🌹أنثى القرنفل🌹
06 Jun 2025 21:17
كل عام وانتم بخير❤️❤️
Читать полностью…
🌹أنثى القرنفل🌹
05 May 2025 07:57
أغـارُ عليكِ..، وأنتِ ســرابي
فقـولي لقلبي.. مما تغــارْ ؟
وحين أراكِ.. سيبسمُ - حظي !!
ويُصبحُ خوفي العظيم انتصارْ
وعمري بدونكِ يُصبحُ وهماً
وشِعري لغيركِ يجني البوارْ
لأنَّكِ أنتِ.. الفتاة الحقيقةْ
لأنَّكِ أنتِ.. الفَـتاة الخيارْ
لأنَّـكِ أنتِ.. نعيمُ الحياةِ !!
لأنَّـك أنتِ.. حنينُ الـدِّيارْ
لماذا نسيرُ بِخَطَّيْ تَـوَازٍ ..؟
ونحن ابتُلينا بأكل الثمارْ !!
سنبكي عليها خطايا الفراقِ !!
وربي سيجبرُ.. كل انكسارْ
وهذي الحياة.. و قد فَرَّقتنا
ستجمعُ بيني وبينك دارْ
ستجمعُ بيني وبينكِ طفلةْ
وتأخذ من وجنتيكِ السمارْ
(فَهُـزِّي إليكِ بِجذعِ المحبةْ
لتسقط كل الأماني ثمارْ )
لترحلَ عنّا الليالي الحزينةْ
لنحيا كما قد نشـأنا صغارْ
نغــازلُ كل المواني.. بحبٍ
ونجني السعادةْ بجمع المحارْ
و أحكي" لآورَ " كلَّ الحكايا
فيضحك موجاً ويبكي إنحسارْ
و أجلسُ في موجـةٍ كي أُغني !!
وصـوتكِ مني كمانٌ..، و طارْ
#ابن_وهبون
#منتدى_همس_الشعري
Читать полностью…
🌹أنثى القرنفل🌹
15 Mar 2025 14:09
بحب البيوت المفتوحة، والسلام الحار، ووقفة الناس في الشدايد، واجتماعهم في الفرح، وطبطبتهم على بعض وقت الحوجة..
بحب ريحة الاكل اللي بتتعمل مخصوص للضيوف، وصينية القهوة اللي مابتتشالش الا عشان يتعمل غيرها، والترحيب بالناس وعزوماتهم..
وبحب دوشة الحبايب ورغيهم وحكاويهم وبحس ان دة الطبيعي..
بستغرب اوي الناس الساكته، والمضايفة الباردة، وعزومة المراكبية. مش طبيعي أبدا هدوء الألسنه والمطابخ لو كانت القلوب بالود مزحومة..
”بارك الله في بيت عُمِّر بأحبته قبل أصحابه“
– رنا السمان
Читать полностью…
🌹أنثى القرنفل🌹
18 Feb 2025 16:12
- الراجل بيتنسي براجل أرجل منه!
اتقالتلي الجملة دي و أحنا قاعدين في حنه واحدة صاحبتنا.
ضربتها في كتفها عشان تسكت بس مافيش فايدة
شاورتلي إشارة خفية للعروسة صاحبتنا و قالتلي :
- ما تتعلمي.
صاحبتنا دي كانت بتحب واحد من الكلية عندنا و كانت حرفيًا بتموت فيه، كان يسيبها تتعب و نجري بيها على الطوارئ و تتحجز بالأيام في المستشفى.
كانت بتتعب فعلًا مش تمثيل، كأن روحها معاه!
كان بيسيبها كتير و كل شوية يتخانق معاها قدامنا في الكلية و كان مبهدلها.
كانت بتصعب عليا بشكل، كنت حزينة جدًا عليها
و في يوم أتخانقوا و زعق فيها جامد
الكلية كلها كانت بتتفرج عليهم.
