هترشات زولةة سودانيةة 👧💔
31 July 2026 19:24
ما مِن عبادة تعبدها الفتاة لربِّها أعظَم من أن تعِفّ الشّباب بسَتر مفاتِنها.
- د. محمد راتب النابلسي.
Читать полностью…
هترشات زولةة سودانيةة 👧💔
31 July 2026 19:19
وزي ما قالت: "شهدعبدالله" في رواية "ذات عناق "وصلت لي قناعه إنو لو رجع بي الزمن تاني لي ورا في حاجات كتييره ما كنت ح اعملها في ناس كتييره كنت اتمنى ما اقابلهم في حياتي او يحصل بينا اي تعامل، في صدف كنت ح اتمنى انها م تحصل ودعوات كتييره كنت بدعيها بي لهفه ما كان حأدعيها من الاساس ،ما كنت حاتعشم في زول مهما بلغت مكانتو في قلبي
وكنت حافكر في حاجات كتيره قبل ما اعملها بي تلقائيه وحسن نيه وإتفَهمت غلط بي سببها وكنت وكنت وكنت ...
Читать полностью…
هترشات زولةة سودانيةة 👧💔
31 July 2026 12:16
سمعت صانع محتوى مصري قال:
"أكتر بت كانت مشغولة ارتبطت بيها في حياتي، كانت في نفس الوقت أسرع واحده بترد علي مرة كنا قاعدين مع بعض، سألتها: إنتِ كيف بتردي علي بسرعة كده؟"
قالت لي كلام لحدي الليلة ما نسيته:
"التواصل نوع من الاحترام... لمن تخلي زول مستنيك عشان رد بسيط، إنت كده ما أديتو حقو من الاحترام"
افهم النقطة دي كويس... الموضوع ما موضوع إنو الزول مشغول، الموضوع إنو إنت ما معتبرك اولويه
في زول ممكن يكون يومو مليان شغل، لكن أول ما يشوف رسالتك يلقى دقيقة يرد عليك وممكن يكون فاضي شديد، وبرضو يخليك بالساعات والأيام مستني
لأنو المشكلة ما في الزمن... المشكلة في الاهتمام
ولو لقيت نفسك دايمًا إنت البتسأل، وإنت البتنتظر، وإنت البتبادر... راجع مكانتك عند الزول دا
وساعتها امشي... لأنك تستحق معاملة أحسن
لكن برضو خلينا نكون واقعيين...
ما أي تأخير في الرد معناهو إنو الزول ما مهتم بيك، لأنو كل واحد عندو ظروفو وحياتو لكن الاهتمام الحقيقي دايمًا بيظهر في الاستمرارية، ما في مرة ولا مرتين
الزول البقدرك، حتى لو اتأخر، بيرجع يعتذر، ويطمن عليك، ويحاول يعوضك أما الزول البخليك دايمًا آخر أولوياته، وما شايف إنو انتظارك ليهو مشكلة، فدي رسالة واضحة أكتر من أي كلام
الاهتمام ما بيتقاس بسرعة الكتابة... بيتقاس بإحساسك إنك مهم عند الزول، وإنو وجودك بيفرق معاه
لأنو في النهاية، الإنسان البيحب يحافظ عليك... ما بخليك تحس كل مرة إنك بتجري وراهو عشان تلقى رد وتشحدو شويه اهتمام ولا شنو؟
#وكلهن_إحتمالين
Читать полностью…
هترشات زولةة سودانيةة 👧💔
29 July 2026 19:32
لو هي بالجد عايزاك
ما تخاف عليها من العايزنها
وقع ليك ولا افنك بي طوبه اجيب أجلك؟🌚💔
Читать полностью…
هترشات زولةة سودانيةة 👧💔
29 July 2026 19:22
في أمريكا، تم القبض على طفل يبلغ من العمر 15 عامًا وهو يسرق خبزًا من السوق. وحاول الفرار، مما أدى إلى كسر رف في الطريق.
تم اعتقال الطفل وإحالته إلى المحكمة.
قبل إصدار الحكم، أراد القاضي سماع الطفل أيضًا
القاضي: "لماذا سرقت؟"
الطفل: "كنت بحاجة إلى الخبز."
القاضي: "لماذا لم تشترِ الخبز بدلاً من سرقته؟"
الطفل: "لم يكن لديّ المال لشرائه."
القاضي: "كنت تستطيع طلب المال من عائلتك."
