حنـينـي💜

20 Jan 2021 21:12

حتى لو نسينا الموقف
الشعور عمره ماينتسى

حنـينـي💜

20 Jan 2021 18:52

أني مش بحاجتك ولا بحاجة وجودك، ونكمل حياتي من غير شدة إيدك عادي، ونعرف الطريق بروحي من غير ماتأشرلي عليها، حتى لو ضعت عيونك إختفت منهم الخريطة، وحتى لو إنجرحت ضحكتك معاش دواء، حتى لو "أني مش أني" خلاص معاش نبيك .

حنـينـي💜

20 Jan 2021 16:46

أقوى حاجة إديرها لبنادم يعرف يكتب أن تسيّطر على إلهامه، يعني إنت قعدت ولا ومشيت هو بيتخايلك ويكتب .

حنـينـي💜

19 Jan 2021 00:18

بعيداً عن طمعي .. بالجنة
وخوفي الشديد ...من النار

(أريدُ حقاً رؤية الله)

أريدُ أن أرى ... من ذا الذي لطالما آنَسَ وحشَتي
وفك كُربَتي، وآمَنَ روعاتي ودبَّرَ حياتي!

من ذا الذي .. آوانا حينما جافونا وتركونا!
من ذا الذي ... شفانا وعافانا، وأطعمنا وسقانا
من غَيرِ حَوْلٍ مِنا ولا قوة!

من ذا الذي ... يرحمنا، ويسترنا
و يجبرنا، ويغفر لنا، و يهدينا، ويكرمنا.

من ذا الذي ... ستَرَنا، وأظهرَ الجميل مِنا.
من ذا الذي ... نُبارِزُهُ بالقبيح، ومتى رجعنا قَبِلَنا!

تالله ... أشد الحِرمان أن تفوتك رؤية الله.
فاللهم لا تحرمنا

حنـينـي💜

18 Jan 2021 23:02

أنتِ جميلةٌ بشكلٍ خارق..

حنـينـي💜

18 Jan 2021 20:37

مرض التفكير المفرط هو أسوء الأمراض يلي ماليهاش علاج

حنـينـي💜

18 Jan 2021 00:45

مش حتعرف أن عيونك حلوة غير لما اللي تحبه يمدحهم، ولا حتحب ضحكتك غير لما نفس الشخص يتغزل بيها، مش حتحس بوجود قلبك غير هو لما يقولك "نحبك"

حنـينـي💜

15 Jan 2021 00:24

محتار قلبي وماعرفتلاش طريق

حنـينـي💜

14 Jan 2021 23:18

لحظتها تمنيت لو نهرب من الدنيا، نهرب من نظراتهم من عيونهم يلي تتكلم ومن لسانهم يلي مش قادر ينطق، تمنيت نسكّر وذاني قدامهم ونعيّط بأعلى ماعندي، تمنيت لو هالأرض إدير الخير فيا ولو مرة وتبلعني .

حنـينـي💜

13 Jan 2021 21:16

‏"يجب على المسافات أن تعتذر لنا"

حنـينـي💜

11 Jan 2021 23:58

أنسى الكلام وتعال نتعاملوا بالحضن

حنـينـي💜

11 Jan 2021 16:38

البنادم يلي تعود يداوي جراح غيره مش حينتبه عليه حد أنه مجروح، حيقعد ينزف من الداخل لين يختفي من حياتكم
حتلوموه على البُعد مع أن ولا مرة هو لامكم على جروحه يلي ماشفتهمش .

حنـينـي💜

11 Jan 2021 01:35

كنت مستعدة نكتبلك رسايل الحب كل يوم، ورسايل تحسسك بالأمان وإنت فاقده، ورسايل تخليك أهم واحد وإنت ماتسواش، كنت مستعدة نخليك بطل كل الحكايات وإنت مجرد كومبارس، وبكلامي نحسسك أن لا قبلك في حد ولا اللي بعدك ممكن يجي زيك، كنت مستعدة نخليك من مجرد حروف تبني كيان وأحلام تعيش عليهم، كنت مستعدة إندير هلبا أشياء ... ونسيت أن يلي متعود يكون هامش مش حيهمه يكون الأساس .

حنـينـي💜

11 Jan 2021 00:38

إللي عندنا نخشوا بيه حرب ونطلعوا رابحين مية قلب يحبنا، مش تكبر لكن اللي فينا فعليا مايتكررش

حنـينـي💜

10 Jan 2021 23:48

💌 وصلت لك رسالة جديدة
⏱وقت الرسالة: 2021/01/11 01:32
✉️ المحتوى : ↓↓
أنتِ أيضًا غارقة في اليأس
‏لكنكِ عظيمة ، عظيمة و طاهرة
‏كلماتكِ تتخذ شكل اليد
‏و تعرف جيدًا كيف تُضمّد .💜

- داعمتك المجهولة .🦋
----
💡يمكنك الرد بعمل رد على هذه الرسالة .

