hasanabas100 | Unsorted

Telegram-канал hasanabas100 - خادمه الزهراء الملا أم حسن السراي

1811

كل ما تحتاجه الخادمة في المجالس الحسينية من كتب وقصائد واطوار (واحنه غير حسين ماعدنه وسيلة) خادمة اهل البيت ع الملاية ام حسن السراي

Subscribe to a channel

خادمه الزهراء الملا أم حسن السراي

قصيدة "للزهراء ع (فلت وانتهت)
الشاعرة ...فاطمة هاشم الحسيني
..........
فلت وانتهت وياج يحبيبه
ها يالزاجيه يم جلمة الطيبه


⊱━━⊰✾ياصاحب الزمان✾⊱━━⊰


يمه شحال كَلبي ولا فكَدتيني
اشو جنج يضي عيني نسيتيني
ماعندي حبايب ليش عفتيني

تدريني //ماعندي احبيبه


⊱━━⊰✾ياصاحب الزمان✾⊱━━⊰


ماعندي حبايب زهره يايمه
عينج غمضت والتمت الهظمه
كلشي اخلاف وجهج موحش وظلمه

تعبانه //من دونج روحي


⊱━━⊰✾ياصاحب الزمان✾⊱━━⊰


يبعد الروح يمه افراكج يتعب
رحتي والحزن بثيابي مجلب
بطرف الساني يمه وبيج بس اندب

ماناسيته //وياي اسمج


⊱━━⊰✾ياصاحب الزمان✾⊱━━⊰


اسمج مانسيته وعايشه أبالي
واصورج يعافيتي اتراوالي
بس عطرج يبعد الروح ضلالي

اشتم بيها //والشيله العندي


⊱━━⊰✾ياصاحب الزمان✾⊱━━⊰


بس عطرج ييمه اوياي اشمنه
وجهج ضاع مني و وين اشوفنه
اعيش شلون يمه اخلافج اتهنه

مهظومه //وعيوني اتسولف


#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

قصيدة "الزهراء ع (صدك تسوين )
الشاعرة"فاطمة هاشم الحسيني

..........
صدك تسوين الج ينذب العكَال
مصابج جن سهم مولاتي جتال


⊱━━⊰✾ياصاحب الزمان✾⊱━━⊰

تنذب العكَل لمصابج اليله
يابنت النبي ويازهرته وحيله
عليج ازلام تبجي المدمع اتسيله

من شاف الضلع جا حيدر شكال
صدك تسوين الج ينذب العكَال


⊱━━⊰✾ياصاحب الزمان✾⊱━━⊰



صدك تسوين يم حسين يبجولج
نسوان وزلم انتي اليلطمولج
جم جادر عزه بمدمع ينصبولج

يالدمج ظلم ويلاه من سال
صدكَ تسوين الج ينذب العكَال


⊱━━⊰✾ياصاحب الزمان✾⊱━━⊰


عله الزهراء طروها الدشاديش
مكسورة ضلع جا فاطمه ليش
ماخلوها يابنت النبي اتعيش

وأن بالدار خيحركونها كال
صدك تسوين الج ينذب العكَال

ظلموها //بس راح الوالد


⊱━━⊰✾ياصاحب الزمان✾⊱━━⊰


عله الزهراء دمعات الزلم هلت
لطم نسوان بالميدان من لطمت
شلون ام الحسن من الوجع ونت

دمع العين من الهظم همال
صدك تسوين الج ينذب العكَال

مالومه //ياحيف الزهره


⊱━━⊰✾ياصاحب الزمان✾⊱━━⊰


جادر للحزن بمصابج انصبه
ودمع العين الج يافاطمه انصبه
صعبه غيبتج يم الحسن صعبه

مصابج مانسيته وشاغل البال
صدك تسوين الج ينذب العكَال

#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

لسان حال السيدة زينب ع (ماعدي حبايب)
الشاعرة ،فاطمة هاشم الحسيني
..........................

