4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
ڕۆژ باش هاوڕێیانی ئازیز
@hoday_sher
🌿💫
"نەجمەدین غوڵامی"
ماچ
_ئارەزوومان بوو به گەڵا و چڵی وشکی بەختی پاییز
ئەی دڵداره تاقانەکەم بەهاریشمان بوو به پاییز..
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
نازدارە بێ نازەکەی سنەی باوان
ئارام بگرە،
شایەد مەرگ حەسانەوە بێت
لە دەرد و ڕەنجی ژیان.
"فەتانە وەلیدی" دەنگە هاوریشمیەکی موسیقای کوردی کۆچی دوایی کرد..(2024_1943)
ڕۆحی شاد بێت.
@hoday_sher
🌿💫
چاوەکانت لە شەقامەکانی قودس ئەچن
ئەوەنە جوانن
هەزاران دووژمن هەوڵی داگیرکردنی ئەدەن ...
"مەحمود دەروێش"
@hoday_sher
🌿💫
"کەماڵ محەممەد"
"سالار مەحموود"
هاوار لە ئێشی زامانم ئەمشەو
ڕەنگینه بەخوێن دامانم ئەمشەو
کوا حەکیم بکا دەرمانم ئەمشەو
وەک(ئەیوب)دیدە گریانم ئەمشەو
زامم بە ئێش و کارییە ئەمشەو
پیشەم ناڵین و زارییە ئەمشـەو
یارا لە دەست چوو حەیاتم ئەمشەو
وەک(خضر)تووشی زوڵمانم ئەمشەو
بێن بە فریای گریانم ئەمشەو
زیندانی تارە ژیانم ئەمشــەو
"وەلی دێوانە"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
مامۆستا "حەسەن زیرەک"
تۆ دەگوت ئەمن جوانم دڵ پاکم هیچ نازانم....
@hoday_sher
🌿💫
جگەر لەت لەت بە ئەبرۆی تازە ساوم
لەپت سورە لە خوێناوی ڕژاوم
خەیاڵم پەرتە بۆ خڕخاڵی قۆڵت
زڕەی لەرزانەکەت بردی زراوم
"هەژار"
@hoday_sher
🌿💫
"مزگەوت ماڵی خوایە"
سه‌دان جار هاتم و له ده‌رگه‌ی ماڵه‌که‌تم دا و
له‌وێ نه‌بووی!
ئه‌ی له کوێی خودای من؟
ئه‌ی له کوێی!؟
که‌س نییه ئه‌وه‌نده ماڵه‌که‌ی جێ بێڵێت
که‌س نییه!
بێم له کوێ بتبینم …؟
به‌په‌له‌م خودایه.!!
بۆ نایه‌یته‌وه ماڵ!؟
چووی چ تۆفانێک هێمن بکه‌یته‌وه!
نێڵه نێڵی کام دۆزه‌خ بخه‌وێنیت!
له‌سه‌ره مه‌رگا،
دڵی کام نه‌خۆش بده‌یته‌وه!
له‌سه‌ر گۆڕی کام عه‌بدی شه‌هیدت،
به‌کوڵ بگریت؟!
له کوێی خودای من!!
له کام باخچه‌ی منداڵاندا
به نوور چاوی تاریکی ده‌ڕێژی!
بووکه شووشه ده‌خه‌یته‌وه ئامێزی منداڵی!
گیرفانی په‌پووله پڕ ده‌که‌یته‌وه له نه‌سته‌له!
سه‌دان جار هاتم و له‌وێ نیت…
بۆ ئه‌وه‌نده ماڵه‌که‌ت چۆڵ ده‌که‌یت!
به‌نده‌کان خه‌یانه‌تت له‌گه‌ڵدا ده‌که‌ن
… ئه‌ی خودا!
ئه‌وان له بڵندگۆی مزگه‌وته‌کانه‌وه،
ڕووده‌که‌نه ئێمه‌ی بێگوناهـ
هاوار ده‌که‌ن:
خودایه …جه‌رگیان بسووتێنه!
خودایه …منداڵه‌کانیان هه‌تیو که!
خودایه …ژنه‌کانیان بێوه ژن!
ئیدی ماڵه‌که‌ت چۆڵ مه‌که خودای من …
ئه‌وان له ماڵی تۆوه،
له‌شکر ده‌که‌نه سه‌ر جوانی!
