3867
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
📚 وردەواڵە
کتێبوو "وردەواڵە"ی بە تەرحەو جەڵدی تازەیەو چاپ و وەڵا کریاوە
جە لایەنوو ئێنتێشاراتوو ئارۆی، شاروو پاوەینە
کتێبوو "وردەواڵە"ی کەمتەر جە مانگێوە پەی دوەم جاری چاپ و وەڵا کریاوە
🔹وردەواڵە کۆمەڵێو پەخشانێ ( نەسر) هەورامیێنێ کە جە دوێ بەشێنە بە قەڵەموو نویسەری و تەرجۆمە
جە ٢٥٣ لاپەلێنە چاپ و وەڵا کریانەو
🔹وردەواڵە، کتێبێوە پەی گردوو چینەکاو کۆمەڵگاین
/channel/cherpewpawdange
🌿💫
ئێستا.. منی ون لە تەمومژی ڕەشی غوربەتا
گەڵای درەختی گیانم هەڵوەری..
لەناو بڵێسە و گڕی مەینەتا
دە توخوا وەرە..
بیابانی دڵم.. تینوی کانیاو - شەیدای سێبەرە
دە توخوا وەرە..
با سەرابەکان ببن بە شەتاو
درەخت سەر بکا بە کۆشی هەورا..
هاژە بێتەوە ناو چەمی سووتاو
"حەمە عومەر"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئەم ئاوە گەر
زەوی لە زمانی نەگا و
ڕەگ نەیەوێ و
دارستان گوێی لێ ڕانەگرێ و
بەرد بە هاژەی هەڵنەپەڕێ و
گژوگیا نەیخوێنێتەوە و
زیخ و چەو نەینووسێتەوە و
مێرگەکانیش ماچی نەکەن
بۆچی ببێ؟
"م.شێرکۆ بێکەس"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
کەوێڵێکی داوێنی چیا
ترپەترپی بەئاستەمی نمەی باران
ئاگردانێک
قرچوهۆڕی چیلکە و داران
تاقچکەیەکی پڕ کتێب
زارۆیەکی خەپەتۆلەی ئاگرپارە
ئازیزێکی زەردئەسمەری
کەزی و بسک تا کەمەری گوێبەگوارە
ملەقوتەی تەنکەخەمێک
هاژەهاژی لە دوورەوەی لێڕێک
چەمێک
کترییەک چای،
بە دووکەڵی چڕ دەمکراو
کۆتکەدۆیەکی کوندەڵان
دوو سێ نانی گەرمی تیری
یەک بەرچنەی پڕ هەنار و
ترێی بۆنخۆشی ڕەشمیری...
"پەشێو"
@hoday_sher
🌿💫
نە بە کووچەی خەزاندا وەریوم
بە مەکری با،
نە ژاری ژیانەوە لە زارما
تاڵ
کە هەزار تام
دەدرەوشێتەوە لە خەڵوەتی خەندەتا
بە ئاکاری هەنار.
"فەرەیدوون ئەرشەدی"
@hoday_sher
🌿💫
وەکو فرمێسکی ئاشق ڕووناکی
وەکو ئاونگی بەیانی پاکی
"هێمن"
@hoday_sher
🙏💫
"لاولاوی ماچ"
دەمێکی نەدا لە دمم و، دەمێکی لام نەمایەوە
بەجێیهێشتم وەکوو بەفر و، بوو بە ئاو و توایەوە
چاوێکی نەبڕیە چاوم، بمدوێنێ بە ئاماژەی
ڕووی وەرگێڕا و ئیتر جوانی، ئاوڕێکی لێمنەدایەوە
