haydirtorky | Unsorted

Telegram-канал haydirtorky - قناة حيدر تركي الكربلائي

11030

لنشر قصائد مناسبات اهل البيت

Subscribe to a channel

قناة حيدر تركي الكربلائي

مولد السجاد ع



علي السجاد مـيلاده ** الف مبروك يالساده
ها / مـبارك والله مــبارك
       نور وطالع من النور

----------

الچفافي الخضر من هاشم ..رحت فدوه الچفافيهم
دگ مــــيدانهـم هــوســات .. يـــم احــسيـن واليهم
يهــنــونـــه بعلــي الـــسجاد .. واهـــوه هــم يهنيهم
 
حلوه الساده لمتهم ** وحلو رباط هوستهم
ها / المايفرح لحســين الليله
       ما محسوب امن الخدام
----------

حي الله الحچي المملوح .. وحي الله اليگولونه
يا انـــسان غـــير حســين .. يستـــاهل اتهنــونه
المايفـــرح لبــو السجاد .. عمه اليعميهن اعيونه
 
تره ابميلاد المهيل ** يفرح وين المعدل
ها / الساده اتگــل للساده
حلوه الهوسه اويه العوام
-----------

ابـــاب حســين والمــيدان .. بجويــريد رد صـــيفه
گال احســين اجه العـباس .. خلـو الـــسالفه بكـيفه
خيهـــوس اخـــــو زيـــنب .. بـــس يــهوس بسيفه
 
شوف اشسولف العباس ** وگال اشهود هاي الناس
ها / اچفوفي وذني اعيوني
       فدوه يــروحن للسجاد
----------

ربنه اوهــوه مـــن عرش .. زف لحـســين البشاره
علي خطار اجه امن الله .. وقيس اشلونه خطاره
شكد ماداره فايـض نــور .. زاد الـنـــور الـــبــداره
 
ومن داره الشمس غارت ** وهذي الگبل ماصارت
ها / الشمس التضوي الدنيه
     لنها اتجدي اباب احسين
--------

امتــــداد الآل بالـســـجاد .. مبارك يابني هاشم
انربط سباح داحي الـباب .. باخـر ورگه بالقائم
امبارك من گلب والــسان .. الكم صاحت الوادم
 
وين الي يريد امراد ** يحظر مولد السجاد
ها / الشغـــله المامــحلوله
      گول انحلت هذا اليوم
----------
حيدر تركي الكربلائي

Читать полностью…

قناة حيدر تركي الكربلائي

لمولد ابا الفضل العباس ع
.
.
.

مجنون وابوفاضل ابو فاضل ابو فاضل حبيبي
مجنون
وابو فاضل ابو فاضل ابو فاضل حبيبي

_______ _______

عمــر حــبي لــبو فاضــل يالتــعد ايـــامه
ابــتده لمن چـــانت امي ابيــتهم خــدامه
اويه الحليب انه رضعته حـبه يامه ويامه
وهالمحبه اجنون صارت مـن بدت تتنامه

وعيون وابوفاضل ابو فاضل ابو فاضل حبيبي
مجنون
ابو فاضل ابو فاضل ابو فاضل حبيبي

_______ _______

الــگال لي مذنــب ابحبك انــه اشـيل اذنوبي
الماعرف مـعنى ابـو فــاضل لايگــَرب صوبي
اي نــعــم مجـــنون انــه والــگمــر محـــبوبي
تره خلف الله اعله چـفه الي سترلي اعيوبي

اتسمعون وابوفاضل ابو فاضل ابو فاضل حبيبي
مجــنون
ابو فاضل ابو فاضل ابو فاضل حبيبي

_______ _______

انــه من امشي ازوره والله اگــصد حــافي
واســمع الناس الوراي اتــگول الله ايشافي
الله ليــشافيني كـون وتبـقه هيچ اوصافي
ماعلــى المجـنون اصــلاً حرج بسكم كافي

تدرون وابوفاضل ابو فاضل ابو فاضل حبيبي
مجنون
ابو فاضل ابو فاضل ابو فاضل حبيبي

_______ _______

حچي صار اهواي عني وهالحچي اشگد قاسي
بالله خلــونـــي بجــنونـــي هــــايـــم ابعــباسي
تــره ماعـــنده شـــعور الــمايحـس بحـــساسي
اشــهدُ ان ابـو فاضـــل خـــله عــقلي ابــراسي

المضمون ابوفاضل ابو فاضل ابو فاضل حبيبي
مجنون
ابو فاضل ابو فاضل ابو فاضل حبيبي

_______ _______

أحمـــد الله وأشـــكره وانـــدعي يـــوميه
كــون ما اتشافه انــي امن الجنــون البيه
اتهيــم روحي الـگمر من ايمر علي طاريه
نيتـــي يرضه بـــو فاضـل والعمــل بالنـيه

مفتون وابوفاضل ابو فاضل ابو فاضل حبيبي
مجنون
ابو فاضل ابو فاضل ابو فاضل حبيبي

_______ _______

انه مجنون ابو فاضل فدوه اروح الاسمه
هاي نعــمه المــاعرفها جاحـــد الهالنــعمه
الله قاسـم لي الجنون وقــابل ابها لقسمه
اشكر الله اعله فضله وعــلى هاي الرحمه

ممنون وابوفاضل ابو فاضل ابو فاضل حبيبي
مجنون
ابو فاضل ابو فاضل ابو فاضل حبيبي
_______ _______
حيدر تركي الكربلائي

Читать полностью…

قناة حيدر تركي الكربلائي

 ميلاد قمر العشيره
.
.
.


قــل يا أيها الـنـاس .. قــل هنــه كلمتين
الدنيه ابلايه عباس .. لاماتسوه فلــسين

***

حــنانه غامــر الدنيـــه حنــانه
مـكانــه بالگــلب ثابــت مـكانه
 
ابو چفوف السخيه الحـير الماي
ردت وفــاي مـثله ومـاكو وفـاي
كلــشي شويه والعبــاس الهـواي
گمر غير ابوفاضل ماكــو بسماي
 
صيح ابلهفه واحساس .. چن صيحات الحسين
الدنيه ابلايـــه عــباس .. لاماتـــسوه فلـــــسين

***

تخــليه عالجــرح لمــن تـخليه
يداويه ذكــر ابو فاضل يداويه
 
حيره شگد ببو فاضـل كرامات
ينطـي ومايمــل من العـطاءات
اليگول اهواي گله ابـلا مبـالات
تره العباس قادر يحي الاموات
 
البيه وسواس خناس .. حسبه احساب مَيتين
الدنيه ابلايـــه عــباس .. لامـاتــسوه فلـــسين

***

يوصفه خيره من يگدر يوصفه
يعرفه بــس ابـــو الاكبـر يعرفه
 
نـــبع يتـــفايض امـروه ومـحنه
چنــه العـــافيه العـــباس چـــنه
مابـــالـــغ تــــره لـــوگلت جـــنه
كفلـــنه والــنعم بـــيه مـن كفلنه
 
تاج انحط علـى الراس .. واسمه نخط على العين
الدنيــه ابلايه عبـــاس .. لاماتســـوه فلـــســـــين

***

گلتــها وگـــولها انــي الگــلــتها
شلــتها امحبة الكـــافل شلـتـها
 
بحـبك خــل جميع الناس يدرون
وعـنك لاتبـــالي اشمـــايگـــولون
گلهـــم انـــي بالعــبــاس مجـنون
فخر يكفيني شلت اسمه بالعيون
 
العتبه ابابه تنــباس .. لامو مـره وثنين
الدنيه ابلايه عباس .. لاماتسوه فلسين

***

تعـــلم انتـــه مــن عــابس تعلم
ومتــيم صـيح بالكــافل متـــيم
 
اليحب عباس من داخل ضميره
تصبــح مـــنزلة قـــدره چـــبيره
الهــام ابكافـــل الــحره الامــيره
اكيد بلايه شك صـاحب بصـيره
 
وكلها تعـرفه حــساس .. ومعروفه المضامين
الدنيه ابلايه عبـــاس .. لامـــاتسوه فلســـين

***

بخدمــتك گــــله يالغــالي بخــدمتك
بنعمــتك يـــلي غامـــرني بنعــمـــتك
 
يماي الله الحـشـــه تنســـه اليعطشون
انعمالله امن احسبتني اويه اليخدمون
يكون وعـــد حســن ضــنك انـــه كون
الرضيت اعليهــم ابلا شـــك يـفـوزون
 
يمن للخدمه مقياس .. عگبك نتجه وين
الدنيه ابلايه عـباس .. لاماتسـوه فلسين
***
حيدر تركي الكربلائي
 

Читать полностью…

قناة حيدر تركي الكربلائي

 لمولد الامام الحسين ع
.
.
.

