Telegram-канал hemishee_kremel_channel - היימישע קרעמעל: Unsorted

היימישע קרעמעל

03 Nov 2024 21:40

וויכטיגע בקשה פון מצילי אש דקרית יואל און פון אלע עסקנים!!

מיר ווילן אייך ווייטער ראטעווען, מיר דארפן אייער הילף.

"דזשעימס סקופיס" האט אונז לעצטע יאר דעליווערט א נייעם פייער לייטער טראק. דאס האט אונז שוין געהאלפן ראטעווען צענדליגער דירות מיט רבבות אידישע נכסים, און אפילו נפשות וואס זענען געווען אין א סכנה ל"ע.

אונז דארף מיר אים מכיר טובה זיין אויף ביז אהער, און נאך וויכטיגער איז, אונז דארף מיר נאך הילף.

אונז דארפן הילף פאר טראקס, פאר פרישע עקוויפמענט, אא"וו.

אבער, אויב וועט אונזער סטעיט פארשטייער זיין אין די מינאריטי פארטיי, קענען מיר כמעט גארנישט באקומען.

סקופיס איז אין די מעדזשאריטי פארטיי, ער האט געארבעט פאר אונז, און דעליווערט.

ער קען ווייטער ארבעטן פאר אונז, און אי"ה ווייטער דעליווערן.

אונז מוזן אים מכיר טובה זיין, און אויך, אונז מוזן אים ווייטער האבן.

און אז מיר שרייבן וועגן סעיפטי, די עסקני הקרי' האבן שוין ברייט געמאלדן אז סקופיס פון די סענאט, און עיקוס פון די אסעמבלי, האבן לעצטנס דעליווערט איבער 10 מיליאן דאלאר פאר די סעיפטי אויף אונזערע ראודס, דאס נעמט אריין צולייגן לעינס, מאכן וויכטיגע רויט לייטס, איבערמאכן גאנץ פארעסט ראוד, וואס דאס אלעס איז זייער וויכטיג פאר די סעיפטי פון די דרייווער און די פיס גייער.

סקופיס פארשפרעכט יעצט ווייטער צו לינדערן די בעיקרעטאון טרעפיק, ער וועט אי"ה ברענגען גרענטס פאר א נייע ראוד פונעם סטעיט פאליס ראוד ביז דעעש. עטליכע מיליאן דאלאר דערפון האט ער שוין פאקטיש דעליווערט.
דאס גייט אי"ה מאכן אסאך מער פארזיכערט די ראודס וואס האבן אזא אנגעלייגטע פארקער בליעה"ר.

בילדער סקופיס ביים מרא דאתרא כ''ק אדמו''ר הגה''ק מסאטמאר שליט''א, ביים באנייען די נייע לייטער טראק לעצטע יאר וואס איז צושטאנד געקומען דורך זיינע געלטער וואס ער האט געברענגט, און האט שוין געהאלפן ראטעווען אויף צענדליגער קאלס, ביים באזוכן דעעש ראוד וואו ער וועט ברענגען מיליאנען צו פארזיכערן די סעיפטי פון די אריינגאנג צו קרית יואל

און צום לעצט א בילד פונעם פארמאכטע רוזין-רעיוואד ראוד דורכן אנטעסימיט דארי האול!

*

פון די אנדערע זייט מוז געזאגט ווערן אונזער זארג אויב די פיינטליכע דארי האול קומט ח"ו אריין אויף זיין פלאץ.

האול וואס איז יעצט אויפ'ן מאנרא טאון באורד, איז א פיינט פאר אידן און פאר קרית יואל, זי שטערט אונזער סעיפטי.

זי וואוט צו עפענען קאורט קלאגעס קעגן יעדע פלאן צו פארזיכערן די ראודס.

זי האט יעצט געשטימט צו עפנען א קאורט קלאגע קעגן איבערמאכן און פארזיכערן די אנגעלייגטע פארעסט ראוד.

זי שטערט די KJ טראנזיט פון פארן אויף מאנרא גאסן.

זי האט פארמאכט די רוזין-רעיוואד ראוד, וואס איז פאר אונז אזוי וויכטיג.

דארי האול האט נישט געטוישט איר שנאה, זי שעצט אפן די מהלך פון "יונייטעד מאנרא", און זי טוט אלעס קעגן אונזער סעיפטי.

עס איז א גרויסע סכנה אויב זי קומט ח"ו אריין.

עס איז קלאר אז סקופיס מיינט "פאקטישע הילף"

דארי האולל מיינט "פאקטישע צרות" ח"ו
יא, מיר אלע ווייסן וועגן דעם סקופיס פון אמאל וד"ל, אבער מיר רעדן יעצט פון די לעצטע 4 יאר, וואס ער העלפט און דעליווערט ב"ה. דארי האול גייט ווייטער אין אירע אלטע וועגן.

רבינו שליט''א אלע עסקנים און אלע קהלות צוגלייך בעטן די זעלבע, און מיר בעטן אייך אויך: יעדע שטימע איז וויכטיג, יעדע שטימע איז הכרת הטוב, סקופיס מוז עס באקומען און אונז ווייטער דעליווערן.
טוט עס פאר אייער סעיפטי, טוט עס פאר אייער טובה, מאכט זיכער אז סקופיס זעט אונזער הכרת הטוב כדי ער זאל ווייטער אויפטון פאר אונז! מאכט זיכער אז סקופיס און עיקוס קומען אריין שטארק.

אונז טארן נישט פארלירן אזא סענאטאר וואס דעליווערט, און אויפטוישן מיט א אנטיסעמיטקע וואס שטערט, ח"ו.

ביטע ביטע, גייט ארויס שטימען דינסטאג.

שטימט פאר סעיפטי, פאר סקופיס און פאר עיקוס.

איר טוט דערמיט א טובה פאר אייך אליינס.

היימישע קרעמל