42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
اعظم الله لنا ولكم الاجر باستشهاد سيدي ومولاي القاسم بن مولاي موسى الكاظم ابواب الحوائج صلوات الله وسلامه عليهما
Читать полностью…
مولاي القاسم روحي فداه ( غربه عايش)
عذبت روحي المصايب ياهو اشــــكيله واعاتب
غربه عايش كل حياتي امفارك اعزاز وحبايب
***
آيروحي عيشـــي غربه ماكو واهـــــس بالعمر
اتبدل اسمي الجان قاسم واجرعت مـــر الصبر
راح ابقه ابجي وانعـــــه ودمعي يتجــــاره جمر
حكي احزن جرحي يكبر دنيتي صـــارت كَـــبر
تاكل ابروحي المواجع مانشـــف ماي المدامع
اكبالي تتــــراوه وفاتي امفارك اعزاز وحبايب
***
صعبه صعبه العاش وكته ابلا عمام ولا اهـــل
ابعيد عنهم كلبه ضامـــي فاكد بروحـــه الامل
اشلون انامن ليلي حركَــه مثل المتانـــي الاجل
بكلبي شايل ضيم ديـــــره وهمـي اثكل من جبل
ركدت حيلي البواجي ياهو اشـــكيله واحاجي
داير اعليه مماتــــــي امفارك اعزاز وحبايب
***
وكتي منبر واقره مجـــــلس عالمشــــــو يوم الطبك
راسي شيب كلبي عطـــــب داوي نـــــار ومحترك
بعيني عاشر عطش صحره وصدر بس شابع سحك
اقمار تهوى اعله الوطيــــه وهيه آيــــات العشـــــك
حكي مانــــــــام الليالي بالي ماناســـي الغوالي
امن البجي يبست لهاتي امفارك اعزاز وحبايب
***
حكي انعه اليوم كلــــــه ويكسر بضلعي الألم
اضلوع جدي طاحـنيهه وفاري دلالــه السهم
وعمتي زينب آيزينـــب طاحت اعليـــه الخيم
فرهدوهه وســـــــلبوهه وجتفوهه اوي الحرم
عمتي ابيـــــــن العواذل من بعد عين ابو فاضل
امن الدمع نكعت عباتي امفارك اعزاز وحبايب
***
الغربه مره راح اموتن ايعن عمتي اعله الغرب
انه زلمه وموش مسـبي ولارحـــــت ذاك الدرب
ابلا خرايــــب بايت آنه ولامتن منــــي انضرب
لابناتي جتفــــــــــــوهه ولا على طاغــــي تطب
آيروحي اشـــكد عذابــج شيبتي انتي ابشــــــبابج
الموت اريدنه ابراضتي امفارك اعزاز وحبايب
****
ابو علي الركابي
#قريض
لمولاي القاسم بن الكاظم
صلوات الله عليهما
ومشرّدٍ في الأرض وهي حلالهُ
ضاقت بهِ ذرعاً كحالِ القاسمِ
هذا أخو السلطان ماتَ بغربةٍ
رهنَ الأسى كأبيه موسى الكاظمِ
لا زالَ يعملُ ساقياً وهو الذي
جبريلُ يأتيه بهيئةِ خادمِ
حتّى قضى إثْرَ السقام وعينهُ
تجري على ابنتهِ العزيزةِ فاطمِ
يبكي عليها وهي بين حماتها
محجوبةٌ في فيء كهفٍ راحمِ
لهفي على ذاك الذي في كربلا😭
أضحت يتيمتهُ أسيرةَ ظالمِ😭
تُسبى وتُضربُ وهي جدُّ مروعةٌ😭
من شامتٍ تُهدى لآخر شاتمِ😭
علي عسيلي العاملي
#اللهم_عجل_لوليك_الفرج
شهادة المولى القاسم ابن الامام الكاظم عليهم السلام
غربت هالعمر .. تـاخـذني الحـزن عمتي
ياضيم اليسر .. مـا فارگـني كـل وكـتي
دمـعـة عـيني تـتبده
تكتل عيشة الوحده
...................
كـل هـذا العـمـر عـشتـه بـغربـه وديـره مـاعــنـدي
وانـه ابـن الاطـيـاب اشلون تـالـيها عـشـت وحدي
صـرت سـگـاي بـالـديــره و سلـطـان الخلـگ جدي
عشت غربة خوات احسين ودمعي يسولف بخدي
غـريـبه صفنتي .. وغريبه الـگـاع مـو گـاعـي
جبـيره غربتـي .. ودموعي الوحشتي متاعي
غربتي مو حجي ومُده
تـكتل عـيشة الـوحــده
.......................
الـيسئـلونـه على اسـمـه يـگـوله وايـوگف ابطوله
بــس انـه الـذي عني يـسـئل اســمـي مــا گــوله
يـاهــو مـثلي عـايشها يـخفي اسـمه عـله الحوله
انـه مـن بـنـي هـاشـم و مـا احـجـيها مـعـقـوله
عشت ابلا اسم .. بس روحي التعرف اسمي
حيلي ينـهدم .. وجـووه الساده مـــو يمــي
الضايع اسمه شيرده
تكتل عيشة الوحده
....................
الـغـربـه الاحـنـه عـشـناهـا مـامـرت عـلــى الوادم
جـنـها الـغـربـه مـكـتـوبـة بـس اعـلـه بني هاشم
صعبه انه ابسلف سگاي وابوي اعله الخلگ حاكم
وانـه ابـن الـسمـه والـگـاع وتـالـيـها اضــل هــايم
جـدي الــمـرتـضى .. وسگاي اصبحت كلفه
واخو گلبي الرضا .. بروحي اشگد اله لهفه
مشتاگ الـدفو زنده
تكتل عيشة الوحده
...................
امشـي بـصف نهر واحـجي وي ماي الشرب عتبه
مـايـك يـانـهـر عـالـگـاع كلـهـا اتـضوگ من عذبه
لـيـش احسين يـوم الـذاب مـن كـثر الضمه گلبه
مـارحـت وتـعـنـيتـه ومــن گـطـراتــك اتـشـــربه
لازم يـــانــهـر .. انت التمشي لخيامه
مسكور الظهر .. يـمك طـايح احزامه
ضامي ويحلف بجده
تكتل عيشة الوحده
..................
