7934
لنشر قصائد مناسبات اهل البيت
أنا أتشارك 'قبلة عني لو ماقبلة عني الوادم تجليبه' معك
Читать полностью…
ليلة الوحشه
.
.
.
صحت يالمــاخذ الحيل وينك
يبعد اخـتك اجــه الليل وينك
حــــاچيــني يعبــــاس وينك
***
اتــبدت اعيوني بشلـيلي امن الظهر لســه تكت
تدري عكب الاخو خويه ضايعه تصـــير الاخت
گلــت يفزعلي امــن اصيـحن ياكفـيلي اتسلبت
تــالي شــفت الغربه فــزعت اله انتـــه ماشفت
وجـو بالخـــيم نـــار وينك
يالمــن الهـوه اتغــار وينك
تدري اشسوت الناس وينك
***
طشرت روحي بطريق المشــرعة وكـت الظهر
گـــلت بلكــت يشــم عطري كافلــي وبيـه يمر
الشــمر شال ايده علــيه وگـتله لو زلمه انتظر
هــسه ابوفاضل يجــيك وگـالي آيســي الشمر
صدگ ماترجع اردود وينك
صدگ گطعوها الزنود وينك
صــفيت ابلايه حراس وينك
***
اعذرني مو قصدي اعاتب لا وحقك يالگمر
ولا اريد بكلمــة اجرحــك اني مومثل النهر
حچايه بس اسمعها منــي يمن فرقنه الدهر
خــيمة اخــتك يابوفاضل مابقـى الها اثـــر
يالغــافـــي عالــتراب وينك
يحرسون اختك اجناب وينك
ثنيــتك زحــمه تنـداس وينك
***
غوربت شمس الطفوف وعيني صوب المشرعه
الدللـــتهــا الخـــدرتها اتــانــي لـــسه امــــروعه
بــس تعال وهــــاك اديــه يلـــي اديـــك امگطعه
وخــاف زحمه من تشوف اســـياط بيـهن طابعه
البيــهن شالت ايات وينك
شبعن خويه چويات وينك
الناس بلايه احساس وينك
***
شامت اعــله الخيمه عده يالاخــو وگلبي مرد
صحت وينـــك ياكفيــلي وصاحلي مــاكو احد
لـــو عدل لمـــن ســـلبنه اخيامــكم چــا ماگعد
السانه من سيف الذبحكم يابوفاضل چان احد
ســَمــــعـــوني يـكــــفال وينك
الحچي المامر على البال وينك
واعــــرف بيــك حـساس وينك
***
امروتك ياخويه گلــي انتــه ميـت لو عدل
شهم يالـكـــلك مــحنه تعــوفني لا موسهل
انچان ماترجعلي احـَـــضر راح اديه للحبل
وهالحچي ادريبه يوجع على المثلك يانفل
للمــســتوره مـــيلوگ وينك
من تمشي على النوگ وينك
وعليه عيون الارجاس وينك
*
حيدر تركي الكربلائي
شور
صل الله عليك ابا عبد الله
صل الله عليك ابا عبد الله
-----------
حنيني .. وآنيني
يا أول جرح عاش بوسط روحي الاسيره
لگيتك .. وقريتك
موسوعة حـُسن وتبعثرت فوگ الحصيره
المصيبه .. عجيبه
صدرك منسحــگ بس تارس الدنيا عبيره
واهبني الحــياة .. ياجرح الحچايات
يالشايل صفات .. اعظــم من الايات
بعيونك ابات .. وانته بصحاري تبات
يالغامرني ابافضالك / شـــگد حنيــــه بــــدلالك
ابا عبدالله
اخجل من الفي اگبلك / يالخير امن الله ابجالك
ابا عبدالله
كل هـــذا وبس انعــالك / يالمتـگطعات اوصالك
ابا عبدالله
------
يجنه .. ومحنه
يا اصدق عشگ واترف اسم بعيوني الاثنين
خليلي .. بدليلي
