هترشات زولةة سودانيةة 👧💔

04 Jan 2025 21:47

فيما مضى كُنت أحاول أن أغير العالم، أما الآن وقد لامستني الحكمة، فلا أحاول أن أغير شيئاً سوى نفسي.

_جلال الدين الرومي

هترشات زولةة سودانيةة 👧💔

04 Jan 2025 19:01

لو كان سواطك نافعه كان هسي بتسوطي عجين الاابري مع نسيبتك🌚😹

هترشات زولةة سودانيةة 👧💔

04 Jan 2025 18:59

انا بعد اعطس
الناس: يرحمك الله
أمي: اها لقطتيها من منو؟... لقطتيها من منو النزلة الليلة ووووب سجمنا خلاص جبتيها لينا🌚😹

هترشات زولةة سودانيةة 👧💔

04 Jan 2025 18:06

انتو بس صفو نيتكم خيركم زاتو ما بلزمنا 🌚💛

هترشات زولةة سودانيةة 👧💔

04 Jan 2025 11:39

" فَاذْكُرُوا اللَّهَ قِيَامًا وَقُعُودًا وَعَلَى جُنُوبِكُمْ "

أسْتغفِرُ الله العظيم وأتوبُ إليه . . .
سبحانَ اللهِ وبحمدِه . . .
سبحان الله العظيم . . .
سُبحان الله . . .
الحمدُ لله . . .
لا إله إلَّا الله . . .
اللهُ أكبر . . .
لا حول ولا قوَّة إلَّا بالله . . .
لا إله إلا أنت سُبحانَك إنِّي كنت من الظالمين . . .
لا إلهَ إلاَّ اللَّه وحْدهُ لاَ شَرِيكَ لهُ، لَهُ المُلْكُ، ولَهُ الحمْدُ، وَهُو عَلَى كُلِّ شَيءٍ قَدِيرٌ . .💛🌼

هترشات زولةة سودانيةة 👧💔

04 Jan 2025 11:37

‏"يَا حَامِلَ الهَمِّ إنَّ الهَمَّ قَتَّالُ
الدَّارُ فَانِيَةٌ وَالرَّكبُ رَحَّالُ
غَدًا سَتَرحَلُ عَن دُنيَاكَ تَترُكُهَا
فَلَيسَ فِي القَبرِ لَا أهلٌ وَلَا مَالُ
فَوِّض أمُورَكَ لِلرَّحمَنِ فِي ثِقَةٍ
فَلَم تَخِب عِندَ رَبِّ العَرشِ آمَالُ."

هترشات زولةة سودانيةة 👧💔

04 Jan 2025 11:30

• عَلَىٰ المَرءِ أَن يَلُمَّ شَتَاتَهُ بِنَفسِهِ وَ يَقِف،
لَا الحَيَاةُ تَرحَمُ .
وَلَا السُّقُوطُ خَيَار .

هترشات زولةة سودانيةة 👧💔

04 Jan 2025 11:27

يا رب تسهل على الممتحنين 💛🤲

هترشات زولةة سودانيةة 👧💔

04 Jan 2025 11:26

يامسهل تسهل علينا 💛🤲

هترشات زولةة سودانيةة 👧💔

04 Jan 2025 11:10

وَمَن لَّمْ يَجْعَلِ اللَّهُ لَهُ نُورًا فَمَا لَهُ مِن نُّورٍ🩵.

هترشات زولةة سودانيةة 👧💔

04 Jan 2025 07:51

♡#فاطمة4 ♡
♡والاخيرة ♡
♡بقلمي: ناجده ناجي ♡

الصباح صحى عباس على السلامة صوت حاج الصافي وهو بصحي فيه. وكان جايب ليهم الشاي.

الصافي: اصبحت كيف يا ولدي؟

عباس: الحمدلله بخير

الصافي: طيب قوم تعال اشرب الشاي معاي وام العياال عملت ليك زلابيه حارة

عباس: دقيقه طيب اشوف الاولاد واجي

الصافي: هههههههه اولادك وزوجتك وديناهم البيت وزوجتك رفضت تصحيك لانه ظاهر عليك تعبان ونمت متاخر

عباس: كيف هي كويسه

الصافي: الحمدلله يا ولدي فيها العافية واتحركت من الحاجه هي والاولاد الصباح واسي هم هناك اشرب الشاي واوديك ليهم

عباس: الحمدلله. ما عارف اشكرك كيف

الصافي: عيب عليك يا ولدي عيب ما تقول كده. بس مالك زي المهموم كده الشاغل بالك شنو؟؟

عباس: بابكر للان ما ظهر لا هو ولا بتو ولا زوجتو وما عارف الحاصل عليهم شنو؟؟

الصافي: لا حول ولا قوة الا بالله.. امس في عوائل كتيرة جات في الميدان من قريتكم امكن يكونو هناك

عباس: بس بابكر هو الوصفك لي يعني لو جا مفروض يجيك انت اول

الصافي: فعلا يا ولدي كدي اسي اشرب الشاي وارح البيت غير هدومك دي ونطلع على الميدان نشوف ما معروف احتمال نشوفهم

عباس: طيب على بركه الله.

*فاطمة*

فاطمة مسكت يد امها وبقو ماشين على اتجاه قرية حاج الصافي بي نص الزراعة عشان ما يحسو بيهم ماشين في طريق المجهول وما عارفين حيعملو شنو بدون سندهم. الاتنين ماشات مع بعض وكل وحده في عالم تاني والدمعه ابت تجف من عينهم.... طول الطريق ما كان في لا عربية ولا حتى كارو عشان يركبو معاه واكتشفو انه ما هم الاتنين براهم بس كل القرية طالعه بنفس الانجاه اطمنوا شوية وبقو ماشين مع الناس لحدي ما الشمس شرقت دخلو القرية. استقبلوهم اهل القريه بالكراسي والسراير والمويةوالشاي... وكل اسرة متلميين مع بعض والدموع مالية عيونهم. الكسرة والخذلان والتهجير وماف في لسانهم غير حسبي الله ونعم الوكيل.
قعدت فاطمه وامها وبعد شربو الموية سالو من شيخ الحلة حاج الصافي وكان الرد انه بجي بعد شوية. اطمنوا وقعدو.. واثناء ما بشربو في الشاي.