ابـنيـتي اتـرد الـي تـبـجـي كـل عـصريه مـهظومه
يسـمـوها الـخـلـگ بـنت الـ غريب الضايعه اعلومه
واذكر غربة اخت احسين الطلعت تبجي بالحومه
هـم صـاحـو عـليها اخت الـ غريب السلبو اهدومه
ويلي بكربله .. زيـنـب عـمـتـي بــجـوها
ابن امها عالفله .. حته اهدومه سلبوها
هاي الحيره والشده
تكتل عيشة الوحده
ابو حميدة الشويلي
اللهم عجل لوليك المنتقم الفرج
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
( #أنت_ليلة_القدرِ )
حيث قال الامام الصادق ع ( من عرف فاطمه فقد ادرك ليلة القدر )
…………………………………………………
أنتِ ليـلةُ القدرِ •• يا مخفـيّةَ القـبرِ
يامن ثاركِ يبقى •• حتى مطلعِ الفجرِ
( حسب التفسير مطلع الفجر هو فجر الامام المهدي عج)
…………………………………………………
عن الصادق التفسير • ليلة قدر شرحاها
الليله تعني ام حسين • ولله القدر معناها
يعـني فاطـمة الله • الذاته الـباري نسباها
شگد ربج يحبج حيل • ولج هالمنزله انطاها
يا مـحبوبةَ الـباري •• فطمتينا من النارِ
يظلُ الضلعُ يشجينا•• حتى مطلعِ الفجرِ
…………………………………………………
القدر و اثلاثه ليلاته • تتطابق وي رواياتج
الـ ١٠٠ ركعه ما تُقبل • اذا مـو بيـها آهاتج
ليالي الفاطميه آذان • والقبله اصبحت بابج
ما نتوضه ابد بالماي • تطهر المجلس انفاسج
فأن اللطمَ ركعاتٌ •• وضربُ الوجه سجداتٌ
صلاةٌ وقتُها دائم •• حتـى مـطـلعِ الفـجرِ
…………………………………………………
وما أدراك ما القدري • ومـا ادراك ما الزهـره
يثق بيها الجليل اهواي • بيها مخلي كل سره
ما خلقاها من اتراب • سوه من العرش شجره
تفاحـه ومُحـمـد هاك • امـك انـت و العـتره
نبيٌ لسـتَ بالابتـر •• فكلُ الخيرِ بالكوثر
ونسلٌ طاهرٌ يمتد •• حتى مـطلعِ الفجرِ
…………………………………………………
خيرُن من الف شهرن • خيرُن من نبي ومرسل
ياروح القـدس انتي • بيـج الرحـمه تتـنزل
انشوده اسمج و ربج • بيـها اعالخـلگ رتّل
جمع سبعت سماواته • عبايه لأم حسن فصّل
ايا حوراءُ أنسـيّه •• ودوماً انتٍ مرضيه
ويبقى سركِ خافي •• حتى مطلعِ الفجرِ
…………………………………………………
يا ليلـة قـدر و بـ آه • وكـت السحـر تتـشيع
وابن عمها الگمر مخسوف •عليها بألم يتوجع
يتامه او يل نعش نجمين • دمع بعيونهم يسطع
و بتها المن دلال وشوف • ابد ما لحگـت تشبع
تُحاكي البابَ بالـعينِ •• كسرتَ منها ضلعينِ
ويبقى قلبي مكسوراً •• حتى مـطلعِ الفجرِ
…………………………………………………
سلامُن هيه محفوظه • مهـما يفعـل الظالم
من باب و حرگ بالدار • وبسمار بضلع فاطم
ومن شمر التعنه حسين • ظل اعالصدر جاثم
ابدمج و بدمه اولادج • ظل هل معتقد سالم
مهما اطفؤا النورا •• يظلُ الدينُ منصورا
لواءٌ أنـتِ خفّـاقٌ •• حتـى مـطلعِ الفجرِ
…………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
من الزهـره متهشم ضلع هاليله اشد مصيبه
يا لطم يكفي ويا دمع.هاليله اشد مصيبه
لطم الصدر خل ينسمع.هاليله اشد مصيبه
من دون شك وريبه.
هاليله اشد مصيبه
............................
بهل ليله حرگو دارها.هاليله اشد مصيبه
وضل بس يباوع جارها.هاليله اشد مصيبه
ضلت وحدها بنارها.هاليله اشد مصيبه
امنين الامير تجيبه.
هاليله اشد مصيبه
........................
محسنها طايح عالارض.هاليله اشد مصيبه
وضلوعها مرضوضه رض.هاليله اشد مصيبه
ونحيله هيه امن المرض.هاليله اشد مصيبه
ومامش لفاطم طيبه.
هاليله اشد مصيبه
..............................
بهاليله لا تبرد ابد.هاليله اشد مصيبه
لزهره راح آخر ولد.هاليله اشد مصيبه
وبعينه مسطور الورد.هاليله اشد مصيبه
والورد نار تصيبه
هاليله اشد مصيبه
...............................
فالدمعُ مُهراقً هَتَنَ هاليله اشد مصيبه
عالراح من عدها ابن هاليله اشد مصيبه
عن زهره بالسر تندفن هاليله اشد مصيبه
هاليله اشد مصيبه
هاليله اشد مصيبه
حسن يونس التميمي 📝
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يمتى اشد ليك الرحال انَ حالي شرُ حال
يــمتى تلزمــني بأديك ذَاتي ترجوُ للوصال
..................................
نظره منك بلكي ترزقني أجي
نظره منك تختصر كل الحجي
نظره منك هذا كل الارتجي
هي بس نظره بعد تحط ذاتي يمك
ويالرضا يمك أجي كل قوتي اشمك
واخذك من الصحن يم گلبي اضمك
لان لو شفتك بعد يجذبني رسمك
ولگه يم بابك حنان لم أراهُ في مكان
عايف بظهري الزمان أنت قصدي والسؤال
يمتى اشد ليك الرحال
.....................................
