7934
لنشر قصائد مناسبات اهل البيت
قصائد الغدير
.
.
.
غديــرياً من الذر .. اوالي علي حيدر
امير المؤمنين
*
انه بايعت الامير وچان عمري ثانيه
شفته جناتاً وعذباً وقطوفاً دانيه
علي واضح للعيان ولا لغز لا احجيه
واليبغضه قد اعدت لهُ نار حاميه
امام الدنيا اظهر ..اوالي علي حيدر
امير المؤمنين
*
تعلمت احچي الصراحه ومااجامل بالوالي
الاخو المابايع امامي اخو مااعتبره الي
عندي مقياس المحبه ويه البشر كلمة علي
افتهمني وافتهمني وافهتم يا عاذلي
شعار الحبي الاكبر .. اوالي علي حيدر
امير المؤمنين
*
انته مو بيدك تقدم علي وانته تأخره
السره السويته ابسقيفه انحط عليه اكس السره
قبل ماينخلق ادم الله نصب حيدره
يبقى اول ابو الحمله حتى لو ينحط وره
النهج لا مااتغير .. اوالي علي حيدر
امير المؤمنين
*
الصفر وين الالف وين بهذي لا ماكو فرق
الفرق مابين الصحابه وعلي هيج ينطبق
گالو الصديق ياهو گلت بس هوى الصدق
زحمة بالتاريخ جهده بهالسهوله ينسرق
واصبعي العلي اشر .. اوالي علي حيدر
امير المؤمنين
*
علي لو ماسيفه هسه الوادم تقدس الوثن
علي كل وگفه الوگفها الها مديون الزمن
ابن ود من گال يله احلوگ خرسه و ما حچن
وبالخلافه كلها تحچي چيف حق ابو الحسن
بعلن لا ما تستر .. اوالي علي حيدر
امير المؤمنين
*
الگتله أي يوم الغدير ال لاء ماگتله ابد
يشهد اعله الحچي هذا قل هو الله احد
أي وقد خاب المنافق عن علي من ابتعد
علي روحاً وريحاناً علي احلى من الشهد
اضل كل حين أزئر .. اوالي علي حيدر
امير المؤمنين
*
حيدر تركي الكربلائي
الوحشه
.
.
.
هـــلله هـــلله يــازمـــان اويـــاها
زينـــب اللــيله افگــدت ولـــياها
اه يازينب
***
زينب ابهالليــله مـــو زيــنب امس
من مصايب كربله انتــرست تـرس
حسين مرمي شـافته بحر الشمس
والخيــول اخــتارتـــه المـمـــشاها
اه يازينب
***
اختارته الممشاها متعمده الحصن
حتـى صدر حسينها اطحنه طحن
شلون گـلـي المــثل زينب تستچن
بـذبح اخــوها الـــوكت مـن لاوها
اه يازينب
***
الوكت عگب اخوانها وذاك الستر
وعگب مامنها الخــدر ياخذ خدر
امسـت وخيمــتها يحرسها الشمر
شــلون عــباس الشــهم يـرضاها
اه يازينب
***
امست وليل اهــدعش يامــصعبه
يـهل زينب جـفـن زينـــب شيــبه
حرمه هــم مفجـوعه هـم امسلبه
الوكت فوگ اخــوانـهـــا اتــولاها
اه يازينب
***
فوگ ذبح اخــوانها ونار الگــلب
اخت ابوفاضل عجـيبه تنـضرب
صعـب لا والله اكثـر مـن صعب
مگــيده يــــسراها وي يمنـــاها
اه يازينب
***
زينب اول تالـــي مگــيوده الادين
زينب اول تالي ملطــومت العــين
زينب وعگـب ابوفاضل والحسين
اليســـوه المايسـوه شــو حاچـاها
اه يازينب
***
دموعه اعله اخـدودها انـهــر تسيل
والشـــماته بالحــچي گامـــت تعيل
التفتـــت ولا أبـــو اليــمه ولا كفيل
ايــرد لســن نــاس الـحقـد شرواها
اه يازينب
***
ناس بس هالــناس لاذمه وضــمير
المـثل زينــب تنــسبي عدها يصير
وأبو اليــمه مگــطع وفـوگ الهجير
المهـم يـرضه ايزيد عــن طــرواها
اه يازينب
***
حيدر تركي الكربلائي
الوداع
.
.
.
