haydirtorky | Unsorted

Telegram-канал haydirtorky - قناة حيدر تركي الكربلائي

11030

لنشر قصائد مناسبات اهل البيت

Subscribe to a channel

قناة حيدر تركي الكربلائي

بـس المـفارگ حبـيب .. يگضي كل عمره غريب
الغربه تجرح
ومايصـح الـهـا طبيب

____

الناس
لو كلهم يصيرولك گرابه
الـدفن روحـه بيده شيخـفف مصابه

غربه غربه الناس عگب الزهره احسهم غربه غربه
صعبه صعبه انه اعيش ابلايه فاطم صعبه صعبه

ياكل بروحي السكوت .. ريتني بهالحظه اموت
شلون بيه
الصبر انه امنين اجيب

_____

الدفن حدر الگاع بيده ذكرياته
بالله ياهالناس شتـفيده حياته

رجعه رجعه ادري هوه الراح مابي رجعه رجعه
دمعه دمعه طــشرت عمـري بغيابه دمعه دمعه

دمعتي صاحت تعاي .. الخاطر الله ياهواي
مختنگ حيل
انــه مــن گــد النحـيب

_____

المامــلوع لايــلـــوم الفــاگـــد اعـــزاز
احچايتي ايحس بيها بس الراح جناز

جرحه جرحه حدر الضلوع اشيضمده جرحه جرحه
وكحه وكحه الدنيه ويه المثلي تصبح وكحه وكحه

مني اخذت كلشي زين .. فاطمه ام گلب الحنين
ياحسافه
العشره هم قسمه ونصيب

______

الدنيه مو دنيه عگب عين الزچيه
الدن
يه احس بيها گبر طابگ عليه

حالي حالي چن رضيع ودفنو امه حالي حالي
غالي غالي الـراح ياهالناس مــني غالي غالي

التبچي من عنده الرجال .. حاله مدري شلون حال
من حزنها
الصار بيــه موعــجيب

____

الناس اشوف اعيونها اتسولف عليه
هذا معــقوله عل
ــي حــامي الحــميه

ظهري ظهري منحني من المصيبه ظهري ظهري
عمري عمري  صار عگب الزهره ميه عمري عمري

صار بيه المايصير .. المحنه سوتني چبير
انحنه ظهري
وبين ابراسي المشيب

_____

فاطمه يانــاس لمــن شيعتها
انه بالمــقبره روحي ضـيعتها

خطوه خطوه چنت امشي الكبري انه خطوه خطوه
فدوه فدوه صــــحت يافـاطــمه عمـــري فدوه فدوه

عمري من غيرچ سراب .. شلون احطچ بالتراب
ايعينه الله
الدافن ابايده قريب
_____
حيدر تركي الكربلائي

Читать полностью…

قناة حيدر تركي الكربلائي

الليالي الفاطميه
.
.
.

قلـيله ابچــي عـليچ اتلــث روايات .. يمظلومه
وكسر ظلعچ حنه ظلوع السماوات .. يمظلومه
كون اخلص ايامي
ابلــوعــتـي وآلامي
يازهراء

---------------------------------

والله ادري ما تـردينـي -- الجزع عليچ انت رزقيني
نار الضـلوع بيه خليهه -- عليچ الحسين لا تطفيني

كون يومــيه اشتعـل مو مره مرتين
حــته اضــل اتــذكرچ يـا ام الحسين
الچ لوما تبچي عيني اعمـيها هالعين
الخدمتچ ناذر حياتي وانتي تدرين

اتنفس هـوه اجروحـچ جراحات .. تصحيني
كل ما نام اشوف اطيوفچ آهات .. تصحيني
يالسكنتي احلامي
بلــوعـتـي وآلامي
يازهراء

---------------------------------------

الكسر الضلوع ناذر ضلوعي--اَلطم عليچ هذه موضوعي
انه مرات روحي اسليهه --يالوديعه من اهمل ادموعي

كلشي اخسره ومجلسچ لا ما اخسره
يالزچـيه وي عــزائــچ عــندي عشره
اربعه وعــشرين ساعه بســمچ اقره
المفترض صدري عله مـصابـچ اكسره

صدري ما اكسـره والله ميصير .. يمولاتي
اعــترفلچ يالزچــيه بيه تقصير .. يمولاتي
الـيوم اكسره الزامي
بصحوتي واحلامي
يازهراء

-------------------------------------------

ماتكفي لحزنچ سنيني -- وهالبــواچي ماتــكـفيني
هيه بس السطره البخدچ -- بگد عمر نوح دم تبچيني

المثلـي يم الحـسن حـقه بحزنچ ايحير
وياعمــر هــذه اليكـفي مصابچ چبير
وين اروح والمن اشـكي ومدمعي يدير
البـير اسـولـفله واشوفه شيـب البير

اليلوموني عله حزني ودمعت العين … تعرفيهم
هـــذولـــه سلمتـــهم بـيــد الحـــسين… تعرفيهم
اي وحق الضامي
بـلوعــتي وآلامي
يا زهراء

---------------------------------------------

شويه عمري وحزنچ شكبره .. گلبي مكسور ياهو ليجبره
اني خجلان يمكن دموعي ..ابحر الاحزان تنحسب قطره

وين اودي وجهـي منچ يالزچيه
الصوچ مو بعيوني والله الصوچ بيه
حقـــچ ولـو ما رضـــيتي انت عليه
تـره انـه استاهل وكلــه من اديه

منچ وين اودي وجهي لا وين … من دموعي
وهسه المفترض بخدودي نهرين … من دموعي
وكون جفني دامي
بلـوعـــتــي وآلامي
يازهراء

------------------------------------

يلي طاريچ دومه بالساني .. ولو نسيته الله ينساني
المــاله اول مـا إلـــه تــالي .. يالبدونچ شقيمتي اني

يالجمــيلچ كــون اتــوفــــق وارده
حزامي مني الخدمـتچ انـي اشده
وباب حــزنچ بالگلــب لا مـا اسده
الجرح الاكبر بيه جرحچ اني اعده

بس هذه الجرح عن عيني ميغيب ...تمنيته
الوحيد وباقي بيه ولســه ميطيب … تمنيته
كل وكت گدامي
بلـوعـتي وآلامي
يازهراء
-----------------------
خادمكم حيدر تركي الكربلائي

Читать полностью…

قناة حيدر تركي الكربلائي

مولد السيده زينب ع
.
.
.

تستاهل .. الليله نحيي اعيادها
تستاهل .. نــفــرح ابـمــيــلادها
تستاهل .. زينب اخـت العباس
نـفـرح ابميلادها

__________________

زينب / نـور ابنور مــن نــور المــيامين
زينب / زينــب أية الله الـناصره الدين
زينب / إمــكــمـله الرســالات النبـيــين
زينب / الناطق الرسـمي بسم الحسين

تستاهل .. الله هــوه الــرادهـــا
تستاهل .. نــفــرح ابمــيــلادها
تستاهل .. زيـنب اخت العباس
نـفـرح ابميلادها

__________________

نزلت / زينب رحمة الله على هالناس
نزلت / أيـة للــوفه بقــرأن الاحساس
نزلت / حوريه وبعــدها بأول انفـاس
نزلت / تتــنفس عـطـر كافلهــا عباس

تستاهل .. مــوتــو ياحــسادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها

__________________

الدنيه / فرحانه بــلا شك تمـــلك اســـباب
الدنيه / اشـجبتــيلي يزيــنب بــعد الغياب
الدنيه / الخاطر فاطمه الزهره ام الاطياب
الدنيه / زينــب لَبسـت للدنـــيه الِحــجاب

تستاهل .. وفَــتحـــــت اورادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها

__________________

فرحه / زيــنب بـــت علــي مولدها هاليوم
فرحه / هــاللــيله يشيعي انـــسه الهـــموم
فرحه / ودعي الباري كـون افراحنه اتدوم
فرحه / والي ايلــومـنه مـيهـــمنه خيـــلوم

تستاهل .. الشيعه يبقه انشادها
تستاهل .. نــفــرح ابـمــيــلادها
تستاهل .. زينـب اخت العباس
نـفـرح ابميلادها

__________________

حقها / بزينب هالمسه فرحانه الارواح
حقها / امـلاك السمه تعــلن هــالافراح
حقها / لــو هالليله كثره اهـموم تـنزاح
حقها / حقــها فاطـمه بــزينـبها ترتـاح

تستاهل .. نحـــتفل بــــاولادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها

__________________

بهجه / عـمَت هـالارض وي الســماوات
بهجه / مـن زيـنب اجـت نـزلت الايـات
بهجه / الدنيه امن الفرح تقره ابتهالات
بهجه / مـن سابع سمه تـسمع الاصوات

تستاهل .. الارض ابـــعبــادهــا
تستاهل .. نــفــرح ابمــيــلادها
تستاهل .. زينب اخت العباس
نـفـرح ابميلادها
__________________

حيدر تركي الكربلائي

Читать полностью…

قناة حيدر تركي الكربلائي

الليالي الفاطميه
.
.
.


