11030
لنشر قصائد مناسبات اهل البيت
هي خير من الف شهر
الاخوه خدمة الامام الحسين
السلام عليكم
هذه الليلة العظيمه ليلة القدر
اذكرو مولانا صاحب الزمان
بتعجيل فرجه
ودفع البلاء عن شيعة امير المؤمنين
كما اسئلكم الدعاء لي ولوالدي
وامواتي .
شهادة امير المؤمنين
.
.
.
الغامرني بحنانه .. دلوني بمكانه
علي وين .. علي وين
_____
الولا مــره تأخـر .. إله يوميـن ومامر
اتـأخــر والـســوالــف تاكــل بــروحي
ابو روح الحنيــنه .. اذكره من يجينه
يشــمني ومن يشمني تخمد اجروحي
امامي / نســاني اليتـم ذله
امامي / مدلل عايـش بضله
امامي / تردلي روحي لوگله
علي
محتاج الامانه .. دلوني بمكانه
علي وين .. علي وين
_____
جبيني من يلــوحـه .. احس بيده ملوحه
بزمـــن كلشــي اشــوفــه ماصــخ اگــبالي
لمن شح كلشي طيب .. بقالي هالحبـَيب
بــس بحظــنه احــسن راســي شــو عالي
احسه / رحمه شگد علي شايل
احسه / كلــش الخاطــري باذل
احسه / ايحبني بگد ابو فاضل
علي
البس هوه بزمانه .. دلوني بمكانه
علي وين علي وين
______
گبل ما افتح ايدي ..بشليلي ايخلي عيدي
اليتـــم مــــر وعلـــي حـــلاهـــن ايــــامه
اليتيم المايذكروه .. بزمن حيدر يحسدوه
اشـگد چـــان ابــو الحمـلـه مــدلل ايـتامه
حياتي / ابلياه تخلص اتمنه
حياتي / چانت وي علي جنه
حياتي / المــن عــگبه اتعــنه
علي
الچان الحب كيانه .. دلوني بمكانه
علي وين .. علي وين
--------------
علـــي هــــوه العشــــيره .. الشكو وادم فقيـره
شــــيــــخ الفــقـــره اسمعـــهـــــم يســـــمـــونه
الدليل الشوفته طگ .. الرمش من البچي انشگ
المــــثلي بــــس عـــلي الــي يمـــسح اعــــيونه
احبه / المخلوق امن الحنيه
احبه / مــعروفه امـــغزر بيه
احبه / اشهگ لو مـــر طاريه
علي
البس الله بلسانه .. دلوني بمكانه
علي وين علي وين
_______
صرت من گد مصابي..اشم كل لحظه بابي
عطــــر چــــفــه لهـــــسه ابابـــنه طــــابع
احس چــفي توفـــه .. ينــاس ابلايه چفه
ومــثل چـــفي احسه استشـــهد الجـــامع
اتاني / والحســـبات اتدولـــبني
اتاني / وادري اغيـــابه ايعذبني
اتاني / لأعظم شخصيه اتحبني
علي
والحامي حمانه .. دلوني بمكانه
علي وين علي وين
---------
يل الوجوه الحزينه.. علي گلولي وينه
يتيـــم وحــــقي انـــشد عــــلّي رباني
ابو چفوف السخيه .. اشو مــامر عليه
مابــــيه يــــناس احمــــل يتــــم ثاني
سؤالي/ يا هل وادم حاچوني
سؤالي / عالبيه رحــمه دلوني
سؤالي / ابلياه ميـت تدروني
علي
مشتاگ الاذانه .. دلوني بمكانه
علي وين علي وين
---------
حيدر تركي الكربلائي
اعمال ليلة القدر
.
.
اول الاعـــمـــال هــاي اللـــيله
الحيدر اهشم هالصدر وابچيله
الليــله اعمال الــقدر
تبــتدي بلطم الصدر
هالليله
______
ليـــلـة اعمـــال وتهـــجد تــبتـــدي بالــنيه
وانـــي اللـهــم نــاوي ابـــتــدي بلــطـــميه
اغتـسل بدمـوع عيـني عيـني چيه شيعيه
ابثوب الاسود لازم اگصد لقرب احسينيه
قبل متشيل المصاحف ناسي
كــون بالقـامــه اطــَبر راسي
الليله ماعندي عذر
تبـتدي بلطم الصدر
هالليله
__
( انـا انـزلـناهُ ) لازم اقـــره هــاي الـسوره
وسورة القدرِ احـسها مثلي چـن مكسوره
كــوداً الـقران طـاح وهــامــته مـطــبوره
الليله قـران الله ويـنه ويـن غايــب نوره
استغفرت بس روحي احسها ابحيره
صـدري چــن مخنــوگ بالتـكـــبيـــره
ابروحي الهموم اشگثر
تبـتـدي بلــطم الصدر
هالليله
__
الليله اريده صدري كـون امن اللطم يتكسر
وگبل ماون على روحي العلي اون واتحسر
شلــي بالاعــمال وانـي مابچـــيت الحــيدر
ابـلا ادموعي العلي هايه اعمــالي ماتـتقدر
ادموعي لو بخدودي مايتبدن
ابـد ما اقــره دعـاء الجــوشن
وادري دعوات العمر
تبـتدي بلطم الصدر
هالليله
__
هـامـت الـكرار مصـحف هالـبشر يدروها
وفـاتـحـة قـران حـيدر زيـنـب ايسـموها
ولــذلــك ال امــيه هــامـــته طـــبــروها
حـــتى باچـر بنته زينب عالهزل يسبوها
كــل قصدهم تـنربط ذرعانها
ومحـد ايحاميها من اخوانها
وعالجــثث لمـن تمر
تبـتدي بلطم الصدر
هالليله
__
شـلون ما احـزن الليـله وزينــب ابحـسرتها
اتشوف ابوها الموت يمه وتشتعل جمرتها
بالله باچــر ويــن تخــفي بكــربله عــبرتها
مــن تحـَول عالــشريـعه وللـگـمـر نـظرتها
شــلون لــو نــادته يـــا كــفالي
من يحل عگبك يخويه احبالي
هيـــه لــمن تنــكسر
تبـتدي بلطم الصدر
هالليله
__
حيدر تركي الكربلائي
قصيده گعده لامير المؤمنين
.
.
.
علي راح ابو الغوث علي راح
هلــي ادمــوع ياعين .. الليله ابفگد ابو حسين
ابو الغوث علي راح
***
لملمت مابقــه ابصبري وجمــعـت عــزمي المطشر
وگلت اكو تكليف شريعي عليه واجب ارثي حيدر
انــه ذاك العلـــى عــهـــده وي علــــي لا مــــا تغير
حيدري وابقه حـيدري .. والنـاس تعرف جوهري
ثائر ابأيدي وناظـري .. وبالـــــشدد لامـــــاتعــذر
المجالس اصنعتني المجالس
وجندي صرت للدين .. الليله ابفگد ابو حسين
ابو الغوث علي راح
***
ظرف حالك من يمرني الـخادم الصح كون امثله
كـــون ما اتنصل انـــي عن امامـــي ابــو الحـمله
المفترض موفقط دمعي كلشي غالي بوسعي ابذله
اهمله مو بـس الدمع .. اكسـرله كـــون اشكم ظلع
ابچي لــحد ما انفجع .. حتـــى امامــــي ما ازعله
الينوحون اقلد الينوحون
واستنگي البچي الزين .. الليله ابفگد ابو حسين
ابو الغوث علي راح
***
الليله يا ايها العـــالم الليله هــاي اعظم رزيه
المات مو انســـان عـــادي هذا حماي الحميه
علي ابونه ومات ابونه ايتام صرنه بهالمسيه
طبع اليتـيم ابهالدهر .. يعــيش بــمذله وبقهر
الماله ابــــو ماله ظهر .. هاي معروفه القضيه
يتاماك ينادون يتاماك
مثـــل الذي امتيــهين .. الليله ابفگد ابو حسين
ابو الغوث علي راح
***
علــي والـــدنيه بـــدونه لاطــعم لا لـــــون بيــــها
امه احنه وشنـــو قيــــمة هاي الامـــه ابلا وليـــها
راح كشخـــتته وفـــخرنه وجوهـــرتنه المقـــتنيها
بين على ازغرنه الكـبر .. امن اكبرنه حطوه بالگبر
ابلا حيدره اشيسوه العمر ..الدنيه غـمها ابلا عليها
بالتراب علي شلون بالتراب
اليعــقل هالحچي وين .. الليله ابفگد ابو حسين
ابو الغوث علي راح
***
الله بـس ايعين زينـب عـــلى هالبـلوه الچبيره
اتصد على تابوت ابوها ابنظره لـكن مستحيره
باچر الحره الامــيره تـروح من الطــــف اسيره
واخوانها فوگ الثـره .. مثل الاضاحي مجزره
ويلاه يزينب حــايره .. لاعمـــام ولاعشــــيره
سبيه تره تروح سبيه
من تـــوگع الچفين .. الليله ابفگد ابو حسين
ابو الغوث علي راح
***
حيدر تركي الكربلائي
شهادة الامير
.
