1552
قناه لنشر قصائد شاعرات✍آل محمد صلوات الله عليهم ❌لايجوز شرعا وغير مبرء الذمه كلمن يسحب كلمات الشاعرات وينسبها لهُ ويتلاعب بها والمحامي والوكيل أبا الفضل العباس عليه السلام❌
صورة من مَا كَانَ لِله يَنمُواْ*
Читать полностью…
بدأت وراحت تلصلص 😂العيون وتمتد الايدي لتسرق ماعجزوا عنهُ من جواهر القصيده لايسطيع سارقها يكتب مثلها إلا بتحوير مُتعب وركيك جداً 🤭😁 لكن ايضاً حرام وفي ذممكم من هذه الساعه الى الاخره الاخيره (إلى اين تذهبون)
Читать полностью…
الصلاة على جثمان المرحومة عقيلة المرجع الأعلى (دام ظله) بإمامة سماحة الشيخ عبد المهدي الكربلائي (حفظه اللّٰه).
Читать полностью…
لطمية بحر طويل للعادات (الله وياك )
الله وياك يالفرگاك مرد گلبي اوچلاويه
بعد ارجاك لو ملگاك راح ومابعد جيه
*
بعد أرجاك لو اگطع اظنوني واگطع امالي
يالملگاك يحييني وفراگك يشل حالي
ماشي وسفرتك طالت تروح وترد حسبالي
اغيابك طال وشدهلي البال وهدم كل عزم بيه
*
هدم كل عزم عندي فرگاك اوشده فكري
وسگمني اودر عيوني وشل اضلوع من صدري
خل يگضي عگب عيناك شنهي الفايده ابعمري
عمر بالنوح خله ايروح ماتسوه لياليه
*
ماتسوه بعد كلش ليالي عمري وايامي
وانه الشفت تابوتك شال وسار گدامي
بچت عيني ونزل حيلي بويه ورجفت اجدامي
ضعف عزمي وصبح همي چبير وزايد اعليه
*
چبير وزاد دولابي وهمي صار بعد اكثر
بويه وفرگتك صعبه وانه اعليها ما اگدر
شلون الفگدت الوالي تتحمل وتتصبر
اليتم هدني اشيصبرني امنين البين اجه ليه
*
امنين البين ما ادري اجه ليه وگعد گبلي
سطرني ودمعتي ظلت تصب وعله الخد تهلي
لاواني واخذ مني ابوي وخيتمي اوظلي
وبگيت انحب اودمعي يصب دم وماي جاريّه
*
دمعي ايسيل جاريه ولا ينشف بعد دمعي
وانه امفارگه الوالي وانوح الفرگته وانعي
صرت اخلافه مو زينه وأخلافه اختلف وضعي
عگب عزتي اجت ذلتي الدهر دولاب تاليّه
*
ترثي زَينب الاشعار للكلمن امضيعه احباب
واخصن بالذكر زِينب من فارگت داحي الباب
يمولاتي عله بختچ الي وياچ فرد اعتاب
صار سنين امرادي وين نخيت اوبعد اتريّه (اترجه، انتظر)
*
تمت تأليف خادمة الامام الحسين عليه السلام زينب المشرفاوي
/channel/haneen_Ali_Faris
اطهن بچي واطهن محنه😭😭
تردون الصدق هذا الصدق 👆هذه الفطرة السليمة هذه المحنة هذه المواساة الحقيقية للزهراء ولزينب عليهن السلام
بسم الله الرحمن الرحيم
قل اعوذ برب الفلق من شر ماخلق ومن شر غاسق إذا وقب ومن شر النفاثات في العقد ومن شر حاسد إذا حسد
صدق الله العلي العظيم
اعوذ بالله من شر كل حاسد وحاقد وباغي وإثم واعوذ بالله من شرهم وكيدهم ومكرهم وخداعهم
حسبي الله وكفى
هذا رأي العلويه هجران بنت المله ام هجران بتأليفي
Читать полностью…
#عاشوريات
الك يحسين يحله لطم الصدور
يمن جسمك بقه عالكاع مشمور
مشمور الجسم عالكاع جاليش
ومن عكب الذبح داسو هالجيش
بعد حسين ريته لاهنه عيش
وباجر من ارد الكه خاليه الدور
