11030
لنشر قصائد مناسبات اهل البيت
لشهادم الامام موسى ابن جعفر
.
.
.
حياطين السجن .. على فــگدك تون
وبچه الگيد البديك
بــقـه يـسأل عــليك
واخذ روحه الحزن
____________
الله شــاهد يـا امـــام .. ذاب كلشي امن الهــيام
والله ياموسى ابن جعفر
الغييتك يبچي التراب .. ومنفجع حتى السحاب
والـــنجـــم گلــبه تـــأثــــر
يندعــي حتى الســجود .. للــصـــلا يمــته تعود
والـــقـنوة ابــدمعــه كـَبر
بسمــك ايــصيح الاذان .. انته ويــن ابيا مـــكان
يــصرخ ونـــيرانه تســعر
بكــَ أيــن استقر .. يمسجون السفر
ذبحنه الاشتياق
غــيابك لايـطاق
الك كلشي يحن
________
إلسجــن حقه يهــيم .. بيك يامـوسى الكليم
انته ياعيسى ابن مريم
ياوريــث الانبـــياء .. يامـــه كلمت الســماء
اعليك صلى الله وسلم
گيدك ايحس بالضياع .. گلبه مايحمل وداع
يشـــتم ابأيــدك تـَعــلم
احنه لا مو من حديد .. يالعــشت عنــه بعيد
ادموعنه تتجاره من دم
اعله باب المعتقل .. كتــبنه مستهل
اشوكت نحظه ابلقاك
تــــــرانـــا ونـــــــراك
گبــــل مــانـــندفــــن
__________
كلشي بغيابك كئـيب .. منفــجع حـتى المغيب
والشروق اسود ضياءه
إلــورد يذبـــل اكـــيد .. منـــتظر چفـــك يــريد
تـنمســح دمــعة بكاءه
خَلصت عمرك سجين .. واحنه ذابحنه الحنين
شخصك انتاني لقاءه
سالم اترد النه كون .. الشيعه كلهــم يندعون
وستمع صوت القراءه
الك كلشي لهج .. الفرج يمته الفرج
يغايب بس تعال
الجسر ويانه گال
بحــزنه مقـــترن
________
تدري لو صـار الظلام .. نــسأل اعليــك المــنام
بلكي يحچوله اليحلمون
انتاني يوميه الصباح .. بلكي بشره اويه الرياح
منك اتنشف النه العيون
بينه جرحك مايطيب .. وانــته تعــلم يالحبيب
فرگتك لا والله متهون
گلنه احنه الله كريم .. باچــر وتــطــلع سليــم
ابجيتك الشيعه يفرحون
اشكثر مرت جمُع .. ولاشخصك رجع
مــرار الانــتظار
تره ياموسى نار
انكتب بي نمتحن
________
نــندعيــلك بالنــجــاة .. ســيدي وبكــل صـــلاة
للفرج شلنه ادينه
بــقه واحــدنه يصـيح .. مــثل يـعگوب الجـريح
يمته يايوسف تجينه
تدري بسنينك عجاف . واحنه من هجرك نخاف
وصبر ماضل بعد بينه
لشوكت هــذا السكوت .. وتدري بحــبابك تموت
الله يدري اشما حچينه
ييوسف لشوكت .. الدمع يبقه يكت
القميصك من يجيب
الفــرج بلكت قـريب
بـعد بــينه اشــتظن
-------------------------
حيدر تركي الكربلائي
قصيدة گعده
.
.
.
يالگــظيت عـمــرك بالمطامير
اغيابك نبت ابصدري بسامير
والحط بيدك الگيد
چن گيد اديه
____________
من اسولف عالمصيبه الدنيه احس اتضيج بيه
ولمن ابــدي بسرد قصتك باب چـن يطبگ عليه
وينـفتح شباچ ويــهب ريـح مـــن طـف الــرزيه
ويرجعلي چن يوم الطبگ .. وبداخلي ابدي احترگ
ومتونــي اخلــيهــن زرگ .. ياشهـــيد الــكاظــــميه
واتعــناك حــافي بعــزه الزنجــيل
واصيحن يابو طلبه جايك ادخيل
عمري الباقي وياك
حد يوم المنيه
-------------------------
طاري سجنك من يمرني تنسجن بظلوعي حسره
والنــفس يصعب عليه يچــوي ريــتي چنه جمره
الغيره گطـره والي سمــك ما أكو بگصته گطره
والماكو غيره بگصته .. بـــس المــسبه حصته
هارون هـــذي قـصته .. يــكرم الــسامع بذكره
شانه ويـــن صار وشــانه لاوين
وتسجدلك يمسجون السلاطين
سجنك صار ينزار
ياروح الزچيه
----------------------
دائما وي روحي اصفن مثلك اشلون ايتعذب
اشلون تتگيد وانــته البــيك للبـــاري ايتگرب
تــالي اذكر ثــاري گبلـــك گيدو عــمتك زينب
نفس السلاسل والحبل .. ونفــس الـمعاناة القبل
بس الفرق ماكو هزل .. المنها راس المهدي شيب
مأساتك يــبن جعـفر چبيره
مثل العالهزل راحت اسيره
والمأساتك الــروح
هالصارت سبيه
-----------------------
اجروحي يم اجروح گيدك سيدي كلش زغيره
حزني ذره وانته حزنــك من اوصفه چنه ديره
سمموك وانــته وحــده لاعـــمــام اولاعــشيره
عشرين عام امن الحزن .. عايــش ولكن مندفن
مولاي دفنوك بسجن .. وهالسجن قصته مثيره
روحي بمحنــتك صارت عليله
إي ياصاحب السجده الطويله
ولو اعميلك العين
اگليل هالمسيه
----------------------
ادعي الله شايل ايــدي رايد اتـــرس بيـك عيني
مو ابتابوت ارد اشوفك كون تمشي انته تجيني
ارد اسولفــلك يغايب علــى اشـــواگي وحنـيني
راح انتظر يم الجسر .. شايلك اشوگ اشكثر
تلگاني واكف منكــسر .. وينـسمع عالي ونيني
گلبـي المنـكسر انته التجبره
عليك الداسـته خياله عشره
واگف راح اتانيك
ويه الجعفريه
_________________
حيدر تركي الكربلائي
مقدمه عزاء
وفاة السيده زينب ع
.
.
.
موهسه ميته يادهر .. موتي ابتده يم النهر
من ظهر الحسين انكسر
حانت منيتي
________
ابعــيني والله ضـاگــت الدنــيه الوســيعه
مـن اجاني حسـين وحـده امــن الشــريعه
حسين من رد خالي .. الموت شفته اگبالي
اســئلته عــن كفالي .. الـبــگة گال ابراسچ
دلالي حسيته انفطر .. موتي ابتده يم النهر
من ظهر الحسين انكسر
حانت منيتي
________
انـــه مـــو بـالــشام وافـــتنـــي الــــمنــــيه
مـتــت مــن صــاح الـشمر زيـــنب سبــــيه
گال صرتي اوحيده.. وجَيت اخوچ ابعيده
يضحك وهــز ايده .. بيــه ظــل يتـــشمت
لمن دمع عيني انفجر .. موتي ابتده يم النهر
من ظهر الحسين انكسر
حانت منيتي
________
المثلــي عايش چــان مهيــوب ابحــياته
شــي طبيــعي اتمــوته نظــرات الشماته
وحدي من شافونـي .. عالاخـو ســئلوني
رادو ايـجــرحونـــي .. سئلو اعله الكافل
وبكربله ذاعو خبر .. موتي ابتده يم النهر
من ظهر الحسين انكسر
حانت منيتي
________
حسين من رد محـني مدري اشـصار ببه
ماتــت امـن الصـدمــه رجــلــيـــه واديه
انربط حتى الساني .. وانـي چن مو اني
كــافــلـي اذانـــــي .. البيده اخذ عافبتي
من خلو الكافل وذر .. موتي ابتده يم النهر
من ظهر الحسين انكسر
حانت منيتي
________
الكافلــي لَـــمــن هـــوت عالــشاطــي رايه
گمــت احــس بعــيونـهــم تــركــض ورايه
الخيمه سمعت صوتي.. وهيه تدري بموتي
امن احتــرگ تابــوتي.. محــد ايطــفـــيني
صدگوني من گد القهر .. موتي ابتده يم النهر
من ظهر الحسين انكسر
حانت منيتي
________
روحي اخذهــا الگــالـي العــباس ويـنه
مايـجـي ايركبــچ علـى الــناگـه بــدينه
دمعــتي الحــراگه .. چــوت ظهر الناگه
هواي اله مـشتاگه .. راح مـايـــرجــعلي
ابلا اخوه من صار السفر .. موتي ابتده يم النهر
من ظهر الحسين انكسر
حانت منيتي
________
حيدر تركي الكربلائي
حزنچ يالعقيله .. ياگبر اليشيله
زينب زينب
________
يزينب گلبچ شگد بيه مواجع
يالشاهدتني بالطف المصارع
حزنچ ويــن يازيــنب يدفنوه
وشـبرين الگبــر واربع اصابع
يالدمعچ مسيله.. ياگبر اليشيله
زينب زينب
________
الحــزنــچ مــو گــبـــر يــراد ديــره
يالمـضــيعه اخــو متــروس غيـره
الله ايساعـــدچ بــس اعلــه عباس
اجيتي اوياه اميره ورحتي اسيره
ردتي اتعدديله .. ياگبر اليشيله
زينب زينب
________
المثــلچ حيـــره زينـب تـندفن وين
ومنو ايدفنچ واخوچ ابلايه چفين
حسيــن شلون اذا رايــد يــواريچ
الرمل خافنه يلچـم خنـصر حسين
والماكو مثيله.. ياگبر اليشيله
زينب زينب
________
ياگــبر اليـشـيل اهمــومچ اثــگال
ابثگل السنسله البچفوف الاطفال
مـــن صاحــو يعـمه بالــدرب ذاك
ثگيله السنسله عمـــه ومتنشال
وياهو التشتكيله.. ياگبر اليشيله
زينب زينب
________
حزنچ بحــر واكــبر مـن البحور
وماسمع بحــر شايلـــته الگـبور
رايـــدلچ گـــبر كـبر الـسماوات
يلله يشيل محنة عشره عاشور
الجرح التنتميله.. ياگبر اليشيله
زينب زينب
________
الــشــام بگلبــچ امخــلف اذيه
خاف اهـــنا يصيــحولچ سبيه
يمكنچ رجعتي البنت الحسين
عــن لاتبقــه وحـــدها رقـــيه
والماصح بديله .. ياگبر اليشيله
زينب زينب
________
حيدر تركي الكربلائي
لشهادة زينب ع
.