مشيت من الكلية و هي بطولها من غير ما تقع ولا نجري على المستشفى لأول مرة!
و أختفت كام يوم
محدش حرفيًا مننا كان يعرف عنها اي حاجه
و بعد أسبوعين تقريبًا جت الكلية
هو كان هيتجنن عمال يلف و يسأل عنها شخص شخص في الكلية
لدرجة إنه صعب علينا جدًا، مع إننا كارهينه بسبب اللّي بيعمله فيها.
جت و هي حاطة Makeup و لابسة شيك جدًا و شكلها زي القمر
و في إيديها دبلة!
محدش كان مصدق و قولنا إنها أكيد عاملة فيه مقلب
بس الحقيقة مطلعتش كدة
هي أتخطبت فعلًا و كانت مبسوطة
وشها بينور زي الشمس!
مع إنها كانت مطفيه جدًا معاه ..
و إنهاردة بعد سنتين خطوبه اهيه اتخرجت و هتتجوزه
فاكرة وقتها لما سألتها قالتلي :
- أنا اختارت نفسي!
الراجل مش بيتنسي، الراجل بيتمسح من الذاكرة لو لقيتي راجل أرجل و أجمل منه ..
لما هو قالي إنه بيحبني مصدقتش إنه في حد في الدنيا بيحبني زي ما أنا من غير خناق ولا عصبية ولا قله قيمه.
بالعكس قدرني و حبني كأني الست الوحيدة على كوكب الأرض!
ضحكت لما أفتكرت كلامها و زعلت لما أفتكرت الراجل التاني
اللّي حرفيًا أتدمر لما عرف إنها مش بتحور و فعلًا أتخطبت لغيره.
كان هيتجنن، كنا بنشوفه ماشي يكلم نفسه في الكلية!
ضيع حبه بسبب إنه غبي.
حياته أتدمرت و فضل يسقط مش عارف يعيش من غيرها
بيحاول يرجعلها بكل الطرق و مش عارف
سألها مرة في نفس المكان اللّي كان واقف بيزعق فيها فيه .
سألها و الدموع مليانه عيونه قدام الكُل :
- إنتِ إزاي قدرتي تعملي كدة!
- الحرب دي أنت اللّي بدأتها، ماتلومش حد غير نفسك
أنا مش فارق معايا أكسب في الحرب بتاعتك ولا أخسر
كل اللّي فارق معايا إني مخسرش نفسي قصادك، و عملت كدة!
ضحكت و كملت بمنتهى البساطة:
- صدقني أنت سهلت عليا الموضوع جدًا.
طلبت منه مايكلمهاش تاني و مشيت!
و كملت حياتها عادي جدًا
كانت مبسوطة و دة كان كفاية ..
كنت بتفرج عليها و هي بترقص في الحنة
زي ما هي وصفت نفسها بالظبط
بتنور و جميلة كأنها الست الوحيدة على كوكب الأرض ..♥️
Читать полностью…
🌹أنثى القرنفل🌹
11 Jan 2025 14:15
- حضرتِك مسافرة إسكندرية شغل ولا فسحة ؟
= حضرتَك مسافر ليه ؟
- حضرتِك بتسأليني ليه ؟!
= إشمعنى انت بتسأل ؟! سألت كتير وجاوبتك كتير .. انت بقى جاوب على سؤالي
- باعتبار إننا بنسلي بعض في السفر...
