205
چلمه لــ وينگ دليل تلم شگو بنادم بعيد @Hasan_Qasim
يا احزاب الله
الفتاوي الفرقتكم
باجر تموتون وتنزل شعار
دم اليثورون فاسد
هذا دم وادم أحرار
يا اطراف الوطن صيحوا …
الطرف الاول عراقي
والطرف الاخر سياسي
وثالث الاطراف جار .
حسن قاسم
دم الثمنمية حار
وبعده بينه يفور ويصيح أنتصار
دم الثمنمية موگد لا طفونه بحجار
مات واحد ،،،،
حسبوا وياي اليظل بلا حساب
حتى رقمه يموت من قيد الاعمار
مات ثاني
واحنه نحسب بالأعداد نغذي نشرات الأخبار
مات ثالث
هذا ميت بانتفاضة وبرد دمه وهم رجع ياخذله ثار
مات عاشر ….
گومو ننصبله مزار
مات ثائر
موتت الثوار عند الله انكسار
حزنت الگاع وطفت شمس النهار
يا أحزاب الله الفتاوي الفرقتكم
باجر تموتون وتنزل شعار …
دم الثمنمية فاسد هذا دم وادم أحرار
يا اطراف الوطن صيحوا …
الطرف الاول عراقي
والطرف الاخر سياسي
وثالث الأطراف جار .
حسن قاسم
https://www.instagram.com/reel/ChXFrLJP5Xf/?igshid=MDJmNzVkMjY=
Читать полностью…
ياوطن …؟
تدري التراب الغافي بحضان الشوارع
ماله چلمة
والرصاص الشاف شعبك
باجر من اطيح يعمه
وباجر التاريخ ينزل للشوارع
يمسح اسمه
ويصعد لسابع سمه بينه ويصيح
حسين موحسبة مسافة ولا ضريح
حسين صوتك من تصيح
.
.
.
حسن قاسم
رسالة حسين من تقراه
تلگه هوااي غير الــ أه
تلگه أنسـان يحزن
من يشوفك تحزن بملگاه
تلگه أنسـان باع الدنيا لله
والله كلشي انطاه
حسن قاسم
حسين حجيلهم عنك
وگلهم هذه موش حسين
هاي وهامكم مو انه هالمسكين
گلهم ليش سديتو الحلوگ العرفت الهيهات
وليش انشال فوگ رماحكم ثارات
هذه انه شمس تشرين
ماتلگوني اذا ماتنزل الرايات !!
ولا تلگوني صاحب من يطيح الدم
لجل الوطن وانتم حاجزين الله بفتاويكم
ولابيكم بشر مهتم
انه حسين المضحين
مو ذاك البدم الوادم تعمم ….
حسن قاسم
يلوموني عليك من اخر الدنيا
وكبر حملي ؟
ولگيتك يا (حسين) اچتاف
لگيتك مو نعاوي بموسم وتنعاف
حسن قاسم
مابيه انچفي والتم
ولابيه ارد اردود وابني بعمري التهدم
كافي اندم يتعب الطين مابيه
المتانه يريد وانت تريد
چا هو الحچي المعيود مابي لذه
ليش تجيب طاريه
انه محتاج اشوفك سالفة بعيده
تزتني لأخر الدنيا نعش مكيودله بچلمة
الحچي المايوصل من بعيد مافهمه ...
حسن قاسم
هذا قاتل ؟؟
ذاك يتمايل مثل حبل المقاصل
ذوله ناس ملثمين ؟
بابا من ياباب اجيت
و فززت بيه السنين
وليش وعيت الأحلام
الغافية بلذت الطين
ليش ما كتلي الدروب الخالية تضيع جدامي ؟؟
بابا هذا العمر شرطي
وانت وحدك مثلت دور الحرامي ..
حسن قاسم
انه اخاف تردك عليه السنين
ومن ترد تلگاني ذابل
انه خايف
لا كذلتك تعثر
وماتلگه چف بلا مقابل
حسن قاسم
الجنة سوف تمتلئ بالاغبياء كما امتلأت بطون الحكام بأموال الفقراء …
حسن قاسم
كافي من سجن لسجن
مگيود چدمك ،،
يمتى تندم ؟
عطر بس يطول جنحك ،،
ترد تنشم
……
حسن قاسم
حير وحدك
لو ردت تلگاني حير ؟؟
وانه ليليه على باب الله اشتكيك
يا إلهي
عثرة بصحوة ضمير
حسن قاسم
مات واحد ،،،،
حسبوا وياي اليظل بلا حساب
حتى رقمه يموت من قيد الاعمار
مات ثاني
واحنه نحسب بالأعداد
نغذي نشرات الأخبار
مات ثالث
هذا ميت بانتفاضة وبرد دمه
وهم رجع ياخذله ثار
مات عاشر ….
گومو ننصبله مزار
مات ثائر
موتت الثوار عند الله انكسار
حسن قاسم
بچت عينه ،،
وتمنيت انگلب منديل يم عينه
ولك غرگان مد چفگ
خذانه الروج بسك دمع تبچينه
ولك ذاك البقى اعله الراگ ماضينه
حسن قاسم
ها يبيبان الضباب ،،
أشمالچن تبچن شما مرچن أعتاب
نامن الدنيا حلم والناس ليل
وكلشي بالوادم سراب..!
