-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
يحسين الحرم بحماك خويه اتطول النومه ؟
يبن أمي العلى التربان جسمك تارس الحومه
*
جينه ونار بالخيمات
ما ندري العدل والمات
هذا السلبوه وطاح
ركضت ونه علونات
نركض خويه مدري الوين
كلهه تصيح وين حسين
وين الوالي دربه منين ؟
عين وظل تناشد عين
يحسين ،، الطفل سحگوه
يحسين ،، العلم حرگوه
يحسين ،، الوجه مسطور
يحسين ،، الگلب منحور
جيناك ونريد انشوف طولك خويه ورسومه
يبن أمي العلى التربان جسمك تارس الحومه
****
بعدك خويه ضيم هواي
من فدوه العطش والماي
كلشي الطولك المهيوب
غير انته الاخو الحماي
يحسين وصدگ مذبوح ؟
وسفه اعله الترب مطروح
خويه جروح فوگ جروح
يمك ردنه ما مسموح
يحسين ،، العطش چتال
يحسين ،، وبلايا رجال
يحسين ،، ونروح الوين ؟
يحسين ،، وبعيد حسين
محد من اهلنه أيگوم وين الوالي وعلومه
يبن أمي العلى التربان جسمك تارس الحومه
**
هونك يا رمح خليه
نزله وخل اشمن بيه
هذا الغالي اخذني وياه
مني بعيد لتوديه ؟
رافع راسمن تدري ؟
هذا اعبايتي وخدري
يم نحره وخلص عمري
اجيته ومختنگ صدري
يحسين ،، وعماني الصار
يحسين ،، الشتم والنار
يحسين ،، الحبل جابوه
يحسين ،، وبدي شدوه
گوم افزع يبو النوماس جيتك والله مهضومه
يبن أمي العلى التربان جسمك تارس الحومه
**
وين انروح من الشام
وانتم روسكم گدام
نركب هزله خويه حسين
ما دام الاخو ما دام
يا ليل البعد يا ليل
خلصنه الدمع والحيل
فوگ الناگه گمنه نميل
شامت بينه گام يعيل
يحسين ،، وركبنه النوگ
يحسين ،، ودخلنه السوگ
يحسين ،، وشمر حداي
يحسين ،، تعبنه هواي
زينب ياهو يمشي وياي من اخواني محرومه
يبن أمي العلى التربان جسمك تارس الحومه
****
خلصت وانتهت يلحيد
منك رحنه خويه بعيد
تدري الحادي مو عباس
نمشي وبس دمعنه يزيد
نمشي ونلتفت يخوان
تعبان بظهر تعبان
اه يا وحشة الوليان
هسه الحادي ياهو الچان ؟
يحسين ،، الاخو مذبوح
يحسين ،، الكمر مطروح
يحسين ،، ولفانه الموت
يحسين ،، وگطعنه الصوت
مالومه ومشت للشام ها يحسين مالومه
يبن أمي العلى التربان جسمك تارس الحومه
كلمات الخادم / رعد الفريجي
#نعي
مولاتي العليلة وهي تنتظر رجوع ابيها الحسين عليه السلام وعياله
الشمس من سلهمت بعيون الغروب
ونــهـار الـبـلد كـف اعـلـــه ليلـــــــه
تچن گامـــت الناس وتغلگ الـبوب
ورّوح كــــــل خليل اعـــله خليلــه
ضـــلام الــيـل گـطـع كـل الـدروب
وهـم اليـــل یــا گـــلب الــيــشيلـه
بـيـن الـدور ضـلـت روحـــه اتـلـوب
والمـــــدلولــه ونـــتــهـه ثـــجــيلــه
تـجـلب الـيـل كـلـه ابـلـوعــة ايـوب
ومـن عـظم المــرض صارت نحيلـه
تــحن روحــه اليـفارج فـرد محبوب
اشـــحال الـــفــارگت گومه وقبيلــه
ونتهــــــه تكــسّـــــر صـم الـگـلـــوب
اوتــديــر الـوجهه لله وتـشــتــكــيلـه
يلـــرديـت يـوسـف عـلــــه يـعـگـوب
تــره دمــع الهــجر يــحرگ مـــــسيله
انـه گـلبـي اعله شوفت هلي ملهوب
واخــاف اتــصـير فــرگتهم طـويـله
مـا تـدري ابـدهـــرهــه دار مـگـلوب
وگـلبـــهه بـعـــد مـايـبرد غـليلــــــه
ظـعـن احبابـهه مـاتـدري ياصـوب
مـن ريـــح الـزلم بـس ضـل عليــله
لـن تسـمـع منادي ابـصوت منيوب
يـنادي الظـعــن راجـع مــن رحـيله
طلـعت فـاطمـــه واتـعـثـر بلـثــوب
تـشـوف الـنوگ تـعبانه وهـــزيلــه
بـس نـسـوان ظـعن الـراح مهيوب
لا راجـع احــسـيـنـه ولا چــفـيلـه
الشاعر عزيز الفيصلي
#اللهم_عجل_لوليك_الفرج
قناة أّئمًةّ أّلَبًقُيِّعٌ
یوسف الزهراءع 💔
قصيدة وعظية (وزن تجليبه)
مشت عنك الناس الچانت اتهمك
ماضل باللحد بس العمل يمك
★★★★★
اسهام الحذر يوميه عليك اتفوت
ولابد مايصيبك منها سهم الموت
تغسيل وچفن تالي ونحيب وصوت
يامهيوب ينحط جسمك ابتابوت
من التابوت لتراب اللحد جسمك
★★★★★
بدارك نايحه اهل وربع تنعاك
من دار الاهل تحت الترب مثواك
رَدِّتّْ كلها عنك يلصفيت اهناك
ضل بس العمل وسط اللحد وياك
انخط تاريخ موتك علگبر واسمك
★★★★★
نصبوا مآتمك أحباب ملتمين