غيرك ماسكن ياسيـــدي بــس انته الحسين
يغالي .. الليالي
كل ما اسدلت تفضــح تره عـــيون المحبين
تتفايض حنان .. يالغــالي عالتربان
ياصوت الاذان .. حيه على الاحزان
من فوگ السنان .. وتـــرتل القــران
يا احزاني وبسماتي / يا افراحي وآهاتي
ابا عبدالله
يمك تعجز كلماتي / وبوصفك حاير ذاتي
ابا عبدالله
لو مريت ابصفناتي / راســا توكع دمعاتي
ابا عبد الله
-------
بالاحلام .. الآلام
ودتني الك يالمنســلب بالطــف جمالك
جرحات .. ومعانات
ياوجه السمه شو عالارض غافي هلالك
والاشلاء .. بالارجاء
اتمنيـــت انه عالغبره وذر صــاير بدالك
يامسك البقاء .. شو غافي عالرمضاء
مسلوب الرداء .. ومــقطع الاعــضــاء
اني وكــــربلاء .. نبچي علــيك ادماء
مذبوح اعليك احساسي / يامـــن ســــاكن بنفاسي
ابا عبدالله
انسه احبابي وكل ناسي / وبس شخصك لامانسي
اباعبدالله
ياتـــاج الشلــــته بـــراسي / بيك افـخر يانوماسي
ابا عبدالله
صل الله عليك ابا عبد الله
-----
حيدر تركي الكربلائي
قصيدة ليلة الاكبر
ضمه والحومه والحر وشايـل ابنــه الأكــبر
يمشـــيله خـطـوتين
ويعثر جدم الحسين
وتصــور المنـــظر
***
آ يامأســــي كـــربله آ يامــصــايب عــاشـــور
لوعــاتها ماتنحمــل بيهــا أبو اليــمــه مكــسور
اشحال اليشوف اعله الثره ابنه المدلل منحور
وشماته وبنبرة فــرح صاحـــو بالاكبــر مأجور
مگطع وشيشيله لم ابنــه بشلــيله
وكل ماتهــمل العين
يعثر جـدم الحسين
وتصور المنظر
***
ريــحانه وتـــراب الظهــر مايرحـــم الريحانه
المگطوعله بالطف غصن تذبل جميع اغصانه
ياركن أبو اليمــه وطحــت وتضـعضت اركانه
الميتله ابن يـشبه علــي ايفـك للبچــي بيبانه
گوه حسين يمشي رايح مــنه كلـشي
ومن يسمع علــي وين
يعثــر جدم الحسيــن
وتصور المنظر
***
امن الحومه لحدود الخيم خل نحسب اشكم وگعه
يمكن عـــلى الأكبـــر علـــي وكـــعاته صارن تســعه
كلما يطيــح اعلــــه الثـــره ويــرجـع انوب يجمــعه
يفــگدله مـــنه اشچـــم جــزء الحد ماتلاشـه ربـعه
لايگـــدر ينــزله ولا يگدر يوصله
وبين احچايه مابين
يعثر جــدم الحسين
وتصور المنظر
***
محتار أبو اليمــه رجــع وستقبلــنه الخـيمـات
وللخــيمه اذا طب بـعلـــي شيـصير بالعلويات
يگلهن عدل وينه عدل بيا صيغه يقنعهن مات
بشـفاف أبو اليمه وسف ماتـت جميع الكلمات
انهد حسين حيله شيحچي لمه ليله
حاير يبتـدي امنين
يعثر جدم الحسين
وتصور المنظر
***
يتفايض احزان والـــم وحسين جرحه شكبره
ساعه يشمه بمنـحره وســاعه يــشــمه بصدره
ايحاچي ابنه ودموعه تهل لكن ادموعه حمره
مكسور بس مو أي كســـر كســرة الأكبر كسره
منين ايجيب راحه التتــفايض جراحه
الأذنــــه كلمـــــتين
يعثر جدم الحسين
وتصور المنظر
*
حيدر تركي الكربلائي
قصيدة گعده
للوداع
.
.
.
