-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
نعي مع ابوذيه للرسول الاعضم ص
الابوذيه
عليك من الحزن لو تدري ،، سليت
عيوني من الهضم يابوي ،، سليت
روحي بكل وكت تنشدني ،، سليت
مته ايعود النبي طه عليه
النعي
لا وين شايل يا حمانه
فراگك تره والله عمانه
نبقه العمر كله حزانه
يمته ترد بويه اويانه
يمته ترد يا نور العيون
يبقه دليلي عليك محزون
فراگك تره ودرلي لعيون
بعدك علينه موس بالهون
شال النبي وعايف ادياره
وسط الگلب ما تطفه ناره
يمته يجي ويرجع الداره
خلانه من بعده حياره
خلانه بس انهل دمعنه
كلش كلف يصعب وضعنه
من راح عنه اليوم ضعنه
ناديت عاود ما سمعنه
ناديت رد ياشمعت البيت
وابغرگتك يا بويه ونيت
لرباك انه اليوم حنيت
شايل يبويه وما توانيت
شايل يبو ابراهيم عنه
من فرگتك بويه انهدمنه
ون الگلب ونه عله ونه
من شال من داره هضمنه
هاليوم حزنانه الزجيه
شال النبي بهاي المسيه
ودموعها عالخد جريه
تنادي يبويه انگطع بيه
حالي الهضم يا بويه حالي
مشدوه لمن رحت بالي
يا ريت تنضر وشجرالي
بس الحزن بعدك صفالي
━━▣◤◢▣━━
ثاري الابو خيمه او تجيه
من تگعد ابفيه البنيه
جلده يروحي شگدجويه
واتفارگينه بهل مسيه
━━▣◤◢▣━━
تـــمـ بعون الله تعالى ـــت
بقـــ✍ـــلمي خادمة ال البيت ع
ام سجاد العسكري من ذي قار
لانجيز حذف الاسم
🙏🏻ونسالكم الدعاء🙏
-----★★----------★★
🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤....................🥺😭💔...خدمتكم شرف لنا
خوية ادية من الحبل تنزف دمة
خوية راح اتطيح ع الكاع السمة
كوم لو بعدك عدل .. خوية يوجعني الحبل
....
خوية منك ياكمر ارجوا العذر
انه مجبورة من اسولف هالامر
خوية لو لحظة اكعد بدرب اليسر
يركض علية ويعت بية الشمر
انه لو ردت استراح من التعب
بالحبل جفي يبو الغيرة انسحب
ابقى جم دوب احتمل .. خوية يوجعني الحبل
......
حتى لو اركب واسوي المستحيل
شلون من الناكة انزل يالكفيل
تدري مايكدر ينزلني العليل
خوية بلكت تلزم اختك من تميل
الحك الجتف يسرتي وي يمنتي
خاف اطيحن ع الوجه من ناكتي
حبلي ياريتك تحل .. خوية يوجعني الحبل
......
المن الغيرك يكافل اشتجي
هي اشوة لو بقت بس ع الحجي
من تميل الناكة يحلالي البجي
ياهو يسندني وعليمن انتجي
شلون الزم ناكتي ودربي وعر؟
جفوفي خدرن خوية من حبل الشمر
انحب ودمعي يهل .. خوية يوجعني الحبل
......
اطفال بالبر عندي خوية مطشرة
شلون اللمهم اني انشد حايرة
انت هم شايف كبل ركضت مرة؟
مجتفة وكلساع توكع عالثرة
واحد من اطفالي ياحامي الوفة
انطيني ايدج كال كتلة مجتفة
شلون الزمنة الطفل .. خوية يوجعني الحبل
.....
من امر بالناس ياحامي اللوة
جن احس انفاسي مابيهن هوى
راح اكلك علة ما الها دوة
كلبي يامة ويامة من عدها انجوة
كمت اعضن بالحبل من الحزن
جفوف ما اريدن اريدنلي ردن
اعذرني ياراعي الفضل .. خوية يوجعني الحبل
حسين طالب السماوي
#نعي للاربعين
بدرب السبي وذكر بخوتي
تمنيت ذاك اليوم موتي
حيره وخفت ينسمع صوتي
يحسين بلوه انه بلوتي
جبت الدرب كله انه اهم بيك
ودموع تهمل ويه طاريك
مدفون خويه شلون اخليك
تمنيت تكعدلي واحاجيك
تمنيت لو تكعد يوالي
وتشوف اجيتك هذ حالي
مو زينب تبدل دلالي
بلظيم وبسود اليالي
شفت التعب من فاركتكم
وغصبن علي ما ودعتكم
تدرون هسه شلون اختكم
مسبيه من راحت وجتكم
ابو سلام الجابري
#اللهم_عجل_لوليك_الفرج
كأني برقيه عليها السلام
عمه لو رديتي باجر يالعقيله
وصلي شوگي وسﻻمي للعليله
باجر تسألج عليه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه گعدي اعتاب عندي اوياج العتاب
عمه ليش اتأمليني ابطاري الغياب
اقسم اعليج ابمصيبه امي والباب
هم بعد ياعمه ترجع ذيج اﻻحباب
عـمه گـليلي الصراحه وﻻ تـضـمين
حسين ياعمه بسفر لو ميت حسين
عليج بالزهره الزجيه 〰 ️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه باجر لو رجع ضعنج يعمه
سلميلي اعله العليله وهاي ذمه
اخذي ثوبي اوياج خليهه تضمه
عمه من تشتاگلي اتطلعه وتشمه
هـذا ثـوبـي نـاگـع ابـدمع البواجي
وبـي نگط دم من اثر جر التراجي
باجر اتگلج خطيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه ثوبي والعبايه اخذيهه تذكار
عمه بس طرف العبايه ﻻحته النار
عمه لتكليلهه اعليه اشجره وصار
يكفي ياعمه عليهه وحشه الدار
يكفي ياعـمـه عليهه امساهر الليل
عمه ما يحمل مصايب طبع العليل
عله وفراگ واذيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه لو غسلتي جسمي وثوبي شلتيه
متني مجروح أعله كيفج لا تلجميه
الماي ياعمه اعله ضهري بهيده صبيه
لازگ الثوب اعله جرحي براضه شيليه
جنهم ايطلبوني حيف او اخذو الحيف
وانـه لـعـابـه ابـاديـه مـا شـلـت سـيـف
اخباري خليهه خفيه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
ادري هيه محضره اهدوم ولعايب
حگها ما تدري جوت خدي الترايب
فرشت الدار ابأمل جيت الحبايب
ما درت ياعمه خلونه بخرايب
لـو تـمـر نـسمه هوه ويتحرك الباب
تركض وتصرخ هله بيكم يالاحباب
اتصيح بدموع الجريه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
حسين باهض الحلفي
كلهه راحت ،، زينب اتگول المواكب كلهه راحت
كلهه راحت ،، والمجالس چنهه سكته كلهه راحت
ظليت اباوع وحشه الدروب
ما ينحمل يحسين الغروب كلهه راحت
***
رايحين ،، الله وياكم لچن عفتوني
رايحين ،، ها يشيعه بكربله اتخلوني
جايتكم من مصايب جايتكم من سبي
جايه من الشام ميته راده بطرگ العبي
انه زينب ماتو اهلي وشاف ظلي الاجنبي
ذبحو اخواني يعالم ما سلم حتى الصبي
ويلي ويلي ،، ليش هسه لوحدي آني ويلي ويلي
ويلي ويلي ،، ابقى يم اخواني اتاني ويلي ويلي
ياهو اليواسيني اعله بلواي
من گلبي راحت وادم هواي ويلي ويلي
****
يا حسين ،، امشي بس وداعتك مذبوحه
يا حسين ،، سهله چلمة ميته لو مجروحه
