36704
⚠️ اجمل واحدث الروايات والكتاب ✏أكبر مكتبه للروايات 📖روايات الف شكل ولون للتواصل @wessam1412 للطلبات @Rwayati_bot رابط القناه https://t.me/+PcBTfMKDS4ab2Mv1
_____
بلسان سما:-
فرحة فريد فرحتني ماصدقتا انو حيجيهم ولد الحمدلله الذي بنعمته تتم الصالحات كيف ماهر دخل حياااتي وكيف اتغيرتا من سما الشخصيتها ضعيفه لسما القوية الحاليه القادره تواجه اي شي في الدنياا ككيف امي رجعت لي بعد ما فقدتا حنانها مده طويلة وسنين طويلة مبسوطه شدييد بكمية الناس الموجوده في حياتي فريد وامير وتسابيح وامي وماهر زوجي واهلو 💜 كيف حاليا نحنا مبسوطين ونحنا عايشين مع بعض كيف فريد كان بداريني وبخاف علي من اي شي اتصالحتا مع اخوي محمد وعلاقتي معاهم حلوة شدييد 💜 اهل ماهر اجمل بيت نسابة ممكن يقابلوك وابو ماهر بناديني سما بتي 💜 الحمدلله على نعم الله صح صحبتي علا ظاهر عليها انها ما اتجاوزت امير بس قعد تحاول هي انسانه قوية صديقتي الوقفت معاي في اشد واصعب لحظاتي وللان ما اتخلت عني قعد احاول اشكرها قدام امير بس هو قال لي ما احاول انا مبسوطه شدييد في زواجي اول مشكله تحصل بيناتنا اني شفتا صورة لماهر مع سوزان في واحد من الكتب في غرفتو زعلتا شدييد ليه لسه محتفظ بالصور قال لي انو رما اي شي بخص سوزان بس شكلو ما انتبه للصورة دي يومين انا زعلانه منو بسبب صورة هو شال الصورة وحرقهاا وقال لي طلعي سوزان من بالك زي ما انا طلعتها عشان نعيش طبيعين ياسمااا مرت الشهور وتسابيح ولدت احلى بنوته 💜 سمتهاا غزل❤️ كنا مبسوطين شدييد بولادة تسابيح وماهر كان جنبي في اي لحظه عوض ربنا جميل جدا والله 💜 انا وماهر حابين نجيب ولد بس بعد ما اخلص جامعه باذن الله وربنا مسهل لي اموري شدييد بس لاني قريبة منو 💜 بقيت انسانه عاقله وبقدر اعتمد على نفسي وماسكه بيتي ومجيهه والناس كلها بتتكلم عن نظااامي في يوم ماهر قال لي ماشين لناس فريد لبستا توبي طبعا امي علمتني كيف بلبس التوب واتحرك بيهو وصلنا طبعا حضنتا فريد شدييد وبستا بتو قلتا ليها حظك عندك اب حنين لدرجة ما بتتصوريهاا ♥️ حتطلعي حنينه زيو فريد باسني في راسي وقال لي مبسوطه؟ قلتا ليهو جدا ♥️ امير قال لينا منظركم دا مسبب لي جفاف عاطفي قلتا ليهو علا قاعده اداني تحميره كداا خلاني ابلع لساني امي قالت ليهو والله من زمان نفسي اتكلم معااك امير قال ليها ما اسي مااسي قعدنا ونحنا بنتونس ونضحك وبتنا معاهم بالليل قاعده في المطبخ جا فريد شايل بتو شكلهابتبكي عايز يعمل ليها لبن قلتا ليهو ذكرتني نفسي كنتا معذباك كداا قال لي انا اب ومستحيل الاب يعتبر بتو عذاب بالنسبه ليهو ما كنتي معذباني ابداا بالعكس هااادية ♥️ تعالي اعملي معاي الحليب للشافعه دي وليك برضو عملنا الحليب انا ووفريد
"بعد مرور 4سنوات"
انا ولدتا توأم جود ووجدان 💜 واتخرجتا بتقدير جيد جداا وطبعا امير في اخر سنه لينا في الجامعه بدا يهتم بعلااا طبعا فرحتا فرح 😹 وحاليااا هو بحاول يرتبط بعلااا اخيرا حلمها اتحقق.. ورددو دايما الحمدلله على اي نعمه في حياتكم...
وتمت بحمدالله 💜
بالمراية لغاااية ما وصلنا معرض ماهر سما قالت ليهو دا معرضنا صح قال ليها لا دا سبب اهمالي ليك الفترة الفاتت طبعا ماشاءالله من بوابة المعرض في لوحة طويلة رسمة لسما طبعا هي اتخلعت بقت تعاين للوحه ومنططه عيونها عاينت لماهر وقالت ليهو دي اناا قال ليها لسه ماشفتي شي مسك يدها ودخلو قدامنا وفريد مسك يدي ومشينا وراهم اول ما دخلنا شفنا مفاجاءة سما من بوابة المعرض في كمية لوحات معلقه عن ذكرياتهم ماهر راسم تفاصيلهم في اللوحات دي وراصيها لغاااية نهاية المعرض محل كراسي العرسان يعني اي زول بجي داخل بشوف ذكريات ماهر وسما 🤍 دا طبعا غير الزينه والديكور والطاولات المرصوصه بطريقه منظمه يعني ماهر تعب شي عشان يعمل حاجه حلوة سما دي بس تبكي ماقدرت تعبر غير بدموعها وماهر ماشاااءالله موهوب لدرجة البيشوف اللوحات بقول دي صور معلقه 💜ماهر وسما قعدو وشوية شفتو بتكلم مع سما وهي بتهز راسها يعني لا مشيت عليهم قلتا ليهم ما ناوين ترقصو؟ ماهر قال لي اقنعيها قلتا ليها سما قالت لي اكييد ماعايزاني ارقص قداام الناس ديل كلهم صح؟ قلتا ليها لا حبيبتي اكييد حترقصي قدامهم كلهم اصلا مافي زول غريب كلهم اهلك واصحابك قالت لي تسابيح عليك الله قلتا ليها يلا يلا قوم ياماهر وقومهاا ماهر قام ومدا يدو لسما وهي خجلانه خجل مسكت يدو وهي مدنقرة شغلو ليهم اغنية اليسا "عابالي حبيبي" مشيت لفريد قلتا ليهو خلي بعد العرسان يخلصو رقصتهم نرقص سواا قال لي انتي تأمري بس 💜 ماهر وسما كانو لطيفين شدييد غايتو الله اعلم ماهر قال ليها شنو قعدت تتخجل وانا بضحك 😹 لمن خللصو عملنا رقصة ثنائية اي اتنين يرقصو سواا انا وفريد وماهر وسما وكم نفر بقينا نرقص على اغنية نانسي "معجبه مغرمه 💜" والله الاغنيه كانت ظاابطه ماعايزه اتفااخر بس انا وفريد كنا احلى اتنين والله 😹 بعد خلصنا بدت الموسيقى والناس كلها بقت ترقص غايتو انا وامير حتينااهو حت وماهر زاتو حتاااهو معانااا 😹😹فريد واقف وبعاين مشا وقف جنب سما وباسها في راسها ماهر قعد والناس بتبااارك ليهم والاجواء كانت فرايحية وحلوة بعد الحفله مشو غيرو وجو عملو ليهم الجرتك في بيت ناس ماهر فريد قال لي دي اخر دقايق لي مع سما مامصدق الناس اتصورت معاهم صور كتييرة وبعد الجرتك امير مدا لماهر تذاكر وقال ليهو رحلتكم لباريس الساعه 8 ص قدامكم زمن بسيط الا تتحركو من اسي حجزتا ليكم جنااح كامل في العاصمه وحتمشو بطيارة خاصه بالشركة وفي العم ابراهيم سما بتعرفو صح يا سما سما قالت ليهو اي امير قال ليهو حيكون دليلكم ومعاكم طول رحلتكم واذا احتجتو لأي شي كلمو كل اموركم جااهزه والحجز لمدة شهر كامل وسما حتنزل الجامعه في الشهر التاني لو في اي شي ناقص بس كلموني سما حضنت امير وقالت ليهو شكرا ليك قال ليها عفوا بس انتي كوني فرحانه ودا المهم 💜 فريد جا وقف قدام ماهر وبقا يعاين ليهو ما قال ليهو ولا كلمة بس ربت ليهو في كتفو بطريقة اذا زعلتها حازعلك ماهر هزا ليهو راسو فريد عاين لسما وهي بتعاين ليهو وهي بتبكي حضنها بكت فيهو شدييد منظرهم ببكي اي زول يشوفهم 💔 فريد كان متأثر شدييد بسفرة سما قال ليها خلي تلفونك فاتح عشان اقدر اطمن عليك قالت ليهو حاضر يا ابوي 💜 ودعت اخوانها علي وهبه جات ام سما وقالت لماهر خلي بالك من بتي وام ماهر قالت ليهم يلا اتحركو ودعناكم الله تغلبها بالمال وتغلبك بالعيال 💜 ودعونا وسط دموع الكل وزاهر صاحب ماهر هو الكان سايق
_____
على لسان فريد:-
سما سافرت ما عارف انا كيف قدرتا ادخل البيت بدون ما اشوفها او اسمع صوتها بقيت اتخيلها عديلل بتنادي فيني كل شوية اسمع يا فريد اتلفت القاها ماف تسابيح كانت جنبي قالت لي هي مبسوطه يا فريد مش دا السبب الخلاك تقول لماهر خلي سوزان واتزوج اختي مش كنتا عايز سعادتها طيب اسي هي حاليا سعيده قلتا ليها ما بالسرعه دي ما كنتا قايل انو الامر حيمر بالسرعه دي من وقت كانت صغيره ماختيت في بالي انو حيجي يوم وتمشي وما كنتا قايل الموضوع حيكون صعب علي للدرجة دي صعب شدييد والله قعدتا في اقرب كرسي وغتيت وشي وبقيت استغفر تسابيح قعدت جنبي وضمتني عليهاا قالت لي صدقني هي مبسوطه يافريد وماهر حيهتم بيهاا قلتا ليها طيب لو قلقت بالليل اعمل شنو تسابيح طول الليل بتهدي فيني بالجد الفترة دي كانت صعبه علي شدييد اول اسبوع من سفرة سماا كنتا تعبان جداا وتسابيح ماخلتني دقيقه وامي برضو امير برضو ما كان كويس بس حالتو كانت احسن شوية قال لي يافريد البت بس ساافرت وحترجع في يوم قاعدين سمعنا دق الباب مشيت فتحتا طلع محمد قلتا ليهو طلعتا حمدلله على السلامة اتفضل قال لي الله يسلمك ماعايز ازعجكم بس ياريت تخلي علي وهبه يجهزو عشان يمشي قلتا ليهو معقولا حتنتظرهم في الباب بعدين علي في الجامعه بس هبه جوا اتفضل يااخ دخل معاي وقال لي بالجد ماعارف اشكرك كيف يا فريد ماقصرتا معاي نهاائي قلتا ليهو مافي داعي علي وهبه بقو اخواننا ومننا وفينا حتسوقهم مننا كيف قال لي حيزوركم المهم سما
الصغيره هدا طريقها قرب يمرق هو شكلو فهم نهاااية المقدمه دي وقال ليها انا الفاصل الاعلاني في زول قال ليك اولديني في النص بيناتهم اسي كان انجزتاا ليك زمااان ومن اول اسبوعين فرحناك بحفيد غايتو انا ماحسبتااا المسافة الكانت بين شبشب امي وراس امير بس الشفتو انو كان حيبلع الشوكه من قوة الضربة 😹 امير قال ليها الزول مايهظر اسي كان حاتخنق وتقولو مات شهيد في سبيل المزاح سما قالت ليهو شوف نهااااية مزاحك داا 🌚🏃🏻♀️كلنا ضحكنا في امير قام وهو بتطنطن
___
على لسان ماهر:-
من الصبااااح متجهز وكدا نزلتا لقيت ناس البيت كل زول ماسك كباية شاي بشربو ومستكنيين عاينتا ليهم يالدور قلتا ليهم دا شنو؟؟ انت ناسين الليله في شنو ابوي عاين لي وقال لي في شنو قلتا ليهو الليله الخميس قطوف قالت لي اي يوم 13 حمرتا ليها سكتت قلتا ليهم يجماعة نسيتو انو الليله حنطلب البت امي قالت لي اجيي ياماهر حنمشي للناس من صباح الرحمن قطوف قالت لي اقعد واستكين اشرب ليك كباية شاي اظبط لينا رويسك دا وروق الدنيا ماطااايره امنيه قالت لي يحليلك متوتر اقعد انا بجيب ليك شاي قعدتا معاهم امنيه جابت لي الشاي شفطتو كلو وقلتا ليهم يلااا ابوي حمر لي تحميره ظااااابطه كداا خلاني ارجع اقعد في حتتي وانا ساكت بقيت اعاين ليهم لغاية ماخلصو الشاي امنيه شالت العده تغسلها وقطوف قالت ماشه الجامعه وبعدين بتغشانا في بيت ناس سما ومشت وابوي قال ماشي يحضر الاخبااار وامي مشت تورق في الخضره قلتا ليهم انتو جاااادين ابوي قال لي حنمشي العصر ياماهر امشي شوف ليك شغله اعملها لغاااية ما نخللص رجعتا غرفتي وقلتا خسارة الجنصصه فتحتا الدرج لقيت خاتم خطبتي من سوزان قدامي قلتا دا للان قاعد ليه ما رميتو للان اتذكرتا كل عمااايل سوزان لغاااية اخر شي حصل شلتا الخاتم وطلعتا الشارع رميتو في الكوشه قلتا دا المحل المناسب ضربتا لزاهر وقلتا ليهو عايز مساعدتك في شي مهم وريتو ورجعتا البيت العصر كداا حتى ناس البيت بدو يجهزو وركبناا واتحركناا على بيت ناس فريد لمن وصلنا كل شوية بسألهم طالع كيف بقولو لي انيق لغااية دقينا الباب فتحت لينا قطوف وهي ماسكه كباااية عصير قال لينا نورتو ياااخ اتفضلو ابوي قال ليها جيتي متين انتي قالت ما ليها زمن طويل دخلنا فريد وامير رحبو بينا وقعدنا في الصالون امهم سلمت عليناا وقعدناا وقطوف جات قعدت جنبي تسابيح جابت موية ادتنا ليها وقعدت جنب فريد طبعا بقو يتونسو ويسألو من التفاصيل وعلي قاعد معاااهم بعد شوية جات سما شايلة صينيه فيها عصاير ومعاها اختها هبه والصينيه بترجف اختها ماسكه معاها عشان الصينيه ماتقع سما كانت خايفه شدييد الا هبه شالت منها الصينيه وقالت ليها انتي اقعدي قعدت جنب امير وهبه ضيفت العصير وقعدت سما كانت بتضغط يدينها وظاهر التوتر ياريت لو كنتا جنبها كان امسك يدينها اطمنها بس امير كأنو حس بي مسك يدها وضغط عليهاا وقال ليها انا معاك اطمني مافي شي بخوف بعد مسافة ابوي قال خلونا ندخل في الموضوع طبعا كلكم عارفين سبب جيتناا سما بتنااا وماهر ولدكم امير قال ليهو واحلى ولد والله شرفتنا ياولدي فريد حمر ليهو ابوي ضحك وقال نحنا بنتشرف انو نطلب يد بتكم الكريمة سما لولدنا ماهر على سنة الله ورسوله ما بتتخيلو كمية الفرحه الدخلتني لمن ابوي قال الجملة دي كنتا مبسوط عاينتا لسما لقيتها بتعاين لي وظاهر عليها انها فرحانه زي الكأنها مامصدقه فريد قال ماهر انا مابعرفو لا من الليله ولا امبارح هو اخوي قبل مايكون صحبي وبيناتنا سنين طويللة انا متاكد انو مافي زول حيهتما باختي بعدي زي ماهر انا بتشرف انو نناسبكم والله يقدم الفيهو الخير ❤️ شربنا العصير وقرينا الفاتحه كنتا جايب معااي خواتم لبستا سما خاتم وهي كمان لبستني وبقينا مخطوبين بشكل رسمي واتحدد عرسنا بعد شهرين وياهو حتنزل سنتها التانيه من بيتها باذن الله ❤️ رجعنا البيت وانا مطمن وبعاين للخاتم مامصدق انو سما حاليا خطيبتي وحتكون مرتي عماقريب 🌸 فقلتا الحمدلله الذي بنعمته تتم الصالحات صليت ركعات شكر ♥️ ونمتا وانا مطمن
____
على لسان سما:-
شعور حلو جدا انك تنخطبي للانسان الاختارو قلبك 💜 كنتا مبسوطه شدييد وانا بعاين للخاتم وبحرك فيهو بيدي امير قال لي حركات البايرات دي شنو؟ شلتا المسند ضربتو بيهو بس مسكو قال لي يحليلك ما نياشه قال لي شعورك شنو بالله احكي لي الننفسن شوية قلتا ليهو مبسوطه شدييد يا امير لدرجة اني ما قادره انوم من الفرحه وقلبي بدق سريع ما قادره اتخيل اني حاليا لابسة خاتم بدل على اني خطيبة ماهر قال لي يابختو ماهر بسما اختي 🤍 طلعتا غرفتي شوية وجاني فريد قال لي ماقادرة تنومي صح؟ قلتا ليهو اي قال لي حسيت عشان كدا جبتا المصحف عشان اقرا ليك قران شوية وانتي حترقدي في رجليني وتغمضي عيونك وشوية وحتنومي ابتسمتا ليهو جا قعد وختا راسي في رجلينو وبقا يقرا لي وانا غمضتاا ما عارفه الحصل شنو ونمتا كيف بس ما صحيت الا مع اذان الفجر وفريد هو الصحاني كان
فضلت بتعزف تحت نظرات امير الحنونه ليها...كان بتزكر شريط حياتو من طفولتها قدامو مع كل لحن بتعزفو...لحد م خلصت ونزلت وهو قرب منها حضنتو وهي بتهمس ليهو:- شكرااا ليك شديد يا ابوي❤️...فريد مسح الدمعه النزلت من عيونو...وربت على راسها بحنان...الناس بدت تصفق ليهم وبدعو ليهم...المهم الحفله بدت وبدو يرقصو بحماسسس شديد...خصوصي فريد وتسابيح كانو هايجين جدااا....بالنهايه اشتغلت أغنيه زنق...وقفو فيها فريد وتسابيح جنب بعض وانضمو ليهم علا وسما وأمير وماهر وبدو يرقصو وخطفو الاضواء كلها...حتي الفنان بقي مركز معاهم وكان نفسو يطول في الاغنيه...بعدها ابتدت مراسم الجرتق...وبقو في لحظه الوداع...اللحظه المبحبها اي زول...سما كانت واقفه بعيد عشان م تسلم على فريد...ما كانت عايزه تبكي قدامو نهائي...بس هو فتشها اول وحده...وعرف مكانها ومشا لعندها وقال ليها:- شنو يعني ما عايزه تودعي اخوك؟...سما عاينت في الارض ومدت يدها ليهو وقالت:- معقوله؟ مبروك ليك ان شاءالله تتهنو يارب...انجوي كمان واستمتع وما تنسي تجيب لي هديه معاك...فريد حضنها وقال ليها:-ما حطول اسبوعين بس اصلا ما بقدر ابعد منك....سما طوالي حضنتو وما قدرت تسيطر على دموعها النزلو بغزاره...فضلت بتبكي لحدي ما جا امير وهداها...فريد مسح ليها دموعها وقال:- ما بتاخر بوعدك والله...بعدها مشا.
____
بلسان ماهر:-
يومين مرو من عرس فريد...وسما متجرسه شديدد كل يوم بتضرب لي بليل وهي بتبكي وبتقول اشتقت لي فريد....م لقيت حل غير اني أطلعها واتكلم معاها...مشيت لعندها بعد ما استأذنت من امير وهو سمح لي...طلعت وجاتني لابسه اسود ف اسود...ووشها شاحب وبهتانه...لما ركبت قلت ليها:- شنو يعني مسوداها كده ماشين عزا لا سمح الله؟... قالت لي بصوت متهدج:- لبست اقرب حاجه وخلاص...قبلت عليها وقلت ليها:- فشنو ي سما مالك؟... طوالي بدت تبكي وقالت:- اشتقت لي فريد ياخي...مافي زول حاسي بي والله...انا محل ما اقبل بشوف فريد...وبتزكر تفاصيلنا الصغيره والكبيرة...بشوفو في كل ركن في البيت...حاجه صعبه لما تكون متعود على زول وفجأة يبعد عنك...والله ما قادره...انا متعوده على بعدو...ولا كنت خاته في بالي انو حيبعد ف يوم...قلت ليها وانا بمسك طرف اصابعها:- انتي لي محسساني انو سافر وتاني ما راجع يا سما...كلها اسبوعين وحيجي راجع...دي سنه الحياة كده يا سما...لازم يشوف حياتو بعد كده...انتي هسي بقيتي كبيره وواعيه بعد ده ليهو حق هو يشوف حياتو...وانا متأكده انو حتي هو حاسس بنفس الاحساس حقك...بس حيجي راجع تاني...واتزكري انك برضو في يوم حتعرسي وحتمشي برضو...دي هي الحياة واحتا لازم نتعود عليها...معليش يا حبيبي كم يوم وحيعدو...وتاني يرجع وتقعدو مع بعض...وتشبعي منو...وقتها سما هدت حبه وبدت تروق...طوالي حركت العربيه وانا بتكلم معاها...طلعتها وفسحتها وعملت ليها حاجات تفرحها والحمدلله رجعت تضحك تاني...لما خلصنا ورجعنا البيت قبل ما تنزل قلت ليها:- م تبكي انا م بستحمل دموعك لانها غاليه على شديد...كم وفريد يرجع تاني..بس انتي اتعودي شويه...وم تنسي اني منتظر تخلصي اول سنه واجي انا كمان اخطفك...سما ضحكت وقالت لي:- ان شاءالله...وشكرا لانك خففت علي حبه...ابتمست ليها...وهي نزلت بعد م ودعتني...وانا كملت طريقي راجع لي بيتنا.