حنـينـي💜

20 Jan 2021 20:50

بكل ضعف وقلة حيلة مني كنت نجيك ديما مكسورة باش تجبرني، وبكل جبروت وقسوة منك كنت تزيد في كسري، يارتني نشعف وياريتك إدير قلب .

حنـينـي💜

20 Jan 2021 17:10

لما نحبوا هلبا أدق التفاصيل هي اللي بتقتلنا

حنـينـي💜

20 Jan 2021 16:45

مرت عليا سنين بلياليها كنت في ڪل ليلة تمر إندوّر في الحضن اللي من شعوره القوي يقعد حاصل فيا لليوم الثاني

مرّوا عليا أشخاص بقلوب مختلفة وروح غريبة، ڪنت ندوّر داخلهم على مكان مكتوب بإسمي ويكونوا يستنوا فيا

مر عليا ڪلام ماقدرتش نقوله لحد، وإحساس غالي ما ينعطاش لأي حد، ونظرة عيون مش قادرة تلمع قدام عيونهم

مرّوا ومرّت عليا أيام وأشخاص من كثرتهم شعور الوحدة عمره ما إختفى مني .

حنـينـي💜

18 Jan 2021 23:59

يقولو 40 دعوة من غريب مستجابة
وأني بجديات محتاجة لدعواتكم بشكل غير طبيعي، ادعولي غدوا نجاوب وربي يسخرلي الحال لو سمحتوا

حنـينـي💜

18 Jan 2021 23:00

يـوم جديد معبّي بحاجات إتّعب القلب من غير وجودك

حنـينـي💜

18 Jan 2021 14:01

ڪل اللي فاتو في حياتي ماخلوش فيا الأثر اللي خليته إنت بعد مامشيت

حنـينـي💜

15 Jan 2021 15:45

‏"فَظَلَّ يصلي على محمد ﷺ، حتى تلاشى حزنه، وطابت نفسه، ثم دعى رَبّه فأجابه."

حنـينـي💜

14 Jan 2021 23:45

خايفة ضعفي يبان عليا، وقلبك يتمادى في بُعده وقلبي يتحسّر على فراقك

حنـينـي💜

13 Jan 2021 22:39

وصلت لك رسالة جديدة ✉️
وقت الرسالة » 11:37:56 مساء - الاربعاء ، 13/01/2021 ⏱
محتوى الرسالة : 💬
-
فيك حاجة قنينة هلبة.. إنتِ عفوية وشفافة وواضحة لدرجة جذّابة بجديّات.
والوقت هذا بذّات صعب تلقى التلقائية والبراءة متاعك، نظافة قلبك باينة منغير ما حتى نتعرّف عليك ولا نتقرّب.
إنتِ التّميّز في زَمن الإعتيادات حنِين.. إنتِ هديّة ونعمَة، عمرُك ما تخممي في حاجة لإن اللي زيّك ربّي كافيه بروح طاهرة، ذهب شفّاف.
تصبح علي خير.
-
يمكنك الرد بعمل على هذه الرسالة ❕
-

حنـينـي💜

12 Jan 2021 00:02

أول مرة نحب الدنيا وأول مرة نحب الوقت، الأن الزوز إتفقوا يحطوك في طريقي

حنـينـي💜

11 Jan 2021 23:00

00:00
في ڪل الأوقات و مع دقة عقارب الساعة
وعلى الساعة 12 من نهاية ڪل يوم، مافيش حاجة تكمل غير بحضورك .

حنـينـي💜

11 Jan 2021 01:51

‏"كان يمكنك أن تذهب بهدوء، لماذا أخترت أن يكون رحيلك عاصفة"؟

حنـينـي💜

11 Jan 2021 01:26

شن حصّلت منك غير شوية أيام و ذكريات معبية وهم وكذب، كل ما نذكرها نكره الوقت يلي جابك في طريقي

حنـينـي💜

11 Jan 2021 00:37

عطيني من وقتك دقيقة، وكان قدرت تكمّل باقي الدقايق اللي في عمرك بلاي، صحة مني ليك

حنـينـي💜

10 Jan 2021 15:46

أني ممتنة لكمية الخذلان اللي جتني منك، ولكل كلمات الصد يلي تلقيتها بسببك، ممتنة لعدم الرد وللجرح والقسوة يلي كافيتني بيهم، ماهو لولاهم راه قاعدة نحبك لليوم .