بيش احلفك عليك ضلع ام الحسن
بيش احلفك جيبني بسد الصحن
بيش احلفك ضايع وأنت الوطن
يا علي بداعة علي تقبلني اجيلك
سيدي من البعـد عبـدك دخيلك
انه منك سيدي ارد اشـتـكيـلــك
اقبلني اصيح بشكوتي وصبح ذليلك
ذلتي ابابك نجاة أنت يا سرُ الحياة
جنه يم صحنك صلاة هذا ما عنهُ يُقال
يــمتى اشد ليك الرحال
............................
شيسوه عمري من اضل عنك بعيد
شيسوه عمري بنص هلي وشعر وحيد
شيسوه عمري فدوه مد من عندك ايد
ضلمه دونك دنيتي يضويها نورك
يرجع الريتي النفس بس من ازورك
كلشي گلته بداخلي هالمره دورك
لو اجي لو ما اجي بثلي شعورك
لا تجي خايف تكول سيدي يبنَ البتول
قبلني احلفك بالحسين ذاكَ مَن فوقَ الرمال
يــمتى اشد ليك الرحال
.............................
يبنَ موسى ضمني يمك كالغزال
يبنَ موسى انتظر كلمة تعــال
يبنَ موسى منها ونوي للرحال
للعراق أرجو بلطف طرفك تديره
عبدك لذاك الصحن خانگته حيره
عليك امشي بت علي الراحت أسيره
زاير تسويني وتسهل الجبيره
سيدي من العراق أشكو من ضيمِ الفراق
عمري يركض جن سباق خُذني عُمري لا يزال
يمتى اشد ليك الرحال
....................
حسن يونس التميمي
السلامُ عليكَ يا سيدي الرؤوف 💔
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
كأني بمولاتي زينب لما رأت نعش امها محمول روحي فداهما قالت💔😭
انا بحلم لو صدك يمـــــــــي
المطروحه هاي اجنازة امي
يعني اليتيمه صــــار اسمي
واسود يظل للموت هدمي
ــ
فلو الچفن خل احــاجيها
زينب اگلها ياهو ليــــــها
نار البضلعج دوت بيـــها
يم المحنه جاوبيـــــــــها
ــ
طلّعت ثوبــــــــــج گمت اشمه
مضموم يم زينب بدمــــــــــــه
الصدري امن ادنّيه ظل يلجمه
شفته وعساها العيـــــــن تعمه
ــ
حاجيني يُمه جلمه وحـــــده
الماعنده ام جفنه اشيســـده
خليني انا اونينــــــي اهوده
لاجن ونين حسين شـــــــده
ــ
شتصير زينب بالله شتصير
بوالدها لو بخوانها اتحيــــر
للباب من اعيونها اتديـــــــر
تسمع بضلعج صوت تكسير
ــ
طشرنه موتج واشيلمنــــــه
شوفي اشعملتي بينه يَمنــه
من البجي اعليج انهدمنــــه
ظل زلمه يتوچّه اعله زلمــه
ــ
طحتي يخيمتنه الجبيــــره
ويتمتي زينب واهي ازغيره
اخوتْها يمها وجنها اسيــــره
حيرة وداعج والله حيـــــره
ــ
روحي بريت الذمه روحي
ماراح ابطله اعليج نوحي
بس مرّي بالعاشر يروحي
بيّه تره يكثرن اجروحــي
ــ
الأقل علي محسن الزيادي
#اللهم_عجل_لوليك_الفرج
عيش وي احزانك صاحت روحي
راحت ام بيتي وراحت روحي
من ودعت الحبيبه
عشت بدنيه غريبه
بعد الزهراء
...
ذابل حزن وجه السمه
غيمه وعشت عمري بضمه
من ايدي راحت فاطمه وماخذها التراب
الهاظمني بابي يندفع
وبچفوفي خيبر منقلع
من صدري كسر چم ضلع
ما يعلم الباب
المن اسولف دمعتي والناس ما هُم ناسي
والشيب بيّن بالگلب من گبل شيبة راسي
وبطيف مساهر هامت عيني
تنام الدنيه وما نامت عيني
بجمرة گلبي ولهيبه
عشت بدنيه غريبه
بعد الزهراء
...
ما ينگضي ليل الهجر
وبعالمي مات الصبر
روحي ادفنتها بالگبر عايش بلا روح
مخنوگ ودعني الهوه
دنياي ظلمه بلا ضوه
مجروح ادور عن دوه تلچمني الجروح
چنت من اشوفن فاطمه انسه الجروح البيه
تشتاگ روحي والتفت ام الحسن ما هيه
اطول من كل حسراتي ليلي
ونجومه بگد دمعاتي ليلي
جرحي ميت طبيبه
عشت بدنيه غريبه
بعد الزهراء
...
هيهات ما يرجع امس
والدنيه دارت بالعكس
البسمار ذابحلي شمس ما يملك احساس
بيا ذنب محسن فاطمه
يتوضه وجهه بالدمه
مقتول بالعتبه انرمه يا ءيها الناس
من گبل لا يشتم هوه دخان ترسو صدره
وانعرف عند اهل السمه المحسن شهيد العصره
للمحسن اعلگ شمعه ويلي
مثل امه اتكسر ضلعه ويلي
صعدت روحه خضيبه
عشت بدنيه غريبه
بعد الزهراء
...
مات النده ومات الفجر
عايش حياتي شنتظر
يا ريته ما طال العمر بعد ام الحسين
عافتني مكسور الگلب
ومفارَگ الغالي صعب
مثل المطر دمعي يصب ما فارگ العين
طيف الاحبه ما يُمر بهالسبب كاره نومي
مكتوب لي اكضي العمر بين الدمع وهمومي
خل يرخص دمعي ويرخص عمري
يا ريته بلحظه ويخلص عمري
هو الراح شيجيبه
عشت بدنيه غريبه
بعد الزهراء
...
لباقي حياتي ما ردت
وابيت الاحزان اگعدت
واعله المناحه تعودت انه ويتاماي
ساعه اصبر بالحسن
وحسين فاگدله وطن
زينب يعذبها الزمن ويلا يدنياي
سبحه ويطشرنه الوكت من مشت عنه الزهره
طبره وطشت بس الاشد لحسين ينحز نحره
بعد حسين يسلبوها زينب
تصعد هزله ويسبوها زينب
يوم العاشر مصيبه
عشت بدنيه غريبه
بعد الزهراء
...
