-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
#شور فزاعي
كون الباب من أجذوع.. يعني يشبه الحافر
الحافر والجذع ويلي ضلع كاسر
..............................................
يا كسر الضلع محد عرف سرة
لا يحصل دوة ولا واحد يجبرة
من ضلع الحسين وفاطمة الزهرة
ودم أطهر بشر عالترب متناثر
كون الباب من اجذوع .. يعني يشبه الحافر
........................................... ....
الضلع شمسوي شيريدون من يمة
كبل ضلع الحسين اكسرو ضلع أمة
من عدهة وعرفنة اللطم والهظمة
يوم الباب يشبه ليلة العاشر
كون الباب من أجذوع.. يعني يشبه الحافر
..................................................
ذبو كل حقدهم ع النبي وآله
الكَعد وي السقيفة شتطلع أفعالة
بالطف عالسبط حشم الخيالة
مثل أمة الحسين بزمرة متحاصر
كون الباب من أجذوع.. يعني يشبه الحافر
.................................................
الحركَ باب الزجية أولا عرف شيمة
بالطف ولدة أجو وحركَو الخيمة
بنات الزهرة ركضن طرن الهيمة
وقنفذ سوطة بالطف ياخلكَ حاضر
كون الباب من أجذوع.. يعني يشبه الحافر
...............................................
مثل امها بقت محد فزع آلهة
زينب عالنهر مذبوح كافلهة
بعيد وكسر ضلع حسين يوصلها
وتشوف حسين جوة خيولهم صاير
كون الباب من أجذوع... يعني يشبه الحافر
................................................
✍#كلمات خادمكم حسين حمدان الدلفي
تمنيت الماضي الزمان ايعوده
تمنيت ام الـحـسـن مـوجـوده
تجيني بدمـعـة الـعـيـن
وأعزيهه أعـلـه الحسين
*------------------*---------------*
تـجـيـنـي فـاطـمـة الـزهـره أمـنـيـاتي
وتـشـاهـد حــالـتـي وقـصـة حـيـاتـي
أكـابـــــر بـالـدمـــع وانــطــر مـمـاتــي
وأعـيـش بـنـار حـزنــي وذكــريــاتــي
بالغروب أذكـر حـلـيـف الـــــرايــه
بالغروب الــــزهــره ريــت ويـايــه
تعزيني اعـلـه الـبـنـيـن
*------------------*-----------------*
يـريـت الطـاهـره الـخـذهـه يـردهـه
وتـقـيـم الـمـآتـــم ويــــاي لـولـدهـه
تـشـوف شـلـون دمـعـاتـي بـعـدهــه
اتاني ارويحتـي اتـفـارگ جـسـدهـه
للجروح مـرسـه اصبحت أيامي
للجروح يحمل دليلي الـضـامـي
أشـردهـه فاطمة الحين
*------------------*---------------*
أمنـياتـي الـتـقـي إبأغـلـه الحـبـايـب
وتـشـاهـد دمـعـتـي الحملت مصايب
نـنـوح أثـنـيـنـه الــفــگــد الاطـايــب
عـگـبـهـه شـاهـدت انــي الـعـجـايـب
يالعيون لـيـش الـــدمـع مـلاچـن
يالعيون كــون الـزچـيـه ويـاچـن
أجيب الطاهره أمـنـيـن
*------------------*---------------*
تـهـدم بـالـحـزن والـغـربـه حـيـلي
يـجـيـنـي الـلـيـل ويـذّوب دلـيـلـي
تـمـنـيـت الـطـهـر تـسـمـع عـويـلـي
وأشكي الحال يمهه وتـشـتـكـيـلـي
الايام بـلـكـت تـــرد مـلـگـاهه
الايام جـرحـتـنـي انـي وياهـه
بـعـد شــيــرد الـسـنـيـن
*------------------*---------------*
بـخـيـالـي اتـصـورت هـاي الـعـزيـه
انــــوح وفـاطـمـه دخـلـت عـلـيـــه
بـفـگـد عـبـاس عـزتـنـي الــزچـيـــه
وذكـرنـه حـسـيـن بـالـعـبـره سـويـه
عزائات ارسـم وسـط صفناتــي
عزائات الماضي الخلص وألأتي
أواســي ام الـمـيـامـيـن
*------------------*---------------*
حِـلالـي الـنــوح والـمـأتـم يـشـيـعـه
لـچـن بـعـازت الـزهـره الــوديـعـــــه
تـجـيـنـي بـغـربـتـي وهـاي الفجيعه
ونون لحسين والحاحمي الشـريـعـه
أداويه جرح الجفن بدمومه
أداويه وأني بدمع ملچومه
لـلـبـضـعـه الـدمـع ديــن
*------------------*---------------*
✍بقلم خادم أم البنين ع
الشاعر رعد الجريخي
كان علي ع لايتحمل رؤية الزهراء وهي بهذا الحال
فينادي لزينب ع وهيه طفله ويقول....
بيه كسرت خاطر ... ....كلشي مني مسافر
كولي يازينب وخبريني الوضع
ايدها اعله عيونها لو عل ضلع
//////
يبنيتي مابيه انتظر.......صارت هدوء وسكته
شوفي امج الزهره تره...... كلبي انتهت سالفته
يازينب اشتم الهجر.......بصدري الهوى ماشلته
شو بصلا وتأخرت........ حاجيها خافن ميته
خاف ماتت ايه.............. فوك المصلايه
صوتها من الحجره شو ماينسمع
ايدها اعله متونها لو علضلع
///////////
لو راحت ام كلب اليحن... ضلمه تضل ايامي
كوليلها حيدر يون...... بعدج عليل وضامي
الضامها بروحي جنت...... باكوها من احلامي
شيصبر عيوني وشفت..... طاح العمر كدامي
ويشيضل بحاله............ الطاحت ام عياله
٤
جاوبي اعيوني يهل منها الدمع
ايدها اعله عيونها لو عل ضلع
////////
مجروح كلبي ومنكسر..... يازينب شكد مهموم
مختنك حتى من النفس ......ذبلان وجهي ومهضوم
هم شايفه بعينج علي .......منحني وكلش ملجوم
الكاسر ضلعها من البشر ......كاسر كلب جم معصوم
جرحي فاكد غالي ... ........وضل عدل جتالي
وذاب عمري مثل ما ذاب الشمع
ايدها اعله متونها لو عل ضلع
/////
تجرحني من اسمع تون.... محد وصل حالتها
كلما دفع بابي الهوى ... يكثر صدى ونتها
البحساسي شايلها دهر... هلمره انه بعازتها
الوسعه ضاكت والسمه.. لمن ردت شوفتها
حكها من ادموعها............. مكسرات ضوعها
خدودها من السطره ضل بيهن طبع
ايدها اعله اعيونها لو عل ضلع
/////////
يا ضيم بابي المحترك... كلهم حطب يردونه
والتمت املاك السمه .. اعله حسين ويصبرونه
طايح المحسن علثره....... ورماد تارس لونه
الماشايف بعينه الضوه.. ماطب ضوه لعيونه
وليدي راحت روحه .... جبهته مجروحه
بويه يذبح بابي لمن يندفع
ايدها اعله عيونها لو عل ضلع
علي مخيلف
الچ ثالث نعاوي الليله اهديها
عليچ ابداعت المذبوح اقبليها
يازهراء يازهراء يازهراء
……..
تمر بينه الليالي ابخنگة العبره
الروايات الثلاثه ابخدمت الزهره
گظيناها ابدمع والاه والحسره
عليچ احسين يافاطمه سجليها
الچ ثالث نعاوي الليله اهديها
…….
سجليها النعاوي ودمعة الحرگه
باچر بالقيامه ابساعة الملگه
تنفعنه البواچي هناك والخنگه
كل گطرت دمع باچر تحسبيها
الچ ثالث نعاوي الليله اهديها
عليچ ابداعت المذبوح اقبليها
يازهراء يازهراء يازهراء
……..
قليله ابحقچ اتلاثه فقط عدنه
رواياتچ سنه ماتكفي واحدنه
لو عشنه دهر ودموعنه بخدنه
نار البلگب ماظن نطفيها
الچ ثالث نعاوي الليله اهديها
عليچ ابداعت المذبوح اقبليها
يازهراء يازهراء يازهراء
……..
