بالمجلس قبل قليل :
بس الثوب ماشگيته عباس
وكعت اعله الوجه من جابوا اسمك
وصرخت بلا وعي احا يعباس
وچني بلاية صوت بحضرة ارسمك
وشالوني وركض رشوا عليّ ماي
وعمت عيني ولا واصل لشفتك
شيرجع الطف واجي بالماي ملهوف
مثل لهفة الجربة لخيمة اختك.
_ضُحـى العَطـية
أدري مراح توصل وأدري راح ينعاد كُلشي مثل اللي متعودين عليه بس هيهات ..
Читать полностью…
خاف واحد ميعرف مناطق الناصرية هاك اتفضل الخريطة عزيزي😂♥️
Читать полностью…
وهذا حيدر جبت عمري بسده طايح
وچان الي بكل شدة سد
حيدر من ارتاح اكصده
وبالحزن اول فرد
موش مثل الناس احبه
انه وي حيدر صلد
شيحچي اگولن هاي هي
لو يكول النار جنة
وعلي افوتن مستعد
ولو تصير عيوني عمية
بكل عماهن امشي لترابه ارتعد
بكلشي ناقشني اسولف
وي حيدر لا تحاول
منه ماخذ مستند
كُلشي من چفه هوية
وغيره كل موجود نَد
وهاك شوف شگد
على روحي سواد
رغم هذا انه ورد
وما گلك گلبي ابيض
بكل سواده لوجهه اصد
وبكلشي بيه شما رحت من بابه
اسمع صوته رِد!
يل تلاگيني بأخطائي وسواديني
اريد اغفى واشوفك
جاي حط ايدك على عيني
يكلشي بخاطري بس انت تدريبه
اريد ابابك اكعد مثل المجدي
اسولفلك على گلبي ودواليبه
تّلگاني وحك طينك
اذا شالوا حروف اسمك
اصير تراب وحداني
وهاهي ماخلصت
تدري شكو بروحي
اشتاگيتلك والنحر
وعيون مذبوحي ♥️
_ضُحـى العَطـية
گلبي بخاطره شايل
وانه وروحي بطلنا نسولف بيك
بس المشكلة نحايل!
وحگ عينك ترف گلبي
وصفه من الحمل مايل
لو تدري شكثر شايل!
_ضُحـى العَطـية
"هل سأمشط جدائلي مرةً أخرى بالرياح
وهل سأزرع مرةً أخرى، البنفسج في الحدائق ؟"
فروغ فرخزاد ١٩٧٤م
حِزن ..
واللِيلْ ما يطفىٰ بجِگارة وكاس
حِزن طَيرة وسِرَح بيها الفِكِــر
طاحَت بچَف الناس ..
حِزن اغنيّة من يغفى اليشَغّلها
وتِظل تغَنّي للحيطانْ ..
حِزن، مَرّات أشوفه إنسانْ ..
يتَعّبني، يكَبّرني ..
مَگابر غاد يوگَفلي عَلىٰ العِتبَة ..!
حَسن علي الغالبي
أجه العيد بفرحته ولمة الناس
ورجع لگلوبنا ضحك الحبايب
هذولة بلا تعب دگوا البيبان
تعبنالك ولا مريت خايب!
_ضُحـى العَطـية
لبيّكَ وإن قستْ القلوبَ
لبيّكَ وإن فاضتْ الذُنوب
لبيّكَ إنّا عائِدون، تائبونَ، نادمونَ
لبيّكَ اللّهُم طاعة وحبًا🤍
جَرحك ولاية گِناطر ..
حَتّىٰ ما يغرَگ إبن آدم
يالإسهامَك ..
بَوصلة لشاطي الكَرامة
ومِن صِعَد عَ الرُمح راسك
مانزَل راس اليحبَّـك ..
إنتَ يالإسمك حِرز دام اليكتبك
إنفرشَت ضٰلوعك مصَلّه
وگِمنا نِندَل جِبلة الله ..