.
.
دنيــه مابــيها علي حامــي الدخــيل
كــون مـن هالــدنيه يالـــوادم نـشيل
***
الدنيه من غير ابو الحملـه ابلا ونـيس
عـلي ابونه انحــسبه مو حسبة رئيس
جيب هيـچ انسان طيــب وانته قيس
انگــف تحــت كتره وكتـنه مــن يميل
***
تحت كتره انگف لان كـــتره نـظـيف
مثل حيدر ويـن اكــو واحـــد شريف
علــي حبــيـناه مـــو لجــل الرغـــيف
چيـــه بوكـته مابقــــه واحــد ذلـــيل
***
بوكــته مو بس خـير حتـــى الكبرياء
اويــه الطحـــين انطــاه علـي للفقراء
إي بحيـــث انـــته تحـــسهم اغنـــياء
بخير حيــدر جيـــب واحدهم ثگــيل
***
ابجـيبه واحدهـم تحـس شــايل الكون
ومـن تسئله شلــون يحچـيــلك شلون
عـــلـي للــماعنـده عــون ايصيــر عون
الصار عـونه علـــي ياهـــو البــي يعيل
***
علـــي عــون ونخــوه للمــاله مـعين
بوكـــته عشـــنه معــززين مكــرمين
علـــي ديـن المايــتبـــعه مـــاله دين
الســـالفه مــــارايـد الــهـا اي دلــــيل
***
الســـالفـه مو ســالفة واحـــد يحــسن
ولادراســــه حـــتـــه ياخـــذلـــه درس
علي شـمس الله شيظم وجــه الشمس
امنيــن تلــگله المثـــله وتــدور بـــديل
***
علي بــس هــوه الچبـــير الـكـل زغار
الصحره صفره شــجابها يك الخـضار
الدنــيــه وبـلايـــه علــي الدنــيه گفار
علــي حيــل هـــواي والـــبـاقي قلـيل
***
علــي يــكفيه مــات هــوه وبالصــلاة
علــي ماتـعنــيله شـــي هـــاي الحـياة
علــي هــــوه البــاقيـــات الصـــالحات
علــي ومثـــله مايجـــي لامستـــحيل
***
حيدر تركي الكربلائي
موشح للامير
.
.
.
الليله وحشه الليله مدري شلونها
ابلا عــلي الوادم انخـطفت لونها
-----
موحشه وتخنگ الروح اشهالامر
الليله چن الليله الاولى البــالگبر
رايدلها صــبر واحــنه ابلا صــبر
اخلاف حيــدر منچـفي ماعونها
… ..
اخلاف حيدر سالفــه وماتنحچي
ابچينه والمكسور شيفيده البچي
المـــاله بالدنيــا ظهــر لاينتـــچي
الشيعه عگـبه اعليــمن ايتچونها
__… .
علي رقه وعاطفه وطيبه وعفو
علي وحــچاياته متــروسه دفو
علي بس هوه كــفو وماكو كفو
علي الدنيـــا شـــالته بعـــيونها
-------
على وبلايـــه علي انضيــــع الـطريج
راكبين بمــركب وشـــب بيه حـــريج
انضل نموت . انطيح ياخذنه الغريج
وبــين هــــاي وهـــاي شـــتحـــلونها
-------
بـين هـــاي وهـــاي عيشـــتنه تعــب
الفرح من اوجـــوهنا اخلافـه انسلب
الماي اذا شح عالخصار اصبح حطب
الـــنار بيـــنه وماكــــو اليطـــفـــونها
-------
نار هجــر افراگ حيــدر ماتهيد
العيد راح ولحد ايسولف ابعيد
بالعرب تايـــه الماعنــده عجيد
الطايفه ابلا شيــخ شيسـمونها
____
اليتم چان ابضنــتي بـــس للـــزغار
الزيـــن ثــاري لو مــشه ايتـم الكبار
الدنيه صفره اليوم مدفون الخضار
احبابه بالــنوح وبچــي ايگــضونها
-------
احبابه بالدمعات والون والنحيب
موغريــبه المات حــزناً عالحبيب
مالنه بالزين يــــاوســفه نصــيب
شـــمعته وسفه العـــده ايطفونها
-----
حيدر تركي الكربلائي
ياشيــخ العـشيره طيحتــك كلفه
ياسـيد علي وسـفه والــف وسفه
***
يالمبچي الصعاب ابعاصـف الايام
يحــي بوكـت ملـيارينــهم اصنام
موكتــك يبــو مجتبى هسه اتنام
يبو الوگــفات محتاجينك بـوگفه
***
يبو طــول الحلو يالشـيبتك تلمع
صدگ صوتك بعد مولاي مانسمع
مثل حسين جـدك جسمك مگطع
ضوه وجهك جريمه سيدي يطفه
***
شكو واحد غيـور ابغيبــتك ناده
ياسيــد علــي ياشمــعة الســاده
الشيعه گلاده وانته عين الگلاده
بس ابــن الحرام ابمـوتك اتشفه
***
صلب حتى بمماتك مارضيـت اتلين
يالمتعــب المنــايه وعمرك ابتسعين
الملوك اليوم ختـحط راسها بالطين
يالمـــروي الزعــامه مــن دمـه نزفه
***
حيدر تركي الكربلائي
لولادة الامام الحسن ع
.
.
.
نـوره من نـور الاله .. ما احب احد سواه
مولاي الحسن مولاي الحسن
__
قضيتي . وهديتي .. الحسن عاش ابسجيتي
عشگته . وعــرفته .. تــنــجـــيــني محـــبـــته
ابدليلي . وخليلي .. اذا انـــــدب يــجـــيــلي
وفـــائي . ونـدائــي .. يـضل يجـري ابــدمائي
الهالسبب گلبي احتواه .. ما احب احد سواه
مولاي الحسن مولاي الحسن
__
الراد يحفظ ماي وجهه خل يروح البابه
الخيــر هــوه الخيـر كله والكرم واسبابه
خالـيات اچفــوفه ابــدن مايـــرد طـلابه
خير من الله يــرد الچان خــالي احسابه
اشيمتلك هوه نطاه .. ما احب احد سواه
مولاي الحسن مولاي الحسن
__
امامي . وهيامـي .. اذا اظــهــر غـــرامـي
طبيعي . ربـيعـي .. الدم البـعروگي شيعي
هوايه . وضوايه .. الحسن يجري ابدمايه
احتويته . ولگيته .. امامــي ابگــلبي بيته
انَعمي ابلايه ضواه .. ما احب احد سواه
مولاي الحسن مولاي الحسن
__
الناصي من يگصد الداره بالعجل يتعله
ابــو محــمد عالفقــير ابيــوم مايــتخله
ابيــوتها اتــيه الـــوادم والحــسن تندله
وبمضيفه امـن الگهوچي ماتطيح الدله
كل الي ايملكه هداه .. ما احب احد سواه
مولاي الحسن مولاي الحسن
__
حــناني . وامـــاني .. هتــف كلشـي ابكياني
يروحي . وصروحي .. التهت بسمك جروحي
مـــنـاري . وقـــراري .. ابــدليــلي هــوه داري
اطــوفه . واشـوفه .. رحــت فدوه الحروفه
من رحت فده السناه .. ما احب احد سواه
مولاي الحسن مولاي الحسن
__
جــدمي والله بغــير دربــه ابــد لاميدوسه
والعطايه من ابو محمد واضحه وملموسه
الرحمه والــعاطفه كلهـا بالحـسن مغروسه
انــه كل مامدله ايــدي اتــرد الي متروسه
حقها تتحير عداه .. ما احب احد سواه
مولاي الحسن مولاي الحسن
__
حيدر تركي الكربلائي
مولد الامام الحسن ع
.