فاطمة: يما شوفي داك مش عمي عباس الماشي جنب الراجل داك

رقيه: اي ياهو زاتو عمك عباس

وقبل تكمل كلامها هو اتلفت عليهم وشافهم وجا جاري عليهم بي لهفة وعيونو اتملت دموع. هو ماشي عليهم وعيونو بتفتش في صديق عمرو الاكتر من اخو

عباس: فطين السمحه ورقيه كيفكم وحمدلله على سلامتكم

فاطمة: عمي عبااااااس (وطوالي بكت)

عباس: ما تبكي يا المبروكه شده وبتزول باذن الله ونرجع لي بيوتنا... رقيه كيفنك

رقية: الحمدلله كويسه انا انت كيف ووين الاولاد وامهم

عباس: في بيت حاج الصافي هناك وانا جيت هنا افتشكم عشان اسوقكم بس ما شايف بابكر وينو مشى يجيب ليكم حاجه ولا شنو

( ده السؤال الما كانو الاتنين عايزين يسمعوه عشان الاتنين ما عندهم القدرة يجابو عليه سكتن الاتنين والدموع كانت هي الاجابة)

عباس خت يدينو في راسه وقعد في الارض ودموعو نزلت بدون ما يحس

عباس: لا حول ولاقوة الابالله. حسبي الله ونعم الوكيل فيهم حسبي الله ونعم الوكيييييييييييييييل.

" اااخ من وجعه الصاحب والرفيق.. اااخ من وجع الاخواان "

حاج الصافي سمع صوتو وجا عليه سلم على رقيه وفاطمه ومسك عباس من اكتافه وقومو.

الصافي: يا زول قول بسم الله واستغفر في شنو والحاصل شنو؟؟

عباس: دي رقيه زوجه بابكر ودي فاطمة بته ده حاج الصافي

رقيه: وعليكم السلام يا حاج

الصافي: مرحب بيك حبابك بتي. حمدلله على سلامتكم ووين بابكر ما شايفه

عباس: قتلوه يا عم الصافي قتلوه

الصافي: لا حول ولا قوه الا بالله انا لله وانا اليه راجعون ربنا يرحمه ويغفر ليه ويجعل مثواه الجنة.

رقية: اللهم امين ي رب

الصافي: يلا قومو ارحكم على البيت ارتاحو شوية وتاكلو ليكم لقمة

اتحركو كلهم على بيت حاج الصافي ورقيه لاقت النعمه وحولها احمد وزهور وفتحوه بيت عزاء وبعد سكتو لمن عرفو بي موت بابكر تاني بكو بي حرقة شديده..
بعدها رحلوهم البيت التاني استحمو واكلو لقمه وارتاحو من تعب المشي وطوالي رقيه اتحبست وعباس ما بجيهم داخل الا من الباب وبجي بليل بنوم معاهم. قعدوا يومين وحكو فيهم كل قصصهم وتعبهم بس يا فرحة ما تميتي وفي اليوم الثالث بليل سمعوا صوت الرصاص والضرب وجاهم عباس دق الباب فتح ليه احمد وكانت الصدمة.

عباس: كلم ناس امك وقول ليهم الدعامه خشو القرية اطلعوا ارحكم.

꧁النهاااااااااية꧂


ودي قصه امكن عاشها نص الشعب السوداني في فترة اقل من سنه.
اتهجرنا من بيوتنا.. فقدنا الاهل.. والاصحاب... وشفنا الويل
. كل انسان عاش الوجع بشكل مختلف وكلنا عشنا وجع البلد مع بعض... حسبنا الله ونعم الوكيل

ربنا يحفظ السودان واهله
#ربنا_يحفظ_انسان_الجزيرة
القصه قصيرة مستوحاة من اغنيه الجزيرة الفنانة #ايمان_الشريف
كل الحب والتقدير ليها

هترشات زولةة سودانيةة 👧💔

04 Jan 2025 07:51

♡#فاطمة3 ♡
♡بقلمي : ناجده ناجي ♡


نرجع ورا شوية لي عباس .

بعدما ودع بابكر وطلع على الخلا وهو ماشي سمع الصوت الما بغباه صوت ولدو وهو ببكى . جرى عليه بسرعه . لقى زوجتو الدم نازل منها وهي مغمى عليها . ولدو وصف ليه ورا كومه قش ووراه انه الدعا.مي ضرب امه في بطنها وبعد اغمي عليها ساق اخته ورا الكوم ده . عباس هدا ولدو واشر ليه انه يسكت . طلع سكي.نه ومشى براحه عشان ما يعمل صوت ولحسن الحظ جاء بي اتجاه ضهر الدعا.مي وكان بحاول يفك بنطلونو وكان جادع سلا.حه بعيد بس طوالي ولا كذب رفع عباس يدو وبي كل الحقد والغل الجواه نزلها في ضهرو خمسه مرات لحدي ما وقع فوق بت عباس .