راجعه وچفيني صحره وچف رقيه عاف أدي
الشام ماخذ مني طفله اتداين الاشجار في
حسين گوه اليوم اجيتك بيه ما ظل صاحي شي
الميت ايدفنونه ادري ياهو يدفن گلبي حي
لچمه لچمه ،، كربله الشام النوايب لچمه لچمه
لچمه لچمه ،، خلصن روحي المصايب لچمه لچمه
رديت بس محد عرفني
ماخذ نصيبه الوكت مني لچمه لچمه
**
ماكو ناس ،، البيهم الحرگه ودمى يبچولي
ماكو ناس ،، تنعى لحسين وعزه ايسوولي
ما تعينوني اعله ضيمي الشفته بايام الغياب
كتبو علحيطان ردت زينب وحان المصاب
فاتحة امسويه لخوتي وما اخلي لحزني باب
بكل ارض مجلس اسوي ارد اموت من العذاب
وسفه وسفه ،، عدله واخواني ضحايا وسفه وسفه
وسفه وسفه ،، المن اتعيش السبايا وسفه وسفه
چندوب اظل بدون الاخوان
زينب صرت للضيم عنوان وسفه وسفه
------------------------------------------
كلشي راح ،، ولازمه بدمعاتي شباچ الضريح
كلشي راح ، كون يم حسين اموتن واستريح
غمضت ودموعي صبن رجع كلشي ابكربله
لزمت الشباچ أيدي واسمعت چلمة هلا
هاي زينب ؟ اي يخويه وردت بس آنه أسأله
شلونه صدرك بعد دافي لو حجر حومه انملى
بعده بعده ،، فوگ صدرك عبد نايم بعده بعده
بعده بعده ،، من شراب الماي صايم بعده بعده
نحره شفى لو بعده يتزف
مثل السف من نبلته يرف بعده بعده
------------------------------------------
اهلي وين ،، الجانو ابطول الدرب ويانه
اهلي وين ،، المن شفتهم ما گلت تعبانه
چلمة تفضل يزاير يا هلا وراح الضمى
ومنظر الخدام كلهه اعله الطريق امحزمه
ممشى زوار ومواكب غطو الارض وسمى
اتطيب اجروح الحسين وتشفي لوعة فاطمه
اهلا اهلا ،،، باليجي ورافعله رايه اهلا اهلا
اهلا اهلا ،، هايه هيه الفزعه هايه اهلا اهلا
راح التعب گوه الله خدام
حياكم الله العين متنام اهلا اهلا
كلمات الخادم / رعد الفريجي
1/ صفر /1445
📜قصيدة : يبن امي عالتربان | رمية
✒للشاعر : كاضم منضور كربلائي
يابن أمي عالتربان عفتك رميه
عيني العمه ولاشوف ذيچ المسيه
🍂🍂🍂🍂🍂
ياخويه خليناك عالغبره عاري
مغسل بفيض دماك والچفن ذاري
روحي بگت وياك والجدم ساري
أمشي وأدير العين للغاضريه
🍂🍂🍂🍂🍂
أدري بسهم مسموم چبدك تگطع
وصوابه مگبل صاب والمگفه مطلع
بذاك السهم يحسين گلبي تگطع
سمه بضمير حشاي ناره سريه
🍂🍂🍂🍂🍂
يابن أمي أدري الخيل هشمت صدرك
وبيدي على التربان وسدت نحرك
يحسين أنه بممشاي حيرني أمرك
لاجن فراگك صار غصبن عليّه
🍂🍂🍂🍂🍂
غصبا عليّه يحسين عالغبره عفتك
والحجر لو ماچان يفضخ جبهتك
ماچانت من السوط تتلوع إختك
نوب انطي متني ونوب اشگف بديه
🍂🍂🍂🍂🍂
بحالة غصب يحسين عنك مشينه
يبن أمي منهو بين ومگيدينه
تجدد عهد وياك رادت سكينه
مانعها ضرب السوط من آل أميه
🍂🍂🍂🍂🍂
والما عليها العين يغمض جفنها
والنايبات بنار روحي سلنها
يبن أمي طبة الشام ما اشد منها
وافتني گبل الشام ريت المنيه
نون اویاچ زینب من تونین
کروب دمع زینب المالک والادارة ملا ستار الصالحي
یرحب بکم /خدام الحسين ع اشتركوا بقناة الكرؤب موجوده
مولاتي زينب ع تخاطب الإمام الحسين ع
بعد رجوعهأ من السبي يوم الاربعين
تلگه ام الخدر يحسين تعبانه
وصوط الشمر بعدك حيل اذانه
تلگه ام الخدر يحسين تعبانه
ما ظن تعرفني انه موش انه
تلگه ام الخدر يحسين تعبانه
اجينه بس رقيه ماهي ويانه
تلگه ام الخدر يحسين تعبانه
ونبجي والصخر يبجي على بجانه
تلگه ام الخدر يحسين تعبانه
ترضاه يزيد بعينه شافانه
تلگه ام الخدر يحسين تعبانه
روحي الشوفتك يبن امي ولهانه
تلگه ام الخدر يحسين تعبانه
ذليته الشمر حسباله ذلانه
تلگه ام الخدر يحسين تعبانه
عمت عيني اخوي شفافه ذبلانه
تلگه ام الخدر يحسين تعبانه
وجمر فراكم يا خويه جوانه
تلگه ام الخدر يحسين تعبانه
حزنانه عليك ام عون حزنانه
تلگه ام الخدر يحسين تعبانه
دولاب لوكت جم ديره فرانه
تلگه ام الخدر يحسين تعبانه
الشمر بحبال خشنه حيل شدانه
تلگه ام الخدر يحسين تعبانه
الشاعر سعيد العكيلي
نعي للحسين عليه السلام عن السبي
جديد محرم ١٤٤٥
•••••••••••••☆••••••••••
يحسين راح. امشي واخليك
مالي وكت يبن امي امر بيك
مسلوب ثوبك. كون. اغطيك
وادري الشمس. والحر ماذيك
•••••••••••••☆••••••••••
يحسين راح امشي عذرني
اودعك الحادي مامهلني
لاتكول زينب مشت عني
الحادي مستعجل شدهني
•••••••••••••☆••••••••••
نوك. السبي. لختك . جدموها
بعجل صاحو زينب. طلعوها
واعله. ناكه. هزيله. رجبوها
وفجعو كلبها. براس. اخوها
•••••••••••••☆••••••••••
راسك شفته برمح. عالي
صحت بصوت يايمه تعالي
وشوفي. العده. اسوت بحالي
اصد للراس. وادموعي. تلالي
•••••••••••••☆••••••••••
تعالي بعجل. يمه. نولينه
راس حسين. يبره. للضعيه
شلون احط. عيني. بعينه
هد حيلي وعماني والد سكينه
•••••••••••••☆••••••••••
بقلم العلوية ام رائد زوين
#نعي
طر الضعن بعد الحريجه
و كلمن طلع ما فاك ريجه
أضـلـم يـسـوونه طـريجه
يمشون بس متاعها حبال
طر الضعن فوگ الجنايز
راح و سفرته بلايه حافز
عايز يضل الكلشي عايز
المچتول ضلحدايه چتال
راح بـ هجيج و صـايحه
بـهـزل تـــــروح الرايـحه
صــارن عـيـون و نايـحه
مشدوه بس بلموت كل بال
طر الضعن و الشوچ خضر
للموت طـر للموت من طـر
يـكـولـون الـدمـع يـحـچي
دم الـدمـع يـتسايل احـمر
شيگول الدمع لو صار ذلال
أول ضعن من دون الضعون
الـعـيـون مـا تـنـزلـة الـعيون
أول ضعن بي غربه يحدون
و راس العرف برماح ينشال
الـحـدايـه أكـثر من الخدور
لكـل الفواطم جيش مگدور
مـنذور چــن الضعن مـنذور
و كافل ضعنهن علترب ضال
ممشه الضعن من دون الحسين
يـمـشـون بـس چـنـهم الـميـتين
يــا ديـن يـقـبـل هـيـج يـا ديـن
النسوان تمشي و تبقه الرجال
اللهم عجل لوليك الفرج 💔
علي حسين الخفاجي
#اللهم_عجل_لوليك_الفرج
نعي غطت ثوبها بالماي
بويه دريت اشصار ماصار
بذيال ثوبي شبت النار
زلمه غريب الطفه ثوبي
دليني گتله بعلي الكرار
.