وبعد يوم اليمر ينشال لومين
وذكرى اتصير بعد الشهر لوشهرين
وللنسيان أمره الماتشوفه العين
بس ذكره على الحايط يضل رسمك
★★★★★
يلمثل الحمامه روحك على الدار
تريد تشوف بيهم ماجرى وماصار
مشغولين عنك يلتريد أخبار
كلمن خاص وكته وبلوكت محتار
وهمهم بعد صاير مو مثل همك
★★★★★
اعمالك لوقليلة وبالندم ضليت
ماتخسر اذا بهل الكرم ناديت
المحامي بالقيامه اهناك اهل البيت
ويتبره الذي من لحمك ودمك
الشاعر حسن لعيبي الحريشاوي
#ابوذيات
السيده زينب ع تخاطب أخيها الحسين ع
علي ضيم الفراگ شلون شجراه
ودمع عيني عله الوجنات شجراه
يخويه اعليه حسره افياي شجره
الشمس والسوط يتگاون عليه
يخويه حسين گلي شلون حالاك
عفتك عالرمل والليل حالاك
صدگ گالو وحوش اتحوم حالاك
وهيه اشخلّت خيول آل اميه
سيد غالب الرضوي الكربلائي
#اللهم_عجل_لوليك_الفرج
حرق بيت الإمام الصادق (ع)
عليك الدهر يالصـــادق تراها
وملامح كــربله عيونك تراها
النـــــــار الشبّت بـدارك تراها
نفس نــــار الخيم بالغاضريه
فراس المحمداوي
تلاگن من بعد غيبه طويله وشبگت حيل زينب عالعليله
صاحن هنه الاثنين آه ياريحة حسين
****
من بعد غيبه التقن تعاتبن وتشابگن صاحن حسين وبچن
ضيم مر عليهن
تگلها عمه وين ابوي ولا علي وعبدالله اخوي عمه بس لا مات ابوي
آه ياوليهن
تدور طلعت ودمعتها بالعين ابوي حسين وينه
ماتدري الحوافر سحگت حسين وجسمه مگطعينه
بالطف مادرت ماظلت عيون براس حسين من گامو يهوسون
جرحو گلبي جرحين آه ياريحة حسين
*
من طلع ضعنه ورحل گتله اخذني وماقبل كلها راحت وانه اظل
ليش ما خذاني
كمت اشم بيه وبجيت غير اخذني ماحجيت گلي ارجعي ونحنيت
حيل عذباني
رحل واكسر الخاطر بعده ظليت وبيتي اظلم بدونه
رساله الكربله بدموعي وديت اريد اعرف شلونه
من شاف الرساله والدي شگال تاخر ما رجع من عنده مرسال
انتظرت ودمعي بالعين آه ياريحة حسين
**
عمه وحنه بكربله وصل مرسالج اله انحنه عليه وقبله
صاح ياغلاها
يقره ودموعه تهلي الك مشتاگه وعلي بويه هم مشتاك الي
طاح من قراها
صاح اهواي الج يبنيتي مشتاك ومو هين اعوفج
شسوي وراح بويه ايطول الفراك وبعد ما ضن اشوفج
ما ارجعلج ومرسالي الجروح زينب من تگلج ضامي مذبوح
خايف لا تموتين آه ياريحة حسين
**
عاشر محرم جرح حرگ الخيام وذبح وراس ابوج عله الرمح
ذاك دامي نحره
ظل ابوج عله الثره ضلوعه حيل مكسره والشمر حز منحره
وحيل رفس صدره
عله صدر حسين گامت تسحك الخيل وجسمه طشرنه
هذا يسلبه ذاك ايطعنه بالسيف الحوافر عذبنه
رحتله وبس لگيته اهوايه تعبان أگله شيوجعك ويگلي عطشان
اصبعك گتله جا وين آه يا ريحة حسين
**
طاح عمج عالنهر وظهر الحسين انكسر بعينه صابوه الگمر
وذيج بيده رايه
عليه اصعب مصرعه فرگتنه المشرعه جفوفه يمه مگطعه
جود تبده مايه
علي الاكبر تگطع ونظر حسين انحنه عليه ويشمه
وجاسم لا عرس لا حنه وشموع وتحنه بفيض دمه
انذبح عبدالله ضامي وعالسهم نام ورقيه ماتت وموتتها بالشام
غريبه تموت تدرين آه ياريحة حسين
**
من البجي عيوني عمن وحيل ما خله الزمن تغيرت من المحن
حيل شيبتني
من بعد ذاك الخدر تالي يسبيني الشمر بسوطه عذبني شكثر
راح عمه متني
اركض والسياط مجلبه بگفاي وشگد عذبتني
طحت وگمت اصيح الحگني عباس وينك يالعفتني
سبوني خويه وآنه بعمر خمسين زينب وينها اوين الدواوين
اجتني كربله منين آه ياريحة حسين
***
تمت
#ميثم #العمري
@HxzEU1
قناه نشر القصائد المنبريه
نعي لكل من فقد عزيز
اجانة العيد ها يحباب گلبي
ولصوب المگابر صار دربي
لجل الراح ها يا عين صبي
لهل العيد دوم العين تربي
===================
مصباح الكدر من يجبل العيد
لا تنشف دموع و لا ون ايهيد
تلتم كل اهلنة اتشوفك اتريد
على الزينين نصفج ايد بالايد
===================
چنة ابكل صباح العيد نلتم
اخوانك تنوح وكل ابن عم
حطينا الهدوم وبيها نشتم
الفرح بعدك علينا دوم يحرم
===================
أسالكم الدعاء #رائد #الاسدي
قناه نشر القصائد المنبريه
نعي عن لسان السيدة زينب على فكد ابوها
.
.
