4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
گوڵم!
بە چاوی پڕ لە خەم قسەم لەگەڵ مەکە
کە دێمی دڵ،
لەمێژە چاوەڕوانی نم‌نمی بزەی دەمی جوانتە
گوڵی پەڕیوەڕەنگی خیزەڵێنی گیانی تاسەبار،
شنەی بەهارەکەم!
چاوەڕێی وتە و دوانتە...
"عەلی حەسەنیانی (هاوار)"
@hoday_sher
@hoday_sher
Читать полностью…
🌿💫
گەر دەمزانی
دووریت ئاوا سەخت و تاڵە،
گشت ساتێکی ئەو ڕۆژانەم
لە گوێ ڕووباری نیگاتا دەبردە سەر
شاخی بیرەوەریکانم
بە چەخماخەی بزەی سەر لێوت دەسووتاند
گەر دەمزانی
شەوی دووریت وا تاریکە،
لە تریفەی نیگاکانت،
چەپکێکی زەردم دەچنی
ئەی کچەکەی ڕەنگ پەمەیی
دەنگ پەمەیی
لێم مەپرسە بۆ ناتوانم
شێعرێکی ئاڵت بۆ بڵێم
لێم مەپرسە بۆ ناتوانم
شێعرێکی کاڵت بۆ بڵێم
لە دووریتا
مەلی دەنگبێژی هۆنراوەم
باڵەفڕێ لە بیر دەکا و
لە پەل‌وپۆ دەکەوێ...
"فەرهاد شاکەلی"
@hoday_sher
@hoday_sher
Читать полностью…
🌿💫
عەروز بە زمانێکی سادە
کتێبێک سەبارەت بە کێش و وەزنی شێعری کلاسیکی کوردی
لە نووسینی کاک موستەفا هووشیار خەڵاتی کتێبخانەکانی نیشتمان کرا
ئەو کەسانەی هۆگری فەنی ئەدبیاتی کوردین تکایە پچن بۆ ئەو نیشانیەی خوارەوە لەوێ ئەو کتێبە بە نرخە بە قیمەتی باش و گونجاو بسێنن
👇👇👇
شوێن: بۆکان، فەلەکەی مادەر، شاری کتێبی ئازادی
بەرپرسی کتێبخانە ئازادی بۆکان
محمد یاری
09035712533
04446260810
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
من هەڵکەنراوم و هەنووکه بێ رەگم، نا.. من هەرگیزا و هەرگیز ڕەگوریشەم نەبووە، هیچ سەردەمێکم بیر نایه هەستم کردبێت ڕەگەکانم له خاکێکدا چەقیون، که مرۆڤ هەمیشه له سەفەردا بوو، سەفەر به ناوەوەی خۆتدا یان سەفەر له دەرەوەڕا هەر سەفەره، بی ئۆقرەیی و جێ به خۆ نەگرتن و له مۆلەق مانەوه چییه بێجگەله سەفەر، هەستێکی کوشنده بەوەی که له نێوان زەوی و ئاسماندا هەڵواسراوم.....
"شێرزاد حەسەن"
له "دوا شەوی دابەزینی عیسا" دا
@hoday_sher
@hoday_sher
Читать полностью…
🌿💫
کە من تەنیا جارێک بژیم،
هەم تۆم خۆش دەوێ، هەم ئەویش
کە من تەنیا جارێک بژیم،
نە تیشکی ڕۆژ دەتۆرێنم،
نە تریفەی مانگەشەویش
ئەگەر دوو جار ژیابام،
خۆشەویستم هەر تۆ دەبووی لە مەیانا
لەوی تردا،
ئەوم دەکرد بە تاقانە
بەڵام چبکەم؟
کە من تەنیا جارێک بژیم،
چارەم نییە،
هەم تۆم خۆش دەوێ،
هەم ئەویش
هەم تیشکی ڕۆژ دەپەرەستم،
هەم تریفەی مانگەشەویش ...
