-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
⬛️◼️القصيدة-3-◼️⬛️
نُحِرَ السلامُ وهُدّمَ الاسلامُ
واليأسُ حلّ وأوجسَ الأيتام ُ
جُرحُ الوصيِّ ِ علامةٌ لرحيلهِ
والموتُ أقبلَ والحياةُ ظلامُ
اللهُ ياشهرَ الصيامِ فجعتَنا
والحزنُ خيّم والعيونُ سِجامُ
كم جدّلَ الفرسانَ في سوحِ الوغىٰ
مستبسلاً من طبعهِ الإقدامُ
وبعزمِهِ اقتلعَ الحصونَ لخيبرٍ
وبشَطْرِ مرحبَ َتشهدُ الأيامُ
حارَت بهِ الأحزابُ أم من سيفهِ
ذاكَ الفقارُ بگفهِ صمصامُ
واليومَ ياكرارُ صرتَ بمحنةٍ
أسفي عليكَ تُحيطُكَ الآلامُ
قد كنتَ للإيتامِ كهفَ محبةٍ
وأباً لهم فگأنهُم أرحامُ
دارُوا عليكَ وفَجَروا عبراتِهم
وعلا نُواح ٌ والجميعُ هِيامُ
ومشاعراً أبدَوا لـِرُزئـِك سيدي
ووداعُهم حُرقاً وفيه ِ ختامُ
واستيقنوا ان المنيةَ قد دنتْ
وتبدَدت في فقدِكَ الاحلامُ
#سمير_الصالحي
#البصرة_الفيحاء
/channel/ShaikhSameerAlSsalehi
⚫️🏴نعي. ـــ مجردات
السيدة زينب ع تسأل إمامنا الحسن ع عن وضع أبيها أمير المؤمنين ع
زينب ع
يا حسن گلي شلون وضعه
يلوج ويون خويه اسمعه
مو عادته ولاهذا طبعه
وليش الحسين يسيل دمعه
الحسن ع
گلهه يزينب خويه شفته
ذبلان خلصانه مهجته
مسمومة ياويلي طبرته
چنهه دنت ساعة فرگته
وبَيـّن اوداعه وحان وگته
#سمير_الصالحي
#النجف_الأشرف
/channel/ShaikhSameerAlSsalehi
🔰الموضوع #استشهاداميرالمومنين عليه السلام
#شعبی
«نعي الی الامام علي ع»
خطاب السیدة زینب س:
خاف ایضیع من بعدك دلالي
و یهبط راسي البحماك عالي
ماني امعلّمه الفگدك یغالي
واشلون انظر المحراب خالي
الجواب من الامام:
أنه یمچ یبویه امصوّب الراس
و محد ما تشمّت بین هالناس
بس اشلون من ایطیح عباس
ابطیحة اخوچ الخیم تنداس
الجواب من السيدة:
بویه اشلون لو حرگو خیمنه
ما تحضرنه وبفیتك تلمنه
ریت امن العطش میصیر همنه
و یرجع سالم العباس یمنه
علیرضا الدارمي 📝
💠 عشاق الحسين 👇👇
https://eitaa.com/yyonesvhyonesvh
يحيدر ما يهمني العمر ... يورك
هلا بلموت كون الجفن ... ياراك
باجر يا علي لو صرت...ياراك
عليك الزهره خل عينك عليه
#ابيات_نعي
لسان حال مولاتي زينب:
زينب انه بنتك ما تحاجيني
يبويه الطبّر راسك ضيّع اسنيني
ابچي العمر لو ردّك دمع عيني
المحنه تموت بويه من تجافيني
شعجب وجهك يبويه ذابل الليله
لمحت حسين يبچي من يتچيله
القالع باب خيبر نزف كل حيله
اتشيل اهمومنه مو نعشك انشيله
متت يابويه بس عيّشت الجروح
ليلي من دفنتك صار للنوح
موقف مانسيته ومارضه ايروح
دم يجري يبويه وراس مفتوح
يم گبرك يبويه الدنيا اگضيها
فرحه العيد بس زينب يبچيها
ام عون ابيا وكت محد يواسيها
من جرح الجرح لاوين تاليها
الغريبه واليتيمه اسمعها مرتين
اليتم وياك والغربه اويالحسين
الشمر يبرالي كل اخواني ميتين
او مو للبيت لا للشام ماشين
خادم ام البنين ع :عباس علاوي البهادلي
✍️🏴أنت المعزى سيدي يا صاحب الزمان ... عظم الله اجوركم💔
✍️.. .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👤🧿....................🥺😭💔...خدمتكم شرف لنا
عندما اخرجو نعش امير المؤمنين عليه السلام نادت زينب ع على ام كلثوم ع شكالت
قصيده لسان حال زينب ع
جــيبلــي عباتي خل الحكنه
بته بعازتـه عيب اكطع ضنه
جيـبلـي عـباتــي لا يشيلونه
وأنـه بعازتي خلهم يجيبونه
طوله شلون بلمكبره يخلونه
ابـوي الراح انه اليوم اريدنه
الله يعيـن كلبي فاكد الوالي
تــدرون الابـو لوينفكد غالي
اضـلــم بيتنه وممرود دلالي
مــثلك ياسبع امنين اجيبنه
لمضـيعه ابـوهه تلطم اويانه
خل تعين زينب حيل حزنانه
كضيانه على الوليان كضيانه
بــكبور نجف هاليوم ادورنه
روحــي طالعه وتريد واليهه
الله يـعيـنها فكــدت اهاليهه
شال زماطهه ولامارجع ليهه
بعدني بعازته اشبع سمر منه
بعـدني بعازته وبعوز كعداته
وبــالي بعدها ذيج ضحكاته
وافـــرح حيل لوتكثر بطباته
{ ويــن الكاه // الــدلل بته }
تــــمت بقــــ✍🏻لم خادمه أهل البيت عليهم السلام
✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن
مو عطشانه لحد يسألني امن الناس
مو عطشانه عطشانه الوجه العباس
اول مره تصادف هاي
وديت الماي اعله الماي
*
يا اول حلم بالكون مني الدنيه ماخذته
كل ما اكعد ارسم ماي تطلع بالرسم انته
هذا الفوك متنك جود لو عبد الله ما شفته
انته اول اخو عباس يمشي وكلبه يم اخته