___
بلسان الكاتبة:-
ايطاليا♥️شهر عسل تسابيح وفريد فريد كان محترم تسابيح جداا ومديها مساحتها ♥️ اول ما وصلو فريد قال ليها اول شي حنعملو حنصلي ♥️ عشان ربنا يوفقنا في حياتناا فعلاا دا الحصل صلو بملابسهم بتاعت العرس ♥️ ومن تاني يوم اتفسحو في ايطاليا والبندقيه كانو موجودين في منتجع بنظم رحلات وبرامج ظريفه 💙🌸استمتعو وقضو ايام حلووة في ايطاليا وفي الفترة دي سما خلصت امتحانات وبعد اسبوع نزلت السمستر التاني طواالي اول يوم ليها في السمستر التاني فريد وتسابيح رجعو السودان سما فرحت شدييد لمن رجعت البيت ولقت فريد ماصدقت 🌸 السمستر الثاني مرا سريع وفيهو علا كانت بتحاول تتجاوز امير وابدا ما جابت سيرتو لغاااية ما نزلو امتحانات
___
بلسان سما:-
اخر امتحان في السمستر التاني في سنه اولى طلعتا مع الشله اول ما وصلتا البوابة شفتا ماهر واقف ودعتا الشله ومشيت عليهو طلع الفريم وقال لي حمدلله على السلامة قلتا ليهو الله يسلمك قال لي اها اجازتكم كم؟ قلتا ليهو شهرين قال لي ظابط معناها بعد شهرين باذن الله حتنزلي السنه الجديده من بيتك طبعا سكتاا فتح لي باب العربيه وركبتاا مشينا البيت فتحت لي تسابيح سلمت وسالتني من الامتحان وكداا وجابت لي اكلة حست بي جيعانه قلتا ليها انتي احسن مرت اخ في العالم ضحكت وقالت لي يابختكم بي 😹💜 قلتا ليها بختنا فعلاا فريد جا لقا ماهر واقف قال ليهو ماتقعد يازول ماهر رفع ليهو حاجبو وقال ليهو اها فريد قال ليهو اها وبقا كل واحد فيهم يهز راسو ويقول اها تسابيح ضربت التربيزه وقالت ليهم حتقعدو تاهاهو فينا كتيير كداا لمن قامو ناطين
مرو شهرين فيها انا وتسابيح اتكلمنا في موضوع عرسنا واني عايز اتقدم ليها وكده... وهي قالت لي افاتح ناس امي وبعدها اليحصل خير.... بالفعل كلو اتسهل لينا وانا الليله واقف قدام المرايه لابس جلابيه ولافي العمه وخاتي الشال...حنمشي نتقدم ومعانا سد المال واي حاجه....المهم اخر شي اتعطرت وطلعت لي ناس سما... لقيتهم جايطين خصوصا امي وسما...ضحكت فيهم وهم اول ما شافوني بقو يزغردو...مشيت لعند امي وبستها في راسها وهي بتقول لي:- الحمدلله الجا اليوم الشفتك فيهو عريس...عقبال اشوف اولادك جايطين قدامي ان شاء الله...رفعت يدها للسما وقالت:- الحمدلله ليك يا ربي وان شاء الله اشوف سما وامير كمان وهم عرسان يارب...سمعنا صوت امير وهو داخل معاه ماهر بقول:- امييين يا حجه أمين انتي كتري من الدعوات دي...اتقدم عليها وباسها من راسها...بعدين قبل على وهو بشاغل فيني...سلم على وكذالك ماهر...بعدين كلنا طلعنا على الحديقه لقينا ما شاء الله اصحابي والجيران ما يدوك الدرب....حسيت اني ماشي اعقد ما اتقدم...كلهم نزلو على ب التبريكات وسط فرحه امي بيهم...حسيتهم انو م عايزين يحسسوني اني براي وابوي ما معاي...لما طلعنا بره لقينا كميه بتاعت عربات ما شاءلله....كل زول ركب عربيتو ومشينا ب الصف واصحابي م مقصرين ماخدين الشارع على حسابهم....الناس الفي بيوتها كلها طلعت عشان تعرف ف شنو واصوات العربات شنو...وفي واحدين من ما يشوفنا بيرفعو يدهم ويبشرو لينا.... امير وسما وماهر كانو فى العربيه القدامنا واللي كان سايقها صحبي بعد م امير اصر انو يسوقها...كانو قاعدين في الشبابيك وبصرخو وسما بتزغرد وانا سايق وجنبي امي وبنضحك فيهم... كنا على الوضع ده لحدي ما وصلنا بيت ناس تسابيح....كنت متوتر شديدد بس ما مبين... استقبلونا بطريقة ظريفه والبيت كان مزين ب اضواء وحاجات حلوه...خصوصي انو عندهم حوش واسع وشالنا كلنا...قعدنا وبدت الونسه تحت توتري وكل شوية بعاين للباب اشوف تسابيح وينها...لحد ما جات وهي شايله صينينه في يدها ووراها بنات أولهم سما...من ما دخلت لحقتها زغاريد امي وسما والبنات...وقفت على حيلي من غير ما اشعر على نفسي...وبقيت اعاين ليها كآنت قمه في الجمال...لابسه فستان حلاوي غامق وطرحه محجبه بطريقه حلوة باللون البيج الفاتح...يا جماعه قدر م اوصف ليكم جمالها ما بخلص.
__
بلسان تسابيح:-
كنت قاعده بعد م جهزت ومنتظرين ناس فريد يوصلوا... يااااه من توتري وما كنت قادره اقعد في مكان واحد....كنت بتحرك كتير ومره اطلع وبدخل بعد م امي تهرشني... صحباتي جنبي بيضحكو فيني وانا ولا شغاله بيهم...كل شويه اقيف ليهم واقول ليهم عليك الله سمحه؟... كانو بقولو لي حلوه جدا بس برضو كنت خايفه ما اعجبهم....وقفت قدام المرايه وسرحت...سبحان الله عرفت فريد بالصدفة...واتخيلتو حيكون انسان عابر في حياتي...بس فجأه بقي جزء لا يتجزأ من حياتي...دخل حياتي الكانت عاديه وممله وروتينها واحد...وغير لي كل ده...اي شي بقي حلو من دخل حياتي...بقي شي مهم في يومي وثابت ...ما بقدر ما اتكلم معاه...بحبو لما يسمعني بالرغم من كلامي الكتير وال م بخلص...ضحكنا مع بعض وزعلنا مع بعض وخفنا مع بعض...اول انسان انا حسيت معاهو ب احساس الحب...ما كنت مؤمنه بالحب ومتخيله اني ح اعرس زي زي اي وحده عرست عرس تقليدي وخلاص...ولا يوم اتخيلتتت اني حكون من المحظوظات البعرسو عن قصه حب طويله...وح اضوق احساس الحب ب الحلال...انا فرحانه شديد انو كان من نصيبي راجل بيعرف يقدر الانثي وبيعرف يحترمها...وما بقلل من شائنها...بالرغم من الفرق الاجتماعي بينا....هو من عيله غنيه وانا من عيله بسيطه شديد...بس ما اشتغل ب الموضوع ده في الوقت البقي اي زول بعرس من الطبقه الزيو...ف الحمدلله على فريد والله....فقت من شرودي بصوت وحده من صحباتي بتقول:- يا جماعه الحقو العريس وصل من اخر الشارع اصوات العربات واصله لحد هنا....والله غصب عندي قلعت الكعب وجريت لي طربيزه وطلعت اخر الخوش الكان فاضي ووقفت اعاين...م يفوتكم صحباتي برضو عملو كده مستحيل يقوتو حاجه زي دي...وقفنا والصلاه على النبي العربات والناس ما تديك الدرب...سامعه صوت صحباتي وهم بقولو ان شاء اللة حقي كمان كده...وقفنا لحدي ما العربات وقفت وطوالي نزلنا ورجعنا محلنا قبل ما امي تشوفنا عشان وقتها م حيحصل خير...
المهم مرت نص ساعه وبعدها امي طلبت مني اطلع بعد ده....كميه بتاعت توتر وجاني وجع بطن واطرافي بردت....يالله شلت الصينينه الفيها العصير وطلعت...لما دخلت للمكان القاعدين فيهو ناس فريد وعيني وقعت في فريد قربت اقع....الجلابية والشال والعمه عامله فيهو شغل....مع انو الناس الكانت قاعده كلهم متعطرين الا اني قدرت اميز عطر فريد بتاع العود...وقف على حيلو وانا طوالي نزلت راسي....وختيت الصينينه وخلوني اقعد جنبو....فريد م نزل عيونو مني الحاجه ال خلتني ادخل في ظفوري من الخجل...ما حس على نفسو الا لما امير قال ليهو:- خلاص اكلت البت ب عيونك...يالله من
شي من اصحبت اساليني لي...قلت ليها:- اها لي؟....قالت لي:- عشان أجرب الاكل كلو واشوف احلى واحد شنو واطلبو من غير تفكير...عاينت ليها مسافه وقلت ليها:- علا انتي نصيحه عليك الله؟... انتي متين بتلقي وقت تخططي فيهو وتقولي انا حعمل كده عشان تفكري كده؟... بحركه بتاعت غرور كده قالت لي:- سر المهنه حبيباه....قلبت عيوني بملل وقلت ليها:- ارح ارح اتخارجي قدامي كده...مشينا ولفينا لما رجولنا وجعونا...بالنهايه سألنا ووصفو لينا...والحمدلله طلع الوصف صح وم برلمونا...دخلنا كده لقينا شله كده قاعدين...انا قعدنا قريب منهم...بعد مسافه واحد منهم قال لينا:- انتو برالمه؟...علا قالت ليهو:- اي برالمه...ضربتها بتحت وحمرت ليها بمعني انو لي قلتي ليهو هسي يمكن عايزين يعملو لينا حاجه...الود واضح انو شافني لانو ضحك وقال:- احنا برضو برالمه زيكم كده...ملخطبين يلا في مننا برلوم قانون وفي مننا برلوم صيدله...وفي مننا برلوم مختبرات...وفي لغات برضو...تعالو نتعرف كلهم...انا عن نفسي ما ارتحت ليهم لكين علا الله يحفظها ما صدقت طوالي قامت وقعدت معاهم حتي م انتظرتني...قمت من محلي ومشيت وقفت معاهم وانا لسه ما ارتحت ليهم وكلام فريد بدور في راسي...
عاينت ليهم في ملامحم لقيتا مريحه ومافي حاجه بتقلق...وعيونهم عاديه شديد...كان في توأم بت وولد...الشبه بينهم مبالغه ولو كانو بتين او ولدين ما حيفرقو بينهم...الولد كان لابس نظاره طبيه وهادي عكس اختو الكانت شقيه وكلامها كتير وبتتكلم بصوت عالي...الولد الاتكلم معانا قال:- نعرفكم علينا...انا فوزي برلوم لغات...ده فادي برلوم صيدله...ودي غيداء برضو صيدله...ودي عواطف لغات معاي...وده فاتح برلوم شريعه وقانون...ومعاهو عبدالله برضو...وده جياد برلوم مختبرات طبيه...ودي اختو جيان التوأم برلومه صيدله...طبعا فرق شاسع بينهم بالرغم من الشبه البينهم...ضحكت وانا بقول:- اي لاحظت ليهم من البداية ما شاءالله...عبدالله قال:- يلا عرفينا عليكم...قبل اتكلم علا كالعادة اتكلمت وعرفتهم علينا...بقينا قاعدين نتونس لحد ما شلنا ارقام بعض وكل زول شاف قاعتو ب وين...مشين وانا معاي جيان الكانت بتعلق في الماشي والجاي...وصلنا قاعتنا وقعدنا...دخل لينا دكتور كده ومعطنا شديد بقوانين الجامعه والمفروض يحصل شنو وبتاع...عاينت جمبي لقيت جيان ناااايمه حاولت اصحيها لانو الدكتور كان جاي على جهتنا...لكين البت طلع نومها تقيل وبقيت اتكلم معاها لحد ما فتحت عيونها...للاسف الدكتور شافنا وما انتظر نتكلم حتي...طوالي طردنا من القاعه...جيان طوالي قامت وانا طلعت وراها...لما طلعنا بقينا نضحك في بعض...من اولها طرد كده...وانحنا بنضحك مع بعض..سمعنا صوت واحد بقول:- مالكم بتضحكو كده ممكن توروني...عاينت ليهو من فوق لي تحت...كان ولد طويل كده حلبي ولابس نظاره شمسيه وشعرو كيرلي كتير كده...قلت ليهو:- وانت مالك ومالنا اصلا...لي نوريك بنضحك ف شنو؟... جيان كانت عايزه تتكلم...لكين هو سبقها وقال:- انتي لي هايجه كده...بس كنت عايز اعرف...قلت ليهو بغيظ:- اصلا لي تعرف الدخلك بينا شنو...حاشر نفسك مالك....ي جماعه م قدرت اسكت طوالي نزلت فيهو ردح...وهو مره يرد ومره يضحك...بالنهايه مسكتني جيان وهي بتضحك شديد وبتقول:- سما اهدي ما كده...قلت ليها:- عايزاني اسكت لي هو شنو البدخلو عشان يسألنا؟... قالت لي:- سما اهدي ده جواد اخوي الكبير انا وجياد...عاينت ليهو تاني وعاينت ليها...دخلت في ظفوري وم عرفت اقول شنو...هو اتكلم وقال:- مالك سكتي الكديسه اكلت لسانك؟...قلت ليهو:- معليش لكين اي زول ف محلي كان عمل كده...ابتسم وقال:- م كل زول والله...لكين ما علينا...اها برضو م حتوروني لي كنتو بتضحكو؟...جيان ردت وبدت تحكي ليهو وانا خشمي ما فتحتو بعد داك...المهم مره اليوم على خير وانتهي واحنا طالعين لاقينا فريد وامير منتظرين بره الجامعة...سلمو علينا وبقينا نحكي ليهم عن يومنا...طبعا فريد وامير استغربو فينا خصوصي انا...بس بعدها بقو يضحكو ويدو وياخدو معانا فى الكلام.
_____
بلسان الكاتبه:-
الايام بتمر وبتمشي...مره شهر كامل على نزول سما الجامعه...في الشهر ده هي وعلا تقريبا اتعرفو على نص الجامعه...هم وشلتهم بقو معرفين شديد...وموقفين الجامعه على رجل واحده...علاقه سما وجواد بقت حلوه من اخر مره شافو فيها بعض وحصل الحصل...كم مره لاقتو سما وكانت بتعتزر منو...بالنهايه قال ليها:- انا ما زعلان والله...وعشان تتأكدي ممكن نبقي اصحاب...فعلا سما وهو بقو اصحاب...ف يوم ماهر حبا يمشي لي سما زياره في الجامعه...خصوصي انو طول ما شافها...فعلا مشا ليها وعملها ليها مفاجأة...سما عرفتو على الشله كلها عدا جواد لانو هو كان سنير وكان عندو محاضرة...فما كان موجود مع الشله...الشله لما عرفت انو ماهر حبيب سما وقريبا حيبقي خطيبها...كلهم شغلوها ليهم لحدي ما خجلت...بعدها استأذنت من الشله وساقتو معاه عشان تعرفو على جواد...مشت لحدي القاعات بتاعتهم...وماهر بسال فيها انتي
ابوي كان هو الولد الوحيد والبقيه بناات وامي عندها اخت بس وماعندها اخ قلتا اطلب من ابو ماهر يطلب لي تسابيح اكييد ما حيحرجني في قعدتي دي تسابيح دقت لي قالت لي كلمت امها انها عايز اجي البيت وقالت لي مابتتخيل امي فرحت كيف لمن عرفت وحتى كلمت ابوي طبعا طالما هو برة الخرطوم قال عشان يسأل منك انت عااارف امي ساااعه كاملة بتشكر فيك لابوي بس طبعا قال ليها مابدي بتي لأي زول بعد اجي واسأل منو نشوف امي قالت لي اكييد حيوافق فريد مافي منو ووريني سريع مشيت لياتو شيخ يافريد امي دي بتحبك كدا ليه استخدمتا ياتو عرق؟؟ بقيت اضحك تسابيح دي مجنونه بشكلل قالت لي ماتضحك وريني قلتا ليها شكلو الشيخ المشيت ليهو دا ما كتبتا فيهو امك بس كتبتك انتي برضو لانو حتى انتي بتحبيني صح؟ قالت لي مع السلامة وقفلت الخط ضحكتا فيهاا بالجد تسابيح دي انا بحبها 💜
__&__&&&
على لسان سما:-
طلعنا مع ماهر واي محل نمشي ليهو مابعجبو قلتا ليهو ماهر رجليني ورجلينك الاتنين بشتكوك يوم القيامة انا تعبتا يااخ قال لي خلاص خلينا نمشي اخر محل في الخرطوم جوه نشوفو طبعا نحنا ماشين بالعربيه ااي بس لمن ننزل عشان نشوف محل بيقول لي خلينا نمشي نشوف الجنبو وبنقعد نلف اخر محل دخلو كان وااسع وشبابيك قزاز واضاءة الشمس واصلاهو بس طبعا السيد ماهر قال ماعجبو لون الحيط قلتا ليهو ممكن نضربو بهيه قال لي مافيهو روح يااخ بتحسيهو ماينفع محل رسم والوان قلتا ليهو انت حتجيب ليهو الروح برسوماتك قال حنغير لون الحيط ونركب سراميك جدييد دا ماعجبني واهم شي حارسم لوحه بتخصك واختها في مقدمة المعرض واسم المعرض حيكون زي اسمو القديم طبعا لازم يكون في مطبخ صغير لانو انا وانتي بنحب الشاي عشان نعملو وقت ماعايزين وحاعمل ليك غرفة صغيره للمراجعه عشان بعد نتزوج تجي تراجعي قرايتك هنا وفي نفس الوقت تكوني معااي بتكلم وكلو حماااس وبحكي لي حنعمل ونعمل وهو بتخيل مستقبلنا كانت عيونو بتلمع انا كنتا بعاين ليهو بكل حب مبسوطه شدييد 💜قلتا ليهو رايك شنو نجيب سراير وكم فرش ونعيش هناا عاين لي زي الكأنو بفكر قلتا ليهو هوي بهظر اوعك تعملهاا ضحك قال لي عارفك اي مشا للسمسار قال ليهو اعتمدنا المكان خلااص سلمو على بعض وحددو موعد عشان يخلصو امور الشراء وتوقيع العقد وماهر يبدا في تصليح المعرض قال لي رايك شنو ندخل اقرب مطعم ناكل بعدين اوصلك البيت قلتا ليهو طيب دخلنا وطلب لي شاورما قال لي بالمناااسبة!! قلتا ليهو اها قال لي انتي للان ماقلتي لي بحبك قلتا ليهو ضروري يعني ماهدا انت عارف ماضروري الا اقولها قال لي ضروري اي قوليها عملتا روحي باكل في الشاورما مليت خشمي لدرجة مابقدر اتكلم قال لي طريقة تحااايل فاااشلة لانو السيندتوش دا في النهاااية حينتهي المهم ارح قولي ب وخشمي ملان قلتا ب قال لي ح قلتا ليهو ح قال لي ب قلتا ليهو ب قال لي ح قلتا ليهو ح قال لي يلا لصقي الاربعه حروف ديل وركبيهم في كلمة وقوليها مليت خشمي زيااادة ماهر ضحك قال لي خلااص على راحتك ما حاضغطك 💜 اكلناا وشبعتاا ووصلني البيت وطول الشارع بونس فيني لغاااية البيت بعدين مشاا جريت لامي قلتا ليها اشتقتا ليك وقعدتا اتونس معاها