خادم الحسين ( عليه السلام)
كرار حسين الكربلائي
( ابو كميل)
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
((عاوني))
عـــاوني ( يـباذر ) روحـي مشلوعه
بنص البير احسَن روحي مــدفوعه
خــيبر بيد وحــده اقـــفاله مقلوعه
بــس تــابوت فــاطم تـهتز أضلوعه
((تابوتچ يفاطم هادل امتوني))
"""""""""""""""""""""""""""""""""""''''''''''
عثــرةّ فاگد اتبين على أعيونه
اذا يعــثر تشوف الـدنيا بمتونه
يتــغير الصوت وينخطف لونه
ساكت حتى لو وادم يحـاچونه
((حتى الكلمه صارت گوه يحچيها))
"""""""""""""""""""""""""""""""""""''''''''''
ارحــمي بحـالي يـمّ حسين ومروتچ
من بيتي هــضيمه وينخطف صوتچ
يـحتـى وبــالحلم مـــاينعـــقل موتچ
وجَناز آنـــه هـسه وبـــيدي تـــابوتچ
((ادفنوني يوادم لا تدفنوها))
"""""""""""""""""""""""""""""""""""''''''''''
أرد والحيره تترس نضـرةّ عيوني
يـعـمـار ابــن ياسر آنــــه ادفنوني
اذا زينب تگلي شحچي حـاچوني
بـيمـن اعـتذر لـــــو عنها نشدوني
((البخدوده التراب أعياله يردونه))
"""""""""""""""""""""""""""""""""""''''''''''
انطوني الزهره بيدي وآنه اودعها
يــــا سلمـان عدها ضلوع توجعها
اريد بهيده مـــــو فد مره اضيعها
اريد اشبع نضر وأمسح مــدامعها
((انطوني الزهره بيدي ولاتلچموها))
عبد زينب
محمد الابراهيمي
الفقراء جرح بقلب صاحب الزمان
فهنيئا لمن سعى لعلاج هذا الجرح
ولو باليسير وما كان لله ينمو
المشاريع الكبيرة بدأت من ألف دينار
لو كل خمس خدام يتكفلون بعائلة واحدة راح نكدر نطيب گلب صاحب الزمان هواي
لو عمه عيوني ظلام ذنوبي
فاطمه الگاها ضوه لدروبي
ــــــــــــــــــــــــــــــــــــــــــــــــ
من تّقسي گلوبنه ذنوب السنين
نصيح كل احنه دخيل ام الحسين
هيه حبل الله ياناس المتين
ترضى عني الزهره كل مطلوبي
ــــــــــــــــــــــــــــــــــــــــــــــــ
نور فاطم نقتبس ولها سلم
يضوي كهوف الجهل نور العلم
السيف مو فشله ابد من ينثلم
الفشله مايفزع وضمه بثوبي
ــــــــــــــــــــــــــــــــــــــــــــــــ
بكلمة الحق فاطمه ترفضه الحياد
الك موقف كون وتعرفه السداد
العاش حر يرفضه حكم الانقياد
فاطمي نهجي يضل وسلوبي
ــــــــــــــــــــــــــــــــــــــــــــــــ
اليمشي وي ال النبي يعيش بأمان
والنتيجة الاخرة الدنيا امتحان
التبع فاطم بالگلب مو بالسان
الجنه نادتله تعال الصوبي
ــــــــــــــــــــــــــــــــــــــــــــــــ
مسك تسبيحة الزهره بكل فرض
وبيها ما خافن صلاتي تنرفض
تفتح ابواب السمه عالهل الارض
وذكر فاطم زادي ومشروبي
ــــــــــــــــــــــــــــــــــــــــــــــــ
واخر امنيتي يربي بهالحيات
اضل اخدم فاطمه الحد الممات
وابچي للضامي انذبح يم الفرات
حسين عشگي وروحي ومحبوبي
ــــــــــــــــــــــــــــــــــــــــــــــــ
📝 محمد عباس المشعلاوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
شوط كربلائي (لمولاتي فاطمة الزهراء)
هاي الليلة صعبه هواي العرش بيهه لزم گلبه
ترجل بيهه فعل ابليس واتجلى لذوي القربى
مدري شبيهه هالليله النهار انشوفه صار اظلم
ملك يحجي انكسر قرآن؟ وملك ثاني يكول اعظم
اظطرب كلشي وصبح كل بير ايي سر عنده ماينضم
سؤال يطخ جتف الافكار
صارت شغله باهل الغار؟
صارت شو حزينه الدار!! ؟
وضم راسه الفعل ياحيف (والخل نفزع) بغربه
… ..
السهل صار اصعب الشغلات والصعبه صفت سهله
البيت البي كُبر جبريل شعجب هالنار توصّله
انتشر عصيان فعل الخير والشر صاير القبله
واجت ضلمه جبيره هواي
الفكر مالتهه منع الماي
رايتهه (وإن) من هاي؟!
وبدت تتوضح الاحداث بشجم حسره مو حَسبه
… .
معسكر بي ضلع فاطم وحكمة حيدره وصبره
ومعسكر بي جحود ابليس صبح عنوان للفكره
حرب بيهه اليموت يعيش ويعبر منتهى السدره
ويأسس فكرة اللازم
ويصبح سيد وحاكم
وحجه ايصير عالفاهم
نعم اني احجي عن حرمه تّسهل لكل نبي الصعبه
……
نفخ رفض الغدير (ال لا) وتجهز عسكر الغادر
وتجهزت فاطمة الزهراء بكلمة ياعلي وحاضر
حرب حملت فده وايثار انولد منهه تره العاشر
باب الله انعصر وانصاب
وسقط منهه أولي الالباب
وغَضب مد راسه باستغراب
وتجهز للخروج وكام بس حيدر عِرض دربه
… .
