-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
نعي نصاري..
يحــيدر وينــك اشعــطل فــقارك
وعــدوك يــوله ســوّه ابباب دارك
ياتــاج الــعرب واشــجع محــارب
يالابســيفك چــثیر الروس ضارب
شــنهو العطّــلك يــابــو الــتجارب
وهــيچ اعــداك جهلــت يـوم نارك
جهــلت قــوّتــك گــوم الســقيــفه
وعصروا فاطــمه الــدره الشــريفه
بــين البــاب والــحايــط عــفــيفه
وانتــه ابيــمنتــك تــفــرك يــسارك
يحــيدر ماشــفت عيــــن الــزچیه
حمــره ابســطــرة المــلــعون هــيه
خــفتها اعليــك يــاراعـي الحــميه
درتّــك تــنــجــرح لــيــل ونــهــارك
هادي الامغيطي البوغبيش
الحزن خيم عله الكرار والفاه
ام بيته وخليله وراح والفاه
من غسل جسدهه بدمع والفاه
بجفن وعيونه لضلوع الزجيه
محمد هادي العقابي
بويه وينك يالحنين. مكسر بگلبي الونين
أشتكيلك ها يغالي،،، حالي ضل يبچي اعلا حالي
،،،،،،،، مكسر بگلبي الونين،،،
فاطمه آنه العزيزه. شلون هيج وياي صار
بنيتك آنه وعذبوني. وما رعو. للهادي دار
دفعوا الباب اعصروني. بيتي شبو بيه نار
بويه قنفذ من ظربني. بويه چن يطلبني ثار
صحت مايسمعلي صوت،،، بويه وتمنيت اموت
الأنس والجن بچالي. حالي ضل يبچي اعلا حالي
،،، مكسر بگلبي الونين،،،،،،
چنت اضن مايدري بيه. هيچي انه چنت اضن
گتله آنه بت محمد. گال مايفرق وإن
من البچي والله امنعوني. وحته منعوني أون
عادة المهظوم ينحب. حته روحه تستچن
البچي عني انمنع،،،.،، حرمو حته الدمع
من بعد عزي ودلالي،،، حالي ضل يبچي اعلا حالي
،،،،،مكسر بگلبي الونين،،،،،،،
آنه اعيش ايام فگدك. همه چن بيام عيد
آنه منتظره اليواسي. من صرت عني بعيد
مادريت اباب بيتي. وحشي واكف من جديد
حايره وي روحي اسولف. هوه من عندي اشيريد
بعمره ماداخل حرب،،،،، سوطه مل من الظرب
وره الباب وهم اجالي. حالي ضل يبچي اعلا حالي
،،،،، مكسر بگلبي الونين،،،،،،،
مره يصطرني اعلا وجهي. ومره يدفع بابي حيل
صرت بس اشگف بديه. ضلمه صارت چنها ليل
گام يتمرجل بصوطه. هالذليل ابن الذليل
الويل گتله يامنافق. الك من الباري ويل
كون تؤمن بالعقاب،،،، تبقه خالد بالعذاب
هذا من الله سؤالي. حالي ضل يبچي اعلا حالي
،،،،،، مكسر،بگلبي الونين،،،،،،
خفت لايسمعني حيدر. خفت اصيحن ياعلي
أدري يفنيها بجثثهم. والنعم من الولي
إتحملت آلامي كلها. ماردت يفزع الي
صحت يافضه ادركيني. طيحو آخر هلي
مني المحسن سگط،،،،، دمي وي دمعي اختلط
شگد تألم ما شكالي. حالي ضل يبچي اعلا حالي
،،،،مكسر بگلبي الونين،،،،،،،
خادم الحسين
عبدالكاظم الجابري
قصيدة السيدة الزهراء عليها السلام لسان حال الشاعر
«««««««««««««««
عله الزهره الزچيه الباب دفعوها
بسمار ابضلعهه اتلوج خلوها
««««««««««««««««
دفعها الماله ذمه ولا شرف عنده
وان ايكول ضالم محد ايرده
ماهاب الزچيه اعليها يتعده
اباب ام الحسين النار شبوها
«««««««««««««««
دفع باب الزجيه خاين العشره
واضح غايته حاقد على الزهره
بسمار وخشب فوكاهن السطره
علي عاين عليها بيوم سطروها
«««««««««««««««««
اصحاب السقيفه الغدر شيمتهم
سوده مصخمه بصخام صفحتهم
محمد يعرف و حيدر بغايتهم
الزجيه بلا ذنب ياناس ضلموها
««««««««««««««««
يضدونك علي اصحابك يضدونك
و شمتاني علي ما تشد ميمونك
غضب ترجف عليهم تدمع عيونك
مجتف بالوصيه الكل يعرفوها
«««««««««««««««
: ضلموها الوديعه اهل الغدر والجور
خلوها عليله والضلع مكسور
عصرو اية التطهير والدستور
وبطيحة المحسن زهره هظموها
«««««««««««««««««
ليش أم الحسن من حقها محرومه
تعودت عالظلم زمرت الميشومه
اباب ام الحسن والنار مظرومه
چنهم بت محمدً مايعرفوها
««««««««««««««««
ماعرفو قدرها سورة الكوثر
بسمار بضلعهه وچتفو حيدر
علي لوما الوصيه من عليه يجسر
نسو حچي النبي اووصيته نكروها
««««««««««««««««
تمت بحمد الله ابقلا خدام اهل البيت عليهم السلام
الشاعر حسن العيساوي
والشاعر ابو ابراهيم الحلفي
ونسالكم الدعاء
«««««««««««««««««««
اتمنه انامن واكعد بدكت باب
هيج الصبح غفله ويجون الغياب
من عدهم املي عيوني
وانسى شكثر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
زرعوني بدروب الهجر وردة ونسو يسكوني
والفرح هاجر ديرتي وزاعل النوم عيوني
ماادري ليش تعذرو من كلت بويه اخذوني
حسبت كل شي من الاهل ماحسبت يجفوني
راحو ولا حسبو حساب الجيه
ولاكالــو بهل دار عفنـه بنيه
كون اغفه ويفززني صوت جفوفهم
وبس اكعـد من النوم عيني تشوفهم
مـــاكلهم اذيتــونـــي
وانسـى شكثـر عافونــي
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
هـــوه اليفـاركلــه محب ليمت يــرد ســالفتـه
وانه اكظـي ليلـي الي يمر بالــوين وجــا يمته
جانو ضحكتي ومن مشو حته الضحك زاعلته
معــذور ثــاريــه الشمــع لمن يمـــوت بسكتــه
وثــاريه اليفــارك يتيه دربـــه
ومــاينسمع ويموت حجيه بكلبه
ماسولف اله وياك بيهن حالفه
للمامفارك زحمة احجي السالفة
احجــي وياليفهمونــــي
وانسى شكثــر عـافونــي
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
مـرات اكــولن مايرد ليه وحلــم ملكـانــه
مـن البيت انــه الاطلع وللبيت اردن انـــه
وادري الدرب مابي ذجر ياروحي للعافانـه
بس هوه المفارك محب بي سوله مال متانه
هو اليفارك يكضي عمره يناطر
ويلملم شمــا بيه حيل لباجـر
مــابطل وسالفتـــي بس غيــابهـم
وتغمض عيوني اعلى عتبتة بابهم
اصبر شما ينسوني
وانسى شكثر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
مــا ايست منك بعـــد ومولمـات هدومـي
بويه وبعدني مناطره واحلم بجلمة كــومي
سالفتي بالليمت يرد بويه بصحوتي ونومي
يالمامعودني الهجر غير جفـاك رسومــي
غيرت رايك لوبعد ماراضي
وديلي طارش خل ارد اغراضي
من روحتك وانه احسب لكل ثانية
ماريد اموت اعلى الطريج متانيه
ليمت هلي يذكروني