گلي النجف عنچ بعيده
وناشدني يامطلب اريده
وديني گتله للنهر وين
واعله النهر اشرلي بيده
لمن وصلت الماي والماي
هم عنده عتبه وقصر وياي
منه ترست اچفوفي الاثنين
وازغير چفي وماخذه اهواي
بالماي ثوبي گمت اخليه
بلكت الك گطار اوديه
گلت اعله نحرك ارد اعصره
بلكت ابخ گلبك واداويه
بويه الشمس تعصر بالهدوم
لو قصرت ويانه الغيوم
چاليش ماترحم گلب ذاب
طفله ويتيمه اتطيح وتكوم
عبدالامير السعيدي
#نعي
لسان حال مولاتي زينب
لما صعدت فوق. التل وهي تنظر الى الحسين فتراه بتلك الحاله
كاني بها تقول
فوك الترب و يميل راسه
بعدة عدل والخيل داسة
الحافر بصدرة حين جاسة
فوك العطش يخنگ انفاسه
جاوين اخوته او وين ناسه
وتركض تحشملة عباسه
وتكله جيب وياك طاسه
امن العلكمي تبرد احساسه
وحسين جان العذب كاسه
تفطرت شفته وذبل ياسه
والرمل حار وكام باسه
عالتلة و الدمعة اتلاله
وحشمت لحسين العيالة
وبصوت اسمعة يصيح لاله
لحدر الحوافر شنهي حاله
ساعة وشوف الشمر جاله
فوك الرمح و الراس شالة
يهل المراجل و البساله
فزعو على اخيام الجلاله
وحسين حركو كل دلاله
طش الضعن كلمن مشالة
كريم الدراجي
#اللهم_عجل_لوليك_الفرج
#تراث ليلة الوداع 💔😭
زينب الليله تغير لونها
والهواشم گامو يودعونها
ــــــــــــــــــــــــــــــــــــــ
زينب الليله تهل دمعة العين
والعقل مذهول بوداع الحسين
تصيح عكب اخوتي وجوه الحرم وين
مادريت وعدمن ايخلونها
ــــــــــــــــــــــــــــــــــــــ
مثـل هـذا الليل زينب مسهره
بعد والعبره بصدرها أمكسره
زينب ويدرون بيها أمخدره
باجر إبـين العده أيعوفونها
ــــــــــــــــــــــــــــــــــــــ
تصـيح زينـب والدمع عالخد يسيل
پاشبول المرتضى حامي الدخيل
الليل هذا ويخوتي لو كضه الليل
خافكم هاي الحرم تنسونها
ــــــــــــــــــــــــــــــــــــــ
مثل هذا الليل زينب بالخيم
تنحب وتتوادع ويه أهل الشيم
هله هله يخوتي بهاي الحرم
الكوم عگب أعيونكم يسبونها
ــــــــــــــــــــــــــــــــــــــ
صاح أبو السجاد زينب وينها
وزينب اعله حسين دارت عينها
هالوصيه بعيلتي اتحفظينها
والخيم خاف العده أيحركونها
ــــــــــــــــــــــــــــــــــــــ
سعت حسين وهمل منهـا الدمع
زينب وگامت ومحنيه الضلع
حست أخت حسـين باچر تنفجع
بـبو اليمـه وسال دمـع عيونهـا
ــــــــــــــــــــــــــــــــــــــ
رَدت وكصدت لحماي الضعن
بدر هـاشم والمدامع دم جرن
نادته خويه الحرم وياك اجن
خويه وانت اتكلفت بضعونها
ــــــــــــــــــــــــــــــــــــــ
يعباس انت الكفلت العايله
والحرم وياك اجت ومدالله
من نصبت أخيامنه بطف كربله
يعباس وگلت اموتن دونها
ــــــــــــــــــــــــــــــــــــــ
يعباس وجيت بأمرك ياشهم
والخدر بحماك ياموت الحتم
عگب عينك خاف اضل بين الزلم
وهاي يهل الشيم ما ترضونها
ــــــــــــــــــــــــــــــــــــــ
صاح ابو فاضل يزينب هودي
وانتخه وهز صارمه وگام يحدي
ها يزينب يا وديعة والدي
الگوم فنها الخيمتج يصلونها
ــــــــــــــــــــــــــــــــــــــ
لا يزينب ينخطف منج اللون
دون خدرج يختي لجلبلج الكون
انه حي والگوم يولونچ اشلون
إلا عيني بالسهم يطفونها
الشاعر المرحوم الحاج مُعين السباك
(196)
#اللهم_عجل_لوليك_الفرج
المجلس: نعي مع مقتل العباس
من ديوان #مواجع_الطف
#الجزء_الأول
صل الله عليك يارسول الله
صل الله عليك ياابا عبدالله
صل الله عليك وعلى ال بيتك الطيبين الطاهرين المظلومين
يارحمة الله الواسعه وياباب نجاة الأمه ياليتنا كنا معكم وندرك قائمكم المهدي فنفوز فوزآ عظيما
(( ابوذيه ))
يلايم بالم جرحي لاتلمني
اون من ضيم كلبي لاتلمني
انا مطشر يدهري لاتلمني
ردت عكب اخوتي تلفي المنيه
•───✧◐◐✧───•
لاحول ولاقوة الا بالله العلي العظيم انا لله وانا اليه راجعون
يقول الراوي: لمّا لم يبق مع الحسين عليه السلام إلّا أخوه العبّاس عليه السلام جاء إلى الحسين عليه السلام يطلب منه الإذن بالقتال قائلاً: هل من رخصة؟ فبكى الحسين عليه السلام بكاء شديداً ثمّ قال: يا أخي أنت صاحب لوائي، فقال العبّاس: قد ضاق صدري وسئمت الحياة وأريد أن أطلب ثأري من هؤلاء المنافقين. فقال الحسين عليه السلام: إذن أطلب لهؤلاء الأطفال قليلاً من الماء...
ركب جواده ومعه اللواء وأخذ القربة وقصد الفرات، فأحاط به أربعة آلاف فارس ممّن كانوا موكلين بالفرات لمنع الحسين وأصحابه منه، ورموه بالنبال فكشفهم وقتل منهم جماعة، حتّى وصل إلى المشرعة ركز لواءه ونزل إلى الماء، فلمَّا أحسَّ ببرد الماء وقد كظّه العطش، اغترف غرفة ليشرب تذكّر عطش الحسين عليه السلام فرمى الماء من يده، وقال: لا والله لا أشرب الماء وأخي الحسين عطشانا
يكله
حاشه يخويه الماي اشربه
وبيدي ترست الكم الجربه
لسكنه ورقيه الماي قربه
•───✧◐◐✧───•
مسرع يخويه جيت ليكم
فرحان بالجربه ارويكم
خبرو سُكينه معتنيكم
•───✧◐◐✧───•
ثمّ ملأ القربة وحملها على كتفه وخرج من المشرعة فاستقبلته جموع الأعداء، وصاح ابن سعد: اقطعوا عليه الطريق. ولمّا رأى ذلك منهم حمل عليهم بسيفه
فرموه بالنّبال من كلّ جانب حتّى صار درعه كالقنفذ من كثرة السهام، فكمن له زيد بن ورقاء من وراء نخلة، وعاونه حكيم بن الطفيل، فضربه على يمينه فقطعها فأخذ السيف بشماله
فقاتل القوم حتّى ضعف عن القتال، وقد أعياه نزف الدم فكمن له حكيم بن الطفيل فضربه بالسيف على شماله فقطعها من الزند،
وعند ذلك وقع السيف من يده وأخذ القربة بأسنانه، ولم يكن للعبّاس همّ إلّا إيصالها إلى المخيّم إلى الأطفال، فقطعوا عليه طريقه وأتته السهام كالمطر من كلّ جانب، فأصاب القربةَ سهمٌ فأريق ماؤها فوقف العباس متحيِّراً (كيف يذهب إلى المخيّم بلا قربة، بلا كفّين، جسمه كالقنفذ من كثرة السهام) وبينما هو كذلك جاءه سهم وقع في صدره وسهم آخر أصاب عينه اليمنى فأطفأها، وجاء إليه رجل من بني تميم فضربه بعمود من حديد على رأسه فخرَّ إلى الأرض صريعاً، ونادى بأعلى صوته: عليك منّي السلام أبا عبد الله أدركني يا أخي..
