-
Jizzax shahridagi Hamid Olimjon va Zulfiya nomidagi ijod maktabining 10-sinf o'quvchisi XOLBEKOVA IRODAning ijodiy kanali
Keling, siz bilan yaqindan tanishib olamiz.
Uyingizning aniq manzili qayerda, kitoblaringizni qayerda saqlaysiz?😂
P/s - rasm o'tgan yilgi)
@gullayotganyurak
Intellekt qiz bolaga otadan, o'g'il bolaga esa onadan o'tadi. O'g'il bola o'qisin, ertaga oila boqadi, degan gap qulog'imizga ko'p chalinadi. Qizlarni esa palahmon toshi deya uni turmushga berib qutulish kelajakka bolta urish bilan barobar.
Ba'zan ko'rib xafa bo'ladi kishi: hali voyaga ham yetmagan qizga yaxshi niyat deb sarposiga комплект tillalar olishadi, ammo shu qiz qo'shimcha darsga bormoqchi bo'lsa, qimmat ekan, nima qilasan?
Xullas, kelajakda farzandlarim ilmsiz bo'lib qolmasin, degan har bitta inson o'qishi kerak. Albatta o'qish deganda oliy ta'limga yopishib olganim yo'q.
Yosh boshiga balo orttirib, sevdim-kuydim deb ertalabgacha telefonda gaplashib chiqadigan парочкалар, iltimos, bo'lajak farzandlaringizga rahmingiz kelsin.
So, calm down my unborn sons, your mother is studying hard so that you will be intelligent people. And my cute unborn daughters, you also calm down, I wil try to select the best and well-educated father for you so that you will become like him.
@gullayotganyurak
От чистого сердца очень хочу, чтобы мне подарили букет чёрных роз в этом 2023 - году✨.
@gullayotganyurak
🎬Radioactive
"Nobel" mukofoti sohibasi Mariya Skladovskaya haqida film. Kino chindan ham ko'rishga arziydi.
P/s - film ingliz tilida.
@gullayotganyurak
Mutolaani sevish ham huddi narkotik moddalarga o'rganib qolishga o'xsharkan. Uch kundan beri qo'limga kitob olib o'qiganim yo'q, g'alati bo'lyapman.
@gullayotganyurak
"Men yuzlab kitoblarni o'qirdim, yarim kechagacha o'qirdim, chunki kitoblarni sevishingni bilardim..."
✍Stefan Sveyg
📚"Notanish ayol maktubi"
@gullayotganyurak
Kitob bilan bog'liq inglizcha atamalar
Booktrovert - hayotdagi insonlardan ko'ra kitob qahramonlari bilan ko'proq suhbat qurishni istaydigan inson.
Bibliophile - mutolaa qilishni va kitoblarni to'plashni yoqtiradigan inson.
Binge-reader - katta hajmdagi kitobni bir qisqa muddatda o'qib tugatuvchi chaqqon kitobxon.
Book hangover - avval o'qigan kitobi ta'sirida yurib, yangi kitob mutolaasini boshlay olmay yurgan kitobsevar.
Abibliophobia - mutolaa qilish uchun kitobsiz qolib ketish sabab paydo bo'lgan qo'rquv.
Librocubicularist - Divanda yotib kitob o'qiydigan inson.
P/s - Men bibliophile va book hangoverman. Yuqoridagi qaysi sifatlar sizga mos kelarkan?
Ha, aytgancha, librocubicularist bo'lishni maslahat bermayman. Yotib kitob o'qish ko'z uchun zarar.
@gullayotganyurak
O‘qigan kishilarni seving, azizim! Bir kuni roman o‘qiydi, hayotni taniydi. Bir kuni Haq Kitobni o‘qiydi, Robbisini taniydi.
Va kun keladi, ko‘nglingizni o‘qiydi, sizni taniydi...
@gullayotganyurak
"Hasan Basriydan rivoyat qilinadi: "Bir kishi unga: "Falonchi sizni g'iybat qildi", - dedi. Shunda Hasan Basriy g'iybat qilgan kishiga bir tovoq xurmo jo'natib, dedi: "Aytishlaricha, menga savoblaringizni hadya qilibsiz. Bas, men ham bu ishingizni mukofotlashni xohladim. Ammo yaxshiligingizni to'la mukofotlashga qodir bo'lolmaganim uchun sizdan uzr so'rayman".