حسـين ابن عــلي .. يحــبــي الازلــي

***

يأول ما الــك نــد .. اتيه بيك اذا عــد
نعم يابعد عافيتي وعنك لحظه ماصد
 
ماعوفك وحروفـك ملهـوفك بطـيوفك .. گايـــلك نــعم
بحساسي وبنفاسي ونوماسي ماناسي .. قاسملك قسم
 
الگلب غيرك خلي .. يـحبـــي الازلـــــي

***

نسـيم احروفك ايمر .. واشعر بيه اكو سر
هواك استنشقه والشوگ بيـه الكربله ايجر
 
رضوانك عنوانك واحضانك بيبـانك .. يا اطهر عــشگ
يالغـــالي وامالــي يالـوالـي دلالـــي .. بس بسمك يدگ
 
يمن تسوه هلي  ..  يحـــبي الازلي

***

يكلشي الأنته وانته .. بس بعيوني شفته
نسيت اشيـاء واشــياء اسمـك من عرفته
احچاياتي وصفناتي وبسماتي ودمعاتي .. صارتلك وقـف
مفتونك من دونـــك مجــنونك وعيونك .. مولاي اعترف
 
گلت بالذر بلي .. يحــبي الازلـي

***

يسـألونـــي ولا رد .. مـو شغلة اعاند
بس الشغله يدرون بدليلي انته گاعد
 
يالبالدم مو مهتـم لا مغـــرم واتـألم .. في حبك عمر
بتكويني تدريني مسميني يحسيني ..عبدك وافتخر
 
منو الغيرك الي .. يحبــي الازلــي

***

يصاحب احله ملگه .. مــثلك ويـــن الـگه
اشهگ من يمر اسمك واحسها احله شهگه
 
تفز روحي وجروحي وصروحي مذبوحي .. ذكرك من يمر
واتجـــمهر واتحـــظر ما اگــــدر اتأخــــر .. والطفـــك افــر
 
ضريحك منزلي .. يحبـــي الازلــي

***

اشگد ما انـــي اكـبر .. يمــك كلـش ازغر
طفل چن اني كدامك من المستحه اعثر
 
مسويني ومنطيني وغانيني امعليني .. اعله امن النجم
اتأمل واتوسل ارد اسـئل من يقبـــل .. ينطي بهـالحجم
 
فقط انته الولي .. يحــبي الازلي
***
حيدر تركي الكربلائي
 

Читать полностью…

قناة حيدر تركي الكربلائي

انفــاس الحـسين .. عباس ابو فاضل
احساس الحسين .. عباس ابو فاضل
صـــل الله علـــى .. عباس ابو فاضل
-----

كفيــل العيله .. اليــرد العـيله
اليغث الكافل .. الــف يـاويله
كلف ومـعتب .. شجاع مرتب
بحربهم فنـه .. العلـيه يتغلب
امير الكلـمه .. سراج الخدمه
نحـبه وفدوه .. نروح الاسمه
 
احچايات الحسين .. عباس ابو فاضل
بسـمـات الحــسين .. عباس ابو فاضل
صــــل الله عـلــى .. عباس ابو فاضل
--------

جميل افــضاله .. العقل ماشاله
صفاته الجــمه .. سبـــت عذاله
امــام الغــيره .. صـعب تفسيره
اليريد ايفسره .. يضــل ابحيره
خفيَ الطافه .. عظيمه اوصافه
حسين والله .. فقـــط بشـفافه
 
اسرار الحسين .. عباس ابو فاضل
اسوار الحسين .. عباس ابو فاضل
صـل الله على .. عباس ابو فاضل
--------

دروس وعــبـره .. كفيل الحره
وكفالة زيــنـب .. خزانة صدره
شـهم ومعتـبر .. عليه من يگدر
النظر خـزراته .. احسبه اتبسمر
حربهم عيـده .. اليريده ايريده
شوكت ميعجبه .. يفرها ابايده
 
غضبات الحسين .. عباس ابو فاضل
صولات الحسين .. عباس ابو فاضل
صـــل الله عــلى .. عباس ابو فاضل
---------

ولـي النعمه .. الحسين بدمه
تره متوهم .. اليريد ايحجمه
چبير ابزوده .. وفـه بعــهوده
اليدور شاهد .. الدليل ازنوده
نبـــع حنيــه .. يفيــض ابميه
الفرات اكباله .. يـصير اشويه
 
اسباب الحسين .. عباس ابو فاضل
ابواب الحـسين .. عباس ابو فاضل
صل الله عــلى .. عباس ابو فاضل
--------

كريم بنــــفسه .. يحَـــــيـــر درسه
الحسين بكبره .. وعظمته ايقدسه
نعـــم بس هوه .. يفــــوح امــروه
لــــذلك اصــــبح .. عطــــر للخـوه
الطــفوف الشاهد .. بدمـائه معاهد
لـــذا من عنده .. انخلق بس واحد
 
نـظرات الحسين .. عباس ابو فاضل
همسات الحسين .. عباس ابو فاضل
صــل الله عــلى  .. عباس ابو فاضل
------

النهر وجـروفه .. حچه بمعروفه
الفرات ومايه .. ســجد لچفـوفه
ابد منـــجامل .. نــعم يــستاهل
الحسين يقبــله .. جـبين الكافل
عطـــف يتبده .. عــذب وموده
المحيط بكبره .. يتيـــه ابخـده
 
رواي الحسـين .. عباس ابو فاضل
ياماي الحسين .. عباس ابو فاضل
صل الله علـى .. عباس ابو فاضل
--------
حيدر تركي الكربلائي
 
 
 

Читать полностью…

قناة حيدر تركي الكربلائي

 
گلبي بكربلاء .. تشهدلي السماء
واتنفس هواء
من صحن الحسين
------
گالولي بسـك بالغـــت .. اشهالحب البـــيه تتغنه
مو عذبتنــه ابهالعــشگ .. شـــو سولف النه عنه
گلتلهم انه اهوه شخص .. هواي احله من الجنه
اشـــما حبه واتـــدنه اله .. العرش الجـليل اتدنه
 
مو سر وخفاء .. تشهدلي السماء
واتنفس هواء
من صحن الحسين
-----
گالولي حبك بيه نحس .. نبـرة فكر رجعيه
لشوكت تبــقه منطوي .. وعايش ابهالعقليه
گلتلــهم الحـــب للـ لذي .. يـتفايض انسانيه
والگلبه صخره مو بشر .. شمعرفه بالحنيه
 
والحب بالدماء .. تشهدلي السماء
اتنفس هواء
من صحن الحسين
-------
گالولي بعض امن البشر .. شعندك ابفكرك شارد
واخذتني صفناتي وحرت .. بــين الارد والــمارد
گالولي كل حب ينتهي .. گلت اله حب بس واحد
مايـخلص اولاينــتهي .. يبـــقه بدلــيلـي خــــالد
 
نوع امن الوفاء .. تشهدلي السماء
اتنفس هواء
من صحن الحسين
------
الله رزقني بمـــعرفه .. ودوم اشكر الله اعليها
نعمه واجتني امن السمه .. وشلون افرط بيها
امحبة ابو اليمه الصـدگ .. والـبـاقي ماسميها
گلمة احــبك بـــس اله .. والـغيره مـا حاچيها
 
حبيته ابنقاء .. تشهدلي السماء
اتنفس هواء
من صحن الحسين
-------
امحبة ابو اليمه الهوه .. التتــــنفسه هــالـــريه
ومرات اذا عنه ابتعد .. اتضيج الوسيـعه اعليه
ميت احس لو ماشفت .. ضـــي قبـــته الذهبيه
ياناس بس بصحنه احس .. تتـطـــمن الـنفسيه
 
وما احچي برياء .. تشهدلي السماء
اتنفس هواء
من صحن الحسين
--------
اشتاگه وانه بحظرته .. واشـــواگي ماتــــتوصف
معجونه يمكن طينتي .. ياناس مـــن مــاي الطف
بيه اقره بس ماينختم .. هواي اكبر امن المصحف
گالولي عَرفه وصيحت .. يانــــاس مــايـــــتعرف
 
وناديت ابنداء .. تشهدلي السماء
اتنفس هواء
من طف الحسين
------
حيدر تركي الكربلائي
 

Читать полностью…

قناة حيدر تركي الكربلائي

شايل رحمة الله .. اعليك الباري صله
صل الله عليك يا ابا عبد الله
-----------
يانور النور .. ابوجهك آلاء
يابسم الله .. ياســر الــباء
قل هوه يعرف صفاتك واجتباك
نور قدسي من سـنا الباري سناك
ياضوانه انموت تدري ابلا ضواك

والشمس وضحاها .. من عندك ضواها
صل الله عليك يا ابا عبد الله
-----------
جل الخلاق .. وشگد منطيك
ماشـاء الله .. تــارس ايــديك
تستحق يحسين كل هذا العطاء
غبطــتك حــتى الرسل والانبياء
نعــم كــل هــذا جــزاء الكـربلاء

لجلك يابو الاكبر .. جنـــاتا وكــــوثر
صل الله عليك يا ابا عبد الله
-----------
السر اللاهوت .. انته التفسير
انته التسبيح .. وكاف التكبير
ابكــنهك احـتارت يمــولاي العــقول
ولــذلــك حايــر بشخــصك شــگول
يكفي انته ابن الوصي وابن البتول

ابحبك ابتليني .. والحب هذا ديني
صل الله عليك يا ابا عبد الله
-----------
سبحان الله .. ياخير الناس
احلى الاسماء .. انته وعباس
انه احبكم حب نعــم ماله نظير
انــتما نـــعم ولـــيــاً ونـصــــير
گلبي بيــكم هــايم وصاير اسير