.
.
جمال أعيونك ايات .. يقــران الكـرامات
اليشوفك لازم يگول
صــلاوات صـلاوات
***
يبــاء البســمله اســمك .. كــلشي حاير برسمك
رسول الله مــن شمــك .. راســاً طابت جروحه
حسن واية حسن شايل .. جمالك مرحله واصل
مثلـك يابــشر كامل .. اليشوفك تنخطف روحه
يكلشي الجاي والفات .. يالمــتوصفه كلمـات
اليشوفك لازم يگول
صــلاوات صــلاوات
***
الشمس واضواء هالديره .. گبالك تطلع ازغيره
وجهــك ويـــن متـديـره .. النهار انوارك اتكمله
نــورك منطـــلق للنــور .. يالماخذ عقول الحور
المهدك گصدته وتزور .. واجت لگماطك اتقبله
الملك لزمت سراوات .. ابتـهالات ومنـاجات
اليشوف لازم يگول
صـلاوات صـلاوات
***
جبـــرائيل من كــبر .. على باب الوصي حيدر
كلشي الجيتك استـنفر .. يســمع رايد اخبارك
نولد گالو سبط احــمد .. وكـون الله الك عيد
الفرح لايحصى لاينعد .. وتجــمهرنه يـم دارك
بدينـه وهالبـدايات .. فرح وبلا نهايات
اليشوفك لازم يگول
صـلاوات صــلاوات
***
الكرم وي مولدك اقبل .. يالـــمـــأصـــل يالمـــعدل
يفاضل انته بل افضل .. حسن وافضالك الحسنى
يمنبــع للعطـايا انـــته .. مـــثلـك والله ماشــــفته
وسـام الجود حصـلته .. وصـــيتـك بــاقي لايفنى
يبو چفوف السخيات .. يمجـــزل للعطيات
اليشوفك لازم يكول
صــلاوات صـلاوات
***
السماء السابعه اتنادي .. الــف مبــــروك هــــادي
انولد انسان مو عادي .. نولد شيخ الزلم صاحت
نولد ونولدت البـسمه .. وگـــــرت عيــــنـها امــه
سمه الله وجهت كلمه .. وبسمــات الفـرح لاحت
الارض واهل السماوات .. تــوزع ابتــسامات
اليشوفك لازم يكول
صــلاوات صــلاوات
***
بنــي هاشــم سوالفهم .. الفــرح لاح بشفايفهم
كـــل أنسـان شايفـــهم .. يهنـــي وهــم يهنونه
فرحتك يالحسن نفحه .. فتحـت للفرج صفحه
يامن مــولدك صــرحه .. بعلو النجمه يشوفونه
تهـانينـه قــليلات .. ومتوصفها كـلمات
اليشوفك لازم يكول
صــلاوات صــلاوات
***
حيدر تركي الكربلائي
مولد الامام الحجه عج
.
.
.
سبحانــه الذي .. أسره ابهالعشگ
من سامـره إلى .. گلبـي المحترگ
***
أنه عاشـــگ والعشگ بعيـوني واضح
انه احب بس واحد واسمه ابو صالح
ما يغـادرني بعــظيم افــضاله
المهـدي ألطافُه علـــيَّ تتــواله
الناس من أقصدها تقفل بوبها
وهـوه فاتـــح بابه الــي ودلاله
يا الردت الـصدگ .. هاك اخذ الصدگ
مــن سامــره الــى .. گلبــي المحترگ
***
رضا الودام غــايه بس مومهم عندي
المهم عنــي يرضى أبو صالح المهدي
الماتعــجـــبه والله ما أســــويها
حچايه التـغـــثه فــــلا أحچيها
عيــني اذا مابيها موجود الامام
عيـــني هــذي ما تـشــرف بيها
وريح امحبـته .. ايهب من اختنگ
من سامراء الى .. گلــبي المحترگ
***
حب أبو صالح خلاصـــة روح الإيمــان
المايعــجبه خــل يفــــيده فلان وفلان
البنه بروحه جمكران احساسه
هذا تلكه المهدي وسط انفاسه
والبشر لو راســه يوم ايــنزلوه
الله بالمــنتــظر يــرفــع راسه
واشعر بالحچي .. وي نبضي يدگ
من سامــراه الى .. گلبي المحترگ
***
شوكت گالولي صـــرت مـن المحبين
انه گلت الـهم أحبــه من چنت طين
قبل الأصــلاب وقـــبل تكــــويني
نــار حــب المنتـــظــر تـكــــويني
حسب ما أعتقد بالذر اسمي چان
مهـدوي وكــل الخــلـــگ تـدريني
وعن هذا الاسم .. لا ما أفـــترگ
من سامره إلى .. گلبي المحترگ
***
بذكـر أبو صــالح أرتــل ليـــل ونهار
بلكي هاي الجمعة زينه بيها الأخبار
بلكي أحظــى بشـوفته واتهنه
امنـــية شــائق الــــه يتــــمنه
عيونه جنه ومنو مايتمنه كون
يجي يوم تشـوف عيـنه الجنه
وعيون المحب .. لامــتنــــطبگ
من سامره الى .. گلبي المحترگ
***
حيدر تركي الكربلائي
مولد الحجه عج
.
.
.
كلشي بيه صالح .. وحب ابو صالح
افضل الاعمال
***
مهدوي من زغـري مابعت القضيه
مهدوي قاسم وحــق امنه الزچيه
مهدوي مــن الـــمهد حـــد المنـيه
مهدوي وثــورة دمـــائي مهـدويه
السانـي بالمهدي لهج
منتــظر يـوم الفـرج
يمــته يوسف فاطمه
يمته اسمع بيه خرج
منهجي واضح .. وحب ابو صالح
افضل الاعمال
***
منتـظر چــن عالجمر واگـف اتاني
منتـظر انه شكثــر صاحـب زماني
منتـظر وامن انتظاره اشگد اعاني
منتـظر انساني باخطائي احتواني
مدنگ واحچــي بخجل
اشما گلت مهدي العجل
هوه ماحسـسني يـــوم
عـنـي ابو صـالح زعــل
عــقلي بيــه سارح .. وحب ابو صالح
افضل الاعمال
***
عاشگ ونار العشگ تچـوي بدليلي
عاشگ وادري العشگــته ينـدعيلي
عاشگ المهدي ونعـم هــوه خليلي
عاشگ ومنتظره ياسـاعه يجــيلي
حاشــه اذا شوگه امل
وحاشه عـن دربه ازل
من يزل جدمــي اتيه
وحـاير ابأمــري اضل
عنـــه مــابارح .. وحب ابو صالح
افضل الاعمال
***
روحي مشدوده اعله باب المهدي امامي
روحي تحچـــي ليـــل ونــهـار بهـــيامي
روحي تلهــچ بســـمه يا احلـى الاسامي
روحي گلبي عقلي كلشي الــبيـه ضامي
ضامي للمهدي صدگ
الگلـبي بس يمه يدگ
النـــاس كاتلـــها البرد
وانه كلـــساع احترگ
هالعشگ جارح .. وحب ابو صالح
افضل الاعمال
***
حالف بعافيــتي وبديني وضميري
حالف بمستـقبلي وذاتـي ومصيري
حالف وبس هـوه ابو صالح اميري
حالف ابيعه عــلي ويــوم الغديري
مستــــعـد انــه الــــه
هـــذي اول مــــرحله
ثاني شي يم الحسين
راح انــطـره بكـــربله
جفــني اله فاتح .. وحب ابو صالح
افضل الاعمال
***
حيدر تركي الكربلائي
اقسم وحق القل هوه .. محتاجلك مثل الهوه
محتاجلك مثل الهوه
يابو صالح
-----------
ياحبيبي اوداعة اعيونك .. مجنونك .. تدريني تدريني
گلبي من گد فرگتك ذايب .. يالغايب .. ياذيـني تدريني
يمته ترجعلي واسولفلـك ضماي
إي يــماي الله الـذي مامثله ماي
الغيمتك يالمهدي محتاجه سماي
دلالي عگبك ماروه .. محتاجلك مثل الهوه
محتاجلك مثل الهوه
يابو صالح
--------
يامامي ومالك احساسي .. وانفـاسي .. يالــوالي يالــوالي
بدنيتي بس انته يالمهدي .. وماعندي .. كل غالي يالوالي
انته كل ما املكه بهاي الحياة
يانجاتي وغيرك امنين النجاة
الماتمســك بيك ايامــه شتات
وعليك دلالي انطوه .. محتلجلك مثل للهوه
محتلجلك مثل الهوه
يابو صالح
---------
گالو اترد يمته ترجعــلي .. ياخلـــي .. المنتظره المنتظره
ابگد عدد ايامك اجروحي .. وروحي .. منكسره المنتظره
خلصات ايام عـــمري ابأنتــــظار
الناس مثل الثلج وانه گليبي نار
يمته اشوفك يا امامي بأختصار
المايرهم الجرحه دوه .. محتاجلك مثل الهوه
محتاجلك مثل الهوه
يابو صالح
--------
شيب امن امناطرك رمشي .. وكلشي .. يتامل يتأمل
والي مابيــه ينتــظر صعبه .. گــــلبه .. يتحمل يتامل
ارحم الدلاله متـــفــطر عليــك
انچان لا مابيك جيه انه اجيك
امنية عمري اقبل كــون اديـك
المن شوگك ابگلبه انچوه .. محتاجلك مثل الهوه
محتاجلك مثل الهوه
يابو صالح
---------
كل خليه ابجسمي تتأهب.. وتترقب..اخبارك اخبارك
جرح هجرك حيل اذاني .. وخلاني .. اتشارك اخبارك
انته شغلي الشاغل البيــك التهيت
إي يـسالفـــتي ولاغــــيرك حچيت
انسه امي واهلي واسمك مانسيت
يمته يرف بيدك لوه .. محتاجلك مثل الهوه
محتاجلك مثل الهوه
يابو صالح
---------
الــدولة العـــدل الالهــيه .. ليــلـــــيه .. اتنطر اتنطر
امنياتي ناظري ايشوفك. ولچفوفك .. اتحسر اتنطر
ريـت كون ابدولتــك خادم اصير
وكون اشوفك وين ماناظري ادير
الشاف وجهك سيدي حظه چبير
هنياله من شافك ضوه .. محتاجلك مثل الهوه
محتاجلك مثل الهوه
يابو صالح
--------
حيدر تركي الكربلائي
مولد الاكبر ع
.