= لأ ، باعتبار إن لكل سؤال إجابة .. مسافر إسكندرية ليه ؟
- وعيزاني أقولك الحقيقة ؟
= ياريت ومن غير كـ ـدب .. أنا عارفة إن الكـ ـدب بقى عادة الأيام دي ، أسمع .. إيه رأيك محدش فينا يكـ ـدب على التاني سواء الحاجة كانت مهمة أو تافـ ـهة ؟ محدش يقول غير الحقيقة لمُدة ساعتين ونُص وبعد ما نوصل كل واحد حُر
- والله فكرة .. خصوصًا إننا مانعرفش بعض
= ااه مانعرفش بعض .. رايح إسكندرية ليه ؟
- وقفت ساعتين مستني مواصلة توديني بيتي في مصر الجديدة ومفيش فايدة الزحمة والأخـ ـتناق والإحباط دفعوني دفعة أحُط نفسي في أي حاجة بتتحرك ، بتمشي ، لقيت نفسي في محطة القطر ، لقيت القطر ده بيصفر وهيقوم روحت ناطط فيه .. دي كل الحكاية
= مصـ ـيبة لتكون فاكر القطر ده هيوصلك لبيتكوا في مصر الجديدة ؟!
- ههههه لالا مش لدرجادي يا مدام ، أنا عارف إن قطر إسكندرية بيوصل إسكندرية .. إطمني اللي قاعد جمبك ده عنده حد أدنى من الوعي العقلي
= لا أنا دي متأكدة منها .. مش غريبة أبدًا على شخصية زي شخصيتك إنها تتصرف تصرف زي ده شيء عادي جدًا بالنسبالك
- حضرتِك بتتكلمي بالهجِة حد يعرفني ؟!
= أيوة يا أخي عرفاك ، وهو معقول برضو هقعد حد جمبي من غير ما أكون عرفاه ؟! ويقعد مطرح جوزي كمان ، والمسافة طويلة من مصر لأسكندرية والقطر ماشي تاتاتاتا ؟! حضرتك الأستاذ عزت هلال الكاتب الأديب المعروف
- والله كويس إن في حد يعرفني !
= إزاي بقى ؟ ده انت مشهور جدًا
- مشهور كأسم عزت هلال إنما كشكل مش مشهور ولا حاجة !
= كفاية إن عشاق القراية يعرفوك
- كويس إن القراية لسه ليها عشاق بعد ما التلفزيون والفيديو سيطروا على الناس !
= كنا بنقول إيه ؟
- تعرفي إنك جريئة وذكية ؟
= وإيه كمان ؟
- ودمك خفيف
= وإيه كمان ؟
- وشخصية مُسيطرة
= وإيه كمان ؟
- أنا مش عارف أقولك إيه .. بس تصوري إن حالة الكأبة والملل اللي كانوا عندي إبتدوا يبعدوا
= ست مُسلية أنا مش كده ؟
- جدًاااا
= أنفع بلياتشو ولا أراجوز ؟
- لا مش لدرجادي
= تسمحلي أقولك يا سيادة المؤلف إنك غـ ـبي
- مدام الظاهر إننا هنفترق ودلوقتي حالًا
= خليك قاعد أحسن أعملك فضـ ـيحة في القطر ، أسمع الكلام بدل ما أصـ ـرخ واقول إنك نشلتني ، بلاش نشلتني عاكستني أرتكبت فعل مُخل بالأداب هتبُص تلاقي كل الرجـ ـالة اللي في القطر دول نزلوا فيك ضـ ـرب .. وأبقى قولهم بقى إنك عزت هلال المؤلف شوف مين هيصدق
- يا مدام إنتي أهانتـ ـيني !!
= لا ده أنا مُصرة إنك غـ ـبي
- يا مدام أنا لغاية دلوقتي مُجامل أنا بقول إنها رحلة سفر وكل واحد يروح لحال سبيله والرحلة هتنتهي !
= لا الرحلة هتنتهي ولا كل واحد هيروح لحال سبيله
- إنتي مين إنتي عشان تكلميني باللهجة دي ؟!!
= مش عارف أنا مين ؟ بقالك تِلت ساعة قاعد تتكلم معايا ولو معرفتنيش من شكلي محستش بيا ؟ ولا بصوتي ؟ وزعلان ومحموق أوي إني بقول عليك غـ ـبي .. بُصلي كويس يا عزت أنا هي سلوى عابدين
- معقولة ؟! أول مرة تبقى الصدفة منطقية !
