42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
چَمْ سِبِيَّه عْلَه التَّرَايِبْ گَاعْدَه
تِنْتِحِبْ وِتْوِنْ وِنِينِ الْفَاجْدَه
----------------------------------
تِكْسِرِ الْخَاطِرْ تَرَه دْمُوعِ الْبَنَاتْ
شْلُونِ اذَا چَانَنْ أَوِيلِي مْدَلَّلاتْ
كَلْفَه رَبَّاتِ الْخِدِرْ بِالْهَمْ تِبَاتْ
بِالْيِسُرْ وَيَّه الْهَضُمْ مِتْوَاعْدَه
----------------------------------
سِكْنَه لُو نَاحَتْ يِشِدُّونِ الْحَبِلْ
حَتَّى مِنْ تُوگَعْ يِجِي يَمْهَه النَّذِلْ
تِنْجِلِدْ جَلْدِ الْعِدَه مَا يِنْحِمِلْ
وِالنِّيَاشِينِ بْمَتِنْهَه شَاهْدَه
----------------------------------
وِلْرُقَيَّه شْمَا نِگُولِ مْقَصِّرِينْ
وِينَ اكُو طِفْلَه بْعُمُرْ أَرْبَعْ سِنِينْ
تِنْسِبِي وِاثْنِينِ ادِيهَه مْگَيِّدِينْ
وِهْيَه بَسْ شُوفَةْ أُبُوهَه رَايْدَه
----------------------------------
وَالله يَا نَاسِ الْأَلَمْ مَا يِنْجِرِعْ
گُوَّه مِنْ عِدْهَه التَّرَاچِي تِنْشِلِعْ
تْخَيَّلِ بْنَيْتَكْ إِذِنْهَه تِنْگِطِعْ
وْمَاكُو يَمْهَه لَا أُبُو لَا وَالْدَه
----------------------------------
وِالْحَرَمْ يَا وَسْفَه وِشْحَالِ الْحَرَمْ
عْلِيهِنِ بْطَفْ كَرْبَلَه حِرْگَوْ خِيَمْ
گِطْعَنِ دْرُوبِ الطِّوِيلَه بْلَا عَلَمْ
شَافَنِ عْيُونِ الشِّمَاتَه الْحَاقْدَه
----------------------------------
سَاعَدَ الله زِينَبِ وْرَمْلَه وْرَبَابْ
وِالنِّسَاوِينِ الْتِغَطَّنْ بِالتَّرَابْ
بْچَمْ خَرَابَه گِعْدَنِ وْمَا بِيهَه بَابْ
الرَّايِحَه عْلِيهُمْ تِصِدْ وِالرَّادَّه
----------------------------------
#مصائب_العائلة
#محرم_١٤٤٧هج
حسن خنافر العاملي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
بدينه الماي والبر
الكواكب النه تفتر
هلي القربان الاكبر
ستسأل من أنا ؟؟
-------------------------------------
ابوي الطوع الجان
ابوي امحلي الاذان
قبل كل البشر چان
كبير المنزله
تعرفه الفقره عالباب
اذا صاحو يبو تراب
تصير الدنيا محراب
كلامه البسمله
سلام الله عليه سبحانه من آوجد
ابد ما ينوصف بالفضل ما ينعد
محمد من يحشمه بساعة التشتد
لا مرحب يظل لا عمر لا احد
نهاية حرب چفه
تدنگ ناس صلفه
على الشدات اكلفه
ستسأل من انا ؟؟
----------------------------------------
أمي الكون اديهه
الهوى ايسلم عليهه
تسمى أم ابيها
وابوهه الخاتمه
لجلهه الدنيا صارت
الكواكب ليها دارت
العوالم بيها حارت
العظيمه العالمه
يسموهه الزكيه الطاهره البضعه
الجنان اتحن عليهه السبعه والسبعه
بكسر ذاك الضلع حتى الشجر ينعه
الغريب الگال اسمهه بشده مترجعه
باب الحاجه أمي
بوكت الضيج تحمي
بسمها اقترن اسمي
ستسأل من انا ؟؟
-----------------------------------------
اخوي الماله ثاني
اخو السبع المثاني
كريم الآل واني
احبن هيبته
شجاع وبيه محنه
اخذ كل طيب اهلنه
الاسم اسمه وطنه
المهيب بطلعته
يعرفونه الكريم الما طفت ناره
اليحط بالزاد لير ويسر خطاره
اخت حلال كل المالهن چاره
اخوي اهل السمى تتناقل اخباره
اله تلوگ الامامه
وجه خير وسلامه
ولكن كالقيامه
ستسأل من انا ؟؟
----------------------------------------
اخوي الثاني موصوف
اخوي امأمن الخوف
جسد بس كعبة سيوف
سلام المنحره
عطش حد ما صبح ماي
ذبيح وينطي الهواي
انسحگ بس يرجع فياي
تمام ابمنظره
توزع ناس جسمه وبالعكس يكبر
يدوسون اعله صدره وينگلب منبر
يحرگون الخيم وتصير لون اخضر
السبايا مو سبايا اتسير كالعسكر
فتح نصر وشهاده
زرع بينه القياده
فقط النه السياده
ستسأل من انا ؟؟
----------------------------------------
اخوي الكافل البار
اخوي الجنه والنار
چفوفه اتروي الانهار
وجربته الساقيه
النهر والگنطره وياه
الرعب تتسمى يمناه
تندبه بساع تلگاه
وفزعته الباقيه
دخل لارض القتال وسولف الراوي
برز عباس والله اليعلم شناوي ؟
صار الموت عدهم رجفه سكتاوي
الشديد الگابلاه امدد وخاوي
تضيع اجفوفه منه
عدل بس مات ضنه
اخوي اسمه علمنه
ستسأل من انا ؟
---------------------------------------
انه الجيش الفدائي
فكد كيدك ندائي
وجوبي اومو كفائي
الجهاد الحيدري
اطب قصر الاسارى
واهد عرش الاماره
السلام اعله الغياري
البيان العسكري
تدنگ روسهم من تنذكر زينب
علي بالشام يخطب يستمع مرحب
آنه الگالو وحيده وخضرت مذهب
حسين الباقي اسمه وقاتله اليشطب
اذا تسمع عقيله
الشجاعه المستحيله
بعد الطف كفيله
ستسأل من انا !!!
