4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
کە ئاوێنەى دڵم شکا
بەدەستى تۆ کەوتە خوارێ
وەکو گەڵا کە چۆن باڕەش
ئەیوەرێنێ لە بن دارێ
شەپۆلانى تاڤگەى یادم
چۆن لە دڵتا خامۆش ئەکەى
لەناو دەریاى یادەکانما
بۆ کەنارێک شەپۆل ئەدەى
"ئەحمەد محەممەد"
@hoday_sher
🌿💫
ڕۆژ باش هاوڕێیانی ئازیز، هەینیتان پڕ لە خۆشی و شادی بێت.
@hoday_sher
🌿💫
وەرەوە با بەجووت بڕۆین
من ئەمەوێ،
تۆ شاژنی ئەرخەوانیی،
خۆرنشین بی و
منیش وشەی گڕ تێ بەربووی،
ئەم دیدارە ...
"شێرکۆ بێکەس"
@hoday_sher
🌿💫
بەیان ئەنگوت و شەو ڕابوورد و
من هێشتا خەوم نایە
دەخوێنن بولبول و قومری
بەڵام قاسپەی کەوم نایە
خەیاڵ دەمباتە جێژوانی
شەوانی لاوەتیم، ئەمما
خرینگەی بازن و خڕخاڵ و
بەرمووری ئەوم نایە!
مامۆستا "هێمن"
@hoday_sher
🌿💫
"مەزهەر خالقی"
ڕەشماڵی خێلان
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
وەکوو کێڵگەی هەژاری دێمەکارێ
بەجێ ماوم لە تەنیایی بنارێ
نە ئاگر دێتە فریام و ڕەها بم
نە هەورێک دێ بەسەر مندا ببارێ
"ناسر حیسامی"
@hoday_sher
🌿💫
ئەرێ ئەی بە زولف و ڕوخسار سەنەمی چین ماهی تابم
دەمەکە و خەندەکە و نیگاهت نەمەک و مەزەی شەڕابم
من لەبەر نیگاهت بمرم، تۆ سەری غەمزەکەی جەلابم
بڵێ پێم گوڵەکەی بەهاری لە تۆ تا بە کەی جودا بم؟
وەرەوە، بە شەرتی جاران، ڕۆژی سەد جارت فیدا بم
لە وێرانەی دڵی شێواوم شین و واوەیلایە و ڕۆڕۆ
ئاورێک بەربۆتە هەناوم دێتە دەر لە هەناسەم بۆ سۆ
بووم بە ئەفسانەی وڵاتان: شار بە شار، ماڵ بە ماڵ، کۆ بە کۆ
خاڵی چاوت، گۆشەی ئەبرۆ، دوو دینیان کردم لەسەر تۆ
یان بمکە پیری مەیخانە، یا موریدی خانەقات بم
ڕووحەکەم ڕووی خۆت بنوێنە، تا بە کەی کوشتەی نازت بم؟
دەمەکەت بە تەکەللوم بێنە، تا نەمردووم هەمڕازت بم
جارێک بە کەرەم بمدوێنە بە فدای دەنگ و ئاوازت بم
مەیلی ئەبرۆی تۆ قەد نانێم غەمزەدەی چاوەکەی بازت بم
من کە هات و قیبلەم گۆڕی، یا خوا کافر بێ جەلابم!
@hoday_sher
🌿💫
خەو بەسیه، بەیانه، هەسته چاوکاڵی شەپاڵ
گفتێکی شیرین بکه مەزەی بادەی تاڵ
کـاروانی ژیان دەئـاژوێ ڕوو به نەمان
هاکا من و تۆش دەبینەوه خەون و خەیاڵ
"هەژار، له چوارینەکانی خەییام"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
لە پەنجەرەی ژوورەکەم بە
با دەرگاکەت بۆ واڵا کەم
چاو دامەخە فوو لە چرای سۆمات مەکە
نەک پێ بەسەر دڵما بنێی
دەستت بێنە ئەو جیهانە
جەنگەڵستانێکی چڕە
خوا نەکردە نەک لە غەریبیدا بمرین
با گوێ لە خەمی یەک بگرین
قوربانت بم دە پێ بکەنە
تا خونچەی لێوت ببینم
کە ئەپشکوێ، تا هەنگی ناوم ببینم
لە پەڕەی لێوتەوە ئەفڕێ
گوڵە بەفرینەکەی دڵم
دەستت بێنەرە ناو دەستم
تا ئاوازی گۆرانی تەمەن نەشێوێ
تا بولبل چڵ جێ نەهێڵێ
دەستت بێنە خۆت زیز مەکە
لەرزە کەمەر تێ مەپەڕە
لەهەر کوێ بی، ئەتدۆزمەوە چونکە بۆنی
سنەوبەری تەڕت لێ دێ
"هيوا قادر"
@hoday_sher
🌿💫
کەسانی بچووک
بیر لە کەسانی گەورە دەکەنەوە
و کەسانی گەورە لە بیرۆکە.