مااگدر اتحمــل هجــر تدريني مااكدر
احتاجك بكد الهوى لا والله هم اكـثر
من تروح .. ياحسين
يعني گول .. تنسبين
لا والله هم اكثر
***
ودعـتــــني وألمــــــتنـــي
وكلشـــي بوداعك بده اينوح
الخيمه ونت النوگ حـــنت
والحچي شو چــثنـه مذبـوح
عني بس تلتفت خويه الدنيا تستـقوي علـيه
الچانت مدللـه بجالك باچــر اتصـبح سـبــيه
باچر ابلا ايدك امشي الحبل ينشد فوگ اديه
الله اكبر من تـجــي ظـــهـرية الـــعاشر
الماعنده والي ينسحگ ويروح بالحافر
ذوله ناس .. بلايه دين
يعني گول .. تنـــسبين
لا والله هم اكثر
***
گتلي رايح والنــــوايح
تفزز الموته البالگبور
بالمــــخيم كلشي غيم
وكلشي متعلگ بالنحور
وداعك تمنيته اخـر يــــوم مــن أيــــــام عمري
گلب بنـيـادم العندي مو حجـارة وانـــته تدري
باچر الي ادوس صــدرك ريت هم ادوس صدري
بالخوه حلفتك واحــس ماذيتك الخوه
ترضاها اضلــن وحــدي ياراعي المروه
صعـبه هاي .. يالحنين
يعنــي گول .. تنسبين
لا والله هم اكثر
***
انــــته يمي وگلبي مدمي
والنفس اتنـــفسه ابـ آه
شلوني باچر مــن تـــهاجر
والشمر نــاده ذبـــحناه
خويه من الخيمه للتل دهـري عالحــيره يذبني
واصرخ اه يحسين خويه ان كنت حياً فـأجبني
انچان صوتك مايردلي يـعني ذباحـــــك سلبني
واليسلبك يابوعلي هم يســــــــلب اخيامي
سولـفلي وين انطي الوجه والغــربه كدامي
والكفيل .. بلا اديــن
يعني گول .. تنسبين
لا والله هم اكثر
***
ماعـفتني علمتـــني
شلون أعيش مدللـه اوياك
ياكيـــاني وياحناني
مو سهل وتريدني انساك
هوه انته شلـــون واحد يگدر يــــفارگ عيـونك
حچاية الفرگه چــبيره وتـــــدري مااگدر بدونك
صعبه عيني تشوف جثتك بالسيوف يگطعونك
خليني اشمن منحرك حد گطعت انفاسي
باچر يفـرقنه الذبح يااغلــــــى كل ناسي
ذوله ناس .. مـحزمين
يعني كول .. تنســبين
لا والله هم اكثر
***
احچي بالهم وگلبي الزم
في امـــان الله من اتگول
يعنـــي گلي ماتــــردلي
وفرگتــك ادريبها اتطول
ريت لا صبحني الله و ريـــــــتني عالموته انعد
ولا اشوف الخيل خويه على صدرك لمن تصعد
انا بالبــــــيداء اركـــض وانته بالبــــيدا اموسد
مـنا وصـــــاعد يالاخو تبـــــدي معـــــــاناتي
بالسوط خويــه انضرب بــس تجري دمعاتي
ها يخوي .. شو حزين
يعني گول .. تنســبين
لا والله هم اكثر
***
حيدر تركي الكربلائي
ليلة الاكبر
.
.
.
لافتــى الا عــلي في كربلاء / قـُل لهم
اليوم ذو الفقار اروي بالدماء / قـُل لهم
القبــل مـاشاف حيدر
يجي ويـشوف الأكبر
قـُل لهم
***
احچي شمـا يـدور بخاطرك ويجول
وگلهم اني عن هذا الحچي مسؤول
الموگد الملاگه وخوفه بــي خيگول
انا ابن المخـلي الـروس چــنها تلول
ابويه قالـــع البــــيبان .. ابويه مرعب الشجعان
ابويه الچــان بالميدان .. اهلـكم منــــه تتراجف
في زمان البي اهلكم يرجفون / قل لهم
والـدي يقلــع ابـيبـان الحصون / قل لهم
اليگلـــي شلون يكدر
يجي ويشـوف الأكبر
قل لهم
***
رد صـفــينـــها والجــــــمـــل والأحــــزاب
ومـن الخـــوف خــــل صـبــيانهم شــياب
احساب الجيش بيدك وانته راعي حساب
تـجــي والطــــوع امــرك تنحـــني الركاب
فقاري گلـــهم الأوحــد .. فقاري ودومـه مايبرد
فقاري عالحچي يشهد .. يعــرفنه منـــاحـــركم
انـه اريد الحوك وثكال الرجال / قل لهم
المثل ابن ود فقط يبرز للقتال / قل لهم
خل هالجيش يحضر
يجي ويشوف الأكبر
قل لهم
***
صـيح بصـوت وخرسهم بهذا الصوت
وگلهم موت دربـي من يــريد ايـفـوت
اعرف منو ايريد يعيش منــهو يمـوت
وخلي براحتك كــل عشره فـد تابوت
يالاكبر مـــن تقـاتلها .. يالاكبر شل مفاصلها
يالاكبر تالـي زلزلها .. وطَـيح يابس واخضر
الطالعه ضد الحسين بأختصار / قل لهم
اليوم لا توبه تفـــيد واعـــتذار / قل لهم
لذي بصــمصامه منغـر
يجــي ويشوف الاكبر
قل لهم
***
راويــهم عــلي نيــرانك التـــلهب
وگلهم من تــسل سيفـك المذهب
جمع سبعين الف خــلوك تتعجب
مابــيهم كفـو واحد مـثل مرحب
زلم بس بالاسم وسـفه .. زلم بـس هيه موكلفه
زلم بالخــوف معــترفه .. لاتـــاخــذ ولاتنــــطي
المادرو بالمعــركه فحل الفـحول / قل لهم
اليوم كلها اتطيح خياله وخيول / قل لهم
اليريد تــرابهــا احمر
يجي ويشوف الأكبر
قل لهم
***
يالاكبر اعـلن الهـم من تكـون انته
وخل يـسمع الجيش اوله واخـرته
وكلهم ساعــدي الكــربله سخــرته
بس حسين شفته وغيره ماشفته
امامي والحچي يسوه .. امامي ومنحري فدوه
امامي قـدوه والـقدوه .. لجـله ارخـص سنيني
هيه وحده ومختصر ها هالكلام / قل لهم
هيه رگبـه وافتـدي بيهـــا الامام / قل لهم
منو الـبي زود واشـر
يجي ويشوف الأكبر
قل لهم
***
حيدر تركي الكربلائي
ليلة الاكبر س
.