كل ركعه بصلاتي .. بسمك بسملاتي
صل الله عليك يا ابا عبد الله
-----------
اهــواك اهــواك .. وكاتلني الشوگ
وگلبي المشتاگ .. بالحب محروگ
حبك امـن الله عطــيه وموكلام
اسئـل الله يزيــدني حب وهيام
حتى اسمي يصير مجنون الامام

وجنونك هويتي .. وعابس مرجعيتي
صل الله عليك يا ابا عبد الله
-----------
ســر الاســـرار .. ربك خلاك
ومخلي الناس .. لازم تهواك
الجاذبيه الحظرتك تجذبني اكيد
ولــذلك اسمــك بــنـص الــــوريد
اي يعيد الله وبــدونك مـاكو عيد

يالحبك سجيه .. اويه الدم يجري بيه
صل الله عليك يا ابا عبد الله
-----------
حيدر تركي الكربلائي

Читать полностью…

قناة حيدر تركي الكربلائي

مولد الامام الحسين ع



يالتتـبده حنيه .. ويالكـلك انسانيه
احبك يا ابو ارقيه
احبك ياحسين
------

يأعذب كلمه .. وامام الرحمه .. محبتك نعمه
ابا عبدالله
يـكل امــالـي .. يــدگ دلالي .. حسين الغالي
ابا عبدالله
 
دنــيايــه انــته والله لـو مابــيها
بحــفنة تراب الدنيــه ما اشريها
وچيه انته بيها انه اموت اعليها
 
شحچي والحچي اشويه .. يالكــــلك انـــسانيه
احبك يا ابو ارقيه
احبك ياحسين
------

يــمالـك ذاتـي .. ويكـــل كلــماتي .. الـك صفــناتي
ابا عبد الله
عشت مفتونك .. وصرت مجنونك .. وحق اعيونك
ابا عبد الله
وي العـوابس ســيدي خلـيني
ومن هالجنون البيه لتشافيني
لامومهـم النــاس شتســـميني
 
كفايه تقبل اعليه .. يالكلـك انســانيه
احبك يا ابو ارقيه
احبك ياحسين
--------

يالمــغذيني .. ويالمــرويني .. شكثر منطيني
ابا عبد الله
تگلي تامــر .. وانا المو شاكر .. عطائك وافر
ابا عبد الله
خيرك ترسني امن الجدم حد راسي
شكرا حســين بگــد عـــدد انفــاسي
الــهـــذا جميـــلك والله لامانـــاسي
 
احچي اوياك ليليه .. يالــكلك انسـانيه
احبك يا ابو ارقيه
احبك ياحسين
-------

الهـــدالك قـُبله ..  اعله بـــاب القبله .. اكـيـد اتقبله
ابا عبد الله
ردت بس نظره.. عليك الزهره .. امن اطب للحظره
ابا عبد الله
انتــه التخلـــي كــربلـه بعــــيونه
اهل الارض واهل السمه يغبطونه
خيعونه التحبـه صـدگ خيعـــونه
 
ارزقني بهاي يوميه .. يالكـــلك انــسـانيه
احبك يا ابو ارقيه
احبك ياحسين
------

يكــــل ايـامي .. ويكـــل احـلامي .. تظــــل گدامي
ابا عبد الله
بصحوتي ونومي .. بصلاتي وصومي .. اردد دومي
ابا عبد الله
يا احله كلمه المايملها الساني
يا واحــد ابدلالي مالــك ثاني
غيرك اذا مر اسمه اسد اذاني
 
احچايه وماهي سريه .. يالـــكــلك انــســـانه
احبك يا ابو ارقيه
احبك ياحسين
--------
حيدر تركي الكربلائي
 

Читать полностью…

قناة حيدر تركي الكربلائي

لمولد الامام الحسين ع
.
.
.

اليوم اريد احچيها .. ومــا اجـامـل بـيها
انه مجنون ابا عبد الله

____________

بعيـوني مكتوب العـشگ بعـيوني
وبأسـمي مـن هـاليـوم لـتــنادوني
مجنون ابـو اليمه افـرح اتسموني
وماعندي غيره ابدنيتي وتدروني
ابــدلالي .. بـس غـالي
وعــيونه .. التــبــرالي

الـروح الـه افديها .. ومــا اجـامـل بـيها
انه مجنون ابا عبد الله
____________

مــرات وي روحـي اسـوالـف اني
وحسين مجـنون اعـترف خلاني
دلالي يرفض غــيره واحـد ثـاني
والساني حالف مايعوفه السـاني
بحساسي .. ونــومــاسي
بس هـوه .. اويه انفاسي

دنـيــتي امحــليها .. ومــا اجـامـل بـيها
انه مجنون ابا عبد الله

____________

هواي البشر وحسين بس بدربي
وماشوف واحد غير تارس گلبي
للــباري افــرع وانــدعــي يـاربي
خليــني هــايم انــه دوم بحــبي
نجــيــني .. بحسيني
وبس وياه .. خـلـيني

والــذي ناسـيها .. مــا اجـامـل بـيها
انه مجنون ابا عبد الله

____________

بجنوني غايه وافخر ابهـا الغايه
والحــمد لله انــي واصــل هـايه
بالعــشگ كـل واحد اكـيد ورايه
الغير ابو اليمه ماتلـوگ احچايه
احچاياتـي .. ودعواتي
نـــاذرهــــا .. وبسماتي


بسمـــه مسميها .. ومــا اجـامـل بـيها
انه مجنون ابا عبد الله

____________

حسين المحيط وغيره كلها اوشاله
الفـضل عليه شــلون اعوف افضاله
اشگــد بـــي حــنان وعاطــفه دلاله
ماعـــنده حـــظ المايعــيش ابجـاله
عـنـــوانه .. ابـــيبانه
وغامرني .. بأحسانه

وهذي ما اخفيها .. ومــا اجـامـل بـيها
انه مجنون ابا عبد الله

____________

الوادم امـن الحب الصدگ تتحرج
وعـن حبي ردت المــادرت تـتفرج
مدرسـة عابــس منهــا راح اتخرج
اليـهوه الحسين ابـلايه شك يتوج
والدارس .. من عابس
بهذا الحب .. ايـنافس

والهـوت واليــها .. ومــا اجـامـل بـيها
انه مجنون ابا عبد الله
____________
حيدر تركي الكربلائي

Читать полностью…

قناة حيدر تركي الكربلائي

نزال للامام الكاظم ع
.
.
.

مظلوم .. مــوسـى ابــن جــعفر
مسموم .. مــوسى ابــن جــعفر

___________________

صارله اچـم سـنه غايـب والظـهـوره ننـتظر
گـالـو المـوعـد الجمـعـه بالرصـافه عـالجسر
اصدورنه ضاگت تراها ودخنـت مـن الـصبر
حـقنه لو مـوتنه هجره وهـذا حـال الينـهجر

المهجور .. گلــبـه ايتــفـطر
مظلوم .. موسى ابن جعفر

___________________

عمره خلص بالسجون وگضه من سجن السجن
الحاله حـتى السـجن يبـچي منكسر گلـبه ويون
اگلوب اليوالون موسى انترست وفاضـت حزن
صعـبه مـن شجرة محمد ينگـطـع هــذا الـغصن

والكون .. گـــلــبه تــكـــسر
مظلوم .. موسى ابن جعفر

___________________

تجري دمعات انتظاره وخضرت عالخد جرح
وهـالجـرح كـلما انخـيـطه هــم يــرد ويـنفتحة
مـن كـثر ليـل البواچي صرنـه مانـعرف صبح
صـار واحـدنه يحـس ابـروحه چــنه مــنذبح

والحال .. لا مــــاتـــغـــــــير
مظلوم .. موسى ابن جعفر

___________________

آ يضــحـويـة الجــمــعه اتــأخـرت چــنها سـنه
ويـم جـسر بغــداد الــنه بــيت الاحــزان انبــنه
شوگنه الموسى ابن جعفر يركض اويانه اعتنه
هــوه مــن گــد مايـتاني شـيب وظـهره انحــنه

ويصيح .. اللـــــهُ أكــــبــر
مظلوم .. موسى ابن جعفر

___________________

الجـمعه مـن گـالـو يجـينــه اعـيونه لامـاغـفن
النوب مدري اشبي اويانه گام مايمشي الزمن
اخـدودنه مــن المدامع غصـن ومـو بـس رون
كلـمـن ايفـارگ عـزيـزه لازم ايــشوف المــحن

صرخات .. كلــمـن تـنـــطر
مظلوم .. موسى ابن جعفر

___________________

الدنيه مدري اشصار بيها شو نحس بيها تميل
وبالسمه چـن مـره تبچي وعتله صوت العويل
اهناك لـن اربعـه شرطه اجنـازة الكاظم تشيل
احـنه مـن ذاك الزمـان ولـَـسه دمـعـتنه تـسيل

بالروح .. جمــراتــه تســعر
مظلوم .. موسى ابن جعفر
___________________

حيدر تركي الكربلائي

Читать полностью…

قناة حيدر تركي الكربلائي

 نزال للامام الكاظم ع
.
.
.