يكله :
تناديني ياخويه اعتنيتك
عالكاع يعضيدي لكيتك
مطروح والدم بلحيتك
•───✧◐◐✧───•
ظهري كسرته بطيحتك هاي
ياخويه عكبك ماحله الماي
يعضيدي ويالحامل الواي
•───✧◐◐✧───•
بيدي شلت چفك من الكاع
وراسك مطبر شلته هالساع
وبحظني احطك اخر وداع
•───✧◐◐✧───•
الأخو بالموت يكسر ظهر اخيه
يعباس خويه رد عليه
وياك اروح بهل المسيه
أقول: هذه مصيبة عظيمة على قلب مولانا الإمام الحسين عليه السلام ولكن الأشدّ ألماً كيف يخبر أخته العقيلة باستشهاد أبي الفضل عليه السلام؟ يقول الراوي: لمّا رجع الحسين عليه السلام من مصرع أخيه رجع وهو يكفكف دموعه بكمّه، فتلقته أخته الحوراء زينب عليها السلام وقالت: أبا عبد الله أراك رجعت وحيداً فريداً؟ أين ابن والدي؟ أين أخي
يكلها……
أخونه بقه عالكاع مطروح
وتنزف بقت منه يالجروح
يزينب لخيج زيدي النوح
•───✧◐◐✧───•
يكلها يزينب راح عباس
راح ابو الغيره اليرفع الراس
وضعنج بقه من غير حراس
•───✧◐◐✧───•
حقچ يخيتي من تنوحين
عباس لجلچ صوب العين
شمّر اچفوفه وكطع زندين
قال لها عظم الله لك الأجر بأخيك أبي الفضل، وقيل ما كلّمها بشيء، بل راح إلى خيمة العبّاس، فأسقط عمودها فارتفعت الأصوات بالنحيب والبكاء...
وأرادت العقيلة أن تذهب إلى مصرع العبّاس ولكن الإمام عليه السلام منعها قائلاً: لا تشمتي بنا الأعداء. ولكنّها لم تخرج إلى كفيلها إلّا عندما جنّ ليل الحادي عشر أقبلت إليه تتعثّر بأذيالها حتّى وصلت إليه ورأته بتلك الحالة الفظيعة
صااااااحت…..
اجيتك اتعثر بالعبايه
وكلسه يسمعوني احچايه
اخيچ طريح بلايه رايه
•───✧◐◐✧───•
عباس جيتك لاتردنـي
عدوك يخويه شك أردني
وبالسوط بمتوني ضربني
•───✧◐◐✧───•
اكعد يبعد اختك اشويه
خلافك عدوك عال بيه
ويكول هاي الخارجيه
•───✧◐◐✧───•
يعباس يارمز الأخوه
وبروحتك كلبي تچوه
كلبي الك يالغالي يهوه
( عميه على الخوان عيني )
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من الحديث
(مولاتي العليله واحزانها)
اخذوني بضعنكم من ترحلون
وياكـم اروحـن ويـن تمـشون
محد گال تمشين. بقيت بحسره وونين
اخذوني بضعنكم. اخذوني بضعنكم
***
يتركوني هلي ماچنت اضنهم
ومحد جااب الي اخـبار عـنهـم
احب الناعي من ايگول عني
(آنه اجويعده وحمّل ضعنهم)
اناطر دگت الباب. عندي احباب غياب
عنهم انشد الناس. محد جاب الي اكتاب
وسايل باليّرحون ويردون
وياكم اروحن وين تمشون
اخذوني بضعنكم. اخذوني بضعنكم
**
راحو كل هلي وضليت وحدي
واتمنى عفت عبد الله عندي
عندي اگماط اله واتسلـّه بي
اشم اگماطه والدمعه اعله خدي
عزيز وصعب فرگاه . اموت بحسره وب آه
بويه حسين وياك گتله وماخذاني وياه
صييحت اشكثر بس مايردون
وياكم اروحن وين تمشون
اخذوني بضعنكم. اخذوني بضعنكم
***
لاطارش لفه منهم واجاني
والجيّت علي الاكبر اتاني
محتاره واون بعتبة الدار
ابداري الخاليّه ضليت اعاني
حگها تهمل العين غير امفارگه حسين
ابوي وسلوة الروح. اضنن حاله مو زين
يالوعة حسرتي وهاي الاضنون
وياكم اروحن وين تمشون
اخذوني بضعنكم. اخذوني بضعنكم
***
روحي تختنگ كل مغربيه
تجي ابالي العزيزه اختي رقيه
مشغول اشكثر بالي عليها
احسّن شوبعد متعود اليه
وصِدْگت ذيچ الاضنون. ماجت ويه الاضعون
دفنوها بغربة الشام عليها لعمي الاعيون
وماردّت اليه ويه الاضعون
وياكم اروحن وين تمشون
اخذوني بضعنكم اخذوني بضعنكم
**
من رد الضعن لارض المدينه
لا رايــه ولا حـامــي الـضـعــينه
متغيره اشكر عمتي العقيله
وبالگوّه اعرفت اختي سَكينه
عادن لارض الاوطان. لارايه ولا خوّان
بديهن طبع الاحبال. الهسه باقي نيشان
والوادم عله اعماي ينشدون
وياكم اروحن وين تمشون
اخذوني بضعنكم اخذوني بضعنكم
**
راح الغالي ما عاد بسلامه
طاح بديره ما تعرف مقامه
ضيف بكربله والعرب ذبحوه
وسلبو عيلته وحرگو خيامه
طاح ابين عدوان. ابوي انذبح عطشان
فوگه تصعد الخيل. وعمتي اتشوفه عريان
المصاب حسين افرح من تلطمون
وياكم اروحن وين تمشون
اخذوني بضعنكم اخذوني بضعنكم
**
عمار حسن الدراجي
#نعي
لمولاتي العليلة روحي فداها
الشمس من سلهمت بعيون الغروب
ونــهـار الـبـلد كـف اعـلـــها ليلـــــــه
تچن گامـــت الناس وتغلگ الـبوب
ورّوح كــــــل خليل اعـــله خليلــه
ضـــلام الــيـل گـطـع كـل الـدروب
وهـم اليـــل یــا گـــلب الــيــشيلـه
بـيـن الـدور ضـلـت روحـــها اتـلـوب
والمـــــدلولــه ونـــتــهـه ثـــجــيلــه
تـجـلب الـيـل كـلـه ابـلـوعــة ايـوب
ومـن عـظم المــرض صارت نحيلـه
تــحن روحــه اليـفارج فـرد محبوب
اشـــحال الـــفــارگت گومه وقبيلــه
ونتهــــــه تكــسّـــــر صـم الـگـلـــوب
اوتــديــر الـوجهه لله وتـشــتــكــيلـه
يلـــرديـت يـوسـف عـلــــه يـعـگـوب
تــره دمــع الهــجر يــحرگ مـــــسيله
انـه گـلبـي اعله شوفت هلي ملهوب
واخــاف اتــصـير فــرگتهم طـويـله
مـا تـدري ابـدهـــرهــه دار مـگـلوب
وگـلبـــهه بـعـــد مـايـبرد غـليلــــــه
ظـعـن احبابـهه مـاتـدري ياصـوب