= إزاي متعرفنيش يا عزت ؟!
- النضارة كانت واكلة نُص وشك لون شعرك والزمن .. إحنا بقالنا يجي ١١ سنة مشوفناش بعض !
= إنتَّ ناسي قبل الـ ١١ سنة دول كان في إيه ؟ كان في أربع سنين اليوم الواحد فيهم بسنة حلوة جميلة ، السنين اللي حبينا فيهم بعض تفكرك بيا ٢٠٠ سنة مش ١١ سنة بس ، فاكر زمان ؟ لما كنا بنشرب قهوة كان البُن مش مغشوش والكلام بين الزباين همس والسينيمات كانت نضيفة والتكييف شغال والناس كانت بتتصرف برِقة السينما أيامها كانت مُتعة والشوارع كانت نضيفة لأ وكنا بنجري من غير ما نُقع في حُفرة .. عزت أنا متأكدة إني لسه عايشة في قلبك
- أنا أتعلمت مابُصِش ورايا يا سلوى اللي فات مـ ـات .. إنتي ناوية تقعدي في إسكندرية كام يوم ؟
= ماتحولش تغير الموضوع .. إنتَّ متجوز ؟
- لأ
= ليه ؟ ماتجوزتش ليه ؟
- ظروف
= مش لقي شقة ؟ متهيألي واحد زيك ممكن يكلم المحافظ يديله شقة في مساكن العرسان
- إنتي مش هتبطلي تريقة ؟
= لأ ، عشان مش عايز تقول السبب الحقيقي اللي خلاك متتجوزش لغاية دلوقتي
- علشان ماحبتش
- كمل الجملة .. إسمها علشان محبتش من بعدِك
- إنتي صحيح أول حُب في حياتي...
= وآخر حُب .. بدليل إنك ماتجوزتش لغاية دلوقتي
- ااه بس مكونتش مستنيكي ولحظي إنك سِت متجوزة
= الحُب حاجة والجواز حاجة
- يعني إيه ؟!
= إيه هو أنا بقول لغز ؟! دي حاجة واضحة زي الشمس ، ممكن حد يضغط عليك ويجبرك على الجواز لكن مفيش قوة في الدنيا تجبرك إنك تحب إنسان انت مش عايز تحبه
- إنتي عايزة تفهميني إنك إتجوزتي غـ ـصب عنك ؟! سلوى ، بلاش تفتحي جـ ـرح إنتي اللي جرحـ ـتيه من ١١ سنة .. عن إذنك
"أنا وانت وساعات السفر - ١٩٨٥"
Читать полностью…
🌹أنثى القرنفل🌹
04 Jan 2025 10:30
عند الوجه الاخر من الليل .. أُطفئ النجيمات واحدة تلو الاخرى ، واستلقي على ثمانيه وعشرون حرفاً ، احتسي منهم ما اشاء من اللغة ، حتى يُتاح للعقل رسم سرابات الاسماء ، ربما ذبُلت النداءات حين ارفقناها بين التِلاوات ، ربما ابتلعت ثقب الانتظار همساتنا مع كل رياح ، أمسّت اجسادنا نكرة منسية او دهشة تنَحّت لكي تغتاب ارواحنا الجراح ، اتسع الظلام ، والعديد من الارواح تُسامر الدَنا لتعيد تشكيل صباحات مبهجة ، تستدرجهم عقولهم نحو توهجٍ مُحرف ، ويعودون حاملين بقايا الصدى على هيئة دموع ، تغريهم رعونة البوصلات حين تطل اعينهم صوب اللا شئ ، ما من طريق هنا ؛ سوى الذي رسمته ..
عليك بالاستناد على راحة الكف و سأندندن ببعض الاغاني ، حيث لا تندثر الألحان ، واخبئ ملامحك عن الذبول ، ونسمي طفلتنا ب نور ليتيح لنا مراقصة السماء وانشودة المطر ..