.
.
جــروح لاتـُعــد جــروح يالـــولد
جـروح بالگـلب
ياعلي يبني
***
ياعلي وسهر اللـيالي ومهجـتي وعافيتي
لورحت ينهجم بيتي وترضـه تهجم بيتي؟
استظــل انه بفيـــايــك ياعلــي امنـــيتي
يالِمكبر صيتي عگــبك شلي يبني بصيتي
جروح للابــد جروح يالولد
جروح بالگلب
ياعلي يبني
***
وجه ابوك حسين يبنـي شما اشوفه غيم
يبني اتطشــر اجـروح النــوب ارجـع التم
المنجرح رايدله بلسم وانته يبني البـلسم
وجرحي يالاكبر ييمه علــى اديك امعــلم
جروح والاشد جروح يــالولد
جروح بالگلب
ياعلي يبني
***
احضني غفيني اعله نحـرك يابعـد روح امك
ارد اشمـــك قـبل لايبنـــي الســـهام اتشــمك
كون يبني يصير اضمك ليـش چــا مــاضمك
ولحمي وي لحمك يصير ودمي امزجه بدمك
جروح فد جسد جروح يالــولد
جروح بالگلب
ياعلي يبني
***
بكر ابن غانم ييـــمه الحــومــه بيـهـا وخطره
بروحتك ياعلي الأكبر ظــهــري خـاف تكسره
تخسر الام كلشي يبــني وليدها امن اتخسره
انتـه ناوي تروح لكـــن گـلبــي ياهـــو يصبره
جروح عالوعد جروح يالولد
جروح بالگلب
ياعلي يبني
***
اندعي ترجعلي سـالم وادري لا مـــاترجع
ادري بعد شـويه يبنــي انـــي راح اتـروع
عظم الله اجـرچ يليله بـهــاي لــمن اسمع
يعني جاب حسين جسـمك للخيام مگطع
جروح يالســند جروح يـالولد
جروح بالگلب
ياعلي يبني
***
حيدر تركي الكربلائي
ليلة القاسم
.
.
.
يبــني معــقوله يجسام .. غافي انته بحضن الاسهام
شو عفت حضن الحنين
ليــش يا تــعب السنـين
فارگتني
***
يــبعد الشيب الــبراسي ويابــعد العـمر
مــــو للخيل ذاخـــرتـك يبنـــي للـــكبر
خافــن صدرك اتدوسـه ويتبــده العطر
حضــن امـك تره أولى من حضن الگبر
حـرامات الـتـرف .. يغطــيه النــزف
ويضل جــسمـك ييمــه فوگ التراب
شمعتك لو طفت .. عيون امك غفت
تمــوت الام تــره لــو تفگــد الشـاب
گبل مامذبوح اشوفك .. ارد احط حنه بچفوفك
حالي حــال العالمين
ليش يا تعب السنين
فاركتني
***
ياتعب اللـــيالي الفـات يا اول صـبح
الخساره ماحسبت الها حاسبتك ربح
ساعه سـاعه كــبرتك بــس مو للذبح
تـالي تعـوفني وسفــه وتختار الرمح
ومراسيم العرس .. بقائـك بالشمس
تضــل تصهر بجسمــك ثـلـــث تيام
ولان حار الترب .. جمالك ينـحجب
اضــمـك ويــن مــن اتــوج الخــيام
النار اذا بالخيمه تلهب .. استغيث بصبر زينب
وراح نبقـه محـيرين
ليش يا تعب السنين
فاركتني
***
عليك الرايح اويه الراد اسئل يالولد
يرمله أيــسي گــالولي ودلالي انـمرد
ماي وعالثـــره اتبده شيـلمــه بــــعد
الدم من هاي الحچايه بعروگي جمد
احـــس بــــيه الـم .. كـــسر ظــهر الخيم
وذيــــچ الســـاعــــة وافــــتــني المــــنيه
انگطع عني الهـوه .. وطفى بعيني الضوه
وقمـــيــصك يبـنــــي رد الــــــروح بـــيه
امـك بــدنيـاها شـلها .. اتموت والله احسن الها
انصير احنه مفرقين
ليش يا تعب السنين
فاركتني
***
اسولف گمـت وي روحـي وعيوني تهل
كلشـي ســهل بالدنيا وهـجرك مو سهل
انه المفترض هــسه بـعــرسك احتـــفل
صــدگ يولـيدي ياجاســم نايم عالرمل
چنـــت اتنطرك .. يروحـي اشـأخرك
گـــبل مــو گتـــلي ماعــوفـچ يــيمه
يحلمي الما كمل..وسف صـاير وصل
وجسمــك حـــايــره بيــــمن الـــــمه
ياضوه عيون الهواشم .. بيك شمسويه الصوارم
مايكفـــيني الونيـــن
ليش يا تعب السنين
فاركتني
***
وين الفاگده الــشبان خــل تتعـنه الي
اگابــلها وتـگـابلـــني والدمــعــه تهلي
ام جاسم صيحت عونچ ليلى أم علي
مثـلي فاگـــده ابـنيـهـا راح الهــا ولي
مثل ما جفني كت .. جفنـــها ماسـكت
اواســـيهـــا وتــــواســـيني الحـــــنينه
البواچي من علـت .. الدموع اتخالطت
والســـــابع ســــمه واصــــل بچـيــــنه
آخ يمصاب الاحبه .. نـار دلالي تــشـــبه
چنه وين وهسه وين
لـيش يا تعب السنين
فاركتني
*
حيدر تركي الكربلائي
ليلة القاسم س
.