ماعندي حبايب ها يالحبيبه
نومج مو محله كعدي ياطيبه


⊱━━⊰✾ياصاحب الزمان✾⊱━━⊰


ماعندي حبايب لو لفاني الهم
وين انطي الوجه يمي الحزن خيم
مثل هشمت اضلوعج كلبي مهشم

يااحنينه //مو زينه اخلافج



⊱━━⊰✾ياصاحب الزمان✾⊱━━⊰


يايمه الحبايب عازه عازتهن
شمحلاهن ييمه شمحله لمتهن
ترد الروح وتداويني شوفتهن

عميانه //وعيوني اخلافج



⊱━━⊰✾ياصاحب الزمان✾⊱━━⊰


يالتسوين عمري وشوف البعيني
شلون انطاج كلبج هيج عفتيني
ما سكتت دمعتي وطول ونيني

سهرانه //وي ذكرج انحب



⊱━━⊰✾ياصاحب الزمان✾⊱━━⊰


سهرانه واسولف بيج مااملن
اعيوني امن البواجي يم حسن جفن
حياطين النزل من صرختي ونن


لحكيلي // لا اموت ادخيلج


⊱━━⊰✾ياصاحب الزمان✾⊱━━⊰


صفيت انه ودمعتي ومحد بحالي
افراكج مااحمله وهوه جتالي
شويه شويه صار الموت يدنالي


يا زينه //جتال افراكج

#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

كلمات ام حسين العامري

Читать полностью…

خادمه الزهراء الملا أم حسن السراي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

/channel/Abas747

Читать полностью…

خادمه الزهراء الملا أم حسن السراي

ابدعت غدير الحساني اختصرت حال مولانه أمير المؤمنين عندما رجع من دفن مولاتي الزهراء 😭

Читать полностью…

خادمه الزهراء الملا أم حسن السراي

https://vt.tiktok.com/ZSgxt3m5A/

Читать полностью…

خادمه الزهراء الملا أم حسن السراي

قصيدة "الزهراء ع (ياشمعة علي)
الشاعرة "فاطمة هاشم الحسيني
..............


ياشمعة علي جا وين تردين
يتمتي العقيله وينحب حسين


⊱━━⊰✾ياصاحب الزمان✾⊱━━⊰


ياشمعة علي وروح النبوه انتي
راحت روح زينب ليش جا رحتي
وراج اتصيح يمه للحزن ضلتي

عني شلون ياشفجه تروحين
ياشمعة علي جا وين تردين


⊱━━⊰✾ياصاحب الزمان✾⊱━━⊰


مو حلوه الحياة اتصير من دونج
اطفالج بعدهم والله يردونج
حيل اتعذبو من نامت اعيونج

حدر اتراب ياوسفه تنامين
ياشمعة علي جا وين تردين

⊱━━⊰✾ياصاحب الزمان✾⊱━━⊰


ها يالطاهره ياحلوة العشره
مو بعدج شباب شلون يازهره
نمتي بالكَبر وبعينج السطره

نمتي بالكبر مسطوره العين
ياشمعة علي جا وين تردين


⊱━━⊰✾ياصاحب الزمان✾⊱━━⊰


خنكَه بالكَلب يازهره لمصابج
مااله كل دوه مو هين اصوابج
مكسورة ضلع يازهرة احبابج

مكسورة ضلع هظمه تموتين
ياشمعة علي جا وين تردين


⊱━━⊰✾ياصاحب الزمان✾⊱━━⊰

مكسورة ضلع والعين مدميه
نقرالج عزه ياكون يوميه
يمن اسمج يرد الروح طاريه

يابضعة نبينه الما تقصرين
ياشمعة علي جا وين تردين

#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

#من_ديوان_عبرات_وأنين_ج1
*قصيدة لتشييع الزهراء*
❥━──➸➽❥❂❥━──➸➽❥❂
شيعو نعش ام حسن هاليله
وزينب الحره دمعها تسيله
❥━──➸➽❥❂❥━──➸➽❥❂
شيعاها بليل حماي الحمه
يساعده الله شلون يدفن فاطمه
والضلع مكسور يتنازف دمه
من ضلعها من الألم تشكيله
❥━──➸➽❥❂❥━──➸➽❥❂
تشتكي من الالم ام الحسن
وعلي شيعها ويهل دمع الجفن
بيده دفناها وبگه ينوح ويون
منفجع دلاله وانهد حيله
❥━──➸➽❥❂❥━──➸➽❥❂
ساعد الله حيدره حامي الدخيل
منفطر دلاله و المدمع يسيل
يمه اولاده بگت تصرخ يويل
وزينب اتدگ عالصدر ونحيله
❥━──➸➽❥❂❥━──➸➽❥❂
زينب تنوح وتهل دمعه العين
والحسن مفجوع ويجر الونين
يصيح وين محمله ام گلب الحنين
والحسين عله امه ذاب دليله
❥━──➸➽❥❂❥━──➸➽❥❂
ذوب الدلال فگد الطاهره
وزينب اعله الباب تبگه مناطره
وتلهب النهار بگلبها مسعره
من عگب عينچ تتيه العيله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/mariamalnoor1988