الامل يا عباس شفته بعيونك
والخيم ضلت وحشه من دونك
يابو الغيره ضليت انشد عنك وين
يابو الغيره ليش اوحيد تعوف حسين
كلبي اتكطع يا رجواي
وديت الماي اعله الماي
*
ما اكدر يخويه انساك اودعك ليش تجبرني
اذا لا سامح الله تموت جيب الي يصبرني
دخيلك لا تروح بعيد بيتامه لا تحيرني
اذا خويه ثلث مرات طحت يم جفك اعذرني
هذا شيب افراك بين براسي
يمك اتمنيت تخمد انفاسي
زينب انه وخلصت روحي بلايه اوداع
زينب انه طير ومذبوح اعله الكاع
لهفه الجيتك بيه اهواي
زديت الماي اعله الماي
**
هيه اشضال بيها الروح وفراكك يجملها
عباس اعله طاري الماي عطشت بالخيم كلها
جنت كل ما شفتني تكول زينب فدوه اروح الها
سكنه اعليك لو نشدت حاجيني شكللها
طاحت الرايه ودمعتي سالت
والزلم كلها اعله الخيم دارت
لتفاركنه مو حلوه الدنيه بلياك
لتفاركنه من تموت نموت وياك
صارت مدري اشلون وياي
وديت الماي اعله الماي
****
عاشرتك يبو فاضل ومثلك ما شفت عشره
وكضيت العمر وياك عالحلوه وعله المره
من كالو كفيلج طاح اجيت وبالكلب جمره
امن الخيمه لحد الماي متت يمكن الف مره
امكبعه بحزني وجيتك اتعثر
وعاينت جسمك بالدمه معفر
يابو الخوه يالمثلك ما شفت انسان
يبو الخوه انته ويحسين احله اخوان
اصفك يمناي بيسراي
وديت الماي اعله الماي
* ****
يعباس الزلم والخيل كلها اعله الخيم هدت
وكمت ياخويه بجفوفي اطفي اخيامي الحتركت
من كد ما اهواي الخيل نص اطفالك انسحكت
مره تلوذ بمره والنار بعبينه امن الحرك شبت
ترضه يا عباس خويه يسبوني
والشمر بالصوط يضرب امتوني
عكبك خويه ماضلت عباس اخيام
عكبك خويه هاجت بجروحي الآلام
اتحير فكري وتاه الراي
وديت الماي اعله الماي
****
تمت
تحسين الخفاجي
نعي إلى أمير المومنين
كبل العيد ابوي توادع وياي
مشا وما ظن بعد لدار يرجع
وجانا العيد وعرف تفرح ناس
وانا عيني بصباح العيد تدمع
أريدنك تجي وتسولف وياي
من ذيج اليالي عيب نشبع
كثر بيه الحزن ولون ولهموم
وحس بيه المصايب راح تطمع
شكثر مرن علينه ايام حلوات
يجيني يبوسني لو راد يطلع
المدللني شال وظمته الكاع
الجنت كل ساعه احشمه وليه يفزع
بعد لتظنها روحي تهيد ولها
تفكدك كل مسيه وزاد ولها
روحي مناطره على الباب ولها
امل رجعه ونرد نكعد سويه
دمعتي برخص للغالي بعتها
ورحي مناطره الجيتك بعدها
زماني الناس النودها بعدها
وبقينه النوح كل صبح ومسيه
ابو هاجر المجراوي
قناة أّئمًةّ أّلَبًقُيِّعٌ
یوسف الزهراءع 💔
#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
😭اباب الله علي معروف
بيته الجنه بيه نطوف😭
ـــــــــــــــــــــــــــــــــــــــــــــــــــــــ
نعي بحق الامام علي في وداع زينب لابوها
----------------------------------
تريد اتروح يابــــوية هضيمة
يبو الايتام تــــــــتركني يتيمة
عليك النوح يابــــوية لجيمة
وخليها الدموع اتحفر خدي
---------------------------------------
بشهر رمضان متعــــــودة يغالي
من يمسي المسه ويانة يوالي
ادور شــــو مچانك ضال خالي
فلا ظل ماي وسط العين عدي
------------------------------------------
تفاركني يــــــــبوية ولا تجيــــني
ما تســــمع بواچــــــيي اونيــــــني
لعمــــــيها لجل فــــــركَاك عيــــــني
احمل هالمصاب شلون وحدي
------------------------------------------
لا ام التساعدني اعلى وني
تعالن يالحــــبايب ساعــــدني
عباتك والهــــــدوم وياي ذني
اشم ابريحتك يابعد چــــبدي
-----------------------------------------
-----------------------------------------
نعي زينب تعاتب العيد
------------------------------------------
ياعــــــــيد اجيت شلــــــون جية
يتــــيمة ولا بعد عــــــــدي تچية
اجاني العيد بوية شلون بية
تعايدني چنت مصباح عيدي
------------------------------------------
متعودة اليــــــتامة عليك بالعيد
اذا اجوني وعلي كَالولي انريد
بس اصفك علــــــــيك الايد بالايد
يا دمعــــــتي البالعـــــــين زيــــــــــدي
-------------------------------------------
عيد الله اجة يالحــــــــدر التراب
تفك الباب منــــــته داحي الباب
اعاتب ماهي ظنة تسمع عتاب
اموت اعلى الكبر لو صاح بيدي
--------------------------------------------
--------------------------------------------
نعي وصية الامام علي لابو الفضل
