مرتين ياربي بيحبني ولالا
البيحبك ح يكون جنبك ما عشان خاطر عيونك و بس لا عشان خاطر رويحتو دي... اي والله ح يكون عاوز يكون جنبك عشان روحو بترتاح معاك... بيفتشك لانو محتاج وجودك... محتاج يسمع صوتك... محتاج يحس باهتمامك فهو دايما قصادك عشان انت مكان راحتو و الركن الهادي البيخفف عنه تعب الحياة.... عشان كده طول عمري ما بصدق قصة مزحوم و مشغول و ناس خالتي ماتوا و ناس عمي عرسوا.... البيحبك بيحتاج ليك في نص الجوطة دي كلها و ح يفج الزحمة و يقول ليك تعال لي انا عاوزك
بس و لأننا بشر هنا في نظرية
المعرفة لا تمنع وقوعنا في الغلط..
بدليل وجود الطبيب المدخن اللي هو اكتر زول عارف أضرار التدخين بس برضو بيدخن لان. المعرفة براها ما بتمنع لازم القناعة و الإيمان بالفكرة
كلنا ح نعرف أنو الزول البيتصرف معاك بي الالاعيب النفسية بتاعة ال. ghosting او لعبة الظهور و الاختفاء و العقاب بالصمت و الضغوط النفسية البتخليك محتار ما عارف روحك وين في العلاقة ده ما زولك.... ما بحبك... بس برضو بنقع فيهو.... لانو معرفتنا ما بتمنع قلوبنا تتعلق... العقل بيقول كلامو و القلب بيقعد بتبكي و يحرن و يتعابط بس انا عاوزو... بس انا بحبو....
طيب و الحل؟؟
الحل عند العقول...
❤️
نور عاصم
Читать полностью…
🌹أنثى القرنفل🌹
23 Mar 2024 10:16
كنتُ في ما مضى أعيش على أملٍ ما، في الصباحات القارصة جدًا، أنتظرُ بفارغ الصبر اللحظة التي ستطلعُ الشمس فيها مجددًا. إنني أكره فكرة البرد عُمومًا، فهو يشبه مقياسًا يقيس شدة ضعفنا كبشر، نحن البشر الذين نضطرّ لارتداء ملابس سميكة وتدفئة منازلنا واستخدام الأغطية الغليظة، مُتوهمين بأننا لن نحتاج للشمس بعد ذلك.
النهر الذي تجمد داخل قلبي لم يتحوّل إلى حجرٍ لا يُكسر، بل لم يلبث طويلًا حتى سقطَ على الأرض. أين الدم الذي كان ينُعش شراييني؟ هل تحوّل إلى ذلك الأنين الذي أسمعه طوال الوقت!
يسخر الناس في عصرنا هذا من الذين يُفكرون بإيجابية، قائلين لهم بأننا لن ننجو من الهاوية في الحياة قبل الموت، ولا جدوى من المواساة، فالله يعدنا بالعذاب العظيم لأننا لسنا رحيمين كفاية بأنفسنا. ربّاه، هل تدري كم هو مؤلم أن تكون السبب الوحيد في مُعاناتك!
أنتظرُ بفارغ الصبر أن يحدث أمرًا ما، كأن تندلع حربًا على شكل هُدنة أخيرة، ينقسِم فيها البشر إلى قُطبين، أشرارٌ وطيبون. يموت فيها الأبرياء وهم يشعرون بالدفء، فالموتُ متوقع، أما الواقع فغير موجود، بينما الأشرار سيُفرغون أسلحتهم من الرّصاص، فاقدين شغفهم بالمُحاربة، ليتساءلوا "ما الجدوى من القِتال؟"
أنا لستُ ضمن هذه الحرب، فلست طيّبة أو شريرة. قد أحفر سكين المطبخ في قلب رجلٍ، يظنّ بأنه يسهل عليه القبض عليّ، لأنّ جسدي يرتعشُ من الخوف، ولأنّ عينيّ منكسرتين، مثل دمعة.
20/02/2022
Leena Mzala
Читать полностью…
🌹أنثى القرنفل🌹
03 Mar 2024 20:26
هذا المساء..💙!
ينفع أقول..؟
محاولاتك لي إنسان ما بيحاول عشانك دا تقليل من نفسك !