مـن ريـــح الـزلم بـس ضـل عليــله
لـن تسـمـع منادي ابـصوت منيوب
يـنادي الظـعــن راجـع مــن رحـيله
طلـعت فـاطمـــه واتـعـثـر بلـثــوب
تـشـوف الـنوگ تـعبانه وهـــزيلــه
بـس نـسـوان ظـعن الـراح مهيوب
لا راجـع احــسـيـنـه ولا چــفـيلـه
الشاعر عزيز الفيصلي
#اللهم_عجل_لوليك_الفرج
نعي لاربعين الامام الحسين عليه السلام
كون الگبر بيه باب واگدر اطب ليه
لابن امي عندي أعتاب هاليوم احاچيه
واحچي اللي مر عالحال وچفوفي اراويه
لابن امي اريد اليوم احچي الجرالي
المر عليه اهواي عذبلي حالي
مشتاگه اجت هالروح يمك يغالي
مشتاگه روحي اتريد يم اليحنون
ومن نظرة العينين بهمومي يدرون
انعى أنه يمهم ريت ليه يسمعون
انعى واون هاليوم كل ضيمي اگله
ابن امي رفعة راس وعتابه يحله
امصابه صعب كتال وگليبي سله
اعتب عليكم دوم يالحمليتو
عفتوني وحدي ليش خويه ومشيتو
وضيم العليه اهواي بيه ما دريتو
ارجع صدك للدار وبلايه اخوتي
بيمن رجعتي اشلون اه يابلوتي
يمك ردت يحسين يلفيني موتي
يمك ردت ياخوي يخلص ونيني
يم گبرك اتمنيت تغمض يعيني
بهالساعه ريت الموت يمك يجيني
خادمة ام البنين عليها السلام
ام محمد تقي الموسوي نسألكم الدعاء
نعي گرناوي
لاربعين الامام الحسين عليه السلام
ادگله خويه
اجت روحي ركض گبل الجدم ليك
مشتاگه اشكثر هالروح يحسين
اعد گمت اليالي واحسب ايام
اعله شوفك يالولي عطشانه هالعين
تدريني صعب يالغالي ممشاي
اوصار ايام وليالي احنه ماشين
مهضومات خويه ابلايه حماي
دمع دايم تصب مانشفت العين
اجتي ابشوگ روحي الكم يالحنان
وحسبالي من اجي تردون عدلين
گلت بلكت حلم وگليبي يرتاح
يروحي ومن نرد ليهم تشوفين
اختكم هالاجت ومحمله اهموم
ولگيت اگبور ومغطيه العزيزين
يريت الروح يمكم راحت اليوم
ولاظل للدمع والهم والونيين
اخوتي اعزاز عنهم ابعد اشلون
موتي هنا يروحي اولاتروحين
خادمة ام البنين عليها السلام
ام محمد تقي الموسوي نسألكم الدعاء
/channel/schji8877
يامالت الله موش أجاويد
سوو الشام بكيفهم عـيـد
من دخلونه المجلس أيزيد
لا نغر بيهم لا فزع حـيـد
چا هاي ناس الشام والشام
شحچيلكم يا عملة السوگ
يظحكون وانا گلبي محروگ
لا والتكتلك هــزّل الـنـوگ
أنفكت علينه عيون وحلوگ
الصارن ويانه ماهن أولام
وياهم قليله الشام شمات
أربات الخدر وأحنه العفيفات
يصيحون جبناهن سبيات
تالي بخرابه مهدمه أنبات
ودارت صدگ ويانه الأيام
ليل الخرابه يشيب الشاب
حيطان خشنه فراشهه أتراب
وكل ساع واحد طالع وطاب
لا سگف بيها ولا أسم باب
ويردون بيها نغفه ونـام
ياكون ميته والله ياريت
ولا للغرب مسبيه طبيت
موش أحنه أهل البيت يابيت
صرنه غرب ياحيف وأبچيت
تبات بغرب تالي أم الخيام
وياي أجو أخواني بس روس
منحوس والله الشام منحوس
العطشان عينه تروح للطوس
بالشام حتى الماي منفوس
منريد مي لو نعطش أعوام
بالشام يكتل وكت الغروب
تحسه سلف مايوم مچهوب
چنه مضيف وشيخه منهوب
اليدخله صاحي يرد متعوب
عنهم حــرام أنگول أسـلام
ميهون جرحه ويومه ميهون
هاگد الشام أمتعب أم عـون
شـگـد رادت الخـوان يلفون
ولأرض المدينه ترد الظعون
يلشام بـعـد الزينب شظام
✍️حسين حمدان الدلفي
نوحيه للأربعين (ذولاك اهلنه)
هذيچ المگبره وذولاك اهلنه
مـسـبـيـات نـتـعـثر رجعنه
🏴🏴💔🏴🏴
ذيچ المگبره وذولاك الاحباب
اجينه انزورهم بگلوبنه اعتاب
نامو عالرمل واغطاهم اتراب
نصيح بصوت ما واحد سمعنه
🏴🏴💔🏴🏴
نصيح بصوت ماچنهم يسمعون
نامو بالثره العنه ينشدون
لا عباس لا جعفر ولا عون
مايلتم بعد بيهم شملنه
🏴🏴💔🏴🏴
اجينه انلم شملنه وياهم اردود
ماكو اوجوه شفنه امسطره الحود
بعد هيهات ذيچ ايامنه اتعود
وينشال الهضم والضيم عنه
🏴🏴💔🏴🏴
بعد هيهات هم الگلب ينشال
نوگع بالدرب من فوگ الاهزال
هلا بزينب ابو السجاد ما گال
ومحد گال ليش اتنوح اختنه
🏴🏴💔🏴🏴
محد گال ياهو الشتماها
اجتنه والهضم يسحل وراها
مايدرون بالضالم ولاها
اتگول السوط دولبنه وكتلنه
🏴🏴💔🏴🏴
تگول السوط يوجع مانجرعه
يطگنه الحادي من نهمل الدمعه
اجيت اليوم اون لحسين وانعه
واگله اشلون چتالك يزتنه
🏴🏴💔🏴🏴
وي الگوم نتعثر مشينه
وراس حسين بس يصد علينه
وصلنه الشام بالشام شلگينه
مهضومات للمجلس دخلنه
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
رجوع السبايا
يحسين اكعد شوف العيله
يمكم زينب هاي اليله
▪︎▪︎▪︎▪︎
يحسين اختك زينب ردت
وين خواني عليكم نشدت
طيور الدنيا وياها الگصدت
والسجاد اتهدم حيله_يحسين اكعد شوف العيله
▪︎▪︎▪︎▪︎
يمكم مثل الورده أوذبلت
واعله اترابك خدها خلت
وياها ادموم الدمعه الهلت
ولو بعد اكثر هم تبجيله_يحسين اكعد شوف العيله
▪︎▪︎▪︎▪︎
عباس اكعد ها يعيوني
بمصاب ارقيه اتواسوني
چانت تصرخ بويه احموني
جراها الترچيه بحيله_يحسين اكعد شوف العيله
▪︎▪︎▪︎▪︎
ضربوني ياخويه وعفتك
حسره بكلبي وماكلمتك
مشكورالوافيت لاختك
بسمك كلبي كل ترتيله_يحسين اكعد شوف العيله
▪︎▪︎▪︎▪︎
عفتك يالوالي وموبيدي
حرمه وبالغربه امشي وحيدي
ومثلك يابس هم وريدي
