-
سايت https://tellonym.me/nero0o1 سنتر البنات 🍭🛍️ https://t.me/joinchat/AAAAAFXpke2kZBMfV_7vqg @skyo0o.انكليزي عربي 18 اكتوبر الساعة 12:53 الدورة 31 كانون الاول الساعة 12:53 هلا بنات
(مَنطِق عُقلائي)(4)📮💙
لهم قلوب : لا يفقهون بها
ولهم اعين :لا يبصرون بها
ولهم آذان : لا يسمعون بها
== أولئك كالأنعام 🐏 بل هم اضل
@halabnatt ✨
لمن ملتهية داسولف واضحك وي وحدة و الكه الثانية ماخذه صور عشوائية بدون ممنتبهين 😍 شكد احب هالصور احسهة اجمل من الصور المستعدين الهة 🙏❤️
Читать полностью…
ازالة الآثار (MEBO)
اكيد اكثركم عدكم هالعصارة بالبيت (لعلاج الحروق والجروح والتقرحات ) وهي بالاصح الحروق احسن شي الهة هامازين وبعدين الميبو "لازالة لاثار حروق" عموما هالشي يفيدكم...
احنه موضوعنا اثار الحبوب مو سابقا كتلكم الحباية اذا بيهة محتويات، حمرة، مخزنه تستخدموله فيوسدين مرتين باليوم راح تلم وتفرغ وتلتأم وراهة حته توخرون اثرهة تعوفون الفيوسدين وتخلون ميبو نقطة ع مكان الاثر ايضا مره او مرتين باليوم راح تشوفوا تيبس المكان لتحكوهة راح تلم الجلد وتجدده هالعصارة مفيدة لان مستخلصة من السمسم وشمع العسل 🍯🥣
@halabnatt
طلاب السادس يا حلوين دربالكم ع نفسكم ودراستكم كلشي خلو بالتنظيم وخلو عدكم هِمّه لتهتمون لوضع البلد ولا تابعون اخبار ولا تتاثرون بلي تسمعوا لان هالبد تقريبا دا ينهار لا الي خلصوا ارتاحوا ولا الي بعدهم فالمهم خلوا ابالكم" اشد حيلي واسوي الي عليه وربي يخليني بالموقع المناسب اليه" مو اله طب وصيدلة احتمال بالمستقبل غير اشياء تصير الهة اهمية واقبال وتعينات افضل فشدوا حيلكم ولتنطون مجال لاي شي ياثر ع نفسيكم دائما كولوا منا ليوم النتائج ميت حلال بس كون اتعب واسوي العليه حته استحق النتيجة وربي يوفقكم لكل خير 🙏💕
@halabnatt
البنية الرادت منشور عصارة الحبوب
/channel/halabnatt/8415
#Ideas
اوراق عادية مال دفتر رسم كصيهة بشكل مستطيل وثقبي من فوك رسمي علي رسمه باللون الاسود الماجك او السوفت بعدين بالالوان المائية لونيهة كلهة او تفنني مثلا نقطي بصبغ الاظافر او اللمع وبالثقب ربطي شريط او خيط خاص 🔖📎🖍
@halabnatt ✨
_ كيفية تقوية علاقتنا بأحد من الائمة او بأهل البيت ( عليهم السلام ) ؟ 💛
Читать полностью…
الأكرتين💕
هواي حچيت عنها مـטּ قبل فضيعة للحبوب وتجي ؏ نوعين وحدها تركيزها ٠،٢٥٪ ووحدة ٠،٥٪ الي استخدمها هي تركيز الـ٥ اذا بشرتچ چانت كلش جافة كلششش رطبي وبعد نص ساعة استخدميها هذا الحچي بحال اذا بشرتچ ما تتحسس منها + هي اصلاً اذا صارت روتين بالشهر مرة كلش حلوة لتجديد البشرة عن التجاعيد والترطيب ע تنسونه كلش مهم وافضل مرطب وياها بيبانثين بس ارجع واكول ما تناسب الكل ابداً يعني اذا ناسبتني مو شرط تناسبچ🌸
@hawra31 (منقول)
راحه الحرام دقائق وراحه رضا الله تعالى سنوات ..