شلون زينب هم بعد ضل بيها لون
حشمت خوانها ودم تجري لعيون
بوجه زينب يا خلك مضلم الكون
الله يساعدج زينب ام عون
.
.
شلون زينب من اجه ليها الخبر
تلطم اعله الراس والمدمع حمر
و ضلت امن تكوم بالثوب تعثر
عيونها شافت صدك نجم الضهر
.
.
شلون زينب هسه كلي شلونها
و هيه. تدري رايح يسلبونها
مو دمع من دم تسيل عيونها
وهايه زينب بت علي تدرونها
.
.
شلون حال ام الخدر من اسمعت
فطرت كلب الزجيه من نعت
حشمت لحسين اخوها ودمعت
الما درت بفراك ابوها و حسبت
.
.
اشلون بت حيدر علي تتيتمين
انتي اخت عباس ابو كلب الحنين
بالمصاب وياج سيد المرسلين
زينب تكضي العمر بس بالونين
.
.
علي رايح يداحي الباب لاوين
رحيلك بيه عشره اضلوع لاوين
عزيزك من سمع هل خبر لون
وجهه و بانت الخله و رزيه
.
.
حسن صالح العيساوي
نعي( نصاري) لاستشهاد أمير
المؤمنين علي عليه السلام
طحت يابواليتامة بحومة أثنين
بسيف النايبه. ومطالب البين
★★★★★
صوت من العوالي زلزل الكون
نزل جبريل ينعه بگلب محزون
يالون الصبر مايدري يالون
شح الصبر مايدري الصبر وين
★★★★★
اجت مهظومه زينب وگفت تنوح
نادت مووكتها ياعلي اتروح
يواگف بالشدايد صدگ مطروح
انهض لليتامه. وللمساكين
★★★★★
اجت يم الحسن والدمع همال
صدك چتال جرحه ايعذب الحال
يگلها اي. يزينب جرح چتال
غميج صواب ابونه يلتنشدين
★★★★★
يگلها الحسن يختي ابخنگ الأنفاس
انصبي العزه ونوحي يخت عباس
طبرت موت خويه طبرت الرأس
نفذ بالراس سم السيف تدرين
★★★★★
دنت زينب لبوها بدمع سچاب
صدگ بويه طحت يارافع الباب
اصوابي مايطيب بهذا المصاب
ولاتنشف دموعي وتغمض العين
★★★★★
على مهلچ يگلها علتي اتهون
يبويه اليوم سهله باچر شلون
بلطف جسم اخوچ حسين مطحون
مصيبه مامثلها امصيبة احسين
الشاعر حسن لعيبي الحريشاوي
نعي لاستشهاد أمير المؤمنين علي عليه السلام
مصابك ياعلي هَوِّنْ علينه
كل أمصاب حل وحصل بينه
ما جاب البچي الراح من ادينه
نريدك ياعلي الفاگد تعينه
★★★★★
يمك ياعلي خلينه الأحباب
چم شاب الدفناه من بعد شاب
أخذ منه شكثر حلوين التراب
وخلانه ابونين ودمع سَچاب
★★★★★
فدوه انروح يابوالحسن لسمك
يمنور النجف ياحيد رسمك
صدگ من الله هاي وفيض عزمك
كل ضغطة گبر تنشال يمك
الشاعر حسن لعيبي الحريشاوي
#تراث نعي
(العقيلة ترثي اباها)
ونت وصاحت يالمجبلين
هلشايلينه اوياكــــم امنين
اسمع هضل وصياح صوبين
خـــاف انچتل عـودي يطيبن
لمن سمعها الحسن وحسين
صــــاحــو يزينب زيدي لونين
ابوچ انطبر والراس نصين
صاحـــت او هملت دمعة لعين
ياعلـم الاگشـر عالمسلمين
عگــبــك يبويه اوجــوهنه وين
السيد المرحوم
عبد الحسين الشرع
(العقيلة تسائل الحسين)
يحسين خويه شلون ابونه
هاليله اشوفنه انخطف لونه
لونكم يخــوتي تجعـــدونه
او جــرح البــراسه تشـدونه
بهـــداي بس لا تلچـــمــونه
او شنهو اليهيسه اتسايلونه
بلچن اصـــوابه اتعالجــونه
او عيناك بس تغمض اعيونه
الـــوادم بعد مـايعـــرفــونه
او عند الشــدايد يخـذلـــونه
السيد المرحوم
عبد الحسين الشرع
#اللهم_عجل_لوليك_الفرج
نعي للامام علي ع
شهر رمضان فركنه ويه ابونه
واخذ منه الاحنان الدللونه
ابوي بهالشهر غمض عيونه
............ ..
حرمني الدهر من كعدتي وياه
وعمري بعد مايسوه بلياه
عزيز وعماني يوم فركاه
.............
.
انه اوياك بويه اتفاركينه
وفكدتك يبو روح الحنينه
وانكطع وصلك ماتجينه
...............
حبل الوصل جنك كطعته
رحت وكلب وزينب شلعته
اشلون الحنين ايعوف بته
.............
ماهو علي والعيد اجاني
يوم العيد اجه وزود احزاني
صحت وين ابوي العايداني
...............
زينب لبوها ودت اعتاب
وكتبت عتبها بدمع سجاب
واهل العيد مامرو عالباب
................
والك ياعيد لاتجبل عليه
وانه فاكده حامي الحميه
ياهو اليعايدني ويمر بيه
................
العيد بويه من لفاني
بكعدت احبابي ذكراني
وصواب حيدر نحلاني
✍أم زينب كربلاء غير مبري الذمه من ياخذ الكلام وينسبه له اويحذف الإسم
بعدك بلا روح .... محرابك ينوح
ارجع يبو حسين .... لا تمشي وتروح
.......