كلمه وحده ونختصر بيها القضيه
الله لايحــرمنــه مــن الكـــاظميه

***

گاع بيها اثنين سـاده امن الاجاويد
الجايها مهـموم يرجع ماخــذ العـيد
گــاع مايتــبده بيهـــا مـاي الوجوه
اجيوبك ايترسوها وانته ماتمد ايد
 
جــود أيمتــها وكــرمهم بالسـجيه
الله لايحـــرمنــه مـــن الكـاظـميه

***

ابصوت واحد يالله صيحو يالغياره
الله لايحــرمنــه مـــن هــاي المناره
الرايد الله ايوفقه ويـرزقه ويعافيه
خلـي يـدعـي الله يــوفـقه للــزياره
 
ادعو ياهالنــاس كـل صبح ومسيه
الله لايـحــرمنـــه مـــن الكــاظميه

***

مـركز الحــب والمــوده للمــوالــين
وشوكه تبقه دوم بعيون المبغضين
بيها خـدام الحسين هــواي تــرتاح
كــوداً ايســمونها طـــف الـجوادين
 
منبــع واصـل الحضاره العــــالـميه
الله لايحــرمــنـه مـــن الكـــاظميه

***

من تضكنه الدنيه كلـش نلجئ الها
حاشـه احنـه بيوم اذا ننـكر فضلها
اكــبـر الشـــدات والــما الهـــا چاره
انذبها يم موسى وابن جعفر يحلها
 
خيــر نـــازل مــن لــدن رب البـريه
الله لايحـــرمـــنـه مــن الكـــاظميه

***

تظمـــئن بالكاظمــيه كــل الارواح
والي ما مرتاح گلــبه بيــها يـرتاح
لو شفت قبتـينها وبوشـلت عيناك
لو جبل هـمك وحق الزهره ينـزاح
 
عاليـــه ولا ماتطـــخ تــبقــــه ابيه
الله لايحـــرمـــنه مـن الكــاظــميه

***

الدنـيــتـــه متروسه بهـموم ومصاعب
وماتــوفــق هالســنه يـــزور الاطـايب
من سـطح داره يــشيل ايــده ويـسلم
ايدز سلامه الكاظم اويه اهل المواكب
 
والجـــواد ايظاً يــدزله اعـــذب تـحيه
الله لايحـــرمنـــه مــــن الكــاظـــــميه

***

الحبـهم وماگـــدر يوصــل مايــتركوه
البـــيته عــاديــه يروحــون ويـــزوره
الگلبه من هالدنيه نـار وعوز مـشعول
ابنفـس مـــن انـفاسهم گــلبه يطــفوه
 
تبــقــه رحمتــهـــم تعــم الــرافــضـيه
الله لايحــرمـــنه مـــن الكـــاظــــمـيه
***
حيدر تركي الكربلائي
 
 

Читать полностью…

قناة حيدر تركي الكربلائي

قصيدة گعده للامام الكاظم ع
.
.



تــلك ايـاتٌ لقــوٍم يعـقلون
للتـدبر انُـزلت مو للسجون
ليش يا اهل الجريمه .. تـُسجن الايه الكريمه
للتدبر انُزلت مو للسجون

***

نسأل ومــن حــقنه نــسئل بالعلن مو بالخفايه
انريد كل الدنيه تعرف عن الجـاني وعـالجنايه
انتــو هـــم مــره سمعـــتو تنـسجن ياناس ايه
 
السجان واصل مرحله .. گيـــد الايـه بسـلسله
مثل العــليل ابـكربله .. من خذوه وي السبايه
 
بــني العــباس وبـنــي ميه اليهود
استخدمو نفس السلاسل والگيود
والله مو سهله وعظيمه .. تسجن الايه الكريمه
للتدبر انزلت مو للسجون

***

بهرجة اهــل الكراسي وهـــالة السلـــطه اللقيطه
مــو نشيطه بس ثگـيله جيوبها وصـارت نشيطه
بچم فلس رسمت مخطط وظنت اتغير الخريطه
 
ديــن الله حمايه زعـل .. منها ومخططهم فـــشل
هـــارون قطــعا ماقـبل .. وگـال هذي الموبسيطه
 
ابلايـه شــك هـــذي فعــال الـظالمين
بالسجن موسى ابن جـعفر ضل رهين
ياوسف والله وحريمه .. تسـجن الايـه الكريمه
للتدبر انزلت مو للسجون

***

نــاس بـــس بالاســم نــاس اگلـوبهم كلها ضغـينه
ليـــش امــام الدنيه كلـــها بالــسجون امضــيعينه
زيـــن مـــادامه ابســـجنكم ليـــش انتو امـگيدينه
 
المثل ابن جعفر ينحبس..وينحرم حتى من الشمس
مابيكم الخوش ويحـس .. وعــلى هالمــحنه يعينه
 
شلون بالله شلون من يسجد يريد
وتاكـــل بچــفيــنه اصــفاد الحديد
وين الگلوب الرحيمه .. تسجن الايه الكريمه
للتدبر انزلت مو للسجون

***

ايــة التطــهير حصرت عتـــرة الـهــادي محــمد
وعلــى هالايه العظيمه الكون كلـه بكــبره يشهد
اواحـد امن الآل وسفه اعـليه ادين السجن تمتد
 
شگد بيك يالكرسي ظلم .. من قبل تجار الحكم
المثل ابن جـعفر ينهظم .. وبالسجن وسفه تخلد
 
الحــكم ياهـــارون لله ومـو بديك
الدنيه بس هاليوم الك باچر عليك
الحـد اكيـد الله يقيم .. تسجن الايه الكريمه
للتدبر انزلت مو للسجون

***

ابــن عمي تــگول موسى وتدعــي هارون بـالدم
انـــريد نسال هيـــچ يُصنع بالــگرابه والأبـن عم
بالسجن خلــص حـياته واختمتها النـوب بالـسم
 
للهادي انته اشتعتذر .. من عفته مرمي عالجسر
باچر اذا صار الحـشر .. نـــدم ماينـــفع وتنـــدم
 
ماتفيد اهنــاك يارب ارجعون
في جهنم انتـه من الخالدون
ابدفترك اكبر ظليمه .. تسجن الايه الكريمه
للتدبر انزلت مو للسجون
***
حيدر تركي الكربلائي
 
 
 

Читать полностью…

قناة حيدر تركي الكربلائي

 
 
ذو الساق المرضوض .. اليبچــيلك محــظوظ
والساكن حــزنـك بحـساسه
يدعيله المهدي اويه انفاسه
اليبچيلك محظوظ
-----

انياله الشايلك شوغة حزن عاشور
ولــيله على اخدوده الدمـوع تـزور
المايچــي المصـابك والله مامعذور
المامكسورلك عـالزهــره مامـكسور
 
اليتبـــدالك عيـــن .. يگر عين ام احسين
المن حزنك صـــار ابيض راسه
يدعيلـه المــهدي اويه انفــاسه
اليبچيلك محظوظ

-----

الزلمه الي بچه بعيــن الزلم يــزغر
وبس انته البچالك ليـش شو يكبر
ياوارث حــزن عاشــــور ابو الاكبر
اليحــزنلك تـــره عـــاديه لو طــَبر
 
نحنــيلك هامــات .. ياشـــيخ السادات
المن اجلك باع اهله وناسه
يدعيله المهدي اويه انفاسه
اليبچيلك محظوظ

-----

العايشلك جرح مـن الحـزن طافح
ميهــم بالاجــه وميــبالي بالـرايح
والرايد رضاة المــهدي ابــو صالح
وآ مســموم كــون يــكثر الصـايح
 
الصيحه المن تراد .. ياشمـــعة بغــداد
والجــاعل حــزنك  مـقياسه
يدعيله المهدي اويه انفاسه
اليبچيلك محظوظ

-----

الشاهدله جسر وعيونه هلت دم
وتطشــر دليـلــه وحســه مايلتم
هذا بيــه جـــمر من نار الــمخيم
وهنيــاله العلــيــك هــواي يتالم
 
التدعيله امه بخير .. يحس ابحزنك غير
الدنــگ عالشــــباچ وبــاسه
يدعيله المهدي اويه انفاسه
اليبچيلك محظوظ

-----

ياموسى ابن جعفر دوماً احچيها
انــياله الدمــعته يمـــك يـــبديها
من ابچيك زينب يعـــني ابـچيها
طاري اگيودكم كــل ما امــر بيها
 
طاري الطف ايعود .. ابذكرك يالمگيود
والـــي مخلــيك بنـــوماسه
يدعيله المهدي اويه انفاسه
اليبچيلك محظوظ
-----
حيدر تركي الكربلائي
 
 
 

Читать полностью…

قناة حيدر تركي الكربلائي

أنا أتشارك 'بالمطامير' معك

Читать полностью…

قناة حيدر تركي الكربلائي

قصائد الامام الكاظم ع👇

Читать полностью…

قناة حيدر تركي الكربلائي

ميلاد السجاد ع
.
.
.