"عەبدوڵڵا پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher
@hoday_sher
Читать полностью…
🌿💫
کچه شوانێ،
ئەچوو بۆ جێگەی ژوانێ
له ڕێگه، چڵه نێرگزێ،
وتی جوانێ،
تکا ناکەی له مەمانێ،
دەستم بگرێ و
بمبا بۆ لای کوڕه شوانێ؟
مەمکی قوتی تورت و سپی
سەری له باخی کراسی کرێشەوه،
برده دەرێ
وتی وەره،
بەڵام با گوند پێ نەزانێ
ڕۆژی دوایی، نێرگزەجاڕ
خۆشەویستی کچەشوانی
کرد به چەپک و
لەگەڵ دەنگی "ماملێ" دا
ناردی بۆ شار ...
"شێرکۆ بێکەس"
@hoday_sher
🌿💫
ئەی گەورە کچی زەووس
خوشکە جوانەکەی ڤێنووس
تۆ ئەپەرستم،
بۆیە وا مەستم
بۆ ئایینم ئەگەڕێ ھەندێ کەس،
با جاڕ بدرێ:
تۆیت و بەس
قیبلەی ئایین و باوەڕم،
خوای بەھەشتی دڵی تەڕم ...
"گۆران"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
خـاڵ و لێوی چـۆنه داخـوا، هـێنده جــووتن پێکەوه
وەک بزانم ورده ڕازێکیان وەکوو هاودەم هـەیه
"هێدی"
@hoday_sher
🌿💫
لە پێناو خەیاڵێکی هەورین
کە تریفەی چاوەکانی تۆ لە ئەو دەچێ
خۆشم دەوێی
لە پێناو وەهمێکی سەوز
کە خۆشەویستی و ئەوینی تۆ لە ئەو دەچێ
خۆشم دەوێی
لە پێناو جوانییەکی هەمیشەیی
کە تۆ لە ئەوت خواردووەتەوە و
هەر بە ئەویشی دەبەخشیتەوە
خۆشم دەوێی...
"فەرهاد پیرباڵ"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
زۆر هەوڵم دا، وەلێ نەمتوانی
عەشقت وەک باوەشێک چیلکە،
بخەمە چاوی ئاگرەوە
وەک کوختێک وەنەوشە،
ڕادەستی تۆفانی بکەم
وەک پەپوولە پاییزە
بیدەم بە باڵی ڕەشەبا...
"قوباد جەلیزادە"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
مرۆڤ هەست به قورسایی جەستەی خۆی ناکا، بەڵام کاتێک ئامێر و کەلوپەلی تر دەجووڵێنێتەوه، هەست به قورسایی ئەوان دەکا. هەروەها ئاگاداری کەم و کورتی و ناحەزییەکانی خۆی نییه، بەڵکوو کەم و کورتی و ناحەزی کەسانی تر دەبینێ. بەڵام چاکەی ئەو بابەته ئەوەیه که کەسانی تر بۆ هەر کەسێک وەک ئاوێنەیەکن که لەودا هەموو جۆره ناحەزی و کەم و کورتی و بێ ئەدەبی و تایبەتمەندی خراپەکانی خۆی دەتوانێ به ئاشکرایی ببینێ.
"ئارتوور شۆپێنهاوێر"
@hoday_sher
🌿💫
ڕازێک لە ژیانی ئەدەبیم!
من؛ وەکوو نووسەرێکی ناوداری ئەم وڵاتە، خاوەنی چەندین ئاسەواری ئەدەبیم. چەندین جار لایەنگرانم ڕێزیان گرتووە لە چالاکی ئەدەبی و کەلتووری "من". بەڵام ئەمڕۆ پێویستە ڕازێکتان لەلا بدرکێنم کە سی ساڵە لە دڵی خۆمدا ڕامگرتووە و خۆمیش نازانم چۆن هەتا ئێستا نەمهێشتووە ژن و منداڵ و دۆستانی نزیکم پێی بزانن.