ده‌ست و په‌رمووچی هونه‌ر،
شه‌ڵاڵی خوێن ده‌که‌ن!
باڵی گۆرانی ده‌شکێنن!
هه‌ره‌شه له پشکوتنی گوڵ ده‌که‌ن،
لووتی مه‌مک ده‌بڕن! !
به ئیمزا و خه‌تمی تۆ:
کوشتنی کانی حه‌ڵاڵ ده‌که‌ن
نارنجۆک ده‌ده‌نه ده‌س منداڵ
مه‌مکی ژنه زه‌یستان
پڕ ده‌که‌ن له ژه‌هر زوو فریا که‌وه
عه‌بده بۆگه‌نه‌کانت ده‌یانه‌وێ
قێزه‌ونت که‌ن!
ده‌ست له پشتی منداڵه‌کانمان ده‌ده‌ن
تا به‌رده بارانت که‌ن
ئه‌وان پێمان ده‌ڵێن:
خودا تۆقێنه‌ره… هیچی تر
خودا بکووژه و… هیچی تر
خودا دۆزه‌خه و… هیچی تر
بگه‌ڕێوه…
به‌رماڵ خڵتانی خوێنه…
میحراب چنراوه به مردن…
له نێوان هه‌موو دوو په‌ڕه‌یه‌کی قورئاندا، شمشێرێکی خوێناوی!
له نێوان هه‌موو دوو وشه‌یه‌کی قورئاندا مینێک!
له نێوان هه‌موو دوو پیتێکی قورئاندا که‌للـه‌سه‌رێک!
دره‌نگه!؟
"قوباد جەلیزادە"
@hoday_sher
🌿💫
لاوانی وەتـــەن
غیرەتێ بڪەن
دەے هەستن لە خەو
وا بە سەر چوو شەو
نەما زەمانی
جەهل و نەزانی
ئەمڕۆ فرسەتە
ڕۆژی هیممەتە
بە عیلم و سەنعەت
بەرز ئەبێ میللەت
عــالەم هەمیشە
خەریڪی ئیشە
ئیش ڪەن بە مەردے
بەدەست و بردے
یەڪ دڵ و دەم بن
تا ڕۆژے مردن
لاوانی وەتن
غیرەتێ بڪەن
"فایەق بێڪەس"
@hoday_sher
🌿💫
مامۆستا "مەزهەر خالقی"
تۆ کیژی کوردی نازەنین، هیوای ژیانم
@hoday_sher
🌿💫
من ئەلێم،
پەپوولەیەک فڕی به باڵی سەوز و سوورەوە
من ئەلێم،
گوڵێک بەدەم شنەی شەماڵەوە
بزەی بزووت
تۆ ئەڵێی، چ بوو پەپوولەیەک فڕی
یانە سوورە گوڵ،
زەردە کەوتە لێوی ناسکی؟
من ئەڵێم، هەتاهەتایە دەوری جوانییە
ئەمرۆ گەر هەتاو کەسیرەیە،
نەماوە ئاگر و گڕی
مێرگی ئاسمان،
بە سووتمانی هەوری لۆکەیی نەزۆک،
پڕ لە خاڵ و قۆپەنە
جەنگەڵێ کە جێژوانی پۆلەپۆڕی بارە،
جێگەمۆڵی کەمتیار و گورگ و ڕێوییە،
شۆڕەبی،
کە بۆتە داری چاکی بێ نەشە و شنە،
زەلکە گەر تەیاری تیر و قۆشەنە
خۆشەویستەکەم،
لە پەنجەرەی نیوەتاکی بوومەلێڵەوە،
چاوی من،
لە دیمەنی کچی بەیانییە
لە حەنجەرەی زەمانەوە،
گوێم لە زەمزەمەی زوڵاڵی خیزەوردەکانی کانییە
باسی شەو مەکە،
نە شایەری شەوم
باسی خەو مەکە،
لەلای هومێدێ فێرە سەرڕەوم
بەو دەمەت،
کە بۆنی سەد بەهاری لێوە دێ
بۆنی دەشتی بەختیاری باوەشی چیای،
بە دەستی با،
بە گوڵ چناوی لێوە دێ
بۆنی سەرسەکۆی بە کاگڵی،
بە ئاوپژاوی لێوە دێ
پێم مەڵێ کە داکەوم
پێم مەڵێ کە ئاڵی زاڵی شەو،
چاوی بێ خەوی چڕە
پێم مەڵێ،
نەهاتنەوە ئەوەی کە چوون
مەگری بۆ خەساری بێ گەڕانەوە
ڕێگەمان دوور و سەخت و قاقڕە
خۆشەویستەکەم،
ئێمە نوێنەری خەباتی ڕۆژهەڵات،
ڕۆژهەڵاتی سووری ئاگرین
فێر نەبووین بەزین و دابەزین
ڕانەهاتووە چاوی قارەمانی کورد،
بە شەونمی گرین
خۆشەویستەکەم،
لە پەنجەرەی نیوەتاکی بوومەلێڵەوە
چاوی من، لە دیمەنی کچی بەیانییە
لە حەنجەرەی زەمانەوە،
گوێم لە زەمزەمەی زوڵاڵی خیزەوردەکانی کانییە...