علي علي يسجاد .. علي علي يسجاد
علي علي يسجاد

_____________

الولــدان امعـــيده بهـاليــله والحــوريات
وجبرائيـل اباب الجــنـه ايــوزع بــسمات
اشما احچي بميلاك تبقه مقصره الكلمات
يَبــن الـــنبأ ويبـــن الطـور ويبـــن الايات

ويبقه كلامي ينعاد .. علي علي يسجاد
علي علي يسجاد

_____________

من اذكر اسمك ليش اشتـم عطر القداح
ياعطــر الجنه وبــس يمــك گلبي يرتاح
جدمي الغيرك يابــو الــباقر اصلا ماراح
دافــن روحي ابــعتـبة بابك مثل السباح

اجيتك اخذ امراد .. علي علي يسجاد
علي علي يسجاد

_____________

طشيت اشفافي ابميلادك ضحكه اويه الريح
وفرحـــة ميــلادك غمــرتني وصارت تسبــيح
امــن الساني سالـوفة حــبك ابــدن متــطيح
ابذكــرك يابــو الباقر روحي مـتعوده اتصيح

هالليله احلى ميلاد .. علي علي يسجاد
علي علي يسجاد

_____________

بــس مرضــات الله ومرضــاتك دلالي ايريد
ياعــيــد الله ودوم اعتــبرك بــس انته العيد
اتوج يوميه الروح وتطفي چيه صرت ابعيد
شحچــيلك شحچيلك عــني واشـواگي اتزيد

ادري البُعد مينراد .. علي علي يسجاد
علي علي يسجاد

_____________

ابميلادك مديت اچفوفي يابـو الافـضال
وكلــمة جود الله المــعروفه الكــم تنگال
اهمومي اتفض يمك وادريها لوگد اجبال
عنـدك سهله وكلش سهله ومابيها اشكال

عليكم اني معتاد .. علي علي يسجاد
علي علي يسجاد

_____________

سديت اعله اسمك اجفاني وغيرك ماشوف
وكلمــا شوف العــالم ارجــع يمـــك مــلهوف
وصفــولي الجنه وادريبك انــته المــوصوف
المامعــروف بحبـــك اصــلا لامـــامــعــروف

وبيك المحبه تزداد .. علي علي يسجاد
علي علي يسجاد
_____________
حيدر تركي الكربلائي

Читать полностью…

قناة حيدر تركي الكربلائي

لمولد الامام الحسين ع
.
.
.

حبيبي الغالي .. حسين
نـبــض دلالـي .. حسين
يعيـش ابـالي .. حسين
ابا عبد الله

____________

غيره ما اعرف أبــد .. امن الزغر منطي عهد .. وقـل هوه الله احــد
يدريني
عنـه لا ما أفــترگ .. يجري بـعروگي العشـگ .. حب ابو اليمـه صدگ
يحييني
ابحبه اني اتشرفت .. مثل شخصه ماشـفت .. چنت ضامـي وعــرفت
يرويني
اي وحق روح القدس .. ابحبه گلبي منترس .. انه بس حسين احس
ينطيني
ويضل يبرالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____________

حبه وي روحــي نــمه .. واصبح ابــگد السمه .. اعـليه تشــهد فاطــمه
مولاتي
اسمه في دمي جره .. اقـــسم ابـحــق حــيدره .. انــي دوم اتـــذكــــره
ابسجداتي
ماشفت مــثله وَفــي .. ابعــيني لامــايخــتفي .. حسين اصبح مصحفي
واياتي
ابروحي چن شلته أمل .. وشوگه بالروح اشتعل .. وعرگت ابگد الخجل
كلماتي
ملــك امـــالي .. حسين
نـبــض دلالـي .. حسين
يعيـش ابـالي .. حسين
ابا عبد الله

____________

حسين سوه قيمه الي .. وارد اگــلـــه يالــولي .. اشكرك يابو علي
يعيوني
واجب اعليه الشكر .. اويه الشكر كون اعتذر .. لچن رايدلي عمر
تدروني
انه ما احچي غــزل .. حـبـي بــاقـي لـــلازل .. ويه ابو اليمه اظل
بجنوني
امن امي والله اتعلمت .. هذا الجنون وهمت .. وللحبيب استسلمت
بظنوني
الوحيد اهدالي .. حسين
نـبـــض دلالــي .. حسين
يعيــش ابـالـي .. حسين
ابا عبد الله

____________

نلت اعظم منزله .. من صرت خادم اله .. اتنفست مـن كربله
هالخدمه
نعمته ماتنحسب .. صعبه يحملها الگلب .. اني اتحـمل صعب
هالنــعمه
اشتغل عنده عبد .. وهاي رادلها حـمد .. والله عن فضله تسد
ياكلمه
حبي لو عنه بحت .. انه مجنونه صحت .. انه من فدوه رحت
والأسمه
احسه اگبالي .. حسين
نـبــض دلالـي .. حسين
يعيـش ابـالي .. حسين
ابا عبد الله

____________

ما امــل من مطلبي .. يشهـد الله والنبي .. حسين ديني ومذهبي
وماعوفه
الحمد لله والشكر .. روحــي لحسين الــطهر .. انــي نــاذرها نــذر
معروفه
الغيره احبك ماگلت .. اســمه بعـيونـي شلــت .. والله يــاما رتــلت
بحروفه
نظرته نظرت وحي .. واني من فضله استحي .. افضاله لاماتنمحي
موصوفه
يضل للــتالي .. حسين
نـبــض دلالـي .. حسين
يعيـش ابـالي .. حسين
ابا عبد الله

____________

عطره اشمه بالهوه .. وابقه اسئل بالضـوه .. گلبــي منـه ماروه
محبوبي
روحي اشعر تنعصر .. منــه ماشابع عطـر .. نسـمته كــل مــاتمر
بدروبي
ابحب ابو اليمه طحت .. وين ما اني رحت .. من يوصله صحت
مكتوبي
الحـب الــه يامــكثــره .. حـقه بيــه المــادره . لاتلــومــوني تــره
بسلوبي
وتضل اقوالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____________

حيدر تركي الكربلائي

Читать полностью…

قناة حيدر تركي الكربلائي

ابميلاد عباس الحنين
مـبروك يــا ام البنــين

______

اعتله
الصوت اعتله .. هله ومية هله
هله بـراعـي اللواء .. ومــراجل كربله
ابو اليمــه ابتـــشر .. لمن شاف الگمر
يقبل ايده ويگول .. اجه احزام الظهر

يالجايبه حصن الحصين
مبـــروك يـــا ام البنـــين
-------------
الضوه وهوه الضوه .. من اخدوده ارتوه
شكــثر شايل ضـياء .. لعــد راعــي اللوه
نــده زينـــب عـلي .. ويـگلـــها اتـــــدللي
الحلمتي بيه اجاچ .. الكفيـــلج هلــــهلي

وتطش عليچ الياسمي
مــبروك يا ام البنــــين

--------------

السمه واهل السمه .. تــبارك فاطمه
نعم وام الحـسين .. ابگــمرها هايمه
تحــب هـذا الولد .. ابــو فاضل بعد
ابحظن ام البنين .. وللملاگه استعد

وبكــربله عنــده يقين
مـبروك يــا ام البنــين

__

تبــــيـن قـــــصــــته .. الشـجاعه بگصته
العفيفه اويه الحليب .. اعله زينب وصته
تگـــلــه ام الخـــــدر .. تــره اتامرك امـــر
واذا اتـــريد النجـوم .. احـــذرك تعــــتذر

وعن الخدر تدرينه امين
مـــبروك يا ام البــــنيــن

_____

اب
حظن امه وقسم .. وفي امبين نعم
بطل يطــلع اكــيد .. الِـگمــاطه ابعلم
اشحلاته لو غــفه .. ينگـــط عاطــفه
ولمن يبچي تكول ..  كأنـــه العاصفه
عباس عنده الغيره دين
مـبروك يا ام البـنــــــين

___

علي وج
ها انشرح .. وبــبو الغيره فرح
يوصيه بالحسين .. وعلى صدره مسح
علي عـــقد الــوله .. يگـــول اتــأمـــله
الولد هـــذا يصــير .. عظــيم المـــنزله
ويصير خادم للحسين
مبــروك يا ام البنـــين
--------------
حيدر  تركي  الكربلائي

Читать полностью…

قناة حيدر تركي الكربلائي

ميلاد الامام الحسين ع
.
.
.

هــايـم هــايـم .. من زغري بحسين
هــايـم هــايـم .. من زغري بحسين

____________________________

هايم وقصة غرامي . ما اوصفها ابكلامي . ابتدة لحسين امامي
من الاصلاب
حبه من الله سجيه . ومن نفخها الروح بيه . إلي حسيته هويه
اغلى الاحباب
اسمه يجري وي دمائي . وصار معروف انتمائي . كربلائي كربلائي
احلى الالقاب
راسم راسم .. صـــورته بالعــين
هايم هايم .. من زغري بحسين

____________________________

ابروحي حسيته وضميري . من اذكره اشتم عبيري . حسين بس حسين اميري
شلون انساه
يجري بالشريان احسه . تره حقي من اقدسه . ماشفت بالدنيه نفسه
ماكو والله
حبه لاماصح نظيره . وروحي بمحبته اسيره . وين ما ناظري اديره
حسين الگاه
دايم دايم .. مــو مـــره مرتــين
هايم هايم .. من زغري بحسين

____________________________

حقي لو اتجنن اني . ابغيره مايلهج لساني . مثله لا ماشفت ثاني
ابين هالناس
بي عطف هالكون كله . دوم يامحبوبي اگله . عيشتي ابلاياك ذله
يابو الاحساس
روحي ابو اليمه اعتبرته . ابحبه دلالي اختبرته . ياگلب لو ما ذكرته
ابجدمي تنداس
لازم لازم .. وتــَـرجع الــــديـــن
هايم هايم .. من زغري بحسين

