هێمن و هەژار موکریانی
14 Nov 2023 12:48
💠بیرەوەری💠
مامۆستا هێمن دەگێڕێتەوە: تەنیا بیرەوەرێکی خۆشم لە زەمانی منداڵیم هەیە، ئەویش ئەوەیە شەوانە دەچوومەوە ژوورێ و سەرم وەسەر ڕانی دایە مرۆت دەکرد و ئەویش حیکایەتی بۆ دەکردم، تا خەو دەیبردمەوە. دایە مرۆت پیرێژنێکی دنیادیدەی کۆنساڵ بوو. بۆخۆی نەیدەزانی تەمەنی چەندە، بەڵام بێگومان زۆری لە سەد ساڵ هەڵبواردبوو.
شەش پشتی بنەماڵەی ئێمەی دیبوو. سەرسپی و هاودەمی دایکم بوو. ڕوحسووک، قسەخۆش و نوکتەباز بوو، هەزاران نەقڵ و نەزیلەی خۆشی دەزانی و بۆی دەگێڕامەوە. زۆر شتی بە نرخ لەو فێر بووم کە لە ژیاندا کەڵکم لێ وەرگرتن، ڕۆحی شاد بێ.
@
Читать полностью…
هێمن و هەژار موکریانی
12 Nov 2023 08:24
💠ئێوە چیتان دیوە؟💠
مامۆستا هێمن لە پێشەکی توحفەی موزەفەرییەدا دەنووسێ: خوالێخۆشبوو میرزا ئەحمەدی ڕەئیس، بۆی گێڕامەوە و گوتی:
" ڕۆژێکی ساردی زستانێ بوو نوا بەفرێکی ئەستوور باریبوو. سوارێکی زۆری ڕووسان لە میاندواوە هات بەرەوە سابڵاغ. تورکەکان ڕایانکرد. میرزا فەتاحی قازی تا شەهید کرا لە بەریان دامەزرا و نەیهێشت بێنە دە شارەوە و زۆری لێ کوشتن. کە ئەو شەهید کرا، کەس خۆی ڕانەگرت. ساڵدات ڕژانە ناو شار، چەند ڕۆژ فەرمانی قەتڵ و عامیان دا، هەرچی وەبەریان هات بە شیر سەریان دەپەڕاند، پاشان ئەمانیان دا. من چونکە ڕووسیم دەزانی و ناسیاوم هەبوو و هاتووچۆی ڕووسیام کردبوو، لە کوشتن ڕزگایم هات و حوکمیان لێکردم کەلاکەکان بنێژم. بە ئەژمارە کەلاکی شەش هەزار ژن و پیاو و منداڵم شاردەوە، جگە لەوەی وەبن بەفر کەوتبوون و لە کەلێن و قۆژبناندا نەدۆزرانەوە و سەگ و گورگ خواردنی..."
ئەوە ژمارەی کوژراوەکانی جارێکی، زۆر جاری دیکەش زۆر شار و دێی دیکەش قەتڵ و عام کراون.
گرانی پاش شەڕیش زۆر بە سام بووە، بەڕاستی پیاو پیاوی خواردووە. لە برسان مردووی ئەو گرانیە لە ئەژمار نایە، تا ئەو دواییانەش پیرە پیاوانی سابڵاغ دەیانگوت ژمارەی دانیشتووانی شاری مەهاباد ناگەیەنێتەوە ژمارە دانیشتوانی پێش شەڕی یەکەمی شاری سابڵاغ. جا کەوابوو: هەقیان بوو ئەوانەی بە ئێمەیان دەگوت: ئێوە چیتان دیوە؟
@
Читать полностью…
هێمن و هەژار موکریانی
08 Nov 2023 12:44
سەرخڕێ زۆرتری هەموان بەشی تۆم
کۆرپەیێکی خڕەکەی باوەشی تۆم
هەوەڵین جێیه‌کی لێم دانا پێم
کوڕی خۆتم بتەوێم یا نەته‌وێم
بەپێی ئەو شێعره هەژار دەبوو لە پارکی مامۆستا مەجدی بنێژرایه. لە سەرەخۆشی مامۆستا ھێمندا من زۆر بە پارێزەوە لێم پرسی ئەرێ کاکە لەگەڵ مامۆستا ھێمن بەڵێنتان دا بە یەک کە لە خانەقا لە پەنا یەکتری بنێژرێن؟
فەرمووی: "نا، شتی وا نییە. پیاو نازانێ لە کوێ دەمرێ. بەڵام من لە مھاباد لە دایک بووم". بە هەموو ئەو ئاماژانەوە هەژار پێی خۆش بوو لە مهاباد بنێژرێ. گۆڕی مەلا مستەفا لە شنۆ هه‌میشه‌یی نه‌بوو، چاک بوو کاکمیان نەبردە ئەو شوێنە دەنا ئێستا بە تەنیا دەمایەوە، ھەرچەند ئەو شتانە بۆ وی گرینگ نەبوون و کاکم لە ھیچ شوێنێکی ئەو دنیایە گۆڕغەریب نەدەبوو.