.
.
ليــالي زينـــبـيه .. وسوالف عـالسبيه
خلي الظلوع والدموع وقف لم الخدر
_____
الدمعه اذا مو على زينب المن اتبديها
يالــردت تبــچي عليــها كــربله سويها
لـكن انـته مـن تـسولف كـون ماتاذيها
الكلمـه لبـسها عبـايه لـوردت تحچيها
بچي هاي المسيه .. وسوالف عالسبيه
خلي الظلوع والدمـوع وقف لم الخدر
_____
انيـاله كلــمن يلــگه واحـد عالـخدر ينعاله
اليبچي ويموت اعله زينب من الف هنياله
هــذا شمــسوي العــليــهـا محــتــرگ دلاله
ارزقنــي اللـهــم حــرگـه عالحــسـين اوآله
يكون الحرگه بيه .. وسوالف عالسبيه
خلي الظلوع والدموع وقف لم الخدر
_____
من يمر طاري اسمها الصخر تجري اعيونه
شـلون حـال المهدي هسه والله لو تدرونه
صعبه يسمع خدر عـمته العـسكر ايسلبونه
وكـلفه يسـمع مـتن زيــنب صار ازرگ لونه
تجرحه اسياط اميه .. وسوالف عالسبيه
خـلي الظلــوع والـدمـوع وقف لم الخدر
_____
المثــل زيــنب تــره صعــبه تــنــوخذ مگـيوده
اتشــوف ابو فاضل اخــوها مگطـعات ازنوده
الشمــر گــال الــهــا كفــيلچ چــبدته مــمروده
وذاك يم الشاطي اخوچ السهم غافي ابجوده
هوت فوگ الوطيه .. وسوالف عالسبيه
خلي الظلوع والدمـوع وقـف لم الخدر
_____
كـربله وزينـب سـوالف هــيه نفس الجمره
سالــفة جـثه سلــيبه مــوذره اعلــه الغــبره
وحــرمه بـين النار تركض والزلم متحـظره
اتريد بخيول اعوجيه حسين تسحگ صدره
اليحس بالاعوجيه .. وسوالف عالسبيه
خلي الظلـوع والدمـوع وقف لم الخدر
_____
كلــشي يبچــي عالســـبيه ونــار گلـبه تلهب
والــي مامــتعذب الهــا بدنـــيـــته يـــتعذب
الارض تنحب على اسمها والسمه هم تنحب
فــاطمــه ينــزل دمعــها لـــو گلــت يازيـــنب
المدامع فاطميه .. وسوالف عالسبيه
خلي الظلوع والدموع وقف لم الخدر
_____
تمت والحمد لله ١١ / ٣ / ٢٠١٩
حيدر تركي الكربلائي
مولد امير المؤمنين
.
.
.
روحي وحياتي .. وامنياتي .. يا امير المؤمنين
-----------------------------
يابـسم الله الرحمـان .. ياكلــشـي بــدلالي
حبـيتك والحب ايمان.. يالـبس انتـه ابالي
بيك اقره وانته القران .. ومـاختمك للتالي
ماشايف مثلك انسان .. حيـدر انتـه الغالي
مصدر نجاتي .. وامنياتي .. يا امير المؤمنين
-----------------------------
ياســر الله الـديــان .. يالـســاكن بعـيوني
الايماني انته البرهان .. يالـبيك ايعرفوني
رتلتك باحلى الالـحان .. وبحـبك لامــوني
گالو وشعندك تبيــان .. گلـــتلهـم اقــروني
وكل ذكرياتي .. وامنياتي .. يا امير المؤمنين
-----------------------------
بين الناس انته الميزان .. الحق ابطوله وعرضه
ايبغضونك شـلة رعـيان .. حـيدر ذولـه المرضه
اعيون ايملكون وعمـيان .. للــوالاك اتــرفـضه
واَليتك وانــي الفرحان .. غـصـباً عـالـمايـرضه
الساعة ممـاتي .. وامـنـياتي .. يا امــير المؤمنين
-----------------------------
مجنونك عاشگ ولهان.. اعلـنها ومـو سكته
مـتأكـد لا مـا وهـمان .. حـبيـتك بـس انـته
شفتك بكتابي العنوان.. وغـيرك لا مـاشفته
العافك ياحيدر خسران .وانتـه الي مـاردته
ياحـسناتـي .. وامـنياتي .. يا امــير الـمؤمنين
-----------------------------
ماگول اسمك حيدر كان .. شخصك لا مو ماضي
موجـود بكـل الازمــان .. غـصباً عالمـاراضـي
انصفني الشخصك ضميان .. يامـولاي الـقاضي
حمــداً يـارب المنــان .. انـي بحـيدر حـاضي
شيعـي بصفاتي .. وامـنياتي .. يا امـير المؤمنين
-----------------------------
يـاروح وجـنه وريحـان .. يا آيــات الـــباري
إلأنس اتحبـك والـجان .. هواي بفضلك قاري
وبوصـفك لامـو غلـطان .. من الهادي اخباري
هـواي هواي ايحبك چان .. والحب مو اجباري
حـبك صـلاتي.. وامـنياتي .. يا امـير المؤمنين
-----------------------------
حيدر تركي الكربلائي
حيدر تركي الكربلائي:
لمولد امير المؤمنين
.
.
.
انـه شـيعي وأفخـر ابشيعيتي
اموقع وباصم علي ابجنسيتي
مولاي علي .. مولاي علي
____
والله ياهالـناس مـو صدفه القضيه
والـدي رافــضي وامـــي رافـضـــيه
دمـي لـو مابـي عـلي حامـي الحميه
انــه والمــيت يحســبونـــي ســـويه
الهالسبب اني اشـعر ابحريتي
اموقع وباصم علي ابجنسيتي
مولاي علي .. مولاي علي
____
انــي مــا اتـــنازل وانــســه قضـــيتي
حيـــدري ولا ما ازل عــن حيدريــــتي
صيـتي واصـل للنجـم معـروف صيتي
على طولي امشي علي الخاتم هويتي
وارفض اليتدخل ابشخصيتي
اموقع وباصـم علي ابجنسيتي
مولاي علي .. مولاي علي
____
رايد احچي وگـولو گـال افلان كلمه
الهــوه الميـمر بالنجف ماريــد اشـمه
النفـس لـو مــابي علــي اعـتبره نقمه
ولـــو تشــمه ريــتـي مشكــولــه ذمه
وابـــــد ماتتـــقبله نفســــيتي
اموقع وباصم علي ابجنسيتي
مولاي علي .. مولاي علي
____
انــه مــن الطين تـكويـني البــدائي
اتــرابي من النجــف وهــذا انتمـائي
المـاي بــي الله العــجــني كـربـــلائي
وصرت شيعي رافضي الحيدر ولائي
بالــدمه كاتــب عـلى ناصيتـي
اموقع وباصم علي ابجنسيتي
مولاي علي .. مولاي علي
____
شيــعي انــه وگـصتي بيـــها عـلامه
وطــول عمري عايـش ابعزه وكرامه
بالحــشر كلــمــن ينــادونه ابـأمــامه
وراسي اشيله بحـيدره يــوم القيامه
ما اخــاف واحلــف ابعــافيتي
اموقع وباصم علي ابجنسيتي
مولاي علي .. مولاي علي
____
مــالي شغــله باليـــلــوم ومـــا ابـــالي
النـجم ربـعي لان امـشي وراسي عالي
الماوصل طولي بـقه ايحاچي ابخيالي
الـــف هنـيالــه الـــذي الحـيـدر يــوالي
ملك انـي ابمذهـبي ومـلكـيتي
اموقع وباصم علي ابجنسيتي
مولاي علي .. مولاي علي
____
حـتلو بالعوز اخـلـص عمـري اني
غـير مـذهب حيدره ماريــد ثاني
خيروني وخـيرهم يزحـف اجاني
ما ابــدل رافضيتي البيـها امـاني
بهاي ماتــسمح الــــي تربيـتي
اموقع وباصم علي ابجنسيتي
مولاي علي .. مولاي علي
____
حيدر تركي الكربلائي
بدمعتي الهامله .. نويت اتعنه اله
طبيبي ابكربله
حسين
________
انه واعــي وافــتهم معنى الوباء
انه تربيــت المجــالـــس والعـزاء
الطب عجز وستسلمو لمر السماء
لاتــشــكــك لـو گلتــلك كــــربلاء
وانه ابهالمشكله .. نويت اتعنه اله
طبيبي ابكربله
حسين
________
افتــح اذنــك ونتــبه وافتهم زين
الطــب اذا يعــجز لـعد نتجه وين
انه عندي حسين ابو گلب الحنين
زين انته شـلون بيــك ابلا حسين
اعتقادي اتحمله .. نويت اتعنه اله
طبيبي ابكربله
حسين
________
كربـله امـن ادخلها اشـعر بالامان
كربله صح بقعه بس امن الجنان
الهوه بـيها يخـتلف عن كل مكان
ابلايه شـك مادام بيـها الكوكبان
عظيم المنزله .. نويت اتعنه اله
طبيبي ابكربله
حسين
________
انصــح المايمــتلـك قـيمة دواء
خـل يروح ويگعد ابـاب الرجاء
الكشفه مو بفلوس بشوية بكاء
وينـهم ويـن اليدورون الــشفاء
بسيطه المسأله .. نويت اتعنه اله
طبيبي ابكربله
حسين
________
رايي واطــرح رايي هــذا بأحترام
المـــايـعـــجـــبه لايـــؤل بالكـــلام
يابـــشر هـــذا اعتــقـــادي بالامام
حسين بس حسين عندي والسلام
كلامي اتأمله .. نويت اتعنه اله
طبيبي ابكربله
حسين
________
اشما تضــيج اعلــيه اگـصد للحــبيب
حسين ابو السجاد صـدگوني عجيب
حسين كلشي حسين لاموبس طبيب
يگــضي اصعــبها امنــگولـن ياسليب
حياتي اتخيله .. نويت اتعنه اله
طبيبي ابكربله
حسين
________
فاتــح ايــده وگلبه للگـــلـبه نــظيف
خلگه حيل اطويل خلگه مو گصيف
اثگــيل اگــصدله وترد انــته خفـيف
شافــه كم ابكـم ومقــعــد اوكفــيف
مع اول قافله .. نويت اتعنه اله
طبيبي ابكربله
حسين
________
حيدر تركي الكربلائي
مولد الزهراء
.