ماتنطفي جمراتي __ لاوالله يامولاتي
اقسملچ بدمعاتي
يالزچيه

---------------------------------------

لوعة مصابچ اعترف مترابطـه اويه سنيني
ديني انتي يا ام الحسن وما فرط انه بديني
احترمه واعتبره اخــو البمصابچ ايبچيني
المجلس عــزائچ منخــلق يا فاطمه تدريني

عمري ابتده بآهاتي _ واثبتلج حچاياتي
ناذرلچ اعويناتي
يالزجيه

--------------------------------------

ابيض دليلي امن الگطن بس صار اسود لونه
من يوم باب الله احترگ وما قبلو يطفونه
المايــبچـي مــن هالـفاجعه فاطمي لتسمونه
وبعيونه شله الفاطمي المايعمي ليچ عيونه

يم الحسن وفقيني _ وبحرگتي خليني
كون البچي يعميني
يالزچيه

-----------------------------------------

يالزهره دوم انه اندعي وياچ اضل عالفطره
لاجاه لا صيت اطلبــت طــالبلــي منچ نظره
تاجر اصيرن ماردت خلينــي ويــه الفقــره
ترزقيني اطلب كل وكت والرزق بس هالعبره

مجدي وگعدت ابابچ _توسلت يم اعتابچ
انطيني الجزع لمصابچ
يالزچيه

---------------------------------------

گالولي مو بسك حزن والروحك تأذيهه
بگليبـي يا ام الحسن هالوادم اشمدريهه
نياط الگلب من تحترگ يامــاي اليطفـيهه
يوميه اوج وانطفي ورماد اضـل تاليهه

الما مشتعل دلاله _ لا يحچي بالموماله
وانه عله هاي الحاله
يالزچيه

---------------------------------------

متروسه عيني بدمعـتچ والحـسد لا ماقبله
بس البچالچ احـسـده واتمنه اصيــرن مثله
لو ابچـي انه المحـنتچ گــد الفــرات ودجله
مقصر الحد مابالدمع من خدي توگع وصله

لو هالجسم يتوذر _ ولو بالبحر اطشر
عليچ ابقه اون وتحسر
يالزچيه

-----------------------------------------

مشدوده عيني المجلسچ غير اللطـم ماشاهد
ماريد ابالــغ بالحچي المـهدي عليـه الشاهد
ياذيني جرحچ كل وكت وبگلبي جرحچ خالد
بسمارچ الصابچ تـره بصدري احــسه گاعد

طر الگلب بسمارچ _يالبيه تسعر نارچ
من وجروهه بدارچ
يالزجيه

$$$$$$$$$$
خادمكم
حيدر تركي الكربلائي

Читать полностью…

قناة حيدر تركي الكربلائي

أنا أتشارك 'باب فاطم' معك

Читать полностью…

قناة حيدر تركي الكربلائي

أنا أتشارك 'ايالباب ومصابه' معك

Читать полностью…

قناة حيدر تركي الكربلائي

الفاطميه
.
.
.

أمـيـرة الـدمـع .. مكسورة الظـلع
وَنـتـها تنـسمع
ابمملكة البكاء

______________

كـان يـا مـاكــان كــان المــلـك الجــزيــره
بـس أمـيره وبـعـد عيـنه اشصار بالأميره
للبـكـاء او للــمـدامــع أســســت شعـــيره
مملكتها اجذوع چانت والسگـف حصيره

البنه قصر الحزن .. (علي) حتى تون
ويهل دمع الجفن
ابممــلكة البـكــاء

______________

ورده چـانت دوم فـايح بالقـصر عـطرها
اثمنطعش ورگــه يوسفه ماوصل عمرها
النـده مـالـَحگ يشـمها مـن طـلع فجـرها
ظـَربت البسمـار شوكه ونـابـته بصـدرها

الورد من ينجرح .. چبيره اعله الصبح
وصور ماتنــمسح
ابممــلكة البــكاء

______________

چـانت امـن اتـگول آه الـ آه غـير الاهات
هــيه من تــلزم ظلعــها تلچـم السـماوات
خدها لون الليل صاير والدمع بي نجمات
تنكـسر ايـده السطرها وسبـب الجراحات

التجـرء بالأمـس .. وسطر وجه الشمس
الـعذر لايلـتمس
ابممـلكة البـكاء

______________

اهواي چان ايكت دمعها والله يـعلم بيها
اتچوه وجـه اتراب طيبه من كثـر بچيها
فاطمه لامـو چبـيره انحنت ليش اشبيها
منهـشم يمـكن صـدرها مـوسهل مـشيها

اذا تخـطي شـبر .. يـألـمـها الكـسر
ويبـَـين عالطهر
ابممـلكة البكاء

______________

الدنيه ذيچ الساعه وگفت من سگط حملها
الحــمد لله علــي حـاظـر أشــر الــوصـلــها
تــره موسهـله الزچــيه الدمـعه مــن تهلـها
والله لــو رفـعــت اديـهــا الله يـفــزع الــها

الأشـارة فاطــمه .. السمه واهل السمه
طبعها راحـمه
ابمملكة البكاء
______________

المايـخـاف الله القـصرهـا مـن جـرء وتـعنه
مــنحــرگ بـاب الزچـيه حـرگ بـاب الجـنه
يالمـحب عـرش الأمـيــره لاتــنـاشــد عــنه
ابكربلاء وخيل اميه اويـه الجسد سحـگنه

عليـه حافـر فـرس .. وسحگ صدره انترس
خمد منه النفس
ابمملـكة الـبكاء
______________
خادم الزهراء .. حيدر تركي الكربلائي

Читать полностью…

قناة حيدر تركي الكربلائي

الفاطميه
.
.
.

ويـن .. ماخـذ اعيـوني الـسهـر
ويـن .. اســئـل وكــلــي قـــهـر
ويـن .. ام گلب الابيض يادهـر
وين فاطمه

____________

فارگتــني .. وتيـهت روحـي تــره مــن فارگـتني
عذبــتــني .. فاطــمـه مــن يـوم راحـت عذبـتني

علي المعروف بالحومه يهزها بطاري بتـاره
وهـسه بمـحـنة الزهـره گامت تهـتز اكـتاره

وين .. گمت احس ظهري انكسر
وين .. اســئــل وكــلــــي قــــــهر
وين .. ام گــلب الابــيض يـادهر
وين فاطمه

____________

من الجروح .. گلبي مابي صوب صاحي من الجروح
فجئة وتروح .. ماحسـبت الزهـره عنـي فجئه وتروح

عليها موحلو التابوت عمرها اثمنطعش سجده
چانت ورده بچـفوفي شـجاها وذبلـت الــورده

وين .. عطر هالـورده اسـتقر
وين .. اســئـل وكــلــي قـــهر
وين .. ام گلب الابيض يادهر
وين فاطمه

____________

الفاگد الروح .. يادهر گلــي اشـيسوي الفاگد الروح
چني مذبوح .. عگب شمعة بيتي اشعر چني مذبوح

الدمع وي خدي متمالح وچن بينـاتهم عشره
وعرفت ابهاي عشرتهم لمــن راحـت الـزهره

وين .. التــركت ابخــدي أثـر
وين .. اســئـل وكــلــي قـــهر
وين .. ام گلب الابيض يادهر
وين فاطمه

____________

شيعــتها .. وللــگــبر بيـــديــه روحـــي شيعــتها
وســدتها .. وانــه لـســـه مامــصـــدگ وســـدتها

نسيت وصحت يالزهره وهيه بسمي ماصاحت
زينب سمعت اسم امها راسـاً عالارض طــاحت

وين .. لمن اسـم امـها انذكر
وين .. اســئـل وكــلــي قـــهر
وين .. ام گلب الابيض يادهر
وين فاطمه

____________

الخالي بيته .. امن الحنان الله اليعينه الخالي بيته
ومــالگــيته .. ضوه وجـــه الزهــره ادور مالگــيته