(كلشي بيك يدَلّي بـ الله)
حَسن علي الغالبي
كُنت أرى وجَهك خلف غلالة المطر الغزير يبتسم ثم يرحل مضيئًا كنجم هارب ..
Читать полностью…
"رسالة الى المنابر"
تعبنا من الحچي الينگال يوميه
وتعبنا بكل مكان نشوف دم حسين
مو قائد بشر ميت ومسبية!
اريد اسمع حچي يكفي
أريدن كون من اغفى اضم چفي
أريدك كون من تحچيلي عن عباس
ماتسكت لحد مايسكت البيه
مو هذا الشهم قدم هواي هواي
ومسوي اجه للطف على اميه!
اريد تگُلي هذا حسين جاي منين
وليش انگلبت الدنيا اعله هالجية
تعبنا من النواعي على المنابر دوم
صح حسين ماينشبع من فيًه
بس خلفهم شعنده عليمن جاي
اريد أفهم شني الثورة الحسينية ؟
اريد تگُلي هذا الصار بالطف غاد
حافظها الخيم كل عام محتركات
وادري انباگت من الطفلة ترچية
دگلي شعنده جايب هلكثر نسوان
معقولة يريد حسين نوعية؟
اكيد بكل مره بيهن رسالة وصوت
مامعقولة جايبهن نواعيه!
واكيد من الرباب لحد بنات حسين
كلهن عدهن الروح الرسالية
وتدري شگد مشينا سنين صار نروح
وضحلي عليمن تمشي رجلية؟
شني رايح لان راحن خوات حسين؟
عمي شجاب زينب على الوهابية
تعقلها! بچت سكنة اعله بسط يزيد؟
يعمي ورأس ابوها محشمة هي!
جبت عمري اگول حسين يامظلوم
واطيح والطم ويكسرني طاريه
وادري شلون طاح واعرف انه اثنين
البچي ، ويهضمني طاري الف وسبعمية
چا غير افتهم شمسوي حتى يموت
وتفهمني ورا الميت قيادية؟
انتهى وكت البچي
وكبرن ادوار حسين
وحياتي من السوالف
تجز يومية
لا تحچيلي عن اخطائي
وتعددلي المخربات
انه اعرفهن احچيلي اعله تاليه
وشبعني بطواري حسين
وفهمني الحسين يلوگ لاجله النوح
بس يلوگله اكثر حچي الشيعية
تعب منتظر توصل هالرسالة سنين
وصل بس البچي وغرگان ببحوره!
اخذ بيدي لحد دوره
مو بس انه وعيونك
ترا هو طلع طوره!
_ضُحـى العَطـية
يا صاحبي:
في الناصرية لم يعدْ حيٌّ
فينتظر الحروب المقبلة!
فجميعُ من فيها
تعالوا عن بلادٍ أو حياةٍ
كلُّ ما فيها مقصلة!
أطفالُهم
قد حطّموا ألعابَهم
بصراخِهم حتى تراءتْ بوصلةْ
وشيوخهم
بعقالهم عقلوا الجراحَ
ورمّموا صدْعَ الرؤوسِ المثقلةْ
في سوقِهم
قدسيّةُ الدمِ لم يبعْهُا
السقشخيُّ على ضمائرَ مُقْفلةْ
ما دامَ
مطربُنا يُغنّي للندامى
خاشعاً فغداً تُحلُّ المشكلةْ
يا صاحبي:
في الناصريّة ألفُ ألف قصيدةٍ
سُبيتْ وأخرى أرملةْ
نفضَ
الشبابُ الآنَ عنها غُبْرةً
لترى وتسمعَ في الحقيقة سنبلةْ
مرّت بشطرتها
عيونٌ لا تُقدّرُ بالكلام
فصبَّ فيها اللّهُ معنى البسملةْ
وتمايلتْ
فيها الرفاعي طفلةً
نبويّةً من فرطِ خمرِ المنزلةْ
في فجرِها
امرأةٌ تحدّثُ طفلها
عَنْ ثائرٍ في الحقِّ يزرعُ أرجلَهْ
ليقولَ
للنصرِ المؤجلِ أنتَ لي
فإرادتي في كلِّ عصْرٍ موغِلة
ولْيخْبرِ
الغرافَ أنّ مياههُ
ما عافَها الفلاحُ حتى تُخْجِلَهْ
من جبّةِ الإصلاحِ
يخرجُ فارسٌ
بدموعهِ كلّ الدروبِ مبلّلةْ
فتضجّ
في دمهِ الفهودُ تَبجّحاً
وتلوكُ في فمِها الجراحَ المُهْمَلةْ
في الناصرية
ألفُ جيفارا على
قيد الحياةِ يخططون لمرحلةْ
فاشخذْ
برفضكَ ما أتاكَ من الجنوبِ
ولا تدعْ أيديْ السلامِ مُكَلَّلةْ
-حسين هليّل
ولو تدري شكثر عَتبان، بَس تِسوه؟
يَنايم رَغد وانه بنومتي أتلوه
گِضت، بَس گِضت بالگوه.