..
3 يناير 2025
#ساجد_كمبلاوي
#SAKA
Читать полностью…
🌹أنثى القرنفل🌹
28 Oct 2024 19:44
هل أخبركَ سراً؟!
ظهرتْ صفحتها أمامه فجأة… فخطرتْ له على بال… فقرر أن يباغتها برسالة، وكان لم يحادثها منذُ مدةٍ طويلة…
قال: مساء الخير.
قرأتها ولم تجب مباشرة، ثم بعد دقيقة ربما أو أكثر قالت: تعرف…
قال: أعرفُ ماذا؟!
قالت: لاًولِ مرةٍ في حياتي لا أعرفُ كيف أرد على مساء الخير!!
قال: لِمَ؟!
قالت: حين يكون أقصى ما نتمنى أن نسمعَ حرفاً واحداً فقط، تصبحُ "مساء الخير" هذه تصيبنا بالدهشة، حين تأتينا هكذا فجأة.
قال: إمممم!!
قالت: حتى "إمممممم" هذه تصور افتقدتها بشدة.
قال: "كيفِك طيب؟!"
قالت: كل الطمأنينة لي… لك.
قال: سعيدٌ جداً أنكِ بخير.
قالت: هل أخبركَ سراً؟!
قال: تفضلي.
قالت: أكاد أرى عيونكَ الآن وأنتَ تقرأ.. وأسمعُ بحةَ صوتكَ، بل وأشاهد الأسئلة التي تدور في رأسك.
قال: ألهذه الدرجة أنا شفافٌ بالنسبةِ لكِ؟!
قالت: إن كنتُ أراكَ مغمضةً العينين، أفلا أراك بقلبي من خلف هذه شاشة؟!
قال: وهل لقلبكِ عيون؟!
قالت: لا، ولكن لعيوني قلبٌ أرى فيه.
قال: مدهش… لا تعييكِ الإجابةٌ مطلقاً.
قالت: دعكَ من الدهشة الآن وأخبريني "كيفكَ أنتَ؟!"
قال: وأنا أيضاً بخير طالما أنتِ بخبر.
قالت: جميل جداً أن تقرني معكَ بفعلٍِ واحد.
قال: وأنتِ أيضاً دعكِ من الاقتران، وأجيبيني.. عندي لكِ سؤال؟!
قالت: "بحب لما تسألني"
قال: لماذا عليّ كل مرة أن أبادر أنا؟!
قالت: لأنكَ رجل، وأنا امرأة لا تبادر بالسؤال ولو كانت تموت شوقاً…
قال: إذا تفضلين الموت شوقاً على المبادرة؟!
قالت: يكفيني أن أرى اللون الأخضر (on line) لأطمئن أنكَ بخير!!
قال: تراقبينني إذاًً!!
قالت: لا تغيب عن برج مراقبتي لحظة.
قال: غريبات أنتن النساء!!
قالت: نحن أبسط الأمور المعقدة في هذه الحياة وأجملها… وبالمناسبة أنا عندي لكَ سؤالٌ أيضاً.
قال: تفضلي!
قالت: أما زلت تحبها؟!
قال: من؟!
قالت: طيفك!!
قال بعد أنْ تريثَ قليلاً: لاًول مرةٍ في حياتي لا أعرف أنا أيضاً كيف أردُ على مساء الخير!!
ضحكت وقالت: أعجبني الجواب، ولكن أريد إجابة.
قال: لا يوجد عندي طيف؟!
قالت: أتعلم كلما كتبتَ نصاً عن الحب أدخل دون علمك إلى عقلك، وأحاول أن أعرف لمن الكلمات؟!
قال: هذه مشكلتك الأبدية معي… تظنين أنني دائماً أكتبُ لأحد!!
قالت: أوَلا تفعل؟!