مهما كنا مذنبين ونسوي ذنوب ومعاصي لازم نخلي حد لنفسنه كافي ذنوب ونسوي حاجز مثل الجدار من الذنوب بقلبنا جدار يفصل بينا وبين الكمال بين الله تعالى .. كافي ذنوب ومعاصي محتفيدنه ومحتسوي بينه الا الدمار الشامل .. تحبين الله ارجعي الله وشوفي الراحه وانتي بين اديه حسي بالراحه واستمتعي بيها وانتي تقرين قران وانتي تسجدين لله ❤️ الله اقرب من كل شي واحسن من كل شي واحلى من كل شي واحن من كلشي صحيح نذنب بس مو نكول اووو بعد مانكدر نرجع بعد ويني ووين الله و يني ووين الصلاه بعد اني رحت لالالالا ابدا ابدا لاتفكرين هيج الله انتي عنده مثل الطفل الصغير يرعاج ويحميج ويوكلج ويشربج وحتلو غلطتي يحاول يصحح خطاج ويقومه من خلال التجارب والصفعات الي تصادفنه بالحياه .. تتمرضين كولي الحمدلله لان تطلع ذنوبج الغير مستغفره عليهن بالمرض .. كولي الحمدلله ورجعي لله والله يقبل توبتج لان الله ارحم بحالنه من كل بشر ارحم من امج وابوج وكل قريب عليج الله يحبج وتاكدي من هذا مادام دتقرين هل رسائل الي دتذكرج تاكدي انو الله جابج لهنا لان يحبج ❤️
#فقرة_رسائل #noor
سامعين بخبر بالطاوة 😋
_كوبين طحين
_ملعقتين سكر
_ملعقة فانيلا
_ملعقة خميرة
_ربع ملعقة صغيرة ملح + مي دافي حسب الطحين تعجنيهة وتنتظريهة تختمر وتنفش وراهة تعجنيهة وتفرشيهة وتقطيهة بشكل مثلثات وتكليهة بالدهن وتكدرين تسويلهة شيرة 🥐🍯
@halabnatt ✨
_ كيفية تقوية علاقتنا بأحد من الائمة او بأهل البيت ( عليهم السلام ) ؟ 💛
Читать полностью…
شنو اسوي شعري بالبيت حسب اللبسه؟
*اكيد بالبيت نحاول مو هواي نشد شعرنه ونرتبه بشكل راخي ومريح
اذا جنتي لابسه :
💓 بجامة : او تراك ابو بجامة طويلة يلوكـ ضفيرة خلفية و ذيل حصان نازل او كعكة
💓دشداشة : قصيرة او طويلة يلوكـ ضفيرة جانبية او كعكة وضفاير منا ومنا
💓 تراكـ ابو البرمودة :يلوكـ ذيل حصان مرفوع و بّف و وضفيرة من وره
وبوكت نوم فلي او سوي ضفييرة راااخية ولنتسين التمشيط وخلي سيروم بين فترة وفتره وهمين استخدمي زيوت مغذية قبل الحمام
@halabnatt
الهدف الاساسي قبل الزواج YouTube ⬇️📻
https://youtu.be/U7K41Lbcf8U
خلال اسبوع واحد التزمي وشوفي النتيجة بس طبعا اذا انتي من نوع الهاملة سنونج وصفر يحتاجلج اكثر من سبوعين
_اول شي تفريش الاسنان ٣ اوقات باليوم
💭الاول : من تكعدين من نوم (بالمعجون)
💭الثاني: بعد الغدة (معجون وملح) الملح تنتظرين شويه لا راسا تغسلي حته يعقم
💭الثالث:قبل النوم (معجون وملح وفحم) سابقا كتلكم بعلبة خبطوا ملح وفحم دهنوا الفرشه بالمعجون وغمسوهة بالخبطة وفرشوا
والتزمي بالتالي :
🧊_ التفريش مو جلف لا حاولي تدخلين شعيرات الفرشه بين الاسنام
🧊_ميكفي بس فرشه ضروري بين يوم ويوم تنظيف بين الاسنان بالخيط الطبي
🧊_كلماشوف الطبيبة تكلي مضمضه مي وملح لكل ضروري للتعقيم
@halabnatt
سالفة الصديقات كلش تعتبر سالفة توفيق..