يستاهل مصابچ دمنه نبچيله
ولو ربع الحصلچ مانوفيله
گلب المنفجع ياهم يكفيله
وهاي عيونه ابفرگاچ شوفيها
الچ ثالث نعاوي الليله اهديها
عليچ ابداعت المذبوح اقبليها
يازهراء يازهراء يازهراء
……..
عشناها الليالي وياچ من همنه
عزيزه ومانعز الخاطرچ دمنه
ياأم الحسن والحسن عازمنه
على اكبر وليمه بدم بواچيها
الچ ثالث نعاوي الليله اهدبها
عليچ ابداعت المذبوح اقبليها
يازهراء يازهراء يازهراء
……..
مصايبنه چبيره اويانه معزومه
كل واحد كشخ بحزانه وهمومه
يالزهره انظلمنه وانتي مظلومه
ياساعه الفرج وابنچ يصفيها
الچ ثالث نعاوي الليله اهدبها
عليچ ابداعت المذبوح اقبليها
يازهراء يازهراء يازهراء
……..
علي الحاج الصبيحاوي
شوط كربلائي ليلة العاشر
اجه الميمون للخيمه وزينب نادت بحسره
يالميمون وين حسين كلبي ناره مستعره
—————————————–—
يالميمون حاجيني اخوي حسين جاوينه
أيتام وحرم هاليوم والوحدنه ظلينه
ياهو اليفزع النه هنا لوهد العدو اعلينه
والجلمات من هالناس تأذي والله بالاحساس
لايمي الكمر عباس
توج النار بخيامي واخوي حسين عالغبره
—————————————–—
يبن امي دحاجيني اذاني التعب هاليوم
آيحسين كون انهض اختك هل اجتها الكوم
يبن حيدر تعال وشوف خويه الخيل صوبي اتحوم
يبن حيدر دشوف الحال والله خايفه الاطفال
يكيدوهم تره بحبال
يخويه الشمر ظل يضحك وانه بكلبي الف حسره
—————————————–—
يبن امي اون اعليك اون بكل صباح وليل
اون ابسكته ياخويه والدمعات دم اتسيل
تهدم حيلي آيحسين ومابيه بعد كل حيل
الطم وانعه واقره وتأذيني تره الحسره
واصيحن يمه يالزهره
اذوني يخويه اليوم وامشي وانه متحيره
—————————————–—
يأذيني تره الفراك وامشي انه مسبيه
عالناكه يصعدوني وشمر عينه تصد ليه
ويضحك ضحكة الشمات وجتفهن تره اديه
حده الحداي بضعوني وكل ساعه يطكوني
ابكل كلمه يلجموني
يخويه وابكه محتاره المصايب ضهري اتكسره
—————————————–—
من اسمع كلام الناس كلبي تدري يتفطر
والله كل طفل يحسين من العطش يتوجر
والشامت يظل ايكول سبيه جبنه بت حيدر
حيرانه يبن حيدر من المستحه اتعثر
عكبكم شكلي اتغير
والمكسور جرحه التام وكسري انه شيجبره
—————————————–—
الشاعر محمد علاوي الكعبي
ابوذيات لاستشهاد مولاتي الزهراء عليها السلام
لسان حال مولاتي الزهراء ع
الخلاني اصيحن آه وي آه
الدفع بابي بحقد وبنار وياه
الكسر ضلعي إليه عتاب وياه
انتلاگه والحكم رب البريه
**
مصيبة الزهراء عليها السلام
ماراعه النبي الهادي وجاهه
وتعنه البابه وبناره وجاهه
اطلعت فاطم تذكرهم وجاها
النذل وبرمحه طگ متن الزچيه
*********
لسان حال مولاتي الزهراء ع
التگول الدين عدنه تام واشتام
علي هدو بنار وحطب واشتام
اكسرو ضلعي وطحت مخنوگه واشتام
فقط دخان بابي الوج عليه
*
خادم الزهراء ع
سيد غالب الرضوي الكربلائي
سهله الباب يتعوض بالف باب
وشيعوضچ لون غطـاچ التراب
ودوسة بيتنه اتهون ... بس افراگج اشلون
سهله الباب يتعوض بالف باب~~
يمّ بيتـي يهون الباب والبيت ... لـو يمـي بقيـتـي
لو ضليتي اجيبنلچ الـف باب ...والف بيت وي بيتي
وتروح لدوسة اجدامچ يزهراء ... فـده دوسة ثنيتي
كلشي يطيح بس لا شمسج اطيح... ياحيلي ودِنِيتي
طايح كلشي بس رديلي للدار
بعدهم يم حسن أولادچ زغار
ماشابع حضنهم ... يلحضنچ وطنهم
سهله الباب يتعوض بالف باب~~
يم محسن جروحي تنزف جروح .. گومي وّگفي نزفي
ويم عيوني گومي وفكي العيون..احس بروحي منفي
نـار البـاب تطـفـه ونـار الفـراگ ... إلّـه بملگه تطفي
وچفي الشال خيبر صابه بسمار …ولوه يازهره چفي
متغرب عـليّـچ عـگـبـچ ايصير
وتره گلبه امتله جروح وبسامير
ونار الفرگه تسعر ... بروح وگلب حيدر
سهله الباب يتعوض بالف باب~~
گبـل لا بالچفن وجهچ اغطيه ... وتموت بشدّه اديه
وگبل لا أدفـن بطولچ بالتراب ... وتضمّه المنيه
اذا چــانـت إلـچ نـيـه تـرديـن ... چــا ردي عليه
سهل كلشي عَلَي بس يصعب هواي...موتچ يالزچيه
مـو هيّنه يروحي من تروحين
شيضـل بيه لو عنّـي تغيبين
أمشي وظهري مكسور ... وبيتي يصير الگبور
سهله الباب يتعوض بالف باب~~
ماطفيتي گلبـي براح ارد ليك ... ونار الفرگه تلهب
وأيسـت وجبـت اولادنه ليـچ ... للـوداع المينحب
گعدت تبچي يمچ لازمه ايديچ ... زينب يام زينب
ويم راسچ ينوح الحسن وحسين...يم رجليج ينحب
حنّت روحـچ وأنّت بالوداع
وي فزتچ عليهم فزت الگاع
فرحت دمعة العين ... فزت أم الحسين
سهله الباب يتعوض بالف باب~~
فـزيتي وگـلت ردتلي روحـي ...وگلت جروحي طابت
صحوة موت چانت بيد الاقدار …وكل ظنوني خابت
واسمع يـاعلي ابعدهم ابـسـاع ... ملائكة الله شابت
وادفنها گبل لا عالثره اطيح ... شمعه السمه وذابت
عجل ياعلـي بدفن ام الاطياب
قدركم هذا والله يعظم المصاب
گبل لا كلشيّ ايموت ... ادفنها اجـه الصوت
سهله الباب يتعوض بالف باب~~
سجاد الگريزي
(مات الضوه)
مات الضوه وضلمه الدار
يُمــــه اليتم نــــار بنــــار
يالزچيه *** يالزچيه
*------------------*-----------------*
أشگد بچينه أشگد دعينه يُمه وينــــــچ
الحجره ضلمه الدنيا ضلمه اخلاف عينچ
چنتي بضعه چنتي شمعه أيشع جبينـــچ
فجئه رحتي فجئه غبتي بهم حنــــنچ
عدنه أشبعد غير النــوح
بهذا العمر وأمنه اتروح
*----------------*---------------*