Qaysidir kamchiligimni kimdir yaxshi gap bilan tushuntirib aytmagunicha ba'zan o'zimga sezilmaydi. Abu Homid G'azzoliyning "Til ofatlari" kitobi esa ba'zi yomon odatlarimni ko'zgudek ravshan ko'rsatib berdi.
Kitobda g'iybat, chaqimchilik, tilyog'lamalik kabi ko'plab zararli illatlar haqida so'z boradi. Mutolaa davomida shuni angladimki, ko'p hollarda o'zim bilmagan holda g'iybat qilib qo'yarkanman.
To'g'risini aytaman, kimdir o'z o'rnida maqtasa, rosa yoqib tushadi. Faxr hissini tuyib, yanayam qattiqroq ishlashni boshlayman. Asarning maqtov haqidagi qismida yozilishicha, haddan ortiq maqtov kishining kibrlantirib yuboradi. Bundan keyin maqtovlarga ko'p ham e'tibor bermaslikka harakat qilishga qaror qildim.
Yomon odatlarini yo'qotish niyatida yurganlar uchun yaxshi kitob ekan.
P/s - kitobni elektron shaklda o'qiganim uchun mutolaa zavqini qog'oz kitob o'qiganchalik his qila olmadim.
@gullayotganyurak
Yangi yilni qanday kitob bilan boshlamoqchisiz?
@gullayotganyurak
Yoningizda mazmunli kitob bo'lsa, siz yolg'iz emassiz.
@gullayotganyurak
Birdaniga katta summada kitob sotib olasizmi? Oxirgi marta qanchaga kitob harid qildingiz?
O'zim yozda yuz mingga to'rtta kitob olgan ekanman.
@gullayotganyurak
"Nahotki chinakam parvozni o'rgansalar, oldilarida naqadar keng imkoniyatlar ochilishini bir daqiqa o'ylab ko'rmaydilar".
📚Oqcharloq Jonatan Livingston
✍Richard Bax
To'dadagi qushlarning faqatgina kunlik ozuqa topish uchun parvoz qilishi mazmunsiz ekanligini anglagan Jonatan Livingston ismli oqcharloq qush murakkab, ammo maroqli yo'lni tanlaydi.
Jonatan parvozni u makondan boshqa bir makonga eltuvchi vosita sifatida emas, balki chinakam hayot tarzi va san'atga aylantirish uchun bor jon-jahdi bilan harakat qiladi.
Kitobni o'tgan oy o'qib tugatdim, ammo endi taqriz yozishga qo'lim tegdi. Bu haqda baribir yozmasam bo'lmasdi.
Sohamni ingliz tili filologiyasidan dasturiy ta'minot muhandisligiga o'zgartirganimdan buyon eplab keta olamanmi, degan savol qiynayotgandi. Precalculus va fizikadagi masalalar, Computer Literacy dan berilgan mavzularni o'qib tugatguncha o'zim tugab qolay deyapman.
Ammo qanchalik mashaqqatli va og'ir bo'lmasin, men ham Jonatanga o'xshab baland parvoz qilishni o'rganishim kerak.
P/s - Motivatsiyasini yo'qotib, qaytib topolmayotganlar uchun yaxshi kitob.
P/s² - tez yurakcha bosinglar videoyimga☺️.
@gullayotganyurak
"Qorin to'yishidan avval aql to'q bo'lishi lozim. Shuning uchun har kuni ertalab nonushta qilishdan avval kitob o'qiyman".
Bir necha oy ilgari shunaqa mahmadona va noreal o'ylarimni yozgan ekanman. Hozir esa avval iqtisod, keyin siyosat degan fikrdaman. Hayotga real ko'z bilan qarashni boshladim, shekilli.
Kun davomida olganingiz va berganingiz kitob bo'lsin.
Sizlarga esa mening qo'limdan bir piyola issiq choy✨.
@gullayotganyurak
Hozir qaysi kitobni o'qiyapsizlar?👀
@gullayotganyurak
Muhabbat - hayratingga kimnidir sherik qila olishing.
"Oqchorloq Jonotan Livingston"
Richard Bax
@gullayotganyurak
- Falon kitobingni berib tur. Bir haftada o'qib qaytaraman. Shu vaqt ichida kitobingni sog'inib o'lib qolmaysanmi?😆
Men: - Yo'g'eeeee🌚.