-----------------------------------------
تعال اكَعد يــــبو فاضل اريدك
ايد اخــتك احطها اليوم بيدك
تظل وياك حد كَطعت وريدك
عزيزة مخدرة زيــــــنب وصية
----------------------------------------
يبــــــــوية ام الخدر عــــــدك امانة
بعــد لحــــــظات ومــــــفاركَكم انة
تشيعيوني وتظل تبچي ورانة
حنينة اختك يبو فاضل علية
------------------------------------------
يبو فاضل تظل بعدك غريبة
واشوفنها على الهزل سليبة
تنوح عليك ما تلكَاش طيبة
سبية تروح بارض الغاضرية
---------------------------------------
اسمعيــــــــني يزينب وانتة عباس
اخوكم بالحــــوافر صدرة ينداس
احفظولي الخدر مااريد ينجاس
واريــــــــدنچ عزيــــــزة وهاشمــــــية
-------------------------------------------
أسالكم الدعاء رائد الاسدي
مجموعة ابوذيات الى السيده الطاهره ام البنين عليها السلام
عيني أعلى الدرب كل ساع تربه
وصفت وي الدمـع والنوح تربه
لـوّن مـنــك بقـــت يحسين تربه
أشمنها لمّن تــدنه المنيـــه
*
روحي أعليك ظــل يسعر يمرها
الليالــي أبغيبتــك حنظــل يمرها
بعــدك لا فـــــرح يبنــي يمرها
الفرح يحسين من ترجــع عليه
**
كفيــل وادري يــا عبــاس كفــاي
ونذرت اچفوفـك وي اثنين كفـاي
أعيوني وي الگمر هاليوم كفـــي
حرام الشوف عگب ابن الزچيه
*
يگلبي وي الضعن امشي ويا گوم
ويـــا نــاس الجفـو عنك ويا گوم
الفــرح مــن غابو أعليه ويا گوم
وبعد هيهات ما نرهم سويه
بعد ان سمعت ابن حذلم ينعى الحسين سألته ام البنين واجابها
رسايــل مــن ضعنهم ليـش مايات
گلها حسيـن فـوگــه الخيــل مايات
صدگ صاحت على التـربان ميّـت
وضامي وداستك خيل ا ل أميه
*
تراب الطف الك صايــر وساده
واهــلك فخــر للعـــالـم وساده
فــك بابه الحـزن بعدك وسّـده
عليّه والعمر أصبـــح عـــزيه
الشاعر موسى البديري
أبو ذيات للعقيلة زينب ع
*
گضيت آنه الزمان ابأه ويّ اه
ويا ضيم اليجي ايجر ضيم ويّاه
فگد أمي الگلب نيران ويّاه
وچَمّل ناري ضيم الغاضرية
*
احترگنه ابنار طفنه وگوم طفنه
وسبب هالنار يالمنتظر طفنه
عماتك على البلدان طفنه
سبايه وبينه تتشمت أمية
****
حرت بين الشتم والضرب والتل
وهَدني الركض بين الخيم والتل
صرت آنه كفيله اعيال واته ال
جنت كافلني وعيالي سوية
***
مصابك يالگمر اصبح ورم صاب
دليلي العاش بمصيبة ورى امصاب
اعيش امصاب ويعدي واره امصاب
من جدي النبي للغاضرية
***
امصار السبي ابدلالي ورم صار
أفر امصار خلاني ورى امصار
عَلَي امصار تتفرج واره امصار
تتناشد عَلَي مَنهي السبية؟
****
شربت امحبّتك يحسين وان مال
الدهر ما بدلتهه ابملك وان مال
خدمتك ما يملهه الگلب وان مال
أبدله من يصح غيره ابأديه
*
شربت الصبر من امي لمن دار
عليهه قنفذ ابسوطه لمن دار
ابوي احترگ باب الهه لم اندار
على الطگني ويصد ابعينه ليه
***
المرار اخلافكم لينه ولف صار
يأمر صار اله انجاوب والف صار
ألف تشتم والف تشمت والف صار
ايصيح ابحجر أرموا الخارجية
***
سگاني الدهر من كاسه ولا حد
رَدّه وخَلّه لدموعي واله حد
عبرهه الزينب احدوده ولا حد
بقه من عدهن الا ومَر عليه
***
الشاعر قاسم الساعدي المندلاوي
نعي وابوذيات السيده زينب(ع)
صلى الله عليك يارسول الله،وعلى ابن عمك أمير المؤمنين،وعلى ابنته الطاهره بنت ولي الله الاعظم،واخت ولي الله المعظم،وعمة ولي الله المكرم، البعيده عن الاوطان،والاسيرة في البلدان،ام المصائب زينب.
ابوذيات
ذكر موتج ألم بالروح من حان
ودليلي انفطر بالآهات من حان
چثيرات المصايب ظهر من حان
ومتن ازرگ توسدتي الوطيه
شد الحزن دلالي سلاسل
مصابج جرح مايشفى سلاسل
صدگ دفنوج بالغربه سلاسل
ماكو خوان عندج بالمنيه
النعي
گضاها الذبح وفراگ الاحباب
والرووس العلگوها بحراب
شافت قهر نامت بالتراب
ماشافت من العمر راحه
وعافت ابن امها بالبراحه
والخيل داست على جراحه
لوماتت من الضيم حگها
البين بالخوان طگها
اليوم بغرب محد لحگها
بالموت ياهو گابلاها
ولاوالي من الطف اجاها
بديرة غرب محد وياها
ماتت ولاحملت الفرگه
بگلبها على الخوان حرگه
مثلهم احنان وين تلگه
حنينين ماشافت مثلهم
بوكت المنيه رايدتهم
بلمتهم يشيعون اختهم
رادت اخوتها يشيعوها
بطلعة الروح يشاهدوها
والجبلة الموت يعدلوها
ماتو گبل ماهي ماتت
ذبحوهم على الگاع شافت
فوگ التراب اجساد عافت
…… .تمت…………….