🔴پێتخۆشە سەبارەت بە کۆچی دوایی و ناشتنی مامۆستا بدوێی؟
🔵من دەمێک بوو لەلای بووم. لە کەرەج لە ماڵی کاکم بووم. کوێراییم دایە بۆ فڕەنسە دەگەڵی نەچووم. بۆ نەشتەرگەریی دڵ ڕوانەی فڕەنسه کرا. پاشان کە هاتەوە من هەر نیگەرانی بووم، بۆی دەگریام. دکتور یوسف ناوێک هەبوو، پسپۆڕی دڵ بوو، ئەو پێی گوتم "خوشکم مەگری بە خۆشییەوە باتریه‌کی باشیان بۆ داناوە بۆ ۲۰ ساڵی تر دڵنیایی هەیە، ئیشەڵا چی لێ نایە. حەیفە ئەوە شتێکی لێ بێ، ئەوە پیاوێکی گەورەیە"
بەڵام هەژار زۆر ناڕەحەت بوو و دوای ئەو نەشتەرگەرییە هەر نەهاتەوە سەرخۆ. بەیانییەکی زوو ماپەرەی خێزانی و من لە ماڵەوە بووین. حاڵی مامۆستا هەژار تێکچوو. تەلەفوونمان بۆ دکتۆر شەوکەت کرد و پێمان ڕاگەیاند. ئەویش زۆر زوو هات و گەیاندییە نەخۆشخانە. من لەگەڵی نەکەوتم. هێندی نەخایاند سەید حەسەنی کولیجی هاتەوە، پەشۆکابوو، لێم پرسی چ بووە؟ فەرمووی: "ئەوەی نەدەبوو ببێ بوو. هەژار لەدەست چوو." من قیژاندم و بەربوومەوە.
ئەگەر وەهۆش هاتمەوە میرزا عەلی خوسرەوی و حەسەنی حیسامی لە ژوور سەرم بوون. تەرمی کاکمیان برد بۆ بارەگای پارتی و وردە وردە هاتمەوە سەرخۆ، بە تایبەتی بە قسەکانی ڕەشیدخان کە لەبن سەری کاکم دانیشتبوو و کفنی بۆ دەدووری. چاوی بە من کەوت گوتی "ئەگەر خوشکی هەژاری، بێ غیرەت نابی! هەژار لە بارزانی و ئیدریس زیاتر نییە، مەرگ بۆ هەموومانە. نەچی به هاتوهاوار خۆت سووک و دوژمنانمان دڵخۆش بکەی". ئەو ئامۆژگارییه‌م زۆر بە دڵەوە نووساو ئارام بوومەوە.
@
Читать полностью…
هێمن و هەژار موکریانی
08 Nov 2023 12:34
🔴ڕواڵەتی زۆر گۆڕابوو؟
🔵بەڵێ زۆر گۆڕابوو، قەڵەو بووبوو. بەڵام من وێنەکانیم پێشتر دیبوو. عەزیزی ژیان و بەڕێز نانەوازادە وێنە و خەبەریان بۆ دەهێنام.
🔴تۆ دوای ئەو دیدارە نەتدیتەوە؟
🔵بەڵێ، چەند جارێك سەرم لێ دا.
🔴لەو ماوەیەی مامۆستا ھەژار لە مهاباد بوو لەگەڵ کێ زۆر تێکەڵ بوو؟
🔵خەڵکی دێهات دەهاتن، هی مهاباد کەمتر. مەلا عەوڵای حەسار و هەمزەی سڵێمان ئاغا و زۆر کەسی تر. هاوڕێکانی ناوشاری وه‌ک زەبیحی و قزڵجی، خۆیان وەک هەژار ئاوارە بوون. لە نێو شار ناسیاوی زۆر نەبوو.