.
.
يازهراء .. انـتي شمـسنه الـطالعه
يازهراء .. يارحـمة الله الـواسـعه
يافاطمه
__________
رحمه . نعمه . انتي . صرتي . يافـاطمه مـن نـور
ابدع . اجمع . نوره . بصوره . ماموجوده بالحور
سبحان الله / صاحت ارضنه والسمه
سبحان الله / سبحانه خـالق فاطـمه
يازهراء .. باريـنه نـورچ صانعه
يازهراء .. يارحمة الله الواسعه
يافاطمه
___________
صحــنه . حــبنه . الفاطـم . لازم . كـلها اتـعرفه هالناس
شيعه . انذيعه . ونكتب . هالحب . ابماي الورد والياس
والله والله / يافاطمه وهذا قسم
والله والله / الغيرچ فلا گلنه نعم
يازهراء .. والــي يـضد انقــاطعه
يازهراء .. يارحـمة الله الـواسـعه
يافاطمه
__________
الله . خــله . اسـمچ . رسمچ . بــي قرآن وايات
كوثر . جوهر . ظاهر . طاهر . بكتــاب الكرامات
قرأن قرآن / يافاطمـه وبيـچ السوَر
قرآن قرآن / والماقره بشخصچ كفر
يازهراء .. الـباري كتابـچ واضـعه
يازهراء .. يارحـمة الله الـواسـعه
يافاطمه
__________
استبرق . اشرق . لامع . ساطع . هذا النور محلاه
الوالــد . ساجد . ينظر . ويشكر . مـن فـرحته لله
فرحان فرحان / شايل بديه جنة عدن
فرحان فرحان / من حقه گلبه ماسكن
يازهراء .. وچـفوف رافـع بالدعه
يازهراء .. يارحـمة الله الـواسـعه
يافاطمه
__________
الجنه . النــه . نزلت . وصلت . رحمة رب الارباب
فرحه . نفحه . منجه . بهجه . عـَمت كل الاحباب
ويانه فرحان / يافاطـمه روح القدس
ويانه فرحان / نور الكواكب والشمس
يازهراء .. انتي الانـوار الساطعه
يازهراء .. يارحـمة الله الـواسـعه
يافاطمه
__________
نفرح . نصدح . انـور . ازهـر . وجهچ يم الحسين
واحنه . صحنه . ونقره . زهره . انتي نور السنين
ماشاء الله / بالجنه لا ما نفترض
ماشاء الله / الجنه نزلت عالارض
يازهراء .. للخـير صرتي الجامعه
يازهراء .. يارحـمة الله الـواسـعه
يافاطمه
__________
حيدر تركي الكربلائي
ميلاد الزهراء
.
.
.
مفــتوحه بيــبان الســمه .. هالليله
هاللــيله مـولــد فـاطــمه .. هالليله
__
فرحانه . ويانه . دنيانه . والكل مسرور
والموعد . بالمولد . ونردد . آيــات النور
آية الله العظمى هيه .. فاطمه الزهره الزچيه
شــكرا الــرب البــريه .. مـَن علــينه ابهالــهديه
ويامحله هاي المكرمه .. هالليله
هالليــله مـولد فـاطمه .. هالليله
__
صلينه . وادعينه . وناجينه . رب الاربــاب
مبتشره . بالزهره . ومنسره . كل الاحــباب
الفرحه مصدرها بدايات .. انطلقت ابسبع السماوات
اوصلت الكـــل المجرات .. هــذا واقــع مــو حكايات
وحبها بالكلوب انرمه .. هالليله
هالليله مـولد فاطمـه .. هالليله
__
فرحتنه . وبهجتنه . جمعتنه . بأحلى الاسماء
يـدرينه . بــارينــه . وهادينه . نـهوه الــزهــراء
كل شخص يهوه الاميره .. هالشخص عنده بصيره
الروحه بالزهــره اســيره .. هــذا لايــوجد نظـــيره
المصطفى چفه لازمه .. هالليله
هاللـيله مـولد فاطــمه .. هالليله
__
نادينه . اتبرينـه . وعادينه . العاده اهل البيت
يالجاحد . والحاسد . ضل واجد . يالما واليت
يرضـه بارينــه الرضاها .. ويجفي كل واحد جفاها
فاطمه ويــله النــساها .. لايــگول انـــه ابــحـــماها
والي يحبها اتـعظمه .. هالليله
هالليله مـولد فاطمه .. هالليله
__
العيد اضحه . ابهالفرحه . ومنشرحه . كل الاكوان
الــكل هــنه . وتـــعــنه . يــتغـــنه . ابأحلى الالحان
حتى بيت الله وحجيجه .. ينتظر چان النتيجه
والـــورد يـهــتف اريجــه .. الحمد لله ياخديجه
والفرحه النه راسمه .. هالليله
هالليله مـولد فاطمه .. هالليله
__
دمعــتنه . ابفرحتنه . عــلتــنه . ويــه النجـــمات
ابمولدها . انجسدها . ونرفدها . اباحلى الكلمات
وعالسمه نرسم الافراح .. اويانه روح القدس صداح
الفاطمه هالنـور وضــاح .. هامــت ابــعالمــها الارواح
باقي الفرح مانختمه .. هالليله
هالليله مـولد فاطـمه .. هالليله
__
تمت والحمد لله في ٥/ ٣ / ٢٠١٨
حيدر تركي الكربلائي
مولد الزهراء ع
.
.
.
تسبيحة املاك السمه .. فاطمه فاطمه
والدنـيه بيـها هــايمه .. فاطمه فاطمه
-------------------------
نور السماوات السبع من فيض عصمتها
ماتنـحصي ومـاتنحـسب والله كــرامتها
الله ومحــمد وعـلـي ايـعـرفـون قيمتـها
كل الوجـود الفاطـمه ورهـن الاشـــارتها
اسرار الله .. بالزهراء
انــوار الله .. بالزهراء
اذكـار الله .. بالزهراء
بالعالمه
-------------------------
المايحب بنت المصطفى ماينحسب تعبه
لــو عمـره خلص بالصـلا والصوم بالكـعبه
الماعـرف مــعنـه فاطــمـه لا ماعــرف ربه
صعبه يجي ابيوم الحشر يـم النبي صعبه
واسبـاب الله .. بالزهراء
وكـتــاب الله .. بالزهراء
وحساب الله .. بالزهراء
والحاطمه
-------------------------
هواي ابأحاديثه حچه ومضمون هادينه
اليــتبره مــن ام الحـسن يتـبره من دينه
صحـنه عهـدنه يالنـبي بالـدمه اموقعينه
عاهـدنه بالـذر فـاطمه وفاطـمه تــدرينه
سبحان الله .. بالزهراء
برهــان الله .. بالزهراء
عنـوان الله .. بالزهراء
يا لايمه
-------------------------
كــل الوجــود الها انخــلق مــَنبالغ ابهايه
واليعترض خـل يعترض كل واحد ورايه
بالنســبه النــه فــاطـمه آيــه وتــضل آيه
احچايه حچيناها وبعــد منعيد الحچايه
آيــــــات الله .. بالزهراء
كلـمـــات الله .. بالزهراء
اعجازات الله .. بالزهراء
متوالمه
-------------------------
املاك السمه والبالسمه ايسبحون يوميه
بســم الامـيره فاطـمه الراضـيه المرضيه
شيعيه امـلاك الـسمـه والـحــور شــيعيه
خـل تسمـع وتشـبع قهــر كــل الــوهابيه
ألاء الله .. بالزهراء
ماشاء الله .. بالزهراء
اسماء الله .. بالزهراء
متلازمه
-------------------------
اليجهل قدر بنت النبي هم ينجهل قدره
اشما يعتـذر يــوم الحشر ماينـفعه عذره
ياويلـه يالمـاترضـه عنــه فاطـمه الزهره
هـذا مـؤكد بالحـشــر مــيؤس مـن امره
مـرضـات الله .. بالزهراء
مـــعنـــاة الله .. بالزهراء
احسابات الله .. بالزهراء
الراحمه
-------------------------
تمت والحمد لله في ١٥ / ٣ / ٢٠١٧
حيدر تركي الكربلائي
شلي ابروحي ياروحي .. اخذها الروح الك فدوه
الدنيه ابلا ضوه اعيونك .. صـدگ كلشي ماتسوه
_________
وحـگ الاربعـه الراحو .. وحگ الجوه العـصابه
الـيوم الماشـوفك بــيه .. چــن ابگــلبي عطــابه
السوالف چيف مو وياك .. احسهن چنهن اذيابه
أمــاني كــلــه بعيــونك
واعيشن كلفه من دونك
تــرد وتشـوفـني كـــونك
علـگم عيشتي ابليك .. يامـَن عشرتك حــلوه
___________
انــه ام الــبــنيـن انــه .. وبيه اشسوت الفرگه
ذايب حتى فص عيني .. چيف ابچيلك ابحرگه
گلبي انگطعت اعـروگه .. وبيــه مابــقــت ورگه
المدمع مولح اخدودي
هجرك مـن كسر عودي
وذبلت عـگبـك اورودي
امـك ذابـله اخــلافك .. وبيــها مابقـــت قــوه
___________
طفـيني احـتــرگ گــلــبي .. عليك الزهره طفيني
اعيوني الشوفتك عطشت .. واگلها هسه يرويني
