-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
بالحسره العمر والنوح يبناه
نون ياعلي وساعه نون يبناه
البقيع اشوكت راعي الثار يبناه
وثاني كربلاء تصبح زهيه
وحگ البالعدل ناسه يمرهه
نار الحزن يتلاهب يمرهه
البقيع المهدي بالحسره يمرهه
وصبحهه يشوفه چنه مغربيه
سيد علي الموسوي
الله اليــــعــيـــنك حـــيـدر عــليـنه
فاگــد زچــيه وطاهـــره وحـنـيـنه
━━━━━━✦✗✦━━━━━━━
فاگد شـمس دنــياك صـارت ظلمه
تبچي اوتنوح ابنص دليـلك هظمه
حگك يحيدر فاگدهه اعظم حرمه
بنــت الـرسـول الـعـالمــه الاميــنه
━━━━━━✦✗✦━━━━━━━
حالك يبـو الحـسـنين شــاغل بالي
دوم اعــله وجــناتك دموع اتلالي
بـعـد البـتـول اشـگد تون يالـوالي
الله الـيـصــــبـرك حيــــدر وليــنـه
━━━━━━✦✗✦━━━━━━━
طاحت تون من طيحـو مـحسنـهه
جـن اوئنس وملاك ســمـعت ونهه
يمهه انته موش ابعيد حيدر عنهه
مــاحـاربيــت الـخــاطـــــر نبـــينه
━━━━━━✦✗✦━━━━━━━
حـگك تـون والعـين تـهــمل دمـعه
موت الله ماخذ منك ازهر شـمعه
عـمرك گضيته اهموم بعد البضعه
ضـلـع البـــتول وحــالك يــــاذيـنه
━━━━━━✦✗✦━━━━━━━
گلبـك حـنين وهل مــصـيبه تمرده
فاگـدلك انـته ورده بـس من ورده
بنـت الرسـول وبـضـعته المنچبده
ام الحـســن وحـسيـنهَ السـفــيـنه
━━━━━━✦✗✦━━━━━━━
لخادم اهل البيت عليهم السلام
الشاعر مؤيد العامري
نعي الى مولاتي فاطمة الزهراء عليها السلام بلسان حال مولاتي زينب عليها السلام
٠٠٠٠٠٠٠٠٠٠٠٠٠٠٠٠٠٠٠٠٠٠
يمه- هذا أفراش بيتج ليش عفتيه
ولتراب الگبر رحتي وفرشتيه
يأم روح ألعزيزه الليل نمتيه
لو عينج تصد ليه وسهرتيه
عگب عينج يحالي كون شفتيه
أنا ثوبي حزن مثل اللبستيه
عليج أسود لبسته ودوم أخليه
عليه گلبي تعود لايگ أعليه
مثل حزنج لبسته المانزعتيه
ولامره فرحتي ولانسيتيه
هذا حسين يمي يمه حاجيه
يصيح بصوت أظنج ماعرفتيه
تطلعي أيدج ييمه وشوفي أشبيه
تنشدينه ييمه شنهي ماذيه
تراني بكربله باجر أصد ليه
وشوف الخيل تسحگ فوك رجليه
وأصيح بصوت خويه وحيل أناديه
وعليه أگرب وشوفن حيل مابيه
أمدد والتراب أعليه غاطيه
وعگب عينه بدرب ماماشيه أمشيه
٠٠٠٠٠٠٠٠٠٠٠٠٠٠٠٠٠
تم والحمد لله
الشاعر الحسيني
ابو مسلم الخزاعي
✍️....الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔💔........👩🚀................
ترتيل مفجع على لسان السيده زينب //ع
من اسمع صهيل الخيل
انــــــام الليل مـــا اكدر
اذكـــر طيحتك يحسين
وصدرك ذاك المــكسـر
الحوافر من تدوس الكاع
يحفرلهن حــفــر بــيـهــه
يــخــويـه اشسون بجثتك
يـــوم الـــداســن اعـليهه
تمنيت اعله جثتي ادوس
عــشرة خــيل مــو جثتـك
لــيـش مـن الظهر تنداس
ومـــا ينداس ضهر اختك
انــام شلون يـبن امي
يخويه وتخمد انفاسي
وكبل لا ينكطع راسـك
تــمنيت انكطع راسـي
زحمة الــنـــوم يحلالـي
ونومك صــــار عالغبره
صدري بلا ضلع مكسور
وانـــت اضلوع متكسره
جـروحك كـربت الالفين
والاصعب جـــرح كـلبـك
كون ابكدهه بيه اجروح
وكــــون مــوسده بكترك
اعاين بالجسد يحسين
جسمك هــذا مــا جنة
مـن داسن عليه الخيل
فــــوك الـــكــاع نثرنه
يريت الموت اخذ عمري
وعــمري بعمــرك مبدله
عساني مـــوسده التربان
يـــخويــه ولا اظل عدلـه
اصـدن لــــونــك اتــغــير
و وجهك غارت ارسومه
ســـونــك وصــل يحسين
الــخيــل بـساحة الحومه
اعذرني من اخاوي الليل
يــبن امــي واجيم النـوح
جــسمـك بــالــــعره موذر
وبذاري الــتـرب مطروح
اتنخه بــعـلـي الـكــرار
لــيلــة شـــوم مو ليلـه
بلكي من النجف يحضـر
يـــجيـك وجسمك يشيله
مره اصرخ وصيح حسين
ومـــره اتــأمـــل اظـنـوني
واكـــولــن حــلـــم ويـعدي
هـــذا الشافــتــه أعـيـونـي
--------------------------------------------
✍ بقلم خادم الحسين ع
الشاعر رعد الچريخي
نعي لسان زينب ع
خلوني أمشي ويه الجنازه
وي امي وگليبي توازه
هاي العباة وهذا الحجاب
يا عازة امي الليله عازه
ما اريد اظل بالدار شلي
تيهت محتاجه اليدلي
يا موت اخذني ولا تخلي
بعد أمي ميت بيه كلي
خلوني انام بسدهه وارتاح
وگليبي امده ايصير سباح
يم الگبر يحلالي الصياح
بليل شالو نعش العيون
دفنو هواي وعايشه شلون
ها يلخذيتوهه وتردون
گلولهه ابنيتچ يتيمه
تحرم عليه الضحكه بجفاچ
منا لحد ما يوم الگاچ
من اندفن واتشابگ وياچ
واصرخ ييمه ويلحنينه
كلمات خادم الزهراء
رعد الفريجي