.
.
كربلا كربلا .. والطور والسنين
كربلا كربلا .. لن اترك الحسين
أباعبدالله
***
كربلا اليوم اشـهــدي صارمــي الحاكم
انه قاسم للمـناحر واسـمي هــم قاسم
عمــري حفنه سنين لكـن بالحرب عالم
من بنـي هاشم واعرفو ما بـنـي هاشم
كربلا كربلا .. والبـــلد الأمـــين
كربلا كربلا .. لن اترك الحسين
اباعبدالله
***
وحـده عمي بكـربلاء حسيـــن ابوالاكـــبر
شـــفته يستــنصر الناس وما أكـو اليــنغر
عنـدي هالمنحـــر وگــتله فـــدوه هالمنحر
زغير صح بس الينصره امن الله شو يكبر
كربلا كربلا .. كوني على يقين
كربلا كربلا .. لن اترك الحسين
اباعبدالله
***
الرايد يمس ولو شعـره مـن أبـو اليمه
وداعة الزهره العـفيــفه يغــرگ ابدمه
السمع عمــه يسـتغـيث ومانــصر عمه
سنــد بالــشدات والله زحمــه يتـسمه
كربلا كربلا .. صـاحَ دم الوتـين
كربلا كربلا .. لن اتـرك الحسين
اباعبدالله
***
كـربلا والهـــمه بــيه انتـــي تـــدريها
بشسع نعلي الحومه هذي مااساويها
ماتـمــشيـي ابأمـــرها انــه امشـــيها
بكيفي اريد احـرگها بيدي لو اطفيها
كربلا كربلا .. في عنقــي يمين
كربلا كربلا .. لن اترك الحسين
اباعبدالله
***
حســين تســبيحة الحب ودوم ارتلها
حسين نغمه على شفافــي وماابـدلها
كــربلا ســـيرة ابــوي اليــوم اكــمـلها
غضب انزل عالمعــاره بيــدي ازلـزلها
كربلا كربلا .. بصــارمٌ مــكـين
كربلا كربلا .. لن اترك الحسين
اباعبدالله
***
حيدر تركي الكربلائي
ليلة العباس س
.
.
.
يالمــــعدل الــمـــيــله ياخيـــالها
الحومه منك تستغــيث ارجــالها
يعباس .. يعباس
***
ياگـليط ابوكت بـي شـح الگــليط
خزرتك سبعين الف جـندي تحيط
انــته مايحـتاج عالعــسكر تـعـيط
انته بـــس أشــر اتـطــيح اثكــالها
يعباس .. يعباس
***
اشــرط بكيفك يبــو فاضل شــرط
غصبن اعله الطارت بحضنك تحط
الماتجـــي بيـــديك اشنـطها شـنط
وعـــــود شـــد اذيالــــها بذيــالــها
يعباس .. يعباس
***
حوشــهم حوش المناجــل بالربيع
الزلم من تــسمع بخو زينب تضيع
الحيد بيهم يصـبح گبــالك رعــيع
الوادم التچـــهبا مــدري شــمــالها
يعباس .. يعباس
***
شكبن اعلـه امتـــونك واگطــف لغـاد
وخل تغص امن الجـثث ارض السواد
للنخــــل ياباالفـــضــل ذبــهم ســـماد
وخلــص امــن المعــــركه واشكــالها
يعباس .. يعباس
***
خلي حومتهم اتخنــطل مـن الخوف
ووروسهم جزها مــثل جـزة الصوف
طوف والـگـط باليعجـبك من تطوف
وخــــلـــي عزرائــــيل يـــتـــــراولها
يعباس .. يعباس
***
من تمــر بجيشـــهم اخطـف خطف
نــاس مـو مالــت امــروه ولا لــطف
بروسهم ياابو الفضـل اگطف گـطف
والعــب السبــعــين الـــف بحـوالها
يعباس .. يعباس
***
اتشــچل واگصدله اذا شفـت الجبيل
يبـــو راس الحار ياحـيــد وچـــفيل
الحومه خلها تصيح ابوفاضل دخيل
فـصــل وثـــق تــقبـــل بتــفــــصالها
يعباس .. يعباس
***
ارعــد وخــلي الزلـم يمــك تــبــيد
ويـــن تلـــبد هالزلم مـــن الــرعـيد
الــحرب عيد والله جايبـــلك العيد
الجايـــه للـطـف بالله وشيــسوالها
يعباس .. يعباس
***
حيدر تركي الكربلائي
ليلة العباس س
.