طوالي عباس فك السكي.ن من ضهرو ودفرو بي رجله وخلاه سايح في د.مه لبس السلا.ح بتاع الد.عامي ورجع السكي.ن محلها وشال بته بعد ما فك ليها القطعه من فمها ونامت من الخوف . ختاها في الكارو وقال لي اخوها يحرسها .
رجع عباس لي زوجتو شاف نبضها ولقاه شغال بس ضعيف حتى النفس ضعيف والد.م هو عرف انه فقد طفله . طوالي رجع وطلع للد.عامي الميت هدومو كلها خلاه الا بالداخليه . نضف زوجتو من الد.م وشال الطفل الميت او هو لسه ما اكتمل تكوينو لفاه في جزو من الملابس وحفر حفرة ودفنو ونضف زوجتو وركبها في الكارو وبقى يجر فيهم جوه الزراعه والقش الكتير . وصل الترعة نزل شرب وشرب ولدو وغسل وشو وقعد يرتاح حبة حاول يشرب زوجتو بس ما كانت في وعيها وجسمها سخن شديد بي سبب الدم الفقدتو بتو صحت بس بقت ما بتتكلم من الصدمه اداها موية شربت ورجعت نامت .ولد عباس اسمه احمد وبتو اسمها زهور وزوجتو اسمها النعمة .
اتحركو قبل المغرب يخش عليهم خافو من الكلاب تهاجمهم ولسه عباس بجر في الكارو . لحدي ما شافو الانوار الامل رجع لي عباس والقوة رجعت جسمه وساق بي سرعه وولدو احمد ماشي جنبو عشان يخفف عليه ولمن حس انه ابوه تعب شال اختو في كتفو لانه هو اكبر منها وخفف الكارو على ابوه .

اول ما وصل بداية القريه الرجال كانو ماشين على الجامع لي صلاه العشاء . طوالي احمد جرا ليهم وهو شايل اختو .

احمد : يا جماعه الحقو ابوي تعبان شديد وامي حتموت الحقو ابوي

في اربعه رجال طوالي جرو علي عباس .

يا لطيف .. يا لطيف .. عباس وقع اتنين مسكوه واتنين جرو الكارو وصلوه عياده القرية وقعدو عباس طلعو صلو العشاء في الجامع ورجعو ليه ومعاهم باقي الرجال لقوهم كلهم راقدين والصاحي الا احمد . مسكو شيخ كبير كده هو شيخ الحله.

الشيخ : تعال يا ولدي اسمك منو ؟

احمد : اسمي احمد عباس ودي اختي زوهور ودي امي النعمه وابوي عباس

الشيخ : هههه اتشرفنا يا ولدي وانتو جايين من وين كده والحصل شنو

احمد حكى للشيخ كل القصه وما كان على الشيخ الا الحوقلة والحسبنه . رجع بيته وطلب من زوجتو تجهز عشاء وملابس نضيفه منهم ومن احفادها البكون قدر احمد وزهور ورجع بيهم العيادة لقى عباس صحى .

الشيخ : حمدلله على السلامة يا ولدي

عباس : الله يسلمك يا ابوي . دي قريه (.........)

الشيخ : وصلت تب يا ولدي ياها زاتها .

عباس : ممكن تدلني على حاج الصافي

الشيخ : هههههههه انا زاتي الصافي يا ولدي

عباس : الحمدلله وصاني ليك اخوي وصحبي بابكر من قرية (....)

الصافي : يا سلااااااام بابكر راجل ممتاز الله يديه العافيه اسي هو وين .

عباس : بعدما الدعا.مه بهدلونا طلب مني اسبقو غلى هنا وصف لي القريه دي وطلب مني اجيك انت شخصيا وسبحان الله ربنا جابك لحدي عندي

الصافي : ولدك حكى لي كل شي . وربنا يوصل بابكر بالسلامه . اها ام العيال والبت الصغيرة كيف

عباس : النعمه للان نايمه ركبو ليها درب قالو فاقدة لانها لمن اجهضت فقدت دم كتير محتاجه سوائل وامكن ما تصحى الا الصباح . اما زهور فللاسف بقت ما بتتكلم .

الصافي : كله ابتلاء يا ولدي اصبرو وحتنجبرو باذن الله. ده عشاء ودي هدوم نضيفه انا بيتي نهايه الشارع ده باب اخضر كبير . وصيت ليكم حاج الامين ينضفو ليكم الجزو الفاضي من بيتهم تقعدو فيه لمن يجي بابكر بكرة

عباس : م قصرت يا ابوي شكرا ليك بس اسمح لي الليله انوم هنا وبعد النعمه تتم العافيه اسوقها ونمشي البيت

الصافي : خير يا ولدي بس اتعشى انت وولدك والبنية بتكونو جعانين والغرفه دي فيها سراير نومو فيها وصباحات الله بي خيرها

عباس : شكرا ليك يا ابوي

الصافي : العفو يا ولدي

الصافي طلع وخلى عباس في همو وهم صحبو بابكر للان ما منه خبر هبش الاكل هبيش بس عشان اولادو ياكلو . خلصو ودخلهم حمام العياده هو ما حق استحمام بس كان لازم يستحمو حممهم ورقدهم في سرير جنب امهم ونامو من التعب الا عباس كان مهموم كيف بابكر وزوجتو وبتو والحصل عليهم شنو . طلعو ولا لسة ووين وصلو . طلع صلى العشاء وقام الليل وفضل يدعي لي صديقه بابكر واسرته . ونام في سجادته بدون ما يحس .

♤نرجع لي فاطمه ورقية ♤

هترشات زولةة سودانيةة 👧💔

04 Jan 2025 07:51

♡#فاطمة2♡

♡بقلمي: ناجده ناجي♡

فجاءة باب الشارع خبط ودخلت عربية تاتشر وفيها 3 منهم لافين الكدمول ، وقفو العربية تحت شجرتهم ونزلو دخلو طوالي الصالة

رقية : اجري يا فاطمة خشي الغرف

بس للاسف الدعا.مي شافها ووقفها.

دعم1: اقيفي والا فضيت فيك السلاح ده

وقتها فاطمة وقفت وكانت مدياه ضهرها ، فطلب من امها تقعد في السرير وطلب من فاطمة تقعد جنب امها وكانت مغطية وشها بي يديها وهي بتبكي .