وانسى شكر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
يايوم اسد باب الدمع وافــرح وافارك حزني
وجفـــوف عبــاس التــدك بيبـاني وتفــززني
جمدوب اموتن كل صبح سيف الفراك يحزني
واذكر لمن سار الضعن جان الضعن عايزني
مـات الفـرح مـن راحو ومــاردو
لاخبـــر لاطـــارش لبتهــم ودو
ركدت بكــــد مــا دوم اشــم بهـدومهـم
بس لاتروح عيوني وانسى رسـومهم
ليمتهــا اكحل جفــونـي
وانســى شكثــر عــافــونــي
وانسى الجرح ذاك واكللهم طــاب
ــــــــــــــــــــــــــــــــــــــــــــــــــــــ
بثنينهــن صعبه الحلـم يتحقق بشــــوفتكـم
لاعينـي ترضه تغمض ولا تردون لبتكــم
بيبـان داري استوحشت واشتاكت لدكتكم
انذر سنيني لكل خبر بي سالفـــة جيتـكـم
راح اكتب هنا جان كلبي متاني
خـافن يــرد ظعنك وما تلكانــي
خافن يعجل مرض روحي بموتها
وعيوني شوفة وجه ابوي تفوتهــا
خافن تخيب ضنوني
وانسى شكثر عافوني
وانسى الجرح ذاك واكللهم طاب
ــــــــــــــــــــــــــــــــــــــــــــــــــــــ
مو هاي هيه وماكظت سالفتي وي دروبك
الف وتسع مية جرح تجرحني شمس غروبك
واتــرس جفوفي منالدمع كل مـا اطلع ثــوبـك
خلصن بجي سنين العمر ليمت يصل مكتوبك
مـا الك نيــه تردلـي يالعايفنــي
مـــاظن ظعن مـــر بيك مــاشايفني
من كثر ما تانيتك اعلى الجاده
كالــو عباية ومو بنيه الكاعـدة
نحيلــه وتغير لــونــي
وانسى شكثر عافوني
وانسى الجرح ذاك واكللهم طاب
رائد الناشي
في حق الزهرا۽ ع
دموعك غاليه لاتبجي ياحيدر
لوصبن احس اظلوعي تتكسر
الحسره البيك تلجمني
تزيد. بلكبر. حزني
يحيدر
------------
يحيدر لو بجيت احساسي يسمعك
يلجمني الظلع لمن يصب. دمعك
الهجر يابو الحسن انه ادري يكطعك
مالومك. بعد ودري صعب. وظعك
رموشك شيبن من كثر الدموع
تنوح عله الكبر محنيه. الظلوع
كلت محبوبي يدفني
تزيد بلكبر حزني
يحيدر
---------------
ماتكدر تفارك. كبري. وتعوفه
تجي. ملهوف. وانه الك. ملهوفه
الدفن. بيده. حبيبه لازم. يشوفه
وينويله الزياره ويحظر. يطوفه
اشوفك منحني حانيك المصاب
ينزف ادري كلبك من. الصواب
ادري انته تسمعني
تزيد بلكبر حزني
يحيدر
---------------
الهجر ماينحمل يالوالي انه ادري
والياذيك. كسري. هذا. البصدري
لئن بيدك يحيدر احفرت كبري
بنفاسي تعيش وترتوي. بعطري
تلتم. المصايب من يجه اليل
اشوفك منكسر وتفرهد الحيل
فراكك حيل دوهني
تزيد بلكبر حزني
يحيدر
---------------
انه. وياك. خلصنه العمر كله
نشوف الصعبه كله بعينه سهله
جان البيت يزهي ونته. المعدله
هسه شلون حالك بيك الف عله
الله يصبرك شكد شايل اهموم
بعيونك. يحيدر. ذابح. النوم
راح البينك وبيني
تزيد بلكبر. حزني
يحيدر
----------------
منعد اجروح كلبك صعب اعصيه
ومحنتك ياعلي مو سهله. ادريه
دمعك من يصب يشرح. معانيه
نار البيك تلهب شنهو. يطفيه
يحيدر لو مشيت اشبيك تتعثر
ظهرك. منحني وتكوم ماتكدر
اعرفك وفي تفهمني
تزيد بلكبر حزني
يحيدر
------------------
الخادم
رحيم الصالحي
نعي الى مولاتي الزهراء
**
لازمه الباب لازمه الباب ثلث تيام زينب لازمه الباب
والدمع سجاب والدمع سجاب تسولف عالضلع والدمع سجاب
يالتراب يالتراب اشمالك جا دفنت امنه يالتراب
العتاب العتاب عتبنه اشكد لجن ما فاد العتاب
شديت شديت يدهري اشبيك هيج وياي شديت
يالبيت يالبيت اشلون ارتاح واكعد بيك يالبيت
نريد امنه نريد امنه وحشه البيت واحنه نريد امنه
ما لكيناها ما لكيناها بحجرتها ندور ما لكيناها
انموت وياها انموت وياها هاي امنه ونريد انموت وياها
يوجعني يوجعني اصفاحي امن البواجي يوجعني
اتروح مني اتروح مني اشلون امي الحنينه اتروح مني
ابعيد عني ابعيد عني تره كبرج ييمه بعيد عني
اعله وني اعله وني اون والمكبره اتون اعله وني
اشلون بيه اشلون بيه المغرب من يجيني اشلون بيه
لو هاي هيه لو هاي هيه بعد نلتم سوه لو هاي هيه
غسلاها غسلاها علي بديه الزجيه غسلها
وجفناها وجفناها مدري اشلون حيدر جفناها
ويون الحسين ويون الحسين يون كام الحسن ويون الحسين
لا تروحين لا تروحين بعدنه ازغار يمه لا تروحين
بسمار بسمار صاب الضلع يمه اشلون بسمار
والكلب حار والكلب حار زينب يمه صاحت والكلب حار
الوداع الوداع ابد ما تنحمل ساعات الوداع
اينام بالكاع اينام بالكاع التريده عيوني ليش اينام بالكاع
اشلون طكه طكني البين بويه اشلون طكه
ايذوب حكه ايذوب حكه كلبي من الونين ايذوب حكه
بس صورها بصورها عله الحيطان ضلت بس صورها
بكبرها بكبرها امي اتحن علي حته بكبرها
وتفاركينه وتفاركينه وصلنه للنجف وتفاركينه
مو بيدينه مو بدينه صعب فكد الحبايب مو بدينه
اشلون بينه اشلون بينه راح انرد لهنه اشلون بينه
حزينه حزينه ونطلب للدار نلكها حزينه
اتعودينه اتعودينه عله امنه وداعت الله اتعودينه
بجينه بجينه وره اجنازتها بويه اشكد بجينه
*
تمت
#تحسين الخفاجي
#اللهم_عجل_لوليك_الفرج
باچر بالثواب انوزع ادموع
ونطش عالمجالس اخ الظلوع
ونصيح ابثوابچ هاي السنين
تسوين البواچي يم الحسين
… ..
نسويلچ ثواب احزان وتخضر محن بينه
يالزهره زرعنه ادموع ليل الونه يحدينه
مجلسنه انترس عبرات طارييچ يبچينه
حضرنه شكثر اهات بس خدام اقبلينه
شيصبره الدليله اتعود الأه
ومجلسكم نعاوي احنه بديناه
علگنه شكثر نشرات الونين
تسوين البواچي يم الحسين
………
وزعنه السبيل اهموم كل خادم اخذ عبره
گبل المجلس بساعات قدمنه الف حسره
المحزم عليچ جروح فلت احزامه بالحضره
وانتي ابلاگبر بالگاع وين الگاچ يالزهره
ماخلت الچ نيشان الايام
مخفيه صفيتي ابسبب ظلام
گبرچ ما يصح منه نياشين
تسوين البواچي يم الحسين
……
مابين الضلوع هواي ونه اتسابگ الونه
يالزهره وغلات الروح مجلس فاتحه چنه
جبنالچ شموع تذوب يالبيتچ صبح جنه
حضرنه الدموع انهار ليل الوحشه يدنه
فاتحتچ چبيره ابگد الهموم
يمكسورة ظلع ماتگدر اتگوم
ولدچ يالزچيه المن تعوفين
تسوين البواچي يم الحسين
…… .