دەستێکی نەدا لە دەستم، هەتابمکاتە سکڵی سوور
وەک سروەیەکی زووتێپەڕ، هات و ڕۆیی و بڕایەوە
تاوێک نەبوو بەسێبەرم، تاکوو لەبەر تاو نەسووتێم
لەشی بێ تین و شەکەتم، وەحەسێنم لەسایەوە
هەر وشەیەکی نەدرکاند هەتاکوو گوێم لە دەنگی بێت
سوێم هاتەوە و هەر نەیچرپاند هێندڕاوەستام بەلایەوە
لەنجەیەکی بۆ نەکردم، ببم بە شایەر بۆ باڵای
هەتا ببم بە شای شادی، بەلای بەزم و سەمایەوە
لێوی بۆ نەکردمە خونچەو گوڵی ماچێکم بۆ باوێ
تا ببمە لاولاوی ماچ و، شەتڵبم بە باڵایەوە
باوەشی بۆ نەکردمەوە، ئامێزێکم تێوەربێنێ
تک تک بڕژێتە نێو جەستەم، بە ئارەقەی بە ئارەقەی گۆنایە
تووڕە نەبوو، نێوچاوانی لێ تێکنەنام بە مۆنەوە
تا بزانم بێ هوودەیە، چاوەڕوانیم بەڕایەوە
نە باسێکی ئەوینی کرد، نە بێزاری ڕژاندە ڕێ
هەتا بۆ من وێنەی پەیام، بگاتە لام لەلایەوە
زولفی نەکرد بەساباتم، تاوێک لەسایەی وەحەسێم
کردی بە داو، بووم بە کۆیلە و گڕێدرام بە پایەوە
ئەی بۆ هات و بۆچی ڕۆیشت؟ هەر بۆ ئەوەی بمسووتێنێ؟
بەوگڕەی لە جەستەی بەردام، ناپیاوی کرد نەمایەوە
دەڵێم: " بەسە، داسراکێ" کەچی هەر بۆم ڕازی نابێ
خۆشم نەچم تازە دڵم، سەرگەردانە بەدوایەوە
بۆکان٢٧٢٥/٧/٢٩
قادر عەلیخا
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
زامی ناسۆری ئەم دڵە خەم ڕێژە
بە هەتوانی ماچێکی تۆ ساڕێژە
"جەلال مەلکشا"
@hoday_sher
🌿💫
ئاو وتی:
مەگەر من کەم شەڕم لەسەر تۆ کردووە
ئەی سێوی بێوەفا
وا ئێستە خەریکی بە قسەی بایەکی بێگانە
هەر هەموو ڕابردووم لە بیر ئەکەی؟
مەل وتی:
مەگەر من لەبەر تۆ ئاسمانم تەی نەکرد؟
کەم فڕیم بە شوێنتا
ئەی جووتی بێوەفا
وا ئێستە خەریکی بە قسەی باخێکی دووزمان
هەر هەموو ڕابردووم لە یاد کەی؟
خەم وتی:
مەگەر من لەبەر تۆ شاعیری بێوەفا
هەزار جار نەسووتام
بۆت نەبووم بە هەور و
هەزار جار بە سەرتا نەگریام
وا ئیسته خەریکی بە قسەی یەک بزەی درۆزن،
یەک نەشئەی تەمەنکورت،
یەک ماچی سەرەڕۆی بەهارێ
هەر هەموو تەنیایی و نامۆییم لە یاد کەی
ئەی وشەی بێوەفا؟
"شێرکۆ بێکەس"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
لە هیجرانا سەحەر وەختێ
فنا فی النوری چیهرەت بم
لەبەر تاقی برۆی تۆ
ڕوو لە میحرابی دوعا ناکەم!