دعم 1 بي نهرة : زحي يدك من وشك سرعة

فاطمة وهي بترجف نزلت يدها ، طوالي بحلق عيونو ، في نفس اللحظة دخل واحد من الاتنين البره ونده على اخوه

دعم 2: تعال اااااولضمي شيف القمر ده
دعم 3 : قمر ومعاه نجم ، ااا ولضمي انا لي القمر
دعم 1 والواضح انه اعلى منهم : اسكتو انتو الاتنين واطلعو بره
دعم 2 : بس يا رئيس
دعم 1: قلت ليكم بره

طلعو الاتنين وفضل واحد قاعد قصادهم .
رقية كانت بتبكي وبترجف : انت عايز مننا شنو ؟
دعم : انا بوعدك انه الاتنين البره ديل ما يلمسوك لا انتي ولا بتك العسل دي ( خت السلاح تحت حنك فاطمة ورفع وشها لي فوق ) بس بي شرط .

رقية : لو قروش شيلها في الغرفة جوة ولو دهب نحن يا اخوي ما عندنا دهب حتى دبلة شوف ما لابسة بس عليك الله خلينا انا وبتي والدايرو شيلو قروش ان شاءالله العفش زاتو شيلو بس عليك الله خلينا انا وبتي

ضحك بي صوت عالي لمن رجع لي ورا . عدل قعدتو وقرب منهم انا عايز البت دي

رقية : كيف يعني

دعم : عديل كده عايزها ، يا تديني ليها بي رضاك يا بقتلك واسوقها

فاطمة : امي لا عليك الله ما تسالها

في اللحظة دي جات في راس رقية فكرة ، رغم انها كانت خايفة شديد وخاصة انه بابكر ماف وكل دقيقه تعاين للباب عسى ولعل يجي داخل هو او واحد من اهلهم ينقذهم بس للاسف الكل كان مشغول في نفسه وعرضه .
رقيه استجمعت قوتها وشالت نفسها واتكلمت معاه بي كل ثقة .

رقية : اسمع يا ولدي دايرة اقول ليك كلام

دعم 1 : ( رد ليها وهو عيونو ما نزلت من فاطمه ) احكي واختصري ما عندي زمن

رقية : انت داير بتي فاطمة صح

دعم 1: وكمان اسمها فاطمة . حباب فاطمة وحباب ام قرون اي عايزة حسنه قوة باخدها لو اقتل فيها ناس القرية ديل جت

رقية : لالا يا ولدي كيفن تقتل ناسها واهلها فاطمه بتي الوحيده وتعبت فيها شديد وزي ما شايف ما لينا غير بعض وابوها راجل كبير وانت ظاهر عليك ود ناس ، انا فاطمه بتي بديك ليها بس بي شرط

دعم 1: اي مبلغ دايراه بديك ليه

رقية : تجي بكرة وتجيب معاك مأذون الحلة وتعقد عليها عديل بتي ما برضى ليها تعيش بالحرام وانا راضية بيك تبقى راجل بتي بس كله بالاصول فاطمه بت رجال

دعم 1 : فطين م شبه الحرام تمام بس لي بكره اسي اجيب المأذون وصفي لي بيته

رقية : عاد كيفن تعقد عليها بدون ولي ، ابوها في الخلا بجي المساء اكلمه وارسيه واعقله وتجي بكره بي المأذون وحلال عليك فاطمة وزاتو يوم ما بكفي نجهزها ليك بس م مشكلة

الدعا*مي لانه مغيب صدق كلامها واعجابة لي فاطمه خلاه يوافق بدون ما يحسبها صاح طلع ربطه قروش كلها فئة الالف جنيه واداها لي رقية وقاليها جهزي فاطمة وطلعو بي عربيتهم . مشى رقم 1 هو ورقم 2 وخلو رقم 3 يحرس الباب عشان غيرهم ما يخش لحدي ما بكرة يجيب المأذون ويجي ،

بابكر وعباس كانو جاريين على الحله وسامعين صوت الرصاص وضرب ممزوج بي صراخ وعويل النسوان الاتحرق حشاهن بي سبب كلاب ما بتعرف الرحمة .
اخيرا وصلو الحلة وكل واحد مشى بي اتجاه بيتهم ، عباس وصل بيته ولقى زوجتو الحامل قاعده تحت السرير وضامها اطفالها تندها بت وولد .
دخل عليهم وضماهم وطمنهم طوالي طلعهم بي سرعه قبل الدعامه يصلوهم ، عباس بيته كان ضمن البيوت الفي نهاية القرية القريبه من الخلا بس بابكر بيته كان في النص . عباس ركب زوجتو في ال (كارو) ومعاها الاطفال وهو بقى سايقهم لانه الحمار خاف من اصوات الضرب والرصاص والدانات قطع الحبل وهرب .
بعد تعب قدر وصل بيهم مكان قش كتير طلب منهم يقعدو لحدي ما يشوف بابكر حصل فيه شنو .

اول ما قرب على بيت بابكر في زول مسكو وجراه على جنبه في زقاق ضيق

عباس : منو انت يا زول وداير مني شنو
......... : هششششش انا بابكر باب بيتي فيه واحد من الحيوانات ديل . كيف عيالك وامهم
عباس : وديتهم الخلا ورا القش
بابكر : ارجع ليهم مرتك تقيلة والشفع في يدها وطوالي اطلع بيهم على قرية (........) وااسال من بيت حاج الصافي واحكي ليه بالحصل وانا بخش بي باب الزريبه بجيب رقية وفاطمه وبلحقك هناك
عباس : بس لكن ...............
بابكر : ما بس يا عباس امشي ولو لينا عمر بنتلاقى والحي بلاقي

عباس ضم بابكر وبكى معاه واتعافو وكل واحد ادى ضهرو للتاني . عباس ما كان راضي يفارق صديق عمرو بس الظروف حكمتو مسح دموعو وبقى يخش من زريبه لي زريبة عشان ما يشوفوه لحدي ما وصل بس كانت الصدمة لمن وصل عند زوجتو .