رعد الفريجي - 1447
ثوابها الى روح والدتي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مالت الدنيه ويزينب مالت
_
هلي المثلي عله الهزله
تموت ولا تضل عدله
هلي طيحة الناگه كلفه اليه
نگطع گلبي عله فرگاگم
هلي بس روس جبناگم
هلي زينب جريبه علل منيه
- يخواني همه اليوجعني
- حته الگلب نـام عل وني
- ياشام الاگشر عين شمات
- گالـو غريبه هـواي عني
يكضي العمر - مر عله مر
ظهري انحنه - بان الكبر
مالت الدنيه ويزينب مالت
___
هلي كثرت مصايبنه
بلون وجوهنه الحنه
هلي يوجعني متني الله اكبر
تعبنه الدرب والشام
هلي ردناكم النه احزام
مثل ضيم العلي لا صار لا مر
- گلبي عله گلب النوده
- يحسين حيلي هذا حده
- تعبانه بالخمسين طبيت
- المثلي التچاعيد عل خده
جمره بدرب - تچوي الگلب
كلبي انحنه - بسوط الغرب
مالت الدنيه ويزينب مالت
__
رمحك طاح اصيحلك
اكـومـلك واطيـحلك
نترس تربان نحرك بين اديه
هلي عل حسين عينوني
لتنشدوني شلوني
مغبره وذابله وشبعانه اذيه
- اكـره الـشـام ومـاريـده
- خلصوني ياناسي البعيده
- ثمانين طفله وطفل يبچون
- والشام هذا اليوم عيده
صعبه الحجي - الما ينحجي
وعيوني خلصن - بس بچي
مالت الدنيه ويزينب مالت
____
ماي الحار اذانه
محد بچه لمبچانه
خوارج صاحوا اعلينه وبچينه
اشاكف بس ادي تعبت
اختكم ماي ونشربت
حمره اعيونه من الطگ عمينه
- عامينه فگدك ياحلو الطول
- عگبك سكنه الشام والجول
- ياكل عمرنه السوط يحسين
- راحــت بـزرتـك والـدلـول
ماي النهر - ومصيبته
تكلف عليه - احجايته
مالت الدنيه ويزينب مالت
__
#عباس_القلعاوي
#اللهم_عجل_لوليك_الفرج
كون الله ياخذ عمري ورتاح
ولا شوفن اخوتي فوگ الارماح
عمر مابي راحة
خلص بس نياحة
كون الله ياخذ عمري و رتاح
،،،،،،،،،،،
چل الليل و النسوان بين الخيمة و التله
صباح الله انذبح و الخير ذاكَ صاعد الهزلة
ظهر الناگة عالي هواي وزحمة اعليها نتعلى
باچر من نطب السوگ چا عباس شنگله
تدرون علوية علي
بيا وكت هيجي طالعة
والمثلي مو مالت سبي
لا شايفة و لا سامعة
ياهو الگال زينب تدخل السوگ
مو بس التراجي الراس مبيوك
كلشي نباع بينه
ضلت بس عبينة
كل شي راح بس الشرف ما راح
كون الله ياخذ عمري و رتاح
ــــــــــــــــــــــــــــــــــــــ
خوية جروحي هنه هواي صعبة اكبالك احجيهن
بر و تستحي النسوان چف غيرك يماشيهن
من كالو المحبس ضاع ضاعن كل ترچيهن
بس التهضم ابن زياد يتمرجل ترى عليهن
ضاع الخدر ياهل الخدر
علويتك حسين انسبت
وچم طفله بالسوك العصر
باعو. تراجيها و بجت
كل شي لخاطرك يابو علي يهون
فدوة تروحلك لچمات المتون
وشطوله دربنه
تعب بس ماتعبنه
تدري الناس خوية عيونها وكاح
كون الله ياخذ عمري و رتاح
ــــــــــــــــــــــــــــــــــــــ
مشن يتمايلن عا النوك احسب صار چم ليلة
واحنه اربات ابو الحسنين شنهي الشام نمشيله
ليّشد چفة حبل النوگ يا خذ جيل من حيلة
طحت جم مره فوك الكاع بس ما طاحت الشيلة
طبن بنات المرتضى
بالشام يلعندك علم
سبعين راس اتمايلن
من طلعن ابين الزلم
مكتول و يحشم راس مكتول
طبت لو بعدها اختي شتگول
جاوب فوك رمحة
يكله الناس وكحة
زلم و مكابله النسوان بسلاح
كون الله ياخذ عمري و رتاح
ــــــــــــــــــــــــــــــــــــــ
طلعنا و رافگانه الموت يلجم بينا يومية
شما بتنا بخرابة هناك ياخذ مني علوية
انصب فاتحة كل يوم واقره عليك لطمية
مبينه اكبور الابنيات يمهن تلگه ترچية
يحسين الحر و العطش
چم طفله ذابح جم طفل
سهله نچفنها بعبي
بس جيب اليفك الحبل
صفية و عاتكة ماتن حرامات
بس انكسر ظهري يم رقيات
وجم طفل بضعنه
خوية راح منه
مات وگطع من الگلب سباح
كون الله ياخذ عمري و رتاح
ــــــــــــــــــــــــــــــــــــــ
خل احجيلك اعله الشام وعن ضيم السبي وحاله
شني عمره ليرافگ نوگ وبس الروس تبراله
اكلهم راس اخوي ابعيد خلونه انتداله
واول مره اشوفن راس منه يخاف چتاله
خافن يرد بيه النفس
مانزلوه من الرمح
الليل كله انطر عليه
خافن يبوگونه الصبح
عمر خلصته بس لچمات و جروح
عفت لحسين عالتربان مذبوح
عالطعنات صابر
وتطشره الحوافر
مابي كتر سالم حتى يلاح
كون الله ياخذ عمري ورتاح
كريم الدراجي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
أُم البنين
جَذرٌ أصيلٌ للوفاءِ اسمُها
لا يَنطقُ عن ذي الهواء فَمها
مِن غير بئر أكتمت أسرارها
وعِجاف نيلٍ لم ترىٰ أحلامُها
حُجه اعله الرضاعه أصبح لبنها
شتوصفها والعباس ابنها
ثكيل وتنحني گباله الشوارب
شلون بزغره شايلة بمتنها
آدم يصيبه الفخر....... ضهره شال ام الگمر
وصلب طاهر خلفت
افتقر يمها الذهب......... من الطُهر لأطهر نسب
َمن علي عدها بخت
......................................................
أُم البنين
وعَطائها قد فاق حدُ المقدره
مِن دونها كُلَ حديثٍ ثرّثره
قَد أنجبت ماءَ الوجودِ الاعذبُ
ماءٌ عجيبٌ يسري فوقَ القنطره
يم هيبتها حتى النجم دنگ
من زود الولي الكرار تشهگ
گبال الماي المقدمه ابنها
الغيم من الفشل بالسمه يعرگ
وكل گلب باالهم شعر.... يتجه لأم الگمر
تنقذه من فيل ابرهه
عيسى بآياته افتقر.... بلا عصا تشگ البحر
وكل صعب يمها انتهه
.......................................................
أُم البنين
لَو انَ قلباً قد أُصيبَ بل بَلا
فَليتخذ ام البنينِ معولا
ما عاد دلوي خائبا من بئرها
بَل عاد عذبٌ من عطاها حاملا
الضوه يستجدي نوره من كلبها
العثره بكل درب بس مو دربها
ماي بگصة التاريخ اسمها
طاهر كل گلب غامر بحبها
لجرح تصبح دوه...... هاي ام راعي اللوه
زودها زود الحسن
بت كرام وعالمه...... بغير علم معلمه
للوفه صارت وطن
......................................................