نعي للزهراء ع عن لسانهــا ع
اني بخير ياحامي الحمـــــــيه
بالك لايظل مشغول بيــــــــه
علي اترجاك لا تزعل على الباب
طحت ووياي هم شاف المنــيه
علي مسماره گبّر لمن دفعــوه
وشيّب راسه لمصاب الزچـيــــه
اني بگبري هسه بنعمه وبخــير
ولا احس بوجع يسعر عليــــــه
علي وياك جيب دموع الحسيـن
ورشهن عالكبر كل مغربيــــه
الله يعين گلبك موحش البيـــت
تركت اولادي من غصبن عليـــه
دمه اعله الحايط مخليته تذكــار
الك والزينب ابنيتي السبيــــــه
علي فوگ الحد من تقره قـران
أَذكر ذيچ عشرتنه الــــــسويه
يبعد العافيه ويابعد العـــــيون
ويبعد المحسن الغافي اعله اديه
تجيني تحط حمامة غار الاسـلام
وتضل دموعها اعله الخد جـــريه
صحيح اني بعمر ماعده عشــرين
صـرت اول شهيده ورافضـــــيه
علي العباس باچر ياخذ الثـــــار
ويگص روس العده بالغاضــــريه
يصيح بصوت صيحه وباچر اطيــح
گصص مابيها غيره امنال اميـــــــه
يروي ايتام زينب جوده معــروف
اويشرّب ايتام بنتي الهاشمــــيــــه
يصلي اعله الجرف باچر صلاتيـــن
صلاة چفوفه والعين الرميـــــــه
يطگ ضهر الرمح لو راسه شالــوه
ويضل يخطب الخطبه الشقشقـــيه
زچيتك والله خطـــبــه خاطبتها
وفقط اهل الضمايــــر خاطبتها
انه ام عباس بــــــيدي خاطبتها
الك وتجيب ليث الغاضريـــــــــه
دفنت احسان يا حيدر يم احسان
بجوار الگبر ظل گاعد يمه احسان
بدمعتك صيح يازهــــره يمحسـن
شوفوا مصابكم شمسوي بيــــه
الزچيه بدارها صاحـوا وان صاح
احرگوا دارها نــــاده وان صاح
الوكت خان ابني الزهره وان صاح
مع الچانوا رجس بالجاهلــــــيه
تضل نار الحزن بحشاي شجــره
على الزهره صحت بالدمع شجــره
زرعنه لفاطمه ابكل روح شجـره
وحدر كل شجره موجوده الزجيه
وحگ ثغر البتول ومسك ورداه
وصل للمحسن المسمار ورداه
علي ابلا ذنب يذبل ليش ورداه
ويدفن محسن وروحه الزجيــه
علي بلايه الزچيه الـــبيت موحش
ويحش بهروش گلبك ضيم موحش
نسو سيفك هذاك الحـاش ماحش
العساكر ونكروا حامي الحمـــيه
علي بمرض الوديعه شكثر داريت
ومحاجر عينك شگد دمـع داريت
الزچيه بيوم اجوها الگوم داريت
وجها وشتكت لله الزچيــــــــــه
ليل المگبره يخنـــــگ ضـلامه
علي اينام الولد لو حس ضل امه
دليل اخفائهي هاي اكبر ظــلامه
بنت سيد الرسل مالي بنـيــــــــه
عليه سيوفه وكت الشـوم بارد
وخلص اليل دربچ جــــاي بيراد
يزهره شلون خاف الحــد بارد
ويصل كسر الضلع عند الزچيــــــه
لخادم الزهراء محمد هادي الفهداوي
#استشهاد_فاطمة_الزهرا۽_ع
#مـۄسسـﮫ_مــﻥــبـريۄن_الحسينية
الناشر.احمد.الـــزوار.cc
ــــــــــــــــــــــــــــــــــــــــــــــــــــــــ
نعي للزهراء
عندما ارادت مولاتنا الزهراء الدخول الى الغرفة قالت لفضى
.........
أنه رايحه فضه الغرفتي
لمصلّايتي بحالي عرفتي
اذا للصوت لحضه ما سمعتي
تراني متت والدنيا عفتهه
ــــ
راح ارفع اديّه وادعي ربّي
احمل هل رزيه أنه شذنبي
يفضه الباب والله شعب كَلبي
يباب اضلوع صدري كسّرتهه
ـــــــــــــ
وبعدما جاء الامام الحسين للدار
يفضه وين امي جاوبيني
اريد انظر وجهه ابهاي عيني
عزيزه وبالكَلب زايد حنيني
اريد اغفى بحضنهه ولو ساعه
ــــــــــــ
تكَلّه والدمع بالعين لا له
اجيبنلك اكل لن صاح لا له
أنه من دونهه آكل محاله
وين الوالده كَولي بساعه
ــــــــــــــــ
دخل للغرفه ويصد امّه ميته
الحسن وياه وي زينب اخيته
حضنهه وجان يتنى منيته
ودار احسين عل والده اذراعه
ــــــــــــــ
الشاعر محمد حسن ضيغم
قصيده ثكيله للسيده فاطمة الزهراء عليها السلام
المستهل
وره الباب اركضت استر بديه
عصرني ابلارحم ابن الدعيه
كسر ضلعي وصحت اه
جنينـي سگط ويـلاه
وره الباب اركضت استر بديه
•───✧◐🕊🌻🕊◐✧───•
دفعت الباب كتله ابتعد عنـي
كسر ضلعي وعلى عيني سطرني
خلف الباب محسن راح منـي
سمع صوتي اون اوما رحمني
شب نيرانه بالباب
وحركت حتى الثياب
دفعني وظل يسب يابويه بيه
وره الباب اركضت استر بديه
•───✧◐🕊🌻🕊◐✧───•
صحت فضه تعالي اتلاحكينـي
انكسر ضلعي وكع مني جنينـي
ماحس واجت سطره اعله عيني
زحف عالكاع كمت ازحف بديني
اديه احتركن ابنار
من عملت الكفار
وجو نارهم هاي المسيه
وره الباب اركضت استر بديه
•───✧◐🕊🌻🕊◐✧───•
بحرك الباب كثرت نايباتي
وصلت نارهم بويه بعباتي
يظيم اعداي واصل حدلهاتي
تنزف ماهدت كل جراحاتي
شيضمد هالجروح
دمعي يظل مسفوح