بقلم ام زهراء العامري
افه الحين عندي عيون يارين
ومابطل دمعهن دوم يارين
يعين الله دليلي حمل يورين
جفاك وفرحته الشمات بيه
راح الجان مسند ونتجي عليه
ويروحي حيل زيدي ونتج عليه
منشد حبل نعشه ونتج عليه
بهذيج الساعه ريت الموت اليه
تمنيتك عدل عباس تحضرني
تشيل أجنازتـي وبيدك تنزلني
غريبة غريبة
زينب عاشت وماتت غريبة
.................................................
شح حتــــــى الهوى من شحت أخبارك
ويبس غصن الوفه وموحش صفه دارك
لا أب لا أخـــــــــــــــو جا بيمن أتبارك
خلص عمري نواعــــــي وشوك ذابحني
تمنيتك عـــــــــــــــــدل عباس تحضرني
غريبة غريبة
زينب عاشت وماتت غريبة
.....................................................
حفر خدي الدمـــــــــــــــع يا نبعة الخوة
وحنى ضهري الحزن كمت أمشي بالكوه
ويلي لــــــــــــــــو دريت أفاراكك شسوه
الما يعرفني زينب عنـــــــــــــــي يسألني
تمنيتك عــــــــــــــــــدل عباس تحضرني
غريبة غريبة
زينب عاشت وماتت غريبة
.....................................................
من أيبان ليلــــــــــي وتنذبح شمسي
أوي الحيطان أسولف واكعد وأمسي
أرسم صورتك يا عزوتـــــي ونفسي
وأثوبلك دمـــــــــــع هلبت تصبحني
تمنيتك عــــــــــدل عباس تحضرني
غريبة غريبة
زينب عاشت وماتت غريبة
.....................................................
وصل حـده النفس والموت شاريته
واحســـــب ليلة ليلة وأنتضر جيته
عشت مدري بغيابــك عدله لو ميته
غريبة بديرة غربة ودهري دولبنـي
تمنيتك عــــــــدل عباس تحضرني
غريبة غريبة
زينب عاشت وماتت غريبة
.......................................................
بين الها أجه لا مـــــــا أجه وينه
يحضر كون عباس ويجي حسينه
سوالف طيـــف فاكد دمعته بعينه
لحد آخــــــر نفس طيفك يراودني
تمنيتك عـــــــدل عباس تحضرني
غريبة غريبة
زينب عاشت وماتت غريبة
.......................................................
صدك عازتها عازة الخوة مريوده
وكت شيل الجنازة أحيود مشهوده
ويلــــــي وعالنهر عباس وأزنوده
عفتك خويه بيمن بعد تدفنـــــــــي
تمنيتك عـــــــدل عباس تحضرني
غريبة غريبة
زينب عاشت وماتت غريبة
...................................................
خادم خدمة الحسين
الشاعر
محمد الموالي
قصيدة ثكيله بحق الاهل
دكه دكه بكلبي تصرخ ياهلي
من سفرهم بعد ما ردوا الي
لا خبر منهم اجه
بعد كطعيت الرجه
دكه دكه بكلبي تصرخ ياهلي
دكه دكه بكلبي تنشدني عليهم
وين شالو وين صار الوكت بيهم
كون نسمع خبر لو نسمع حجيهم
كلبي ينشدني وشكله
هل سفر ماهو بمحله
دكه دكه بكلبي تصرخ ياهلي
هل سفر اذاني ودموعي جريه
فاركوني وبعد مانشدوا عليه
بعد ما ردوا ولا نكعد سويه
خبارهم صارت بعيده
شال يا كلبي اليريده
دكه دكه بكلبي تصرخ ياهلي
حيل يوجع كلبي يافكد الحبايب
ينزف جروح واذيه وهم مصايب
والله عشنه خلافهم غربه وغرايب
من وكت وازاني وكتي
طشر احبابي وفرحتي
دكه دكه بكلبي تصرخ ياهلي
الوكت وازاني وتوازه واخذ كلشي
ريت مو نعش الاحبهم هذا نعشي
وكون دفانين بيه اهلي تمشي
حيلي منهد من اهدهم
يا بخت ذاك اليردهم
دكه دكه بكلبي تصرخ ياهلي
عونه كلمن عاش ويه اهله سويه
البيت يزهي وحلوه كعدات المسيه
هسه تمرد كلبي وحشتها وخليه
بس محاجيهم تمرني
الهم بشوك وتجرني
دكه دكه بكلبي تصرخ ياهلي
💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
ذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩🚀.................