أتوچــه عــلى صبــري انحيت وبيه ماضل حيل
البيت اخلافها اضلم شمس الله اخــذها اللـيل

وين .. لاشمــس بـــي لاگـــمر
وين .. اســئـل وكــلــي قـــهر
وين .. ام گلب الابيض يادهر
وين فاطمه

____________

من هجرها .. ابصدري احس بسمار نابت من هجرها
وشــكبرها .. نــار حــدر اضــلوعي وجــت وشكبرها

عيــني امــگابله العـــتبه وكل ساعه اقره بالمقتل
ومن اخلص يگلي حسين بــويــه عــيده مــن اول

وين .. ايگلي خد امي انسطر
وين .. اســئـل وكــلـــي قـــهر
وين .. ام گلب الابيض يادهر
وين فاطمه
____________
تمت والحمد لله
حيدر تركي الكربلائي

Читать полностью…

قناة حيدر تركي الكربلائي

أنا أتشارك 'تبقه انته والينه' معك

Читать полностью…

قناة حيدر تركي الكربلائي

أنا أتشارك 'اشراقة امل مولد الرسول' معك

Читать полностью…

قناة حيدر تركي الكربلائي

لولادة سيد الكائنات
.
.
.

يالساكن ابعـيني حلم .. كاتب على گلبي اسم
كاتب على گلبي اسم
محمد

-------------------------------------

ناديـتــك . حـبــيتك . واَليــتك . يانـســمة هوه
ايعرفوني . ويدروني . بعيوني . حسيتك ضوه
طفيـنـي . تدرينـي . ياذيـني . گلبي الي انچوه
يارسـول الله وحبـيب البـاري
بـيك يابـو الزهره تخمد ناري

والشمس تدري والنجم .. كاتب على گلبي اسم
كاتب على گلبي اسم
محمد

----------------------

ياغالي . امــــــالــــي . ودلالــــي . صارتلك وقف
لاگيتك . شــميــتــك . حــسيــتك . كلش مختلف
ياروحي . ويصروحي . وجروحي . من حبك الف
بيك روحـي اتعلـقت تـدريها
ونظره منك سيدي اتداويها

الحبك صرح ماينهدم .. كاتب على گلبي اسم
كاتب على گلبي اسم
محمد

----------------------

خليــني . يسنيـــني . وياديني . بـحــبــك للأبد
قــربنـــي . ذوبـــنــي . عذبــني . اشماتگدر بعد
يحساسي . وينفاسي . ماناسي . گاطعلك وعد
يالسكنــت ابعيـــني لامــاعوفك
بيدي اعمي اعيوني لو متشوفك

عاهدتك وابقه التزم .. كاتب على گلبي اسم
كاتب على گلبي اسم
محمد

----------------------

مجنونك . وعيونك . من دونك . ايامي عدم
يحلامي . وأيـامي . گــدامـي . بس انته نعم
بشواقي . والبـاقي . بوراقي . كاتبــلك قَسم
ماتركتــك اقــسـم ابــوجـــداني
شلون اعوفك وانته دم شرياني

يالوي دمائي منسجم .. كاتب على گلبي اسم
كاتب على گلبي اسم
محمد

----------------------

اشما نادي . إفـــادي . يالهــادي . بـس لسمـك يفز
امحيرني . امـغيـرني . خــبـــرني . يالشــلتك حـرز
بظلوعي . ودموعي . موضوعي . انته اصعب لغز
حيرتني واخجل امن احچيها
وميم اسمك لـَسـه دايـخ بيها

ياطل اسم ماينفهم .. كاتب على گلبي اسم
كاتب على گلبي اسم
محمد

----------------------

وحروفك . وطيوفك . ماعوفك . لو مهما جره
اســـبابـي . بكـتابـي . احــبابي . انته وحيدره
بيك اقره . ابهالـنبره . والزهره . حبك مفخره
افـتخر يالـساكـن ابـدلالي
غيرك ابهالدنيه مايحلالي

والهالسبب دوم ابتسم .. كاتب على گلبي اسم
كاتب على گلبي اسم
محمد
----------------------
حيدر تركي الكربلائي

Читать полностью…

قناة حيدر تركي الكربلائي

لمولد الامام الصادق ع
.
.
.

حيـدري جعـفـري ولائـي
المذهب الصادق انتمائي
وافتخر .. افتخر
المذهب الصادق انتمائي
___________________

افتـخر يانـاس انـي ابهـالهـويه
واشـكر الله عالولايه الجعـفريه
اهلي حب ال النبي غرسوه بيه
والـدي رافـضي وامـي رافضيه

للمـمات اهـتـف ابنـدائي
المذهب الصادق انتمائي
وافتخر .. افتخر
المذهب الصادق انتمائي

___________________

كــون اشكر خالـقي ساعه اعـله ساعه
الحــمـد لله ماخـلقــني امـن الجـماعه
چــان هــسه منـــحرم مــن الشـــفاعه
وطعم شيعيـتي عرفـته امن الرضاعه

ابنص شرايـيني وبدمائي
المذهب الصـادق انتمائي
وافتخر .. افتخر
المذهب الصادق انتمائي

___________________

الافضـليه الاعلمـيه انــه شعــاري
مذهـبي جـعفري وبــيه افتـخاري
الشافعي ومالك واحـمد والبخاري
تــره مــو اصلي علمهم بل تجاري

الهالسبب بس الـه ولائي
المذهب الصادق انتمائي
وافتخر .. افتخر
المذهب الصادق انتمائي

___________________

تره حبي المذهبي حب عن عقيده
واليــريـده راح اخلـي ايــدي بيده
افتــخر للــصادق اني مـن عبيــده
الـمايتـبعه باچـر الغيــر اشيـــفيده

هــــوه بالاخــره رجــائي
المذهب الصادق انتمائي
وافتخر .. افتخر
المذهب الصادق انتمائي

___________________

مـن يذكرون المذاهب واني حاظر
راسي ارفعه ابمذهبي وبكل تفاخر
چف كلها اتراب بس هــوه جـواهر
حبه اني ارضعته من صدر المـنابر

وكـالـنجم لايح ابسمائي
المذهب الصادق انتمائي
وافتخر .. افتخر
المذهب الصادق انتمائي

___________________

خاطبــت روحــي يروحـي لاتبــيعي
مـذهب الـصادق تــره والله تـضيعي
امن الطبـيعي ما ابيـع امـن الطبيعي
انه شيعي وابن شـيعي وابن شـيعي

عالعـهد دوم اظل فدائي
المذهب الصادق انتمائي
وافتخر .. افتخر
المذهب الصادق انتمائي
___________________
حيدر تركي الكربلائي

Читать полностью…

قناة حيدر تركي الكربلائي

لبو الزهرا محمد .. العرش هالليله عيد
------------
نبينه / رحـــمــة الرحــمه
نبينه / امن العرش نعــمه
نبينه / وياحــلاة اســـمه
ابو القاسم
ضيائه / لمــحــه قدســـيه
ضيائه / مـــو طــــبيـــعيه
ضيائه / امن الله حصريه
ابو القاسم
احــتراماً للمــؤيد .. العرش هالليله عيد
------------
محبته / امن الله فطريه
محبته / مــيـه بالـــمـــيه
محبته / امحــبه الاهـــيه
يمن تسئل
وجوده / بيه طمئـنينه
وجوده / الحــق يدلينه
وجوده / الحب يغذينه
يمن تسئل
ومحـبته لامـتبرد .. العرش هالليله عيد
------------
صفاته / قل هو الجوهر
صفاته / بـل بــعد اكــثر
صفاته / طــاهراً اطـــهر
نبي الرحمه
نحبه / والـــد الــــزهــره
نحب / حب على الفطره
نحبه / اواجـــب انـذكره
نبي الرحمه
نعم والخاطر احمد .. العرش هالليله عيد
------------
السماء / اللــيله فرحانه
السماء / وفرحت اويانه
السماء / الوجه عطشانه
تهانينه
الحنان / الليله ميلاده
الحنان / وبانت اعياده
الحنان / ابوالد الساده
تهانينه
ابقدومه كلشي ورد .. العرش هالليه عيد
---------------
سوالف / بالنبــي طه
سوالف / ماحچيناها
سوالف / مافــهمناها
يهل تسئل
اشنوصفه / وبالاخص علمه
اشنوصفه / ماكــو فــد كلمه
اشنوصفه / ايقونة العصمه
يهل تسئل
وصفنه ماتحدد .. العرش هالليه عيد
-----------
عطائه / واســعه احدوده
عطائه / ســفره ممـــدوده
عطائه / امن السمه جوده
الكرم ثوبه
مضيفه / بابه ميسده
مضيفه / اتأمن ابسده
مضيفه / الجايه ميرده
الكرم ثوبه
الكرم يمه تردد .. العرش هالليله عيد
-----------
ولينه / بحبه وثقنه
ولينه / ومن تعمقنه
ولينه / بــيه تعــلقنه
لذا نفخر
نجينه/ بـــحبه ونــفاخر
نجينه / بالحــشر بــــاچر
نجينه / چيه صبح ناصر
لذا نفخر
لمن دربه تعبد .. العرش هالليله عيد
-----------
حيدر تركي الكربلائي

Читать полностью…

قناة حيدر تركي الكربلائي

مولد الامام الحسين ع
.
.
.