أُم البنين
سيفٌ أصيلٌ ليسَ غمداً خاليا
ولِلحسين قدمت كم غاليا
و زينبٌ في قلبها كالابهرُ
ولها تحنى برأساً عاليا
زوجة حيدره تخلف نشامه
اليمهم يدنه ينساها السلامه
مبيته أولادها بفراش الحسين
بوكت لا عنكبوت ولا حمامه
وصت الكافل همس.... اوگفوا بعين الشمس
ولا يصل زينب ضوه
لو وصل زينب خطر.... اكسر لخالك ضهر
ورف عله الخيمه اللوه
.....................................................
مرتضى عامر الشمري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#تراث
تحيرني وتذكرني يا جابر لا تناشدني
ــــــــــــــــــــــــــــــــــــــ
يا جابر هيجت حزني يجابر گلبي ذكرته
عليمن تنشد وما ظن مثل ضيم الذي شفته
عتابك زيد آلامي يا عمي وحيلي هدمته
دفنت احسين أبويه اشلون وبديه ابگبره نزلته
وكلف وضعي ويهل دمعي
وحيد ومن يساعدني يا جابر لا تناشدني
ــــــــــــــــــــــــــــــــــــــ
يا جابر مرمي من شفته هويت اعليه أشمنه
وأبد ما تنعد اجروحه وحرت يا جرح أضمدنه
يا جابر جسمه الموذر گمت بحفوفي ألمنه
وأشوف اضلوعه مهشومه يجابر خاف ألچمنّه
انشده فكري وحرت بأمري
عليل وجرحي ضاهدني يا جابر لا تناشدني
ــــــــــــــــــــــــــــــــــــــ
شفت بعيوني يا جابر شبيه المصطفه الأكبر
ذبيح وبالدمه امخضب وأعاين جسمه لموذر
يجابر من گمت منه وحگ جدي علي حيدر
توچيت اعله وجه الگاع ردت أنهض لچن مگدر
حنه ظهري ونفذ صبري
أخويه افگده بيدني يا جابر لا تناشدني
ــــــــــــــــــــــــــــــــــــــ
وشفت لمن وگع عمي الچفيل وگطعوا الچفين
تعنه الخيمة العباس ابظهر محني أبويه احسين
عمدها الطيحه بيده وجذب حسره وتهل العين
وأشوفن والدي بحيره وحيد ابولية الصوبين
انگطع نحره انهشم صدره
الخطر أصبح يهددني يا جابر لا تناشدني
ــــــــــــــــــــــــــــــــــــــ
يجابر قصتي قصه تحير أهل الفكر بيها
إلك من يا كتر أبدي لون يجابر أحچيها
مسيت العاشر اذكرها ولعيال اشجره اعليها
خيم حرگوها والتهبت عليل اشلون أطفيها
وخيم شبت وحرم هجت
وأشوف النار التدني يا جابر لا تناشدني
ــــــــــــــــــــــــــــــــــــــ
تذكرني ويهل دمعي عله الوجنه شبيه السيل
ورماني چم سهم ظالم وأحسه يهدم الحيل
شفت أيتام أبويه احسين يجابر ساحگتها الخيل
وشفت عيله يضربوها وإلمن تشرد ابها الليل
وشفت زينب غدت تنحب
تنادي خويه شاهدني يا جابر لا تناشدني
الشاعر السيد سعيد الصافي
#اللهم_عجل_لوليك_الفرج
صعدن خواتك كلهن بنوگ
بس نوگ هزله وشامت يسوگ
بعيد الدرب يحسين لشام
ويراد حيل الطبت السوگ
أفا ومشي علراي الغربه يبن أمي
وشموس الضهاري كشفت أخيالي
أفا ومو جف كفيل يگودهه أجفوفي
بحبل أنجر وسوط الزجر يبرالي
فوگ الهزل .. اخت النفل .. ماينحمل
ضيم السبي
كلفه تره .. تتطلع مره .. وميسره
تماشي أجنبي
واويلي يخواني .. واويلي يخواني
——————————————————
أمنين أجيب الماي والماي
ينباع صار خلاف أبو الراي
أبنياتكم ماتن عطش حيف
ماتن عطش من عمهن وجاي
أريد أميه أشرب أعيالكم خويه
ومهضومة گلب والدمعه بعيوني
تشرب ماي كلهه وزينب يگولون
بدو الماي يمهه وحيل هضموني
طول الدرب .. ونه أنضرب .. كلش صعب
أخت الغياره
عودي أنكسر .. ميته قهر .. اخت الگمر
مابيدي چاره
واويلي يخواني .. واويلي يخواني
——————————————————
يصوابكم يكبار الصواب
رجع ضعنكم ماكو بيه شاب
شيصبره شيبه الشاف يحسين
عويناتكم تروسهن تراب
الشافت أهلهه أمذبحه بلا روس
ترگض خويه كلفه تگدر شلون
البچينه ننضرب والنسكت انموت
أحتارينه الغرب منه شيريدون
طگو بناتك .. شتمو خواتك .. لمدللاتك
گوم أفزعلهن
وعظم رزيه .. سكنه ورقيه .. لزمن بديه
والحادي طگهن
واويلي يخواني .. واويلي يخواني
——————————————————
شيردون منه أوين يردون
مچتف ضعنكم بيه يفرون
ماضل درب مابيه مشينه
وهاي المره زينب يصيحون
أبعالي الصوت صاح الحادي لناس
ضعن هــــذا يوادم مالـــه كفال
اليشوفه يريد خله يگرب لجاي
حته يشوف أثر دم فوگ الحبال
رايد يلمهم .. ألتمت زلمهم .. نخفي بحبلهم
جوه عبينه
من مستحانه .. محدب گفانه .. وبسوطه اجانه
اليحدي بينه
واويلي يخواني .. واويلي يخواني
رسول رياض
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ما عاش اليصيحج غريبة
تبقين اخيتـنا الحبــــيبة
ومن الخيول اتدوسنا
تصيرين اميرة روسنا
مو غريبة
ــــــــــــــــــــــــــــــــــــــ
من انشالت الروس ومشت
جان القصد نمــشي وياج
عدلين لو فوگ الـــــرمح
زينـب نضـــل عد عــيناج
من كربلا لـ طبت القــصر
انـشوفه الزمان اشـــراواج
وياج كل خطـــوه ابسبي تلگــين النحور
و من الخيم يمج نضل لحد ذيج القصور
و ندور فوگــج الرمــح شما وكتج ايدور
فوك الرمح روس اركبت. عفناها الصدور
من الزلم ع الخيم غارت
فوك الرمح گعدتنا صارت
بدرب السبي تلگينه
فوگـــج خــيم تلگينه
مو غريبه
ــــــــــــــــــــــــــــــــــــــ
احنه النحور ال ع الرمـح
بعد الذبح نلتــم سوه
نتفــــرق ابـدرب الـصبح
ويلمنه مغرب نينـــوه
وفوگاج نفتر ع الضعـن
نحور ونجي لجرحج دوه
كلما انصحـــتي بالدرب زينب اسيره
نصيح من فوك الرمح ام عـون اميره