قال: ليس دائماً!! أحيانا أكتبُ لنفسي.. وأحيانا كثيرة أكتبُ بالإنابة عمن لا يجيدون التعبير، وفي قلوبهم مشاعر لا تستطيع أن تبوح بها شفاههم أو تكتبها أقلامهم.
قالت: لماذا إذاً أشعرُ وأنا أقرأ نصوصكَ بأنّ هناك قصةَ حبٍ جديدة ربما تكون قد بدأت؟!
قال: هذا لا علاقة له بالواقع أبداً… هذا يعني فقط أنني نجحتُ في إقناعكِ من خلال الكتابة أنني واقعٌ في الحب.
قالت: قد لا تكون أقنعتني تماماً بهذه الإجابة، ولكنني أريدكَ رغم ذلك أن تعرف شيئاً واحداً فقط!
قال: ما هو؟!
قالت: أن وجودكَ في خريف عمري، ومرورك فيه قد حوله إلى ربيعٍ لفترة وجيزة… ولأجلِ ذلك أنا ممتنةٌ لروحك.
قال: إطراءٌ جميلٌ جداً أشكركَ عليه من أعماق قلبي.
قالت: ليس بالإطراء!! أنها مشاعر!!
قال: وأنا ممتنٌ أيضاً لهذه المشاعر… وأريد أن تعرفي شيئاً واحداً أيضاً!
قالت: ما هو؟!
قال: إذا التقينا أنا وأنتِ في يومٍ من الأيام وجهاً لوجه سأبوح لكِ بكل ما كنتِ تتوقين لسماعه مني ولم أخبركِ به.
قالت: إذا… ويوماً ما!! كلها أدوات شرط!!
قال: لا أحد يعلم ما الذي قد يحصل له!
قالت: صحيح، ولكنني أعلم بأنكَ قدر، لأن لا شيء في هذه الحياة يحصلُ صدفةً.
قال: إذاً تذكري يوماً ما سنلتقي.
قالت: لن أنسى أبداً، وسأقفُ على رصيفِ انتظاركَ من الآن…
#على_العهد_باقون
Читать полностью…
🌹أنثى القرنفل🌹
18 Oct 2024 00:00
(2) فلاش ثاني..
منذ قلب ونصف ، ومازالت تجتاحها ذكراه ،
تحاول أن تكب جم مشاعرها على الفرشاة التي تتحرك بسلاسة على اللوحة ، كاشفةً عن وجهه المألوف..
ترمي بها بعيداً بغضب..
كيف ليديها ان تعصياها بهذا القدر.. ؟!
تغمض عينيها وترسل زفيراً ساخناً ،
تتبعه آلاف التنهيدات..
لو لم يغادر أكنا معا الآن.. ؟!
أكنا في منزلنا.. الريفي الذي حلمنا به.. ؟!
و طفل صغير يعبث بشقاوة بكل شيء حولنا.. ؟!
اجتاحها الضيق..
لماذا ما زالت تذكره ، بعد ما فعل.. ؟!
سألت نفسها سؤالاً كانت تخشاه...
ماذا ان عاد.. هل ستسامحه ؟
تسامح من تركها عشية زفافها... ؟!!
غير بعيد عنها ،
كان يكتب بقسوة ، على الورق..
آلاف الرسائل التي لم تر النور ، ولن تصل..
انهكه الحنين ،
كيف لاسمها ان يتوج مطلع كل كتاباته.. ؟!
كيف يكون طيفها حشداً يباغته كل ليلة.. !!
أكان خطأً قراره..
اخترقته خاطرة ، كان يخشاها..
هل كان جباناً ،
هل كان سيئاً ،
كان يقتله نجاحها ،وفشله.. !!
#المصير_الأخير
#روح
Читать полностью…
🌹أنثى القرنفل🌹
16 Oct 2024 12:45
بقلم صديقتي الطبيبة المبدعة روح 🌹
Читать полностью…
1330