وحدك ابدلالي .. يالغالي .. يالغالي
وحدك ابدلالي .. يالغالي .. يالغالي
يا ابا عبد الله * يا ابا عبد الله * يا ابا عبد الله

---------------------------

مختصر مفيد . شخصك الوحيد . گلبي الك يريد . واعـترفلك اني
إلعشگ فنون . بـاطنـي يـكون . حـَده للجنون . وهالــعشگ جـناني
اعلن الهيام . وهـذا مـو حرام . حبي يـا أمـام . احــچي بي خلاني

ماتفارگ بـالي .. يالغالي .. يالغالي
وحدك ابدلالي .. يالغالي .. يالغالي
ياابا عبد الله * يا ابا عبد الله * يا ابا عبد الله

---------------------------

اعلــن الخـطاب . حبي مو ســراب . جــذره بالـــتراب . مـتصل بالهادي
خَلصــت شـهور . اوصــف الشـعــور . ولو بـعد دهور . ماوصلت امرادي
انته شي عجيب . وحبي الك غريب . والله يالحبيب . انته لا مو عادي

وهالعشگ اوحالي .. يالغالي .. يالغالي
وحــدك ابــدلالـــي .. يالغالي .. يالغالي
يا ابا عبد الله * يا ابا عبد الله * يا ابا عبد الله

---------------------------

ما الـك مــثال . هــذا بالخــيال . وصــفك المحـال . اتحـيرت بوصافك
مثلك انته وين . ماتشوفه عيــن . انته بس حسين . ناظري بس شافك
ما يصح مـثيل . لا ولا قـليــل . ابوصفي ما اطيــل . تكفي بس الطافك

لازلت تــبرالي .. يالغالي .. يالغالي
وحــدك ابــدلالي .. يالغالي .. يالغالي
يا ابا عبد الله * يا ابا عبد الله * يا ابا عبد الله

---------------------------

ما الـك نـظــير . لا ولا يــصير . اتنصبت امـير . وعرشك بنص گلبي
كلي الك سبيل . وهالعرش اشيل . بگلبي يالخليل . اعليه يشهد ربي
كلشي بالوجود . وانـه الك اعـود . ما الك حـدود . انـته دولــة حبي

يا رئيسي الحالي .. يالغالي .. يالغالي
وحــدك ابــدلالـي .. يالغالي .. يالغالي
يا ابا عبد الله * يا ابا عبد الله * يا ابا عبد الله

---------------------------

بيدك المـصير . عبـدك الحقـير . ابحـظرتك اسـير . سـيدي تحـت امرك
خدمـتك مرام . وبيها احس سلام . ويعجز الكلام . عـن رحـابة صدرك
بشنـهو الك اكــيل . والشــكر قـليل . ولـو اكو بديـل . قيـمت بـي قدرك

اتحيرت اقـوالي .. يالغالي .. يالغالي
وحــدك ابــدلالي .. يالغالي .. يالغالي
ياابا عبد الله * يا ابا عبد الله * يا ابا عبد الله

---------------------------

هــايــم بهـــواك . انــته يامــلاك . اولا احــد سواك . يسكن بــنص عيني
كلشي ما اشوف .ابدنيتي كسوف.ولمه بيك اطوف . النور احس يلفيني
بــغيــرك الحــياة . تعــتبر مـمات . وشفــتك النجـات . ســيدي تــدريني

اتـرَجمت افعالي .. يالغالي .. يالغالي
وحــدك ابــدلالي .. يالغالي .. يالغالي
يا ابا عبد الله * يا ابا عبد الله * يا ابا عبد الله
---------------------------
خادم الحسين حيدر تركي الكربلائي

Читать полностью…

قناة حيدر تركي الكربلائي

نزال للامام الكاظم ع
.
.
.

مظلوم .. مــوسـى ابــن جــعفر
مسموم .. مــوسى ابــن جــعفر

___________________

صارله اچـم سـنه غايـب والظـهـوره ننـتظر
گـالـو المـوعـد الجمـعـه بالرصـافه عـالجسر
اصدورنه ضاگت تراها ودخنـت مـن الـصبر
حـقنه لو مـوتنه هجره وهـذا حـال الينـهجر

المهجور .. گلــبـه ايتــفـطر
مظلوم .. موسى ابن جعفر

___________________

عمره خلص بالسجون وگضه من سجن السجن
الحاله حـتى السـجن يبـچي منكسر گلـبه ويون
اگلوب اليوالون موسى انترست وفاضـت حزن
صعـبه مـن شجرة محمد ينگـطـع هــذا الـغصن

والكون .. گـــلــبه تــكـــسر
مظلوم .. موسى ابن جعفر

___________________

تجري دمعات انتظاره وخضرت عالخد جرح
وهـالجـرح كـلما انخـيـطه هــم يــرد ويـنفتحة
مـن كـثر ليـل البواچي صرنـه مانـعرف صبح
صـار واحـدنه يحـس ابـروحه چــنه مــنذبح

والحال .. لا مــــاتـــغـــــــير
مظلوم .. موسى ابن جعفر

___________________

آ يضــحـويـة الجــمــعه اتــأخـرت چــنها سـنه
ويـم جـسر بغــداد الــنه بــيت الاحــزان انبــنه
شوگنه الموسى ابن جعفر يركض اويانه اعتنه
هــوه مــن گــد مايـتاني شـيب وظـهره انحــنه

ويصيح .. اللـــــهُ أكــــبــر
مظلوم .. موسى ابن جعفر

___________________

الجـمعه مـن گـالـو يجـينــه اعـيونه لامـاغـفن
النوب مدري اشبي اويانه گام مايمشي الزمن
اخـدودنه مــن المدامع غصـن ومـو بـس رون
كلـمـن ايفـارگ عـزيـزه لازم ايــشوف المــحن

صرخات .. كلــمـن تـنـــطر
مظلوم .. موسى ابن جعفر

___________________

الدنيه مدري اشصار بيها شو نحس بيها تميل
وبالسمه چـن مـره تبچي وعتله صوت العويل
اهناك لـن اربعـه شرطه اجنـازة الكاظم تشيل
احـنه مـن ذاك الزمـان ولـَـسه دمـعـتنه تـسيل

بالروح .. جمــراتــه تســعر
مظلوم .. موسى ابن جعفر
___________________

حيدر تركي الكربلائي

Читать полностью…

قناة حيدر تركي الكربلائي

نزله ميمر للزهراء
.
.
.


