-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
(7)
اعــــايـــن للقــــلم ملچـوم
دمـعته بعــينه يجـريها
يگـــلي شفت ابو فـــاضل
إجـه الــزيـــنب يحاچيـها
يگـــلهه خـــويه آنــه افــداچ
حـــيـاتي كلـها افـــديـها
اليــــوم المـــــاي اجيـــــــبنه
كـل ايــــتــامچ ارويـــها
كـمـــلت لــــوحـة إخيــــــامچ
ولابــــد مــا أظــــل بيــها
رايـــح آنــــه اجيـــــب الماي
والــــعــــدوان اراويــــها
.
تـــولاهم طــبر بـالــزان
شفته بلوحة الوجـدان
أريد اليـــوم بچـــفوفي
أرســـم واقـع إطفـوفي
.
. (8)
رحــت يــم الشـــريعه هـناك
طــلــبت امـنل قــلم يبديه
گــال اتـركنـــي يالــرسـام
تــــدري بيـــــا هـــايـــم بيــهّ
رســـم منه الشـعر والطـــاس
عيــــنه أوجـــنـــته وخــديــه
رسم صـــدره وخــله الجـــود
بچــــتــافه ورســــم زنـــديه
گتـــله الحــاجه فـــي نفـــسي
إرسم بـــيرغــــه وعلـــيه
وخـــليه إعــله هــــذا الحـــال
بلاســـــيــــفه ولاچــــفـــــيه
.
نــوره يشـع علـى الأكوان
شفته بلوحة الوجـدان
أريد اليـــوم بچـــفوفي
أرســـم واقـع إطفـوفي
.
. (9)
گــال الحـاجه فـــي نفــسك
وبگلــبك غــده ســرها
راح ارسـم جيــوش الشام
يم المشـرعه انشــرها
رسـم بالـــوحه جـنــد وخيل
يجدح بالحـــقد شرها
عـــاين رجـــفه شـو بالجيش
چـــن كــــرار إجـــه كـرها
شــــاف اعيــــون ابــو فاضل
الــوف الجــــيش يخـزرها
جـــنـــــود وخــــيل تتـــــرادم
يمـــنه ويســـره طـشــرها
.
فـــرت عنــه بالــــوديـان
شفته بلوحة الوجـدان
أريد اليـــوم بچـــفوفي
أرســـم واقـع إطفـوفي
.
. (10)
ينشــــدنـــي القــــلم حيـــران
يالرســــام شنـــــهي الـــراي
إذا أبــــقى علـــــى هــل حـال
ماتكــــمل لــــوحتـــك هـــــاي
گتــــله اتـــرك جيوش الشـام
ورســـم يمــه نهــــر المـــــاي
مــا يـنـــــظر بعــــد لجـــيـش
عيــــنه اعـله النـــهر تومــــاي
ابـــو فــــاضـــل أخــو زيــنب.
غيــــور الخــــــوتــه وفـــاي
هــــذا ابــــن البــــطل حــيـدر...
شجــــاع وللحــــمه حمـــــــاي
.
يصد بالعـــين عل رضعان
شفته بلوحة الوجـدان
أريد اليـــوم بچـــفوفي
أرســـم واقـع إطفـوفي
.
. (11)
بعــــد مـــادار عنــــه العـــيـن
رد يــــرســــم جيــوش إيـــزيد
رســـم سيـــف البطل عبــاس
ســــألتــــه يا قـــــلم شــتريد
هـــذا الســـيف يفني جيــوش
هــــم تــــرســـم بـعد وتعــيـد
جــــاوب مـارســـمت چفــوف
سيــــف بلا چفــــوف أيــبـيد
لـــن سيــــفك يــــبو فـــــاضل
يضـــــرب بيـــــهم ابـــــلا إيـد
يهتـف والـــــدمه نهــــــــران
آنه بـــاشـــط الصـــنديــد
.
يـــوزن ضـربــته ميـزان
شفته بلوحة الوجـدان
أريد اليـــوم بچـــفوفي
أرســـم واقـع إطفـوفي
👇 يتبع👇👇 باقي القصيدة 👇👇
#قصائد_محرم_1445_هـ
🌹#تـجـمـع_أحبـاب_الـزهـراء 🌹
#بأدارة_الاخ_عـــاشق_الــنــــور
🕊#عــــشقي_للمهدي_لاينتـهـي🕊
ـــــــــــــــــــــــ ★★★ــــــــــــــــــــــ
نعي
الليله العاشره
للرضيع ع
ذهـيـلـه ابـكـربلـه ومشدوه بالي
ألـولـي لـلـمـهـد والـمـهـد خـالـي
فـجـئـه وخـبــر عبدالله اجـالـي
فــت الـدلـيــل وشــاب حــالــي
ضـاع الامـل والـگـلـب مجروح
وضـلـيـت اونـن ونّـت الـدوح
ورده الرضيع وريحته اتـفـوح
جـابـاه ألـيـه حـسيـن مـذبـوح
شـفـت الـسـهـم حـافـر رگبتـه
وراح الـتـعـب كـلـه الـتـعـبـتـه
مـثـل الـحـلـم غـابـت ضحكتـه
مـادارت بـعـدهـه ايـام سَـنـتــه
*------------------------*--------------------*
ابوذيات
اســولــف بـأسـم عـبـد الـلـه.. ورد بيه
واشـمـن مـهـده چــن ريـحـة.. ورد بيه
خــــذاه حـسـيـن لـلـحـومــه.. ورد بيه
ابـوسـط نـحـره السـهـم جـابـاه الـيـــه
*-------------------------*----------------------*
شــوفــي بـحـزن لـولـيـدي.. دريته
وسـالـم بـعـد مـــــــايـرجـع.. دريته
مـــو درّي دمـــع عـــيــنــي.. دريته
خــذاه الـمـوت مـنـي وگـطـع بـيــه
*---------------------*------------------*
✍خـادم الـحسيـن (ع)
الشاعر رعد الجريخي
💎تجمع أحباب الزهراء لنشر الحان القصائد الحسينيه (1)
👇🏻👇🏻👇🏻👇🏻👇🏻
/channel/AADOHBYKLP
💎تجمع أحباب الزهراء لنشر النعى والأبوذيات الحسينيه (2)
👇🏻👇🏻👇🏻👇🏻👇🏻
/channel/AAADOHYKLP
قناة مجالس تجمع أحباب الزهراء
👇🏻👇🏻👇🏻👇🏻👇🏻
https://t.me/joinchat/-cb00_1g8ftkMDRk
💎تجمع أحباب الزهراء لنشر مواليد الأئمه الطاهرين (3)
👇🏻👇🏻👇🏻👇🏻
(كروب تجمع أحباب الزهراء)
👇🏻👇🏻👇🏻👇🏻👇🏻
#ملاحظه ممنوع ادز الحانك للأخوات على الخاص اي لحن عدك تنشره بهذا الكروب 👇🏻👇🏻👇🏻👇🏻
اسولفلك سوالف تهدم الحيل
تعبت امن الركض يبن امي و الخيل
لا تعرف جبيره و عمري خمسين
خذتني امطارد لحدما جزه الليل
و النار بذيالي اطفيها و تشب
*
اشدن حيلي كوه و اسند الروح
و ارد اعثر و اشوف كبالي مطروح
ولد من ولدي لجن احجي وياه
اعز منك ييمه عندي مذبوح
و ايدي اعله خاصرتي اكلب بالجثث
*
اعله كيف امشي و اخافن مشيي مسموع
و نكعت انه اعله طولي بكثر الدموع
و يبعد اختك تره الخوفه الاشد هاي
خاف انكل جدم و اسحكلك ضلوع
ترس الطف صبح جسمك يالمسلب
*
امشي و جني امشي بهالدرب عام
يمته اوصلك و ترتاح الاجدام
و تاليها وصلتك ناذره اشباگ
بس وكفتلي عارض هاي الاسهام
و خاف اشلع سهم و ايلجمك ازياده
*
شفتك يابس و هذا الرمل جان
حار و انته نايم خويه عريان
و من نحرك سمعتك تهمس بصوت
تقربت و سمعت اتكلي عطشان
بجلمتك هايه الف موته متت
*
اتكطع كلبي خويه بجلمتك هاي
ما يلكه اليشربه الماله سگاي
مثلك ريجي يابس لسه يحسين
جابوه و جفيته كارهه الماي
و ما ابلل لساني يبو السان الخشب
*
حسام العيساوي
ياطف المصيبه
شفت زينب غريبه
گلب الحره محتار ...بين الخيمه والنار
شفت زينب غريبه
.....