وكإنو مشاعرك مخليها للغاشي والماشي بدون إعتبار..
فخليك عارف إنت ما قليل ووجودك ما هين
والعيـن الشايفها وجودك عادي في عين شايفك مُميز !
ما ضروري السعادة تجيك من نفس الإنسان البتحبو إنت يمكن تجيك من إنسان ما كُنت مُنتبه ليه..
فما تحاول مع إنسان ما بيحاول عشانك في سبيل إنو علاقتك معاه تستمر
مافي إنسان بيتمني وجودك بيحوجك لي كده !
الإنسان المُستعد يسعدك ما حيجبرك لي إنو تعيش ما بين إحتمال إنو وجودك ما مرغوب
ما تفقد طاقتك مع إنسان ما مُهتم لو وجودك
ولا مُهتم للحاصل عليك..؟
العلاقة المُريحة ما بتخليك تكلف نفسك لي إنو طاقتك تبقى صفر
والإنسان البحبك بيسعدك مُش يبقى عليك زيادة حُزن إ
في علاقة مهما حبيتها وإتعلقت بيها حتبقى فكرة إنو تنسحب منها هو الحل الوحيد لإنك تعيش مرتاح..
خليك مؤمن تمامًا !
البحبك ما بيخليك تجي على نفسك ولا حتى تخت في بالك فكرة إنو لازم تنسحب
وتنجبر تبعد منو بعد ما كان قلبك فرحان بيهو
#عند_المُنتهى
ما ترمي حيلك على إنسان تصرفاتو كفيلة إنو ترميك فجأة..
الإنسان الشايف مشاعرك مُهمة بالنسبة ليه حيكون مُصمم إنو يحافظ عليك خوفًا من إنو يخسرها !
" اللي ما بيقدر مشاعرك ما تخاف من إنو تخسرو.."!!💙
#الواثق_الجعلي
Читать полностью…
🌹أنثى القرنفل🌹
15 Feb 2024 17:14
بمناسبة الفلنطاين كدي خلوني افند ليكم ظاهرة متفشية في السودان وبعض الدول العربية ومحيطنا الاقليمي كمصر على سبيل المثال لا الحصر
الغريبة الحكاية دي ما بتلقاها عند الافارقة او هكذا اظن زول يصححني لو غلط 😂
المهم الظاهرة دي تلقى ليك زول مثلا بحب ليهو واحدة زي خمسة وعشرين سنه شي فلنطاين وشي حوامة وشي ترمس وحبيبي مفلس لكن اخر شي بفكر فيه انه يتقدم ليها رسمي 😂😂
بعرف لي ضابط بحب ليهو واحدة من قبل يدخل الكليه الحربية الليلة عقيد والمفروض خلاص كان عرسهم السنه الفاتت أجلوهو لانو قال ماشى الحرب لكن تحت تحت سمعت انه لابد في بوتسودان😂
ما هو اصلا لو كنت بتحب واحدة وعايزها المفروض هدفك انها تكون معاك تحت سقف واحد لكن تجهجه بت الناس خمستاشر سنه وكل فلنطاين شايل ليك ربطة بتاعت جهنمية ودبدوب فلنطاين حيزعل منك بالطريقة دي واحتمال يخلي ليك الشغلة زاتو😂
ما تقول لي الظروف ووضع السودان ما مساعد انت اصلا اذا شاري ليك زول مافي شي بقيف عائق قدامك مهما كان صعب خاصة
اليومين ديل مع الحرب دي ، فرصة لاتعوض لاي زول عايز يتوج نهايةً سعيدة
عندنا صاحبنا زمان خاطب ليهو واحدة سيعة سنين ما عايز يعمل اي خطوة تاني هو ساكن سوبا وهي ساكتة الثورة الحارة واحد وعشرين اظنها ومصرين كل يوم يتقابلوا في شارع النيل تلقاهم يعافروا في المواصلات من بعد الغدا عشان يتلاقوا المغرب مرة كان في ازمة مواصلات البت جات متاخرة شوية لقتو بدندن بغنية ابو اللمين البتقول اربعة سنين عاشهم الحب بضيع في الزمن أظنه وقفت وراهو قالت ليهو حليل أبوي نحن داخلين على السابعة قال ليها انتوا رحلتوا من الواحد وعشرين وما كلمتوني والا شنو؟😂