لاغيـــمــه الاجـــت مــــنك .. ولا واحــد يــدلـيني
يمتـه تمـطر اعـليه
وتـغــرگــني حــنيه
صدگنــي تــرد بــيه
روحي اوداعتك يحسين .. لا ماتحـــمل البـــلـوه
__________
گلبـي ابـدربك امعـلگ .. ارحـم گلـبي بالــرده
سـهم الـفركه صـوبني .. الچبدي لاحه وتعده
روحي بغيبتك يحسين .. مثـل المـاي الِــتبده
لابيـــــهــم يـــلـمــوني
ولابيــــهــم يــخـــلوني
بچيت وطاحت اعيوني
والمثــلي يبــو اليــمه .. صارت دمعــته سـلوه
__________
بعيد وضاعت اخبارك .. ابگلبي الغيبتك جمره
ييــمه ابـكربــله هســه .. بـس لامـرمي عالغبره
انجرح گلبي لمن گتلك .. جـرح دلالك اشـكبره
فــال الله ولا فـالي
تردلي بلكي يالغالي
ذاب اعــليــك دلالي
گلب امك يبعد امك .. مـايتــحــمل القــسوه
___________
اشيطن انه كل ساعه .. وانشد يبني ياهو الچان
حيل افركهن اچفوفي .. لحـد مــايطـلع الـدخــان
واشم ريحة خدر زينب .. تشــب بـذيـالـها النيران
لايـمـــــي واطـفــيــها
وعالشاطي اليحاميها
تتنـــخه ابـــأهــالــيها
وفـوگ الـگاع اهـاليها .. ومحـد يسـمع النخــوه
_________
تمت والحمد لله في ٢٥ / ٢/ ٢٠١٨
حيدر تركي الكربلائي
اسولف والسوالف كلش هوايه
وبأم الاربعه مملوحه الحجايه
*
يونسـني الحچي طاريـها لو جيبه
واجلب بالــسوالف خـوش تجليبه
الحچي ابلياها ماصخ حيل ادريبه
رأي وكــل بشر يــتنومــس ابــرايه
*
بأسم الغيره ابدي وصاحب النوماس
واســولف يمــها لكــن مااشيل الراس
كــرامه واحتــرام الهـــامــة العــباس
امــربيــتني المـجالس خـوش تربايه
*
عن ام البــنيـن اشــما گــلت خجلان
ام عباس هـذي وموش ياهي الچان
اذا وياها اسولف كون اجي عطشان
وخشبة الساني كون وفوگه جمرايه
*
بيــها الساني كــل ما راد يتكـــلم
بتراب اجدامها المفروض اتيــمم
صل الله عليـــها وبـــارك وســـلم
بكثــر ماوصــت العـباس عالرايه
*
الواحد من يسولف كون عنده شهود
وانــه بهالــسوالف شاهــدي مـوجود
هــاي ام الــذي ذب عــالفرات ازنـود
الحـرگ گـلب النـهر لـمـن شمــر مايه
*
ام الــرجف الــماي وشـــواطـــيه
مــو علـــويه گـــالـــولي كـــلابيه
شلون اقبل حچيهم موش علويه
واهي امربيه ولد لحسينتچــايه
*
كريمـه والكرم يتخــوتل ابسدها
اوسام الجود بيده الحسن قلدها
يالمــاصدگــتني كربلــه انشــدها
مــو واحد نطــت اربعــه الوفايه
*
صدر ام البــنين الــوفــه غـذاهم
ولبو السجاد اجل خــدام خلاهم
فــنه الگال جيش ايــزيد لاواهم
بحر والجيش يمهم صار كشايه
*
اتبدت من وصلها صوت ابن حذلم
رأسن سلهمــت والناعـي هم سلهم
خــاف اعــليـه لو گــاللــها تتــهدم
طــاري احسين يهــدم الها البنايه
*
حيدر تركي الكربلائي
#قصائد_ام_البنين_ع_ع1440
وفاة ام البنين
.
.
.
كربـله عـنـي بعــيده .. وگبري يم گبره اريده
حـيره والله حيرتي
من يوصل اجنازتي
يم الحسين
گـلبــي حطـيـتـه اعلـه دربـه دگـه تـتبـع دگـه
وبخيالي اگطع لي ديره الشخصه حتى اتلگه
المـوت اجـاني ومـاجاني البـيه عـايش شهگه
الفـرگه تكــتل والـيمـوت امـن المــفارگ حگه
بلكت ايسمعوني ناسي .. وياخذوني التاج راسي
رايده احچي قصتي
مـن يـوصل اجنازتي
يم الحسين
ابليل هـجر حسين عـيني للصبح مـفتوحه
اعليه احسها ازغيره كلش كلمة المجروحه
البِـگلبه اجروح فـرگـه ماتطــيب اجـروحه
المنتـظر مـثل ابـو اليمه حـقـه تطلع روحه
ياهو احشمه وياهو اصيحه .. حتى يدفنـي ابضريحه
عگب ولدي وعزوتي
من يوصـل اجنازتي
يم الحسين
الكربله كـل امنياتي اجـنازتي ايوصـلونها
وكـون بــين الحــرمين الـوادم ايـنزلـونها
بالشــمس تبــقه ثــلاث ايــام ميــشلـونها
بلكت ايصير ازدحام وجثتي ايسحگونها
بلكي احس بالام صدره .. الَهـشمتها اخيول عشره
جاي احچي ابحسرتي
من يــوصـل اجـنازتي
يم الحسين
نعشي عالـشــباچ يفـتر هـاي ويـن الگـاها
والله گــلـب ام البنــين اشـكـثر يـتمــناها
والصــلاة اعلــه الجنازه هــوه لـو صـلاها
باچر اعله الموته اني ابـها الصلاة اتـباها
مـن يگـول الله اكـبر .. جلدي وانه احچيها كزبر
ادعي وابچي ابدعوتي
مـن يـوصـل اجــنازتي
يم الحسين
يـامــن اتشيــعون نعـــش ام البــنيـن ابلــوعه
علـى بــاب القــبــله صيـحو وصلت المـفـجوعه
ادري من يسمعني اجيت ابساع تجري ادموعه
لايــدنــگ عــالجــنازه امــكــســرات اضــلــوعه
مـن كـثر خـيل العساكر .. طشرت صدره الحوافر
على هايـه لــوعـتي
من يوصل اجنازتي
يم الحسين
_
ارد انــاشــدكـــم يشــيعه بدمعــتي والـوَنه
ابكـربلاء ايـصــير گــبـــره مــنو مـــايتــمنه
شرد اگول اعله الحسين وشرد اسولف عنه
انـه احــس ابصحنه جــنه واحله من الجنه
انـدفن بالجــنه يــاريت .. ابصحن ابو اليمه تمنيت
الهذي تجري دمعتي
من يوصل اجنازتي
يم الحسين
تمت والحمد لله
حيدر تركي الكربلائي
ميمر
خــدام أبـو الســجاد يـا مــحلاهــــم
سبــحانــه الله بــيده الِســتنگــاهـــم
المهدي ابعظمـــته هــوه التبــناهـــم
المو خادم إعله الخدام المو زيــنة لا يچــفيها
**
حــوبــتهـم اتعـــثر الـجــبل يــا هالنــاس
اليــذكرهـم ايحـط إيده كون إعله الراس
امن أهـل الله ويـشـورون مــثل العــباس
بالك اتــغــث الخــدام تــشـــبع نـــدم تالــيها
**
بـعــض الــبشــر أفــعــاله لا مــو راحه
يـــعــوف العـــنـب ويــچَلــب ابسباحه
حامـــض يــگــلـك هو چـيـه مــا لاحه
حچاية التمـس الخـدام يدنـگ على رجلـيها
**
درب الـــحســين الــحــچي بــيه نعــتازه
گــــال المـــثل إنــــطــي الخـــبز خـــبازه
المـــوخـــادم اويـــه الخـــدم لايــتـــوازه
الطول السنة إتشد احزام لحــد يـشيخ إعليها
**
كــلمـن مــقامــه يــعرفــه ويــحفظه زين
وعــالحــاجــب يــگـولـون ما تعــله العين
الــمــو يــمهــة لا يــدنه يــم ربـع حســـين
مـــن چــانــت الإعـدامات بچـــينه المــسويها
**
حــچاية الحـــق والــعدلة لازم تنگال
بــلايه أبو الــيمه روســنه ما تــنشال
هي التجــارة فـلوسهة براس الـــمال
الصرماية والصاية حسين ولا ما نفــرط بيها
**
هــوايـه عـــلى الخــدام وادم يحــچون
مـن حســين زحمــة بيــهم أنتو تشهرون
ابسمعــتهم اتصــعدون ساعـه اتـــنزلون
كلــشـي يمشــيه احسين بس هايه ميمــشيها
**
الــمــنبـر أبونــه وأمــنه الحســـينية
وتــقــره فصيلة دمــنه (او) لطمــية
ليــــليــة نـــــذكر كربـــــله ليــلـــــيـة
وللمنــذبح هالــهامات من الدمــة إنحــنيها
**
الــخـدام بــالمــجلس تحس بقيمه
خــير الحــسيـن إعلينـه الله يديمه
ليــل الطــبگ ليــليــة إحــنه نقيمه
هالدمعة لوما لحســين چـا إلمــن انــبديها
**
ظــل جـــثة عـاري مـنسلب عالــتربان
والگاع حـــدرة تلــتهـــب چـــن نـيران
مــن الــشـمــس روح الزچـــيه ذبــلان
بلا غسل وبلا تچــفين جثــته منو يواريها
*
حيدر تركي الكربلائي
شهادة الامام الكاظم ع
.
.
.
