1397
קומט אריין און זייט אייך מחי' מיט די פיינע נייעס פאר אינזער טשעטינג גראפ 👇🖇 @Hemishee_kremel
ווען גייט זיין סקולענ'ע לוי?
איך בין געשטאנען היינט צווישן די טויזנטער אידן אין בארא פארק אויף 14'טע עוו. און 54 סטריט, שווערע אלפים אידן זענען געקומען מלוה זיין דעם צדיק און אפגעבן דעם כבוד האחרון פארן נפטר, בארא פארק איז פלאקאטירט געווארן מיט פונקטליכע לוי' אנווייזונגען און פלענער, און אלערעליי ארגענעזאציע סימבאלן האבן באצירט די אנווייזונגען.
אלץ איינער וואס האט זיך דארט געשטעלט, און דארט געווארט, און מיטגעהאלטן די גאנצע מעמד טוט מיר וויי צו זאגן, אבער סקולענ'ער רבי האט דערווייל נאכנישט געהאט קיין לוי', אידן אויף 14 ווארטן נאך מעגליך יעצט אז די מיטה זאל אנקומען. איך, האב פארשטאנען אז אונזערע גרויסע קארפן קעפ גייען זיכער פראבירן אויסצושפילן, איך האב געהאלטן א נאנט אויג אויף די אנטוויקלונגען וועלנדיג האבן די מעגליכקייט צו באגלייטן די מטה פאר 4 טריט.
עס טוט מיר זייער וויי צו מעלדן, אבער כרגע האלט מען נאך בעפאר די לוי', עס איז נישט געווען קיינער! אין גם אחד! קיין איינער, וואס האט געקענט באגלייטן די מטה כראוי, די ברודערס האדמורי"ם שליט"א האבן באגלייט מיט 4 גאסן אפגערוקט! ווען אינצווישן איז דא פייער טראקס, אמבולאנסן, סתם קארס, און ווער נישט, די גאסן זענען נישט געווען אפגעשפארט, און צענדליגער אידן וואס זענען געפארן אין זייערע קארס אויף די דעזיגנירטע "נישט" אפגעשפארטע גאסן האבן זיך געטראפן אין צענטער פון א לוי' וואו אנשים נשים וטף האבן באגלייט אויף די סיידוואלק, אן ערבובי שאין כדוגמתו!
ווען די ברודער'ס האדמורי"ם זענען אנגעקומען אויף 11 און 54 איז די מטה געווען ביי 60 מיט קוים עטליכע אידן ארום, אלע מלווים האט מען סוקסעספול אויסגעשפילט – אריין גערעכנט די אדמורי"ם ורבנים, און פון די עטליכע אידן וואס זענען יא אנגעקומען קיין 11 זענען רוב געווען אפגערוקט אפאר גאסן.
ביים צוריק קומען טרעפט מען אידן אויף 53 וואס פרעגן וואו איז די מטה? הונדערטער טעפלעך וואסער אויף 14'טע עוו. וואס זענען אנגעגרייט געווארן פאר די טויזנטער מלווים דורך אידישע קינדער מיט א גוטע הארץ ווארטן נאך יעצט, אלע וואס האבן געפארקט קארס אין געגנט וואו זיי האבן ערווארטעט צו ענדיגן באגלייטן די מטה האבן זיך געטראפן אויסגעשפילט, עלטערע אידן מיט וואלקערס וואס האבן כאטש געוואלט "זען" די מטה אדורכפארן זענען געבליבן אויסגעשפילט, עלטערן מיט קינדער אויף די אקסלען וואס האבן געוואלט ווייזן די מטה פאר זייערע קינדער זענען געבליבן אויסגעשפילט, טויזנטער אידן וואס האבן געווארלט מלוה זיין דעם נפטר זענען געבליבן אויסגעשפילט, און אפילו איך און די פאר וואס האבן יא באגלייט האבן אנשטאט מלוה זיין דעם צדיק מיט א טרער, האב איך מיר געטראפן אין א בהלה ווי די ערשטע טאג אין קעמפ צווישן פייפערייען, געשרייען, סירענעס, און באסעס.