نبنيلچ ضريح احزان والكل تطلع ازياره
والعاجل يصيح ابصوت گبرچ ينقل اخباره
ودموع اشكثر عالگاع يم الحسن تجاره
واسمع بالضريح اصوات مهديكم اخذ ثاره
وبصحن الحسين المرقد ايصير
مايحتاج اسولف واحچي تفسير
ونوح ابسبيلچ بالحضرتين
تسوين البواچي يم الحسين
……
علي الحاج الصبيحاوي
نزله
ماعندي غيرچ بالشدد ... عـايـش بخـيـرچ للأبد
مولاتي مولاتي
*------------------*---------------*
ما أبيعن ماي وجهي ولا اجي الـكـل واحـد
أنـه بـس بـابـچ أدگـه بـهـاي ربــي الـشـاهـد
هـواي مـتـفـضـلـه علـيه وعهد هـذا مـعاهـد
أبـقـه مـنـذور الخـدمتچ رغـم انف الـحـاسد
مــا عـوفـه يـالـحـره الـعـهـد
*------------------*---------------*
اليعـقـد النـيه بـعـزائـچ والله خـايـب مـايـرد
بـچـفـه تنطينه الـيـريـده لو قره بگلبه الحمد
أنـتـي مـعـروفه وكريمه بسمچ أنـخـط المجد
خـادم وعـمـري نـذرتـه وأفـتـخـر عندچ عـبـد
حسدونـي اصحاب الـحـسـد
*------------------*---------------*
بـابـچ الحاجات يقـضـي وهـاي تعرفه البـشـر
الـيـمـد أيـده ويـدگـه ابـــد مـا خـاب وخـسـر
ألله خــلاچ الـوسـيـلـه ولـبـسـچ تـاج الـفـخـر
اتـسولـف الناس بعطـائچ والـنـعـم يـم الكـمـر
مــولاتــي هـــــذا الـمـعـتـقـد
*------------------*---------------*
الـمـايـدگ صـدره بعزائچ يمته عالصدره يـــدگ
فضـلـچ اشكبره عـلـيـه كـون اوفـيـلـچ صـــدگ
العاشگ الخدمه وشرفهه أيترجم اليوم العشگ
يـلـهـچ بـأسـمـچ لـسـانــه وگـلـبـه لجلچ يحترگ
بـأفـضـالـچ الـعــالــم شــهــد
*------------------*---------------*
أشـكـر الـبـاري بنعمته حـاضـر بـنـص الـخـدم
وسـمـتـهـه اچفوف أديه وأثر بضلوعي انرسم
قـيـمـتـي بـهاي الـمـجـالـس والله لولاهه عـدم
قـسـم بـمـصـابـچ يـحـره والگـمـر راعــي العلم
بـالـخـدمــه أوفـيـلـچ وعـــد
*------------------*---------------*
غـارگ بـخـيـرچ تـرانـي مـقـصـر واطلب عـذر
تـايــه بظلمة حـيـاتـي وأنتي صـرتـيـلـي فجر
أفـتـخـر اللطم وأخدـمچ وسّمت هـذا الـصـدر
اليـخـدم لـغـيـرچ خساره خـدمتچ بيهه افتخر
بـالـشـده صـرتـيـلـي سـنـد
*------------------*---------------*
✍بقلم خادم ام البنين ع
الشاعر رعد الجريخي
نزلـه..
الـثــار .. الـثــار
العمر .. يمـر .. يمتـه يطـر .. فجرك يراعي الثار
وعــد .. الـك .. يتـنـطـرك .. بـاب احـترگ بالنـار
ثـارك .. بـده .. خلي العـده .. يبن الحـسن طشار
عجل يابو صالح .. ارث الزهـره رايح
الـثــار .. الـثــار
"""""""""""""''''''''''"""""""
عمــر .. سطـر .. خـد وكـسر .. ضلـع الزچـيه اباب
عــرف .. علـي .. موصـه الولـي .. ميـهد ابو اتراب
اجه .. بحقد .. جاب العبد .. وي زمرته الاصحاب
والزهره عصارها .. يلمـهـدي وسطرها
الـثــار .. الـثــار
"""""""""""""''''''''''"""""""
سلب .. نهـب .. عالخد ضرب .. روح النبي الزهره
لمـن .. سمـع .. محسن وگـع .. شامت بقـه ينظره
صلف .. نذل .. داس الطفـل .. برجله غده يعصره
عمك يجـري دمه .. تگـطع طفل جسمه ..
الـثــار .. الـثــار
"""""""""""""''''''''''"""""""
عليها .. گوه ..وسوطه انطوه .. فوگ المتن طويات
النبـي .. شـتـم .. وخـدها لطـم .. وضلن اثر طبعات
ضلت .. تـون .. الزهـره وتحن .. لمحسن ابنهـا المات
مايخـلص حزنها .. الـه بثـار ابـنـها
الـثــار .. الـثــار
"""""""""""""''''''''''"""""""
كـبـر ..جـرح .. ضربــة رمـح .. حـين النـذل طگــها
بلـهـب .. جـمـر .. حجـاب الستـر .. اعبايتها يحرگها
بحقـد .. يطگ .. فـوگ الحـلگ .. ودم يجري حلگـها
يالمهـدي الزچـيه .. ترفـس عالوطـيه.
الـثــار .. الـثــار
"""""""""""""''''''''''"""""""
عـجـل .. العجـل .. يبـن الفحـل .. ابطلـتك الهـيبه
ثــار .. الضلـع .. ثــار الصفـع .. مـن الجـسر جـيـبه
ماضل .. صبر .. طلع الگـبر .. وظهـره بأرض طيبه
يشـفـه امـك كـسرها .. مـن يظهـر گـبرها
الـثــار .. الـثــار
الشاعر عقيل الحسناوي..