الطفل: "في المنزل أمي فقط. أمي مريضة وبطالة. سرقتُ فقط بعض الخبز والجبن لهذا السبب."
القاضي: "أنت صغير، وعادةً لا يوجد لديك عمل."
الطفل: "عملتُ في غسيل السيارات. قبل أسبوع، أخذت إجازة لخدمة أمي، ولهذا السبب تم طردي."
القاضي: "ألم يكن لديك مكان أو شخص تطلب منه المساعدة؟"
الطفل: "كل يوم عندما أغادر المنزل، أتواصل مع ما لا يقل عن خمسين عنوانًا يبحثون عن عمال لأي وظيفة، لكن دون جدوى. في النهاية، قررت اللجوء إلى السرقة."
بعد إفادة الطفل، أعلن القاضي قراره:
"السرقة، وخاصة سرقة الخبز، جريمة مخزية للغاية. ونحن جميعًا مسؤولون عن هذه الجريمة. كل شخص في هذه الغرفة، وأنا أيضًا، مسؤول عن هذه الجريمة.
لذلك، سيُفرض على جميع مشاركي المحكمة غرامة قدرها 10 دولارات. لن يغادر أحد قاعة المحكمة حتى يرسل كل واحد منكم 10 دولارات."
بعد أن دفع القاضي 10 دولاراته، فرض غرامة قدرها 1,000 دولار على السوق الذي سلّم الطفل الجائع إلى الشرطة.
بعد سماع الحكم، لم يتمالك الطفل دموعه، وأثناء قراءة القرار الثاني، أصبح متحمسًا عند رؤية القاضي.
غادر القاضي القاعة محاولاً إخفاء دموعه. وكانت كلماته الأخيرة هذه:
"إذا تم القبض على شخص يسرق الخبز، فيجب أن يشعر كل أفراد تلك الجماعة، والمجتمع، والدولة بالخزي."
Читать полностью…
هترشات زولةة سودانيةة 👧💔
29 July 2026 08:52
لكن ما جدوى العالمِ بِلا
أمطارٍ
وعيونٍ بُنيّة
وأرصفةٍ
وقمرٍ مُسافرٍ
ونوافذ لليلِ المُشاغبِ،
وكتبٍ مَمنوعة ، وأحزان
وعزيز 🤎
Читать полностью…
هترشات زولةة سودانيةة 👧💔
28 July 2026 11:44
أنا بصراحة عندي مشكلة مع فكرة الغياب المتعمد والتلاعب بمشاعر الناس ، كيف بنعتبرهم نوع من انواع الذكاء في العلاقات!
يعني شنو أغيب؟
وغيبي عنه أسبوعين؟
وما ترد ليها ثلاثة شهور؟
عشان شنو؟
عشان يعرف قيمتك؟
عشان يشتاق؟
عشان تاني تتادب؟
عشان يحس إنك غالية؟
نحن جايين نحب بعض ولا جايين ننتهي من مشاعر بعض؟!
أنا شايفة إنو التلاعب والغياب المتعمد ما لعبة ناس سويين.
لأنك لما تتعمد تختفي من حياة زول عشان تختبر اهتمامو أنت ما بتبني علاقة إنت بتخلق جو عكر وحيرة وعدم أمان..
وانا دايما قاعدة اقول " العلاقات أصلها اتخلقت عشان تحسسك بالأمان لما الأمان دا يختفي شن فايدتها؟"
والأغرب من كدا إنو في ناس مقتنعين إنو الغياب بيخليك غالي!
ماعارفة الاكد ليه الشي دا منو
مشكلتنا نحن عندنا خلفية سيئة عن بناء العلاقات والمحافظة عليها ياخ نحن حتى في النهايات ما بنعرف ننهيها كمل يليق بيها
لو فلان غاب منك غيب منه
لو ضايقك ضايقو لو اذاك أزيهو
نحن عندنا قاعدة بيانات كبيرة مخزنة عن كيف بقى إنسان مؤذي بسس غير كدا ماف شي !
الغياب يا عزيزي ممكن يخلي الشخص يشتاق ليك لكن ممكن يخليه برضو يتعود على غيابك.. عادي ما تستغرب واسال الحوليك
وممكن في البداية يسأل عنك وبعد شوية يبطل يسأل وممكن بدل ما يكتشف إنك غالي يكتشف إنو حياتو ماشة كويس من غيرك!