الكه الدور بس تراب بيهه
ونايم عالرمل وسفه وليهه
شلون اخته رضه غربه تسبيهه
تمشي لليسر وكليبهه يفور
بقه منهه الكلب يلهب بالنار
من فعلت اعداهه ذوله الاشرار
تمنت حاضر وياها الكرار
جا شال الاجساد وحفر كبور
جاغسل وليده وشاله بيده
كربله يمك ياعلي ماهي بعيده
تدري بالسبع كطعو وريده
يابو حسين دلالي بقه يفور
عالوليان حاربني زماني
خذه مني خال ابني وعماني
ياوسفه الشمر منهم خذاني
ومن طاح الولي احتركن الدور
✍بقلم الشاعرة والمله زينب المشرفاوي🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
فزاعيه للأربعين( والروس أجن وياهه )
هليوم زينب من أجت
والروس أجن وياهه
❥━──➸➽❥💔❥━──➸➽❥💔
هليوم طبت كربله
والروح منهه أمعلعله
چا وين شيخ المرجله
نايم ولا زتاهه
❥━──➸➽❥💔❥━──➸➽❥💔
واليوم عشرين أبصفر
رجعت لهلهه أم الخدر
نزلت أو محدوبت ضهر
وأدموعهه أبعيناهه
❥━──➸➽❥💔❥━──➸➽❥💔
عباس كفال الضعن
رجعتله زينب بالحزن
يا حيره باچر للوطن
منهو اليرد وياهه
❥━──➸➽❥💔❥━──➸➽❥💔
رجعت أتزور أخوانهه
ويابس يويلي اللسانهه
متكفله أبنسوانهه
نام الولي وخلاهه
❥━──➸➽❥💔❥━──➸➽❥💔
يحسين صاحت بلهضم
دخلوني ديوان الزلم
أنه العزيزه وأنشتم
حاچيني يابن طه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٩ من شهر صفر الحرام
الموافق / ٢٠٢٤/٨/١٤
/channel/Nshwan_1999
دعاء الإمام الصادق (عليه السلام) لزوار الإمام الحسين (عليه السلام)
عَنْ مُعَاوِيَةَ بْنِ وَهْبٍ قَالَ: اسْتَأْذَنْتُ عَلَى أَبِي عَبْدِ الله (عليه السلام) فَقِيلَ لِي ادْخُلْ فَدَخَلْتُ فَوَجَدْتُه فِي مُصَلَّاه فِي بَيْتِه فَجَلَسْتُ حَتَّى قَضَى صَلَاتَه فَسَمِعْتُه وهُوَ يُنَاجِي رَبَّه ويَقُولُ: (يَا مَنْ خَصَّنَا بِالْكَرَامَةِ، وخَصَّنَا بِالْوَصِيَّةِ، ووَعَدَنَا الشَّفَاعَةَ وأَعْطَانَا عِلْمَ مَا مَضَى ومَا بَقِيَ، وجَعَلَ أَفْئِدَةً مِنَ النَّاسِ تَهْوِي إِلَيْنَا، اغْفِرْ لِي ولإِخْوَانِي ولِزُوَّارِ قَبْرِ أَبِي عَبْدِ الله الْحُسَيْنِ (عليه السلام) الَّذِينَ أَنْفَقُوا أَمْوَالَهُمْ، وأَشْخَصُوا أَبْدَانَهُمْ رَغْبَةً فِي بِرِّنَا ورَجَاءً لِمَا عِنْدَكَ فِي صِلَتِنَا، وسُرُوراً أَدْخَلُوه عَلَى نَبِيِّكَ صَلَوَاتُكَ عَلَيْه وآلِه، وإِجَابَةً مِنْهُمْ لأَمْرِنَا، وغَيْظاً أَدْخَلُوه عَلَى عَدُوِّنَا، أَرَادُوا بِذَلِكَ رِضَاكَ، فَكَافِهِمْ عَنَّا بِالرِّضْوَانِ واكْلأْهُمْ بِاللَّيْلِ والنَّهَارِ، واخْلُفْ عَلَى أَهَالِيهِمْ وأَوْلَادِهِمُ الَّذِينَ خُلِّفُوا بِأَحْسَنِ الْخَلَفِ، واصْحَبْهُمْ واكْفِهِمْ شَرَّ كُلِّ جَبَّارٍ عَنِيدٍ، وكُلِّ ضَعِيفٍ مِنْ خَلْقِكَ أَوْ شَدِيدٍ، وشَرَّ شَيَاطِينِ الإِنْسِ والْجِنِّ، وأَعْطِهِمْ أَفْضَلَ مَا أَمَّلُوا مِنْكَ فِي غُرْبَتِهِمْ عَنْ أَوْطَانِهِمْ، ومَا آثَرُونَا بِه عَلَى أَبْنَائِهِمْ وأَهَالِيهِمْ وقَرَابَاتِهِمْ.