ياعلي المحراب بعدك ... حالته اتبجي الصخر
موحش واظلم نهاره .... وليله خالي امن السحر
جان مهيوب ابوجوك .... هسه مكسور الظهر
ومثل الايتام الرجوعك ... ظل يتاني ابهل شهر
يبجي اعله فركاك ... ويتمنى ملكاك
محرابك اهواي .... ياعلي يهواك
.....
يا علي رحت وتركته .... ابلا وداعك يا علي
بعدك المحراب عايش .... على ذكرك يلولي
حتى بالأذان صوته .... بالبواجي معتلي
ياعلي صيحاته تسمع .... ارجع الناسك ولي
كل يوم الاذان ... يُرفع بالاحزان
محرابك اعليك .... بدموعه غركان
.........
جان محرابك يتاني .... جيتك جن ملكه أم
جان يتباهه بصلاتك ... هسه يبجي اعليك دم
ما أجه المثلك يحيدر ... خاشع بهاي الأمم
واعله هجرك صوره تذبح ... دمعه محرابك رسم
بيهه علي مات .... ومطبورة الآيات
محرابك اعليك ..... بجه السماوات
.....
اوياك ماتت امنياته .... وعوده محرابك ذبل
ياعلي حقه اليفارك ... مثلك ايموت ابعجل
كلشي بغيابك تغير .... كلشي ياخير العمل
مثل متغير حسين .... البيده تابوتك حمل
امصابك علي عاف .... اجروح المتّراف
محرابك اليوم ... مكسور ينشاف
.......
الطبر هامك يا علينه .... طبر هامت قبلتك
وعاف محرابك يويلي ... امخضب بدم جبهتك
والشرع اعلن حداده .... اعليك يوم امصيبتك
الله لا ينطي ابن ملجم .... فجع ناس الحبتك
ما راعه الايتام ... لا شهر الاصيام
محرابك ينوح .... كضاهه الايام
......
✍ كلمات الشاعر :: موسى الخادم
#ابوذية
يطكني الشمر ياويلي .. ونابت
وشوك مچلب برجلي .. ونابت
اليخدمن بالقصر باتن .. ونابت
ابخرابه وبالطشت راس الشفيه
محمد الجماسي
#اللهم_عجل_لوليك_الفرج
لأستشهاد الأمام علي ع على طور حيدر علي بهداي ملا أبو بشير النجفي
شمس الله يالرديت .. رد المنيه ..
لو للزهره أشتاكيت .. هاي المسيه ..
يا علي للمحتار ..
أنت الوطن والدار ..
رد المنيه ..
.........................
بعازت حضنك بهاليوم زينب والحسن وحسين
غيمه الدمع يالكرار ظل يمطر على الخدين
الموادع صعب وياك دخيلك لا تغمض العين
تبجي أبابك الأيتام ليلة واحد وعشرين
انهض ياداحي الباب .. وأنظر أيتامك ..
ينزف جرحك ماطاب .. بآخر أيامك ..
والدمع ظل مدرار ..
أنت الوطن والدار ..
رد المنيه ..
................................
ريض يالنويت تروح اليتامه تصيح والفقره
بأغيابك نكضّي الليل بنوح وآآه وبحسره
علينه من يدك الباب ورزقنه جايبه بكتره
لاترحل يداحي الباب عليك الطاهره الزهره
عليك الزهره لتروح .. نحتاجك أحنه ..
الليله الحلم مذبوح .. وأحنه انذبحنه ..
أسّوت بينه الأقدار ..
أنت الوطن والدار ..
رد المنيه ..
........................................
مثل عازت عطش للماي ياحيدر ألك عازه
فضلك كلها تشهد بيه المثلك بيش يتجازه
من شافك جبير الموت كام وياك يتوازه
تنحط بالكلب والعين اشلون تشيلك جنازه
ليلة قدر ونريد .. شوفت اعيونك ..
ولا يمر بينه العيد .. ياعلي بدونك ..
وينك ياحامي الجار ..
أنت الوطن والدار ..
رد المنيه ..
.......................................
علي أنت الهوه منتروح دنيانه تظل خنكه
لو مات الجذر مطبور حتمن تذبل الوركه
علامات الفراك هواي وأحنه بعازة الملكه
وجهك ذابل أصفر ليش شفايف يابسه وزركه
آخر وداع وياك .. يابو المحّنه ..
ياحيدر ماننساك .. جرحك جرحنه ..
يالجنت للمختار ..
أنت الوطن والدار ..
رد المنيه ..
......................................
من طبع الجروح تطيب بس جرحك فلا يشفه
ظل ينزف لحد الموت يا حيف و ألف وسفه
حيدر من يروح وياه تمشي الرحمه والرأفه
صح الموت أمر محتوم لاكن فركتك كلفه
مانحتمل فركاك .. ريض يغالي ..
ياعلي نترجاك .. ماعدنه والي ..
بس أنت يالكرار ..
أنت الوطن والدار ..
رد المنيه ..
........................................
مصابك خله بينه جروح لا تنّعد ولا تحصه
كلب المحب هايم بيك وأنت ياعلي بنصه
خيرك عاليتامه يدور كل واحد أخذ حصه
شما تنطي تحس خجلان تمطر مستحه الكصه
ياعلي الليله الموت .. يذبح حلمنه ..
لو شالو التابوت .. ياهو اليلمنه ..
نصير خلافك طشار ..
أنت الوطن والدار ..
رد المنيه ..
.......................................
حسين بهالوضع محتار يجر بالكوه بأنفاسه
يعاين راسك المطبور وجرحه بكلبه وأحساسه
يريدك بالطفوف وياه لمّن ينكطع راسه
وبصدره تدوس الخيل وبلايه أجفوف عباسه
يريدك تغمض العين .. بيدك يحيدر ..
صبرك أتجيبه أمنين .. وأبنك أموذر ..
بالخيم تلهب نار ..