Читать полностью…

خادمه الزهراء الملا أم حسن السراي

https://vt.tiktok.com/ZSgMgQC26/

Читать полностью…

خادمه الزهراء الملا أم حسن السراي

https://vt.tiktok.com/ZSbAorA87/

Читать полностью…

خادمه الزهراء الملا أم حسن السراي

#جديد #الايام_الفاطمية_‏2026 ، 🔥🔥

قصيدة ثقيلة لوفاة مولاتنا الزهراء
بلسان حال الحوراء زينب (ع)

((ماتت أمها))

وكاني بها بعد رحيل امها عنها. جعلت تبكي وتعاتبها. شتگلها..
—————————
ماتت أمها حجايه كسرت خاطري
شلون اعيش بدون وجهج مادري
الزينب انتي العافيه
ليش عينج غافيه
ماتت أمها حجايه كسرت خاطري

—————————

ااا يكسرة خاطري الما تنجبر
عني ظم عيونج اتراب الگبر
وآنه كل ماشوف وجهج ابتشر

يا لذيذه او وافيه
ليش عينج غافيه
ماتت أمها حجايه كسرت خاطري

—————————

يا حنينه وفگدج يفت العظم
يمّه بتج طفله مو حمل اليتم
ليش عفتيني وحيده بلايه أم

ورايحه وما شافيه
ليش عينج غافيه
ماتت أمها حجايه كسرت خاطري

—————————

رحتي والكسر الضلع ما صح دوه
وبعده گلبي من حنانج ما روه
خلاف شخصج يخنگ بريتي الهوه

يا شمعتي الطافيه
ليش عينج غافيه
ماتت أمها حجايه كسرت خاطري

—————————

يا شمعتي الذابت بعمر الورد
من رحيلج يمّه احس گلبي انمرد
حجرتج كلساع اعاينها و ارد

يلجلمتج دافيه
ليش عينج غافيه
ماتت أمها حجايه كسرت خاطري



ادخل الحجره ودمعتي هامله
وانظر امصلاج من عندج خله
من عگب عيناج صارت مايله

دنيتي وما صافيه
ليش عينج غافيه
ماتت أمها حجايه كسرت خاطري


تمت والشكر لله 🙏🏻 بقلم ✍🏻 #الشاعرة_والملة #رِضاب_الأسدي. لا اجيز له وغير مبري الذمة من يحذف اسمي او يتلاعب بالكلمات وينسب الرثاء له او لشخص اخر، واسألكم الدعاء لي ولوالدَيَّ

يشرفني انضمامكم لقنواتي في التليكرام والواتساب،
رابط قناة التليكرام 👇🏻

/channel/Radab_Alasdy

رابط قناة الواتساب 👇🏻

https://whatsapp.com/channel/ 0029 Vb 7 d 24 hChq 6 N 9 bYG 4 z 11

Читать полностью…

خادمه الزهراء الملا أم حسن السراي

بِسْمِ اللَّهِ الرَّحْمَنِ الرَّحِيمِ،
اللهم صل على محمد وآل محمد،
وبعد.. كلما هممتُ أن أكتب، ارتجفت يداي وسبقتني
دمعتي إلى الورق
لانني لم أكتب عن امرأة عادية، نعم انها سيدة النساء
فاطمة الزهراء، كتبت عن بابٍ ركلوه، وعن ضلعٍ كسروه،
وعن جنين مات قبل أن يُولد وعن كلمة يا أمّاه خرجت
من حنجرة العقيلة زينب وهي ترى أمها مسجاة على
فراش المنية،
واليوم.. صار بُكائي كتاباً.،
تم على بركة الله اصدار ديواني الجديد بعنوان: رِثاءُ
أطهرِ النساء الجزء الأول، خاص بمولاتنا المظلومة فاطمة
الزهراء (عليها السلام) قصائد
لم تُكتب بالحبر، بل كُتبت بدمعة وبحسرة قلبٍ موجع
وبأنينٍ لم ينقطع، هذا الديوان للبكاء وللمجالس التي
تبكي بها الناس بحرقة على مصيبة مولاتنا الزهراء،
وللخادمة المبدعة التي تبحث عن كلمةٍ تصل إلى القلب
قبل الأذن، بقلم خادمتكِم وخادمة اهل البيت (ع)..
الشاعرة والملة.. رِضاب الأسدي. ديوان رثاء اطهر
النساء.. هو الاختيار الانسب لكم. متوفر الان في جميع
مكاتب المحافظات. وسانشر لكم العناوين والارقام تباعا