تەنیا بیر لە تۆ دەکەمەوە
ئازیزە بچکۆلانەکەم.
بە تایبەت ئەگەر بیرت لێگەڕێ
بیرۆکەی زۆرم لە سەردایە
یەکەمیان ئەوەیە
جارێکی تر ئاشقت بمەوە.
"عەباس مەعرووفی"
@hoday_sher
🌿💫
شوێنی هەڵگرتنی پارە.
ئەم فەرمایشتەم لە زۆرێک لە ئێوە بیستووە کە: قسەی هەوەڵ و ئاخری کۆمەڵگا، پارە دەیکات. جا ئەگەر وابێت، دیارە پارە توانایی قسە کردنی هەیە!
بەڵێ؛ من ئەو تواناییەم هەیە، بەڵام ڕەنگە بفەرموون ئەتۆ پارەیەکی شڕی و هیچت بۆ گوتن نییە! تکایە وا بیر مەکەنەوە. چوونکا من لەو کاتەوە کە لە چاپ دراوم، دەسبەدەس و ماڵەوماڵم پێ دەکەن. زۆر بیرەوەری و ئەزموونم هەیە. ئەوەندە کە جیاوازی نێوان چاوبرسی و سکبرسی دەزانم. هەم سواڵکەری دەوڵەمەندم دیوە، هەم زانای برسی... منیش بۆم دەرکەوتووە ئەم دنیا بەری بە کوێوەیە. بۆ ڕاست و درۆی قسەکانم، کڵاوی خۆتان بکەن بە قازی، تا عەرزتان بکەم:
کاتێ فرۆشیارێک، من لە نێو دەستی کڕیارێک دەبینێت، ئەگەرچی حەوت پشتی باوکیان لە مزگەوتێک پێکەوە نوێژیان نەکردووە، بەڵام وەها بە گەرموگۆڕییەوە دێتە پێشوازی، دەڵێی کوڕەکەی پاش دوو ساڵ لە سەربازی گەڕاوەتەوە. ئەگەر بۆ پارە نەبێت، بۆ چ شتێکی دیکە بەم چەشنە دەچێتە پێشوازی مرۆڤێکی ترەوە؟
لەگەڵ زۆرێک لە ئیش و کارەکان ناسیارم، بەڵام کەسانێکی وەهاتان هەیە، شەرەف و نیشتمان و هونەر و ویژدانیش هەر بە کاڵا دێتە پێش چاویان و دەیفرۆشن.
زۆر جار دیومە، نەخێرەکانتان بە هۆی منەوە ڕێک بووە بە بەڵێ قوربان...
جارێک لە گیرفانی دزێک قەتیس مابووم، پۆلیسێک لە کۆڵانێکی تەنگەبەر ڕزگاری کردم و من بردە لای پیاوێکی جگەرە فرۆش.
جارێک کابرایەکی گوناحبار ویستی پیاوەتی بکات. بۆیە منی پێشکەش بە بنکەیەکی خێرخوازی کرد. کەچی بەرپرسی ئەو ناوەندە فەرمووی: من لە ئاوی شەو خۆم دەپارێزم، چۆن پارەی وەها گڵاو وەردەگرم؟ گوناحبارەکە منی بردە لای پیاوێک و شەرابی کڕی. لە گیرفانی شەرابفرۆشدا چەندین دراوی کاغەزی دیکەش هەبوون، کە ئەوان لە ماڵی هەمان کابرای خێرومەندەوە هاتبوون.