اللهُمَّ إِنَّ أَعْدَاءَنَا عَابُوا عَلَيْهِمْ خُرُوجَهُمْ فَلَمْ يَنْهَهُمْ ذَلِكَ عَنِ الشُّخُوصِ إِلَيْنَا، وخِلَافاً مِنْهُمْ عَلَى مَنْ خَالَفَنَا، فَارْحَمْ تِلْكَ الْوُجُوه الَّتِي قَدْ غَيَّرَتْهَا الشَّمْسُ، وارْحَمْ تِلْكَ الْخُدُودَ الَّتِي تَقَلَّبَتْ عَلَى حُفْرَةِ أَبِي عَبْدِ الله (عليه السلام)، وارْحَمْ تِلْكَ الأَعْيُنَ الَّتِي جَرَتْ دُمُوعُهَا رَحْمَةً لَنَا، وارْحَمْ تِلْكَ الْقُلُوبَ الَّتِي جَزِعَتْ واحْتَرَقَتْ لَنَا، وارْحَمِ الصَّرْخَةَ الَّتِي كَانَتْ لَنَا اللهُمَّ إِنِّي أَسْتَوْدِعُكَ تِلْكَ الأَنْفُسَ وتِلْكَ الأَبْدَانَ حَتَّى نُوَافِيَهُمْ عَلَى الْحَوْضِ يَوْمَ الْعَطَشِ) فَمَا زَالَ وهُوَ سَاجِدٌ يَدْعُو بِهَذَا الدُّعَاءِ، فَلَمَّا انْصَرَفَ قُلْتُ: جُعِلْتُ فِدَاكَ لَوْ أَنَّ هَذَا الَّذِي سَمِعْتُ مِنْكَ كَانَ لِمَنْ لَا يَعْرِفُ الله لَظَنَنْتُ أَنَّ النَّارَ لَا تَطْعَمُ مِنْه شَيْئاً، والله لَقَدْ تَمَنَّيْتُ أَنْ كُنْتُ زُرْتُه ولَمْ أَحُجَّ فَقَالَ لِي: (مَا أَقْرَبَكَ مِنْه، فَمَا الَّذِي يَمْنَعُكَ مِنْ إِتْيَانِه؟) ثُمَّ قَالَ: (يَا مُعَاوِيَةُ لِمَ تَدَعُ ذَلِكَ؟) قُلْتُ: جُعِلْتُ فِدَاكَ لَمْ أَدْرِ أَنَّ الأَمْرَ يَبْلُغُ هَذَا كُلَّه، قَالَ: (يَا مُعَاوِيَةُ مَنْ يَدْعُو لِزُوَّارِه فِي السَّمَاءِ أَكْثَرُ مِمَّنْ يَدْعُو لَهُمْ فِي الأَرْضِ)
#من_قصائد_المله_ام_ريام_الركابيه_
حديث ونعي للاربعين
بعد غياب اربعون ليله رجعت العقيله عليها السلام الى كربلاء الى قبور اخوتها لكن بأبي وأمي كيف رجعت محنيه الظهر من المصائب والنوائب مكسورة القلب من الفراق عمياء من كثر البكاء والسهر فالشمس بدلت لونها والسياط اوجعت بدنها ساعد اللّٰه قلبها عندما رأت تلك القبور.
محبين الحسين عندما نفقد شخص عزيز ندفنه وننصب عزاءه واذا صار يوم الاربعين وذهبنا الى قبره تنفجع قلوبنا ولا نفارق الدمعه، ماذا تقول مولاتنا زينب وهي فقدت كلَ شيئ وقد فقدت ثمانيه وثمانين بطل لا غسلتهم ولا كفنتهم ولم تنصب لهم العزاء وعلى كل هذا رجعت اليهم اسيره سبيه مع الاعداء وقفت على القبور مخاطبه اهلها فلا من مجيب يُجيبُها صاحت حسين.... عباس... انا زينب... وظلت تبكي وتنعى اهلها وتحث التراب على رأسها كَالت...
تحبونه لو بطليتو
يهل الحميه اتعطليتو
تنزلون زينب ما اجيتو
*
جوه التراب اشعطلاكم
خطار من الشام اجاكم
واعتابنه يطوّل اوياكم
*
ترى عتابنه يطوّله عليكم
اكَّعدو وخل اسمع حجيكم
لو ما أجيتونه نجيكم
****
اجيتكم وشلون جيه
ضيم وكدر غاطي عليه
لكَيتكم جوه الوطيه
*
لكَيتكم جوه الترابه
وأجبتكم من الخرابه
كَلبي هضم ينزف اصوابه
*
كَلبي نزف والضلع مكسور
لكيت الحياده امسطره اسطور
مو كَبر واحد صارن اكبور
*
موبس كَبر واحد وسبعين
وامسطره اسطور الميامين
ولج ياكربله ما تستحين
*
ياكربله مدري شحاجيج
ماتستحين العيب جازيج
ضميتي اهل زينب براضيج
*
ضميتي اهل زينب ابكَاعج
ياكربله والبين طاعج
خيانه وغدر نعرف اطباعج
*
خنتي اهل زينب خيانه
وامصابهم كَالت عمانه
كل العتب للضيعانه
*
*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
#من_ديوان_احزان_كربلاء_
لطميه للاربعين (زينب جايه)
زينب جايه والروس وياها
هاي اول ازياره اتزور ولياها
*
اجت اليوم هاي أول ازيارتها
مشتاكَه جثير الشوفت أخوتها
وأتسوي أربعين احسين نيتها
أو ترش اكبورهم بدموع عيناها
*
ردت زارت أخوتها او شافتهم
يم اكبورهم نصبت عزيتهم
أويلي اشلون من كامت تعاتبهم
الكافر ينكسر كلبه على أبجاها
*
اول ما أجت يم كَبر أخوها احسين
تنعه أو تلطم أو تهمل ادموع العين
يا تالي هلي أتكَله غبت لاوين
أختك جايه اكَعد اتلكَاها
*
كَلي اشغيبك عن ناظري ياحيد
أصرخ ما كَلت هاي اختي شنهي اتريد
أشوفك جايه واكَطعت درب أبعيد
شو ما كَلت أخيتي هاي حياها
*
أختك جايه هليوم الك خطار
او ما هي عادتك يلتكرم الزوار
ترد ألي يكَصدك خايب او محتار
بس اختك ترد مكَطوع رجواها
*
عتبت لمن الدلال منها ذاب
واخوها يسمع او مارد عليها أجواب
تعنت لبو فاضل والدمع سجاب
تنادي والحديد ايلين لنداها
*