هترشات زولةة سودانيةة 👧💔

04 Jan 2025 07:51

♡#فاطمة1 ♡
♡بقلمي: ناجده ناجي♡

في واحدة من قرى الجزيرة الجميلة، وبالاخص في واحد من بيوتها الكبيرة المليانة بالحنية وبالطيبه، بيت من البيوت اللمن تشوفها من اول مرة او تخشها بتحس بي راحه وطاقة ايجابيه بشاشة اهل البيت والبساطة.
غرفتين وصالة، ومطبخ بالجنبة وقدامه راكوبة، حوش كبييييير واخرو زريبة مسورة قش، قدام الراكوبة شجرة كبييييرة ضلها وارف وتحتها زيرين.

*صباح اليوم*

الجو كان حلو وبارد صحت رقية وزوجها بابكر بعد صلو الصبح، ولعت كانونها تحت الشجرة وهبت النار وختت (كفتيرة) الشاي.
اما بابكر فكان راقد في السرير وفتح الرادي وكانت الاخبار الما مطمنة، الجنجويد استلمو الخرطوم وبدو يتوسعو في كل البلاد وانتشروا زي الوباء لمن يخش الجسم.

بابكر: والله يا رقية ما عارفين الحصل شنو من رمضان البلد دي تاني ما هدت، وشوفي كمان قالو اتوسعوا الله يسترنا

رقية: ان شاءالله ما يجونا، والله ما عارفين لو وصلونا نقبل على وين، هنا كل اهلنا وناسنا، ربنا يبعدهم عننا

بابكر: كلام الاخبار ما مطمن قالو بدو يخشو على الجزيرة

رقية ردت وهي بتولع في صاجها عشان تعنل فطيرة يشربو بيها الشاي: بري بري الله بينا وبينهم، ربنا يحفظنا منهم، هدي شوف فطومة صحت ما تقول الكلام ده قدام البت قلبها رهيف انت عارف

بابكر: ههههههههه عارفها بتي خوافة زي امها

واول ما رقيه عايزة ترد جات فاطمه صبحت عليهم ودخلت المطبخ شالت الحلة ومشت على الزريبة تحلب البقرة، بابكر قفل الرادي الما جاب ليه غير الهم من الصباح وكمية تساؤلات في راسه،
لو المتمردين دخلو هنا حيعمل شنو؟ وين حيمشي بي مرتو وبتو وحيدتو .

في اثناء تفكيرو جات فاطمه وشايلة اللبن نزلت ال(كفتيرة) وختت الحلة عشان تسخنو.

بابكر: فاطمة السمحة، عليك الله يا بتي شيلي الكوز ده وجيبي لي موية باااااردة من الزير ده

فاطمة: حاضر يابا

بابكر: اسرعي يا رقية خلي النلحق الزراعة دي، والسنة ما شاءالله الزراعة مبشرة، بس يا رباً تجيبو خريف غزير والارض دي تروى.

رقية: ان شاءالله يا رب

بابكر: ليك علي لو السنة الزراعة دي مشت زي ما انا عايز اجيب ليك خاتم دهب

جات فاطمه وشايلة كوز الموية: انا دايرة تلفون يابا

بابكر: واحلى تلفون لي فاطمة السمحة

خلصت رقية الفطيرة وفاطمة الشاي وقعدو الثلاثة تحت الشجرة وعلى صوت الديك، وشعاع الشمس اليدوبو طالع، ونسايم الصباح الباردة وكل واحد فيهم شايل احلام جواه.
بس مشكلتهم الوحيدة انه احلامهم جات في زمن اتفشى فيه التمرد زي السرطان في الجسم. قت٠ل واغت. صاب ن.هب وسر•قة، وجرائ•م ابشع من انه يتخيلها عقل انسان.

طلع بابكر على الخلاء وبداء شغله في حواشتو هو وصديقه عباس مشتركين في الحواشة . { الحواشة هي ارض محدودة المساحة بتتم فيها الزراعة زي القطن والعيش والذرة وزهرة عباد الشمس وغيرها من المحاصيل } .

بابكر وعباس وقفو شغل وقعدو تحت الشجرة طلعو فطورهم وولعو نارهم عشان يعملو الشاي . وفي اثناء ما هم بياكلو .

عباس : الاخبار ما مطمنة يا بابكر يا اخوي الدعا.مة ديل انتشروا ووصلو قرى الجزيرة العندها حدود مع الخرطوم وقالو وجهتهم مدني ،

بابكر : الله يستر علينا وعلى ولايانا وربنا يحفظنا

عباس : ما عارف نمشي وين من قمنا .قمنا هنا في الحلة دي ما بنعرف زول بره منها ومعاي اطفال وزوجتي حامل .

بابكر : ما تشيل هم يا اخوي ربنا موجود وان شاءالله ما يصلونا ربك كريم اتوكل على الله . كمل كمل اكل الضهر قرب يأذن .

الاتنين كانو بياكلو وماف واحد فيهم قادر يستسيق اللقمة بس بياكلو عشان يقدرو يقيفو . الهم شيب بيهم ، كيف بعد العمر ده كله يتشلهتو كده ، شايلين هم المجهول وناسين انه ربنا قادر على كل شي وماف زول بياخد اكتر من نصيبه لو فرح او حزن .

البيت

فاطمة بعد ابوها طلع مسكت خرطوش الموية رشت الحوش وخلتو يجف حبة ومسكت المقشاشة وبدت تقش فيه ، اما رقية فكانت جوة نزلت الصاج بعد عاست الكسرة وختت الحلة عشان تعمل الملاح . خلصت وقعدت مع بتها بياكلو .

فاطمه : يما صحي الكلام البتقال في الحلة ده

رقية : شنو ؟،

فاطمة : الدعا.مة الفي الخرطوم جو الجزيرة هنا

رقية : سمعتي وين ؟

فاطمة : قبيل لمن كنت في محل عم الطاهر بشتري الخدار الناس كلها بتتكلم

رقية : فاطمة يا بتي . انتي بت كبيرة وواعية ولازم ما تخافي هم ناس زينا كده ولازم ما نتكلم معاهم ولا نعاين ليهم . وان شاءالله ما يصلونا يا بتي وربنا يحفظنا

فاطمة : ان شاءالله

سكتت فاطمة بس رقية سرحت في بتها وبقت تدعي انه ربنا يبعد عنهم البلاء ده ويحفظها هي وبتها .