وبلا عشيــره ما تضـل زينـب جبيره
اثمنطعش راس برمح صرنه العشيره
نحور بس يمچ بچـــــينه
من فوگ الرماح وحچينه
الوياها روس اخوانها
گاع الله كلها اوطانها
مو غريبة
ــــــــــــــــــــــــــــــــــــــ
و من صــار للشــام السبـي
التمينه روس بلا جسد
فوگ الرمـــح گلــنه السفــر
نحر الحسين اول صعد
من الهزله صارت مركبج
فوگ الرمح راسه گــــعد
نحور بس رحنـه حرس لضـعنج يختنا
روس ونسـولف ع الرمح زينـب بختنا
ام عون اميرتنا تضـــل وامـنه واختنا
نحور بـس نـــفزع اذا زيـــــنب نختنا
نحر الحسين وياچ گدام
نحر ابو فاضل گاصد الشام
السيف من گطعنه
درب السبي يجمعنه
مو غريبة
ــــــــــــــــــــــــــــــــــــــ
بحــر الضــهر ذاك الــجزه
ع النوگ سوينه افياي
وي الضعــــن نحر الكـفـل
فـوگ الـرمح رايح جـاي
لو عنده جف وي الـنحر
چا جاب الچ طاست ماي
وياج كل خطـوة ابـســبي من رمحه يندار
من حرورة لبراس الگمر صار الرمح حار
من الرمح يسمع كلمتج ويصيح الج صار
فوگ الرمح خضر ضوه من كل الكتار
من تنجمع يمج قبايل
يم ناگتج نحر ابو فاضل
وابن امه من يدنالچ
وعباس مثل خيالج
مو غريبة
ــــــــــــــــــــــــــــــــــــــ
و ع السوگ من صار الدرب
نوگف نحر وابصف نحـر
بحجار من صار الحچي
بجـباهنـا انـــرد الحجــر
فوگ الرمـح بس ننجمـع
يمج اذا صــاير خطر
كلما يشمرونه ابحجر ضـعنج يأم عـــون
و بوجوهنا انرد الحجر لمن يشمرون
نحور اخوتج كل تنجمع گبالج يصيرون
التمينه فوگج جم نحر خيمه عله الضعون
بخت الهواشم هاي زينب
ام عون اميره شلون تتعب
هوسنه فوك ضعونج
محد يبجي عيونج
مو غريبه
الحمد لله
خالد عبد الساده البديري
اكثر ما أعانيه في القصائد
تلگه قصيدة حلوه ومبكيه
بس الشاعر مخلي لو حچايه ما تليق (بصاحب القصيدة لو بالمنبر)
لو جايب شيء تاريخي ماصاير
ولا ممكن يصير وبالخصوص ما يتعلق #بالعلويات صلوات الله عليهن سالفتهن حساسة جدا
ياريت تنتبهون اخواني
والله كتاب مقتل ب 7 آلاف
لو كل يوم صفحتين هم تخلصه
ب 6 أشهر وتعرف الأحداث
الله يوفق الجميع لكل خير
#نعي 😭
وينكم يهلي وعمامي
گبل لا تدخل اجدامي
ضعني صار بإيد شامي
أيريد ياخذني القصوره
فزعه اريد اموش واحد
ومـاكو بيكم دمـه بارد
هذا راس احسين صاعد
وبيَّن الشامت سروره
لا يچن للخيل حافر
وسبگولي بگلب فاير
وبرگعوا الناگه بواتر
گبل طرت الفجر نوره
إن چان ما تدورن بيه
ذبحوا أهلي آل أميه
وانهدىَ ضعني هديه
ودارت إعله اضعوني دوره
أهنا يهاشم هاي عيله
رچبـوا بـتـكم هـزيـله
اتشفه بحسيني جبيله
وإعله رايي مشّه شوره
صيحو يم گبر ابو محمد
ضعن اختكم مالها احد
جسم اخـوك ابر تـوسد
بدمه شماته فخوره
وينـكم يـآل ابـو طـالب
صعدوا خيل ابلا رچايب
تـرى راح ادخل خـرايب
نصير آنه وقصره جوره
دگوا يـم الشـام ثـايـه
وگاعه صبغوها دمـايه
ورجـعوا الراحن سبايه
لا يعتب جدمي دُوره
محمد الربيعي
#اللهم_عجل_لوليك_الفرج
#نعي
ابعثرة النوك
جم طيحة طحنة ابعثرة النوك
وعليهن يلوك
صيت الخدر اعليهن ايلوگ
ابطبت السوك
جم موته متنه بطبت السوگ
ياهل الحگوگ
لحكو حرمكم ياهل الحگوگ
وشگو الحلوگ
لعالت علينه شگو. الحلوگ
و جدم محروك
حفاي خوية و جدم محروگ
وبسوط مطگوگ
ازرگ متنه بسوط مطگوگ
وبسرعة يسوگ
حادي الابل ابسرعة يسوگ
وتلچم بالعروگ
هزلة ترى و تلچم بالعروگ
جا ليش مبيوگ
حسين راسك ليش مبيوگ
عطش والنحر جان اول بهدماي
نار الخيمة ضل ياكل بهدماي
السياط الحمرة اشوفنه بهدماي
دمي ودم اخيتي ودم رقية
مشة وحادي الضعن يحسين متنه
وجم موته اعله ضهر النوگ متنه
هذا يصيح ايدي وهذا متنه
حرت وونينهم حط شوغة بيه
كريم الدراجي
#اللهم_عجل_لوليك_الفرج
يافرج الله
اخسر الدنيا المهم اكسب رضاك
اني عايفها يبو صالح وراك 🙏
#نعي
يحسـين گلب الحـره محروگ
واحچايه صرنه ابنص الحلوگ
نتفيّه گــمنه ابيــن هـلنوگ
عليه المــصايـب مانها اتلوگ
وعلــيه دارت دورت الطــوگ
مايــوم جفنـي ابليـل مطبوگ
يگظي ابمصيبه ولچمه الشوگ
وامسه ابخرايب واصبح ابسوگ
وروس الهـواشم ع رمـح فوگ
ويوميه چــفي ابحـبل مشبوگ
راحــو هـلي الطلابـت احگوگ
الخادم علي الحميداوي
#اللهم_عجل_لوليك_الفرج
تعالي يـ ام حسن يمُه تعالي
شسوه الشام بيه شوفي حالي
****
ديره الشام بس مو خوش ديره
ناس اتعيل ناس ابلايه غيره
تستهضمه حتى المو اميره
وانه ام الخدر طبيته اسيره
دخلته وانه بچفوفي حبالي
شسوه الشام بيه شوفي حالي
**
دخلته وانه ضعن ايتام وياي
وايبشر الرايح صار بالجاي
والتمت علينه الوادم اهواي
الم روحي وطبگت بصدري مگفاي
بهاي الگاع مالايگ خيالي
شسوه الشام بيه شوفي حالي
****
مشينه امچتفات ابين البيوت
منه ما طلع لا نفسَ لاصوت
مجبوره امشي گوه وگلبي مفتوت
وحسيت بهضم مايخلص بموت
وعباس برمح صاير اگبالي
شسوه الشام بيه شوفي حالي
***
بنص الديره يمُه من مشينه
كلمن فتح بابه يصد علينه
وضل ايصيح حداّي الضعينه
هذا ضعن حيدر جايبينه
اليطلب ثار من حيدر اجالي
شسوه الشام بيه شوفي حالي
*
اباب السوگ يا يمُه وگفنه
ومحد يغض شوف عيونه عنه
نلم ارواحنه ونستر خدرنا
اهتزت غيره الارماح بزلمنه
وگفنه بسوگ من الحشمه خالي
شسوه الشام بيه شوفي حالي