وَزن كلمـتك انــتـه مـن تــحـچـيها
الماتــعـرف الـها بـالـك اتـدهـــديها
لهـل الحــشم تـدفـع حـشم تـالـيها
وابـن أدم ابهـذا اليوم يتحشم اعـله احچايه



وزنــك اعــرفـــه اولايغــــرك صيـــتك
اولا تنــدفع لــو شـــاهــدت حاشــيتك
اشما تعله بيها ايضل نقص شخصيتك
والسُــمعه بحــلوگ الـــناس يمـــعــود امتــچايه
____


خَـلـك رزن انـتــه خـفــيف اشـــمالك
اثگــل اولاتتــشـلـبه عالـــمـــو مــالك
صـدگـني تـوگـع والــنتـيجه اعــمالك
والــزرع بيــده الـعـاگــول يتحــمل الــســلايه

____

انـته المراجل يمـتــه الـك مـعـتازه
وَيــه الــزلـم مـاتــستـحي تــتوازه
يمــسوي سيـفــك للمــشي عكــازه
من تالـي شايـلك سيـف يالسيفك ابـلاغايه

__

مـن تالي صاير عـود عينـك صلفه
المثلك علـى الشجعان ينـعـد كلفه
يالبلـحرب تـرجف رجيـف الـسعفه
ومـن اسمع ابأسمك ليـش اتـذكر السعـفايه

__

لــو ماعــلي بالصــبر چـــان امــوصه
السانك مثل راس (ابن ود) چا گصه
چــا دافنـــك يـم بابـــه بــقرب نـَصه
عندك بخـت يالملـعون يمــنة علـي اموصايه

_

گاصد البيـت الزهـره تحـرگ بــابه
واليـعتدي عالـحرمه هـاي اطـلابه
شيلـه يلبسـونــه العـرب وعـصابه
تتبـره منـه النـسوان إلسـوه هيچ اسوايه



عرش الجلاله امن الجنـيته اتهدم
والـــكـون كـلــه الـحالهـــا يــتــألم
المــثل الزچــيه تنــسـطر يمصخم
لو ماعلي . ايطيح الكون عالطاحت امدمايه
____
تمت والحمد لله ٣٠/ ١/ ٢٠١٨
حيدر تركي الكربلائي

Читать полностью…

قناة حيدر تركي الكربلائي

الليالي الفاطميه
قصيده گــعــده
وتقرء لطــم

.
.
.

يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع

------------------------

عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره

مو عن كبر حَدبت ... چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع

------------------------------

ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه

ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع

--------------------------------------

أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه

بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع

---------------------------------------

يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح

بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع

----------------------------------

الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح

بوجهه شماته شكثر ... لمن يطـگها الشمر
زورگ ايــدين
اخت الحسين
عمتك تره تنوجع … يالمنكسرلك ضلع
--------------------
لخادمكم حيدر تركي الكربلائي

Читать полностью…

قناة حيدر تركي الكربلائي

ميلاد السيده زينب ع
.
.
.

الأميرة الخـدر .. متحير الشـعر
ابميلادها ابميلادها
زينــب

_____

چان راس السمه امفرع لچن لابد بالسحاب
وزينـب ابيـوم الولاده للـسـمه جـابت حجاب
هــيه مـن گــد ماكـريـمه وزعـت مــنه ثـواب
اتحجبت بحجـاب زينب حتى ايات الكتاب

حجاب ام الستر .. امن الجنه بي عطر
ابميلادها ابميلادها
زينــب

_____

الرايد ايـوصف خدرها وَحـي رايـدله وسـور
( أنــا انـزلـنـاهـا ) عــفـه زيـنب الـكـل الـبـشر
ماتوصفـها القصيده الـشـعر لـو ظـهره انكسر
النبي بس يعرف قدرها وفاطمه وفارس مظر

شعرنا لو يجف .. أبد ماتنوصف
ابميلادها ابميلادها
زينــب

_____

الله كاتـب بيـده زيـنب كـون كـلـنه نـفـتهم
ولو سمعنه احـنه اسـمها انگول الله للاسم
للــعـلم مــحـد قـراهـا هالقـصــيده للــعــلم
والوحـيد الــي عـرفـها ابـو فاضل والنــعم

عرفها ومن عرف .. أميـره للــشـرف
ابميلادها ابميلادها
زينــب
_____

يالله يامـريـم أنـزلـي البيـت فاطـم حـافيه
(واخلعي نعليكي) يمكن هسه زينب غافيه
(أنتي في البيـت المقدس) لاتفـز الصافيه
اقري يمها انجيل عيسى كون بـس ابقافيه

على طور السمه .. هـديه الـفاطمه
ابميلادها ابميلادها
زينــب

_____

لازم اليـذكــر اسمــها كــون يتــبع مــايــلي
ايسمي بسم الزهره امهالو بسم حيدر علي
الكـون كله تحـت امـرها والهـا گـال اتدللي
ابيـوم مـيلاد الاميره الفـرح صـوته يعتلي

الفرح صوته اعتله .. هله ابزينـب هله
ابميلادها ابميلادها
زينــب

_____

امن الفرح هاللـيله حـتى الحور ضلت ساهره
امن السماء اصفوف اجت ابابها ولزمت سره
انشوف زينـب اسمـح الـنه امروتك ياحيدره
حقـك وخـايف علـيها جـوهره وبـت جوهره

يحق لـك يا اسد .. تضمها امن الحسد
ابميلادها ابميلادها
زينــب
_____
حيدر تركي الكربلائي

Читать полностью…

قناة حيدر تركي الكربلائي

فاطميا .. مازلــتُ عـلى العهدِ
فاطميا .. من المهد الى اللحدِ
فاطميا .. كما علمني المهديِ
------------
فاطمه قد اُنزلت من السماء
أيه لا مو للقراءه للبكاء
فُصلت باباً وضلعاً للعزاء
والقراها بيها يلگه كربلاء

فاطميا .. حسينـــيا بــــلى ثــائر
فاطميا .. ال وأن من قالها كافر
فاطميا .. وهــذا كــــلُ ماعندي
__
قاتل الزهره الذي يرضه عليه
اگطع ايدي انچانها اتسالم اديه
آني حرب الذي حارب نبيه
لايجيني اولا اريد انه اجيه

فاطميا .. وبغــضي قــائم قائم
فاطميا .. الى ان ترتضي فاطم
فاطميا ..صريحاً واضحً قصدي
____
ما اساوم عالظلع لا مستحيل
وعن ولائي الفاطمه لا ما اميل
طالب وعلمني عباس الكفيل
المايوالي فاطمه يصبح ذليل

فاطميا .. عزيزا ابقى كالمصحف
فاطميا .. غيورا مولدي في الطف
فاطميا .. وارثــي زاخــرا بعـــدي
_
اني مدرستي الرفض ثم الدموع
علي علمني فلا ارضه الخنوع
اي وحق عيسى وموسى واليسوع
باقياً في عنُقي ثأر الظلوع

فاطميا .. وذو فقاري ان كبر
فاطميا .. جعلت الدم للمئزر
فاطميا .. بجيش المرضى جندي
_
الفاطم ابجي بكل مساء وكل صباح
ومن اجلها رافگت طور النياح
لو شفت مسمار مره اكبالي لاح
ابصدري احسن تنغرس روس الرماح

فاطميا .. وحتى موعد الحشرِ
فاطميا .. اطالبُ ابقى بالكسرِ
فاطميا .. الى ان يصلب الوغدِ
-----------
ماكو شي بالدنيه يالودام بعيد
باجر المهدي نعم يظهر اكيد
وناخذ اوياه ثارها وثار الشهيد
من الاول لحد خامسهم يزيد

فاطميا .. وقد افلح من والا
فاطميا .. ابــا الزهراء والألا
فاطميا .. ومن بالروح قد يفدي
---------
حيدر تركي الكربلائي

Читать полностью…

قناة حيدر تركي الكربلائي

 
الفاطميه
.
.
.

باب فاطم نار وجت بيها  .. وماكو خـّير يفزع ايطفيها
واويلاه واويلاه يافاطمه
-----

مشـــتعــل بالنـــار بـاب الله ونبــيه
ومايطـــفوها بـــدواعــي الطـــائفيه
الــناس من ذاك الزمــان وهــيه هيه
اتجامل الباطل على احساب الزچيه

تستجير الطاهره مخليها  .. وماكو خـّير يفزع ايطفيها
واويلاه واويلاه يافاطمه

*

المافــزع للــزهره لـــمــن وجـــو الــباب
ينـــلعن طــبعـــا اذا طــاريـــه ينـــجاب
گــالو الصديق واحــنــه نــگول چــذاب
اليسطي عالحق مانسميه من الاصحاب
 
بت رسول الله تضل تاليها .. ماكو خير يفزع يطفياها
واويلاه واويلاه يافاطمه

**

اليبچي عالزهراء دوم ودمعه يهلي
وباب فاطــمه حدر ظلعه نـار تغلي
اليلعــن الثاني طبيعي بـدلوه يدلي
ابلعنه ميهــدد يـناس السلم الاهلي

الخط الاحمر فاطمه ندريها .. وماكو خير يفزع يطفيها
واويلاه واويلاه يافاطمه

*

الماتشـيله الغيره غيــره انجيـبله منين
وشاف باب الزهره تحرگ بــيه ملاعين
ايغار عالوحده الاسلاميه وعلى الــدين
ومايغــار اعلــه الزچيـــه ام الحـــسين
 
بت نبيه ابسكتته ايجازيها .. وماكو خير يفزع ايطفيها
واويلاه .واويلاه يافاطمه

*

الـ وآن  طاغيهم حقد لـمن حچاها
خلف باب الدار فاطــم مــن دراها
الــنار مگـبــلهـــا والبســـمار بگـفها
وبالوصيه مگيده اچــفوفه حماها
 
ليش دخان الحطب عاميها .. وماكو خير يفزع يطفيها
واويلاه واويلاه يافاطمه

**

فاطمه اكبر قضــيه وهالقـــضيه
ونــبقه نصرخ يالثـارات الزچـيـه
النكر ظلع الطــاهره وهاي الرزيه
خل يحظر عذر يم حامي الحميه
 
اشتنفع الاعذار يم واليها .. ماكو خير يفزع يطفيها
واويلاه واويلاه يافطمه
**
حيدر تركي الكربلائي
 
 
 
 
 

Читать полностью…

قناة حيدر تركي الكربلائي

الفاطميه
.
.
.