איך וויל אייך זאגן איין זאך, איר האט טאקע אויסגעשפילט בארא פארק, איר האט אויסגעשפילט כלל ישראל, איר האט אויסגעשפילט די טויזנטע חסידים ומעריצים, איר האט אויסגעשפילט טאטעס, איר האט אויסגעשפילט זיידעס, איר האט אויסגעשפילט קינדער, איר האט אויסגעשפילט בחורים, יעדעם אויסגעשפילט, און איבער אלעם האט איר אויסגעשפילט דעם צדיק זצ"ל, ער האט דערווייל קיין לוי' נישט געהאט!
נישט דאס מיינט כבוד המת, נישט דאס מיינט כבוד החי, נישט דאס מיינט א לוי', עס איז העכסט צייט זיך אויסצולערנען וויאזוי מען מאכט א לוי' "מיט" די מלווים! איר האט א פראבלעם מיט די בחורים וואס גייען זיך צושטופן? איר האט זיי סייווי געהאט!!! זיי קענט איר נישט אויסשפילן! זיי קריכן איבער און אונטער אלע באריקאדן! אויסשפילן קענט איר נאר די טויזנטער אידן וואס זענען געקומען אפגעבן דעם כבוד האחרון.
איך ווייס נישט וועלכע קאליר וועסטעלעך מיט וועלכע אויפשריפטן האבן דא אנגעפירט, עס אינטערעסירט מיר נישט, לא עליכם תלונותי, איך בעט איין זאך! מאכט'ס א לוי'! איך וויל קענען מלוה זיין! נישט נאר איך, נאר טויזנטער אידן! אויב די איינציגסטע מהלך וואס איר קענט אויסטרעפן איז אויסצושפילן דעם ציבור און דערמיט מבטל זיין די לוי' ביטע נעמט נישט די דשאב!
און צו אלע וואס גייען פרעגן וואס מען האט "יא" געקענט טון, איך קען אייך זאגן מיינע מחשבות, אבער פארוואס אריין געשלעפט ווערן אין ענדלאזע וויכוחים? איין זאך קענט איר אלע מודה זיין, אז איבערמאכן די זעלבע טעותים פון פאריגע מאל, איינמאל און נאכאמאל, "דאס" איז זיכער נישט ווירקזאם, און איז א רעצעפט פאר דיזעסטער!
איר קענט ברענגען ראיות פון אלע אנדערע לוויות וואו מען האט אויסגעשפילט דעם ציבור, איז כאטש "אויך" געווען א ציבור וואס האט "יא" געקענט מלוה זיין, עס איז כאטש געווען א לוי', היינט איז קיין לוי' נישט געווען.
הצדיק אבד לדורו אב''ד
אונזער הויט שינדן
מיר זענען געבינדן
אין קייטן
רעקלעך צעריסן
קומען צו פליסן
פון אלע זייטן
טרערעלעך שפאנען
ווען מ'טוט דערמאנען
די גוטע צייטן
אזויפיל נאסע אויגן
אויף קעפ געבויגן
איינער נעבן צווייטן
פון הארץ רינט בלוט
ווען מיטן צדיק מ'טוט
אוועקרייטן
דעם צדיק נאך זען
צי וועט דאס געשען
א חלום א ווייטן
אוי טאטעניו ווען
דער רבי פון סקולען
צוריק באגלייטן?
ת.נ.צ.ב.ה.