"سواره ئیلخانیزاده"
@hoday_sher
🌿💫
ســـڵاو هاوڕێیــانی خۆشەویست
پەنجەرەے بەربەیانتان
ســەرڕێژ لە لاوانەوەے هەتاوے ئەوین و خۆشەویستی
سەمفونیاے ڕۆژتان لێوانە لە نۆتی هێمنایەتی گیان و بەختەوەرے.
"ڪوردستان"
@hoday_sher
🌿💫
" چاوی شەرمن "
چاوەکانت دەفتەری شێعری منن
پڕ لە ڕاز و خۆشەویستی دەس چنن
باسی جوانی و ئەشق و دڵداری دەکەن
هەست و سۆز و دەنگ و گۆرانی ژنن
هەرکە هەڵدێن ژین دەڕەنگێنن بەناز
نازەنینن. دڵڕفێنن، شەرمنن
هێندە نەرمن وەک وشەی شێعری تەڕن
چەشنی هەنگوینن، بەتام و شیرنن
نیشتمانێکیان دەوێ بێ ڕەنگی ڕەش
پڕ لە تیشکی پڕ زریوەی ڕۆشنن
قەڵپەزەی کانی و تەکانی چۆمەڵن
پڕ شەپۆلن، چەشنی دەریای بێ بنن
تاوێ باسی نیشتمانی جوان دەکەن
تاوێ تیری دڵتەزێنی دوژمنن
جارێ تووڕەن مەیلی شەڕیان گوڵ دەکا
جاری واشە نەرم و هێدی و هێمنن
سرتە سرتی بولبول و قاسپەی کەون
چەشنی دوو کەروێشکی نەرم و خرپنن
هۆشبەرن، کەللە تەزێن، ئەفسوونگەرن
فێڵەزانن، هۆی لە نێو داو خستنن
بەفری کوێستانن، ڕەشن، چەشنی ڕەشانگ
گەرمی هاوینن. گڕن، هۆی سووتنن
من بە ئەو چاوانەوە ماوم لەژین
بێ ئەوان جەرگ و هەناوم کون کونن
بۆکان ٢٧٢٤/٦/٣٠
قادر عەلیخا
@hoday_sher
🌿💫
دەسی من کورت و زولفی ئەو درێژن
له چەقڵی پەنجەکەم، پاوانە زولفی
(فیدا) بۆ وەی بکەی شێعرت بە شانە
ئەگەر تۆ وێژەری ، بڕوانە زولفی
"مەلا کەریمی فیدایی"
@hoday_sher
🌿💫
"فەتانە وەلیدی"
بێ تۆ بیمارم
@hoday_sher
🌿💫
دڵ
مەشغوڵە
بە یادی حەزرەتی دڵ دارەوە
"فەنایی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئەگەرچی دیلە، باڵ و پەڕ شکاوە
مەلی تەنیا غەمی دی دەوری داوە
دڵی کەیلی هەزار ڕاز و نیازە و
لە سەد نەغمە یەکیانی بیر نەماوە
"ناسر حیسامی"
@hoday_sher
🌿💫
ئەگەر ئەوینت باران بێ
وا لەبەریا راوەستاوم...
ئەگەر ئەوینت ئاگر بێ
وا لەبەریا هەڵکورماوم...
ئەی ئەوینی کوردستانم
شێعرم ئەڵێ:
تا باران و ئاگر مابێ
منیش ماوم...