يلاهي شگد حملت آنه مصايب كربله هواي
هلي متذبحه اگبالي ضمايه ويمهم الماي
وانه ابين المرض والهم اشوفن ظلمه دنياي
احرتگ شفت المخيم
ارض ممليه بس دم
وشفتت تتراكض ازغار ....گلب الحره محتار
شفت زينب غريبه
.......
انه السجاد اصد حالي نحيل بهجمة الكَوم
اريد الحكَ على العيله وتاخذ كَلبي الهموم
اجدامي تعثر ابمشيي شلون اليعثر ايكَوم
صعب آنه الهم امشي
ودمعي حركَ رمشي
حيلي ابهاي منهار ....گلب الحره محتار
شفت زينب غريبه
.......
هظمي وكل مصاب الطف ذووب كل دليلي
اسمع عمتي تنادي شو محّد يجيلي
وآنه اتوكه عالعصه ورايح والله حيلي
ماضل حيل اليه
والحكَ عل بقيه
صار الما احب صار... گلب الحره محتار
شفت زينب غريبه
.......
ما انسه مصاب الطف وكل ذيج المصيبه
ما بين الزلم والخيل اصد زينب غريبه
وكل طفل بلهيب النار ضل زايد نحيبه
متوجد دربهه
والظالم ظربهه
ها من ضيم الاشرار ... گلب الحره محتار
شفت زينب غريبه
.......
شفت حسين ابو اليمه جثه اعله الوطيه
وتسجك صدره بالحافر خيل الاعوجيه
ويمه من مشت تبجي ومهظومه رقيه
بالمنحر تشمه
بيديهه تلمّه
الهه اشبحت الانظار گلب الحره محتار
شفت زينب غريبه
.......
الشاعر محمد حسن ضيغم
#عاشوريات
نعي اولاد مسلم
طلعيت نص الليل وادعي
سالم ترد ويسيل دمعي
يالولد يبني احنيت ضلعي
طاهر ييمه ونور عيني
يازهرة ايامي وسنيني
وعليك ياهو اليدليني
مضيعه الولد والكلب ذايب
منين اجتني هالمصايب
راوتني هالدنيه العجايب
عميه عليك العين يمه
وبفركتك اشبع مهظمه
يالرحت كلب امك تألمه
انت واخيك وين غبتو
وبيا نويه اليوم صرتو
ياحيف عن عيني بعدتو
اهات اجر وحزني يزيد
كلساع اصفك ايد بالايد
ماتستمع وني يالبعيد
من هجمت الخيل على البيوت
فريتو والدلال مفتوت
امك تراهي بفكدك تموت
انه هايمه ودورت الخيام
والكلب من فراكم هاام
شلون التضيع. وليدها تناام
ام زينب السعداوي ناصريه
🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
لاتـفـززلي الجروح النــايــمــة
خويه ماريد انه اضلن سالمــة
الـمصـايب عـذبـــــتـنـي
خويه حكــك معرفتـني
كلش اليوم اعلــه موتـي عـازمــة
كافي كافــي
لاتـفـززلي جرح يصعب مــنامــــة
خــله غـافـي
لا يفز ويرعب اكلــوب الــيتـامـــــة
القـــــوافـــي
عـنه تعجـز و الشعـر يوكف الهامـة
كوه نومته وغفة
إله مايحصل دوة
صبري بلـكوه الـجرح ضل لازمــة
لـيش تنـشد
لاتفززلي جـرح مابـيه حيــلـة
زينـب اترد
بالسبي ياخويه والقصه طويلـة
عينك اتصد
لختك المن القهر كلش نحيلـة
معرفتني خويه صعبة
لاتشمت الناس غربة
الحـزن ماكـو غـيـري شـاف اتوالـمـة
مـعـرفـتـنـي
اختك انه الطبعو السوط ابهدمهة
مــن شـفتـنـي
ريحـت الكرار بـية وما تـشــمهـة
دولـبتـنــــــي
اسياطـهم ياخـويه من شـدت إلمهـة
من شعل نار بخـيم
اشكم جرح بيه الجم
عـيني بالـد معـات صـارت هـايــمـة
اسمع اسمع
حركو اخيامي تره بعد المصاب
عيني تدمع
من رهبتي وخوفتي دلالي ذاب
حصره تطلع
خايفه يسلبون سترالله الحجاب
رحمه منهم ماتصح
راس ينشال برمح
احجي الك خويه الصـدك مـو واهـمة
والله صعبـة
مابقه لاناصـر النه ولامـعـين
.ناس غـربـة
وبالخرابه باتت اعيال الحسـين
اه يــــدربـة
السبي لختك تره يزيد الونـين
زينب انه ام الخـدر
رحت بدروب اليسر
ضهري سوط الشمر ضل يسالـمـة
اه يكـلــبي
يعينك اللـــه اتحملت ونتي الشجية
اه يـــدربــي
المشيته بجـرح مثل امي الزجيـة
ويلي ربـي
بالخرابه تغفه عـــــــــين الهـــاشمية
ريت يمحمد تشـــوف
وحده اخيك بالطفوف
فــوك صــدره خــيولهم مـترادمــة
عـن رقيـه
خوية لا تسالني فدوه عن رقـيـة
مـو بدية
فـوك راس حسين وافتهه المنيه
اشباقي اليـــه
حجت وي راسـه وتكــله رد عـلـية
ونـــت وغمضت عيـــن
غفت عد راس الحسين
ماتــت وكــل ضــنة جـانت نايمـة
زينب معه محمد ابن الحنفيه
الشاعرمحمودرحيل
نعي حول العليله ع
كوطر ضعنهم يمشي ابساع
يمشي اعله كلبي موش بالكاع
كلبي رجف من حان الوداع
الضعن كوطر والكلب ذاب
يكتل يثاري محمل احباب
هضمتني كلش سدت الباب
حان الوداع وصحت بالراض
يحباب كلبي الكلب مغتاض
عليكم يون وبالحزن فاض
اشبع اوداع وشوف منكم
باجر يضل خالي نزلكم
ادغيب الشمس وانا بأملكم
ادغيب الشمس وعيوني عالباب
ومناطره جيت الاحباب
من هدكم يذاك الجرح ماطاب
يوداعكم يصعب عليه
كلش كلف بيد اديه
تلفوني لو هاي هيه
💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
نعي بحق الاحباب
للفاكد اعزاز ايلوك البجي للفاكد اعزاز
للكعده محتاز يبجي ويحن للكعده محتاز
خايب يجناز براضه ولك خايب يجناز
يهمل دمعنه للحملوا يهمل دمعنه
لا ماسمعنه حجايت زعل لا ماسمعنه
لا ما زعلنه وطول العمر لا ما زعلنه
يحلالي وني وكت العصر يحلالي وني
يجروحي ذني يدن ترى يجروحي ذني
كلهن لفني هم و حزن كلهن لفني
فراك النودهم يوجع ترى فراك النودهم
الكلب عدهم يثاري الكلب والروح عدهم
صاير فكدهم غفله وعلي صاير فكدهم
ثلثينه وني للغربوا ثلثينه وني
ينكطع ضني ما حسبت ينكطع ضني
يرحون مني عزاز الكلب يرحون مني
ينزف ولا طاب يجرح الكلب ينزف ولا طاب
من يوم الاحباب بعده يون من يوم الاحباب
مانحمل اغياب نموت وعلي مانحمل اغياب
بقلم الشاعرة أم كرار الساعدي
🏴 حميدة بنت مسلم ع وحوارها
مع عمها الحسين ع
ياعمي اشوفك مختنگ
واشعر بگلبك محترگ
ممكن تِخبّرني الصدگ
دموعك تصب شنهو السبب !