الحسره بينه أنمد أدينه ردنه ملگــــه
وحشه بعَدچ عشنه فگدچ والله خنگه
أنتي جنــه بهل محنـــــه وين نلگـــه
قصته مره العنده ذكره اتضل تحرگــه
عشنه بحزن وأصعب حال
بس الدمــــــع ضل همـــال
*---------------*--------------*
أشيبقه عنده اليبقه وحده وي دموعــــه
شفنه ابونه اتهل عيونه بگلبه لوعـــــــه
ويلي منهه العصره چنهه بنص ضلوعه
يرجع أنه ويلگه حـنه الحد رجوعـــــــه
محني الظهر يمنه ايعود
ينزف جرح حزنه ايزود
*------------------*---------------*
بحضنچ احنه اشگد فرحنه يمه يمـه
خيمه حلوه ردي فدوه الدنيا ضلمـه
بهل مسيه بهل رزيه بينه هضمـــــه
الفرگه هايه أبلا نهايه قصه عضمه
اليفگد تره ايضل مكسور
رحتي ومشه وياچ النــور
*----------------*----------------*
الظلمه داره وتچوي ناره وكله عَبره
الباب جرحه من نشرحه أيئذي ذكره
هاذ أمرنه بحيره صرنه يمه زهــره
ذوله احنه وي جرحنه بعيشه مــره
ويه المسه تجري العين
نگضي العمر كله اونين
*------------------*---------------*
ابلايه خيمه أنضل هضيمه بهل ليالـــي
شلون ننسه البيت هسه انشوفه خالـــي
ينسه صعبه أيذكره گلبه الينسه غالـــي
ايحس غربته الدمعه سكته ايهلهه تالي
بُعدچ ترك بينه احزان
فجئه بعجل موتچ حان
*-----------------*-----------------*
✍بقلم خادم الحسين ع
الشاعر رعد الجريخي
والله ملينه الهجر مر بينه
بنص وطنه وبالغرب حسينه
*وينك بدمع الونين *
*انته يلكلك حنين*
★بنص وطنه وبالغرب حسينه★
✿────↻✿...✿↺────✿
✿────↻✿...✿↺────✿
الغربه صعبه وانت غايب گلي وين
اليمته تظهر ياابوصالح تبچي عين
ومثل يوسف ناجى ربه ومدله ادين
بغربه عايش وسط ناسي والحسين
★نقره بالندبه الك وابچينه★
★بحسرة اشواگ المحب نادينه★
*عابس احنه امجنيين*
*انته يلكلك حنين*
بنص وطنه وبالغرب حسينه
✍باقر جبار الشويلي
✿────↻✿...✿↺────✿
شكد حملنا أهات يابن العسكري
نقرأ بالندبه ودمع نار يهلي
بالوطن غربه وحق جدك علي
وشيزيح همومنه الماتنجلي
★شكثر من جور الزمن ونينه★
★چفوفنه بدم الورد حنينه★
*اوجرت بينه السنين*
*انته يلكلك حنين*
بنص وطنه وبالغرب حسينه
✍علي داوود سلمان البحار
✿────↻✿...✿↺────✿
الك يبن العسكري عيونه رماد
غربة منتضرين وباارض السواد
ياوطن وبروحي عالن هالحداد
انته ابونه وانته ياسبع الشداد
★احنه ننتظرك تمر اعلينه★
★مثل بدرالله وتكمل اسنينه★
*شوكت هالموعد يحين*
*انت يلكلك حنين*
بنص وطنه وبالغرب حسينه
✍باقر جبار الشويلي
✿────↻✿...✿↺────✿
بعد مابينه عل بعدك ذايبين
انت حاضر واحنه عنك غايبين،
شوكت تكتبنه بسجلك تايبين
حتى لو تحسبنه عندك نازحين
★يمته نسمع صوتك يحاجينه★
★نسمع ويه الخدمو تخلينه★
*مسلم تخط عل الجبين*
*انته يلكلبك حنين*
بنص وطنه وبالغرب حسينه
✍علي داوود سلمان البحار
✿────↻✿...✿↺────✿
يمته وليمته ضهورك ياامام
وبمغيبك شيبت روس الانام
اه ياغربة سِنينك چن سهام
غربة وايتام بغيابك والسلام
★من حزنه دموع الك هلينه★
★انت يااكبر جرح نحچيله★
*بالوطن ومغربيين*
*انته يلكلك حنين*
بنص وطنه وبالغرب حسينه
✍باقر جبار الشويلي
✿────↻✿...✿↺────✿
يمته نتلاكه وتروح ألآمنه
نشوف شخصك سيدي كدامنه
شكثر نفرح من تجي بحلامنه
مره صارت والله كل أيامنه
★والعدة من كل كتر ترمينه★
★انت بس يامنقذ التحيينه★
*كل صلب يمك يلين*
*انت يالكلك حنين*
بنص وطنه وبالغرب حسينه
✍علي داوود سلمان البحار
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
يافاطمه يافاطمه يافاطمه
……
تعنيتچ حزن وسنيني مذبوحه
يلاويني المرار ابكشخة اجروحه
كل عاشگ يقدم ليلچ اطروحه
ّّّونه ذاك التنازع روحه من روحه
يافاطمه يافاطمه يافاطمه
……..
وحگ ليل العذاب المانسه عيوني
اموت اشما سگم حالچ يذكروني
اذكرچ ولبواچي تحظن اجفوني
انه بلياچ ليل الاه سموني
يافاطمه يافاطمه يافاطمه
………
وحگ ذيچ الليالي وعشرة الحلوه
اصبر بالدليل وماصبر گوه
تدرين الزمان ابخاطري اشسوه
انه ابفرگاچ آه بآه تتلوه
يافاطمه يافاطمه يافاطمه
…… .
ارد البيتچ وكل ونه بظلوعي
وتمر بيه الصور ومراشگ ادموعي
بس انه وسواد الليل وشموعي
محد شاركاني ابهمي وبلوعي
يافاطمه يافاطمه يافاطمه
…….
تفر بيه الليالي وانتي مويمي
واطشر مناحه بكل كتر همي
ماادري اليسيل ادموع لو دمي
انه امعوز اچفوف اتساعد بلمي
يافاطمه يافاطمه يافاطمه
…….
علي الحاج الصبيحاوي
نعي للزهراء ع
--------------------
من يـوم رحتي يالحنينه
الحسن ما غـمضت عينه
وحسيـن ما بـطـل ونينه
والـروح بفـراگج حـزينه
ردي يـنـور الـبيـت لـيـنه
من غيبتج والله انسبينه
ام سـ✍️ـجـاد العسكري
〰️⚜️✍🏻⚜️〰️
مانحمل الغيبه طويله
ورواحنه صارت نحيله
وناتنه لجلـــــج ثجيله
شلتي ييمه انتي عليله
ردي لبيتج فرد ليلــــه
مر الهجر من برد حيله
ام ســـاره خادمة الحجه عج
〰️⚜️✍🏻⚜️〰️
مـر الهـجر مـا احـمـلنه
الصبر ومـنيـن اجيـبنـه
ازغـار يـمـه او تـيـتـمنه
يـمـه ابـرحـيـلج تالـمـنه
يـاريـت ويـاج انــدفـنـه
ابشيلتج شالوها المحـنه
الشـاعره الـملـه مـهـا الخـيـگاني
〰️⚜️✍🏻⚜️〰️
لمي الحنينه تلوج روحي.
بفـراكـها تـنزف اجروحي.
ومابـطليت عـليج نوحي.
احوووه يالبعدج صغيره.
وعمرج خلص ونه جريره.
كـون الـمـرض لـيـه اديره.