קרעדיט: אייוועלט
ויהי בנסוע הארון😭😭
ווער גלייבט זיך דער הייליגער סקולענער רבי זצוק''ל איז מער נישטא 😢😢
טויזענטער אידן ביי די לוי' אין בארא פארק נישט קענענדיג זיך געזעגענען פונעם אבוהן ולבן של ישראל
מעמד הבדלה נעכטן מוצאי שבת שופטים אין די לב טהור קולט געמיידע
Читать полностью…
חֲזוֹן יְשַׁעְיָהוּ בָּחַר ה' בְּיַעֲקֹב • מראות הקודש של פאר הדור כ"ק אדמו"ר הרה''ק מסקולען זצוק''ל
ייש''כ aaa🎗️
הרה''ק מסקולען זצוק''ל מיט האדמו"ר מסאדיגורה בני ברק
Читать полностью…
יעצט אין וויליאמסבורג האט די מיטה געסטאפט אין סקלאנע בית מדרש
Читать полностью…
פאר הדור הרה''ק מסקולען זצוק''ל מיט די ברידער האדמורי''ם לבית סקולען שליט''א
Читать полностью…
זאג מיר נישט ביי מיר שטייט שוין
אזוי שנעל ארויף 😳
פאר הדור כ''ק הרה''ק מסקולען זצוק''ל מיט הגאון רבי חיים קאניעווסקי זצ''ל און מיט יבלחט''א כ''ק אדמו''ר מסאטמאר שליט''א, כ''ק אדמו''ר מדינוב שליט''א, הגה''צ גאב''ד וואודרידזש שליט''א, הגה''צ אב''ד יאוואזשנא שליט''א
Читать полностью…
בָּרוּךְ דַּיָּן הָאֱמֶת ! נָפְלָה עֲטֶרֶת רָאשֵׁינוּ ! אוֹי נָא לָנוּ כִּי חָטָאנוּ !
Читать полностью…
קהל סאטמאר וויליאמסבורג מהרז"ל האט נארוואס אנאנסירט די דראמאטישע נייעס אז דאס יאר כ"א כסלו וועט פארקומען די יערליכע סעודה אינעם גיגאנטישע בארקלעיס סענטער סטעידיום אין ברוקלין.
עס איז ערווארטעט צוזאמען צוברענגען אסאך סאטמאר מהרז''ל חסידים אונטער איין דאַך!
מען האלט שוין נאכן לוי', די גולל איז שוין נסתם, די עולם איז זיך צװישן צוגעגאנגען, דער אין ביהמ''ד כאפן מנחה, און דער בלייבט שמועסן מיט א חבר וועם ער האט געטראפן, און? און גארנישט, דאס איז עס די וועלט בלייבט אן הרה''ק סקולענער רבי זצ''ל! גענדיגט עס איז נישט דא, יא ס'איז ליידער א ווייטאגליכע און פיינפולע פאקט, נישט דא מער סקולענער רבי וועם מ'קען גיין פרעגן א שאלה און זיין רוהיג אז מ'האט געפרעגט א גוטע איד, נישט דא מער דער סקולענער רבי ווי יעדע סארט איד נישט קיין חילוק וועלכע סארט קרייז ער איז, געפינט א פלאץ ביי אים, און פילט אים אין הארץ.
אך, ווי נעמט מען דעי אתה אתה ה' וואס האט געהאט אזא חן ווען דער רבי זצ''ל האט דאס פארגעזינגן? ווי נעמט מען די ליבליכע שמייכל וואס דער רבי האט געגעבן פאר א צווייטע איד?
שוין וואס קען מען זאגן, לאמיר האפן אז פון הימל וועט ער אינזינען האבן די ערשיטערטע כלל ישראל און אויספועל'ן פאר אונז א כתיבה וחתימה טובה, און לאמיר האפן אז די פראסק איז שוין געווען דאס לעצטע און כלל ישראל זאל כאפן וואס מ'וויל דא פון הימל און פארעכטן דארט ווי מ'דארף.
הצדיק אבד
די הארץ רייסענדע הספידים ביי די לוי' אין ביהמ''ד סקולען.
די בכיות איז געווען עפעס וואס מ'זעהט נישט אין ערגעץ
אלופי אלפי ישראל ביים באגלייטן דעם צדיק הדור יעצט אין בארא פארק
Читать полностью…
דרכי בארא פארק אבילות
טויזענטער אידן געבן אפ דעם כבוד האחרון פארן פאר הדור הרה''ק מסקולען זצוק''ל
שווערע טויזנטער מאכן שוין שווארץ די גאסן פון בארא פארק ביים מסע לוי' פון אדמו"ר הרה''ק מסקולען זצ"ל וועלכע קומט פאר יעצט ביי די סקולענער בית המדרש און די ארומיגע גאסן אין בארא פארק.
רבבות ישראל זענען ערווארטעט זיך צו באטייליגן ביי די לוי' אין מאנסי וואס וועט פארקומען שפעטער נאכמיטאג.