***
اضم روحي اضم يمُه النساوين
واحنه الناس صارت يمنه صوبين
اهل الشام عدهم صار عيدين
هم اسبايه هم عيال ابو حسين
تولونه شتم انه وعيالي
شسوه الشام بيه شوفي حالي
**
علي الربيعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#رسالة
يالتكتِب قصيـده وتقنَـع بفكره
وانت التوگف اعله المنبر وتقره
غير العالرمل طايح وهِدمه انباگـ
من تريد تبدي المجلس تذكره
غير الثگل هيبه؟، الخفّه المن؟ ليش؟
هزَّت طولك بكل كلمه شتفسره
ندري الكلمه نكسب بيهه وِد انسان
ونفس الكلمه تكسر گلبه وتخسره
وانت المُفترَض حچيك گبل لحسين
تعرف كون حجمه وقيمته وقدره
عاد شويه ضوج ، انكسِر ، خاب شبيك
تقره ومبتسم وخيامه مستعره
تحلم باللحن واشگد تحبه الناس
والكلمه الرخيصه تحقق الطفره
واسمك ينعرف ، ويصير حچي لسان
واليطبع اعلانك لازم يكبره
ومن تقره شرط جوه ايدك العملاق
الكاتب والأديب الفطحل الدرّه
يا ناس استحوا
المگطوع نحره حسين
سولف عن مصيبة فاطمه الزهره
ينطيك المُلك والجاه والشهره
وانت اويه الحوافر تسحگـ بصدره
لا تستأكل بنحر الرضيع تضيع
ولا كل لحظه سهم النابت تجره
هسه المو فطِن ممكن ، تنصحه يتوب
شلون الكلشي يدري وما يهز شعره
شلون اليفتهم طلعت ايتام حسين
ويجي يصفط حچي ولا عِبره لا عَبره
شلون اليدري زحمه وإلا عيب يصير
ويحرگـ خيمه حتى يسولف بقصره
يظلم طفلة حسين وبناته تعيش
وعثرات النياگـ الهزّل تكبره
عذراً عاللفظ بس الصدك ينگال
اليصعد عالمنابر لا يهز خصره
علي گاطع البهادلي
وين أبچيك *** وين أبچيك
يَّم عذالي بية من أبچي تتشمت
يَّم عيالي من أنهار تتــشتت
وين أبچيك
ــــــــــــــــــــــــــــــــــــــ
دليني بمچان ابچيك ـــــ روحي بدمعي مختنگة
ويا خيط المنية وياي ــــ بيني وبينة الشهگة
هوة المحترگ بفراگ ــــ بيش يطفي الحرگة
وأنا البية مو بس نار ــــ نار بنار منطبگة
نار خيام *** نار الشام
نار أطفالي ما بين الخيم شبت
يَّم عذالي بية من أبچي تتشمت
ــــــــــــــــــــــــــــــــــــــ
اركض وين ماكو تراب ــــ عَــجّة و نار مشتدة
حتى شما عِلى الدخان ـــ أبچي براحتي بسدة
ولو سئلوني أگلهم صار ـــ دمع عيوني من عندة
وبهاي الحجج يحسين ــــ دمعي إعليك يتبدة
لو بتراب *** ذاري و هاب
صاير حالي، هيچي دموعي لو صبت
ــــــــــــــــــــــــــــــــــــــ
مو مالت دمع يحسين ــــ سكتة وصوت ما يطلع
دمع البينة مال عيون ـــــ مو بس تبچي، تتشلع
يل متگطع من السيف ــــ كون إعليك نتگطع
ما فزعتلك النسوان ــــ عاد دموعهن تفزع
جسمك ظال ***خوية أوصال
هاا يلغالي، منك وصلة ما سلمت
ــــــــــــــــــــــــــــــــــــــ
من دم الصخر يبچيك ــــ أختك شنهو تبچيلك
كون تصير كلها دموع ــــ مو دم، روح، تنطيلك
ومن الروح شنهي يصير ــــ اغلى وحتى تفديلك
بس، هم، ما أظن توفييك ـــــ يا غالي اليوفيلك
بيش أفديك *** روحي انطيك
يتراوالي، روحي بروحك ألتمت
ــــــــــــــــــــــــــــــــــــــ
ما افرح عيون عداك ــــــ يمهم دمعي ما انزلة
انا اعرفهم يريدون ـــــ لأختك بعدك الذلة
بس وداعتك هيهات ــــ گطرة لدمعي ما هِـلَّـة
لو اعرف أموت هناك ـــــ جفني بدمعي ما أهدلة
ميشوفوون *** دمع عيون
خوية گبالي، كل عيونهم ذلت
ــــــــــــــــــــــــــــــــــــــ
يمفطر سماها دموم ـــــ گلبي شلون ما أفطرة
چا هوه الگلب شيصير ــــ خوية وشنهي اليصبرة
وگلبي الـ ماعليك ينوح ــــ شِـلِّه بضلعة وبصدرة
يل ضلعك طحن مطحون ـــــ ضلعي شلون ما اكسرة
لو مطحون *** گبلك كون
هيچي أمالي، كون ضلوعي انطحنت
نسألكم الدعاء
ابو سجاد البزوني
1447 هـ
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
يا من بگيتوا فوگ الرمال
نزلن اعلينا امصايب اثكال
ونريد نخبركم بمرسال
سمعوا الحچي والحچي چتال
نسوانكم ما بين الرجال
سمعوهن وشافوهن أنذال
ويردن غيارى إتهد الجبال
ضلن ترى بعازت الكفّال
عگب الگمر اظهورنا اهلال
فزعوا بصوارمكم يـَ أبطال
يهل الحمية عدكم عيال
دخلوهن السوگ اعلى الجمال
ودرب السبي عذّب الدلال
كشّر اوجوه وموّت أطفال
يا آل هاشم نكسر الحال
نتمايل ومشونا أميال
مو احنه ليگيدونه بحبال
احنه بنات الزهراء والآل
علي العابدي النجفي
#اللهم_عجل_لوليك_الفرج
شلون زينب يابوالفظل حالها
جان مامشيوف حته خيالها
٠٠٠٠ ٠٠ ٠٠٠٠
طلعت ابين الزلم متلوعه
والأطفال من الخيول مروعه
ونته نايم حيف يم المشرعه
النار اختكم جلبت بذيالها
٠٠٠٠ ٠٠ ٠٠٠٠
طلعت من خيامها بهيبت نبي
هاي زينب يا شماته تأدبي
والله دنيه يشوفها اليوم اجنبي
عيون صوبين الزلم تبرالها
٠٠٠٠ ٠٠ ٠٠٠٠
لا شعر يوصفها زينب لا كلام
ضايعه لاعدهه اخوه ولا عمام
ناس سلبت ناس حرگت بالخيام
تركض من النار وين عيالها
٠٠٠٠ ٠٠ ٠٠٠٠
كربله ويا ضيمها يشل الفكر
تيهت ياصوب تركض ياكتر
بالجثث أطفال گامت تنهطر
وبالسياط ابن الرده يبرالها
٠٠٠٠ ٠٠ ٠٠٠٠
گلب زينب اخ وشگد انجرح
بين تل ونار وحسين انذبح
صار دگ اطبول والعسكر فرح
وبالضعن يحدي صبح جتالها
٠٠٠٠ ٠٠ ٠٠٠٠
اه يادرب السبي الماينحمل
بت علي ياحيف مچتوفه بحبل
يامصيبه البجت عيون الهزل
عالرماح تشوف روس ارجالها
...............