.
.
الجيـش بكبره لمن شاهدك صاح
جمالك مدري سيفك يأخذ أرواح
خــزراتك نظــراتك تداوي وتجرح الناس
والشـافك بوصافك يـــتحـــيــر يعبـــاس
***
الجيش الشاهدك ضل صافن ويقره / بـسم الله يوفاي
سبــحانه الــذي عباس بيك اسره / من الخيمه للماي
يمخلي الوجوه من الوجل صفره / يامن سيفك هواي
يقائـل .. مراجل .. اذا عــدكم تقـاتل
مـقابل .. تــقابل .. يمنتك يابوفاضل
بكيفك وانته بالطف صاحب الكيف
متى ماشأت خــلي ينــطق الســيف
من تزئر چن حيدر عيش الجيش وهواس
والـشافك بوصافك يــتـحـــيـر يـــعــباس
***
العسكر يابوفاضل حقه يتعجب/جمالك منشغل بيه
گمر اربعطعش وجهك يخو زينب / شاغلـهم معانيه
ماهذا بشر سبحانكَ يارب /الجيـش مگصص ايديه
وغلاتك .. حـلاتـك .. يترجمــها ثبــاتك
صفاتك .. وسماتك .. لبو اليمه وحياتك
اليفكر بالحلم يوصل للخيام
خل يعــتبر نفــسه بالكبر نام
يالقائــد يالــواحد يالبيديك الانفاس
والشافك بوصافك يتحــير يعبــاس
***
يمــن كــل اليـــشوفك ينــوخذ عقله / جمالك جــايبه منــين
انكلك يوسف ومن يوسف انته احلى / وخاف تصيبك العين
عــيونك مدري سيفك وگـــع الــقــتله / خلـــي نسأل حسين
تجاهـــد .. وتعاهد .. امامك وانته صامد
يواحـــد .. بلا نــد .. الفرات بهايه شاهد
يمخــورس لسنـــهم ويـــــه العيـون
اذا يحچي النخل هالجيش يحچون
العديتــه سويتــه وراس تلاطم براس
والشافك بوصافك يتــحـــير يـعـبـــاس
***
خزنة موتهم مفتاحها ابأيدك / وسيـــفك هـــوه مــفتاح
العسكر يرجف وانته الحرب /عيدك ياقباض الأرواح
مروتك يابوفاضل احنه منفيدك / بــده يتـعاله الصياح
يرحمه .. وينعمه .. صرت عالحومه نقمه
تقسمه .. وتهجمه .. جمعــهم مـــن تلـزمه
العفو الكم سجيه يصرخ الجيش
سيفك يابوفاضـل ماوگــف ليش
فانـــيهم واليـهم سيفك يابوالاحساس
والشافك بوصافك يـــتحـــير يــعباس
***
من تروح صوب الشاطي طشرهم / وخل الجيش حاسر
مابيــــنك وبــين السيـــف حيـــرهم / انته الناهي الامر
مثـــل متريد ويـــن تريد ســـيرهم / الجمع بيديك صاير
تــقرر .. وتدبر .. الأمور انته التسير
تصدر .. وتقدر .. ومــسرتــهم تغــير
ذكرهــم اذا ناســـين صــــفـين
يموتهم وحقك طاري ابوحسين
صمصامه وايــامـه ردها يبو النوماس
والشـــافك بوصافك يتحـــير يعبـــاس
***
حيدر تركي الكربلائي
ليلة العباس
.
.
.
تسألن عالگمـر وين وتجاوب دمعة العين
اذا رد محني الحسين
گــولن مـــات عبــاس
***
اختصارن للحچي والنوح والدمعات
اختصارن للمأسي الجايه واللچـمات
اذا مـــارد ابو فــاضــــل يعــــلويات
يعنــي انتــن البعد شوية مــسبـيات
والـماعــدها كفــال يگيدوها بالحبال
الماشافولها اخـيال
راح تشوفها الناس
***
لون لحسين اجـانه محمل بضيمه
وعيــنه تگول غيمه وتمطر الغيمه
اذا جــر العمود وطـاحت الخــيمه
يعنـي تحضرنه للــشــرده بالـهيمه
ابــوفاضــل اذا غـاب كلشي يصير سلاب
احسبن هذا الحساب
ضعنه ابلايه حراس
***
اذا لازم كفــاه رد لينه أبو سكينه
يعنـي انگـطعت العباس چـــفينه
يعني الجــيش بعـد الظهر يولينه
واخـــونه لايهـــد ولا يحـــامـينه
اشيجيبه الصدره مخسوف ومفرهــدته السيوف
لا بي شوف ويشوف
منه انگــطع الــياس
***
يـعلويات خـــل بالخيـمه نتــنطر
بلكي ويــرد سالم ويـه ابو الاكبر
حسين اعله الشريعه كـلش تأخر
بس لا ابــو فاضل كــافلي اتوذر
اذا عـبــاس مــذبــوح يـعني للســبي نروح
السيــاط امتونها تلوح
التمشي ويه الارجاس
***
هــذاك حسين اجانه لكن اشحاله
يمـكــن عالــشريـــعه عــاف دلاله
امبـــين منكـسر وعـــيونه هـمـاله
عگـب عـــباس ياهو الـذي يـبراله
الماله اليـــوم خــوان تتـــولاه الــعـدوان
ويوگع علـــى التربان
ويگطعله الشمر راس
***
حيدر تركي الكربلائي
ليلة الانصار نزله
.