.
.
قمر الحسين .. علي علي الاكبر
نظر الحسين .. علي علي الاكبر
***
نــوره سبــحـانـه الخــلق نــوره
صـوره مــن المــصطفى صـوره
يزوره موعجـبـه الوحـي يـزوره
اسطوره ومامثله تجي اسطوره
عــلي مــرأة تعــكس كــل جمــال الله
اليشــوفه ابلا شـعور اعـله النبي صله
وصف الحسين .. علي علي الاكبر
لطــف الحسين .. علي علي الاكبر
***
جله مــن ســوه علي جله
خله بوجناته الضــوه خله
عله اسـمه اويه النجم عله
گله ابكيـــفك ياعلـــي گله
طـبيـــعيه الذي جـــده علي حيدر
يكـبر شــانه ويسمــوه علـي الاكبر
هتـف الحسين .. علي علي الاكبر
شغف الحسين .. علي علي الاكبر
***
حيدر چنه المرتضى حـيدر
قسور بالحـومه عـلي قسور
يگـــدر للاكـبـر مــنو اليگدر
فسر شخصيـته مــنو الفسر
علي طـل اسـم محـد فســر اوصافه
يطــيح الــفارس المـــقدام اذا شـافه
صـارم الحسين .. علي علي الاكبر
خــادم الحسين .. علي علي الاكبر
***
مصحف ويله اليخطي بالمصحف
بالطــف صگــــار الزلــــم بالطــف
يزحــف مــن خوفه الجمع يزحف
خـــوف للسبـــعين الـــف خــوف
اذا اشــتد الوطيـــس وطـب علــي بيها
عـالـــيـــها يگـــلبـــه فــــوگ واطـــــيها
هيـــبة الحسين .. علي علي الاكبر
ظـربت الحسين .. علي علي الاكبر
***
خــالد كل عمــره يظـل خالد
واحد بالدنـــيه عـلــي واحد
قائـد بچــه ميـت الــف قائد
ساعد لحسين السبـط ساعد
المنطي كل حيــاته لجــل ابـو اليمه
يظــل خالد علـى طول الـدهر اسمه
ثمـر الحسين .. علي علي الاكبر
آثــر الحسين .. علي علي الاكبر
***
حيدر تركي الكربلائي
ميلاد السجاد ع
.
.
.
علي علي يسجاد .. علي علي يسجاد
علي علي يسجاد
_____________
الولــدان امعـــيده بهـاليــله والحــوريات
وجبرائيـل اباب الجــنـه ايــوزع بــسمات
اشما احچي بميلاك تبقه مقصره الكلمات
يَبــن الـــنبأ ويبـــن الطـور ويبـــن الايات
ويبقه كلامي ينعاد .. علي علي يسجاد
علي علي يسجاد
_____________
من اذكر اسمك ليش اشتـم عطر القداح
ياعطــر الجنه وبــس يمــك گلبي يرتاح
جدمي الغيرك يابــو الــباقر اصلا ماراح
دافــن روحي ابــعتـبة بابك مثل السباح
اجيتك اخذ امراد .. علي علي يسجاد
علي علي يسجاد
_____________
طشيت اشفافي ابميلادك ضحكه اويه الريح
وفرحـــة ميــلادك غمــرتني وصارت تسبــيح
امــن الساني سالـوفة حــبك ابــدن متــطيح
ابذكــرك يابــو الباقر روحي مـتعوده اتصيح
هالليله احلى ميلاد .. علي علي يسجاد
علي علي يسجاد
_____________
بــس مرضــات الله ومرضــاتك دلالي ايريد
ياعــيــد الله ودوم اعتــبرك بــس انته العيد
اتوج يوميه الروح وتطفي چيه صرت ابعيد
شحچــيلك شحچيلك عــني واشـواگي اتزيد
ادري البُعد مينراد .. علي علي يسجاد
علي علي يسجاد
_____________
ابميلادك مديت اچفوفي يابـو الافـضال
وكلــمة جود الله المــعروفه الكــم تنگال
اهمومي اتفض يمك وادريها لوگد اجبال
عنـدك سهله وكلش سهله ومابيها اشكال
عليكم اني معتاد .. علي علي يسجاد
علي علي يسجاد
_____________
سديت اعله اسمك اجفاني وغيرك ماشوف
وكلمــا شوف العــالم ارجــع يمـــك مــلهوف
وصفــولي الجنه وادريبك انــته المــوصوف
المامعــروف بحبـــك اصــلا لامـــامــعــروف
وبيك المحبه تزداد .. علي علي يسجاد
علي علي يسجاد
_____________
حيدر تركي الكربلائي
هوسات لـ ابي الفضل ع
.
.
.
يالمــچنه يالــمعدل يـساس الساس
يالمتروس غيره امـن الجدم للراس
ياعــباس ماكــو اليـشبــه العـــباس
ها الطين المنه امسوه
خلص يـوم الله السواك
------
السبعين الـف بالطـف انته من طبيت
يتلــولحــن والله ارگــابـــهم خـــليت
عــد عيــناچ زيــنب انـته مـن نـاديت
ها وروس العسكر وصلت
نص للكــوفـه ونـص للشام
حيدر تركي الكربلائي
شهادة امير المؤمنين
.
.
.