وين الزم متني أتصيح ما عذره
او طلعني أبكفاله اودكًَ الي صدره
ما هزه عتابي او نهض من كبره
او شاف أخته العزيزه اشصار وياها
*
*تـــمت والـــــفضـــ🤲ـــل لله تعالى*
*بقلم✍الشاعره أم شيماء فرج الله الاسدي*
*صاحبه ديوان📚احزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
#من_ديوان_احزان_كربلاء_
شده فائزي للاربعين (لكَبور اهلنه)
هاليوم اجيت من اليسر لكَبور اهلنه
كَصدي ارده ازور احسين واشبع شوف منه
*
عمَّه علي عالغاضريه مرّ العيال
ختشوف ولياها الحريم وتشكي الحال
صار اربعين اصباح وانه ابحكم الأنذل
ياعمه يم اكبورهم لازم تمرنه
*
ادخيلك يعمه بكربله مر الظعينه
خاطر نزور احسين ونسوي اربعينه
نكَله يوالي من السفر هاليوم اجينه
اكَعد يماي العين وتلكَّه ضعنه
*
يردن يزورن يالولي ويعاتبنك
يابو على اتكَله الحرم هاليوم اجنك
بالضيم راضي وبالهضم يحسين جنك
هذا ابنك السجاد بس يجهر الونه
*
اليوم اربعينك يالولي واشلون بيه
يحسين اريد انعاك وانصبلك عزيه
الخاطرك مريت بارض الغاضريه
عنت عليه ارسومكم يهل المحنه
*
هاليوم اجيت من اليسر متعنيه ليكم
بنفسي اكعد وياكم بعد واسمع حجيكم
وادري احنان اكلوبكم واعتب عليكم
لكن هضمتوني وكُلبي انكطع ظنه
*
نعي بعد الشده
من بعيد متعنيه الهالكبور
وكلبي على الخوان مفطور
ودمعي علىٰ الخدين منثور
ارد اشكي الهضم والظلم والجور
نخيت او صحت كعدوا يالبدور
وكَمت فاشله والكَلب مكسور
*
اعزاز كلبي اتعذروني
*
نخيت وصحت يحنان كعدوا
يخوتي على حال الحرم نشدوا
لو عاتبتكم عليِّ ردوا
*
*تـــمت والـــــفضـــ🤲ـــل لله تعالى*
*بقلم✍الشاعره أم شيماء فرج الله الاسدي*
*صاحبه ديوان📚احزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
#المربعه_بديوان_الدموع_الزينبية_الجزء_١٤_.
مربعه للأمام الحسين عليه السلام
رديت أبهضم والباب دكيته
انشد عالحنين وشال عن بيته
●●●●●🧿●●●●●
رديت ابهضم والباب ادكنه
انشد عالحنين وجيت اشوفنه
لكيت البيت خالي وحملو عنه
اوياهم ما كعدنه ولاتسامرنه
يهلي الموت وياكم تمنينه
●●●●●🧿●●●●●
انشد دارهم ناديتهه اشمالج
ظلمه وموحشه من غرب اهلالج
وانه امدلوبه وحالي مثل حالج
لا ردلي المشه ولابعد ردالج
نايم عالرمل بالكبر خليته
●●●●●🧿●●●●●
نايم بالكبر مايرجع لحوشه
وانه لشوفته يادار معطوشه
لكيتج خاليه وبالحزن مفروشه
مشلوع الكلب وامكطعه اهروشه
ياريته الكًلب ينساك ياريته
●●●●●🧿●●●●●
كون ايشوفني عالحايط اتوجه
نحيله امن المذله وكاطعه السجه
عيني مولحاهه النوح والمبجه
شو عني رحت يالعندك اتشجه
حيلي بنومتك عالكاع هدميته
●●●●●🧿●●●●●
صوبت الكلب من نمت هالنومه
وجهك بالمكابر ضموا رسومه
شنسه والدهر ماتنسه اهمومه
والشايل وليهه اتصير مهضومه
وين انروح وانته البيت سديته
●●●●●🧿●●●●●
ماليه نفس بالبيت ماطبه
شايل والسفر ماينكطع دربه
علينه اخلاف عينك من يحن كلبه
ضربانه الزمان وتوجع الضربه
فكس عيني بعزيزي البين تاليته
●●●●●🧿●●●●●
فكس عيني بعزيزي وبعد شيعوده
امر بالدار والكه الدار مسدوده
ياضيم التحمله الروح ممروده
للمذبوح اون والكطعو ازنوده
الطم واللطم مايوم مليته
●●●●●🧿●●●●●
*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/amhejran12345
#من_قصائد_المله_ام_ريام_الركابيه_
لطميه لعزاء الامام الحسين عليه السلام (من تلطم الشيعيه)
تهز الكون من تلطم الشيعيه
وي الزاجيه لمحروم الأميه
*
تهز الكون كله بعزم لطمتهه
امبينه وثابته عالحق عقيدتهه
اتكل لفاطمه وتسيل دمعته
نخلي اصدورنه وياج محنيه
*
نحني اصدورنه امن اللطم يلزهره
عله حسين الغريب الصوبو نحره
عهد ونعاهدج ما ينكطع ذكره
بايعناه والبيعه اشتراكيه
*
بايعنه السبط ونجدد البيعه
مولاي اعله نهجك باقيه الشيعه
نذكر ذبحته وساعات توديعه
يوم الحملت زينب المسبيه
يوم الحملت ما قبلوا تودعه
ما ننساه ابد يافاطمه البضعه
نغسل طيرته كل يوم بالدمعه
وابيوت المحب صارت حسينيه
*
ننصبله العزه وبلدم نضحيله
وامقصرين والله اشما نسويله
فدانه بعيلته يا بعد كل عيله
حرر شيعته بدمعت غواليه
*
حرر شيعته والروح باعاهه
لجل دين العلي ورايته العلاهه
زينب من مشت ما كام وياهه
خلت جثته بلكاع مرميه