أنت الوطن والدار ..
رد المنيه ..
.............................................
حيدر مطر العبادي
😭😭
الك عشاگ بیها نار ما تطفه
واذا يغفه النجم فد ليله ما تغفه
الك عشاگ ما فد لحظه ينسونك
واليوم القيامه هم ينطرونك
محتملين كل الضيم وعيونك
وكل جرح اللي بيهم ابد ما يشفه
كل جرح اللي بيهم ابد ما یبره
كل واحد اله معشوگ ينتظره
لو جمره انطفت ما تطفه الف جمره
والف حرگه والف ونه والف وسفه
هالعشاگ ينتظرونك من ازمان
وراحو حتی یلگونك ابكل امچان
اظن فد يوم اذا هم شكو ابركان
يطبوله ركض بگلوب متلهفه
لجل ذوله وعشگهم سيدي اظهر
تره نيرانهم كل يوم تتوجر
ويا فرحة عدوهم هم تصير اكثر
ويشمتون بيهم كل وكت كلفه
فرح گلوب عشاگك وارحمهم
تره بس شوفتك يبن الحسن همهم
شيسوون حبك يسري وي دمهم
وتدري بالعشگ نفس العشگ حتفه
چم جمعه تجي ويروح چم مصباح
وكلها اتگول بالجمعه التجي نرتاح
وتجي الجمعه وخيال الحضرتك ما لاح
وكل گلب النزف ما ینگطع نزفه
مو بس تنتظر عشاگ یالمهدي
الك چم ثار چم ضلع الذي يدي
عندك کربله وبيها احچي ما ودي
لأن كلشي جره انته اكثر اتعرفه
الشيخ زمان الحسناوي
#اللهم_عجل_لوليك_الفرج
قصيدة ثكيله بحق العليله ع وكل من فقد الاحبه
هم يرجعون ونگعد بوكت العصر
هم يرجعون لو حكم حكمه الدهر
اتفارگينه بلا ذنب
شنهي يادنياالسبب
هم يرجعون هم يرجعون
هم يرجعون واظل احجيلهم
اسولف الهم من چنت ابجيلهم
بگلبي ونات وسوالف ليلهم
كون هسه ويرجعون اشكيلهم
يسامر بعيني الدمع
فراگهم يحني الضلع
وصبر شلون............هم يرجعون
➖➖➖
حيل وحشه البيت يمه اخلافهم
والله گلبي يموت لو ما شافهم
گوه صار فراگنه وما عافهم
اهلي يالغالين حلوه اوصافهم
هذا حالي اعله الاهل
فراگهم ما ينحمل
تعمه العيون.......هم يرجعون
➖➖➖
عيوني تعمه ومااظن انساهم
شلون اعيشن واصبر ابلياهم
حيل يحرگ بالگلب فركاهم
متاني گلبي وما گطع رجواهم
تبقى عيني مناطره
ونار گلبي موجره
ما يهونون......هم يرجعون
➖➖➖
الموت اجرعه وما اريد فراگهم
الف موته تموت روحي خلافهم
گلبي وياهم جذب ما عافهم
جلمه جلمه يسولف بجلماتهم
نبض گلبي وروحه
وما يبطل نوحه
بگلبي يجرحون........هم يرجعون
➖➖➖
الشاعرة ...ام علي البصراويه
الناشره ام محمد خادمة المنبر الحسيني
غير مبري الذمه من يحذف الاسماء او يغيره
نسأل الله تعالى القبول والتوفيق وحسن الخاتمة 🙏🏻🙏🏻
موشح الى سيدي ومولاي علي الاكبر عليه السلام
بالدمـوع أتـــــودع اصبــي عينـــها
الله بــاچــــــر عالـــــوداع أيعيـنــها
****
الليله ليلى أتــــودع الأكبـــــر علــي
تگله يا روحــي وحياتــي وكل هلـي
باچــــر الدمعــه تظــل بعــدك ألـــي
باچــر الفـــرحه علـــي امــودعينها
*
باچـــر الفــرحه أودعــها أبــدمــــوع
باچــر يمــوت الگلــب بـين الضلـوع
باچر تموت ابوسط عينـــي الشمـوع
الشمعه بــاچــر يــا علــــي امطفينها
*
تطفه باچــر شمعتـي فــوگ التــراب
وعالــرمـل يوليدي اشــوفنك خضـاب
گبل يومك راسي احس يوليدي شاب
الله للتفگـــد ولـــدهـــــــــا يعينـــــها
*
الله يبنــي يعيــن المضيعــه الحيـاة
بيها كــل سـاعه تمر شــوغــة ممـات
مــن تـــروح انتــه تجينــي النايبات
ومــا تبطـل أمــــــك مــــن اونينــها
*
يبنــي ونتــها التفـــارگ مــــا تهيـد
وهيــه تدريـه الــولـــد عنــها بعيـد
باچر اخـر شوفه يمه أعلى الصعيد
وباچــر أمـــك عالهـــزل ســابينها
*
باچـــر أمــك كــون يلفيها الاجــــل
گبل لحظــت موتـك يــموت الأمــل
أهلي انتــه وباچـــر تـــروح الأهل
بالسيــوف أبكـــربله. امگطعينـــها
*
الشاعر
موسى البديري
نعي عن فاطمة العليلة
تون وتنوح مهظومه العليله
ليلة اصعب تجي لوگضت ليله
ونتها أصبحت كلش ثجيله
على الغابوا وغيبتهم طويله
ياهو الضال عدها وتشتكيله
عليلة حال تاليها ونحيله
الدمع نار على نار الخد تسيله
عال الوكت بيها شلون عيله
صاحت والظعن طَوَّل رحيله
يبويه مابقت بالأيد حيله
الحرمه بدون والدها ذليله
الشاعر حسن لعيبي الحريشاوي
((الفاگدله))
الفــــاگدله بشر ما يگدر يگوم
بس شلون اذا فاگدله معصوم
العمر خلص مواعيد
روحي الشوفته تريد ...