ڕازەکە ئەوەیە کە سی ساڵ بەرلە ئێستا، بووم بە ئەندامی دەستەی نووسەرانی ئەم گۆڤارەی کە ئەمڕۆ ئێوە خاوەنین. زۆر حەزم دەکرد ببم بە کەسێک وەکوو نووسەرە مەزنەکان کە خەڵک هەمیشە بە حورمەتەوە ناویان دێنن. بەڵام هەر زوو بۆم دەرکەوت کە من پیاوی ئەو ڕێگا نیم. ئەو کارە، خوێندەواری دەوێ، شەونخوونی دەوێ، هەستی جوان و بوێری و ئامانجی بەرزی دەوێ. دەبێ قازانجی خەڵک لە بەرچاو بگریت... بۆیە تەنیا، کارم بوو بە نووسینی هەواڵ سەبارەت بە گەندەڵەدزی و ڕووداوی هاتوچوو و چەن شتی کەم بایەخ.
بە هۆی کار لە گۆڤار لە گەڵ کابرایەک بووین بە ناسیار. ڕۆژێک ئەو کابرا پێشنیارێکی سەیری هێنا ئاراوە! دەیگوت من تەنیا حەزم لە پارەو ماڵی دنیایە. زانیومە ئەتۆش زۆر بێزووی(مەگیرانی) شۆرەت و ناوبانگ دەکەی. من بابەتت بۆ دەنووسم، تۆش لە گۆڤارەکەتان بە ناو و وێنەی خۆتەوە بڵاوی بکەرەوە. لە سەدا هەشتای داهاتی ئەو نووسراوانە بۆ من بێت، ناوبانگ و دانیشتن لە ڕیزی پێشەوەی کونفرانس و کۆبوونەوەکانیش بۆ تۆ.
وتم جا ئەگەر خەڵک بەو کەینوبەینە بزانن دەمانکەن بە پەندی عاڵەم. وتی خەڵک زۆر لەوە شوورەییتریان دی و هیچ نەقەوما. وتم ئەی باری ئەخلاقیەکەی؟ وتی:کام ئەخلاق؟ ئەمڕۆ کەس ناوێرێ بەرهەمی خۆی بداتە دەستی فڵانە مامۆستای ناودار، خێرا بە ناوی خۆیەوە بڵاوی دەکاتەوە. فیسارە مامۆستا بە دەستی قوتابیان و فێرخوازان بابەتی زۆر کۆ دەکاتەوە و دواییش دەیکاتە موڵکی خۆی. بە هیچ شێوازێک نایەڵن کەس سەر دەربێنێ نەوەک لە خۆیان سەرتر بێت و لەوەش ناشیرینتر... دەی خۆ من و تۆ نە بەرهەمی ڕەنجی خەڵک دەدزین، نە بەر بە پێشکەوتنی خاوەن بەهرەکان دەگرین ونە... من تەنیا قەڵەمی خۆمم بە تۆ فرۆشتووە و نرخەکەشی دیارە. ڕاستیەکەت دەوێت، من نامەوێ وەکوو ئەوانە بم کە وتیان هونەرو قەڵەم بۆ فرۆش نابێت. کەچی لە دوایی، بۆ خەرجی ماڵەوە بە ناچاری وڵک و گورچیلەی خۆیان دەفرۆشت.