ديل شوية كويسين عرسوا في النهاية وهسي عندهم ثلات شغع ما شاء الله تبارك الله
أسمعوا كلامي انجزوا اعزموا ليكم خمستاشر نفر وجيب ليكم كيلة بلح وخمستاشر كريستالة موية وكان الله يحب المحسنين البقول ليك وين البيبسي قول ليهو اشرب وانت ساكت عندنا حرب نحن بلاش لخمة معاك 😂😂
المهم هااابي فلنطاين داي 😂😂
امين ابو علي
Читать полностью…
🌹أنثى القرنفل🌹
31 Jan 2024 17:34
/channel/sajedkamblawy?boost
Читать полностью…
🌹أنثى القرنفل🌹
26 Jan 2024 21:21
صرخة تعلو أجراس النجوم ، تنزلق من ثغر الليل لتذوب في وعاء الصمت ، نمتلئ بالحزن حتى تمزق الجسد وتلاشت الروح في الفراغ .. تهاوى الليل إرهاقاً ، وتمددت ساعاته ، ننكر التحديق له في كل يوم ؛ ف تناسى معرفته لنا ،
ننادي بقوة عمّن يُسكر صوتي بجواب ، هل نمضي وحيدون نحو الضفة الاخرى ؟ هل ستتلاشى ارواحنا حين غروب النور ؟ هل ستختفي الاجساد دفعة واحدة حين اصابتنا ندبة على واقعنا .
وحده الألم من يحاول اثبات احتوائه ، لم توقفه احتمالاتنا المتكررة للفرح ، يرتفع وتيرته في كل محاولة للنسيان ، نعاني جفاف الروح من الحياة ، وكأننا نسقي ورودا اصفرت وصارت حطاما ، وما زلنا نحاول حرث مَن حولنا مِن فرح .. عله يعبُر الفرح حصادا حتى ان لم يكن لنا ..
هذا ( الامل ) الزائف صار حقيقيا ولكن تبدلت حروفه ليقبع ( الالم ) على الصدور ، يوسِّم ذلك القلب بخيبة تعتليه من جديد ، أهكذا تمر الأحزان متوالية ؟
متى سيضع الخراب حدا لنهاية الخيبة ؟ وكيفما ؟
لا نستطيع التفكير بالنجاة مِن ان يغدو الامل ملوحا مشرقا من سماء بعيدة ..
فقد كنا نعيد حلم تمدد اثر الخيبات واحدة تلو الاخرى ، يدثرنا اليأس الطازج ويندفق كجثة ارواحنا .. فيكون ظلام القبر هو اشهى احتواء لكل ما نعانيه ..
..
#ساجد_كمبلاوي
#SAKA
Читать полностью…
🌹أنثى القرنفل🌹
01 Jan 2024 19:49
في متحف الفلك، دار حديثٌ مُميز بيننا:
أتدري؟
تُشبهين الليل ..
بجمالِه وسكونه، عيناكِ هادئة ولامعة كنجومه،
قلبكِ يتّسِم بالدفء والحنان، كمسكةِ إصبع طفل رضيع، وحدِيثك كقصيدةٍ قديمة
كُلما استمعت إليها رقص قلبي فرحًا،
أنتِ هويتي التي وجدتها .. أنتِ كل الأوطان،
وأنا اللاجئ الذي وجد مأوى فيكِ.
_انتبه .. العرض سيفوتك وأنتَ ما زِلت تتغزّل بي.
تبًـ.ـا للعرض!
بل أن حياتي بأكملها كانت ستفوتني لو لم أجدِك!
_صلاح الديـن.
Читать полностью…
🌹أنثى القرنفل🌹
27 Dec 2023 20:47
ربما تثقّلت عقارب الزمن على القلب ، وتجمعت الخسائر لتبقى الروح متسعرة ، انطواء جسد تعمقه الخوف من ان يتودد له الموت بعد ان تعطر برائحةِ ابديةِ الفرح ، لقد اطال الخوف انتظار جمودي الظاهري امام ملامح القبر ، فقدنا ما نملك من مشاعر امام الحياة ، ذلك الخواء بداخلي تشابه بخواء القبر ، لقد تكبدت كثيرا من المشقة لأسقط عمدا ، واتيح للصمت ان يغدو في جميع المكان ..