تظل للدوم دمعاتي جريه
وره الباب اركضت استر بديه
•───✧◐🕊🌻🕊◐✧───•
عصرني بلارحم عصره وره الباب
لذت بالباب استر ماكو احجاب
من اجذوع بابي وصدري انصاب
بالبسمار خزّن صدري وانعاب
ينزف ضلعي لليوم
ومحسن راح مظلوم
عدوان بحقد هجمو عليه
وره الباب اركضت استر بديه
•───✧◐🕊🌻🕊◐✧───•
دمع العين مايبطل مسيله
شفت محسن وكع محد يشيله
وعلي بحبل الوصيه انهدم حيله
رفعت ايدي لربي اشتكيله
عالصار وجرالي
اون الضيم حالي
صحت يابويه ضربوها الزجيه
وره الباب اركضت استر بديه
•───✧◐🕊🌻🕊◐✧───•
2020
بقلم المله والشاعره ام علي الأماره
نعي للام
اكعدي يم هَــْـِْـْْـِلاّ التمن بناتــج
ويتـسـامــرن بـس بـصفـاتـــج
وبحركـت كلـب شمن عباتـــج
التمينه فـرد كـعـده وكـعـدنــــه
ومن وصفج ييمه شكد عجزنـه
وكـعـداتـــنه الـحـلـوه وذكـرنـه
اباوع عل مجان البي تكعدين
واذكـرنـج ييمه م‌ـــِْن تـونيــن
شــمالـه الـدهــر وداج للبيـــن
بديوانـج ييمه تبجي ولدج
تمسحين الدمع يايمه ردتج
وحدج بالنجف ياحيف عفتج
مهـضـومـه ييمه الًيَـوُمًِ مهضـومـه
من شوفت حنانج صرت محرومه
فـكـدت اعزاز يمـه شكثر ملجومه
ولك يامـوت كلبي عـذبيته
م‌ـــِْن امي الحنينه فاركيته
وبيدي النعش شـو حمليته
خلصـت وانـتهـت وهـاي هيه
ام حسين راحت من بيـن اديه
بـعـد عينج مـنــو يـنشـد عليه
✍️الشاعره خادمه ذبيح الطفوف
*واسألكم الدعاء والفاتحة لروح امواتنا وامواتكم ودعواتكم لي بالنجاح والموفقية*
نعي
🖤🖤🖤
تعي ليه وشوفي حالي
بس الضيم جاعكبج جرالي
تعاي يحبيبه تعالي
🖤🖤🖤
تعاي نسامر سويه
ياضحكتج عنت عليه
راحت ماردت اليه
🖤🖤🖤
راحت ليالينه ييمه
شبعيت من عكبج مغمه
بنص الكلب باتت الهضمه
🖤🖤🖤
مهضوم كلبي يريدج اليوم
يحبيبه امحمل بالهموم
طولج حلو ومالايگ النوم
🖤🖤🖤
مالايكتلج نوم الكبور
ماكو كبر وروح ونزور
اويلاه يم الضلع مكسوور
🖤🖤🖤
تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي
#تراث #نعي
انه الوالده المذبوح ابنها
اوطول الدهر ما فل حزنها
مصيبه او يشيب الطفل منها
سبعين جثّه ابدور چنها
أريد أنشد الركبان عنها
بالمرعنه محّد دفنها
او زينب حده الحادي ابظعنها
تحن والنياگ اتحن لحنها
تشوف الحرم يتنادبنها
اوتصد للعليل اوزاد ونها
من فوگ محنتها امتحنها
وين اليواسيني ابدمعته
عله ابني الذي حزّو رگبته
تمّت ثلث تيّام جثته
اويلاه يبني الما حضرته
ولا نايحه الناحت اوي اخته 😭
وين اليعزيني يشيعه
عله احسين و أصحابه ورضيعه
وابن والده عين الطليعه
أبو فاضل اچفوفه گطيعه
مطروح نايم عالشريعه
الشاعر المرحوم عبدالامير الفتلاوي
(222)
#اللهم_عجل_لوليك_الفرج
◼️▪️القصيدة-3-▪️◼️
رواياتٍ سَترويها الليالي
بـِمَقتَلِّـِها وفي علم ِالرجال ِ
سأحكيها لكم والعينُ تبكي
فذكرىٰ فاطمٍ طُبِعَت ببالي
فبِالمختارِ أوَلُهُم لُحوقاً
ليالي الأربعينَ غَدَت خوال ِ
وثانيها بسبعينٍ وخمس ٍ
بأيامٍ أليماتٍ ثِـقال ِ
وقولٌ ثالثٌ تسعونَ يوماً
تُعاني حيثُ صارَت كالخيال ِ
ولن أروي مقالاتٍ طِوالاً
بها ظهرَ الجوابُ عن السؤال ِ
فقد وصَلَت إلينا من أيادٍ
أمينات ٍ تَُـوَّصَف ُ بالجلال ِ
بأنَّ الصَحب َ قد هَجَمُوا جِهاراً
علىٰ دار ِ الزكية ِوالغوالي
وشَبُّوا نارَهُم في بابِ بيتٍ
حوىٰ كلّ المكارم ِ والمعالي
فقالوا :(فاطمٌ) في الدارِ مَهلاً
لذاكَ السامريِّ فلم يُبال ِ
فقامَ بِـعَصرِها بالبابِ حتىٰ
تكسَّرَت الأضالِع ُ كاللئالي
ومسمارٌ أصابَ الصدرَ منها
ومُحسِنُها هوىٰ دونَ اكتمال ِ
لـِتبقىٰ في مآسيها تُعاني
جُروحاً لم تذُقْ طعمَ اندمال ِ
فإن سمِعَت أذآناً فيهِ إسمٌ
لأحمدَ وهوَ يُرفَع ُ من بِـلال ِ
تكَدَّرَ حالُها حُزناً وشوقاً
ونادَت يا أبي قد سآءَ حالي
ألآ ياوالدي الأصحابُ جارُوا
عليَّ فهل علِمتَ بماجرىٰ لي
وما مازالَت تنوحُ بِكُلِّ آن ٍ
وتشكُوا هضمَها ومعَ اعتلال ِ
وحتىٰ موتِها أوصَت علياً
وصاياها قُبَيلَ الإرتِحال ِ
ألآ لا تكشِفَنْ عني فإني
مُطَهَّرةٌ ومن ربِّ الجلال ِ
بليل ٍ حيثُ فادفُنّي وحاذِر ْ
حضورَ الظالمينَ أولي الضلال ِ
أبا حسنٍ وعف ِ القبر َ حتىٰ
يظل َّ مُغَيَباً بينَ الرمال ِ
ولاتنسىٰ الزيارةَ كلَّ يوم ٍ
فهذي رغبةٌ وبها وصالي
وزينبُ في فراقي سوف تبكي
دماً دمعاً يُفَجَّرُ بانهمال ِ
#سمير_الصالحي
#النجف_الأشرف
🏴نعي موشح
من تزور الگبر يبن العم تره
گلبي يفرح من تجي ياحيدره