علت نار الحقد بارواح خفت بيهه كلام الحك
ويقين الله بقت بالبيت خلف باب وتخاطب شك
اختفت خل نفزع لحيدر وعله صوت الكسر والطك
ملائك كلهه منذعره
وكلهم حاروا بفكره
بس لا ماتت الزهره
وفتره اتوقف التسبيح وعِله الترتيل بالنُدبه
… .
ووكعت عُجبة الرحمن وبدت الاحزان تتكور
وسوره اتحشم بسوره وسفه انصفعت الكوثر!
وقرن لطمية موجوده ويرددهه اضن حَيدر
باب اثكيله جانت حيل
لو تهوه اعله كاع تميل
طبكت عالزجيه بويل
باب اثكيله من جذوع ومنها اتكونت جِربه
… .
الولايه تريد صرخة دين صداهه يردد البرهان
ومن دمع الحزن أشرق شعاع النصره للفرقان
انرفع راس الضمير هواي واتبختر مشي الايمان
وحيدر صبره كام ورَف
النصر يبدي ابزوغ الطف
بنحر لو رتل المُصحف
ترجع قصتي لاول بيت العرش بيهه لزم كلبه
… .
مجتبى الدفاعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#ابواب_الانتظار
عله ابواب انتظارك تبچي روحي
شفاء لگلبك انذرلك جروحي
بتقصيري وشاريني .. مِشتاگه إلك عيني
♕♕♕♕♕♕♕♕♕♕♕♕♕♕♕♕
سباني افراگك وهَمّك ،،، ذبّل كلشي وردت يمّك
احلفَك بالزچيه امّك ،،، دليني يمهدي اعليك
ملامح حزني فضحتني ،،، رساله ابريح ودتني
اعله دربَك روحي خلتني ،،، يمالكني اخذني ليك
انه واحد مايعرف .. يشتاگ شلون
هل گلبك حاسبني .. امن اليشتاگون
ما هَمني ابيا ديره .. صاير مَسراك؟
لا انه امتاني ولا .. من ايسألون
اريدَن مره نتلاگه واشوفَك
وتلوذ اچفوفِي مَولاي بچفوفك
لگلبك نَسمه وديني .. مشتاكه إلك عيني
♕♕♕♕♕♕♕♕♕♕♕♕♕♕♕♕
غرّتني الحياة اهواي .. التهيت بدنيتي مولاي
يغاية دمعتي ورجواي .. تقبلني يابو الرحمَه
انه العنّك مشيت بعيد .. احبّك رايد امن جديد
رضاك اعليّه أكبر عيد .. وضياعي بعطفَك اتلمّه
انه عاشگ بَس ذنبي .. امعطّلني عليك
دليني بيا ديره .. اعيوني اتلاگيك
الچمني ولا وحدَك .. مَلچوم اتعيش
كلشي ولا تحسبني .. ذنبي مأذيك
اضَل بلا لقاءك والله صعبه
اليحب لازم يشوف الي يحبّه
گضت بفراگك اسنيني .. مشتاگه إلك عيني
♕♕♕♕♕♕♕♕♕♕♕♕♕♕♕♕
انه الوديت الك مرسال .. ومايخفي عَليك الحال
چتّال الهَجُر چتّال .. ارحم دمعتي ونوحِي
عذر ماعندي الك واجواب ..شني امعطّلني يا اسباب
اعتذاري اويه النسيم الهاب .. وديتَه يبو جروحي
بكل شِدّه اتصبّرني .. وتگلي اتهون
وگفاتك ما تنعد .. نجازيك شلون
يمغرّكني ابخيرَك .. شكراً مولاي
الماشافنّك المَن .. حاسبهه اعيون
اموت وما اشوفك يا حبيبي
حِنين وادري يوصلّك نَحيبي
بقيت ابهمّي واونيني .. مشتاگه إلك عيني
♕♕♕♕♕♕♕♕♕♕♕♕♕♕♕♕
لگيت ابمجلس العشّاگ .. دمع شوگ وانين افراگ
الهوَه ابريت اليحب خنّاگ .. ونريدك نسَمه تانينه
هويناك ابگلب محتار .. ذنوب وماكو عِدَنه اعذار
مِثل الحر عليك اندار .. وچفّك يمسح اعلينَه
ماعندي وبس انته .. التسوه الحسرات
گلبي يسولف عنّك .. ويّه الدمعات
فشله انحبّك لكن .. ما نندل وين
يمدوهن عشاگك .. حيره وصفنات
اليحب يعرف شني اليرضي حبيبه
وانه القلب السليم امنين اجيبه
روحي اعليك تاذيني .. مشتاگه إلك عيني
عباس خليل السماوي.