Читать полностью…

خادمه الزهراء الملا أم حسن السراي

كلمات الشاعرة رضاب الاسدي

Читать полностью…

خادمه الزهراء الملا أم حسن السراي

#من_ديوان_عبرات_وأنين_ج9
*فزاعيه للزهراء(من شالت المهيوبه)*
❥━──➸➽❥❂❥━──➸➽❥❂
هلت دمعة الكرار
من شالت المهيوبه
❥━──➸➽❥❂❥━──➸➽❥❂
هلت دمعة عيونه
ويريد اليعازونه
عليهه الخلگ مرجونه
وكل الدنيه مگلوبه
❥━──➸➽❥❂❥━──➸➽❥❂
الدنيه محزونه وظلمه
وزينب بگت بالهظمه
تون وتصيح يا يمه
يالبظلع مصيوبه
❥━──➸➽❥❂❥━──➸➽❥❂
يم ضلعين مهشومه
بسج عاد هالنومه
روحي اعليچ مهدومه
وامحيره ومتعوبه
❥━──➸➽❥❂❥━──➸➽❥❂
روحي اعليچ حزنانه
ريتچ گاعده اويانه
گلبي الحزن عنوانه
بنصه النار منشوبه
❥━──➸➽❥❂❥━──➸➽❥❂
بنصه النار مشتعله
گلبي ولاگلب مثله
بيه افراگچ شخله
دموعي اعليچ مسچوبه
❥━──➸➽❥❂❥━──➸➽❥❂
عليچ العين هماله
ابنچ يبچي شحاله
خالي امچانچ اگباله
وحته الدار منكوبه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/mariamalnoor1988

Читать полностью…

خادمه الزهراء الملا أم حسن السراي

قصيدة "الزهراء ع (جادر لم حسن )
الشاعرة ...فاطمة هاشم الحسيني
.........
جادر لم حسن منصوب هليوم
لطامات اجينه بسود الهدوم


⊱━━⊰✾ياصاحب الزمان✾⊱━━⊰


جادر لم حسن منصوب رحناله
دخلنه اهدوم سوده وعبره جتاله
الامه اتموت ياهلناس شحواله

امنه الماتت وماهمنه اليلوم
جادر لم حسن منصوب هليوم


⊱━━⊰✾ياصاحب الزمان✾⊱━━⊰


للجادر دخلنه بروح محتامه
وين ام الحسن علراس لطامه
وحكَ حال الحُسين وحركَت اخيامه

لو بيدينه نبجي اعليها بدموم
جادر لم حسن منصوب هليوم


⊱━━⊰✾ياصاحب الزمان✾⊱━━⊰


تحزمنه عليها احزام مفجوعه
آه يمنه الزجيه صحنه ابلوعه
عليها اكَلوبنه فدنوب مشلوعه

عليها الحيل هاي الزهره مهدوم
جادر لم حسن منصوب هليوم


⊱━━⊰✾ياصاحب الزمان✾⊱━━⊰



تكابلنه بلطمنه والدمع يهمل
يفراك الزجيه مو سهل يكتل
رجيجه اكَلوبنه للصار ماتحمل

كالو من ضلعها سالت ادموم
جادر لم حسن منصوب هليوم



⊱━━⊰✾ياصاحب الزمان✾⊱━━⊰


كالو طايحه والعين ملطومه
يعني ماتت الزهراء مهظومه
من اهل السقيفه حيل مالومه

وللحادث محمد والله مالوم
جادر لم حسن منصوب هليوم

#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

قصيدة "للزهراء ع {ايعينج الله}
الشاعرة ، فاطمة هاشم الحسيني
...............