ابو ذيات في حق لامام. الكاظم. ع
عمت عينه الدهر برخيص. سماك
الكاظم ونته ابو الحاجات. سماك
الظالم ليش. وبيا. ذنب. سماك
فجع كلب النبي وكلب الزجيه
بجت عيني عله امصابك تره دام
المصايب تفتر ابروحي. تره. دام
موش اليوم يالكاظم. تره. دوم
وضل انعاك لاخر نفس بيه
عله المسموم تبجي العين. وتسيل
وذابت روحي من الهظم. وتسيل
الشيعه عله الوعد تنتظر. وتسيل
ولنه عله الجسر بالكاظميه
الخادم
. رحيم الصالحي
الوكت ماحسبيت ايدور هالدار
او دمع عینی علی الخوان هالدار
رحت للدار لچن بعد هالدار
عگب اهلي صفت وحشه وخلیه
عیسی المنصوری
🔰الموضوع #استشهاداميرالمومنين عليه السلام
#شعبی
لما خرج أمير المؤمنين ع من داره الى المسجد وكانت زينب ع في تلك الليلة لم تنم مازال أبوها كذلك حتى اراد ان ينفلت الفجر إذ خرج أمير المؤمنين ع الى المسجد فأعترضه بعض طيور الأوز وقال مقالته المشهوره صوائح تتبعها نوائح هي والله الليلة التي واعدني بها حبيبي رسول الله ص و لزينب في ذلك الموقف لسان حال..
كـل مـا أنـــام أو أفـــز وألــگــاه
گـاعـد يـنـعى روحه أوروحه تنعـاه
أويـطـالـع بـالـنـجـم وأيصيح أوألله
أهـي اللـيـلـة الـوعـدهـا مانسيناه
عـرفـتـه مـايـرد وأيـسـت مـن راح
أو وراه طـير الأوز رفـرف بالجـنـاح
بعدني أبخوفتي أولن أسمع أصـيـاح
بالـمـحـراب طـگـوا حـيـدر أوطــاح
حـرت مـابـيـن أنشـده أوبين أخلـيه
أوعرفـته أيـظـم علـيه مـن أحاچـيه
نـدهـت الحسـن وأبهمة رحـت لـيه
قلق هاليوم أبـونـه اشصايـر اعلـيه
بـچـه أوگلي يزينب روحـي ودعـيه
ترى الطـارش بعد ساعه اويمر بـيه
گـلـت بـلـكـي الخـبر عـند أم البنـين
عِـشــرة عـمــر ويـــاه وأسـنـــين
بچـت گـبل النشـد وارخـت العـينـين
وصـانــي عـلـي وراح أبـوصـيـتـين
أعلى زينب ديري بالچ گـال وحسـين
أويـرد ويـعـيـد كـل ساع الوصيـتين
أويـذكـر كـربـلـه وأيـذب حسـرتـين
مـصـيـوب جـابـــوه اعـلـى أديـهـم
أودم هــامـتـه أيـنـگـــط ولـيـهــم
مـحـــد گـالـهــا أولادرت بــيــهـم
لـمــن هـيـسـت زيـنـب بـچـيــهـم
تـگــوم أوتـنـهـطـر طـبـت علـيهـم
أوتـصـيـح اللهُ أكـبـر ثلمـوا الـديـن
ابو زينب الياسري 📝
💠 عشاق الحسين👇👇
https://eitaa.com/yyonesvhyonesvh
#ابوذية
مولاتي العقيلة تخاطب مولاي الحسين روحي لهما الفداء
بونينك هرش گلبي ارجوك لتل
وتضل لوعة حزن وياي للتل
علي هجمت الخيل وهمت للتل
حِسبتك عدل وتلحگ عليه
(لأحد خدام الحسين)
#اللهم_عجل_لوليك_الفرج
مولاتي زينب
((نعي مفجع))
والـبـيـت خـالـي الـعيـد اجـه والبـيت خالي
شـمـل الـغـوالـي راح يـلـم شـمــل الـغـوالـي
وحـشـه الليالي صـارت تـره وحـشـه الليالي
ويـنـچ تـعـالـي يـم الـحـسـن ويـنـچ تـعـالي
حن اعله حالي حتى الحجر حن اعله حالي
ضـليـت تـالـي بـس بالـدمـع ضـليـت تـالـي
الـفـارگهه والـي يحـلـه البچي الفارگهه والي
عِـزي ودلالي تـوني افـگـدت عِـزي ودلالـي
مـامـثلـه غالي غالي الأبـو مـامـثلـه غالـي
*---------------------------*--------------------*
✍خادم امير المؤمنين ع
الشاعر رعد الجريخي
كأني بمولاتي زينب ع تخاطب أمير المؤمنين علي ع ليلة شهادته و تقول
ودّعتك الله و بعــــد چـم عام
موعدنه من ندخل على الشام
عالنـــاگة. انتظرك. و احبالي اباديه
تحضرني لو نادو. زينب يا سبيه
يا غربتي يا غربتي
ــــــــــــــــــــــــــــــــــــــــــــــــ ــــــــ
شفت الطف و اخوتي امذبحة اگبالي
من شفتك خضــــيب و دامي يالوالي
لحيته احسين حمـــــــرة شـو تراوالي
چا شيصير باچـــــر بابنــــــــك الغالي
دمك يابــــــويه الي نزف
لو هــذا دم احسين
و عباسي ليش ابلاية چف
ظلت تشوفه العين
يالجرحك. يـــراوينــي. جروح اهــواية للعاشر
و اكبرها . ضوه الزهره. تطيح اضلوعه بالحافر
من الظهر حتى ما يجي الليل
فوگاه تظـــــــل تِدَّابچ الخيل
يا ريتـــك تفزعــــله من يوگع رميه
تحضرني لو نــــادو. زينب يا سبيه
يا غربتي. يا غربتي
ــــــــــــــــــــــــــــــــــــــــــــــــ
مالي وياك ظلت الا چـــــــم ساعة
و يظل گلبي عليك ايچَّوي بأضلاعه
أودعك بين اخـــــوتي و ناري لذّاعة
و آ يحسين باچــــــــر يذبح اوداعه
باچر اودعــــه بيا وضع.