گالولي وانشق القمر ** وراساً طفه ابعيني النظر
مـن هــالرزيه
حاچوني فدوه ياهلي ** معــقوله متصوب علي
حامي الحميه
————-
اشعلام اهل السمه والارض يبچون
هــلي يهـــل المــــروه لاتســــكتون
عــن زينب احسكــم شـــي تضمون
علـي بـــس لاتصـــوب نـور العيون
هل ياترى حيدر مصاب**هل ياترى مات ابو اتراب
نيرانه بيه
حاچــــوني فدوه ياهلي ** معقـــوله متصــوب علي
حامي الحميه
————-
شلـــون بزينـــب ام روح الحنــينه
شــــلون وتســـمـع الـــوالد ونيـــنه
اشيطيبه الظربه وصلت حد جبينه
ماظـــن يالحــسن يشــــفه ولـــينه
احچيلي وشگال الطبيب** إيطيب لو لا مايطيب
لو هاي هيه
حاچوني فـــدوه ياهلي ** معقوله متصوب علي
حامي الحميه
————-
علي بـــويه گلـــتله اليــوجعــك وين
احســـه ايگـــلــي زينــب ماتــگدرين
انغمه اعليه وطحت من شافته العين
گعدت الگيت راسي ابحظن الحـسين
كل خوفي يفتر الزمن** وبحظني احط راسه غداً
بالغاظريه
حاچوني فدوه ياهلي ** معقوله متصوب علي
حامي الحميه
————
المصــابك ياعلـــي ينــــراد دلال
چبير وكون كبـــره بكـبر الجــبال
بوگعتك بده الطف وايامه الثگال
وبدت كوفتـهم اتلم ليـدي الحبال
شتسوي ها يابالفضل ** لو شدو ايدي بالحبل
كوم ال اميه
حاچوني فدوه ياهلي ** معقوله متصوب علي
حامي الحميه
—————-
عزمي اخلاف ابو الحـمله تهدم
ومثل زينب احس كلشي تيـتم
علي من هــاي اذا هالليله يسلم
ميحــرگون بالطـــف المــخــيم
بخيامنه بذاك الظهر ** ميصيح فرهود الشمر
وابقه الأبيه
حاچوني فدوه ياهلي ** معقوله متصوب علي
حامي الحميه
————
حيدر تركي الكربلائي
نحبـــك ياعلـــي ياحـــامي الجـــار
نحبـــك ياعلـــي ياحـــامي الجـــار
***
ياعلي ايحق النه بسمك نفخر
يــلي رافع صيتـــنه مــن الذر
ماصخه الدنيــه بدونك حيدر
يا ابو تراب
ملوحة ايدك فدوه رحنه الايدك
غزرت بينــه وصـــرخـنه نريدك
هــذا كلــه بفضــــلـك وتـــأيدك
يا ابو اتراب
وجهك شمس والمختصر ندري الشمس نعمه
والمايشـــوفك ياعــــلي يا بالحـــــسن اعــمه
ياكلـــمة الله وياعــــذوبة طــــاري هالـــكلمه
نردد بيك احنه زغار وكبار
نحب ياعلي ياحامـي الجار
***
بالرخـــاء وبالــشدد ويانه
مثـــل اولادك فـــلا تنسانه
علي مولانه وتضل مولانه
يا ابو اتراب
علــــي يالتتـــفايض انســـانيه
ياهو مــثلك عــــنده امكـــانيه
ايصير ابو الحمله وابـو الحنيه
يا ابو تراب
بالرقه انتــه وبالعـطـف چفينــه معروفه
وبالشدد شخصك ياعلي ماتنلوي چفوفه
يمرجف اگـــلوب الزلم يا احــله سالـوفه
يامن نلجئلك وكت الاخطار
نحـبك ياعلي ياحامي الجار
***
نحبك وهالكلمه مـن گلناها
اگلوب بعض الناس اذيناها
كافي گالو واحـــنه رددناها
يا ابو اتراب
انته راعي البيت راعي الشيعه
وابو البيت اولاده كون اتطيعه
ابن غيـــرك يفــخر بتـطبـــيعه
يا ابو اتراب
مذهبك راسه مانزل ظل صامد المذهب
وكل المذاهب طبعت ياعلي وي مرحب
مادام ترباتك علــي صـدگ فـــلن نـُغلب
عبيد الغير واحنه بـس الاحرار
نحبك ياعـــلي ياحـــامي الجار
***
علي يالاسمك صعـب تأويله
علي يالاسمك حــرز ونشيله
علي يالاسمك عظيم ادخيله
يا ابو اتراب
احساب تحسبلك الوادم كلها
يامن اثكــال الـشـدد تحملها
المالها حل انت بــس اتحلها
يا ابو اتراب
لو كثرت اعلــينه الفــتن بس انــته نلتزمك
وكل اسم نرفض ياعلي ونلهج فقط بسمك
يامن الطــاقه نستمد والعـــزم مـــن عزمك
يسر الله وتلوگ اعليك الاسرار
نحــبك ياعـــلي ياحـامي الجار
***
ابالــتزام امــرك فــلا نــتوانه
اكتاب وانته بكيــفك التقرانه
اجنود الك يا بالحسـن تلگانه
يا ابو اتراب
بالـسلم يابالحـسن ويــاكم
وبالحرب ياعلي ماننـساكم
ســلم احنـه للـــذي والاكم
يا ابو اتراب
باب الله بابك ســيدي للـناس مفــتوحه
يالمن اجـلنه ياعـــلي متـصـــدق بروحه
حبك نسوقه للبشر هوه اجمـل اطروحه
علي ولاماتوصفك هاي الاشعار
نحبك ياعلـــي ياحــــامي الجار
***
حيدر تركي الكربلائي
تجليبه لأمير المؤمنين ع
يراعي البيت بيــتك هالبقه خالي
ودمع ام البنيـن اخــلافـك ايلالي
------
علي ومنين اسولف بيك يارجواي
يبو بيتـي العــفو لا اســف مـولاي
كلمــة خادمه ابيتــك عليــه هواي
اعذرنــي اتجرءت ويـــاك يالغالي
-------
العبد من يحچي وي مولا يدنگ الراس
هــيج اويــاك انـــه يـــا اعـــز الـــناس
حتـــى ايشـــوفنــــي ويتـعلم العـباس
ويســــوي ياعلـــــي البــــالك وبــــالي
---------
يزين وعلمتني شلون اســوي الزين
وگتلي الراد يكبر صــيته بالـــدارين
خلي ايعوف كلشي وينتمي لحسين
وصيتـــك ضامتــها بــوســط دلالي
---------
ولــــدك اربعتهـــم والســبع تنعام
خام وعلى ايدي فــصلت هالخام
الزينــب ناذرتهم ياعلـــي خـــدام
وحتى ايضل خدرها بكربله عالي
---------
شو غــافي يبــو حچايات مملوحه
الماشماك نسـمـــه تخـــتنگ روحه
الـشاف ام البنــين يگـول مذبوحه
ساكــــت ياعــلـــي لا اول وتـــالي
--------
يـــذاك المحد ايدانيـــك ياصــنديد
يابو الغوث يابو الحمله ويـن اتريد
يعيد الله وتريد اتعــوفنــه ياعــيد
بعد بـــس مصابي وحزني يــبرالي
---------
الدنيه اخلاف عينك موحشه وضلمه
ينعمه ومـن اديــــنه انباگـــت النعمه
علي وحقه العليك امـن البچـي يعمه
مكانك من يضــل يابالحســـن خـالي
--------
مكانك من يضل خالي يصيب اگلوب
وگلب ام البنين ابسـاعه تدري يذوب
يالتمر بيه كله اغــروب اجـه الغروب
وتدريبــه شيســــوي الفاگــد بحــاله
--------
حيدر تركي الكربلائي
شهادة الامير
.
.
.
سؤال شنــو ســـويت ياقـــمبر
سؤال وخـادم صرت عد حيدر
يالمتــوفـق الــهـاي
ارشدنه عــلى الراي
ياقمبر
***
السؤال الاول انسئلك .. علي شوصلك يم دربه
رتبــة خدمتـه صعــبه .. شلــون ونــلت هالرتبه
عبد انته وعبيد احنه .. انصحنه شلون ونعجبه
يالــطبـــيــت دلالــــه .. بــيــا صوره نطب گلبه
سؤال اشتراك امنين والينه
سؤال بـلكي اويـاك يشرينه
ابلياه نتعب اهواي
ارشدنه على الراي
ياقمبر
***
السؤال الثـــاني ياقمبر .. العلي لمن صرت خادم
ابشنو غذاك حامي الجار .. ورأسـاً اصبحت عالم
خشن هــم لبســك مثــله .. عــلي لو لبسك ناعم
يقمـــبر بالـــذي اتـعــبده .. علي هم يشبه الوادم
سؤال من السواها وانته ادره
سؤال خليفه مصاحب الفقره
ياهو المثله شراي
ارشدنه على الراي
ياقمبر
***
السؤال الـثــالث الاصعـب .. نسـئلك لچــن نترجاك
من انـطه الحسن وحسين .. مثلهم انته اهم انطاك
شكثر شـايل عطــف گلـبه .. يقــمبر حيــدره مولاك
بحيث انته الفقـط خادم .. اويه اولاده علي ساواك
سؤال الخـادم منظره امبهذل
سؤال ونحسـك كــلش امدلل
الشافك صاح مولاي
ارشــدنه عـلى الراي
ياقمبر
***
السؤال الرابع انسئلك .. شويه اسئله شخصيه
العبوديه العشت بيــها .. هـــم مثـــل العبوديه
اذا فكــر علي يعتــقك .. بيــك اتفـارگه اشويه
بيك اتفـارگه لحــظات .. مــقابل عمــر حــريه
سؤال علــي هــم ينشــبع منه
سؤال ياهو احله علي الجنه ؟
بشمس وندور افياي
ارشــدنه علـى الراي
ياقمبر
***
السؤال الخامس ونختم .. اشلـون اخلدت بالدارين
اكيد امن اخدمت حيدر .. يقمبر هم خدمت حسين
علي هم علـــمك تبــچي .. على زينب لطمت العين
عالتـــنســبي بالكــوفــــه .. سويــته عـــزائـك وين
سؤال شگد مـــن هــاي تتعذب
سؤال على حسين وعلى زينب
حسين الماشرب ماي
ارشــدنه علــى الراي
ياقمبر
***
حيدر تركي الكربلائي
لشهادة امير المؤمنين ع
.