نار گلبي اعله العقيله موجره
عگب هذا اليوم لتوافيني
ليش يم حسين موش وصّيتچ
زورني بكل ليله هذي رغبتچ
شنهو صار وليش زادت ونتچ
أوتعرفين ابونتچ تاذيني
يا علي للدار إرجع بالعجل
زينب لوحدهه صايبهه الوجل
فزت وما شافت ام ولا أهل
يمه تصرخ وحَّدي عفتيني
🏴 نعي مجردات
من نومهه فزت تنادي
والدمع مثل المطر غادي
يمه انفطر عگبچ افادي
———
مرعوبه فزت والدمع سال
والنوح منهه يصدع الاجبال
تندب يزهره عايني الحال
فراگچ علي يايمه شو طال
🏴 أبوذية
فراگچ لا ولا لحظه عليّ هان
تسيل عيوني وآنه الطم علي هان
يشايل نعش والدتي علي هان
اريد احضنهه بويه بين اديه
#سمير_الصالحي
#النجف_الأشرف
مستفعلن مستفعلاتان
نعي لسان حال السيده زينب عليهاالسلام
~~~😭
يم الحسن يابعد العيون
مصابج ييمه علينه ميهون
عگبج يحره الگلب محزون
~~😭
ينعه الكلب والله المصابج
ملعون كلمن حرك بابج
يمه تره يكتل اغيابج
~😭
يكتل اغيابج يالحنينه
هاذا امر الله شبدينه
واليوم شخصج فاكدينه
ام✍🏻 زين العابدين لمحمداويه
~~~😭
احتاميت يمه اعله الشوفج وگعد وياج ومااعوفج
ليليله تاخذني طيوفج
~~😭
حنيت ليج اسامر وياج
وعلى عتابج اگعد وتناج
خانتج يحبيبه دنياج
✍️ ام محمد الساري
~~~~😭
اولادچ يبمه اليوم تنعاچ
يمنه الحنينه وين نلگاچ
بُعدج صعب اخذينه وياچ
~~~😭
يمه ترى صعبه الليالي
وبيتچ ييمه صبح خالي
الدار تحچي عن احوالي
✍️هدى المطر ام محمد
~~~😭
وحشه اليالي ابدون امي
والبيت مگدر والله يعمي
همي كبر من وكت همي
~~~😭
همي كبر من زغر سني عالوالده حزني كتلني
شالت من وكت لحبيبه عني
ام ✍🏻رحمه الگاظميه
~~~😭
زهره ييمه صعب الفراك
كلبي يون عليج يشتاك
ردي ييمه الخلك ضاك
✍️الشاعر كريمه البو حلوه
~~~😭
تعالي يمن للروح سلوه
فارگنه الزمان وياج گوه
راحن ليالنه الحلوه
~~~😭
راحن ليالي اوياج حلوات
ماطولن كلش گصيرات
ضلن ابوصط الگلب ونات
ام✍🏻 ستار الكعبي
~~~😭
شالت من وكت عني الاودهه
وفركتهه جبيره ومن يسدهه
وعنت علي نغمات حسهه
~~😭
عنت عليه العاشرتني
شالت بليل وفاركتني
ويريت وياها خذتني
هلا بيج وانتي الوالده امي 😭
✍️عاشقة العباس ام عراق الشمري البصره
~~😭
عكبج غدت سوده الليالي
محمل صرت ماضلي والي
هزت الجبل هم الجرالي
~😭
حال التفارك كل العيال
اتظل الصور تخطر على البال
سهر وحزن ريت العمر زال
✍ام اسعد الشمري
~~~😭
نعي وابوذيات عن لسان السيدة زينب ع
ولعتاب
اليه ويه الدهر وگفه ولي عتاب
لو ما حيل اذاني ولعتاب
خله البوب مهجوره ولعتاب
ونفذ صبري وبعد ماحيل بيه
شيرد
الحزن عاش بدليلي سنين شيريد
ودمعك ياجفن شيجيب شيريد ( شيرد
شي غاب وطلع مسجون شيريد(شي رد
وهلي الما بيّنت منهم وصيه
_
لا رساله...لاجت وصيه ولارساله
شحاله... ولاگالو الفارگ شحاله
ليش شاله... الواجب اخونه ليش شاله
صارت بداله... اخونه الغرب صارت بداله
__
مو من طبعنه... نرافچ غرب مو من طبعنه
صوچ اهلنه... صوچ الزمان وصوچ اهلنه
من ضعنه... عزلو ضعنهم من ضعنه
يُمه عنه... دسألوا يلمغربين عنه
ويـگـلولـكـم زايــد دمـعنـه
++++++++++++++++++++++++
بقلم شاعرة اهل البيت ع المله
أم ريام دخيل الركابي✍...
تجدون التكمله في ديوان
الرأس المطبور والضلع المكسور
الجزء الرابع
#نعي
مِن المُخيّم للنهر متعنيه زينب حافيه
وتصيح يبن امي طِحِت؟!
ما بيك غير العافيه
خافَن عليك تأخَّرِت
خطواتي زغرهه الحرگـ لتگول عنِّي مجافيَه
ولَتگلِّي شخبار الخيم
خليني بس بيك انفِجِع هسه خيمكم طافيه
حرگوهه صَح واتحيَّرِت
ولو تدري چم مرَّه طحِت
بس المهم ليك اوصلِت وجروحي عنك خافيه
الما عِنده مِثلك بالحَرِگـ يحتار بس بروحه
والبالمخيَّم..
ينتحِب بسمك وناسي جروحه
يسحگـ النار وعالرمح
يحسين تربي عيونه
وشلونه گال المنْذِح ما گال جدمي شلونه
وآنا شعِفِت؟؟
بس الرماد وچم طفِل
مو مهم، بس انت المهم ما اريد عنهم انسئِل
الا انت اي شي ينحِمِل
مذبوح اشوفك واسألَك
يحسين ميِّت لو عدِل؟!
ما عندي بس حيره ودمِع
بس شثگلهن ، أنحِني ، والگه الشماته وارتِفِع
مو حگي ، شي ما ينحمل
هم گلك احَّد بالخيم كَسْرَت ضلوعك تنسِمِع؟!
حاچيني يالمالَك وجه ينشاف عن هالحاله
چم مره داست عالصدر يبن النبي الخياله؟!
مشكوله ذمته ازغر مُهر
مو جاهِل بحكم السحگـ
بس بمقاييس الصِدِگـ اكبر ذنب سوَّاله
حاچيني يل ... ما تنعِرف
نحرك ولا بطَّل نَزِف!
ما دَروا بحسين العَرِش وضلوعه مو مالت خسِف؟!