*
خلت جثته بلكاع مسلوبه
نيران الخيم تشتعل منشوبه
عباس الكفلهه العين مصيوبه
شدي لطمتج من يمر طاريه
*
شدي لطمتج للهون ذرعانه
يستاهل عجيد الراي مولانه
زينب بلمجالس حاضره اويانه
اطلبي وحاجتج من عدهه مكَضيه
*
*تـــمت والـــــفضـــ🤲ـــل لله تعالى*
*بقلم✍الشاعره أم ريام الركابي*
*صاحبه ديوان📚الدموع الزينبيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
إلى خادمة الامام الحسين عليه السلام الملة ام ريام الركابي
من المحبة خادمة الامام الحسين عليه السلام زينب المشرفاوي هذه الكلمات البسيطة في حقها وهي عندليب الشعر والرثاء اقول:
گولچ دوم ماگدروا يقلدونه
كلش زين لاعنه ولا دونه
يم اريام يم چلمة الموزونه
نار ايصير بذمم اليبوگونه
معروف الشعر والكاتبه معروف
والسرقوه عجزوا مايكتبونه
قرينه هواي وهواي اليگولونه
بس السمع نظمچ هلت اعيونه
من كل گلبچ اتكتبين ممنونه
وتعازين بي زينب المحزونه
اجرچ عالزچيه وحيدر الكرار
واجرچ عالنبي وعترته الميمونه
وكل شطر التكتبينه يسجلونه
بسمچ لسم غيرچ مايحولونه
اريد من الله واهل البيت يم اريام
جاهچ للسمه وعالي يصعدونه
نعي للزهراء عليها السلام
يمه اشلون اغمض العين وارتاح
عله افراشي وانتي اعله الوطيه
كل ماسلهمت فززني ذكراچ
طيفچ بالاحلام ايمر عليه
نگعت المخده اودريت العين
من بچيي عليچ اشلون بيه
طفله انه وبعدني للدلال اعتاز
اشماله البين ما خلاچ اليه
عليچ اتحزمن يمه المرض والموت
واخذنچ عمت عيني سويه
ظل ايحوم طير الموت عالبيت
واستنگاچ منه يازچيه
ما ريضچ لينه ولا قبل بالسوم
ابساع ابساع رحتي ابدون جيه
وجعانه مشيتي والسفر مو زين
للوجعانه وايزيد الاذيه
ولدچ للمباني ردو ايونون
وياهم علي ادموعه جريه
اول مره اشوفن حيدر الكرار
ابهالحاله اويون ونه شجيه
عتمني ونته اونت حسن وحسين
اونت دارچ الظلت خليه
من اشتاگ الچ گليلي وين الگاچ
يالمدفونه بالسر والخفيه
نعي مجرد
بالخفيه نص الليل دفنوچ
عن العده يمه لا يحضروچ
الضيعو حگچ اوهضموچ
للدار شيطلبوچ اجوچ
وره الباب لمن هيسوچ
دفعوا الباب اوعوروچ
انگلبوا عده صحبان ابوچ
صحبان ابوچ انگلبوا اعده
وعليچ اللعين الباب رَده
وصحتي يمن تحضر الشده
عني الولاني گوم رِده
وابوي كلشي ما ابيّده
جدي النبي عنچ امگيده
ابوصيه وعليها ماتعده
جدي النبي وصاه وصيه
وعليها صبر حامي الحميه
لولاها والله يالزچيه
ماواحد ايدوس الثنيه
چنه علي ايگول اشبديه
(مكتوب من ربي عليه)
اصبر ولا احچي احچيه
اصبر واحافظ عالشريعه
واتحمل الخاطر الشيعه
البايعونه خوش بيعه
انگله … والله ذكركم ما نبيعه
والتامرونه بي نطيعه
يالمامثلكم عالوسيعه
ويالغيركم ماكو ذريعه
يالغيركم ماكو وسيله
امراد نطلبكم الليله
فرجولنه اهموم الثجيله
وشافولنه التبچي وعليله
شيعتكم اعليكم دخيله
ابجاه الزچيه والعقيله
گلب المحب يبرد غليله
تأليف خادمة الامام الحسين عليه السلام زينب المشرفاوي
/channel/haneen_Ali_Faris
إنا لله وإنا إليه راجعون
العلوية الجليلة عقيلة سماحة المرجع الأعلى السيد السيستاني دام ظله تنتقل الى جوار الله بعد معاناة طويلة مع المرض
أحر تعازي المؤمنين الى مرجعهم الأعلى وهم يمدون أكف الضراعة إلى الله تعالى أن يمد في عمره ويسبغ عليه العافية ويلهمه الصبر ويعظم له الأجر
#من_قصائد_المله_ام_هجران_العمارچيه_
لطمية نوحية للرجوع الى المدينة (يبن امي وبچينه)
دخلنه الدار يبن امي وبچينه
ظلمـه وخاليـه وبيهـا شلگينه
*
لگينه الدار حزنانه وخليه
وذكرنه ايامنه الچانت زهيه
عفنه احبابنه بـالغاضريـه
بعد لنزولهم شنسوي اجينه
*
مضلم صار شنسوي بنزلهم
عمت عينه الدهر طشر شملهم
گضانه الضيم كلساع ونگلهم
ومن حر الشمس رگدن عبينه
*
مو بس العبي رگدانه الارواح
فارگنه الحياده اشلون نرتاح
ولچ يادارهم وكت الفرح راح
وبعد هيهات مايرجع علينه
*
لـو راح الوكت مايرجع اردود
وصلنه الباب شفنه الباب مسدود
محد من اهلنه اليوم موجود
نامـوا عالرمـل ونگطع بينــه
*
ناموا عالرمل ماگعدو النــــه
شفنه الضيم عگب اعيون اهلنه
ولــچ يادار فارگنـه المحنـه
وين حسين والعباس وينه
*
وين حسين والعباس ماهم
شگل للضيف لو سير وجاهم
تشب نيران گلبي المانساهم