✍ الاء الطائي
〰️⚜️✍🏻⚜️〰️
اصـغـار يازهره بـعـدنه
ومنج يشفجه ماشبعنه
وانريد كـلنـا وياج يمنه
تـمـشـين يلكـلبج يودنه
اتعتوفـينه وترحين عنه
والـدهـر عـكبـج يـعذبنه
زهراء الجابري ناصريه
〰️⚜️✍🏻⚜️〰️
عگـبج صفت ضلنه اليالي
والـعيـش بعـدج ما هنالي
صحتج يبعد اهلي تـعـالي
حال الهضم بجفاج حالي
روحي تون والدمع هالي
ام سـ✍️ـجـاد العسكري
〰️⚜️✍🏻⚜️〰️
ريضي يم. حسين ليه
ومري. فرد مره عليه
وگولي بالنزل ظلت ابنيه
بنفوسنه الگعده سويه
واحجيلج الهظم الي بيه
✍️ ام منذر الحجار
〰️⚜️✍🏻⚜️〰️
انه ابعازتج يم المحنه
ادخيل لتبعدين عنه
يالوالدة شمعة نزلنه
تنطين يمه ابغير منه
ام علي الساعدي بغداد
〰️⚜️✍🏻⚜️〰️
رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 19 ربیع الثاني 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
نعي بحق دورة سنة الاب
صدك شالوا كبار البيت غياب
وتفاركنه وعلى الفركه شبدينه
صدك جنهم نسونه ومايردون
واليوم الابو دارت اسنينه
تمر اسنينهم و تهدم الحيل
لهذا اليوم ابد ما حسبينه
جان البيت يزهي وجنه العيد
وهسه البيت ابد ما رايدينه
كرهنه البيت هسه خلاف عيناه
بعد للبيت شنسوي اجينه
شحلات الدنيه جانت حلوه اليام
من نسمع ابونه ايصيح بينه
انتهت ذيج الليالي وصارت احلام
و لا جنه كعدنه و سولفينه
لملكاهم تحن الروح يا ناس
والوالد عزيز و فاكدينه
جانت حلوه دارك يا لابو هنا
واليوم انتهت و تيتمينه
عشرتنه انتهت صارت سوالف ليش
وتدري احنه عليك اتعلمينه
بويه وداعتك ما احمل افراك
كلساع وصحت والدنه وينه
🎤🎤🎤🎤🎤🎤🎤🎤🎤🎤🎤🎤بقلم✍الشاعرة سحر ام كرار الساعدي
غير مبري الذمه من يحذف اسم الشاعر
💫قناة 💫خطيبة المنبر الحسيني🎤
✍ الشاعره ام كرار الساعدي ✍
يازهراء:
المهدي ومآسي زينب (عليهم السلام)
كُلّنا نَبكي على عَمّتنا الغَريبة
ــــــــــــــــــــــــــــــــــــــ
كل الائمه اتهل دمع .. بس عيني مبچاهه بدمه
بالطف سبو مو بس مَرَه .. آنه انسبت مني السمه
متعلمه زينب عالستر .. عالناگه مامتعلمه
من تنهضم تنخه ابعلي .. وبالليل تنخه ابفاطمه
أيُّها الناعي فهل تروي لنا المصيبة
كُلّنا نَبكي على عَمّتنا الغَريبة
ــــــــــــــــــــــــــــــــــــــ
هم شفتو علويه انسبت .. لو هاشميه ابنص غُرُب
ولأي جهه من تلتفت .. بالسوط عمداً تنضُرب
الليل اذا چلچل تره .. لبيوتهه الوادم تطُب
وعماتي ماعدهن وطن .. چن واحد امتيّه الدرب
خربةُ الشامِ لها مصائبٌ عجيبة
كُلّنا نَبكي على عَمّتنا الغَريبة
ــــــــــــــــــــــــــــــــــــــ
هم شفتو ياعالم اخت .. اخوتهه ماتو بالسره
لمت افراش البالخيم .. وفرشت افراش الـمگبره
واحد اچفوفه امگطعه .. واحد اضلوعه امكسره
واحد يخط من المهر .. واحد سگط عالگنطره
شيعتي فأرتقبو الطلعةُ القريبة
كُلّنا نَبكي على عَمّتنا الغَريبة
ــــــــــــــــــــــــــــــــــــــ
لو اسمع ابطاري السبي .. خنگة المسجون اختنگ
انعي يناعي أعله الخيم .. خلّيني ويّاهه احترگ
اتشاركنه آنه وعمّتي .. بالنوح والون والعشگ
هذا اني ابو ادموع الحُمُر .. وهيه ام الامتون الزرگ
جُرحُنا لاينتهي وَكربلاء طبيبة
كُلّنا نَبكي على عَمّتنا الغَريبة
ــــــــــــــــــــــــــــــــــــــ
هم شفتو طفله امن البچي .. ذبلانه والمدمع يهل
ماضاحكه امن اهد الخيم .. من چان عبد الله الطفل
ترفات اديهه اتخيلو.. شيسوي بالترفه الحبل
واحسين ابوهه أعله الرمـح .. بس هيه تتصور عدل
إنها رقيةٌ وأبنتـهُ الحبيبة
كُلّنا نَبكي على عَمّتنا الغَريبة
ــــــــــــــــــــــــــــــــــــــ
ماتت رقيّه أعله النحر .. من شافت الخير ابطشت
وانه ابچي من يوم السبي .. والهسه لاچن مامتت
للدنيه اجيت ابلا فرح .. ومن اهلي ليش اتيتمت
مابين شام وكربله .. ابهذا الدرب هايم عشت
عجّل الله الفرج يادعوتي الـمُنيبة
كُلّنا نَبكي على عَمّتنا الغَريبة
محمد الجماسي
لطميه للزهراء ع على طور يخيمات
يـــيــمـــة
اعيش شلون من عكبج ييمة
الدنية تصير كلهه بعيني ظلمة
يشكي يريد كلبي اليوم همه
------------------------------
اموت انه عكبج تره يايمة لوعفتيني
زينب انه كلبي انمرد يحبيبة بس حاجيني
زغيرة بعدني عالهضم يايمة عودتيني
فركتج تكتل يم حسن محملهه ابد تدريني
اشـــبــكـج
والله بودي يايمة اشبكج
لجن يالغالية ضلعج يلجمج
مشتاكة هواي يايمة لحضنج
……………………………………
يمة شسولف عاليتم انت اعرف وتدرينه
نموت كلنه من القهر يحبيبة لو عفتينه
نلبس هدومج بالمسة بس هيه الادفينه
نغفه ويفززنه الدمع لومعصبج شمينه
حـــنــيـنه
ياهو يصير مثلج ياحنينه
شمعة يصير ويضوي علينه
محنه مثلج ماكو مالكينه
……………………………………
غمضت عينج يم حسن وهي تصد عليه
روحج الطيبة رفرفت وملزمة بديه
جنج تعرفين الزمن واليجري يمه عليه
والله حسافة وياوسف بت فاطمة سبية
زمــانـي
ادري بيك اكشر يازماني
مايرحمني ابد لمن عماني
تمنيت الكبر هسه مجاني
……………………………………
والله احس كلبي نمرد من شيعوا نعشهه
تمنيت كون يلفني البجفن يلفهه
اتوسل بقيت بوالدي بس ارد اشم صدرهه
شميتهه ووجهي الطمت يمكني الجمتهه
لــجــمتـج
اضن بشمتي يمة لجمتج
نسيت وايدي خليت عله ضلعج
كون بصدري يمة صواب صدرج
……………………………………
ردتـج ييمة لكربله ترحين وتواسيني
تضمدين جرح البالمتن ولصدرج تضميني
بأيتامي يحبيبة ردت بدرب السبي تعينيني
اغفالي ليلة بالسبي بحنانج ادفيني
ظـــلــمـني
عكب ذاك الخدر دهري ظلمني
اخذ مني اخوتي من اهلي حرمني
ظل بصواب كلبي يلجمني
الشاعره ام زينب النجفيه
نعي
مفجع
چلچل الليل وينچ يزهره چلچل الليل
هدم الحيل يكتل وداعچ هدم الحيل
والمدمع ايسيل اذّكرچ والمدمع ايسيل
وشتم بالهدوم افرش گمت وشتم بالهدوم
ماضلت ارسوم من البچي ماضلت ارسوم
ما ادري يايوم نلتم سوه ما ادري يايوم
من نضرت الباب گلبي انكسر من نضرت الباب
ينزف ولا طاب جرحه بألم ينزف ولا طاب
وياه ألي اعتاب چي ألمّچ وياه ألي اعتاب
*------------*-----------*
✍بقلم خادم الزهراء ع
الشاعر رعد الجريخي
قصيدة ((لطمية من جلوس ختام المجلس))
بمجلس فاطمة الزهره.حضرت فاطمة الزهره
ونناشدهه يأُم حسين.. منچ للخلگ نَضره
يافاطمة.. يافاطمة... يافاطمة
=========@@@===========
نور الباري ضوانه.. بوجه ام الحسن هالنور.
حضرت وابدمع سچاب.. برَكان المكان اتدور..
تلطم فاطمة اعله الراس.. لن عدهه ضلع مكسور.
يالزهرة نصيح بصوت.. يومچ اشبه بعاشور.
هاي البيهه نتعله... والهه بكل گلب حضرة.
=========@@@===========
بمجلسهه بلياليهه.. تحضر فاطمة المأتم.