بەڵام تاڵترین ڕۆژی ژیانم ئەو ڕۆژە بوو کە لەگەڵ لەشی ژنێکدا ئاڵۆگۆڕ کرام. قسمەت نەبوو زۆر لە جانتاکەیدا بمێنمەوە. بۆ شەو کە منی بردەوە بۆ ماڵ، منداڵەکەی هەناسەی زۆر توند بوو. ڕەنگ بە ڕوویەوە نەمابوو. بێهێز داکەوتبوو. بە هەڵەوداوان منی بردە دەواخانە. بەڵام بایەخی من کەمتر لە نرخی دەرمانەکان بوو. لەو حاڵەدا گاوری بۆ موسڵمان دەبوو. زۆر لە کابرا پاڕایەوە تا دەرمانەکەی وەرگرت. کاتێ ڕۆیی، خاوەنی دەواخانەکە گوتی دیارە منداڵەکەی خواردنی باشی نییە، لە ماڵی تەنگ و تاریک دەژین، بەو نیشانانەی کە باسی دەکرد، تووشی ژانەسی بووە (ذات الریه).
دیومە کەسانێک بۆ خاتری من و چەند گەڵای وەکوو من، کڕنووشیان بۆ کەسێک بردووە کە دەبێ بە چوار، پێنج کەس هەوسارەکەی ڕاگیر بکەن. بەڵام ئەگەر هەژارێک سەری ببێتە ژێر لاشەیەوە کەس لێی ناپرسێت.
جاریش بووه بە هۆی مرۆڤێکی خاوەن هەستەوە، دڵی منداڵێک، ڕۆحی نەدارێک، بە من گەشاوەتەوە. ئەوانە هەر ئەو کەسانەن کە بەبێ پارەش هەر دەوڵەمەندن. سەر بە هەر باوەڕێک بن، هەر خاوەن هەستن.
ئەمانەی باسم کرد ئەو شتانەن کە بە چاوی خۆم دیومە. دەنا بۆ جارێک ڕێم کەوتە بانک، پارەی زل، زل کە سەددانە، سەددانە پێکەوە ڕێز کرابوون، شتی وایان لە مرۆڤی ئەم سەردەمە دەگێڕاوە، من لە باتی ئەوان شەرم دەیگرتم.
کەوایە من تاوانبار نیم، کاتێک خۆتان لە ناخی دەرووندا، جێتان بۆ تەرخان کردووم.
ئۆ.هێنڕی١٩٠٥/ علی فامیان.
خوێنەری هێژا؛
لە دنیای ئەمڕۆ پارە لە باتی ئەوەی ئامرازێک بێت بۆ گەیشتن بە ئامانجەکانمان، خۆی لێمان بۆتە ئامانج. بۆیە ئیتر تەنیا باسی کڕین و فرۆشتن نیە. پارە کاریگەری هەیە لە سەر هەموو کەلێن و قوژبنی کۆمەڵگا و جێگای هەموو شتێکی گرتۆتەوە. بۆیە پێشینیانی ئێمە دەیانفەرموو: پارە دەبێت لە نێو دەستان بێت نەک لە نێو دڵان.
عیسا ئەحمەدی١٤٠٣/٠٦/٠٣
@hoday_sher
🌿💫
"میکاییل"
دڵم مەشکێنە
زۆر لەمێژە کە دەمهەوێ
بەیان بکەم دەردی دەروونم
عەشقت بوو بە برووسکەیەک
زامداری کرد دڵی پڕ خوێنم
هەر ئەو زامەش بۆتە خولیام
بۆ ئارامی و شەوانی تەنیام
گریام بۆ خۆم، گریام بۆ تۆ
بۆ ئەو دڵانەی بوونە ڕەنجەڕۆ
هۆ ئازیزم، هۆ دڵەکەم
سوجدە بۆ دار و بەرد ئەبەم
بۆ ئەوەی بە تۆ بگەم
دڵم مەشکێنە
با ئەمڕۆ ڕۆژی یەکەم پێک بدەین بەڵێنی
سووربین نەکەین پەیمان شکێنی
دە با بێبەش نەبین لە دنیای ئەوینی
ئەی یارە ژیکەڵانەکەم
بینایی هەر دوو چاوەکەم
دڵنیا بە هەر پێت دەگەم
دڵم مەشکێنە
هۆ ئازیزم، هۆ دڵەکەم
سوجدە بۆ دار و بەرد ئەبەم
دڵنیا به هەر پێت دەگەم
دڵم مەشکێنە.