من والدي عندك خبر !
طوّل أبوي بهالسفر !
مو ذَبَّـل عيوني السهر
اعليه اليتم چنه انكتب !
مشتاگه أشوفنه تره
أيام وآني اتـنَـطره
گلي يعمي بالجره
تمسح عله راسي اشعجب !
گلهه وتسبگه عبرته
مسلم وحيد بكوفته
أنذال بويه الغدرته
وهنانه ابو اليمه انتحَب ..
فوگ الگصر نحره انگطع
والجسد للگاع اندفع
لاچنه أبداً ما خضع
شدوه وبحبال انسحَب
ومن ساعتچ صرتيلي بت
لسكنه ورقيه الهن إخت
ياويلي والمدمع يكت
والچبد نيران التهب
ليش بعجل بويه ارحلت
ومن زغري بويه اتيتمت
بفراگك آني ادوهنت
اعتب اوشيفيد العتب
#سمير_الصالحي
#النجف_الأشرف
#3_محرم_الحرام_1444هـ
#الثلاثاء_2_8_2022م
5محرم نعي مسلم بن عقيل ع
عندما بكى مسلمُ بن عقيل في قصرِ ابنِ زيادٍ لعنه الله وسُئلَ عن ذلك، قال: "والله إنّي لا أبكي على نفسي، ولكن أبكي على أهلي المقبلين (أي الحسين وعياله عليهم السلام)
يحـسين رد خـويـه علـيه
بحبل العده مربوطه اديه
وچـني انظر البنتك رقيه
يضربونها بالسوط ظـلام
الحسين ايگله
مـامنها رجـعـه خـل احاچـيك
يـمـي حمـيده وتـسـأل اعليك
وكلسا تجيني اتجيب طاريك
چاوينه ابونه جاوبني يعم چا وين ابونه
أيده الحنونه مفتقده تره أيده الحنونه
مـا يرجعونه گلتلها بعد مـا يرجعونه
تسأل شلونه ابوطول الحلو تسأل شلونه
علينه الباطـل وگـومه حمـيـده
ومـا شفت الـذي نيته حمـيـده
انـه مـا يظل بالي يـم حمـيـده
أخـيـتي ام عـون تـرعـاهـا ألـيـه
اهنا مولاي مسلم ايسلم على الحسين ع السلام الأخير
يا إمامي للسلام ارفع چفوفك
يا إمامي چنـت اتمنى اشوفك
يا إمامي وسفه بالشده اعوفك
ايجاوبه
ها يمسلم من وصـلت الغاضريه
ها يمسلم ردتــك اتـعـاود عـليـه
ها يمسلم سلم اعله امي الزچيه
لو شفتها گلها باقي حسين وحده
لو شفتها والـنــذل حــدّه تــعــدّه
لو شفتها خده ظل عالترب خده
رد مولانا مسلم ع
أي أجتني ومن اجتني شلون جيه
أي أجتني اتـنوح واتحاچي المنيه
أي أجتني بهيـده ويــا هـل مسـيه
============================
24/5/2023 الاربعاء
الشاعر الميرزا محمد الساعدي
نعي
كلت يا خيل كافي بسجن الدوس
تره صدر ابو ليمه سهام متروس
ناس بسيف اجته وناس بل فوس
وابو الأكبر شجاعه وفه متروس
==
ما هم بل عطش والخيل والجيش
كل همه بناته وزينب تعيش
فزعتو عله الغريب بيا ذنب ليش
تطلبون ابو سكينه يا عمر بيش
===
كون لوجه يندار ليه
وسهم لمثلك كون بيه
عكبك صفت وحشه ثنيه
نتناك لو ما بيك جيه
==
هجمت علينه زغار وكبار
وبلخيم خويه شبو النار
طفالك صفت بل بيده طسار
يحسين صار لبينه ما صار
==
الشاعر سعيد العكيلي
لسان حال حميدة بنت مسلم بن عقيل رضي الله عنهما. (وزن البند)
يگبل العيد مذبوح. بويه لا اجه العيد
فوگ جروح الفراگ بعدك لوعتي اتزيد
يبت مسلم يگولون. ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت. وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم . تريد الخلگ ترتاح
صرت مرسول لحسين. قصدك تنصر الدين
يگبل العيد مذبوح. ريته لااجه العيد
★★★★★
خلافك بويه الجروح. جرح ابجرح ملچوم
اناطر واحسب احساب تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ. خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر گلبي ويگول. يروحي وضي العيون
اشوفه مثلي مهظوم. دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم. تغدرك خايف الگوم
يگبل العيد مذبوح. ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك. بشر ماعدهم انصاف
بعد ماطحت بالحال. عليك التمت. آلاف
مرمي من القصر حيف على التربان تنعاف
وحيد ومالك انصار. طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت. اضل للونه. والنوح
حسافة بجية العيد. عليه تصبح ابعيد
گبل العيد مذبوح. ريته لااجه العيد
الشاعر حسن لعيبي الحريشاوي
نعي الى لام
مظيعين الحنينه زغار وكبار
انظرلج يايمه و ماكو بالدار
كولي شعطلج يا شمعت البيت
وبكلبي على فكدج وجت النار
بناتج حايره وتني ام العيال
تفرحين شكثر لو جاج خطار
تحبين الجميع وكل الخوان
وعلى فراكج يون ومحزن الجار
هسه شلون حالج بين الكبور
لوحدها العزيزه ولكبر حار
يمه ابنج بجا ويهل الدموع
وعفتيله شكثر بالبيت تذكار
فراشج ولعبايه وشيلتج ذيج
منشوفنهن يا يمه بيهن احتار
احفادج بالعراء وطفال يبجون
لميهم يايمه الحظنج ازغار
مو وكت الرحيل حبيبه جاوين
من عمري على عمرج كون يندار
ليش ستعجليتي وين تردين
وبد ما صدكت يا يمه بالصار
ابو هاجر المجراوي
#للعليله..