ودعـتني ودعـتني .. خويه لمن ودعتني
اتبدت عــيوني سـوالف يابوفاضل
وهالسوالف چوت اخدود المحامل
خويه لمن ودعتني
***
اخ يالـــيــلة اوداعــــك اخ ياليـــلة العـــاشر
باچر تفرق شملنه ومــن عسن لاجــاني باچر
خاف مابينك وبيـني يحول ياباالفضل حافر
وعطر الاخوه ينحجب .. عالخيـمه لمن ماتهب
معناها زينــب تنســلب .. ومايرحموها العساكر
من گـلتلي من گــلتلي .. اوداعت الله من گلتلي
السمه چن طبكت على اختك يكافل
وهالسوالف چــوت اخـدود المحامل
خويه لمن ودعتني
***
الليله فــوگ المـني تخفگ رايتك راية مهابه
شلون اضل وَحــدي خويه لاخوان ولا گرابه
الميــت بكربـــله تدري الوادم تسـلب اثــيابه
شحال التضل ابلا ولي .. شتسوي لمن تنولي
بكربله ياضــنـوة عــلي .. مــو بنـي ادم ذيابه
ايفرهدوها ايفرهدوها .. اخيمنه خويه يفرهدوها
ارد اوصــلك يخــو زيـــنب رسايل
وهالسوالف جوت اخدود المحامل
خويه لمن ودعتني
***
نار الموادع مسعره خويه حـــدر اضلوعي تلهب
تريد ترحل يابوفاضل هم حسبت احساب زينب
انته من تروح باچر على متنــي الســـوط يلعب
وين انطي وجهي ياگمر .. ياخويه من جور الدهر
لمن تــطيـح اعــله النـهر .. انضرب وانگاد ونسب
الدللــتها الدللتــها .. تروح اسيره الدللتها
امگيدات اچفوفـها خـويه بسلاسل
وهالسوالف جوت اخـدود المحامل
خويه لمن ودعتني
***
الغيره عند الناس گـطره وانــته شـايل نهر غيره
انته صــح واحد ولكـن زينــب تحسبــك عشيره
من تروح احسب احسابك هيه هم اتروح اسيره
وعنك يخويه امن انسأل .. شحچـيلهم ياباالفضل
مــيت اگلــهم لـــو عـــدل .. حيـره ياعباس حيره
ياكفـــيلي ياكفــيلي .. شنهو رايك ياكفيلي
ترضى ابقه بحيرتي يابــو المراجل
وهالسوالف چـوت اخدود المحامل
خويه لمن ودعتني
***
شمگــصر اللــيل بوداعــك ياكفيــلي ابــساع وشل
انچــانك ناوي الرحيــل امــودع الله خـــويه ارحل
لچن شوف شلوني يبچي على حال اختك المحمل
صح من خشب لكن يحن .. وسمعته من گلبه يون
يتفايــض الزينــب حــزن .. باچـر امن اتروح للتل
عالوطيـــه عالوطـــيه .. تشوف اخوها عالوطيه
بجسمه الـف وتسعمية جرح شايل
وهالسوالف جوت اخدود المحامل
خويه لمن ودعتني
***
حيدر تركي الكربلائي
قصيدة الاكبر
.
.
.
ياواحد يأوحد جمالك بلا حد
كأنك محمد
***
يالاكبر ياجـــماله بــيـه هيبه وجلاله
الوجه جنة .. ونبي چنه .. بس عوزه الرساله
ضيك يجلي كل هم وللمجــروح بلسم
على رسمك .. على اسمك .. صـل الله وسـلم
مو اية عن العين لا اَقــره جزئين
لاتنحــسد وتروح من ايد الحسين
اليشوفك تشهد جمالك بلا حد
كأنك محمد
***
وجـهك نـــور شــايل السابع سمه واصل
ابمــعانيه .. طـبيعيه .. الشمس خدك تغازل
يلـكبر انتــه الأكــبـــر اگبالك كلشي يزغر
يالمضوي .. شنو يسوي .. لو شافك العسكر
يصفن عليك الجيش چن صفنة اصنام
للحومه مــن تروح يبـنـي الــبـس الثام
الجمع ماتعــود جمالك بلا حد
كأنك محمد
***
سماء الطــف مكانــك والعــاشـــر زمـــانك
يسالفتي .. ويعاطفتـي .. المـاتـركت حــنانك
بـصوت النـــبي أذن وعن صمصامك اعلن
يهابونك .. يـعرفونك .. فـــن الحرب تــتــقن
يايوسف انتـــه بيوم تگـــبل عليها
من حسنك الجيمان اتگصص اديها
ضيـائك تـوقد جمالك بلا حد
كأنك محمد
***
عسكـــرهــم يعـــاين يالكــلك محــاسن
يلاگونك ؟ يعوفونك ؟ الجيش بهاي صافن
المـن عـــدهم تــقـدم يــرجع سابح بدم
من اتذلهم .. علي گلهم .. مــن الغـري قادم
من كربله ايفرون ثلثين الجنود
بس گلهم الكــرار رد الكم ردود
عليــهم تــسيد جمالك بلا حد
كأنك محمد
***
يـصـــورة نبـــي بالـــطف بهيئة علي تُعرف
وحي الرحمه .. لبو اليمه .. جابك اله مصحف
جــمــــالــك ايــــه ايــــه يمضمون الروايه
يطشرونه .. ويسحگونه .. شگــد مُــره النهايه
اكبر جرح بحسين جـرحك يالاكبر
شيلمك من الـگاع وجــسمك توذر
ودليـــله تمرد جمالك بلا حد
كأنك محمد
*
حيدر تركي الكربلائي
قصيدة القاسم س
.