🔴مامۆستا چۆن باسی شکستی شۆڕشی ئه‌یلوولی دەکرد؟ خەڵک زۆر ناڕەحەت بوون، خەڵک چیان دەگوت و مامۆستا هەژار چۆنی جواب دەدانه‌وە؟
🔵بەڵێ خەڵک زۆر ناڕەحەت بوون، کوڕی گەورەی مامۆستا واتا محەممەد، لەو پێوه‌ندییه‌دا هەر شێت بوو. بەڵام مامۆستا پێی خۆش نەبوو باسی ئەوەی دەگەڵ بکرێ. جارێکیان من دەو بوارەدا دواندم هەر ئەوەندی کوت "خەیانەت نەکراوە خەتا کراوە. خەیانەت و خەتا فەرقیان زۆرە".
🔴کە وابوو هەژار زۆر گوێی نەدەدا قسەی ڕەخنەگران؟
🔵نا گوێی نەدەدایە. محه‌ببەت و خۆشەویستی بەرامبەر بە بارزانی ماوەرای ئەو شتانە بوو. بارزانیش زۆری خۆشدەویست. کاتێک لە بۆکان نەخۆش بوو، بارزانی بە خۆی و ۶۰ پێشمەرگەوە هاتنە سەردانی کاکم.
🔴واتا پێوەندی هەژار و بارزانی لە سەردەمی کۆمارەوە دەستی پێکردبوو؟
🔵لە سەروبەندی ھاتنەوەی سوپای شادا، مەلا مستەفا لە تارانه‌وه هاتەوە مەهاباد و لە ماڵە میرزا ڕەحمەتی شافیعی میوان بوو. ئاگای لەوە نەبوو کاکم لەلایەن پێشەواوە نێردراوە بۆ سەقز. کوتبووی "سابڵاغی! من ئەمانەتێکم لای ئێوەیە، خودا نەخواستە شتێکی لێ بێ ئێوە بەرپرسن، هەژار ئەمانەتی منە، ئاگاتان لێی بێ".
@
Читать полностью…
هێمن و هەژار موکریانی
08 Nov 2023 12:20
ڕەنجبەخەساریش نیم شکور برا و عەولاد سەربڵندیان کردووم. دەنا هەرکەس بەقەد منی بەڵا بەسەر هاتبا، هۆش و حەواسی نەدەما. ئێستاش هەر دەخوێنمەوە، ئەوەتا دیوەکەی خۆم پڕە لە کتێب، هەردەم لەبەر چاو و زەینمن. کتێب و بەڵگەی مێژوویی و زۆر یادگاری نەتەوەییم لایە کە بەھیچ لەونێك پێم خۆش نییە لە خۆمیان دوور کەمەوە. ئەوانە بەشێک لە میراتی منن بۆ پاشماوەکانم بەجێیان دەهێڵم.
🔴باست لەوە کرد بابی دایکت کوژراوە. بۆچی و کێ کوشتوویەتی؟
🔵باپیرم قازیی سەردەشت بووە. عەشیرەتی دەوروبەری سەردەشت لە قسەی دەرنەده‌چوون. لە سەردەمی شەڕی یەکەمی جیهانیدا کە خەڵکی سابڵاغ قەتڵوعام کران، زۆرکەس پەنایان بۆ سەردەشت بردووە. باپیرم ئەو مەڵبەندەی ڕاگرتبوو. ڕووس دەچنە سەردەشت و باپیرم دەگەڵیان پێک دێ بۆ ئەوەی خەڵک بپارێزێ، کەچی خەڵکی ساویلکەی ئایینی دەنگۆ ساز دەکەن کە قازی قەسیم کافر بووە.
خەبەر دەچێتە لای باپیرئاغا کە بابی دایکی قازی قەسیم بووە و دەڵێن نەوەکەت کافر بووە. ئیتر هەڵڵا ساز دەبێ و دە شەڕی نێوان عەشیرەت و ڕووساندا باپیرم لە لایەن ڕووسەکانەوە دەکوژرێ. پیاوێکی دەگەڵ دەبێ بە ناوی قادر ئاغا کە تاقە کورەی باپیرمی بە باوەشەوە دەبی که ئەو دووانەیشیان لە کاتی هەڵاتنێدا کوشتووە. دوای ئەو ڕووداوە هاتوونەته ناو شاری سەردەشت و خەڵکێکی زۆریان کوشتووە. پێنج مامی دایکمیان کوشتووە. میرزا مەحموودی شابەندەر کە باپیری ئەو شەریفزادانەی مهاباده و سەعید حەسەنیانی بابی کاک عەلی حەسەنیانیی شاعیریش ئەوەیان وەبیر دەهات. دەهاتنە لای دایکم و نەقڵی ئەو ڕۆژە تاڵانەیان بۆ دەکرد. ڕووسەکان لەو ڕووداوانەدا ماڵی باپیرمیان ئاور تێ بەردا و وێرانیان کرد.