محد گـام يتلگـه الضعينه
*
ناموا ماتلگو ضعن اختهم
عمت عين المگابر غيرتهم
ادور بالمباني ولا شفتهم
همه اتذبحوا واحنه انسبينه
*
*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
صلى الله عليك يا ابا عبد الله الحسين
السلام على الحسين وعلى علي بن الحسين
وعلى اولاد الحسين وعلى اصحاب الحسين الذين بذلو مهجهم دون الحسين صلوات الله عليه
السلام على ابي الفضل العباس قمر العشيرة
السلام على زينب الكبرى العقيلة
هذا رأي المله ام ريام الركابي خادمة الحسين عليه السلام 👆👆
Читать полностью…
السلام عليكم ورحمة الله وبركاته
خدام الحسين عليه السلام شلونكم ان شاء الله بخير وعافيه جزاكم الله خير الجزاء وأعظم الله لكم الاجر وأحسن لكم العزاء بمناسبة قرب حلول أربعينية الامام الحسين عليه السلام
خدام الحسين هاي القصيده المنشوره باسمي زينب المشرفاوي هي مجرد تلفيق وتشويه سمعه وازدراء وكذب على الذقون ومن دافع الحسد والمكر والخداع هسا رجعو نشروها وهي أصلا مو تاليفي ولا كتابتي وقبل هم نوهت عنها وهاي مو الي هاي تاليفها ركيك ضعيف اني الحمد لله تأليفي الناشرته قليل جدا والمله القاريه تاليفي تعرف هذا التاليف يختلف عن نظمي وكتابتي وان شاء الله اعيد نشر تاليفي الي ناشرته اني وقارنو بين هاي القصيده وبين تاليفي الحقيقي واني تشهدلي المله ام ريام الركابي وتشهدلي العلويه هجران الياسري بالتاليف واكثر من مره اشادن بتأليفي وطلبن مني اطبع لكن بسبب هذه المغالطات اني ابتعدت عن الطبع وابتعدت عن نشر تاليفي
واني ما الي قناة خاصة بتأليفي انشر هنا بهذه القناة مثل ما انشر باقي تاليف الشاعرات
فزاعيه للاربعين
يحادي النوك عالخوان مر بيه
ازور حسين وانصبله اربعينيه
.................
يم كبر الذبيج ارجوك وديني
اريد عليه اون ويسمع ونيني
مشتاكه عله الخوان تدريني
واكله من اليسر ردت المسبيه
....... . .
من بعد السبي ردت الحزنانه
ومشتاك الدليل ينوح لخوانه
راحت والاخو مانصبت احزانه
وضلت نارها بالكلب سعريه
..........
ردت لبن ابوها بضيمها تكله
تمنت يكعد الوالي وتسولفله
ياهظم الوكت كل حيل ماخله
اكعد شوفني من الضيم محنيه
..........
تمر بحسين وترد عله كافلها
تكعد عالكبر ودموعها تهلها
ياخوان روحي الضيم نحلها
شلون ايام صعبه مرت عليه
..........
هذا حالها وهايه مأ سيها
يشيعه بالدمع كومو نواسيها
بصرخات الحزن زينب نلاكيها
ندك عالراس والدمعات مجريه
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
لطميه ثگيله للأربعين( وين الأحباب )
دليني يعمه وين الأحباب
حزنانه وأجيت محمله أعتاب
❥━──➸➽❥💔❥━──➸➽❥💔
دليني باخوتي وين ملفاهم
خليني يعمه أگعد أوياهم
أشم ريحتهم وأشبگ بمئواهم
عمت عين الزمان الجاب فرگاهم
من الشام أجيت ودمعي سچاب
❥━──➸➽❥💔❥━──➸➽❥💔
لخواني لفيت وروحي ملهوفه
يعمه الگلب شايب منهو اليشوفه
نشف دمع المحنه وبالگلب خوفه
جرحي أخلافهم چا ياهو اليروفه
دافنهم صلف يا عمه التراب
❥━──➸➽❥💔❥━──➸➽❥💔
عمت عين الوكت من صرت معتازه
أخلاف أهلي يعمه تكتل العازه
أجيت وخدري يتچه على أعزازه
بس هسه صفت لمتهم أجنازه
من ضيم الهجر نزلت الأهداب
❥━──➸➽❥💔❥━──➸➽❥💔
من ضيم الهجر والصار ويانه
ردينه وگلبنه تنبض أحزانه
يعمه وين دافنهم هلي أهنانه
دليني على العباس رجوانه
أگلله سبونه والگلب ذاب
❥━──➸➽❥💔❥━──➸➽❥💔
أبيوم الأربعين وجيت مشتاگه
للما عوداني عمه بفراگه
ويه أعياله كون أيگوم يتلاگه
ويطفي الگلب نيرانه حراگه
أخوي حسين عني طال الأغياب
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٢ من شهر صفر الحرام
الموافق / ٢٠٢٥/٨/٧
/channel/Nshwan_1999
مكانة أهل البيت عليهم السلام محفوظة ومبجلة في القرآن الكريم والسنة النبوية، ووردت في مصادر أهل السنة العديد من الآيات والأحاديث التي تبرز فضلهم ومنزلتهم، وسأسرد لك بعضها مع توثيقها:
---
أولاً: من القرآن الكريم
1. آية التطهير
> {إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا}
(سورة الأحزاب، الآية 33)
قال الإمام مسلم في صحيحه: نزلت في الخمسة أصحاب الكساء: النبي صلى الله عليه وآله وسلم، وعلي، وفاطمة، والحسن، والحسين عليهم السلام.
