Telegram-канал htrshaat - هترشات زولةة سودانيةة 👧💔: Unsorted

هترشات زولةة سودانيةة 👧💔

14 July 2026 20:46

- السيدة عائشة بتحكي انو في ليله من الليالي النبي كان معاها ، وبعد ما حس انها دخلت في النوم اتسحب من جمبها وقام لبس وطلع ، فهي حست بيه وصحت.. استنته لحد ماطلع من البيت، واول حاجة جات في بالها انه خلاها ومشا لواحده من زوجاته، بعد ما طلع قامت لبست عبايتها وطلعت وراه، بقت ماشه وراهو من غير ما يحس بيها لحد ما وصل للبقيع، والبقيع ما بعيد من بيت السيدة عائشة يعني 50 متر مثلا، المهم بدأ سيدنا النبي يدعي ويستغفر وهي واقفه مستنياهو خايفه يخلص ويمشي برضو لواحدة من زوجاته غيرها، واول ما خلص لف عشان يرجع فرجعت هي كمان وبدت تمشي بسرعة عشان مايلحقا، ف لمح خيال قدامو المهم سرع من خطواته، فسرعت هي كمان ..
فبدأ يجري وهي تجري عشان توصل قبله ودخلت البيت ونامت في سريرها وكانو ما حصل حاجة. ؟؟
- واول ما سيدنا النبي وصل البيت نادى عليها يا عائشة، ماردت عليهو ما هي نايمه الله!! ، نادى عليها تاني برضو مافي رد منها بس كان في حاجة غريبة !
انها نايمة وبتتنفس شديد من اثر الجري والمجهود، فختا النبي يدو في بطنها وصدرها و سألها انتي نفسك قايم كده ليه ؟!
قالتليهو لا شئ.
- قال ليها لتخبريني او ليخبرني العزيز الحكيم.قالت ليه انو شفتك طالع فمشيت وراك عشان خفت تخليني وتمشي لواحدة تانيه .. عاينو النبي احترم مشاعرها وقدر غيرتها وحبها ليه كيف، ولا اتعصب عليها ولا كورك فيها ولا طلع وخلا ليها البيت..
قال ليها انتي بتشكي فيني ، سيدنا النبي قام خبطها في كتفها كده بهظار وقال .. أخشيتي ان اظلمك !
وبدأ يشرح ليها هو عمل كده ليه .. ما خلاها ونام ! وكان الموضوع ان جبريل أتاه وقال ليهو انو يخرج لاصحاب البقيع يدعي ليهم وسيدنا جبريل رفض يدخل عليهو البيت لانها نايمه، ف النبي أجابه بصوت منخفض وخرج بهدوء عشان مايقلقها في نومها .. معامله النبي لزوجاته واحترام مشاعرهم وتقدير زعلهم وغيرتهم حاجه ف منتهي الجمال والله
اللهم صل وسلم وبارك على نبينا محمد