لەکاتی دووریی تۆدا دەمەوبەیانیان (فنا فی نور)ی،روخسارت و نوقمی دەریای بیرکرنەوە لەجوانی ڕوومەتت دەبم،مادەم لەحاڵەتی فەناکەدا بەرامبەر تاقی برۆی تۆم،ئیتر ڕوو لەمیحرابی دوعا و نزا ناکەم و تاقی برۆی تۆ میحیرابمە..،
"سالم"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
هەموو بیرکردنەوەکان دەربارەی ئازادی و گۆڕان دیوێکی ترسناکیان هەیە.... بۆئەوەی ئەم دوو ئایدیایە، گەورەیی و سیحری خۆیان وننەکەن، دەبێت لە هەموو جەشنێکی توندڕەویی بیانپارێزین. لە زۆرینەی دونیا و بە تایبەت لە کۆمەڵگا دواکەوتووەکانی وەک ئێمەدا زۆر زوو بیرۆکە سادەکان، عەقڵ و خەیاڵی مرۆڤەکان داگیردەکەن و لەگەڵ خۆیاندا دەیانبەن و بەرەو سەرپەڕیی و توندڕەوییان ڕادەکێشن. بۆ نمونە: بیرۆکەی یەکێتی نەتەوەی عەرەب دەشێت لەسەر ئاستی تیورییدا ڕەوا و لەسەر ئاستی ڕەمزیدا بزوێن بێت، بەڵام ئەم بیرۆکەیە لە کایەی سیاسیدا و لە ئاستی واقعیدا دەیان دیکتاتۆر و سەدان جەلادی دروستکردوە. فیکرەی ئازادی نەتەوەی کوردیش هەمانشێوە، ئایدیایەکی ڕەوایە، بەڵام پراکتیکی ئەم ئایدیایە، کارخانەیەک بووە دەسەڵاتخوازان و پاوانگەرایان و سیاسەتمەدارانی پووچ بیری بەرهەمهێناوە. لێرەوە هیچ ئایدیایەک بە مانا ڕەمزییەکەی ناپێورێت، بەوە ناپێورێت دەڵێت چی، بەڵکو بەوە دەپێورێت بە چ میتۆدێک بیر لە پراکتیزەکردنی خۆی دەکاتەوە. جەوهەری هەر ئایدیایەک لە ناو خودی ئایدیاکەدا نییە، بەڵکو لە ناو میتۆدی پراکتیزەکردنیدایە. گرنگ ئەوەیە بتوانیت ئەوەی دەتەوێت بیگۆڕیت، بێئەوەی پێویستت بە وێرانکردن و قڕانکردن و سووتاندنی نیوەی جیهان بێت.
"دەستەسڕەکەی ئۆتیلۆ"
"بەختیار عەلی"
@hoday_sher
🌿💫
"گوڵفرۆش"
گوڵفرۆشەکەی شەقامیی تاران
خەوی لە چاوی مرۆڤ دەتاران
بەو چاوە ڕەشە و بەو لێوە ئاڵەی
کەوتمەوە بیری کەوی نزاران
گوڵ نەبوو، کەچی دڵی ڕفاندم
وەک سوورە گوڵی وەرزی بەهاران
بە گوڵ شەقامی گوڵپڕژێن دەکرد
وەک نمە نمەو پڕیشکەی باران
دەهات و دەچوو بەلار و لەنجە
شێوەی بۆرچینی لێوار ڕۆباران
بەو دەنگە نەرمەی دەیکوت: " گوڵ هەی گوڵ"
دەبووە مۆسیقا بۆ گوێی ڕێبواران
ویستم پێبڵێم کیژێ چەن شۆخی
هەرچێکی کردم لێوم نەکاران
ئیرادی نەبوو هەرچی لێمڕوانی
لە بەژن و باڵای وەک سپیداران
کەوتبووە سەما زولفی قەترانی
ژاری دەڕژاندە دەمی زۆرداران
ئەوەندە جوان بوو ڕوخساری گەشی
کە وەسفی ناکرێ بە خامەو زاران
پێمخۆش بوو لەوێ لە پێکەوێ کات
تێر تێر سەیریکەم وەک ئەوینداران
هەرچیم لێ ڕوانی چاوم تێر نەبوو
لە پێ هەتا سەر، لە سەر تا خواران
بەناچار ئاخم هەڵکێشاو ڕۆییم
بەجێمهێشت لەگەڵ جوانی ئێواران
تاران ٢٧٢٥/٨/٧
قادر عەلیخا
@hoday_sher
🌿💫
چرای قەندیلە، شەمسی ئاسمانە، ڕووی درەخشانت
ئەگەر سەد جار بە زوهرە و موشتەری ڕووبەندی پێدادەی
"وەفایی"
@hoday_sher
🌿💫
حاڵی بە گەرم پرسش ئەکەم،ساردە جەوابم
"مامۆستا گۆران"
@hoday_sher
🌿💫
لالە دەڕوێ، شنە دەشنێ، بەهاریش دێ
دنیا خۆشە بۆ ئەوانەی خەم نەیکوشتوون
"مامۆستا هێدی"
@hoday_sher
🌿💫
شەوەزەنگ
له چیرۆکی پێشینیاندا هاتووە:
له وڵاتێکی دوورە دەست، شارێک هەبوو کە هەموو خەڵکەکەی دز بوون.