2. آية المودة
> {قُل لَّا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى}
(سورة الشورى، الآية 23)
قال الإمام الطبري وابن كثير: المقصود بـ"القربى" هم علي وفاطمة وذريتهما عليهم السلام.
ثانيًا: من أحاديث النبي صلى الله عليه وآله وسلم
1. حديث الكساء
> عن أم سلمة: أن النبي صلى الله عليه وآله وسلم جلَّل علياً وفاطمة والحسن والحسين بكساء، ثم قال:
"اللهم هؤلاء أهل بيتي، فأذهب عنهم الرجس وطهرهم تطهيراً"
رواه مسلم في صحيحه (كتاب فضائل الصحابة، باب فضائل أهل بيت النبي).
2. حديث السفينة
> قال رسول الله صلى الله عليه وآله وسلم:
"أهل بيتي فيكم كسفينة نوح، من ركبها نجا، ومن تخلف عنها غرق"
رواه الحاكم في المستدرك وصححه، والهيثمي في مجمع الزوائد.
3. حديث الثقلين
> قال النبي صلى الله عليه وآله وسلم:
"إني تارك فيكم الثقلين، كتاب الله وعترتي أهل بيتي، وإنهما لن يفترقا حتى يردا عليَّ الحوض"
رواه الترمذي (3788) وقال: حسن غريب، ورواه مسلم بمعناه.
ثالثًا: مكانة أهل البيت في قلوب الصحابة والسلف
قال أبو بكر الصديق رضي الله عنه:
> "ارقبوا محمداً في أهل بيته"
رواه البخاري في صحيحه.
وكان عمر بن الخطاب رضي الله عنه إذا رأى الحسن والحسين قال:
> "بنفسي أنتما، من أحبّكما فقد أحبّ رسول الله"
رواه ابن حجر العسقلاني
#من_ديوان_احزان_كربلاء_
فزاعيه للاربعين (خيمه يمهم ابنيلي)
عمه يا علي أردَ انخاك
خيمه يمهم ابنيلي
*
عمه اهنا دخليِّني
عنهم لا تودِّيني
ارحمني يابعد عيني
تعبانه اونزل حيلي
*
ابروحي بعد شليّ
شنهي رجعتي كَل
لو طبيِّت دار اهلي
بيها الكامن احجيلي
*
شلكَه لو ادخلتلها
والوادم شكَلله
مصيبه ومكَدر احملها
منها ذايب ادليلي
*
شرايك ياعلي كَلي
عمَّه ابرجعتي شلي
ابكَه ابكربله احسنلي
او بيت احزان اسوّيلي
*
خاف ابو علي يزعل
ايكول اختي اشلون اتظل
وادري ابهاي ما يقبل
شنكَله دكَليلي
*
ايكلج ردي الدارج
يختي اعيالي اعيالج
ظلَّه ابكر بله مالج
تبكَين اشتسويلي
*
شنهي ظلتج شتفيد
درب اهلج عليج ابعيد
روحي ومن يجيج العيد
بلكت لن تمريلي
*
*تـــمت والـــــفضـــ🤲ـــل لله تعالى*
*بقلم✍الشاعره أم شيماء فرج الله الاسدي*
*صاحبه ديوان📚احزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
#من_ديوان_احزان_كربلاء_
نعي للاربعين
ردِّيت لاكن ردّتي اشلون
حسبالي من اعتب يكَعدون
يخوتي او على حالي تنشدون
امن ازمان مانشدَوا عليَّه
*
لكَبور اخوتي اليوم ردِّيت
بعيالهم ليهم تعنِّيت
عليهم حنين النوكً حنيت
ردِّيت نحلانه امن الجور
واكَومن واطيحن فوكً الكَبور
او حدر التراب الكَيت البدور
اكَعدت عالكَبر والدمع سجَّاب
اريدن اشوف اوجوه الاحباب
لكَيتهم جوه التراب
*
او لكَيتهم بالترب نومه
أنه جايه ليهم ابهومه
اليبجي على اهله من يلومه
*
ارد اسوِّي اربعينك فوكً كَبرك
او بالصار ويَّانه ارد أخبرك
او بيدي لهيل اتراب لحدك
*
نسوانكم طرن البيده
وحده تصيح اوليدي اريده
وحده تون ونَّه شديده
واتحيَّر العابد اشبيده
*
او رمله تحشَّم يا محسَّر
ليله تنادي وين الاكبر
او سكنه تصيح اللّٰه واكبر
اكعد يعمي يا مشكَّر
*
هم تعتذرني لو نخيتك
تصرخ يعمي اليوم جيتك
تقبل يبو فاضل حميتك
عمي ارد وحدي واكَعد اببيتك
*
عليها هظم واليوم اجتكم
كعدوا يبوفاضل لختكم
أربعين ليله فاركَتكم
*
ليكم اجينه اليوم خطار