.
.
ابلا نــور جسـام شو ضلمه الخيام
بـس لا عالتـراب وجـه الشمس نام
***
ام وحقـــي اسئل .. على وليدي المدلل
محد شاف جــسام .. بالـــوادم اتــوسل
ابني اليوم عرسه .. محـتاجين شــمسه
جاسم شايل انـوار .. معصومين خمسه
بوجناته الضوه يبات .. وحچـاياته ايات
كلــشي ولا تگــولـون .. ابنچ مايرد مات
ما احـــمــل آلام شو ضلمه الخيام
بس لا عالتراب وجــه الشمس نام
***
يهل اخيام الحسين .. جاسم وين ماوين
نـــــذر لو رد للـخيام .. احني دربه مرتين
اذا لا مــايجيـــنـي .. يذبــحني حنــــيني
تشيب روس الطفال .. مـــن تسمع ونيني
وين حــسين عمــــه .. بس وصلوله كلمه
گلوله اعله جــــسام .. راح تــموت امـــه
مو كت الاحـلام شو ضلمه الخيام
بس لا عالتراب وجـه الشمس نام
***
شــو ضلمه رهيبه .. وسماء الطف كئيبه
يمكن غاب جسام .. الله شــمــــصيــــبه
من الخيمه اراقـب .. نـور الحسـن غايب
شـــوفو يالهـواشم .. بــس لا عالتــرايب
وين الله وتروحون .. وخبر منه تجيبون
گولوله تــره علــيك .. معمـــيات العـيون
مو ساعه چن عام شو ضلمه الخيام
بـــس لا عالتــراب وجـه الشمس نام
***
گلبي بهجره مذبوح .. مخــليني بـــلا روح
ام عريس الطفوف .. بــدل ماتفــرح اتنوح
ونها يفطر الاجبال .. الزمان وياها من مال
الام الفــاگده شـاب .. ميــضـــل الهـــا دلال
لوليــــدي وحبـيبي .. مـــنو ايطــفي لهيبي
نصيب الوادم افراح .. وانـه الون نصـــيبي
الرمله الفكـر هام شو ضلمه الخيام
بس لا عالــتراب وجـه الشمس نام
***
سوده الــــدنيا احســـها .. وتـفرق عـــن امــسها
الخيام الــبارحه تنـــور .. چـــي بيهـــا شمــسها
النفس حتى النفس ضاگ ..خــانـگ رمله الفراگ
وين انطي الوجه وين..الضوه جاسم من اشتاگ
يحــــچاية مـــحـــــنه .. يالــــشوفتــك جـــــنه
رمله خلافك تـــصـــير .. ونـــــه ابــــأثر ونــــه
امـــك متــــــنلام شو ضلمه الخيام
بس لا عالـتـراب وجه الشمس نام
*
حيدر تركي الكربلائي
قصيدة ليلة القاسم ابن الحسن ع
الامام الحسين ع مخاطبا اخيه الامام الحسن ع
راح راح .. البيدي علگ شديته
راح راح .. للـحومه مـن وديـته
راح راح .. امگـطــع الك رديـته