ليش الحوافر من اجه و دگـ الخيم تبراله
يحسين مرجع كلشي الك
يمَّك وصرت واتخيَّلك
يمكن الحافر قبٍّلَك
وشلون؟
المَّك ؟ ادعي لك؟
لو ابچي؟ بس خاف الدمع يگعِد جروح الغافيه
لتگلي شخبار الخيم؟
هسه خيمكم طافيه
#علي_كاطع_البهادلي
#اللهم_عجل_لوليك_الفرج
بويه شو رديت وعيونك غريبه
بويه سولفلي الجره وين الحبيبه
امنه وين بيا كتر
والله ماضلي صبر
من أمس لليوم كلبي ابلايه راي
كلبي عطشان ويريد الزهره ماي
والله مو مالت بعد انه بصباي
واليتم ذل البنت معروفه هاي
بويه اشوف اتراب ودموع بلحيك
لاتكول من الكبر لا هايه جيتك
وياك اخذني للكبر
والله ماضلي صبر
ــــــــــــــــــــــــــــــــــــــــــــــــــــــــ
انته داحي الباب بس مو انته ذاك
اعيونك تسولف دمع شنهو الوراك
ياعلي مخنوك جن دافن هواك
وعني متعطل دكلي العطلاك
كلشي بيك يكول دافنلك سمه
مو نفس حيلك علي حامي الحمه
بويه سولفي الامر
والله ماضلي صبر
ــــــــــــــــــــــــــــــــــــــــــــــــــــــــ
انه عندي احساس ماريده يصيب
شما اصد الشفتك بيهه نحيب
انه متاكده علي دافن حبيب
والدليل بهاي حيدر كله شيب
وياهه خل نموت لو عنه ارحلت
شلي بالدنيه بعد امنه ومشت
نستعد جانه العسر
والله ماضلي صبر
ــــــــــــــــــــــــــــــــــــــــــــــــــــــــ
حتى باب الدار جنه يصد الي
يدري هذا البيت هل اصبح خلي
جنه يدري بهل مسه راحو هلي
وللدمع وال اه ضلت بت علي
بويه بالتابوت سويلي مجان
فقط يم امي احسن ب الامان
بعد مايسوه العمر
والله ماضلي صبر
ــــــــــــــــــــــــــــــــــــــــــــــــــــــــ
شلون كلي شلون تغمض عيني
ياهو اليصبح عليه وياهو اليمسيني
زينب ابنيتي الحبيبه ياهو اليسميني
والكلب يشبه ضلعهه ومحد يتجيني
شلون دنيه تدفن كليبك بديك
والمصيبه بهاي محد يدري بيك
بعد مامنهه خبر
والله ماضلي صبر
مهند الشمري
حسين عودّني اَعله بابَه شمّا رِدتّ ينطِيني
مجلس للزهراء عليها السلام
(المقدمه)
بسم الله الرحمن الرحيم
صل الله عليك يارسول الله
(اللهم صلِّ على محمد وآل محمد)
صل الله عليك وعلى فاطمة الزهراء
المضلومه صل الله على صاحبة الضلع المكسور والخد المسطور صل الله على قلب زينب الجريح بمصاب امها صل عليكِ يا زينب الحوراء الحزينه
عظم الله لكِ الاجر يازينب بهذا المصاب
مصاب امكِ الزهراء ع ساعد الله قلبكِ
❥ــــــــ☆ــــــــــ●ــــــــــ☆ــــــــ❥
♦️(قريض) ♦️
♦️طور الدرج ♦️
ما حــــــالَ زينباً في هذهِ الايامُ
تَعيشُ فُراق أُمها والهجرُ والالامُ
قد اصـــــبحت غريبةً من بعدها
واصبحت دُنياها سوداءً وضلامُ
فـــــــــــــــقدت حنانَ الامِ التي
كانـــــت لها سنداً واماناً وسلامُ
♦️(طور المثكل)♦️
اجـــــــــــــركِ اللهُ يابنتَ فاطمةُ
في هذا المصابُ الذي كإنهُ سِهامُ
ســـــهماً وقد اصابَ وقطع قلبكِ
وقلبكِ في هـــــذا الحال لا يلامُ
❥ــــــــ☆ــــــــــ●ــــــــــ☆ـــــ
نكطع حبل الوصل وياج يوماي
بعد يومج عسه. لا طال يوماي
علي بدمعه يرش الكبر يوماي
مزن صبن دموعه عالزجيه
♦️(نعي شعبي) ♦️
زهـــــــــره ييمه لا تونين
كليلـــي يايمه اشتهيسين
وشبيها عينج بعد هالعين
يايمه ونيــــت اعله ونج
اشيوجعج خبريني عنج
بس لاتحـرمين يمه منج
البيج يمه كـــــــــون بيه
ياخيمه وتفيــــــــي عليه
اسم الله ييمه امن المنيه
مكسور ضلعج بــعد ضلعي
يمه عليج ادموم دمعــــــي
حال الهضم والضيم وضعي
❥ــــــ☆ـــــــ●ـــــــ☆ــــــ❥
(جواب الزهراء ع)
هنا مولاتنا الزهراء اجابت السيده زينب
وهيه متالمه..... تكلها
مايهــــــــــده يايمه ونيني
مكسورة ضلــــع لا تلوميني
تجري دمه ومسطوره عيني
يمه يزينـــــب موش بالايد
اعليه الوجــع يبنيتي ايزيد
مالومه روحــي وابد متهيد
گربـــــت من عندي المنيه
وداعة الله يــــــــل ابنيه
محـــتوم امري وهاي هيه
❥ــــــ☆ـــــــ●ـــــــ☆ــــــ❥
* ♦️المصيبه ♦️ طور المقتل
*اعلمو يامحبين لمادنت الوفاة من مولاتنا الزهراء اوصت امير المؤمنين بعض الوصايا ولما تمت وصاياها عليها السلام
*ثم دارت عينها بوجه امير المؤمنين والحسنين وبناتها وتوجهت الي القبله وتشهدت* *الشهادتين وغمضت عينها ومدت يديها ورجليها ثم قضت نحبها مظلومه مكسور ضلعها فبكي الحسن والحسين عليهما السلام ونادت زينب عليها السلام رحم الله من نادى معها اي وفاطماه
( هنا زينب ع بكت وقالت اماه لا تحرميني من حنانكِ اماه ابقي معي
(هنا الزهراء ع اغمضت عينها وفارقت روحها الحياة ساعد الله قلبكِ يازينب وكاني بلسان حالها
وهي تنعى امها.... اتگووول زينب)
♦️(نعي طور زريجي) ♦️
يازهرة حياتي شلون بيه
وانتي متــــي ابين اديه
ياريــــــت موتتنه سويه
اشبع قهر اخلاف عيناج
اشبع قهر يمه ابدونـــــج
صعبه ترى فرگة اعيونج
يابعد لوني اشــبيه لونج
بصوت الحزن ضليت انعاج
❥ــــــ☆ـــــــ●ـــــــ☆ــــــ❥
♦️(طور الگرناوي ) ♦️
عن لسان حال مولاتنا زينب عندما توفت امها
راح الحـــــيل مني وبادت الروح
مشت عني الحنينه وضوه عيني
گبال عيوني امي وجاها هالموت
بعـــــــد هيهات ترجـــع ماتجيني
بحاجتها بعدني وعمري ازغيـر
بعـــــــــــدها زغيره يايمه سنيني
صـــعب يفراگها ماينحمل ضيم
اعاشر مــــــــن بعدها بس ونيني
بثوب اســود اگضي هاي دنياي
وبـس نوحــــــي البعدها اليسليني
نوحي ما ابطله ودمعي همال
واصــــــــفگ عالمشت اثنين اديني
❥
♦️(نعي طور الفراق) ♦️
ابقي وياي//يمه يازهرة حياتـــي
ابقي وياي// بعدج يكثرن نايباتي
ابقي وياي// يمه احلفج ابغلاتي
شبگيني يمه//ترانـــــــي ابعازة حنانج
شبگيني يمه// وخليني انامن ابمچانج
شبگيني يمه// شبيها متغـــيره الوانج
❥ــــــ☆ـــــــ●ـــــــ☆ــــــ❥
(جواب الزهراءع)
هنا الزهراء ع اجابتها وقالت لها اعذريني يابنيتي لا استطيع احتضانكِ الان اضلاعي مُكسره
اعذريني //يمه ما اگـــــــــدر احضنج
اعذريني // مكسور ضلعي العذر منج
اعذريني // رايحه ابتعــــــــــــد عنج
وداعة الله //هاي لحضاتــي الاخيره
وداعة الله //اعذريني يل زغيره
وداعة الله //للگبر نعشي اشيله
♦️ابو ذيه ♦️
التعنه دارها. والنار. شبها
عله ياقوم احسبنه. وشبها
الحرم فاطم من الدنيه وشبها
حتى النار من عنده بريه
،
الليله دار فاطم. ونه بيها
خلت من النودها ون بيها
عليها يون حيدر ون بيها
هدم حيله يفراك الزجيه
♦️طور التخميس ♦️
هيهات للفرح من بعدها.