بعد اسبوع كانو المليشيا*ت، انتشرت بي شكل كبير في اراضي الجزيرة واستلمو منها كم قرية . قتلو رجالها واستباحو نساءها هتكو عرض الاشراف . اتعاملو بي كل وحشية وحيوانية ، هم حيوانات على شكل بشر جارين ورا اطماعهم وشهواتهم ما اكتر تحت شعار الديمقراطية الهم حتى ما عارفين معنى الكلمة .

الدعا.مة استلمو مدني

هترشات زولةة سودانيةة 👧💔

03 Jan 2025 21:31

يقيناً كُلّه خَير 🫂💛💛💛💛💛.!

هترشات زولةة سودانيةة 👧💔

04 Jan 2025 21:47

‏هتعرف حكمته .. لما المشهد يكمل !
‏خليك واثق في تدبير ربنا ليك ♥️

هترشات زولةة سودانيةة 👧💔

04 Jan 2025 18:59

من علامات الزعل عندنا نحنا البنات كل كلامنا بتحول لي طيب تمام امممم 🌚😹

هترشات زولةة سودانيةة 👧💔

04 Jan 2025 18:57

انا واحده من الناس اجتماعية واي حاجة لكن بحب اقعد براي 🌚😹

هترشات زولةة سودانيةة 👧💔

04 Jan 2025 14:19

‏اللهُم سخر لي الأرض ومن عليها والسماء ومن فيها وعبادك الصالحين وكل من وليتهُ أمري، وارزقني من حظوظ الدنيا أجملها.
‏اللهم بارك لي في وقتي ورزقي وجهدي وجسدي ومالي وعملي وارزقني البركة في كل شيء.
اللهمُ اجعلني مباركًا أينما كُنت.

هترشات زولةة سودانيةة 👧💔

04 Jan 2025 11:38

نحن تحتَ رعاية الله في كلّ ظرف،
وهذا أمرٌ مطمئِنٌ جداً ..

هترشات زولةة سودانيةة 👧💔

04 Jan 2025 11:35

إحَنا نستاهل ننّشاف أشخاص عظَيمين
حَتّى لو كنّا أكثَر ناس باهتّين .💛🌼

هترشات زولةة سودانيةة 👧💔

04 Jan 2025 11:27

كن لنفسك كل شئ 💛🔥

هترشات زولةة سودانيةة 👧💔

04 Jan 2025 11:26

رب أدخلني مدخل صدق وأخرجني مخرج صدق، واجعل لي من لدنك سلطانًا نصيرًا، رب اشرح لي صدري ويسر لي أمري واحلل عقدة من لساني يفقهوا قولي، بسم الله الفتاح، اللهم لا سهل إلا ما جعلته سهلًا وأنت تجعل الصعب إذا شئت سهلًا يا أرحم الراحمين، اللهم افتح عليَّ فتوح عبادك العارفين، اللهم انقلني من حولي وقوتي وحفظي إلى حولك وقوتك وحفظك، اللهم اجعل لي من لدنك سلطانًا نصيرًا وانت على كل شئ قدير

دعاء للناس اللي عندهم امتحانات ❤️

هترشات زولةة سودانيةة 👧💔

04 Jan 2025 11:24

يسلاام 😭
ربنا يوعدنا دعواتك 🥺🤲🤲🫂

هترشات زولةة سودانيةة 👧💔

04 Jan 2025 07:51

ربنا يرفع عننا البلاء نسأل الله الرحمة لشهداء الوطن..
26/10/2024
2/1/2025
كامل الحب والتقدير ليكم نفر نفر
#ناجده_ناجي
#انثى_مجنو_نة

هترشات زولةة سودانيةة 👧💔

04 Jan 2025 07:51

بعد حرقه القلب والوجعه وهم بشوفو ابوهم وراجلهم وسندهم مرمي في الارض ميت وكان راسه على اتجاهم كأنه بودع فيهم وبقول ليهم امشوا اتحركو من هنا .
فاطمه كانت عايزة تمشي لو ما امها وقفتها واشرت ليها بي يدها على فمها انها تسكت . مع حركه فاطمه القش عمل صوت . والقائد سمعو . طلب من القتل بابكر انه يمشي براحه يشوف . اول ما رقيه شافتو جاي عليهم مسكت فاطمه وجرو بي اقصى سرعة ليهم . واول ما سمع الصوت بقى بضرب رصا.ص بي صورة عشوائية وبي قدرة ربنا قدرو يطلعو من الحواشه والضلام حتى نسو الخوف .
لمن رقيه حست انه الوضع بقى شويه أمِن قعدت في الارض وضمت بتها فاطمة.
بكت كتيييييير وبكت بي حرقة . بكت بابكر حب عمرها وزوجها وسندها .بكت السند الما قدرت تودعو. بكت ركازة البيت المات قدامها وما لحقت تاخد عزاه وتدفنو. بكت بيتها وجيرانها واهلها . بكت الايام الهادئة الكانو عايشنها . بكت احلامها هي وبابكر . بكت بكت نفسها وبكت بتها . بكت المجهول الماشة عليه .

هي وفاطمه اخدو بكيتهم وقعدو شويه استغفروا ودعو لي بابكر ربنا يرحمه .

فاطمه : حنمشي وين يما ؟

رقية : ابوك الله يرحمه كان وراني انه حنمشي قرية (......) بالشارع ده والمفروض نلاقي عباس هناك .