يــامــن نـور الله نـورك يـنـحــسب
ليش امن احبابك شمسك تنحجب
ياشمس الله كافي
أذتــنــه الــمنــافي
حـزنك بيـنه غافي
يـامـوسى ابـن جـعـفر
______________
خـــد اللـــيالـــي يشـــهد علـــينه
امـن الدمـع مولـح گــد مابچـينه
ويـــنك انــادي يــمـــته تــجـــينه
طــاحت ايـديـنه ابـگـد مادعــينه
الفگدك اتعـالت صـرخات المهج
نــدعـي اللهــم عجـــل بالـــفرج
يمتـه اتـرد يوافي
أذتــنــه الــمنــافي
حـزنك بينـه غافي
يـامـوسى ابـن جـعـفر
______________
بيــنــه الغــيابـــك لـــوعـــة منــــيه
ونـــار انتـــظــارك ظــلـــت ســـريه
نـشــهگ ابهـــجــرك كـــل مغــــربيه
شيـــب الـــهــذي جـــســـر المـــنيه
جســر الــمأســي نـاده ابحــنينه
مــوسى ابـن جعـفر يمـته يجينه
اويانه ايتاني حافي
أذتــنــه الــمـــنــافي
حـزنك بــينه غــافي
يـامـوسى ابـن جـعـفر
______________
الدمـعة افراگـك مستحيـه العـيون
ابسجنك يـغايب واحـدنه مسجون
بالـشـيعه تـدري وشـگــد ينــوحون
شمــسك ضــواها لــو مــايشوفون
هنـياله الشـافك والـگاعـد يــمك
ياعـطر الــجـنه يمــته ونشــتمك
يالعالشيعه خـافي
أذتــنــه الــمنــافي
حـزنك بينه غـافي
يـامـوسى ابـن جـعـفر
______________
مـوتـنــه هـجـرك حــقــنه ومـانــلام
والجـمـــعه ظـلــت تـذبــح بـالايــام
ابلـيل انتـطارك مــشدوده الاحــلام
وبـــكــل دقــيـــقـــه تــــــزداد الالام
العيـشـه بــدونــك يالــغـالي ذله
يمــتــه تــجــيــنه يـــارحمة الله
محد جـمره طافي
أذتــنــه الــمنــافي
حـزنك بـينه غافي
يـامـوسى ابـن جـعـفر
______________
نــاشــدنــه عـــنــك گــالــو تـــأخر
وصـوت المـصــيـبه صــاح وتــأثر
عـالجسر هـذا مــوسى ابــن جعفر
مــن هــــالمــصـــيبـــه الله اكــــبر
شمـسك ضواها ابــزنزانـه غـابت
وبالسـم چـبدتـك يـاوسـفه ذابت
وهذا الهم اظـافي
أذتــنــه الــمنــافي
حـزنك بيـنه غافي
يـامـوسى ابـن جـعـفر
______________
حيدر تركي الكربلائي
من اولايه لولايه .. شلونج زينب ابهايه
اول تالي ترحين
ابلا كافل ولا رايه
من اولايه لولايه
______
ابالچ چان لو ماچان .. يحديچ الشمر وسنان
وانتي الجان طولچ محد ايشوفه
المحد شاف ليچ اخيال .. رحتي امچتفه بحبال
وبحلوگ الزلم اصبحتي سالوفه
شامت صاح من ابعيد .. گال اليوم عدنه عيد
لان مسبيه شاهدناچ بالكوفه
فرحانه شجاها الناس .. چيه جايه بلا عباس
وچيه يم الفرات امگطعه اچفوفه
توجع هاي الحچايه .. شلونج زينب ابهايه
اول تالي ترحين
ابلا كافل ولا رايه
من اولايه لولايه
______
رحتي وچان عمرچ سوط .. وبگلبچ بقه بس نوط
وادري الباقيات بكربله انگطعن
من شفتي الشمر فرحان .. ويحز رگبة العطشان
اعيونچ مو دموعچ عالرمل وگعن
بيديچ الحبل مشدود .. وگبالچ گمر ممدود
راسه اعله الرمح واعيونه الچ دمعن
الصعبه والذي اتأذيچ .. ذباح الاخو يحديچ
ابچيتي وبچن حيل النوگ من سمعن
المهيوبه بلا احمايه .. شلونج زينب ابهايه
اول تالي ترحين
ابلا كافل ولا رايه
من اولايه لولايه
______
كلما شافتچ شمات .. چن توه كفيلچ مات
والهالحظه انتي عايشه بصدمه
الله يساعدچ يم عون .. شلتي هالمصاب شلون
وانتي الگبل ماشايفتچ النسمه
الحادي اولايه من ايشوف .. متعمد بنصها ايطوف
حتى ايزيد لچماتچ بعد لچمه
صاح ولم عليچ السوگ .. وانتي داخلچ محروگ
والمثلچ يزينب حقها من يعمه
حچيّ الحادي سلايه .. شلونج زينب ابهايه
اول تالي ترحين
ابلا كافل ولا رايه
من اولايه لولايه
______
الوادم اذتچ ياحيف .. وانتي الجان خدرچ سيف
بيد الكافل وفنه التعناله
فرحو كافلج چيه راح .. والهذا المنادي صاح
خل نحرگ كفيل الحره دالاله
بنت الاسمه حامي الجار .. گالو شمروها احجار
واحد گال وين العايشه بجاله
وين الي اجيتي اوياه .. شو لايسرته ويمناه
ساكت ليش واحنه انظربچ اكباله
ابلا والي اشعجب جايه .. شلونج زينب ابهايه
اول تالي ترحين
ابلا كافل ولا رايه
من اولايه لولايه
______
زينب زحمه من تمشين .. لارايه ولاچفين
والوادم وراچ اتصيح مسبيه
اتمنيتي ابو الكلفات .. يشگف عنچ الظربات
ايگلچ كون عد عينچ يعلويه
ايردلچ كون مو بس راس .. سالم ريت ابو النوماس
ويگص راسه اليجيب الخدر طاريه
بس ياحيف راعي الجود .. ماموجود ماموجود
ويخلصچ يزينب من الشاميه
بالشام الاذه اهوايه .. شلونج زينب ابهايه
اول تالي ترحين
ابلا كافل ولا رايه
من اولايه لولايه
______
حيدر تركي الكربلائي
المهدي وعمته زينب ع
.
.
سولفيلي .. عمـه عــن ذيـچ الليالي سولفيلي
سولفيلي .. من فگدتي اغلى غالي سولفيلي
مـن ركبـتي عالهزل
وشدو ابأيـدچ حبل
سولفيلي
____________
هــذا انــه المهـدي عــمه الليــله جـــاي الدارچ
اشلونچ اشلون الدموع التجري شنهي اخبارچ
الخــيمه تسعر بــيچ لســـه لــو انخمدت نـارچ
بعــدچ اتــدورين عــنهم لــو لگـــيتي ازغـارچ
اشسوت الخيل .. شمــر من أشــر وصــاح اشسوت الخيل
اشسوت الخيل .. هجمت وچم طفل راح اشسوت الخيل
بالله سحگو چم طفل
وشثدو ابـأيـدچ حبل
سولفيلي
____________
ولو خاف انه اجرحچ وانتي اخيره انفاسچ
ارد اسئــلچ گــبل مــوتچ ياهو شـيب راسچ
اوداعمــن اذاچ وادري اعــزاز كلـــهم ناسچ
شــگال گلبــچ عمه زينب مــن مشه عباسچ
موقليله .. الفگدت العباس اخوها موقليله
موقليله .. الجـيش مـن ايسلبوها مو قليله
ابصيـتچ يابالفضل
وشدو ابأيدچ حبل
سولفيلي
_____________
چــم نفــس عمــه يزيــنب باقــي چــان بروچ
الحادي مــن مــر او نظرتي منسلب مذبوحچ
اعليه شمرتي انتي روچ لو شمرتي اجروحچ
وشــمر كل قوتـه يعمه بسـوطه چان يلوحچ
من وگعتي .. شلون شفتي حسين جسمه من وگعتي
من وگعتي .. يــبس لــو يتــجــاره دمــــه من وگعتي
فكـرچ ادري منذهل
وشدر ابايدچ حبل
سولفيلي
________
چنتــي بالــكوفه امــيره وبالخــدر مـــوصوفه
شلون من شافوچ اسيره اشسوو اهل الكوفه
عــلى الهزله ابلايه محــمل وبحــبل مــچتوفه
وصرت بحلـــوگ الشــماته ياوســف سالــوفه
هايه زينب .. گــالو الماشــاف زينـب هايه زينب
هايه زينب .. العالمتنها السوط يلعب هايه زينب
احچاية الشامت تشل
وشـدو ابايــدچ حبل
سولفيلي
________
إي وحــق غـيبــتي عمــه إي وحـــق امـــتـــونچ
اتطيح احس اعيوني دمعه من اشوف اعيونچ
الحلمــو ايــشوفون ظـلچ وسفه ويـــشوفونچ
ويــن عــباس ابــوالــغيره گامــو ايــنـــادونچ
من حچوها .. وينه يازينب كفيلچ من حچوها
من حچوها .. عمه وشصار بدليلچ من حچوها
وهالحچي ماينحمل
وشدو ابايدچ حبل
سولفيلي
______
حيدر تركي الكربلائي
لوفاة السيده زينب ع
.
.
.
بقيت امحيره واصفج بالايدين
لاعــباس يــبرالــي ولا حــسين
صلت ابخدي المدامع .. وحدي بالشامات انازع
______
زرعت اعـيوني بالـعـتبه بلـكت يــلفي طاريهم
لحــد ماشابت اعيوني وبعــدني جـاي اتانيهم
لاريحـة عتـب بــيه ولا عالــصـــار احــاچــيهم
السبي ماجيبله طاري اخاف امن احچي أذيهم
اذا باچر لعد زيــنب يردون
ماكلهم زرك يخواني المتون
مــا ازيــد انه المـواجع .. وحدي بالشامات انازع
______
عليه اتأخـرو كلشي ادور وين؟ وين اسئل
لاتــل يمــي واصــعدله بعيــد ابكربلاء التل
النار ابظهري . وبوجي الزلم والخيل اتخيل
حيــرة عاشر ابگـلبي ولـسه امتيها ما اندل
جرح الحـيره ماينفـعله الخياط
من گد ماعليه مطبوعه السياط
والحزن بجروحي طابع .. وحدي بالشامات انازع
_____
احچي ابمحنتي وهمي وادري بالحچي اهوايه
اشمحله حسـين والعـباس اذا صارو بالحچايه
المـوت ابابــي يتــنطر ومـاكـو اخــوان ويــايه
يجيني اتمنه ابو فاضل وبيـده ايلــفني بالرايه
اخر صوره كــون وتغمــض العين
اموت وعيني ريت ابعين الحسين
ما اجه وعالباب اطالع .. وحدي بالشامات انازع
_____
نــار ابگلــبي تتــوجــر وبــيه لــوعــــة الــعاشر
احس من فركة اخواني ابصدري چن الف حافر
مــو دخان خانــگني الخــنگني كســرة الـخاطر
مــن گـد انــه ماتانيـت احـس ماطــول الباچر
والله ابــال زينــب هــذا مـــاچـان
اموت ونعشي ميشيعونه الاخوان
ماحسبت الهالتوابع .. وحدي بالشامات انازع
____
اخذ روحي البچي اعليهم للمثلي البچي مسموح
الاخـوها شـافـته بالـطف مـوسد عالترب مذبوح
الخـلـت عالشــريعه ازنـود يحـق الهـا تـون وتنوح
مــدري شـلون مامــيته وبيــهـا باقـــيه هــالــروح
المفروض انـه بالطـف ميته ياناس
من احسين اجه محني اعله عباس
گلبي عالعباس واگع .. وحدي بالشامات انازع
__
حيدر تركي الكربلائي
قصيده گعده للسيده زينب ع
.