عشان كدا في وجهة نظري مهما تعددت السبل في جعل الشخص الآخر يهتم ويكترث يظل الغياب المتعمد أقبحها.. بل اشنعها ..
لأنك ببساطة ما مفروض تستخدم مشاعر شخص بيحبك عشان تثبت لنفسك إنك مهم..
بدل ما تظهر نفسك كدا بتطمس هوية الحب البينكم
ولو محتاج مساحة قول "أنا محتاج اروق ."
ولو زعلان اتكلم.
ولو مضغوط وضح.
لكن تختفي فجأة وتخلي الزول معلق وبعدها ترجع لما تحب وبي مزاجك ؟ لا اسكيوزمي دي ما علاقة صحية..
انت محتاج تتعالج عند أقرب اخصائي
ونفسيًا كدا بما انه ذكرنا العلاج النفسي
اخصائي علم النفس قالوا:
" الغياب فعلًا بيكشف المشاعر بكل صدق"
الغياب ممكن يكشف ليك مقدار تعلقك بالشخص وممكن يكشف ليك مقدار الراحة العظيمة البتجيك في غيابو
مش في ناس اول ما تبعد منك بتحس الهواء ضربك؟ كدا واتنفست؟
بس ياهو..
ممكن تفتكر إنك مشتاق للشخص دا وتكتشف إنك مشتاق للإحساس الذي كان بدييك ليهو ليس إلا..
عشان كدا واحدة من الحلول لفك التعلق بشخص اقناع نفسك اولا إنك ح تكون كويس بدونه وبلاها لأنو العقل دا مرات عدو الإنسان يخليك تفكر في شخص معين عشان هرمون السعادة الدوبامين يرتفع والعقل يكون امورو تمام حتى العقل بيدمن ما الناس بس
عشان كدا زي ما بنادب نفوسنا محتاجين نادب عقولنا
ونفس الشخص
ممكن تفتكر إنك محتاج وجودو وتكتشف إنو غيابو هو الشيء الرجع ليك سلامك النفسي ..
الغياب يفسر الشعور بكل صدق.
وعشان كدا بحب المقولة دي جدًا:
"إذا كان للعودة بعد الغياب ثمن، فهو عدم الشعور بالألفة."
لأنك ممكن تغيب لدرجة إنك لما ترجع تلقى إن المكان البتفتكر إنو لسه مكانك.. ما بقى مكانك..
والشخص البتفتكر إنو ح يفضل منتظرك مهما طال غيابك ممكن يكون في يوم من الأيام اتعلم كيف يعيش من غيرك..
فيا جماعة الحب ما لعبة شد وجذب..
ما في حاجة اسمها: "أغيب عشان يعرف قيمتي."
ولا: "ما أرد عشان يجري وراي."
لو عايز شخص يهتم بيك، اهتم بيه.
لو عايز شخص يقدر وجودك، قدر ّر وجودو .
ولو محتاج مساحة اطلبها بي وضوح.
لكن ما تستخدم الغياب كسلاح..
لأنك في النهاية ممكن تكون داخل العلاقة عشان تثبت إنك غالي..
وتطلع منها وأنت أثبت لنفسك فقط إنك قادر تخسر زول كان بيحبك..
ختاما كدا يخوانا ..
على الحبيب ألا يغيب وعلينا ان نحتسي الشاي بالحليب ♡.
حبو بعض ♡
#بكل_حب
#يمكننا_دوماً_أن_نبدأ_من_جديد
#أمل_البطل
#Amal_Salah
Читать полностью…
هترشات زولةة سودانيةة 👧💔
28 July 2026 07:48
" لانك عندي كل الخير "
أي زول محتاج يقول الكلام دا لي نفسه، محتاج يصبح روحه ويطبطب عليها بي جمل ذي دي، ما عشان نحن أنانين وبنحب ذاتنا، عشان نفسنا بتستاهل أكتر من كدا..
الصباح دا وفي الجو الحلو الرهيب، ورغم كل خراب جوانا أو مشاكل شاغلة بالنا ومتوقعين إنها بتخصم من رصيد سعادتنا.
أول نقطة من المطرة وبي عفوية الاطفال فتحت يدي واستقبلت المطرة بي روح زمان، قدر ما تغيرنا الظروف والمِّحن لسة بتفضل جوانا بواقي حلوة ما بتندثر.
" يا مطيرة صُبي لينا في عنينا "
خشي جوة الروح وانعشي المسامات، طلعي الهم واتربعي وخلي الدنيا منورة ذي ما كانت قبل كم سنة.