____________________________

انه مديون ابحياتي . لـ الذي ساكن ابذاتي . حسين روحي وامنياتي
واحلى الاحلام
صورته ابعيني رسمها . لمَن اشتاگ انه اشمها . حقي بعيوني اضمها
من الايام
غارو وگالولي كافي . نشعر ابحبك خرافي . گلت كون الله يشافي
المثلي ماهام
واهم واهم .. والــيحب حبــين
هايم هايم .. من زغري بحسين

____________________________

أحمد الباري واشكره . دوم بس بحسين اقره . صار بيني اوبينه عشره
بگلبي موجود
حبه اني ماورثته . حسين من الذر عرفته . إلتقيت اوياه وشفته
اوبينه اعهود
الخاطره هالكون اضده . هوه يدري اشگد اوده . روحي والدلال عنده
وانتم اشهود
خاتم خاتم .. بـثيديه الاثنــين
هايم هايم .. من زغري بحسين

____________________________

صورة حسين ابخيالي . ماتفارگ لحظه بالي . تشهد اعليه الليالي
وهاي الاشعار
يمي احسه ابكل دقيقه . مو وهم لابل حقيقه . انتو لو ردتو الوثيقه
ابگلبي اثار
والدليل العندي علمي . حللو اجزاء جسمي . احروفه تلگوهن ابدمي
ماكو اسرار
ناجم ناجم .. هـالعشگ من وين
هايم هايم .. من زغري بحسين
_____________________________
حيدر تركي الكربلائي

Читать полностью…

قناة حيدر تركي الكربلائي

احبك
.
.
.

احبك كلمه واشعر كلش شويه
احبك يمـكن بگد هالحسيـنيه .. واشعر كلش شويه
احبك گد حنان امي يبو رقيه .. واشعر كلش شويه
بگــد الكـره الارضــيه
بگد ماتـشـــتم الــريه
الحد گطع النفـس بيه
واشـعـر كلـش شــويه
بگد ديرتنه .. وغيرتنه .. ونخوتنه الحسينيه
واشعر كلش اشويه
احبك لو اضل احچيها عشر اسنين
مــا اوصل الحــبك خمســه بالمـيه
***
حيدر تركي الكربلائي

Читать полностью…

قناة حيدر تركي الكربلائي

لمولد ابالفضل العباس س
.
.
.

ابـو فاضــل امــامي .. ابـو فاضــل هـيامي
ابو فاضل ابو فاضل ابعثله سلامي

__________

عباس ايعيش اويه انفاسي
ومـن اتســـموني عـبـــاسي
الدنيه متلـمني امن الفرحه
اتمنه اتـجربـون احـساسي

عــباس الـنــور البعــيوني
امـروتكم كـافــي اتلموني
لوهمتو ابحب كافل زينب
مـــتأكــد راح تـعـــذروني

وميــوفي كــلامي .. ابـو فاضـل هيامي
ابو فاضل ابو فاضل ابعثله سلامي

__________

ياتــوفيــقي وياعافيــتي
يمعــليني ورافـع صــيتي
عرفتـني الـوادم عرفـتني
لمــَن وقعـت ابجنــسيتي

اهواك واعرف مــَن اهوه
ياثـروه ومـامـثلك ثــروه
المامكتــشفـينك اعذرهم
حقهم لو گالولي اشدعوه

ومن احچي بغرامي .. ابـو فاضـل هيامي
ابو فاضل ابو فاضل ابعثله سلامي

__________

خل يدري بحبي المايدري
عباس اويه الــدم اليجري
عمـري وأيامـي وســنيـني
وبلــياه مايــســوه عـمري

عن وصفه تعـجز كلـماتي
مالــك اخــرتي ودنــياتي
الــمايقبــل خــلي لايقـبل
انـــه وعــــباس ونــيـاتي

الحبه ابقــه ضــامي .. ابـو فاضـل هيامي
ابو فاضل ابو فاضل ابعثله سلامي

__________

اتوضه امن ايـمـر طـاريه
حــب عــباس امــغزر بيه
عبـاسي وافخــر عبــاسي
ومــيهمــوني العـــلــمانيه

اسم الكافل تــارس عيـني
وخيره اتطشر من چفـيني
الـما حـط عـبـاس ابــدلاله
ياهو السامحله ايحاچيني

والرافــع مــقامي .. ابـو فاضـل هيامي
ابو فاضل ابو فاضل ابعثله سلامي

__________

ورده وجربه اعيوني اتشـوفه
ومن اعطش اروه امن چفوفه
زمـــزم لامــــو زمــــزم اصــفه
مــتيــقـن كـــوثـــر بچــفـــوفه

الحـظــرة عــباس امن اتــعنه
اشعـــر چـــني ابــنص الــجنه
والــطــب ابــجـــنات الـــباري
منهــــا مــايطــــلع يتــــمــــنه

وبالجـــنه التــزامي .. ابـو فاضـل هيامي
ابو فاضل ابو فاضل ابعثله سلامي

__________

خدمة عباس احسن خدمه
نعـمــه والماحــس بالنعــمه
واجــب كلمـــن ماجـــربـها
يم عــباس ايســجل اسمه

فاتــح بيـــبـانه الخــطـاره
ويأمن كلمــن طـب ادياره
الجـاي بطلــبه ومتعـــنيله
ايرد لهله وماخذله ابشاره

ويا احلى الاسامي .. ابـو فاضـل هيامي
ابو فاضل ابو فاضل ابعثله سلامي
__________
حيدر تركي الكربلائي

Читать полностью…

قناة حيدر تركي الكربلائي

مولد السجاد ع



علي السجاد مـيلاده ** الف مبروك يالساده
ها / مـبارك والله مــبارك
       نور وطالع من النور

----------

الچفافي الخضر من هاشم ..رحت فدوه الچفافيهم
دگ مــــيدانهـم هــوســات .. يـــم احــسيـن واليهم
يهــنــونـــه بعلــي الـــسجاد .. واهـــوه هــم يهنيهم
 
حلوه الساده لمتهم ** وحلو رباط هوستهم
ها / المايفرح لحســين الليله
       ما محسوب امن الخدام
----------

حي الله الحچي المملوح .. وحي الله اليگولونه
يا انـــسان غـــير حســين .. يستـــاهل اتهنــونه
المايفـــرح لبــو السجاد .. عمه اليعميهن اعيونه
 
تره ابميلاد المهيل ** يفرح وين المعدل
ها / الساده اتگــل للساده
حلوه الهوسه اويه العوام
-----------

ابـــاب حســين والمــيدان .. بجويــريد رد صـــيفه
گال احســين اجه العـباس .. خلـو الـــسالفه بكـيفه
خيهـــوس اخـــــو زيـــنب .. بـــس يــهوس بسيفه
 
شوف اشسولف العباس ** وگال اشهود هاي الناس
ها / اچفوفي وذني اعيوني
       فدوه يــروحن للسجاد
----------

ربنه اوهــوه مـــن عرش .. زف لحـســين البشاره
علي خطار اجه امن الله .. وقيس اشلونه خطاره
شكد ماداره فايـض نــور .. زاد الـنـــور الـــبــداره
 
ومن داره الشمس غارت ** وهذي الگبل ماصارت
ها / الشمس التضوي الدنيه
     لنها اتجدي اباب احسين
--------

امتــــداد الآل بالـســـجاد .. مبارك يابني هاشم
انربط سباح داحي الـباب .. باخـر ورگه بالقائم
امبارك من گلب والــسان .. الكم صاحت الوادم
 
وين الي يريد امراد ** يحظر مولد السجاد
ها / الشغـــله المامــحلوله
      گول انحلت هذا اليوم
----------
حيدر تركي الكربلائي

Читать полностью…

قناة حيدر تركي الكربلائي

لمولد ابا الفضل ع
.
.
.