محبوبك العطشان
يا ويلي و الگاه عالترب
متمـــــدد و عريان
امن التـــــلة. اعايــــنله. ذبيح و ما عليه هِدمه
و عله اطفال و نساوينه. حرگـوا گلبه و خيَّمه
خنصر يمينه بالرمـــــل ضاع
و صيوان أخيته تفرهد ابساع
اندهـــله. يالضامي. گوم الحگ رقية
تحضرني لو نادوا. زينب يــا سبية
يا غربتي يا غربتي
ــــــــــــــــــــــــــــــــــــــــــــــــ
كل باچر نظــــرته ابجرحـــك الينزِف
و من هسه احسّه گلبي ظـــل يرجِف
بيَّه شلون لو ليــل اهـــدعش يكشِف
و عليَّ أشَّر شمرهم و الحــچي يكلِف
يَمّك و احس چني اركبت
مچتوفة فـــــوگ النوگ
و طارف عباتي محــــترگ
و چف ايدي هم محروگ
. لأطفالي أشد جرحي و احـــاول استرد حيلي
و كل حرمة. لون يوگع. طفلها اتصيـح الحگيلي
بيــن اليتامة و النســــــاوين
اگعد و اداوي راس الاحسين
ابچـــيله. و انظرله . تدمــع عينه اليه
تحضرني. لو نادو. زينب يـــــاسبية
يا غربتي. يا غربتي
ــــــــــــــــــــــــــــــــــــــــــــــــ
چنت بيدك تطَّفي ادموعي من تلهب
عليَّ تكلــــــــف فرگتك يا صبـر زينب
ابنيتــك بويه عگبـــــك راح تتســـلب
و عله الهزلة تريدك يَمّها مــــن تركَب
كونك تعوف ارض النجف
و تحضر الي بالحال
حارس اريـــــدك بالضعن
توگف على الاطفال
ما عــــــدنه. يظل والي . ذبح يگضون اهالينه
و شصير انه. لون يهجم. مُعسكر كامل اعلينه
من السياط احميلي الازغار
و خليني اشاگف انه الاحجار
لايتامي ما توصل. كون الهم أذية
تحضرني. لو نادوا. زينب يالسبية
يا غربتي. يا غربتي
ــــــــــــــــــــــــــــــــــــــــــــــــ
بسوگ الشام آ الشام مـــــــن ندخـل
شيجي ابالك علينه اهناك راح ايحـل
حِزَم بوية العصي فوگانه مـــــن تنزل
و نظرات الشمــاتة يا علي تكــــــــتل
تبَّت يـــــــدا أبي لهب
و تبَّت اديـــن الشام
باچر يجمعون الحطب
عالنســـوة و الايتام
يضربونه. و يشتمونه. سباية و حالة حالتنه
و الاكلَف. قصر ندخل و تطول اهناكه وگفتنه
من ندخل الها ينعلن عيد
و اعلينه كلها ترفع الايد
يهضمني يالوالي ديوان ال أميه
تحضرني. لو نـــــادوا. زينب يا سبية
يا غربتي. يا غربتي
ــــــــــــــــــــــــــــــــــــــــــــــــ
الحمدلله
#علي_حسين_الكناني
نعي بلسان حال زينب
وكاني بها تقول
علي بووووويه
امدد ياعلي بويه شبديه
منين اجتلك هالمنيه
ادري تشيل وهاي هيه
لانته لاامي الزجيه
ياعمله الكشره عليه
انه الونين وانه بائثر ونه
..................
ياشوفي ماوسده بالعيون
مدد حذاي وموش بالهون
بويه صواب راسك غير اللون
اشوف خوتي لجلك يونون
سمله عليكم من تشيلون
خافن اهل كلبي يحملون
عون الذي ترفك اهالها
.............
مامش دوه جا بيش اداويك
لتنشري بكل حيلي اشريك
اتغيرت بيه معانيك
حيلي يطش لمن اصد ليك
بضلوعي لو بيدي اخليك
وسفه تون وماد رجليك
نايم تون شلون بيه
✍️ العلويه ام رقيه
الموسوي
نعي للأمام علي عليه السلام
مانام ابو الحسنين موجوع
يون بونين الموش مسموع
زينب گلبهه اليوم مفجوع
ينفجع گلبي اتگول كل يوم
ابوي انطبر مايگدر يگوم
دمه يصب والراس مهشوم
بسيف النذل راسه تهشم
وعله اوسادته يتناگط الدم
والكون هم وحزن غيم
هم ومصايب غيم الكون
عله والدي اتجسر الملعون
ساجد ويضرب هامته اشلون
اشلون ضرباه بسجوده
هبت الدنيه ارياح سوده
لو شال ابو اليمه شيعوده
مايرجع المهيوب لو راح
من يامصيبه الگلب يرتاح
كل يوم لن بدارنه اصياح
كل يوم لن اصياح بالدار
بعدني بعزه امي ومشه الكرار
عافونه نبچي اكبار وازغار
عافونه نتباچه عليهم
العيد اجه وانريد ليهم
امحملين واعلينه شبديهم
اشبديهم عله الضلوا وراهم
الموت اهالينه خذاهم
راحو فرد روحه شجاهم
راحو ولانشدوا علينه
چا كون وياهم مشينه
من وحشة الدار انعمينه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
نعي في مصاب امير المؤمنين ع
ينصاب الك مجلس عزه بالروح ينصاب
اودمعنه وي دمع جبريل ينصاب
المثل حيدر شلون بسيف ينصاب
واله نشان ابسيفه بكل دعيه
هــاماي يحيدر هامـــــك المصيوب هاماي
اوكثر والله بغـــيابك علي هاماي
حرت دمعي شأوصفه دمه هاماي
مسحت الدمع لـــن عيـــــــني بديه
ويروح
يمن وياي احسك روح ويروح
ترسني اجفاك ضيم وهظم ويروح
يندار الــــــــزمن والكون وايروح
فــــــــده لتراب حماي الحـــميه
الشاعر والرادود
كريم جبار العطواني