اوتفرح من تشوف الناس.. لخدمتهه اجت تلتم.
واحنه انگلهه يازهراء.. بوجودچ يزول الهم.
لو لچلچ عُمر ننطيه.. لاولله فلا نندم.
هناك الينكر اوجودچ... شراح ايسولف بعذره
=========@@@============
ويانه الزهره موجوده.. اومتلهفه لخَدمهه حيل.
گبل لانحضر المجلس.. حِضرة فاطمة بهل اليل.
وصية من الزچيه ادگول.. والمدمع جرى كالسيل.
وي ضلعي اذكرو اضلوع... داسنهن حوافر خيل.
مانسين ابو السجاد . صبح ويالمسه بذِكرة.
==========@@@==========
نريد الليلة نضرتهه.. ونرفع للسمه چفين.
بلطمتنة نناشدهه... ونناشدهه بدموع العين.
هالليلة التفاته نريد.. من الطاهره أُم حسين.
تگضيهه الحوائج دوم.. وانگلهه فلا اتگصرين.
واحنه شما نقدملهه.. منرد للفضل ذرة.
=========@@@============
الشفيعه فاطمة الزهرة.. وبيوم الحشر تحضر.
لمن عالسراط انفوت.. والصك بختم حيدر.
هناك تنفع الخدمه.. اوبيهه نعتلي اوننٰسر.
وكلمن يبغض الزهراء... مصيرة اجهنم التسعر.
ونعاهدهه لحَد الموت... من عدهه منتبرة.
لخادم الزهراء (ع)
الشاعر
ابو عبدالله الشمري
✍️
فراق الاحباب
مسافرين
خلافكم ما ضگنه طعم الابتسامه
مسافرين
وداعة الله يا هلي وألف السلامـه
مسافريــن وذابـت الروح بجفاكم
روحي ماظنها بعــد تشتم هواكـم
تنچــوي بنـار الهجــر ظلت وراكم
تدعي كون يصيبها سهم الرماكـم
مسافرين
روحي صارت للحزن مرمى لسهامه
مسافرين
وداعة الله يا هلي وألف السلامـــه
مسافريـن وأدري سفرتكــم طويلـه
وأدري شوفتكـم بعينــي مستحيله
يمــر يومــي إعلَيَّــه ساعاته ثجيله
ودمعــي ليليــه على الوجنه أسيله
مسافرين
بعــد مــا ينفــع عتبنـــا والملامــه
مسافرين
وداعة الله يا هلي وألف السلامـه
مسافرين وچم عزيـز الفـارگ الدار
مـا بقت بس الصور والدمعه تذكار
حگهــا عينـي من تهل الدمع مدرار
وحگه گلبي من هجركم يستعر نار
مسافرين
أون وانحــب مثــل ونّات الحمامه
مسافرين
وداعة الله يا هلي وألف السلامــه
مسافريــن وطالت الغيبــه يلحبــاب
ريــت لـو تاخذني إلهم ياهوى الهاب
اگعــد ابسدهم وسولف عَـنِّ الغيـاب
شلون جرحه بالگلب ينزف ولاطاب
مسافرين
بعيني كل ليله الحزن يكشف لثامه
مسافرين
وداعة الله يا هلي وألـف السلامــه
مسافرين ولسه ذكراكم علــى البـال
والحــزن يرمــي دليلي بسهم چتال
يمتــه نتلاگـــه يغاليــن الهجر طـال
دمعي عالفرگه يظل عالوجنه هَمّال
مسافرين
بدونكــم ليــل الهجر يجرح ظلامه
مسافرين
وداعة الله يا هلي وألف السلامـه
مسافرين وگلبي خابت كل ظنونه
اتذكّــر اليــوم الذي بــي ودعونـــه
يـــا گلب بســك تراهـم مـا يجونه
لچــن يــا گلبي بدعاهـم مانسونـه
مسافرين
راحوا احبابي وصبح حزني علامه
مسافرين
وداعة الله يا هلي و ألف السلامـه
كلمات عمار الراشدي
متى الفرج:
قصائد استشهاد الزهراء (ع)
مقدمه مجلس ( ثكيل )
قبل وفاه السيدة الزهراء عليها السلام جلس الامام علي (ع) مع الزهراء عليها السلام فدار حوار بينه وبينها فوصته بوصيه أن يحمي اولادها بعد مماتها
فخاطبها الإمام علي عليه السلام قائلا
●●●●●●●●●●●●●●●●●●●●●●●●●●●●
لاتونين اعلى هونج لاتونين
يم الحسين انا دونج لاتونين
ادري صعبه هالقضيه
فراكج وموتج سويه
لاتونين لاتونين
●●●●●●●●●●●●●●●●●●●●●●●●●●●●
لاتونين حالي يتغير بعد حالچ يفاطم
لاتونين وبغيابچ بيه ربي هو عالم
لاتونين أمر ربج يالزجيه وهالامر لازم
لاتونين مارحم بيج الزمان وهو ضالم
شلون ياأم الحسن
راح الفچ بالجفـن
هــاي لحضات المنيه
وداعج وموتچ سويه
لاتونين لاتونين
●●●●●●●●●●●●●●●●●●●●●●●●●●●●
لاتونين خاف تسمع بالبچي بنتي العقيله
لاتونين تگوم تبچي والدمع عالخد تسيله
لاتونين بغيبتچ زينب تضل وسفه عليله
لاتونين بغيابچ انتي بعد ياهو تشتكيله
زينب تنادي وتكول
سامحيني يالبتول
سامحيني يالزجيـــه
وداعج وموتج سويه
لاتونين لاتونين
●●●●●●●●●●●●●●●●●●●●●●●●●●●●
لاتونين خاف يتأذى بونينچ أبني الحسين
لاتونين تعذبين حسين ابني من تروحين
لاتونين نشفت دموعچ علينه وانتي تبچين
لاتونين ودعي اولادچ يحره وبطلي الونين
حسين وسفه ينهضم
لــــوسمع طاري اليتم
لاتيتمينــه خطيـــــــه
وداعج وموتج سويه
لاتونين لاتونين
●●●●●●●●●●●●●●●●●●●●●●●●●●●●
لاتونين الحسن يحتار لوشاهد الحاله
لاتونين بروحتج محد اله ومحد بقاله
لاتونين الولد امه لومشت يذكر دلاله
لاتونين اليفگد امه ابد مايرتاح باله
يمه وفراكچ صعب
أبــد ميحمله الكلب
يصعب فــراكچ عليه
وداعج وموتج سويه
لاتونين لاتونين
●●●●●●●●●●●●●●●●●●●●●●●●●●●●
لاتونين هاي آخر ليله والله وآخر أيام
لاتونين الليله آخر ليلةيمج ولدچ تنام
لاتونين لشوفتچ كل احنه باچر والله نحتام
لاتونين راح بغيابچ نشاهد كل الالام
وصيتي بحسين وحسن
وعلي شاهــد هل الزمن
راح أنفذها الوصيـــة
وداعج وموتج سويه
لاتونين لاتونين
●●●●●●●●●●●●●●●●●●●●●●●●●●●●
الشاعر عماد محمد الدراجي
الثلاثاء 2016/1/26
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
ارجع اذن يا بلال
فاطمه صارت خيال
اجبر بصوتك ضلعها المنكسر
بلگت اترد عافيتها وتبتشر
ارجع اذن يابلال
،،،،،،
الزهره مكسورة ضلع ما تدري بيها
وصبت الدنيه مصايب بس عليها
يابلال من اعتنوا تدري الوليها
حرگوا الباب وتچوت بنتي اديها