شلون الليل ايمر عليها بالدرب
ولله دنيه والخدر بين الغرب
واليتامه تعيش يناس برعب
والخرابه شلون ذيج أحوالها
...........
خادم اهل البيت ع
فلاح طالب الماجدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ياهو اليواسيه بالدمع اليسيل
دور هاشم فارغه وطبها العليل
* *
من وكف سجادها بطرف الديار
لاگه ابن حذلم وقصاله الاخبار
وگاله انعه حسين ابوي بگلب حار
طب ليثرب واجزل عليه العويل
* *
طب ليثرب واندب حسين الذبيح
ضل ثلث ايام ع الغبره طريح
لا جريح ويلتم صواب الجريح
ولا يرد وننطر غيابه الطويل
* *
طب ابن حذلم ينادي لا مقام
بالمدينه ولا امان ولا سلام
ابن حيدر صار مضرب للسهام
انكطع راسه وبعد رضت صدره خيل
* *
خيل مابيهن اصيل الداسته
وناس مابيهم اسلام الذبحته
وبعد ذبح حسين حرگو خيمته
وبت رسول الله سبوها ع الهزيل
* *
طب علي والناس كلها تلگته
عن ابو الاكبر الوادم نشدته
صدك راح حسين ذبحو صحبته
وصدگ لا ضلكم محامي ولا كفيل
* *
راح لديار الهواشم بالدموع
يوگف بكل باب يحجيله ويلوع
ووصل دار احنه الضهر واحنه الضلوع
يگلها ماواحد بقالج من عقيل
* *
يگلها نارج خفتت ومابيها نور
وهالاباده نار تلهب بالصدور
وبيج بس النايحه ضلت تدور
گضو عنچ بين مسحوگ وچتيل
* *
راح يمشي وگصد باب ام البنين
يگلها يادار الشباب مذبحين
وابو فاضل لا يسار ولا يمين
بعد چفه شيعدل الحمل اليميل
* *
كفكف دموعه وگصد دار الحسن
رجع دون القاسم اشتات الضعن
والشباب اللي تكطع وانسحن
خله صبح الدار صارت بعده ليل
* *
كصد دار ام عون والموكب حزين
تلگته ام الحزن بالهم والونين
واحد يعازي الثاني عله الحسين
گلب مفجوع وجسم منهك هزيل
* *
لخادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#أبوذية
گبل جانو هلي الجرحي يهدون
جفوني وگامو بحيلي يهدون
الحرمة التنولي اخوتها يدهون
امن اصيحن بعد ياهو ايهد ليه
#اللهم_عجل_لوليك_الفرج
إن طهُرَ الخنزير
فمن لم يدخلوا ولاية علي
لن يطهروا أبد
حسين خويه ، ابطيحتك هضموني
فاگداتك يالحنين اعيوني
••••••••••••••••
حسين خويه افراگك ايرك العظم
ابچي هاي أول مسية امن الهضم
الكلشي تلگه اجواب عنك ما أضم
لجن لا تنشد اشبيها امتوني...
••••••••••••••••••
يلي طايح بالشمس عيـنك علي
جيت اسويلك يخي بالحومة فَي
لا تگلي اشمالها يابن امي ادي
النار جوتـني وتغير لوني
••••••••••••••••••••
اشدار جسمك يابو الاكبر عالترب
وليش أكثر منطعـن فوگ الگلب
خويه كافي اجروحك اگبالي تصب
ابگلبي ونة وخايفة ايسمعوني
•••••••••••••••••
عمية ريت ولا اشوفك منذبح
ومن دمه جروحك يخي سابح سبح
گلي يابن امي اليلجمك يا جرح
ارد أشده ابشيلـتي وجفوني...
•••••••••••••••••••
يل تناشدني رُقية اشلونها
مثل عين امي ، عفتها اعيونها
عمدة چدامي العده ايروعونهــا
الخاطر الله اتصيح لتأذوني
•••••••••••••••••••
رايدة أتعنه شيال العلم
وبيدي من اعيونه اطلعنه السهم
خل يشوف اشلون زينب والحرم
وأرد اگله اهواي انه بچوني ..