 آ  يالبــاب ومــصابه .. والدمــعات سچــابه

------

خشب بس من صرت يمهم سمعتك صارت اشگدها
الـدار الكـَــبرت اسمـــك .. الفــضل يرجــع السيدها
والســـوه ألـك معـــروف .. مـو بالشـــين اله اتردها
وراك شـــلــون ترضـــاها .. الزچـــيه ينسطـر خدها
الصاير شنهو اسبابه .. والدمعات سچابه

--------

يبـــاب وقـــالع البـــيبان .. ملـح اچفوفه ماغزر
يناكر عــشرة اهل البيت .. يـملـــوع گلب حيدر
الاكبر مــنك بقاطـــات .. حــيدر قالعــه بخيــبر
شگلت من اسمعت انته .. بگفاك اضلوع تتكسر
الزهره اتصيح يايابه .. والدمعات سچابه

-------

ابمدينة يثـرب البيبان .. حاسدتك لـون تعلم
يالصاير جزء من بيت .. جــبرائيل بيـه ملزم
ستر الله بعظـــمته لاذ .. خلف وانته مامهتم
عجيب امرك يهذا الباب .. الطـشرته فلا يلتم
حيدر يوجع مصابه .. والدمعات سچابه

------

الخشب نوعيـن معروفه .. لو مذموم لو محمود
واحد بيـــه نجــه موسى .. واحد وَجــره نمرود
يمــن نوعيتك امخـلـيه .. گلب المرتضى ممرود
يالخـليته كـــل عمره .. اثيابه امن المأسي سود
لمن فارگ احبابه .. والدمعات سچابه
------

يالكاسر اگلــوب اطفال .. واحدهم جرح عمره
واگف انته مدري شلـون .. يمبـدي الورد عطره
محروگ انـته بالــظاهر .. اواحدهم يوج جمره
يباب اشگلت للاطـــفال .. لمــن طاحت الزهره
يبو حچايات لهابه .. والدمعات سچابه
------
حيدر تركي الكربلائي

Читать полностью…

قناة حيدر تركي الكربلائي

الفاطميه
.
.
.

لا . صرخه وترتفع / لا . نكتب بالدمع / لا . مانـنسه ظـلع
أمــنه الزچــيه

______________

الگـال تنـسون الظـلع لـو طـال الغياب
هـذا اكيد اويـه الجماعه الدفعو الباب
همـه مـن رادونه ننـسه عـدهم اسباب
ظنو انبطل اللعن عن بعض الاصحاب

لا . الزهره تنوجع/ لا . نكتب بالدمع / لا . مانـنسه ظـلع
أمــنه الزچــيه

______________

النـبي غـير الزهـره مـاعنـده وريـثه
بضـعه منـي فاطـمـه گـال بحـديثه
الله يـلـعن قـائـد الزمــره الخــبيـثه
بالحقـد ظـهرت مساَعـيه الحثــيثه

لا . ما راعه الوضع / لا . نكتب بالدمع / لا . مانـنسه ظـلع
أمــنه الزچــيه

______________

امـنه مـن حـقنـه اذا نبــچي البچـيها
اتضوج بعض الناس ماندري اشعليها
هــالجـريمه ابـائـهـم مشــتركه بــيها
همـه حـرگو بـابــها وهجــمو علــيها

لا . الألهم متبِع / لا . نكتب بالدمع / لا . مانـنسه ظـلع
أمــنه الزچــيه

______________

نبـچي ما بطـلنه مـن يـوم السقـيفه
علـى حـالة فاطمـه الزهـره العفـيفه
الخليفه امـن استلم هـاي الوضيفه
وسـفـه اول مــابـده بيـها الخـليفه

لا . وقرر تنفجع / لا . نكتب بالدمع / لا . مانـنسه ظـلع
أمــنه الزچــيه

______________

بسكـم اتلومـون مـو كافـي المـلامه
إلينـتـقـــدنـه لازم ايـقَـــيـم كـــلامه
علــى خــد الزهـره من خــله عـلامه
تظـل تلعـن بيـكــم ادمـوع اليــتامه

لا . لاماتنگطع / لا . نكتب بالدمع / لا . مانـنسه ظـلع
أمــنه الزچــيه

______________

نبقـه نجري ادموعـنه الحـد المنـيه
الهالـرزيه الهـيه اسـاس الـكل رزيه
كـون ماتخلـص ليـالـــي الفاطمـيه
حتـى نلـعـن بالسـقيــفه وال امـيه

لا . اتظل ماتنمنع / لا . نكتب بالدمع / لا . مانـنسه ظـلع
أمــنه الزچــيه
______________
حيدر تركي الكربلائي

Читать полностью…

قناة حيدر تركي الكربلائي

قناة حيدر تركي الكربلائي:
الفاطميه
.
.
.

عـاشــوراء .. الــزهـــراء
قــد اقــبل
يابو صالح

_________

ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه

متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره

يــوما أت .. لــلاهــات
قــد اقــبل
يابو صالح

_________

حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات

اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك

حزن الآل .. في الأصال
قد اقبل
يابو صالح

_________

شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها

انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح

_________

تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب

لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح

__________

اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي

ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك

صوت عزاء .. صوت بكاء
قد اقبل
يابو صالح

_________

سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب

يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح

_________
تمت والحمد لله
حيدر تركي الكربلائي

Читать полностью…

قناة حيدر تركي الكربلائي

رغــم اليــعادينه .. تـبقه انـته والـيـنه

------

يابالحسن مخطوطه مـــو بالورقه .. علي علي علي علي
نبض الگلوب احروف اسـمك تبقه .. علي علي علي علي
صفقه عقدنه اوياك واجمل صفقه .. علي علي علي علي
ياعافــيتــنه وخــير الله ورزقـــه ..  علي علي علي علي
 
خيرك امغطينه .. تبقه انته والينه

-------

يا اعظم احچاية بخت نحچيها .. علي علي علي علي
بدونك الدنيه بفلــس مانشريها .. علي علي علي علي
الماعنده حبـك بيمن امگظــيها .. علي علي علي علي
دنيتــه بالدفـعات اهــو امشيها .. علي علي علي علي
 
كلمن واله دينه .. تبقه انته والينه

-------

بيضه كريات الدمــاء وحمــره .. علي علي علي علي
واحنه بدمانه حيـدره والزهره . علي علي علي علي
والي بصلاته حيـدره مـيذكره .. علي علي علي علي
ربع الصراط اعـماله لامتـعـبره .. علي علي علي علي
 
بكل فرض نادينه .. تبقه انته والينه

--------

يالبلحرب لمـــن تــشــد الــثـامك .. علي علي علي علي
اتدنگ السمه حــتى تقبـل هـامك .. علي علي علي علي
اتلث خـلفاء الي اصـبحو گـدامك .. علي علي علي علي
ايشرفهم اتراب التدوسه اجدامك .. علي علي علي علي
 
الهالحچي اتبنينه .. تبقه انته والينه

-------

گال الرسول اشگال ها يالسامع .. علي علي علي علي
حيدره اول حيـــدره مــــو رابـع .. علي علي علي علي
المايقـــتنع مــو مهم اني الــقانع .. علي علي علي علي
ايدي اگصها الغــيره كون اتبايع .. علي علي علي علي
 
انگل لليحاچينه .. تبقه انته والينه

-------

باچــر الماوالاك ياهـو ايفيده .. علي علي علي علي
والمايريدك انــته هم متريده .. علي علي علي علي
والي يلزمك ندري متهد ايده .. علي علي علي علي
الأيـدته انتـه فــايز ابتـــأيده .. علي علي علي علي
 
طــبعاً يـغالينه .. تبقه انته والينه
-------
حيدر تركي الكربلائي

Читать полностью…

قناة حيدر تركي الكربلائي

ميلاد سيد الكائنات
.
.
.
.