___
#يتبع
*فتاة ذابلة 🥀
#بقلم المبدعين سارة وعبير ولمياء وصديق *
(33)
الجزء الثاني من الحلقة الاخيرة ❤️
انت واقف قدامي بالجد فريد ابتسم وقال لي حبيت افاجئك ابتسامتي اختفت قلتا ليهو من متين وانت بتمشي؟ قال لي لو ما حتجوطي فقبل ما نساافر لعملية امي قلتا ليهو يعني قريب الشهر وانا هنا شايلة همك قال لي والله كنتا حابب افاجئك بقيت اعاين ليهو وانا صاارة قال لي انا اسف بس بالجد كان نفسي اشوف فرحتك وكداا وكمان عندي ليك مفاجاءة تانيه كأنو اعترافنا لبعض طوول وكمااان انا حابب اخطو خطوه رسميه تجااهك وما حابب الاقيك كدا سااي فحددي لي موعد مع ابوك وامك رفعتا راسي بحركه درامية كدا وقلتا ليهو بهظار:-منو القال ليك انا موافقه عليك؟ فريد ضحك ضحكه سمحه كداا وقال لي:-مع الاسف انا متاكد انك موافقه بس في عندي مجموعة اغراءات ممكن تخليك تغيري رايك ❤️قلتا ليهو مثلاا؟ قال لي: مثلا انا لانو بعرف انو حبيبة قلبي ومرتي المستقبليه من عشاق الكتب والمطالعه مجهز ليك رحلة كامله لكل مكاتب السودان وياريت تختي خط تحت كلمة السودان يعني حنزور كسلا بورتسودان سنار القضارف ماحنكتفي بالخرطوم بس حتزهجي من قراية الكتب كل الروايات العايزاها بتلقيها ❤️ وكمااان لانو حبيبتي بتعشق البنفسج مجهز ليك ديكورات باللون البنفسجي تختاريهاا 💜 وكمااان اذا جا يوم ولقيت مرتي حبيبتي زهجانه او منفسنه بطلعها نتفسح بالمكااان الهي بتختاااارو بس المهم عندي تكوني مبسوطه يعني يا تسابيح ربنا يقدرني بس واسعدك 💜 بقيت اعاين ليهو بكل حب الدنياا بالجد ربنااا اداني انساان مهما لفيت ماحالقى زيو 💜 فريد هو بالجد فريد ومافي منو هو بعاين لي مبتسم قال لي اغراءاتي كااافيه ولا ازيدها؟ قلتا ليهو انت ليه كدا؟ ليه اللطف دا كلو؟ ليه الحنان دا كلو بالجد حظها سما اتربت على يد انساان بالجد مافي منو 💜 قلتا ليهو بس اكلم ابوي وبعدين بحدد ليك موعد قال لي طيب ممكن اطلب منك طلب؟ قلتا ليهو اتفضل قال لي انا عشتا فترة بعيده عن امي يا تسابيح فيعني بعد اذنك ولو ما بضايقك الموضوع ممكن بعد العرس نعيش مع امي في البيت؟ حابب اقضي جنبها كل اوقاتي بتسمحي؟ قلتا ليهو وبتاخد اذني طبعا اكييد بنقعد معاها اي ❤️ مشينا قعدنا في الحديقه
____
على لسان ماهر:-
بالجد بعد الحصل مع سوزان زعلتا عليها مهما كان كانت قريبه مني في يوم كنتا بجهز نفسي عشان سفرة باريس لانو اجلو لفترة بسبب مشكلة حصلت سما قدمت صيدلة في كم جامعه وعلاقتها مع اختها ماشه كوويسة شدييد وعلي بقا صاحب فريد وامير علاقتهم حلوة شدييد جهزتا تذكرتي وشنطتي ولوحتي وكل اموري وامي الليل كلو تدعي لي وامنيه سااعه تبكي فيني وقطوف جابت لي قائمة بالحاجات العايزاها من هناك ودعتهم كلهم ولمن مشيت المطاار لقيت سماا وفريد هنااك منتظرني فريد جا حضني وقال لي انا واثق فيك حترفع راس السودان كلهاا قلتا ليهو ان شاااءالله سما واقفه ومبتسمه لي قالت لي انا بثق فيك انت قدها قلتا ليها ان شااءالله دخلتا المطار تاني جيتهم راجع ناديت فريد قال لي احكي قلتا ليهو خليك جاهز لانو عندك حاجه بتخصني وانا لمن ارجع ناوي استلمها وعاينتا لسما فريد ضحك وقال لي جداا انت ارجع لينا بالسلامة بس قلتا ليهو ان شاااءالله رفعتا ليهم يدي ومشيت عملتا اجراءاتي ورسلتا لسما بحبك ❤️ وركبتا الطيااارة فريد كان مصر انو اسافر من شركتهم حاولتا ارفض بس طبعا مافي زول بيقدر على فريد عمادالدين باستثناء تسابيح ❤️ رقدتا نمتا والمضيفه كل شوية تصحيني عايز قهوه عايز اكل عايز موية ماخلتني انوم نهاااائي شكلو فريد موصيهاا لغاااية ما وصلتا وعملتا اجراءاتي استقبلني مهند سلم علي بحرارة وطوالي على فندق قريب من الصالة الحيعملو فيها المعرض مهند قال لي في ناس كتااااار مشاركين في المعرض داا وكلهم مبدعين بس انا واثق من ود بلدي ❤️ حترفع راسنا قلتا ليهو ان شاااءالله كان باقي يومين للمعرض لفيت فيهم لف واتصورتا في باااريس وكل شوية اخت استوري قطوف قالت لي قاصد تمغرزنا يعني ولا كيف؟ عرفنااااك في باااريس خلاص فهمنااا رسلتا ليها ضحكه قالت لي وبتستهر بي كمااان؟ لالا ظااابط ياود امي وابوي قالت لي المهم اثناااء حوامتك دي ماتنسى حاجاتي
يوم المعرض❤️ من الصباح كنتا متحمس لقيت كمية من الرسائل الايجاابية وامي مرسلة ريكورد مليان دعوات سمحه وابوي برضو وامنيه وقطوف قالت لي اذا نجحتااا جيب معاك الحاجات لاني عارفاك حتنجح وبعدها كم رسالة ايجابية فريد ضرب لي عديييللل وهو بحاول يعدل لي مزاجي وخلاني اتكلم مع امير وسماا دعو لي بالتووفيق وفريد قال لي حنحضر المعرض اون لاين ما تشيل هم يعني زي الكاننا معاك ❤️🌸قريب المغرب جاني مهند لبستا بدلة واتعطرتا وجهزتا نفسي وطلعنا على الصالة كانت كبيرة وسمحه وانوراها واصلة لاخر الشااارع وكمية العرباااات الموجوده قدامهااا في حرس واقفين بسلمو عليك وبسالوني من اسمب وبدوني كرت فيهو رقمي حق المسابقه كى زول مسجل برقم ما بي اسم العجب لمن دخلتا وشفتا عدد
دخلوهو غرفه قريبه منهم وده كلو تحت نظر فريد وسما...بعد ساعه تانيه طلع الدكتور من غرفه العمليات...وبشر سما وفريد ب نجاح العمليه وانو امير وإيمان في صحه وعافيه...سما رفعت يدها للسما وقالت:- الحمد والشكر ليك يارب... الحمدلله دائما وابدا...فريد شكر الدكتور شديد وبعدها طلعو إيمان برضو علي غرفه عاديه...ولبين ما المخدر مفعولو يخلص... فريد وسما رجعو الفندق ارتاحو شويه وبعدها اخدو كم حاجه ل امير وايمان...لما وصلو لقو امير خلاص بقي واعي وفتح عيونو... دخلو ليهو وحمدو ليهو السلامه... بعدها امير قال:- امي كيفها كويسه؟...فريد رد ليهو وقال:- كويسه الحمدلله بس منتظرين تفتح عيونها...امير قال:- طيب ممكن تودوني ليها؟... فريد قال ليهو:- اذا بتقدر تقوم ارح لانو اصلا حتي انحنا ما شفناها...بالفعل امير قام وساعدوهو سما وفريد.... جابو ليهو كرسي متحرك وقعدو... وبعدها طلعو علي غرفه إيمان.... لما دخلو لقو الممرضه قاعده معاها...لقو ايمان خلاص بدت توعي وتفتح عيونها... الدكتور جا ومرا عليها وفحصها... بعدها اتمني ليها الصحه الدائمه... ووقف اتكلم مع فريد الكان بيجيد اللغه الانجليزيه بطلاقه...بعدها الدكتور بكل زوق استأذن منهم وطلع...سما مجرد ما طلع جرت لعند امها وهي بتسالها:- امي كيفك كويسه حاسه بي حاجه؟...ايمان ضحكت بصوت هادي وقالت:- كويسه يا بتي الحمدلله... وما حاسه بي اي حاجه...سما باستها في راسها ويدها وقالت:- الحمدلله...ايمان عاينت لي امير الكان لابس لبس المستشفى وواقف...وقالت ليهو:- تعال لي امير لي واقف... انت كمان زي المفروض ترتاح...امير مشا لعندها وهو بقول:- لالا ما تعبان المهم انك بقيتي كويسه يا امي...ايمان قالت ليهو:- شكرا عشان اديتني حياة جديده يا ولدي... امير مسك ايدها وباسها وقال:- انا لو على اديك عمري كلو يمه...إيمان بقت تبكي من سكات وما قالت حاجه... سما مسحت ليها دموعها وقالت ليها:- لي يمه بتبكي هسي؟... في حاجه واجعاك؟...ايمان هزت راسها وهي بتحضن سما وقالت:- ياريت يا بتي لو من زمان صحيت على نفسي ولميتكم وبقينا اسره واحده... انا ندمانه والندم بياكل فيني عشان فرقتكم وبعدتكم عني...ندمانه عشان عاملتك انتي وفريد بطريقه كعبه يا بتي...بالرغم من ده كلو انتو الواقفين معاي هسي وشايلني فوق راسكم...فريد باسها في راسها وقال:-يا يمه الفات مات...داك ماضي وانتهي... انحنا نسينا كل حاجه ورميناها ورانا وفتحنا صفحه جديده...انسي يا امي كل حاجه...خلينا نعيش الحاضر بس...امير قال:- ايوه يا امي المهم اننا حاليا كلنا مع بعض... سما قامت من حضنها ومسحت ليها دموعها وقالت ليها:- يلا يا امي كلام فريد وامير واضح... هسي تمسحي دموعك عشان خلاص كفايه بعد ده دموع....البكا زاتو زهج مننا... مسحت ليها دموعها وباستها في خدودها الاتنين... بعدها قربت الطاوله لي ايمان وبدت تأكلها وهي بتضحك فيها...وفريد بيحكي عن طفوله سما وقدر شنو كانت هاديه وبتعتبر ب ملامحها اكتر من الكلام...وامير قاعد وبيسمع مع امو ويضحك... في نص الكلام ده سما قالت لي فريد:- انت يا فريد الدكتور قال ليك شنو عليك الله... فريد قال ليها:- ما قال حاجه بس اتمني لينا اقامه سعيده في سويسرا والكلام ده... سما هزت راسها وقالت:- الدكتور سمح ياخ عيونو زي لون البحر ما شاءالله.... فريد وامير عاينو ليها بصدمه وقالو ف نفس الوقت:- سما!!!!!.... سما ضحكت وقالت:- ما اقول الحقيقة يعني وبعدين انا قلت ما شاء الله... ايمان قالت بعد شربت مويه:- النصيحه كلام سما صح الدكتور حليوه... امير وفريد صدمتهم زادت تحت ضحكات سما وايمان العاليه في منظرهم...وب كده رجعت العيله واتلمت وبقت سعيده وحنينه على بعضها❤🩹.
مرو اسبوعين تانين فيها ايمان وامير استعادو صحتهم التامه... خرجوهم من المستشفى وبعدها اخدو جوله في مدينه برن الجميله... وخمو الهدوم والهدايا لناس السودان...وبكده انتهت رحلتهم ورجعو السودان وسط فرحه الاهل برجعتهم سالمين وتامين❤🩹❤🩹.
_____
بلسان تسابيح:-
قاعده كدا بتٱمل في صور فريد السرقتها من الانستا 😹 بس شاشة تلفوني نورت باسمو فريد💛 مسجله باسمو مع قلب اصفر طوالي رديت قال لي تسابيح كيفك ممكن نتكلم؟ وصوتو كان جدي قلتا ليهو جيتو السودان ممكن ااي بس وين قال لي برسل ليك الموقع وانتي تعالي وقفل استغربتا من تصرفو شوية ورسل لي الموقع عاينتا فيهو مساافة وعقدتا حواجبي باستغراب وجهزتا نفسي ومشيت لمن وصلتا بقيت اتلفتت كانت الحديقه الببيع فيها الاساور ابتسمتا وانا بتذكر وقفتي وانا ببيع وبصرخ والشفع حوولي واتصال سلسبيل الدائم بس هناا اتذكرتا اول مرة شفتو..
امير مسكني وقال لي:- ما تخافي امي حتطلع كويسه والله...ضميتو وانا بقول:- انت ما شفتها كانت بتبتسم لي وفجأه غمضت عيونها وجسمها بقي بارد...امير مسح على شعري وقال:- ما تخافي هي بس تعبت من الكيماوي والله...زحيت منو وانا بمسكو من يدو وبقول:- عليك الله نعمل ليها العمليه سريع يا امير... قلبي ما متحمل شوفتها وهي تعبانه كده...قال لي:- كلنا ما مستحملين شوفتها كده والله... حنعملها بس النتيجه تطلع...سكتنا وبقينا قاعدين على اعصابنا ومنتظرين الدكتور يطلع... بس مسافه جا طالع وهو بيقول:- ما تخافو هي كويسه بس دي أثار الكيماوي...ممكن تجو معاي عشان النتيجه خلاص طلعت...مشينا وراهو لحد ما وصلنا المختبر... شال من الممرضه ورقه وقراها قبل ما يقول:- في واحد فيكم عندو سكري؟... قلت ليهو:- انا يا دكتور عندي...الدكتور قال:- للاسف الانسجه بتاعتك مطابقه بس عشان عندك سكري ما حتقدري تتبرعي... قبل على امير وكمل:- وانت الحمدلله ما عندك اي مرض مزمن... والنتيجه مطابقه وبتقدر تتبرع ليها...امير زفر ب ارتياح وقال:- الحمدلله...طيب ممكن نطلع بعد ده عشان نسافر طوالي؟... الدكتور قال ليهو:- ايوه ان شاء الله بعد ده بتقدرو تطلعو... واجر وعافيه ليها ان شاءالله... ودعنا الدكتور وبعدها مشينا لي امير ساعدناها وطلعنا علي البيت...مجرد ما وصلنا لقينا فريد قاعد قدام باب الشارع ومنتظرنا... دخلنا وسلم على امي... وامير حكي ليهو الحصل...فريد قال:- تمام الحمدلله اذا كده من بكره نبدا ب الإجراءات بتاعت السفر ونتأكد من الجوازات... بالنسبه للطياره... حناخد الطياره الخاصه من الشركه بأذن الله... كلنا قلنا ان شاءالله... انا قمت واتحركت على المطبخ عشان اعمل كذا صنف لي امي وفريد...وانا بعمل وصلتني رساله في التلفون... فتحتو ولقيتها رساله من سوداني... كنت حتجاهلها لو ما قريت كلمه شهاده...قريتها خمسه وعشره مرات... كانت الرساله بتاعت انو عشان تعرف نتيجتك ارسل رقم الجلوس الى كذا...انا عشان بعيده من التلفزيون والسوشيال ميديا وما عرفت اي خبر عنها... ده غير انو الحاصل في حياتي نستني اصلا موضوع النتيجه والقرايه...طلعت ليهم بره وانا خايفه وقربت ابكي لما هم اتخلعو وبقو يسألوني في شنو... لما قلت ليهم:- بكره النتيجه.... كلهم بقو يضحكو...امير جا عندي وحضني من كتفي وقال:- يا بت ما تخافي ولا تتوتري انا عارفك شاطره وحفاره وبتجيبها... فريد ضحك وقال:- اكزاكلي والله ما تخافي انتي عملتي العليك والباقي بقي على الله... هزيت راسي وسكت...فقت من سرحاني لما تلفوني ضرب وكانت علا فتحت الخط جاني صوتها عالي بتقول:-الليله يا سما كر علينا يا سما...سجم خشمنا يا سما... بكره النتيجه... بكره الفضيحه البي جلاجل بتاعتنا... بكره حتكون السبب في تشرُدنا من البيت...وبعلييي يا سما... جاني هبوط وبعلي الحقيني... لو ما نجحتا امشي وين انا...بغض النظر عن كلل حاجه هي نستني توتري وخلتني اضحك شديد...شفت امير كمان بيضحك وهو سامع كلامها لانو واقف قريب مني...اخدت مسافه عشان اوقف ضحك وهي لسه جايطه... قلت ليها:- اهدي يا بت كدي قولي بسم الله واخدي نفس...قالت لي:- اي اي اخد نفس اسي بقدر ما اقدر... عشان انا بقدر ح يعدموني النفس اصلا...ضحكت وقلت ليها:- علا بالله عليك ما تضحكيني قولي بسم الله انا قلت ليك وصلي على النبي كدي...اخدت نفس وقالت:- عليه افضل الصلاة والسلام... قلت ليها:- انا زاتي زيك متوتره والله بس مافي يدنا حاجه... ان شاءالله حننجح بس انتي اهدي...اتكلمت معاها كتير وبعدها قفلت... عدي اليوم بي خيرو وشرو... لحد ما جا صباح اليوم التاني....المؤتمر كان الساعه 2... والساعه 2 دي انا حسيتها بعد سنتين...قعدنا وطبعا مافي شي بيذيد التوتر غير الكلام الكتير البكون في البدايه...امير قاعد قدامي وشايل التلفون بعد ما اديتو رقم الجلوس...امي جنبي وحاضناني وفريد قاعد جنبنا...لحد ما سمعنا صوت استلام الرساله انا كان قلبي وقع مع النغمه....امير عاين في التلفون مسافه وبعدها عاين لي وكرر الحركه مرتين لما خلاص فاض بي قلت ليهو بصوت عالي:- امير ما تعاين لي كده وتوترني قول لي كم...امير قال لي بحزن وعتاب:- لي كده يا سما دي شنو النسبه دي عليك الله؟... واحنا الخاتين كل أملنا فيك... جايبه لي56% بس؟...وقفت بصدمه وبديت ابكي:- دي ما انا دي ما انا... اديني اشوف واتاكد... مشيت لعندو ولما شلت التلفون وقريت اسمي كويس حتي بعدها شفت النسبه...لقيتها 89.7%... عاينت لي امير بغضب لقيتو بيضحك... مجرد ما شافني غضبانه قام جاري... وانا جريت وراهو وشلت الشبب بتاعو الرماهو عشان يجري كويس... فريد شال التلفون وقرا النسبه وقالها لي امي البدت تزغرد بصوت عالي....ده كلو وانا لسه جاريه ورا امير البضحك وبقول لي:- انا اسف والله لكين شكلك وانتي بتقولي" دي ما انا دي ما انا" كان حلو شديد...حصلتو بقدره قادر وانا نازله فيهو ضرب وقلت ليهو:- كويس يا كلب والله الليله اعدمك الضحك...بعدها فريد هدانا وحضني وقال