"شێرکۆ بێکەس"
@hoday_sher
🌿💫
بۆ ڕاوێژ دەبێت بە کاوێژ؟
ژنێکی تەمەن نزیک پەنجا ساڵ، چووە لای خاوەن هوتێل و وتی: من لە دوێنێوە لەگەڵ دوو کچی جەحێڵم لێرە میوانین، بەتەماین چەند ڕۆژی دیکەش لێرە بمێنینەوە. بەڵام دوێنێ شەو، بەنەسیبی دوژمنت بێت، هەتا مەلابانگدان چاومان نەچووە خەو. وەتاغی پاڵدەستمان کابرایەکی لێیە، دوێنێ شەو هەتا بەیانی لەگەڵ چەند کەسێک کە میوانی بوون، کردبوویان بە زەماوەندی جندۆکە. وەها بە دەنگی بەرز قسەی دەکرد، واماندەزانی بزن داخ دەکەن. بەدەم قاقای بڵحانە و قسەی سووک، هەر باسی بیرەوەری و بەسەرهاتی بێئەخلاقی خۆی دەگێڕاوە بۆیان. جا نازانم ئێوە چۆن بەڕەڵای واتان ڕێداوە بێتە ئێرە؟ خاوەن هوتێل وتی: خاتوونی بەڕێز! ئیمە بەرپرسی پەروەردەی خەڵک نین. بە دەردی کابرای مردوو شۆر دەیگوت: پارەی کفن بدرێت، دەبا مردوو هەر گۆڕبەگۆڕ بکرێت. ئەم بەڕەڵایەش کە ئێوە دەفەرموون سەر بە بنەماڵەیەکی زۆر دەوڵەمەندی پێتەختە. بە دەیان مڵک و ماڵ و باخ و قەیسەرییان هەیە. بە پارە قەمچان(پێنج بەردە، بازەڵێن) دەکەن. ژنە وتی خۆ ئێوە نابێ تەنیا چاوتان لە دەوڵەمەندی کابرا بێت. کابرا، شوان و گاوانیش بێت، ئەگەر خاوەن ئەخلاق بوو، جێی ڕێزە. بەڵام دەوڵەمەندی بێئەخلاق بایی قەرانێکە. ئەم هوتێلە ژن و منداڵی خەڵکی لێیە. ئێوە ڕێگاتان بە کەسێک داوە کە بە تەویلەی کەریش نامەحرەمە. ئەمڕۆ کاتی قسەکردن لەگەڵ خزمەتکارانی هوتێل، وەکوو گەماڵی هەوشار، هاشاوڵی دەبرد بۆیان. من لە جێی ئێوە بم، ئەوپەڕی ڕێزم ئەوەیە بۆی کە هەتا سەرشەقام بە تێهەڵدان بەڕێی بکەن.
خاوەن هوتێل وتی: ئەمانە وەها بۆیان مەڕوانن. ئەوەندە خزم و ناسیاوی خاوەن دەستەڵاتیان هەیە کە بیەوێت هەر ئەمڕۆ دەرکەی هوتێل بە قوڕ دەگرێ و خۆمیش دەکاتە پشیلەی سەر چنار. ژنە هەناسەیەکی هەڵکێشا و وتی: لە کۆمەڵگای ئێمە دەوڵەمەندی وەهامان هەیە کە شایانی ئەو هەموو سەروەت و سامانە نین، بۆیە بە هۆی پارەی زۆر، هەم خۆیان و هەم کۆمەڵگایان تووشی فەساد و گەندەڵی کردووە. منداڵیشیان لە خۆیان خراپتر، لێمان دەبن بە یەکانەی پەڵخی.
خاوەن هوتێل وتی: منیش دەزانم ئەو کوڕە بەو هەموو جوانییەوە، ئەوە ئەخلاقیەتی. ئەگەرچی کاتێک مەست نەبێت ئەخلاقی تۆزێک باشترە. تەنانەت دوێنێ نامەی بۆ دایک و باوکی دەنووسی. خاتوون وتی قوڕ بەسەر دایک و باوکی و لەوانیش خراپتر قوڕ بەسەر ژنە بێچارەکەی. ئاخۆ کامین بنەماڵە بەوە ڕازی بوون کە کچیان ببێتە هاوژینی ئەو دەعبایە؟ خاوەن هوتێل وتی: ژنی لە کوێ بوو؟ ئەو کابرایە هێشتا سەڵت و ڕەبەنە!