أشمالچن كلساع مشتهيات باب
لمن الماطاح ... وسگن بي ظماچن
باجر يشح الندى...وشرب نداچن
ها يبيبان شوراچن..؟
غير بس چرفين ومعاتب ضمير
وانه بين الطايحات
والبقن بيچن ...احير
لا يبيبان شبعد چفني يصير
گدرت حلمي اعله طولي
وطلعت كلش گصير ..؟
.
.
.
حسن قاسم
ياهو گلك خلص ليلي
وسيرت بجدام صبحك ،،؟
يابو الوداع شكثر وديت وادم
ورجعت خسران يضحك …
حسن قاسم
اشمات بيك
وعين الولايات تتناشغ عليك
وليش كل هاي القصايد ترثي بيك
انت لون الماي والگاع وگمرنه
انت يمك كلشي يزغر واحنه بعيونك كبرنه
أو لوعثرنه (اشتاگلي) توچد دربنه
وعلمتنه شما يشب بينه العشگ
بدموعنه نطفي عشگنه
يا گمرنه ..
شماتت احلامك ضحكتك لونك أرسومك ضواك
وهيه ياگاع التلمك وانت متعلي بسماك
الموت راد يعيش بيك وهل خذاك
واحنه والگاع اشتهينه نشم هواك
ودرب المتانين .. وشموع الزغار
وليل المحبين .. والفي والسمار
مقررين نزدتك ب(تل الورد) فوگ السنين
مقررين نطوفك ابين القصايد من يمر بينه الحنين
مقررين نلوذ بيك شما برد بينه الشعر
بس خايفين
خايفين الديرة تبرد يا گمرنا
اي يالمگدر تعبنه من المشاور خايفين .!
ولوغفت مرة الرسايل بينه يستاحش الطين
ونلبد بظل القصايد من يبدينه الوطن
دمعة أعله خد العاشگين
عاشگينك ياسواجي عيونه المالم ضواهن
غير بس ضي القصايد وانت گمرة
وگطرة گطرة
الماي من يركد بگصتك
گطرة گطرة
والتعب لو لاح طولك تنشرب
مثل البخور اليحترگ ينطينه عمره
ومن عطشنه الليل ذبانه اعله جرفك
واحنه مانعرف نفوج
نهر ممتد وغميج وهادئ ومتروس روج
أشكثر جرفينك روتنه
وعلمتنه شما يطول الليل تاليته نهار
وچلمة چلمة انلمك وفوك الدفاتر
ننصب حروفك مزار .
حسن قاسم
يلوموني عليك من اخر الدنيا
وكبر حملي
ولگيتك يا حسين اچتاف
لگيتك مو نعاوي بموسم وتنعاف
ولا خطوة بجدم عابر
ولا مجلس يموت وياك بالعاشر
هذاك انت الضوى المن كل درب تنشاف
هذاك انت الفرات المانشف ريك
نهر من كل جرف تنباس
شجرة عاشگين انت ولا مرة لكيتك فاس
لچن لليريدك ثوب ماتنجاس
حسن قاسم
ما تلگوني صاحب من يطيح الدم
لجل الوطن وانتم حاجزين الله بفتاويكم
ولابيكم بشر مهتم
انه حسين المضحين
مو ذاك البدم الوادم تعمم ؟
حسن قاسم
ربي يدري الناس لذتها الجمال
والدليل بهاي من سوه الخصر
يم خصرها الميل ماعنده انتظام
بخطوة من يعبرها يرجع يعتذر
حسن قاسم
.
.
خذني مني ؟؟
العمر يتعب من يذب حمله عله شامة ،
حسن قاسم
يبني … الشيب موت ابيض
بلون ارباك ماينشال ؟
يبني المارهملك عين
لا ترهمله عاين بسلال اشكال ؟
وغني شما سكت بيك العمر غني
وتحايل ع الدمع لاتنكسر يبني
يبني …الگاع من تبرد ودمك حار
لاتحتار ؟
فك جنحك وطير بعيد
يبني … الدنيا شجرة موت
سجان وقفص وجناح
كلها تريد منك من تصير فياي
وكلها تريد شمك لو صرت قداح
طير بعيد لا تنلاح
وانت بكيفك تخير الريح وياك
توصل وين ماتهوى لون خليتها بمكفاك .
حسن قاسم
ياهو الگالك تالي العمر ينسام
بيش انباع وانه مگدر بشرواك
مابين المواگد ماحظيت بريح
طفيني نويت اتذره بين اشفاك
حسن قاسم
ولك تعبني السفر بين الرسايل
وين خاتل
دورت كل الحدايق والمدن والذكريات
ما لگيتك ..
نهر مايدري شكثر من عمره فات
كحل ضيعته بدرب حلت بنات
شمس مغرب وين ماتتعب تبات
حسن قاسم
چانت أمنيتي اشوف عيونك بتالي الليالي
بشنهي تحلم
وچانت أمنيتي اگلك لا تصدگ بالعطر
لو طال جنحه بسرعة ينشم
وياما كتلك ياحبيبي بسرعة ينباگ الحلم
لاتسد عينك خاف تحلم
حسن قاسم