@hoday_sher
🌿💫
من گوڵی سەر گۆڕی ئاواتی لەمێژینەم، بەڵام
ڕێژنەیێکم لێ بدا، پێموایە بۆ ڕووان ببمەوە
"مامۆستا هێمن"
@hoday_sher
🌿💫
حەوت شۆڕەسوار
بیرم لەوە دەکردەوە، کاتێ دەستەڵاتی ئەم وڵاتە بگرمە دەست، بۆ خاوەنداریەتی و پێشکەوتن، زۆر پێویستە کە خەڵک و نیشتمانەکەم بناسم.
بۆ ئەم مەبەستە ڕێگایەکی دوور و درێژم گرتە بەر. حەوت پیاوی ئازای سوارچاکم لەگەڵ خۆم خست و بەرەو ڕۆژاوا وەڕێ کەوتم. سەفەرێکی مەترسیدار بوو. پێویست بوو نەناسراو بمێنمەوە. شاربەشار و دێ‌بەدێ دەگەڕام، بە سەرمای شەختەبەندی زستان، قوڕ و لیتەی بەهاران، گەرمای سووتێنەری هاوینان، پەڕینەوە لە ڕووباران، لە ملە و سەریاڵان، خۆپاراستن لە دێو و درنجی ڕێگەوبان، خۆدزینەوە لە دز و جەردە، چەندین جار ڕۆییشتن هەتا هەرێمی مەرگ و نەمان و..... لەبەر مەبەست، بە ناچاری وەکوو مانگای ئاوس هەر خۆم دەپاراست.
ئەو حەوت شۆڕەسوارەم بۆیە تەڵچن کردبوو کە نە من لە نیشتمان بێخەبەر بم و نە نیشتمانیش لە من بێ‌ئاگا بێت. چەند ڕۆژ پاش دەستپێکی سەفەر، یەکم شۆڕەسوارم لەگەڵ نامەیێک بەرەو کۆشکی حکوومەت ناردەوە. ڕامسپارد کە دەنگوباسی وڵاتم بە نامەیێکدا بۆم بێنێتەوە. لە هەر شارێک و دێهاتێک چەند ڕۆژێک گێچکەم دەکرد. ناوە ناوەش سوارێک بە نامەیێکەوە دەهاتەوە. بەو شێوازە هەر حەوتیان هەموو کاتێ بەڕێوە بوون. بەڵام هەتا لە زێد و نیشتمانی خۆم دوورتر دەکەوتمەوە، مەودای هاتنەوەی سوارەکانیش دوورتر دەبوونەوە. وای لێدەهات ئەگەر یەکێکیان دەگەڕاوە، لە نامەیەکی زەرد هەڵگەڕاودا هەواڵی پاری دەهێنا. لەم دوایانەدا وای لێهاتبوو بە بێزەوە سەری نامەکانم هەڵدەپچڕی. هەر هەواڵی کۆن بوون کە لە نامەی شڕ و کۆنەوە، دەهاتن.
بەو شێوەیە هەشت ساڵ و شەش مانگ ڕابرد.
شەوێک لە کاتی گیاڕەشی بەهار، لە بان هەوار، بە دەم سروەی شەماڵ و لەژێر تریفەی مانگەشەو، بیرم لە ڕێگای دوور ودرێژی پشت سەری خۆم دەکردەوە:
هەی یاران! پاش ئەو هەموو ئاوارەییە، دەستکەوتی من بۆ وڵاتم دەبێ چی بێت؟! پاش ئەو هەموو ڕەنج و ئازاری ڕێگایە، بۆ وڵاتم قسەم چی بێت؟! هەتا کەنگێ حەوت شۆڕەسوار ئەسپی غیرەت تاو بدەن و لەخۆبووردوانە هاتوچوو کەن؟
تازە تێگەییم کە ئەم شێوازە ڕوانینە، زین لە بزن کردنە. من دەبوو دوو یان سێ سوارم هەڵبژاردبایە بۆ ئەوەی کە سەردانی نیشتمان بکەن و هەواڵی کۆنم بۆ بێننەوە. باقی سواران پێویست بوو، وەپێش کەون، هەواڵی ڕێگای نادیاری، پێشی خۆمم بۆ بێنن. لە کەند و کۆسپی ڕێگا ئاگادارم بکەن. هەر تەنیا چاو لە ڕابردوو کەڵکی نییە.