طــلع البــدرُ علينا      من ثنايا ام البنين
وجب الشكرُ علينا      هكذا قال الحسين

-----

شعشع نـــور العبــاس .. مــن علياء الاحساس
والبسمه بوجه حسين .. معكوسه بوجه الناس
شــيال الرايــه الجــاي .. وثلــث انعــام الوفاي
باچــر بالطــف اهنــاك .. بجفوفه ايــذل الـماي
 
بيــن عيــنيه خفــايا       تحكي ان الطف دين
وجب الشكرُ علـينا       هكــذا قــال الــحسين
-----

نور وطالع من نــور .. وخدر اخته بيه مسرور
ويم كاروكه الحوراء .. گـصدت لچفوفه اتزور
صد الزينب بالحــال .. وبعيــونه اتحس افعال
وصاحت يابو الحسنين .. امــبين هــذا الكفال
 
سجدت لله شـــكرا      ثم صلت ركعتين
وجب الشكرُ علينا      هكذا قال الحسين

-----

جيــش احسين المولود .. اليجـلي الايام السود
عباس انحسبه احساب .. رايــه وچفـين وجود
رايــه ترجف الشجعان .. مخــلوقه الهـل انسان
عــباس اشكــد ماحــار .. بعيــونه تحس بركان
 
ومن الافراح هـــذه      دمعـت للال عين
وجب الشكرُ علينا      هكذا قال الحسين

-----

بيـــــه انـــوار الاقــمــار .. وبيــه نفحــات الكرار
سبـــحان الله العبـــاس ..  شكـد شايل نور ونار
نور احســين المـكنــون .. بوجه الناس يشوفون
الهذي اربع معـــصومين .. بچف عباس يبوسون
 
عندما نادى المــنادي    ولـد الحصن الحصين
وجب الشكرُ عليــنا     هكـــذا قــال الحسين

-----

الكون ابكـــبره وطــاريه  .. مـــن شافه اتـــغزل بيه
هالــــــوادم مــاتــــنــلام .. نــور الله امـــن اتسمـيه
امن اعيونه اشكد محبوب .. من زغره امأسر اگلوب
حـــقها الـطف باچـــر لو .. ابــحب الـــعباس اتذوب
 
من ضيا شمس الكفاله     تـســتدل العالمين
وجــب الشــكرُ علـينا     هكذا قال الحسين

-----

حساس وهـوه ازغير .. وبحساسه النـــاس اتحير
بحظن امه وتحس بيه .. اكـــبر مـن عمره اچـبير
تشعر بيه زلمه وحــيد .. ايصد عاللامه امن ابعيد
ولـمــن يبچــي العباس ..  بســـيف الكــرار ايهـيد
 
وغــدا بيــن يــديه     رايـة الفتح المبين
وجب الشكرُ علينا     هكذا قال الحسين
-----
حيدر تركي الكربلائي
 

Читать полностью…

قناة حيدر تركي الكربلائي

قصائد افراح شعبان 👇

Читать полностью…

قناة حيدر تركي الكربلائي

شهادة الامام الكاظم ع
.
.
.

يــامــن نـور الله نـورك يـنـحــسب
ليش امن احبابك شمسك تنحجب
ياشمس الله كافي
أذتــنــه الــمنــافي
حـزنك بيـنه غافي
يـامـوسى ابـن جـعـفر
______________

خـــد اللـــيالـــي يشـــهد علـــينه
امـن الدمـع مولـح گــد مابچـينه
ويـــنك انــادي يــمـــته تــجـــينه
طــاحت ايـديـنه ابـگـد مادعــينه

الفگدك اتعـالت صـرخات المهج
نــدعـي اللهــم عجـــل بالـــفرج
يمتـه اتـرد يوافي
أذتــنــه الــمنــافي
حـزنك بينـه غافي
يـامـوسى ابـن جـعـفر

______________

بيــنــه الغــيابـــك لـــوعـــة منــــيه
ونـــار انتـــظــارك ظــلـــت ســـريه
نـشــهگ ابهـــجــرك كـــل مغــــربيه
شيـــب الـــهــذي جـــســـر المـــنيه

جســر الــمأســي نـاده ابحــنينه
مــوسى ابـن جعـفر يمـته يجينه
اويانه ايتاني حافي
أذتــنــه الــمـــنــافي
حـزنك بــينه غــافي
يـامـوسى ابـن جـعـفر

______________

الدمـعة افراگـك مستحيـه العـيون
ابسجنك يـغايب واحـدنه مسجون
بالـشـيعه تـدري وشـگــد ينــوحون
شمــسك ضــواها لــو مــايشوفون

هنـياله الشـافك والـگاعـد يــمك
ياعـطر الــجـنه يمــته ونشــتمك
يالعالشيعه خـافي
أذتــنــه الــمنــافي
حـزنك بينه غـافي
يـامـوسى ابـن جـعـفر

______________

مـوتـنــه هـجـرك حــقــنه ومـانــلام
والجـمـــعه ظـلــت تـذبــح بـالايــام
ابلـيل انتـطارك مــشدوده الاحــلام
وبـــكــل دقــيـــقـــه تــــــزداد الالام

العيـشـه بــدونــك يالــغـالي ذله
يمــتــه تــجــيــنه يـــارحمة الله
محد جـمره طافي
أذتــنــه الــمنــافي
حـزنك بـينه غافي
يـامـوسى ابـن جـعـفر

______________

نــاشــدنــه عـــنــك گــالــو تـــأخر
وصـوت المـصــيـبه صــاح وتــأثر
عـالجسر هـذا مــوسى ابــن جعفر
مــن هــــالمــصـــيبـــه الله اكــــبر

شمـسك ضواها ابــزنزانـه غـابت
وبالسـم چـبدتـك يـاوسـفه ذابت
وهذا الهم اظـافي
أذتــنــه الــمنــافي
حـزنك بيـنه غافي
يـامـوسى ابـن جـعـفر
______________

حيدر تركي الكربلائي

Читать полностью…

قناة حيدر تركي الكربلائي

مقدمة للامام الكاظم ع
.
.
.

مهـدويه المــدامع .. كاظمـيه المــواجع
وتضـل وَنــتنه ونــه زينبــيه
***

الليله چــن عـاشـور حـل وكــله اهات
الليله مو بس الارض تبچي السماوات
الليله نبچي اعيـون لامانبـچي دمعات
الليله مــو مالــت لطم بل مـال قامات

مرجعية حچينه .. مرجعية بچيـنه
المشت ياناس عالناگه سبيه
***

الليله كـون ادموعنه چـنــهـن خناجر
الليله ابن جعفر غفه ابحـظن الـمقابر
الليله  تشـبه ابـو كربلاء بيوم عـاشر
الليله بيهــا اگيــود مابـــيها حـــوافر


للجسر من مشينه .. للجـسر وشلـگينه
جنازه امگيده ابگيـد المــنيه

***

بينه نـــار ونــار لامــــاتطــفـي تســعر
بينه شــوغه وهــاي كل ماجــاها تكبر
بينه حسره الفاجعة موسى ابـن جعفر
بينه الله اليـدري يــومــه شــلون أثــر

محــنته مــو قليله .. محنته اشگد ثگيله
ونضل الها نون صبح ومسيه

***

بينه من طـف كربلـه واحـزان زينــب
بينه چـن خـيـمة عليـل ولـسـه تلهب
بيــنه بـس الـحــزن وحـده ماتـسـلب
بينه حـرگه عـالـذي بـسـجـنه تعــذب

وسفـه نـور الامـامه .. وسفه عاش ابضلامه
مثل عمته ابظلام الغاظريه

***

تبقه تجري عالگضه مسمـوم كل عين
تبقه يمــه امگيـده اگلــوب الـمـوالين
تبقه ريحـة كـربلـه بــرض الجــوادين
تبقه جمـراته مثـل جمـرات الحـسين

إي وحق العلى التل .. إي وحـق التـكـفل
على الكاظم مدامعنه جريه

***

تبقه هــاي الفـاجـعـه محفـوره بالراس
تبقه عالمـسموم تبچي وتنةحـب الناس
تبقه بينه امصيبته شهگه ويه الانفاس
تبقه اي والـذي نـاحـت علــى العــباس

والـذي سلـبـوها .. والذي فرهدوها
على المسموم منبـطل العزيه
____
حيدر تركي الكربلائي

Читать полностью…

قناة حيدر تركي الكربلائي

تجليبه للامام الكاظم ع

.
.
.

اشما ثگلت اهمومك حـَلها يم بابه
بــس اقـراله آ يحســين ومــصابه

***

الدنيـــا اوياك بالمگــلوبــي اذا تـــفتر
اوصيـــك ابوصيـه وابــــد ماتخـــسر
الباب الحاجه اگصد موسى ابن جعفر
يگظـــيها الـــك وانـــته علــى اعتـابه

***

بس نقي السريره وانــوي هالـــنيه
وحلـــفه بعـــمته زينـــب المسـبيه
عاتبـــنـــي اذا ماگــــال مگـــــظيه
ينطـــيك وابـــــد ماياخـذ احسابه

***

فتـــح گلـــبه گــبل بيبـــانه للوادم
ماينـــطي الخشن ينطيـــهم الناعم
الكرم من الحـسـن متوارثه الكاظم
الكل عنده سواسي الـغربه واحبابه

***

المتعسره قضيته ومالها كـل حل
وخايف ماي وجـها لو وگـع ينذل
خل يگصد الكاظم هيـــه تتـسهل
اشما كبرت زغيره يمـــه الطـلابه

***
ميـــقصر اويــــاك الكـــله حنـــيه
اذا تبــدي الكلام اويـــاه ابلـطميه
روحه وكــل احاسيسه حـسيــنيه
ولبو السجاد تبقه ادموعه سچابه

***

بس حــلفه بابو الســـجاد والشــبان
اتصير ادموع عينه بالصــحن نهـران
الهســه امن الخيم يستنشق الدخان
الله ايســـاعده وانــــفاســه لــــهابه

***

من وجهك الصــوب الكاظميه اتدير
بس انخه ابو الطلبه الكاظم ولتحير
ثــــق وداعــتك والــماتصير اتــصير
والتـــعـــبان يمـــه تنتــــهي اتعـــابه

***
الياهو الچـان مانگصد ابــــد داره
ولانوصل مضيف الطـــافيه نــاره
وادم احنه نمشــي الراعي البشاره
الابوه بالطف امعــزب حتى بثيابه
***
حيدر تركي الكربلائي
 
 
 

Читать полностью…

قناة حيدر تركي الكربلائي

للامام الكاظم ع
.
.
.