تلكوا الحرم يحنان يطهار
ردِّيت واربعينكم صار
*
كلبي المصيبتكم تصدَّع
اردَ اسوِّي اربعين احسين وارجع
عباس بينه ليش تكَطع
*
يهلنه علينه مانشدتوا
ماهي امروه ما كَعدتوا
من تيَّهيتونه اشكلتوا
*تـــمت والـــــفضـــ🤲ـــل لله تعالى*
*بقلم✍الشاعره أم شيماء فرج الله الاسدي*
*صاحبه ديوان📚احزان كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
#من_قصائد_المله_ام_هجران_العمارچيه_
لطميه للرجوع من السبي إلى كربلاء (تلكَونه يهلنه)
اجينه اليوم خطار تلكَونه يهلنه
نشجي هضم الايام وامصايب دهرنه
لبو السجاد اجينه وانسوي أربعينه
نشجيله هضمنه تلكَونه يهلنه
*
زينب ردت اليوم والدمعه تهلهه
تنشد علي السجاد عن اكَبور أهلهه
يعمه عزاز روحي وشيالة حملهه
ويعمه الكَلب مشتاكً وتجوي نار الفراكً
لهابه وجوتنه. تلكَونه يهلنه
*
يعمه حسين وينه دليني أعله كَبره
جيت بهضم هاليوم وجبت وياي بزره
وبيدي الراس جبته ارجعنه لنحره
ذليله اليوم اجيتك جبت عيال بيتك
مصايب لوعتنه تلكَونه يهلنه
*
تون عالكَبر زينب وتجر ونه خفيه
خويه الدهر يحسين تدري شلعب بيه
عكَب الخدر والعز يبن أمي سبيه
بجت وانغمه اعليهه وتعاتب وليهه
يبن أمي انهضمنه تلكَونه يهلنه
*
زينب تنده حسين والدمعه تهلهه
لن تسمع المظلوم ناشدهه وسألهه
رقيه وين بتي ويا زينب يكلهه
ما هيه ويه الايتام تكَله انكَضت بالشام
عنهه انكَطع ضنه اتلكَونه يهلنه
*
تنشدني اعله بتك دنشدني أعلى حالي
رحت لليسر يحسين وحدي بغير والي
يبره الضعن خولي عكَب عزي ودلالي
عكَّب ذيج الجلاله ضليت برذاله
بس أجذب الونه تلكَونه يهلنه
*
تنشد ليش يحسين يبن أمي أعلى بتك
ماتدري مصايب عكَبك حملت اختك
هذا اليوم خطار يبو السجاد أجتك
انه الغاليه اعليك اكَعد خل احاجيك
واكَلك وين جنه. تلكَونه يهلنه
*
*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
#من_قصائد_المله_ام_هجران_العمارچيه_
مربعه للامام الحسين عليه السلام(خوان الدهر)
خوان الدهر يامن هجم بيته
راواني الهضم والهضم مليته
*
خوان الدهر ما يرحم بحالي
خلاني بهضيمه وعوز للوالي
وانه اخت الحياده اميسره تالي
ما ريد العمر موتي تمنيته
خوان الدهر يامن هجم بيته
*
مليت العمر هالعمر ما ريده
سطراني الدهر تاذي الدهر ايده
اخويه حسين صارت شوفته بعيده
مشيت ميسره وعالرمل خليته
خوان الدهر يامن هجم بيته
*
وياي الدهر جفه شكثر قاسي
سطرني ومن سطرته ما شلت راسي
احشم وين اخوتي وعالرمل ناسي
غريبه اخلافهم والدمع هليته
خوان الدهر يامن هجم بيته
*
بسك يا دهر من الهضم مليت
يا سكَف اليلمنه وهدميت البيت
راحو كل اخوتيّ وبالحزن ضليت
شمالك يا زماني الشمل طشيه
خوان الدهر يامن هجم بيته
*
طشيت الشمل والشمل شيلمه
اصد الدار اهلنه مكدره ظلمه
اصحين يا علي ويم الحسن يمه
وعباس البطل وحسين ناديته
خوان الدهر يامن هجم بيته
*
أصيحن يا هلي وكَلبي تشب ناره
ماتو والكَبر ما ينطي خطاره
اخويه حسين هدمهه الوكت داره
نايم بالكَبر وانه تعنيته
خوان الدهر يامن هجم بيته
*
نايم والتراب الحار بعيونه
تمنيت الكَبر ينطي اليضيفونه
اطبن للحنين بروح محزونه
وخل يسمع ونيني الحيل ونيته
خوان الدهر يامن هجم بيته
*
*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/haneen_Ali_Faris
دخيلك يالعباس دخيلك من هالدنيا ومن هالناس
زينب المشرفاوي