.
.
حــبل الله وعين اليقــين
حــبل الله هــو الحســين
***
هوه الحــسين ابن علـــي وكـــل الكفايه
هــوه الوســيله الـرابــطه بــرب الــبرايه
مانحچي شي عن عاطفه نحچي بدرايه
قــــران بـــي الله انـــزلــه لا مـــو روايه
حبل الله للـــمتـــقين
حبل الله هو الحسين
***
حسـين الســفينه والبحــر هـايـج عــلينه
ويــغرگ اكيد الماركــب هــــاي الســـفينه
متــهد اديــنه باللــجــج ايـــده الحـــنينه
العــنده الحسين بداخله يحـس بالسكينه
حبل الله بـــلا قــرين
حبل الله هو الحسين
***
اليتـمسك بهذا الحـبل ينجــي مـن الاخطار
بقــعر جهـــنم لــو وگـــع ماتوصـــله الـــنار
العاف الحسين وخدمته ومدري منو اختار
يحــتار باچــر بالحشـــر صدگـــوني يحتار
حبل الله للــعـارفــين
حبل الله هو الحسين
***
الما باس بيبان الصحن يستــنكف بهاي
ويگول مــيت وانتهــا ويتـــبنى هالراي
انا انتخي بـــأبوعلي ويفـزعــلي مولاي
بيمن دگلــي ينتخـــي ويگـــله بحــماي
حبل الله حصن الحصين
حبل الله هــو الحــــسين
***
بهذا الحبل خـل نعتــصم حـــبل الامـامه
والي اعتصــم يعني وصل درب السـلامه
يـهل المجالس واللـــطم يهـــل الــخدامه
اليــلزم ابواليـمه صـدگ يـكــبر مـــقــامه
حبل الله يامحســنين
حبل الله هو الحسين
***
حبل الخدم من ينعگد للعـگده حلو
ما آن تـمســكـتم به لا لـــن تـضــلو
ولمـصاب ابواليـمه الدمع ليليه هلو
كلمن يفرط بالدمــع عــن دربـه زلو
حبل الله للمــوقنــين
حبل الله هو الحسين
***
حيدر تركي الكربلائي
قصيدة الانصار
.
.
.
يا اعـذب وارقــى انسان
الماعايش حبك خسران
انته البوصله / التهدي الكربله /هيچ تگول الأنصار
حــبك مرحله /اليعبـرها عــله /وبعلــو النجـم صار
الماعايش حبك خسران
***
وياك اجيــــنه الكـــربله والشــوگ يحدينه
ورجلينه اذا ماتمـشي الــك حبك يمشــينه
تيـــهنه درب الطــف وعـــر ويـمك تلاگينه
ويم خيمتك كلشي بده يخضر يبو سكينه
الـــف مـــره لون .. بمحبـتك نحـترگ
اجــينه النصرتك .. وابــد مــانـفــترگ
يأول حب صدگ .. ويأخر حب صدگ
ياحسين
ياقائد الـحب حياك
بكل ما نملكه نفداك
اسمك بسمله / واحساس امتله/ ونفديلك هالاعمار
حبــك مرحله / الــيعبــرها عـله / وبعلو النجم صار
***
گالولنه بسكم عشگ اويه اعماركم فشله
گلنالهــم هــوه العشگ وكــت الكبر يحله
بيك انته هنياله الذي انجــن وفگد عقله
مانحـب بعد اسمك اسم والله ولاقــبله
اليحب بمعـرفه .. عبد صــالح صبح
اليعيش بعالمك .. الـعمــر كـله نـجح
هنـــيئا لــمــــن .. بهوه الطف انذبح
ياحسين
انصارك امن ايصـولون
يستشهدون ايـــريدون
بالموت وهله / صحنه ياهلا / هوه هذا الايــثار
حبـك مرحله / اليعبرها عله / وبعلو النجم صار
***
اليحچي اويه روحه من العشگ گالونه شماله
الفيـــن حســــبه الـــي يـــعد يلـــگاهن ابــاله
وداعة حبـــيب المنـــشــــلع يالغـــالـــي دلاله
العقـــله بمحبــتك مـــنوخذ مـــن الـف هنياله
والانصار اعلنو .. وحچيهم مـا يلي
يخيعــونه فمــن .. بمحـبتك مبتلي
الحبيب الاولي .. الحسين ابن علي
ياحسين
بس اشر اعله الميدان
نگضـيهــا گــبل الاذان
المسره القافله / الحبك شايله / تشـرأب الأنظار
حبــك مرحله / اليعبرها عله / وبعلو النجم صار
***
المابايعو يابوعلي اينــدمون وعيونك
عميان يانـور السمــه ولا مايـشوفونك
والبيك همه اتمسكو باب الله يلـگونك
لو اكو اغله من النحر بي همه يفدونك
ومن يلحــق بك .. فقــد نال الفتح
يـفوز الناصـــرك .. يبو گلب السمح
الوحيد انته الذي .. يبو اليمه تصح
ياحسين
رحــى الحرب من ادير
بيهم انسـوي الميصير
والماقابله / احسب مرحله / وبصولات الاحرار
حبك مرحله / اليعبرها عله / وبعلو النجم صار
***
واحــدنه ثـــوب التضــحيه يابـــو عـلي لابـــس
ابن القين وي جون اوهب وبن عوسجه وعابس
اويــه الموت احــنه وداعـتك باچــر تــره انافس
الــوادم تــفر امن الحرب وبيـــنه الها شو واهس
التراب امخيمك .. نروح احنه فده
عبيـــدك والعبـد .. فـــداء الـسيده
رسايل واضــحه .. نـــوجه للــعده
ياحسين
وداعــة يــمين العباس
باچر دمه تبچي الناس
والـتـتقــبله / شما تدعو اله / تنطي قوه وإصرار
حبك مرحله / اليــعبرها عله / وبعلو النجم صار
***
حيدر تركي الكربلائي
مقدمة الانصال
.