@
Читать полностью…
هێمن و هەژار موکریانی
08 Nov 2023 12:15
هەڵبەت پێش چوونی ئەو شاندە بۆ سەقز، بارزانییەکان هەستیان بە هەستیاریی دۆخەکە کردبوو، بۆیە ئێمەیان بە ماڵەوه پێچایەوە و هێناینیانەوە بۆ مهاباد. ئەوکات سێ لە ئەفسەرە کوردەکانی گەرمێنی لە ماڵی ئێمە بوون، میرحەج و بەکر و مستەفا خۆشناو. بارزانی لە شەڕی سەقز و سەراودا دەوری باشیان هەبوو. دەگەڵ کاکیشم پێوەندییان خۆش بوو.
لە دوای چوونی شاندەکە دۆخی ئازەربایجان شێوا. کاکم و عەبدولڕەحمان زەبیحی و حاجی حەمەدئاغای حیسامییان لە سەقز دەستبەسەر کردبوو. لە سابڵاغ حەمەدەمین ئاغای حەسەنخاڵی هەبوو، کارمەندی سەبت و ئەحواڵ "ڕەگەزنامە" بوو. پێشەوا زۆری خۆشدەویست، پیاوێکی وێچوو بوو. ناردبووی بە شوێن کاکمدا و ڕایسپاردبوو بەهەر شێوەیەک بێ کاکم بهێنێتەوە. بەڵام بەداخەوە سوپای شا ئەویشیان گێڕابووه‌وە.
جوان لە بیرمە ماڵ و منداڵەکەی دەهاتنە لای دایکم دەگریان، ماڵی حەسەنخاڵی خزممان بوون. هێندەی نەخایاند شەوێکی زەبیحی بە کۆت و شاڵواری "چاکەت و پانتۆڵ"ی کاکمەوە هاتەوە. دایکم شاڵاوی بۆ برد و گوتی ئەدی ڕۆڵە هەژار کوا؟! نەماوە؟ کوتی: "نا ھەژار ماوە و چی لێ نەھاتووە. دایە گیان بارزانی هاتن بمانبه‌نه‌وه، ئەو دەگەڵ نەکەوت و من بە جلوبەرگی ئەوەوە وەدەر کەوتم و دەگەڵیان هاتمەوە".
دواتر حاجی حەمەدئاغا و حەمەدەمین ئاغایش هەریەک بە لایەکدا هاتنەوە. بەڵام کاکم نەهاتەوە و ئێمەی بۆ ماوەی ۲۹ ساڵ بەجێ هێشت. ساڵەوەختێك هەر هیچ خەبەرێکمان لێی نەبوو. دایکم هێندی بۆ گریا چاوی ئاوی كرد. دوای ساڵێک بە قادر بابانزادەدا نامەیەکی ناردبوو کەوا ساغ و سەلامەته و لە «کانی مارانه». هەڵبەت بۆ خۆی ئەوەی گێڕاوەتەوە چۆن ڕۆیشتووە.
@
Читать полностью…
هێمن و هەژار موکریانی
08 Nov 2023 12:05
سڵاو و ڕێز بەڕێزان و خۆشەویستانی کاناڵ هێمن و هەژار موکریانی
دۆستان پاش چەند ساتێکی تر وتووێژێک بە شێوەی نووسین کە لەگەڵ خوالێخۆشوو خاتوو زێنەب شەرەفکەندی خوشکی مامۆستا هەژار کراوە لە کاناڵ دادەنێم، تکایە حەتمەن بیخوێننەوە.
Читать полностью…
هێمن و هەژار موکریانی
31 Oct 2023 06:34
💠سازی ناساز💠
شێعری مامۆستا هێمن
خوێندنەوە: مامۆستا لوقمان کەریمی
@
Читать полностью…
هێمن و هەژار موکریانی
30 Oct 2023 13:06
💠ڤیدیۆ💠
بۆچوونی مامۆستا هێمنی مەزن سەبارەت بە مامۆستا شەریف
@
Читать полностью…
5552