وصاير وجهي بلون الشيله_يحسين اكعد شوف العيله
▪︎▪︎▪︎▪︎
يبن امي وهذا ابنك شوفه
مثلي روحه هم ملهوفه
زايد حزنه وفاض جروفه
ودينك لوطاح يتجيله_يحسين اكعد شوف العيله
▪︎▪︎▪︎▪︎
يحسين اسمع صوت اعيالي
كلهن صاحن وين الوالي
فظه الصاحت ها يالغالي
فظه اني اسمعني تشكيله_يحسين اكعد شوف العيله
▪︎▪︎▪︎▪︎
فظه ويانه وماعافتنه
هم مسبيه وهم خدمته
حبهه الخالص من حبتنه
زينب وشهد هالتفظيله_يحسين اكعد شوف العيله
▪︎▪︎▪︎▪︎
يحسين اسمع هاي حجايه
وفايه الدينك وفايه
ننصركم معروفه الغايه
لوموت وحبكم نمشيله_
يحسين اكعد شوف العيله
كلمات
الملا احمدالسـالمي
اللهم_عجل_لوليك_الفرج
#تراث
من سدوا الماي عالفاطميه
وكل مرضعه تصيح يبني شبيديّه
گلب الرضيع من العطش وجر لهيبه
والله شمصيبه ... تصبح الغريبه
ــــــــــــــــــــــــــــــــــــــ
اه يا نيران حسرة گلب عبدالله حرگتني
ذوّبت شحمة عيوني وأثرت بيه وعمتني
شلون حسرة گلب يابس حرِگت دمي ويبستني
لو چان إلي قوة گلب
واعصاب قوة من الصلب
چا جرن بدموعي التصب
وبونينه الطفل فتني
بالمهد ويلوع حيرني أمره
والطفل لومات گلبي شيصبره
مايقبل النوم ويون ونّه عجيبه
والله شمصيبه ... تصبح الغريبه
ــــــــــــــــــــــــــــــــــــــ
جودي ياعيون الرباب وخلي عبراتج يجودن
والگلوب السايلات النوح خليهن يعودن
نوحن على الطفل نوحن لاتسترن لاتهودن
والگلب لو وش نّمه
تبگى العيون مورّمه
بدال الدمع تنزف دمه
والهموم شمايزودن
يتهدم الحيل وانهدم حيلي
ومن ثگل الهموم مانمت ليلي
عالگبل مِيحانه انفطم وفطمته النيبه
والله شمصيبه ... تصبح الغريبه
ــــــــــــــــــــــــــــــــــــــ
هالله هالله شلون شح الماي بخيام ابو اليمه
عمت عيني على الرضيع المن ضماه احترگ دمه
وامه متدوهنه وكل ساع تنحني فوگه وتشمه
وتصيح يا نعم المضن
دگات گلبك فترن
لا ماي عندي لا لبن
والعطش ناره مضرمه
وشبيدي عالماي عبدالله يبني
من شفتك تلوج گلبي لسبني
ولا گطره منه بالخيم يحصل واجيبه
والله شمصيبه ... تصبح الغريبه
ــــــــــــــــــــــــــــــــــــــ
اتبنت الموقف الحره وشافت الحاله خطيرة
تناولت جود الكفلها وإعتنت له مستجيره
واتعثر عالمصيبه واتعكز عالبصيره
صاحت بعين الغانمه
بالخيم حاله مألمه
أطفال ماردها الضمه
والمراضع مستحيره
رب الوفـه صاح والصيحه خطره
لا يهمچ الماي شما يصعب امره
لو صاير بسابع سمه بالسيف اجيبه
والله شمصيبه ... تصبح الغريبه
ــــــــــــــــــــــــــــــــــــــ
حنى ضلوع الوفه لزينب واستلم جوده وتچنه
خفگت الرايه على راسه وخفگت اگلوب المحنه
حمل وتسيطر بشاطي العلگمي وماشرب منه
هيهات يتهنه بشرب
ويتروه من ماي العذب
والطفل گلبه ملتهب
وبالرضاعه ما تهنه
مشرف على الموت وكل چاره ماله
والمرضعه تلوج وتبچي على حاله
والطفل شيفيده الثدي لو جف حليبه
والله شمصيبه ... تصبح الغريبه
ــــــــــــــــــــــــــــــــــــــ
وظلت عيون العقيله شابحه لخيمة وليها
وتصد لاطفال ابو اليمه لا نفس لا روح بيها
والرباب تصوط عنها وترجع وتصفج بديها
مايوسه ما عدها أمل
حست بعباس إنچتل
وعبدالله يبراله الاجل
والمرامي مصوبيها
عالنبل والزان معرض وريده
من شال الحسين عبدالله بيده
وينتضر نبله حرمله بنحره تصيبه
والله شمصيبه ... تصبح الغريبه
ــــــــــــــــــــــــــــــــــــــ
طوگ من نور الشهاده للرضيع مفصليله
ومن أجور التضحيات بدم وريده مسجليله
مرضعه بدار لحضانه بالجنان معينيله
سبحان رب الأكرمه
لهذا الرضيع وسلمه
بيد الشفيعه فاطمه
وللجنان تزينيله
وحلفة اسقبال ينصب له عمه
وبدموع العيون ينغسل دمه
وشاهدو سكان الخلد حاله غريبه
والله شمصيبه ... تصبح الغريبه
الشاعر المرحوم
الحاج مهدي الاموي الكربلائي
(179)
#اللهم_عجل_لوليك_الفرج
نعي لرقيه عزيزة الحسين ع في الخرابه
نعي للسيده رقيه عليها السلام
طفله وشاهدت والـــدها بالنــــوم
تگله وين يــــــا بويـــــه يجيدوم
علينه يبويه انــــــــــدارت الگوم
وبعد عينك يبويه الگلب يسعر
*
فـــــزت مــــن حلمها اتصيح عمه
چـــــان اهنــــــاه ابوي وجنت يمه
ونمت بحضانه عمه وگمت اشمه
وسألته اعلى الرضيع وعلي الاكبر
*
تگلهــــا زينب ودمعتها بالــــعين
يعمه أعلينــــــه كل اهلچ بعيدين
ولن نــــــادت رقيه بويه يحسين
أريدنك يبويه لحـــــــــــالي تحضر
*
أراويك بويــــه شحــــــال متني
واگلك هـــــــــاي گوم العذبتني
من الماي يا بــــــويه أحرمتني
ومثـــــل گلبك يبويه الگلب وجر
*
تقول لها زينب
____
ابــــوچ امسافــــــر يطول غيابه
وبعد عيناه عمه احنـــه ابخرابه
نــــادت وين عني رحـــــت يابه
أخذني ويـــــــاك عن فرگاك مگدر
***
ويـــــــزيد ابحقد وده الراس ليها
ومذبـــــوح نظــــرتله وليهــــــــا
وعلى راس الولـــــي زادت بجيه
وعمرها أعلى الولي هاليوم گوطر
___
وعندما قال الامام السجاد (عليه السلام) للسيده زينب عمي نحي الطفل فقد ماتت على راس والدي كأني بالسيده زينب قالت ...