גדולה מיתת צדיקים כשריפת בית אלקינו
הרה''ק מסקולען זצוק''ל ביי די לווי' פון הרה''ק מקאסוב זצוק''ל 2 חדשים צוריק
עס כאפט א פחד!
פארי הדור הרה''ק מסקולען זצוק''ל און הרה"ק מקאסוב זצוק''ל.
הנאהבים והנעימים בחיים ובמותם לא נפרדו, זאלן זיי ביידע זיין גוטע בעטער פון אויבן, און איינרייסן פאר אונזער ארימער דור און שוין פועל'ן די ישועה פאר כלל ישראל.
זכותם יגן עלינו
בקול בכי נהי תמרורים איז אויפגענומען געווארן די ביטערע בשורת איוב איבער'ן הסתלקות פונעם פאר הדור, עמוד צלותהון, לבהון ואבוהון של ישראל, מנורה הטהורה ופטיש החזק, רבן ומאורן פון רבבות אלפי ישראל, חסידא ופרישא ונהורא נפישא, ראש מטות לבני ישראל, נזר האדמורי"ם ופאר הצדיקים כבוד קדושת אדמו"ר הרה''ק מסקולען זצוק"ל, וועלכער איז לדאבן לב כל בית ישראל ארויף לסערה השמימה, איבערלאזנדיג דעם דור יתום אזוי ביטער ערשיטערט און צעשאסן, אין מנחם לה.
דער שוד ושבר וואס האט באטראפן כלל ישראל איז אומבאגרייפליך, די טרערן-קוואל טרונקט נישט אפ, פון יעדן אידיש הארץ רייסט זיך ארויס ביטערע קרעכצן און זיפצן על האי שופרא דבלי עפרא, דער הייליגער סקולענער רבי, דער לעכטיגער און פייערדיגער עמוד האש ההולך לפני מחנה ישראל, וועלכער האט פארשיינט, געהייליגט און געהויבן אידישע הערצער, הוא הלך למנוחות, ואנו יתמי דיתמי עזב לאנוחות.
דער סקולענער רבי איז געווען אן אמת'ער דמות פון אן אמאליגער קדוש עליון, א פאקלדיגער עובד ה' בכל נימי נפשו, מיט הימלישע השגות געדינט דעם בורא למעלה מן השגת אנוש, א זעלטענער מושלם אין אלע דרי עמודי עולם, גדול וגאון בכל חדרי תורה, זיינע הייליגע הארציגע תפילות בהשתפכות הנפש כעבדא קמי מרא, די אויסטערלישע צדקות און פעולות החסד למען הכלל והפרט, טראגנדיג אויף זיין פיזיש-שוואכן הארץ יעדן מרי נפש וועלכער האט געטראפן ביי אים א הייליג הארץ וואס ברענט תמיד מיט אהבת ישראל.
מיט'ן הסתלקות לשמי מרום פון זיין הייליגן טאטן הרה"ק בעל מאור ישראל מסקולען זצ"ל, איז די שושליתא קדישא לבית סקולען נמשך געווארן בגאון ועוז דורכ'ן ברא כרעא דאבוה דער רבי זצ"ל, זייענדיג די לעכטיגע האפענונג ביי די טויזנטער חסידים בכל קצוי תבל זיך צו ווייקן תחת חסותו און נהנה זיין מאור קדושתו, זיינע הייליגע ווארעמע תפילות יורדים לחדרי בטן, זיינע פלאם פייערדיגע און זיסע בליציגע דברי תורה וחסידות, מוסר והתחזקות והדרכות, נהנה זיין עצה ותושי', ביי וועם אידישע קינדער האבן כסדר גע'פועל'ט ישועות ורפואות.
מ'האט אזויפיל געהאפט, אזויפיל מתפלל געווען, אז עוד ינובון בשיבה דשנים ורעננים, דער רבי וועט פירן די עדה הקדושה ביז משיח'ס טאג, אבער ליידער איז פון הימל אנדערש באשערט געווען, אנגעהויבן נאך מיט עטליכע חדשים צוריק ווען דער מצב הבריאות ביים רבי'ן האט זיך פארערגערט, אויפברענגענדיג מיט זארג דעם סכנה'דיגן געזונט צושטאנד ביים רבי'ן ז"ל פאר ארום צען יאר צוריק, ווען דער איז געשטאנען כפסע לבין המות, ליידענדיג דאן פון א שווערע אינפעקציע אויף די לעבער, ובזכות תפילות ישראל איז ער ממש צוריקגעקומען ממות לחיים, א הימל געשאנקענע מתנה טובה פאר כלל ישראל, צו געניסן פונעם רבי'ן ז"ל פאר נאך צען יאר עלי אדמות.