***
تلاگينه اعله گاع الطف انه وانته .. الحزن شفته
على وجـهك قضيه
امـــانه امنــت يمي علــگ جاسم .. الوكـت ظالم
خذاه من بين اديه
تباوعلي واحس تتفايض اجروحك ..على روحك
سوالف غــاضريه
اليشبهونه بعلي الاكبر تـره تــوذر .. وانـه اتــعذر
رجع لكن ضــحيه
راح راح گلــب الحــسين الناده
راح راح يالحسن عرس الساده
راح راح ودمعــي اله طشـــيته
***
اجتمعنه اجروح ومشابگ حچي خوه .. وبالكوه
نهضنه وكلشي يلهب
سيل ادموعنــه بي ينچـوي الـــبردان .. والتربان
من هالــحاله تنــحب
گــتله والهلاهل بالخيم خنـگه .. وحچي الحرگه
ايأذي خــويه زيـنب
الصواني البيها شمـع العافيه اتـطفت .. واتچفت
لـمن صاحـبها غـرب
راح راح .. احساس الفرح واحساسك
راح راح .. بكـــربله ذابــــل يــاســــك
راح راح .. عطـــشــان مــــارويــــــته
***
جاسم يمــي خــويه بـيوم أمنــته .. ســـالــــفته
الكـرم اشتــمه بيـــها
ومن گــد الشــبه مابــينك وبينــه .. ضوه اسنينه
وجوباً احرص اعليها
ولَمن صار المزامط اشـوفه اخيال .. بصفي وگال
نصــرتــك ارتجيــــها
عطــرك بيه ولا يمــكن افــرط بي .. لچـــن تدري
الشهــاده مشـــتريها
راح راح عطر الچنت اشتمه
راح راح فوگ الثره وشيلمه
راح راح المذبوح من شميته
***
وحق اعيونك ودمعاتك الــتجـري .. انكسر ظهري
لمــن عالغـــبره شفتـه
مو جاســم احس دلالي فوگ الگــاع ..طاح بساع
الضمه غافي اعله شفته
اوصلتله وچان عمري باقي بي لحضات..گالو مات
حسيـــن انخـــبر اخــته
طحت يمه جسد بس روحي بخيامي .. وچيه دامي
راســي بـــدمه لـخــــته
راح راح نور الهـواشم وسفه
راح راح ومتحني بالدم چفه
راح راح وچفي بدماه حنيته
***
منك روح اخذته وجبته الك مذبوح .. يالمجروح
ادري بـهــايه كـلفه
نـعم للطــف ذخــرته ســالفة خوان .. عالــتــربان
هسه الگيته وسفه
يمن كون بمنــيه اثنــينــه ميتــين .. ريت حسين
يــم جـــسام يغفه
اليودع مثل جاسم حقه من يموت .. والمبــخوت
بالطف يلگه حتفه
راح راح المتروس غيره ونخوه
راح راح بــيـه الزمـــان اشـسوه
راح راح ومـوضــوعه ماسديته
***
حيدر تركي الكربلائي
نزال ليلة ابالفضل
.
.
.