يمة يازينب دنت مني المنية
يمة حدي وياج بس هاي المسية
وداعا ياغريبة وداعا ياغريبة
-------------------1-----------------
وياج بس هاليوم اعيش وخلص عمري
منج اشبع شوف والوجهي انظري
يمه بس هليلة ابات وياج اصبري
باجر بكبري انامن واخفي كبري
اني والمحسن يدفنونة سوية
يمة حدي وياج بس هاي المسية
-------------------2----------------
زينب الله يساعدج لوشفتي نعشي
شاله ابوج وللكبر تابوتي يمشي
عدهه البنية يزينب امهه كلشي
يمة خليني اضمج وسط رمشي
شما أشوفج زينب اتصور رقية
يمة حدي وياج بس هاي المسية
----------------------3-----------------
يمه اتمنة اربيج بظلالي
ردت اشبعنج يزينب من دلالي
ودي أكبرج واسهر وياج الليلي
اعتذر منج ييمة الموت اجالي
جنت اتمنة اربيج اعله ادية
يمة حدي وياج بس هاي المسية
-------------------4----------------
اطهر من الماي دمعج يالغريبة
فوك ظلعي رشي دمعات المصيبة
وغسلي ضلعي بدمعج اليكبر نحيبة
ضلعي يمة المنكسر ضايع طبيبة
وياج غسلي اضلوعي بدموع الرزية
يمة حدي وياج بس هاي المسية
--------------------5----------------
ماربيتي بحضني بحضان المصايب
شفتي نار الدار ودموعج تعاتب
يمة اول خيمة بابي بجمرة لاهب
وثاني خيمة بكربلة ونار النوايب
نلتقي بذيج الخيم بالغاضرية
يمة حدي وياج بس هاي المسية
-------------------الحمدلله---------------------
الشاعر حيدرموسى الخفاجي الرميثي
بهيده لا تلچم علي سـطرت إذاني
وافرش بگبري كساء اسمه اليماني
ضلوعي حيل مكسرات
حته أعيش الذكريات
ـــــــــــــــــــــــــــــــــــ
يا علي شچم مقتل بهذا الكســاء
من تفرشه وياي اعيشن چم عزاء
لحد قيام السـاعة اريد اشبع بكاء
نحچي من مـوتت ابــوي لكربلاء
يا علي بهذا الكسـاء جـروحي تضـمد
البي عطر . طه . شفه لبضــعة محمد
ريحته اتردلي الحياة
حته أعيش الذكريات
ـــــــــــــــــــــــــــــــــــ
هالكساء بگبــري اشــبگنه وأنــــوح
انجرح مرتين وبعد له اتلث جــروح
الضايگ انفـاس الرسول بروحه روح
الچان ينزل بي وحي چن عمره نوح
غايتي من تــدفن بگبــري كسائي
تختلــط ريحة محمــد وي دمائي
بگبري نقره التعـزيات
حته أعيش الذكريات
ـــــــــــــــــــــــــــــــــــ
خل نسولف عن جـرح ثاني جـديد
أرد أخبره المحسن ابني اول شهيد
عالجـروح الباقيـــات أســـمع اريد
من الخلافات الثــلاثة لحد يـــزيد
منه ارد اسمع شنو يصير بغــيابي
آنه حدي وياه لَمَن حرگولي بابي
خمسه چنه وياه نبات
حته أعيش الذكريات
ـــــــــــــــــــــــــــــــــــ
جاي أشوفن بي جرح كلش قريب
حيل احبه بي شفت شيبت حبيب
بگبري يحچيلي اعله شيبك ياخضيب
أنه وياه ننصـب عزه ونشــبع نحيب
خل يسولفــلي عليك شيــجري بعــدي
صح متت بس دمعي ما مات اعله خدي
عايش اعله النايبــات
حته أعيش الذكريات
ـــــــــــــــــــــــــــــــــــ
خل يســولفلي الكســا عن وردتين
يامه قبلــهن رســـول الله الأمــين
شراح يحصل يا علي بولدي الثنين
عالحسن خنسولف وذبح الحسين
خل يسولف عالحسن ابني الأحـبه
ابني شمســوي بطشت چبده يذبه
شگد تألـــم بالمــمات
حته أعيش الذكريات
ـــــــــــــــــــــــــــــــــــ
من نســولف عالذبـح ما نستراح
وبالگبر لحسـين شغلتـــنه النياح
وللقيامه انضل عليه ننزف جراح
النايم بصفه الوحي يصير برماح
الچانت بهذا الكسا تغطيه الزهــره
النايم بصفه المَلَك ينداس صـدره
ضلوعه مثلي مهشمات
حته أعيش الذكريات
ـــــــــــــــــــــــــــــــــــ
مهدي التقي
يامحله الزياره بليلة الجمعه
وبواهس بواچي تنزل الدمعه
يحسين عونه الزارك.. يحسين عونه الزارك
…… ..
يامحله البواچي ابدمعة الفرگه
واليوصل ظريحك عبرته اتخنگه
اليدخل لصحن يتحير ابشبگه
ويذوب اعله بابك ذوبة الشمعه
يحسين عونه الزارك.. يحسين عونه الزارك
………
يحسين اليزورك مشتهي الونه
يالريحة ظريحك ريحة الجنه
فاز ابكل خميس الگبرك اتعنه
ياكاسي العرايا الجايع امشبعه
يحسين عونه الزارك … يحسين عونه الزارك
……..
خيعونه اليزور ويدخل الحضره
ويسجله حبيب ابدفتر الزهره
هنياله الوصل مخنوگ بالعبره
وينحبلك بواچي الوادم اتسمعه
يحسين عونه الزارك. يحسين عونه الزارك
……..
يابخت اليجيك وروحه مفجوعه
ويوصل لضريح وتنزل ادموعه
يحظن مرقدك ويه طبگت ظلوعه
ويگلك اجيتك طالبك فزعه
يحسين عونه الزارك.. يحسين عونه الزارك
…….
موطبعي الحسد لاتابع اخباره
بس احسد گمت لرايح ازياره
انه مثگل عليه النوح بسراره
بعيوني احسن ضاگت الوسعه
يحسين عونه الزارك.. يحسين عونه الزارك
…… ..
علي الحاج الصبيحاوي
يامحله الزياره بليلة الجمعه
وبواهس بواچي تنزل الدمعه
يحسين عونه الزارك.. يحسين عونه الزارك
…… ..
يامحله البواچي ابدمعة الفرگه
واليوصل ظريحك عبرته اتخنگه
اليدخل لصحن يتحير ابشبگه
ويذوب اعله بابك ذوبة الشمعه
يحسين عونه الزارك.. يحسين عونه الزارك
………
يحسين اليزورك مشتهي الونه
يالريحة ظريحك ريحة الجنه
فاز ابكل خميس الگبرك اتعنه
ياكاسي العرايا الجايع امشبعه
يحسين عونه الزارك … يحسين عونه الزارك
……..
خيعونه اليزور ويدخل الحضره
ويسجله حبيب ابدفتر الزهره
هنياله الوصل مخنوگ بالعبره
وينحبلك بواچي الوادم اتسمعه
يحسين عونه الزارك. يحسين عونه الزارك
……..
يابخت اليجيك وروحه مفجوعه
ويوصل لضريح وتنزل ادموعه
يحظن مرقدك ويه طبگت ظلوعه
ويگلك اجيتك طالبك فزعه
يحسين عونه الزارك.. يحسين عونه الزارك
…….
موطبعي الحسد لاتابع اخباره
بس احسد گمت لرايح ازياره
انه مثگل عليه النوح بسراره
بعيوني احسن ضاگت الوسعه
يحسين عونه الزارك.. يحسين عونه الزارك
…… ..