مرلي ياطــير السعد بحبابي
وللاهــل ويـاك اخــذ اعتابي
حلمي بس اسمع خبرهم
يلهج الســاني ابذكــرهم
مرلي ياطير
……………………………………
هاك اخذ ملخص كلامي البيه اسولف حالي
وگل لبوي اتگول بتكم بيـــتكم ضل خالي
أرحلو يا طـــــير عنــي غالي يتــــبع غالي
والنضر راصـــــد دربهم والحـــــزن چتالي
مرلي يا طيــر ابضعن عباسي
وگله شيب من هجركم راسي
عني ماغابت صورهم
يلهج السـاني بذكرهم
مرلي ياطير
……………………………………
لسكنه ورقيه الرسـايل بالعــــجل وديهن
ادموع وعتاب وسلام شكثر يلگن بيهن
شو نسن عدهن عليله وضــــاله اتانيهن
وآني كل لحظه التمرني الهــج ابطاريهن
اخبـــاري ياطير السعد وديهن
يم اخوتي اهناك سولف بيهن
ابـد لاتنـــــسه تمرهم
يلهج الساني بذكرهم
مرلي ياطير
……………………………………
كل مراســــــــيلي اخذها .. وروح يـم عماتي
بلكي مـــن يقرن عذابي .. يجبرن ابحسراتي
راح يلگن بالرســــــــايل .. ترجــــــــمة آهاتي
وفوگ ضرف الشوگ يلگن .. اثر مــن دمعاتي
سـلم اعله النسو حال احبابهم
وگلهم اليوجعني بس اغيابهم
گاعده ابابي انتضرهم
يلهج السـاني بذكرهم
……………………………………
آنه طفله وروحي ترفه .. والبــعد ماذيني
جمرة اغياب الاحـبهم .. بالگلب تجـويني
شحت اعليه الشلونچ .. والمرض سابيني
شوفت اوجه الغوالي .. هيه التــــشافيني
الغيبه صعبه وگمت احن لحبابي
واركض اشــــما هوه يحرك بابي
ناطره اليرجع بثرهم
يلهج الساني ابذكرهم
…………………………………
والله لمن ودعتهم .. هـــدمو كل حيلي
لا رتاحـيت بنهاري .. ولا مغمضه ابليلي
لارساله ولاكو طارش.. يرجع ويحچيلي
عالمشو والفارگوني .. يامــدامع سيلي
حلم ياريـــــته وافز من نومي
ويم ابوي الغالي اخلص يومي
واشفه من علتي واسرهم
يلهج الســــــاني ابذكرهم
………………………………
✍الخادم
كامل السعيدي
باچر انته اعله الرمح وانه ابسبي
لا علي يمنه ولا جدنه النبي
كلمن يسولف مصابه
وملتقانه بالخرابه
يخويه
ــــــــــــــــــــــــــــــــــــــ
الليله زينب لـمّت ادموع السنين
واجت لللخيمه تدور عالحنين
سد كتاب الله وگــاملهه الحسين
هلا ناده ابّت امير المؤمنين
اشعندج ابهالليل زينب طالعه
وليش من هسه احسچ ضايعه
ياهلي وكل الكرابه
وملتقانه بالخرابه
يخويه
ــــــــــــــــــــــــــــــــــــــ
گعدت وگالتله يالحبّك نجاة
ابالي گام اتدور ذيچ الذكريات
ابيت ابونه وامنه من چنه نبات
وعدنه حوض الكوثر اليسوه الفرات
طاسة المـَي باچر ابسعر النحر
وتشتعل چم خيمه من يطفه الگمر
واليسر ناخذ ثوابه
وملتقانه بالخرابه
يخويه
ــــــــــــــــــــــــــــــــــــــ
عالهزل باچر وانادي ياهلي
الحگولي النار حرگت محملي
احسين هسه انته تگلي اتدللي
وباچر اچم مره اصيحن ياعلي
من يعثرني الزمن يحسيني
اسم الله من فوگ الرمح حاچيني
من يذبحون المهابه
وملتقانه بالخرابه
يخويه
ــــــــــــــــــــــــــــــــــــــ
اشلون اودعك گلي ياستر النساء
كون المّ احساس كل الانبياء
وكون اجمع شكو قرآن ودعاء
وابچي وادموعي تغرّگ كربلاء
هيچ اودعك كون يبن امي وابوي
وخلني اشبع شوف من وجهك يخوي
والصبح گرّب عذابه
وملتقانه بالخرابه
يخويه
ــــــــــــــــــــــــــــــــــــــ
يختي اريد اوصيچ گاللهه اعله شيَّ
لو اظلّن بالشمس سويلي فَيّ
احسين گالتله افييلك بَديّ
انته من تموت تبقه ابعيني حَيّ
عميه كون اعيوني من گبل الصبح
ولا اشوفن رحمة الله اعله الرمح
واختك ابين العصابه
وملتقانه بالخرابه
يخويه
ــــــــــــــــــــــــــــــــــــــ
راح افييلك بديّه وبالعباه
واقره يمك طور ماواحد قراه
الزهره اصيحن يُمّه محّد شيّعاه
مات اخوي وماتت الخوه وراه
والحوافر وي صدره امعانده
رايحه اعله احسين يمه وراده
وسلّبو حته ثيابه
وملتقانه بالخرابه
يخويه
محمد الجماسي
#اللهم_عجل_لوليك_الفرج
محرم 1445
لمولاتي العليلة عليها السلام
كرب يومي وبعدني مكابله البيبان
وصوركم راسمتها وتارسه الحيطان
من اصد لصوركم اتحير
ارشها بماي تتفطر
1ــــــــــــــــــــــــــــــــــــــ
اخط عالكاع اساميكم. بويه واشبك عليكم
اليذبحله عزيز يذبحه بفراك
وصلت لمرحلة بخوفي. اخاف تعوفني جفوفي
متعودة تلزمك لمن تشتاك
فركتكم احر من حر الصواب
عمر الفاكدة تلكونه بلباب
شيسكتها عيني وجرحي ما طاب
ما مقسومة اعيش ولا اروح وياك
مكتوبتلي بس يم الله اتلكاك
بس الموت جان الحل
بصوركم باقية اتوسل
2ـــــــــــــــــــــــــــــــــــــ
علردن اثيابك اغفه اني. ودمعي مبلل ارداني
صفيت بحالت المكسور عشة
فكري شكد يراويني. من اسافر للطف بعيني
مجتوفات شو عماتي غبشة
مراكض والخيول براسي تفتر
شيركض بنات حسين بالبر
الكاع بكربله شو لونها احمر
وام عون الجبيرة زحوف صعدت تل
نولينه تصيح كومو وبقت تتوسل
افز مرعوبه من ليلي
جا ياهو اليشد حيلي
3ـــــــــــــــــــــــــــــــــــــ
وحشت مكبره داري. ومحد يسمع اخباري
كمت اشرب قهر والماي اعوفه
المدللني بس حزني. وراكم ابد ما هدني
مره وجهي يضحك حلمي اشوفه
تتكسر دمعتي من التجاعيد
غطة الشيب رمشي والمواليد
بس يرجع اريد وكلشي ما اريد
كلبي يكلي موتي وعيني ما ترضه
اله تشوفهم لو بالعمر لحظة
كلبي لو جدم عنده
وراهم يركض لوحده
4ــــــــــــــــــــــــــــــــــــــ
يبويه شثكل عازتكم. جنازة بلا اهل بتكم
الغريب يشوف كل الوادم كبور
يابويه فحط كلبي. شوكت ارتاح من تعبي
عاشور الفراك وذاك عاشور
عشتهن مرة وحدة الله شاهد
فراك الابو حار الموت بارد
كلبي كله يمكم دوم شارد
ابراسك رمح بس رمحي اني فراك
كمت اشتاك الك ولموتي هم اشتاك
كلبي انياطه متكطعه
وجهك كلي شيرجعه
5ــــــــــــــــــــــــــــــــــــــ
من كد الحزن بيه. قريت الفاتحة عليه
وصورك دافنتهن بويه بعيوني