.
.
كافـي مـوكـسرتي الظلوع
بـويه زينب بـسـچ ادمـوع
دمعتچ چنها نـهـر .. خلـت ابخـدچ أثــر
بـويـه زينــب
_____________
اشـبيـچ يابـويـه يـزينـب ليـش عيـنـچ حـمره
ليش كل هذي البواچي ابراسي بس هالطبره
شلـون لـو شفتـي اخـوچ حسين فوگ الغبره
وبذنـچ اتسـمعين مـن الـخيل تطـحن صـدره
گلبچ ابهالساعه شـيگول
لـَمن اتشـوفين الخــيول
اتساوي صدره اويه الظهر .. خلـت ابخـدچ أثـر
بويه زينب
_____________
ليـش كل هـذي البواچي وانـه يمـچ گـاعد
آلمـتـني ادمـوع عيـنچ بـويـه الله الـشـاهد
ارد انصحچ بويه زينب ابچي بس الـواحد
الشمر لوشفتيه يبويه فـوگ صـدره صاعد
حتــى لـو تعــمين العــيون
للحـسين اعـيـونـچ اتهــون
ادري دمعات النظر .. خلـت ابـخــدچ أثـر
بويه زينب
_____________
جرحي بس واحـد يزينب بـويه لا مو ميه
وحرگت اخدودچ دموعچ بالبواچي اعليه
اشلون اخوچ اتشـوفه عينچ جثته مرميه
من يصـيح الشـمر بسمـچ يالله يالمـسبـيه
وانتـي مـوبـيـدچ تظـلين
اويه الشمر لازم تـروحين
اتمَوت اجروح الدهر .. خـلـت ابـخـدچ أثـر
بويه زينب
_____________
انــه للــعبــاس گتــلــه بـويــه لـَـتخلـــيها
اختك امن اتريد ماي امن العيون ارويها
بـويـه زينب والـشريعـه بالـچ اتگـصديها
رايحـه العباس اگـعـده فــدوه لتـگـوليها
يستحي مگطوع الچـفوف
عالشريعه طـولچ ايــشوف
وظهره الحسين انكسر .. خلــت ابخـدچ أثـر
بويه زينب
_____________
جرحي بس من صوب واحد ينزف اتشوفينه
ولجـل جـرحي دمــع عـينچ من دمــه اتهلـينه
حســـين باچــر عالتــراب امطــبر اتعــوفـينه
اچفــوفــچ امـربطه بويـه وبـيمـن اتــداوينه
عـلى جسـمه من تمـرين
مــا الومــچ لوتمــوتــين
الظعن من ابجسمه مر .. خــلـت ابخـدچ أثـر
بويه زينب
_____________
اخوانچ ومن تغفه عيني جسمي ميتركونه
ابـچـي عالـيـبقه ثــلاث ايــام ميــدفــنـونه
عــادت الميـت يبــويــه بـچــفــن ايلـــفونه
وبـس الحسين ابحــصيـره لـَمـن ايچفنونه
يختلف عالمـوته الحسين
لاغـسل وبـلايه تچـــفين
ابدفنته جاچ الخبر .. خــلت ابخــدچ أثـر
بويه زينب
______________
تمت والحمد لله في ١٤ / ٦ / ٢٠١٧
حيدر تركي الكربلائي
هوسه
لتعيــد يشــامـت ولـــك لتـــعــيد
تظن ابهاي انتـه چــفوفــنه اتگيد
بدال السيد احــنه عدنا الف سيد
ها اعمامه الطاحت فوگ الگاع
ابـنص انـهار تخضر روس
نزال الليالي العلويه
.
.
.
حيدريون .. نعـم يا اهـل خيـبر
حيدريون .. ونحذو حذو حيدر
***
يخيبـر لو الكون ابابــك اتـجمعه
وكيــانك يزدهــر والوادم اتــبعه
باچر من يجي صاحبنه بالجمعه
بابك احنه وي چرچوبته انشلعه
حيدريون .. وفيــنا العــزم كـبر
حيدريون .. ونحذو حذو حيدر
***
اذا العـــالم ابأســره الكـــم مـــوقع
تحلـــمون بحــلـم وايــاكم انطـــبع
لا مــو انتــو الاكبـــر منكــم انجزع
امن احرورة گصصنه خيــبر انموع
حيدريون .. لــديــن الله نثـــأر
حيدريون .. ونحذو حذو حيدر
***
علي والدنـه حيدر روسـكم شــيب
وعلى طول الزمن تاريخكـم تعــب
مــو مرحب اسئلـــو لا ابــو مرحب
عاصف صرصر ولحــصونكم خرب
حيدريون .. كأنــا ريــح صرصر
حيدريون .. ونحذو حذو حيدر
***
الوالــكم اكــيداً ما اله احچــايه
ابمدينة النبي من عدهم اهوايه
عــدا انسان واحـد ثابـت ابرايه
وبزردومكم ضــل عــلـي سلايه
حيدريون .. ورثنــاها ونــفــخر
حيدريون .. ونحذو حذو حيدر
***
اليگول الشيعه ضـلو مالهم قاده
نگلـــكم ماعرفنه موت الوساده
ولاده تـــضــل الشيـــعـه ولاده
نعــم مادام بيــنه تنبـض الساده
حيدريون .. فلا نخـفى ونــدثر
حيدريون .. ونحذو حذو حيدر
***
اليتســـتر وباني الـبيتــكم حائط
وهوه ابامتحانات الشـرف ساقط
اكيــد المحتويكم محــتواه هابط
يجيكم يوم صافيكم يــرد خـابط
حيدريون .. تمرسنـا علـى الـكـر
حيدويون .. ونحذو حذو حيدر
***
حيددر تركي الكربلائي
لميلاد الامام الحسن ع
.
.
.
انه محبوبي .. محبوبي .. محبوبي الحسن
انه محبوبي .. محبوبي .. محبوبي الحسن
__________
اعليه اسئلو الوادم .. امسودن انه وهايم
واليـريـد ايـشوفني .. ايـصـير مثلـي لازم
مثلـي كـون افعـاله .. الحسـن ساكـن بـاله
المــامجـرب روحـه .. لايـــگـــول اشـمـاله
هواي گالولي .. گالـولي .. گــالــولــي لـمن
انه محبوبي .. محبوبي .. محبوبي الحسن
__________
الله يدري بغايـتي .. من حچيت احچايتي
البعض صـَدگ بيـه .. چـيـف بيـضه رايـتي
أكـو ميــصـدگـوني .. الحـجة الله اجـنوني
حچو عني اهـوايه .. كـــوداً ايــكــرهــوني
ولليحبوني .. اچفوفي .. اچـفوفي انـدعن
انه محبوبي .. محبوبي .. محبوبي الحسن
__________
بالحـسن محـبـوبي .. المـايعـجـبه اسلـوبي
انــه اريــد اعـلنــها .. لايــــگـــرب صـــوبي
أبتــعــد گــالـــولي .. وانـــه ادري ابـــذولي
واعــرف ابنـيتــهم .. همــه مــن حلــفــولي
ظنهـم اتنازل .. اتـــنــازل .. اتـــنــــازل لان
انه محبوبي .. محبوبي .. محبوبي الحسن
__________
بعـيني اشوفـن أيه .. وبسـمــه امـسـمايه
المــاقـبــل لايـقــبل .. كل شخـص وبرايه
المـاعــرف معــناها .. گـــَلــي لاتــقــــراها
خـوفــي لافــسرها .. ومنـه يـزعــل طاها
دومـي اقراها .. اقــراها .. اقــراهـا بشجن
انه محبوبي .. محبوبي .. محبوبي الحسن
__________
امجدي جـاي ابــابه .. انـــي مـثـل احـبابه
والحــســن ادريـــبه .. مــــايــــرد طــــلابه
چــفي مـــن مـديته .. خــالــي مــــارديـته
بيدي صـك انطــاني .. وبي شفاعه اقريته
اعرفته يشفعلي .. يشفعلي .. يشفعلي اذن
انه محبوبي .. محـبوبي .. محبوبي الحسن
__________
الماوصـل لـي ابحـبه .. هــــذا هــــوه وربه
لايــشــــهـــر بـــيــــه .. السمعه جدا صعبه
ناصــبي اليبــغضني .. وابـــد لاميـــحـبني
عـلى اقــل احـچايه .. اجبـال بيــها يــبني
رايــد اعلنــها .. اعلـنهـا .. اعــلــن للــزمـــن
انه محبوبي .. محبوبي .. محبوبي
حيدر تركي الكربلائي
مولد السيده رقيه
.