شەوانە دوای نانوچای هەر کەسێک لە ماڵی خۆی دەهاتە دەرەوە و دەچووە دزی ماڵی یەکێکیتر. نیوەشەو بە کۆلێکەوە دەهاتەوە. دیارە ماڵی خۆیشی دزیی لێی کرابوو. بە ڕۆژیش هەرکەسەو دەچووەوە سەر کار و باری خۆی. ئەوەش تەنیا ناوی کار بوو دەنا هەر دزی و کڵاونان لە سەری یەکتر بوو. بەڵام کەس سکاڵای لەویتر نەبوو. کاتێ گول دەستەبرای پیسە، سکاڵای چی؟
جا کەس نازانێ چۆن و لە کوێ، پیاوێکی ڕۆشنبیر ڕێی کەوتە ئەو شارە و لە ماڵێک نیشتەجێ بوو. کابرای ڕۆشنبیر هەموو شەوێ پاش نان و چا، دیوانی شاعیرانی بە دەستەوە دەگرت و شێعری دەخوێندەوە:
"کوێر و نابینایە ئێستاکە لە داخی ڕۆژی ڕووت
بۆیە ڕەشپۆش و فەقیر و مات و بەستەزمانە شەو"
خەڵکی شار ماوەیێک هێچیان نەگوت. بەڵام ئاخری ڕۆژێک چەند پیاوماقووڵیان ناردە لای. وتیان کاکە گیان ئێمە هیچ کێشەیێکمان لەگەڵ هەبوونی تۆ لەم شارەدا نییە، بەڵام مرۆڤ دەبێ خۆی ویژدانی هەبێ، ئێرە کۆمەڵگایە، خۆ نابێ تەنیا بیر لە خۆت بکەیتەوە. کابرا تا نیوەشەو کێشکی ماڵی تۆ دەدا کە بچییە دەرێ. باوێشک گەزێک دەمی پێ دادەچەقێنێ! قڕەی قوڕواق دەبڕێتەوە، بەڵام تۆ هەر لە ژووری و ناچیتە دەرێ! جا ئەو هەژارە بە دەستی بەتاڵ دەگەڕێتەوە. کەچی لەولاش ماڵی خۆی تاڵان کراوە. دەی تۆ خۆت وێژدانت ڕازییە ئەو بێچارە نانی بەیانی نەبێت؟ تکایە گێرەکەمان لێ مەشێوێنە، بۆ خۆتیش خراپە. دەبێ تۆش وەکوو ئەو خەڵکە بۆ خۆت هەوڵێک بدەی؟ لە هاوماڵ بەجێمان سووکی دێنێ.
کابرای ڕۆشنبیر زانی ئەم هەویرە ئاوی زۆر دەبات. قسەکردنیش بۆ ئەمانە با فێنکەوکردنە و ئاو هەسەوکردن! بۆیە هیچی نەگوت. ئەویش شەوانە پاش نانخواردن دەچووە دەرەوە، بەڵام نەک بۆ دزی. دەچووە سەر پردی قەراخی شار. هەتا شەوگار شەق دەبوو، هەر گۆرانی دەگوت:
"بۆ لای کێ بچم دەس وە زامەوە
کێ دەرمانم کا شەو بە لامەوە"
نەزم و بەزمی شار تەواو تێکچوو. جاران بە پێی ڕەسمی کۆن هەر کەس دزیی خۆی دەکرد، هاوکات دزیشی لێ دەکرا. بەڵام ئێستا، ئەو ماڵەی کە دەبا ڕووناکبیرەکە دزیی لێ بکات، دزیی لێ نەدەکرا. لەولایشەوە ئەو کەسە دزیی خۆی کردبووو. واتە بەو جۆرە چینێکی دەوڵەمەند پێک دەهات.
پاش ماوەیێک بەزمێکی دیکەیش ڕووی دا. ئەوەی کە دەچووە ماڵی ڕووناکبیرەکە شتێکی وای تێدا نەمابوو. لەو لاوە خۆیشی تاڵان کرابوو. چینی هەژار پێکهات و کار لە کار ترازا.
چینی دەوڵەمەند کە تاقەتی دزییان نەمابوو، زانییان ڕێگای باشتریش بۆ دزی هەیە. فەقیرەکانیان بەکرێ دەگرت هەتا دزییان بۆ بکەن. لەو لاشەوە تەواو برسی و پەڕپووتەکانیان دەکردە دارەدەست کە بەر بە باقی برسییەکان بگرن کە ڕوو نەکەنە ماڵە دەوڵەمەندان.