"""""""""""""""""""""""""""""""""""''''''''''
راح اسكت و دمعي الي يحاچيك
عــلى خدودي كتبلك راح اتانيك
خــــايف خـــاف من تضهر نأذيك
وانته اعـــــله السبايه حيل مابيك
يالمــهدي انتظر مولاي شتگول
بدربك گلبي راح يصير مشتول
يجي و يروح چم عيد
العمر خــلص مواعيد ...
"""""""""""""""""""""""""""""""""""''''''''''
صــــرت شگــــــد أَبذر عاليمرون
على المايسوه وشل شوف العيون
اشوفن بس خـيالك والله ممنون
عشگك خَله منـي انسان مجنون
بطــــــــاريك صرت مولاي طماع
عليها يدوس جدمك احسد الگاع
حـتى الگـاع متــهيد
العمر خلص مواعيد ...
"""""""""""""""""""""""""""""""""""''''''''''
عني يگـــوم ظل اليگعد أحذاي
هلي گطعو درب مجلسكم وياي
الغيرك ما شكيت وليـك شكواي
المجلس مـــاي وآنه بعازةّ الماي
الغايب منه واحد يدري الغياب
المافاگد عَليهَ يگــــــول چذاب
تبچي هــواي شتريد
العمر خلص مواعيد ...
"""""""""""""""""""""""""""""""""""''''''''''
انه دم و لحم و احساس و اشواگ
يضحكون من اگولن حيل مشتاگ
بنيـــــته و كــــــمليته بيت الفراگ
تعال الجيتك حــتى النفس ضاگ
بعدني عله العهد بهدومي السود
يالمصعدني رتبه و صـرت رادود
دين الخـدمه تسديد
العمر خلص مواعيد ...
"""""""""""""""""""""""""""""""""""''''''''''
الفتن سبعين الف بس احنه سبعين
الشمر مــــوجود بس الغايب حسين
ارجع يبن فـــــــــاطم لا تجي الحين
هـــــــــاي حچـــايةّ الما صانو الدين
درو لو طلع نورك تعمي الابصار
وتَكَشف اسرار ويطلعــــون كفار
واحدهم غـــده بعيد
العمر خلص مواعيد ...
عبد زينب
محمد الأبراهيمي
#نعي_بحق_الشهداء
الحزن خاويـته يالخاويت التراب
امن اذكرك احـترگ وتغورج العين
الك ناصــب بگلبي بيت الاحــزان
ومثل يعگوب اضلن انحب اسنين
الك كل لحظه يالمحــبوب اشتاگ
وضـل ارسم صــــورك بالحياطين
يلچمني الـجرح لو ســـــولفو بيك
ومــن گد الهظم ينزف سجاچين
امن گولن خويه الزم بيدي الصفاح
وصيــــــحن اخ رحتو يالعزيزين
احس تنــخر ابعظمي ألآم الوداع
وظـهري ينكسر يالــغـالــي نصين
ترى اليفگد عضيده يعيش مالوم
بعد مثل اليفـگده ايحصل امنين
گطعت اهروش گلبي ابروحتك هاي
يالضــــحيت دمك فدوه الحسين
✍كلمات ام زين العابدين اللامي
حديث ونعي للامام علي عليه السلام
بسم الله الرحمن الرحيم
الف لا حول ولا قوه الا بالله العلي العظيم
وانا لله وانا اليه راجعون
عندما دنت المنيه لامير المؤمنين ع
قال له كبار الجراحين في الكوفه
فقال سيدي يا أمير المؤمنين ع
اعهــد عهدك واوصي وصيتك ووصى
عليه السلام الناس واولاده عليهم السلام
حيثما اخذ الموت يدني من الامام
شي فشيا سكن انينه وعرق جبينه
فالتفت إليه ابنته زينب عليها السلام
فقالت يا ابتاه مالي اراك سكن انينك
وعرق جبينك قال يابنيه إذا المومن
نزل بيه الموت سكن انينه وعرق جبينه
فبكى عياله وهل بيته فاوصى بعدم
البكاء فسكت أمير المؤمنين عليه السلام
ولحق برفقيه الاعلى وعندما مات الامام
خرجت الناس تنادي وتلطم الروؤس
قد مات علي ابن ابي طالب عليه السلام
رحم الله من ناده واعلياه واعلياه واعلياه
وقفت زينب على باب وتبكي
شمحلات ابونه بليله العيد
هيبه يــضل وكلشي منريد
بـيـمـن ازامــط يل هواديد
علـيك زمـن حاربـنــي شله
يفــراك طــولك حطلي عله
والمسامر يبويه عيب امله
هــلا بـيك وبجـيــتك عليه
لــتـروح مـنــي شلــون بيه
عـكبــك تــره أشــبــع اذيه
ريــض يـبويه وين ماشين
وافرح تره بطبت لمجبلين
يمـعدل وتـســوه الدواوين
دكـتـور ليـــش تعذرت منه
المثله بعد جاوين احصلنه
ويــــاه كـون الـيــوم شلنه
يــا مـايـلـه الدنيه شعملتي
بـــس الونين اليوم اخذتي
تــكـســر كلوب سمع ونتي
هــيبه وعـلي ياناس هيبه
ضيعت الابو ومنين اجيبه
مــاريــد اضـــل أنه غريبه
تــــمت بقــــ✍🏻لم خادمه أهل البيت عليهم السلام
✍🏻الشـــاعره ألعلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط
لسان حال مولاي أمير المؤمنين عليه السلام يحاجي مولاتي زينب