كل فرض بنتي تنوح
صوتك ايداوي الجروح
روح للزهره الوديعه وعتذر
بلكت اترد عافيتها وتبتشر
ارجع اذن يابلال
،،،،،،
بلكي من تسمع اذانك تنسه همها
واشهدو أن محمد صيح يمها
تلگه عالحايط اثر موجود دمها
صيح صوت الله اكبر عالضلمها
امنيه تسمعك تريد
روح اذن من جديد
عدله هسه الزهره لكن تحتضر
بلكت اترد عافيتها وتبتشر
ارجع اذن يابلال
،،،،،،،
امشي واسيها اعلمحسن ذابحينه
عگب أذانك گبر چنها المدينه
روح أجبر خاطر الزهره الحزينه
حته أذانك وجوبن تجري عينه
الزهره ماتگدر تگوم
من ضلعها والهموم
عينها وخدها لحد هسه حُمر
بلكت اترد عافيتها وتبتشر
ارجع اذن يابلال
،،،،،،،،
تكض بالحايط إذا تمشي بضعتي
يابلال وياك اخذ ليها دمعتي
بگد صدى صوتك غزت گلبي حسرتي
گبل لاتستشهد أتلاحگ مهجتي
بعين بنتي بس ضلام
تلوچ ماتگدر تنام
ماتعيش الزهره لمن تعنصر
بلكت اترد عافيتها وتبتشر
ارجع اذن يابلال
،،،،،،،
يابلال الدار هتكوها بحقدهم
رجف گلب الزهره من شافت عددهم
حنوا الريحت هُبل اعرف قصدهم
باجر بشيباتي عن الحوض اردهم
الحوض عدنه بالحساب
وهمه عدهم بس سراب
عليهم ارفع دعوه باچر بالحشر
بلكت اترد عافيتها وتبتشر
ارجع اذن يابلال
،،،،،،
لخادم الزهراء ع
محمد الفهداوي
في الأمام القاسم عليه السلام
الحزن والهم دليلي مالحنه
وليالي اجفاك شوفي مالحنه
الجنت احلم بعرسه مالحنه
تحنه وحنته اسهام المنيه
رمله علگت شمعتك امحنيه جفها الزفتك
يا جاسم ياجاسم
ــــــــــــــــــــــــــــــــــــــــــــــــــ
زفتك ارسم صورها بدمع الأشواگ
يمه مابيه انتظار و حمل الأفراگ
الأمل يوليدي كطعته وطيفك انباگ
ماجنت ادري اخسرك بأرض العراگ
راح اموت بفرگتك شلون تنسى الربتك
ياجاسم ياجاسم
ــــــــــــــــــــــــــــــــــــــــــــــــ
شعندي بالدنيه شبگالي بس الهموم
مابقت من ذكرياتك غير الرسوم
ليش بس اني فرحتي وياك مدوم
البين يغدرني بمصابه البين مشؤوم
ماشفت بس الدمع عمري خلص بالوجع
ياجاسم ياجاسم
ــــــــــــــــــــــــــــــــــــــــــــــــــ
تدري تعبني الربا يا تعب السنين
جانت امنيته زفافك عمك حسين
ويفرح بعرسك يهيبه وگرت العين
ماجنت ادري بسهامه امسدد البين
البين ماخله فرح شاب جاسم ينذبح
ياجاسم ياجاسم
ـــــــــــــــــــــــــــــــــــــــــــــــــــــــ
اقسم عليك بحياتي ولبن صدري
بفرگتك لاتبتليني ابتالي عمري
عندي بس انت يجاسم يمه تدري
لو صبر ايوب يمه ايظيگ صبري
بيدي او سدك بالگبر بعدك ابأول عمر
ياجاسم ياجاسم
ـــــــــــــــــــــــــــــــــــــــــــ
لحظه ماانساك يبني وانسى المصاب
يمه من كثر الرزايا دمعي سجاب
خدك الناعم يضمه اشلون التراب
اعداك حرموك السعاده والهوى الهاب
ماشرب ماي العذب شاب ماعنده ذنب
ياجاسم ياجاسم
خادم أهل البيت
وسام عبدالجليل
نسألكم الدعاء
نعي للأهل
شالو اهلنه اومايرجعون
والدمع طيح رمش العيون
ضلوا نكلهم لا ترحلون
😭💔😭💔😭💔
عالثره ياذيج الشوارب
ومن التراب الون شاحب
ارسومهم حدر الترايب
😭💔😭💔😭💔
غياب ويعودون هيهات
هاي لنحبهم بالثره تبات
بعيونهم كل الرمل فات
😭💔😭💔😭💔
فات الرمل بعيون الأحباب
وضهورهم تمتد عله أتراب
كلب اليحبهم صبح عطاب
😭💔😭💔😭💔
عطاب الكلب من البواجي
لحلوين وحلوات المحاجي
نزعن يوسفات التراجي
😭💔😭💔😭💔
راحت أيام البيهه جنه
نلتم سوه ونكعد يهلنه
راحو وخلونه لوحدنه
😭💔😭💔😭💔
راحو الجلمتهم عضيمه
والروح خلوها أليمه
انكسر كلبي وزاد ظيمه
😭💔😭💔😭💔
نوم الترب يحبابي موزين
يكبارنه انتو ياشياهين
دمعها يجري ضاله العين
😭💔😭💔😭💔
يجري دمعنه وعيب ينشف
عالحملو دلالي يرجف
ذكرن وياجن عملت الطف
😭💔😭💔😭💔
ذكرن وياجن عملت حسين
عافته الحره بغير تجفين
وراسه انهده لكوم الملاعين
😭💔😭💔😭💔
السيده زينب
زينب شتحتمل .. شـام لو كـربله
لو خـيم تشتعل .. لو سهم حرمله
**
شتنسه زينـب من مصايبهه العديده
راس اخوهه العالرمح لوچف عضيده
من لـفـاهـه الـمـوت بـديـار البـعـيـده
حتّه موتتهه بـحـزن مـاتـت وحيده
.................
تنسه ذيچ الهزل .. لو بچي العايله
لو خـيم تشتعل .. لو سـهـم حرمله
**
الحزن وي زينب مفصّل عليهه
من كسر ضلع امهه للنار البديهه
لچبدة المسموم ولهامة وليهه
من فرار عيالهه لحرگة عبيهه
....................
تنسه نحر الطفل .. ونّـت لـمـقـتـله
لو خـيم تشتعل .. لو سـهـم حرمله
**
من بعد رحلة عمر ضاگت نحيبه
وسفه زينب ياخلگ ماتت غريبه
ونّت وگـالـت علي يمّي شيجيبه
ساعد الله المات ومفارگ حبيبه
......................
صعبه يهل العقل .. ميّته وبمعضله
لو خـيم تشتعل .. لو سـهـم حرمله
**
مددت رجليهه حـسّـت بالمنيه
وصّـت لـدفّـانهه زيـنـب وصيّه
باللحد ماي العذب لترش عليه
ماتو اهلي بلاشرب اهل الحميه
......................
وصّي اهل الغسل .. بالمتن مشكله
لو خـيم تشتعل .. لو سـهـم حرمله
**
لا تلفّوني بچفن ساعة رحيلي
الچفن خليته الك راية چفيلي
من تنزلني عله هونك وي دليلي
انتظر بالله انتظر بلچن يجيلي
.....................
بهيده لمّن تهل .. لـو شـفـت قافله
لو خـيم تشتعل .. لو سـهـم حرمله
**
لو شفت نزلت دموعي وحان موتي
يعني ابوي وامي يعني ذوله اخوتي
بس اشمّن ريحهم اكـسـر سكوتي
آني اصيحلهم هـلا وبعالي صوتي
.......................