امنيتي يمك اتوسد. من اموت بحضنك اتمدد
جفوف الغربة تلجم من يشيلوني
يكولون اليموت هواي يرتاح
وانه ميته واشوف الركض ورماح
وحتى بكبري اشوف حسين من طاح
تموت بنيتك وجف غربه اليشيعون
جنازة بلا صياح ولا اهل يبجون
حتى بموتي هم اتعب
بتابوتي وبقيت انحب
كرار فاهم الخفاجي
مراسيم تبــديــل الــرايــه
رايـــة الأحـــزان لمـــن تـــرتفــــع
يعنـي شهـر النـوح أجـانـه والـدمـع
يــالله يـالله يــا خَــــدَم
أبتــده شَهــــر الألـــم
حَـيَّ حـيَّ أعلـه العــزاء
ــــــــــــــــــــــــــ
يـالـرِدت تحيــي الشعـايــر والعقـايـــد
بـالمـواكـب أحضـر أخـدم والمساجــد
يـوم عـالساتـر تقــاتـل وأنـت صـامــد
يـوم بـالخــدمــه ومجـالسـهـا تجـاهـــد
رَف على الـﮕُبه العَلَـم
أبتــده شَهــــر الألـــم
يـا شَهــر سَفـك الـدمـاء * حَـيَّ حـيَّ أعلـه العــزاء
ــــــــــــــــــــــــــ
اليـوم تبـدي أحـزانـه وتبــدي المجـالـس
بخـدمـة حسـين وهلــه أيصيـر التنـافـس
هـذا جـون أيصيـر ذاك يصيـر عـابـس
ذاك مـن داعـش وﮔـف للشيعـه حـارس
أكتـب أكتـب يـا قَلَـــم
أبتــده شَهــــر الألـــم
هـذا صـوت أمنـالسمــاء * حَـيَّ حـيَّ أعلـه العــزاء
ــــــــــــــــــــــــــ
رِحلــة الهَــم تبتـدي وكسـر الخــواطــر
والبـواتــر بــاﭽـــر أتــلاﮔــي البــواتــر
تنتهــي أبسبـيِّ النسـه وﮔَطـع المناحــر
وعـالخيـام التحتــرﮒ تبـﭽـي المحاجــر
أه يـــا حَــرﮒ الخيَّـــم
أبتــده شَهــــر الألــــم
البَـﭽـه كـل الأنبيـــــاء * حَـيَّ حـيَّ أعلـه العــزاء
ــــــــــــــــــــــــــ
هـذا شَهــر أحــزان والهَــم والـمـآسـي
عنــه أبعــد لا تمــر بــي يـالسـيـاســي
تستغـل فطـرتنـه وتــدور الكــراســـي
أنتخبنـــه أحسينَّــه الكـرسـي الرآســي
ذو المبــــادئ والقيَّـــم
أبتــده شَهــــر الألـــم
عـالنَهَــر طـاح اللــواء * حَـيَّ حـيَّ أعلـه العــزاء
ــــــــــــــــــــــــــ
هـالشهــر عَلمنـه عـالحـق مـا نجـامـل
وعـالسواتـر نـوﮔـف أبغيـره ونقــاتــل
خَـرَج أجَــم قـائــد ألنــه أجَــم مقـاتــل
ولخــدر لعـــراق أصبــح هــوَّ كـافــل
داعـش أﮔبالـه أنهــزَم
أبتــده شَهــــر الألـــم
عـالـي ويـرف اللــواء * حَـيَّ حـيَّ أعلـه العــزاء
ــــــــــــــــــــــــــ
عَلِمـانــه أعلـه الصبــر شهــر الـمـآتــم
ومـا نحابـي الحاكـم الكـل وكتـه ظالــم
مـا بـﮕـه للطلعـه شـي مهـدينــه قـــادم
قـائـم أيضل هـالعَـزه الطلعـت الـقـائـم
أتحضروا يَهل الشيَّــم
أبتــده شَهــــر الألـــم
واسوا سَيِّدتْ النساء * حَـيَّ حـيَّ. أعلـه العــزاء
الشاعر كريم الحاج فليح
قصيدة للدنيه
رايحين هاي دنيه وكلنه باچر رايحين
راديـن للمگــــــابــــر كلنه والله رادين
رايحيـــــــــــن رايحيــــــــــن
💔💔😭💔
الدنيه ليش تحبهه گلي
وانتـه تــدري بيهه زين
تضحك الـدنيـــه علينه
واحنه ضنه مسيطرين
چذبه هاي الدنيه والله
وبيهه ضيعنــه السنين
ليش هـا مــــا حسبينه
بيــــوم احنــه راحلين
غافلين الدنيه حلوه نگول واحنه غافلين
مهاجرين مـانبــالي وگلنه يــوم مهاجرين
رايحيـــــــــــن رايحيـــــــــــن
💔💔😭💔
غــافليـــن ويــا حسافه
الدنيــه مـاگلنــه سراب
أبــــد لا مـــــا فكــرينه
بــاچــر حسـاب وكتاب
يلـي تخطي گلي باچر
لــــربك شعندك جواب
شكثر ذنــوب ومعاصي
وانتــــه تــاليك التراب
ضالين بــوسط حفــره ظلمه آه وضـالين
نايمين بــالتــراب وديــرة غــربه نايمين
رايحيــــــــــن. رايحيـــــــــن
💔💔😭💔
أعمالك بس التفيدك
مــن تنــــــام بمگبره
لا مـــــال لا قصـــور
مـاكــو شي ينفع تره
قبل ليفـــوت الأوان
الله روح استغفـــره
گله دخيـــلك إلالهي
منك أرجــو المعذره
نادمين كــون نستغفـــر الباري ونادمين
ضايعين نگله من دونــك يربي ضايعين
رايحيــــــــــن رايحيـــــــــــن
💔💔😭💔
بنـدم كـون إتقي ربك
تعرف الله شگد كريم
بصــادق النيه إگصده
تـدري بـالخالق رحيم
نــذنب ونـــرد نجيله
ياعظمته شگد عظيم
كافي يبنادم معاصي
دنيه تخلص ما تديم
حايرين ليش يوم الحشر نوگف حايرين
مذنبين شلون نحچي ويه ربنه ومذنبين
رايحيـــــــــــن رايحيــــــــــــن
💔💔😭💔
تمت والحمد لله
بقلمي المتواضع
✍ للشاعرة وخادمة الحُسين
رقية العامري
لحن اهوازي
زينب ودعت عباس،،،،،، باسته فقط بل راس
گلتله يبعد اختك،،،،،،،،،، سوي بل زلم وهواس
جهب عباس والريشات تجدح من يشوفونه
خلاها الزلم طشار بس بخزرت اعيونه
دخل چن نار نص الزور ما لحگو يطفونه
غير الكافل منيفوت حَبدر بس يسمونه
خلاها الزلم تنحب،،،،،، حاصرهم مثل مرحب
لمن هوستله اخته،،،،،،،، ،، كال لخاطرج زينب
صعد عل خيل والرجلين خطن من ضهر خيله
فگره الراد يتلگاه من حسين يوميله
گلاله الشمر عباس خالك لا تهد حيله
خلينه نتفاوض گوم هد ويانه عل عيله
عوف حسينك ايگله،،،،،،،،،،،، خالك انه مو ذله
گلاله اليعوف حسين،،،،،، هذه بعرظه اذآ خله
وصل للضفه والعدوان رجليها بقت ترجف
حته الما يلوحه بسيف من خوفه يضل ينزف
ابن حَيدر چهب للگوب خله الگوم بس تحلف
والچان بطريف ايزيد وي عباس ضل يغرف
الشارد بل حرب زلمه،،،،،،،،، ويلحگ يشوف امه
بس الما شرد ياناس،،،،،،،،،،،،وذر صار ومنو يلمه
رجع عباس لخته وگال شفتي الصار بل وادم
خليت الزلم صوبين والزلمه اليرد سالم
سويتلهم الما صار والصار وانه خادم
خليت الخيول اليوم خيل بخيل تترادم
حسين يگله يبن امي،،،،،،،،، توك ريحت دمي
زينب تعترف كافل،،،،،،،،،، الها انته بعد عمي
قلم خادمكم :حسين علي الدليمي
هلي عني مشو لاچني منهم
انه جويعده اوحمل ضعنهم
هلي يمكن نسوني .. عليله اوما خذوني
حمل ضعنهم ... حمل ضعنهم
=======@@@========.