.
.
كفيــلي تمنيت كفيــلي
گبل ماتغمض العين .. يجيني وعنده چفين
ابو فاضل كفيلي
______________
دگــت الباب المنــيه ومــوتــتي صــارت قــريبه
والمصيبه بطرگ روحــي حرمه مكسوره وغريبه
ويــن الــگـه الي كـفلني امـنين ابـو فاضل اجيبه
ناديته وينك ياگـــمر .. بخــلافك اشــسوه الـدهر
لمن غفيت اعله النهر .. خويه صار اسمي السليبه
يهالناس تسمعون يهالناس
صحت وين الگمر وين .. يجيني وعنده چفين
ابو فاضل كفيلي
______________
حسين عالعباس شفته انكسر ظهره وعينه تجري
وموعــجيبه عالكــفلني لــون هسه انكــسر ظهري
حــيل مشــتاگه ارد اگــله طـــولت يابــعـد عـمري
الكافل من اعيونه انطفن .. بغيابه وشسوه الزمن
حرمـه وبقـيت ابـلا وطن .. من وگع حماي خدري
يعباس ندهته يعباس
وصحت يالمشرعه منين .. يجيني وعنده چفين
ابو فاضل كفيلي
______________
الموت لاموهين ابــدن وابــد موهينــه المنيه
لچـن من المـوت الاصعب لمن صاحو يالسبيه
اشگد تمنيـت الكـفـلني يجي يـحل احبال اديه
عالناگه مشدوده بحبل .. والحادي قرر يحتفل
بزينب منو السامع قبل .. گــال ويـأشـــر عـليه
اسيره يگلهم اسيره
ردت ليث الميادين .. يجيني وعنده چفين
ابو فاضل كفيلي
______________
سلهــمت للمـــوت عيني والـــذي تانيتــه وينه
خاف مايــندل يجـينــي سهـــم المــثلث بعينه
راح اطش بالباب دمـعي بلكـت ايجيبه حنينه
كفـــالي ارد اتنــفسه .. والزم اديــه واتـلمــسه
اشفافه بعدهي يابسه .. هوه لو رواه احسينيه
وفـــائه يحير وفــــائه
الكلشي وفه لحسين .. يجيني وعنده چفين
ابو فاضل كفيلي
______________
الليله اخر لــيله حلمي ايــمرلي وادريهـــا بعيده
وينكـــم يــهــل المــروه گـــولو للكـــافل اريـــده
ردت بيده ايشيل نعشي ولو ادري نگطعت ايده
يكفيني اشمن منحـــره .. امـــن ايشيلني للمقبره
راح انه امـوتن حــايره .. وعلى زيـنب موجديده
المنيه شفتها المنيه
گبل مايگرب البين .. يجيني وعنده چفين
ابو فاضل كفيلي
--------------------------
حيدر تركي الكربلائي
يرب اشهد الي .. اموت اعله علي
امير المؤمنين
______
اميري . ومصيري . ومجيري .. علي العاش بضميري
لگــاني . اعـــاني . احتـواني .. علي بعطفه اشتراني
علــي أشــر عـليــه وگــال اريده
فتحلي ايده واحس الجنه بيده
صرت حــر يـوم ضماني العبيده
العيشه وي علــي عيـشه رغيده
اويه الانفاس الولي .. امــوت اعله علي
امير المؤمنين
---------------------
امامـي . وغـــرامي . وهــيامي .. بعلي يعجز كلامي
شوصفه . وشنصفحه . واعرفه .. جهنم بسمه تطفه
بالــذر وقعـتــله بذنـــي اديه
وعلي وقعلـي رائـسا بالهويه
گتله احسبني اعمه وگود بيه
المهم ياعلي بس ترضه عليه
الحــبيب الاولي .. اموت اعله علي
امير المؤمنين
__________
يجنه . ومحنه . الحملنه .. قليل وشحجي عنه
يماجد . يواحـد . يخــالد .. يمــن بالگلـــب گاعد
ترسني حب علي من جدمي للراس
وگـمت اشتـــم عبــيره ويه الانفاس
المــاهام بعلــي خــــسران يانــــاس
نعــم واستـــاذي ابهالعـــشگ عباس
العلي فدوه هلي .. اموت اعله علي
امير المؤمنين
------------------
صلاتي . ونجثاتي . بحياتي .. علي مولاي اغاتي
بدمــائي . انتــمائي . ولائـــي .. ومن اعدائه برائي
الماعنده علي ماحسـبه صاحب
الصحبه مستحب اوعلي واجب
وابوس ايـده البأيده علي كاتب
انياله الربعه مـــن اهل المواكب
نعـــم ياسائلي .. اموت اعله علي
امير المؤمنين
____________
بكياني . مــعاني . وحياني .. علي المامثله ثاني
يشدني . ويمدي . ويودني .. ومثل ولده يعدني
بعـيونه علـــي الوادم سويه
ماعنــده فرق حامي الحميه
احــمد الله كل صبح ومسيه
الجعلني واحد امن الرافضيه
الگلب بيه ممتلي .. اموت اعله علي
امير المؤمنين
_________
مجيبي . وطبيبي . ونصيبي .. وضوه عيوني وحبيبي
هـــوائي . ودوائي . ورجائي .. ويـضل بســـمه نـــدائي
علي باب الله بــابه ومايـــسده
اليتعـــنـــاه خايــــب مايــــرده
اجيت ابابك اطلب طلبه وحده
الوبا عن شيـعتك ياعــلي ابعده
كوورونه يبو الحسنين ابعده
ونــدائي يعــتلي .. اموت اعله علي
امير المومنين
---------------------
حيدر تركي الكربلائي
قــرآني .. وأيــماني .. وبرهــاني
علــي علــي
___________
عن علي اشما سولف اني .. السالفه ابحقه قليله
دورت واحـــد يـــشــــبـها .. ومالـكيت احد مثيله
غيــر ابـو الحســنين والله .. عقلي ماراضي يشيله
الجاينــي يــم بــاب بيتي .. وجايب الدنيه ابشليله
بلساني .. وأيماني .. وبرهاني
علي علي
___________
المثلي جن ابحب امامه .. هــاي عــنــه موبعــيده
الشاف خير ايدين حيدر .. مستحيل ايعوف ايده
السانه لو مايذكــر اسـمه .. السانــي اصلا ماريده
الحمــد لله ورتــضانـي .. وصرت واحد من عبيده
الدلاني .. وأيماني .. وبرهاني
علي علي
___________
الماعرف معناة حيدر .. ارد اوجــهــله ســؤالي
ليــش يبقه ايلوم بـيه .. ابدنيته الماعنده غالي
واليلوم ابحـب امامي .. حـقه ماحــس ابــدالي
العنده والد علي اسمه .. راسه دومه يبقه عالي
العَلاني .. وأيماني .. وبرهاني
علي علي
___________
ايدي يم بــابه افتــحتها .. وغــيره مافـــاتحله ايدي
علي من ينطــي احـســه .. الدنــيه يجعلها ابرصيدي
ابلايه حيدر حتى عيدي .. والله مدري شلونه عيدي
اليــوم اليمـرني بــدونــه .. يجــمـد الــدم ابــوريدي
عنواني .. وأيماني .. وبرهاني
علي علي
___________
رتلــت بحــروف اســمه .. وكل حـرف بحروفه أيه
علــي ســـالوفه طويـله .. علــي لامـــابــي نهــــايه
اگبالي كل لحظه اشوفه .. وهم احسن بيه ورايه
علي صافــي ومــا امـله .. اشكثر ما اشرب ابمايه
الرواني .. وأيماني .. وبرهاني
علي علي
___________
علي احسه كعــبة الله .. كبرة كل ما انه اشوفه
ولــذلــــــك مــــن ازوره .. چني بيت الله اطوفه
گالــو اتمــل وتـعـــوفـــه .. وعـاهدتهم ما اعوفه
حتى وانه صاحي اشاهد .. علي وتمرني طيوفه
سلواني .. وأيماني .. وبرهاني
علي علي
___________
تمت والحمد لله في ١٩ / ٣ / ٢٠١٨
حيدر تركي الكربلائي
مولد السيده فاطمه ع
.
.
.