علي الحاج الصبيحاوي
قصیدة: یتمو اطفالي
فاطمة الزهراء تشرح حالهه الی ابیها
🍁🍁🍁🍁🍁🍁🍁🍁🍁🍁🍁🍁🍁
بویه یشرحلک ونیني،ولجرا ابحالي
یتمو اطفالي
آه واویلا آه واویلا
صَقطّو منـی جنینـي،خابـت آمالـي
یتمو اطفالي
آه واویلا آه واویلا
🍂🍂🍂🍂🍂🍂🍂🍂
الدنیه من دونک یطاها اشتسوا لیه
صعبه ماشوفک یبویه ابکل مسیـــه
ویه دفنــک کل دلالــي اندفــــن لیه
بویه ریــت اویــاک وافتنــي المنیه
ابروحتک ضایع حنیني،مااجه ابالي
یتمو اطفالي
آه واویلاه آه واویلا
🍂🍂🍂🍂🍂🍂🍂🍂🍂
مـن رحـت دنیـاي احسـن کلهه ظلمـه
یخـرج الون مــن کلامــي کلمـه کلمـه
ناصبــه ابداري العزء وجروحـي تدمه
من اجه صوبي الصحابي ابجیته همّه
ابتسلیـه ظنـي یجينــي،طِلَع چتالــي
یتمو اطفالي
آه واویلاه آه واویلاه
🍂🍂🍂🍂🍂🍂🍂🍂
یرکِل البـاب ابقساوه ایریـد کســره
لذت خلـف الحایــط ایأمنـــي ستره
لاکن ابیـوم العصـرني اشلون عصره
درع صــدري صـار ولبسمـــار طـــره
ینزف الدم من جبینـي،ما الـي والي
یتمو اطفالي
آه واویلاه آه واویلاه
🍂🍂🍂🍂🍂🍂🍂🍂
سقط محسن علتراب اودمی یجري
صحت یافضه دسندي اولیه صِـدْري
یوجع اهواي الضلع وألمنی صَــدري
الدنیه بعیوني احسهـه نار تســـــري
ریتک الساعه تجیني،اغله کل غالي
یتمو اطفالي
آه واویلا آه واویلاه
🍂🍂🍂🍂🍂🍂🍂🍂🍂
گیدو جبل الصبـــر،موقف ظهـــــدني
ابحزني وآلامي اطلعت مشلوله متني
رد علیـــه الظالـــم ابقســوا شتمنـــي
آمـــر العبـده وعلـی وجهـي صطرنـي
ضربتـه اتلگتهـه عینـي، زینب اگبالـي
یتمو اطفالي
آه واویلاه آه واویلاه
🍂🍂🍂🍂🍂🍂🍂🍂🍂
✍حمید خنفري
🎤مسعود النصاري
#الفاطمیه
نعي حول الزهراء
حطيت راسي عله الوساده
وملگه الحبايب كلبي راده
ودليلي الحزن ما يوم فاده
كلبي الحزن ما فاد ون بيه
امفارك عزيزه وبعدت عليه
باليل احط راسي وحاجيه
بطل العتب والمن اتوديه
شالت يكلبي الجانت وياك
وحنينه اشكثر لو يمر طرواك
راحت بعد بطل حجاياك
وجن الكلب مشتاك گلي
وبظلتي چا بعد شلي
عكب المشت يا عين هلي
انه امفارك عزيزه السهرت اسنين
وما غفت ساعه ونامت العين
نامي يعيني ولا تعتبين
ملگاها حلم صاير عليه
وردود ماظن ترد ليه
امي تجي ونگعد اشويه
وشمحله العتب بل مغربيه
يا محله الحجي ويه الحنينات
ينشدن علينه شكثر شفجات
نبجي.بحزن واحنه المضيعات
تمنيت كون امي تجي تعود
واكعد وياه ابيتنه اردود
واركض عليهه وانزع السود
اكلهه هلا ويا مرحبه بيچ
مشتاكه اشكثر يمه المعانيچ
لو يصح چان ابروحي اخليج
حنينه عليه الوالده امي
اخليج يا امي اكبال عيني
وكل صبح ومسيه اتصابحيني
اتنشديني وانتي اتكابليني
*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام
نعي حول الوالده
أداء الملا ناعي الزهراء ابو علي الخيكاني
نبجي عليج شما بجينه
كطره من تعبج ما وفينه
المطلوب كون يوفي دينه
يامى علي يمه تعبتي
والليل كله عيب نمتي
فداج العمر وشكد سهرتي
مساهره ومحنيه الضلوع
وكلبج علينه ضال مشلوع
جلمة اليمه بحلكج اتموع
يا ناس ما ينمل رفكها
شحلاتها اليمه بحلكها
لو تون روحي اليوم حكها
حزنانه روحي اليوم وتنوح
وكلبي على امي جرح مجروح
راحت ومني راحت الروح
راحت بعد شيردها هيهات
عزيزه وعليها سبع وسفات
بفراكها الايام مرات
مر الفراك شلون بيه
على امي المشت بادن اديه
طش الضعن ما بعد جيه
💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
#نعي_بحق_الزهراء_ع_ولفقد_الام
مـــــــن نـــــوم الگبر يايمه كافي
ردي للــــــنزل هالصبح طـــــافي
مــــثلچ يالحنينه مــــــــن يوافي
يالكلچ محـــــنه وكلب صــــــافي
بـــــعد هيهات يــــمه مانــــلاگيچ
ولاننشدهم اطـــــروش التمر بيچ
ومـــــن نشتاگ وين انسير اعليچ
سكنتي المگبره وتــــراب غاطيچ
ياشمعتنه گـــومي اتلكي الحباب
اجيناچ كلنه ابــــــــــدمع سجاب
انشدنچ يــــــيمه شــــنو السباب
تاخـــــــرتي علينه وطال الغياب
هـــــــل جيناچ گــــــومي تلگينه
اويانه اگــــــعدي وناشــــــــدينه
عــــــــن هــمومنه وضيم العلينه
والحضنچ الـــــــــــدافي تضمينه
يمتى يابـــــــــــعد عيني تـعودين
على افــــــراگچ يــيمه مامعودين
صـــــبح بيناتنه اتراب وحياطين
اضــــن طالت النومه وماتگعدين
تــرى افراگچ صعب وشلون بينه
مـــتى تعودين لينه يالحنـــــــينه
يالوداعج ابــد ماحاســـــــــــبينه
جــنتي افياينه وســــــور العلينه
✍كلمات ام زين العابدين اللامي
الفاتحه الى روح والدي،ووالدتي 💔💔
احله شي بالدنيه أمي 00 يامن اتسألوني
وآنه هاي الليله أمي 00 راحت امن اعيوني
اغله الاحباب جوّه الاتراب
امي
ــــــــــــــــــــــــــــــــــــــ
الـمن عايش الماعنده أم بالبيت 00 تكتل دمعة اعيونه
يدور بالغرف وايحاچي بالحيطان 00 لاكن مايفهمونه
الاخذ كل امنياته وراح ملك الموت 00 اذا حن لا تلومه
وي اجنازة امه اتصير جوه الگاع 00 راحة باله مدفونه
واللي ماتت امه مثلي 00 امن الكسر موجوعه
يبقه مخنوگ ابحياته 00 وماتعوفه ادموعه
تبچي الاعيون يالتشيعون
امي
ــــــــــــــــــــــــــــــــــــــ
البگه ابراسج يزينب لـمّن إيگولون 00 احسّن يحترگ دمّي
شحلاهه امن الصبح كلمة صباح الخير 00 جنت اسمع من امّي
اذا بالليل افزن خايفه امن النوم 00 تمسح راسي واتسمّي
واذا ابچي تسكتني بأسم عباس 00 بس عباس مو يمّي
چانت امي ام المحنه 00 والاحساس الدافي
بالگبر ضمّاهه عني 00 الموت شو متعافي
وحدي ظليت وعافت البيت
امي
ــــــــــــــــــــــــــــــــــــــ
ابد ماصدگت ميته الحنينه اشلون 00 حلم كون وافز منه
وترد ايامنه وگعداتنه الحلوات 00 لـمّن چانت اتلمنه
تضل جوعانه امنه لو يمرنه العوز 00 وتشبع من توكلنه
بيت امن الگصب بي علي والزهراء 00 يسواله الف جنه
چنه من نفرش السفره 00 كلهه تاكل بيهه
حته الاطيور ابسطحنه 00 نصعد انغديهه
حته الاطيور چانت اتزور
امي
ــــــــــــــــــــــــــــــــــــــ
كلش صعبه يسكت قالع البيبان 00 لمن ينقلع بابه
الامبچي الزلم ظل يبچي عالزهراء 00 وسود امبدّل اثيابه
طلع بالليل يدفن لاكن التابوت 00 امنگع بالدمع جابه
يباوع عالغرف وحشه ويصيح الله 00 ايصبره الفاگد احبابه
يحچـي وي الليل اسمع 00 ايگله وين الغاليه
هسه وصلت يم محمد 00 بالجنان العاليه
والدمع نار وضاعت اخبار
امي
ــــــــــــــــــــــــــــــــــــــ
تجيني الـمغربيه وتخنگ الانفاس 00 لأنهه ماتت الـمغرب
اليصدلي مايشاهد للطفوله اوصاف 00 يشوف اوصاف المشيّب
عافتني زغيره وعمري خمس اسنين 00 الاحبيبه ام گلب طيب
بدفتري ذكرياتي ماكو بس الموت 00 يوميه جرح يكتب
ايشمعتنه التضوي 00 وهسه صارت طافيه
راحت امي ومني راحت 00 فرحتي والعافيه
گلبي ملچوم غابت ارسوم
امي
ــــــــــــــــــــــــــــــــــــــ
اليعلگ صورة امه لا يدگ بسمار 00 خيعلگهه بالدمعه
البسمار الكسر ضلع اثنعش معصوم 00 من الصوره خيشلعه
الوادم للمگابر تمشي يوم العيد 00 تگعد يمهم وتنعه بدال المي ورد واحد يرش ادموع 00 واحد يعلگ الشمعه
وانه ادور بالمگابر 00 امي ماموجوده
حيدر امضيع اثرهه 00 وضامه الموعوده
المهدي لو ثار ايطلع آثار
امي
محمد الجماسي
#اللهم_عجل_لوليك_الفرج
محكمة البسمار
يلا يا بسمار جاوبني شتكول
منهو بيكم كاسر ضلوع البتول
......