صحت بالله اعله بختك ها يحادي اضعون
ترا ماني غريبه واهلي اليحملون
مو دمعات بعد اهلي تطيح عيون
شلون اصبر بعدهم ها يحادي شلون
ابدون اهلي بحزن اگضيهه الايام
ياعين البعدهم تغفه اوتنام
يصب مدمع عيوني ... عليله اوماخذوني
حمل ضعنهم....... حمل ضعنهم
=========@@@======
اريد وياهم امشي واسرج انه الخيل
وامد افراش الهم من يچلچل ليل
ولو لاحيل بس منهم أمد الحيل
انه بالويل وافراگ الأهل ياويل
ليش اهلچ مشو ينشدني الأحساس
انه جويعده اوعافوني ياناس
وحيده انه اتركوني...عليله اوماخذوني
حمل ضعنهم ....حمل ضعنهم
=========@@@=======
هلي فوگ المحامل حملو روحي
اوضعنهم من مشه دايس على جروحي
بگيت ابحصرتي وابوني وابنوحي
اوتوحلي الملامح ماترد توحي
توحولي الملامح اخر اوداع
بچت وياي حتى اعليهم الگاع
يويلي اعله الجفوني...عليله اوما خذوني
حمل ضعنهم .....حمل ضعنهم
=======@@@=========
ألي حته الضعن صدلي اويودعني
من اصيحآ ياهلي چنه هوه يسمعني
دافعني حنيني اوشوگي دافعني
اضن ماراح بيهم شملي يجمعني
يجمعني الشمل ماضنه بيهم
تصد العين واتفكر عليهم
بحيره حيروني ....عليله اوما خذوني
حمل ضعنهم .... حمل ضعنهم
=======@@@=========
عزيزات الحُسين انه اورقيه اثنين
اوينومنه اعله ذرعانه ابونه حسين
دوه العلتي بوجوده تغفه هاي العين
چاوين الدهر عني ابعده لاوين
گلي هالدهر شيريد مني
حمل ضعنه ابوي اوشال عني
من حسين احرموني...عليله اوما خذوني
حمل ضعنهم ......حمل ضعنهم
======@@@==========
اعله عتبت بابي اگعد والگلب ماهاد
عليهم انشد انه الرايح ويالراد
الله ايعين كلمن عنده ناس ابعاد
ياكسر الخواطر مايفيدة اضماد
مكسورة الخواطر على الوليان
هذا البيت أصبح بيت الاحزان
بجفاهم ذبل لوني...عليله اوماخذوني
حمل ضعنهم ......حمل ضعنهم
لخادم العليله
الشاعر
ابو عبدالله الشمري
#عاشوريات
نعي الى اولاد مسلم ابن عقيل عليه السلام
احنه ولاد مسلم ولدهر جار
وطشرنا لزمن في كل الكتار
جينه منلمدينه اناشد اناس
هاي الديره غربه وحنه خطار
ماظل والي عدنا ولا محبين
منهو يحن علينا ايتام وزغار
مشتاكين لمنا وجلجل اليل
ولاخوان عدنا ولا بقت دار
ستغربنا الوظع ونصد بالوجوه
وضعنا منلتعب كل ساعه ينهار
ما ظل عدنا والي وناس شمات
وما ندري على اهنه اصار ما صار
تلكونا برمح وسيوف وسهام
و ماضل كل جفن يطبك ونام
اشوف السيف لبراهيم جابوه
نفطر كلبي على اخيي فطرت الجام
كلتله ارجوك خله وانا موجود
وجيب السيف اليه ذبحني جدام
وصتني امي كالت بالك عليه
اخوك وياك خاف ادور اليام
ما عدنا ذنب وطفال حلوين
تذبحون الطفل ما يرظه السلام
ابو هاجر المجراوي
نسئلك الدعاء
.....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭 خدمتكم شرف لنا
تولني المصايب هاي وي هاي
وگفت وماطحت وانشاف وي هاي
اطفي بهاي لن الشمر وي هاي
حرت واشمتو يحسين بيه
بذبحك شفت دم يحسين بسماي
اخوي وعلي يومي يريد بسماي
يربي اقسم عليك اليوم بسماي
تجيب الماي يروي حسين اليه
فاضل الجهلاوي
أداء خادمكم المقصر ملا علي الواسطي
أنه الماعندي اخت يحسين صعدت تل
ولا ركضت لاخوها وشافت المقتل
.....
يحسين انت اختك تركض وتعثر
وكدام الزلم زينب تره تنجر
شيب كلشي بيها وبعد ما تكدر
ابجي لهل مصايب ردي لليسأل
....
شافت زينب الما شافه اي انسان
عله ذاك الرمل تنظر الك عريان
وفوكك شافت خيول وضحك عدوان
كل هذا ولجلنه الحره تتحمل
...
الزلمه شنهي حاله التنظرب اخته
وانت كبال عينك سلبو بته
وراسك عالرمح ينظرها بالسكته
يصير بته هيج منهو اليقبل
....
صريع انت بقيت وبيك ذاك الصار
وزينب تنتخيك تكوم تطفي النار
وانت ظلوعك بكثر السحك طشار
وجم طفل انجوه من عدكم مدلل
..
المصيبه الشام زينب طبت الديوان
وينظر الها ظل يحسين ياهو الجان
كون لحالتك نلطم لطم نسوان
ولطمنه عليك لا والله ولا تنمل
...
منتظر صالح الكعبي
#عاشوريات
نعي يوم الثالث العليله
****
جنت فرحانه ومحضره هدومي
شو محد اجاني وكال كومي
يبويه اجبال ما تحمل اهمومي
مدري اشلون يخلص راح يومي
اكفكف دمعتي وعيني اعله الضعون
وانه اتفكر وهمه يحملون
كلتلهم يهلنه موش تبطون
يبويه ويه العليله لا تكطعون
روحي تعذبت والبال محتار
وما تنطب بدونك صارت الدار
تعال وشوف بيه اشصار ما صار
كطعتو ياهلي وما منكم اخبار
كون الصار بيك ايصير. بعداك
ويحيف الزمن عني بعيد بعداك
يبويه ما يجيني النوم بعداك
اون والناس كلها تون عليه
ضعف شوفي واحس النضر. رجبي
وصار الحيل عكب المشو رجبي
اشو محد يكلي وياي رجبي
ولا واحد سأل منهم عليه
عله حالي ينوح الكصب وناي
حمام الدوح ما ون مثل وناي
هلي عافوني ياهل الناس وانه
اصبر بالروح الترك بيه
الشاعر
تحسين الخفاجي🏴أنت المعزى سيدي يا صاحب الزمان ... عظم الله اجوركم💔
✍️...الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
قصيدة ليلة مسلم
.