أنــــه زينب أبظهري السوط وشام
وكبر حزني لمصاب السبي والشام
علــــى راسك هوّت يحسين وتشم
عزيــــزت گلبك ومـــــاتت رقية
موسى البديري
#خدمتکم شـرف النه♻️
نعي لرقيه بنت الحسين
بقلم ام حيدر الحمزه الطائيه
◼️◼️◼️◼️◼️◼️◼️◼️◼️◼️◼️
يمــــه ونيتلج ونه خفيه
يا بعــد روحــي ردي ليه
اشحلاة مـــن نكعد سويه
تجيني بعـــد لـو هاي هيه
◼️◼️◼️◼️◼️◼️◼️◼️◼️◼️◼️
يمه ياحيف اخذهه البين مني
اليوم ايست ونكطـــع ظـــني
شبساع رحتـــي ليش عـــني
يمـــه والله لغيابــــج زاد ونــي
◼️◼️◼️◼️◼️◼️◼️◼️◼️◼️◼️
ردي ييمـــــه ويــن تــردين
يمه ومعلمين العين بالعين
شمعه ييمـــه وطفــاج البين
بالطيف مري وموش تنسين
◼️◼️◼️◼️◼️◼️◼️◼️◼️◼️◼️
يمسي المسه اظلم عليه
يمـــه وناتـــج ابكلبي خفيه
ييمـــه الــدهر مابـي حميه
تعــاي مــريــلي اشــويـــه
◼️◼️◼️◼️◼️◼️◼️◼️◼️🔳🔳
والله امن اشوف النزل خالي
يمه اشلون هظمتني الليالي
وبس الصور ظلـــت اكبـــالي
وتدريـــن بيـــه ابغيـــر والي
◼️◼️◼️◼️◼️◼️◼️◼️◼️🔳🔳
كلبي خلص لحكي عليــه
مــري على امــج يالبنيه
مــن طلعتج ما حيل بيــه
يالمستعجله اعلى المنيه
◼️◼️◼️◼️◼️◼️◼️◼️◼️◼️
يلوگ السمر يبنيتي ويـــاج
والروح ما ترضه اعلى فركاج
يا ماي عيني اشلون ننساج
يمه كلبي ييمه حيل يهواج
◼️◼️◼️◼️◼️◼️◼
خادمة الزهراءام حيدر الحمزه الطائي
بقلم خادمه الزهراء ام حيدر الطائيه
اسم القصيدة : حسين خويه
حسين خويه طوليت النومه
امنين اجيلك والطرق ملزومه
حسين خويه حيرتني طيحتك
اشلون اجيك اشلون اعوفن عيلتك
گطعت گلبي يخويه نومتك
منين اجيك انمنع درب الحومه
حسين خويه الخيم نار اموجره
لابقى عدنه كفيل ولا ذرى
چم يتيمه أجمع وچم أمخدره
سلبوها الحرم ياجيدومه
حسين خويه اطفالكم عرض الفلا
تدري ضرب السوط ماتتحمله
شرد اشاجف خويه عن العايله
أمتوني خويه امدممه ومالومه
بگت زينب تشكي من عظم المصاب
ولمت العيله عگب حرگ الاطناب
اشما تصيح حسين ماتسمع جواب
وعالثرى حسين وصحبته وگومه
آ يلوعة ليلة الحادي عشر
ابعين تحمي العيله من ذاك الخطر
وعين للميدان مشبوح النظر
والسمه تمطر ادموم اغيومه
لنها تسمع صوت وي طرة الفجر
حضروا نوگ الهزل شان اليسر
ورخصوا العيله إعله ولياها تمر
وكل فگيده بولي ترد اعلومه
هاي گدامك تگع نوبه وتگوم
وذيچ بالحومه مثل طير اليحوم
ايدورن وليانهن بين الجسوم
وكل بدر غير الحر ارسومه
وصلن الجسمه ربيبات الدلال
بس جسد من غير راس إعله الرمال
اليهز جبرائيل مهده ~ ابلا ظلال
بالشمس والحر هجير ارسومه
و آه من شافنه جسمه إعله الثرى
ودمه يشحط من اجروحه ومنحره
حجة الباري وابن خير الورى
عاري حتى امسلبين اهدومه
اتگله زينب خويه اجينه انودعك
ولو بدينه انغسلك وإنشيعك
غصباََ اعلينه نخلي مصرعك
ونمشي للشام او تجيك اعلومه
اتوادعت زينب من حسين الضمد
وكل فكيده اتوادعت من الولد
صاحت آنه اوداع ظل عندي بعد
العالشريعه هامته مگسومه
ومن الحومه اتمشت ابذاك الخطر
امدوهنه وتنشد عله درب النهر
اتصيح يا هالناس ما شفتوا گمر
طاح من سابع سمه اويه اغيومه
🏴🏴🏴🏴🏴🏴🏴🏴🏴
نعي لدفن الاجساد الطاهره
قريض
يا نازلين بكربلاء هل عندكم
خبرٌ بقتلانا و ما اعلامها
ماحال جثة ميتٍ في أرضكم
بقيت ثلاثاً لا يُزار مقامها
بالله هل رُفعت جنازته و هل
صلى صلاة الميتين إمامها
أفديك أنت على التراب موزعٌ و عليك تختبط الخيول لِئامها
ابوذيه
صبح حيلي عله الخوان من شال
جرح كلبي يخويه عليك من شال
اريد انشد علي السجاد من شال
بيمن جفن اوصاله الرميه
..........
فائزي
كلي شلون جفنته يسجاد
هم جريت منه سهم الافاد
.........
كلي بيش لقيته ودفنه
نحره طاب لوتنزف ركبته
..........
كلي شلون من لميت الاضلوع
وهم دورت خنصره المكطوع
.........
يعينك الباري هنا يعمه
شلون من شلت ابواليمه
صدك بالباريه جفنت جسمه
.........
هم رحت للكافل وشفته
وبيدك يضي عيني عدلته
ورديت لذراعه يمنته
.........
كلبك بعد حيلي تفطر
عمه شكلت من شلت الاكبر
وعله الاخو ظهرك تكسر
........
يالخلص حيلك من الالام
شلون الرضيع شلون جسام
حطيتهم وادك عله الهام
...........
لما رجع الامام السجاد من دفن الاجساد
نظرت زينب ع اليه وقالت عمه ماهذا التراب الذي وجهك وثيابك قال لها
كنت عندي الحسين ودفنت الاجسان
ورجعت بقدرة الله ومشيته
صاحت
كلي بخال ابني شلونه
سمع عمته وهلت عيونه
ماينوصف يم عون لونه
.............
بله ارد انشدك رد الاجواب
وسولف يعمه عن الاحباب
عليهم ياعلي من هلت الاتراب
..........
يوم الدفنته شكال عني
هم نشد عني وهم ذكرني
ليش ام عون ماحضرت بدفني
..........
ماكتله عله الناكه خذوها
وبديوان زينب كعدوها
طكو متنها او جتفوها
يوليان حال الضيم حالي
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي
منهاج محرم الحرام لعام ١٤٤٥ هـ
موشح..
بـالقـلــق وكـتـي يـعـالَـم گـاضـي
حسين راضي اعليه لو ما راضي
اه يا هـذا القـلـق بـيَّـه اشـعـمـل
ياهـو بيكم يفـزع ويلگـالي حل
ويگـدر ايگـلـي قِـبَـل لو ما قِبَل
ويا عـذابي لو رضـاه ما حاضـي
ـــــــــــــــــــــــــــ١ـــــــــــــــــــــــــــ
بـيـه يقـبَـل وانـه شـمـقـدم إلـه
ونـاس لاجـله اموذريهـا بكربله
والله صعبه هواي هاي المساله
إلـهـا ما يـرهـم حَـكَـم لا قـاضـي
ـــــــــــــــــــــــــــــ٢ـــــــــــــــــــــــــ
اللـيـل اتـگـلب اخـلـصّــه امـن الألـم
خاف ما محسوب عنده امن الخَدم
وإِنشِطَب إسمي بسبب غيـبه ونَمَم
وإخـسـرت كـلشـي بسـبـب ألفـاظـي
ـــــــــــــــــــــــــــــ٣ـــــــــــــــــــــــــــ
هـنــاك لـو سـألـو إلــي مـن يـا رَبـع
لابـو اليـمـه حـسـيـن أگـلـهـم أتـبِـع
ويـلـي لــو گـالـولـي لا مـا تجتـمـع
ويــه حـبــه افـعـالـك الـ بـالـمـاضـي
ـــــــــــــــــــــــــــــ٤ــــــــــــــــــــــــــ
لو گلـت بالخـدمـه خَـلَصّـت العـمـر
ايجـاوبـونـي بـدنيتك خَذت الأجـر
رِدت مـن الخـدمـه جــاه وتشتـهـر
لــكــن أوصـلـتـلـنـه گـلـبـك فـاضـي
ـــــــــــــــــــــــــــ٥ـــــــــــــــــــــــــــ
ويـن أروح هـنـاك وإلـمـن أشتـچـي
ولا يـفـيـد اصـيـاح لا يـنـفـع بـچـي