يلا يا بسمار سولف عالجره
منهو بيكم طگ ضلعها وكسره
أنت لو غيرك كسر ضلع المره
شنهو عذرك باجر گبال الرسول
......
انه صوبت الضلع لاكن اريد
تفتح التاريخ والماضي وتعيد
المسبب عالجره واضح اكيد
بي ما تحتار كل اهل العقول
.......
فلان ويه افلان ذول اهل الرده
ذوله أصحاب السقيفه الحاقده
همه اسباب الظلم منهم بده
دوم ما بيهم شخص واحد خجول
......
فلان جر الباب ذاك البي جنت
وانه اذيت الظلع لمن فتت
صوبت ضلع الزجيه وهشمت
وكسرت ضلعين من فحل الفحول
.....
يعني احكم عالدفع باب الثگيل
هوه عال وما اضن شخصك يعيل
شلون ابري الجار بابك مستحيل
ناس لا اسلام عدها ولا اصول
الشاعرعلي زيدان البصري
لسان حال أمير المؤمنين (ع )
عــلى الزهــره أجِرّن آه ـ من آه
وأعاتب بابي وأدري السبب ـ مِنّه
يم عتبة الباب وصــحت ـ منّـاه
الثُريّه إنتقلت الحضن الوطيّه ..
#مهدي_التقي
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
أبيات من الأبوذيه
٠٠٠٠٠٠٠٠٠٠٠٠٠٠٠٠٠٠٠
تقول مولاتي زينب ع
٠٠٠٠٠٠٠٠٠٠٠٠٠٠٠٠٠٠٠٠٠٠
جنت للناس ادلي التاه ونعت
وهسه أشكثر بيه أخزان ونعت
حجاب أمي أصدله ألزم ونعت
يعت بيه الرجس وتصيح أليه
٠٠٠٠٠٠٠٠٠٠٠٠٠٠٠٠٠٠٠
أشوف أمي عليها الگوم دارت
وعلى المحسن أظن بالباب دارت
أمنه أشكثر ياما آيام دارت
وأخير الباب يدعيها رميه
٠٠٠٠٠٠٠٠٠٠٠٠٠٠٠٠٠٠٠٠
طفي النار لنها أوصلت يمنه
عساك أبلا يسار وغير يمنه
خل أمنه تگوم وتجي يمنه
متعلمين من نگعد سويه
٠٠٠٠٠٠٠٠٠٠٠٠٠٠٠٠٠٠
يمه حسين باجر يطر طفله
أصيح ألمن وأگله الجمر طفله
أحيرآنه تره بسبعين طفله
وعلى آظهور الهزل أمشي سبيه
٠٠٠٠٠٠٠٠٠٠٠٠٠٠٠٠٠٠
ربك بالعرش فاطم يزنها
كوثر للنبي أنطاها يزنها
أسف لاجن نوايبهم يزنها
السقيفه اهل الحقد واهل الرديه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تقول مولاتي الزهراء ع
٠٠٠٠٠٠٠٠٠٠٠٠٠٠٠٠٠٠٠٠٠٠٠
أجاني وجن أله وياي عتبه
مايسوه العتب وارفضت عتبه
تعنه الباب كظه وحيل عتبه
لما طاح وطحت وياه رميه
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
گطعوا سبحة الزهره
الرادتها العلي ذكره
وداعت ضلعچ وكسره
ذبحوا كل هوه يشتمه الحسين
،،،،،
حچه وياهم بليس وصاح اگطعوعها
سبحت فاطمه وعالگاع طشروها
ما أوصيكم الزهراء اذوها
دفعو بابها وعليها عصروها
عالحايط اريد الدم
كون اسمعها تتألم
وكون الضلع يتهشم
گام الضالم وجندله سبعين
ذبحوا كل هوه يشتمه الحسين
،،،،،،،
صاح ابليس ولده وسولف القصه
ابشركم علي من النبي اموصه
مقيد بالوصيه وغصته غصه
همس بذن السقيفه وبين الفرصه
مشاعل نار جابوها
وباب الدار حرگوها
وام الحسن عصروها
زغير وفوگ خده تهمل العين
ذبحوا كل هوه يشتمه الحسين
،،،،،،
طاحت فاطمه والعافيه طاحت
وزينب طفله لمها تنتحب راحت
يمه الله اكبر بالدمع صاحت
حضنت فاطمه ويمها شكثر ناحت
يمه اسم الله نادتها
وعن النار دنتها
شبگ وداع شبگتها
منهدها وغيروا كل القوانين
ذبحوا كل هوه يشتمه الحسين
،،،،،،،
شبگ امه الحسين وضل يحاچيها
محسن والظلع شاف اليأذيها
شاف امه الزچيه امحرگه اديها
ضل من روحه روح حسين ينطيها
ضل يشمها وتشمه
تمدد طول وي امه
نوبه يضمها وتضمه
ناس بلايه رحمه شگد مجرمين
ذبحوا كل هوه يشتمه الحسين
،،،،،،،
شال المحسن حسين ونشغ لله
مثله هم يموت وليدي عبد الله
حب محسن حسين وكبر وصله
حچه وي المصايب هلتن هالله
خاف توت زينبنه
فوگ امي وتعذبنه
بل رحماك ياربنه
كسروا گلب ابو السجاد نصين
ذبحوا كل هوه يشتمه الحسين
،،،،،
لخادم الزهراء عليها السلام
محمد الفهداوي
طفو عيني .... وزاد ونيني.... وطاح جنيني
خلف الباب ..... خلف الباب ..