ومن بعد امي ايام سوداء
يالله.
نعي للامام الحسن عن اخيه الحسين
-----------------------------
يبن امي العزيز ونظر عيني
نويت اتروح عني وما تجيني
اخوك وما بطل نوحي اونيني
يعين الله الاخو الفاركَ اخيه
-------------------------------
مكَبل للمـــــــــنية شلون حاله
ومغــــمض العين ودمع ساله
وچبدتة بالطشت كلها كَباله
شلون بحال زينب هالمسية
---------------------------------
راح الچان الي بالبيت ونسة
يحزام الظهري وانكَطع هسة
يبو محمد شلون الروح تنسة
يريت الموت ياخذنة سوية
------------------------------------
اطلب للدار ماهو ابن امي بيها
مظلــمة تنوح من شايل وليها
خطارك يخــــــوية شحاچيها
راعي البيت شال وكَطع بية
أسالكم الدعاء رائد الاسدي
ماردته لاجــــــــن صار الفراك
وين امشي لمن كلبي يشتاك
سلتني حيل الفركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
مو حكي اذا كمت الهــــــــــوه ماشهكه
انـــــــــه الحــــــــــنين المايحب الفركه
بنار البــــــــــعد روحي اصبحت محتركه
يوجــــــــــع غياب الروحي حيل اتعشكه
الفاكدله غالي يعيش مهموم
وكلساع يبقى بذكره ملجوم
وغير الحزن مايلكه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
المتعــــــــــلكه روحي بروحه شو فاركني
و كلبي وي كل دكه صــــــــــفه يوجعني
اشماشوف صوره الحسره احس تخنكني
وضل دمعي مـــــــن ينزل جمر يحركني
صايـــــح براسي افراك العزاز
كلــــــــــساع اروح بغالي جناز
ودربي بدموعي مغركه كمت الهوه ماشهكه
انه علي انه انه عة لي انه
ــــــــــــــــــــــــــــــــــــــــــــــــــ
انه علي الفــــــــــارك أعــــــــــز احبابه
ومــــــــــو شدخ كلبي لا غميج اصوابه
انه الحــــــــــزنه مايضــــــــــمه انكابه
انه الدمــــــــــعته بكــــــل وكت سجابه
جناز رحت ودمعي سايل
شايل حبيب الروح شايل
وبكلبي صارت حركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
انـــــــــه علي الياحــــــــيف داسو بيته
انه الخــــــذ مــــــــــنه الكــــــبر عافيته
دمعي حـــــمر عله المــــــــــارجع صبيته
ليش بعــــــــجل فاركـــــــــني الحبيته
فص عيني كون اليوم ابجيه
بالكبر نام للمــــــــــيت عليه
كمت الجفن ماطبكه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
حسره بـــــــدليلي هــــــدمتلي اضلوعي
بالأخ يــــــــبدي ويـــــــنتهي موضوعي
ليــــــــل ونهار بخــــــدي تجري ادموعي
عاش الضــــــــــلام بروحي بعد شموعي
عاتبته بس مايسمع الموت
هضمه الخضار يضمه تابوت
اجفوفي تناطر ملكه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
اندل ســــــــــمه الله وللاســــــــف تاليتي
رديت ونــــــــــشد ويــــــــــن صاير بيتي
والنــــــــــفس خنـــــــجر كام يذبح ريتي
تتنــــــــــكع شــــــــما نشــــــفت جفيتي
متعوب من الفركه متعوب
ماجني ساحل هاي الدروب
جفيني صارت زركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
حسين عبد الزهرة الدراجي
نعي مفجع
أفــز وأتـذكـرچ بـالـلـيـل
وتــســعــــر نــار دلاّلـي
بـعـد شينشف ادمـوعـي
وموحش بيتنه وخـالـي
اطـب الحـجـرتـچ ضلمه
وصـورّچ تـلـتــم أبـالـي
رحـتـي ابـسـاع يـايـمـه
وموتچ حـلـم حـسبـالـي
بعدنـي ابـعـازت الـيـمـه
وغـابـت زهــرة أمـالـي
ابتدت دمعاتي يالـزهـره
وراح اتـعـيش لـلـتـالـي
ادري ابلحظه ما انـسـه
وأدري الـنـوح يحـلالـي
بجروحـي اصـد لـلـبـاب
وأسـمـه ايغيّر احـوالـي
يـذكرّنـي لـمـن دفـعـوه
اشما هَـزّه الهوه الـعـالـي
بـعـد هـيـهـات نـتـلاگــه
واغـفـه بحظنچ الـغـالـي
مشيتي وضلت الحسرات
كـلـهـه ودمّـعتـي اتـلالـي
ابوذيه
أيـات الــحــزن دهــري .. تلالي
وشـريان الگلب بُـعـدچ .. تلالي
مشيتي وضلت الدمعـه .. تلالي
ومـضلـمـه الدار يالـزهـره عـليـه
*------------------------*--------------------*
✍خـادم الـزهـراء ع
الشاعر رعد الجريخي
#استشهاد_فاطمة_الزهرا۽_ع
#مـۄسسـﮫ_مــﻥــبـريۄن_الحسينية
الناشر.احمد.الـــزوار.cc
ــــــــــــــــــــــــــــــــــــــــــــــــــــــــ
نعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي
ابو ذية
يدار امي دگولي اشبيج مابيج
عكب امي الحنينة بعد مابيح
يزينب للهظم والظيم مابيج
وبعد عندج مصاب الغاضرية
»»»»»»»»»»
يدارج نار كلبي من يمرهة
وفرح عكبج ييمة مايمرهة
علي الزهرة ابعضمتة مايامرهة
شلون النذل ياذيهة الزجية
»»»»»»»»»
تمت بحمد الله لشاعرة اهل البيت ام ابراهيم
*نعي للزهراء (ع) من ديوان عبرات وانين (ج9 خاص بالزهراء والإمام علي عليه السلام)*
*ابوذيه:🍃*
مصب الضيم دهري عليه ينصاب
فجعني بامي خله الگلب ينصاب
چادر حزن وسط الگلب ينصاب
على امي الحملت واگطعت بيه
❥━──➸➽❥❂❥━──➸➽❥❂
*نعي مجرد:🍃*
*-----------------*
يا يمه وچهچ ضيعيته
دورت عنه و ما لكيته
وحظنچ الدافي فارگيته
فراگچ تراني ما هويته
❥━──➸➽❥❂❥━──➸➽❥❂
ما احمل فراگچ وانتي تدرين
وعفتيني وحيده اصفج بالايدين
بعدچ عني وسفه البين
وانطي الوجه كليلي لا وين
❥━──➸➽❥❂❥━──➸➽❥❂
يا يمه يالكلچ محنه
اشم شيلتچ و اجذب الونه
واصيح بصوت يمه ردي النه
من عگبچ تره اطشر شملنه
❥━──➸➽❥❂❥━──➸➽❥❂
محتاجه يطيبه اگعد وياچ
واغفه سويعه بين يمناچ
مدري زماني و ين و داچ
رحتي يبعد اهلي وفگدناچ
❥━──➸➽❥❂❥━──➸➽❥❂
ردي ييمه روحي راحت
بتچ عگب عينچ ما ارتاحت
لطمت عليچ و حيل ناحت
ردي يالحنينه بصوت صاحت
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
لسان حال السیده المعصومه سلام الله علیها تخاطب اخیها الامام الرضا علیه السلام :
اجیتك يخويه من المدينه
إخت و اعله الاخو تدري حنينه
دولاب الدهر اشسوا بينه
طشرنه شماله و عن يمينه
........... ........