Aslida esa...
@gullayotganyurak
2022-yilda atigi 33ta kitob o'qibman.
Yanvar
1. Jean-Paul Sartre "What is literature?"
2. Yusuf Shomansur "Lirika"
3. Khaled Hosseini "A thousand splendid Suns"
Fevral
4. Stefan Sveyg "Qalb besabrligi"
5. Chingiz Aytmatov, Muxtor Shoxonov "Cho'qqida qolgan ovchining ohi zori"
6. Максим Горький, "Макар Чудра"
Mart
7. Николай Гоголь, "Тарас Бульба"
8. Gabriel Garsia Markes, "Xayrlashuv maktubi"
9. Иван Гончаров, "Обломов"
10. "Atirgulning tikoni" hikoyalar to'plami
11. Stefan Sveyg "Noma'lum ayol maktubi"
Aprel
12. Бернардо Гимараеш "Рабыня Изаура"
13. Kel Nyuport, "Diqqat"
14. Марио Бенедетти, "Передышка"
15. Мария Могилко, "Как стать блогером с миллионной аудиторией?"
16. Luiza Xey, "21 kun ichida baxtli bo'ling"
May
17. Иван Тургенев, "Отцы и дети"
18. Anna Axmatova, "Oq tun"
Iyun
19. Marina Svetayeva, "Dengiz egizim mening"
20. Иван Тургенев, "Записки охотника"
Iyul
21. Somerset Moem, "Oy va sariq chaqa"
22. Gustav Lebon, "Omma psixologiyasi"
23. Aleksandr Blok, "Bulbul chamani"
Avgustda abituriyentchilik sabab kitob o'qimadim.
Sentyabr
24. O. Genri, "Shaftoli va po'rtaxol"
25. John Taylor Gatto, "Weapons of mass instruction"
26. Andre Morua, "Chorshanba uchun binafsha
Oktyabr
27. O'tkir Hoshimov, "Uzun kechalar"
Noyabr
28. Javlon Jovliyev, "Qo'rqma"
29. Richard Bax, "Oqcharloq Jonatan Livingston"
Dekabr
30. Kobo Abe, "Yashik odam"
31. Abu Homid G'azzoliy, "Til ofatlari"
32. A'zam Xoshimiy, "Alvido, Vatan"
33. "Bir kunlik qo'nalg'a"
P/s - 2023-yilda 50 dan ortiq kitob o'qishni maqsad qildim. Bu yil nechta kitob o'qidingiz?
@gullayotganyurak
Kecha kimyogar olima Mariya Kyuri Skladovskayaning hayoti va ilmiy faoliyati haqida "Radioactive" filmini ko'rdim. Har kuni yarim soatdan tomosha qilmoqchi edim-u, kino qiziq ekan, oxirigacha tugatib qo'ydim.
M. Skladovskaya ayollar o'rtasida birinchi bo'lib "Nobel" mukofotini ikki marotaba qo'lga kiritgan. Film men o'qiyman, degan har bitta qizga motivatsiya bo'la oladi. Ham oila, ham ikkita farzand tarbiyasi va ilmiy izlanishlar olib borish katta matonatni talab qiladi.
Bitta postga ko'zim tushgandi kecha, yakuni deyarli "qizlar, o'qib hech narsani qoyillatganingiz yo'q. O'lgan kuningizdan zo'rg'a inyaz yo o'zletga ilinib kontrakt kirib qolgansiz. Yaxshisi pulni bekorga sovurmay, o'qimaganingiz ma'qul" degan mazmunda.
To'g'ri, oliy ta'limni tamomlagan qizlarning hammasi ham Mariya Skladovskaya kabi radiy va poloniy kabi elementlarni kashf etib, Mendeleyevning davriy jadvaliga yangilik kirita olmaydi, buni tan olish kerak. Ammo, hech bo'lmaganda ilmsizlikdan uzoqroq bo'ladi, moliyaviy mustaqil bo'ladi, demak, kelajak avlodning ham jaholat qariga cho'kish ehtimoli kamroq.
Qizlar agar rostdan ham qiziqsa, haydovchilikka bo'lsa ham o'qishi tarafdoriman.