والأعضـاء التـشـهـد ولـيـها الحچـي
ويـاهــو يـهـتـم لو بـديـت إعـراضـي
ــــــــــــــــــــــــــــ٦ـــــــــــــــــــــــــــ
لـســـه عــايــش الــف لــلــه الحــمــد
خـل اعــيـد اعـمـالـي صـح لا أنـطـرد
كلشي اعوفه ولابو اليمه أصبح عبـد
هـو بـاقـي وغـيـره كــل شَــيّ گـاضـي
ـــــــــــــــــــــــــــ٧ـــــــــــــــــــــــــــ
كلشـي گـاضـي وهــو خــالـد للأبـد
ومــــال لا يـنـفــع ولا يـنـفــع ولَــد
آنـه من هـاللحـظـه أحلف والصمـد
الويـن ما مجـلـس يصـيـر إركـاضـي
ـــــــــــــــــــــــــــ٨ـــــــــــــــــــــــــــ
أحمد البصراوي العبادي
نعي للحسين عليه السلام عن السبي
جديد محرم ١٤٤٥
•••••••••••••☆••••••••••
يحسين راح. امشي واخليك
مالي وكت يبن امي امر بيك
مسلوب ثوبك. كون. اغطيك
وادري الشمس. والحر ماذيك
•••••••••••••☆••••••••••
يحسين راح امشي عذرني
اودعك الحادي مامهلني
لاتكول زينب مشت عني
الحادي مستعجل شدهني
•••••••••••••☆••••••••••
نوك. السبي. لختك . جدموها
بعجل صاحو زينب. طلعوها
واعله. ناكه. هزيله. رجبوها
وفجعو كلبها. براس. اخوها
•••••••••••••☆••••••••••
راسك شفته برمح. عالي
صحت بصوت يايمه تعالي
وشوفي. العده. اسوت بحالي
اصد للراس. وادموعي. تلالي
•••••••••••••☆••••••••••
تعالي بعجل. يمه. نولينه
راس حسين. يبره. للضعيه
شلون احط. عيني. بعينه
هد حيلي وعماني والد سكينه
•••••••••••••☆••••••••••
بقلم العلوية ام رائد زوين
#قصيده_للحسين_ليلة_العاشر
#المستهل👇🏻👇🏻👇🏻
لاخويه لا مالي حيل افراكك
•───✧◐🕊🌻🕊◐✧───•
يحسين لا تنساني
راح امشي وي عدواني
خويه الشمر اذاني
وروحي الك تشتاكك
•───✧◐🕊🌻🕊◐✧───•
ياابن امي واصبي عيني
ولوحدي تخليني
وبعيالك موصيني
يردوك خويه اعيالك
•───✧◐🕊🌻🕊◐✧───•
زينب انه المهيوبه
اليوم اصبحت منكوبه
الدنيه الك مكلوبه
لموتتك واحوالك
•───✧◐🕊🌻🕊◐✧───•
ضربوني واني بت علي
ماهاب امي ولاهلي
ويزمخ عليه العاذلك
كدامك وماهابك
•───✧◐🕊🌻🕊◐✧───•
ماكال هاي الطاهره
من نسل ال المصطفى
محجوبه هاي مخدره
يضربني خويه كبالك
•───✧◐🕊🌻🕊◐✧───•
بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالكلمات
المستهل لأحدى الخادمات
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
هوسات لسيدي ومولاي القاسم ع
/////////
طلع من خيمته جسام كاصد لعد صوب لعم.
لابس درع ابوه وجاي شافه حسين وتبسم.
يكله لخلي اليوم قادتها اعله كطع لماي تتندم.
وعباس الثاني ايسموني
///////
اخذ من عمه رخصه ودخل كلب الجيش.
جوه كلوبهم سيفه ولاظربه ألاجت بلريش.
من صوب الاخيام حسين صاح لأبن اخوه تعيش.
كفيت وسويت زياده
/////////
وكف متخوصر اعله الجيش وال النبي ينظرونه.
عرف نفسه وسط لكوم والما جاي خيعونه.
اليتقدم عليه خطوه أيزعل راسه ومتونه
.
وبسيفه الحر يداريها.
//////////
رمله تعاين العريس طب المعركه اوحيده.
ياخذ عل شوارب كام اهلها وماظن بعيده.
تكول؟اتمنى الحسن مؤجؤد يمنى يشاهد وليده.
يخطب ويصول ويجاها
///////////
برز جسام الها و شوفاهم ويل.
وين الرايده بعمنه الحسين تعيل.
كاع الله ملكنه الما يعجبه يشيل.
طبكهم خيل وخياله
////////////
قليل البضاعه
كثير الاضاعه
فاضل الغريباوي
قصيده للقاسم أبن الحسن عليه السلام
جديد محرم ١٤٤٥
•••••••••••••☆••••••••••
حكي عليك اونن يلولد يبني
هاضمني مصابك حيل هاضمني
•••••••••••••☆••••••••••
يبني الموت بامك ليش مابدل
وانت بيوم عرسك يبني تتمهل
وسفه كبال عيني.وردتك تذبل
وتدري بلربه شكثر. تعبني
•••••••••••••☆••••••••••
عليك ابقه حزينه ودمعتي بعيني
يلفراكك سهم وابجبدي راميني
استجن شلون يبني ويبطل ونيني
وسيف الفركه ياجسام . ذابحني
•••••••••••••☆••••••••••
ابيوم العرس. شمعتك. طفوها
والمنتظره عرسك. بيك. فجعوها
محنيت ضهر عليك خلوها
ماحسبت دهري بيك. يفجعني
•••••••••••••☆••••••••••
شلون اصبر. اعله فركاك مادري
ياجاسم. خلافك. شلي. بعمري
مختنه اضل وحسرتي بصدري
دولبني زماني بيك . دولبني
•••••••••••••☆••••••••••
الشمع. والحنه. لعرسك. محضرته
موتك ماجنت . يبني. محسبته
ضنوت الحسن للشيب ذاخرته
ومادري زماني. اعليه. يحاربني
•••••••••••••☆••••••••••
تمت بعون الله 👆✍بقلم العلوية ام رائد زوين
حماسيه ::لسان حال ام البنين ع
وين عباس البطل ::جا وينه جاوينه
انه عندي وصيه اله ::اعله حسينه
اعله حسينه
1: يمه ياعباس اسمع راح اگول
انته ذخري من علي فحل الفحول
خاف يمه غيابكم عني يطول
حرسه انته اوخلها تغفه عينه ::عينه
2:لا تنام الليل ياابن حيدره
وياك ضعن العايله يمه سره
زينب اوياكم تروح امخدره
وخلها بعيونك ييمه سكينه: سكينه
3:بالحسين آنه ييمه اوصيتي
روحي ترخصله ييمه اوضنوتي
بيك ياعباس يمه رجوتي
وليدي عينك لا تفارك عينه عينه
4::تگله ياعباس يمه امنيتي
تحمي اولاد الزجيه طلبتي
كون يم جده تبين فرحتي
يوم تنذر جفك الجفينه جفينه
5::شو اشوفنها قليلات الجفوف
يمه ضحي اخوانك اوعينك تشوف
وخلي روحك داير احسينك تطوف
نور عيني حسين خو تدرينه تدرينه
😭😭😭😭
لخادمة الامام علي (ع )العلويه ام انور الذبحاوي
ونسالكم الدعاء
نعي للمسير حال لسان مولاتي ام البنين عليها السلام
تخاطب الحسين عليه السلام عندما اراد ان يشد الرحال الى كربلاء دكله
😭😭😭😭😭😭😭😭😭😭
عطل الضعن يحسين عطله
ودمعي اعله فركاك شيبطله
وخاف الضعن اعليه يبطه
😭😭😭😭😭😭😭😭😭
خاف الضعن مايرجع اردود
ولدار اضنك بعد متعود
وتدري الولد لضيج مريود
😭😭😭😭😭😭😭😭😭
اريدك يبعد امك اريدك
ولاتترك يبعد الروح بيتك
يحسين نخوه انه انتخيتك
😭😭😭😭😭😭😭😭😭😭
ناخيتك يبو السجاد نخوه
العشره بدونك موش حلوه
وانته للعمر يايمه سلوه
😭😭😭😭😭😭😭😭😭😭
يحسين موهديت حيلي
وبجفاك ابد مانام ليلي
وياروح ويه احسين شيلي
😭😭😭😭😭😭😭😭😭😭
لوبيدي اروح احسين وياك
ولااصبر ييمه انه على فركاك
وتضل بدار يمنه اليوم ردناك
😭😭😭😭😭😭😭😭😭😭
عطل الضعن ولاتشيله
يحسين نزلهه العيله
ترحون والروحه طويله
😭😭😭😭😭😭😭😭😭😭
يمه هلا بيك هلا بيك بس بين عليه
😭😭😭😭😭😭😭😭😭😭😭😭
بقلمي ✍️عاشقه العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه
صاحبة الحسچه الجنوبيه
الشاعرة ام عراق الشمري البصره