انو تلكيلج صديقات حبابات مثل تربيتج تقريبا تنسجمين وتحسين دوام حلو وياهن يحبون يسولفون بمواضيع مفيدة ويسون فعاليات سوة هالشي توفيق جبير من الله اذا عدج كولي الحمد لله واذا ماعدج ادعي من الله يوفقج لهالشي واذا صديقاتج مو تمام حاولي انتي تغيريهم سويلهم تحديات واحجي وياهم وسويلهم واهس ♥️🤸♀
🌸_تاكلين سناك خفيف وصحي
🌸_مثلا تمارسين موهبة رسم، حياكة، تطريز
🌸_ تقرين قصة انكليزي او موضوع مفيد
🌸_تتفرجين مقطع مفيد +تخلين ماسك للاسترخاء
🌸_تكعدين وي اهلج تتحدثون عن خطط مستقبلية
🌸_تنشرين شي مفيد انتي مسويته من باب تشجعين غيرج 🎗
🌸_تغيرين مزاج احد بكلمة او مبادرة حلوة
@halabnatt ✨
شكد حلو من تغيرون طريقة تفكيركم😻🙊 ع شغلة معينة جنتوا تتخيلون حياتكم واكفه عليهة او تتحسسون منهة وتبدون تستخدمون سياسية جديدة وي نفسكم وتسون اي شي تشوفوا صح ومقياسكم الوحيد رضا الله وباقي وره ظهرنا واذا خطأتوا بدون قصد تساامحون نفسكم 🙈😌 وتصفوون بالكم بس للاشياء الحلوة 💒💙
@halabnatt
تعرفون هاي اللمعة الي تصير ابشرة جسم الممثلات منين تجي 🙊 تجي من ترطيب البشرة وهي طريه ومفتوحة مساماتهة يعني بعد الحمام مباشرتا قبل لا تنشف كلش.. يعني اخذي مرطب خلي بالحمام من تخلصين وبعده الحمام امبخر 😉🧖♀ تنشيفة بسيطة للجسم نوب ابدي رطبي حتلو بشرتج بعدهة رطبة من المي ولبسي وطلعي فترة وشوفي بشرتج شلون تصير تخبل طبعا مع العناية المنظمة ♥️🙈
@halabnatt
سويت حمالة دبابيس 🎀💜
1_سلة توزيعات
2_سفنجة
3_وردات تزين
4_شيفون وردي
طبكت السفنجة وغلفتهة بالشيفون بالخيط والابرة وزينت السله ٣ وردات ناعمات فوك ورده جبيرة بالوجاهة وخليت السفنجة بيهة وبس
@halabnatt ✨
#ديكور_بساطة 🛋💛
للبنات الي حابين يرتبون غرفهم بامكانيات مادية وجسدية بسييطة :
🎐_تكدرين تكتفين بتغليف ضلع واحد من الغرفه اختاري الي يكون مواجه للباب اكو تغليفة تشتريهة من سوك انتي تلزيكهة ع الحايط قطعتين ب٥ الاف اختاريهة ابيض وبي ورد
🎐_وباقي الحيطان انتي لبسي هدوم قديمه وبايدج صبغيهة
🎐_ شويه شويه رجعي الاثاث الاشياء القديمه سويلهة ترتيب وتغير والمتحتاجي ذبي
🎐_ضيفي لمساتج وبعض الحبشكلات من عمل ايدج
@halabnatt
_ مثل ما اتفقنا بالبوست السابق ( إذا ما حبينة اهل البيت مراح نگدر نقويّ علاقتنا بيهم يعني هسة انتي تقبلين ترتبطين بأحد بس انتي متحبيّ ؟! اكيد لا إذا ً لازم اول شي نحبهم ، شلون نحبهم ؟
يوجد شي مزروع بداخل كل موالي ّ لأهل البيت إسمه :
" البذرة " 🌿
مرة سمعت انو " أن الامام الذي أنتَ متعلق به وتحبه كثيراً، لم تختره أنت، بل هوَّ الذي اختارك محباً لهُ 💛"
شوفوا مو مصادفة أبد انو يميل قلبج لإمام معين ، يعني صح كل الائمة لازم نقدرهم ونمشي بكلامهم ونؤمن بيهم ، بس هنا دنحجي عن هذا الإمام إلي من ينذكر إسمه گبالج تحسين بشعور الحب ، الإمام الي تتوسلين بيّ من تحتاجين شيء ، الإمام اليّ تبجين ع فاجعته و تذكرين اسمه هواي بيومج الامام الي أنتي مستعدة تركين كل ذنب علموده ، باوعي لگلبج ، شوفي منو اكثر أمام انتي قريبة عليّ وتحسي يسمعج ويفهمج وصديق مقرب الج ويمشي وياج بكل خطوة بحياتج ، اي لتستغربون ترى الائمة كلش متواضعين وكلش يحبونه وشفنا آثار حبهم ، وهمه دائمآ رعايتهم وعيونهم علينا .💙
هسة انتي عرفتي الإمام المقرب لگلبج ، والي زرع بذرة حُبه بداخلج نجيّ نعرف شلون نكبر هاي البذرة ونسويها شجرة جبيرة ؟🌴
يتبع ..