_________
طاح المحسن .... وعيوني اتهل لمن طاح
ما ناديتك ...... عندي انه اوصيه امن الراح
دفعو بابي ...... تركو بيه اشكد جراح
نور اعيوني...... لا تحزن حيدر ورتاح
شاطت روحي ...... وسمعو نوحي..... مو تدريني
خلف الباب.... خلف الباب
_________
جنت اتكلي ..... محد يدخل وسط الدار
هسه اختلفت ...... بابك صاير قطعه نار
هاي الحاله ....... لتفكرلها ولا تحتار
بس دفعوني .......وبس نزل دمي البسمار
دمعي يلالي..... اوطاح الغالي ...... ما حاجاني
خلف الباب .... خلف الباب
________________
حيره البيه ... جن يونس وبطن الحوت
ابجي بسكته... انه اعرف ياذيك الصوت
ما ضن تصبر.... لو مر باجر بيه الموت
تحمل روحك ... لو تحملني بنص تابوت
ياهو يعينك ... يمسح عينك... وأنه سنيني
خلف الباب ... خلف الباب
________________
هاي العشره... خلصت يا حيدر مدوم
ودع روحك ... آخر ليله اوياك اليوم
آ يا كلبك... هلحضه اشكد شال هموم
تنظر ليه ... مكسور الخاطر مهضوم
سهله دموعي... وأنه ضلوعي .. ما تاذيني
خلف الباب.... خلف الباب
________________
من ادموعك..... نزلت علكاع اتمنيت
روحي تسافر .... تطلع وتروح أمن البيت
مو من ضلعي.... من وضعك انه اتاذيت
نورعيوني ....يا حيدر بيه " اسويت
امسح دمعه ... وزينب تنعه.. يبجي حسيني
خلف الباب.... خلف الباب
________________
السيد احمد النوري
شيحمله الالم يا صوغة الدين
من اقماش الجفن اسمع تونين
كلما يطلع منج صوت
يثكل بجفوفي التابوت
/////////
اسمع صوتج يَمّ عيالي..مجروح احساسي ودلالي
يل ونج غير كل حالي... مافاركتج مثل خيالي
تونين واون وياج طاحت يمج اعيوني
ماأدري شكل للناس ادفنج لو يدفنوني
دموعي الفركتج من تنزل خفاف
مو حيدر علي البجروحه ينعاف
يا قدسيه من الاهوت
يثكل بجفوفي التابوت
من كثر الالم يا صوغة الدين
يانور الله ودينه وضيه...اني هواي الناس شويه
جنت اتحمل كلشي اعليه... ما اكدر جا هسه شبيه
ثكيل النعش يَمّ حسين ماينشال بجفوفي
وانه الجنت اموت ناس من اخزرهم بشوفي
ذبلان واخذ كل حيلي فركاج
انه وحسرتي ودموعي وياج
جبريل النعشج زاتوت
يثكل بجفوفي التابوت
من كثر الالم يا صوغة الدين
ياورده ومن نعشج فوحي.. بكد صوابج صاير نوحي
شوغه ولجمه وأه بروحي..انتي ادواي وانتي جروحي
حاجيني اعله حالي شلون شيسوي الفكد غالي
خلص كلبي ينور العين وانتي امدده كبالي
مجروح الكلب شتحمل اليوم
ضلعج منكسر بس انه ملجوم
لحزانج راح ابني بيوت
يثكل بجفوفي التابوت
من كثر الالم يا صوغة الدين
اول مره تضيع احلامي... والمحسن طايح كدامي
متروس جروح لحد هامي..بفركاكم صارت آلامي
نصبغت يلزجيه دموم من دم ضلعج العتبه
الرايح منه اعز انسان شيسوي بنبض كلبه
بوداعج اضل ويه الهوى انكاد
القالع باب خيبر صاير رماد
الطلع يونس من حوت
يثكل بجفوفي التابوت
من كثر الالم يا صوغة الدين
اباب البيت وشفت الركضه.. ودمعي بين رموشي تشضه
واسمع صوت يصيح الفضه.. كلب الزهره واكف نبضه
يم الحسن ماتدرين من اشتاك لعيونج
الهوى صح اكدر بليا بس ما اكدر بدونج
عيني اعله النعش صار اخر وداع
ورا بنت النبي كل العمر ضاع
اي حكي من اتمنه الموت
يثكل بجفوفي التابوت
#علي مخيلف
#قصائد_شهادة_الزهراء_عليها_السلام
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ
لمولاتي الزهراء عليها السلام
آه ياكسر ألضلع
٠٠٠٠٠٠٠٠٠٠٠٠٠٠٠٠٠
أه ياسيل الدمع - آه ياكسر الضلع
ترك وي روحي أثر - ضلع أمي أمن نكسر
آه ياكسر الضلع
٠٠٠٠٠٠٠٠٠٠٠٠٠٠٠٠٠
جني أسمع صوت منها - أتصيح وبأسمي نخت
أتريد والي يحضر ألها - دورت بس مالگت
وآنه طايح عيني صدت - من شفتها شيبت
عمري أيام وليالي ومدري جم مره متت
ردت لو عمري شهر - ضلع أمي أمن نكسر
آه ياكسر ألضلع
٠٠٠٠٠٠٠٠٠٠٠٠٠٠٠٠٠٠
ياهو مثلي صار حاله - أمه بالعتبه تون
مره ليها أيدير عينه - ومره ليه هيه تحن
جنت أظنن شاب أصيرن- زلمه وأتحده المحن
جان ماواحد وصلها - ولا شفتها تمتحن
جنت متمني الكبر - ضلع امي أمن نكسر
آه ياكسر الضلع
٠٠٠٠٠٠٠٠٠٠٠٠٠٠٠٠٠٠٠
آنه في أول حياتي - ماشفت بس الألم
شفت أمي اطيح يمي - ولاضلع منها ألسلَم
بس عرفت الدنيه ظلمه - رخصت أسعار الذمم
وسفه يتعدون ليها - اللي علَم والماعلَم
أمي طاحت عل الحجر - ضلع أمي أمن نكسر
آه ياكسر الضلع
٠٠٠٠٠٠٠٠٠٠٠٠٠٠٠٠٠٠٠
ماگدرت بروحي ازحف - والضلع يگطر دمه
وگمت أشوف أعيون أمي - أمن ألصطرها أمغيمه
وصوت أسمعه بذني يدوي - ثاري صوت أمن السمه
صوت جبريل الينادي - أيصيح طاحت فاطمه
نزل جبريل وحضر - ضلع أمي أمن نكسر
آه ياكسر الضلع
٠٠٠٠٠٠٠٠٠٠٠٠٠٠٠٠٠٠٠٠٠
بس تون ألصوت أسمعه - وعين ماعدها تصد
أمي متمنيه تجيني - أتشوفيني بحالي تود
وآنه متمني بگربها - أجروحها بيهن أشد
وأجري ماي أعيوني الها - ذبلت أغصان الورد
آه ياجرح القدر - ضلع أمي أمن نكسر
آه ياكسر الضلع
٠٠٠٠٠٠٠٠٠٠٠٠٠٠٠٠٠٠٠
جانت أتعدلي الليالي - أحضر بطف كربله
وي أخوي حسين أمشي - بالظعن والقافله
ورادت أتوصيني بختي - أعلى الظعن لولا أنوله
وآنه أتمنه أوي أخيتي - أمشي بيها أمدلله
وآنه أصد ليها النظر - ضلع أمي أمن نكسر
آه ياكسر الضلع
٠٠٠٠٠٠٠٠٠٠٠٠٠٠٠٠٠٠٠٠٠
تمت بأذن الله
الشاعر الحسيني
ابو مسلم الخزاعي
الرحمة تودَع الرحمة ويقره المحسن الختمة
ثالث فرع للعصمة
على الباب....على الباب
.........................................................
من جرح الجرح واول جرح ابـــدي
المحسن قبل عمره وينحسب جنــــدي
ابتدى سوح الحرب وانه جنت وحدي
ابابــــــــي النار وكفت وَكفت امجدي
وحك السبعه والسبعه نهر واتصدق بنبعه
لحد ما ينكسر ضلعه
على الباب....على الباب
.......................................................
جريمه يا علي والفاعل اتعرفــه
نفسه الوالدي بوصيًته ايوصفــه
عصرني وآنه حرمه ياعلي كلفه
حرت الزم حجابي الخاطر العفه
السقيفه واللي وقعها أمر عالباب يدفعها
يحيدر تلكه مطلعها
على الباب....على الباب
......................................................
سمع زينب تكلـــــــــــــي خايفه يمه
رفسني وسطر خدي وكلشي ما همه
ماهمني الذبحني مـــــــــن حجه كلمه
المحسن وكــــــــــــع مني سابح بدمه
عمره ما بده عمره واسمعه الفاتحه يقره
أثر جويه بقت ذكره
على الباب....على الباب
.......................................................
صحت فضه تجي وتسندني مابيه
جمر الباب ضـــــل طابع برجليه
بعباتي النار وانه النار بيديــــــــه
وينك يا علي والزهره موليــــــــه
وصيتي لو وصل صوتي يحيدر واقترب موتي
وحدك شيل تابوتي
على الباب....على الباب
.......................................................
يحيدر كبري من اتحفره الي وسعه
اخاف يضيك صدري ويلجم ضلعـه
وبعد وسط الكبر اشعل الي شمعـــه
المحسن لو بجه يلكي اللذي يرضعه
وضيع كبري باوصافه غيرك ما بشر شافه
المحسن ثار الي عافه
على الباب....على الباب
.......................................................