ابميلادك العيد اكتمل .. يا اجمل اشراقة امـل
يارسول الله

--------

بالاحساس / حبك محتدم .. بالانفاس / انته اعذب اسم
من الناس / ميشبهك رسم
يبو الزهره
حســبناك / انته اول عشگ .. وصــفانك / للي مختنگ
لگيناك / عنوان الصدگ
على الفطره
 
يالذكرك احله امن العسل .. يا اجمل اشراقة امل
يارسول الله

-------

 
عرفناك / يا اول شمــس .. عشگناك / يحچاية ونس
بلياك/ بالغربه نحس
يهادينه
يمحبوب / يا اطـهر بشر .. بالگلوب / طاريك انحـفر
من انذوب / نرسملك صور
امانيــنه
 
وحبنه صبح مظرب مثل .. يا اجمل اشراقة امل
يارسول الله

---------
 
بزغ نور / من سابع سمه .. والصدور / بالحب مفعمه
وصدى الحور / صاحت فاطمه
تهانينه
علامات / خير الله انتشـر .. دلالات / هالكـون ابتــشر
سماوات / علنت هالخبر
يغاليـنه
 
حيه على خير العمل .. يا اجمل اشراقة امل
يارسول الله

-------

بالافراح / عالمنه انشرح .. والارواح / كللها الفرح
يمفتاح / باب الحب فتح
على العالم
اعاجيب / حبك مـُنزله .. اساليب / مثــلك مرسله
فلا اتغيب / في كل مرحله
ذكر دائم
 
بسمك عرش الله ابتهل .. يا اجمل اشراقة امل
يارسول الله

--------

مجانين / جنــنه الهــؤوه .. موالين / إي والـــقل هـوه
محبين / يالوجهك ضوه
ويضوينه
يگولون / بدعه من نحب .. يكرهون / احبابك غــصب
يعرفون / المن ننتسب
يوالينه
 
ويم بابك انطش الغزل .. يا اجمل اشراقة امل
يارسول الله

--------

 
نواليك / ونگلك نعـــم .. نماشيك / ريح اويــه السهم
نوافيك / يالهادي قسم
علي الشاهد
اليضدون / اهلك كل زمن .. يعثرون / اصحاب الفتنن
يعيشون / هالوادم وهن
بفكر شارد
 
يالغيركم ماكو بدل .. يا اجمل اشراقة امل
يارسول الله
------
حيدر تركي الكربلائي
 
 
 

Читать полностью…

قناة حيدر تركي الكربلائي

حيدر تركي الكربلائي:
مولد رسول الانسانيه
.
.
.

أعــيـاد .. مــيـلاد .. هــادينه
هـاللــيــلـه

---------------------------

يالله يطيور السمه . خل نـروح الفاطمه
وعلي حماي الحمه
انهنـيهم
بينه شوگ وعاطفه . للحبيب المصطفى
واجب العنده وفه
ايوافيهم
انرتل أيات الفرح . اويانه كلـمن مافرح
ابـدنيـته لامـانجح
جافيــهم
الفرح كله انجسده . للرسول ابمـولده
وكـل ربـيع انـجدده
انراويــهم

الحقاد .. الحساد .. تدريـنه
هـاللــيــلـه

---------------------------

الليله مولد مختلف . وفرحته ماتنوصف
جازت احدود الوصف
انــواره
كلشي من نوره انبهر . ابوجها أيات وسور
من ظهـر سيد البشر
واسراره
الدنيه صاحت ياهله . وصوت فرحتها اعتله
تنتـظر كـل هالمله
اخــباره
نـزلت أيـه وراكـعه . امن السـماء الـسابعه
رحــمة الله الـواسعه
ومختاره

وانفاس .. هالناس .. امتانـينه
هـاللــيــلـه

---------------------------

اويانه اجه روح القدس . بالولاده چن يحس
گلبه فرحه منترس
هنياله
على جنحانه كتب . الفرح لامـو مستحب
على كل مسلم وجب
مرساله
المصطفى حلـقة وصل . والــذي مــايحتـفل
هـذا ماعنـده عـقل
يبراله
اليلعب ابراسه الجهل . انگله وبــلايه زعل
هالجهل صوچ الاهل
وافعاله

والراد .. ينعاد .. يرضـينه
هـاللــيــلـه

---------------------------

الليله شلنه بالگمر . الهادي للدنيه ظهر
خل يجي اويـانه النـطر
محـبوبه
اگـلوبنه ناخـذها اله . البالأشـواگ امحمله
اعـليها كـون البـسمله
مكـتوبه
ابشوفته انكحل النظر . بحظرته يحله السهر
الذي هالشوفه انتظر
محسوبه
الطاها كلنه ننتسب . وعلى ديـنه نـنحسب
كـلمـن ابكـيفه يحب
بـسلوبه

الماذاب .. الماحاب .. يجفينه
هـاللــيــلـه

---------------------------

الامــلاك امـحـيره . لـزمـت ابــابـه ســره
رايده بــس تـنــطره
واليـــها
نــاذره چانت نـذر . اتوضت وصلت شكر
لمــن اشتمت عــطر
غاليــها
ابحبه كلها اتوشحت . انغمه عليها وماصحت
من عبيده اصبحت
تـاليــها
آرق هوه امن النده . حقــهـا من اتمـجده
بالمــهد هــوه وبــده
ايحاچيها

هالحال .. من گال .. عن دينه
هـاللــيــلـه

---------------------------

الـ (أمنه) الحور اعتنت . بالــولاده باركت
ومدري ياسوره قرت
يم راسه
قل هوه مدري الحمد . وچـان بيديها ورد
شمت اعطور المجد
بنـفاسه
المصطفى عطر الأمل . والـي ما يشتمه زل
بالـطبع عنده خلل
بحساسه
والــورد جـايـب سـلام . لچن ماعنده كلام
أنـحــنـاله بحـترام
وبـــاســه

مسرور .. من نور .. والـينه
هـاللــيــلـه
---------------------------
حيدر تركي الكربلائي

Читать полностью…

قناة حيدر تركي الكربلائي

ميلاد الرسول
.
.
.

مجنونك .. حتى لو سموني
وعيونك .. تــره ميــهـموني
يارســول الله --- يــانــبــي الله

_______________________

والله مجنون بهـواك وروحي تعـلم بيها
هاي نـعمـه ولازم انـي اشـكر الله اعليها
علمـتني امـي الجنون وجدي الموصيها
كون كل مصباح ابوس الوالده ابرجليها

مجنونك .. فرض لو لاموني
وعيونـك .. تـــره ميــهموني
يارســول الله --- يــانــبــي الله

_______________________

الحچي صار اهــواي عــني وبيـنت اسراري
صحت باعلى الصوت احبك ياحبيب الباري
واليـلوموني اعــله حبـك كــون بيــهم نـاري
بلـكــت ايحـسون بــــيه لــو قــرو اشــعاري

مجنونك .. حتى لو عرفوني
وعيونك .. تـــره ميــهـموني
يارســول الله --- يــانــبــي الله

_______________________

يالتلوموني اعـله حبي يامه لمـتو او يامـه
ليله من جـنـنت قيس اشعجب محد لامـه
اويــه النـبي لــو چنت انـي عايـش ابأيامه
مـو جــدار البيـت اقَبله بـل اتراب اجدامه

مجنونك .. وبيه اكحَل اعيوني
وعيونك .. تـــــره ميــهـمـــوني
يارســول الله --- يــانــبــي الله
_______________________

افـتخر مجـنون بيك وهـاي دوم اقـراها
اهواي لاموني بجنوني وبالجنون اتباها
الـگال لـي عقلك فـقدته ماعـرف معناها
اعلنـتها وبـعد اعلن انه احب بـس طاها

مجنونك .. اشرادو ايحسبوني
وعيونـك .. تــره ميــهـــمونــي
يارســول الله --- يــانــبــي الله

_______________________

حـبك ايـگولون بـدعه وانــته تــعلـم بيــهم
ابلا شعور الگيت نفسي اضحك انه اعليهم
اعـقولــهم كــلها تخلــف بالــجـهل خلـــيهم
والله لـــو تنبــعث ثــاني بــعد ماتهــديــهم

مجنونك .. بالشرك يرموني
وعيونك .. تـره ميــهــموني
يارســول الله --- يــانــبــي الله

_______________________

اهلي ربوني اعله حبك وصنعو شخصيتي
علمــوني شـلون احــبك واحــسنو تربيتي
سيدي من گـد جنوني ويـن واصل صيتي
ويارسول الله محـمــد كاتـب ابــناصــيتي

مجنونك .. اقبـل اينادوني
وعيونك .. تـره ميــهـموني
يارســول الله --- يــانــبــي الله
_______________________
حيدر تركي الكربلائي

Читать полностью…

قناة حيدر تركي الكربلائي

لمولد الامام الحسين ع
.
.
.