بەوەیکە ئاگام لە سبەی بێت، ئەرکی ئەمڕۆم لێ ڕوونتر دەبێت.
ئەم تێگەیشتنە، بۆ نیشتمان دیاریێکی بەنرخ بوو. دەبێ کۆمەڵگا لە دۆڵی کپی ڕابردوو، بەرەو کەژی سەرکەشی داهاتوو پەلکێش بکەین.
دینۆ بوتزاتی، ئیتالیا/محسن ابراهیم
خوێنەری خاوەنبیر!
ئەو شازادەیە لەو سەفەرەدا بۆی دەرکەوت کە دەبێت پلانی دواڕۆژ داڕێژێت، نەک هەر چاوی لە دوێنێ بێت.
"کاروانی ڕابردوو ناتگەیەنێتە هیچ شوێنێک"
بەڵێ ئێمە پێویستمان بە ئاگاداری لە مێژوو هەیە. بۆوەیکە مارێک لە کونێکەوە دووجار پێمانەوە نەدات، بەڵام داهاتوو لە ڕابردوو گرینگترە.
بەناشوکری نەبێت ئێمە خۆ ئاگاداری مێژوویش نین. مێژووی بۆژوومان وا چەواشە کراوە کە هەر نازانین ئێمە کێین؟ بۆیە خەریکن ناودارانمان، هونەرمان و تەنانەت وشەکانیشمان دەدزن.
لە هەموو بوارێکدا ڕوو لە ڕابردووین. بۆ وێنە زۆر بە دەگمەن گۆرانیبێژمان هەیە گۆرانی کوردی هەبێت بۆ ئەمڕۆ. لەگەڵ ڕیزم بۆ ڕۆحی زیرەکی مەزن، ئەوەندە گۆرانیبێژی ئەمڕۆ، "ئەی وەی زارا گیان دیدەم زارا"یان دووپات کردۆتەوە، ڕەنگە لە کونسرتە ئەوروپایییەکاندا وابزانن ئەوە سروودی نەتەوایەتیمانە. کام کچی لادێی ئەمڕۆ گۆزە لەسەرشان دەچێتە کانی؟ تازە کێ لەسەر بەردە بێری دادەنیشێ؟ گۆرانیبێژی ئێمە پێویستە لاوک و حەیران و هۆرە و سیاچەمانە و گۆرانییە ڕەسەنەکان بە دنیا بناسێنن و هاوکات بیکەن بە بەردی بناغە بۆ داهێنانی نوێ.
ئەگەر حەزرەتی نالی باسی دەردی بێتۆیی دەکات، ئەو بە تەواوی لە کورەی هیجردا سووتاوە. تازە زۆر ئەستەمە کەس وەکوو ئەو بتوانێت دەردی بێتۆیی بێنێتەوە. هەروەها لووتکە بەرزەکانی ئەشق و ئەوین وەکوو مەولەوی و مەحوی و وەفایی و... دووپاتکردنەوەی ئەو باسانە، ئەگەر هیچی لێ زیاد نەکەیت، بە کاری چ دێت؟ دەبێ بە شێوازی ئەمڕۆ ئەو باسانە بکرێت
ئەمڕۆ دەبێت سەدان بەیت و ئەفسانەی کوردی، ببێتە فیلم. تازە دیوەخان و بەیتبێژان نەماون. لە دنیای مودێڕن پێویستمان بە سینەما و شانۆی کوردییە. بۆ هەموو بوارەکانی دیکەش هەروا دەبێت مودێڕن بیر بکەینەوە.
عیسا ئەحمەدی١٤٠٣/٠٦/١٤
@hoday_sher
🌿💫
"شوان پەروەر"
کوردم ئەمن
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
مردم و هەرگیز نەگەیمە قیبلەکەی تاقی برۆت
ئاخر ئەی قیبلەی مورادان تا بەکەی ئەم حەسـرەتە؟!