راسي ينطر من اباوع صوبج
امن المخيم باجر يطلعونج
يا درة علي يا خدري وحساسي
لا تبجين بويه ايخمدن انفاسي
اذا نزلت ادموعج ينفتح رأسي
يا جرح الجبير ويا اعز ناسي
بويه لا تبجين ليسمعونج
امن المخيم باجر يطلعونج
شمحلاهه يزينب هاي لمتنه
اخ امن الدهر باجر يشتتنه
باجر بالبراري اتضيع عيلتنه
يوصل للنجف دخان خيمتنه
من اخوتج زينب ايبعدونج
امن المخيم باجر يطلعونج
حسينج بويه باجر محد بحاله
عاري اعله الرمل ومسلبه اعياله
حسين يموت بالطف لو نظر حاله
اذا خدره طلع ويشوفه جتاله
باجر يسحكونه ويشوفونج
امن المخيم باجر يطلعونج
امنتج يبويه بيد ابو الكلفه
بس معذور اذا طاح الكمر جفه
خل يطيح بويه وتوكف العفه
بس عين الزلم صوب الخدر صلفه
طاح جفه وكامو يضربونج
امن المخيم باجر يطلعونج
مذبوح وسليب وعينه لخيامه
من جسمه الزلم جابتلج اعمامه
اشرلج ارجعي بزحمة اسهامه
لتلميني كلج لمي ايتامه
يا هو ضايع دوري من اضعونج
امن المخيم باجر يطلعونج
هاشم الله صايغ منهم الحشمه
عطر زينب وحي بس النبي يشمه
ماعدهم مره تتماشه وي زلمه
زحمه ام الخدر من توكف بزحمه
وي اجانب باجر يمشونج
امن المخيم باجر يطلعونج
باجر شامهم شيصدلج اسهامه
بالديوان وي يكلبون بيتامه
حسينج بالطشت اشرو كدامه
اشر عله سكنه يكول خدامه
بالخرابه باجر يكعدونج
امن المخيم باجر يطلعونج
خادم مولاي أمير المؤمنين المقصر حسين حيدريه المالكي
(نعي)
مولاتي زينب
تخاطب أمير المؤمنين
يـاهـو ألـيـه بـويـه لـو عـيـنـك تـنـام
يـاهـو ألـيـه يـاعــلـي الـدنـيـا ظـلام
يـاهـو ألـيـه اقــره بـعـيـونــك وداع
يـاهـو ألـيـه والعـمـر حسيـتـه ضـاع
يـاهـو ألـيـه چـنـك مـسـافـر بـعـيـد
يـاهـو ألـيـه كـلـمـتـك اسـمـع اريــد
يـاهـو ألـيـه اعـرف افراگك يـطـول
يـاهـو اليـه إحچي يافحل الفحـول
يـاهـو ألـيـه حالـي شيصير بچفـاك
يـاهـو ألـيـه الـعــفـت زيـنــب وراك
يـاهـو ألـيـه اشـعـر ابـضـلـه الأمـان
يـاهـو ألـيـه بويـه يجرحني الزمان
يـاهـو ألـيـه واني بعيوني الدمـوع
ياهـو ألـيـه اتجدد امصاب الضلوع
يـاهـو ألـيـه ابـتـده ويـاي الـعـذاب
يـاهـو الـيـه كلبي ما يحمل مصاب
*--------------------------*-----------------------*
خادم أمير المؤمنين (ع)
✍الشاعر رعد الجريخي
ابو ذيات
مفجعه
لسان حال العقيله زينب
صفتلي اعله الحزن والنوح .. عادات
ولـيـالـي الـفـرح بـس وياي .. عادات
مصيبت فـاطـمـه بهل يوم .. عادات
ابـطـبـر راسـك يـحـمـاي الـحـمـيـه
*-------------------------*--------------------*
عـگـب ضـلـك ألـوذن بـيـه .. ضلمن
عـليـه ايـام دهـري ابـسـاع .. ضلمن
حـاچيـني يـداحـي الـبـاب .. ضل مَن
ابـحنـانـك وبـحنـان امـي الـزچـيـه
*--------------------------*--------------------*
مـثـل هـامـك دلـيـلي انـجـرح .. ونصاب
وعلى امصـابك رخصت الدمع .. ونصاب
ابـمـنـاحـه راح اسـلـي الـروح .. ونصاب
عَـزه الـحـد يـوم مـا تـلـفـي الـمـنيـه
*------------------------*---------------------*
✍خادم امير المؤمنين ع
الشاعر رعد الجريخي
رايح ياعلي وماخذ حلم عمري
الميت انته انه الليله ما ادري
،،،،،،،،،،،،،،،،،،،،
رايح ونته تعرف حسرت الفاگد
بعينه الدنيه تطفه اليدفن الوالد
ثوب الاسود اعله المنكسر گاعد
عايفني ابوجع وبخنگه البصدري
،،،،،،،،،،،،،،،،،،،،،،،
هد جرحه الوگت والعشره طشرها
وگلوب اليتامه ابحسره وجرها
حيدر للمنيه الروح حضرها
الدم ويالدمع عالوجنه ضل يجري
،،،،،،،،،،،،،،،،،،،،،،،،،،
البيت ابلايه ابو ماينحمل ساعه
وفارگنه الحنين اليصعب وداعه
راح الشال خيبر كلها بذراعه
ودعني وبقيت امحير ابأمري
،،،،،،،،،،،،،،،،،،،،،،،،،،،،
وين الله يرد ويردها عشرتنه
وترجع كل ليالي البيها ضحكتنه
من بعده الحياه للوحشه ودتنه
راح الجان حبه ويالدمه يسري
،،،،،،،،،،،،،،،،،،،،،،،،،،،،،
هاذ انته الثگيل المحد يگدرك
شلون الليله تدخل ياعلي الگبرك
حسين انه الينوح ونايم ابكترك
باجر ياهو بعدك نايم ابكتري