اخت و اعله المحنه ليك تسري
و انه طول الدرب بس انته فكري
و ادري ابحالتي يا خويه تدري
عليك ابشوگ بس ادموعی تجری
............. ......
وصلت القم و إجت الناس ليه
إجت و ستقبلتني إبكل تحيه
مو مثل اللي نادوها سبيه
وهيه بنت علي حامي الحميه
ك. حسن الكعبي
قصيده ثگيله الى دوران السنه الااحباب
والااخو والاااب
يل دارت سنتكم. ماتردون
طال فراگم واعميت العيون
ردو شبيكم وياي ??سنه دارت تره هواي
طال فراگم واعميت العيون
🌳🌳🌳🌳🌳
طال فراگم مضلم تره البيت
من. دارت سنه تعودون ياريت
من فرگه الاهل حيل انه ونيت
سويت العلي هسه انه ومشيت
احن واشتاگ الكم ??يل دارت سنتكم
طال فراگم واعميت العيون
🌳🌳🌳🌳🌳
يل درات سنتكم وين ماوين
بوجود الاهل جنه. مزهرين
طال فراگم ماگلتو. ماشين
بيوم الي مشيتو تروح هالعين
فراگ يشيب الراس ??سنه درات يهل ناس
طال فراگم واعميت العيون
🌳🌳🌳🌳🌳
سنه دارت يبويه وبيتي خالي
ياريت الموت ياخذني اشوالي
من درات سنه والدمع هالي
غير النوح والهم مابقالي
بعدكم يهدم الحيل ??ياريت وياهم انشيل
طال فراگم واعميت العيون
🌳🌳🌳🌳🌳
يل درات سنتكم اه يالاحباب
عفتو بيوتكم وسكنتو التراب
ضل مالوم گلبي وجمره عطاب
تدور اسنينكم وانتم بل تراب
جوانين الهجر نار ??نون ازغار وكبار
طال فراگم واعميت العيون
🌳🌳🌳🌳🌳
عفتو بيوتكم والبيت مهجور
هل درات سنه وانتم بلگبور
گلبي ضاگ فرگاگم ومكسور
گلت يمته تجوني والسنه الدور
ائيس،مايرجعون ??گطعيت انه الضنون
طال فراگم واعميت العيون
🌳🌳🌳🌳🌳
:
:
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹
#نعي
السيده زينب عليها السلام عند نعش امها فاطمه عليها السلام
انا بحلم لو صدك يمـــــــــي
المطروحه هاي اجنازة امي
يعني اليتيمه صــــار اسمي
واسود يظل للموت هدمي
ــ
فلو الچفن خل احــاجيها
زينب اگلها ياهو ليــــــها
نار البضلعج دوت بيـــها
يم المحنه جاوبيـــــــــها
ــ
طلعت ثوبــــــــــج گمت اشمه
مضموم يم زينب بدمــــــــــــه
الصدري امن ادنيه ظل يلجمه
ماشفته كون العيــــــــــن تعمه
ــ
حاجيني يمه جلمه وحـــــده
الماعنده ام جفنه اشيســـده
خليني انا اونينــــــي اهوده
لاجن ونين حسين شـــــــده
ــ
شتصير زينب بالله شتصير
بوالدها لو بخوانها اتحيــــر
للباب من اعيونها اتديـــــــر
تسمع بضلعج صوت تكسير
ــ
اتطشر شملنه واشيلمــــــه
شوفي اشعملتي بينه يُمــه
ياهو الفراگج ما مهدمـــــــه
ظل زلمه يتوجه اعله زلمــه
ــ
طحتي يخيمتنه الجبيــــره
ويتّمتي زينب واهي ازغيره
اخوتها يمها وجنها اسيــــره
حيرة اوداعج والله حيـــره
ــ
روحي بريت الذمه روحي
ماراح ابطله اعليج نوحي
بس مري بالعاشر يروحي
بيّه تره يكثرن اجروحــي
ــــــــــــــــــــ ــــــــــــــــــــ
علي محسن الزيادي
#اللهم_عجل_لوليك_الفرج
نعي وابوذيه للحباب
اريد ابݘي عليهم حيل ونهار
وغرك بالبواݘي شطوط ونهار
ونوحن من يجيني اليل ونهار
على احبابي الصفوحدرالوطيه
*
خلص ڰلبي على الي راح ماعاد
خذاه ا لموت غفله و بعد ماعاد
زماني ويه الااودهم ليش ماعاد
جفو ني وخلو النير ان بيه
****
روحي گضت والحيل نحلان
ويسوه البݘي عليكم يلحنان
شعاجلكم على نومت التربان
***
شعاجلكم على نوم الوطيه
كتلني الهضم و شلون بيه
وبعد شيعو د طبتكم عليه
***
ليش النودهم فارگونه
وشالو اهلنه وطشرونه
وبالگبر نامو مايجونه
*
با لگبرعد نه شكثر غا لين
يهل المحنه ولحجي الزين
شمالݘ يروحي بس تلوجين
***
بقلم الملايه هاله الامين
#الناشرالحسيني_حسين_جاسم_الطائي
#من_ديوان_مصائب_عاشوراء_الجزء_الاول_
نعي للزهراء عليها السلام
سمعيت ونه بهدوت الليل
يبست گلبي وهدمت الحيل
لگيت الزچيه اعيونها اتسيل
🏴🏴💔🏴🏴
ونت ورادت ما اسمعها
امكسر وماذيها ضلعها
تنشف دمعتي ويهل دمعها
🏴🏴💔🏴🏴
ونت اگبالي ودولبتني
وعيونها مورمه وعمتني
وكسرت ضلعها صوبتني
امتوني گالت يوجعني
🏴🏴💔🏴🏴
مريضه ولا گالت اشبيها
وعالضلع توميلي بديها
حنينه وعمت عيني عليها
🏴🏴💔🏴🏴
امست من الئالآم تومي
وتگلي نامي شلون نومي
ومن ونتچ زادن اهمومي
🏴🏴💔🏴🏴
ونيت يمها وگابلتها