فاطمه : بس اسي ضلام ونحن جوه الزراعه تقوم تطلعلنا مصيبه زمان

رقية : ربنا معانا وحافظنا يا بتي . امسكي العكاز ده وانا بشيل ده لو لاقتنا اي حاجه نضربها . ما لينا غير بعض يا بتي . ولازم ما نقعد هنا كتير لانو الحيوانات ديلك بكونو بفتشو فينا .

فاطمه: طيب يما ارح .

رقية : بسم الله اتوكلنا عليك يا الله .

واتحركن الاتنين وهن مكسورات . مجروحات على الحال الوصلوه ده . وقفو لحظه وعاينو لقو الافق لونو احمر . دي قريتهم حرقوها وحرقو قلوبهم . استباحوها وقتل.و ناسها ، سر.قوها وا.غتصبو بناتها . طر.دوهم وقت.لو رجالها .
نزلت من رقية دمعه حارة . بس حست بي يد بتها مسكتها . عاينت فيها مسافة .
هي لازم تكون قوية عشانها . عشان بتها الوحيده وفيها ريحه المرحوم مسحت دمعتها وضغطت على يد بتها واتحركوا.


يتبع ................

هترشات زولةة سودانيةة 👧💔

04 Jan 2025 07:51

بابكر بعد ودع عباس ما كان مرتاح بس ربط على قلبو ، ومشى يي اتجاه باب الزريبة الفي الشارع فتحو براحة ودخل لقى الحوش فاضي بقى ينادي على رقية وفاطمه بي صوت واطي لحدي وصل البرندة ، لقاهم الاتنين حاضنات بعض ويبكن كملن البكاء . طوالي جرى عليهن وضماهن طمنهن انه ماف شي .
بعد راقو شوية حكت رقية لي بابكر كل شي وطلعت القروش الاداها ليها الدعا.مي .

بابكر : امسكي القروش دي والدنيا ماشة على ليل والكهرباء هدي قطعت حنطلع بليل بي باب الزريبة بدون زول يحس بينا وحنلحق عباس في قرية (........) عند حاج الصافي . ما دايركم تشيلو حاجات كتيرة لانو المشي بالرجلين وحنخش بالخلا عشان القش كتير والزول جوه ما بتشاف .بس شيل الحاجات المهم سرعة يلا .

قامت رقية وسانداها بتها فاطمه بس دخلو الاوراق الثبوتية وشوية ملابس اول ما المغرب اذن فاطمه وامها كانو جهزو كل شي ولسه رقم 3 واقف جنب الباب .وقفو الثلاثة وصلو المغرب جماعه اول ما سلمو الباب دق .

رقية طلبت من بابكر يخش جوة الغرفه عشان يقولو لسه ما جا بس بابكر رفض وقال ليها انا ما بتدسها زي الحريم جوة الغرف . رقية ردت ليه : عشان خاطر حمايتنا حاشاك انت راجل وسيد الرجال .
حاولت تقنعو بس رفض . والباب قرب يتكسر . في الاخر رقية استسلمت وفتح الباب بابكر .

بابكر : حباب الضيف

دعم 4 : دي مواد رسلها ليكم الضابط سامي تجهزو بيها وجيه فطور للعقد بكرة لانو عازم الجنود الهنا كلهم

بابكر : جدا دخلهم ختهم في الحوش

خت كل المواد تحت الشجرة وطلع . وقف بابكر وهو بعاين للشجرة . ورجعت ليه الذكريات من اتزوج رقية وجابها عروس والشجرة كانت شابة زيهم كبرو وهي بتكبر معاهم . لحدي جابو فاطمه وملت عليهم البيت . وكل لعبها تحت الشجرة جرت الذكريات في راسه لحدي صباح اليوم كيف كانو بشربو في الشاي تحتها ومليانين تفاؤل واحلام ومبسوطين نزلت منه دمعه واااااااخ من قهر ووجعه الرجال .
قطع حبل الذكريات رقية وهي بتخت يدها على كتفه .

رقية : ما تشيل هم طول ما نحن مع بعض ما بتجينا عوجه وطول ما انت معانا ماف شي بكسرنا

بابكر : الحيوانات قتل.و الصادق سيد الدكان وجابو بضاعتو يعقدو بيها علي بتي

رقيه : حاشاها فاطمه بت بابكر ندوها للكلاب ديل

بابكر : لازم نتحرك .ما عندنا قعاد تاني هنا . مهما حصل ومهما كان . رقيه ما اوصيك على بتنا لو حصل لي اي شي احميها واطلعي بيها باي طريقه بتي ما تديها ليهم يا رقية وانا بحميكم لحدي اخر نفس بس انتي اوعى تقصري منها واوعا تستسلمي دي فاطمه السمحه يا رقية بتنا الوحيده . حسبنا الله ونعم الوكيل حسبنا الله ونعم الوكيل

فاطمه سمعت كلام ابوها وبكت بي طول حسها

رقية : ما تقول كده يا بايكر انت ياكا عكازنا وركيزتنا انت حيطتنا بلاك نحن بننتهي

بابكر : رقية ديل ما بشر دايرك زول قويه سامعاني الوضع ما مطمن والزول م عارف ممكن يحصل شنو

رقية : ان شاءالله ربنا يحفظك ويحقظنا

قشت دموعها ودخلت طمنت فاطمه . وبقو قاعدين منتظرين الليل . وفعلا بعد الضلام غطى كل القرية وبعد انقطاع الكهرباء وفي ليله غاب منها القمر طلعو بابكر ورقية وفاطمه في نصهم . فتحو باب الزريبة للاسف الحيوانات افتكرتهم حرامي وهاجت جوة الزريبه . الحارس الواقف انتبه للحركه الغريبة وطوالي اتصل على الضابط المفروض يكون العريس وللاسف كان بيعمل في اكتر فعل بيخجل منه الصغير قبل الكبير بيقطع قلب اب علي بنته قدامه والاب عاجز ما قادر يصلها او يساعدها . افعال ما شبهنا ولا بتمسنا افعال شهوانيه حيوانيه بحت . اول ما جاهو التلفون وقف على حيلو رد وسمع الكلام هاج وماج لبس هدومو وطلب من المعاه يقت.لو البت في مكانها وطلب من الماسك ابوها يفكو وطلعو الاتنين والثالث بي كل دم بارد ضرب البت رصا.صة في راسها وهي في حضن ابوهاتا .
امتزج صوتها مع صوت صرخه اب موجوع مقهور راجل كسرو عينو واستباحو عرضو . اااااخ من دمعتك واااخ من وجعتك . وانت ماسك بتك فارقت الحياه مظلومة مقت.ولة ومغت.صبة .