عذراء كاظُم.
أيَتُهَا التقليديَة
مَا هكذَا يكُون الحُزنُ
مَا عَادَتِ الدَمُوع تُجِدي
وَمَا عَاد البُكَاءُ يُريحُ القلبَ
كُوني عَصريةٌ ومَارسِي حُزنَكِ بِرُقيً
نَامِي ..
رصَيفُ شَارِعنا الذي لا تمُر عليهِ ، يتَاكل من فَرط التَعب ..
Читать полностью…
- الرساله ؛ (شوغة الدَم)
شَرّعتني چفوف غُربة ..
طشّرت زَفّة هَلاهل تمشي بالدَمْ
وباعني اللِيلْ إعله حَسبة خايفين ..
''وانه وجناح القصايد''
مدري وين مسافرين ..
ندوّر الگاع إعله شَهگة
ندوّر الگاع إعله رُفگة ..
نوصل لسابع سِمة مرايات گَمرة
ونندفع من چَف مُطر ..
نطيح غنوة لِيلْ بحلوگ السِكارىٰ
ونِنمحي بصحوة صُبح ..
ضايعين ..
درّة فكّت عينها بشاطي الحِزن ..
باردين ..
مِحبس المَوتىٰ الينزعوه للدفن ..
''وانه وجناح القصايد''
نرسم الفرحة بنعاوي ..
نِظفر الصَفنة قصيدة ..
انّناغي لِعب الهور والبَردي وعَجدنه
لحد ما يذبل حچينه
وننطحن بالرحّة حنطة ..
ماكو سدّة اتحشّم الغافي بگفاها ..
وماكـو طوفـة تعبّر الطايح وراها ..
كِلشي ماكو ..
واحنه هم مرّات ماكو ..
نزغر، شما شِفنه زفّة
نبرد، شما شِفنه ماي ..
نكبر، شما شِفنه عفّة
نعرگ، شما شِفنه راي ..
''وانه وجناح القصايد''
نرسم الدخّان گِذلة ..
نِظفر الساعة مواعد ..
إنتاني رفّة ثوب وشموع وتراچي
لحد ما تغفىٰ الإميالة
وننّثر ع الباب ذاري ..
ماكو نثية تطرز ثياب القَصيدة ..
وماكو منَحر ننصلب شذرة اعله جيده ..
كلشي ماكو ..
واحنه هم مرّات ماكو ..
وخاف يوم احنه انتصادف
هذا دخّان السنين المدري شنهي
احنه ماكو ..!
حَسن علي الغالبي
لحظة ادراك العام الناس تگُلي ان شاء الله تنجحين من السادس ونفرح بيچ
والسنة ان شاء الله خريجة😔♥️♥️♥️♥️
بدُعاء ام داوود كُل مرة اقراه اكون دابچي من اوله لحد ماوصل هالمقطع اگول اذا بقدر رأس الذبابة يعني استجاب دعوتك چا بهاي الدموع كلها شلون راح يكون العوض والاجابة عظيمة؟♥️
Читать полностью…