Читать полностью…
*فتاة ذابلة🥀*
*#بقلم المبدعين سارة وعبير ولمياء وصديق*
(33)
*الجزء الأول من الحلقة الاخيرة ختام*
بلسان الكاتبة:-
الناس سمعت صوت ضرب النار وكلهم جو على بيت ناس محمد مخلوعين لقو المرة مضروبة رصاصها وولدها وبتها بحاولو يصحو فيهاا وهم ببكو في راجل مما عاين ليها كدا عرفها ماتت نادى كم مرة جو مسكو الولد والبت وضربو للاسعااف اشرف جاااي على البيت من بعيد شااف الزين قاااعد في عربيتو وبعاين ليهو مبتسم نظام من قبييل منتظرك اشرف طوالي عمل خلف دور عشان يرجع الزين حرك عربيتو وبقا ماشي باتجااهو واشرف بقا يجري والزين مخفف سرعتو ومستمتع بمنظر اشرف وهو جااري كداا خلاهو يجري وهو وراهو لغااية مازهج الزين قال ليهو امشي قابل ربك وزاد سرعة العربية اشرف اتلفت كداا الزين طاااخ ضربو بالعربيه وطيرو فووق ووقع ورا العربيه الزين ما ارتاح كداا ورجع لورا ومشا بفوق لاشرف وهو مبتسم بخباااثه بقا يحرك لساتك العربيه فوق اشرف لغاااية مافي النهاااية اتحرك ومشاا منظر اشرف طبعا مابتقدر تعاااين ليهو ابداا الناس اتلمو فيهو وبقو يستغفرو وغمضو عيونهم شدييد من المنظر مافي زول قدر يعاااين واتصلو بلاسعااف والشرطه الزين ساايق عربيتو ومشغل اغاااني زنق ومبسوط شدييد لانو قتل الناس المارضو يرجعو ليهو دينو وهو في طريقو جا بتااع دفاار سريع ضرب عربيتو واتقلبت كم قلبه في الشارع بتاع الدفاار اتخلع لانو ظهر قدامو فجااءة الخبر وصل لمحمد في السجن موت امو واخو صرخ صرخه خلا كل ناس السجن قلبهم يوجعهم عليه وحاولو يصبروه الخبر كان صعب عليه شدييد فطلب من محاميه الوكلتو ليهو المحكمه يحاول يتواصل مع فريد ويخلي يجيه في السجن لانو عايزو ضروري المحامي نفذ ليهو طلبو ومشا لفريد في البيت ووراهو بطلب محمد طبعا امير جااط وقال لفريد ماتمشي فريد قال ليهو هو انسان خسر امو واخو خليني امشي اشوفو احتمال محتاج شي ضروري امير قال ليهو طيب حامشي معااك جرا ليهو كرسيهو ومشو بالعربيه المحامي عمل ليهم اجراءات الزيارة ودخل فريد لمحمد وطلع خلاهم براهم محمد كان مدنقر راسو فريد قال ليهو البقاء لله ربنا يرحمهم محمد هزا راسو بس وبعدين اتكلم وقال لفريد:-انا بعرف اني غلطتا في حقكم كتيير بس شفتا عقابي كان كيف كنتا حابيع اختي الصغيره بدون ما يرمش لي جفن انا واحد حقير بس انت احسن مني يافريد انا ما اهتميت باختنا بس بطلب منك تهتما باخواني علي وهبه مافضل غيرهم وهم لسه صغااار ماعايزهم يواجهو الدنيا دي براهم ماعندنا اعمام وواحد وهو نسخه من ابوي مابيقدر يهتما بيهم وخيلاني كل واحد بحياتو وماحصل سألو مننا بس انت الخطرتا لي لغااية ما انا اطلع ان شااءالله وابدا معاهم من جديد وهم كمان اخوان سما فريد قال ليهو ابشر اخوان سما اخواني انا كمااان وحيكونو بامان لغااية ما تطلع وتستلمهم 💜 هم بامانتي محمد قال ليهو طول عمرك اصيل شكرا وياريت تطلب لي العفو من سما خليها تعفي لي فريد سكت بعدين خلصت الزيارة وفريد مشاا لامير ورجعو البيت سواا وفريد حكا لامير الحصل امير قال ليهو خلينا نشوف رأي سما طبعا لمن كلموها الكلام كان غريب بالنسبه ليها بس وافقت اكييد ما حتخلي اخوانها في الشارع امير وسما مشو الحله وسألو من علي وهبه طبعا حالتهم كانت صعبه شدييد امير حكا ليهم طلب اخوهم محمد ووراهم انو دي هي سما اختهم طبعا اتقبلوها ولمو حاجاتهم ومشو معاااهم البيت 💜
___
على لسان سوزان:-
مشيت معرض زاهر قال لي خير ياسوزان قلتا ليهو ماهر سافر؟ قال لي لسه الله سترو والله لوحاتو الحيشارك بيها كانت حتتحرق بس الحمدلله كان حافظها في مكان اامن عاينتا ليهو مخلوعه قلتا ليهو يعني ما اتحرقت عاين لي مستغرب قال لي مالك قلتا ليهو مافي شي بس اتفاجاءتاا وين اللوحه ممكن اشوفها قال لي ماعندي هنا ماهر شالها معاهو طلعتا من المعرض وقلتا اكييد وداها البيت اساسا ماعندو محل تااني ركبتا عربيتي ومشيت على بيتهم دقيت الباب فتحت لي خالتو فوزيه والله سلمت علي ببشاشه زي الكأني مازعلتا ولدها في يوم ♥️رحبت بي وفضلتني وسألتني بشرب شنو طلبتا منها عصير قالت لي طوالي يابتي ♥️ ومشت انا دخلتا غرفة ماهر وبقيت اقلبها زي المجنونه بفتش في اللوحه عشان اكمل البداهو اشرف اثناااء تفتيشي وانا بقلب في قزازه مقفولة ضربتها بالغلط اتفتحت واتكبت في وشي كانت ماده كيميائيه"اكسيد" انا بقيت اصرخ من الوجع صوت صرختي داا جاب خالتو فووزية مخلووعه سامعاها بتقول لاحولا ولاقوة لا بالله ورددتها كتييير انا خاته يديني في وشي وبصرخ خالتو فوزيه طلللعت وجااات بعد مده تكلتني وركبتني حاجه زاتها ماعرفتها شنو شكلها عربيه مشينا مسااافة لغاااية ما وصلناا
امير شالها وقال لي:- انا حمشي المستشفى انتي اتصلي لي ماهر وخليهو يجيبكم انتي وفريد... قلت ليهو بسرعه:- طيب طيب... وانا خايفه وما قادره اوقف وبرجف شديد والدموع ما عايزه تقيف...اتصلت لي ماهر ورد لي بعد مسافه بصوت نعسان:-ايوه يا سما...قلت ليهو وانا ببكي:- ماهر تعال في بيت امي إيمان سريع... قال لي بصوت مخلوع شديد:- فشنو مالك انتي كويسه في حاجه؟...قلت ليهو:- جينا انا وامير وفريد لي امي وما عارفه لقيانها واقعه في الارض وفي دم من انفها... امير مشا بيها المستشفى...ماهر قطع كلامي وقال لي:- طيب طيب انا جاي مسافه الطريق... قفلت الخط وعاينت لي فريد لقيت دموعو نازله لما قربت منو كان بقول:- انا السبب ما كان اخليها براها وابعد منها...بقيت ابكي وبانب في نفسي لانو الحصل ده كلو بي سببي انا... بعد مسافه جا ماهر ومن غير ما يتفاهم ساق فريد وانا لحقتو ومشينا المستشفى...لقينا امير ماشي وجاي... بقينا قاعدين لحدي ما الدكتور طلع وقال:- حمدلله على سلامه اول شي... تاني شي ما تخافو الحجه كويسه وكويس شديد انكم لحقتوها في الوقت المناسب... بس مع الاسف الحجه عندها مرض خبيث وهو ال لوكيميا... لكين ما تخافو هو في المراحل الاولي وبتعالج بأذن الله... وبالنهاية الأعمار بيد الله وحده... الدكتور مشا وخلانا في حاله كعبه وبالرغم من كلامو المطمن... دخلنا ليها كلنا وهي كانت مفتحه وبتعاين للسقف...وصلت فريد قريب من سريرها ورجعت وقفت بعيد...امير قال ليها:- امي كيفك انتي كويسه؟... عاينت ليهو وقالت:- كويسه يا ولدي الحمدلله... فجأة امير حضنها وهو بيبكي وبقي يقول:- اعفي لي يا امي عشان خليتك ومشيت اعفي لي عليك الله يا امي عشان خليتك براك...هي كمان بقت تبكي ومشت يدها في راسو وقالت:- عافيه منك يا ولدي ما زعلت منك ليك حق تخليني وتمشي... غلطي ما بتغفر والله واهو انا بدفع التمن جاني المرض الكعب يا ولدي...ربنا قعد يعاقبني...امير ما كان قادر يتكلم... وفريد قاعد وبيبكي وما قادر يصل ليها... ايمان عاينت لي فريد وقامت علي حيلها وقالت ليهو:- ما عايز تسلم على يا فريد؟... فريد هز راسو واترمي في حجرها وقال بصوت مجروش:- كيف ما اسلم عليك؟... اعفي عشان بعدت عنك طول السنين دي... ما كان ب يدي والله... إيمان قالت ليهو:- عافيه منك انت كمان اعفي لي يا ولدي... حضنت امير عليها وبقت تبكي معاهم... انا هنا دموعي كملت وكنت عايزه اطلع بس وقفت ب صوت امي وهي بتقول:- تعالي يا سما يا بتي... كلمت بتي دي اول مره اسمعها منها... قبلت عليها وانا متردده شديد في اني امشي ليها... بس اتشجعت ومشيت قريب منها... مسكتني من يدي وقعدتني جمبها وقالت لي بعد مسافه:- انا غلطانه في حقك كتير يا بتي... ما بقيت ليك الام الانتي عايزاها وبتتمنيها... كرهتك من جيتي علي الدنيا وانا ناسيه اني انا السبب.... المفروض اني ام وابقي عليك حنينه وما افرق بينك وبين فريد.... انا لقب ام ما مفروض يتقال لي اصلا... اعفي لي يا بت اعفي لي عمرك الضاع وانتي بعيده مني... اعفي لي عن ايي شعور بشع خليتك تحسي بيهو...وقفت وبستها في راسها وانا بقول ليك:- انتي الاعفي لي يا امي لاتو بي سببي فريد وامير بعدو عنك... انا عافيه منك مافي بت بتزعل من امها والله... حضتني عليها وهي بتبكي... ودي كانت اول مره تحضني فيها... وكانت اول مره احس ب حنان الام❤🩹.
لملم الله شتات ارواحنا❤🩹❤🩹.
_____
بلسان الكاتبه:-
بعد الحصل الكل هدا شويه وطمنو ايمان انها بأذن الله حتبقي كويسه وحتبدا بالعلاج طوالي... تلفون سما اهتز في يدها... رفعتو ولقتها علا صحباتها... ردت عليها وقالت ليها انها في المستشفى... علا قالت انها حتجي... فعلا بعد ساعه هي كانت معاهم وحمدت لي ايمان السلامه... قعدت مع سما شويه وطمنتها واصلا ماهر كان قايم بالواجب... وشويه وتسابيح برضو جات ووقفت مع فريد وبتطمنو وبتتكلم معاه... عاينت لي امير الكان قاعد براهو وسرحان... هو الوحيد ال م كان في زول يقيف معاه ويواسيهو... قامت وقعدت جمبو وقالت ليهو:- حمدلله على سلامه خالتو إيمان... وان شاء الله المرض كفاره ليها... عاين ليها وقال:- الله يسلمك...سكتت وما عرفت تقول شنو كل العبارات البتصبر بيها ما لقت... اخدت نفس وقالت:- انا ما عارفه والله اقول شنو... بس ربنا كريم عليها كتير واكيد حيشفيها وحترجع ليكم كويسه وحترجع معاكم وتقعدو مع بعض وتتونسو... بس انت ادعي ليها وكلنا حندعي ليها كتير والله...امير عاين ليها في عيونها وابتسم وقال:- ان شاء الله... علا نزلت عيونها بتوتر ملحوظ وسكتت... امير قام وقال:- حمشي اجيب كذا حاجه وراجع...كان حيتحرك بس وقف بصوت علا البتقول من غير تفكير:- ممكن اجي معاك؟... هز ليها راسو وهي لحقتو... وعلا قصيره شديد والخطوه البتمشيها هو بيمشي خمسه زيها.... كان ماشي ومتخيل انها وراهو طوالي قبل عليها ولقاها شويه بعيده وماشا بسرعه...
_فتاة ذابله.
_بقلم المبدعين:- ساره... عبير... صديق... لمياء.
_32.
بلسان إيمان:-
بعد ما الزين طلع مني... دخلت جوا وانا حاسه بي اني دايخه... وقفت عشان اشرب مويه واغسل وشي... مجرد ما غسلت وشي وعاينت لي يدي لقيت كميه دم خياليه فيها... اتخلعت وبقيت اغسل كتير بالمويه... لحد ما الدم وقف... استغربت بس ما حاولت حتي اعرف السبب الخلاني انزف كده شنو... فجأه الباب دق وكنت متخيله انو الزين تاني رجع... بس طلعو نسوان الحله... فضلتهم لجوا واتناسيت موضوع النزف.
_____
بلسان ماهر:-
كنت قاعد في المعرض وانا مندمج شديد مع الرسم... مرت ساعتين من غير ما احس علي نفسي... بعد مسافه ما كتيره لقيت روحي خلصت... عاينت لللوحه برضا تام... ودعيت اني انجح المره دي...قطع استكانتي دخول زاهر وهو بقول:- ماهر اختك امنيه بره... عاينت ليهو ب استغراب وقلت:- امنيه؟... ياربي الجابها شنو... ختيت الحاجات علي جنب ولميت اللوحه في مكان آمن... كان في كذا لوحه في المكان الانا كنت برسم فيهو... طلعت لبره ولقيت امنيه قاعده... سلمت عليها وقلت ليها:- الجابك شنو؟ في شي حاصل؟... امنيه قالت لي:- لا مافي حاجه بس زهجت من قعده البيت وقلت اجيك ونطلع سوا... لينا زمن ما طلعنا مع بعض... قطوف وطلعت وامي مشت لي سما... انا اقعد براي؟... قلت ليها وانا ماشي علي العربيه:- هسي بدل الكلام الكتير لو اختصرتي الموضوع بي اني زهجانه وعايزه اطلع ما احسن؟... قالت لي وهي بتمشي قدامي للعربيه:- تصدق كان احسن والله... ركبنا العربيه والطريق كلو بتتكلم ما سكتت لحدي ما وصلنا مطعم علي النيل... طلبنا وبقينا ناكل... كنا بنحكي في عيله سما... وعن انو قدر شنو هم لاقو مصايب في حياتهم... لكين صبرو وقدرو يتخطو كتير منها... عاينت لي امنيه وقلت ليها:- لو تشوفي فريد بحب تسابيح قدر شنو... وهي كمان... واقفه معاهو في كل حاجه... قبيل لما كنا عند الدكتور الفيزيائي وتسابيح جات... الفرحه الفي عيون فريد ما بتتوصف... وكلامها ليهو خلاهو يمشي خطوتين عديل... رفعت راسي وعاينت لي امنيه ولقيتها بتعاين لي وهي مصدومه وعيونها مليانه دموع قالت لي بصوت برجف:- فريد بحب تسابيح؟... بلعت ريقي وخايف انو تكون امنيه عندها مشاعر ليهو... قلت ليها:- اي... سكتت مسافه بعدها قالت:- كويس والله... تسابيح بتحبب والله... ختيت المعلقه علي جنب وقلت ليها:- امنيه انتي بتحبي فريد؟... قالت لي بتوتر واضح:- لالا طبعا احبو كيف يعني انت غبي؟... رجعت بظهري ل ورا وقلت ليها:- شوفي يا امنيه ردت فعلك لما قلت انو فريد بحب تسابيح واضحه ووصلت لي الفهم ده ما قلتو مني ساي... وبعدين الحب ما عيب ولا حرام... واحنا ما بنقدر نتحكم في قلبنا هو البقرر يحب منو وفي اي وقت... احكي لي واعتبريني صحبك انا ما ح أسألك ولا اقول ليك شي... اخدت نفس وبدت تبكي وقالت:- حبيتو من اول مره شفتو فيها والله... بس الظاهر حبي طلع من طرف واحد... مسكت يدها وقلت ليها:- ابكي وفضي الجواك وبعدين نتكلم... نزلت راسها وتكلتو علي الطربيزه وبقت تبكي... عاينت لل النيل وانا حزين واختي جنبي بتبكي وما بيدي حاجه اعملها... بعد مسافه طويله رفعت راسها... مشيت جبت ليها مويه... شربتها وسكتت قبلت علي النيل... قلت ليها وانا بمسك يدها:- شوفي يا حبيبه اخوك... انا عارف انتي حاليا ماره ب شنو وحاسه ب شنو... بس في النهايه دي قسمه ونصيب... فريد ما من نصيبك وربنا كتب ليهو وحده تانيه تكون من نصيبو... وانتي كذالك ربنا كاتب ليك النصيب والعوض الحلو بأذن الله... انتي ما تزعلي ولا تحزني لانو ربنا زي ما اداهو ح يديك انتي برضو... ح يديك واحد يفرحك وينسيك فريد... وبعدين فريد لو فيهو خير ليك كان ربنا كتبو من نصيبك...صدقيني ما تزعلي ولا تبكي اتجاوزي وبأذن الله ربنا ح يجبر بخاطرك طيب؟... هزت لي راسها وقالت:- فعلا هو ما من نصيبي... انا م حزعل والله وان شاء الله ربنا يكتب ليهو الخير في حياتو❤️... عاينت ليها برضا وقلت:- دي امنيه البعرفها يلا خلينا نطلع... قامت وهي بتضحك واحنا في الطريق وقفنا اشتريت ليها ايسكريم وغزل بنات(🥺)... ومعاه هوت شوكلت هي بتحبو جدا... لما وصلنا قبل ما ننزل قالت لي:- شكرا لانك معاي وشكرا لانك اخوي... جضمتها وقلت ليها:- بطلي بكش ويلا نزلل... قالت لي وهي بتنزل:- الزول ما يقول ليك كلام حلو اصلا.
_____
بلسان فريد:-
بعد ما وصلنا من المستشفى... لقيت اماني وسما قاعدين واخر ونسه... كانت معاي تسابيح كلنا قعدنا تحت وسما قالت لي:- اها يا فريد طمني حصل شنو؟... قبل ما انا ارد تسابيح قالت:- البشاره يختي فريد مشا خطوتين بحالهم... سما حضتني بفرح وقالت:- اصلا انا واثقه من اخوي انو حيمشي... ضحكت وبعدها تسابيح ساقتني للغرفه... ادتني ادويتي وساعدتني ارقد في السرير... جابت كرسي وقعدت قريب من السرير وقالت:-فريد انا كنت عايزه أسألك... قلت ليها وانا بصلح الغطا:- أسألي يا قلبي...