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يحل كل معضله.... اللعن والبسمله
=========================
إذا السانك لعن..... الكسر ضلع ام حسن
تأكد مولدك......... صدگ طاهر لبن
إذا لعنك كثر...... ترا يخلف أثر
توفقك فاطمه..... يمن تلعن عمر
الراد يتباهه بكثر توفيقه
يلعن الكاسر ضلع صديقه
وليگلك ذوله أصحاب الرسول
هذا ما احبه وابد ما اطيقه
يرفعك منزله.... اللعن والبسمله
////////////////////////////
الطلعت بالجمل.... على خير العمل
لعنها الله ترى..... اوحي بيها نزل
على هذا الحقد ..... لعنهه افضل ورد
لان تكره علي ....... لجهنم تستعد
عائشه صح بالشكل انسانه
لاكن بداخلها اكو شيطانه
ولذالك من بعد موت الرسول
بدأ بيت المرتضى باحزانه
وعلي محصن هله.....اللعن والبسمله
////////////////////////////
الجمع بيده الحطب...... الحرگ باب وضرب
لتعده على امرأة....... شتظن يسوى العتب
ال وأن گال ودفع....... كتلهه من الوجع
كفر بالله ونكر..... ومن المله طلع
موقضية فاطمه وبت طه
الله ايه اعله الخلق خلاها
واليذب النار عل ايه باديه
كفر بالآيات والاوحاها
هذا يرهم اله...... اللعن والبسمله
////////////////////////////
العن افضل عمل ..... بلا خوف وخجل
العنهم كل فرض...... يحس دينه اكتمل
بري طه النبي..... من الكرهن عبي
يحفصه وعائشه...... عداهن ناصبي
ذوله مو ربع النبي وأصحابه
ولا حجاب الخائنات احجابه
زوجه خيگولون صديق وصديق
ما تهمنا الوادم الچذابه
نگل لليخذله.....اللعن والبسمله
////////////////////////////
الدره ولما دره ...... ابو صالح تره
الوگف ضد فاطمه ..... يصلبه اعله شجره
بعد ماكو عذر ...... يطلعه من الگبر
يسطره المنتظر ...... عله اعيونه سطر
بصوت كلنه نصيح يامهدينه
عاشت ايدك حيل اسطره بعينه
الكاسر اظلوع امك اكسرله ظهر
هذا يومك چنه منتظرينه
يمن ثارك حله.....اللعن والبسمله
////////////////////////////
الشيخ رعد الزيدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
لمولانا الغريب القاسم بن الكاظم صلوات الله عليهما
تقول الروايه كلما ذهب الى الفرات
ليملئ القربه للسقايه كان يحرك الماء
يمينا وشمالا ويبكي
وياك عندي شـــلون عتـــبه
عالـــغرف ماي ورجــــع ذبه
وعبدالله منك ليش محروم
يبســــت لهاته شنهي ذنبــه
حسين العطش منطاه مهلـه
وخــــله بدليله شلـــون علـه
تدريبه ضل مابين الخيـــول
مت عينـــك انتــه ما رحتـله
من شبت الخيمه اعله الازغار
يامـــاي غيـــر تهــفّت النـــــار
زينب تصـــــدلك والنساوين
انتــه الســـبب بالصار والدار
غريب ابــين ناس الما يعرفوني
انهدم لمن على اهلي يناشدوني
صبح ومســــيه مغورگه عيـوني
والضيــــــعوني وين يلگـــــوني
واتذكــــرتها غربة عمــتي اتذكـــــرتها
بالحبل عتها شلون النــذل بالحبل عتها
والدايـــرتها عيون الشماته دايـــــــرتها
صح غربتـني الدنيه تــره صح غربتني
محد ضربنـي مدلل عشت محد ضربني
ما لاح متنــي سوط وحبل ما لاح متني
مابشر سـبني وصيّـح علـيّ ما بشر سبني
لعمتي ما گطعت الونّ -- بعدناي
الشماته نايها تعــزفــه -- بعد ناي
يحيف الدهر عن اهلي -- بعدني
وبالغربة عشت مثل السبيه
صــــحت ياربي گلبي -- قربه لحسين
اليضوگ امصاب رأسا -- قر بالحسـين
عـــــدل ريته واودي -- قربة لحسين
واوزع ماي لسكينه ورقيه
✍حيدر ابو كيان الفاطمي
#اللهم_عجل_لوليك_الفرج
لا نَجاةَ لي مِن مَكارِهِ الدُّنيا إلاّ بِعِصمَتِكَ. 🙏
Читать полностью…
هالليله بأصوات النحيب
نصرخ وداعا يالغريب
واقاسما..واقاسما
...
مثل مانحيي الليالي الفاطميه
ننصب اعله القاسم الليله العزبه
انواسي ابوه المندفن بالكاظميه
وللرضا انقدم تعازي بهالمسيه
ياوسفه اشراف العباد
كل واحد ايموت ابلاد
واقاسما...واقاسما
....
فاطمه المعصومه كون الليله يمه
بآخر انفاسه تواسيه وتشمه
ابشوفة احبابه الغريب ايزول همه
وماتضل الدنيه بين اعيونه ضلمه
معصومه يمه الليله كون
اخت واخوهه يلتقون
واقاسما..واقاسما
...
عنده بس ابنيه ياناس وزغيره
لااهل يمه ولايمه عشيره
بآخر انفاسه بقه الناظر يديره
عله احسين اللمو اضلوعه ابحصيره
هذا الامام اشكد حنين
يبجي وينادي اهلي وين
واقاسما..واقاسما
...
ناس الامضيفينه من شافو يعاني
والعمر ماباقي ينعد بالثواني
ناشدو عن اسمه كال القاسم آني
ابن موسى الكاظم وسيد زماني
بس الوكت بايامي دار
خلاني احن ليل ونهار
واقاسما..واقاسما
....
كلهم اخذو ابنيتي لو رحتو الوطنه
هيه الاتدليكم اعله ابيوت اهلنه
وانتو ماقصرتو يالكلكم محنه
بالحشر ويانه مثواكم الجنه
ومن غمض اعيونه الامام
سووله بالحله مقام
واقاسما..واقاسما
....
كون هاي الليله نلتم بمزاره
نلطم بحركتنه وانون بحراره
بالكلب بانين اله كبه ومناره
يا الهي ارزقنه للقاسم زياره
اخو الرضه وللحاجه باب
هالليله غطوه بالتراب
واقاسما..واقاسما
....