ابصرخات الأمل .. ناديــنه العـجل
يايـوم الفـرج
يـالبـالمـعـتـقل

___________

وينــك اويــنك نـحـس بيـــها بعـــيده
هـواي محتاجـينـك وشخـصك نريــده
ابكــل صــلا هــذا الدعاء احــنه نعيده
عــجــل اللــهــم بالــطلـعــه الــرشــيده

هجـرك مـاكـمل؟ .. ناديــنه العـجل
يايـوم الفـرج
يـالبـالمـعـتـقل

___________

والله يـامـوسى ابــن جعـفر مــو بـدينه
نــار هــجـرك مــاطــفـت مشتعـله بــينه
الفـرگه تكـتـل لـو عـلى الفـرگـه بـچـينه
عـــجــل الله فــرجــك يـمــتــه تـجــينه

الهم بينه اشتعل .. ناديــنه الــعـجل
يايـوم الفـرج
يـالبـالمـعـتـقل

___________

اليـرتــحــل لابــد ايـعـاود مـــن رحــيله
اعلـيك ننــشد ويــن هــالغـيبه الطـويله
بـــالـفـرج دائـمـاً شخــصــك ننــدعيــله
وانتــظارك غـيــره مــاعــدنــه وســـيله

واحـدنه انـذهـل .. وناديــنه العـجل
يايـوم الفـرج
يـالبـالمـعـتـقل

___________

انــرتــل ابـــأيــات حـــزنــك أيــه أيــه
ابمـصحفك يـومـيه نـوصـل للــنــهايــه
تــره غـيمــه شوفـتك واحـنه ضـمايــه
والسـنين اعجـاف راوتـــنـه المـــنايــه

غيــثك مانــزل .. ناديــنه العـجل
يايـوم الفـرج
يـالبـالمـعـتـقل

___________

اعيــونـه ابيـضت تــره يـابــاب المــراد
مثـــل صـــبر ايـوب لازم الــنــه يـــنراد
اعلـيك نســأل والسـؤال ابـهالـوكت زاد
( آ بسجن السندي ام في سجنِ بغداد )

وين ابيا محل .. ناديــنه العـجل
يايـوم الفـرج
يـالبـالمـعـتـقل

___________

النـه يمـته اتـعـود مـو تـعـبنــه الغــياب
وشاب راس الگاع من گد هذا المصاب
ابكـثر ماطـاحن عـليه دمعـات الاحباب
كـون عـنده اللسـان ويـسولف هالتراب

وَيــانــــه ســـئل .. ناديــنه العـجل
يايـوم الفـرج
يـالبـالمـعـتـقل
___________
حيدر تركي الكربلائي

Читать полностью…

قناة حيدر تركي الكربلائي

قصيدة گعده
.
.
.

يالگــظيت عـمــرك بالمطامير 
اغيابك نبت ابصدري بسامير
والحط بيدك الگيد
چن گيد اديه
____
من اسول
ف عالمصيبه الدنيه احس اتضيج بيه
ولمن ابــدي بسرد قصتك باب چـن يطبگ عليه
وينـفتح شباچ ويــهب ريـح مـــن طـف الــرزيه

ويرجعلي چن يوم الطبگ .. وبداخلي ابدي احترگ
ومتونــي اخلــيهــن زرگ .. ياشهـــيد الــكاظــــميه

واتعــناك حــافي بعــزه الزنجــيل
واصيحن يابو طلبه جايك ادخيل
عمري الباقي وياك
حد يوم المنيه
-------------------------
طاري سجنك من يمرني تنسجن بظلوعي حسره
والنــفس يصعب عليه يچــوي ريــتي چنه جمره
الغيره گطـره والي سمــك ما أكو بگصته گطره

والماكو غيره بگصته .. بـــس المــسبه حصته
هارون هـــذي قـصته .. يــكرم الــسامع بذكره

شانك ويـــن صار وشــانه لاوين
وتسجدلك يمسجون السلاطين
سجنك صار ينزار
ياروح الزچيه
----------------------
دائما وي روحي اصفن مثلك اشلون ايتعذب
اشلون تتگيد وانــته البــيك للبـــاري ايتگرب
تــالي اذكر ثــاري گبلـــك گيدو عــمتك زينب

نفس السلاسل والحبل .. ونفــس الـمعاناة القبل
بس الفرق ماكو هزل .. المنها راس المهدي شيب

مأساتك يــبن جعـفر چبيره
مثل العالهزل راحت اسيره
والمأساتك الــروح
هالصارت سبيه
-----------------------
اجروحي يم اجروح گيدك سيدي كلش زغيره
حزني ذره وانته حزنــك من اوصفه چنه ديره
سمموك وانــته وحــده لاعـــمــام اولاعــشيره

عشرين عام امن الحزن .. عايــش ولكن مندفن
مولاي دفنوك بسجن .. وهالسجن قصته مثيره

روحي بمحنــتك صارت عليله
إي ياصاحب السجده الطويله
ولو اعميلك العين
اگليل هالمسيه
----------------------
ادعي الله شايل ايــدي رايد اتـــرس بيـك عيني
مو ابتابوت ارد اشوفك كون تمشي انته تجيني
ارد اسولفــلك يغايب علــى اشـــواگي وحنـيني

راح انتظر يم الجسر .. شايلك اشوگ اشكثر
تلگاني واكف منكــسر .. وينـسمع عالي ونيني

گلبـي المنـكسر انته التجبره
عليك الداسـته خياله عشره
واگف راح اتانيك
ويه الجعفريه
_____
حيدر تركي ا
لكربلائي

Читать полностью…

قناة حيدر تركي الكربلائي

سبيه .. زينـــب اول تــــالي
سبيه .. امــشـــي ياكــفـالي
سبيه .. الــــوادم اينــادوني
سبيه

*

جرح بيه الجرح .. كسر گلب الصبح
يمن فوگ الرمح .. تشــوف الي جره
العفــتها امــدللـه .. اطلعت من كربله
ســـنان وحرمله .. خــــذوها اميسره

ترس ماي
عكبك ياگمــر ظلمه تره اسماي
وزينـب عرفو الوادم ترس ماي
گالــــوا كافلچ زينب ترس ماي
لو لا رادو ايشمتون بيه

سبيه جيـفاً ابلا والي
سبيه امــشي ياكفالي
سبيه الوادم اينادوني
سبيه

*

صعب والله صعب .. اروح اويـــه الغرب
تـــره ياديره اطـب .. يســـمعوني حچـي
بـعلم مـدري حــلم .. امـــر وســط الزلم
بديه وجهي اضـم .. لمـــن يعله البـــچي

تلـَــون
اچفوفــــي بالحــبل خويه تلون
وألي اليتلون بالمصحف تلو ون
السوط بــــلون دم مــتني تلون
بيش اشگف وانه مشدود اديه


سبيه والشــمر يبرالي
سبيه امشــي ياكفالي
سبيه الوادم ينادوني
سبيه

*

صحت يا باالفضــل .. وبده يجر بالحبل
صرخ حادي الهـــزل .. كفـــيلچ عالــنهر
اذا عينـــي تصــب .. يخــــويه انظــرب
ويصيح الي يحب .. يشوف اخت الكمر

مــَينشاف
دمعـــي عليـك يالكافل مينشاف
وسهم شماتك بعيني ميه انشاف
طـولي الچـــان ياخويه مينشاف
شافو طولي واخذوني سبيه

سبيه زحمه خويه الغالي
سبيه امــــشي ياكـــفالي
سبيه الــوادم يــــنادوني
سبيه

*

بوكت ماكو امـان .. وشماته بكل مكان
صحت يابو الحنان .. تمنيــــتك تــــمر
عگـــب ذاك الــدلال .. بدي حطو حبال
صحت وينك تعـــال .. خـذوني للـيسر

صليت
تره خدودي بدمـع عيناي صليت
واثــــار الضــرب بالسوط صـلت
على الناگه جـلوس اليوم صليت
يخويه وسبحتي ادموعي الجريه

سبيه والمـــرد دلالي
سبيه امشـــي ياكفالي
سبيه الوادم ينادوني
سبيه
*

يمينك من عـفـت .. على الغبره شفت
على اختك تلتفت .. عيـون ابلا خجل
احس كل نظره الم .. مثل رمية سهم
ولا بــــيهم رحــــم .. وانه طولي ذبل

مر يعباس
حاديهم على اخــتك مر يعباس
بسوگ وبــي شــماته مر يعباس
السبي شگد ما اگلك مر يعباس
اضن امرورته تذبح رقيه

سبيه تهـدمت امالي
سبيه امشي ياكفالي
سبيه الوادم ينادوني
سبيه

*
الشماته تصيح الي .. يزينب بت علي
بعــــد ماكـــو ولي .. علـــيه تـدللــين
اباوع عالجـــمع .. وتهل عيني الدمع
صعب حيل الوضع ..علـيه امجمعين

ها وين
مصاب الســبي كل مـــصاب ها ون
واحس بضلوعي يطحن گام ها ون
الشامـــــــت لو سأل عباس ها وين
قصده ايضحك الوادم عليه

سبيه وضعني منك خالي
سبيه امــــــــشي ياكفالي
سبيه الوادم ينــــــادوني
سبيه
*
حيدر تركي الكربلائي

Читать полностью…
Subscribe to a channel