#الكاتبة:🕊 عٌـِـِِـِـشقي للمــــهدي لايـــــنتهي 🕊
بصوت ملا وليد عبد
ابوذيه نعي لسان حال الامام زين العابدين السجاد ع عنده دفن ابيه الحسين ع
اشلـون اشـرح حزن گـلبي ٠٠٠ ولالام
عـلى المالـه ابـــو يــفـــزع ٠٠٠ ولالام
مـحـد شــايـف الــشــفـتـه ٠٠٠ ولالام
جسـم طاحنته طحن خيـول امــيــه
#الشكرلله خادم الزهراء ع ملا علي
#نسالكم_الدعاء298
#نعي
يالرايحين لأخت الحسين
جيبولي منها جرح جرحين
ماعندي بس عيوني الثنين
يبجن علـه الطبت دواوين
~~~
يالــــــرايحين لگبر ام عون
حفاي كون هـــــناك تمشون
فزعة عــــــرب الها تفزعون
ومـــــــسبيه يمها لا تگولون
~~~
كمت انه احس بروحي تقصير
وعيوني صـــــوب الرايح ادير
الليل لو چـــــن مدري شيصير
بيا جـــرح كلبي يصفن ايحير
~~
امنيتي انعه هــــــناك ع الباب
وبدمعـــــي ابلل ذيج الاعتاب
زينب غـــــريبه بنص الاجناب
وجرحي الچمه لو هده وطاب
~~
كــــــون اليروح منگب يروح
وينعه نعاوي اطـــــــلع الروح
ويتخيل شــــــــما دار مذبوح
بالرمح طــــب بضعن مجروح
~~
بـــيرغ عليج الليله ينشال
وينذب عليج اليــوم العكال
نكلبهن اعله الـــــــنار الدلال
المايبجي لاجلج موش ريال
~~
حگها الــــزلم نصبت جوادر
واتــــــجوت اعليج الضماير
غير انتي بـت شيخ العشاير
بت اللذي لــــدين الله ناصر
''''''''''''''''''''
عزيز المياحي
#نعي
السيده زينب اتخاطب العباس روحي فداهم
نـايـم عـلـيـك النـاس شـتـگـول
وركضن خـواتـك بـين الخيـول
اگـعـد يـوارث فـحـل الـفـحـول
هـز رايـتك وبـحـومـتـك صـول
عدوانك مبـغـظه ومـوش اجـاويـد
تـسـبـي الـحــرم وخـيـامهه أتـريـد
صــول بـــعــزم ونـهـض يـصـنـيـد
يـالـسيـفـك يـذل الـزلــم ويـصـيـد
جـسـرو علـينـه وطـگـوا أمـتـون
وبـيـن الـعــده شـافـتـه الــعيـون
خـويـه انسبـينه ونـايــم شـلـون
يـامـن چـنـت بـالـحـرب طاعـون
✍خـادم الـحسيـن ع
الشاعر رعد الجريخي
#اللهم_عجل_لوليك_الفرج
في. حق. الطاهره الزهرا۽ ع
شايله احساسج عطر هيل. ييمه ييمه
روحي. بغيابج نجم. ليل. ييمه ييمه
جرحي من فكدج دمه يسيل. ييمه ييمه
جاوبيني. وكلميني
ييمه. ييمه
-----------------
يطحن ابروحي حنيني. وغرك اعيوني الدمع
حالي يمه. مثل. حالج ذايبه. مثل. الشمع
وابتدت رحلت عذابي. وقصتي صارت ظلع
زغيره علهم والمصايب. ليش يحبيبه انفجع
بروحي احسن بعدج اسهام. ييمه.ييمه
اسوات. ابدلالي. اليام. ييمه. ييمه
الدنيه صارت كله اوهام. ييمه. ييمه
ارحميني . وكلميني
ييمه. ييمه
----------------
يمه خالي البيت بعدج. وجنه وحشت مكبره
حتئ نورج طفه بعيني. وبعدج. انه. مكدره
وين. رحتي. يالحنينه. وعفتي. زينب حايره
خذتي روحي من مشيتي. ونتي بحظان الثره
يمه رجعي فدوه لدار. ييمه ييمه
ارد اسولف عندي اخبار. ييمه ييمه
بروحي تاكل كامت النار. . ييمه ييمه
شاهديني. وكلميني
بيمه. ييمه
-------------------
اليتم توني عرفته. من بقيت بلايه ٲم
والزغير الفاكد امه. يعيش اهات والم
هاي دنيه وبيه شفنه. شكثر حسرات وندم
المن. يسولف مصابه. المن حنان امه انحرم
من تصد اعيوني للباب. ييمه.ييمه
ظلعي بالبسمار ينصاب. ييمه.ييمه
هذا جرحج بيه ماطاب. . ييمه ييمه
ساعديني وكلميني
ييمه. ييمه
------------------
كلشي يتعوض ييمه. بس حنانج مايرد
شلون عفتيني وحيده. وهذا نيشان البعد
من اصد محرابج. انه. ينمرد. كلبي مرد
ٲشبك اهدومج ونوحن. ورتوي بعطر الورد
شلون عن زينب تروحين. ييمه ييمه
بعدج. يسليني. الونين. ييمه. ييمه
ماتنام. وساهره. العين. ييمه. ييمه
سامحيني. وكلميني
ييمه. ييمه
-------------------
يمه من اذكر مصابج. واذكر المحسن ذبيح
وظلع مهشوم شفته. ويلي يالزهره اصيح
يمه راح الحيل كله. ساعه اكوم وساعه اطيح
نزف دمعي كام يجري. وفوك خديني يسيح
حلم عمري بروحتج مات. ييمه ييمع
شايله بدلالي. حسرات. ييمه ييمه
بعد مانتلاكه . هيهات ييمه. ييمه
ريحيني. وكلميني
ييمه. ييمه
--------------------------
للشاعر. رحيم. الصالحي
#شور
وگف گلبي
يهل زينب الحگولي وگف كلبي
وگف گلبي
مو خِواني وادم غربه البگربي
الهزل ماخذني ما ادري يروح الوين
وموش حسين رد وياي راس حسين
عفت ذاك الكافلني اعله الوجه مكلوب
بس ذوله البقو وياي ما ميتين
مخنوگه وأجرن بالنفس گوه
وهذا الشمر باليني وعلي بلوه
كلساه جاب راس حسين كدامي
ويكلي هنا يزينب باوعي الخوه
.