•••••••••♪••••••••••••
راح يسبوني العده ودمعي يهل
ومنو ايركب زينب بظهر الهزل
صدگ خويه احسين راح امشي بحبل
بيش آلاگي السوط إذا يولوني
اللهم بلوعة زينب عجل لوليك الفرج
قاسم المالكي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هسه إذا تلگه واحد يگول فرس الحسين هجم على معسكر يزيد وقتل الشمر
الكل يعترض لأن ما صاير (چذب)
رغم هو لا بيه تجاوز ولا شيء آخر اصلا موقف حلو
زين شلون تجيب وتسطر حچي ماصاير ع آل محمد صلوات الله عليهم
انت شغلك تصور المصيبة بأدوات شعرية
مو تكتب مصيبة جديدة ومقتل جديد
لسان حال سيدي و مولاي
السجاد عليه السلام
كل جرحي و كل آهاتي. من الخدر
يهظمني ضعن الغالي بيد العسكر
ميسرينه الگوم للغربه
المعلول يعيش بس گلبه
=================
ضعن چان أمدلله
أبو الغيره و كافله
و عله ما بيه چنت و لا آنه محتار
هسه مشونه بدرب
يفحط أجدام و گلب
و علتي من ضيمي سِدت و الگلب نار
درب اليسر مو نفس الدروب
يگطع أحبال و يگطع گلوب
عفت الغوالي فوگ التراب
عفته أعله وجهه أحسيني مگلوب
عفت حسين اعله الغبره وآنه ميسر
و مشونه دروب اليزحف بيهن يعثر
شيمشي المجتوف من دربه
المعلول يعيش بس گلبه
=========================
بعيني بس دم و ذبح
كبالي أبوي اعله الرمح
أهون الفوگ الرمح مو على النوگ
العلى الناگه ينهظم
بروحه يتمنه يظم
بنوگ عماتي آنه بس گلبي محروگ
مسحوگ ريت تدوسني الخيل
و لا شوف بينه الوادم تعيل
و لا شوف حال الخدر يصير
علناگه من الصبح لليل
أصعب أيام أسنيني ذني الأيام
و كلشي هين صاير بس طبت الشام
يا طبت الشام. هم صعبه
المعلول يعيش. بس گلبه
=======================
شگد صحت آه يا هلي
و محد يباوع ألي
و عندي من أهلي بقت بس النساوين
يا هلي شكد صيحت
سكته لمن حشمت
لا نهظ كافلنا لا گام الحسين
ولا هل سدة يا ريت ميتين
شافت العين الما يمر عين
خلونه بين الناس و الشوف
صاير علينه النضر صوبين
لاذن من شوف الوادم. بضهور النوگ
چن حرگت ذيج أخيامي گلبي محروگ
و ضهور النوگ. محتدبه
المعلول يعيش بس گلبه
======================
عله و جروح و سبي
و الخدر ضل بس عبي
يامن يخلص العمر. و الموت يلفي
والله ما بيه أون
گطع أهروشي الحزن
جرحي ما ضنه بعد. بلدنيا يشفي
ضاع العمر و الموت ما جاي
ضعن الأهل ما شاف الفياي
ما ينصف أبدن دهري بلزين
عطشان ماي الجان چن ماي
شامت كلشي بدنيانه. حتى الساكت
ما حسبت أوكف والله. گبال الشامت
أطلب أرتاح. بس طلبه
المعلول يعيش بس گلبه
=======================
لعمتي زينب أنهظم
ونها يوصل للعظم
گعدت و تنعه على حسين بخرابه
شلون تنعه ؟
ها يلمگطع الگلب
أختك أبين الغرب
وتعرف العز ينكسر لو مر عذابه
مرني الهظم چا وينك انته
تدري الگلب مگطوع بَته
يامن عگب عينك ولونه
غير الأخو يلحگ على أخته
ما ترحم خويه الغربه. حالي بدونك
رد ليه و آنه أتنطر. شوف عيونك
الفارس ميعوف. كل حربه
المعلول يعيش. بس گلبه
اللهم عجل لوليك الفرج
علي حسين الخفاجي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
للسبي رحنه بس كلبي ظل بكربله
يمشي المسافر وداير اعيونه لهله
امشي خطوه والتفت
غصبن عليه ارحلت
ــــــــــــــــــــــــــــــــــــــ
خلصت وحان السفر
ياهلي وعدكم خبر
شحال زينب هسه وشحال المداليل
تمشي وي وادم غرب
لو نختكم تنضرب
دخيله لو صيحت صاحو مالج ادخيل
ودعي من فوك الهزل
يلله كالو شبعي ذل
انتي مسبيه وهلج كلهم مجاتيل
كافلج يم النهر
موتي يازينب قهر
وجسم اخوج حسين بي مثلو تمثيل
بيكم الحادي مو لله من مر بالضعن
شوفي اخوتج يكلي عرايه بلاجفن
وشفت يهلي ماشفت
غصبن اعليه ارحلت
ــــــــــــــــــــــــــــــــــــــ
عالجثث كلبي يرف
جني ضيعت العرف
بلايه روس شلون هذا وهذا اعرفه
هذا ياهو المنكلب
عالوجه فوك الترب
حسين كون حسين والله والله وسفه
شلت جفي وسلمت
هوه مو هوه كلت
وماردت بالخوه اطلبنه واحلفه
كتله ياخويه اطمئن
بزينب الحره اشتظن
الها عين وعاليتامه لحظه تغفه
بعيني اباريلك اعيالك بطول الدرب
لايظل بالك اطفالك بنص الكلب
باليتامه اتكفلت
غصبن اعليه ارحلت
ــــــــــــــــــــــــــــــــــــــ
ناكتي بدرب السبي
يكود بيها الاجنبي
وهاي عد زينب يهل زينب جبيره
ابجي مايرضه واون
وانه كلبي منسحن
عفت اخوتي بكربله وماخوذه اسيره
ابجي سكته بلا دمع
من ادمع انصفع
تنولي وليه التظل بلا عشيره
من يركظون الهزل
عمده يوكع جم طفل
واذب روحي وبصعدتي احتار حيره
كل طفل طايح اركظله اصعده بناكته
والمثل حالي صعبه نزلته وصعدته
عاليه الناكه وحرت
غصبن اعليه ارحلت
ــــــــــــــــــــــــــــــــــــــ
كلبي كلما ينجرح
التفت صوب الرمح
احط عيني بعين اخيي واشتكيله
ولو يحس الشايله
بعيني من اتصد اله
يهز رمحه ويوكع الراس اعله حيله
روس واطفال وحرم
طايحه وجندوب الم
حيل ماظل بيه والسفره طويله
فوك كل هذا القهر
ينشتم فارس مظر
لو كلت عندك علي زينب دخيله
ياعلي احظرنه مرمرنه يابويه السبي
من ظربهم متن ماظل وظلت عبي
مدري جم موته متت
غصبن اعليه ارحلت
ــــــــــــــــــــــــــــــــــــــ
يهلي لسوك ادخلت
وفرجه للوادم صرت
شمال هاي الناس تتفرج علينه
حتى للحرمه انكرو
وبينه باعو واشترو
سوو الما صار والما دار بينه
يأشر البت فاطمه
هاي بيش الخادمه
متربه من شافها وحمره عبينه
الجاي والرايح يذب
حجي يحرك بالكلب
بين هذا وذاك نستر بدينه
هذا يرمينه بحجايه والثاني بحجر
هنا كلت وين ابو الغيره عباس الكمر
شكد بجيت وحشمت
غصبن اعليه ارحلت
ــــــــــــــــــــــــــــــــــــــ
ياهلي صار الضعن
سالفه بكل اللسن
واسم زينب عرضه بحلوك الشماته
الوي اهلها ماتذل
عدها مايثكل حمل
والاخو خيمه وستر يستر خواته
من تضيك اتعاتبه
وبالحميه اتطالبه
يحظر ويفدي لخيته كل حياته
عدل ميت تندبه
وتظل دوم بشاربه
تلهج باسمه بحياته وبمماته
لمن اتوازه احتازه يحظر شدتي
خيمتي وشاني يخواني وانتم هيبتي
تغربو واتغربت
غصبن اعليه ارحلت
حسام الحسني
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
العلاقة بالإمام المهدي هكذا
واحد عنده شمس 🌞
وعنده مجموعة شموع 🕯
خلي يكون عددهن 100
لو يطفن 10 مايأثر عليه
يطفن 50 ما يأثر عليه
يطفن كلهن ما يأثر عليه
ليش لأن هو عده شمس
فما يأثر عليه شيء
الي عنده #صاحب_الزمان الي هو
(شمس الوجود) الدنيا شما يخسر بيها
ما ينكسر لأن هو عنده صاحب الزمان .