يجي برجلينو لغااية هناا امير قعد في الكرسي وقال ليهو اها سبب الزيارة دي شنو الزين قال جيت عشان قروشي عندي دين من ابو البت دي انا قلتا ليهو طيب ونحنا علاقتناا شنو الزين قال مش البت دي اختكم معناها تدفعو امير قال ليهو شكلك فاهم الموضوع غلط سما اختنا من امناا امنا واحده اما موضوع الابو دا امشي لسلالتك التانيه ديك وشبهك شيل منهم هم قال لي اسمعو هنااا يا اما تدفعو يا اما حادمركم واحد واحد امير قال ليهو حيلك حيلك بتهدد منو انت اتفضل اطلع بره ومسكو جراهو ورماهو بره البيت وقال ليهو لو شفتك تاني برجعك السجن اصلا ماعارفك طلعتا كيف وقفل الباب في وشو وجانا راجع قلتا ليهو انت الرجعك شنو قال لي نسيت الجزلان وكويس اني نسيتو مابقدر امشي السوق بدون جزلان شال جزلانو وقال لينا يلااا وقال لسما ماتفتحي قبل ماتقولي منو ومشااا انا ضحكتا قلتا امير محسسني انو الكبير
____
على لسان امير:-
طلعتا من البيت حبيت ابدا بداية جديده انسى فيها تسابيح والحقيقه العرفتها عن امي عشان كدا اتجهزتا كدا وقلتا ليهم ماشي السوق ساايق العربيه فجااءة السما غيمت والغيوم اتراكمت مع بعض ولونها اتغير شكلو جاية مطره وانا ماشي شفتا بت شكلها ماغريب علي جيت ماري فيها شفتها علا صحبة سما اختي طوالي رجعتاا بالعربيه لغاااية ما وقفتا قدامها ونزلتا القزاز وناديتها اول ماشافتني ابتسمت قالت لي امير كيفك قلتا ليها كوويس والله اركبي اوصلك قالت لي مافي داعي اتعبك بنتظر الموصلات قلتا ليها الدنيا غيمت والمطره شوية حتنزل والله اعلم تجي موصلات احسن ليك اركبي ركبت وختت الحزام قلتا ليها ساكنه وين وصفت لي طبعا جواي قلتا المكان بعيد من محل انا ماشي بس مامشكله قالت لي في شارعك انا ولا حأخرك على حاجه؟ قلتا ليها لا ابدا في شارعي اي سقتا العربيه كدا مسافه بسيطه المطره نزلت طوالي شغلتا المسااحه البت نهااائي خشمها مافتحتو وشكلها متوترة لانها بتضغط اصابعها مع بعض مشينا لغااية ماوصلنا حلتهم قالت لي اقيف هنا مافي داعي تدخل تخرب عربيتك سااي قلتا ليها مامشكله مابخليك في المطره دي تمشي ابتسمت ووصفت لي لغاااية قريب بيتهم قالت لي شكرا سلم على سما ونزلت انا بقيت واقف وبعاين للمطره قلتا بعد دا ما حاقدر امشي السوق اخير ارجع البيت رجعتا البيت لقيت فريد وسما بياكلو شعيريه قلتا ليهم ربنا كريم لانو الهمني عشان ارجع البيت والا ما كان حصلتا الاكله دي قلتا ليهم العملها منو؟ سما قالت لي اناا بتوجيهات فريد فريد قال بس طلعت ظاابطه والله تعال شوف مشيت جبتا معلقه وجيت فريد قال لي دا شنو السوق البخليك ماتتبلى ولا حتى شوية رغم كمية المطره النازلة قلتا ليهو المطره لاقتني في العربيه ولغاااية مارجعتا مانزلتا من العربيه صحي يا سماا لاقيت صحبتك ووصلتها معااي قالت لي صحبتي منو قلتا ليها علاا وبتسلم عليك قالت لي الله يسلمهاا خلصنا اكل شلتا الصحن اودي المطبخ لمن جيت سمعتا سما بتقول لفريد هي اصلا علا بتحب امير اسي بتكون انبسطت شدييد لانو وصلهاا وقفتا مسااافة بعدين مشيت ليهم قلتا ليهم اماني لسه ماجات فريد قال لي حتجي بكرا ان شااءالله وسما قالت بكرا اول جلسه لفريد قلتا ليها حتمشي معاهو لانو انا ماشي الشركه فريد قال لي ولا واحد فيكم ماشي معاي ماهر قلتا ليهو كوويس طيب ان شااءالله من اول مرة يكون في انجااز قال لي ان شااءالله
___
على لسان ماهر:-
الصباح جيت لفريد عشان اسوقو الجلسه لاقيت امير طالع سلم علي ومشاا انا دخلتاا وقلتا لفريد اها جاهز قال لي جاهز ان شااءالله قلتا لسما خلي بالك من نفسك قالت لي ياريت لو سقتوني معاكم فريد قال ليها انتي لسه تعبانه ارتاحي والجلسه الجااية معااي هزت راسها وشكلها زعلانه الباب دقا مشيت فتحتو جات اماني داخله سلمت على فريد وبقت تبكي قال ليها معليش قضاء ربنا ماتزعلي خلي بالك من سماا خليناهم وطلعناا لغاية ما وصلنا مركز العلااج ودخلو فريد الغرفه وخلوني ادخل معااهو وجابو العصايات اللازم يمسك فيهم فريد عشان يقيف انا والممرض ساعدناهو لغاية مامسك فيهم ووقف كان ظاهر من ملامح وشو انو متألم شدييد 💔 حاول وضغط نفسو شدييد فمشا خطوه واحده بسيطه وصغيره وبعدها ماقدر يتحمل الالم وجا واقع انا والممرضين جيناهو جارين بس رفع لينا يدو وقال مافي زول يقرب مسك في العصااية وحاول يقوم تاني باب الغرفه دقا الممرض فتح جات تسابيح الممرض حاول يمنعها بس انا قلتا ليهو خليها تجي جااات وطوالي مشت جنب فريد هو مما شافها ابتسم ❤️ دايما لمن اشوف نظرة فريد لتسابيح بحسو زي الزول الكان في حرب وفجاءة انتصر ❤️ زي الكأنو روحو اتردت ليهو في لحظه بنبسط شدييد ❤️ تسابيح بادلتو الابتسامة وقالت ليهو يلاا حتقدر انت حتقدر يافريد عشان سما وعشاني وعشانا ❤️ حتقدر عشانا كلنا فريد ضغط نفسو شدييد لغااية ماقدر يقيف تاني تسابيح جات وقفت جنبي وبقينا واقفين قدامو وبنقول ليهو يلاا تعال ليناا هو بعااين لينا وظاهر الالم في وشو عايز يمشي ويجي علينا ويحرك
📖 اذا انتهيت من القراءه اضغط علي #لايك 👇 واذا حصلنا علي #100# لايك سوف نقوم بتنزيل #بقيه_الروايه
Читать полностью…
اتزوجت صح قلتا ليهو اي قال ليها حاصلها ان شااءالله اول ماتجي واطلب منها العفو قلتا ليهو عافيه منك هي ماتشيل هم جات هبه سلمت على اخوها وجابت ليهو موية فرحت شدييد لمن شافتو طلب منها تجهز حاجاتها وحاجات علي مشت قلتا ليهو مالكم مستعجلين قال لي والله حابب ابدا معاهم حياة من الاول هبه جهزت حاجاتهم وجات ودعت امي وتسابيح وودعتني وشكرتناا شوية وعلي جاا ماصدق لمن شاف اخو فرح شدييد هو كمان ودعنا وبعدين طلعو مشو زعلتا عليهم كانو مفرقين علي والله صوت جوطتهم وهظارهم مع امير حافقدهم تاني يوم عملتا دايره على رقم في التقويم تسابيح قالت لي لسه الشهر قلتا ليها المهم نقص يوم قالت لي حياتي مةشفتا اخ بحب اختو كدا لمن بحسب في الدقايق عشان يلاقيهاا قلتا ليها سما ما اختي سما بتي
______
على لسان ماهر:-
سما حالتها كانت سيئه في اول اسبوع كل يوم بنومها بقران متعوده على فريد لدرجة اجواء باريس كلهاا ما فرحتها في البداية بس في تاني اسبوع اتكلمت معاهو مكالمة فيديو بعدها اتحسنت وعشنا طبيعي واتفسحناا وقضينا اياام جميلة شدييد مع بعض 💜🌸يوم رجعتنا سما كانت متحمسه شدييد وجهزت شنطتها من بدري وبتقول ياربي ردة فعل فريد حتكون كيف بحسها ما بتحب غيرو 😹 غاايتو صحتني من بدري وبعدين طلعناا العم ابراهيم وصلنا المطار وودعنا الكابتن عمل لينا الاجراء ومشا معانا للطياره الخااصة واتحركنااا سما كانت مبسوطه شدييد اول ما وصلنا المطااار ركبنا تاكسي واتحركناا على بيتهم ختت يدها في الجرس وتاني ما فكتو فتحت ليها تساابيح حضنو بعض وبقو ينططو فكتها وجرت لامها انا سلمتا على تسابيح دخلتا لقيت سما حاضنه امها وببكو بعدين جرت على مكتب فريد انا سلمتا على امها وحصلتها دقت الباب فريد قال اتفضل فتحت الباب وقالت ليهو انا جييت فريد زي الماصدق كدا عاين ليها مسافه وبعدين دنقر يكمل شغلو انا ناديتو قلتا ليهو فريد عاين لي قال لينا يعني حقيقه جيتو بالجد قام من كرسيهو باسها من خدودها وحضنها وبقا لافي بيهاا شغال ليها مامصدق مامصدق جيتي باسها في راسها وحضنها تاااني بعدين سلم علي قلتا ليهو افتكرتك ماشفتني طلع معانا بره وكان حاضن سما والفرحه ظاهره فيهم امير اول ما جا فطاني وجرا لسماا حضنها شديييد وهو مبسوط بيهاا 💜 كنتا مبسوط بلمتهم كلهم كانو مبسوطين بجية سماا بالليل قلتا ليهم يجمااعة بعد دا نمشي عشان ما مشينا لاهلي جينا بجااي طواالي اتوقعتا فريد يرفض ووكداا بس قال لي طيب بس تعالو لينا تاني قلتا لفريد عندي ليك خبر حيفرحك قلتا ليهو احكي قلتا ليهو اجرتا بيت قريب من بيتكم هنا وقت ماعايزين حتشوفو سماا مابتتخيلو فرحة فريد بكلااامي قال لي ماقصرت انا وسما مشينا بيت اهلي نفس السلام والحنيه والفرحة 💜 كنتا مبسوط بيهم شدييد
_____
على لسان تسابيح:-
بالليل كدا فريد مشغول في ملفات ومركز شدييد طلعتا فستانين وقلتا ليهو فريد الابيض ولا البنفسج لانو حيطلبو سلسبيل ولازم اكون معاها قال لي تمام قلتا ليهو انا قلتا البس الابيض قال لي فعلا الابيض بليق معاك قلتا ليهو بس شايفة انو البنفسج احسن قال لي والبنفسج كمان حلو اي انا زاتي قلتا كدا قلتا ليهو واضح اهتمامك وتركيزك بمرتك قال لي اي كلامك صح ختيت الفساتين وجيت وقفتا قدامو وربعتا يديني وقلتا ليهو فريد برتقالة وتفاحه قررو انهم يتزوجو وانا ماعارفه اجيب ليهم هدية شنو مناسبة للعرس قال لي اشتري اي شي اصلا انتي زوقك حلو وحتعجبهم الهدية قلتا ليهو للبرتقاله وتفاحه قال لي اي قفلتا اللابتوب وقلتا ليهو فريد ركز معاااي في شي مهم قال لي معاك ياعيون فريد احكي قلتا ليهو الفستانين ماعجبوني ممكن تفتح الدولاب تطلع لي واحد من زوقك قال لي جداا قام ومشا فتح الدولاب كداا جات مخدة بيبي واقعه في يدو عاين ليها مكتوب فيها I am pregnant💜💜بقا يعاين في الكتابة مسافة وعاين لي قال لي دا شنو قلتا ليهو مابتعرف تقرا انت شايف شنو فريد بقا يعاين في المخده ويعاين فجاااءة صرخ وقال يا الله "جرو حرف الهاء بالله" يا اللللللللللللله انتي حامل بالجد وانا حابقى اب جاني حضني وبقا يلف بي نزلني وقال لي حامل بالجد الحمل الواحد داا يعني بيبي يعني اب وام يعني ولد يا الله حضني تاااني 💜 فريد كل شوية يقول لي حامل بالجد حامل حابقى اب مشا ورا امو وامير اليوما ديك الليل مانامو بسبب فرحتو ومن الصباح مشينا المستشفى عشان نطمن على الولد كان يادوب عمرو شهر 💜 فريد مامصدق نهااائي انو حيبقى اب كان فرحان شدييد لدرجة اشترى علبة حلاوة وبقا يوزعها للناس ويقول ليهم حابقى اب 💜 مشينا لسما وماهر ووراهم سما فرحت شدييد انها حتبقى عمه حضنت فريد وهي مبسوطه
تاكل راسو في السرير وراسي في رجلينو اتخيلو انو ماحبا يتحرك من قعدتو بس عشان انا ما اصحى وما يزعجني ونام قاعد مستحيل القى انسان زي فريد داا بقا ماسك رقبتو بيدو وبحرك فيها قلتا ليهو وجعتك صح ما كان تنوم كدا قال لي ما رضيت اصحيك بعد نمتي المهم ارح نصلي وبعدهاا انا بمشي غرفتي مشا صحاهم كلهم للصلاة فريد وامير وعلي مشو الجامع ونحناا صلينا في البيت وقرينا قران شوية كنتا مبسوطة شدييد لاني بصلي الفجر مع امي وتسابيح واختي هبه بعدها اي زول رجع نااام زي الساعه 7طلعو يوصلو علي الجامعه وهم مشو الشغل امي قالت حتحبسني هي وماحتخلي شي ينقصني لمن بيت نسابتي ينبهرو كل تفاصيل عرسي كانت جميلة شدييد خصوصي انو امي كانت معاي في كل تفصيلة فيهاا ♥️ كل ليلة كانت بتضمني بحنان وتعوضني عن ايام بعدها عني بالجد مافي احن من الام 💜 تسابيح منعت مااهر منعا باتاا انو يلاقيني قالت ليهو مكالمات تلفون بس كن عجبك 🌚 كنتا متواصلة مع ماااهر بالتلفون وزاتو مرات ممكن يومين ما يتصل وبيقول لي مشغول يا سما عندي شغل لدرجة حسيت انو بقا مابحبني او بقا بحن لسوزان طبعا الفكرة اتكومت في عقلي وقنعتا بيها نفسي وخلاص نفسنتاا وبقيت اقول حنا لسوزان واكييد حيرجع ليها لدرجة الفتا سيناريو في راسي وصدقتو قلتا حيتخلى عني يوم العرس ويخليني براي ويكتشف انو مانسى حبو الاول وتخااريف كتيره بقيت عايشه عليها بقيت ما بتصل وهو ما بتصل فريد قال لي انو حجز لي عند خبيرة تجميل بتهتماا بي لغااية يوم العرس ما كنتا متحمسه خصوصي انو بأخر فترة ماهر بعد عني حتى فريد لاحظ وسألني وامير سأل بقول ليهم نفسيات العرس بس طبعا فريد ما اقتنع بس مشااني يوم حنتي كان زحمه نسوان الجيران والاهل وبنات الاهل كانت حنتي سمحه شدييد لدرجة عجبتني كل شوية بعاين ليها بس زعلتا لانو ماهر مهملني ويوم حنة ماهر امير لمن جا وراني الصور كانت الحنه حلوة شدييد فيهو مرت الايام والليله يوم العقد خبيرة التجميل وفريقها معاااي من الصباااح ولبسوني فستاان كبدي وتسابيح كل شوية تبوسني ونتصور ومعانا هبه حتى علا جااات اول ماشفتها حضنتها سالتها اذا هي كويسة قالت لي كويسة اليوم يومك يابت انبسطي ♥️ قاااعدين وانا متوترة ومعاي كم بت من بنات اهلي طبعا استغربو من وجود هبه بس ماسألو منها بعد الظهر ضرب لي امير مكالمة فيديو قال لي احضري عقدك اون لاااين مابتتخيلو ماهر كان سمح كيف ولمن شفتو حسيت نفسي مشتاااقة ليهو لاني طولتا منو تسابيح بتعاين معااي كدا قالت لي راجلك سمح ما اختلفنا بس مافي زول بنافس فريد عمادالدين في الجمال والجلابيه ما بتليق الا بيهو هو وبس.. ♥️ ضحكتاا قلتا ليها فريد مافي منو المهم شفتا يد فريد مع يد ماهر وهم برددو كلام الماذون لغاااية ما العقد خلااص والرجال بدو يضربو ناار امير قال لي الف مبروووك حبيبتي وان شااءالله ربنا يسعدك بقيت اعاين قلتا ماهر كمل العقد يعني انا حاليا بقيت مرة ماهر انا حاليا بقيت في عصمة ماهر ماهر هو راجلي يعني ما حنا لسوزان ماهر هو راجلي ماهر هو راجلي وااااي ماقادره اصدق ماهر راجلي بقيت انطط وابكي تسابيح حضنتني وباركت لي وجات امي حضنتني وهي بتبكي تقول لي ماعشتي معاي كتيير يابتي وحتفارقيني من بدري يحليلك يا قطعه مني ♥️ بقت حاضناني مده طويلة وانا وهي بنبكي بصوت لمن البنات بهدو فينا وبقولو لينا استهدو بالله خلاص كفاااية فكونا بعد تعب من بعض جا فريد اول ما شافني حضني وهو زاتو بقا يبكي وامير جا حضني معاااهو امير فكاني بس فريد ابا يفكني ضماني عليهو شدييد وهو ببكي وانا ببكي معاهو امير قال ليهم ماهر قاعد تحت منتظرنا نطلع عشان هو يجي طبعا فريد عمل اطرش وابا يفكني الا تسابيح مسكتو قالت ليهو خلاص يافريد رووق ما كدا حتى فكاني وطلع طوالي وبعدو كلهم طلعو سمعتا دق في الباب قلتا اتفضل جا ماهر ابتسم لي بادلتو الابتسامة فجاءه اتذكرتا انو سفهني مده طويلة طوالي صريت وشي ضحك قال لي معليش بس بعد شوية كدا حتعرفي سبب اهمالي ليك الفترة الفاتت قلتا ليهو يعني ماحنيت لسوزان وقررتا ترجع ليها وتتخلى عني ييوم العرس ماهر دا اتفقع من الضحك قال لي ابو تفكيرك ياااخ سوزان شنو يابت ماشاااءالله تألفي السيناريو ووتصدقي وتعيشي القصة بس عجبني والله صريت ليهو قلتا ليهو حيوان قرب مني وحضني قال لي الحيوان دا بحبك 😹♥️
على لسان تسابيح:-
ماهر طلع من سما دخلت ليها الخبيره ومعاها انا وهبه وعلاا الخبيره قالت لينا يلا نستعجل عشان حفلتكم بتبدا بدري وين الفستاان علا جابتو كان فستان كلمة رههيب بسيطه عليهو طبعا الفستان اختياري واشتراهو فريد جددو ليها المكياااج وسرحو ليها شعررها ولبست الفستااان والطرحه كاااره في الارض شاااحط طويللل الا انا وعلا ماسكينها ورافعينو ليها قريب المغرب ناس الخبيره مشو وانا وفريد طقمنا كحلي توبي كان حلو وبدلة فريد فريد هو الكان سايق وانا جنبو وسما قاعده وره وجنبها ماهر 💜 وامير مع امو وعلي وهبه وعلا في عربية لاحظتا لفريد كل شوية يعاين لسما
😹 ماهر قال ليها اعمل شنو راجلك ماعايز يفهمني فريد قال ليهو فاهمك وعامل رايح طبعا انا باكل وبعاين ليهم فريد قال ليهو البت دي انا ربيتها عشتا معاها كل تفاصيلهاا كيف عايزني اسلمك ليها بالبساطه دي؟ ماهر قال ليهو حاعملها زي ما انت عاملتها حاكون حنين عليهاا حاسعدهاا ودايما حافتش على الحاجات البتبسطها بس ماتحرمني منها انتو بس وافقو يا فريد وبكرا دا بجيب اهلي وبنجي فريد عاين لتسابيح وعاين لي تسابيح قالت ليهو دي سنة الحياة يافريد حتى لو ماكان ماهر كان حتتزوج في النهاااية فريد قال ليهو تمام تعالو منتظرنكم ماهر حضن فريد وكان مبسوط شدييد قال ليهو شكرا يا صحبي وماهر طلع مستعجل اول ماماهر طلع فريد مشا دخل غرفتو وقفل الباب عليهو بعد الموقف دا انا بديت افكر كيف حاعيش بدون فريد..تسابيح مشت ورا فريد
______
بلسان الكاتبة:-
تسابيح حاولت تتكلم مع فريد وتقنعو وهو بعاين ليهاا لمن زهجت قالت ليهو فريد انت سامعني طيب ما انا عندي ام واب واخ هدا بعد عرستا خليتهم وجيت معاك فريد قال ليها تسابيح عشان ماتعبي لسانك وتصرفي عربي كتيير كلامك دا كلو انا بعرفو انا بعرف انو البنت لمن تتزوج بيت راجلها ببقا بيتها وانها بتجي لاهلها زيارة بس علاقتي مع سما ما عاديه هي ما اختي هي بتي واصعب شي على الاب انو يفارق بتو انا مامعارض عرسها من ماهر بس فراقها صعب علي انتي عارفه كلو بسببي من البداية ما كان ارسل سما لمعرض ماهر ماكانت حتلاقيهو تسابيح قالت ليهو دا قدر وكانك بتفكر بانانيه شوية!!! فريد سكت العصر كدا امير مما جا داخل امو قالت ليهو تعال شوف اخوك دا اتفاهم معاه قال ليها مالو فريد قالت ليهو اهل ماهر جايين بكرا يطلبو سما... قال ليها اها وبعدين قالت ليهو اخوك الموضوع بقا ليهو حاااار وماراضي يفارق اختو اتكلمنا معاهو انا وتسابيح انو دي سنة الحياة بس مافهمنا امير قال ليها اذا انتو ماقدرتو تقنعو امير الحتيتوني دا حيقنعو قال ليكم؟ اصلا فريد زول عاقل اسي بس الموضوع صعب عليهو لانو هو الربى سما بس لمن الموضوع يبقى جدي حيتأقلم ماتشيلو هم فريد عاقل امير دخل ومشا لسما قال ليها اسي انتي حتبقي مرة وتمسكي بيت؟ you are serious سما قالت ليهو مالك مامقتنع انا عاااقلة وبعدين اهل ماهر كلهم طيبين وحاقدر اتعايش معاهم امير جا قعد جنبهاا قال ليها فراقك صعب علينا بس على فريد اكبرر ماقادر يتقبل انو في زول حيسوقك منو وحتعيشي بعيده عنو ما حيقدر يطمن عليك بالليل الموضوع صعب عليهو هو العاش معاك كل تفاصيل حياتك ما عارف بس حاولي اتكلمي معاهو ياسما هو خايف اقنعيهو انك حتكوني قريبه منو طمنيه لاول مرة انتي كوني ليهو ام زي ماهو كان ليك اب طول السنين دي سما كانت بتبكي امير قام وطلع سما مسحت دموعها ومشت على فريد...
___
على لسان فريد:-
قاعد في غرفة المكتب العاملها في البيت شغال في اللابتوب الباب دقا قلتا اتفضل جات سما ابتسمتا ليها وقفلتا اللابتوب قلتا ليها نورتيني ياعروس قالت لي ممكن اتكلم معاك يافريد قلتا ليها طبعا بدون ممكن قعدت وقالت لي انا بعرف انو في عندك مخاوف من عرسي ومن بعدي انا كمان عندي مخاوف في حاجات مابقدر اقولها غير ليك ماعارفه حاقدر اقولها لغيرك كيف الموضوع صعب علي يافريد بس قاطعتها وقلتا ليها بس دي سنة الحياة المسافه البينا كلها بتاخد مني نص ساعه النص ساعه دي انا كنتا بنومك فيها باكلك فيها بحنسك فيها بكون قاعد بسمع اسمي منك فيهاا بحب لمن تناديني اخوي فريد بحس نفسي فعلا فريد بسأل نفسي ياترى ماهر حيهتم حيساهر لمن تمرضي بديك دواك في الوقت بقدر يهتم بتفاصيلك الخاصه بقدر يراعيك زي الطفله الصغيره ويخت في بالو انك ما اتربيتي مع ام بعدين بجاوب نفسي براي وبقول فعلا ماهر حيهتم انا لاني حافظو بعرف انو حيهتم حيراعيك زي الطفلة الصغيره هو حيهتما بيك يا سما حيكون زوج صالح تعرفي عرفتا كيف لانو من اول ما انتي قلتي لي انك بتحبي ماهر وانا بستخير ما حاكذب حاقول ليك اني اتمنيت انو ماهر يخذلني لاني ماعايز واحد تاني يشاركني في اختي بس كل مرة ماهر كان بصدمني في كل مرة كان بقيف معاك كل مرة كنتا بستخير كان ماهر بعمل موقف يخليه يكبر في عيني لمن سوزان رمتك من السلم هو سجنها بدون مايفكر في انها كانت خطيبتو في يوم عجبني تصرفو يومها كل ما كنتي تدخلي مستشفى هو كان بجي جااري يطمن لهفتو بتكون ظاهره حتى لو حاول يخبيها يعني لو كان واحد تاني غير ماهر ما اعتقد حاوافق عليه اطمني انا موافق انك تتزوجي وتمشي مع ماهر ماعندي مشكله سما قالت لي انا بحبك يا ابوي🤍 ابتسمتا وقلتا ليها انا كمان بحبك يابتي 🤍 طلعت مني بالليل تسابيح ظبطت لينا شعيريه امير قال ليها كنتي وين من زماااان وقال ليها بطني المسكينه مامتعوده على الكمية دي من الدلال حتنصدم المسكينه قلتا ليها الاخو محسسنا اننا كننا مجوعنو عايش في مجاعه حضرتك؟ قال لي اسكت وخليني استمتع اكلنا كلنا وكنا بنتونس امي عاينت لامير وقالت ليهو اخوك الكبير كمل نص دينو واختك
الخجله المسكتني بعد ما سمعنا ضحكات الناس...قعدو اتكلمو كتير وبعدها طلبو مننا نلبس الدبل... فريد شال الدبله والمحبس الكانت ماداهو ليهو سما...مديت يدي الكانت باااارده وبترجف براها قدر م حاولت اوقفها ما قدرت....لما يدين فريد لمست يدي كانت ابرد من يدي عاينت ليهو ولقيتو بعاين لي...ابتسمنا لي بعض وبعدها لبسني الدبله والمحبس...وانا كمان لبستو دبلتو تحت الزغاريد الملت المكان...وبعدها الناس انهالت علينا ب التبريكات...اتحدد العرس بعد شهر من الليله...والحاجه الكان فريد معترض عليها وقال انو شهر كتير شديد...بس سكت بعد ما امي وامو هرشوهو...الشهر مره بلمح البصر...والليله اليوم الحبقي فيهو مدام فريد❤🩹❤🩹.