ارواحنه الهايمه .. مجنونه ابفاطمه
مجنونه ابفاطمه
ام الحسن
------------------
ولـقـد كانـــت ولازالــت امـــيره
الهالسبب ارواحـنه بيــها اسيره
طاري اسمها اتگول زمزم
فاطـمه اسـم الله الاعظم
اعليـها صــل الله وســلم
اعليـها صــل الله وســلم
البالگاع واهل السمه .. مجنونه ابفاطمه
مجنونه ابفاطمه
ام الحسن
------------------
الجنه مانهواها چيه جــنه زهيه
الجنه نهــواها لان بــيها الزچيه
ارزقــــنه اللــــهم قــطره
من ظهوه فاطمـه الزهره
فـقره واحتاجينه نــظره
فقره واحتاجـينه نــظره
واگلوبنه امعلمه .. مجنونه ابفاطمه
مجنونه ابفاطمه
ام الحسن
------------------
فاطمه بس الله يعرف محتواها
ولهــذا انغمــض ونمــشي وراها
الماتبعها ايضل طريقه
الحچي مــارايد وثـيقه
هايــه ياناس الحقيــقه
هايــه ياناس الحقيــقه
وكريات الدمه .. مجنونه ابفاطمه
مجنونه ابفاطمه
ام الحسن
------------------
عــوف ام المؤمنيــن وهالـــروايه
احنه بس ام الحسن امنه وكفايه
الماتصــير الزهـره امه
اسليمه ياناس التطمه
الجنـه باچـــر ماتظمه
الجـنه باچـــر ماتظمه
واصحاب الغانمه .. مجنونه ابفاطمه
مجنونه ابفاطمه
ام الحسن
------------------
اليــنسئل عــن فاطمــه ولامايجــاوب
اليستحي منهم نحسبه امن النواصب
الما اله بالدنيه موقف
وللزچـــيه لامينـــصف
ايتيه ودربه ميـــعرف
ايتيه ودربه ميــــعرف
والروحه قاسمه .. مجنونه ابفاطمه
مجنونه ابفاطمه
ام الحسن
------------------
فاطمه بيت القصيد وهالقصيده
اليفتهــمها يفتهم معنى العـقيده
كل شخص باچر هيامه
ايبــين ابيـــوم القـيامه
من يجي اهـناكه امامه
من يجي اهـناكه امامه
هالناس بالعالمه .. مجنونه ابفاطمه
مجنونه ابفاطمه
ام الحسن
------------------
حيدر تركي الكربلائي
فاطمه يافاطمه يامسك ياعنبر
فاطمه يافاطمه ياجنـة الـكوثر
كلنـه اجينه فاطمه
انهني نبينه فاطمه
---------------------
البـيت النـبي جينـه ابـفرح واحـتارت الكلمات
ويانــه اجـه حتـى الگـمر مصحوب بالنجـمات
ياشيعه صلو عالنبي المصطفى باعلى اصوات
هالــليله مـولــــد فاطـمـــه نــقـره الـفرح ايــات
الزاكيه بالزاكيه مـبـــروك يــالــهادي
الزاكيه بالزاكيه صوت الوفه اينادي
ابيوم الحنينه
كـلنه اجــيــنه
---------------------
لـو نزلت امـــلاك الـسمــه هالـيله لاتحـــتار
اتعنت المولد فاطمه اتـهـني النبي المـختار
مو عجبه لو هالكون اجه وحول الزچيه دار
الباري بعظمـته الفاطمه ابمولدها خله اسرار
موعجب لامو عجب لـو وجــه انظاره
موعجب لاموعجب بيـها خفه اسراره
العينة العينه
كلـنـه اجـينه
---------------------
هـالكـون كـله منتـظـر يـتـرقـب ومـلهوف
واعله خديجه بهالمسه نزلت الحور اصفوف
مريم اجت من السمه تـريد الوجها اتشوف
ومن شاهدتها بالمـهـد گامـت عليها اتطوف
سبحت سبحت سبحانه باريها
سبحت سبحت جلَ المســويها
والفرحه بينه
كلنـه اجــيـنه
---------------------
بيت الرساله يزدهـي وبـي حفت الاحباب
وهـَم النـبي لمـن اجـت بـنته الوديعه ذاب
يالـتسأل انـته عالفـرح معـروفه هالاسباب
شعت شمس بيت النبي وليل المأسي غاب
انورت من انورت عالدنيه محلاهه
انورت من انورت بنــت النبــي طه
شعت علينه
كلنه اجيـنه
---------------------
من گـبل مولد فاطمه چـان الفرح محجـوب
ابشاره اجت من السمه للمصطفى المحبوب
جبريل اجـه ابهـذا الخبر ويه المَلك مصحوب
الله ذخرلك فاطـمه ابساق الـعرس مكـتوب
يامحمد يالنبي الكون ابتهج بأسره
يامحمد يالنبي تســتاهــل الزهــره
ومباركينه
كلنه اجينه
---------------------
الليـله الفرح عـم الارض والـدنـيه مسروره
ومنزل خديجه والنبي املاك السمه اتزوره
اشـصاير ابمكـه يابـشـــر متــغيـره الـصوره
گـالو وجـه ام الحـسن شـــع وبـــزغ نـــوره
بيها اهلا ياهلا بنت النبي الغالي
بيها اهلا ياهلا انواليــها ونــوالي
مذخوره لينه
كلـنه اجـيـنه
---------------------
خادم اهل البيت
حيدر تركي الكربلائي
مولد الزهراء ع
.
.
.
فاطمـه انـواليها * انعادي اِليعاديها
---------------------------
فاطمه الحق الظهر . فاطمه نـور النظر . فاطم ام المنتظر
سمـعو ياعـذالها
فاطمه ايات وسور . يعني مصحف ونتشر . الي يبغضها كفر
والـي يبغـظ ألها
صرخه ونعليهه * انعادي اِليعاديهه
---------------------------
فاطمه اصل البسمله . فاطمه اهيه الزلزله . هيه قرأن انزله
الباري ويبـغضونهه
الهه اعظـم مـنزله . سرهه ياهـو الحلله . كامـله ومكمـله
ابيا مره ايساوونهه
اتفوق اِليساويهه * انعادي اِليعاديهه
---------------------------
فاطمه بنت النبي . ليش تنكر ياغبي . انته تتبع صاحبي
وانه اتبـع إلـه
هذا ديني ومذهبي . تبي انته ماتبي . افتهم ياناصبي
كلـمن واعماله
فاطمه امقلديهه * انعادي اِليعاديهه
---------------------------
فاطمه ام العلم . فاطمه اصل الحلم . فاطمه ومحله الاسم
ربنـه بي سماهه
احنه بيهـا نلتـزم . وانـته رايـد تنـتـقم . منه يالماتـفـتهم
يامعادي الطـاهه
بالدمـه نــفديهه*** انعادي اِليعاديهه
---------------------------
فاطمه سورة رعد . ولايــشبـها احد . وقـل هـو الله احد
اعلـم ابمضـمونها
الباري بالكوثر شهد . لا ولا منها انوجد . مـَنولد منها بعد
وهمه الِيعرفونها
الجنه صك بيديهه * انعادي اِليعاديهه
--------------------------
فاطمه اليوم وأمس . فاطمه بيها نحس . فاطمه انحسها الشمس
هيه نور اعيونه
فاطمه اعظم درس . واحنه مـنها نقتبس . ليش كل هـذا البخَس
يامـن اتعـادونه
ابحاظر وماضيهه * انعادي اِليعاديهه
---------------------------
فاطمه الزُهره وزُحل . ياهلا بلي قبل . والي مايـقبل زعل
كلمن وعقلـيته
الفاطمه عزه وجل . كونه بيديها جعل . نوره بالزهره اتصل
امن الـنبي ابذريته
واحـنه الِنوافيهه *** انعادي اِليعاديهه
---------------------------
خادم اهل البيت حيدر تركي الكربلائي
تعديل 👇👇
ام البنين ع تقول
.
.
.
نسيت اعيـون عندي ومانسيتك
يمصحف فاطمه انيالي وقريتك
حفظـتك ايه ايه
ولــكـن بالنــهايه
فجئه اگبال عيني مالكيتك
_
اول ما قــريت ابـــاسمــك الطــاهر
بمصحف فاطمه گمت اكسر الخاطر
بعــد البــسمله رائــساً بـــده العاشر
ابصدر الايه اقــره يســحگ الحافر
قــران الزچــية ايـاذي الگـــلوب
صدرك منخسف بالخيل مكتوب
اسم الله امن الرزايه
ولــكـن بالــــنــهـــايه
فجئه اگبال عيني مالكيتك
_
صرت صحراء واحتاجك علي تمطر
يغيـــمة خير تحــتك بالامــان اشعر
اتاني ام البنيـــن ويمـــته بيهـا اتمر
اخلافك چـني خاتم ما الـه خنــصر
الوكــت عگبك احــسن چـنه سلاب
الچنت محتميه بيه خلوه عالتراب
يعلام النوايه
ولــكـن بالنــهايه
فجئه اگبال عيني مالكيتك
_
يجــيني الليلــ وبــطاريك اضـل اسهر
واشوفن ليلي اسود ساعه اشوفه احمر
ابغيابك عـــبره چـــن ابصـــدري تتكسر
وحــــق الجـــثه ذيــج الظـــاله بالــــحر
استغاثيت وابد مــاكو استغاثه
لمـــن جتـــتك ظــــلت ثــــلاثه
على گاع المنايه
ولــكـن بالنـــهايه
فجئه اگبال عيني مالكيتك
_
قبل ما اوصــل اخــر ايـه بالمــصحف
اخــذني خــوف ابــدن لاميتــــوصف
قـــريت حسين باچــر يذبـح بالطــف
وگلبي امن النبض گمت اشعر اتوقف
الحياة وداعتك من غير الحسين
يبو السـجاد لاماتـــسوه فلســين
ياراعــي العنايه
ولــكـن بالنــهايه
فجئه اگبال عيني مالكيتك
_
فداك الاربعه وامهم فـده اعيونك
بــس سالم يــيـمة اتــرد الي كونك
يذبحــوني يريــت اولا يــذبحونك
مشـــتاگتلك ابــــگـــــد اليحــبونك
تــدري ام البنـــين اتحبك اهواي
لذلك من رحت ماعندي ظل راي
بديت امن البدايه
ولــكـن بالنـــــهايه
فجئه اگبال عيني مالكيتك
_
حيدر تركي الكربلائي
مقدمة ليلة ام البنين ع
.
.
.
الفاگدله محبوب .. لـو صـار الغـروب
گلـبه تـره يذوب
مـن گــد الفراگ
---------------------------------
المامچــوايين مـثلي ومــا امتــانين
بطـلي نـوحچ كافـي گــالو لاتــونين
امن الدرب موكافي وگفه يم البنين
ذوله حقــهم نــار گلــبي مامجربين
والعنده محجوب .. لــوصار الـغروب
گلبه تره ايذوب
مــن گــد الفراگ
----------------------------------
زارعه اعيوني اعـله درب الغاضريه
ونار فگد احسيـن چنهـا اتچوي بيه
اوف من يلفــيني وكــت المــغـربيه
انه احس حـته النفس يصعب عليه
البالحسره مصحوب .. لو صــار الغــروب
گلبه تره ايذوب
مـن گـــد الفراگ
---------------------------------
اليشــبه ام الاربـعـــه بدمــوع خــده
خـل يحضـرله چـفن هسه اعـله گده
المنــجـرح دلالــه دلالــه اشـــيــشده
وگلبي هجر حسـين كل ساعه يمرده
والمثلي محسوب .. لــو صار الـغـروب
گلبه تـره يذوب
مـن گــد الفراگ
----------------------------------
المثلي الله ايساعده الـفاگدلـه غالي
من يصبره وعـاميه اعـيونه اللــيالي
البيه سامع عالحچي ون اعله حالي
المابچه كل عمره طگ گلبه وبچالي
والحزنه مكتوب .. لــو صار الغـروب
گلبه تره يذوب
من گــد الفراگ
----------------------------------
اتراب طييه ابكثر ماحس ابحنيني
ظل يـون اوياي چــيه يسمع ونيني
الــناس ظــنها امتـانيه اربــع بنيني
وانه كــل همــي ابو اليــمه يجـيني
والعمره مسلوب .. لو صار الغروب
گلبه تره يذوب
من گــد الفراگ
----------------------------------
حسـين عني بعيــد وگريبــه المنيه
خاف تـبقه بــشوگه نيــراني سريه
نــاذرتــله والله مــن يــرجــع الــيه
روحي اطشنها اعله جدمه واهليه
الگاعد بالدروب .. لو صـار الغروب
گلبه تره يذوب
من گـد الفراگ
----------------------------------
خادم الحسين ع
حيدر تركي الكربلائي
لوفاة ام البنبن ع
.