عند بابكر اول ما عرف انه الحارس الباب حسى بيهم وصف لي رقية الشارع وقاليها اجرو وانا بامن ضهركم وبلحقكم رقيه وفاطمه بكو وحضنو بابكر ولو ما سمعو صوت الدعا.مي وهو بكورك حتى فكوه وجرو في الضلام ودخلو القش الفي الخلا . وقفن الاتنين من جوة القش وكانو شايفين الدعا.مي بتكلم مع بابكر . وطوالي طلع السلا.ح وضربو رصا.صة في راسه .
وقع بابكر مي.ت ووقع معاه قلب فاطمه وكتف رقية . والصرخه مكتومه جواهن . واااخ من فقد الاب السند عامود البيت . تفقدو قدامك وم تقدر تودعو . يقع قدامك وما تلحق تسندو زي ما كان بسندك . يمو.ت وما تبكيه . محروم من انك تعافيه وتمسح جبهتو . تشوفو لاخر مرة وتمسك مصحف في غسيله . محروم تكفنو وتشيل عنقريبو . محروم من تشييعه وتمشي جنازتو . محروم من انك تنزله قبرو وهو الزمان بشيلك ويلعبك . محروم من انك تخته في قبرو وتدفنو وتشيل الفاتحه . محروم حتى من عزاه .



يتبع..................

هترشات زولةة سودانيةة 👧💔

04 Jan 2025 07:51

الجيش استلم مدني وحررها والناس احتفلت والفرحة كانت كبيرة

كانت لعبة ومدني سلموها والجيش انسحب والدعم استلمها

دي الاخبار الكانت ماليه السوشيال ميديا ، ومحركات البحث ، فيديوهات حايمة للملعونين وهم بتصورو في كل مكان في مدني وبتبجحو بي كل عين قوية ، صدمة كبيرة للشعب السوداني وصدمة اكبر لي سكان مدني ، كل الناس طلعت خوفا من هتك الاعراض ، من لمس الشرف ، من الذلة وكسرة النفس ، .

نرجع لي قريتنا .

بعد 4 يوم من سقوط مدني كل القرية بقت في حاله استعداد لاي امر طارئ ، والكل كان خايف ومتوتر . عدى اسبوع وماف اي شي حصل والحياة رجعت شبه طبيعية .

الصباح

بابكر : اليوم احتمال اتاخر في الخلاء شوية خلو بالكم من نفسكم وما اوصيك يا رقية

رقية : ان شاء الله انت بس خلي بالك من نفسك وان شاءالله ما بتجينا عوجه

طلعت فاطمة وضمت ابوها شديد ، وهو ودعها وطلع على الخلاء .
رقية ضمت فاطمة وطبطبت عليها وكل واحده على شغلتها .
بابكر طلع والمرة دي كان قلبو مقبوض شديد وما عارف ماله بس بقى يستغفر . وكم مرة غلبو الشغل ، عباس اقترح عليه انه يرجع بس هو رفض .
فاطمة وامها كانو بصلو في الضهر مع التسليم سمعو صوت كواريك وضرب رصاص ، صوت عربات ، واصوات تانية اول مرة يسمعوها ، فاطمة حضنت امها وبقت تبكي ، دقايق والكهرباء قطعت ، فجاءة االاصوات وقفت بس لسة صوت العربات وهي داخلة كان كبير شديد ، قاعدات في مصلايتهن ويبكن ويدعن انه ربنا يعديها على خير .

فجاءة باب الشارع خبط ودخلت عربية تاتشر وفيها 3 منهم لافين الكدمول ، وقفو العربية تحت شجرتهم ونزلو دخلو طوالي الصالة

رقية : اجري يا فاطمة خشي الغرف

بس للاسف الدعا.مي شافها ووقفها

دعم1: اقيفي والا فضيت فيك السلاح ده


الخلا

عباس وبابكر صلو الضهر وقالو يشربو ليهم قهوة ويقومو يكملو باقي شغلهم ، سمعو صوت الرصاص والدانات وصوت الكواريك الاتنين رمو كبابي القهوة من يدينهم ووقفو . في نفس اللحظة وصلهم واحد من شفع الحلة وهو بكورك ، قبضو بابكر

بابكر : في شنو يا ولد
الشافع : الدعامة دخلو الحلة وقتلو الناس وساقو البنات

مع الجملة الاخيرة دي بابكر ما فكر في زول غير فاطمة ، بدون ما يغير ملابسه جرا وعباس حرا وراهو


يتبع..........

هترشات زولةة سودانيةة 👧💔

03 Jan 2025 23:13

‏تَعدل ثُلث القُرآن:
بسم الله الرحمن الرحيم
﴿قُلْ هُوَ اللَّهُ أَحَدٌ ، اللَّهُ الصَّمَدُ ،لَمْ يَلِدْ وَلَمْ يُولَدْ ، وَلَمْ يَكُنْ لَهُ كُفُوًا أَحَدٌ ﴾ .

هترشات زولةة سودانيةة 👧💔

03 Jan 2025 21:23

بعد ٥ سنين حرمان الحمممممممد لله اخيرا في بيت الله الحرام ربنا يوعدكم 🫂💛💛💛💛💛💛💛💛💛💛💛💛💛💛💛💛💛💛💛💛💛.!