.
.
يگلب وروح الحسين .. رقيه رقيه
يبعد اعيوني الاثنين .. رقيه رقيه
***
يحــوريه حسينيه .. مقاماتچ سماويه
وصفاتچ كربلائيه
يأطهر بذره
عظيمه ياعظم قدرچ .. زغيره ومحد بكبرچ
يالمحير البشر امرچ
يروح الزهره
ليس كمثلكِ شيءٌ رقيه
لحسين ابو اليمه اجت هديه
كأنك الراضيه المرضيه
يشمس الله وتضوين .. رقيه رقيه
يبعد عيوني الاثنين .. رقيه رقيه
***
ينور ابيت ابو اليمه .. ينعمه وبحظن نعمه
عطرچ لمن يشمه
يذكره ابامه
رقيه وشحلات اسمچ .. ابو فاضل هتف عمچ
وتدنالچ ايشمچ
ياعذب كلمه
ايگلچ فدائچ عيني وي چفيني
مو للنهر لا للسمه وديني
تحت امرچ وانتي امر امريني
همس بأذنچ كلمتين .. رقيه رقيه
يبعد اعيوني الاثنين .. رقيه رقيه
***
ضيائج بالسمه ازهر .. وشع ابيت ابو الاكبر
جبرائيل اجه وكبر
يريد ايطوفچ
اعله مهدچ طاف جبرائيل .. بالتسبيح والتهليل
جاب امن الجنان اكليل
اعله شكل حروفچ
روح القدس هوه حچاها اواثق
الوالدها ابو اليمه بجماله الخارق
الشاهد جمالچ صاح جل الخالق
ضيائج ماله تخمين .. رقبه رقيه
يبعد اعيوني الاثنين .. رقيه رقيه
***
رقيه انجازچ اشكبره .. يحره وبنت اخو حره
احير شما ردت اقره
بصفاتچ اتعب
يمن عمچ ابو فاضل .. نحذر الرايد ايجامل
ذليتي جمع كامل
كـ عمتچ زينب
اكبر عتيد وطاغيه ابلا ذمه
ايزيد الكثير اعقول عفنه اتقدمه
جدمچ رقيه ابقصره فركت خشمه
نطاچ الله تمكين .. رقيه رقيه
يبعد اعيوني الاثنين .. رقيه رقيه
***
الغاص ابهالبحر يتعب .. ينسخه ثانيه الزينب
عجيبه انتي والاعجب
صفاتچ جمه
صحيح العمر بس خمسه .. وفن تاريخهم ينسه
يعمه الي نسه شمسه
مؤكد يعمه
لو ماوجودچ چان ماچان الطف
شي كمل الشي انتو مثا المصحف
نور الله بيكم وابد مايتوصف
ونهايتها بكلمتين .. رقيه رقيه
يگلب وروح الحسين .. رقيه رقيه
***
حيدر تركي الكربلائي
السلام عليكم
اخوتي
لكثرة تجاوزات بعض الرواديد على قصائدي
من خلال تغير الكلام في القصيده
اقصد (الشعر ) وليس (اللحن)
اكرر ماقلته سابقا
غير مبرء الذمه من يتلاعب في مفردات قصائدي .
والسلام
مولد الامام الحجه
.
.
.
بهواك اتغنه .. يعـطر الجنه
يـعطر الجنه .. بهواك اتغـنه
يابو صالح
***
مغرمك . سيدي . ودم غرامك يجري بيه
انتظر . عالدرب . صاحب الطــلعه البهيه
وانسئل . ما اجه . يوسف الزهره الزچيه
اتأمل واتوسل ما اندل .. انته ابيا مكان
دليني تدريني اتأذيني .. طعنات الزمان
تـــرد اتمنه .. يعطر الجنه
يعطر الجنه .. بهواك اتغنه
يابو صالح
****
ياضوه . وكل فجر . انتــــظر غرة ضيائك
دنـــيتي . مظـلمه . سيدي بحاجه السنائك
نلتقي . ابيا وكت . يالحبـــيب ابكـــربلائك
ابنوماسك واحساسك وانفاسك .. اترس ريتي
والزهره بالحظره من نظـــره .. تضحك دنيتي
اريد اتهنـــه .. يعطر الجنه
يعطر الجنه .. بهواك اتغنه
يابو صالح
***
همستك . ياعذب . امن الجنان احله رساله
يانـــده . ولو وگع . ايـغازل الجوري وجماله
بسمتك . بســملــه . مـــن لــدن رب الجلاله
ياراقـي بأوراقـــي واحداقي .. كاتــب قصتي
مجنونك وعيونك من دونك .. تصعب حالتي
غرامك چنه .. يعطر الجنه
يعـطر الجنه .. بهواك اتغنه
يابو صالح
****
شوفتك . حسرتي . وادري هـــايه موبعيده
احترگ . من يـــمر . طاري اسمك بالقصيده
الخالقي . انـــدعي . آرنــي الطلعه الرشيده
ياغالي دلالــي وأمــالي .. بيـــك معلــــقه
كلمها وعلمها وارحـــمها .. روحي العاشقه
دليلي وفنه .. يعطر الجنه
يعطر الجنه .. بهواك اتغنه
يابو صالح
****
صورتك . تنـرسم . ويـــن ماشـاهد مناره
اعرفك . كل وكت . راحـتـك بس بالزياره
امروتك . شوفتك . اتجبر الگلبي انكساره
اتحير واتحسر واتنـطر .. كل ماطب صحن
اتأهب واترقب واتعذب .. يا أبـــن الحــسن
اشوكت اتدنه .. يعطر الجنه
يعــطر الجــنه .. بهواك اتغنه
يابو صالح
****
ما امل . موعـدك . منتــظر حــد ماتجيني
عاشگك . وافتخر . مطشر ابدربك سنيني
مو مهم . والاهم . يمته تـــرجـع ياحـنيني
والمــوعد من يبعد ماتخمد .. نيــران الگلب
مشـتعله وموســهله ياقبله .. بعيون اليحب
متى تتـعنه .. يعطر الجنه
يعطر الجنه .. بهواك اتغنه
يابو صالح
*
حيدر تركي الكربلائي
ميلاد الحجه
.
.
.