.
.
خلصـت حـيـاتـي .. والمـوت اجـانــي
ومــن الـــزچــيــه .. خــجـــلانـه انــي
لا ازرگ امن الـســوط ظــهري
اولامنسحگ بالـخــيل صدري
خجلانه اني
____________
إي واربــــــع الأولاد .. وعيــون ابو السـجاد
دنـيه بلايــه حسين .. صــدگونــي مـاتــنراد
يمتـه امـوت ونـلتـگي احــنه سـويه
بس خوفي انه من عتب امه الزچيه
لامن عطش رويت .. ولامن شمس غطيت
وجروحه ماداويت .. اشـگد بالندم حسيت
فوگ الترايب .. ماتركــه نــايم
وافرشله لازم .. اربــع عــمــايم
ماقــدمـت لحسـيــن عمـري
اولامنسحگ بالخيل صدري
خجلانه اني
____________
متحــسفه يـاهــالنــاس .. مـارافــگــت عــبــاس
حتى افدي انه احسين .. عــن جـسمه لايـنداس
بالله شـجانــي ومارحت للـغاظــريه
حتى الخيول السحكته تسحگ عليه
وصدري العده ايرضوه .. وطحن الرحه ايطحنوه
وفوك الثــره ايطشروه .. بــس ابـــنــي مــيــأذوه
وأقبــل سبــيه .. مـــــو الـــه مـيــته
ابدرب السبايه .. امشي اويه اخيته
لابالحــبل مـشــدود نحـري
اولامنسحگ بالخيل صدري
خجلانه اني
____________
وجهي اوديه وين .. وبـاچـر اغـمــض العـــين
مستحيه ياهالناس .. شحچي اويه ام احسين
المفروض اروح الـكربله اشخلاني بالدار
زيـنب احاميـها واذب روحـي عـلى النار
شيرجعه وكتي الفات .. واصــرخ يعــلــويـات
الأيديـها محــروگــات .. اطــفــيها بالدمـعــات
اربــع بـــنيـني .. صح قدمتهم
اشبيه وشجاني .. مارافـگتـهم
مـن فاطـمه شيـكون عذري
اولامنسحگ بالخيل صدري
خجلانه اني
____________
مـن الالـــف للـــيــاء .. لـو تعــتـب الــزهـراء
من حقها ام احسين .. حــزنــانه عــالحـوراء
زينب امـانه المفترض عيـني عليها
ونمشي سويه بالسبي وايدي بديها
لاچف الي محروگ .. اولاركـبــونـي الــنـوگ
اولاطببوني ابسوگ .. الهـذي الصدر مخنوگ
لو ناشدتني .. اشراح انه اگلها
عـن السبـيه .. شـتــعـــذر الـها
وعـن حالـتي الزهـراء تدري
اولامنسحگ بالخيل صدري
خجلانه اني
____________
لابـاليـسر حســيت .. اولابالشماته ادريت
اتمنيته كون الموت .. گـبل السبي ياريت
لو ناشـدتـنـي فـاطـمه بعــد المـنيه
اشسويتي يم الاربعه ابموتت رقيه
راح انه انزل الهام .. چيه ماچنت بالـشام
ومن تعـتب ابـألام .. صـدگـوني ماتـنــلام
بلكـي الـوديعه .. ترضه اعتذاري
من ترضه هيه .. تطــفيلـي ناري
شيخـمــد النــيـران تــسري
اولامنسحگ بالخيل صدري
خجلانه اني
____________
حيدر تركي الكربلائي
گعده لــ ام البنين
وصيه
(لــن تَــنالوا البِــرَ حــتى تُنــفِقـوا ممــا تُحِـــبون)
وانه اعز ماعندي ولدي وفدوه الك يانور العيون
اويه اللبن من رضعتهم
عالتـــفـــاني علــمـــتهم
(لن تَنالو البِرَ حتى تُنفِقوا مما تُحِبون)
--------------------
بسم دمع اعـيوني ابدي واحچي عمَا صار بيه
الكــبرتهـم بالمــتاعـــب والمــصاعب والاذيه
محــلل ومُــهوب بيهــم كون بس ترضى عليه
اي وحق جفني ومدمعه .. اعرف قليل الاربعه
يـــرادلــــك للمـــشرعـــه .. اخـوه للــعباس ميه
عَشره من يرحون منهم هم يضل وياك تسعين
حتـى ماينكـسر ظهرك عالشـريعه يـمه يحسين
لون عندي جندتهم
وعالـتفاني علـمتهم
(لن تَنالو البِرَ حتى تُنفِقوا مما تُحِبون)
------------
(اتقــوا الـــنارَ بــشقِ )تمــره وانـه هـــواي عندي
ولــذلك مــو بتــمــره جــاي اتــصــدق ابـــولــدي
انچان تحسبهم شويه وياهم انه احسبني جندي
ابعامود اهد وموعجب .. بالمعركه مثل ام وهب
لاموعجب بس العجب .. شحچـي للزهره بلحدي
من تگلي وين اديچ وايدي كلشي ماكو بيهه
شراح اگلها يبو اليمه وزينـب مچوايه اديهه
إي وحق الي خذتهم
عالتــفاني علمــــتهم
(لن تَنالو البِرَ حتى تُنفِقوا مما تُحِبون)
--------------
امن ازرعت بذره محبتك خضر العباس ياسك
وگتله انفاسك حسين تمـوت انته ابلا انفاسك
تاج راسك ابو اليمــه وغــيره ماكو تاج راسك
ربيته هـيچ امن الزغر .. وشــربته خــدر ام الخــدر
بشيلتهه گمطته شكثر .. حتى يعرف شنو حساسك
علي چان ايصيح بسمه الكربلائي الكربلائي
وانه ماگــله ابو فاضل چــنت اگله يالفدائي
بهالطريقه هيئتهم
عالتــفاني علمــتهم
(لن تَنالو البِرَ حتى تُنفِقوا مما تُحِبون)
-------
وداعتــك يابو اليمــه باچر امــن ايصير عاشر
ومايضل عندك صديج ومايضل عندك مناصر
اربعتــهم تحت امــرك ولدي ســـويهـم گـناطر
بــس المهــم تــرجع الي .. يابو عــلي يابــو عـــلي
من تبطي تدريني ابتلي .. وابقه مكسورة الخاطر
الدنيه ريح وريح صرصر وانتَ تدري چني ريشه
العيشه عــگبك مستــحيله وراح ماسمــيها عيشه
واسأل اولادي اربعتهم
عــالتــــفــاني علمـــتهم
(لن تَنالو البِرَ حتى تُنفِقوا مما تُحِبون)
----------
مــن احــط بكفه ولــدي سيدي وحــبك بـكفه
حـبي يرجح عـلى اولادي مــن كـثر مابيه لهفه
اليوم حالي حال واحد عنده ميت وعنده زفه
كودن نطيت اربع ولد .. وچـي رايح انتهَ وماترد
دلالـي احــسه منمــرد .. ويبــني من هــسه توفه
ان شاء الله ترجعلي انتَ والولد لامومهمين
ولوتــرد سالم ييــمه بعــد شــتريد ام البنين
فدوه الك من قدمتهم
عالــــتفــاني علمتـــهم
لن تَنالو البِرَ حتى تُنفِقوا مما تُحِبون
--------------
حيدر تركي الكربلائي
يبو ذاك المضيف العامره ادلاله
خــالي مايــرد كـــلمـن اتعـــناله
-------------
اجيتــك مو بحــاجه جايـك مسير
بمضيفك شفت بس الزين والخير
عــد يمــناك گــاعد حــمزه الزغير
واليگــعد بصـــفك الـــف هـنياله
-------------
مضيفك حيل واسع ماتحده احدود
والديــون عامــر والضــيوف اتــزود
اهناك ولن دخل عبد الرضـه الرادود
يبــچي وحاط لــَسه ابرگبته اعگاله
--------
يبچي وبيه احسن جمره من عاشور
العفو مو جمره يمـكن چان بيه تنور
شمسويه الطــفوف بكاظم المنظور
واهــي بــس گلــي يالميــمون چتاله
----------
چتــاله ويــريدلهــا بــعد مجهود
وانه بهالسوالف شاهدي موجود
وحگ عبود غفله وهالاجه عبود
وسئلــه كربله اشـــسوت ابدلاله
______
اسئــل سيــدي العدلــين والميتين
ذولــه الليله يمــك كلهــم امسيرين
ذوله اهل الرميثه وشيخهم ياسين
ياسيــن الدمــوعه اعلـــيك هماله
----------
الكرم نعرف شجاعه مو كلام السان
وهــذي شيمــتك ياســيد الشـجعان
مضيــفك ياهله ويامرحـبه وفنجان
ياشيــخ المعــزب المـــوت بطـفاله
-------------
ياشــيخ الــذي نـايــم عـلى الغبره
ومخلي اليخـدمك صـاير اشـكبره
فقــره من اجينه وهسه مو فقره
غانيــنه وتــوزع بعـــدك اچــماله
------------
بعــدك فـــاك بـــابــك لليـــجي خــطار
ترس تترس شليله الينطي الك معشار
اذا مـو انــته ياهـــو سيـــدي اليـــنزار
الـــك والــغـــير ابدن ما اتـــنـــــعنـــاله
-
اجيــت ازغــير اذكر حيل للخدمه
وبس طبيــت ديــوانك صرت زلمه
انعم الله اعليك يالواهبني هالنعمه
امروتك كون اموتن على هالحاله
----------
حيدر تركي الكربلائي