جرحي بيهم اشل .. بالاجو ياهله
لو خـيم تشتعل .. لو سـهـم حرمله
**
سيد علي المدني
لاستشهاد فاطمة الزهراء عليها السلام
يادهر وين الحميه. من اجيت شلون جيه
حاربت روح الرساله. عذبت گلب الزچيه
ياهو دلاك وعرفته. بيتهم بالشر وصلته
بيت المطفي شمعته. راحت ايامه الزهيه
المرتضى للموت ناره موحشه من صفت داره
شحال كل ساعه بنهاره. اشحال ساعات المسيه
يادهر مثل الاعادي. للحرب جيشك ينادي
من خذت بضعة الهادي صوبت حامي الحميه
يادهر عذب البضعه. مثل طبع الگوم طبعه
بيت مافارگ الدمعه. عياله ونتهم خفيه
ادري موصدفه يدهري. تعمدت واهواي تدري
تريد دمع الزهره يجري من الكسر حد المنيه
يادهر مالك عداله. حاربت أهل الرساله
ورافگت أهل الضلاله عسكرت وي جيش أميه
الشاعر حسن لعيبي الحريشاوي
السلام على عقيلة الطالبين زينب
احشم ياكفيلي الفزع حالين
بخوك الخيل يالعباس حالين
صفى حالي بغريبه بين حالين
الخدر وفيايكم راحن سويه
ــــــــــــــــــــــــــــــــــــــــ
هندس وبظلامه الليل حالك
اخوك حسين حاله شلون حالك
عني الموت يالعباس حالك
ونفس نار الخيام النار بيه
ـــــــــــــــــــــــــــــــــــــــ
جم حسبه ودليلي ماهظمها
بقت عطشانه اخته ماهظمها
ولون يدري بغيابه ماهظمها
اسيره اعله الهزل بت الزجيه
ــــــــــــــــــــــــــــــــــــــ
انه ام الخدر زينب ويروني
ومثل اخيام اخوتي ويروني
امشي الگيد بيدي ويروني
واصيح ادخيل حماي الحميه
ـــــــــــــــــــــــــــــــــــ
الگبل ظل ابمشيها مايرله
دمع لخته بوجوده مايرله
لون يدري بغيابه مايرله
مشت للشام يالكافل سبيه
ــــــــــــــــــــــــــــــــ
نزع جلدي الضرب بالسوط وجار
وقلبي من الحزن والهظم وجار
احشمنك ياحامي الحمه وجار
خدر زينب صبح بيد ال اميه
خادم أهل البيت
وسام عبدالجليل
نسألكم الدعاء
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
قال مولانا الإمام الصادق ع
((ان يوم الباب أصل المصاب ))
زيارة يوم عاشور
بدت من ضلع مكسور
انولد طف كربله اباب الزجية
@@@@@@@@@
اصل كل المصايب وقعة الباب
تعال اتمعنو يا أولي الألباب
شكال الصادق شبين بالاسباب
حرك باب الزجية أصل المصاب
لذلك صار الاعلان
قتلني افلان وفلان
ومثل نحلة فدك سلبوه أميه
@@@@@@@@@@
تفاصيل الجرت بالزهرة مشوار
بده من آمروا بالحرك للدار
النار الوجرت باب الجذع نار
جوّت يوم عاشر كل الزغار
تناثر قرط ع الكاع
وقرط لرقيه ينباع
الفرق بيناتهن عمر الرزية
@@@@@@@@@@@
طلعت فاطمة خلف الولي اتصيح
خلو ابن عمي لو سمه اتطيح
خلف زين العباد اتصوت الريح
يلمجتف ابعلتك كول شنزيح
انعج اغبار التراب؟؟
ونصنع الكم احجاب؟
الريح ويمتلك غيرة وحميه
@@@@@@@@@@@@
علاقة حيدره وي فاطمة تكون
سر ربط السمه الما تكلب الكون
بعيون البعض مو صوت يحجون
الحجي البيناتهم زاد اليحسدون
يعني ابموت فاطم
مات الولي العالم
شبكته لفاطمة (شبكة رقية )
@@@@@@@@@@
اظن فاطم توصي بدفنة الليل
سر وما تريد اصياح وعويل
تواسي جثة المرضوضه بالخيل
كبل لا تنسحك والمدمع يسيل
شكد تحب الحسين
وتواسيه بالونين
قبل وقع المصايب تبچي هيه
@@@@@@@@@@@
✍منتظرالمهدي
١٤٤٢ هج - ٢٠٢٠م
لسان حال كل خادم للزهراء عليها السلام
ما رايد مدح عالخدمه لا شُهره
بس رايد رضاتچ عني يالزهره
...........
يهنياله اليصفي النية بالخدمه
المهم گلب الموالي مو مهم اسمه
اليخلُص بالعمل يعله بعلو النجمه
ويهنياله التوفّق فاطمه تنظره
..........
اذا بيّه الغرور اتلبّس ابديني
دخليج فاطمه مولاتي نبهيني
بغروري وكبريائي لا تعوفيني
سماحچ والكريم يسامح الفقره
...........
اذا لا سامح الله وما قبلتيني
وين انطي الوجه مولاتي حاچيني
امامي المهدي يطردني ويجافيني
يضيگ بعيني هذا العالم بأسره
...........
اذا شفتيني مرّه تكبّرت بسمج
حلمج فاطمه مولاتي بس حلمج
للمجلس اجيتج أعتذر يمّج
التوبه التوبه عفوج عني هالمرّه
.............
اذا ما استحق خادم تسمّيني
خادم للخَدَم مولاتي حسبيني
اكنس بالمجالس عاد خليني
لو صفّط نعِل خدامج بعبره
.............
عله مصابج جبت عمري أون ونعه
الليالي الفاطميّة شهود والدمعه
اموت بلا مجالس والله يالبضعه
اريد ارضيج وجبر ضلعج وكسره
.............
اواسيج بمناحه ودمعه سچابه
المجلس لو اجيته اوكف ابابه
اصيح بصوت آ يحسين ومصابه
ومثل ما يقره ناعيّچ اظل اقره
.............
ادري بكل حُسيّنية ألچ لوعه
عله حسين الذبيح الكسرو ضلوعه
يهنياله التواسي دعوعج دموعه
ويوسّم باللطم يافاطمه صدره
#سيد_زيد_الفحام
______________________
ام البنين ع. جديد
حسين ما أگدر أصابر. أدخل الدار او أكابر
تبقى دوم احزاني. والفرح جافاني
حسين يبني
♡♡♡♡♡♡♡♡♡♡♡♡♡♡
الدهر يطلبني بيش او ببني عذبني
حزن أيوب أحسه ابهلخبر طبني
أفراگك مو سهل يحسين غيبني
اوسهم بحشاي فگدك يبني صوبني
الهضم بالدلال شاجر. ابفگدك اتون المنابر
اتغيب مني الواني. والفرح جافاني
حسين يبني
♡♡♡♡♡♡♡♡♡♡♡♡♡♡
راح محبوب النبي او گمت أحتضر
أخلافه صرت امدوهنه وضاع الصبر
حزنه يبقى اولوعته طول العمر
يمه يبن الزهره حيرني الأمر
راح ومنيدي الوفي. وحس شمعي ينطفي
فدوه الك ولياني. والفرح جافاني
حسين يبني
♡♡♡♡♡♡♡♡♡♡♡♡♡♡
اخلافه داره موحشه وضلت خليه
ابگيت اخرط اخدودي او أصفج بديه
غيره ياهو اليعتني ويطب عليه
بعد ابو الاحرار فگديت الهويه
فارگت حنه اونعيم. والحياه بعد جحيم
ادري ما تنساني. والفرح جافاني
حسين يبني
♡♡♡♡♡♡♡♡♡♡♡♡♡♡
راح مني هيبتي او ياهو اليجيبه
حيث ضيعت الدلال ابهل المصيبه
اخلاف شخصه اصبحت چني غريبه
والفگد غالي عليه يكبر نحيبه
أنحب اعليه ابهظم. راح اليعلم الزلم
بالهظم خلاني. والفرح جافاني
حسين يبني
♡♡♡♡♡♡♡♡♡♡♡♡♡♡
راح مني حسين وفگدت الأماني
ابقى اونن للفجر واندب زماني
راعي المروه رحل ضليت اعاني
لا نسيته طول عمري اولا نساني
أشعر ابدلالي هام. لا أهود اولا أنام
ودع اوما جاني. والفرح جافاني
حسين يبني
♡♡♡♡♡♡♡♡♡♡♡♡♡♡
يوم ودعته اعرفت ميرد اليه
أبگيت أندب ياعلي نوب الزچيه
حرت مايرهم أسادي هل رزيه
ابذبح ابن حيدر او سبي الفاطميه
أون والحيل انهدم. طاح سوري والعلم