كنت واقفه والميك اب ارتيست بتخت في اخر اللمسات...وقفت عشان جا وقت البس الفستان الابيض...الفستان الحتزفه بيهو لي فريد...عاينت للفستان برضي...اخترتو بعد تعب ولف كتير...كان ابيض ناصع...فيهو فواريص بتلمع...منفوش من تحت ومن منطقة الصدر كابس...اكمامو كامله من الشفون...والفواريص الفضيه متوزعه عليهو....لبستو بعد مساعده من سما الكانت لابسه مع الشباين بفستان بنفسج غامق وحلو معاها خصوصا...عملو لي شعري وختو لي التاج الكان تصميمو بسيط وحلو...آخر حاجه شلت العطر ورشيت منو على كفي وحبه في رقبتي...عاينت لي روحي في المرايه القدامي...مبسوطه ومتوتره ف نفس الوقت...كنت بتزكر لحظات العقد قبيل بعد الصلاه...ولما فريد سمعني العقد...ولما اصر يجي ويبارك لي عديل...وكيف حضني وبكيت وانا في صدرو...انتبهت على صوت سما وهي بتقول:- اتفضل ي عريسنا مرتك منتظراك...عاينت بالمرايا لفريد الكان واقف معاي وماسك ف يدو المسكه بتاعت الورد...بعاين لي وهو فرحان شديدد بدلتو السوداء...والحنه الكانت سودا وحتاكل منو حته...حلاقتو الجديده المرتبه...ضحكت وقبلت عليهو...اتقدم خطوتين وباسني في راسي...قال لي:- يا سبحان الخلقك...ما عارف اقول شنو بس انتي الليله جميله شديد...انتي اصلا من زمان جميله كده...ربنا يحفظك والله...بدا يحصني وطبعا انا برضو حصنتو...بعدها طلعنا وانحنا ماسكين ايدين بعض...طلعنا تحت زغاريد البنات وتباشير الشباب...وصلنا الصاله...الكانت خرافية ومليانه ناس.
تفاصيل عرس فريد وتسابيح...بلسان الكاتبه:-
من داخل الصاله...المنظم طلب من كل الحضور انو يلتزمو بمقاعدهم...خصوصا الاطفال...لما الصاله هدت...الانوار طفت وفي نور اتوجه لباب الصاله الكبير الاتفتح لنهايتو.... دخل منو امير وماهر...واشتغلت اغنيه افريقيه رابه دخلو وهم برقصو عليها بكل اتقان...ولا غلطه...الناس كلها اتحمست شديد وف ناس وقفت على حيلها وبدت ترقص وفي منهم الكان بصور....لما دخلو لنص الصاله ووقفو...بعدها ايمان ام فريد وقفت جمب جمبهم...جا داخل فريد ب اغنيه" سمح ولدي...شكرالله عز الدين وانصاف مدني"...كان ببشر ب يدو وامو هناك بتضحك وتبكي ف نفس الوقت...لحد ما وصلها الاغنيه اتغيرت واشتغلت اغنيه" امي يا نبع الحنان"....هنا فريد حضنها وهي كانت بتكبي شديدد...خلت كل الناس تتأثر معاها...بعد مسافه بسيطه كده امو رجعت محلها ووقفو جنب فريد ماهر وأمير...من المدخل تاني الأضواء اتوجهت عليهو ودخلو اشبينات العروس الكانت اولهم سما....واتوزعو منهم المشا بالجه اليمين ومنهم بالشمال...بعدها دخلت تسابيح ومعاها ابوها الماسكها من يدها...وامها بيمينها....دخلت ب أغنيه زفه خليجيه رابه شديد"ما حيعرفوها الا البحضرو مسلسلات كويتيه"....المهم فضلو ماشين وبي وراهم الاشبينات...لحد م وصلو لي فريد وابو تسابيح سلمها ليهو...بعدها الاشبينات واصحاب فريد اتوزعو على شكل دائره...وام وابو تسابيح رجعو محلهم...تسابيح ختت يدها اليمين على صدر فريد بالجهه الشمال...وبيالد التانيه مسكتو لي فريد...وفريد لف يدو حولين خصرها...وبدو يتمايلو على أغنيه "ساقنا الهواء....مازن وسماح"...لحد ما خلصو وبعدها مشو على الكوشه وهم بضحكو مع بعض...من بعدها بدت التبريكات والناس اتلمو فيهم....فجأة الصاله ظلمت تاني وف صوت بقول:- يا جماعه السلام عليكم...وشكرا شديد لحضوركم الليله...وان شاءالله عقبال كل الشباب..." ده كان صوت سما"....كملت وقالت:- انا سما اختو لي فريد...عاينت لي فريد وكملت:- فريد ده يا جماعه لو قعدت اشكرو حياتي كلها ما اظن أخلص...فريد ده مش أخوي بس...لالا ابوي...عوضني فقدان ابوي وكان ولي امري في كل جاحه...وقف معاي في اصعب المواقف...هو الكان بحميني وهو الكان بضحكني في عز زعلي...صحبي وما كنت بخبي عنو اي حاجه...انا عمري كلو بفديهو ليهو والله...المهم يا جماعه ما عايزه اطول عليكم بس عايزه اهديهو حاجه بسيطه كده...طلعت المزمار من وراها...وقفت قدام الميكرفون وعاينت لي ماهر الهز ليها راسو ورفع ليها ابهامو الاتنين كده"👍🏻" غمضت عيونها وقربت المزمار من خشمها...وبدت تعزف نوته كان فريد دائما بقول ليها حلوه اعزفيها لي...
عايزه تعرفيني على منو....وهي بتقول ليهو حتعرف هسي...انتظرو لحدي ما جواد جا طالع وسما ندهت ليهو...جا لعندهم وسما قالت:-يلا يا ماهر ده جواد سنيرنا في صيدله برضو...ويا جواد ده ماهر حبيبي وخطيبي قريبا....ماهر عاين لي جواد بطرف عينو...وجواد مد يدو لي ماهر وقال:- اتشرفنا يا ماهر...ماهر بصوت واطي قال:- وزاد قرفنا...جواد قال ليهو:- عفوا ما سمعتك....ماهر سلم عليهو وقال:- قلتا ليك الشرف لي...سما طبعا بدت تحكي ليهو كيف هي وجواد اتعرفو على بعض...كانو بحكو وهم بضحكو...وطبعا ماهر مليان ملي...ومتغااظ جدا...وطبعا ماهر ما عندو مشكله مع جواد...بس الغاظو انو سما عرفتو عليهو بشكل فردي...وكمان لانو جواد طلع سنير م برلوم زي الباقين...اخدو مسافه وماهر ممشيهم بس...لحد ما سما خلصت وطلعو هي وماهر سوا...وهم في الطريق ماهر كان بتكلم وبقول:- ده شنو عليك الله....هسي ده زول تصاحبيهو؟...عامل شعرو زي البنات...وزاتو حلبي كانو ما سوداني...ده شنو هسي عليك الله...ده شكل ولد؟... سما ضحكت وهي مبسوطه لأنو ماهر بغير قالت ليهو:- بتغير يا ماهر صح؟...ما ردا ليها تاني قالت:- قول بتغير اصلا واضح...هو عاين ليها بطرف عينو وقال:- من حقي اغير على مرتي المستقبليه ده شي طبيعي...سما ضحكت بغنج وقالت:- ما تخاف مافي زول بياخد مكانتك في قلبي والله❤️.
إنني في عُمقٍ معك أشدّ من الحُب ❤️❤️.
في يوم:-
علا وسما كانو قاعدين في غرفه علا وبتونسو...علا كانت بتحكي لي سما عن أمير...وانو قدر شنو بتحبو...ونفسها تعترف ليهو وتقول الفي قلبها عشان ترتاح...سما لما رجعت البيت بقت تفكر كتير في موضوع علا وامير...وقررت انها تمشي ل امير وتسألو عشان مشاعرو تجاه علا...فعلا طلعت ولقتو طالع من المطبخ ماسك ليهو تفاحه في يدو وبياكل وهو بصفر...سما قالت ليهو:- شكلك مبسوط ان شاء الله دائما...قال ليها:- جمعا يارب...قالت ليهو:- وريني مبسوط مالك...قال ليها وهو بهظر:- سر ما بقدر اوريك ليهو...سما عاينت ليهو وهي رافعه حاجبها...هو ضحك وقال:- كان عندنا اجتماع مهم شديد وياهو الحمدلله كالعاده وبكل نرجسيه اتوفقنا فيهو...سما ابتسمت وقالت:- ده المتوقع منكم...طيب وفريد وين؟... أمير قال:- مع تسابيح طبعا ما عايزه ليها سؤال...سما هزت راسها وسكتت مسافه قبل ما تقول:- اممم طيب كنت عايزه اسألك من حاجه...قال ليها وهو برمي باقي التفاحه في السله:- اسألي يا بتي...قالت ليهو:- مشاعرك شنو اتجاه علا صحبتي...يعني بتكن ليها مشاعر او حاجه ولو بسيطه تديها امل...امير عاين ليها وقال بجديه:- والله يا سما انا شايفها اخت بس زيك كده...ما عندي اتجاها اي مشاعر ولو بسيطه زي م قلتي...بالنهايه كل حاجه قسمه ونصيب...وربنا يديهاا ود الحلال ان شاء الله...فات وخلي سما ما عارفه تعمل شنو وتقول شنو لي علا صحبتها...هي سالتو عشان لما علا تعترف ليهو قلبها م يتكسر...فقررت انو بكره ان شاءالله حتقول لي علا عن كل حاجه وانو أمير بس معتبرها اختو...صباح اليوم التاني...وفي الجامعة سما كانت متوتره وما عارفه تعمل شنو وتقول لي علا كيف وتفاتحها في الموضوع كيف...خلصو اول محاضره وبعدها اتلمو هي وعلا في الكافتيريا...اثناء م هم بيفطرو سما قالت لي علا:- علا عايزه اقول ليك حاجه...علا ركزت معاها وقالت ليها:- احكي يختي...سما اخدت نفس وقالت:- مش إمبارح كنتي بتتكلمي عن امير وانو نفسك تعترفي ليهو وكده؟...علا قالت بحماس:- ايوه ايوه...لي هو قال ليك حاجه عني؟... سما زعلت شديد لما شافت علا متحمسه وكلها امل في امير...قامت من مكانها وقعدت جنب علا ومسكتها من يدها وقالت ليها:- شوفي يا علا...انا امبارح سألت امير عن مشاعرو اتجاهك...وعملت كده عشان اتاكد انو هل هو عندو مشاعر ليك او لا...وعشان خايفه عليك وعلى قلبك...وما عايزاك تنكسري...بس أمير قال انو هو معتبرك اختو..." لاحظت لي ملامح علا الاتغيرت...ضغطت على يدها وكملت":- دائما يا علا انحنا بنتمي حاجات ونفسنا تكون لينا...بس هي ما مكتوبه لينا...لانو ربنا عايز لينا الاحسن منها... أمر المؤمن كلو خير تمام؟... انا ما بقول ليك ما تزعلي...لا ازعلي وابكي وفضي الجواك...بس ما تخلي الحزن يسيطر عليك لفتره طويله...لانو لو زعلتي كتير...مافي حاجه حتتغير...لا الكنتي عايزاهو حيجيك...ولا النفسك فيهو حيحصل...عارفه الحيحصل شنو؟... الحيحصل انو ربنا ح يديك شي حلو ويفرحك ويعوضك بعوض جميل جميل جميل لابعد حد... لدرجه انك حتقولي عن الحاجه اللي فاتت انا غبيه عشان زعلت وبكيت على الحاجه الفلانيه...عمرو ربنا م بظلم زول والله...ودائما مخبي لينا الحاجات الحلوه والمفرحه الحاجات البتليق بينا بس...علا عاينت لي سما وبعدها اترمت في حضنها وهي بتبكي...سما فضلت معاها وحاضنها وبطبطب عليها.
وما فقدناه ، وما خسرناه ، وما فات منّا؟
"عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ"❤️❤️.
___
بلسان فريد:-
*فتاة ذابلة💜🥀*
*#بقلم المبدعين سارة وعبير ولمياء وصديق*
(33)
ختام الرواية💙🦋
بلسان سما:-
الليله نتائج القبول خلاص...والله التوتر بتاع نتائج القبول اصعب بكتير من التوتر حق نتائج الشهادة زاتها...م علينا قاعدين كلنا في الصاله وفريد وامير بتكلمو في الشغل...وامي قاعده بتقطع في باميا...وانا منتظره متين يرسلو لي الموقع...كل دقيقتين امسك التلفون اعاين ليهو م بلقي شي...بختو وبعاين ليهم واحد واحد....في النهاية زهجت والتوتر كان صعب على وخصوصي انو ماف زول شغال بي...قلت ليهم وانا بزفر بضيق:- يا جماعة في وحده هنا قاعده منتظره نتائج القبول ومتوتره عبروها شويه...فريد ضحك وهو بقفل الملف الكان ف يدو وبقول:- يا بت عادي والله م تخافي...بشيلوك في جامعة كويسه شديد...ولو الجامعه م عجبتك انا بتصرف وبدخلك الجامعه العايزاها...انتي بس م تشيلي هم..(🥲)ورجع تاني يركز مع امير وكلامهم....انا بقيت قاعده ساي...لحد ما جاتني رساله نطيت فوق وانا بفتحها والقي الموقع....هم كلهم وقفو معاي....كنت واقفه فوق الكرسي وانا منتظره يفتح معاي....اللحظه القريت فيها اسمي وجنبو كليه الصيدله جامعه الخرطوم...سكتتت ساي ونا بعاين بعدم رضي...لحد ما امير شال مني تلفوني عشان يقرا...قال وهو بمد لي التلفون بعد ما قرا:- الف مبروك الجميله المستحيلة عديللل ياخ....اقسم بالله مكنه...فريد حضني وقال:-مالك مبوزه كده الجامعه ما عاجباك؟...عاينت ليهو وانا بفكر مع نفسي...هو بالنهايه ده قضاء وربنا كتب لي اقرأ فيها...وفي الف واحد غيري نفسو يكون محلي...ما لازم ازعل يلا كلو لي خير....ابتسمت وعاينت لي فريد وقلت ليهو:- ابدا هو في احسن من الجميله المستحيلة؟...فريد قال لي:- متاكده انتي عايزاها؟.... قلت ليهو:-ايوه والله والحمدلله شديد كمان وراضيه كل الرضى...امي حضتني وقالت لي:- مبروك ل بتي حتبقي احسن دكتوره صيدلانية اتا متأكدة...بعدها قعدنا مسافه...اتصلت لي علا وانا يادوب اتزكرتها...رديت وقبل ما اقول شي قالت:-شالوني جامعه الخرطوم كليه المختبرات الطبيه يا سما...ضحكت وانا بقول ليها:- الزول بقول السلام عليكم اول يا بومه...مبروك شديد وانا معاك في نفس الجامعه لكين للاسف انا صيدله...سمعتها صرخت وبعدين قالت لي:- وااااي الحمدلله مع بعض ي زفته م مهم التخصص زاتو المهم اننا مع بعض وم حنفترق...ضحكت وكملنا باقي كلامنا وبقينا نخطط حنعمل شنو ومحتاجين لشنو...الايام مرت كالعادة...لحد ما الجامعه فتحت...وده اول يوم لي في الجامعه وكان طبعا طبعا معاي فريد حبيب قلبي...الطريق كلو بوصي فيني...
ما تصاحبي الا بعد تتاكدي انو الزول ده كويس...حتساليني كويس كيف؟ من شكلو اول حاجه...مرتب ومهذب وملامحو مريحه...ابعدي لي من الناس العيونهم محمره ديك...والبعاينو للزول كيف كيف ديل...ده كان كلام فريد لي وانا لا عارفه اضحك في كلامو لا عارفه اسكت واسمع...بالنهايه لما وصلنا ونزلت من العربيه وعاينت لي الجامعه...فتحت خشمي بالصدمه...الجامعة كبيره ما شا الله وناس داخله وناس داخله...وفي منهم اللابسين لابكوت...عجبني شديد واتحمست عشان البسو...فريد واقف جمبي وبعاين برضو...لحدي م علا جات ومنظرها مضحك شديد...كانت جايا علينا وهي بتعاين للناس وفاتحه خشمها ومصدومه...لحد م وصلتني وقالت لي:- هي احنا جينا استاد كوره ولا حاجه يا سما؟...ألناس دي مالها قدر ده...مرثون بس...ياخ ضحكنا ضحك انا وفريد...قلت ليها:-قولي م شاءالله هسي تحصل مصيبه ولا حاجه...قالت لي:- م شاءالله لكين النصيحه اي زول في محلي كان حيتصدم كده...بقينا نتكلم ولما خلاص كنا داخلين على الجامعه وفريد ماشي...وقف فجأة وقال لي:- سما لحظه...انتظرتو وهو جاب حاجه من العربيه وجا قال لي:- امبارح كان في اوراق قديمه بفتش فيها...وانا بفتش لقيت ده...مدا لي حاجه طويلة كده...لما مسكتها وركزت لقيتو مزمار" آله موسيقية من الخشب طويله حبه...بتكون فيها قدود من فوق متفرقه من بعضها شويه كده"...اتصدمت شديد وانا بعاين ليها...فريد قال لي:- متزكره كنتي بتحبي تعزفي فيها كيف؟...طبيعي بلقاك ماسكاهو وبتعزفي وانتي مغمضه...بتزكر لما كان عندكم إحتفال في المدرسه وانتي رفضتي تشتركي في حاجه...لكين انا اصريت عليك انا تطلعي وتعزفي...ويالله حتي رضيتي...ضحكت وانا بقول:- ياااااه لي زمن ما عزفت فيهو...انشغلت عنو شديد...حتي اني نسيت النوتات كمان...متزكره شي بسيط...علا ضربتني في كتفي وقالت:- طلع عندك مواهب مدفونه وانا ما عارفه؟ اخس فخس على الرجاله...ضحكت وانا بقول ليها:-انا اصلا نسيت اني كنت بعزف...وم جات فرصه اني احكي ليك...فريد قال لينا:- بطلو كلام وخشو اتكلمو جوا بعد تشوفو الجدول والكلام ده...بالفعل دخلنا جوا وكان في يدي المزمار وانا بعاين ليهو مبتسمه...متزكره كيف كنت بحبو وبقعد طول اليوم اعزف فيهو...بعدين دخلتو الشنطه وقلت بعدين بشوفو...علا قالت لي:-اهم حاجه نمشي الكافتيريا انا وريتك...م بفرط ب بطني انا...وعلى فكره انا ما اكلت
الناس المشااااركين كمية هااائلة لدرجة حسيت باحباط وقلتا ماعندي فرصة قدام الناس ديلل بس مهند كان واقف معاي وبشجعني وشوية وبدا المعرض انا كنتا رقم 50في اللحظه دي ضرب فريد مكالمة فيديو في تلفون مهند شفتهم كلهم رفعو لي يدينهم وقالو لي اطمن نحنا معاك امي كانت اول واحده شفتهاا ثقتي في نفسي زادت اضعاف مضاعفه كانو بندهو رقم المتسابق بطلع مع لوحتو وبعرضها للجنه وبشرح فيهاا لغاااية ما قالو رقم 50اتفضل على المنصه عاينتا لاهلي ومشيت فتحتا لوحتي وعرضتها قدامهم وقلتا ليهم:-اهلي ❤️ هم مصدر فخري واماني ودعمي وثقتي اهلي هم الوحيدين البيستاهلو اني ابدع في رسمهم واحكي عنهم انا ماشفتا شي احلى من لمة اهلي وضحكتهم ماشفتا انو في شي تاني بيستاهل اني اشارك بيهو في المعرض طالما المعرض دا عالمي حبيت انا اشارك بعالمي فيهو واهلي هم عالمي ❤️ بقيت اتكلم عن اهلي وانا واثق من نفسي شدييد والصورة كانت معبره بالجد وانا راسمنا ونحنا حاضنين بعض وبنضحك من قلبنا ❤️ بالجد الاهل عز وماافي منهم ومافي غيرهم بيستاهلو اني اشارك بيهم امي وابوي امنيه وقطوف اخواتي حتى رسمتا سما❤️هي كمان واحده من اهلي وحتدخل بيتي قريبا لمن خلصتا الناس كلها صفقت لي بحرارة حتى المتسابقين المعااي حتى انو في واحد من ناس اللجنه وقف فوق وهو بصفق وقال لي بلهجة سودانيه متقنه:-دا ابداع اهل السودان ❤️ بعدها نزلتا ومشيت لمهند لقيت امي واخواتي ببكو وابوي بيقول لي انا فخور بيك ياولدي رفعتا راسنا ❤️ جملة ابوي دي كانت كفيلة انها تخليني ابكي دموع فرح كفاااية اني شفتا الفخر في عيونهم والعجب لمن انتهيناا وندهو اسمي كفاااائز بالمرتبة الاولى بأفضل رسام سوداني في معرض باريس واستلمتا الجائزه والمبلغ المالي المقدر بي 200مليار وشكر من اللجنه ويااافطه سجلو فيها اسمي كرسااام مشهور ❤️ مستحيل انسى اللحظه دي خصوصي انو اهلي كانو حاضرينها...