.
.
ذبل عودي
جزه الخمسين عمري والسبي يكتل
ذبل عودي
وهاي النوگ يهلي بالمشي اتعلعل
ضعن كله عبي وما بينا الليقاتل
صلفه الوادم و اني بلا كافل
هلي وريچي نشف ومن كثر المناشغ
من طاحو اخوتي اتمرجل العايل
ضيعني الوكت ركضني محنيه
چا تالي العمر عالهزله مسبيه
المثل زينب مره ترتاح مو تركض
هلي وجروح گلبي الف وتسعميه
.
.
.
.
يعوفوني
ابد ما حسبت وحدي يعوفوني
يعوفوني
ورماد اخيامي يترس ريتي وعيوني
حيره وكلشي اشوفه اعليه متزاحم
أطر عالخيل ما ادري على الوادم
عطشانه وبعد ما اشوف البصفي
تمايلت وطحت يم حنت القاسم
جبيره كربله واتلفت ابوحدي
حتى العدل بالطف ضاع من عندي
الِم بحسين مدري أطفاله الممنهم
حرت ابدي بعياله مدري بي ابدي
.
.
.
.
شطيبني
ولا يبرد گلب زينب يهل زينب
شطيبني
يضل طول العمر مخنوگ المسلب
الجرح البيه ما ينلم ولا يشفى
نار الطف طفت بس ناري ما تطفى
مو طعنت رمح واكعد واداويها
أنه الشافت رقيه اعله الرمل تغفى
أنه الشافت القاسم سابح بدمه
الصاحت ويه ليلى يالولد يمه
خبزه بحلگ جايع ضل اسم زينب
أنه الشافت حسين وطلعت سهمه
الشاعر عبدالله الشويلي
نعي للأمام الكاظم عليه السلام
نعي گرناوي :
شالوا جثته وعالجسر شمروه
چنهم مايعرفونه الحماميل
هاذه ابن الزچيه وسبع بغداد
اشلون اتبات بمتونه الزناجيل
ثلث تيام ضل النعش مكشوف
مصيبه امصيبته وتهدم الحيل
محد غسله وعن الشمس غطاه
مثل حسين دمه ايهيل وايسيل
تعذب ياعذاب بسجن هارون
ضاك الضيم والشوغات والويل
كشف عنه الطبيب وگال مسموم
مايدري الرضا بهاي التفاصيل
ياهو الياخذ بثار الغريب اليوم
واهل الثار بالحومه مچاتيل
ابوذية :
جرع شوغات وامصايب (متنعد) متنعاد
وفلت عشرة الكاظم متنعاد
ياسجان خليله (متن عاد) متنعاد
ليش امچتف امتون الشفيه
نعي مجرد :
بالسلسله اشمالك امچتفه
يسجان چنك ماتعرفه
ضل عالجسر مشمور كلفه
ياحيف والله وياحسافه
مشمور گضاي الكلافه
مايگدر ايحرك اچتافه
اشلون يتحرك المچتوف
بالسم گضه ولايگدر يشوف
وگلبه انمرد واللون مخطوف
گلبه انمرد واللون مصفر
صيحوا يشيعه الله واكبر
السم كتل موسى ابن جعفر
نعي طور الفراق :
وين بته ... خل تجي ابساع وتودعه
وين بته ... للنعش ينراد دمعه
وين بته ... ليش ماواحد امشيعه
وين بته ... مات والمات شيرجعه
لشاعرة اهل البيت
ام هجران العمارچية
غير مبري الذمه من يمسح اسم الشلعره او ينسب الرثاء لشخص اخر
نعي بحق الامام الغريب موسى الكاظم(ع)
العشيره للوكت تـــراد عـــازتهه صـــدگ عـــازه
اليموت ابين غربــه اشلون ياهو ايشيل لجنازه
مهيوب الهله ايحضرن وتشيّعه بهيبته اعــزازه
اخوته وكـــل اهـــل بيته بحمله اتگوم تتوازه
*---------------*----------------*
ويلي الغربت المسموم مـــحــد غمض عيونه
وإمـــام الــرافضـه هـــذا ثلاثه اللي يحملونه
أجيب منين اهــل بيته وخلي الكل يشيعونه
ويرفرف بيرغ الاحزان ودفنت عِــز يدفنونه
*---------------*----------------*
وحــشــه اجــنـازتـه ياحيف ماواحد حضر يمه
المــثـلـه كون يــتــشــيــع وتوكفله الزلم حزمه
هــذا ايــغــمــض عيونه وذاكــه ايــردد بأسمه
لچن شلفايده المسموم طرحوا عالجسر جسمه
بحديد مرضرضه ساكه ويذكرنه بأبـــو اليـمــه
*---------------*----------------*
✍ خادم موسى ابن جعفر ع
الشاعر رعد الجريخي