.
.
انصار .. گول وفعل تدرينه .. وعيونك يبوسكينه
انصار .. عــد يمــناك خلـينه .. وعيونك يبوسكينه
***
بــســم الله مـجـراها ومســراها يبــو اليمه
فلك مخلوقه للهــمه هــدفها توصــل القمه
فئة الله ختارنه حـته نگلـك احنه بالخدمه
زلم واحدنه يسواله يــبو السجاد الف زلمه
انصار.. وين تريد ودينه ..وعيونك يبوسكينه
انصار.. عد يمناك خلينه ..وعيونك يبوسكينه
***
باچــر انته بس أشر وروح ارتــاح بالـخيمه
اذاكو بالسمه غيــمه تغـــثك نــذبح الـغـيمه
العسكر بده يترادم طبيعي وهذا من ضيمه
باچر ياعلي امن نــگول نترس بيهم الهـيمه
انصار.. جند الموت سمينه ..وعيونك يبوسكينه
انصار.. عــد يمنـاك خلـينه ..وعيونك يبوسكينه
***
وحق الحــق وما انزل على صدر النبي طه
ظلام اندمدم عليـها يبـــوالاكبر ونغــشـاهه
الحومه الارعبت زينب خل هالليله تنساهه
من ايصَـبح العاشر وحقك ينــدم اشــقاهه
انصار.. بهذي لاتوصينه ..وعيونك يبوسكينه
انصار.. عد يمناك خلينه ..وعيونك يبوسكينه
***
صح سبعين الف همه وانصارك فقـط سبعين
فتح عين غمض عين هالسبــعين الف ميتين
ربع ايــزيد ما الهم قيمـه گـبال ربــع حــسين
نموت نعيش من اجلك بـدم نحورنه موقعين
انصار.. نار ومن يطفينه ..وعيونك يبوسكينه
انصار.. عـد يمناك خلـينه ..وعيونك يبوسكينه
***
بس خل يبزغ العاشر نهاره وشوف گاع الطف
باچـر نــاس تتــباچه ونــاس تــگــوم تتــأسف
ناس تذوب ناس تلــوب ناس تلوذ صف بصف
وانته اعــَرف لمن نبدي وعالميدان مـن نزحف
انصار.. وياعسكر يلاگينه ..وعيونك يبوسكينه
انصار.. عــد يمناك خلــينه ..وعيونك يبوسكينه
***
حيدر تركي الكربلائي
نزلة ليلة مسلم
.
.
.