امبارك امبارك .. ياسيدي امبارك
كل عام وانته ابألف خير
يامهدي
_______
گــالــولي لاتفــرح تــره هالفــرحه متفـيدك
مــارايــديــني احــتفل ياســـيدي ابعيـــدك
وجــهك العـيد وگلـبي المـفارگ تره ايريدك
وعيديتي يالمهدي الصدگ لمن ابوس ايدك
لمن تجي اخبارك .. ياسيدي امبارك
كل عام وانته ابألف خير
يامهدي
_______
كـل مـا اهنيـك انـه احـس بالتهنـئه امقصر
والســاني يالمهــدي تــره محـــتار شيـــعبر
عــودي اذا باچــر يبــس لمن تجـي ايخضر
ودلالــي بســمك ســيدي لــو شافـك ايكبر
شغلتني اسرارك .. ياسيدي امبارك
كل عام وانته ابألف خير
يامهدي
_______
وجــهــك الخــير وغــيــره ياســيدي ماعنــدي
اقـرب شخـص انتـه الــي وتعرف شنو العندي
امعيشـتني نظراتك ملك وبهاي احس وحدي
اشتــملك يگــلولي البــشر گـــلتلــهم المـهدي
اتـونس ابـنارك .. ياسيدي امبارك
كل عام وانته ابألف خير
يامهدي
_______
اشـما تكـثر اهمـومي وتـزيد ابفگدك الامي
ماشــوف غيـرك سـيدي يالمــهدي گــدامي
روينــي فـدوه ابشوفتك گلـبي الك ضامي
ايــامي من غيــرك عدم وشتــنــفع ايـامي
غامـرني بنــوارك .. ياسيدي امبارك
كل عام وانته ابألف خير
يامهدي
_______
يمــته تــردلي ســيــدي وبحــظرتـك اركــع
مشــتاگه اذنـي النبـرتك يالمنـتظـر تـســمع
عندي قناعه ابكلشي بـس ابجــيتك اطــمع
ايدك على راسي يـغالي ابيــا وكـت تطــبع
واتحسس اثارك .. ياسيدي امبارك
كل عام وانته ابألف خير
يامهدي
_______
ويــاك عــيد الله صـدگ يتــســمه عـيد الله
اعلــيــك الــذي ماصــله لامــاينحسب صله
الشايف ضـوه وجهـك عـجــيبه عنه يتخله
ابســمة شفاهــك ســيدي جـبــريل يتــسله
وبشراقة انظارك .. ياسيدي امبارك
كل عام وانته ابألف خير
يامهدي
_______
حيدر تركي الكربلائي
لمولد ابالفضل العباس س
.
.
.
ابـو فاضــل امــامي .. ابـو فاضــل هـيامي
ابو فاضل ابو فاضل ابعثله سلامي
__________
عباس ايعيش اويه انفاسي
ومـن اتســـموني عـبـــاسي
الدنيه متلـمني امن الفرحه
اتمنه اتـجربـون احـساسي
عــباس الـنــور البعــيوني
امـروتكم كـافــي اتلموني
لوهمتو ابحب كافل زينب
مـــتأكــد راح تـعـــذروني
وميــوفي كــلامي .. ابـو فاضـل هيامي
ابو فاضل ابو فاضل ابعثله سلامي
__________
ياتــوفيــقي وياعافيــتي
يمعــليني ورافـع صــيتي
عرفتـني الـوادم عرفـتني
لمــَن وقعـت ابجنــسيتي
اهواك واعرف مــَن اهوه
ياثـروه ومـامـثلك ثــروه
المامكتــشفـينك اعذرهم
حقهم لو گالولي اشدعوه
ومن احچي بغرامي .. ابـو فاضـل هيامي
ابو فاضل ابو فاضل ابعثله سلامي
__________
خل يدري بحبي المايدري
عباس اويه الــدم اليجري
عمـري وأيامـي وســنيـني
وبلــياه مايــســوه عـمري
عن وصفه تعـجز كلـماتي
مالــك اخــرتي ودنــياتي
الــمايقبــل خــلي لايقـبل
انـــه وعــــباس ونــيـاتي
الحبه ابقــه ضــامي .. ابـو فاضـل هيامي
ابو فاضل ابو فاضل ابعثله سلامي
__________
اتوضه امن ايـمـر طـاريه
حــب عــباس امــغزر بيه
عبـاسي وافخــر عبــاسي
ومــيهمــوني العـــلــمانيه
اسم الكافل تــارس عيـني
وخيره اتطشر من چفـيني
الـما حـط عـبـاس ابــدلاله
ياهو السامحله ايحاچيني
والرافــع مــقامي .. ابـو فاضـل هيامي
ابو فاضل ابو فاضل ابعثله سلامي
__________
ورده وجربه اعيوني اتشـوفه
ومن اعطش اروه امن چفوفه
زمـــزم لامــــو زمــــزم اصــفه
مــتيــقـن كـــوثـــر بچــفـــوفه
الحـظــرة عــباس امن اتــعنه
اشعـــر چـــني ابــنص الــجنه
والــطــب ابــجـــنات الـــباري
منهــــا مــايطــــلع يتــــمــــنه
وبالجـــنه التــزامي .. ابـو فاضـل هيامي
ابو فاضل ابو فاضل ابعثله سلامي
__________
خدمة عباس احسن خدمه
نعـمــه والماحــس بالنعــمه
واجــب كلمـــن ماجـــربـها
يم عــباس ايســجل اسمه
فاتــح بيـــبـانه الخــطـاره
ويأمن كلمــن طـب ادياره
الجـاي بطلــبه ومتعـــنيله
ايرد لهله وماخذله ابشاره
ويا احلى الاسامي .. ابـو فاضـل هيامي
ابو فاضل ابو فاضل ابعثله سلامي
__________
حيدر تركي الكربلائي
قناة حيدر تركي الكربلائي:
هوسات للعباس ع
.
.
.
صـح ام البنـيـن الـجابـت العـباس
هـذا الخـبر شـاع ومـنتشر صيـته
بـس گلــي مـنو الـي ربـت العباس
زينـب ربـتـه وتعــبـت ابتـربـيــته
والـهذا الســبب ماعافـهـا الـعبـاس
چيه زينب ابزينب اهي اموصيته
ها اسئل والطف ايسولف
لمن صاحت يالعباس
*************
الطفل من ينولد مايحچي ياهالناس
يگـظي اچـم شـهر مـن العـمر سكته
وأول كلمـه ينطـق ماما هـوه ايگـول
بس عـباس زينـب صاح بسـم اخته
نــعـَم ام الـبنـين الولدت الـعــباس
بس زينب وفــه وبالـطيب راضعـته
ها النسوان اشما ربت
ميربن عشر العباس
****
حيدر تركي الكربلائي
قصيدة ولادة قمر العشيره
.
.
.
ابو الغيـره ابو الغيـره
حي عباس ابو الغيره
***
سبحانه الخلق عباس سبحانه
ميـزانه جـعل بچـفوفه ميزانه
عطاءه حير الناس .. عطاءه ماله مقياس
اليمر بحالة الضيج .. بس خيصيح عباس
كفـيل المـــاله كفال .. كفيل بحــل الثـگال
اخو خيته نعـم هاي .. اله بس هـيه تنگال
نحچـــيها وبــلا حيره
حي عباس ابو الغـيره
***
معانيه منــو ايفــسر معانيه
حسينيه احاسيسه حسينيه
وفي ومامثله وفاي .. وفي ذل سـطوة الماي
قليل الوفه البالكون .. وبالـعباس اكــو هواي
امام الوفه موصوف .. امــام بكلشي معروف
انطه كلشي لحسين..واقل شي چان الچفوف
اجه مـن فوگ تقديره
حي عباس ابو الغيره
***
تسمينه البعض گامـت تسمينه
مجانينه ويحــق النـه مجانينه
كراماتـــه بـلا حـــدود .. كراماتــه الـهـن اشهود
اشكم معلول اجه وگام..بس دگ باب ابو الجود
نطــــاه رب العطــيات .. نطـــاه منـــه كــرامات
تره اسهل شي العباس .. يـــرد الــــروح للــمات
وهاي المعجزه ازغيره
حي عــباس ابو الغيره
***
بطولاته حچــه الجيش ابطولاته
يخزراته افتكت بالجيش خزراته
يريد العسـكر اســــناد .. ويـــدورله اعلـه مشراد
الشـــمر ناده يـعباس .. علـــيك حـسين بس عاد
يصد عالميمنه اتطيح .. يصيد عالميسره اتصيح
بواچي وجيشهم صار .. مـثـل ريشه بوسط ريح
والطف صار تكـــبيره
حي عباس ابو الغيره
***
تـره نتعــب ابتفــــسيره تـره نتعب
فقط زينب تعـرفه اخته فقط زينب
نعم للخوه نيـشان .. نعم عبــاس عنوان
ومايتحرف ابيـوم .. كفيل ام عون قران
مثل عباس خـيال .. مــثله ماكـــو رجال
فن واحد يلاگيـه .. ابو فاضــل اذا صال
الجمع غـــير مقاديره
حي عباس ابو الغيره
***
حيدر تركي الكربلائي