مغبون من تساوى يوماه👩🦯⛹♀
يوميه حاولي يكون يومج افضل من القبله
فتحي البردات رتبي غرفتج غسلي وتوضي ومشطي شعرج اقري الاذكار كتبي مهامج اذا مكتبتهن تريكي وساعدي امج بالبيت بلشي بشغلاتج ولا تضيعين ولا دقيقه وخلي كل اعمالج في سبيل الله وتوكلي علي 🚴♀🩰
@halabnatt 🌸
تره رسالتهة كلش حلوة 🙏❤️
فعلا الي حاولوا يلتزمون ويربون انفسهم حته يقتربون لله الله اخذ بيدهم اطمأنوا بالراحة والسعادة الحقيقية ♥️
Ibuprofen 400 💊🩸
للبالغين من ١٢ وفوكـ (حبوب)
مسكن لآلام الدورة الشهرية ومختلف الالام ومنها الاسنان من نوع(600) ومضاد للاتهابات المرافقة للتورم ايضا خافض للحرارة ومسكن للصداع
اعراضه الجانبية :اذا بلعتي ع معدة فارغة واذا اخذتي بفترات طويلة وبكميات يسبب اضطراب وظائف الكلية....
@halabnatt 💓
_ المقدمة
هو احنا ليش نريد نقويّ علاقتنا بأهل البيت ؟ 💛
قبل كل شي إحنا نعرف انو أهل البيت همّ حجة الله ع خلقه ، وهمة الي نذكروا بالقرآن بالعديد من الآيات ( إنما يريد الله ليذهب عنكم الرجس أهل البيت ) و ( قل لا اسئلكم عليه اجراً الا المودة في القربى) ، وأهل البيت هم اقصر وأسهل طريق لله تعالى لأنهم بساطة حبل الله الممدود من السماء الى الأرض ويمثلون الثقل الإلهي في الأرض ( يُدلون ع الله ) فحب أهل البيت هو حب الله ! 💗
هسة راح نذكر كم أثر يُصاب بهِ من يحب أهل البيت بصورة مختصرة لأن لو ردت اكتب عن آثار حبهم ميخلصن 🥺 :
1_ معرفة الطريق الحق والسلامة من الانحراف والباطل
2_ استكمال الدين الإسلامي : قال رسول ألله ( صل الله عليه واله ) : " حبّ أهل بيتيّ وذريتيّ استكمال للدين "
3_ اطمئنان القلب وطهارتهُ : قال صادق أهل البيت : " لا يحبنا عبد إلا كان معنا يوم القيامة "
4_ الاغتباط عند الموت : حيث يحضر أهل البيت عند من يحتضر ويأتيه الموت
5_ الشفاعة يوم القيامة : قال رسول ألله : " شفاعتي لأمتيّ من أحب أهل بيتي ، وهم شيعتي "
6_ التوبة والمغفرة من الله وقبول الأعمال
7_ نور يوم القيامة و الأمن من اهوال يوم القيامة .
وغيرها الكثير من الآثار المترتبة على حب أهل البيت بس نكتفي بهذا القدر .
_ هسة عرفنا جزء بسيط وقليل من آثار حب أهل البيت ، زين هو شنو حب أهل البيت ، الحب هنا أنو انيّ أحبهم من داخلي واكون معترفة بحقهم و برسالتهم و لازم اقتديّ بيهم واخليهم دائما قدوتيّ ومثلي الأعلى بكل شيء بحياتي ، لأن هذا سر التوفيق الإلهي ✨
اليوم كانت مجرد مدخل بسيط حتى نعرف حب أهل البيت ، لان اذا محبيناهم مراح نگدر نقويّ علاقتنا بيهم ، بالأيام الجاية راح نشرح طرق و أشياء تساعدنا حتى نكسب رضاهم ونتقرب منهم .🌸
@halabnatt
يتبع ..
تطبيق يحول الصورة الى نص (اذا خط مواضح شوي حتعدلون ع نص)
@halabnatt
💙تسوين مثلث(يشبه الهرم) مدري يسموهة كسرة بشالج؟
💚البس شال بس ما اسوي مثلث
💜ماسوي لان البس ربطات
" حلاوة الدُنيا مرارة الآخرة "
شكد مجانت الدنيا بيهه أشياء حلوة وتغري الأنسان وتحققله شهواتهه تبقى الآخرة وجنان ألله أحلى ماكو أي شي بالدنيا يستحق أنو نعصي ونغضب ألله ألله خلقنا ومنطينا نعم لا تُعد ولا تحصى خلي نكون أفضل وأوعى من أنو بعد يومين ينصلخ جلدنه ونتعذب بسبب مقطع فديو محرم لو بسبب أنسان سيء الذات ، وألله أرحم بالعبد من أمه ولازم منقط من رحمته شكد ممسوين معصية وذنوب أبواب رحمته مفتوحة وواسعة بكل وقت ألله هو سندنا وقوتنا بهاي الدنيا من شخص يخذلنه ويبتعد عنا 💚 .
#فدك_عدنان #فقرة_رسائل