ايعينج الله هل مسيه
ماتت الزهره الزجيه

ماتت وعاش الألم
وياج يبقه للخيم

هناك برض الغاظريه
يعينج الله هل مسيه


⊱━━⊰✾ياصاحب الزمان✾⊱━━⊰



هي ماتت وانتي عشتي اليا جرح
بين طشتين وحرامات ورمح
انتي هذا العاش الف مره انذبح

خلصت اسنينج دمع
من اهد كسر الضلع

ضاله ادموعج جريه
يعينج الله بهل مسيه



⊱━━⊰✾ياصاحب الزمان✾⊱━━⊰


بعد من هل اليله ويبلش حزن
يالعقيله اوياج حد ضرب المتن
روحج تعاشر الهظمه بس تون


ونج يضل للابد
راحه ماتحصل بعد

عمرج يخلص اذيه


⊱━━⊰✾ياصاحب الزمان✾⊱━━⊰

من تغمض امج العين بتعب
حسبي كل الضيم جن ليج انكتب
والقهر وياج يلكاله سبب

عمر يكظي بس هظم
تعب وهموم ويتم

كَلبج الطاهر خطيه



⊱━━⊰✾ياصاحب الزمان✾⊱━━⊰


كَلبج شيحمل دخيلج بت علي
ماتت الزهراء ياهم ينجلي
بنار فركاها دليلج مبتلي


نار ماتطفه وتشب
تولي دلاله اليحب

ياسفر ما منه جيه


⊱━━⊰✾ياصاحب الزمان✾⊱━━⊰


سافرة للكبر وهمومج بدت
دموم من فركاها دمعاتج جرت
شمعت اسنينج يبت حيدر طفت



جن كبرتي من القهر
كَلبج اعليها انكسر


ردتي موتتجن سويه


#الشاعرة_فاطمة_هاشم_الحسيني
/channel/fatm_t4

Читать полностью…

خادمه الزهراء الملا أم حسن السراي

قصيدة "للزهراء ع (عباة ام الحسن)
الشاعرة ...فاطمة هاشم الحسيني

........
عباة ام الحسن للضيج ضميها
باجر للطفوف اوياكم اخذيها


⊱━━⊰✾ياصاحب الزمان✾⊱━━⊰


عباة امج يزينب للبخت عنوان
ضميها ذخر من يوكع العطشان
اله تروحين بيها الخطة الميدان

تفيله //يازينب بيها


⊱━━⊰✾ياصاحب الزمان✾⊱━━⊰


عباة امج حرز لو حركو الخيمه
خيمتجن تصير بوسطة الهيمه
حطيها اعله كَلبج لو كثر ضيمها

شميها //وتزول اهمومج


⊱━━⊰✾ياصاحب الزمان✾⊱━━⊰


ضميها علكَ يازينب الحره
هاي شكد ثمينه امن امج الزهره
لو بالطف يزينب خنكتج عبره

حظنيها //بالطف يازينب


⊱━━⊰✾ياصاحب الزمان✾⊱━━⊰


لو بالطف وكع عباس يزينب
روحج يالعقيله امن الحزن تتعب
بيها مسحي وجه امن الدمه مخضب

داويها //وجروح الكافل



⊱━━⊰✾ياصاحب الزمان✾⊱━━⊰


ضميها العبايه للبخت تبكَه
وتهون عليج احرورة الفركَه
وتشكف بالسبي يازينب الطكَه

خليها //درعج يازينب

#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

كلمات ام حسين العامري

Читать полностью…

خادمه الزهراء الملا أم حسن السراي

https://vt.tiktok.com/ZSgpsDU1N/

Читать полностью…

خادمه الزهراء الملا أم حسن السراي

https://vt.tiktok.com/ZSgXPpM8Q/

Читать полностью…

خادمه الزهراء الملا أم حسن السراي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

/channel/Abas747

Читать полностью…

خادمه الزهراء الملا أم حسن السراي

قصيدة "الزهراء ع (حركو دارها )
الشاعرة "فاطمة هاشم الحسيني

...........

حركو دارها والعين صابوها
بت خير البريه بسوط طكوها


⊱━━⊰✾ياصاحب الزمان✾⊱━━⊰


حركو دارها ياوسفة الوسفه
وكف بالباب حاقد ناره ماتطفه
صاح اعليها ياهظمه ورفع جفه

يأذيها //متقصد راد


⊱━━⊰✾ياصاحب الزمان✾⊱━━⊰



بغظاً للنبوه كاشخ بحقده
يم باب الزجيه اسمومه تتبده
كاللهم وأن متجاوز الحده

تهظموها //كاللهم عادي


⊱━━⊰✾ياصاحب الزمان✾⊱━━⊰


حيدر بالوصيه مجتف اذراعه
امر ربنه ونبينه ياخلك طاعه
معروف بحميته وغيرة بطباعه

يعرفونه //صابر مجبور


⊱━━⊰✾ياصاحب الزمان✾⊱━━⊰


طبقها الوصيه ومارفع سيفه
بكيف الله ونبينه السكته مو كيفه
مؤمن ياخلك والطاعه تكليفه