كل ما أفتكر انه كبرت على حاجات معينة بتجي حاجة بسيطة ترجعني لي زمان وتبرهن إنه جوة لسة بخير، الحمد لله دائمًا وأبدًا 💙🌻
~ هذا الصباح لي روحي:
أنا عندي زيك كم 😌 ؟!
Читать полностью…
هترشات زولةة سودانيةة 👧💔
27 July 2026 16:15
انا ما قاعدة اتكلم مع زول بس لو ارتحته ليك إلا تحظرني 🙂💔
Читать полностью…
هترشات زولةة سودانيةة 👧💔
27 July 2026 14:19
الليله سمعت معلومه اول مرة اسمع بيها :
انتو عارفين انو الدعاء يدفع البلاء وانو الدعاء والبلاء والدعاء يتصارعان في سقف السماء الدنيا فيدفع الدعاء البلا مرات لم ندعي ربنا بي حاجه ونظن انو ربنا م استجاب مثلا بتدعي ربنا انو يديك 100مليون .وربنا كان كاتب ليك انك يحصل ليك حادث في نفس اليوم الانتي دعيتي فيه دا وممكن كمان من وراء الحادث دا تبقي قاعدة طول عمرك في السرير . طيب انتي بتظني انو ربنا م استجاب لي دعاك وتزعلي بس انتي م عارفه إنو الدعاء الدعيتي ربنا استجابه ليك لكن كان في بلاء ح ينزل عليك وربنا بالدعاء رفع البلاء.هسه لو خيروك بين القروش الانتي كنتي تظنيها خير وبين الحادث اكيد ح تختاري انو ربنا يرفع عنك الحادث صح سبحان الله الإنسان بيطلب من ربنا الخير وربنا سبحانه وتعالى بيختار ليه خير افضل من الخير الهو طلبة. سبحان الله مستحيل ترفعي يدك لي ربنا ويردها صفرا . عشان كدا ادعوا كتير اسألوا الله من خيري الدنيا والآخرة فخزائن الله لاتنفذ.والرسول صلى الله عليه وسلم في حديث أنا م حافظه بالنص بس مفاد الحديث انو إذا نعالك اتقطعت أسأل الله
Читать полностью…
هترشات زولةة سودانيةة 👧💔
27 July 2026 07:53
صباح الخير لمصدر النور في هذا العالم ....
صباح الخير لنساء مدينتا.
لگل امرأة مسحت دمع عينيہا،
واستبدلتہ بالگحل ثم بدأت يومہا.
لگل زوجة، لگل أم، لگل امرأة تصول في هذا العالم الرث، الملئ بالذكورية وتبتسم، وتوزع الفرح، خلال قيامہا برتق هذا العالم الممزق.
صباح الخير لـ( نون النسوة) التي شغلت حيزا من اللغة...
ل( تاء التأنيث) التي جعلوها ساگنة، وهي تعدل في ضجيجـہا كل (تاءات) الفاعل.
لگل امرأة كتبوا لها (أنتي) ووضعوا لها ياء تتكئ عليها، وردت عليہم (تكفينا الگسرة) (أنتِ) وما عرفت غير القامة المرفوعة.
صباح الخير لخديجاتنا وفواطمنا وعائشاتنا وگل من رفعن المجتمع على أكتافهن ولم يجنين سوى التعب صباح الخير جداً لكُن♥️
Читать полностью…
هترشات زولةة سودانيةة 👧💔
26 July 2026 22:32
لا تنسوها
تصبحوا علي خير وخواطركم مجبورة ♥️
Читать полностью…
هترشات زولةة سودانيةة 👧💔
26 July 2026 19:36
يخوانا أنا لسة صغيرة انو الخالتوهات يلوموني عشان ما عزيتهم ولا باركت ليهم والله صغيرة لسة🥲
Читать полностью…
هترشات زولةة سودانيةة 👧💔
26 July 2026 19:14
يقول أبن تيمية عن الأذكار..
هذه غدوتي ان تركتها سقطت قوتي
لاتنسوها♥️
Читать полностью…
هترشات زولةة سودانيةة 👧💔
26 July 2026 09:24
شخصان مليئان بالأضرار، يتركان العالم جانبًا، ويحاولان ترميم بعضهما البعض، بهدوء ورّقة. هذه هي فكرتي عن الحب🫀💛.!
Читать полностью…
7522