ها هنا الآن أُسأل ، لن استطيع نكران ما تغافل عن الظهور من قبل ، لم اجد اسما انطق به شاهدا على حياتي دونكِ ، ولكن اعود بذكريات الايام حيث ضبابيات الرؤية وانا مختنق بي ، ..
تعتريني عودة الرؤية الى صباحات نزيح بها الثقل الذي يجثم على صدورنا ،
ولكن صار القبر شاهدا على جسدي واسمك شاهدا على روحي ..
...
#ساجد_كمبلاوي
#SAKA
Читать полностью…
🌹أنثى القرنفل🌹
21 Dec 2023 19:39
يا بيتنا!!
ازي الحال ..
يا بيت!!
طولنا عليك الغيبة
من فارقناك ..
ارواحنا
كئيبة ،
غريبة
وكيف ترتاح؟
والبيت ممكون..
مسكون
اغراب
لا حس ..
لا صيت!!
بابك يابيت
مقفول ترباسو ؟؟
ولا انحل
وحن لي ناسو!!
كيف الحيشان،
الزرع
الحيط
مشتاق
لي كل تفصيلة
وذكرى تمر
زريعة
وحاجة تعوس
حلو مر
والونسة تجر
لي خشم الباب
والجارة
الجابت لينا الزيت
والعشاء ان اذن
ضيف استأذن
للوضاية
صلاة الجامع الخشم البيت
لي فرش الحوش
شفع تتجارى
تحجز الابرد
فيه تبيت
والصبح ان لاح
الجري والغلبة
وصوت حبوبة:
(هوووووي صليت؟!!!)
يا حليل البيت!!
سلام ياناس
كيف اصبحتوا؟
خش يا المبروك
اتفضل زادنا ملاح مفروك
حبابك يابا
وجيدا جيت!!
كركبة العدة،
الدلالية،
ملايات، خمرة
وزبدة شيا
والقسط الفاضل
الف ومية
غلاط صندوق
وانا شلت الاولى
وفوقا كمان
الأخرانية
نعدل البيت
للعرس القرب في الرجبية
حلل القيزان ..
عدة جمعية
زغرودة العقد
اللمت
فاطنة وسيد الريد
ويا حليل البيت
الذكرى بخور
من كل مكان
الحلة الجار
سيد الدكان
الجامع السوق
لمة حبان
باكر ضواي ..
رغم الشتيت
نتلمة قريييييب
ونعود يا البيت
Читать полностью…
🌹أنثى القرنفل🌹
20 Dec 2023 18:32
وفي رحلة العلاج المزعومة - والتي لم تحدث - صاغوا مناسبة إعجابه بعيون ممرضته الإنجليزية الجميلة مبرراً لقوله شعراً:-
السيف في الغمد لاتخشي بواتره
وسيف عينيك في الحالين بتار
إن أفضل قراءة لشعر جماع لاتتأتى إلا في ظل الربط الموضوعي لشعره، وسوف تعين قصيدة مثل رائعته
(في ربيع الحب) على إدراك العمق الوجداني الذي أتاح إنتاج هذا الشعر الجميل الحزين:-
فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى.... وانطوى بالقلب حسرة
///
اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى... وانطوى بالقلب حسرة
///
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى... وانطوى بالقلب حسرة
///
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى... وانطوى بالقلب حسرة
أضفى سيد خليفة بنبرة صوته العميقة بعداً ثالثاً، وأبان نكهة الحزن الذي وطنّه جماع في قصائده هذه ،وقد وصل جل الناس إلي ربط الحزن بل والتشاؤم بجماع، خصوصا بعد النظر إلى قصيدته الدارجة التي غناها سيد خليفة أيضاً
يوم قسموك ياهم.... كتبوا عليك اسمي
لو كان رووك بالدم..... ياهم رووك دمي
انا لو رضيت بالهم.... ما برضي بي همي
...............................
حباني ياأهلي.......يامن تعزوني
في الدنيا خاب أملي.. .. في حظي عزوني
أنا لو يحين أجلي.......... ماتبكوا هنوني
.......................................................