عميه عساني ولا شفتها
امورم ضلعها ومددتها
🏴🏴💔🏴🏴
ونيت طول الليل يمها
وخليت همي فوگ همها
والضلع كلساع ولچمها
🏴🏴💔🏴🏴
بضلوعها كبرت العله
بخدها النذل نيشان خله
مانايمه امي الليل كله
ولوحملت نشبع مذله
🏴🏴💔🏴🏴
لو حملت نشبع مغمه
وكلساع اصيح احا ييمه
واشوفن ضلعها يسيل دمه
🏴🏴💔🏴🏴
ما وادعچ لا تودعيني
وياچ اريدن تاخذيني
لو ماتشوفچ شلي بعيني
🏴🏴💔🏴🏴
گبلچ عساها الروح ماتت
احوالنه اخلافچ ترادت
وبگلوبنه الهضمات باتت
🏴🏴💔🏴🏴
لو عاتبت شيفيد عتبي
عماني الهضم ماشوف دربي
ينطر عليچ ايريد گلبي
🏴🏴💔🏴🏴
كون الكسر بضلوع صدري
وگبل الحنينه انحفر گبري
وبكربله ماذبني دهري
اشوف الغريب وكسر ضهري
من صاح خويه انگطع نحري
🏴🏴💔🏴🏴
مو ضلع واحد شفت ضلعين
ضلعچ ييمه وضلع الحسين
امكسرات وفگسن العين
🏴🏴💔🏴🏴
كون الضلع ينشد واشده
واتچي لبو اليمه واگعده
واداري الجرح وصواب جده
والشمر ما خلاني اوسده
🏴🏴💔🏴🏴
كل البچي اعله مصاب زينب
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍ الشاعره ام هجران العمارچيه*
*صاحبه ديوان📚 صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
نعي لسان حال مولاتي زينب عليها السلام عندما رجعت الى دار مولاي الحسين عليه سلام
تقول
اشــوفن دارهم وحشه وخليه
وتـــــتنشد وينهم اهل الحميه
يزيــــنب رحتي وياهم سويه
اشــو وحدج اجيتيني وسبيه
هايا دارهــم بــــــــسج تعتبين
تـــره بعتابچ الگلبي تــــشلعين
عفتهم بالطف الواحد وسبعين
نـومه وعالترب كلهم مطاعين
بــــــــعد يادار عازيني وعازيج
مگدره وموحشه وغبار غاطيج
مــــن يوم المشو ضلمه مبانيچ
وحتى اعيوني ماتگدر تصد ليج
وبعد ان سمعت ام البنين بعودة السيده زينب اتت لتعزيها بمصاب اخيها الحسين ع ..كأني بالسيده زينب تقول 👇..
هــــله ابملفاچ يل ماقصريتي
ولخيي حسين بولادچ وفيتي
عـــــــن ولدچ ابد ماناشديتي
وبس لحسين المگطع بچيتي
ام البنين ع..👇
لا تــــحجين يايمه وتــــــشكرين
اهم شي كون عن اولادي راضين
بــــنيني انطيتهم فدوه للحسين
تمنيته عدل ضـــــنوت الطيبين
ايـــعينچ الله زينب عالمصايب
بالطف شاهديتي اشكد نوايب
ضيعتي الولي وكــــل الحبايب
ورحتي امــيسره بعد الاطايب
¢¢¢¢¢¢¢¢¢¢¢
تم بعون الله تعالى
ام زين العابدين اللامي
اســالـكم الــدعـاءلي والــوالدي
خلاف عينك بويه عذبني الزمن
بضعتك آنه البتول ام الحسن
**
يا ملاذ الدين يا عدل الكتاب
الكون ون لفگدك وذر التراب
وانكسر جبريل من عظم المصاب
حته عزرائيل خاشع گلبه ذاب
لونه غير و انتحب
وايده رعشت من گرب
وبالبحار الحوت لمصابك حزن
بضعتك آنه البتول ام الحسن
**
انته يا كوكب سمانا الما طفه
بعدك چفوف الشريعه مچتفه
ما رعوني الگوم جفنك بس غفه
منهم الطگات جتني مرادفه
بالسقيفه اتجحفلوا
ودين ربك بدلوا
وانته بعدك لا غسول ولا چفن
بضعتك أنه البتول ام الحسن
**
جيتك اشكيلك يبويه وحالي حال
هموم اجيتك شايله بثگل الجبال
راح عزي خلاف عينك والدلال
صار بيه الما يحمله وشاله بال
روعوني بلا ذنب
أمه نكصت عالعقب
ما رعو للقربى حق ولا ثمن
بضعتك آنه البتول أم الحسن
**
بابك الجبريل بيه صله و وگف
يتاني ترخصله ولا يرفع طرف
بضعتك خلفه العفيفه ام الشرف
حرگه الظالم ولا بيه اعترف
الباب من دفعوه حرت
وبيه لذت واتسترت
ضلوعي من عصروني بيه اتكسرن
بضعتك آنه البتول ام الحسن
**
وغرز البسمار حيل وگمت الوع
لن ثگيل الباب بويه عله الضلوع
بويه محسن طاح من ثگل الجذوع
وشبوا النار بثنيتي وطبني روع
الظالم بچفه اللعين
رد صطرني عله الجبين
چفوف حيدر بالوصيه اتچتفن
بضعتك آنه البتول ام الحسن
**
إنته محور كونه وقطب الفلك
دمعي علسووه خلافك يشكي الك
من نوالك جردوهم كل هلك
عيني عينك مني غصبوها فدك
مالچ ويه المصطفى
وبيدهم حگنه صفه
وچذبوهم ولدك حسين وحسن
بضعتك آنه البتول أم الحسن
**
وشوف حيدر بين صفين وجمل
والحسن مسموم مظلوم انچتل
گراب جسم حسين صار لكل نصل
وزينب انساگت سبيه عله الهزل
سياطهم تلهف لهف
وشلعت لحم الچتف
وكل بناتك بالحبال اتچتفن
بضعتك آنه البتول أم الحسن
**
محمد المشايخي
صفر 1445ه /2023م