"وەفایی"
@hoday_sher
🌿💫
مامۆستا "حەسەن زیرەک"
ئەرێ هۆ لەیلی
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
تۆ چوویه وڵاتێ که نەبینم ئەسەری تۆ
دوور کەوتی له من تا نەبیسم خەبەری تۆ
ئەی نووری دڵ و قووەتی ئەژنۆم بەسه دووری
ڕووحم وەکوو پەروانه گەڕا دەورووبەری تۆ
"ئاوات"
@hoday_sher
🌿💫
سڵاو هاوڕێیانی هێــژا
هەینیتان بە گەرمی هەتاو، وەک باڵ لێدانی پەلەوەرەکان هێمن و جوان،،،،،
ئەمڕۆتان پڕ لە ئەوین و شادی و بەختەوەری و لێوڕێژ لە نیگای خواوەندی بێ هاوتا...
"كوردستان"
@hoday_sher
🌿💫
غەمگینە دڵی مات و بە چاوت نییە هۆشی
تا ڕوو بە تەمای جەور و جەفا لێمە دەپۆشی
تا دیدە بە دیداری مونیرت نییە ڕەوشەن
وەک کانییەکەی قوڵقوڵەیە قوڵقوڵ و جۆشی
هەر گوڵشەکەری لێوە شەفای دەردی نەخۆشان
سەر بێ بە فیدای کوڵمی گەش و چاوی نەخۆشی
ئەی دڵ بە خەتا کەوتیە چینی سەری زولفی
لەم مارە عەجایب بە تەمای لەززەت و نۆشی
هەروەک مەهی دوو هەفتە لەژێر هەوری سیادا
ئەو دڵبەرە بۆ زینەتی نێو چادری پۆشی
تا زولفی لەسەر ڕوو بە مەسەل هەوری بڵاوە
لەو تاوە دڵم ڕەعدە لەبەر بەرق و خرۆشی
زوححاکە بەبێباکی لە تەخریبی دڵاندا
خوێنخواری گەلێ کردووە ماری سەری دۆشی
هێندەت کوتووە وەعز و لە ئێمەی نییه تەئسیر
ماندووی و دەزانم بە خودا مەعتەلی چۆشی
لۆمەی حەسەنی نەفعی نییە، لابدە واعیز!
عاشق هەموو ئەعزای دڵە، ئەسلەن نییە گۆشی
"سه‌یفولقوزات"
@hoday_sher
🌿💫
ژن پیاوی سەرمایەداری‌ناوێ،
یا پیاوی بالا بەرز
تەنانەت پیاوی شاعیریشی ناوێ!
ژن
پیاوێکی ئەوێ
له‌چاوەکانی تێبگات.
کە بێتاقه‌ت بوو،
ئاماژە بە سینەی بکات و بڵێت؛
ئێرە نیشتیمانی تؤیە!
"نزار قەبانی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
بۆنێکی سەیری هەیە ژن،
دایک بێت، سمڵ و مێخەک
دڵدار بێت، گوڵەباخ
پێشمەرگە بێت، خاکی پیرۆز
ڕەنگێکی سەیری هەیە ژن؛
دایک بێت، سپێدەیی
دڵدار بێت، تریفەیی
پێشمەرگە بێت، هەڵاڵەیی
"فەرەیدوون ئەرشەدی"
@hoday_sher
🌿💫
لەش شتێکە فەرامۆش ناکرێت...گاڵتە بە ترپەی دڵ و گەرمیی خوێن و دەماری پیاو.. مووچڕکی ئافرەت ناکرێت.. خۆشەویستی بە تەنیا ڕۆحانییەت نییە... جوانترین وێنە لەم دونیایەدا جووتبوونی دوو دڵدارە.. دەست لە ملمانێ لەگەڵ ئەو کەسەی خۆشت دەوێت وەک ئەوە وایە گوێ لە پارچەیەک مۆسیقای ناسک بگریت یان سەما بکەیت... یان لە هاویندا مەلە لە ڕووبارێکی ناو شاخان بکەیت...
📕گوڵی ڕەش
"شێرزاد حەسەن"
@hoday_sher