.
.
نار وخيول وعساكر واركض ابين الحوافر
لا أبـــو عــدهــا حمــيده
ولا اكو عم ويمدلي ايده
اوف يامحنة العاشر
***
ينـــاس الخيل من يركض يرفـــع حـــافره بــعلوي
وعـــباتي چــي مثل عمــتي طويـله للـــجدم تلوي
ساعه اعثر وساعه انهض وچبيره اعليه من اهوي
المصيـبه الســـوط فوگايه وجوايه الـرمل يچــوي
طحت واسمع ضجه يمي وشفت من سلبو عمي
شتــگدر تسـوي الوحيده
ولا اكو عم ويمدلي ايده
اوف يامحنة العاشر
***
ميمون الحنين حسين النه من اجه امدمه
صاحـت عــَمتي زينـــب فـــرن بالفله عمه
لزمت اخواني وهربنه بس ما طالت اللزمه
فرقنه الشمر بسـوط بگلـــبه مـا اكو رحمه
صاح بيهم عذبوها تره مسلم هاي ابوها
اتحـــز الثـــــاره يــريده
ولا اكو عم ويمدلي ايده
اوف يامحنة العاشر
***
امن تعاله عجاج الخيل اصبعي گبالي مااشوفه
گمت بين الجـثث ازحف نيتــي أوصــل الكوفه
بهالاثناء لني يم جثه وعـطــر هالــجثه معروفه
لـــن عــمــي ابوفــاضل بس امگطــعه چــفوفه
راسي حطيته اعله صدره وهيست نبله اعله نحره
ونوحــي يم نـحره ازيده
ولا اكو عم ويمدلي ايده
اوف يامحنة العاشر
***
اليتم ذلـــه لچــن انـــي بزود الــعم تعديته
واكثر من ابوي حســـين ياهالنــاس حبـيته
بهالصــفنات لن حافر نزل يم راسي حسيته
وبهالحافر المشــئوم عطر حســـين شــميته
خيول اميه ياوسافه ساحگه صدر الترافه
ومــن الخــيول العـنيده
لا اكو عم ويمــدلي ايده
اوف يامحنة العاشر
***
مسـلم بويه ناديتـــه ودمع عيوني يتبده
البعمري چبيره اعلــيه تجرح دمعته خده
چنت اتگلــي يالورده وهـسه ذابله الورده
سهم عبدالله ابن عمي طب بگلبي وتعده
الماله والي ولا كرابه ياخـــذونه للخـــرابه
الشـــام ادريهــا بــعــيده
ولا اكو عم ويمدلي ايده
اوف يامحنة العاشر
*
حيدر تركي الكربلائي
صيدة وزن الميمر لسان حال مولاتنا زينب عليها السلام
➖➖➖➖➖
عباس خويه ابطيحتك هضموني
وفوگ الهزل يبن. الفحل. ركبوني
♾♾♾♾♾♾♾♾
ركبوني خويه اعله الهزل هل ظلام
وبينه اگصدو يالوالي لديار. الشام
وأنه وحيدة. والضعن. بيه. ايتام
ابصوتي انادي انهض الي ياضرغام
ماارضه يالغالي. . الغرب. يحدوني
♾♾♾♾♾♾♾♾♾
ما ارضه ياخويه العده تسبيني
زينب انه وام الخدر تدريني
انهض الي ابلاياك صعبه سنيني
ريت الاجل يجبل الي ويلفيني
شلي بحياتي بفرگتك يعيوني
♾♾♾♾♾♾♾
شلي بحياتي البالقهر اگضيها
ياروحي موت الي يجي ويلفيها
اختك وحيده شلون واتخليها
ما تدري عگبك هالنذل سابيها
ابنيت علي واخت البطل يسبوني
♾♾♾♾♾♾♾
بنت الوصي ويسبوني وسفه الكفار
بمصيبتي كل عقل أصبح محتار
والصار خويه بيه ابد. لاماصار
حیف الشمر یحدیني عگب المغوار
بمصيبتك يبن الفحل. صوبوني
♾♾♾♾♾♾♾♾♾
فوگ الرمح راسك اشوفه. أگبالي
وشفت الشمر بعدك اسف يبرالي
ومن عاينت خابت يخويه امالي
حرمه وغريبه لا أهل لا والي
بنظراتهم أهل الحقد. اذوني
♾♾♾♾♾♾♾♾
اذوني ياعباس خويه انهضلي
اختك يوالي ادخيل گوم افزعلي
راسك اشوفه امعلگ ايباوعلي
جفوفك گطيعه وجنها الي اتأشرلي
بموتك يخويه أهل الرده فجعوني
♾♾♾♾♾♾♾
#الشاعره ام زهراء الزيداويه البصراويه
#الشاعره المــله هاجـر الزينبـيـة
ل
سلام الله على عليلة الحسين عليه السلام
ودعتني
والهجر مكتوب عنوانه ابجبينك
ودعتني
وكل مشاهد كربله رسمتلي عينك
ودعتني ودعتني
///////////////////////////////////////////////
يالخفك كلبك عليه وظعنك انطاني الظهر
هو مو ضلع الزجيه كلبي بجفاك انكسر
حسين من كد مستحاتك كصتك تنضح نهر
هاك إخذ دمعاتي خافن تعطش ابهذا السفر
ابلوعه شفتك تلتفتلي وانتوا ماشين
ابعينك اتسلم عليه اتكلي ميتين
هم ترد الها تشوفك تسأل العين
والصدى جاوبها كلها إيموت الحسين
من عفتني
رحت إيد ابإيد يمشي اوياك بينك
ودعتني
وكل مشاهد كربله رسمتلي عينك
ودعتني ودعتني
///////////////////////////////////////////////
إوياك أخذني هلبت الله امجان فارغ بالظعن
مو ثجيله اوياك أريدن يا بعد ذني البجن
من مشن أمي وخواتي ماخذتني ويالمشن
الدنيا. غربه وعلمتني الماله ابو ماله وطن
إهناك إخذني إهناك ظهرك يفكد حزام
يم مجان البيه شريعه وتله وخيام
حتى اظم عبدالله عن اعيون السهام
على حظن اخته عبد متعلم إينام
ماخذتني
وعينك اتباوع عليه وصب حنينك
ودعتني
وكل مشاهد كربله رسمتلي عينك /
ودعتني ودعتني
//////////////////////////////////////////////
بويه دمعاتي ابثوابك بالغروب امسبله
وآنه مو مالت بواجي شاهد الله امدلله
بويه ظل اهنانه ماكو. لا. شمر لا حرمله
كلبي ما ينطيني أدري اشظامتلك كربله
مدري ابيا آخ اهود كلبي لينوح
أقرب امن الروح صعبه امنيدي اتروح
إلظعن شايل مذابح وجه مفضوح
والأهل مذبوح راح. ابصفه مذبوح
ياحسرتي
اتناحتن مثل الورك لبة سنينك
ودعتني
وكل مشاهد كربله رسمتلي عينك
ودعتني ودعتني
//////////////////////////////////////////////
الحدر ضلعي اشماله يخفك اشرايح ايصير وخفت
على اضلوعك كمت أهمن وآنه حافر ما شفت
بويه وصيلي رقيه كلها لو عنج رحت
ديري بالج عالتراجي ولا تكربين الطشت
اوياكم إتسير المنايا وماكو جناز
رايحين الديره تاخذ وين العزاز
دمعي وي وكتي عليه اشماله ينحاز
حسين يا بعد المحنه الفيكم اعتاز
هاجرتني
وتعبتني الوين كلش بويه وينك
ودعتني
كل مشاهد كربله رسمتلي عينك
ودعتني ودعتني
///////////////////////////////////////////////
ياعسر هجرك ذبحني وما شفت جية يسر
والنهار ابعيني مغرب ما طلع وجه الفجر
الخاطر الله انشلع كلبي هلبت البنتك تمر
مرني لو شهكه أعله ريتي إختنك وكت العصر
الهسه أمد افراشك آنه كبل الغروب
وهذا جم مغرب يفوت ومالي محبوب
عيني مزروعه اعله جيتك بين الدروب
ابيضت امن النوح عيني وماني يعكوب
فاركتني
فاركتني الله يساعدني ويعينك
ودعتني
وكل مشاهد كربله رسمتلي عينك
///////////////////////////////////////////////
كرار ابو مهدي المالكي
نعي لاستشهاد الإمام الجواد عليه السلام
🏴🏴
مَن يصل لهل المدينه الليله ؟
الحي بني هاشم ويصيح بحيله
.....