يوصفونه //مؤمن كرار


⊱━━⊰✾ياصاحب الزمان✾⊱━━⊰


يوصفونه قوي ياجيش يكدرله
حيله الحيل فاطم منهدم كله
ينحب والدمع لدموعها يهله

يلجمونه //كدرو بالزهره

#الشاعرة_فاطمة_هاشم_الحسيني

/channel/fatm_t4

Читать полностью…

خادمه الزهراء الملا أم حسن السراي

#من_ديوان_دموع_وعبرة_ج٣
#قصيدة_للزهراء_عليها_السلام_فارگتني
❥━──➸➽❥❂❥━──➸➽❥❂
فارگتني ... والگلب محتاج ليهه
فارگتني ... والله مشتاگه لحچيهه
راحت بعيد ومشت ... بيه ابد ما حسبت
          فارگتني ... فارگتني
❥━──➸➽❥❂❥━──➸➽❥❂
راحت بعيد ومشت سكنت بالگبور
شلون وسدوها بلحد والضلع مكسور
آه يا گلبي عليها صبح مفطور
شالت من البيت ظل البيت مهجور
ظلمه صارت دنيتي ...  وياها راحت راحتي
         فارگتني ... فارگتني
❥━──➸➽❥❂❥━──➸➽❥❂
ظلمه صارت دنيتي وصعبة بعدها
يهد حيلي وياكل بگلبي فگدها
وياها كون اتسود انه بنص لحدها
يا زماني أرجوك محتاجتها ردها
ردها خيرد الفرح ... گلبي بجفاها انجرح
         فارگتني ... فارگتني
❥━──➸➽❥❂❥━──➸➽❥❂
گلبي يا وآدم ابد ما يحمل أفراك
كل مغربيه احن وليها اشتاك
بحسرتي اعتب واگللها الخلك ظاك
آيفرگاها يحز بالگلب حراك
گلبي ما يحمل هجر ... زغيرة عالهم والقهر
         فارگتني ... فارگتني
❥━──➸➽❥❂❥━──➸➽❥❂
شلون من عگبچ اگظي ايام وسنين
وانه ما احمل غيابچ ساعة تدرين
انظر مصلاچ خالي واهمل العين
وادري بيچ اعليه ابدن ما تردين
ما ترجعيلي بعد ... گلبي يحبيبه نمرد
         فارگتني ... فارگتني
❥━──➸➽❥❂❥━──➸➽❥❂
روحي مالومه وانادي يالحنينه
گلبي ما يبطل بعد ساعة ونينه
ما حسبت حساب يوم تفارگينه
زغار وبهذا عمرنه تيتمينه
ايامچ ويانه گضت ... رحتي والعشرة انتهت
         فارگتني ... فارگتني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/mariamalnoor1988

Читать полностью…

خادمه الزهراء الملا أم حسن السراي

بعض النماذج من القسم الاول من ديوان رثاء اطهر النساء الخاص بمولاتنا الزهراء. ديوان متكامل بكل ما تحتاجه الخادمة الحسينية. ختمة لقضاء الحوائج. محاضرات عن كرامتها قصائد للتوسل والندبه وفصل كامل للرثاء بمختلف الاطوار واكثر. اوعدج راح تقريه من الغلاف للغلاف، اطلبيه وما راح تخسرين، متوفر في جميع مكاتب المحافظات

Читать полностью…

خادمه الزهراء الملا أم حسن السراي

#حصريا #للايام_الفاطمية
💔💔

قصيده ثگيله لاستشهاد مولاتنا فاطمة الزهراء (عليها السلام)

((يمّه فتحي عيونج))

وكاني بلسان حال الحسنين بأبي وأمي.  عندما دخلو عليها فوجدوها مسجاة على مصلاتهى وقد وافتها المنية. جعلو يخاطبوها. شگالو..