_
على لسان امير:-
ماهر وصل بالسلااامة واهلو استقبلو بفرح وزاهر وفريد مما طلع من باب المطار رفعو فوق وشالو وبباركو ليهو وفرحانين بيهو شدييد ابو ماهر عمي عمران ماخلا زول ماعزمو عمل كرامة لمااهر الناس كلهم جو وانا واقف بره يوم الكرامة جات سما مع علاا انا سلمتا على علا سما دخلت جوه وعلا مدت لي ورقة صغيره برتقاليه ودخلت لقيتها كاتبة لي انت قلبك طيب واخ مثالي ❤️ابتسمتا ودخلتا جوه ناداني فريد مشيت ليهم في برندة الرجال قال لي مشيت وين قلتا ليهو كنتا بره وسما جات مع علا وانا كل شوية اعاين في الورقة فريد قال لي دي شنو قلتا ليهو ادتني ليها علا ابتسم وقال لي كويس عاينتا ليهو وقلتا ليهو انا سمعتكم قال لي متين قلتا ليهو يعني من كم شهر كدا سمعتا سما لمن قالت ليك علا بتحب امير قال لي طيب وانت رايك شنو علا بتستاهل فرصة صح؟ قلتا ليهو علا دي انا شايفه زيها زي سما من اول ماشفتها شفتها صحبة سما المعاها دايما يعني كل ما اعاين ليها مابشوف غير سما بشوفها اختي يعني اثناء كلامي جو ماهر وزاهر وعلي داخلين ماهر قال لينا بتتكلمو في شنو نقاش خاص يعني؟ فريد قال ليهو خاص بامير سكتو واتونسو في كم موضوع بالجد انا مابحب علا شايفها اختي وانا اكتر انسان بعرف يعني شنو حب من طرف واحد وقدر شنو الحب دا مؤذي وبتعب قلب الانسان وبدخلو في حالة مايعلم بيها الا الله علا لسه صغيره على انها تعيش تجربه زي دي قااطع حبل افكاااري صوت ماهر وهو بيقول لينا ياشباااب عايز اتكلم معاكم انتبهو عاينتا ليهو قال لينا طالما اخوان سما الثلاثه موجودين هناا فعااايز افتح ليكم عينكم في الموضوع بس فريد قال ليهو انا عيني مفتوحه من زمااان بس كدي خلي البت تنزل الجامعه على الاقل تخلص من سنتها الاولى في الجامعه ماهر هزا راسو وبعد شوية جا ابوماهر مع اخوانو داخلين علينا في البرنده وقال لينا السلام عليكم ياشباب ردينا السلام وقعدنا والعصر جابو لينا صينية الغدااء طبعا الضلع مايديك الدرب😹 والله صينيه المنظر عجبني فيها اشهى الاطباااق يوم كرامة ماهر كان يوم ظااابط والله بس طول الوقت بفكر في علا وكيف حاقدر اتفاهم معاها بدون ما ازعلها
____
على لسان فريد:-
شالو سما صيدلة الخرطوم هي ما كانت عايزه جامعة الخرطوم بس فرحت لانو شالوها صيدلة لانها رغبتها طبعا مشينا معاها انا وماهر سجلنا ليها وعملنا ليها اجراءاتها طبعا علا شالوها برضو الخرطوم وجامعه تانيه بس قدمت استقالتها من الجامعه التانيه وجات سجلت مع سما عاجباني صحبتهم ❤️لفينا في الجامعه وورينا سما قاعتها ومشينا على الكافترياا عشاان بتنا ماتتبرلم بعدين وطلعناا ماهر استأذن مني يمشي مع سماا عشان يفتح معرض تاااني اذنتا ليهو وانامشيت الشركه بالجد اشتقتا ليها الموظفين حمدلو لي السلامة ودخلتا مكتبي عاينتا في مكتبي كدا وقلتا انا بقيت زول كبير ومسؤول شغل وشغال وعندي القدرة البخليني اتأخر للان في طلب يد تسابيح شنو؟ طوالي قررتا اول ما ارجع البيت افتح الموضوع مع امي بس قلتا ياربي الحيطلبها لي منو ماعندي اعمام
❤️ هنا شفتا فريد لاول مرة ولمن جاا وشال مني اخر مجموعة اساور بي500ابتسمتا وانا بتذكر اليوم دااك شوية وسمعتا اسمي لمن اتلفتا لقيت فريد واقف على رجلينو وبعاين لي مبتسم انا نططتا عيوني وبقيت اعاين ليهو من فوق لتحت كم مرة قلتا ليهو ومشاعر زعل وفرح ف نفس اللحظه ف ف فريد انت بتمشي واقف على رجلينك انا مابحلم صح 😭💔 ...
الجزء الاول من الحلقة الاخيره
لي:- كنت واثق فيك انك حتجيبي نسبه حلوه شديد زيك كده يا حبيبه اخوك...وبالمناسبه دي انا عايز اوريكم كلكم حاجه...كلنا وقفنا وبقينا نعاين ليهو...رجع بالكرسي لي ورا... قبل ما يثبت يدينو على الكرسي ووقف بي رجلينو... ايوه فريد وقف واتحرك مشا يمين وتاني مشا شمال...عاين لينا وقال:- اي ما زي زمان بس الدكتور قال حاخد وقت عشان اقدر ارجع امشي كويس زي زمان....ده كلو واحنا بنعاين ليهو بي صدمه... قال لينا وهو بيضحك:- يا جماعه مالكم مصدومين كده... انا من الفرحه جريت وحضنتو ونفس الشي امير...امي قالت:- دي زغروده عشان نجاح سما...وزغردت...تاني قالت:- ودي عشان فريد رجع يمشي...وزغردت...ودي عشان اتلمينا ك عيله كامله... وزغردت... في اللحظه دي انا كمان زغردت معاها من غير ما احس والله وكنت ببكي....امير قال لي وهو بيضربني في راسي بخفه:- انتي اي حاجه بس بتبكي؟... والله تقول المويه البتشربيها بتمشي في عيونك بس...ضربتو وانا بقول ليهو:- انت زاتك هدا قعد تبكي شنو بتتكلم فيني...فريد ضحك ورجع حضنا وحضن امي معانا... بعدها البيت اتملا ناس بتبارك واولهم ماهر واهلو الجوني بكميه هدايا مبالغ فيها...فريد طلب مننا انو ما نكلم تسابيح عشان عايز يعملها ليها مفاجأه...قمت تحت تشغيلات امير وماهر لي فريد... عشان اتصل لي علا واسألها...ردت لي بعد مسافه وهي بتبكي وقالت:- وااي يا سما ما مصدقه نجحت وجبت 87.9%...لو شفتي فرحه ابوي وكيف شالني ولف بي من الفرح....قلت ليها وانا بضحك:- شفتي انا قلت ان شاء الله بننجح بس انتي خوافه ساي...ضحكت وبعدها اتونسنا شويه...وقفلنا مشيت بشرت ناس امي ب نتيجه علا وقعدنا نتونس... شوفه اهلي حوليني وفرحتهم دي كانت بالدنيا عندي... فريد قاعد جنب امي وبيضحك معاها وكل شويه يبوسها من راسها ويدها ويقول ليها:- اعفي لي عشان بعدت عنك...امير وماهر وضحكهم العالي وونسه البنات... يا جماعه العز اهل❤🩹❤🩹.
____
بلسان الكاتبه:-
بعد اسبوع من نتيجه سما الظهرت... فريد وامير خلصو إجراءات السفر... والليله هم خلاص مسافرين عشان العمليه... طلعو على الطياره بعد ما ودعو ماهر وتسابيج الكانو واقفين... اتحركو في رحله طويله شديد...المنظر من فوق كان لا يوصف... خصوصي غروب الشمس وسط الغيوم...الساعه 8 بالظبط هم كانو وصلو.
[سويسرا... العاصمه برن...الساعه:- 8:54].
خلصو باقي حاجاتهم ونزلو في فندق" " البيعتبر من افخم الفنادق الكانت في برن... وهو حوالي 44طابق... ارتاحو شويه وصباح اليوم التاني اتحركو على مستشفى" هيرسلاندن سالم شبيتال برن" اللي كانت ما بعيده من الفندق...المستشفى كان كبير وحلو جداا... كان بضم اشهر الدكاتره واميزهم هناك.... بتتميز المستشفى دي ب مؤسسه طبيه حديثه... وعملها بيعتمد على أعلى المعايير الطبيه...وكمان المعامله الانسانية المحترمه اتجاه المرضي من جميع أنحاء العالم...والمستشفي دي بتقع في الجزء المركزي والهادئ في نفس الوقت من مدينه برن السويسريه الجميله...غرفه المريض فيها نوافذ بتطل على المناظر الجميله القديمه للمدينه...وبرضو مناظر جبال الألب الخلابة... وبتتمتع المستشفى بالحديقه الواسعه اللي لما تتمشي فيها بتحس ب راحه واسترخاء...خصوصا حول البركه...المهم اتحددت ليهم العمليه بعد يومين بالظبط... بس كان لازم إيمان تفضل في المستشفى لو حصلت اي حاجه يكونو جاهزين...بالفعل قعدو وفي اليوم الاول قعد امير... واليوم التاني قعد فريد مع امهم... لحد ما وقت العمليه جا وجهزو امير وامهم إيمان...بسما على قدر خوفها على امها على قدر خوفها على امير... كانت بتقعد وتقيف وما قادره تتكلم او تقول حاجه... ونفس الشي فريد...بعد مسافه الممرضين جو وهم ساقين امهم قي النقاله وباين انهم خدروها عشان العمليه... فريد وسما وقفو فوقها وفريد قال:- حتطلعي منها كويسه وبعافيه ان شاءالله... احنا هنا قاعدين وواقفين وبندعي ليك يا امي... خليك قويه انتي...سما ختت يدها في خشمها وهي مانعه دموعها من انها تنزل...ايمان قالت ليهم بخدر:- اعفو لي يا ولادي... ولو حصل لي اي حاجه وما شفت امير... قولو ليهو امك قالت ليك اعفي ليها... وانا عافيه وراضيه منكم دنيا واخره...سما قالت ليها وهي بتبكي:-ما تقولي كده يا امي حتطلعي كويسه وتشوفي امير تاني...إيمان ما قدرت ترد...لانو المخدر فعلو تم خلاص...سما وفريد رجعو لي ورا عشان الممرضين يترحكو...بعديها طوالي جا امير برضو بنفس الطريقه... بس هو كان واعي حبه... عاين ليهم ورفع ليهم يدو وهو عامل كده👍🏻... يعني انا كويس وما خايف...فريد ابتسم ليهو وسما بس بتعاين ليهو...دخلو على غرفه العمليات... بتمر الساعات ببطئ شديد... في الساعات دي اعصاب فريد وسما كملو خلاص... ولا واحد قادر يصبر التاني... ميه فكره سودا وكعبه مرت في اذهانهم...بعد تلاته ساعات كان امير خلص... وجو الممرضين وسايقنو في النقاله بس كان مغمض ولسه ما واعي على اي حاجه...
______
على لسان فوزية:-
بالجد لمن سمعتا صرخة سوزان الخلعه الدخلتني وقتهاا جريت جري لقيتها في غرفة ماهر وجمبها قزازة الماده الكيميااائيه الحزرنا منها ماهر الليله قبل يطلع وقال لينا المسااء حيشيلها يعني هو جابها الصباح وقال بالليل بشيلها وحزرنا كتيير مانجي جنبهاا يعني قدر سوزان بس تجي زي الوقت دا وتتكبا فيهاا وصلنا المستشفى والبت دي لسه بتصرخ الدكتوور لمن شافها هو زاتو بقا يستغفر دخلها غرفة وانا طلعتا تلفوني وضربتا لمااهر وكلمتو بالحاااصل قال لي جاااي قعدتاا مده طوويلة لغااية ماطلع الدكتور مدنقر راسو قلتا ليهو اها طمني ياولدي قال لي والله يا امي ماعارف اقول ليك شنو البت دي وشها اتحرق بصورة فظيعه حتى في جزء منو طار في يدينهاا يعني اتشوهت بشكل كاامل يعني حتى عملية التجميل ماحتفيدهاا دا حرق من الدرجة الثالثه يعني وشها خلااص ومشاا اناقعدتا في اقرب كرسي وبقيت استغفر جا ماهر قعد جنبي وقال لي الحصل شنو مع سوزان يا امي هي كيف؟ قلتا ليهو اتشوهت ياولدي خسرت كل شي ماهر مسح وشو بيدينو وبقا يستغفر سأل الدكتور اذا بيقدر يدخل ليها الدكتور سمح ليهو ماهر دخل
___
على لسان ماهر:-
لمن دخلتا لسوزان شفتا وشهاا كلو ملفوف بشاش ما ظاهر شي غير عيونها كانت صااامته ما بتتكلم نهااائي حتى انا ماعرفتا اقول ليها شنو بعد صعوبة قلتا ليها ربنا يقويك وكنتا طالع وقفتني لمن قالت عاقبني لاني كنتا حادمرك كنتا ناوية احرق اللوحة حقتك واخليك تخسر وما اخليك تشاارك في المعرض وقتها ما كنتا حتقدر تتزوج سما عشان كداا كنتا مجنونه وكنتا عايزه ارجعك لي مهما كانت الطريقه بس شوف الحصل لي كنتا مودل لاحسن الشركات كانو بختوني غلاف للمجلات كانت ملامحي مطلوبة في الشركات كنتا بلعب بالقروش لعب عملتا لدنيتي وبس كنتا دايما بقول لسما انتي ما بتساوي ظفري شوف في النهااية انا وصلتا لوين... ماقدرتا ارد ليهاا ما لقيت ولا كلمة اقولا ليهاا طلعتا من غرفتها واتصلتا على ابوها ووريتو الحصل بعد مساااافة جو وامها بتبكي ولمن شافو حالتها امها غمرت انا وامي ماقدرنا نخليهم وقفنا معااهم لغاااية ما طلعو من المستشفى ابوها اعتذر مني وطلب مني العفو وحجز تذاكر وسافرو بره السودان انا بالجد زعلتا على سوزان ماكنتا عايز يحصل ليها كدا لو كنتا عارفها حتجي بيتنا حتى لو عشان تحرق لوحتي كنتا حاقول ليها انتبهي من المادة الكيميائيه قلبي وجعني عليها بالجد لمن حكيت لسما الحصل بكت وقالت لي والله مابتستاهل وكالعاده بقت تلوم في نفسهاا الحزن بسبب حااادثة سوزان غيم عليناا لمدة 3يوم وبعدها انا حاولتا ارجع لحياااتي الطبيعيه واقيف مع سما والحصل مع امهم...
____
بلسان سما:-
مرت اربعه شهور بحلوها ومرها... اربعه شهور حصلت فيها حاجات كتيره شديد... بقيت قريبه لي امي عوضنا السنين الكنا بعاد فيها عن بعض كلها...حسيت انو يادوب الحياة بقت تضحك لينا...فريد كان لسه مواصل في العلاج الفيزيائي...وامي بدت اول مراحل العلاج... وهو الكيماوي... كل جلسه ليها انا كنت بكون معاها... شوفتها وهي متأمله كان صعب بالنسبه لي بس ده قضاء ربنا... في يوم وانحنا بنعمل ليها الجلسه وكان معانا امير... الدكتور طلب مني انا وامير نجيهو في مكتبو... فعلا مشينا ليهو... بعد السلام وكده طلب مننا اننا نقعد... قعدنا وهو قال:- طبعا الحمدلله المرحله الاولي من العلاج كده خلاص انتهت... يعني الليله اخر جلسه بتاعت كيماوي... والمرحله التانيه هي انو تتعمل ليها عمليه وفيها حننقل من متبرع نخاع العظام والخلايا الجزعيه...والعمليه دي اول حاجه لازم تتعمل برا السودان... لانو زي ما عارفين هنا للاسف ما عندنا الامكانيات البتخلينا نعملها... ولازم كمان تجيبو متبرع ب اسرع وقت ممكن او ممكن واحد فيكم يتبرع... ده طبعا بعد ما نجري فحص سريع... ونشوف هل الانسجه بتتطابق او لا... انا وامير عاينا لي بعض... بعدين قلت ليهو:- احنا حنعمل الفحص وان شاءالله تطلع مطابقه عشان اتبرع... امير بدورو قال:- انا كمان حفحص ... فعلا الدكتور طوالي اخدنا على مكان الفحص واخدو مننا العينات... امير وقف منتظر النتيجه... وانا مشيت لي امي... لقيتها راقده وتعبانه شديد... بستها في راسها وقلت ليها وانا بمسك يدها:- خلاص الليله اخر جلسه كيماوي... تاني حتعملي العمليه وحتبقي كويسه وترجعي لينا...قالت لي بتعب:- عمليه شنو؟...قلت ليها:- نقل النخاع العظام والخلايا الجزعيه... فحصنا انا وامير عشان نشوف الانسجه مطابقه لانو عايزين متبرع...عاينت لي وابتسمت وفجأه غمضت عيونها وابتسامتها زالت تدريجيا... خفت شديد لانو فجأة جسمها بقي بارد واول مره تحصل...قمت سريع وانا بنادي الدكتور لحقتني ممرضه ووحده مشت تنادي الدكتور...بقيت واقفه وانا خايفه شديد وببكي...الدكتور لما جا طلعوني بره...
ضحك فيها وهي وصلت لعندو وهي بتاخد في نفسها وقالت:- مالك وقفت في حاجه؟... امير هز ليها راسو بمعني لا وواصل... لما جو يقطعو الزلط علا قالت:- معليش بس انا بخاف اقطع الزلط وم تضحك فيني لانو والله الموضوع مخيف حبه...امير عاين ليها وهو رافع حاجبو الشمال...ضحكت بتوتر وقالت:- هو والله ما حبه... امير قال ليها وهو بيمد يدو:- خلاص امسكي في كٌم القميص... علا زي الشافعه مسكت الكم وعدو الزلط... لما دخلو المول امير اخد كم حاجه... وعلا برضو ادخت لما جا عشان يدفعو الحساب وعلا عايزه تطلع القروش... امير سبقها ودفع وقال ليها:- يلا... علا كانت عايزه تتكلم بس امير سبقها وهو بقول:- يلا ارح ورانا قطع زلط لسه... ضحكت وهي بتلحقو والحركه بتاعتو عجبتها شديد وخلتو جنتل في نظرها❤🩹❤🩹.
لوجهك كُل الحُب وتحديداً عيناكِ❤🩹❤🩹.
في نفس الوقت بجهة تانيه:-
دخل اشرف وهو متسلل للمعرض بتاع زاهر.... عشان ينفذ الكلام القالتو ليهو سوزان.... زاهر كان قاعد بس طلع عشان ياخد كم لون من المكتبه الكانت قريبه من المعرض... واشرف انتهز الفرصه لصالحو ودخل... لف كل الغرف لحد ما لقي غرفه معلق فيها ورقه مكتوب فيها ماهر...دخل لجوا ولقي كذا لوحه... ما عرف ياتها ال حيشارك بيها ماهر في معرض باريس... ما لقي حل غير انو يحرق كل اللوحات القاعدة... طلع بره سريع سريع وهو طالع زاهر كان راجع وشاف زول طالع من المعرض... بس للاسف ما قدر يشوف وشو... زاهر دخل جوا سرعه ولقي كل اللوحات الفي غرفه ماهر محروقه... اتصل لي ماهر وحكي ليهو... ماهر جا سريع للمعرض وقال لي زاهر:-الحصل شنو وزول منو الدخل... زاهر رد ليهو وقال:- والله يا ماهر ما عارف انا مشيت المكتبه القريبه دي عايز كم لون... جيت راجع لقيت زول طالع وجاري ولما دخلت جوا لقيت الانت شايفو ده...ماهر سكت وبقي يفكر...منو ال حيخلي كل اللوحات وبس يحرق بتاعو؟... الا زول قاصدو وما هو الا اشرف...قطع تفكيرو صوت زاهر وهو بقول:- ماهر اللوحه الحتشارك بيها في معرض باريس.... ماهر رد عليهو وهو بيمشي لي واحد من الغرف وب يفتحها:- لالا ما تخاف اللوحه قاعده هنا وما حصل ليها شي...وتقريبا عرفت منو العمل كده...زاهر قال ليهو:- طيب حتعمل شنو؟... ماهر رد وقال:- ما ح اعمل حاجه حاليا لاني ما فاضي... بس افضي ح اعرف اتصرف... ماهر شال اللوحه بتاعتو وطلع.
______
بلسان الزين:-
طلعت من المزرعه وانا قاصد بيت اشرف ومحمد... كان معاي كذا راجل عشان يحموني لو حصل اي حاجه...مجرد ما وصلت البيت دخلت ولقيت امهم ومعاها بت وولد قاعدين... المره عاينت لي بصدمه وقالت:- فشنو وانت منو؟... قلت ليها وانا موجه المسدس ناحيتها:- راجلك متدين مني وما رجع لي قروشي وانا حرقتو... اولادك برضو لحد الان ما ادوني قروشي.... انا جيت هنا عشان اخد قروشي... يا تديني ليهم انتي او تودعي الدنيا... المره بقت تبكي وبتقول:- انا ما عندي والله العظيم... عليك الله ما تعمل كده ربنا ح يحاسبك... قلت ليها:- ما تبدي عليك الله... قلتها ليك م ح تديني ح تودعي الدنيا... ضربت فيها رصاصتين وحده جات في كتفها والتانيه في بطنها...عاينت للولد والبت الكانو بصرخو بزعر وهم بعاينو لي امهم...ما رف لي جفن واصلا انا متعود علي الحاجه... ده مصير كل زول بياخد حاجه مني وم برجعها... طلعت منهم ورجعت محلي ومنتظر اشرف يجيني وانا عارف انو ح يجي.
اقتباسه:-
"كُل شيء سيأتيك في الوقت المُناسب ".
اسفه على التاخير🙏🏻.
يتبع....