ئاخری ڕێکەوتین. خودا حەقە، جگە لە من قەت بۆ کەسی دیکەی نەنووسی. کارمان لە برەودا بوو. وای لێهاتبوو دەمگوت فڵانە شت وا بنووسە، خەڵک وایان پێخۆشە. چاوەڕوان بووین، با لە کام لاوە دێت بەو بارەدا شەنمان دەکرد. لە کۆڕ و کۆبوونەوەکاندا، کوڕان و کچانی ساکار و دڵپاک، شانی منیان ماچ دەکرد و مامۆستا، مامۆستا دەکەوتنە شوێنم کە پشتی وێنەیەکی خۆمیان بۆ واژۆ بکەم. لەو لاش کابرای نووسەر پارە لە سەر پارە، وای لێهاتبوو، شای بە گاوان نەدەگرت. سی ساڵمان بەو شێوە ڕابوارد. تووشی کێشەی وا نەهاتم. چەند جارێک بیستم کە خەڵک دەڵێن ئەم کابرایە هەر پارە کۆ دەکاتەوە و دەیشارێتەوە. بۆیە خۆم کرد بە خێرخواز و بەو شێوە ئەوەشم پینە کرد. لە هەر شوێنێک پێویست بە قسەکردن بوو، لە باتی قسەی بەڵگەمەندو ئاکادمیک، دەمکرد بە بەزمی درووشمدان، هاوڕێ لەگەڵ چەند وەشەی بێگانە کە خۆمیش ماناکەیانم نەدەزانی. دەمگوت ئێمەش وەکوو ئەدەبی ڕووس و فەرانسە پێویستمان بە ڕەوتێکی ئەدەبیە و من هەوڵی بنەڕەتی دەدەم کە گەورەیی زمان و هونەری ڕەسەنی خۆمان بە دنیا بسەلمێنم و... بەڵام دیارە کەسێک کە کەلتوور و هونەر و زمانی خۆی ناکاتە بناغەی کار و لە پێش چاوی سووکە، هیچ قسەشی بۆ دنیا نیە...
بەڵام ئێستا تووشی کێشەیەکی ڕاستەقینە هاتووم. کابرای نووسەر دەڵێ من سێ بووکم لە ماڵە، خەرجمان زۆرە. ئیستەرەم، پارەی زۆرتر. هیچ هەڕەشەو گوڕەشەش ناکات. تەنیا شاخی کردووە و هیچ نانووسێت. بەو مانگرتنەی، ناوبانگی من تووشی مەترسی هاتووە. منیش تەنیا تاریفی خەڵکم بۆ ماوەتەوە، جا ئەگەر با لەم کونەوە بێت ئەوەش نامێنێت.
ئێستا بەڕێزتان کە خاوەنی ئەو گۆڤارەن، ئاگادار بوون کە من چۆن نووسەرێکم. بەڵام ئەوەش بزانن کە ئەو نووسراوانە، ئامیان(هەوێن) و ئامێژەنی گۆڤارەکەتانە. جا قسە هەزارە، یەکی بەکارە. تکایە پارەیێک بە ناوی قەرز و فەرز یان خەڵات و بەرات یان هەرناوێک پێتان خۆشە دابین بفەرموون. هەم ناوەکەی من با نایبا و هەم فرۆشی ئێوەش بەردەوامە.
دینۆ بۆتزاتی_ئیتالیا/(محسن ابراهیم)
خوێنەری بەڕێز؛
قەڵەمی بەرز و هونەری ڕاستەقینە ناوبانگیش دێنێ. نە دەبێت و نە دەکرێت بەری پێبگرین. ئەگەر وابکەین لە ڕاستیدا بەهرەکان دەفەوتێنین. بەڵام ئامانجی ئەدەب و هونەر، بەرزی بیری ئینسانیە، نەک پارە و ناوبانگ.
زۆر پێویستمان بە سیستمەکی پەروەردە هەیە هەم بەر بە فەوتانی بەهرەکان بگرێت و هەم شارەزامان بکات کە ڕێگا نەدەین هەرکە بێت و بە درۆ و دەلەسە یان خۆ ڕووتکردنەوە، یان.. ببێت بە خاوەنی ئەدەب و هونەری وڵاتەکەمان...
عیسا ئەحمەدی١٤٠٣/٠٣/٢١
@hoday_sher
🌿💫
بۆ پڕیشکێکی چاوی تۆ،
ڕقی شەوەزەنگم هەستان
بۆ سروەیەکی دەنگی تۆ،
ڕەشەبای مەرگم ورووژان...