—————————

يمّه فتحي عيونج
ولدج ايريدونج
كَلّمينه.  كَلّمينه

—————————

امعوّدتنه من نرد بكل  مسيّه
بحضنج اتضمين ولدج يلزجيّه
ليش نومج صار  وكت المغربيّه


جاوبينه شلونج
ولدج ايريدونج
كَلّمينه.  كَلّمينه

—————————

يمّه شو من صحنه باسمج ما گعدتي
فدوه گومي ليش هالسكته سكتّي
البيت وحشه يصير عگبج لو رحلتي

ما نعيش ابدونج
ولدج ايريدونج
كلّمينه.  كلّمينه

بقلم ✍🏻 #الشاعرة_والملة #رِضاب_الاسدي

—————————

مانعيش بدون خيمتنه الچبيره
العشره وياج انگضت كلش گصيره
يمه تعمي عيونّه النظره الاخيره

خاف تمشي ضعونج
ولدج ايريدونج
كلّمينه. كلّمينه

—————————

خاف تمشي اضعونچ اتطب للمگابر
وابنج ايضل بالحزن يكسر الخاطر
بعد ما تحجي ام حسن غمضت الناظر

يسيل دمع اچفونچ
ولدج ايريدونچ
كلّمينه. كلّمينه

—————————

يسيل دمع امنه ونشوفه هاي صعبه
الفارگ امه امن الزغر مكسور گلبه
تضل دوم اعيونه اعله الجيه تربه

لمن ايدفنونج
ولدج ايريدونچ
كلّمينه. كلّمينه

بقلم ✍🏻 #الشاعرة_والملة #أم_وليد_الموسوي
———

لا نجيز له وغير مبري الذمه من يحذف أسماءنا أو يتلاعب بالكلمات وينسب الرثاء له او لشخص اخر، ونسألكم الدعاء لنا ولوالدينا،

يشرفني انضمامكم لقنواتي في التليكرام والواتساب،
رابط قناة التليكرام 👇🏻

/channel/Radab_Alasdy،

رابط قناة الواتساب 👇🏻
https://whatsapp.com/channel/ 0029 Vb 7 d 24 hChq 6 N 9 bYG 4 z 11

Читать полностью…

خادمه الزهراء الملا أم حسن السراي

https://vt.tiktok.com/ZSb8FhoPU/

Читать полностью…

خادمه الزهراء الملا أم حسن السراي

‏
‏ إنّا لله وإنّا إليه راجعون

عَرَجتِ الرُّوحُ الطاهرة للمرجع الكبير، آية الله العظمى الحاجّ السيّد موسى الشبيري الزنجاني، إلى مَلَكوتِ اللهِ الأعلى.

Читать полностью…

خادمه الزهراء الملا أم حسن السراي

كلمات الشاعرة فاطمة هاشم الحسيني

Читать полностью…

خادمه الزهراء الملا أم حسن السراي

*نعي للزهراء (ع) من ديوان عبرات وانين (ج9 خاص بالزهراء والإمام علي عليه السلام)*
*ابوذيه:🍃*
مصب الضيم دهري عليه  ينصاب
فجعني بامي خله الگلب ينصاب
چادر حزن وسط الگلب ينصاب
على امي الحملت واگطعت بيه
❥━──➸➽❥❂❥━──➸➽❥❂
*نعي مجرد:🍃*
*-----------------*
يا يمه وچهچ ضيعيته
دورت عنه  و ما لكيته
وحظنچ الدافي فارگيته
فراگچ تراني ما هويته
❥━──➸➽❥❂❥━──➸➽❥❂
ما احمل فراگچ وانتي تدرين
وعفتيني وحيده اصفج بالايدين
بعدچ عني وسفه البين
وانطي الوجه كليلي لا وين
❥━──➸➽❥❂❥━──➸➽❥❂
يا يمه يالكلچ محنه
اشم شيلتچ و اجذب الونه
واصيح بصوت يمه ردي النه
من عگبچ تره اطشر شملنه
❥━──➸➽❥❂❥━──➸➽❥❂
محتاجه يطيبه اگعد وياچ
واغفه سويعه بين  يمناچ
مدري   زماني و ين و داچ
رحتي يبعد اهلي وفگدناچ
❥━──➸➽❥❂❥━──➸➽❥❂
ردي ييمه روحي راحت
بتچ عگب عينچ ما ارتاحت
لطمت عليچ و حيل ناحت
ردي يالحنينه بصوت صاحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

/channel/mariamalnoor1988

Читать полностью…
Subscribe to a channel