محمد الجماسي
#اللهم_عجل_لوليك_الفرج
إذا ما ذابحينك گوم
وإذا مذبوح ظل نايم
ـ
تعبت گلبك أختك
يبو السجاد ياخويه 💔
يازهراء عينيني عالجرح💔😔
الزهراء ص تسولف لأباعبدالله ص
تنـــــوح... من حگك يمــــه احسين
تنـــــوح...طاحولك أغــــله اثنـــين
بمحسن يبدونك..... وتالي يسحگونك٢
ـــــــــــــــــــــــــــــــــــــ
أرد اقـــــارنها المصيبه
شگد شبه والله عجيبه
مو جذع باچر حــــــوافر
تسحــگ او جثتك سليبه
طبگت الباب...هيئت اسباب
حته بــضلوعك يعيودها الجريمه
هنانه بسمار......عـالضلع ثار
يكبر البسمار ويّـشبعــــك هضيمه
بـــاب.....هـــــــــيج بيك ألام
بـــاب...لخيامك مدري شضام
مني يحرمونك....وتالي يسحگونك٢
ـــــــــــــــــــــــــــــــــــ
تبچي هسه وأبچي باچر
بابي مني اضــــلوع كاسر
أنته تتــــــگلب حدرهـــــا
تگطّعك اسيوف وحـــــوافر
عيوني اتشوف..... بگاع الطفوف
تسحگك وتصرخ يزهره وانه يمك
مالي كل حـيل...أبعــــد الخيل
أنتضر يخلص سحگهم حته اضمك
فـــااح....من دمـك عطـر الهيل
فـــااح... من گد ما سحگت خيل
عاري يخلــــونك....وتالي يسحگونك٢
ـــــــــــــــــــــــــــــــــــــــــــ
يهون كلشي الصار بيه
محسني وچويات اديه
ابني ما لحـــــــگ يگلي
يمـــه. واخـــــذته المنيه
أبنك اشلون....من يسمعون
تگلهم اخذو الطفل وانتو سگو اميه
أبني عـــطشان.... لچن عدوان
بسهم المثــــــــلث يذبحونه خطيه
يفـــــور... دم اوليدك بيـــديك
يفـــــور..تشمره ومايرجع ليك
دم تبچي اعيونك..وتالي يسحگونك٢
ــــــــــــــــــــــــــــــــــــــــــــــــــ
ناري اسهل صعبه نارك
تلتهم بالــــطف خيامك
يهضمك اركـــاض الحراير
يضيعن ابهيمه بنـــــــــاتك
ونته طــــايح......الحيل رايــــح
تطيح وتگوم وتـرد تالي تطـــــــيح
تحاول اتـــگوم...وتــــسمع الگوم
سلبو ابنــــــــــات النبي كلها تصيح
تشــوف...بصيوانك شبت نار
تشـــوف...أختك يولوها اشرار
حيل يقهرونك...وتالي يسحگونك٢
ــــــــــــــــــــــــــــــــــــــــــــــــــ
علي ايغسل بيده جسمي
ويمسح ابچـــــفينه دمي
لاچــــــــن انته من يغسلك
تبقه فوگ الگــــــــــاع مرمي
يطبگه رمُشي....... يشيل نعشي
حيدر اليـــــدفني ويهيل الــــترايب
وانته مطروح... وراسك ايروح
يوصل الشام ويبيتـــــونه ابخرايب
يروح....راسك ويه الـذباح
يروح...يتشيع فوگ ارماح
جـــثه يتركونك.... وتالي يسحگونك٢
ـــــــــــــــــــــــــــــــــــــ
تمت والحمدلله
خادم كسيرة الاضلاع ص
الملا ياسر الزيادي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
احنه اعله الماكو نعارچ
موش اطيكم بيت حسين
ما خايف والعنهم جهرا واكره بس ما گول افلان
لا والله العن واحد واحد وابديها بلعن الشيخان
ابن الخطاب المو طاهر والمو صديق وعثمان
ماجامل كتال الزهره الشاعل عل دار النيران
آنه الفاگده والجرج بسمار
وادوّر عزه أمي وين ما صار
آنه الفاجده المجروحه بأمها
وطول العمر مافتّر لطمها
رضيت ابقسمة الباري وحكمها
انحرمنا من حنان الوالده زغار
أنا الواجفه ابلا راي ظليت
يوم العصرو أمي وحركو البيت
شفت النار وأمن النار فريت
اصيح وماكو لأهل البيت نغار
اهنا واهناك ما راح الگه فزاع
يطفي النار وايشيل ال على الگاع
حگ قربتنا من جدنا النبي ضاع
وماتت مال حگ الجار عالجار
أنا الحايره ومكسورة إجناح
صوتي إمن البواچي والهضم طاح
لا ودّعت راح ولا شلت طاح
واصد باستار خدري تأكل النار
أنا الفطنت على ألهم واللطم حيل
وشالوه واندفن نعش امها بالليل
انا أخت الصار جسمه عرضه للخيل
وراح اليتبع أخته يمسح آثار
راح اليتبع أخته وين ماچان
وخلاني غريبه ابين عدوان
نار ابخيمه منا باب ديوان
ماظن تطفى ناري حتى بالثأر
احمد الهلباوي
ام حسين توجع سالفتها
علي بنص بيته ناصب فاتحتها
بين أولاده گاعد
وما دك بابه واحد
علي بنص بيته ناصب فاتحتها
_
1
من بالديره يسمع جان شده يركض ايحلها
علي الماگاطع بواحد بفاتحته اگطعت كلها
ليش اقرب انسان ل الله
يون وحده وفارغ ديوانه
فوگ افراگ ام بيته اليذبح!!
محد راح ودگ بيبانه...بهذا اليوم
ابداره اضماد الدنيه امصوّب
يبجي الزهره ويبجي اوليده
جا وصلت بي وين الغربه؟؟
وحيدر هاگد يفرك بيده..شگد مهضوم
شثگلها اتحس غريب ابين ناسك
ماگالوله حتى البگه براسك
بخده ادموعه شاهد
مادگ بابه واحد
علي بنص بيته ناصب فاتحتها
/////////////////////////////////
ألطفّه اجم گلب محروگ بيته وگلبه وج بالنار
شبيها الجوره متكتّره و ما فزعت لحامي الجار
ياكسرة جبّار الخاطر
الخلصن بالتغسيل اعيونه
الوان الناس ابخير وهوه
مدري اشگد اتغير لونه.... امن الحسرات
يتلفت مابين اولاده
ساعه ايمين وساعه أشماله
وهاي اول مره بديوانه
حيدر تهفت نار ادلاله.. شگد لجمات
گدما تانه تعبت امنياته
وغطه الحسن وحسين بعباته
حيله كله راكد
ومادگ بابه واحد
/////////////////////////////////////
امنهد ما شييع ام حسين وشيخ الساده متغرّب