@gullayotganyurak
Bizlarda "seni sevaman", deb aytilmaydi, kitob sovg'a qilinadi, kutubxona qurib beriladi...
@gullayotganyurak
Siz quyidagilarning majmuasisiz:
✨Siz ko'rayotgan film va seriallar
✨Siz o'qiyotgan kitoblar
✨Siz birga vaqt o'tkazayotgan odamlar
✨Siz kuzatadigan kanal va blogerlar
✨Siz tinglayotgan podkast va musiqalar
Ongingizning ozuqasini aql bilan tanlang.
@gullayotganyurak
Bugun och uxlayman, shekilli...
Kechagidek to'yib, yuz betdan ortiq o'qiyolmadim).
@gullayotganyurak
Universitetimizda ikkinchi kursda o'qiydigan bitta opam sovg'a qildilar. Ilmingiz bundan ham ziyoda bo'lsin🥰.
P/s - Yangi yilni Kafka bro ni asarlari bilan boshliymanov)
@gullayotganyurak
O'qi!
O'qimoq - bir qiz bolaning o'zi uchun qiloladigan eng katta yaxshiligidir!
@gullayotganyurak
Yangi narsalarni o'rganish men uchun doim qiziq bo'lgan: qiyin, ammo maroqli. Sohamni o'zgartirib, to'g'ri tanlov qildim, deb o'ylayapman.
✨"UniSat 2.0" loyihasida ishtirok etyapman. Oxirgi darsda 3D modeling bo'yicha vazifa bajardik. Zo'r chiqdi, deya olmayman-u, ammo birinchisiga yomon emas.
✨"Birgalikda yuksalamiz" loyihasiga ham qabul qilinganman. Abu Homid G'azzoliyning "Til ofatlari" kitobini o'qish vazifa qilib berilgan. Kuniga 20 sahifadan o'qib, shu hafta oxirigacha tugatib qolsam kerak.
✨Maktabda yoqtirmay o'qigan fanim matematikani mustaqil o'rganyapman. Tezroq harakat qilib, axborotnomani bahorgacha tugatish niyatim bor.
✨@Irodakhans_blog va @gullayotganyurak uchun yaxshi g'oyalar bor. Canva hamda Capcut da montaj ishlarini tugatib, yaqin orada joylayman nasib.
P/s - Siz nimalar bilan bandsiz?
@gullayotganyurak
"Ming yil o'qisam-u, mendan "nimani bilding?" - deb so'rasalar, "haddimni", - deyman".
✍Jaloliddin Rumiy
@gullayotganyurak
Bular shu yerda turib tursin...
@gullayotganyurak
Ayni damda nima xohlayapman?
- Tinch va sokin tabiat qo'ynida kitob o'qib o'tirgim kelyapti. Daryo bo'yi ham ideal variant, ammo yoz kelishini kutish kerak. Hozir havo ancha sovuq.
- Rus tilida kitob o'qishni xohlayapman. Bilmadim, negadir bu tilda kitob o'qishni sog'indim. Oxirgi paytda faqat o'zbek tilida mutolaa qildim.
- Bir o'zim eplab ko'tara olmaydigan darajada kitob sotib olishni xohlayapman. Toshkentda "Xazina books" va "Topar uz" dan aynan man xohlayotgan ruscha kitoblarni topsa bo'ladi. Jizzaxdagi "Deli" ham yaxshi variant.
- Kitoblarni chiroyli qilib rasm yoki videoga olish uchun kamerasi шкалад telefon, stoyka va estetik sham ham kerak.
- Kindle olgim kelyapti.
- Videodagidek kaaaatta xonada kitoblarim bo'lishini esa kitoblarni sevib qolganimdan beri orzu qilaman. Afsus, uyimdagi kutubxonachamda esa atigi to'rt yuztagina kitobim bor😥. Shuning uchun ham "Sohibjamol va maxluq" multfilmidagi Bellga hasad qilsam kerak.
- Hozir uyqu qochgan vaqti "Yashik odam" ni o'qigim kelyapti-yu, lekin juda charchaganman.
P/s - ertalab uyg'ongan vaqtim обед bo'lib ketmasa, albatta maza qilib kitob o'qiyman.
@gullayotganyurak
Orzularingizga hech qachon xiyonat qilmang✨.
@gullayotganyurak