خادم خدمة الحسين
الشاعر
محمد الموالي
كربلاء بروحي بيها طب جروحي
ليلة الجمعة احج لكربلاء
خل ضميري يطوف مدرسة الآباء
_ ____
ألف هنياله اليزورك يا ابن سيد المله
ألف حجه وألف عمره لليزور مسجله
يدخل الجنة وعطرها من ضريحك يدخله
_الوصل هنياله تحققت آماله
جوه كبت حسين مقبول الدعاء
خل ضميري يطوف مدرسة الآباء
_
اعله قمه من الكرامة حصلتها يا حسين
أنبياء الله تزورك وي جموع الزائرين
والطرق بابك أمامي ما يرد خالي اليدين
_ما ترد خطارك رابح اللي زارك
ابلا حدود ينول كل هذا العطاء
خل ضميري يطوف مدرسة الآباء
موكب اشواقي تعنه سيدي نحو الضريح
وراية الحب والموده شامخه ولا ما تطيح
كل نبض من عندي ناده ياشهيدا ياذبيح
-يا قتيل العبره ياعزيز الزهرة
جيت اجددلك يبو اليمه الولاء
خل ضميري يطوف مدرسة الآباء
__
صورة الطف بخيالي يم ضريحك من اطوف
جسمك الطاهر أمامي امسه محراب السيوف
والكمر يم الشريعة منه مكطوعه الجفوف
-والعليل اكبالك حاير بأطفالك
صب عليه الزمن أنواع البلاء
خل ضميري يطوف مدرسة الآباء
____
جن أشوف أطفال تركض والخيم متحركه
والنسه مسلوبه بعدك وبحبال مشبكه
وراسك ورؤس البواسل عالرماح معلكه
-موقف يأذيني فاجعة تبجيني
أسمعه لليوم مازاله النداء
خل ضميري يطوف مدرسة الآباء
_
ياسر الساعدي
نسألكم الدعاء
ترتيل مفجع على لسان السيده زينب //ع
من اسمع صهيل الخيل
انــــــام الليل مـــا اكدر
اذكـــر طيحتك يحسين
وصدرك ذاك المــكسـر
الحوافر من تدوس الكاع
يحفرلهن حــفــر بــيـهــه
يــخــويـه اشسون بجثتك
يـــوم الـــداســن اعـليهه
تمنيت اعله جثتي ادوس
عــشرة خــيل مــو جثتـك
لــيـش مـن الظهر تنداس
ومـــا ينداس ضهر اختك
انــام شلون يـبن امي
يخويه وتخمد انفاسي
وكبل لا ينكطع راسـك
تــمنيت انكطع راسـي
زحمة الــنـــوم يحلالـي
ونومك صــــار عالغبره
صدري بلا ضلع مكسور
وانـــت اضلوع متكسره
جـروحك كـربت الالفين
والاصعب جـــرح كـلبـك
كون ابكدهه بيه اجروح
وكــــون مــوسده بكترك
اعاين بالجسد يحسين
جسمك هــذا مــا جنة
مـن داسن عليه الخيل
فــــوك الـــكــاع نثرنه
يريت الموت اخذ عمري
وعــمري بعمــرك مبدله
عساني مـــوسده التربان
يـــخويــه ولا اظل عدلـه
اصـدن لــــونــك اتــغــير
و وجهك غارت ارسومه
ســـونــك وصــل يحسين
الــخيــل بـساحة الحومه
اعذرني من اخاوي الليل
يــبن امــي واجيم النـوح
جــسمـك بــالــــعره موذر
وبذاري الــتـرب مطروح
اتنخه بــعـلـي الـكــرار
لــيلــة شـــوم مو ليلـه
بلكي من النجف يحضـر
يـــجيـك وجسمك يشيله
مره اصرخ وصيح حسين
ومـــره اتــأمـــل اظـنـوني
واكـــولــن حــلـــم ويـعدي
هـــذا الشافــتــه أعـيـونـي
--------------------------------------------
✍ بقلم خادم الحسين ع
#الشاعر رعد الچريخي
نعي لاستشهاد السيدة الزهراء عليها السلام
،،،،،،،،،،،،،،،،،،،،،،،،،،،،،،،
علدار طبو وانه بالدار
والنار بيد الظالم النار
شتموني بويه ودفعو الباب
وانه وراهه وبيهه بسمار
كسر ضلوعي ويدري بيه
غطيت وجهي بچف أديه
گلوله فاطم هايه بالدار
يدري وعصرني شهلرزيه
صوت الضلع مسموع والاه
ذبحو المحسن يمه ويلاه
بنت الرساله شلون انصاب
ووليدي مات ابعصرة الباب
هجمو عليه الگالو اصحاب
شتمو أبوي اوچنهم أجناب
ونيت ونة موت بسكوت
خوفي اعله زينب خافن تموت
وتشوف ضلعي انكسر ما اريدهه تشوف
والخوف بعيون بنتي ايبين الخوف
واللون مخطوف ابچي علكيفي ولوني مخطوف
يا بويه شده شلون شده
ابنيتك يبويه وحگي رده
بويه النذل محد يرده
بذيچ الوصيه وبيها ملزوم
خلت علي محتار مهموم
هجمو علينه وغيرته تفور
شافاني ألوع وگلبه ملچوم
،،،،،،،،،،،،،،،،،،،،،،،،،،،،،،،،،،،،،،،
مكسور ضلعي وما يهمني
حتى اذا مذبوح ابني
بس حيدر ايگيدونه لا لا
هذا المصاب الي هضمني
خلو علي لا أدعي والگاع
موتتهه تصبح كلش بساع
لو أيدي ارفعهه تعرفون
ينزل عذاب وما تظلون
يهل الغدر والذله والعار
شنهي الجنيته بضلعي بسمار
بالدار ظلت تبچي الزغار
يا نار گلبي الحركت النار
شفته علي وعينه عليه
واني أون والبيه بيه
ما بينت كسر الضلع خاف
من الحرگة يوصل للمنيه
،،،،،،،،،،،،،،،،،،،،،،،،،،،،،،،،،،،،،
من الدار للمسجد بچي أونين
راح الحسن وياه الحسين
حيدر يبونا الحگ يكرار
ماتت الزهره وزارنا البين
گام أوگع من سمع بيهه
طاح الولي وانحب عليهه
نركض دمع للدار والدار
شنهي البعد يسوى ونجيهه
تلگتنه زينب تبچي وتنوح
يا يمه عفتي گليبي مذبوح
مطروح طولچ ظال مطروح
من عسه الموت انه اليلفني
طبينه الهه وكلهه ملگه
صحنه عليهه بصوت حرگه
يم الهلا شو سكته زهراء
يا يمه عاد نريد شبگه
يا يمه والله زغار وانتي
عفتينه وين أوين رحتي
حاچينه ندري شگد تعبتي
ما نقتنع يا يمه متي
غسلهه حيدر والدمع سال
وفوگ الضلع مر چفه وشگال
يا زهره ضلعچ ليش مكسور
يا ريت گلبي اتهدم ومال
،،،،،،،،،،،،،،،،،،،،،،،،،،،،،
زينب خلف جنازة الزهراء
خلوني أمشي ويه الجنازه
وي امي وگليبي توازه
هاي العباة وهذا الحجاب
يا عازة امي الليله عازه
ما اريد اظل بالدار شلي
تيهت محتاجه اليدلي
يا موت اخذني ولا تخلي
بعد أمي ميت بيه كلي
خلوني انام بسدهه وارتاح
وگليبي امده ايصير سباح
يم الگبر يحلالي الصياح
بليل شالو نعش العيون
دفنو هواي وعايشه شلون
ها يلخذيتوهه وتردون
گلولهه ابنيتچ يتيمه
تحرم عليه الضحكه بجفاچ
منا لحد ما يوم الگاچ
من اندفن واتشابگ وياچ
واصرخ ييمه ويلحنينه
كلمات خادم الزهراء
رعد الفريجي
7/1/2021 الخميس