يـبوفاضل يبـوفاضل يبوفاضل يعباس
***
ملـكــنه فــكـــان الـعــفـــو منـــا ســــجـيه
هـــاي بمــكه اول مــره واخــر مــره هــيه
گلهم والحچي مشامر .. ويـنــه الراد يتأمر
وبفــقارك اليلصــف .. خلي الروس تتطاير
يبوفاضل يبوفاضل يبوفاضل يعباس
***
اذا سبعين الف جندي على الشاطي يصيرون
طــرف اردانــك اليــسـره وحقــك مايـحركون
يحنــظل مايجرعيونك .. توجـع خزرة عيونك
نص الجيش لا كـله .. مــوت احمر يسمــونك
يبوفاضل يبوفاضل يبوفاضل يعباس
***
يالمعـتبر يـكل الـكـل يبــيدك كل الانفـــاس
زردوم الجـمـع حـشرج لمن شــافك يعـباس
يمخلي الزلم خــرسه .. السابع ظهر ماتنسه
گلهم ذوله اليخذفون .. ملگاكم احس ونسه
يبوفاضل يبوفاضل يبوفاضل يعباس
***
يجبد العاصفه السوده وتطب غفله اعله جومة ريش
عاد اتــصور الموقــف منــو مــن الجــموع يعيــش
مايوگـــف ابوجهـــك ســد .. مـن اعله الجموع تهد
الاجت تمشي اعله رجليها .. بـتوابيت الاهـلها اترد
يبوفاضل يبوفاضل يبوفاضل يعباس
***
الماحســبو حساب الهــاي راويهم شـنو الذله
كاســر دمـهم اويه المــاي مــــن فقــارك تسله
اگطع سـبحة العسكر .. وكون بظلمه تتطشر
عـساها كـون ماتلـتم .. حتـى احسين يتبشر
يبوفاضل يبوفاضل يبوفاضل يعباس
***
غــــيـــرك أبـــــو راس الــحـــار والله مايســـمونه
اليــشيل اعـــيونه لخيـــامك انتـــه تشــــلع عيونه
الغيره بداخلك تلــهب .. تــوج الحــومه من تچهب
يـقره الفاتحه الروحه .. التسمعه يطري اسم زينب
يبوفاضل يبوفاضل يبوفاضل يعباس
***
الغــيره البــيك ما الهــا حـدود ولا الــها حسبه
مو بس گطــره البگصتـــك لايمكن ترس جربه
وفي وماظن وفي مثلك .. لا بعـــدك ولا قبــلك
يالمنــك فـــلا موجـــود .. الك هالمرجله ولهلك
يبوفاضل يبوفاضل يبوفاضل يعباس
***
حيدر تركي الكربلائي
قصيدة ليلة ابالفضل
.
.
.
عباس كل ذاك الحـچـي وين .. خويه
موگتلي ماعوفك يالحــسين .. خويه
حچي الشمات تدري
يـكسر خويه ظهري
يعباس
***
جبل بالطف چنت واگف
يــذاك الجـبل شــو ماكو اشعلامك
الضوه من وجنتك نازف
اول تالـــي ماتحچــي اويه امامك
بس لا نـاوي الـوداع .. يالنايم علـى الگاع
تره كل حيل الحسين .. ويـه يمنتك ضاع
حاچينــي يعـبــاس .. صلفه عيونها الناس
گوم شلون ماچـان .. عــن لا بيتي ينداس
لا مو وكتها اعله الثره اتنام .. خويه
عســكرهم اتــگرب للــخيام .. خويه
الهجر يابـعد عمري
يكسر خويه ظهري
يعباس
***
مشيت المصرعك گوه
وطحت يمك مدامع تعمي العيون
صــعــبه يابــو المـروه
العساكر دمع عيــني من يشوفون
صاح الجيش فرحان .. ماضلولك اخوان
وانــا وبالدرب جاي .. بديهم شفت نيران
خيـــمنه يحـرگـوها .. واختـنه ايسلبوها
الحرمه گلي شتصير .. المـا وياها اخوها
گوم انه اسندك ورجع وياي .. خويه
ولو ماتشوف انطيك عيناي .. خويه
الجيش ابلايه ذخري
يـكسر خــويه ظهري
يعباس
***
بوكعتك كلشي يلچمني
الهوه امن ايمـر عليه انچفي جروح
شعجب شــو ماتكلمني
عدل يا ابالفضــل لــو انتــه مذبوح
يبعد العافيه اشبيك .. ياصــوب اليـــأذيك
سهم عينك يعباس .. لو من گطعت ايديك
محتــاجك يــوفــاي .. مــامــحتاج للـــماي
تـــرد أرواح الـــخيام .. لمــن ترجع اويــاي