لاشك عندي أن قضاء جماع حياته منفرداً دون زواج وماأصابه من اكتئاب، وماعرف عنه من حساسية مفرطة، وتأدب لامحدود في كل تصرفاته، مع هذا الشعر المنغمس في الحسرة قد قاد بعض الناس إلى الظن - الذي يقرب إلي اليقين - إن جماع هو صاحب الأبيات الأشهر والأكثر تشاؤماً
إن حظي كدقيقّ فوق شوكٍ نثروه
ثم قالوا لحفاة.ٍ يوم ريح اجمعوه
صعب الأمر عليهم ثمّ قالوا اتركوه
إن من أشقاه ربي كيف أنتم تسعدوه
الأبيات ليست مثبتة في (لحظات باقية) في كل طبعاتها، كما ان دراسة جماع وتخصصه في اللغة العربية تمنعه من أن يتأتي بالمضارع المرفوع محذوف النون، فالصحيح ( تسعدونه) بثبوت النون لا( تسعدوه) بحذفها.
صحيح أن دراسات جرت عن جماع أشهرها -(جماع قيثارة الإنسانية والنبوغ) لمحمد حجاز مدثر، لكن تحقيق أشعار جماع وتوثيقها علي نهج علمي مدروس مازال شيئاً غير منظور في الأفق، بل ربما أراح الناس ماتناقلوه حتي صدقوه، وهو في تقديرهم يقرب شاعرهم الذي أحبوه إلى الشخصيات الأسطورية.
____
منقول مع التحية والتقدير للجميع
____
Читать полностью…
🌹أنثى القرنفل🌹
11 Dec 2023 20:07
في رواية دوستويفسكي " الإخوة كرامازوف"
قالت البطلة لإيفان -
- إنني أحبك ولا أدري مالسبب ؟
, فكان جواب ايفان والذي يعبر عن عمق دوستويفسكي الرهيب ,
أجاب : أنتي لا تحبينني إلا لأنني قريب منك, أنتي لا تحبينني, بل تحبين فكرة وجودي بجانبك, تحبينني لأنك تستطيعي
أن تحدثينني وقتما شئتي وأن تصبي غضبك علي وأن تملأي راسي بترهاتك التي لا تنتهي, وأنا بالطبع ابقى بجانبك أستمع كالتلميذ النجيب, لكن ما أن أغيب عن ناظريك يوم حتى تستطيعي من صباح الغد أن تجدي مسكينًا آخرًا يحل مكاني. أنتي تحبين نفسك فقط رغم أنك من أعماقك تعتقدي بالفعل إنك تحبينني
.. لكن لا لييس كذلك.."
Читать полностью…
🌹أنثى القرنفل🌹
11 Dec 2023 06:58
لكنها امست داكنه ظلماء قبل ان ابوح بصمتي ..
هكذا يتبدل كل شئ قبل يستفيق طرفك وقبل ان تعتاد التغير ، يأتي الزمن مباغتا لكل احقية الروح ويشوه كل ما كنت تمتلكه ، يصيح انعكاسك في المرآة آملا ان يجد بقاياك ، تَجمع ما تشتت منك ، تختزل سعادة مزيفة على ملامحك ، تأكل فتات الحنين ، وتفتِك الروح ملامحك بوحش نُسميه النضج ،
هكذا نغني علناً لنُقدم انشودة العاطفه نبوح بها آملين ان نرتل حروفها حتى يتلألأ عيون المستمعين ، كتبتُ حروفها بقلب مبتل ، وصوت مبحوح ..
هكذا اتتوق لجمال السماء حين تشتعل بالمغيب في حضور شتاء قلوبنا .. وكم احببناها .. تمازجها بزرقة النيل وصفائه ، برتقالي مصفر بخجله ، ارجواني متورم بعشقه وزهري احمر بجماله ،، امتزجوا جميعهم دون ان تتغير خطوطهم ولكن انتهى الزمن وخُتم على النص بحقيقة ان السماء سوداء داكنة يعتادها الظلام في كل حين ، ونحن من نتوهم بالوان الفرح ونعيش على ذكرى تخمُّر مشاعرنا على كأس العاطفه ..
لكنها امست داكنه ظلماء قبل ان أحيا على لقياها
...
#دانتون_نيكولاس
Читать полностью…
1555