دزە دەوڵەمەندەکان هەتا دەهات دەوڵەمەندتر دەبوون و برسییەکانیش برسیتر.
دەوڵەمەندان کە بەشە دزییان دەگەیشت و پێویست نەبوو بە سەر پەرژینان بپەڕێنەوە، شەوان دەچوونە سەر پردەکە و خۆیان بە ڕووناکبیر پیشان دەدا. باسی شیعر و مووسیقایان دەکرد. باسی ئایین و مێژوویان دەکرد. باسی کێشە کۆمەڵایەتییەکانیان دەکرد. بەڵام جیاوزاییان لەگەڵ کابرای ڕووناکبیر ئەوە بوو کە ئەمان هەر دز بوون. دزی مل ئەستوور، بێحەیاتر لە مریشکی ئاشەوان. جاران بە گەوڕی گاوان ڕازی بوون، ئێستا بە تاڵانکردنی شارێک تێر ناخۆن...
دۆخی شار تەواو شێوا بوو.
ڕۆژێک تەرمی ڕووناکبیری لەبرسان مردوو لە قەراخی پردەکە دۆزرایەوە. بەبێ کفن، بەبێ دەنگ ناشتیان.
ئیتر لەو شارەدا لەوە بەدوا کەس باسی دزیی نەدەکرد. لە باتی دزی دەوڵەمەند و دزی برسی وشەی دارا و نەدار ئاسانتر دەهاتە سەر زار.
ئیتالۆ کالڤینۆ / محسن ابراهیم
خوێنەری خاوەنبیر!
دزی کردن تەنیا ئەوە نییە بە دیواری خەڵکیدا سەربکەوی. ئێمە مانای وشەکانمان دزی. مانای ئیش و کارمان دزی. بڕواکانمان دزی. متمانەمان دزی...
ئەو کاتەی کە دکتۆرێک لە خەستەخانە نەخۆشێکی دەرمان نەکرد و وتی ئێوارە وەرە نووسینگەی خۆم، کاتێ بەرپرسێک بەڵێنی دا و جێبەجێی نەکرد، کاتێ بازەرگانی ئێمە لە چین ئەوەی خراپ بوو دای بە مارکی چاک درووستیان کرد....
دەبا دزیی کردن تەنیا ئیشی دزان بێت.
عیسا ئەحمەدی١٤٠٤/٠٨/٠٦
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
گوڵم،
دڵم،
لەبیرتە خەیاڵمان،
دەڕۆی بۆ هەواری ئارەزوو،
لەژێر نەم نەمی وەفا،
بزهی دههاته سهر دهمی
گوڵی بههاری ئارهزوو؟
"عەلی حەسەنیانی" (هاوار)
@hoday_sher
🌿💫
بەر لە خۆت، عەترت دەگات
بەر لە هەورت، بارانت دادەکات
دەگات فەرسەخێ بەر لە دڵت،
خورپەت
بەر لە پرووشەت،
کڕێوەت
بەر لە نمەت،
لێزمەت
بەر لە مژدەی هاتنت،
نوقڵانەی چوونەوەت
دەگا .... بەر لە سەفەرت،
ڕێگات
بەر لە شنەت،
ڕەشەبات
بەر لە پاییزت،
زەردیی گەڵات ...!
"دلاوەر قەرەداغی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئەی خونچەی دەمت،
تاقانه خونچه
له پاییزیشا شکۆفه دەکا
ئەی گوڵی کوڵمت،
تاقانه گوڵێک،
له زستانیشا سووری شەڕابی
ئێستا چ وەرزه؟
لێم نادیاره
هەرکات که خونچەی
دەمی تۆ پشکووت
بۆ من بەهاره
"مارف ئاغایی"
@hoday_sher
🌿💫
چ پاییزێکی پڕ پیتە
هەوری ورە
بارانی ڕابوونی دادا
چاوەڕوانین
ڕێژنەی ئاسمانی هیوامان
#پەڵە بدا و
وشکەساڵی
لە هەرێمی ئێمە ڕادا
"عەبدۆڵڵا حەمزە"
@hoday_sher