"شێرکۆ بێکەس"
@hoday_sher
🌿💫
ڕۆژ باش هاوڕێیانی ئازیز
@hoday_sher
@hoday_sher
Читать полностью…
🌿💫
بۆنی پرچی باراناویت،
شەوەکەی گوڵاوپڕژێن کرد
ماچم کردی و هەموو گیانم،
نوقمی ڕووناکی و گوڵاو بوو
گەر بیرت بێ،
له هۆش خۆم چووم
مانگ له نێو زیندانی هەورا،
بەرەڵا بوو ...
"ڕەفیق سابیر"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
دەزانی، جوانی له ڕاستیدا هیچ پەیوەندییەکی به سیما و قیافەوه نییه. به ڕەنگی زولف، قەباره و پێوانه یا شکڵیش نییه.
جوانی پەیوەندی به شێوەی هەنگاو هەڵێنانەوه، قسەکردن و بیرکردنەوەی مرۆڤەوه هەیه. جوانی ئەوەیه که ڕێک ڕاوەستی، ڕاستەوخۆ چاو له چاوی خەڵک بکەی، خەندەیەکی کوشندەیان ڕەوانه بکەی و پێیان بڵێی: " بڕۆ ون به، من بێ وێنەم".
"ژوان هەریس"
@hoday_sher
@hoday_sher
Читать полностью…
🌿💫
یەهوودی و مەسیحی و موسوڵمانێک هاوڕێ بوون. له ڕێگەدا حەڵوایەکیان دۆزییەوه. گوتیان : "ئێستا بێ وەخته، سبەی دەیخۆین و ئەوەش کەمه، با بەیانی ئەو کەسە بیخوا که خەونێکی خۆشتری دیتبێ". مەبەستیان ئەوه بوو که بەشی موسوڵمانەکه نەدەن.
کابرای موسوڵمان نیوەشەو له خەو هەستا و هەموو حەڵواکەی خوارد.
بەری بەیانی کابرای مەسیحی گوتی: "دوێ شەو عیسا هاته خەونم هەڵکێشام بۆ ئاسمان".
یەهوودی گوتی : "دوێ شەو مووسا هات له خەونمەوه و تەواوی بەهەشتی نیشان دام".
موسوڵمان گوتی : "موحەممەد هات و پێی گوتم ئەی چارەڕەش، یەکیان له هاوڕێکانتی عیسا برده ئاسمانی چوارەم، ئەوی تریش مووسا بردییه سەیری بەهەشت، ئەتۆی بێبەشی بێچارەش هەسته ئەو حەڵوایەی بخۆ. ئەوکات منیش هەستام و حەڵواکەم خوارد".
گوتیان وەڵڵا که خەون ئەوه بوو که تۆ دیتت، ئەوەی ئێمه هەموو خەیاڵ بوو و بەتاڵ.
"فیهێ ما فیهێ، مەولانا جەلالەددینی بەلخی (مەولەوی)"
@hoday_sher
🌿💫
شاخ وتی،
شۆڕش ڕووبارە
جارێ تیژ و جارێ خاو و،
هەندێ جاریش بێ بوارە
ڕووبار وتی،
شۆڕش شاخە
جارێ لوتکە و جارێ گەورە و،
هەندێ جاریش بن بنارە
درەخت وتی،
شۆڕش وەکوو دارستانە
جارێ ڕووتە و جارێ وشکە و
هەندێ جاریش چڕستانە
ئەمجارەیان زەمین وتی،
دە بڵێن شۆڕش ژیانە
وەک سەری من چۆن بە دەوری،
چاوی خۆردا ئەخولێتەوە،
سەری ئەویش وا بە دەوری،
چاوی گەلدا ئەخولێتەوە و،
ئەوەی لە کەسمان ڕوو نەدا،
نەوەستانە ...
"شێرکۆ بێکەس"
@hoday_sher