اليوم حل حرماني. والفرح جافاني
حسين يبني
♡♡♡♡♡♡♡♡♡♡♡♡♡♡
الشاعر الشيخ عبدالأمير الكعبي
رقم الهاتف / 0780147320
گعدية لوفاة القاسم بن الكاظم عليهما السلام
عالم سطع من عالم. القاسم ابن الكاظم
شگد غربته واحزانه ماضعف يوم إيمانه
القاسم ابن الكاظم
لفت غربة المو وكتها. ولفن لوعات الليالي
الديرته ينظر القاسم. ومن ضواه البيت خالي
ودع اديار المحبه وفارگ أحباب. وغوالي
حظر اجروح الغربته
بالظهر صارت ديرته
يا من يفسر حالته. من صفت للهظم تالي
يادهر قاسي يعاتب. من ياكتر ياجانب
وبدنيته الخوانه. ماضعف يوم إيمانه
القاسم ابن الكاظم
ماصغر يكبر جرحها. رحلة الغربة الطويله
وعرف روحه بلا أهلها. تمضي مهمومه وعليله
وعرف يحني الدهر ظهره. الگبل دهره ينحنيله
يطوي الدرب فوگ الدرب
چم ذكره يطوي بالگلب
لمن وصل دار الغرب. احتار يقصد ياقبيله
من كل قبيله خايف. عدوان بيها ايصادف
شماحاطته عدوانه. ماضعف يوم إيمانه
القاسم ابن الكاظم
حط رحاله بدار غربه. وصاح لطفك يا الهي
من شرور أهل الضغينه. ربي جنبني. الدواهي
وابقبيله اتوالي حيدر. ردت يكبر بيها جاهي
حقق الباري دعوته
من بعد ناره ولوعته
اتباهت الديرة بجيته. وصار لون الوكت زاهي
متوجره ضلت ناره. هزه الحنين الداره
وشماتوج نيرانه. . ماضعف يوم ايمانه
القاسم ابن الكاظم
اكرمه شيخ العشيرة. صاهره وبالكرم زاده
شافه ايمان وبلاغه. وتقوى واحسان وعباده
زمن ما امهل القاسم. سلب من عمره السعاده
بين المواجع والعلل
شابح انظاره على الأهل
غاب ورحل عنه الأمل. وخيم الليل وسواده
طفله بقت تبراله. تبچي وتنوح اگباله
من المرض هد أركانه. ماضعف يوم إيمانه
القاسم ابن الكاظم
من نسب طاهر مطهر. مادرت بيه العشيره
إلا يوم البيه فاضت. روحه باللحظة الاخيره
نطوت وسفه سنين عمره. . بهلارض اصبح مصيره
المن القاسم يلتفت
من عجل ابموته الوكت
مثل الحلم دنياه گضت. دنيا علقاسم گصيره
القاسم الباري يعينه. مات ودمعته ابعينه
وذكر الأهل بلسانه. ماضعف يوم إيمانه
القاسم ابن الكاظم
الشاعر حسن لعيبي الحريشاوي
متى الفرج:
وداع الأم لبنتها
زينب زينب آنه امج ودعيني
زينب زينب فدوه لعينج عيني.
زينب زينب للطف ضمّي دموعج
زينب زينب بالعاشر ذكريني
............
زينب بهداي گلبج لا يتفسّر
طفله وتبچين شفتيني بهالمنظر
بالباب انصاب ظلع امج وتكسّر
والمحسن طاح يمي ودمه تنثّر
خوف تموتين گلبج ما يتحمّل
بالطف ينصاب گلبج اكثر وكثر
انتي بدنياي روحي ونور سنيني
اشبع توديع بس منج خليني
زينب زينب للطف ضمّي دموعج
زينب زينب بالعاشر ذكريني
............
شفتيني شلون دفعوني وعصروني
طگ ضلعي وطاح ابني ومارحموني
وجه المختار وجهي وبي سطروني
طحت عله الگاع بالسوط يضربوني
باجر بالسوط بالطف يضربونج
الأذّوچ هناك يازينب اذّوني
من گبل الموت يازينب شبگيني
آخر لحظات شمّيني وّدعيني
زينب زينب للطف ضمّي دموعج
زينب زينب بالعاشر ذكريني
............
النار البلباب يبنيتي الشفتيها
بخيام حسين هم راح تشوفيها
تحرگ ايتام وچفوفچ تچويها
ما يبقه وياچ واحد وي يطفّيها
عباس يطيح وحسين يذبحونه
عالشاطي هناك چفّينه مگطعيها
يم نحر حسين يازينب ندبيني
موجوده هناك بالمذبح تلگيني
زينب زينب للطف ضمّي دموعج
زينب زينب بالعاشر ذكريني
............
لو شفتي اليوم بس ضلعي يكسرونه
هناك تشوفين چم راس يگطعونه
تشوفين حسين بسيوف ايگطعونه
صدره المصيوب بالخيل يسحگونه
ضلوع ابني حسين تتكسّر بالحافر
بحرّ التربان يبنيتي يعوفونه
صدره المرضوض منّ دم يبچّيني
اكثر بهواي من ضلعي يأذيني
زينب زينب للطف ضمّي دموعج
زينب زينب بالعاشر ذكريني
............
اعرف بالجاي يايُمّه وبي اعلم
زينب آنه ومن صبرچ اتعلّم
لكن تـدريـــن بغيـابچ اتـألّم
تعوفيني شلون طفله وراح اتيتّم
متعوده عليج يايُمّه تعرفيني
بمصابج ذاب گلبي وحيلي تهدّم
بصبرج هاليوم يازينب عينيني
مو هينه وياي دمعج من يبچيني
زينب زينب للطف ضمّي دموعج
زينب زينب بالعاشر ذكريني
#سيد_زيد_الفحام
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
الليالي الفاطمية
شوط كربلائي
سُليم ايگله يا سلمان ضلع فاطم منو رضه
ويسأله ليا سبب صارت تصيح الزهرة يا فضه
"""""""
يسولفله لسُليم الصار بحسرته ولوعته سلمان
يگله اعله الزچية الَطب دخل غفلة بلا ستئذان
وحرگ باب الوديعة بنار وبقت تتنفس الدخان
وعليهه الباب مطبوگه
وتصد بانفاس مخنوگه
تشوف الدار محروگه
حوالي بالثلثمية عليهه هجموا ابلحظه
""""""""
على الباب اعتنه الظالم بصلافة من يحاچيهه
حيدر لازم وغصباً إليه البيعة ينطيهه
يبايع لو تره احرگ عليچ الدار والبيهه
الزچية اتحاول اتمنعه
ودفعهه وطاحت البضعه
وصفعهه اعله الوجه صفعه
الوديعة تنضرب عالخد حلم ما تدري لو يقضه
""""""""
اسألت ليش الزچية اتصيح يفضه هاك اخذ ردي
تنادي فضه لحگيني الزمي ايدي ولي سَندي
سگط محسن عمت عيني وراح اوليدي من عندي
يفضه نادت ابدمعه
اظن ابني من الدفعه
مثل امه انكسر ضلعه
گبل ما ينولد محسن تره گلبه وگف نبضه
""""""""""
يسولف من دخل چانت الزچية ما عليهه اخمار
وتنادي فاطمة بالدار ويگلهه إي وإن بالدار
دفعهه الما يخاف الله ونبت وسط الصدر بسمار
وتنادي يا علي ابهمهه
شوف اضلوعي هَشَمهه
بسياطه امتوني ألمهه
علي بس لا تسل سيفك لابويه عهدك اتحفظه
""""""""
يبن قيس الحچي اهوايه ومصايب فاطمة كثره
عصرهه الظالم بقوته وبقت تشهگ من العصره
واُمر عبده اللعين وگال اريدك تضرب الزهره
العبد يا وسفه والخادم
رفع ايده على فاطم
بمتنهه يضرب الظالم
متن بنت النبي المختار بسياط العبد تتلضه
""""""""""
يسولف عن محن فاطم ويهل سلمان بدموعه
الرجس يشتمهه ويگلهه عليچ الدمعة ممنوعه
ويگلهه بالچ اتونين يزهرة بونه مسموعه
منعهه امن البچي هوَ
وتجر هيه النفس گوه
وتگله مالك امروه
يرب تدعي الحِرگ بيتي عساهه ببخته وبحضه
""""""""""
واخبرك يا سُليم اكثر على الگلته خبر زيده
بعد ما ضربوا الزهرة بحبل چتفوا علي ايده
تگلهم خلوا بن عمي وافتحوا ايده من گيده
عليكم لو دعيت انه
ينزل الله حُسبانه
ويزلزل بيكم اكوانه
تره أدعي واذا أدعي السمه تغضب إلي وترضه
انيس الخفاجي الكربلائي