على الزهره ولا واحد ابهاي الديره متنگب
قالع خيبر لازم ظهره
وازغاره ابهيده يتجوله
بالبسمار وذيج العصرة
محسن وام محسن راحوله.. برمشة عين
كلما صد عالباب ايدنگ
ويعصر گلبه ومدري شيحجي
وكل ما گالو محسن يرگض
يم كاروكه ويگعد يبجي.... يموت اونين
الوادم تضحك بذيج المسيه
ولا جن ميته بالديره الزجيه
حيدر كلشي فاگد
وما دگ بابه واحد
علي بنص بيته ناصب فاتحتها
///////////////////////////////
بده ايحاجي علي اولاده حسن صاح ولزم جبده
واويلي لمن جاب احسين وحط خده على خده
باجر هذا الخد يتجوّه
بتراب الطف المايرحم
وكل ماي ابهالدنيه ايخونك
عن عبدالله وعنك ينضم...تهضم هاي
من طگ ضلع امك طگ گلبي
انعه واتذكر موضوعك
يامذبوح امك شرد احجي
من تتكسر كل اظلوعك..احجي وياي
ولا واحد يجي بالغاضريه
مثل الزهره فاتحتك خليه
وعليلك بس يشاهد
ومادگ بابه واحد
//////////////////////////////////
ويم زينب خفت صوته
وبجه وأشر اعله امتونه
گوه أمسّكت السانه
الما سّكت حجي اعيونه
گوه ايطلع الجمله لزينب
ويتراجف حيدر من خوفه
گض جفها وصاح ودگ راسه
اخ الشام واخ الكوفه.. دموع وآه
ياعلوية بيت الزهره
باجر سوط وضيم وحيره
والتكتل حداّي اضعونج
وين المابي ذمه وغيره... واويلاه
يلماكاعده بيوم بترابه
اعذريني على ذيج الخرابه
اويلي شگد مشاهد
ومادگ بابه واحد
اللهم عجل لوليك الفرج
احمد ماجد الكلابي
وصية الزهراء للسيدة زينب سلام الله عليهم
أويلاه أويلاه على الحسين أويلاه
أويلاه أويلاه على الحسين أويلاه
من الزهره الى زينب وصيه
رسالة خالده من الغاضريه
توصيها على فراش المنيه
بدتها تنعى بعد البسمله بآه
اذا العاشر اجا يومه وقيامه
سمعتي له أذانه والإقامه
وحيد ابكربلا وهذي العلامه
على حسين السلام وقعدي وياه
تقبلينه بوسط صدره بمحبه
مكان ايجيله السهم اعلى قلبه
يشيله من ورى ظهره ويسحبه
يجود اعلى الارض من جاري ادماه
اذا يكشف عن المنحر تلثمه
زمان المصطفى يحبه ويشمه
مكان السيف يحتزه ابلا رحمه
ويفرق راسه عن جسمه أويلاه
حضن صدره النبي جده يشمه
يحس ابحافر اخيول اعلى جسمه
ترضه وتكسر اعظامه وتهشمه
ولا يبقى محل سالم من أعضاه
حسين البوحسن
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(( #يا_أبابيل ))
……………..……………………………………………
يا أبابيل • ليش ما طرتي بسماها
يا أبابيل • و ابرهه الثاني اعتناها
مارميتي الگوم سجيل و حجر
باب محروگ و ضلع منها انكسر
……………………………………………………………
اموجه يبابيل العتب . من شيعي فاير كلبه
رد ابرهه الثاني وهجم . عالزهره مو عالكعبه
ما شفتي ادين ام الحسن . بنار وجمر ملتهبه
لاذت حياءاً فاطمه . ابطرف الجذوع امچلبه
ما نزلتي • يا ابابيل ابحجرها
ما نزلتي • الباب شلتيه عن صدرها
طين حايطها وكسر منها الظهر
باب محروگ و ضلع منها انكسر
……………………………………………………………
لو جايبه ابجنحج نده . جا طفه الباب وناره
لو صايره لفاطم درع . جا ما دخل بسماره
يمكن وصل يم الظهر . شبعانه دم اكتاره
بالباب تلزم لو ضلع . ام الحسن محتاره
و بجناحج • نشفي بدموم الزجيه
و بجناحج • افراش صيري الها وتجيه
بالتراب امدده و تربي النظر
باب محروك و ضلع منها انكسر
……………………………………………………………
يطيور لو فوگ الظهر . سويتي مهد و كله
محسن سكط بس ماسمع . جلمة اليمه اصمله
جرحين ما طابن ابد . جرح العصر و النبله
محسن بكه ابعازة هوه . ومات ابعطش عبدالله
ما فزعتي • لمحسن الماشاف نظره
ما فزعتي • لعبد من انكطع نحره
جروح الهن يبجي دم المنتظر
باب محروگ و ضلع منها انكسر
……………………………………………………………
ذاك ابرهه وهذا ابرهه . نفس الهدف والفكره
بيت الله ذاك ايهدّمه . وهذا اعله بيت الزهره
تنجن ابابيل السمه . لو نظرت اعله السطره
عالوجه وبكل قوته . والعين ظلت حمره
ما كفاهم • ردوا و حاطوها حوطه
ما كفاهم • وتشگف بضربات سوطه
سوط بجفوف ام حسن تارك اثر
باب محروگ و ضلع منها انكسر
……………………………………………………………
كالها قران السمه . ويلٌ لاصحابِ الفيل
ويلٌ لضارب فاطمه . خلاها تعثر و تميل
تلجمها كسرات الضلع.من تدعي بس جف اتشيل
مثل الخيال وبس عظم . والجسد ميت وانحيل
گوه گوه • تشهگ النسمه وتشمها
گوه گوه • عالصدر زينب تضمها
اتكلها سلميلي اعل عباس الگمر
باب محروگ و ضلع منها انكسر
……………………………………………………………
حيدر يبابيل السمه . جالبحر واغمگ جرحه
والليل في بيته استمر . مايوم بيه طر صبحه
يذكرها تضوي وتبتسم . لو كعدت احذ الرحه
حاضنهن و بيهن يشم . مصلايه وي السبحه
يا زهرتي • وحشه وبلياج عمري
يا زهرتي • وياج ريت انحفر كبري
اثمنطعش ما شفتي بس ضيم وقهر
باب محروگ و ضلع منها انكسر
……………………………………………………………
يطيور ننطيج العذر . للزهره ما لحگتي
لحسين من حر الشمس . بجناح ما ظللتي
عريان والثوب انوخذ . للسلب ما مانعتي
عن الحوافر والسحگ . حاجز اله ما صرتي
تسعه ظلن • يا ابابيل الاصابع
تسعه ظلن • العاشر اعالرمل واكع
هو و المحبس بيابيل انبتر
باب محروگ و ضلع منها انكسر
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4