اليوم اريد احچيها .. ومــا اجـامـل بـيها
انه مجنون ابا عبد الله

____________

بعيـوني مكتوب العـشگ بعـيوني
وبأسـمي مـن هـاليـوم لـتــنادوني
مجنون ابـو اليمه افـرح اتسموني
وماعندي غيره ابدنيتي وتدروني
ابــدلالي .. بـس غـالي
وعــيونه .. التــبــرالي

الـروح الـه افديها .. ومــا اجـامـل بـيها
انه مجنون ابا عبد الله
____________

مــرات وي روحـي اسـوالـف اني
وحسين مجـنون اعـترف خلاني
دلالي يرفض غــيره واحـد ثـاني
والساني حالف مايعوفه السـاني
بحساسي .. ونــومــاسي
بس هـوه .. اويه انفاسي

دنـيــتي امحــليها .. ومــا اجـامـل بـيها
انه مجنون ابا عبد الله

____________

هواي البشر وحسين بس بدربي
وماشوف واحد غير تارس گلبي
للــباري افــرع وانــدعــي يـاربي
خليــني هــايم انــه دوم بحــبي
نجــيــني .. بحسيني
وبس وياه .. خـلـيني

والــذي ناسـيها .. مــا اجـامـل بـيها
انه مجنون ابا عبد الله

____________

بجنوني غايه وافخر ابهـا الغايه
والحــمد لله انــي واصــل هـايه
بالعــشگ كـل واحد اكـيد ورايه
الغير ابو اليمه ماتلـوگ احچايه
احچاياتـي .. ودعواتي
نـــاذرهــــا .. وبسماتي


بسمـــه مسميها .. ومــا اجـامـل بـيها
انه مجنون ابا عبد الله

____________

حسين المحيط وغيره كلها اوشاله
الفـضل عليه شــلون اعوف افضاله
اشگــد بـــي حــنان وعاطــفه دلاله
ماعـــنده حـــظ المايعــيش ابجـاله
عـنـــوانه .. ابـــيبانه
وغامرني .. بأحسانه

وهذي ما اخفيها .. ومــا اجـامـل بـيها
انه مجنون ابا عبد الله

____________

الوادم امـن الحب الصدگ تتحرج
وعـن حبي ردت المــادرت تـتفرج
مدرسـة عابــس منهــا راح اتخرج
اليـهوه الحسين ابـلايه شك يتوج
والدارس .. من عابس
بهذا الحب .. ايـنافس

والهـوت واليــها .. ومــا اجـامـل بـيها
انه مجنون ابا عبد الله
____________
حيدر تركي الكربلائي

Читать полностью…

قناة حيدر تركي الكربلائي

حيل ابچن ياعيون .. عالسبي وعن السجون
الرابط ابيناتهن
توجد قيود
_____________
مشكلتنه اويه السلاسل من بعيد
ابيوم گطعو اطهر واشرف وريد
لمن شــدو بالسلاسل ايــد بــيد
اهــنا بدت مــأساتنه ويه الحديد

جامعة زيــن العباد .. وصلت الباب المراد
وفوگ ظرب اسياطهم
توجد قيود
--------------------
اتلاشت امن الظيم عافية الزمان
يوم حطــو قيــدهم بيــد الحنان
اذنــت دمعـــاتنــه وچــان الاذان
يــا امــان الله نــدور عــــالامــان

وين ما ندري نروح .. تمطر اعلينه جروح
الكــَثرت ماساتنه
توجد قيود
________
سلـــسلة سجادنه وصلــت الـشام
وال اميـــه ورثـــوهــــا للـــ لـئام
رجعـــوها وقــيدو بــيهـا الامـــام
في طوامير السجن عاش بضلام

گضه كل ايامه ليل .. اشتاگته شمس الله حيل
اي نعم والشوفته
توجد قيود
_____
الگيـد شامي واصـله مـو مـن العـراق
العلــي السجاد انصنــع بيه لن يساق
ورجــعوه للكــاظم وچــان الـــوثــاق
اثگيل حد مارض نعم من عنده ساق

جسم ابو طلبه نحيل .. وكيدهم كلش ثگيل
المشكله عالگيد هم
توجد قيود
----------
عدنه عاشور الزچــية ام الحسين
وعدنه عاشور ابو اليمه واربعــين
وعدنه عاشوراء بــرض الكاظمين
اليبچي بيهن ينحسب عالمؤمنين

بينه لغيابه عذاب .. يمكن بثكل الغياب
وهاي من نار السجن
توجد قيود
________
اجروح بيـن الكاظميه وكربلاء
يمكن بگــد الكواكـب والـسماء
والله لو خلص عمرنه بس بكاء
مانـوافي وروح ســيد الشهداء

دجله لو نبچي وفرات .. هالعيــون مقصرات
شلون بيدك سيدي
توجد قيود
---------------
حيدر تركي الكربلائي

Читать полностью…

قناة حيدر تركي الكربلائي

للامام الكاظم ع
.
.
.

ابصرخات الأمل .. ناديــنه العـجل
يايـوم الفـرج
يـالبـالمـعـتـقل

___________

وينــك اويــنك نـحـس بيـــها بعـــيده
هـواي محتاجـينـك وشخـصك نريــده
ابكــل صــلا هــذا الدعاء احــنه نعيده
عــجــل اللــهــم بالــطلـعــه الــرشــيده

هجـرك مـاكـمل؟ .. ناديــنه العـجل
يايـوم الفـرج
يـالبـالمـعـتـقل

___________

والله يـامـوسى ابــن جعـفر مــو بـدينه
نــار هــجـرك مــاطــفـت مشتعـله بــينه
الفـرگه تكـتـل لـو عـلى الفـرگـه بـچـينه
عـــجــل الله فــرجــك يـمــتــه تـجــينه

الهم بينه اشتعل .. ناديــنه الــعـجل
يايـوم الفـرج
يـالبـالمـعـتـقل

___________

اليـرتــحــل لابــد ايـعـاود مـــن رحــيله
اعلـيك ننــشد ويــن هــالغـيبه الطـويله
بـــالـفـرج دائـمـاً شخــصــك ننــدعيــله
وانتــظارك غـيــره مــاعــدنــه وســـيله

واحـدنه انـذهـل .. وناديــنه العـجل
يايـوم الفـرج
يـالبـالمـعـتـقل

___________

انــرتــل ابـــأيــات حـــزنــك أيــه أيــه
ابمـصحفك يـومـيه نـوصـل للــنــهايــه
تــره غـيمــه شوفـتك واحـنه ضـمايــه
والسـنين اعجـاف راوتـــنـه المـــنايــه

غيــثك مانــزل .. ناديــنه العـجل
يايـوم الفـرج
يـالبـالمـعـتـقل

___________

اعيــونـه ابيـضت تــره يـابــاب المــراد
مثـــل صـــبر ايـوب لازم الــنــه يـــنراد
اعلـيك نســأل والسـؤال ابـهالـوكت زاد
( آ بسجن السندي ام في سجنِ بغداد )

وين ابيا محل .. ناديــنه العـجل
يايـوم الفـرج
يـالبـالمـعـتـقل

___________

النـه يمـته اتـعـود مـو تـعـبنــه الغــياب
وشاب راس الگاع من گد هذا المصاب
ابكـثر ماطـاحن عـليه دمعـات الاحباب
كـون عـنده اللسـان ويـسولف هالتراب

وَيــانــــه ســـئل .. ناديــنه العـجل
يايـوم الفـرج
يـالبـالمـعـتـقل
___________
حيدر تركي الكربلائي

Читать полностью…
Subscribe to a channel