معادلة بسيطة دون تكلف ❤️
( جا ياهو الهة )
صعبة العلوية بوحدهة
بلاية حسين ولا كافلهة
مو هضمة هل الكسرة جا ياهو الهة
جا ياهو الهة
____________________
من درب السبي ملجومة يل خوة
كوة اسحب نفس عل ناكة بل كوة
مدري شلون عدلة وانة اتلوة
الروس تأذيني جنهة تحاجيني اتعبني هواي
الشامت باوعلي عمدان بجاني يشمر بل ماي
شلون اتحمل مو صعبة … روس اخواني وعد غربة
مو هضمة هل كسرة جا ياهو الهة
جا ياهو الهة
————————
علية اليلي لو جلجل يأذيني
اخاف بل بجي يسمعونك ونيني
وانة شحمل إذا شوكي يجويني
اخاف يسمعوني كلهم يولوني ابجي بلا صوت
انضر الاخواني الشامت اذاني بل روس يفوت
الماتو خوانة يتعبونة …. يحركون كليبة يسبونة
مو هضمة هل كسرة جا ياهو الهة
جا ياهو الهة
————————-
يااهل زينب ترة زينب سبية
بتكم من تعبهة تمشي محنية
الحكولي ياخوتي حيل مابية
حيلي متعبني كل طولي محني بفكد اخواني
الغربة تجويني ياهو يباريني ماتو ولياني
صعبة الاجناب يشوفونة ،،،،،، فوك الشوف يطكونة
مو هضمة هل الكسرة جا ياهو الهة
جا ياهو الهة
——————
ياخوتي الموت ما يرضة يصد لية
ما احمل اروح الشام مسبية
تمنيتة يجينة روحي مجوية
ما تجبل ياموت الخنكة بهل بصوت ماتت دنيتي
جيبولي التابوت ولا عل القصر نفوت تكتل عبرتي
شلون اتحمل هاي الغربة…. بعد اخواني كلش صعبة
مو هضمة هل الكسرة جا ياهو الهة
جا ياهو الهة
————————
انة ما مـتعلمة اضل واحدي
هسة بلاية اخوتي وشمر يحدي
كاتلني الهضم انة وحك جدي
جا يمتة تكعدون مكسور انة ام عون بوحدهي بسبي
بل سوط يضربون ماتن لية امتون يضربني اجنبي
شحمل وانة ايتام وياية … من يبجون اتأذة هواية
مو هضمة هل الكسرة جا ياهو الهة
جا ياهو الهة
✍🏼: يونس علي الكعبي
#أبوذية
مولاتي العقيلة زينب روحي فداها
هلي الحته طفلهم٠٠٠ ماتم الهم
على الهزل نصبنه ٠٠٠ ماتم الهم
الچانت گبل روحي٠٠٠ ماتملهم
طحن طحنتهم أخيول آل اميه
ملا علي
#اللهم_عجل_لوليك_الفرج
مشتاكه الك يحسين ولفركاك ما بيه
تعرف يتعب الشوك شلون بشوك مسببه
فركاك حزن سنيني .. طاريك يجرح عيني
مشتاكه الك يحسين ولفركاك مابيه
ــــــــــــــــــــــــــــــــــــــ
البعد غيرني لا عمري ولا حال الأمس حالي
جروح الذكريات وياك ثكيله اثكل من احبالي
تعب كلبي خويه الشوك رغم نحرك مشه كبالي
بس وين انته يم اختك ووين انته برمح عالي
اختك وابقى وياك شو مني يبعدونك
كدما بعيد الراس ما اجت عيني بعيونك
منعو حتى ونيني .. وطاريك يجرح عيني
مشتاكه الك يحسين ولفركاك مابيه
ــــــــــــــــــــــــــــــــــــــ
من عفتك اسم خويه اعرفت منها العمر لحضات
مره امشي بفخر خوتك ومره امشي بحجي الشمات
لجمة فركتك يحسين عودت كلبي علـ لجمات
مشيي بلا مروتك موت كضيته الدرب عثرات
والنوك موش النوك بيهن جيت بمروتك
سلبوهن لمن طحت انته وخفت صوتك
ياخويه معذبيني .. وطاريك يجرح عيني
مشتاكه الك يحسين ولفركاك مابيه
ــــــــــــــــــــــــــــــــــــــ
ما ادري النهايه شلون حصل بيه الما حاصل
سيلة دمك اعله لكاع دمعي اعله الحبل سايل
بغصة السوك بلوادم ادخلت لا اسم لا كافل
فر فريت الولايات راسي من الخجل نازل
طبيت خويه دروب وانته وياي ما طبها
مدري النهايه شلون وهذا شفته باولها
ليوين موديني .. وطاريك يجرح عيني
مشتاكه الك يحسين ولفركاك مابيه
ــــــــــــــــــــــــــــــــــــــ
وصلنه لباب بي زادت. الكسره خويه لبضهري
وكفت كباله وبلا راي يبن امي بجرح خدري
تيهت الفكر يحسين شنهي يصير ما ادري
لحضه ولنهم يفتحوه اشوف الجان مو كدري
معيدين أهل الشام جي شافوني مجتوفه
يدرون اني ام العون بلعز خويه معروفه
معيدين جي سابيني .. وطاريك يجرح عيني
مشتاكه الك يحسين ولفركاك مابيه
ــــــــــــــــــــــــــــــــــــــ
كعدت اني بمجان اضلم ارضاها يخويه شلون
جا هوه لكطع نحرك هم يهتم بحال ام عون
كل هذا واكول اهون شنهي الي جرالي يهون
بس مال اكعد بديوان ولشمات وكحه عيون
توسطت الايتام صارو خيمه فوك الراس
ينشاف طولي شلون ويعرفوني اخت عباس
وبهاي شينسيني
وطاريك يجرح عيني
مشتاكه الك يحسين ولفركاك ما بيه
اللهم عجل لوليك الفرج
_ مصطفى سلمان
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#أبوذية
مرّه الحيـدر اعيوني .. مرلكـم
يهلي ما وصل طارش .. مرلكم
ويگلكم بالسبي راحت مرلكم
ونه چـان المثل مضروب بيه
الشاعر رعد الجريخي
#اللهم_عجل_لوليك_الفرج