.....
يگصد الليلة ويصل لهل الجواد
بعالي صوته ينعى ويرج البلاد
مات ابنكم نشرو اعلام السواد
لا تنام عيونكم عالعيله
.....
.....
عدكم ابغداد ابن بالسم گضا
بالعجل روحو لدفنته ابن الرضا
مات وحده حتى محد غمضه
عاد حضرو ياهله لتغسيله
.....
.....
ياحيود الماتنام اعلى الهظم
ياسباع البلحرب ماتنگحم
هاشم المايوم تغلبها الزلم
حيف ابنكم ناس غربه تشيله
.....
.....
العده ثار بساع ثاره يطلبه
سيوفكم بالموزمات مجرّبه
الهادي وحده جسم ابوه يگلّبه
وين هاشم هسه يسرج خيله
.....
.....
ياشباب وحيل تفجع موتته
ابو الهادي من درت بي شيعته
حضرو وشالو اويه ابنه جنازته
والدمع لمصابه ماكف سيله
.....
.....
غسّله الهادي وتسلم امدامعه
زلزلت بغداد هاي الفاجعه
يساعده الله وليده يوم الشيّعه
ونزله الگبره وترابه يهيله
.....
.....
سال دمعه بگبره لمن نزّله
تذكّر السجاد يوم بكربله
شلون حاله من اجه يدفن هله
وشاف ابوه مرضرضه مفاصيله
.....
.....
والدي بس چبده بالسم انمرد
ابو اليمه سهم گطعله الچبد
والدي ماوسدت وياه ولد
او لامشت مسبيه بعده العيله
.....
.....
أم محمد الحجاج
ليله 11 محرم
مصيوبه بسهام وجرح مايندمل -- عين وكَلب ياحرمله ومنحر طفل
كَلبي الذي صابه السهم -------- وعيني الطفت بس الالم
لعبد الله من حس بالسهم لحظه قتل--عين وكَلب ياحرمله ومنحر طفل
=======================
ياحرمله تدري السهم من وتّر بكَوسه الوتر
يعمه البصيره الماشفت وانه الشفت اصعب اثر
يتراجف الكون وغدن يتنازفن شمس وكَمر
وكلما سحبت وسددت كَلب النبي بناره استعر
مغضب وكَف ينحب نزعها اعمامته--وحيدر علي ينزف رجع من طبرته
والزهره تنظرله وتون------تهيل التراب اعله المتن
لطمت بديها بحين ما صاب النبل--عين وكَلب ياحرمله ومنحر طفل
====================
ماتدري سهمك ياكَلب يظالم الصاب وشبك
كَلب الوجود وعلته وسر الحياة بلايه شك
بعين الكَمر من صوبت طفيت انوار الفلك
وعبدالله من صاب السهم ماتدري صوبت الملَك
طشّ الدمه بكل السمه وتلونت----والحُمره معناها السمه لمن بجت
وزخت دماهه وي المطر------وبالكَاع ينزف كل حجر
علّيَّ بديه لكَماطه من حاول يحل---عين وكَلب ياحرمله ومنحر طفل
====================
بدلالي وبدلال كل مؤمن جرح ينزف دمه
علما سلم منها ثلث مهجه الزهره امخذمه
ذاك المثلث صابني وصاب العطف والمرحمه
منقذ عباد الله لون طاعتله تحيى مكرمه
بس ارتضت مثلك تضل بذلتك----ومنعتها عن عزّ الدهر نشابتك
تبقى وي ذلها الخانته ------وشفت انته عار وشافته
شتنطي الجواب وبالحشر من تنسأل--عين وكَلب ياحرمله ومنحر طفل
====================
شنساك من شفت الكَمر يم النهر يفري العده
بفقار ابوه الماثبت جدامه جيش بقائده
تعول مذعره محيّره الالاف تركض شارده
لاجن سهم منك غدر برميه حقود مسدده
طفّه النهار بناظره راعي العلم----وطاحن اجفوفه بحيله والراس انهشم
احاه يصنديد الوكَع -------كَلب الولي اعليه انصدع
يلصوبت عينه تره بعيني النصل -- عين وكَلب ياحرمله ومنحر طفل
==================
هوه التخيّرلك هدف وانته لشيطانك عبد
من غيره اوحالك وحي واصبح لعد عينك رصد
هنّه الثلث رميات اله ثار الجمار بهالعدد
صرت انته عبده ومن رفض امر السجود وماسجد
جن ثاره رده من النبي بهالواقعه----نحر السبط عين الكمر والفاجعه
ما يهنه مرجوم وكَرب-----يوم الظهور البي عجب
لمن يذبحه المهدي وياك ولاجل-- عين وكَلب ياحرمله ومنحر طفل
قاسم آل واعي الرميثي
خيمتچ من يوصللهه وانتي بحماي
هيه چم خطوه واردلچ گاصدالماي
راح اطگ ظهر النهر وترس جربتي
اله اجتفنه واجيبه الخيمة اختي
چان وكته النهر اي بس هذه وكتي
راح اعطش الماي الچ گد ما عطشتي
راح احط ابراسه عقله ويسلك الراي
هيه چم خطوه واجيلچ كاصد الماي
اله ابقيه بس جسد ويطير راسه
وجر اجيبه الخيمتچ مو بالسياسه
ابوفاضل بس ببوفاضل قياسه
راح اروح وتارك الضلچ حراسه
غير ي بضعونچ ابد ميروح حداي
هيه چم خطوه واجيلچ كاصدالماي
فوگ ضلچ ضِل يزينب واكف اني
الهوه لومر عليچ استئذناني
راح اروحن والحرس يبقه ابمچاني
جبرئيل وعل مخيم طمناني
الوحدي عل جيش كافي ومحد اوياي
هيه چم خطوه واجيلچ گاصد الماي
وحگ زينب والحسين البيه يقيني
شاة همه اشجابهم بلّه العريني
بيهم اشراح انه اسوي شاهديني
خوفن ايموتون ماداعي اليميني
سمع لو بيه اسمعت تتراجف اعداي
هيه چم خطوه واجيلچ جايب الماي
هذا ملك الموت موسيف البديه
بالعساكر حلت اليوم المنيه
انه رايح حتى اركض جيش اميه
قبل لا يوصل خيام الهاشميه
للقتال ابزودي امشي انه عناي
هيه چم خطوه
واجيلچ جايب الماي
محمود رحيل