،،،،،،،،،،،،،،،،،،،،،،،،،،،،،،
محتاجك يبويه ابكسرت الخاطر
باجر من اطيح ابليلة العاشر
ومن تطلع خواتي ومنكسر خاطر
باجر بالحوافر ينسحگ صدري
العبد ابوفايز الرافضي
#نعي
السيدة زينب عند رأس ابيها في لحظاته الاخيره )
ها نام ها غمض عيونه
يحسين ابوي انخطف لونه
خلوه لا لا تغطونه
الله واكبر هذا ابونه
حاچيني هم بصدره انفاس
شو تبچي جاوبني يعباس
خلوني عندي عتاب اگوله
ارد ارجع لعمر الطفوله
واغفى على صدره واشتكيله
شالو اهلنه شلون شيله
بويه علي حاچيني بويه
يحسين راح الزين خويه
المن بعد وجهي اديره
حيره اللفتني شلون حيره
كسرتنه يا وادم چبيره
ها نايم وگدامك انحب
گلولي ميت والدمع صب
وانا جبتلك ماي تشرب
منك ردت بس چلمه وحده
بس گلي بويه وعمري رده
آه يا علي الراح شيرده
خلوني يم البيه محنه
يم التخاف الزلم منه
يا موت ابعد لتدنه
شو خلصتهم كل اهلنه
ارد ابچي يم راسه واحاجيه
وبدموع عيني ابچي واغطيه
گلبي اليريدك وين اوديه
چا هيچ تخلص هاي هيه
جوه التراب اهل الحميه
ها يا علي شمسوي بيه
رايح بعد ما بيك جيه
البارحه امي وانته هاليوم
عايف دليلي بحرگه ملچوم
بويه لفانه العيد وانته
وجهك علينه ليش درته
ماظل صبر الا وصبرته
بس بويه موتك موش وكته
يا بيت يسوه بدون الاحباب
عافونه راحو جوه التراب
ياهو انتلگه بدگة الباب
وياهو البعد يسأل علينه
على حزني احاچيمن عليراح
ابد ما صدگ الگالو عليه راح
لحد جبريل ما نادى علي راح
انهدم گلب السمه بهاي المسيه
بينه يعيش ما ظن راح ألمنه
مثل ما چان ماخذ راحه لمنه
أبونه اليوم غرب راح لأمنه
الضلع والهامه يتلاگن سويه
#كلمات الخادم / رعد الفريجي
#اللهم_عجل_لوليك_الفرج
نعي بحق العليله ((ع))
اخذوني يبويه وياكم اخذونــــي
اخافن لو مشيتو بويه تنسونـــي
اذا تمشون اكولت اهلي ملونـــي
واوصي بناس غربه اليدفنـــونــي
خدامه اصيرن كون ترضـــونـــي
ولا يجفي الضعن ويخيب اضنوني
اجلب بالمحامل بس تصعدونـــي
و وكت الليل فوك النوك خلونـــي
هلي يهل الشيم كلكم تسمعونـــي
اسوم الله عليكم لا تعوفــــونـــي
عليله وهذا حالي وزين تدرونــي
بعدكم والبواجي تجـــرح عيوني
ومـــا اصبر عليكم من تجافوني
وي حادي الضعن يحنان مشوني
تدرون بغربتي يعمـــن عيونــي
ومن كثر المصايب تهدل امتوني
وتزيدون العلل بيه وتلجمونـــي
عليلتكم طبت هاليوم احسبونــي
ابوذيه
يبويه حسين ضعن النوك وانه
عليله وحل عليه البعــــد وانه
اشوفن كل خواتي مشــن وانه
بكيت بدمعتي وناري سريه
يعمـري شظل بعــد وتعيــش دفناي
وصحت بويه اعله صدرك حيل دفناي
ردت انت التهيــــــل تــــراب دفناي
وتقره الفاتحه بعطفك عليه
الشاعر رعد الجريخي
صدت ونادت يالمجبلين
هل شايلينه وياكم منين
----
زينب يزينب لو تسألين
هذا الأمير وعروة الدين
راح اليلوذ بسده الأيتام
رأسه نطبر والهام نصين
الله يعينج من تشوفين
كهف الأرامل والمساكين
نخضبت لحيته من دمه الرأس
ولونه تغير فتشت العين
زينب يزينب زيدي الاونين
طاح الحنين البي تلوذين
تبدي حربها وياج الأيام
جرح الحسن ومصاب الاحسين
ريض يا شايل نعش أبو حسين
خلهم يودعونه المحبين
هاليله صابو رأس الإسلام
ابجي يعين ولا تفترين
ياسر الساعدي
🏴 مجموعة من النعي (المجاريد)
الخاصة بليالي شهادة المولىٰ الأمير ع
🌑نعي - مجردات
جبريل صاح بصوت محزون
ياناس ما اظنكم تعلمون
باخبار حيدر ما تعرفون
راسه انجسم واتزلزل الكون
وين اليتامه خل ينوحون
واعله الصميده دموم يبچون
هيهات من بعده يعيّدون
#سمير_الصالحي
#البصرة_الفيحاء
/channel/ShaikhSameerAlSsalehi
———————-
🌑 نعي- مجردات
فزت الشيعه اعله الصوايح
تسمع ونين من النوايح
لن الخبر محزن وجارح
حيدر علي بدمـاه سابح
وللموت ابو الحسنين رايح
#سمير_الصالحي
#النجف_الأشرف
/channel/ShaikhSameerAlSsalehi
————————-
🌑نعي. ـــ مجردات
لفانه الطبيب وشاف حاله
وعاين طَـبُرتـَه والجراله
جس الجرح بيده وبچاله
ومنه وسف خابت آماله
#سمير_الصالحي
#النجف_الأشرف
/channel/ShaikhSameerAlSsalehi