سولفــلي اذا تـسأل الشـــمات .. خويه
ابيا صيغه اگــلهم عالنهر مات .. خويه
الدمع لو گام يجري
يكسر خـويه ظهري
يعباس
***
اجيت وباقـيه بيه
اوشــالة حــيل جابتنـــي لجــسمك
لگيتك جثه مدميه
وصبغت الحيتي خويه بفيض دمك
مكانك مــوعالتراب .. مكانك بــين الاهداب
تره زيـنب والحسـين .. وراك اصبحو شياب
وراك ادموعي حمره .. وكسرتك والله كسره
عـود حســين ذبلان .. الهوه امن يمر يكسره
ياكشختي اگبــال اليكــرهون .. خويه
وحدي امن اضلن وشيگولون .. خويه
البعد لو صار قـسري
يكـسر خويه ظهري
يعباس
***
وحيد ابقيت والحومه
احسها اعيون مشبوحه عالخدور
اعـــرف كلمـن ويـومه
ولكــن هالخــدر محــتاج نـاطـور
الــخيام تريد كفـــال .. للمــوزمـــه شـــيال
ومن اتغمض العيون .. تتــــفرهــد الـــعيال
المن زينـــب تــروح .. وجـثه انته بلا روح
ممنوع البجي عليك .. يضربوها من اتنوح
ابلا محمل ايصعدوها عالنوگ .. خويه
شـــتسوي والــدلال محــروگ .. خويه
السبي من يلوح خدري
يكــسر خـــويه ظهري
يعباس
*
حيدر تركي الكربلائي
مقدمة ليلة العباس س
انسيت امصاب ابني وشاب ابســاع چفني
من شاهدت الحسين عالعـــباس محــــني
***
يليله .. زيـــنب نـــادت وكلشـــي تغـــــير
يليله .. ليــش حســـين بذيــالــه ايتعـــثر
يليله .. صحت ونسيت شوغة ابني الأكبر
تلگـيته ولگــيته بحــيــل مهدوم
جاي امن النهر يتــفايـض اهموم
اشو لحســين لا مــوذاك الحسين
طايح عالثره اعرفته امن الهدوم
امـترب الــنه راجــع يتــبـــده مـــواجع
منظر وجه الحسين فت كلبي وفجعني
***
چبيره .. حنية ظهر أبو السجاد الحسين
چبيره .. ردته امن النـهر يصفج بالايدين
چبيره .. زيــنـب من تگــله كافلــي وين
سكت كلــشي بخيمنه الا الدموع
وعن ابني التهيت بغيــر موضوع
شفت حســين لكن مختـلف حيل
شفته من صدگ هالمره مــوجوع
مابي حيل يوكف منه شماخذ الــطف
آ يـانار الحــسين تشب گلبه وتشبني
***
المصيبه .. من رد بـعلي الأكبــر للــخيام
المصيبه .. مامكـسور ظهره وشايل الهام
المصيبه .. جيته امن النهر يتفايض آلام
امصاب الابن ثاري يهـون ياناس
ومصاب الاخــو ضــرباته بالراس
الهذا السبــب رد حسـين مكسور
زيــن اهنــاك مامات اعـله عباس
شهگ بالعبره مرتيـن ولطم بيــمينه عالعين
عالعـــباس الحســين يالـــوادم هــظـــمني
***
بچينه .. وبچـــت كــــل اهـــل المــروه
بچينه .. ومــن ادموعنـه كلشــي تچوه
بچينه .. چيف حسين ظل ابلايه اخوه
قــلت حيلتـي صـــاح أبو السـجاد
العمر عكب أبو فاضـل لا ميــــنراد
احترگ من داخله ياويلي الحسين
احس گلبه اعلـــه أخيه صاير رماد
ضوه الخيمـات طافي الگمر عالشاطي غافي
الزمن ويه أبو السجاد هــد الــچــان مــبــني
***
المحنه .. يصــيح حسين راعيها عالتراب
المحنه .. متـغطي يوسفــه بـدم الخضاب
المحنه .. من تـــروح تجرح گلب الاحباب
خيمتنه الچـبيره حسيــن مهدود
كلما شوف حــاله مصـيبتي تزود
ثلث من گلبه الأكبر مــاخذ اوياه
وثلثين البــقن طاحن ويه الجود
والجـــود الكـــفاله صوت الون تعاله
حال حسين ياناس اكـثر شي يهمني
***
حيدر تركي الكربلائي
أنا أتشارك 'راح راح البيدي علك شديته' معك
Читать полностью…