אבער ליידער האט אצינד פאסירט דאס ארגסטע, ווען דעם רבי'נס קאמפליקאציע אין די לונגען האט זיך שטארק פארערגערט, און טראץ די אלע פרואוון פון די דאקטוירים איז ליידער די שערי רחמים געווען פארשלאסן, ונצחו אראלים את המצוקים ונשבו ארון הקודש, אוי מה היה לנו.
די פרטים פון די ריזן מסע הלוי' ווערט יעצט אויסגעארבעט דורך מערערע קרעפטן פון עסקנים און לאקאלע שטאטישע אינסטאנצן אין בארא פארק, צו ערמעגליכן דאס השתתפות פון רבבות אלפי ישראל וואס וועלן פארפלייצן די וועגן און שטעגן פון איבער דער גארער וועלט, אפצוגעבן דעם כבוד האחרון פאר דעם גאון וקדוש וואס האט פארשיינט כלל ישראל.
וכל בית ישראל יבכו את השריפה אשר שרף ה'
פאר הדור הרה''ק מסקולען זצוק''ל מיט יבלחט''א כ''ק אדמו''ר ממונקאש שליט''א, און מיט ידיד נפשו הגה''צ ר' יוחנן וואזנער שליט''א ראב''ד סקווירא
Читать полностью…
די דריי צדיקים וועלכע האבן גע'חתמ'ט די בריוו צום בית דין של מעלה אין די קאוויד עפאכע און עס געלייגט מיטן מיטה פון האדמו''ר מווערדאן זצ"ל זענען שוין ליידער ביים בית דין של מעלה
אדמורים מ'סקולען, קאסוב, הגר"י רוטה גאבד קארלוסבורג זצ"ל
הרה''ק מסקולען זצוק''ל מיט אביו הרה''ק מסקולען זצוק''ל וואס האט אים ארויסגעוויזן א ספעציעלע חביבות
Читать полностью…
פאר הדור כ''ק אדמו''ר הרה''ק מסקולען זצוק''ל מיט יבלחט''א ידידו כ''ק אדמו''ר הגה''ק מסאטמאר שליט''א
ווי באקאנט פלעגט דער רבי זצ''ל וויילן אויף אפרוה אין קרית יואל און פלעגט אלץ ארויפגיין אויף א ביקור קודש צום מרא דאתרא האדמו''ר מסאטמאר שליט''א און דערביי געבעטן רשות פונעם מרא דאתרא סאטמאר רבי שליט''א צו וויילן אין קרית יואל
לויטן יעצטיגן פלאן וועט די גרויסע לוויה פון פאר הדור כ"ק אדמו"ר הרה"ק מסקולען זצ"ל פארקומען מארגן זונטאג פארמיטאג, די לוויה וועט זיך אנהייבן בהיכל בית מדרשו של רבי אין סקולענער ביהמ"ד אין בארא פארק, דארט ווי דער רבי זצ"ל האט אזויפיל יאהרן אפגעראכטן די עבודת הקודש בשלהבת אש קודש, און פון דארט קיין מאנסי וואו דער רבי זצ"ל וועט קומען למנוחות עולמים בחקלת אבותיו אויפן בית החיים אין מאנסי.
די פונקטליכע פרטים און סדר פון די ריזן מסע הלוי' ווערט יעצט אויסגעארבעט דורך מערערע קרעפטן פון עסקנים און לאקאלע שטאטישע אינסטאנצן אין בארא פארק, צו ערמעגליכן דאס השתתפות פון רבבות אלפי ישראל וואס וועלן פארפלייצן די וועגן און שטעגן פון איבער דער גארער וועלט, אפצוגעבן דעם כבוד האחרון פאר דעם גאון וקדוש וואס האט פארשיינט כלל ישראל