خاتوون بە بیستنی ئەم قسە تۆزێک ڕاما و پاشان وتی: هەرچی بێت ئەو پیاوەش هەر وەکوو ئێمە مرۆڤە. تکایە پێیان بفەرموون من دەمەوێ پاش نێوەڕۆ لەگەڵیان دانیشتنێکم هەبێت. بەڵکوو بتوانم بیانهێنمە سەر هێڵی ڕاستی. ڕەنگە کەسێکی دڵسۆز نەبووە ئامۆژگاریان بکات.
پاشان گەڕایەوە بۆ دیوەکەی خۆیان و بە کچانی خۆی گوت: بۆ دوانیوەڕۆ لەگەڵ ئەو دراوسێمانە دانیشتنمان دەبێت. ئیوەش دەستەجلە گوڵ هەنارییەکانتان لەبەرکەن. کچ دەبێت تۆزێکیش بەرچاو و ڕووبازاڕی بێت. کچان وتیان جا ئێمە قسەمان چی بێت بۆ ئەو کابرایە؟
دایکیان وتی: ئاخر، ئەگەر خۆم هەوڵێکتان بۆ نەدەم، باوکتان لە دواگاوانێک، بەچکە شوانێک، لەبرسان مردووێک مارەتان دەکات. نەمدیوە کەس بە هەوڵ و تێکۆشان، ژیانی ئەعیانی پێک بێنێت. لە دنیای ئەمڕۆ ئەوەی ئازایە کە بتوانێت کەرەکە بە بارەوە قووت بدات.
ئانتوان چێخۆف١٨٨٥/ سروژ استپانیان.
خوێنەری هێژا!
هەموو کەس دەزانیت دنیا چ باسە. کامە حەقە و کامە ناحەق. بەڵام بەداخەوە پێوەری ڕاستەقینەمان ئەخلاق نییە، بەڵکوو قازانجی تاکەکەسی خۆمانە. هەر بەو بۆنەوە لە قسە کردن و ڕاوێژ و نەسیحەتی خەڵکی زۆر باشین، بەڵام بە کردەوە ڕێک پێچەوانە قسەی خۆمان دەجوڵینەوە. ڕێز لە دز و درۆزن دەگرین، لە بەرانبەر ناحەقییەکان کوێر و کەڕ دەبین....
ناسینی دەردەکان بەس نییە بۆ چارەسەری. جار وایە ناسین و زانیاری سەبارەت بە دەردەکان دەبن بە شمشێری دوودەم. بەو بۆنەوە بە درێژایی مێژوو کۆمەڵگا لە لایەن زانایانەوە زۆرتر تووشی خەسار بووە تا لە لایەن نەخوێندەواران.
خەڵکی ئەمڕۆ کەمتر زانایەک شک دەبەن کە بە کردەوەش وێنە و نموونەی مرۆڤایەتی بێت.
عیسا ئەحمەدی١٤٠٣/٠٦/٢٧
@hoday_sher
🌿💫
من له دڵتام،
له دەروونتام
له گلێنەی چاوی ڕوونتام
شەرم مەکه، به ناوی ڕووت
ناوم بێنه، پڕ به گەرووت
با لەیەکتر ئاشکرا بین
تاکەی لەناو ئاگرا بین؟
نه تۆ خوشکەی، نه من کاکم
خۆشەویستی دەروونپاکم...
"پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
مامۆستا حەسەن زیرەک
مەقام و ئاواز، ئەسمەر بۆچی تۆراوی....
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"شێرکۆ تاڵیب"
ئەی بارانی ساڵی نەهات ئەگە هاتی تەنیا وەرە....
@hoday_sher
🌿
هه‌ڵفــــڕی ڕاوکـه‌ری زاڵــی کـه‌ژ وكێــو
لـه چـیای به‌رزه‌وه ڕووی کــرده نشــێو
که‌وته ئــه‌و ده‌شته له ترسا ته‌ق و ڕه‌و
ده‌رپــه‌ڕی کــوڕکــوڕ وکـڕ مـایـه‌وه کـه‌و
"سواره"
@hoday_sher
🌿💫
عاشقان زمانیان ناوێ
ئه‌گه‌ر زمان هه‌ر نه‌شبوایه
عاشقان،
به مۆسیقای مـاچ،
له‌گه‌ڵ یه‌کتردا ده‌دوان!
"لەتیف هەڵمەت"
@hoday_sher