صاحت الكوفه/ اجانه الموت الأحمر/صاحت الكوفه
***
طـب للكـوفه الــمعتـبر .. بـــده بالقــاده يتــخير
صگر ويلگـط الزينــات .. مسلم نسخه من حيدر
شايل سيف ابو الحـمله .. طبيـــعي تـكثر القتله
شكد ماجـيش بالكـوفه .. حلــف ميدانها يوشله
خزراته شلع تشلـــع .. صريخ الجيش بس تسمع
اليجي سالم ومابي شي .. بتــابــوت الهله يرجع
كـَسر اسيوفه/ جمعهم ذاك كله / كـَسر اسيوفه
***
شد الثامه والـثامه .. انحنت اله مية الف هامه
من الرعب من الخوف .. طاحـــت كــلها گدامه
بــيــده بالـحــرب لازم .. عـــزرائيـل مـو صارم
نــعمين ابن اخو حيدر .. السلب ارواحهم قادم
طوعه اتصيــحله تسلم .. روي الكوفه من الدم
بنـي هاشـــم يبـــارولك .. يمـــعدل يـالمــــشيم
اگطع اچفوفه/ الجيش الماركعلك / اگطع اجفوفه
***
تحزم بالعزم والحيل .. وخله الظهر مثل الليل
لمن غــار عالـحومه .. الخـياله احتمت بالخيل
كـــبر سيــفه بيــميـنه .. وشرار اتجادحت عينه
صاح الجيش نص ساعه .. اذا ضل هيچ يفنينه
مدد يتـصارخ العسكـر .. مدد خـله التـــراب احمر
ناده الجيش يالقاده .. شنو الحل والحچي اتطشر
طـَشر اصفوفه / جمعهم ذاك كله / طـشر صفوفه
***
الحـومه ركعـــت اگــباله .. بمـا فيهـــم الخــــياله
سكت صمصامه ثانيتين .. وصوت دخيلك اتعاله
امروتـــك يا ابــو طــاهر .. بـــس اتركنه وشتامر
واحــدهم بگـــد الخـوف .. مــدري اچم نذر ناذر
صاح القـــائــد الشـــارد .. ومن حلگ الذبح عائد
ماشــايـف جـــمع آلاف .. والله يهزمه بس واحد
هاي معروفه / علي الرباه اشيطلع / هاي معروفه
***
حسين الهاي مخـتاره .. امــام ويعـرف اسراره
السـفاره هوه سيدها .. الحرب يندلها چن داره
يميـــز الزيـــن بتـاره .. تـــلوذ الحــومه بكتاره
من يهـيج عالعـــسكر .. يزف للــزهــره البشاره
ثـــار البــاب ميســده .. نــاوي مســـلم ايـــرده
زهـــرائــي ابوطـــاهر .. غـيـــرة حــيدره عنده
غيره موصوفه/ ومَثل للناس صارت/ غيره موصوفه
***
الرايد يفدي ابوسكيـنه .. بنحــره يفتـدي دينه
مسلم هـــيچ متعـــلم .. حسيني بكل موازينه
تـفاصــــيله حسيـــنيه .. حــــياتــه كــربلائيه
تره من الله هيچ يصير .. أبــو روح الفـــدائيه
ماطخ للـضلم راســــه .. ثابت عالصخر ساسه
اجــه التــاريخ وبكبره .. المسلــم دنگ وبـاسه
كعبه ويطوفه /شكو بالدنيه منصف /كعبه ويطوفه
***
حيدر تركي الكربلائي
ليلة مسلم روحي فداه
.
.
.
عمه درب الكوفه وين .. عمه ذابحــني الحــنين
ادري من يشـتم حميده
تردله روحــه وموبعيده
عندي ياعمه يقين
***
امشيله / واذب روحي عليه واشتمه من نحره
امشيله / وبچـــيلـه وابـــلل بالــــدمع ثغـــــره
بلكت من يشــم عطــري ترد روحه
بلكي چفوفي عمـه ايداون جروحه
اريد وياهه احچي حچاية مملوحه
واگـله السوط متــني تقبـل ايلوحه
الكوفه بس گليلي ذيچ .. هســه اجيــبنه واجيچ
لو گــلتله انـــه وحـيده
تردله روحه وموبعيده
عندي ياعمه يقين
***
گالولي / مــرمي امــن القــصر والغبره شابگته
گالولي / واهل الكـوفه عــمه تســحب بجــثته
اريد امشــي واحــل احــبال اديـاته
وامــش عمه التراب الفـوگ وجناته
يحسنــي بلكــت ويفتــح اعــويناته
ويشبگنــي تره مشــتاگه شبـــگــاته
لوگـعد ماشبــكه حـيل .. ساحگه اعله ضلوعه خيل
شبگتـي بلكت تـفــيده
تردله روحه وموبعيده
عندي ياعمه يقين
***
اتمـــنه / اروحنلـــه واكحـل بـي نظـــر عــيني
اتمـــنه / واگــله اليـــوجعك ياصــوب دلـــيني
واطيح اعــليه دوه صـدگيني ياعــمه
واشد بچفوفي ذني جروحه البجسمه
بلــكي يطيــب ابــويه لورحــت يــمه
ويجي للطــف وينــصر عمي ابواليمه
عدنه مسلم والكفيل .. ياشمر بينه اليعـيل
بكــربله لوگتـــله اريده
تردله روحـه وموبعيده
عندي ياعمه يقين
***
وعيونچ / مشــتاگه لبـــويه هواي مــشتاگه
وعيونچ / من گد نوحي عــمـه ملــت الناگه
ريــت الليله اگـصد واگعــد بكتره
وابوسه بجبتهه وبخـده وبصدره
اريد اتــنفس امن العـطر البنـحره
طگ گلبي يعمه والله مــن صبـره
ليله بس لويمه ابات .. تساويه ياعمه الحياة
يمكن انه امن الزم ايده
تردله روحه وموبعـيده
عندي ياعمه يقين
***
تعــبانه / مو مــن السفر ياعــمه تــعـــبانه
تعــبانه / متعبــني ابــوي اويـــن عــنوانه
اليــسأل مايتــيه عمــه مــن يــسأل
بلكــت جــسم ابوي بيا كــــتر اندل
اگله امن اوصله ترضاها بويـه انذل
وتنشـــد بحـــبل ايـدي علــى الهزل
بلكي يسمع فالكلام .. ويرجع اويـاي بسلام
وحده لو كتله عضيده
تردله روحه وموبعيده
عندي ياعمه يقين
***
حيدر تركي الكربلائي
أنا أتشارك 'ماكدر اتحمل هجر الوداع' معك
Читать полностью…