عاينت لي وقالت:- يالله ما بستحمل الكلام الحلو... قلت ليها وانا بضحك:- انا قلت ليك يا قلبي بس😂... قالت لي:- برضو كلام حلو وانا م متعوده الا على يا جزمه يا رمه وي عواليق...ضحكت وهي كملت:- المهم انت يا فريد لي بعيد كده من خالتو إيمان ما انت بس كمان امير وسما... ما عايزه ابقي فضوليه بس هي امكم يعني... اتنهدت وبديت احكي ليها من البدايه... لما انتهيت رفعت راسي ولقيتها بتعاين في الارض وسرحانه بحزن شويه وقالت:- يا حليلها سما استحملت ده كلو كيف؟... لو وحده إيمانها ضعيف كان زمان انتحرت استغفرالله... وبعدين يا فريد مهما حصل وبدر من امكم انتو ما مفروض تقاطعوها... ما صح كده وربنا والرسول(ص) وصانا بيها... اي هو صعب شويه كونو تتعاملو معاها عادي بس هي محتاجه ليكم... وبعدين انتو م حتحاسبوها على غلطه هي عملتها ربنا اكيد شايفها وهو اللي حيحاسبها... هي سما اك ممكن تتعامل معاها في حدود... لكين انت وامير ما لازم تعملو كده... هسي يا فريد انتو عارفين عامله شنو وقاعده براها كيف؟؟... ياربي هسي احساسها شنو وانتو بُعاد منها كده؟... اي هي غلطانه وايي حاجه لكين حتي انتو غلطانين والله... لي مافي حقها غلطانين في حق ربنا... يمكن لو ما انت بعدت منها وسقت سما معاك مع الزمن كانت حتتقبلها لي سما وتتعامل معاها عادي... احساسها بي انو سما اخدتكم منها صحيح... انت لما تبعد منها ومعاك سما اكيد حتقول سما اخدتك واسي فريد ياربي هسي بتكون حاسه كيف؟... م تغلطو انت وامير لانكم حتندمو بعدين لما تفقدوها... قاطع كلامنا صوت سما وهي بتقول:- ايوه يا فريد كلام تسابيح صح حتي انا كنت من زمان عايزه اقول ليكم كده بس ما لقيت طريقه... وهسي تسابيح قالت كل حاجه... ما تقاطعوها كده لانو بالجد ما صح كده... لا انا ولا تسابيح بنضغط عليكم بالكلام بس احنا عايزين نوريكم الحاجه الصح والله... تسابيح قامت على حيلها وشالت شنطتها وقالت:- ايوه صح كلامك يا سما... بالنهايه ده قرارك انت وامير بس فكرو في كلامنا ده كويس... بعدها استأذنت وطلعت وسما مشت توصلها... خلوني انا عايم في التفكير وما قادر اصلا احدد انا عايز شنو او اعمل شنو... قلت لما امير يجي اتكلم معاهو.
______
بلسان سما:-
صباح اليوم التاني... طلعنا انا وفريد وامير عشان نمشي المستشفى للجلسه... فريد على غير العاده ساكت وعرفتو بفكر في كلامي انا وتسابيح... امير كذا مره سالو مالو ساكت... بالنهايه فريد قال ليهو:- بعد نطلع من الجلسه نمشي لينا مكان هادي نفطر وعايز اتكلم معاك انت وسما... نظرات امير المستغربه ما فاتت علي... بس هز راسو من سكات... بعد نص ساعه لقينا روحنا قدام المستشفي... دخلنا وعملو لي فريد الجلسات وكان ماشي في الجلسه كويس... الدكتور زاتو كان ظريف شديد بضحك فينا كل شويه... لما فريد خلص كات التلفون جنب الدكتور شاف الاسم وكان مسيف ب"تسابيح الروح🤍🌸"... الدكتور ضحك وقال:-دي بتكون حبيبتك الامبارح جات وخلتك تمشي خطوتين بحالهم امبارح😂.... فريد ضحك وقال:- ياها... عاينت لي امير والغريبه لقيتو بيضحك... حمدت الله انو ما حصل حاجه ولا امير عندو مشاعر لي تسابيح(مسكينه ما عارفه حاجه خلوها)... المهم خلصنا كل حاجه وفعلا طلعنا ل اقرب مطعم هادي ورايق... مجرد ما قعدنا فريد قال لي:- انا امبارح فكرت كويس قبل ما نجي ونقعد القعده دي... المهم يا امير عشان ما تكون زي الاطرش في الزفه الحصل انو امبارح تسابيح اتكلمت معاي في موضوع امي وكده... فعلا الاحنا بنعمل فيهو ده غلط... وما صح انو نبعد كل البٌعد ده من امي... اي نعم احنا ما مقصرين معاها في حاجه... القروش وبتصلها واي حاجه محتاجه ليها انحنا بنعلمو ليها... بس ما زي لما نكون احنا معاها.... وهو بالنهايه الدم عمرو ما ببقي مويه... احنا ما حننكر حقيقه انها امنا والله... وهي تغلط انحنا ما لازم نغلط كمان...ربنا ح يحاسبنا ويسألنا منها يوم الوقف... انحنا اسي حنمشي ونطلب منها العفو... وان شاء الله حنقعد معاها ونوريها انو سما ما عندها اذا هي قبلت خلاص... واذا لا يبقي انحنا عملنا العلينا... اها رايكم شنو؟... اخدت نفس وقلت ليهو:- انا ما عندي مشكله والله وح اقبل بي اي كلام هي تقولو المهم انو ربنا يكون راضي عننا...انا وفريد عاينا لي امير... امير بدورو مسح وشو بي يدو وزفر بضيق وقال:- ما عندي شي اقولو تاني... وكلامكم صح خلونا نمشي ليها... بالفعل اتحركنا لعندها وانا متوتره شديد وخايفه ما تقبلني... وانا وقتها ما حقول حاجه... انا عشان مصلحتي مستحيل افرق ام من اولادها... حتي لو كنت انا وحده من اولادها... لحد ما وصلنا... ساعدنا فريد ووقفنا ساعه كامله قدام الباب واحنا بنضرب ف الجرس... بس مافي رد لما بدينا نقلق... بالنهايه امير نط بالباب وفتحو لينا دخلنا جوا... واتصدمنا بالمنظر القدامنا... كانت أمي واقعه في الارض وانفها كلو دم ولونها شاحب شديد... جرينا عليها انا وامير وبقينا نحاول نصحي فيها بس ما كان في استجابه...
رجلينو بس ماقااادر حاول وحاول لمن المرة دي مشا خطوتين برضو صغيرات وجا واقع بالم اكتر من القبليهو لمن بقا يتأوه فالدكتور قال ليهو خلاص كفاية الليله وبالجد العملتو انت انجاااز كبير يافريد ومع مرور الزمن والعلاج يعني حسب خبرتي كدكتور فيزيائي ما حتاخد زمن طويل في العلاج انت ❤️ فريد ابتسم ليهو وقال ليهو شكرا ليك يادكتور انا والممرضين ساعدنا فريد ورجعناهو الكرسي وكان تعبااان شدييد ظاااهر فيهو بس بس رغم كدا كان مبتسم مشينا للعربيه بره الممرضين ساعدوني ركبناهو ودخلتا الكرسي في ضهرية العربيه وتسابيح ركبت ورا وانا سقتاا تسابيح قالت ليهو برافو عليك قال ليها شكرا على جيتك وصلتااا فريد البيت وتسابيح نزلت معاهو وانا قلتا ليهم ماشي اجهز نفسي مشيت لصحبي زاهر في المعرض قلتا ليهو ممكن اشيل لوحه فاضيه واستعمل الالوان بتاعتك؟ قال لي طوالي يا ماهر كلهم على حسابك فعلاا شلتا لوحة فاضيه وبديت ارسم وانا مبسوط ومتفاءل
______
على لسان الكاتبة:-
الزين مشاا على بيت ايماان فتحت ليهو الخدامه ونادت ليهو ايمااان جاتو وقالت ليهو اتفضل عايز منو؟'قال ليها عندي دين عند راجلك وجيت عشان تسددي لي قالت ليهو اكييد غلطااان لانو عمااادالدين ماحصل اتدين من زول الزين ضرب وشو بيدو قاال ااخ نسيت ماوريتك ياتو راجل فيهم قصدي شريف شريف ابو بتك الصغيره قالت لي دا ماراجلي قال ليها مش عندك منو بت؟ يبقى راجلك ماعلينا بقصصكم ارح عايز حقي قالت لي انا ماعندي قروش مصروفي ولدي فريد هو المتكفل بيهو ماعندي ولا اي مبلغ اديك ليهو قال ليهاا انا مرات بفقد عقلي ومرات بكون ماعندي عقل نهاااائي ووقتها بتصرف تصرفات انا زاتي مابفهمهاا احسن ليك اضربي لولدك ااسي يحول لي قروشي ايمان قالت ليهو طالما قروشك الدايرها من شريف امشي شيلها من مرتو واولادو الزين قال انا ما حاقعد بيناتكم كداا كل واحد فيكم يرسلني للتااني الزين طلع من عند ايمان ورسل ليهو كم نفر يسألو من فريد ومنو ممكن يكون نقطة ضعفو غير سماا ورجع مزرعتو طلع مسدسو وملا الخزنه بتاعتو وطلع من المزرعه..
نهاية الحلقه الحاديه والثلاثون..
قراءة ممتعه💜🥀
*فتاة ذابلة🥀*
*#بقلم المبدعين سارة وعبير ولمياء وصديق*
(31)
بلسان الكاتبة:-
امير وماهر وصلو سما المستشفى وهم واقفين تلفون امير ضرب كان الدكتور قال ليهو رسلتا للممرض لفريد بس واقف قدام الباب من زمن طويلل ومافي زول فتح ليهو امير ضرب يدو بوشو وقال راحت علي قال خلاص انا بحلها وقفل التلفون ماهر سألو امير قال ليهو فريد براهو في البيت والممرض ماقادر يدخل ماعارف اعمل شنو ماهر قال ليهو امشي لفريد وانا حاقعد مع سماا لغاية ماتصحى امير قال ليهو خلي بالك منهاا ومشاا ماهر سأل الدكتور اذا بيقدر يدخل لسماا الدكتور سمح ليهو وقال ليهو انهارت من الخوف ركبو ليها درب بس ماهر دخل ليها قعد معاها الشرطه قبضت محمد والزين وودتهم القسم محمد عمل مكالمة اتصل باشرف والزين اتصل بالمحامي الزين عاين لمحمد وقال ليهو حيجيني المحامي حقي وحاطلع الباقي عليك انت محمد قال ليهو اصلاا انا ما عايز اطلع بس انت القى ليك طريقه شيل قروشك من فريد الانسان دا بيقدر يكفي ليك ديونك بعد مساافه جا اشرف قال لمحمد لو القصه كانت معكوسه يعني انا الفي السجن كنتا انت طلعتني بس انا مابقدر اطلعك جا محامي الزين اوراق وقروش رشوة وامور شوية وطلعو الزين من السجن ومحمد كتب ليهو عنوان فريد ورقمو عشان يمشي ليهو وامير وصل فتح الباب ودخل مع الممرض لقو فريد واقع ومتألم امير والممرض جو جاارين سندو ورفعو في الكرسي المتحرك بتاعو الممرض سأل فريد اذا حاسي بحركه في رجلينو وفريد قال لاا فريد عاين لامير وسألو من سما وامير حكا ليهو الحصلل فريد قال ليهو وسما كيف والحيوانات ديل اسي في السجن صح امير قال ليهو في السجن اي وسما كوويسة ومعاها ماهر اول ماتصحا حيجو قريب المغرب كداا ماهر جاا مع سما وكانت ساكته سااي اول ماشافت فريد جاتو وبقت تبكي قال ليها خلاص اهدي انتي كوويسة وانا امير معااك مافي شي ماهر قال ليهو انت وامير طيب وزوج المستقبل دا مالك ماحاسبو🌚امير قال ليهو ياتو زوج مستقبل دا وجا قعد جنب سما وضماها عليهو واعتذر منهاا لانو كان بعاملها ببرود الفترة الفاتت قالت ليهو مامشكله انت اخوي امير عاين لماهر وقال ليهو سما اختنا الصغيره ومابتعرف شي عن امور الدنيا ومشاغلاها يعني كان لازم نقعد معاها ونفهمها او بلاصح الشغله دي شغلة امي بس امي عاين لسما وسكت ماهر قال ليهو مامشكله امي موجوده بتعلمها اي شي وبعدين امي بتحب سماا فريد قال ليهو صح ااي
___
على لسان سوزان:-
مشيت لزاهر صاحب ماهر طبعا لمن شافني استغرب قال لي سوزان؟ خير ان شاااءالله قلتا ليهو ماهر ماعندك عايزه اتكلم معاه زاهر قال لي بطلي التصرفات دي ياسوزان وخلي ماهر في حالو وماهر مامعاي ود الناس دا خلاص نساااك وعايز يبدا حياة جديده مع انسانه جديده وحيشارك في مسابقه معرض في باريس واذا فاز حيبقى اسمو عالمي وحينجز كتيير في حياتو خلي في حالو يا سوزان وانتي كمااان عيشي حياتك سكتا مساافة وبعدين قلتا ليهو تمااام وطلعتا ضربتا لاشرف قلتا ليهو نتلاقى قال لي ضروري قلتا ليهو اي رسلتا ليهو الموقع ومشيت انتظرتو قصاااد بحر توتي وطبعاا الدنيا ضلمت بعد مساافة طويلة شفتو جاي علي قلتا ليهو اتأخرتا قال لي المهم جيت في النهاية احكي في شنو قلتا ليهو ماهر بجهز نفسو عشان يشارك في مسابقه في باريس واذا فاز فيها حيبقى مشهور اشرف بعاين لي نظرات زول مامهتم قال لي اها وانا اعمل شنو مافهمتا قلتا ليهو كيف يعني قال لي والله ياسوزان انا مابهمني اذا ماهر وسما اتزوجو مابهمني اذا ماهر شارك في مسابقه ونجح فيهاا مابتهمني الامور دي كل البهمني القروش قلتا ليهو انا بديك قدر ماداير بقا يعاين لي قال لي انا بالجد مافاهمك واحده حلوة زيك شغل وشغاله وعندها بيت حلو وامورها تمام سبب واحد يخليك متلصقه في الود الماعندو شغل ثابت دا ماااف واحد كل يومين مصيبه بالجد انتي غريبه قلتا ليهو انت ماتهتما بلامور دي عايز قروش انا بديك المهم ماهر مايقدر يشارك في المسابقه قال لي وامنعو كيف يعني قلتا ليهو حتعرف تمنعو زي ما حرقتا معرضو بتقدر تحرق لوحتو كمان عندك خبره في الموضوع ما لازم انا اعلمك اشرف جرا نفسو وعاين لي
____
على لسان فريد:-
الصباااح امير جا متجنصص ومتعطر قلتا ليهو خير السماحه والاناقه دي عشان شنو قال لي ماشي السوق سما جات لمن شافتو ابتسمت قالت ليهو دا كلو عشان سوق قال لينا والله ياجماعه ماشي السوق طلع ونحنا بنضحك فيهو ريحة عطرو واصله السما ويقول ماشي السوق شوية والباب دقا سما مشت تفتح اول مافتحت الباب بقت ترجف وجات ادست وراي استغربتا تصرفها قلتا ليها دا منو؟ قالت لي وهي بترجف دا دا الخطفني بقيت اعاين ليهو وانا غضبان وهو مبتسم ابتسامة غريبه وجاا داخل قال لي ماعايز شي غير قرو قبل ما يتم جملتو جاتو رفسه من ورا جا واقع تحت رجليني بس شفتا امير واقف كفكف يدين القميص ورفع راس الزول داك وقال ليهو انت كيف طلعتا من السجن عليك الله واحد عجوز ومهرهر زيك وباقي ليهو كم جمعه ويفارقناا غلط منو
عايزه ترجعي لاخوك فريد بتصل عليهو اسي وانتي حتتكلمي معاهو وتطلبي منو يحول مبلغ معين لرقم الحساب الحامليكي ليهو مديت ليها التلفون كداا فجااءة البت تعبت وبقت تجر نفسها بصعوبه انا والزين عاينا لبعض واتخلعناا قلنا بس ماتموت الزين قال لي هوي مابهمني كن ماتت اديني رقم الزول دا انا بتفاااهم معااه شال تلفوني طلعتا ليهو رقم فريد وطلع بره وانا بقيت اعاين لسما الحالتها كل ما ليها ماشه اسوء لغااية ماغمرت ودمعتها في عينها وانا بس واقف بعاااين ليها وما عارف في اللحظه ديك حسيت بشنو دي اختي ابونا واحد اختي من ابوي معقولا انا اعمل في اختي كداا بقيت واقف بعااين ليهاا وماقادر اتحرك
_____
على لسان الكاتبة:-
فريد في البيت قاعد متوتر تلفونو اتصل في التربيزه قدامو رقم غريب طوالي ردا قال لي بدون كلااام كتيير لو عايز تشوف اختك حول لي نص مليااار على رقم الحساب الحارسلو ليك فريد قال ليهو كل القروش العايزها حتصلك بس سما وين وهي كيف البت عندها سكري وعندها حقنه لازم تاخدها حرام عليك قال ليهو ماتملاني فااارغ اختك كوويسة حول القروش وحتصلك اما اذا ما عايز اختك فدا قبل مايتم جملتو فريد قال ليهو رسل رقم الحساب الزين قال ليهو شاطر وقفل الخط فريد اتصل على امير وحكا ليهو بالمكالمه امير قال ليهو ماتحول ليهو ولا جنيه يا فريد انا حالقى سماا قلتا ليهو جنيت يا امير يعني القروش اهما من سما القروش كلها على بعضها مابتهمني امير قال ليهو حريقه في القروش الهاماهو منو بس انا قربتا القى سما يافريد عليك الله يا اخوي انت بس خلي ثقتك فيني كبيره وماتستعجل تمام. فريد سكت بهناك امير ومااهر طلعو من المحكمه ماهر قال ليهو طلع واحد كذاااب وهو مافي المحكمه امير رجع لفريد وطلب منو يرسل ليهو الرقم الاتصل ليهو فريد رسلو طوالي امير وماهر مش. لصاحب فريد الشغال في المخابرات وطلبو منو عنوان الرقم قال ليهم الا باذن من الشرطه بس لانكم اخ فريد وصحبو الموضوع هنا استثناااء فريد ساعدني كتييير واسي اكييد ما حابخل عليكم بقا يبحث عن موقع الرقم وماهر ماشي وجااي في المكتب وامير بهز في رجلينو ومتوتر بعد مسااافة نص سااااعة قال ليهم لقيتو امير قال ليهو لقيتو بالجد قال ليهو اي مزرعه بعيده شوية بس بنصحكم تبلغو الشرطه امير قال ليهو كلمهم انت نحنا ماعندنا وقت والحقوناا شالو العنوان وطلعو بهنااك باب بيت ناس فريد قعد يدق ففريد حاول يقوم من الكرسي بس ماقدر وبسبب حركتو الكتير جا وقع اتألم شدييد وماقدر يتحرك 💔 الزين جا داخل لقا محمد في وقفتو ديك قال ليهو مرت نص سااعه وللان الزول دا ماحاول شكلها اختو مابتهمو زي ماقلتاا ماصحت للان دي وصحي سمعتو قال عندها سكري شكلها عشان كدا غمرت المهم رشها بموية احتمال تصحى محمد مااتحرك جا الزين بقا يهز فيهو قال ليهو هوي مالك محمد عاين ليهو وقال ليهو دي اختي بقا يردد فيها زي الجناا دي اختي دي اختي والزين بعاين ليهو لزاهو طلعو وقفل سما جوه وقال ليهو اسمعني هناا دي اخر فرصة ليك عشااان ترتاحو من قصة الدين العليكم اوعكك تتأثر حتى لو كانت اختك الله اعلم بسبب ابوك في كم اخ عندك لسة محمد دنقر راسو وسكت امير ومااهر جايين على المزرعه وماهر هو السايق كان طاااااير بالعربيه دي طيراااان لمن مطلعه غبااار ورااهم وهو بيقول حنلحقها ما حيجيهاا شي سمااا حتكون كوويسة امير قال ليهو اصلا لو زول هبشهاا حتى ولو بالغلط ما حيصبح عليهو يوم بكرا كانو ماااشين سررريع وبهناك الزين قال طالما الزول دا ماصدق تهدديدي خليني اعمل حاجه تخوفو وتخليه يعيد النظر في الموضوع كان داخل على سما مسكو محمد قال ليهو بصوت راجف: خ خ خليها اكييد حيرسل ليك القروش ما بضحي باختو هو الزين عاين ليهو وسكت خلال نظرة الزين لمحمد جااات عربية طااايرة ووقفت قدااامهم نزلو منها امير ومااهر كل واحد فيهم استلم زول وبقو يضربو فيهو امير ماسك محمد وبقول ليهو اختي وين محمد اشر ليهو على الحصيره امير جرا على الحصيره لقاها مقفولة ماهر شال المفتاااح من الزين بعد ماضربو كوويس وفتحو الباب شافو سما غمرانه جوها جارين الاتنين امير رقدها في رجلينو وحاول يصحيهااا ماهر قال ليهو لازم نوديها المستشفى امير شال سما وطلعو بيهاا ركبها ورا وركب معاها ختا راسها في رجلينو وبقا يحاول يصحي فيهاا وماهر ساايق طلعتهم من المزرعه الشرطه جاات داخله..
نهاية الحلقه الثلاثون
قراءة ممتعه💜🥀